رواية جوائح الدهر الفصل الخامس والعشرون 25 - بقلم دعاء رزاق.

بِسْمِ اللّٰهِ الرَّحْمٰنِ الرَّحِيمِ
"جَوائِحُ الدَّهْر"
(بقلم الكاتبة: دعاء رزّاق)

لا تنسَوا التصويت والتعليق يا جميلاتي، فكل كلمة منكنّ تمنح القصة روحًا أجمل 🌿

ومن هنا
حيث يبدأ الارتباك قبل الأحداث
وتتبدّل الوجوه قبل المصائر
سيكتشف الجميع أن ما ينتظرهم
لم يُكتب ليُنسى بل ليُغيّر

ـــــــــــــ⊰ ـــــــــــــ

:- فتت للحمام بدلت ملابسي وغسلت وجهي فتحت ضفيرة شعري وسرحته طفيت الشسوار بمجرد سمعت صوت صرخة منى شمرته وطلعت بدون حجاب اركض وكعت عيني على رجال جبير بالعمر  نازع العگال مالته ولافه على ركبته منى يخنك بينها وهي ترافس بيده.

:- ما فكرت بشي بسرعة ركضت دفعته حيل اريد اخلصها منه لازم العگال بيده الاثنين  دفعته حيل فلتت ايده منها  رفع ايده بسرعة جرني من شعري بكل قوته حسيت شعري تگطعع

- وخررر عنها
-: سحبت نفسها منه تجر النفس وتصيح تريده يعوفني   بهاي اللحظه جسمي يرجف من الخوف شعري بيده يعت بي عت ما حسيت غير براجدي على وجهي وعيني صرخت بصوت عالي لان الضربه على عيني  بعدها ماكدرت أنطق بشي ولا حرف واحد صوتي راح ..

::- لزمت مكان الضربه بيدي وخر ايده عني شعري اجه بيده التفت على منى الي تشهك وجسمها يرجف

يحيى:: ك****** بنات *****  ابني ينگتل بيد اخوج العار والله اله ادفنج بيدي يا*****

::- ركض عليها يريد يضربها شلون  كامت مادري طفرت من مكانها تركض لحگها  سحبها من شعرها وكعها بالكاع يضرب بيها ماتت رجليه ماكدرت اوكف على طولي ذكرت ابوي بي كأنهم نفس الشخص هيج جان يضربنا!!

ماكو شي يمي غير شمعدان  لزمته وشمرته عليّ اجت بنهايه راسه التفت يباوعلي دفرته برجلها منى عافها وراح مثل المسودن سحب العگال من الكاع والتفت عليه طبگه ثنين وركعني بي على خاصرتي شاطت روحي من الوجع ماكدر اصرخ ولا اصيح منى بالكاع ماتكدر تتحرك ولا إني رفع ايده يريد يضربني مره ثانيه وما أحس غير بصوت طلقة اجت بيده الضربني بيها

::- صاح بصوت متوجع من صدمتي بالموقف ما نزلت ولا دمعه مني التفتت على الباب واكفه جوائح  لازمه بيدها مسدس باوعت علينا  والتفت عليه هو لازم ايده نظراتها تخوف حسيتها انسانه ثانيه مو نفسها

جوائح:: هاي مكدرتك على نسوان ؟
ترفع ايدك على مره يا ذكر يا حيوان حشه الحيوان يا بشع .

يحيى:: بنت****
:- سكت مايكدر يحجي ايده تنزف دمم بشكل فضيع مايكدر يسند جسمه سحبت نفسي لحد ما وصلت المنى رفعت راسها بيدي خشمها ينزف دم ودموعها تنزل بدون صوت لازمه بطنها طلعت صوت شهگة منها وگالت الجوائح بصوت يرجف

منى:: هذا وياهم جان
جوائح:: وياهم ؟
- اي هو وابنه والله هو
:- تأشر وتبجي تجر الكلمه جر  رفعت أيدها على صدرها تجر النفس حالتها تعبت بدون أي مقدمات اتقربت جوائح منه وكالت

جوائح:: طلقة الأولى لان ضربتني بسياره وگتلت ابني واما هاي
:- رفعت المسدس مره ثانيه ضربته بيده الثانيه صرخ صرخة اقوى من الأولى
جوائح:: وهاي على سويته بيها.

-: عافته ينزف واجت سحبت منى الها وخرت شعرها من وجها مررت كف ايدها على ركبتها وصدرها وتهمس
- جري نفس على بهدوء
::- جرت نفس منى خلتها تكررها أكثر من مره لحد ما راحت الشهكة منها  باوعت عليّ فقد الوعي والدم مستمر ينزل منه استند على ايدي وگمت اريد اتحرك حركة رجلي ضليت واكفه لحد ما راح الخدر رحت جبت ماي الها أخذته جوائح تشربها
::- لزمت خاصرتي  مكان الضربه يسعر سعر عيني ينزل منها سائل مثل الماي وتحركني  باوعت إلي جوائح وگالت

- ضربج على عينج ؟
- اي
- روحي اغسلي عينج بماي بارد
:- سمعت كلامها ورحت  اخذت ماي بارد من ثلاجه أخذته ورحت للمغسله باوعت بالمراية عيني حمره وبيها خط احمر بداخل الفص الأبيض وأثر اصابعه على خدي غسلت وجهي كله رفعت أطراف شعري من السحب صار فد مره لفيته بدون أي شي لبست حجابي  حاولت انطق ماكدر عرفت نفسي ما راح اكدر احجي لمدة قصيرة طلعت للصاله باوعت على الدم وعلى هذا الجلب لعبت نفسي جوائح كومت  منى من مكانها باوعت إلي وگالت

جوائح:: تعالي اخذيها للغرفه
:- مشيت لزمتها من أيدها اخذتها للغرفة حطيتها على جربايه تمددت وگالت

منى:: اسامه وين ؟
فاطمه:: مو كتلج وين
- لا احجي الحقيقة وين ليش كال ابني انگتل بيد اخوج
- ماعرف شي منى نامي هسه وبس يجي حمزه يحجيلج لان الي تعرفي أعرفه إني ماكو شي ثاني

::- ما ردت غمضت عيونها ودموعها تنزل بدون صوت غطيتها وضليت يمها مجرد ربع ساعة سمعت صوت بالبيت كمت من مكاني فتحت الباب لمحت فاضل ويا ثنين زلم يحجون وي جوائح وهي گالت

جوائح:: هنه طلقتين ما راح يموت بس احتمال بسيط يودع وحده من ايده
فاضل:: ليش تورطين نفسج ؟
- اشهر واني نايمه بسببه وابني مات بسببه ما افوتها اله ولخلقني واحد واحد احاسبهم وشنو يصير خلي يصير واذا وأحد منكم يوكف بوجهي يجي السره ويتحاسب مثلهم وأكثر هم

علي:: مو وكت سوالفكم هسه خلونا نأخذه للمسشفى

راجح:: مابينا حيل اشمروا بزباله
جوائح:: خوش فكره عفيه عليك راجح
::- التفت فاضل خزرهم دنكوا شالون ثتينهم يسحلون بي سحل واحد منه دفره صاح عليّ فاضل بصوت عالي

فاضل:: راجحححح
- ما سويت شي بس دفره وحده
- طلعوا من البيت والدم وصل لحد الباب لان سحبوا  هز ايده فاضل وجوائح اخذت الماي إلي جبته شربت منه وتتصرف برود ولا كانوا قبل شويه ضربت شخص طلقتين.

::- سديت الباب ودخلت جوه منى نامت وبس صوت شهكاتها مسوع مثل الطفل من يبجي وينام ويضل يشهك هيج حالتها

::- كعدت على قنفه رفعت الدشداشه مالتي باوعت على إثر الضربه احمر غلى ازرك ومنفوخ كانه شريان طالع بس حجمه اكبر
ضليت كاعده أكثر من ساعتين  كل الموقف إلي صار ذكرني بعادل هيج جان يعاملنا تماماً  طلعت من صفنتي على فتحت الباب دخل حمزه خايف بدون ما يباوع على ايشي راح المنى  باوع على ركبتها جهها كمت من مكاني بسرعة ردت اطلع گال

حمزه:: اريد ثلج وقطعه قماش نضيفه
::- هزيت راسي وطلعت جوائح رافعه ملابسها لحد الركبه ونازعه حجابها لازمه الماسحه تنشف البيت باوعتلي وگالت

جوائح:: أكو شي يوجعج ؟
::- مررت ايدي على ركبتي همست بصوت مبحوح
- لا ماكو شي بس خلي اجيب ثلج
::- عفتها ورحت طلعت ثلج خليتها بطاسه وطلعت خاولي صغير من المجر ما مستخدم أخذته ورحت فتت للغرفه انطيته اله درت وجهي اريد اطلع بس سمعت صوت منى وكفت بالباب تهمس بصوت شبه مسموع

منى:: حمزه
- عيونه  امنية بيج شي ؟
- بطني توجعني هواي
- اخذج للمسشفى
- لا لا ابقى لا تروح
- ابقى يمج ما اروح وحدي غير اخذج وياي
- لا ابقى يمي ماريد تروح
- يمج ما اعوفج

- حــمـزه
- عـيـونـه امـنـية
- بطني
- منين توجعج ؟

-: حركة ايدها تأشر اله على بطنها
- ضاربج هنا ال***
- مكان الضربه حار
-: التفت بدون لا يرد أخذ قطعه ثلج خلاها بداخل الخاولي وخر الغطه عنها رفع تشيرت مالتها يحط الثلج على مكان الضرب
بس شفت الوضع صار هيج ابتعدت عن الباب تمشيت بالبيت ورا جوائح تشتغل وعيوني

عليها  من خلال تصرفات حمزه واهتمامه بيها أتأكدت اختيار اسامه صح
كل الفترة الي خلصتها وياهم شفت اهتمام فاضل بولد اخوانه وشفت حنيتهم على بعض
بعيد عن الأشخاص المو زينه بحياتهم بس همه أشخاص ما شفت مثل حنانهم وحبهم البعض ويمكن إني محظوظه لأني صرت جزء منهم 
اخذت نفس براحه خليت راسي على كوشه وعيوني عليها ما خلت مكان ما نضفته عقمت البيت كله واني مركزه وياها راحت غسلت واجت تمشي وتباوع على باب غرفة منى

جوائح:: حمزه جوه ؟
فاطمه:: اي مو شسمه اني معذورة وكتله اقرأ قرآن لأن ماتكدر تنام
- ها زين لعد  خلي يمكم الأمن الي بالباب بالمستشفى بس يطلعون يرجعون

::- كملت كلامها وصفنت شويه وگالت
- ليش تبقون هنا بين ما يستقر الوضع ابقوا يمنا

فاطمه:: لا جوائح هنا نبقى
- ولا حرف تروحون البيتنا مابي احد اهلي مشغولين بشغلهم واخواني بمصايبهم 

- وحمزه ؟
- شبي
- اقصد يقبل
- يقبل هاي يمي وبعدين شعلي هو حتى يحجي والله ياالله
- مو لان هو باقي مكان اسامه
- لا تخافين يمي الموضوع خليني أطلع بالحديقة
- شسوين لا طلعين كلشي يصير
- لا ماكو شي محد يحجي بعد اريد اكعد بره اكتب شويه
- شتكتبين ؟
- كتابات عاديه مو مهم
- احب القراءة شنو كاتبه خليني اقرأ ؟
- مجرد مذكرات يمعوده
- اها تحبين الكاتبه يعني اكيد تقرين ؟
- لا ما أحب القراءة اكتب بس وحتى من اكتب ما اقرا شنو اكتب
- ليش ؟
- لو اعرف جان گتلج
-: نهت كلامها وطلعت للحديقة غربية هاي البنت احير شلون اوصفها
التفتت اباوع على غرفة منى اخاف انام وتروح جوائح تشوفهم كمت طلعت شي اكله كعدت بصاله اكل واباوع شوكت يطلع مو طلعت روحي أكثر من ساعة واني انتظر اخر شي ماكدرت اصبر بعد كمت  مشيت بهدوء خفت ادك الباب وتطلع منى نايمه واكعد
فتحت الباب ودخلت فتحت عيوني على وسعهن من شفت حمزه نايم ومنى حاطه راسها على صدره
من صدمتي بالمنظر طلعت بسرعة حتى النوم طار من عيوني عفتهم ولحگت جوائح ضاله افتر جني بزون

::- وكفت باب الصاله اباوع عليها كاعدة على مرجوحة بيدها قلم وكتاب تكتب  رفعت أيدها تمسح خدها عرفتها تبچي  هم عفتها ودخلت تمددت واني اباوع على باب بدون ما احس نمت ثاني يوم الصبح حسيت بلمسات على وجهي فتحت عيوني صارت كدامي منى كاعدة بالكاع بيدها كمادات بارده تخليها على مكان الضربه إلي بوجهي بس شافتني كعدت ابتسمت وگالت

منى:: ارجعي نامي بعد وكت خليني اكمل
- لا عوفي منى شلون صرتي ؟
- كتلج ارجعي نامي لا تخليني اتخبل هسه
- من الخوف رجعت نمت وهي تسوي كمادات همست

فاطمه:: احجيلي شصار من طلعت من الغرفه البارحة
- ليش احجيلج مو عيب
- هسه عيب واني البارحة أخاف انام وتجي جوائح تشوفكم تفرغ المسدس براسكم
- حتى اني خفت تشوفنا  يلا احجيلج بس بشرط
- وهو ؟
- بس يجي اسامه تحجيلي عنكم وحده بوحده
- هاي اذا اكو شي بس يلا ميخالف سولفي هسه
- ولو هو كال لا تحجين شي يخصنا الاحد
بس أنتِ مو أي احد

" في ليلة الأمس"

حــمـزه
- عيونه امنية
- بطني
- منين توجعج
::- رفعت ايدي على بطني  شاف مكان الضربه التفت اخذ ثلج وقطعه صغيره  مد ايده يريد يخلي الثلج باوعت اله خايفه غمض عيونه يطمني رفع التشيرت حط الكمادات على بطني قشعر جسمي من البروده

حمزه:: هسه يخف الوجع
منى:: اسامه وين
-: زفر نفس وگال
- اسامه بسجن گتل ابن يحيى
- منين عرف!!! إني ما حجيت شي
- وهنا اكبر غلط سويتي لو گايلة من البداية چان ما راح اخوج بهيج طرق
- لااااا تلومني حمزه
- ما الومج بس تصرفج غلط المهم الفات مات مابقى غير سنتين ويطلع
-: وخرت ايده رفعت نفسي صار وجهي مقابيل وجه

منى:: حمزه اخوي زين ؟
- زين والسجن فاده بس يطلع راح تشوفين انسان ثاني
- ماراح يكرهني ؟
- شكد غبية عليمن يكرهج امنية اعز شي هي الأخت وانتِ عزيزة گلبه كلشي سووا علمود ياخذ حقج  هسه نامي وعوفي سوالف

::- كام من مكانه نزع القميص بقى بالكيمونه  اجة للجهة ثانيه شال دبدوباتي ولعابتي حط مخده وتمدد بصفي  غمض عيونه ولا كأنه بكل صلافة نام بغرفتي ويمي ما نطقة بحرف واحد
ضليت على كعدتي  باوعت على الإضاءة  كمت طلعت شي البسه طفيت ضوه نزعت ملابسي وبدلت بسرعة شمرت ملابسي بصف قميصه
وركضت صعدت على جرباية تربعت اباوع اله مغمض وما فتح عيونه
اجت بالي فكره بس خفت وترددت أسويها واتندم  بس بكل صلافة حطيت راسي على صدره انرسمت شبه ابتسامة على ثغره بنفس اللحظه   لف ايده على جسمي قربني اله
حسيت نفسي ضعت بحضنه وبداخلي خايفه
ضليت كاعدة لحد ما ثگلت أنفاسه عرفته نام غمضت عيني مرتاحه ونمت ورا كم ساعة حسيت بي تحرك فزيت رأساً شفته يريد يكوم باوعلي وگال

حمزه:: اسم الله لا تخافين
منى:: گلبي راح شبيك
- ما ردت اكعدج
-  لو مكعدني اهون
- كام من مكانه طلع ضليت أحاول انام ماكدرت شمرت الغطه وطلعت شفتج نايمه وحمزه واكف باب صاله يباوع للحديقة رحت وكفت بصفه شفت جوائح نايمه بالحديقة بدون غطه او ايشي صفن عليها حمزه راح
بعد خصلات شعرها عن وجها طفرت من مكانها باوعلي وباوع عليها حسيته يكول حتى بهاي تشابهن

:: كومها من مكانها شال الكتب الي يمها  دخلوا البيت يحجون بهدوء

حمزه:: اكو واحد صاحي ينام بره
جوائح:: منو گالك إني صاحيه وبعدين ليش مصلخ كدامها

::- باوعت على حمزه لسه بالكيمونه
هز راسه وگال

حمزه:: مصلخ شنو لابس كيمونه تره
-  اي ماكو فرق   لا تلبس هيج استحي
وبعدين وين جنت نايم ؟
- بغرفتي
- اممم بغرفتك وانتِ منى شلون صرتي
- زينه
- اممم اكيد واضح زينه

منى:: شبيج جنج بقره كله اممم واممم
- لا تشبهيني بيج
:- غميتها ورحت غسلت وطلعت لگيتها تحجي وي حمزه كملت كلامها   راحت ترتب ملابسها حظرت نفسها وگالت

جوائح:: اني لازم اروح هسه

حمزه:: وين تروحين ساعة سته صبح
:- التفتت اله  مبتسمه
جوائح:: شسوي باقيه يمك لازم أروح البيت زوجي

::- كالت آخر كلمه وطلعت تمشي مستعجلة  ضل صافن اخوها  تخوصرت وكتله

منى:: شو بس يمي نافش ريشاتك واختك ترجف منها رجف

حمزه:: أنتِ وياها نفس صلافة ماكدرلجن وامشي انزعي هذا الي لابسته لو مركزه على لبسج جان كعدت ساعة تحقق

منى:: شبي لبسي ؟
- لبستي بالضلمه اكيد ما شفتي روحي شوفي نفسج
- شمدريك لبست بالضلمه ؟
- ليش اني مو وياج بنفس الغرفه
- غير جنت نايم ؟
-: حگ ارنبة خشمه وگال
- منو كالج إلي بضلمه ما يشوف
- شني بزون انت وتشوف بضلمه  واستحي على روحك عيب تباوع 

::- ما اهتم ضل يضحك واني احس الحرارة طلعت من راسي شلون بدلت وهو موجود بعدين ليش رحت نمت بحضنه لا وهو شلون شافني استغفرالله  عفنه ورحت دخلت باوعت على نفسي لابسته بالمگلوب ودلعه كلها صايره بالمقدمه نص صدري طالع غميت نفسي مرتين وثالثه تفلت على نفسي نزعت بسرعة لبست غير شي وطلعت للمطبخ وكفت كدامه وكتله

منى :: خلي يجي اخوي وإني اعلمك
حمزه:: اخوج شنو عمي محد يكدر يحجي 
- مو هي بكيفك شنو محد يكدر يحجي

::- ألتفت إلي بكل جسمه  اتقرب مني رجعت كم خطوة وكف كدامي تماماً عيونه بعيوني گال
حمزه:: محد يكدر يحجي لانچ مـرتـي

ـــــــــــــ⊰ ــــــــــــ