رواية جوائح الدهر الفصل الثاني عشر 12 - بقلم دعاء رزاق.

بِسْمِ اللّٰهِ الرَّحْمٰنِ الرَّحِيمِ

"جَوائِحُ الدَّهْر"
(بقلم الكاتبة: دعاء رزّاق)

لا تنسَوا التصويت والتعليق يا جميلاتي فكل كلمة منكنّ تمنح القصة روحًا أجمل 🌿

لم تكن المصائب صاخبة
بل جاءت هادئةً كفكرةٍ خطِرة.
سقطت الحقائق واحدةً تلو الأخرى
وانكشفت الوجوه حين لم يعد الصمتُ منقذًا.
بعض النهايات لا تُغلق الأبواب
بل تتركها مواربة
ليعبر منها وجعٌ لا يُنسى

ـــــــــــــ⊰ ـــــــــــــ

اكيددددددد موااافقه
التفتت لمحتهن وحده بصف ثانيه رحمه غفران وهجَ صاح عليهن ايان وهو مخلوس من صوتهن.
بنفس الحظه انشمر علينا شي من بره ما لحگنا نتحرك وانفجرت
استبرق: يمهههه
::- سحبتني رحمه من ايدي خلتني بصفها بعدنا بصدمتنا وسمعنا صوت ضحكة شخص من ورا الحايط دقيقة أعرف ضحكة منو هاي قبل لا انطق سمعت ايان صاح بصوت عالي.

ايان:: عليييييييي.
::- رفع رأسه من الحايط يضحك.
رحمه:: ايان اخوك هذا يوميه خالسني يوميه مسويلة شغله خلصنا منه لان طفح الكيل
قطع كلامها صوت عياط جاي من البيت.

رحمه:: هذا صوت جوائح!!.

::- مجرد كالت هيج ركض ايان واحنا ورا بس وكعت وهج بالكاع لان ركضت لزمها علي عفناهم بره ودخلنا رحمه وايان صعدوا فوك نزلت ميلا تباوع لجوه خوفاً احد يصعد باوعت الها وگلت.

استبرق:: اختج إلها ايد ؟

::- هزت راسها وضلت ساكته كملت طريقي مجرد وصلت باب غرفتها لگيت ولد عمامي وبنات عمامي متجمعين بالباب وجوه فرات ايان ايڤار ما قبل ندخل وسام وگال .

- لا دخلين انتظري.
::- سكتت لان شفت رحمه واكفه حالها حالي لو هيه داخله جان دخلت انتظرتهم يطلعون أصواتهم العالية خمس دقايق انفتح الباب طلعت كوثر وجهها احمر وشعرها منكوش تحركت من مكاني ردت اضربها بس سحبتني رحمه وگالت.

رحمه:: عوفيها.
::- خزرتها وهي راحت الغرفتها دخلنا إني ورحمه شفت غفران مخلوسه وجوائح من ملامحها واضح دكللها بز وتبچي .
::- جانت تتصرف بغرابة حجت سر من الاسرار الخفيه انصدمت بس ارجع واكول هذا مو مبرر التصرفات وهج بعد حديث مطول الكل نام بمكانه الا إني فتحت تليفوني بسبب صوت الرسالة جنت متأكدة ايان وفعلاً ايان كاتب.

- راح اعتبرها موافقة منج الصبح احجي وي سلمان وابوي يحجي وي ابوج.
::- من خفتي كتبت اله.
استبرق:: واذا ما وافق ؟
ايان:: لا تهتمين يوافقون وهمه المنونين اخـذج يعني اخـذج

::- ابتسمت حسيت معنوياتي ارتفعت التفتت على جوائح نايمه رحمه كذالك وهج حتى ما اجت ولا تنام هنا آخر فترة التفتت على غفران كاعدة تباوع الي صفح هزيت رااسي إلها بمعنى شبيج ؟

::- بدون تفكير فتحت تليفونها تكتب عرفتها تكتب إلي لأن هاي طريقة التواصل بيني وبينها نزل شعار منها مكتوب.

غفران:: كلام جوائح عن ايڤار مو خالي.
كتبت: ليش ؟
- هيه جانت توضح إلي إني اخته لان تشوفني ويا دائماً وكالت هيج حتى تخليني افهم هو أخوي.
- بس انت تدرين بي
- صح بس هي ماتعرف.
- يلا حصل خير المهم لا تهتمين وخليج قريبه منه لأنه اخوج مو غريب.
-اخوي برضاعة بس رغم كلشي يبقى ابن عمنا.
استبرق:: غفران محد راح يكدر يغير فكرة جوائح اختنا بدم بس احنا جبرونا نعاملها
كـ بنت عم وهسه هم كذالك ايڤار واخته هم اخوانا ولازم نعاملهم هيج بس تعرفين انت غير بنسبه السلمان اعتبري الكل اخوانج ولا تتقيدين واحنا شوي شوي نكسر هاي القاعدة.

غفران:: تمام خلينا انام.
::- قفلت تليفون وثبتت عيوني عليها غطت وجهها ونامت صفنت عليها إذا رجع راجح شلون راح تشوفه بعد ما عافها وراح بدون وداع حتى مرت سنه على غيابه ولا فد يوم حاول يتوصل وياها رغم أغلب الأحيان يتصل ابو راجح يحجي وي ابونا بس راجح ما يكون موجود كل ما يسألون علي يكون الجواب نايم او طالع هذا كله ما يهمني إلي يهمني غفران بكل مره تسمع ابوي يحجي وي ابو راجح توكف تحاول ولو تسمع صوته وبكل مره يخيب ظنها بعد الخذلان هذا شلون راح تكدر تبقى تحبه.

::- جنت شاهده على حبه الها من طفولتها ويركض وراها عاف الكل وبقى يم امه حتى يشوف غفران وبالاخر عافها وسافر وي ابو اخخخ إذا الزمه إلا اتوبه اتمنى بيوم من الايام اشوفهم سوه وأن شاء الله يتحقق هذا الشي..

::- دقيقه عبالك نمت لا لا من التوتر ما نمت ضليت اسب بكوثر سحبت نفسي بهدوء وطلعت صارت عيني على باب عرفة وهج
الاضاءه مفتوحه تمشيت بهدوء مجرد فتحت الباب طفر ايڤار من مكانه عقدت حواچبي من شفت فارشين فراش وايان نايم وعلي وايڤار وهج نايمين كلهم علي حاط راسه على ضهر ايان وهج خاتله بحضن ايڤار من صدمتي سديت الباب وطلعت شجابهم هنا ؟ هاي مو غرفتهم وليش بالگاع ؟

::- ضليت اروح وارجع بمكاني فضولتي گتلني
دقيقه تجر دقيقه واني واكفه سمعت صوت حركة جوه ثواني وصوت الخطوات صار على درج انسطرت بمكاني من شفته فرات شكله وشعره كله مخربط ومتوتر لمحني كدامه فتح عيونه مصدوم وگال.

فرات:: شسوين هنا ؟
استبرق:: اني طلعت اشرب ماي انت شسوي هنا ؟

::- صفن بوجهي ثواني وهمس
- وي صاحبي بره جنت روحي نامي لا تضلين طالعه.

::- كمل كلامه ونزل جوه ولا كأنه صاعد للطابق للي بي احنا حسيت اكو شي لان لا هو ولا شكله طبيعي ماكدرت اثبت مكاني نزلت بهدوء ورا راح باتجاه غرفة سلمان انتظرته يطلع بس صار العكس من دخل سلمان للبيت وراح الغرفته يعني ثنينهم بره جانوا بنص الليل ؟
ردت أروح اسمع شنو يصير بالغرفه بس خفت يشوفوني صعدت الغرفته فتحت الباب لمحت وسام كاعد بدون لا انتظر أي ردة فعل گلت.

استبرق:: اخوك شعنده وي سلمان ؟
وسام:: شعنده ؟
- إني الي جايه أسأل شعنده وي سلمان وطاب طالع بنص الليل شنو جاي يصير ؟
- كلشي ماكو شيصير مثلاً سلمان محتاجه بشغلة تخص العلاج وتعرفين فرات صيدلاني يفهم بهاي الاشياء

- تحاول تضحك عليه بهذا كلامك ؟
- استبرق شبيج تشكين بفرات ؟
- أي اشك بي لان تصرفاته مو منطقيه واذا جان اله مصلحه بزواجه من اختي ويحاول يستغفلها خلي يتراجع لأن وحق الله وراها اخوانها يحركونه وهو عدل وما يحتاج اكلك رحمه شسوي اذا عرفت .

- دقيقه دقيقه استبرق تهددين ؟
- أي اهدد إذا تشوفني ادافع الكم وياك وما اقبل عليك هذا ما يعني اخلي اخوك يلعب بمشاعر اختي ويخيط ويخبط بكيفه ومنا ورايح إذا بس أحس اكو شي ثاني بوقتها راح يصير شي ما يعجبكم.

::- نهيت كلامي وطلعت من الغرفه حسيت نفسي راح انفجر من العصبية اذا جان كلام زهره فعلاً صح وفرات وايهاب يحبون جوائح معناتها أكو ملعوب جاي يصير من ورانا والهدف الوحيد هي جوائح.

::- نعلت الشيطان من افكاري صعدت فوك تمددت مكاني نمت ساعتين أقل شي وحسيت على رحمه كعدت بدون لا افكر كمت من مكاني حتى هيه استغربت لان كعدت بسرعه بس حقها ما تدري عقلي شنو بي.

طلعت من الغرفه وكالت.
رحمه:: ليش كعدتي ؟
- مو نعسانه
- لا تفكرين بموضوع ايان اني وياكم والي يرفض يطيح حضه.

::- ضحكة على كلامها بس بداخلي نار خايفة من الايام الچايه.

::- زفرت نفس وكل وحده راحت تصلي بين ما خلصنا لگينا عمي فاضل كاعد على درج بيده واوراق يقلب بيهم بس شافنا نازلين همس.

فاضل:: استبرق من صبح كاعدة اليوم
استبرق:: اي عمو نمت وكعدت بس انت شعندك مو جنت غايب عن البيت ؟
::- قطع كلامنا صوت عمي محمد وهو طالع من غرفته لازم شبه الملفات بيده خلاهم بيد فاضل وگال .

محمد:: صباح العافية بناتي.

::- ردينا عليي وراح بعد ما ثبت عيونه على رحمه وكأنه يوصيها على شي وهي هزت راسها اله.

استبرق:: شصاير ؟
فاضل:: ما صاير شي
::- خله الملفات والأوراق بيد رحمه وراح ورا عمي محمد هنا مو بس اني حسيت أكو شي حتى انتو اكيد يعني ما بيها مجال راحت للمطبخ وإني ضليت اوزع صفنات
استوعبت لازم اروح وراها هرولت للمطبخ سويت ريوك كعدنا نأكل وهي تصفن وترجع تستوعب إني كدامها بين ما خلصت اخذت كوبها وطلعت قبل لا تصعد نزل انمار من فوك لابس البدله العسكرية مجرد شافته وكفت مكانها وگالت .

رحمه:: من صبح جكاير ؟
انمار:: اي ماكو غيرها يطفي النار
رحمه:: صدك جذب ؟
- عندج شي غيرها يطفي النار ؟
- اي اقصد لا ماكو.
::- أبتسم إلها وهمس بصوت شبه مسموع خاف احد يسمعه.
انمار:: صـح اسـمج رحـمـه بـس مـا رحـمتـي گـلبـي

::- نفخ الدخان عليها ابتعدت خطوتين عنه حتى يروح رحمه ما تحركت من مكانها إلا ان دفعتها التفتت إلي وگالت .

رحمه:: يحسسني جنت حابه أتزوج اخو على أساس برضاتي المعفن ابو جكاير وانتِ ثانيه وخري منا تتسمعين على حديثنا طركاعة براسج

استبرق:: ياااا شعليه إني طركاعة براس كوثر
::- ما اهتمت لمن صعدنا فوك استلمت جوائح وراها طلعت وجوائح لازم تذب كلمه وتروح ما تستقر الا تسمني خاف عايزة سم اني ساعتين ودخلت غفران للغرفة وراها وهج تكمز وعاطت بصوت عالي

وهج:: سمعتتتتتت جدييييي يكوللللل الابويه هاي هيه استبرق اله يعنيييي وافق وافق هو وابوج

استبرق:: احلفي ؟
غفران:: والله إني هم سمعت تعرفين جدي هو يريد أحفاده يتزوجون حفيداته

::- بدون ما احس طفرت على جربايه من الفرحه حسيت نفسي فراشه طايره

وهج:: انزلي بعدين طفري خلينا نشوف ابوج يوافق لا

::- تلاشت ضحكتي كعدت صافنه عليهن.
وحده تباوع للثانيه من فرحتنا نسينا كلشي للعصر ننتظر أبوي يجي صارت ساعة اربعه موعد جية رحمه وكفت إني وغفران بالباب ننتظر جيتها بس هاي المره رحمه اتاخرت عكس كل مرة.........

ـــــــــــــ⊰ ـــــــــــــ

::- طلعت من البيت رغم بداخلي شعور غريب مشيت واني متأكدة ما راح ارجع سالمه بس لازم اليوم أكمل كلشي وأخذ حقها حتى ما اخيب ضنه...

::- نزلت من سياره بعد ما صفيتها مشيت بخطوات ثابتة الاول مره اكون بهاي الثقة واني داخله المحكمة ابتسمت وإني اسلم على الكل دار حديث بيني وبين الشخص المطلوب سلمت الملفات والتصوير والأهم تسجيل صوت

:: جنت متأكدة راح أخذ حقها بس جنت عاجزه لو ما انت موجود.

::- هز راسه وملامح وجهه ثابته تركني وراح بدون لا ينطق بحرف بس من شدت فرحتي كلت اله بصوت عالي.

رحمه:: شكرا الك حظرت الملازم حمزه.......
درت وجهي عنه وتوجهت السيارتي جنت شاكه حمزه مو شخص عادي واليوم تأكدت اخذت نفس براحه

رغم المسافه طويلة بس ما حسيت إلا وإني بصف السياره صعدت وتوجهت المكان عمي محمد وفاضل نص ساعه وكفت كدام البيت شبه مهجور صفيت سياره بعيد حتى لا احد ينتبه قفلتها وتمشيت للداخل لمحت عمي فاضل منتجي على حايط مجرد شافني كال.

فاضل:: شصار ؟
رحمه:: كل الخير ما راح يطلع منها هاي المرة لان كل الدلائل تثبت هو معتد*** على خمس بنات بأوقات وايام مختلفة

::- ابتسم فرحان بس سرعان ما تلاشت ضحكته همس
فاضل:: ذكرتي اسمها ؟
رحمه:: لا اكيد ما راح اذكر اسمها صح هي وحده من ضحايا هذا الشخص القذر بس ما كدر اذكر اسمها لأن حسب كلام عمي محمد بصعوبة تعالجت واكيد ما راح أخلي أحد منهم يعرف وهج هي وحده من البنات الخمسه الي أعتد*** عليهن حفيد سرحان

::- هز راسه ساكت طلع صوت صرخة من داخل التفت بسرعة وكال.
فاضل:: تليفوني طفه شحنه تليفونج عندج ؟
:: اي بس بسياره دقيقه اجيبه.
دخل جوه واني رحت اجيب تليفوني مجرد فتحت باب سياره اخذت جنطتي اطلع تليفون ما حسيت غير بشخص يلف ايده على رگبتي بكل قوته وايده ثانيه يكتم صوتي بيها ايد بجنطتي بدون تفكير سحبت السجين نبتتها بجزء من جسمه ماكدرت الاحظ اي شي لان مقيدني فقط سمعت صوت صرخته رخت ايده دفعته بسرعة والتفتت اله شخص غريب الأول مره اشوفه لزم رجله اليمنى والسجين منبوت بيها طلع عمي فاضل يركض من البيت ورا عمي محمد وشخص ثاني ما أعرفه سحبني عمي محمد من ايدي وگال .

محمد:: اصعدي رحمه
::- ما نطقت بأي شي صعدت رأسا صعد الشخص ثاني شغل السياره وانطلق ضلت عيني عليهم لمن اختفوا من كدامي ما نطق اي شي إلي يسوق لزمتني رجفه واني اباوع الأيدي ماكدرت الزم نفسي نزلت دموعي

غصب إني مو خوفاً لا نزلت دموعي لأن أي بنيه بعمري عايشه حياتها طبيعي واني لازم بكل مكان أشيل شي وياي لان بأي وقت اطلع من البيت وما ارجع او أتعرض الحادث طول الطريق ابجي وصلني للبيت نزلت واني منهارة تماماً انفتح الباب صارت كدامي جوائح من خلال نظراتها عرفت أبوها انطاها علم بصار او عمي فاضل سحبتني من ايدي سدت باب السياج ما انتظرتها تحجي رأسا حضنتها وابجي بصوت عالي لفت أيدها على عليه وهمست.

جوائح:: كافي دموع ما صار شي.
::- شلت رأسي وگلت
رحمه:: بس....
::- قاطعتني وكالت
جوائح:: ما صار شي هي ضربه وحده ما راح تخلي يموت وعفيه عليج هسه اكدر اكول إني اخت رحمه.

::- ضحكت ومسحت دموعي
رحمه:: ما بي شي ؟
- اكيد إذا ضاربته بمكان خطر بوقتها نقرأ الفاتحه بس حرامات مكان مو خطر
-منو كلج ؟

- وصلتني الاخبار من العصفوره.
ابتعدت عنها وضلت تسولف لمن دخلنا رحت انام لان ماكدرت احرك جسمي نمت متجاهلة البيت كله ثاني يوم كعدت متاخره أول ما نزلت ثبتت عيون سلمان عليه عرفته عرف بموضوع حفيد سرحان. غلس وما نطق حرف عرفت من استبرق أبوي وافق على خطوبتها وجدي جان مستعجل وفرحان بيهم بنفس الوقت إلي سرحان شبه انجلط بسبب محاكمة حفيده واتاكدت دنيا لمن دور تضلم كل ضالم مرت الايام بخير وسلامة موضوع الشخص إلي ضربته انسد وما انفتح بعد اجه اليوم الي حددو بي عقد ايان واستبرق والكل فرحان وهيه جانت طايره من الفرح يمكن لأن راح تاخذ محبوبها على طاري محبوبها اجت عيني على محبوبي اني من بعيد لمحته واكف بصف ايان ويضحك فرحان الغيره لأن كدر يأخذ الي يحبها عكسه ماكدر يوفي بوعده ولا ننجمع بلعت ريگي ورحت احضر نفسي ننتظر استبرق تجي من صالون فتحت باب غرفتنا لمحت جوائح واكفه يم الكنتور وبيدها طابوكها جبيره بدون لا تتردد شمرتها على راس فرات إلي نامت طابوكه براسه.......

أحدهم يخفي سرًّا لم يُكشف بعد
كل ابتسامة حوله كانت قناعًا وكل كلمة صمتٍ رسالةً مخفية
وفي هذه اللحظة، لم يكن أحد بريئًا
ولا شيء كما يبدو
شيءٌ قادم يختبر من يجرؤ على النظر

يـتـابـع

ـــــــــــــ⊰ ـــــــــــــ