رواية جوائح الدهر الفصل العاشر 10 - بقلم دعاء رزاق.

بِسْمِ اللّٰهِ الرَّحْمٰنِ الرَّحِيمِ
"جَوائِحُ الدَّهْر"
(بقلم الكاتبة: دعاء رزّاق)

لا تنسَوا التصويت والتعليق يا جميلاتي، فكل كلمة منكنّ تمنح القصة روحًا أجمل 🌿

لكن مع كل خطوة نحو الحقيقة يزداد الضباب كثافة والأصوات تتلاشى لتترك المكان مليئاً بالأسئلة التي لا تجد إجابة وكأن الليل نفسه يهمس بأن النهاية مجرد بداية لأسرار أعظم

ـــــــــــــ⊰ ـــــــــــــ

بدون اي مقدمات فتح تليفونه وطلع وحده من الصور خلاها كدامي وگال
أسامه:: عندج السان تحجين بعد ؟
::- صوتي إني كلي على بعضي اتبخرت بس شفت احمد ورا اسامه واگف وعيونه على تليفون
عيوني ثبتت على احمد رأسا رفع رأسه اسامه يباوع على احمد من صدمته كال

أسامه:: اجيت
احمد:: شنو چاي تشوفون ؟
أسامه:: موقع العيادة تسأل عليها
::-  بس كال هيج رخت ملامح احمد كأنه ارتاح بلعت ريگي وهمست

فاطمه:: صحيح طلبت عنوان العيادة من مريم والاخت ناسيه تليفونها يم ساره وراحت تچيبه بس اسامه ذكر موجوده عنده واچيت انتٓ

احمد:: اها فهمت يلا اهم شي أخذتي العنوان بس شسوين بيها

أسامه:: احمد صدك جذب فاتح تحقيق هي عيادة اذا رادت تحچي الأحد اخوها موجود قابل نحچيلك الك ؟

::- صفن ثواني وهز رأسه مقتنع بكلام اسامه باوعت صفح اله وهو قابلني بنفس النظرة حسيت فعلاً اريد ادفنه هنا گعد احمد قريب مني باوع أسامه للمسافة ورجع يحجي وي احمد ما ركزت ولا همني الحديث إلى أن سمعت أحمد گال

احمد:: شوكت تتزوج ؟
أسامه:: مو هسه هو حتى عقد ما عقدنا
- لا تسويها طويلة تزوج وفضها نريد نفرح.
::- هز راسه يضحك لبسته وما انطيت ردت

فعل بس بداخلي دمي يفور حقدي وكرهي اله يوم عن يوم يكبر أكثر موضوع يجر موضوع إلى أن عفتهم ورحت للمحاظره ابتعدت ابتعاد گلي عن زميلاتي ما اختلطت بأحد اجاني شعور غريب وضعي كله تخربط
حسيت بدوخة بس ما اهتميت من بين فوضه الطلاب سمعت راح يدخل دكتور الي لا اطقه ولا يطيقني بدون مقدمات طلعت من القاعة كلها أعرف راح يشد وياي بس هذا الإنسان ما أرتاح اله ما انتظرت احمد طلعت للكافتيريا رغم الإمكان مليان بس حسيت براحة لان مو وحدي ضل كلام سيلين براسي وفعلاً احس لازم اخذ حقي بس شلون وبأي طريقة ؟

- فاطمه
::- طلعت من صفنتي على صوتها نزلت الكوب من أيدي وگلت

فاطمه:: ‏رجاءً روحي منا ما ناقصني دوخة راس
ساره:: فاطمه اريد شويه من وقتچ

::- زفرت نفس وگمت من مكاني مجرد گمت شلون تحرگت او شلون وگعت مادري بس
حسيت على نفسي واني واگعة بالگاع كأني غبت عن الوعي الفترة طويلة اشوف الناس كدامي بس ما اسمع ولا صوت ولا اكدر احرك جفن عيني يمر الوقت إلى أن حسيت على احد يعصر گفي بقوة وريحه عطر قوية قريبه مني ثواني وحسيت بماي بارد على وجهي شوي شوي راح الغوش عن عيوني لمحته كدامي غمضت عيوني ورجعت فتحتهن صار وجهه كدامي عيونه بعيوني رفع كف ايده يمسح على وجهي بيده وگال

أسامه:: عـلـيتـي گـلـبي وانا مـتـعـوب

::- نطق آخر كلمة ورجعت غمضت عيوني
ما حسيت إلا وإني بين ايده حاضني الصدرة رفعت راسي مخلي الستره على وجهي وشايلني كدام الطلاب كلهم من الفشلة غطيت راسي بالستره وخنست استسلمت وبقيت هادئة إلى ان همس.

أسامه:: فواطم
::- جاوبته واني مغطيه راسي
فاطمه:: اسمي مو فواطم فاطمه
- مو مهم آلمهم تكدرين توگفين ؟
- لا
- ليش ؟
- شنو ليش غير شايلني نزلني حتى اوگف
::- وفعلاً مجرد گتله نزلني خلاني بالگاع لزمت راسي من دوخة.

أسامه:: أبقي هنا أجيب سياره واچيچ
- لااا ما اصعد وياك احمد وينه
- استغفرالله راح تخليني أطلع عن طوري
احمد خابره اخو وراح
- وين راح ؟
- شعليج بي وين راح انسطري هنا أجيب سيارة واجي
::- راح يجيبها وگفت مگاني خليت ايدي على حايط استند لان اعرف نفسي بأي لحظة ممكن اغيب عن الوعي او اوگع وهاي الحالة إستمرت من طفولتي والى الان مستمره تعبتني وتعبت الناس البحياتي
شفته اجه بسيارة ماردت اصعد بس حالتي بهذاك الوقت جبرتني ماردت أحد يساعدني او شخص غريب اما هو هم غريب لكن غصباً علي يحتمل ويلصم وگف السيارة ونزل فتح الباب قبل لا امد ايدي فتحه الي ومد ايده حتى الزمها باوعت اله بكل حقد نفس الشخص الخطفني والساومني على حياة اخوي وشرفي ويعشني ابشع ايام اليوم يمد ايده الي حتى يساعدني!!!

::- تجاهلته وصعدت بدون لا اخلي يلزم ايدي
سد الباب والتفت صعد طلع بطل ماي وعصير من العلاكة فتحهم الي وگال

أسامه :اشربي
فاطمه: ماريد
- اشربي!
- ماريد يعني ماريد
- تشربين لو لا
- انزل اركع راسك بالحايط احسن الك
- فاطمه!!!!
- أسمي لا اجيبه على السانك رجعني بسرعة
- يصير خير
::- عبالك خفت لا اكيد حرك السيارة منطلق ضلت عيني على طريق خاف ياخذني المكان ثاني حسيت نفسي ناسية شي بس شنو مادري
مجرد دخلنا بالفرع اخذت نفس وگف سيارة بالمكان الي خطفني منه التفتت اله رجعت باوعت للشارع شلون اني صاعدة وي الي خطفني شلون قبلتها على نفسي

أسامه:: اذا البالي صح فـ احب اگلج بهذاك الوقت جنتي غريبة هسه على ذمتي
- ما جاوبته مثل كل مرة نزلت امشي وي كل خطوة احس روحي تطلع وگفت باب بيتنا التفتت اشوفه بعده موجود او راح وفعلاً مثل ما توقعت بعده بسيارة ما تحرك دخلت البيت بدون أي كلام دخلت غرفتي منهارة وتعبانه مرت الايام والأسابيع واني أروح للدوام ومستمرة بحياتي صرت ما اشوفه بكثرة اصادفه لاكن يتجاهلني واتجاهله اما مريم لازكه بي واكيد واضح السبب ابتعد ابتعاد گلي عن العالم
::- طلعت من صفنتي على صوتها وهيه طالعه من الكافتيريا بيدها اكواب قهوه

استبرق:: صار ساعة ادور عليج
- هنا موجوده بس انتِ شعندج ؟
::- ابتسمت وهيه تنطيتي گوب كهوه وگالت
استبرق:: يوم الخميس عقد قرآني....

ـــــــــــــ⊰ ـــــــــــــ

قطع حديثنا دخول كوثر للغرفة متخوصره بدون لا تحچي شي او اسمعها سحبت السماعة وعليت الصوت حتى ما اسمع صوتها المزعج ثواني او لحظات ونضربت على رأسي بقوة التفتت مصدومة من الضربه
جوائح:: لا يا كلبه
::- غفران واكفه بمكانها فاتحه عيونها على وسعهن قبل لا اتحرك رفعت بطل الماي تريد تضربني بي ضربت أيدها سحبت السماعة من اذني وگمت بدون لا انطق اي كلمه لزمت شعرها ركعتني على وچهي وصاحت

كوثر:: **** اني الج****
:: لفيت ايدي على شعرها رغم بكل الطرق تضربني بس جنت مسيطره أكثر سحبت البطل ركعته برأسها بنفس المكان الضربتني بي لزمت مكان ضربه وهي تعيط رجعت ضربتها مره تانيه وعلى صوت العياط الكل التجمع باب غرفتنا اندفع الباب دخل فرات او ايڤار وايان راساً سحبني ايان وبكل صلافة رجعت تريد تهجم مره تانيه بس هاي المرة سحبها فرات من طرف ملابسها وگال

فرات:: شسوينننننن هنااااااا
كوثر:: لا تصيح لا تصيح هي صاحت الي ومن اجيت لزمتني تضرب واني دافعت على نفسي هاي مريضة لازمممم تتعالج تصرفاتها مو طبيعية

غفران:: جذابة هي الي اجت وهي الي ضربت جوائح اول شي

كوثر:: انتِ الجذابة ثنينكم اتفقتو عليه يا***
::- ما انصدمت بيها لأن حفيدة منو هي شنو تطلع قابل وخرت ايد ايان اريد اتحرك بس رجع حاوطني بيده وگال

ايان:: وحق الكافل اذا اشوفج معتبه باب غرفتها لو واصله الها انزل المستواكم الخايس وانعل الساعة الدخلتو بيها هذا البيت والكافل هاي ثاني مرة اعيد وبعد ما اكرر اكتلج واشمرج للچلاب إذا توصلين وحده من اخواتي

كوثر:: تكتللللل منوووو جدييييي جدييييييييي

ايڤار:: جدييي جدييي ابجي بعد اركعي راسج بالحايط حتى يصدكج
::- طلعت من الغرفه بعد ما تفلت علينا وتدعي عفت گلشي وباوعت على غفران واگفه بصف ايڤار ولازمه ايده

- بيج شي ؟
جوائح:: لاا مابيه شي
ايان:: تعالي يمي بالغرفة
ايڤار:: لااا يمي
فرات:: انجبو شعدها يمكم يمي تجي
- انجب انت بس انجب
- اشكرك اخلاقك هاي
::- ضل وأحد يسب ثاني بعد ما رفضت أطلع وي واحد منهم طلعوا بقت غفران يمي اشرت إلها على باب وگلت

جوائح:: سدي الباب وتعالي
::- گامت تسد الباب بس بنفس الثانية انفتح دخلت استبرق ورحمه

استبرق:: ليش ماكسرتيها ؟
- على جاياات وينچن انتن
رحمه:: طلعنا ندور على وحده.
::- تحجي وعينها على استبرق غمضت عيوني زفرت نفس وكلت.

جوائح:: رحمه صار الوقت نحچي بكل صراحة
رحمه:: وهذا إلي منتظرته اني
استبرق:: واني هم
غفران:: وهچ وين ؟
استبرق:: وي علي تسوي أكل
::- هزيت راسي وأشرت الهن نكعد وفعلاً تجمعنا بمكان واحد وگالت رحمه
رحمه:: نبلش منين هسه ؟

جوائح:: من ايڤار
::- عقدوا حواچبهم مستغربين الى ان گلت
- كل شخص بهذا البيت عباله ايڤار او وهج ولد محمد مو صح ؟

رحمه:: اي ليش اكو شي ثاني ؟
- اي اكو ثنينهم ولد عمي مهند

- هااااا ؟؟؟
جوائح:: اي والله ركزوا ويايه حرف حرف سلمان متزوج اربع نسوان وكل وحده عدهم ولد الا وحده منهم يعني طلعوها من القائمة بس زوجة سلمان الثانيه الي موجودة بغداد عدها اربع ولد يمكم بحياتكم ما عرفتوهم انتو بس احنا نعرفهم لان دائماً يجون يمنا واحد منهم تزوج بسر ومن عرف جدي جبره يطلگها ومحد يدري عنه اطفال ثنين توأم الي همه وهجَ وايڤار وعمي طلب من اخو محمد يربيهم وشوفت عينكم رباهم ولمدة طويلة زوجة فارس الي هي امكم چانت ترضعهم

::- نطقة اخر كلمه ركزت عليهم وحده وحده ارقب ردت فعلهم

رحمه:: محد گال النا ؟
جوائح:: اكيد لان هذا الموضوع محد يعرف بي غير كم شخص وباختصار لا ايڤار ولا وهج يعرفون بهذا شي والأهم من هذا كله الحچي الچن خصوصاً استبرق قبل تتصرفون بأي شي اذكروا وهج اختكم برضاعة شربتو حليب واحد لهذا اذا بيوم اشوف نظرة حقد او كره بعينجن تجاه وهج راح يصير شي مو حلو

استبرق:: دقيقة....
- لا دقيقة ولا همه يحزنون شفت نظراتكم الها انتوا واني اخوات بدم وهي اختكم برضاعة .

رحمه:: اخوه برضاعة نعرف بس ما نعرف همه ولد منهد مو محمد!!!

::- عرفتو هسه وماريد الموضوع يطلع
غفران:: ابوهم وامهم وين هسه ؟
جوائح:: امهم مو عراقيه إيرانية وخارج العراق ابوهم موجود بين فترة وفترة يچي بس من يوم إلي اجيتو بي بعد ما اجه

رحمه:: حسبي الله ونعم الوكيل
إلى متى نبقى هيج ؟
جوائح:: لمن يموت سلمان
استبرق:: ملاحظين احنا واحد داخل بثاني ؟
غفران:: وعائلتنا جبيره ومحد يعرف ابنه من اخو من بنت اخو
- مو مشكلة نتعود الأهم هسه استبرق النظره إلي شفتها بعينج اليوم ماريدها تتكرر بعد

استبرق:: ما راح تتغير حتى لو هي أختي برضاعة تبقى غلطانه
- محدددددد غلطان!!!
- منو حمزه
- هذا شي ما يخصكم كلشي بوقته يتوضح اما هسه نرجع الموضوعنا

رحمه:: يعني هسه ايان وعلي همه ولد محمد لو لا ؟

- اي بس همه أما اني او وهچ وايڤار ربانا مثل ايان وعلي وما فرق بيناتنة .

رحمه:: عمي محمد من بين إخوته وابو طلع انضف واحد بيهم وما دخل بقذارتهم ومارلح وراهم اختار طريق يختلف عنهم ولأن رب العالمين اختار هذا طريق اله توفق وربح هواي وكبرتوا على ايده رغم صغر سنه من تزوج وهسه انتو سند اله .

جوائح:: صح اني احسده مرات لأنه ما أتأثر بهاي البيئة .

::- بهاي الحضه احلتني شعور غريب جنت محتاجه ابچي كلهن سكتن مصدومات وحده صافنه بثانيه فضلنا سكوت واجلنا الصدمات البقيه بعدين وانتو هم لا تستعجلون على رزقكم كلشي يتوضح بنهاية أما الآن الغموض سيد الرواية

::- تركتهم صافنات تمددت مكاني سحبت الغطه وگالت غفران.

- يعني هسه وهج وايڤار اهلهم هم عافوهم ؟
::- عفت كل كلمات وركزت على كلمه هم عافوهم ابتسمت وبداخلي شي مكسور.

جوائح:: اي مثلي اني وهمه اهلنا اختاروا يتركونه بس رب العالمين عوضنا بأهل.

::- چانت اخر جمله انطقها وبعدها غمضت عيوني خليت سماعه بأذني بدون ما احس نزلت دمعه من عيني مسحتها بطرف اصبعي
بدون ما احس على نفسي نمت.

ثاني يوم الصبح گعدت باوعت على ساعة خمسه ونص راسا گمت اتوضه حتى اصلي واستقبل الصدمات الجديدة طلعت من الغرفة البيت هدوء توضيت ورجعت كملت صلاتي وغيرت ملابسي رفعت شعري بهاي الأثناء دخلت رحمه كوب الچاي بيدها وراها استبرق وجها اصفر .

جوائح:: شبيج ؟
رحمه:: وياي ؟
- لا وي استبرق
::- التفتت إلها تباوع عليها هزت أيدها وگالت
رحمه:: اخوج الشريف الخلوق راح يحجي اليوم وي جدي وابويه علمود يخطب استبرق

::- قبل شويه كتلكم راح نستقبل الصدمات وهاي چانت اول صدمه احسكم جنتوا تعرفون قبلي ما انصدمتو صح عليهم واني مصدومة و
جوائح:: هــااا ؟
رحمه:: مثل ما سمعتي
- استبرق وايان ؟
- اي اي
-وجعي ليش اني ما اعرف ؟
- عرفتي هسه
-وهج تعرف ؟
- اي لزمنهم بالحديقة البارحة واخوج يعترف الها
- هــااااا؟
- وجعا خلوني امشي لازم اروح للمحكمة

استبرق:: اي روحي شعندج واگفه
::- خلت الكوب بيد استبرق عدلت حجابها جرت الكحله بعينها وگالت

رحمه:: اليوم راح اخطي خطوة قوية إذا ما رجعت ترحمولي
::- نهت كلامها بضحكه وطلعت
استبرق:: لا تصفنين دائماً تكول هيج وبعدين ليش ما تلبسين حجاب ؟

جوائح:: هذا شي يخصني استبرق الحلوه
::- نهيت حديثي وياها وطلعت من الغرفه وي طلعتي نزل ايان يضحك وي علي الي ينزل من الدرج ويركص وايڤار وراهم يضحك مجرد وكعت عينهم عليه گالوا بصوت واحد.

- صباح السعادة
جوائج:: صباح المشاكل
علي:: دخيلك ياعلي شمسوين ؟
ايڤار:: ما مسوي شي اني
ايان:: ولا اني
علي:: انت اسكت شوف نفسك شنو ضام عليها
::- عافهم ونزل يركض بأتجاهي وگف وراي وگال
علي:: يضمون عليج اسرار خطيره واخوج يريد يخطب وما گالج
- ادري بيهم سمعت من رحمه
ايان:: اسمعي ج....
- لا ما اسمع لا تحجي وياي
علي:: لا تحجي وياها
- انت أسكت راس المشاكل
- شفتي يحجي عليه
جوائح:: وخر انت ثاني كلكم نفس الطينه
::- درت وجهي وعفتهم صاح وراي ايان بس غلست عليهم ونزلت جوه الكل كاعدين من صبح قبل لا أدخل عليهم استوقفني صوت سليمان وهو يكول.

سلمان:: هذا الشهر عرس فرات وجوائح.
::- حسيت نفسي تورطت الأول مرة جريت نفس وطلعت صوت برجلي متعمدة حتى ينتبهون الوجودي وفعلاً مجرد دخلت عليهم انتبهوا الي اشر سلمان بيده وگال .

سلمان:: اجيتي بوگتج تعالي هنا.

::- أشر على مكان بصفه رفعت حاجبي مصدومة بي
جوائح:: لا هنا افضل
::- گعدت بصف ابويه ورجعو يكملون حديثهم الى ان نزل فرات وي اخو راسا صاح سلمان.

سلمان:: تعال فرات تعال.
::- كعد بصفه رفع عينه عليه مبتسم وكأنه منتصر ما أكذب واكللكم ما خفت من ابتسامته لا فعلاً خفت لان حسيت اكو شي ورا هذا القرار ومثل ما توقعت......

سقط دون ضجيج وكأن اللحظة لم تُخلق لتُروى
الوجوه المبتسمة كانت أول من خان
والصمت كان الشاهد الأصدق
خلف كل ابتسامة سرّ
وخلف هذا السقوط حكاية لم تُكشف بعد
ما ظننتموه نهاية
لم يكن سوى بداية لصدمة قادمة

يـتـابـع

ـــــــــــــ⊰ ـــــــــــــ