رواية جوائح الدهر الفصل الثالث عشر 13 - بقلم دعاء رزاق.

بِسْمِ اللّٰهِ الرَّحْمٰنِ الرَّحِيمِ
"جَوائِحُ الدَّهْر"
(بقلم الكاتبة: دعاء رزّاق)

لا تنسَوا التصويت والتعليق يا جميلاتي، فكل كلمة منكنّ تمنح القصة روحًا أجمل 🌿

لم تكن المصائب صاخبة
بل جاءت هادئةً كفكرةٍ خطِرة.
سقطت الحقائق واحدةً تلو الأخرى
وانكشفت الوجوه حين لم يعد الصمتُ منقذًا.
بعض النهايات لا تُغلق الأبواب
بل تتركها مواربة
ليعبر منها وجعٌ لا يُنسى

ـــــــــــــ⊰ ـــــــــــــ

مرت الأيام واني اسعد انسانه احظر العقدي واني طايره من الفرح طول هاي الأيام مغلسه على وضع البيت وعلى الكل مركزة على نفسي بس بيوم العقد جنت متوترة ولحسن حظي كلهن مجتمعات يمي تركت  اختيار المكياج على عمتي لأنها تفهم أكثر وفعلا ا طلع يموت فستاني  كان شكله حلو وبسيط والافضل لأنه هو عقد مو عرس كل دقيقه عليه تخلي دكات گلبي تزيد أكثر شعور حلو بداخلي بس التوتر سيطر عليه
تمنيت يخلص الوقت بسرعة  وفعلاً كمل كلشي خليت الحجاب على راسي عمتي نيرمين لفته الى حتى ما يتلخبط شعري دك تليفوني مجرد شفت اسم وسام عرفته هو إلي اجه يأخذنا لان من صبح طلب هذا شي من ابويه واكيد ما رفض حتى ايان ما علق لان الكل يعرفونه يعتبرنا اخواته دقيقه سوالفت صح ؟
طلعنا من صالون السيارته كدامنا تماما صعدت بسياره وهو ما رفع عينه بس گال.

وسام:: صكارة بيت سرحان كبرت واليوم نفرح بيها شايفه الخير  بعد اخوج.

::- ابتسمت بداخلي ماكدرت ارد بس احجي تنزل دموعي  سكتت الأول مره بحياتي بعد ما وصلت صعدت رحمه تساعدني البس فستاني وعدلت شعري هيه كذالك جانت مدمعه وما نطقة بكلمه وحده بس عيونها تشرح مشاعرها نزلنا جوه الكل فرحان ومجتمع بس اني هذا كله ما همني المهم جان عندي يتم عقدي بدون مشاكل  صارت صوت سيارات عالي بره رفعت راسي صار عندي فضول اشوف بس أمي خزرتني واكيد لازم اذكر وصتني ما اتحرك لمن يكولون الي بس اكيد عمتي جان إلها رأي ثاني وکالت.

نيرمين::  كومي اوكفي من شباك وشوفي لا تهتمين لامج بعد صرتي جنتي.
::- ابتسمت إلها بس ما كسرت كلمة إني وما انكر كلام عمتي نيرمين فرحني والله يعمه لو تدرين شكد ابنج شلع كلبي حسبت دقيقه دقيقه حتى يكولون كومي يم الباب وفعلاً  مجرد ثواني وحطوا الكرسي يم الباب  بهاي الحظه فصلت عن الدنيا كلها كل حواسي ركزت وي صوت الشيخ حسيت كلبي راح يوكف إلى ان بلش يعقد النا وطلب الموافقة مني اخذت نفس ونطقة الموفقة واني متأكدة اختاريت الشخص الصح.

استبرق: نـعـم انـت وكـيلـي.
::- نزلت دمعه من عيوني بسبب الفرحه او يمكن لان بيوم من الايام جنت اكــول مـسـتحـيل يـجـي هـذا الـيـوم واجــه

كمل عقدنا وصرت مرت الشخص الي احبه من عشر سنوات الشخص إلي جنت أخفي حبي اله اليوم إني مرته شعوري بهاي الحظه تمنيته الاخواتي اتمنيت الهم يعيشون فرحتي هاي واكثر وإني متأكدة راح يعيشونها مـاكـو شـي مـسـتحـيل مـادام الأمــل مــوجــود

::- رجعت كعدت على مكاني وعيوني على باب أنتظره يجي ربع ساعة دخل بطوله الحلو لابس دشداشة بيضه وعباية رجالية مزينه أكتافه والشماغ البيض ما ننسا اكيد اجت عيونه بعيوني أشرت الي عمتي اكوم وكفت حسيت رجليه منملات  حض راسي بيده باسني  براسي كدامهم شعور الفرح والتوتر والرجفه كلهم بوقت واحد حسيت بي  صوت الهلاهل عالي كعدنا على كوشة  انطته الحلقه رحمه حتى يلبسني اخذها منها ولزم ايدي بهاي الحظه رفع عينه بعيوني لمحت لمعه بعيونه لبسني الحلقه وباس ايدي
الجكليت  فشخنا بس ما اهتمينا  لبسته حلقته وهاي المرة اخذ كف ايدي الثانيه باسها لبسني الذهب اخر شي طلع من جيبه لعبه تليفوني خلاها يمي وباس راسي وطلع بعد ما كملنا كلشي لان جماعته ينتظروا .

بعدها الركصنا إني والبنات وفرحت وعبرت عن فرحتي بدون ما اخاف من أمي  لحد ما خلص كلشي سلمت على عمامي وأبوي وصعدت فوك دخلت غرفتي  اكمز بمكاني   دخلت رحمه وراي گالت.

رحمه:: لا تغيرين ملابسج  نسوي جلسة تصوير ما علقت بس سالتها عن غفران وگالت  ايڤار دزلها رساله وكال الها اخذتها وياي لان ما تحب التجمعات ما علقت لان اعرفها وافضل الها وي ايڤار  ورا عشر دقايق انفتح الباب كل ضني رحمه بس دخل ايان مبتسم وكعت عيونه عليه سد الباب وكأنه جان ينتظر اليوم إلي اصير على ذمته.........

ـــــــــــــ⊰ ـــــــــــــ

قبل لا ارد او اطلع من صدمتي التفتت على شهكة غفران عيونها ورا أسامه تماماً كممت حلگها وگالت .

غفران:: راجح!!

::- رجعت خطوتين حسيتها راح توكع بسبب رجفت جسمها انسطرت بمكاني ماعرفت شنو اتصرف بس لزمتها خوفاً عليها اتحرك اسامه من مكانه حتى يشوف من الي واكف ورا وهو صدمته ما تتفسر من ناحيتي لزمت ايدي حيل أخذت نفس ردت اسامه يتحرك

من مكانه أو هذا إلي اسمه راجح بس ثنينهم واكفين راجح عيونه على غفران واسامه عيونه عليه بهذا الموقف اتمنيت اموت ولا انحرج هيج مجرد استندت عليه اجه شاب من ناحيه السياج يركض باتجاه غفران وهيه ما صدكت من شافته لزمته من ايده وكالت.
غفران:: ايڤار
::- مسد بيده على رأسها وهمس الها
ايڤار:: عيوني بهداي وي روحج.

::- لمها بحضنه مثل الطفل والتفت على راجح باوع اله بنظرة عجزت افسرها وكال الي.

ايڤار:: بلا زحمه عليج خويه جيبلي من البنات عبايه
::- ما جاوبته بس رأسا رحت للبيت الكل ملتهي صارت عيوني على ام طابوكة كاعدة وحدها رحت إلها وگلت.

فاطمه:: ممكن دقيقه من وقتج
::- لا تستغربون حسيت نفسي خايفه منها بس مجرد ردت بهدوء اختفى خوفي.
جوائح:: اتفضلي حبيبتي.
فاطمه:: اكو واحد بره يريد عبايه ممكن تنطيني وحده ؟
- واحد وبره ؟
- اي
- ما سألت منو بس صعدت فوك دقيقه واجت بيدها عبايه خلتها بيدي وگالت.
جوائح:: المن ؟
فاطمه:: غفران تعبت حالتها واكو واحد اسمه ايڤار يريد عبايه الها.

::- حجيت بسرعة وطلعت اهرول وهي اجت وراي انطيت العبايه للرجال وام طابوكة وكفت تباوع على راجح وبسرعة اداركت الوضع وساعدت ايڤار يلبسها العبايه اتقرب منهم اسامه.

أسامه:: اخذها خليها تكعد بمكان بعيد عن البيت طلعها من الباب الثاني حتى محد يشوفكم.

ايڤار:: تكدر تجيب السياره ؟
::- هز راسه وراح يجيب سياره للباب ثاني غفران ما رفعت راسها من حضن ايڤار حالتها جانت تعبانه اخذها وراح ايڤار دخل وراهم شخص يشبه راجح دقيقه مو بس يشبه لا عبالك نسخه فقط اختلاف لون البشره والطول رفعت أيدها جوائح تأشر على راجح وتوجه الكلام للشخص إلي يشبه.

جوائح:: هذا اخوك!!!
ايهاب:: اي
::- راح وكف بصف راجح وهذا إلي اسمه راجح جنه تمثال لا حركه ولا يرمش شكيت بي بشر لو ما نطق وگال .

راجح:: كتلك ننطي علم ألهم
::- وهنا نطلقت ام طابوك وصارت ترعد عليهم لو أني بمكانهم طميت نفسي.
جوائح:: تنطي علم ؟ علم شنو الصلافه عدكم وراثه لو شنو واكف كدامها وبكل حقاره ونذاله وفوك هذا الك عين تحجي.

ايهاب:: شسوالها ما سوالها شي تره.
جوائح:: انت تسكت حرف واحد منك ما أسمع الحجي ما موجه الك من أوجه الك بوقتها احجي وانت ثاني يا أستاذ راجح الي يريد يجي يدخل مثل البشر مو داخل من الباب الخلفي.

::- اتقربت منه أكثر وحجت شي اله محد يسمعه غيره فتح عيونه على وسعهم ورجعت تحجي بصوت عالي بس دخل اسامه سحبها من أيدها وصاح عليه.

اسامه:: سكتيها وخليها تفوت جوه.
::- اجيت الزمها التفتت يمين سحبت حجار من السندانات وركعت اسامه بوحده وراجح بثنبن ركضت جوه خاف انركع باوعت الهم كلهم مخلين ايدهم على رأسهم ويباوعن الها ما كدرت الزم ضحكتي ضحكت بصوت عالي طولها شبر ونص ومحد سكتها بيهم سكتتهم هيه ورجعت ركعت راجح مره ثانيه دفعهم أسامه وصاح.

أسامه:: خاب لزكتوا انگلعوا منا
::- طلعهم وسد الباب التفت الها وگال .
اسامه:: مسودنه ؟ عقلج شبي
::- رفعت الحجار رأسا صاح.
- اشاقه عوفي الحجار رحمه الربج وانت فواطم اقصد فاطمه تعالي اخذيها.

::- جنت ماده بس راسي طلعت وكتلها

فاطمه:: تعالي ندخل.
جوائح:: منين تعرفها ؟
::- بلعت ريگي والصمت.
اسامه:: سمعت غفران دكللها.

::- باوعت النا كأنها شكت بشي دخلت جوه وقبل تدخل جوه أشرت إلي ادخل كدامها دخلت ورحت كعدت ولا كانوا صارت معركة بره خلصت الفوضه مال عقد الكل راح البيتهم اما احنا مجرد ردنا نتصل على رائد اجت ام وهج وگالت .

نيرمين:: بناتي خالكم حجه وي ابو مؤمل واليوم تباتون هنا .
::- ردت عليها سيلين اني ما تقبلت الفكره بس إذا هيه اجت وكالت حجه بعد شنو يفيد الرفض سيلين فرحت لأن حب الأجواء حتى اديان رحت يم استبرق وكتلها بصوت ناصي.

فاطمه:: استبرق اريد نكعد بمكان بعيد عن الموجودين عيب من ولدكم.
استبرق:: دقيقه
::- صاحت على أختها جبيره وهيه قابلتني بابتسامه صعدنا نكعد بالغرفه الي كالت عليها ما احجيلكم الخوف إلي بي راح من بالي يصير ابن عمها ما اذكر ولا شي حسيت تورطت بورطة مالها حل خنست بالغرفه حتى بوقت الأكل اكلنا فوك إلى ان دخلت ام طابوكة أشرت الي بيدها وگالت .

جوائح:: مرخصتكم راح اخذ فاطمه منكم
::- كلهن باوعن الي اني ما كلت لا خفت تركعني عدلت حجابي وطلعت وياها نزلنا جوه طول ما اني وياها ساكته دخلنا المطبخ سدت الباب وگالت .

جوائح:: ولو راح اتعبج
فاطمه:: لا تعبج راحه كولي شنو رايده ؟
::- أشرت على المواعين وكالت اليوم عليه المفروض بس كلت نغسلهم ونحجي.
::- بداخلي فرحت لأن من بين البنات صاحتلي اني رفعت اكمامي وكفت بصفها هيه تجلف المواعين وإني اغسلهم ونحجي مواضيع عاديه إلى أن سألت عن جماعتي وكالت.

جوائح:: انتِ بنفس الجامعه وي البنات ؟
فاطمه:: اي صح.
- وسام واسامه وياكم صح ؟
- اي بس وسام دكتور
- اي أعرف اسامه عدواني هناك صح ؟

::- حسيت بيها تعرف شي ولهذا السبب فتحت موضوع اسامه رفعت اكتافي بمعنى مادري
فاطمه:: ما مختلطه بي يعني ولا صادف الي موقف ويا.

جوائح:: اممم متأكدة ؟
- اي متأكدة
::- كملنا المواعين وسوت جاي كعدت على الكرسي بين ما صبت الجاي واجت اول ما كعدت على كرسي غمضت عيونها متألمه .
فاطمه:: بيج شي ؟
جوائح:: لا مابيه شي المهم احجيلي عنج
فاطمه:: شحجي يعني
- دراستج مثلاً.
- دراستي مو تمام لان اخر فترة داخله حاله اكتئاب عوفج مني سمعت بيج محققة ؟
- اي صحيح
- خلينا نعكسها وانتِ احجيلي عن شغلج
::- ابتسمت ابتسامه واسعه وگالت.

جوائح:: تمام اختاري شي معين يخص شغلي
- قصدج شي يخص تحقيق ؟
- اي
- امم مثلاً عن تحقيقج بقضية او نوع معين من القضايا.
- تمام خليني احجيلج عن قضية تخص بنيه لفت انتباهي كمية الذكاء إلي عدها
::- جانت تحجي وكأنها جانت منتظره نحجي بهذا الموضوع.ركزت بكلامها الى ابعد الحدود.

جوائح:: شوفي مثلاً هاي القضية جانت تخص شابه متعرضه للخطف والاعتداء الوهمي

فاطمه:: الاعتداء الوهمي شنو ؟
- يعني الخاطف اله غايه أو متقصد يوهم الضحية ان هو معتدي عليها بس هو ما معتدي بالأصح .

فاطمه:: وليش شنو غايته ؟
جوائح::  التهديد او غايه معينه بس الذكاء عند الضحيه الي تعرضت للتهديد وغيرها وبين قوسين ما كدرت تحجي الي صار وياها وحست بعد فترة انو هذا الشخص سوالها بشي بس وهمها  بيا طريقة اتاكدت ؟

::- هيه تحجي وإني مركزة بكلامها حسيتها تريد توصل فكرة معينه بكلامها بطريقة غير مباشرة زفرت نفس وكلت.

فاطمه:: بيا طريقة ؟
جوائح:: حاولت توصل للشخص بطريقة ومثل ما هو وهمها اعتداء عليها هيه وهمته أنها حامل منه وطبعا الجواب من شخص إلى شخص يختلف بس الذكية راح تكدر تعرف اذا هو فعلاً سوالها شي من كلامه بدون فحوصات او احد يعرف

::- كلامها خلاني اصفن مو بس اصفن لا دوخني فعلاً حسيتها تعرف وضعي وتعرف شنو صار وياي لهذا حجت هيج بلعت ريگي وكتلها.

فاطمه:: تصرف ذكي
-  تماما ومرات يفيد لان حالياً عايشين بمجتمع مقرف.
::- نطقة آخر كلمه وتغيرت ملامحها مثل إلي ذكرت شي أخذت نفس وگالت .
جوائح:: الي صار وي غفران لا يطلع ممكن
- أكيد لا تخافي.
::- ابتسمت وكامت طلعنا من المطبخ  الكل مجتمع بصاله من العدد مالتهم دخت صرت بصف جوائح خاف احد يشوفني استغفرالله على أساس محد يشوفني اذا صرت بصفها وهمه كلهم شافوني لأني اطول منها صعدنا فوك عبالي خلصت بس طلعت غلطانه صار بوجهنا اسامه قلص عيونه بس شافني كدامه كأنه يسأل شسوين هنا لسه التفت على جوائح وكال.

اسامه:: اشوفج حاطتها وتفترين خير ؟,
::- خليت أيدها ورا ضهرها وهمست إله بنبره غريبه.

جوائح:: اي أن شاء الله عندك اعتراض
- شدخلني حتى اعترض.
- صحيح وها حبيتها فاطمه ويمكن اخطبها الواحد من اخواني.

::- لا إرادي شهكة من نطقة آخر كلمه اسامه كز على سنونه طكطك ركبته وگال

اسامه:: اخوانج ما يريدون مره اكعدي راحه جوائح.

::-  غمزت اله وأشرت إلي يلة باوعت إله عيونه بكصته هز راسه متوعد الي تمشيت وراها والتفتت وراي اشوف يباوع او لا.

جوائح:: لا تلتفتين وراج.
::- عجزت أفهم ليش تصرفت هيج لاكن بداخلي فرحت لان كدرت تخلي يعصب اجاني احساس هاي الانسانه الوحيدة إلي راح تساعدني وما خاب احساسي......

ـــــــــــــ⊰ ـــــــــــــ

::- طول الطريق ساكت  باوعت للوقت  تسعه ونص بليل!!!! اهلي ما لاحظو اني ماكو او يمكن جذب عليهم او كال الهم هيه وياي صرت اتوقع كلشي منه آخر شخص جنت ثاقه بي غدرني  بهاي الحظة اتمنيت اصرخ بس ماكدرت ولا نطقت شي  الأفكار البراسي موتتني  ما حسيت إلا وإني كدام البيت
باوعت للبيت طلعت منه صبح واني رافعه راسي ومتأكدة محد يكدر يكسرني بشي وهسه شنو.....

عائدة من خطوة خاطئة ليس لي ذنب فيها عائدة من خطوة ثقلها على قلبي لا يغتفر ولا يبرر احمل تعب الطريق كله معي

مد ايده يفتح الباب وگال.

فرات:: انزلي جوائح.
وأي شخص يسأل وين جنتوا كولي نختاار أثاث البيت.

::- التفتت اله لو اشرب من دمه ما يفوخ گلبي ماكدرت أبقى ساكته وكتله.

جوائح:: وحق علي يا فرات اذا البالي صحيح  الموت اخليك تتمناه الغلط مني اني ثقيتتتتت بيك انت حالك حالهم نذل وقذر يا عديم الشرف.

::- نزلت وركعت الباب الوجع موتني وكفت بالممر اعدل شعري ودخلت للبيت سلمت على موجودين وصعدت فوك بدون لا اباوع بوجه واحد منهم. صعدت الغرفتي سديت الباب  محد موجوده منهم عرفتهن جوه  طلعت ملابس إلي ردت ادخل أسبح بس خفت احد يشوفوني استرت على نفسي وتمددت بمكاني عضيت اصابيعي ندم على طلعتي ويا دقيقه وانفتح الباب غمضت عيوني وما تحركت سويت نفسي نايم سمعت همسات يمي عرفتهن كلهن اجن بس ما جان الي خلك احجي غمضت عيوني ونمت من كمية القهر البداخلي ما اهتمت حتى للوجع  ثاني يوم سحلت نفسي اخذت ملابسي ودخلت للحمام بسبب إلي شفته كعدت بالكاع منهارة بجيت بدون صوت حسيت روحي تطلع رفعت عيني على الأشياء الموجودة بالحمام اخذت م*** خليته على ايدي مره مرتين الى ان اختلط الدم وي الماي حسيت روحي فرفحت غسلت كل جسمي وطلعت  لكيت وهجَ واكفه إلي بالباب عيونها وكعت على ايدي خلت أيدها على حلگها تكتم صوت شهكتها عفتها ورحت الغرفتها دخلت وسدت الباب كعدت بمكاني ارجف  .

وهجَ:: ليش هيج ليش ؟
::- مارديت عليها راحت طلعت المعقم واجت سحبت أيدي  وخلت معقم  وتبجي مسحت وجهي وحجيت الها كلشي من الاول لحد آخر شي فتحت عيونها  مصدومه بس قبل لا تحجي أي شي اندك الباب واجانا صوت رحمه راحت إلها وقفلت الباب وراها لفيت ايدي ولبست شي يستر ايدي نشفت شعري ومشطت  طلعت للبلكونه جبت طابوكة جبيره وركضت فوك لحسن حضي محد طلع بوجهي خليتها بغرفتي وكعدت مكاني اجت غفران طلبت منها تروح تصيح اله ما طول واجه دخل للغرفه سد الباب باوع إلي انتجيت على كنتور أشرت اله على قنفه وكتله.

جوائح:: تعال هنا.

::- اجه بدون لا يكول ايشي  عينه على أيدى الي ورا ضهري وكف كدامي مجرد طلعت ايدي شاف طابوكه ضحك أثناء ضحكته انفتح الباب التفت يشوف منو دخل رأسا رفعت طابوكه وركعتها براسه بكل قوتي صاح بصوت متوجع  فتحت عيونها رحمه ركضت خلت أيدها على مكان ضربه بعدهم ما مستوعبين شنو سويت ركعته مره تانيه براسه بس بمكان ثاني عفتهم بصدمتهم وطلعت من الغرفه دخلت بغرفة وهج وقفلت الباب ورا شويه اندك الباب ما فتحته ضليت عازله نفسي عنهم حتى عن وهج  ساعة ساعتين وأكثر الوقت مر لمن سمعت صوت ابوي يدور عليه طفرت من مكاني   عدلت شكلي وفتحت الباب خليت الوضع طبيعي حضني من كتفي وكال.

محمد:: شبيها حلوة ابوها ؟
::- تعبانه شويه.
محمد:: شصاير وياج كولي بنيتي ؟
::- سكتت بس حضنته وهو عرفني ما اريد احجي شي آخر شي مسح على راسي وکال.

محمد:: امج وي مرت اخوج واني لاحظتج ماكو لا تخلين بالي يمج انزلي وياهم غيري جو  وافرحي لاخوج لا تزعلين منه ومن تردين تحجين اني موجود ماشي حبيبة گلبي
::- بوسني وراح اخذت نفس وكمت اخلي مكياج ولبست فستان من وهج ونزلت جوه اخذت زاوية ماحبيت اختلط اجاني شعار فتحته رسائل من عمي فاضل مجرد قريت المكتوب رفعت عيوني  على وحده  طلبت عبايه مني عرفتها صديقة استبرق بس ما جنت أعرف هاي نفسها المقصودة والي ادور عليها من شهر..

مجرد ذكرت اسم ايڤار وغفران طلعت وراها ركض وهنا استقبلت صدمة ثانيه وشفت ...

لم يكن الصمت بريئًا هذه المرّة. ما غاب طويلًا عاد بثقله وسرٌّ مؤجَّل اقترب من انكشافه وعند تلك اللحظة لم يعد شيء كما كان

يـتـابـع

ـــــــــــــ⊰ ـــــــــــــ