تحميل رواية جمعتنا فرصة عمل بقلم تقي محمد pdf

فتحتها لقيت ورود كتير وفي ظرف في النص عايزه ارفعو كدا تلفوني إتصل لقيت دي زهره رديت عليها قالت لي اسمعيني جاين عليك اعملي لينا قهوه عندنا موضوع عايزين نتكلم فيهو قلت ليها الانسان الطبيعي بقول صباح الخير كيف اصبحتو لكن غايتو عندي صحبات إستغفر الله قالت لي ما تكتري ما عندي رصيد لمن نتلاقى قفلت منها وقفلت الصندوق في محلو ومشيت عملت القهوه قبل تفور زاتو جو كبيتا في الصباره ورسلت مزن تمشي تجيب لي شبسي وتسالي من الدكان جرت جابتهم لي وجات كبيتهم في الصحاني وشلت الصينيه ومشيت الغرفه قلت ليهم خير الموضوع الطارئ شنو ريم قالت لي مافي شي بس جينا نتم باقي ونستنا معاك🙂 بي سبب عقد زهره ما إتونسنا سمح زهره قالت لي إنتي يا ملاذ مافي تطور في حياتك كدا ولا كدا قلت ليها تطور كيف يعني قالت لي في السعوديه ما إتعرفتي على ناس جداد قلت ليها دا سؤال شنو اكيد إتعرفتا ريم قالت لي طيب عرفينا🐸 قلت ليها اول حاجه إتعرفتا على رائد نائب المدير زول راقي كدا وحباب وتاني إتعرفتا على سحر دي ممرضه معانا وإتعرفتا على المدير الطبي دكتور إيهاب لمن قلت كدا الاتنين قالن لي قابلتيهو؟ قلت ليهم منو هو ؟ ريم قالت لي المدير الطبي عشان سمعنا إنو المدراء هناك مفترين عاينت ليهم بي إستغراب كدا كلام ريم ما وقع لي بس مشيتا قلت ليها اي هو زاتو مفتري ساعات مسكين وساعات شرير يعني شخصيه كدا ما تفهموها زهره قالت لي شوقتيني اشوفو ريم قالت لي المهم مالك ضعفتي كدا تعالوا نجيب خلطات عشان بعدين في عرس زهره نطلع نجفات قلت لي زهره إنتي حددوا العرس متين حقك؟ قالت لي بعد شهر قلت ليها ليه ياخ بعد شهر إحتمال ما احضرو قالت لي يابت في بداية الشهر الجاي يوم إتنين اكيد ح تحضري ولو ما حضرتي ح ازعل منك عديل كدا قلت ليها إن شاء الله المهم بقينا نتكلم ح نعمل شنو للعرس وريم فتحت تلفونا وبقت تورينا في فساتين المهم إتفقنا ح نلبس فساتين بيجيه ...طلعن مني بعد آزان العصر رجعت دخلت غرفتي فتحت تلفوني إتزكرتا الروايه فتحتها وبقيت اقرأ:

بعد فتره من البحث لقيتهم عرفت مكان سكنهم رسلت إسماعيل اخوي قابل عمي عرفو على نفسو كنت متأكد عمي بعد الحصل ح يرجِع إسماعيل وما ح يعترف بيهو ولد اخوهو وفعلا دا الحصل بقيت ارسل لي عمي مبالغ في اوقات متفرقه وعشان برضو ما يشك في القروش كنت برسل ناس يشتغل ليهم شغل ويدفعوا ليهو مبالغ كبيره كنت سعيد شديد بي كدا وخصوصا فرحة عمي بالقروش وتقدير تعبو يالله واكتر حاجه كانت مفرحاني إني عرفت بت عمي دخلت الجامعه بس ما قرت طب قرت تمريض كنت براقب فيها من لمن إمتحنت شهاده لحدي ما دخلت الجامعه وإتعرفت على صحباتا كلهم طبعا دا لمن نزلت السودان كنت بنزل من فتره لي فتره إتعرفتا على اقرب صحبات ليها وحده تقريبا إسمها زهره عثمان والتانيه ريم طارق...

لمن قريت السطر دا إنصدمت معقوله زهره وريم ديل صدفه ولا بت عم إيهاب دي تكون بتعرف زهره وريم بس هو قال أقرب صحبات ليها طيب دي منو معقوله سلمى لالا سلمى ما صحبتهم شديد طيب دي منو،،، زهره عثمان وريم طارق مستحيل يكون تطابق اسماء للدرجه دي اكيد قاصد زهره وريم بقيت افكر كدا المغرب أزن مشيت صليت وجيت جبتا الهديه كان عندي فضول اعرف فيها شنو فتحتها ورفعتا الظرف لقيت تحتو صندوق صغير في نص الورد فتحتو لقيتو خاتم كان شكلوا حلو شديد ظاهر حق فضه والنوع الفيهو كسرات زي الالماس داك كان رهيب شديد طلعتو ولبستو كان قدري طق طرق فتحت الظرف وبديت اقرأ ......

الفصل الثاني والعشرون22

كنت بتمنى لحظة تفتحي الهديه أكون معاك بس عادي ما مشكله لاحظت ليك بتحبي الفضه شديد وبتلبسيها دائما بس انا ما بعرف في الحاجات دي لكن أختي ساعدتني فيها وما كنت عايز حاجه بسيطه كنت عايز حاجه بتشبهك وغاليه زيك إتمنى تكون عجبتك مع إنو شايفا بسيطه ح إشتاق ليك يا ملاذ المكتب بدونك ح يكون ما عندو طعم إتعودتا على كلمة متأخره خمسه دقائق والتزمر بتاعك بس ما مشكله منتظرك سلمي على عمي واخوانك وأمك وكوني بخير❤️

قريت الرساله دي مرتين كيف يقول على الخاتم دا بسيط والله عجبني شديد لبستو كان حلو حلا حاجه كدا فخمه شديد وحجمو كبير دخلتا الكرتونه في الدولاب وشلت منها ورده قفلتها زي ما كانت ومشيت جبت تلفوني وإتصورتا وصورت الخاتم ورسلتو في قروبنا انا وزهره وريم نظام مغارز ريم كانت نشطه طوالي ردت لي قالت لي رهيب إشتريتي من وين قلت ليها جاني هديه قالت لي ما شاء الله منو الجابو ليك قلت ليها احزري بس قالت لي ما عارفه قلت ليها ياخ تتزكروا المدير إيهاب الاتكلمت ليكم عنو قالت لي اها قلت ليها هو الهداني ليهو هدية وداع وكدا قالت لي حلو والله شكلو في إعجاب حاصل قلت ليها إعجاب شنو يابت قلت ليك هدية وداع قالت لي ظاهر إنو فخم شديد قلت ليها اي والله ما قصروا معاي كلهم عايزه اشيل ليهم هدايه لمن ارجع عارفه مكان سمح ممكن اطلب منو قالت لي اي بعرف في واحد إسمو معمول بحب دا بظبط الهدايا رهيب شديد قلت ليها خلاص رسلي لي رقمهم ولو عندهم صفحه رسلي لي الرابط قالت لي سمح قفلت النت وياهو مره باقي اليوم سريع

صحيت اليوم التاني بي صوت ريم🙂 إزعاج شديد فتحت لقيتا ليك واقفه في وشي قلت ليها خير خصوصيه ماف من صباحات الرحمن مقتحمه غرفتي قالت لي صباحات الرحمن دي ياتا قصدك القبيل ديك يابت الشمس شرقت والساعه ماشه على ١١ فتحت تلفوني طبعا ما بصدقا لكن لمن لقيتا بالجد ماشه على ١١ قمت إتنفضت ومشيت إتسوكتا وجري شربت الشاي طبعا صحيت بدري صليت وتاني نمتا المهم بعد خلصت كباية الشاي طبعا وريم قاعده تعاين لي عزمتها قالت لي شربتو قلت ليها ح تفضلي تعايني لي كدا اها في شنو قالت لي الليله زهره إتحبست🥺 قلت ليها اي لازم لانو الوقت قرب قالت لي حي يا صحبتي خلاص ح تمشي تخلينا🥺 قلت ليها يا ريم ما دي سنة الحياة كدا بتجمع ناس وبتفرق ناس ح نعمل شنو قالت لي زهره ح تمشي بيت راجلا وإنتي ح تسافري انا تاني ح إتونس مع منو وإتموضع بي منو ولا امشي السوق والف مع منو واي ح تفرقوا علي شديد😭 قلت ليها يا ريم ياخ ما تخليني ابكي بعدين نحن ما ح ننقطع اكيد ح نتواصل وانتي كمان ربنا يديك ود الحلال اليسعدك زي زهره يارب عشان تجو تتموضعوا بي نظام انا بايره وكدا قعدت تضحك قلت ليها اي ياخ افردي وشك السمح دا هسي لو انا حلوه كدا ما بزعل ولو زعلت بعاين لي نفسي في المرايه واضحك قالت لي بطلي ياخ خجلتيني قلت ليها سمح الصدقتي كسير التلج دا طبعا جريت عشان لحقتني شبشبا الجزمه اصلوا الحسنه فيها ما بتنفع ولا كسير التلج🐸🙂 لبست لي توب وطلعنا مشينا لي زهره طبعا جنس جرسه في النهايه قالت لينا الا تتحبسو معاي حتن إتحبس قلنا ليها سمح بقينا كل يوم نمشي نقعد معاها ونتونس شبه محبوسين معاها لانو أمها اي حاجه تجيبا ليها تجيبا لينا الا الدخان طبعا كانت بتقعد براها🙂💔 المهم مره الشهر وفاضل اخر إسبوع لي ولي زهره ،،قاعدين كدا قمت سألت زهره وريم قلت ليهم إنتوا عندكم صحبه مقربه انا ما عارفاها زهره قالت لي دا شنو السؤال الغريب دا قلت ليها ساي بس جاوبوا ريم قالت لي إنتي يا ملاذ هبله نحن طول عمرنا نطلع سوا وندخل سوا انا غايتو ما عندي صحبه مقربه غيركم زهره قالت لي حتى انا ما عندي غيركم إستغربتا وراسي بقى يضرب اخماس في اسداس معقوله؟ بس يكون قاصدني تاني شلت الفكره لانو مستحيله انا ما بعرف إيهاب دا وإتعرفت عليهو في الشغل،،، طول قعدتنا كنت سرحانه فتحت تلفوني وبقيت افط في الفصول حقت الروايه والغريبه طول الفصول ما زكر إسم البت لحدي ما وصلت فصل كدا لفت إنتباهي من بدايتو :

لمن إتخرجت كنت فرحان شديد بي قدر فرحتا واكتر كدا نحن الاتنين حققنا احلامنا رسلت ليها هديه مع زهره طبعا هي كانت فاتحه لي مكالمة فيديو يوم التخريج واليوم القبلو رسلت ليها قروش تشتري ليها هدية التخريج كان نفسي اديها ليها بي نفسي كان يوم مميز شديد لسه متزكر تفاصيلو والروب الكانت لابساهو واللبسه البيج الهديتا ليها في اخر يوم لي التمريض ليها في الجامعه ..

فعلا الكلام دا مطابق شديد نفس الفستان الذكرو وكان اهدتني ليهو زهره في يوم التمريض وقالت لي اوعديني تلبسيهو يوم التخريج لالا كيف بس الكلام دا معقوله قفلت التلفون إنتبهت لي زهره وريم كانوا بتونسوا حسيت نفسي في دوامه إتزكرت لمن زهره قالت لي الشكر دا ما لينا وإتزكرتا لمن كل سنه زكرى التمريض لمن كانت بتجيني هدايا وكنت بقنع نفسي إنها منهن بس زهره دايما كانت بتقول لي الشكر دا ما لينا بس عفوا من دون ما أشعر قلت ليهم عايزه اسألكم سؤال...

قاعده ارتب في شنطتي وكويت جزو من ملابسي قلت لي مزن ساعديني ياخ بلا قاعده كدا قالت لي اعمل ليك شنو قلت ليها جيبي لي ملابسي من الحبل اسرعي قالت لي طيب طلعت أمي جات داخله قالت لي متين الشهر دا جرى كدا قلت ليها تقولي شنو بس قالت لي اقعدي يا ملاذ دايراك في موضوع قعدتا قلت ليها اها في شنو قالت لي سامعاك بتسألي ابوك من عمك قلت ليها اي إنتي بتعرفي سبب الانقطاع بين ابوي وعمي؟ قالت لي شنو الاتغير فجأه ما عمك دا مختفي ليهو سنين شنو السبب الخلاك تسألي عنو كدا قلت ليها ساي يا أمي فضول ما ممكن قالت لي البعرفو يابتي عمك عمر دا كان متشاكل مع جدك قالوا إنو إتزوج مره من دول الخليج وجدك زعل منو وحرمو من الميراث البعرفو جدك كان متمسك بالتقاليد شديد وما كان راضي إنو ولدو يعرس وحده بره الاسره وعمك عرسا ما بره الاسره بس عرسه غريبه عديل المهم حرمو من الميراث وعمك إطره إنو يمشي يأجر بس في فتره كدا كان جاء وعمل مشاكل مع ابوك في الحق وما الحق وقام باع بيت الاسره دون علم ابوك وسافر بالقروش وبعدها حالتنا ياهو إتحولت للانتي شايفاهو دا ابوك إشتغل وتعب لحدي ما إتملك البيت دا بس يا بتي كان جينا للغلط ابوك وجدك غلطانين في النهايه الورثه دي ما حق بتشال من زول كدا ساي الورثه دي حق شرعي وعمك عندو في البيت زي ما ابوك عندو فيهو بس نحن نقول شنو قلت ليها هسي إنتوا عارفين حاجه عن عمي حي ولا ميت قالت لي لالا إنقطعت اخبارو مننا ومافي زول عارف عنو حاجه لاهو لامرتو ولا اولادوا بقيت اقول في نفسي معقوله عشان سبب زي دا اخوان يفترقوا؟! مزن جات شايله الملابس قلت ليها طبقي معاي طبقناهن ودخلتهن في الشنطه امي قالت لينا كان إنتهيتوا تعالوا العشاء جاهز طلعنا بره مزن مشت نادت ابوي ومزمل إتعشينا قلت لي مزمل جهزت شنطتك قال لي اي جهزتها بعدها كلو زول مشى غرفتوا ،،،رقدتا وطفيت النور بس نهاي ما كان جاييني نوم كنت بفكر في بكره ح يكون كيف ولمن الاقي إيهاب ح يحصل شنو بعد ما عرفتا الحقيقه في النهايه إستسلمت للنوم ونمتا صحيت بي صوت أمي قالت لي يا ملاذ قومي الوقت إتأخر قمت إستحميت وإتسوكتا نزلت شربت الشاي مزمل شال شنطتي وداها العربيه ودعت أمي ومزن ما كنت عايزه افارقم نهاي بس اعمل شنو حال الدنيا طلعت لاقتني ريم جمب الباب قالت لي حتى وداع ما دايره تودعيني قلت ليها معقوله ياخ مافي حاجه في الدنيا تقدر تخرب البينا يا ريم حضنتها وبكينا سواا المهم بعد موال البكاء والوداع دا ركبنا انا ومزمل عربية مجاهد طبعا وصلنا المطار وودعنا بقينا منتظرين لحدي ما ندهو طيارتنا مشينا ركبنا بعد مسافه اقلعنا مرت قدام عيوني تفاصيل الرحله الاولى إتزكرت الولد الكان قاعد في الكرسي المقابل لينا وبعاين لي قلت ما بعيده يكون هو،، نفس الملامح المهم إستغرينا في الجو فتحت تلفوني لقيت في رساله في الواتساب فتحتها لقيتا من زهره تودع فيني رسلت ليها وقفلت التلفون لمن وصلنا جات علينا عربيه نزل منها رائد قال لي إنتي ملاذ عبد الفتاح إدريس قعدتا اضحك قلت ليهو اي انا قال لي إتفضلي ركبتا ومزمل ركب عرفتو بي مزمل اخوي وقعدنا نتونس لحدي ما وصلني المجمع قال لي ما إشتقتي للمكان دا قلت ليهو كيف ياخ دا انا قاعده فيهو سنه كامله مشى معاي لحدي ما إستلمت مفتاح الشقه قال لي كدا يادوب اقول ليك حمد لله على السلامه ضحكت قلت ليهو الله يسلمك هو مشى وانا طلعتا الشقه فتحتها طبعا زي ما خليتا بس نضيفه حبه مزمل قال لي الله مالا حلوه كدا قلت ليهو نفسي كلامي في البدايه بس مع الزمن ح تشوفا عاديه وريتو غرفتو رتبت ملابسي وجيت عملت لينا حاجه ناكلا بعد اكلنا رفعت الصحون غسلتهم رقدنا نمنا صحينا مع ازان المغرب صلينا مزمل قال لي ارح نطلع قلت ليهو طيب لبسنا وطلعنا حفظت مكان المطعم الجمب البحر داك يلا مشينا ليهو طلبنا وقعدنا في الطاولات الجمب الشباك الزجاجي وبقينا نعاين للبحر ونتونس المنظر كان حلو شديد بعد خلصنا طلعنا إتمشينا جمب البحر حبه الجو كان حلو والهواء بارد قعدنا حبه جمب البحر ورجعنا الشقه إشترينا من عمو الجمب العماره فشار وطلعنا فتحنا فلم قعدنا نحضر بعد صلينا العشاء قبل الفلم ما يتم انا نمتا مزمل صحاني قال لي امشي نومي جوه دخلتا نمتا لمن صحيت لقيت الساعه ١١ طبعا انا دوامي يبدأ من ٧ قمت سريع سريع جهزت نفسي ولبست لي لبسه سريع لقيت مزمل نائم عملت الشاي وصحيتو يقوم يصلي وجريت المستشفى لمن وصلتا بقيت إلتقط في انفاسي كنت خابه خب لمن وصلتا لاقتني سحر لمن شافتني عملت كدا😲 قالت لي ملاذ مشتاقين وربي قلت ليها والله كتير الشوق جات حضنتني بقينا حاضنين بعض مسافه قلت ليها الاخبار شنو بالله قالت لي اسكتي هو في اخبار ياهو زي ما خليتينا بس افتقدتك في الدوام قلت ليها إفتقديني بنيه صالحه ولا عشان اساعدك قالت لي الاتنين والله ،،قعدت اضحك قلت ليها بي مناسبه المصالح دايراكي تمشي معاي المكتب قالت لي ليه قلت ليها لانو انا متأخره ودكتور إيهاب م ح يخليني في حالي تعالي معاي قالت لي هو إنتي جيتي امس صح طيب مفترض الليله إجازه قلت ليها ما هو كان مفترض اجي من اول امس وطلبتا إزن عشان عرس صحبتي قالت لي امشي ساي يا زوله ما بسألك بعدين انا عندي جرع ماشه انفز جريتا من يدها قلت ليها ح تمشي معاي ح تمشي معاي يلا مشينا دقيت الباب قال إتفضل...

كان كل شئ بخير وعلى ما يرام حتى جئت انت فلخبطتا كياني رأسا على عقب**

الفصل الرابع والعشرون

قاعده ارتب في شنطتي وكويت جزو من ملابسي قلت لي مزن ساعديني ياخ بلا قاعده كدا قالت لي اعمل ليك شنو قلت ليها جيبي لي ملابسي من الحبل اسرعي قالت لي طيب طلعت أمي جات داخله قالت لي متين الشهر دا جرى كدا قلت ليها تقولي شنو بس قالت لي اقعدي يا ملاذ دايراك في موضوع قعدتا قلت ليها اها في شنو قالت لي سامعاك بتسألي ابوك من عمك قلت ليها اي إنتي بتعرفي سبب الانقطاع بين ابوي وعمي؟ قالت لي شنو الاتغير فجأه ما عمك دا مختفي ليهو سنين شنو السبب الخلاك تسألي عنو كدا قلت ليها ساي يا أمي فضول ما ممكن قالت لي البعرفو يابتي عمك عمر دا كان متشاكل مع جدك قالوا إنو إتزوج مره من دول الخليج وجدك زعل منو وحرمو من الميراث البعرفو جدك كان متمسك بالتقاليد شديد وما كان راضي إنو ولدو يعرس وحده بره الاسره وعمك عرسا ما بره الاسره بس عرسه غريبه عديل المهم حرمو من الميراث وعمك إطره إنو يمشي يأجر بس في فتره كدا كان جاء وعمل مشاكل مع ابوك في الحق وما الحق وقام باع بيت الاسره دون علم ابوك وسافر بالقروش وبعدها حالتنا ياهو إتحولت للانتي شايفاهو دا ابوك إشتغل وتعب لحدي ما إتملك البيت دا بس يا بتي كان جينا للغلط ابوك وجدك غلطانين في النهايه الورثه دي ما حق بتشال من زول كدا ساي الورثه دي حق شرعي وعمك عندو في البيت زي ما ابوك عندو فيهو بس نحن نقول شنو قلت ليها هسي إنتوا عارفين حاجه عن عمي حي ولا ميت قالت لي لالا إنقطعت اخبارو مننا ومافي زول عارف عنو حاجه لاهو لامرتو ولا اولادوا بقيت اقول في نفسي معقوله عشان سبب زي دا اخوان يفترقوا؟! مزن جات شايله الملابس قلت ليها طبقي معاي طبقناهن ودخلتهن في الشنطه امي قالت لينا كان إنتهيتوا تعالوا العشاء جاهز طلعنا بره مزن مشت نادت ابوي ومزمل إتعشينا قلت لي مزمل جهزت شنطتك قال لي اي جهزتها بعدها كلو زول مشى غرفتوا ،،،رقدتا وطفيت النور بس نهاي ما كان جاييني نوم كنت بفكر في بكره ح يكون كيف ولمن الاقي إيهاب ح يحصل شنو بعد ما عرفتا الحقيقه في النهايه إستسلمت للنوم ونمتا صحيت بي صوت أمي قالت لي يا ملاذ قومي الوقت إتأخر قمت إستحميت وإتسوكتا نزلت شربت الشاي مزمل شال شنطتي وداها العربيه ودعت أمي ومزن ما كنت عايزه افارقم نهاي بس اعمل شنو حال الدنيا طلعت لاقتني ريم جمب الباب قالت لي حتى وداع ما دايره تودعيني قلت ليها معقوله ياخ مافي حاجه في الدنيا تقدر تخرب البينا يا ريم حضنتها وبكينا سواا المهم بعد موال البكاء والوداع دا ركبنا انا ومزمل عربية مجاهد طبعا وصلنا المطار وودعنا بقينا منتظرين لحدي ما ندهو طيارتنا مشينا ركبنا بعد مسافه اقلعنا مرت قدام عيوني تفاصيل الرحله الاولى إتزكرت الولد الكان قاعد في الكرسي المقابل لينا وبعاين لي قلت ما بعيده يكون هو،، نفس الملامح المهم إستغرينا في الجو فتحت تلفوني لقيت في رساله في الواتساب فتحتها لقيتا من زهره تودع فيني رسلت ليها وقفلت التلفون لمن وصلنا جات علينا عربيه نزل منها رائد قال لي إنتي ملاذ عبد الفتاح إدريس قعدتا اضحك قلت ليهو اي انا قال لي إتفضلي ركبتا ومزمل ركب عرفتو بي مزمل اخوي وقعدنا نتونس لحدي ما وصلني المجمع قال لي ما إشتقتي للمكان دا قلت ليهو كيف ياخ دا انا قاعده فيهو سنه كامله مشى معاي لحدي ما إستلمت مفتاح الشقه قال لي كدا يادوب اقول ليك حمد لله على السلامه ضحكت قلت ليهو الله يسلمك هو مشى وانا طلعتا الشقه فتحتها طبعا زي ما خليتا بس نضيفه حبه مزمل قال لي الله مالا حلوه كدا قلت ليهو نفسي كلامي في البدايه بس مع الزمن ح تشوفا عاديه وريتو غرفتو رتبت ملابسي وجيت عملت لينا حاجه ناكلا بعد اكلنا رفعت الصحون غسلتهم رقدنا نمنا صحينا مع ازان المغرب صلينا مزمل قال لي ارح نطلع قلت ليهو طيب لبسنا وطلعنا حفظت مكان المطعم الجمب البحر داك يلا مشينا ليهو طلبنا وقعدنا في الطاولات الجمب الشباك الزجاجي وبقينا نعاين للبحر ونتونس المنظر كان حلو شديد بعد خلصنا طلعنا إتمشينا جمب البحر حبه الجو كان حلو والهواء بارد قعدنا حبه جمب البحر ورجعنا الشقه إشترينا من عمو الجمب العماره فشار وطلعنا فتحنا فلم قعدنا نحضر بعد صلينا العشاء قبل الفلم ما يتم انا نمتا مزمل صحاني قال لي امشي نومي جوه دخلتا نمتا لمن صحيت لقيت الساعه ١١ طبعا انا دوامي يبدأ من ٧ قمت سريع سريع جهزت نفسي ولبست لي لبسه سريع لقيت مزمل نائم عملت الشاي وصحيتو يقوم يصلي وجريت المستشفى لمن وصلتا بقيت إلتقط في انفاسي كنت خابه خب لمن وصلتا لاقتني سحر لمن شافتني عملت كدا😲 قالت لي ملاذ مشتاقين وربي قلت ليها والله كتير الشوق جات حضنتني بقينا حاضنين بعض مسافه قلت ليها الاخبار شنو بالله قالت لي اسكتي هو في اخبار ياهو زي ما خليتينا بس افتقدتك في الدوام قلت ليها إفتقديني بنيه صالحه ولا عشان اساعدك قالت لي الاتنين والله ،،قعدت اضحك قلت ليها بي مناسبه المصالح دايراكي تمشي معاي المكتب قالت لي ليه قلت ليها لانو انا متأخره ودكتور إيهاب م ح يخليني في حالي تعالي معاي قالت لي هو إنتي جيتي امس صح طيب مفترض الليله إجازه قلت ليها ما هو كان مفترض اجي من اول امس وطلبتا إزن عشان عرس صحبتي قالت لي امشي ساي يا زوله ما بسألك بعدين انا عندي جرع ماشه انفز جريتا من يدها قلت ليها ح تمشي معاي ح تمشي معاي يلا مشينا دقيت الباب قال إتفضل...

سحر ضربتني قالت لي مالك واقفه قال ليك إتفضلي دخلتا سحر طوالي إنسحبت الجزمه لقيتو برتب في اوراق في الرف إتلفت لقاني واقفه قال لي ملاذ قلت ليهو اي يا دكتور اسفه على التأخير والله شالتني نومه وما حسيت بالوقت ضحك قال لي ما مشكله اصلا كان مفترض اليوم يكون إجازه لكن ما دام جيتي ما برجعك،،، وحمدلله على السلامه

قلت ليهو الله يسلمك قال لي إتفضلي اقعدي مشيت قعدتا في مكتبي قال لي تشربي حاجه قلت ليهو لالا شكرا قعد وبقى يرتب في الملفات إستغربت ليه ما سألني المهم قعدتا قال لي الملف دا حق عملية بكره الليله ما عندنا عمليات بس ح نمشي العمبر نتفقد المرضى

شلت منو الملف وقعدتا اقرأ فيهو لمن خلصتا لقيتو بعاين لي قال لي كيف لقيتي اهلك قلت ليها كويسين الحمد لله قال لي الحمد لله ،،خلصتي قلت ليهو اي قال لي طيب ارح العمبر مشيت معاهو طفنا على المرضى شرح لي حالة كم مريض وعملوا ليهو شنو المهم انا كنت بتفقد في العلامات الحيويه قال لي اها قلت ليهو حالتهم مستقره قال لي كويس بعدها طلعنا مشينا المكتب حسيت إيهاب دا بتعامل معاي معامله عاديه شديد وكأنو ما بعرفني وحدود معرفتو معاي هي إني ممرضه شغاله معاهو المهم طلعنا بعدها وصلني المجمع ومشى طلعت لقيت مزمل يحضر قلت ليهو عملت فطور؟ قال لي لسه قلت ليهو طيب ارح نطلع نفطر بره قال لي طيب لبسنا وطلعنا مشينا مطعم قعدنا طلبنا بالصدفه شفت دكتور إيهاب معاهو البت الكان لاقتني معاهو في السوق كان إسمها شيرين تقريبا طلبوا وكان بتونس معاها وهي بتضحك كان ظاهر عليها إنها متزوجه حاولت اصرف نظر من الموضوع جابوا لينا الطلب اكلنا وبعدها طلعنا ما إتصادفنا نهاي مع دكتور إيهاب مره باقي اليوم صباح اليوم التاني صحيت بدري طلعت الهدايا الكنت جايباها من السودان دخلتهم في كيس وشلتهم طلعت اديت مزمل قروش قلت ليهو لو إحتجت لي حاجه أنزل إشتري من البقاله تحت العايزو

المهم طلعتا مشيت الشغل اديت سحر هديتا وهديت دكتور رائد ووزعت للباقين اخر هديه كانت حقت دكتور إيهاب

مشيت المكتب لقيتو قاعد عاين لي قال لي اول مره تجي بدري قلت ليهو ودي حاجه كويس صح قال لي اي كويسه حاولي إتعودي قلت ليهو حاضر عاين لي قال لي الليله المزاج حلو قلت ليهو شديد قال لي السبب قلت ليهو مافي سبب معين فرحانه بس طلعتا الهديه من الكيس قلت ليهو الهديه دي ليك عاين لي وعاين للعلبه قال لي المناسبه شنو قلت ليهو مافي مناسبه بس إنتوا ما قصرتو معاي نهائي وحبيت اجيب ليكم هدايا من السودان إتمنى تعجبك مسكا مني وختاها في المكتب وجا وقف قدامي قلت ليهو بي توتر كدا ف في حاجه قال لي اي حاجه بتجي منك اكيد ح تعجبني ما محتاجه ليها إتنين تلاته لو اديتيني حجر من يدك ح اشوفو مميز قلت ليهو كتر خيرك والله برد عليهو من دون تفكير قلت ليهو طيب افتحها شوفا قال لي ح افتحها قلت ليهو هسي ممكن شال الصندوق وفتحو كنت جايبه ليهو ساعه وعطر وحاجه تانيه ح تعرفوها ....

الفصل السادس والعشرون

قال لي حلوه شديد طلع الساعه والعطر كنت خاته معاهم رساله فتحها وبقى يعاين ليها ويعاين لي قلت ليهو القلب الزهبي دا بحبو طبعا صحباتي كانن بهدني هدايا طوالي فيها القلب الزهبي دا بس انا ما فاهمه يعني شنو؟ قال لي عندو معاني كتيره بين الاصحاب بعني الصداقه نقيه وبرضو لانو ذهبي والذهب ثمين ف بدل على إنو الصداقه قويه وثمينه ،،وبرضو في العلاقات بين اي إتنين بمعني إنت غالي علي وبقدرك وبرمز الى الحب الهادئ

طبعا كان بقول لي كدا وبعاين لي في عيوني قلت ليهو إنت كنت قاصد شنو في ديل عاين لي بي إستغراب قال لي قصدك شنو قلت ليهو قصدي واضح يا دكتور إيهاب عمر إدريس عاين لي بي صدمه قال لي ملاذ.. قلت ليهو ليه إتصدمتا انا عرفتا اي حاجه ح تشرح لي ولا ح تفضل ساكت كدا؟ قال لي منو قال ليك قلت ليهو ما مهم منو

قال لي انا ما عندي حاجه اشرحها غير إنو انا حبيت بت ما بظن في يوم من الايام تحبني حبيت بت وانا عارف كل تفاصيلا وهي ما بتعرف عني اي حاجه قلت ليهو إنت حصل صارحتها؟ قال لي لأ لانو عارف إنو نحن م ح نكون لي بعض عشان كدا ما كنت عايز اعشما بي حاجه قلت ليهو يا إيهاب انا ما عارفه ارد ليك جمايلك علي والله انا لو واقفه في المكان دا هسي وبحقق في احلامي ف دا بي فضلك بعد ربنا انا عارفه إني ما بعرف عنك اي حاجه بس يا إيهاب ممكن تديني فرصه إتعرف عليك لمن قلت ليهو كدا رفع راسو وبقى يعاين لي قال لي منو الحكى ليك زهره ولا ريم؟ قبل ارد ليهو الباب دقا عاين لي وقال إتفضل دخل دكتور رائد قال لينا إنتوا هنا وفي حياة ناس منتظراكم بره إنتوا نسيتو زمن العمليه إيهاب عاين للساعه قال لي وقت العمليه جا مشينا جهزت الغرفه وعقمناها ودخلنا المريضه بدينا العمليه إنتهينا بعد ساعتين طلعنا بدلنا كان عندنا عمليه تانيه بعد نص ساعه إيهاب مدى لي الملف وطلع قريتو لمن جاء وقت العمليه إتجهزنا ودخلنا...

لمن خلصنا صليت مر الوقت إتفقدنا المرضى دوامنا إنتهى الساعه سبعه مساء إيهاب قال لي ارح اوصلك ركبنا وطول الطريق كنا ساكتين لمن وصلتا المجمع نزلتا شكرتو قال لي امشي ح إنتظرك لحدي ما تدخلي مشيت دخلتا الشقه كانت مضلمه ولعت الانوار ندهت على مزمل بس نهائي ما جاني رد دخلت غرفتو ما لقيتو وغرفتي فتشت البيت كلو ما لقيتو قلبي قبضني قفلت الشقه وطلعتا سألت البت بتاعة الاستقبال قالت لي شفتو طلع قبيل تقريبا بعد صلاة العصر قلت ليها طيب ما عرفتي ماشي وين؟ قالت لي لالا والله قلت في نفسي اكيد ضاع هسي ح القى وين الولد دا طلعتا بره لقيت عربية دكتور إيهاب واقفه لمن شافني جا نازل قبل يتكلم قلت ليهو يا إيهاب ما لاقيه مزمل اخوي قال لي كيف يعني مشى وين قلت ليهو ما عارفه خايفه يكون ضاع وقعدتا ابكي حسيت بي عجز شديد قال لي خلاص ما تبكي خلينا نفتشو قلت ليهو ح نفتشو وين لكن؟ قال لي نمشي اقسام الشرطه نفتش الاماكن القريبه اكيد ح نلقى بس ما تخافي ..

فتشناهو جمب المجمع ما لقينا إيهاب دور العربيه وانا ركبتا معاهو مشينا كم قسم مافي اثر ليهو وطبعا م ح نقدر نفتح بلاغ لانو ما مرو ٢٤ ساعه انا إنهرت عديل وقعدتا قدام باب القسم وختيت يديني في راسي وبقيت افكر ح يكون مشى وين إيهاب جاء لقاني قاعده كدا قال لي ح نلقاهو إن شاء الله قلت ليهو عارف لو ابوي عرف ح يضبحني انا عارفه إنو مزمل زول واعي وبعرف يتصرف لكن يا إيهاب هو في بلد غريب اكيد يكون ضاع قال لي هو بعرف مكان هنا ركزي قلت ليهو ما بعرف غير المطعم الجمب البحر كان مشينا ليهو لمن جينا قال لي طيب ارح نشوفو هناك مشى دور العربيه وانا لحقتو وصلنا المطعم ونزلنا فتشنا جمبو وبالعربيه برضو مافي ليهو اثر طوالي إنفجرت بالبكاء إيهاب نزل إتكلم تلفون مسافه في النهايه جاني راجع قال لي ما تبكي خلاص ح نلقاهو عندي اصحابي ح يفتشو معاي لكن اول لازم ترجعي المجمع قلت ليهو ليه ؟ انا ما عايزه ارجع بعدين كيف ارجع واخوي ضايع قال لي اسمعيني اول يمكن يرجع ونحن هنا بنفتش فيهو عشان كدا لازم يكون في زول هناك اسمعي كلامي..

دور رجعنا المجمع لمن نزلتا كدا لمحتو جاي من الدكان جريت قلت ليهو مزمل؟!!

قلت ليهو مزمل كنت وين؟ انا من قبيل بفتش فيك قال لي يا ملاذ قبيل لمن مشيت الدكان إتعرفت لي على واحد سعودي إتعرفتا عليهو وإتعرف علي وعزمني عندو في البيت مشيت ليهو لعبنا بلايستيشن والوقت مره ما حسيت بالزمن قلت ليهو إنت عارف انا بي سببك قرب يجيني إنهيار عصبي ياخ يا مزمل خلي عندك ذرة إحساس كوركت فيهو وشاكلتو في الاخير قلت ليهو امشي من قدامي وبكره طوالي تمشي السودان انا ح احجز ليك طلع طوالي بقيت اعاين ليهو بعد مسافه دكتور إيهاب جا نازل قال لي ما تقسي عليهو في النهايه ما قصدو قلت ليهو شكرا ليك ومعليش ازعجناك معانا قعد يضحك قال لي عفوا... ومشى حسيت بيهو زعل من كلامي دور عربيتو ومشي طلعتا لقيت مزمل برتب في شنطتو لفتو علي وقلت ليهو ما تزعل مني ما قصدي يا مزمل بس إنت عارف إنو نحن في مكان غريب خفتا تكون ضعتا وعقلي بقى يجيب افكار كتيره قال لي عشان ما تخافي علي تاني انا ح ارجع السودان قلت ليهو يا مزمل ياخ خلاص قلنا قال لي انا ما شافع يا ملاذ عشان اضيع قلت ليهو حتى لو ما شافع بس تصرفك غلط على الاقل كان تكلم الاستقبال عشان انا لمن اجي اعرف إنت وين قال لي والله ما كنت متخيل ح اجي راجع متأخر الوقت مره سريع وما شعرنا بيهو قلت ليهو طيب ما مشكله بس دي اخر مره تعمل كدا تمام قال لي تماام مشيت عملتا العشاء وجيت ختيتو إتعشينا وصلينا العشاء ونمنا .صحيت بي صوت المنبه كنت تعبانه شديد قمت بالقوه لبستا عملت الشاي والفطور ووريت مزمل في الغدا يعمل شنو طلعتا على المستشفى مشيت المكتب طوالي دخلتا سلمت على إيهاب ردا لي السلام قعدتا قال لي دي ملفات العمليات بالترتيب اقريها مسكتهم منو قعدت اقرأ في الاول لحدي ما خلصتا وقريت الباقات المهم دخلنا العمليات ونهائي إيهاب ما كان بتكلم معاي لمن خلصنا اخر عمليه وطلعنا بدلنا جيت وقفتا قدامو قلت ليهو معليش أمبارح ما قصدتا مع إنو كلامي عادي بس حسيتك إضايقتا قال لي ما إضايقتا من حاجه قلت ليهو طيب ليه ما قعد تتكلم معاي؟!قال لي لانو انا ما عايز يكون بينا حاجه انا عايزك بالحلال يا ملاذ وعارف إنو عمي ح يرفض عشان كدا احسن يكون في حدود في معاملاتنا قلت ليهو انا مستعده اقنع ابوي إنت ح تجي تخطبني منو؟ عاين لي قلت ليهو مالك موش قلت عايزني بالحلال قال لي عمي م ح يوافق إنتي ما عارفه اي حاجه قلت ليهو عارفه وسكتنا على كدا وصلني الشقه

نزلت دخلتا طوالي لقيت مزمل برتب في شنطتو قلت ليهو دا شنو؟ قال لي انا راجع السودان احجز لي قلت ليهو ليه أنت ما مرتاح هنا قال لي يا ملاذ ابوي محتاج لي لازم ارجع إنتي هنا ما منك مخافه المجمع مأمن والمستشفى قريبه قلت ليهو كلامك صح ابوي محتاج ليك قال لي الحجز كيف الا نمشي المكتب قلت ليهو لالا في وكاله بتحجز ليك كان ابوي حجز بيها بس الموقع حقهم ما عندي الا ننزل الاستقبال وفعلا مشينا حجزنا ليهو حاسبت البت وجينا طالعين ساهرنا حبه إتونسنا وبعدها كل زول مشى غرفتو مره يوم بكره برضو ولمن جاء وقت مزمل مسافر مشيت معاهو لحدي المطار وإنتظرنا زمن رحلتو بعد مسافه ندهو ودعتو ومشى وقفت عاينت ليهو لحدي ما طلع تاني رجعتا للوحده حقتي مشيت المستشفى طوالي دخلتا المكتب لقيت دكتور إيهاب مافي عاينت للملفات تلقائيا عرفتهم حقين العمليه بديت اقلب فيهم كدا هو جاء داخل كان بتكلم في التلفون وغضبان شديد قال لي الزول في التلفون اسمعني اجمعهم كلهم وخليهم يجوني في المكتب ،،انا اساسا ما مفترض اعتمد عليك..

قفل الخط وعاين لي قال لي جيتي متين قلت ليهو الناس العاديه بتقول السلام عليكم صباح الخير ماردا علي مشى قعد في مكتبو وانا قعدتا في مكتبي سمعتا صوت الباب بدق قال أدخل دخلو تلاته دكاتره ودكتورتين إيهاب عاين ليهم مسافه وقال ليهم خمسه دكاتره قارين سته سنه ما عارفين تتصرفو في حاله جاتكم واحد من الدكاتره قال ليهو الحاله جاتنا فجأه ونحن مشغولين إيهاب قال ليهو مافي حاجه اسمها مشغولين الخمسه واقفين قصاد مريض واحد!! شوفوا هنا دا كلكم ح اكتب ليكم إنزار ودا اول واخر إنزار لو جاني منكم شكوه تاني الا تشوفوا مستشفى تقبلكم تاني فاهمين كلهم قالوا ليهو فاهمين قال ليهم إتخارجو طلعوا وهو فتح الابتوب قدامو إشتغل فيهو مسافه قال لي من دون ما يرفع راسو قريتي الملف حق العمليه ؟ قلت ليهو لأ قبل علي قال لي ليه؟ قلت ليهو إنت ما اديتني ليهو اساسا شال الملف من الطاوله قال لي دا الملف اقريهو سريع شلتو منو وقعدتا اقرأ فيهو خلصتا جاء وقت العمليه دخلنا عملناها وجينا طالعين قال لي المريض عمر في غرفة العنايه عايزك تشوفي ليهو النبض ولو ممكن اعملي ليهوECG وبرضو شوفي لي نسبة الاكسجين في دمو وتعالي لاحقاني في المكتب قلت ليهو تماام مشيت عملت زي ما قال لي كان محتاج اكسجين مشيت وريتو النتائج كتب لي الاكسجين مشيت ركبتو ليهو جيت طالعه قال لي البسي الاسكارب ح نمر على العنابر وشيلي سماعه معاك وجهاز الضغط شلتهم ومشيت معاهو كان زعلان شديد من شغل الدكاتره لفينا العنابر كلها ووقفنا على حالة كل المرضى اخر حاجه كان عمبر الباطنيه دخلنا لقينا سحر بتنفز في جرعا لمن شافتنا خلصت سريع وجات إيهاب قال ليها عايزين نعمل كشف عام للمرضى قالت ليهو إتفضل عاينت لي بعد دكتور إيهاب فات قالت لي في شنو مالو غضبان كدا قلت ليها ما بعرف في دكاتره غلطوا في حاجه تغريبا وهو إتنرفز قالت لي الله يستر كشفنا على المرضى لمن جينا طالعين وقف سحر قال ليها المتابع حالة المريض الاسمو إبراهيم منو سحر قالت ليهو دكتوره رجاء قال ليها اولا لا إنتي لا رجاء ما شايفين شغلكم المريض دا سكريهو مرتفع سحر قالت ليهو قبل شويه فحصت ليهو هو سكريهو كان مرتفع اكتر من كدا كان داخل في DKA لكن هسي بقى شويه احسن قال ليها والبخلي حالتو تصل DKA شنو ؟ قالت ليهو يا دكتور إيهاب المريض جانا بي DKA قال ليها حسب معرفتي المريض دا ليهو إسبوع معقوله إسبوع كامل ولسه سكريهو مرتفع؟ قالت ليهو نحن ما مقصرين منو والله يا دكتور إيهاب بس هو عندو ضغط ودا خلى الشغل صعب شويه ولو حاولنا ننزل السكر سريع ممكن تحصل ليهو وزمه دماغيه لمن قالت ليهو كدا إبتسم قال ليها عارفه إنتي اشطر ممرضاتي قالت ليهو دا كلامك 😇 عارفه🙂 عاين لي وقال لي إتعلمي قلت ليهو على فكره اي ممرضه عندها خبراتا الخاصه ومتميزه في مجالا قال لي كلامك صح عشان كدا انا ما ببدل وحده فيهم نهائي وما بقارنهم قلت ليهو واضح من إتعلمي دي قعد يضحك سحر قالت ليهو سبحان مغير الاحوال من حال ٍ الى حال قال ليها خلي فلسفه ويلا على شغلك جرت قالت لي الله يعينك

في السودان

امي كبت لي ابوي قهوة العصريه وقعدت جمبو قالت ليهو يا عبد الفتاح هسي عمر اخوك ما منو اخبار قال ليها مالك سالتي عنو كدا فجأه قالت ليهو لالا مافي حاجه بس ما صح تقاطع اخوك كدا بالسنين في النهايه دا رحمك وربنا بسألك منو قال ليها يا إنعام بالله فكيني من الموضوع دا هو لو خاتي فيها خوه ما كان عارض كلام الكبار قالت ليهو يا عبد الفتاح العرس قسمه ونصيب وانتوا اساسا ما مفترض تقرروا ليهو يعرس منو ولا يخلي منو وكان على الحصل انو باع البيت ف دا من حقو هو عندو في الميراث زي ما انت عندك وما بحق ليكم تشيلوا منو ابوي عاين ليها وقال ليها كلامك صح بس دا كلو ما بشفع ليهو وقفتو قدام المحكمه وزواجو العرفي وكمان مقاضاتو لي ابوي دا كلو نسيتي ابوي غلط إنو كتب الميراث لي بس عمر لمن جاب شهود ووليان إتولو ليهو موضوع الزواج حقو دا ما بعني إنو نكر ابوهو؟! امي قالت ليهو والله يا عبد الفتاح زواجو اصلا ما بعتبر عرفي لانو مافي دليل شرعي بمنع زواج زول مسلم من مره مسلمه عشان بس هي غريبه قال ليها اي مافي شرع بمنع بس قالت ليهو ما بس يا عبد الفتاح ،عمر اخوك وربنا بسألك منو ودا ماسبب تقاطع بيهو اخوك،،ابوك الله يرحمو إنت هسي ما ليك غير اخوك يا عبد الفتاح والانسان لو غلط مره بنديهو فرصه تانيه ....

الفصل الثامن والعشرون

ايهاب

كنت قاعد في المكتب الوقت كان بدري شديد رائد جاني قال لي اها مستعد قلت ليهو لسه قال لي ما تخاف اهلك مافي زول ح يعرف حاجه و ملاذ بشيلا في عيوني لحدي ما ترجع وربنا يكتب ليك الشفى وتتزوجوا قلت ليهو بحلم يا رائد بحلم بي كدا بس لو ما جيت راجع خلي بالك منهم و منها وطلعت ليهو دفتر من الدرج قلت ليهو لو إتأخرتا اديها ليهو مسكو مني قال لي يا إيهاب ربنا اكيد بجبر بخاطرك إنت حبيتا وحبك كان صادق ليها شديد ورغم محبتك ليها هي قدامك ما قدرتا تعترف ليها الا بالحلال ربنا ما بكسر بخاطرك وانا واثق انو هي مهما عملت م ح تلقى احسن منك بس لازم تجي راجع سريع عشان هي منتظراك طلع لي شريط الحبوب قال لي ديك اكيد خلصتها قلت ليهو يا رائد ح تمسك محلي خلي بالك من المستشفى حتى لو ما رجعتا المستشفى امانه في رقبتك إتفقد المرضى كلو فتره وخلي ملاذ تشتغل في الطوارئ انا ما بضمن ناس الطوارئ ديل بس واثق من قدرات ملاذ وسحر برضو واثق من قدراتا قال لي ما تخاف كلو محلول امشي وقلبك مطمئن

في كلامنا الباب دقا قلت لي رائد اكيد دي ملاذ امشي بعد دا فتح الباب سلم عليها وطلع جات داخله طوالي مشت قعدت قلت ليها الناس الطبيعيه بتقول السلام عليكم صباح الخير قالت لي بردها ليك على فكره قلت ليها كويس قالت لي الليله مافي عمليات صح قلت ليها لأ مافي سكتت وطلعت تلفونا وبقت شغاله فيهو عاينت ليها مسافه ح إشتاق ليها بقيت اعاين لي إنعكاسي في التلفون وبقيت اقول في نفسي حتى لو جيت بعد العلاج كويس هل ملاذ ح تحبني وانا اصلع وعلامات تعب الكيماوي في وشي !! هل ح تحبني وانا ضعيف وهزيل وملامحي باهته قلبت التلفون وختيت يدي في راسي كان في وجع خفيف طلعت الحبوب وشلت منها حبه بلعتها...

ملاذ

إيهاب كان غريب الليله حسيت من تعاملو معاي إنو في حاجه عملت نفسي منتبه مع التلفون وهو زاتو فتح تلفونو كان منتبه معاهو مسافه حسيت بيهو متأثر بي حاجه وفي عيونو لمعه غريبه كنت عايزه اسألو بس إتراجعت خفتا يحرجني زي الساعه ١٠ كدا طلعنا العمبر إتفقدنا المرضى وحالاتهم وجينا طالعين إيهاب قال لي الليله مافي شغل كتير تقدري تمشي قلت ليهو طيب فعلا مشيت شلتا شنطتي ومشيت لي سحر إتونست معاها حبه ومشيت الشقه

مره كم يوم تعامل إيهاب معاي إتغير ١٨٠ درجه بقى يتونس معاي ومرات بناقش معاي الحالات مره قال لي عندي امنيه ممكن تحققيها لي قلت ليهو شنو قال لي بوريك بس ما هسي قلت ليهو على حسب الامنيه قال لي تمااام يوم جيت لقيتو راقد في المكتب قلت السلام عليكم ما ردا على قلت ليهو إيهاب مشيت عليهو وشو كان احمر عديل طبعا هو لونو ابياااض لمست راسو كان عندو حمه مبالغه جريت ناديت دكتور رائد جاء جاري قعد يتفقدو قال لي خليك معاهو دقيقه واجي مشى جاب مويه بارده ومنديل قماش وبقى يعمل ليهو مكمدات لحدي ما فتح عيونو طلع حبوب من الدرج واداهو منها وشربو مويه بقيت مستغربه مالو امبارح كان كويس قلت لي رائد مالو قال لي إلتهاب بجيهو من فتره لي فتره بتعب شديد قلت ليهو مستحيل يكون دا إلتهاب يا رائد لازم نمشي نفحص ليهو الاتنين عاينو لي بعض إيهاب قال لي مافي داعي انا عارف علاجي وهسي ببقى كويس وبعدين هو التهاب اصلا بجيني صعب في البدايه وبروح تدريجيا قلت ليهو زي يوم داك راح اليوم التاني طوالي يا دكتور انا برضو قاريه مجال طبي وبعرف الالتهاب احسن تمشي تتطمن على نفسك قال لي حاضر بمشي افحص..

وفعلا رائد سندو وطلعوا بعد مسافه جو قلت ليهم اها قالوا شنو رائد قال لي إلتهاب ما عندو حاجه سندو لحدي ما قعدت في كرسيهو ابدا ما كنت مقتنعه بي قصة الألتهاب دي دكتور رائد طلع بقينا قاعدين انا وإيهاب كنت بعاين ليهو بس إنتبه لي قال لي مالك؟ قلت ليهو متأكد إنك كويس قال لي كويس الحمد لله ما تشغلي بالك....

بعد مرور كم يوم

انا الراويه🙂

كانت واقفه مسافه وتخبط على باب الغرفه ما سمعت رد ولافي زول فتح ليها بقت تكورك يا إيهاب افتح الباب إنت وعدتني ح تسوقني نمشي السوق وهسي الوقت إتأخر اكيد ح تقول ماشي المستشفى... لمن ما سمعت صوتو فتحت الباب ودخلت الغرفه كانت فاضيه قالت في نفسها معقوله يكون طلع وخلاني الليله ما بخليهو لفت إنتبتها باب الحمام الداخلي بفتح بس مافي زول طلع مشت إتجاهو لقت إيهاب!! وكانت حالتو صعبه شديد بتنفس بي قوه ووشو احمر صرخت!! لمن شافتو وجرت عليهو!!

《》《》《》《》《》《》《》

دخلت المستشفى مشيت المكتب طوالي وكنت زهجانه من الصباح ما عارفه ليه مشيت لقيت المكتب مقفول ودا الناقص قعدتا إنتظرت مسافه وإيهاب ما جاء قلت ياربي ليه إتأخر كدا شفت دكتور رائد طالع وكان جاري عديل قلبي قبضني ما عرفت اسوي شنو لقيت نفسي قمت طلعت من المستشفى قدر ما فتشت رائد ما لقيتو زي الارض إنشقت وبلعتو بقيت اقول إن شاء الله يكون إيهاب كويس دخلت لاقتني سحر قالت لي ملاذ مالك وشك داير يقع منك قلت ليها مافي حاجه مشيت المكتب لقيتو مقفول وزهجانه م عايزه إشتبك مع السكرتيره دي قالت لي دكتور إيهاب لسه ما جاء قلت ليها لسه والله قالت لي خلاص تماام تعالي معاي المكتب اقعدي لحدي ما يجي الليله عندكم عمليات قلت ليها عندنا وحده الساعه اتنين قالت لي لسه زمنا بعيد قلت ليها اي بعيد مشينا المكتب قعدنا ما كان عندها جرع قعدنا نتونس وانا مره بكون معاها ومره لأ

《》《》《》《》《》《》《》

انا الراويه

في بيت ناس إيهاب كانت شيرين ومعاها بت ومره كبيره قاعدين في الصاله وبتكلموا رائد جاء داخل قال السلام عليكم ردوا ليهو قال ليهم يا جماعه الحاصل شنو إيهاب مالو شرين قالت ليهو حالتو صعبه شديد يا رائد هسي معاهو دكتور علاء الدين فوق رائد قال ليها الفريق الطبي ما معاهو انا كلمتهم يجو قالت ليهو اي جو بقو منتظرين الدكتور يطلع اخد زمن طويل وجاء طالع كلهم إجتمعوا حولوا دكتور علاء الدين قال ليهم ما تخافو هو كويس عندو هبوط محتاج راحه بس.. المره والبت وشيرين قالوا ليهو ممكن ندخل نشوفوا قال ليهم اصبروا حبه وادخلوا ليهو...الدكتور طلع رائد تبعو قال ليهو يا دكتور علاء الدين دقيقه علاء الدين وقف وقال لي رائد انا قبل كدا كلمتكم إنو حالتو صعبه لازم تتعمل العمليه فورا يا رائد والاحسن يسافر الهند في دكتور هناك متخصص بي الاورام دي وخصوصا في مرحلتا دي!!..

رائد قال ليهو المشكله يا دكتور إنو إيهاب حاسي بالمسئوليه تجاه امو واخواتو والموضوع دا مأثر عليهو شديد حتى امو واخواتو ما عارفين بي مرضو دكتور علاء الدين قال ليهو انا عارف إيهاب والمره بيهو وعارف حالة امو الصحيه عشان كدا ما وضحت ليهم موضوع مرضو لكن يا رائد ايهاب لازم يتعالج لو ما إتعالج في الوقت الحالي حالتو ح تبقى صعبه بعدين يا رائد نحن ما غرباء عنو اكيد ح نتكفل بي اسرتو لحدي ما يمشي ويجي بالسلامه حاول اقنعو يا رائد انت الوحيد الممكن تقنعوا

الدكتور مشى وخلى رائد واقف يفكر بعد مسافه طلع دخل غرفة إيهاب لقى امو واخواتو قاعدين معاهو حمدل ليهو السلامه وقعد كان مركبين لي إيهاب اوكسجين ومحاليل طبيه رائد قال ليهو بالمناسبه يا إيهاب الدكتور إتكلم معاي عن حالتك إيهاب عاين لي رائد وحمر ليهو رائد واصل وقال ليهو الدكتور قال ليك لازم ترتاح وما تجهد نفسك كتير عشان صحتك ام إيهاب قالت ليهو اي يا إيهاب يا ولدي إنت تعبان شديد في الشغل والله تطلع من الصباح وتجي بالليل دا إرهاق يا ولدي إرتاح حبه رائد قال ليها والله يا خالتي الخوف صحتو تتدهور اكتر من كدا وكان بعاين لي إيهاب في عيونو إيهاب ما قدر يتكلم عشان الاكسجين واساسا حالتو الصحيه كانت شويه صعبه...

الفصل الثلاثون30

كنت قاعده لسه مع سحر والوقت إتأخر شديد الساعه إتنين قربت ولسه إيهاب ما جاء بعد مسافه لمحت رائد مشيت لحقتو سحر نادتني ما إشتغلت بيها وقفت رائد قال لي ملاذ؟! قلت ليهو رائد إيهاب ليه ما جاء لسه هو كويس قال لي اي كويس بس عندو شغل طلع م ح يقدر يجي الليله قلت ليهو رائد ما تكزب علي انا قبيل شفتك طالع وكنت بتجري رائد إيهاب حاصله ليهو حاجه؟! عاين لي مسافه حسيت في كلام عايز يقولو بس اختصر وقال لي إيهاب كويس قلت ليك عندو شغل انا ح امسك عمليتو حقت الساعه اتنين إنتي ارجعي البيت الليله مافي شغل ومشى خلاني إستغربتا وكلام رائد نهائي ما دخل لي في راسي لو إيهاب بالجد عندو شغل ليه ما كلمني ؟ وحتى لو كان ضروري وظهر فجأه كان إتصل وكلمني انا واثقه من الحته دي إيهاب بحترم مواعيدو شديد ولو حصلت حاجه دائما بعتزر وبفسر تصرفو بس ليه الليله ؟رجعتا البيت وقلبي قابضني إتزكرت تصرفاتو معاي في الفتره الاخيره وكيف إتغير تعاملو معاي رتبت الشقه وعملت لي حاجه اكلها حاولت اصدق كلام رائد لحدي الصباح بس ولمن اشوف إيهاب بكره ما ح اخليهو في تصرفو دا مره باقي اليوم صحيت الصباح جهزت نفسي ومشيت المستشفى مشيت على المكتب شايفاهو فاتح دخلت طوالي بس إتفاجأت بي رائد كان قاعد في المكتب قلت ليهو رائد؟! قال لي جيتي في وقتك عايز الملف حق المريض الاسمو عماد سراج الدين عندو ثقب في القلب تغريبا ما لاقي الملف قلت ليهو دقيقه اطلعو ليك مشيت طلعت الملفات حقتي فتشتو لقيتو اديتو ليهو قال لي عايزك الليله تمشي الطوارئ ح تشتغلي الليله هناك عندنا نقص في الممرضين طبعا دي اوامر إيهاب قلت ليهو ليه لسه ما جاء قال لي عندو شغل بره السعوديه إطره يسافر قلت ليهو ح يجي متين طيب قال لي قريب،، انا لازم امشي وقت العمليه قرب طلع خلاني شلت حاجاتي ومشيت قسم الطوارئ الممرضه سلمتني ومشت بقيت شغاله طبعا اكتر قسم متعب قسم الطوارئ لانو بكون شغاله طوالي ما بقيف إلا وقت التسليم ولازم اكون مستعده دائما في اي لحظه لي حاله طارئه جديده

مره إسبوع وإيهاب لسه ما جاء كنت بصادف رائد مره مره لمن فاض بي مشيت المكتب كان دكتور رائد قاعد قلت ليهو ليه لسه دكتور إيهاب ما جاء قال لي عندو شغل يا ملاذ قلت ليهو طيب الشغل دا جاء فجأه كدا وطوالي سافر من دون ما يكلم زول قال لي إنتي ليه مهتمه بالموضوع كدا سكتا ما عرفتا اقول ليهو شنو... قال لي إيهاب بيعني ليك حاجه؟! قلت ليهو ما إلا يعني لي هو مديري ولازم اسأل منو وبعدين انا فترتا من الشغل في قسم الطوارئ عايزه ارجع شغلي قال لي حاولي تتعودي لانو إيهاب ما ح يرجع هسي قلت ليهو ليه؟ ليه م ح يرجع هسي؟ قال لي يا الله يا ملاذ في شنو انا عندي شغل كلمتك إنو هو سافر قلت ليهو طيب ومشيت خليتو...

الاسبوع بقى شهر والشهر زاتو بقى شهرين عديل وبرضو إيهاب ما رجع بقيت افكر الحاصل معاهو شنو طبعا رائد كان ماسك الاداره وما كنا بنتلاقى كتير ممكن يمر إسبوع عديل ما أشوفو ومن اخر مره إتكلمتا معاهو تاني بقيت ما بتكلم معاهو إلا في الشغل،،،شبه إتعودتا على طريقة الشغل الجديده...

جيت يوم الصباح المستشفى فتحت الدولاب بتاعي عايزه اغير البس ملابس الشغل لقيت القلوفزات شبه إنتهت والكمامات خلصت مشيت لي الاسيستن قلت ليها ليه ما طلبتوا قلوفزات وكمامات الفي الدولاب خلصوا قالت لي ما لاحظت ليهم والله قلت ليها تماام ما مشكله انا بمشي اجيبهم واجي راقبي العمبر معاك قالت لي تماام مشيت مكتب المدير الطبي دقيت الباب ما كان في رد دقيت شديد برضو ماردا قلت ياربي رائد مشى وين فتحت الباب لقيت المكتب فاضي قفلت الباب ومشيت راجعه العمبر شفت دكتور رائد كان واقف ومديني ضهرو وبتكلم في تلفون قلت إنتظرو لحدي يخلص واكلمو مشيت عليهو سمعتو قال للزول البتكلم معاهو الحصل شنو وإيهاب كيف هسي ؟ عمليتو متين ؟... لمن سمعتا الكلام دا راسي بقى يودي ويجيب ياربي إيهاب مالو؟ إنتظرتو خلص إتلفت لقاني واقفه إتخلع لمن شافني قال لي ملاذ مالك في شنو؟ قلت ليهو ليه متوتر كدا قال لي ما متوتر ولا حاجه بس خلعتيني قلت ليهو على فكره سمعتا الكلام !! إيهاب مالو يا رائد قال لي يا ملاذ إيهاب كويس قلت ليهو يا رائد عليك الله قول الحقيقه ياخ ليه داسي مني قال لي يا ملاذ... إيهاب ما كويس والله💔 إيهاب مريض قلت ليهو مريض مريض كيف يعني؟!! مالو عندو شنو!! قال لي إيهاب مريض سرطان!! لمن قال كدا إنصدمتا وإتزكرتا مرضو كان بغشني إنو إلتهاب قلت ليهو إنت بتهظر صح؟!! مستحيل اصدق كلامك دا.....

قال لي ياريت لو بهظر ياريت يا ملاذ بس إيهاب مصاب بي سرطان في الراس وفي مرحله متأخره يا ملاذ هو محتاج دعواتنا يا ملاذ قلت ليهو هو اسي وين ؟ وسمعتك بتقول عمليه؟! قال لي هو حاليا في الهند سافر معاهو واحد زميلنا مافي زول من اهلوا عارف بي قصة مرضو كل العارفنوا إنو في سفرة شغل قلت ليهو كيف يعني ما عارفين رائد انت فاهم بتقول في شنو ديل اهلوا وهو في اللحظه دي محتاج ليهم اكتر من اي زول قال لي يا ملاذ امو مريضه وما بنقدر نقول ليها حاجه زي دي يمكن نكلم اخواتو بس امو هو موصي إنو ما نكلما سكتنا انا إتزكرتا معاملتو معاي في الايام الاخيره والكلام الكان كاتبو عني والهدايا الكانت بتجيني ورسوم الجامعه وطريقة كلامو معاي من دون ما اشعر قعدتا ابكي رائد قال لي كلو لي خير إيهاب محتاج مننا الدعوات يا ملاذ قلت لي رائد انا ما ممكن اشوفو ما ممكن امشي الهند؟! قال لي صعبه دي وإنتي بت براكي كيف تسافري من دون محرم ما صح قلت ليهو طيب هسي هو كيف؟.. ممكن تتصل ليهو قال لي هسي هو كويس بحاول إتصل لي صحبي فعلا إتصل عليهو مكالمة فيديو وإتكلم معاهو قال ليهو ممكن تدي التلفون إيهاب ادى التلفون لي إيهاب رائد سلم عليهو قال ليهو تفتكر معاي منو إيهاب قال ليهو منو قال ليهو ملوذه عايزه تسلم عليك اداني التلفون عاينت ليهو كان راقد في سرير المستشفى وواضح الارهاق في وشو قلت ليهو إيهاب💔 قال لي ملاذ كيفك قلت ليهو تمام انت كيفك قال لي انا تمااام الحمد لله قلت ليهو كنت بتغشني وتقول إلتهاب انا كلمتك دا ما إلتهاب لكن ما بتسمع كلامي ومصر إنو إلتهاب ليه سمحت لي نفسك تصل لي المرحله دي يا إيهاب قال لي دا قدري يا ملاذ ربنا كاتب لي كدا عايز اقول ليك حاجه بما إنو رائد كلمك خلي بالك من نفسك انا إتمنيت إنو ،،إنتي تكوني مرتي وحلالي والله كنت بتمنى كدا اكتر من اي حاجه يا ملاذ بس ربنا ما رايد لينا كدا يمكن نتلاقى قدام يا ملاذ خلي بالك من نفسك وسلمي على عمي انا ماعارف بكره ح يحصل شنو بس....قاطعتو قلت ليهو مافي اي كلام زي دا إنت ح تبقى كويس وح تجي راجع وح تتأمر فيني كمان وح تقول لي متأخره خمسه دقائق وانا ازعل واقول ليك اصلا الليله ماعندنا عمليات ح تجي راجع وتسلم على ابوي بي نفسك وتتطلبني منو كمان وانا موافقه يا إيهاب موش كنت بتقول دي أمنيتك انا موافقه اتزوجك بس تعال راجع يا إيهاب عليك الله تعال راجع حتى المستشفى من دونك ما بتتقعد يا إيهاب...

الفصل الثاني والثلاثون

كنت متواصله مع إيهاب كل يوم بتصل عليهو مكالمة فيديو كنت بشوفو كل يوم زايد سوء اكتر من اليوم القبلو الكيماوي كان بضعف جسمو شديد وشعرو بدأ يتساقط يوم بتكلم معاهو قلت ليهو يا إيهاب إنت كان قلت لي عندك امنيه وعايزني احققا ليك بس ما وريتني الامنيه دي شنو ضحك قال لي إنتي لسه متزكره قلت ليهو اي قال لي لمن ابقى كويس بوريك قلت ليهو كويس ما مستعجله منتظراك قال لي تماام وقفلنا على كدا قلبي كان واجعني شديد عليهو كنت بدعي ليهو طوالي يوم عمليتو إتصل علي الصباح بدري إتكلم معاي انا ما كنت مرتاحه نهائي ما عارفه السبب شنو بس ما كنتا مرتاحه طبعا رائد سافر الهند لمن زمن العمليه قرب وجاء واحد زميلهم مسك الاداره ،،العمليات كانت متوقفه لبست ومشيت المستشفى إشتغلتا سحر جاتني قعدت تتونس معاي طبعا هي ما عارفه بي مرض إيهاب مافي زول عارف غير رائد وصحبو وانا وتغريبا رائد كلم اختو المهم كانت بتتونس معاي قعدت معاي مسافه ومشت انا ما كنت فاهمه اي حاجه من ونستا ولا كانت بتقول في شنو قمضتا عيوني وبدون اشعر نمتا...سمعتا صوت التلفون برن شلتو لقيتو دا دكتور رائد عاينت لي الوقت الزمن مره والعمليه اكيد إنتهت رديت عليهو جاني صوتهم بتكلموا وصوت رائد كان فيهو نبرة زعل كدا قلت الوو رائد،، قال لي الوو ملاذ !! قلت ليهو اي يا رائد إيهاب بقى كيف العمليه نجحت صح؟ هو كويس صح ؟ قال لي يا ملاذ للأسف العمليه نسبة نجاحها كانت بسيطه قلت ليهو يعني شنو يا رائد ؟!يعني شنو كلامك دا قال لي إيهاب مشى لي الارحم مننا إيهاب إتوفى يا ملاذ💔 لمن قال كدا حسيت إنو في حاجه تقيله وقعت فوقي قعدتا اكورك قلت ليهو يا رائد إنت جنيت كيف تقول كلام زي دا شفت هظارك البايخ دا انا ح اكلم ليك إيهاب تاني ما تهظر معاي يا رائد وهسي قول الحقيقه إيهاب وينو ؟ طلع من العمليه صح؟ مشى غرفه عاديه لانو بقى كويس صح ؟ إتكلم يا رائد قال لي يا ملاذ إيهاب مات مات يا ملاذ ياريت لو بهظر بس دا ما هظار دي الحقيقه يا ملاذ إيهاب فات خلانا العمليه ما نجحت لانو المرض كان في مراحلوا الاخيره💔 فرصة النجاح كانت بسيطه💔دخلت في حاله هستيريه عديل قفلتا منو وقعدتا ابكي واصرخ ....

قفلتا منو وقعدتا ابكي واصرخ لحدي ما سمعتا صوت زول بصحي فيني صحيت لقيت دي ريم الاسيستن قالت لي مالك يا ملاذ إنتي كويسه فتحت عيوني مخلوعه عاينتا ليها مسافه قلت معقوله انا كنت بحلم معقوله جريت الدولاب فتحت شنطتي طلعتا التلفون عاينت للزمن لسه كان فاضل وقت إتصلت على رائد كنصل المكالمه ورجع لي رديت قلت ليهو رائد الاوضاع عندكم كيف قال لي لحدي هسي كويسه الحمد لله لكن لسه منتظرين الدكتور يطلع يطمنا قلت ليهو اول ما الدكتور يطلع إتصل علي خلاص قال لي إن شاء الله قفلت منو الوقت داك كان الضهر ازن مشيت صليت اول حاجه ركعتين قبل الضهر وصليت الضهر وإتنين بعدو وقعدتا ادعي وادعي مسافه ما قمت إلا زمن الجرع قاعده انفذ كان فاضل مريض واحد اديهو ادويتو سمعتا صوت التلفون ناديت ريم ووريتا تعمل شنو مشيت مسكت التلفون لقيتو رائد رديت قلت ليهو اها يارائد الدكتور طلع؟ قال لي اي قبل شويه قلت ليهو اها الحصل شنو قال لي والله العمليه نجحت بس لسه هو ما إتجاوز مرحلة الخطر الدكتور قال ح يكون تحت المراقبه الاربعه وعشرين ساعه الجايه إذا بقى كويس تاني ما عندو حاجه قلت ليهو الحمد لله إنو العمليه نجحت ربنا يكتب ليهو الشفا يارب قال لي ان شاء الله إن شاء الله وقفلنا على كدا مشيت كتبتا التقرير حق اليوم وبقيت منتظره ممرضت المساء تجي لانو ما كان عندي حاجه تاني مشيت مريت على العمبر تاني إتفقدتا المرضى وجيت قعدتا بعد مسافه الممرضه جات سلمتها وطلعتا مشيت البيت رتبتا الشقه وصليت العصر قاعده ارتب في الدولاب حقي سمعتا صوت حاجه وقعت بقيت افتش في الحاجه الوقعت لقيتو دا خاتم إيهاب الكان هداني ليهو شلتو لبستو وكملتا ترتيب إنتهيت عايزه ارقد إرتاح حبه سمعتا تلفوني بتصل شلتو كان رائد رديت قلت ليهو اهلين يا رائد قال لي يا ملاذ إيهاب تعب دخلوهو العنايه المركزه قلت ليهو كيف يعني هسي إنت ما قلت كويس قال لي كان كويس لكن شكلو في إضطراب في دقات القلب وعندو صعوبه في التنفس....

الفصل الرابع والثلاثون

كان في حاله من التوتر ماقدرتا انوم نهائي بقي يتخيل لي الحلم في عيوني وانا شغاله اردد اللهم اجعله خيرا ..

كنت بتصل على رائد ما كان برد ودا الزاد توتري لحدي الساعه وحده جات رائد ما كان برد لي كنت مساهره لحدي الصباح حاولتا تاني مره دقيت لي رائد فصل الخط ورجع لي لمن رجع يدي رجفت لمن التلفون وقع من يدي رديت ليهو قال لي يا ملاذ اطمنك إيهاب طلع من العنايه المركزه والدكتور قال حالتو مستقره الحمد لله قلت ليهو بالجد يا رائد🥺 قال لي اي والله الحمد لله،، يا دوب إرتحت رائد إتكلم معاي حبه وقفلتا منو مشيت صليت ركعتين شكر ولبست ملابسي ومشيت المستشفى بقيت شغاله في العمبر كان عندنا حالات كتيره ما قعدتا نهائي وما خلصتا إلا وقت التسليم سلمتا ورجعتا البيت مره باقي اليوم كنت بطمن على إيهاب كل شويه إتصل على رائد قال لي كويس بس مانعين منو الزياره

الصباح لبستا و إتصلتا على رائد كنصل،، طوالي بعمل الحركه دي ما حصل ردا لي بالجد إحترمتو شديد رجع لي بي مكالمة فيديو رديت قال لي ملوذه الاخبار قلت ليهو تمااام الحمد لله الاخبار عندكم قال لي تماام الحمد لله قلت ليهو إيهاب بقى كيف قال لي اسأليهو بي نفسك وجه ليهو التلفون شفتو كان لافين ليهو راسو بي شاش وملامح وشو كانت باهته شديد لمن شفتو عيوني دمعت دا ما إيهاب الانا بعرفو حسيتو إستسلم لي المرض قال لي بي صوت متعب ملاذ كيفك قلت ليهو تمااام الحمد لله انا كويسه إنت كيف قال لي الحمد لله وسكت قلت ليهو في حاجه واجعاك قال لي لالا انا كويس الحمد لله قلت ليهو إيهاب 🥺 قال لي ايواا قلت ليهو عليك الله ابقى كويس يا إيهاب والله انا حلمت لي حلم مخيف شديد يا إيهاب قال لي انا كويس يا ملاذ وبي صحتي وعافيتي شوفي قلت ليهو طيب مادام بقيت كويس تعال راجع يلا ديل تلاته شهور وإنت مافي كفايه كدا قال لي حاضر ح اجي،،، بس قلت ليهو بس شنو؟! في شنو قال لي عشان عندي شكوى لي ابوك قلت ليهو شكوى؟! قال لي اشكي ليهو منك قلت ليهو وانا عملتا شنو عشان تشكي ليهو مني قال لي ح اقول ليهو حاجه بس إنتي مالك قلت ليهو إنت ماشي تشكيني وتقول لي مالك🥲 قال لي اي ما تكتري معاي براي عيان بتكلم مع ابوك وبس قلت ليهو سمح غلطانه انا ما إنت وقفلتا ....

بعد شهر طلعتا بدري كنت طالبه ترحال مشيت المطار واقفه مسافه شفتا رائد وهو ساند إيهاب ونازلين من الطياره ❤️ مشيت سلمت عليهم وحمدلت ليهم السلامه قلت ليهم السعوديه نورت قلت لي رائد ليه ساندو خليهو قال بقى كويس وعاينت لي إيهاب رائد قال لي يابت كويس دي اسمو التالت طبيعي في لسانو قال لينا هسي زول مريض بدل تريحوهو تشاكلوا فيهو رائد قال ليهو نريحك بي شنو كوبرا ولا تراب الذهب انا وإيهاب ضحكنا ضحك قلت لي رائد مبالغه لكن دي حلوه بس حاسب صحبك مريض🤣🤣

عربية المستشفى جات رائد ساعد إيهاب يركب قلت لي رائد هسي يا رائد إيهاب ح يمشي البيت ؟ قال لي اي قلت ليهو طيب واهلوا ما عارفين بي مرضو ح تقول ليهم شنو لمن يشوفو راسو ملفوف قال لي اهلوا خلاص عرفو قلت ليهو كيف؟! قال لي انا كلمتا أختو وهي إتصرفت كلمت أمو بي طريقه هاديه وأمو إتقبلت الموضوع وخصوصا لمن كلمناها إنو إتعافى وبقى كويس قلت ليهو اي كان لازم تعرف قال لي ارح اركبي عشان نمشي قلت ليهو انا جايه بي ترحال ح امشي المستشفى طوالي بقيت مزحومه قال لي الله يعينك قربتي ترجع لي شغلك 😉 قلت ليهو إن شاء الله لانو زهجت من قسم الطوارئ دا بعدها هو ركب وانا مشيت ركبتا ومشيت المستشفى كنت فرحانه لمن خلصت شغل مشيت إتونست مع سحر قالت لي غريبه طول الايام الفاتت ديك مكتئبه مالك قلت ليها ظروف بس قالت لي الحمد لله الاتحلت ما كنتي عاجباني نهائي قلت ليها طيب ارح اعزميني في مطعم🐸 نفرق سواا قالت لي من عيوني ارح طلعنا سواا مشينا مطعم ظريف إتغدينا وحاسبنا وإتمشينا لحدي ما وصلنا السكن طبعا سحر ساكنه جمب المستشفى لكن ما معانا ساكنه مع امها وابوها كان حكت لي إنها جابت امها وابوها السعوديه طبعا هي بتهم الوحيده دخلتا الشقه رقدتا ومرت الايام عاديه طبعا سحر عرفت بي مرض إيهاب وكان مشينا ليهو زياره سواا وإتصادفتا مع شيرين وعرفتا إنها اختو يعني بت عمي❤️ وطلعت متزوجه بس راجلا شغال في امريكا بجي من فتره لي فتره السعوديه

يوم قاعده في المستشفى في قسم الطوارئ بتكلم مع ريم تلفوني إتصل لقيتا أمي عملت لي جرس رجعتا ليها ردت قالت ملوذه الاخبار قلت ليها تمااام الحمد لله إنتوا كيف قالت لي تمااام الحمد لله قلت ليها كيف ناس ريم وزهره ما منها خبر قالت لي ريم كويسه قاعده تجينا من فتره لي فتره يا حليلا وزهره زاتا جات قبل كم يوم زياره لي ناس امها وجاتنا بي جاي قلت ليها يا حليلهم إشتقت ليهم والله قالت لي دايره تنسيني هسي انا إتصلتا دايره اقول ليك في زول متقدم ليك ودايرين نشوف رأيك فيهو.....

قالت لي دايره تنسيني هسي انا إتصلتا دايره اقول ليك في زول متقدم ليك ودايرين نشوف رأيك فيهو قلت ليها ما يكون محمد ولد اختك والله يا امي اختك دي عايزه تلصق فيني ولادا ديل بي الغصب قولي ليها انا ما دايره اعرس قالت لي لالا دا ما محمد ولا مجاهد قلت ليها دا منو كمان قالت لي يعني ما عارفه؟ قلت ليها يا أمي اعرف من وين يعني انا قاعده اعلم الغيب قالت لي العريس ود عمك عمر إتصل لي ابوك وإتكلم معاهو وشرح ليهو إنو هو مديرك في الشغل !! لمن قالت كدا إنصدمتا قلتا ليها قصدك إيهاب قالت لي ياهو زاتو ،،يا داب عرفت ليه كنتي بتسألي من عمك قلت ليها والله يا أمي إيهاب دا ما قصر مننا كلنا وقعدتا احكي ليها لمن إنتهيت قالت لي إنتي عارفه يا ملاذ انا مافي حاجه واجعاني غير إنو عمك مات دون ما يتعافوا هو وابوك والحاجه الوجعتني ووجعت ابوك إنو ولد عمك مريض سرطان وابوك ما قدر يقيف معاهو ولاقدر يقيف مع اخوهو في مرضو قلت ليها الحمد لله بس على كل حال قالت لي بجد الدنيا دي ما فيها اي حاجه مستاهله هسي شوفي ابوك ندم كيف وفي وقت ما بنفع فيهو الندم لكن يابتي كان دايره الحقيقه ايهاب دا راجل بي معني الكلمه نعمه التربيه هسي دا لو واحد تاني كان زمان نسى إنو عندو عم قلت ليها فعلا يا أمي إيهاب وقف معانا كتير ضحكت وقالت لي هسي يعني نقول مبروك اصلوا الكتاب باين من عنوانو قلت ليها قولي مبروك🙈 قالت لي سمح امشي اكلم ابوك وقفلت مني فرحة فرح مره الوقت والممرضه جات سلمتها ومشيت البيت....

《》《》《》《》《》《》《》

في بيت إيهاب كان قاعد مع امو وبتكلم معاها ومعاهم شيرين امو قاطعتو قالت ليهو خلاصة الكلام يا إيهاب داير تعرس بت عمك؟ قال ليها اي قالت ليهو يبقى على جثتي يا إيهاب!! إنت عارف الحصل لينا شنو بي سببهم ولا ناسي لمن ابوك مات منو الوقف معانا فيهم؟ ياخ جدك طرد ابوك من بيتو زي الكانو ما ولدو ابوك عاني بي سببهم يا إيهاب ومات بي سببهم مات من الوجع والحسره ياخ ديل ناس معقدين انا ما دايره ليك تقع في مشاكل وقعتا فيها انا زمان قال ليها يا امي الكلام دا من الماضي وابوي زاتو لمن مات عفى لي عمي وبعدين ملاذ ما عندها دخل بي الحصل زمان يا امي قالت ليهو انا وريتك وما بعيد كلامي تاني داير تعرس اي بت تانيه انا معاك لكن البت دي بزات لأ....

الفصل السادس والثلاثون

قالت ليهو انا وريتك وما بعيد كلامي تاني داير تعرس اي بت تانيه انا معاك لكن البت دي بزات لأ إيهاب قال ليها إنت خايفه علي من الحصل ليك يا أمي وإنتي ناسيه إنو إنتي في النهايه إخترتي ابوي رغم الحصل ليك كلو وانا من بين كل البنات أخترتا ملاذ وما عايز غيرا لو عايزه تفرحي لي بجد وتشوفيني عريس بكون عرسي من ملاذ غير كدا انا ما عايز اعرس نهائي وقام من جمبها شيرين قالت ليها يا أمي طول عمرك مديانا حريتنا في قراراتنا وإنتي عارفه إيهاب يا أمي من دون رضاك ما ممكن يعمل حاجه أمي إيهاب طول عمرو بفتش لي سعادتنا عمرو ما فتش لي سعادتو كان كل همو يشوفنا بخير امي ما تنسي إيهاب دا شال همنا من نحن صغار وإهتم بينا وعمرو ١٥سنه يا أمي معقوله عشان قصه قديمه حصلت ليك ح تقيفي في وش فرحتو؟ امها قالت ليها طيب انا موافقه بس لو عمك إتجرأ وفتح خشمو مع ولدي واساء ليهو والله العظيم ما اخليهو لو اخرب العرس شيرين قالت ليها إن شاء الله يحصل الفيهو الخير يا أمي

《》《》《》《》《》《》

وفعلا ام إيهاب وافقت وكلمت أيهاب وسافروا السودان إتقدموا لي ملاذ ،،عبد الفتاح قال ليهم ما دام جيتو ما برجعكم خايبين إعتزر من سماهر ام إيهاب وطلب منها السماح وهي سامحتو وإتصافوا إيهاب قال ليهو هسي يا عمي دايرين نعقد على بتك رايك شنو قال ليهو انا لو علي موافق بس الرأي في الاول والاخير رأي ملاذ إنعام قالت ليهو يا عبد الفتاح دقيقه دايراك مشى معاها قالت ليهو لشنو التأخير الناس دام جاين من مكان بعيد اعقد طوالي وملاذ بتي بعرفا وبعرف ردها قال ليها اجي كيف اعقد يا مره إنتي جنيتي انا كان ما شاورتا بتي ما بعقد... لمن مشوا امي إتصلت علي وحكت لي طبعا إنصدمتا متين حصل الكلام دا قالت لي ما شاء الله والله طلع ولد مؤدب وخلوق وما وريتك امو زاتا جاتنا وإتعافوا هي وابوك وعرفتنا على اولادا ياهو إيهاب وشيرين وشجن وأسماعيل قلت ليها إنتوا قلت ليهم شنو امي قالت لي ابوك قال إلا يشوف رأيك قلت ليها يا أمي انا موافقه قالت لي إستخيري اول وربنا يكتب ليك الفيهو الخير يا بتي قلت ليها سمح قمتا صليت كنت قاعده في الشقه والزمن كان قريب آزان العشاء صليت الاستخاره العشاء ازن صليت ومشيت رقدتا كنت مرتاحه ..

المهم امي كلمت ابوي وابوي اداهم الموافقه و عقدو لي امي دقت باركت لي واخواني وابوي اخر حاجه تلفوني دقه تصدقوا لو قلت ليكم انا رقم إيهاب ما عندي اصلا رديت كان هو ،،اول ما رديت قال لي تعرفي شعور الانسان لمن يتمنى امنيه وفي الاخير تتحقق بكون ما مصدق يلا انا شعوري مماثل بس انا حاسي نفسي بحلم عديل قلت ليهو للدرجه دي؟ قال لي وابعد يا ملاذ تعرفي مسميك بيني وبين نفسي شنو قلت ليهو شنو قال لي ملاذي❤️ قال لي مبروك لي يا انا قعدتا اضحك قلت ليهو دا كيف دا قال لي ما بعرف المهم قعد يتونس معاي ودي كانت اطول ليله قلت ليهو عارف بكره ح إتأخر بي سببك قال لي طيب تصبحي على خير قلت ليهو وإنت من اهلوو قفلت منو كنت فرحانه فرح مبالغه وبقيت افكر في الاحداث الحصلت دي كلها بدت من فرصة بتاعت شغل وأكتشفتا فيها حاجات كتيره والغربه زاتا علمتني حاجات كتيره نمت وانا براجع في زكرياتي وصحيت الصباح مشيت المستشفى إشتغلت شغلي وطلعتا طوالي مشيت البيت مره باقي اليوم عادي صباح اليوم التاني مشيت كان عندي شغل كتييير يبدأ من ١٠ قلت إرتاح حبه وبعدها إشتغل جاتني ريم قالت لي المدير الطبي قال عايزك قلت ليها المدير الطبي؟ ليه؟ قالت لي ما عارفه لكن شكلو زعلان شديد منك امشي والله يعينك مشيت كنت مستغربه انا ما عملتا حاجه عشان تزعلو دقيت الباب ما ردا دقيت تاني الباب فتح دخلتا لقيت المكتب فاضي إستغربتا وقبل إستوعب حاجه سمعتا صوت الباب بقفل....

إتهجمتا لمن شعرتا بي زول بضمني حاولت اضربو بس أكتشفت إنو دا إيهاب قلت ليه. إيهاب؟ قال لي إشتقت ليك والله بجد واخيرا بقيتي حلالي يا ملاذ كنت بحلم بي اليوم دا من زمن قلت ليهو انت جيت متين وليه ما كلمتني فكاني وجاء وقف قدامي قال لي لو كلمتك ما ح تكون مفاجأه وانا عايزا مفاجأه قلت ليهو إتفاجأت والله قال لي اها ترجعي لي شغلك ولا كيف قلت ليهو طوالي والله زهجتا من قسم الطوارئ شغلوا كتير ياخ قال لي طوالي ترجعي بعدين كيف شغلوا كتير ما التمريض عموما شغلوا كتير قلت ليهو ما زي الطوارئ دا اصعب قسم والله بتكون شغال اربعه وعشرين ساعه وو وقعدتا احكي ليهو وهو كان ساكت يعاين لي بس لمن إنتهيت لقيتو لسه بعاين لي قلت ليهو ليه بتعاين لي كدا قال لي حاسي نفسي في حلم ما مصدق إنو إنتي مرتي قلت ليهو طيب دقيقه اوريك تصدق كيف قال لي اها قلت ليهو غمض عيونك غمض عيونو قرصتو في يدو قرصه حاره 🤣🤣 قال لي هبله😒 قلت ليهو اها صدقتا ولا لسه قال لي لسه لكن ممكن اصدق بي طريقه تانيه 😁 قلت ليهو لالا دي الخيارات المتوفره حاليا لازم امشي هسي امشي اجيب حاجاتي من المكتب شوف ليك ممرضه تجي تشتغل قال لي بتجي لاحقاك وريها تعمل شنو قلت ليهو سمح فعلا وصلت جات وراي وريتا وسلمتها ورجعتا مكتبنا🤍

كان عندنا عمليه لبسنا ودخلناها مع بعض لمن خلصنا قعدنا نناقش في الحاله مسافه..

《》《》《》《》《》《》《》

عرسنا تما والحمد لله عملناهو في السعوديه مع إنو كان نفسي اعملوا في السودان لكن ظروف شغلنا ما بتسمح لمن جينا لي لحظة نلبس بعض الخواتم إيهاب قال لي اوريك الامنيه حقتي شنو قلت ليهو شنو قال لي دي امنيتي لبسني الخاتم ولبستو...

سكنتَ فؤادي سكنةَ الروحِ للجسدِ

وصرتَ هواهُ إن تقلّبَ أو سكنْ

فيا من بهِ طابَ الزمانُ وأهلهُ

لكَ العمرُ إن العمرُ دونكَ لا هَنُ

💐💐💐

ربطتُ بكَ الآمالَ ربطَ سريرةٍ

برباطِ صدقٍ لا يُكدّرُهُ المدى

فإن غدرتْ بيَ الليالي وعدّها

وجدتُكَ عهدي والملاذَ والمستندَ

سكنت مع ام إيهاب في نفس البيت بس بيتي كان مفصول براهو شهر العسل مشينا الابيض كان نفسي امشي كردفان ياخ بحب الطبيعه هناك وبرضو مشينا جبل مره إتفسحنا سمح وجينا السعوديه تاني إيهاب وراني المجمعات حقاتهم كان عندهم مجمعات كبيره فيها اي حاجه ملابس إكسيسوارات احزيه فيها اي حاجه كان شيلتي إشتريتا منهم بجد ما ندمت إني اخترت إيهاب سمعتوا بالمقوله البتقول إختار البحبك بجد اختاروا البحبكم...

نزلنا مستشفى طبعا المستشفى كلها عرفت بي عرسنا جو باركوا لينا مشينا المكتب قلت لي إيهاب يا سلام إشتقتا لي مكتبنا ياخ قال لي كويس حماس للشغل وكدا بس حافظي على المقوله دي بعد يومين عايز اسمعا قلت ليهو كويس ح تسمعا قال لي يلا امشي العمبر قدامي بجي لاحقك مشيت شلت جهاز الضغط والسماعه معاي وسبقتو إتفقدتا المرضى كان في واحد ضغطو شويه مرتفع إنتظرت إيهاب جاء وريتو قال لي اعملي ليهو ECG عملت ليهو الفحص واديتو الورقه قال لي عندو إنسداد قلت ليهو لاحظتا برضو لكن شكلو ما خطير كتب لي ادويه قال لي دي اديها الكوبيشن خليهو يجيبا قلت ليهو سمح شلتها منو ومشيت للمرافقين اديتهم الورقه وقلت ليهم محتاجين الادويه دي رجعتا العمبر قال لي عثمان احمد دا شفتي ليهو الاكسجين قلت ليهو لأ قال لي شوفي ليهو شلت الجهاز لقيت اوكسجينو ٨٥ قلت ليهو نورمل قال لي كويس هو طلع إنتظرت المرافق يجيب الادويه شلتها منو وبديت ليهو فيها كان راجل كبير لمن جيت اديهو الدواء قعدتا جمبو وسلمتا عليهو قلت ليهو انا الممرضه ملاذ يا عمي عايزه اديك الدواء قال لي بالله عليك وش فيني يابنتي حاسس روحي تعباني اوي كان عندو صمام في القلب حاصل ليهو إنسداد عشان كدا الضغط كان مرتفع قلت ليهو ما تخاف يا عمي لمن اديك الادويه ح تتحسن وح تبقى احسن بي كتيير من اول اديتو الادويه وقعدتا إتونس معاهو حبه وطلعتا مشيت المكتب دخلتا لقيت إيهاب مافي مشيت قعدتا في مكتبو🙂 بحب الحركه دي شديد فتحت كم ملف كدا قريتم وقفلتهم إيهاب لسه ما جاء قلت ياربي مشى وين بفكر كدا جاء داخل كان بتكلم في التلفون سمعتو بقول حاضر يا قلبي إنتي تأمري وبعاين لي في عيوني إنتظرتو خلص وقلت ليهو متأخر من الشغل يا أستاذ دي حياة ناس تتسيب في الشغل ليه طبعا بقلد فيهو لمن يكورك في زول جاء قعد قدامي في الدرج قال لي انا ما عندي شغل كتير اساسا يعني عادي ممكن إتأخر شويه ولا شنو يا حضرة المديره قلت ليهو اول حاجه تلفون في الشغل ممنوع تاني حاجه دي منو الكنت بتتكلم معاها دي قال لي فهمت التلفون ممنوع التانيه دي إعتبرها تحقيق ولا شنو قلت ليهو اي تحقيق بتمانع😒 قال لي دي حبيبتي قلت ليهو حبه تقوم ليك في صلعتك شاحده ربي قال حبيبتي قال إنت اصلا ما عندك حبيبه غيري🤭😌 قال لي منو القال ليك إنتي بقيتي ممله دايره اعرس تاني اجدد شبابي قلت ليهو انا بقيت ممله قال لي اي سكتا ما قلت ليهو حاجه وقمتا مسكني من يدي قال لي ماشه وين قلتا ليهو قفل مني وفكني وتاني ما تتكلم معاي قال لي حلاتو البيزعل كدي عايني لي وا حلاتي ياناس🤣🤣 عامله وشك السمح قلت ليهو والله يا إيهاب احسن ليك خليني في حالي وفك يدي قال لي ابيت وجراني عليهو قال لي تفتكري لمن زول يحصل على حاجه بعد تعب ممكن يتخلى عنها بي سهوله كدا انا لو لفيت العالم كلو يا ملاذ م ح القى احسن منك يا ملاذ إنتي الانسان الاكتفيت بيها وخلاص❤️

الاخير

قال لي تفتكري لمن زول يحصل على حاجه بعد تعب ممكن يتخلى عنها بي سهوله كدا انا لو لفيت العالم كلو م ح القى احسن منك يا ملاذ إنتي الانسان الاكتفيت بيها وخلاص❤️ قلت ليهو يا سلام كلام جميل ياخ😒 قال لي اي شديد😁 قلت ليهو البت الكنت بتتكلم معاها منو يا إيهااااب قال لي دي شيرين يا ملاذ😒 قلت ليهو طيب من البدايه ما تقول شيرين في داعي تقول حبيبتي وبتاع قال لي ح نطول في الموضوع دا ما خلاص بهظر يا ملاذ قلت ليهو يلا امشي مكتبك يا أستاذ قال لي دا مكتبي قلت ليهو لالا انا ح اقعد هنا😁 انت اقعد هناك قال لي دايره تنتقمي ولا شنو😒 قلت ليهو ايواا يلا امشي وإنت ساكت مشى قعد شلت ملف كان داخلين عمليتو بكره قلت ليهو اقرا الحاله دي سريع شال مني الملف قال لي امرك يا مديره شوفي التعامل حقي بس عشان بعدين تتعاملي زيو قلت ليهو يا دكتور بتتكلم معاي انا كدا لالالا إنت شكلك ما عندك اوتكيت قال لي متين انا كنت بعاملك كدا قلت ليهو لاحظ دي المره التانيه ترد اسكت خالص وشوف شغلك حمر لي ومسك الملف قعد يقرا فيهو طلعتا تلفوني وقعدتا اصور فيهو بي اسنابات مضحكه وهو ما منتبه وانا اشيل واضحك بي صوت واطي إنتبه لي قال لي بتعملي في شنو قلت ليهو بكلم حبيبي🤭🤭 قام جاء وقف قدامي قال لي جيبي التلفون اديتو ليهو عاين لي صوروا بالاسناب قعد يضحك قال لي الله يجازي محنك ياخ قلت ليهو ارح نمشي نفطر انا جعتا قال لي ارح مشينا فطرنا في المطعم الجمب البحر ما كان عندنا شغل فطرنا وقعدنا نتونس ورجعنا بعدها المستشفى خلصنا ورجعنا البيت كنا تعبانين نمنا طوالي قمت مع ازان المغرب بي صوت إيهاب بصحي فيني قال لي قومي صلي قمتا صليت ومشينا على ناس ام إيهاب قعدنا إتونسنا معاهم وعملنا العشاء إتعشينا طلعتا مشيت بيتي بعد العشاء طبعا برتب البيت بالليل عشان الصباح ما بكون عندي وقت قعدتا ارتب اخر حاجه كانت الغرفه طبعا كنت مغسله ملابس ودخلتهم بدون تطبيق مشيت طلعتهم طبقتهم دخلت ملابسي وجيت ادخل ملابس إيهاب فتحت الدولاب في صندوق وقع ختيت الملابس وشلت الصندوق عايزه ارفعو لفتت إنتباهي الروايه رفعتا الصندوق وشلتا الروايه قعدتا فوق السرير وفتحتها الزكريات كلها بقت تتعرض قدامي قلت يا سلام سمعتا صوت إيهاب قال لي بتقري في شنو وريتو قال لي لقيتيها وين قلت ليهو في الدولاب قال لي قريتيها قلت ليهو اي قال لي دي كتبتها زمان كنت بحب اكتب مشاعري في شكل قصص قلت ليهو يعني عندك غير دي قال لي اي بس دي بتحكي قصتي انا قلت ليهو يا سلام طلعتا بتكتب روايات كمان شكلي متزوجه رجل متعدد المواهب دكتور وكاتب وتاجر قال لي هسي دي مدح ولا ذم لانو ما فهمتا النبره قلت ليهو لالا والله مدح انا بالجد يا إيهاب مهما عملتا م ح اقدر اوفي ليك حقك علي اقسم بالله يا إيهاب بعد عرفتك إتبنت ليك محبه خاصه في قلبي حبيتك والله،، تصرفاتك وطريقة تعاملك معاي حبيت تفاصيلك واي حاجه متعلقه بيك يا إيهاب قال لي وانا كمان بحبك يا ملاذي بحبك من قبل ما تعرفيني زاتو قلت ليهو طيب يا إيهاب خليني اسميها قال لي شنو هي قلت ليهو الروايه قال لي اها قلت ليهو جمعتنا فرصة عمل كدا اختصرتها ليك كلها قال لي حلو حبيتو...

وكدا إنتهت قصتنا انا وإيهاب هو كان ببادلني بالحب والامان وانا نفسي الشي كان زول متفهم لي ابعد حد وبالو طويل وانا كمان إتعلمتا منو طولت البال....