رواية جوائح الدهر الفصل الثاني 2 - بقلم دعاء رزاق.

بِسْمِ اللّٰهِ الرَّحْمٰنِ الرَّحِيمِ
"جَوائِحُ الدَّهْر"
(بقلم الكاتبة: دعاء رزّاق)

السلام على من اختار القراءة وعلى من ترك لعينيه فرصة الترحال بين السطور.
قبل أن تبدأوا أخبركم أن ملامح هذه القصة قد لا تتضح من أول فصل فالأحداث يغلفها الغموض وتتشابك بخيوطٍ خفية لا تُفهم إلا بالصبر.
أما السرد فهو صوت كاتبةٍ مبتدئة تسير بخطاها الأولى في عالم الحكاية تحاول أن تكتب بقلبها قبل قلمها.

في أزقة بغداد وتحديداً منطقة الشعلة

يُقال إنَّ ألعائــلة
هِـي ألتي تَصنع مِن ألاناث
صقوراً جارِحة لاينكسِر لها جِناح

لكن هُنـا..
حَيثُ ألتفرقة والتمييز
لايوجد مَكانٌ للتعزيز

أناثُ للظروفِ مُغايرة
لايَقبلنَّ بالسهولةٍ والمُسايرة

الكثيرُ مِن الأعداء
وألبقاء فقط للأقوياء

عِندمـا يتَحدَنَ بعزمٍ وإصرار
للقضاءِ عَلى الاشرار

فَهَـل يَستَمِرُ وهج النارِ؟
ام تخمده روح ألانتقام وألثار

تلك الجميلةُ في مساءِ ظُهُورِها
جَعَلَتْ عيونَ الناظرينَ تحارُ
الوقتُ ليلٌ غيرَ إنّ ضياءها
أوحَى لهمْ أن الزمانَ نهارُ

وأمـا عن ألمشاعر والعيون فقالت كثيراً
وأزهرَ قلبي لوقع الكلام
فليت اللقاء يكون يقيناً
وليتَ الفراق حديث المنام

لكُل منهُم قِصته
في النِهاية ، ألجَميع سوف يقطِفُ بذرتهِ

أما تِلكَ ألقوية ألتي يُقال عنها مِسكُ ألختام
هيَ مَن تُنهي كُل ذلك ألظـــلام

في مَكان مَا حيث يوجَد هُناك العدو
والحبيب والـعائلة

حَيث إن كل شيء على وجه الأرض بريء إلا الإنسان

ألتفرقة ، ألظُلم ، ألخُداع ، سيـد ألرِواية

سِتّ أناثٌ لكُل منهُنَ قِصه

إحداهُن تلك التي تُدعى بِالـصقر الجارح

تخرِجهُم مِن الظلام إلى النور

كما يخرج الجنين من الظلمات الثلاث

عِندما تتكاتف الاخوات سيُحدث شيء يُغيـر كُل شيء..

ـــــــــــــ⊰ ـــــــــــــ

فتحت عيوني مجرد شفت المنظر اخذت نفس براحة ملت راسي عليهن.

::- ليش ماتخلينا نبقى بعد ساعة ؟.

رحمه: صار هواي كاعدات هنا مو كافي.

استبرق: لا مو كافي شسالفة هيه بالسنه حسنه نجي الكربلاء.

::- هزت راسها من اعناد استبرق.
التفتت اليه وگالت.

رحمه:بيج شيء غفران ؟.

-: هزيت راسي نافيه

استبرق: انتِ شبيج ساكتة احجي كولي لا مابيه شي اتنفسي بصوت عالي.

غفران: استبرق جوزي مني ترديني مثلج الغي أربعة وعشرين ساعة؟.

رحمه: الحجي ضايع وياجن.

::- لزمتني الضحكة على شكلها كاعدة بصفنا
تحاول تهدي بينا

سديت كتاب زيارة عاشوراء خليته بجنطتي
حسيت ايد نمدت على گتفي بس التفتت لمحت استبرق أشرت على رحمه وگالت

استبرق:: راح ابقى يمها روحي شدي البيرغ
وتعالي

غفران:: ليش اني روحي أنتِ

استبرق:: انتِ تربيتي على ايد السيد بلگت عندج بخت ودعائج يستجاب

:- اخذت البيرغ منها وكمت باوعت الها صفح
ومشيت خليت الكتاب بمكانه ودخلت بصعوبة وصلت الشباك الإمام الحسين عليه السلام
شديت البيرغ شباك ودعيت بس خلصت طلعت كعدت يمهن ورحمه ساكته

ضلينا كاعدين بين الحرمين نص ساعة اتصل
ايهاب طلعنا وحده لازم ايد ثانيه خاف نضيع

استبرق: هديني بلكت اضيع واخلص منهم.

غفران: عفيةة وتوكع براس رحمه يكولون ضيعت اخواتها

استبرق: عقلج يحتاج أطلعه واركعه على تفكيرج الخايس.

::- التفتت على صوته من ورانا.

إيهاب: حتى هنا تتعاركن ؟.

استبرق: في كل مكان وزمان يا ابن عمتي.

غفران: عوف المعركة وكلي شعدك جاي بالزي العسكري ؟؟.

ايهاب: مالي خلك اروح للبيت من الواجب واجيت.

غفران: شسمه اكول راجح هم شفته؟

- لا ما شفته

::- درت وجهي عنه متأكدة يعرف بس يحب يخبث مشيت بين ما اخذو فره بالسوك طلعنا للكراج مجرد صعدت بسياره گلت بصوت عالي.

غفران: الله راح نرجع.

استبرق: ايي تردين.....

ايهاب: هوب هوب صوتج استبرق جنج ببغاء.

::- خزرته وسكتت اساسا هي تضوج منه بدون سبب دائماً دكول ما ارتاح اله لان عاف امه ايهاب وراجح ولد عمتي التوأم بعد انفصال عمتي عن زوجها بقى ايهاب وي ابو السيد وراجح اختار امه وبقى ويانا بنفس البيت وهو الشخص الي مستحيل اتخيل نفسي اعيش بدونه..

::- خلصنا الطريق كله نايمات
مجرد فتحت عيوني صار بيتنا كدامنا .

العالم ترتاح بيتها اله احنا شابعين ضيم.

رحمه: مايحتاج اوصي بعد ؟.

استبرق: هاي غفران فاهية اني موجودة اذا واحد يحجي اكتله.

::- اتقربت منها صار الهمس بفلس

طلع فرات ابن عمي من البيت يفر بالسويج مجرد شاف إيهاب دمغة على راسه وگال.

فرات: تنزل من الواجب واني مادري.

إيهاب: لا ولك غير زياد كال الي اخذهم ونزلت.

::- اخذت نظرة سريعة ورجعت دخلنا اني واستبرق رحمه رجعت البيتها.

::- مجرد دخلنا اجانا صوتها يرعد رعد.

زهره: بعد وكت والله زين.

::- تحجي من ورا خشمها سحبتني استبرق دخلنا المطبخ وصاحت بصوت عالي.

استبرق: يمةةة وينجج.

::- مدت راسها امي من طارمة الخلفية واردفت.

زهراء: وسم شبيج صيحين ؟.

استبرق: هستونا اجينا استقبلتينا بسم
مو صوجج صوجي اني اجيت لو باقيه بيت رحمه اشرفلي

::- طلعت من المطبخ واني مثل الثولة افتر وراها من يوم عرس رحمه واني وياها وحده تركض ورا ثانيه وهاي تعليمات رحمه.

دخلت غرفتنا قفلنا الباب.

استبرق: شايفة أم هيج ؟.

غفران: من بعد أمنا لا صراحة.

::- هزت راسها وكامت تصيح وتتحلف.

استبرق: وربي مو مال احترام اطلع من البيت ارتاح أدخل البيت تطلع روحي.

:- وهاي شدخلها بالاحترام ؟.

استبرق: انجبي انتِ هسه رحمه وحوراء وشهد ليش ازوجن ؟.

غفران: شدراني اني اصلاً كلنا نعرف رحمه ازوجت بسبب جدج ابو المشاكل.

::- اسكتي هذا الموضوع بذات مجرد افكر بي يطيخ بالي اذبح سرحان وسلمان.

غفران: بله حوراء وشهد مرتاحات بس رحمه احسها صعبه شلون تكدر تعيش وي اخو حب طفولتها.

استبرق: اصلاً عايشين مثل الغربة.

غفران: ادري بقينا اني وياج بس الله يعلم شنو راح نعيش بسبب إهمال اهلج.

استبرق: عاد احنا اكو من ورانا بس والي ما نعرف أخبارها ؟.

::- اكتفيت بسكوت فعلاً مانعرف أخبارها ولا نعرف شلون عاشت حياتها السؤال الي يتكرر براسي شنو شعورها عرفت ابوها انطها العمها لو لا

ولدنا بنص عائلة تفرق بين البنات ولولد.
وجود امي وابوي بدون نفع فعلاً رحمه هيه صارت النا أم و أب ولحد الآن تحارب علمودنا

احنا ست اخوات الأكبر متزوجات
واني واستبرق حاولوا أكثر من مره يجبرونا على زواج بس رحمه تخرب كلشي وما تخلي احد يتقرب النا اما اصغر وحده بينا من ولادتها محد رادها بس لان هي بنت جانوا متوقعين يجي ولد بس اجت هي وعمي اخذها سجلها باسمه ومن هذاك اليوم محد يعرف شي عنها

دائماً هي على بالنا وأتمنى يجي يوم ويلتم شملنا

طلعت من صفنتي على صوت الباب.

استبرق: سوت نفسها نايمه بمجرد سمعت صوت الباب ركعتها بالكوشة وكمت فتحت الباب مديت راسي مجرد لمحتها گلت.

غفران: خير ياطير شكو ؟؟.

كوثر: المواعين عليجن اطلعي اغسليهم بدون حجي زايد يالدايحات

سمعت صوتها استبرق طفرت من مكانها بسرعة صاحت بصوت عالي

استبرق: : أمشي منا لا اطلع حركتي بيج .

كوثر: هاي عليةة شو تعالي.

- سديت الباب بوجهها لان ادري راح تعلك وتصير اسحلني واسحلك.

استبرق:: وخري وخري خليني اربيها الخايسه.

قفلت الباب واخذت المفاتح كوثر تركع بالباب من بره واستبرق تركع بالباب من الدخل وحده تسب بثانية عاد احسن من الكتل.

::- للمغرب طلعت اصلي .
لمحتهم كاعدين بالحديقة كلهم مديت راسي
لمحته كاعد بصف إيهاب يسولفون وحدهم عدلت حجابي وطلعت مجرد شافني صاح.

راجح:: تعاليي غفران.

غفران:: طلعت اسد الباب مال بيت مفتوح.

ايهاب:: اني سديته ما مفتوح .

راحج: اسكت انت كالت مفتوح الباب هاي هيَ خلاص عيونك بيها خلل

::- ابتسمت التفتت على دخول فرات وأخو وسام كعد بصف ايهاب وكال

فرات:: ايان راح يجي وي عمي محمد.

ايهاب:: ايان ؟.

فرات:: اي شبيك مستغرب ؟.

::- هز راسه بنفي وسكت.

كام راحج واشر اليه تعالي.

::- مشيت ورا وكف بصف الحايط تارك مسافة بيناتنه گال.

راحج: صارت مرتين اجي وانتِ ماكو

غفران: جنت بيت رحمه

راجح: ادري اقصد مادري .

::- عرفته يريد يفتح موضوع علمود نحجي
بس خفت تشوفنا كوثر واختها وتشهرنا.
درت وجهي ومشيت متجاهلة نظراته.

من طفولتي يهتم بأدق تفاصيل حياتي وكبرت واني متعوده على وجوده بحياتي بس رحمه دائماً تحذرني احجي وياا خوفاً يشوفنا احد ونصير علج بحلگهم صرت ابتعد بس كلبي شنو يقنعه.

مريت من يمهم لفت انتباهي كلامهم.

فرات:: سرحان هو جاي يورط جدك ولازم عليٌ شي مخلي ورا مثل الجلب.

ايهاب:: عمي فارس وعمي محمد شنو وضعهم ما يدخلون ؟

فرات:: عمك محمد جاي بنبش وراهم بس فارس ملتهي بأشياء ثانية.

::- دخلت جو وهيج مرت الايام يوم عن يوم المشاكل تزيد ما تنقص اخر فترة ايان صارت جياته هواي جان عندي فضول احجي ويا بخصوص اختنا هيه ربت عدهم بس جنت اتردد إلا هاي استبرق السانها فالت ولا تكدر تلزم السانهااخذت الماي وطلعت طلعت وراها

اتقربت منه وهو مجرد شافها دنك بالكاع

استبرق::سلام عليكم.

::- ضل مدنك وگال.

ايان:: وعليكم السلام

استبرق: انتٓ ابن عمي محمد صح ؟

إيهاب: شنو هاي المعلومة الجديده عجبتبني صراحة.

::- ألتفت اله ايان مجرد باوع عليّ دنك ايهاب

ايان: اي محتاجة شي ؟

استبرق: حابه اعرف أخبار أختي

::- مجرد كالت هيج رفع رأسه صدت عيونه بعيونها واردف بنبرة حادة.

ايان: اختج ؟

استبرق: اي اختي.

:- مسجلة بإسم ابوي بعتبار اختي وتصير بنت عمج.

استبرق: ماكو اختك اختنا احنا.

ايان: اختج بدم واختي برضاعة.

::- بهتت مصدومة من برود أعصابه
درات وجهها وراحت رجعت التفتت وگالت .

استبرق: هم غيرتو اسمها ؟.

اتقرب ايهاب وهمس.

ايهاب: صدك محد يعرف شي عنها ؟.

غفران: اي جدك مايقبل نجيب طاريها.

::- قطع كلامنا صوت ايان

ايان: اي غيرو.

غفران: شنو إسمها ؟؟

إيهاب: جوائح.

ـــــــــــــ⊰ ـــــــــــــ

::- وين رايح ؟

:- حتى هنا لحكتني وخري لا اكتلج.

وهجَ: بيك حظ؟

::- التفت اليه شال الدرنفيس وگال.

ايڤار: وخري لا ادجج بي.

وهجَ: يا مجرم تريد تكتلني مو اني اختك توأم شلون تكتلني .

- ويننن طالعين.

::- طفرنا على صوته خليت ايدي على كلبي

وهجَ: انت شبيك جنك جني.

علي: شبيه كلشي مابيه شفت إخواني طالعين بنص الليل كلت اطبك على واهس وياهم.

ايڤار: عندي شغل انتم تفترون وراي شكو ؟.

علي: نحبك

::- هز أيده ايڤار التفت من جهتين وهمس بنبرة هادئة

ايڤار: يلا أخذ أختك ودخلوا جو

وهجَ: وين رايح ؟.

ايڤار: رايح وي وسام بوية ادخلي جو هسه يشوفج ايان ويتخبل بنص الليل علينا.

علي: ايان يتخبل وفلانه تطبك ويا.

- ضحكنا على كلامه لزم ايدي علي ودخلنا للبيت صارت كدامنا منتچيه على الباب بيدها
كوب كهوه رفعت حاچبها وكالت

جوائح: وين جنتو ؟.

علي:: اختج الغبية مضيعة سويج ايڤار وطلعنا نشوفه خاف واكع منها العصر من اجت من دوام

وهجَ:: يحجي الصدك

::- صفنت علينا مالت راسها صفح تثبتت عيونها ورانا .

جوائج: هذاك السويج معلك .

علي: انتِ حققي وياهم محققتنا اني مالي دخل

::- كمل كلامه وصعد يركض على درج خلاني وحدي الحيوان رفعت شعري وكلت

وهجَ: اليوم اكو بنات اتعاركن وياي اني وصديقتي وجنت ضايحه لان سبن ابويه طلعت بره اغير جو لان احس نفسي تعبانه بس لحكني علي تدرين بي مثل جني وين ما نروح يطلع النا.

جوائح: شي ما يشبه شي بس سماح هاي المرة .

::- ابتسمت على شكلها بوستها وفلتت الغرفتي سديت الباب وطفرت على جربايتي.

خليت راسي على مخده ضليت افكر بالموقف الي صار العصر وياي هزيت راسي احاول استوعب افكاري الغبية الثاني يوم

انسحب الغطه مني طفرت بسرعة مجرد لمحتها واكفه كدامي .

وهجَ: كم مرة كتلج لا تكعديني هيج ؟.

جوائح: صار ساعة اصيح صوتي راح كومي بسرعة وراج دوام.

::- هيَ تحجي وتمشط شعرها لمحت أيدها كلها جروح غمظت عيوني أحاول أهدي نفسي.

وهجَ: رجعتي تجرحين نفسج!

::- التفتت اليه لمحتني اباوع على أيدها نزلت الردانها .

جوائح: راح انتظرج جوا لا تتأخرين.

::- طلعت بدون ما تجاوبني صفنت على حالتها جاي ازيد ما تنقص بس شوكت تقتنع هالشي غلط

واني متأكدة تعرف هالشي غلط بس هيَ الي برأسها اسوي دائماً تلزم الكزاز وكلشي حاد
ترفع السجينة علينا بحجة الشقة.

تغيرت بسبب موضوع اهلها وحالتها نفسية تعبانه من سنوات تأخذ جلسات علاج نفسي بس ما يفيد زفرت نفس بقلة حيلة وكمت.

دخلت الحمام بين ما حظرة نفسي نزلت بسرعة لمحتها واكفة هيَ وايان يسولفون لفت انتباهي حديث امي وابوي اتقربت منهم

::- اتقربت بوستهم اخذت كوب الجاي مال ابويه

وهجَ: هذا بي طعم صار الي خلي امي تصبلك واحد ثاني

محمد: بالعافيه حبيبتي.

::- مادام اني كاعدة عيني عليهم ومركزه وياهم.

محمد: هو لو اليوم بليل لو الفجر يجي.

نيرمين: الحمدلله أقتنع.

وهجَ: منو وشنو صار احجولي.

نيرمين: عوفي سوالف ماما وكملي اكل حته ياخذج اخوج.

::- سويت نفسي اكل بس تركيزي وياهم.
كملت أكل لبست حجابي ورتبت شكلي طلعت وراهم لكيتهم واكفين سوا ايڤار واكف وي واحد اتقربت أكثر منهم لمحته وسام حسيت نفسي انثولت اريد مكان اشرد اله بس ماكو..

::- التفت اليه لمحني نزع النظاره اتقرب خطوة وثبت نظراته وراي التفتت لمحت ايان شايل طابوكة بيده.

رجعت درت وجهي إذا اتقرب خطوة مني رحع خطوتين وصعد بسيارة.

::- دنكت بالكاع مريت من يم ايان همس.

ايان: ادبسزز.

::- صعدت بصف جوائح الي تضحك عليه. درت وجهي عنها أعرفها تلزمني بسرعة.
و

صلوني راحو الى أن خلص دوامي اجه اخوي ياخذني بس شافني كال

علي: ليش طولين يلا اطلعين ؟

وهجَ: عندي درس اضافي.

:- صدك ذكرت ابن عمتج عنده دورة علمود الترقية مالته وراح يبقى بيتنا ايان ما عاجبه الوضع بس ساكت الخاطر ابوي

وهجَ: بس ليش بيتنا ؟.

علي: علمي من علمج

::- هزيت راسي وسكتت ايان الأخ الاكبر وجوائح الوسطانية اني وايڤار توأم وعلي اصغرنا عايشين بغداد ومن صغرنا والدي مخلينا بعيد عن اهله واقاربه نادراً يجون عمامي وميدخلون البيت ياخذون ابوي ويطلعون لهذا ما اعرف احد غير وسام وفرات وكم شخص بعد لاكن وسام واخو الأقرب النا بسبب وجودهم الدائم وي إخواني .

اخذت نفس ونزلت بمجرد صلنا للبيت بس دخلنا لمحت ايان بصاله ويا واحد التفتت على علي اشرت اله بمعنى هو.

علي: اي ايهاب.

::- التفتت عليهم وجود شخص من بيت سرحان ويانا سبب قلق دائماً النا بس
أهون من القادم.

دخلت ورانا جوائح على صوت الكعب مالتها التفت ايان والي اسمه ايهاب صدت عيونهم عليها لزمت گلبي بيدي ما اطيق احد من احفاد سرحان إلي هو عم ابوي وايهاب حفيد سرحان

علي: راح تعلك.

وهجَ: لا لا شسالفة بس يمكن تشيل السجينة بوجهة قابل شنو هيه سجينة.

ونكدر نكول راح تعلك فعلاً..

اتقدمت بتجاهي وعيونها عليهم.

جوائح: منو هذا ؟.

::- صفنت عليها اذا اكللها حفيد سرحان ترگعني اني وياا بلعت ريگي بتوتر وهمست.

وهجَ: هذا إيهاب.

::- توسعت عيونها بصدمة وگالت بنبرة حادة..

جوائح: إيهاب ابن بنت سرحان ؟؟

وهجَ: لا اقصد اي..

::- كملت كلامي و اتقدمت بأتجاهم
خ

طواتها ثابته نظراتها حاده الي يشوفها يكول خازرتني بس هيه هيج ملامحها.

اتقربت منهم وقبل لا تحجي كام ايهاب
وهمس...

ايهاب: هلا حفيده سلمان..

::- ردة علي بنفس النبرة..

جوائح: هلا بيك حفيد سرحان..

::- هي واكفه هو واكف ايان كاعد يوزع نظرات عرفته راح يسحل ايهاب..

ايهاب: الي شرف اتعرف عليج.

جوائح: اني الأشرف..

::- ضحك ايان بصوت عالي وهو بهت مصدوم رجع كعد بمكانه وجوائح عافتهم وصعدت فوك

علي راح يمهم واني فلتت وراها..

دخلت غرفتها طلعت السلاح من جنطتها وخلته بالمجر ضليت مسطورة بمكاني ..

وهجَ: جنتي طالعة وي شيلان شكو ماخذه مسدس ؟.

- باوعتلي صفح كعدت على كرسي حضنت كفوف ايديها

جوائح: جان عندي شغل وهسه كليلي هذا شعده هنا .

::- سديت الباب وكعدت على جرباية .

وهجَ: حسب الأحداث الي جمعتها وربطتها براسي هو نفسه الي جانو يحجون عليّ اهلي وراح ببقى هنا.

::-رفعت حاجبها واكتفت بسكوت.
ثواني وكالت.

جوائح: زين محد سمع فد اخبار جديده منا منا ؟؟..

وهجَ: اخبار المنطقة كلها عندي مثلاً عدج ام احمد جابت ولد.

بيت ام علي احترك.
ساره انخطبت

وبيت ام عباس عدهم خطار هسه من اجيت شفتهن أتوقع خالاته لان شايفتهم قبل عدهم.

جوائح: الغرفتج بسرعة وهجَ مال اركع راسج بالحايط .

::- غميتها وطلعت اوي شبيها نفسيه غير انطيها الاخبار سوي زين وذب بشط..

دخلت غرفتي طلعت دفتر الرسم وفتحت الشباك لمحت ايڤار واكف وي وسام جوا عرفته وسام وصل ايڤار .

ضلت عيني عليهم دخل ايڤار جوا
ضل وسام يتمشى بالحديقة اتقرب على الورد قطف وحده ضل مركز بيها بس ثواني ورفع راسه تجاه شباك غرفتي ثبتت نظراته عليه حك ارنبة خشمه وضل مركز عليه.

سديت الشباك والتفتت مجرد درت وجهي انصدمت بمكاني بمجرد شفت ايان واكف يباوع عليه اتقرب مني فتح شباك

باوع على وسام وطلع من غرفتي بسرعة مديت راسي من شباك صعد وسام بسيارته وراح ركض ورا ايان بس ما لحگ عليّ.

درت وجهي صرخت بصوت عالي.

وهجَ:انت ثاني شبيكك.

علي: سمعتج ضحكين كلت اشارك وياج.

::- زفرت نفس بغضب
وهجَ: راح تنگطع خلفتي من وراكم.

::- ضل صافن بوجهي ثواني عرفت شنو جفصت اتقربت منه ضربت على كتفه

وهجَ: اخوي الصغير بير اسراري.

علي: خر..... بيج وبأسرارج..

وهجَ: اطلع من غرفتي لا اكول الايان تشرب جگاير مجرد كملت كلامي سد الباب وطلع.
ض

حكت وحركة اصابع ايدي وكعدت ارسم..

ـــــــــــــ⊰ ـــــــــــــ

ليش طولتي؟.

::- اتقدم بتجاهي نظراته خلتني أستغرب.

رحمه: لحظه شبيك زياد ؟.

::- مسح على وجهه ضغط على ايده وگال

زياد: صار ساعة انتظر لج شوكت توبين من شغلج لو صاير شي ؟؟.

رحمه: شسالفة مايصير شي متعوده دائماً يهددون بس ماكو فعل.

زياد: الله وانتِ منتظره يگتلوج ؟.

::- رمشت مرتين احاول استوعب عليمن هاي العصبية.

رحمه: تعال خلينا نصعد ونتفاهم وضعك ما عاجبني ابد.

::- سبقته وصعدت التفت وراي صعد وركع الباب حيل.

مديت ايدي فتحت الباب وركعته حيل التفت مصدوم وگال.

زياد:ليش ؟.

رحمه: شفتك ركعت الباب كلت خليني اسوي مثلة.

زياد: رحمه لا طلعيني عن طوري.

:- شنو صاير عليمن هاي العصبية ؟.

:-: ماكو شي بس تعبان.

رحمه: خليني احزر شيلان اتجاهلتك ؟.

زياد: لا

رحمه: اتعاركت وي جماعتك.

:- هم لا.

رحمه: لعد شكو شنو الوضع ؟.

::- التفت اليه عيونه حمر .

زياد: أخوي متصاوب وضعه مستقر حالياً بس اني ما مرتاح انمار تعبان بسبب وجودي

.

رحمه: لحظه بس خليني أفهم وين متصاوب

زياد: بكتفه جايه الطلقة هو من صفحه وانتِ من صفحه جاي تركضون وراهم وهمه اكبر ****

::- اتلاشت كل الحرف من الساني اريد احجي ماكدر مجرد شاف حالتي نزل وسد الباب كل ما احاول انسى يصير شي يرجعني رفعت عيني على زياد منتجي على سياره ادري بي صعبه عليّ

مسحت دموعي مديت ايدي أخذت البطل شربت ماي أحاول اهدي نفسي دقايق وگلت.

رحمه: تعال خلينا نروح.

::- التفت نظراته ماتتفسر صعد بصفي

زياد: هو ادري زواجنا بس اسم
بس على أقل احترميني جاي احس بذنب اشوف اخوي مايجي للبيت واشوف مرتي تبجي على اخوي.
هسه لو واحد غيري جان شدهن من زمان.

رحمه: وهسه انتٓ مو تحجيلي على حبيبتك ؟.

زياد: يا حبيبه اذا تشوفني تشرد.

- يلا ميخالف تكبر وتنساها.

- باوعلي صفح حسيته شوي ويذبني..

- طول الطريق يشرب جگاير بحيث اختنكت
مجرد وكفت سياره تعلن عن وصولنا نزلت بسرعة .

رحمه: جيب جنطتي وراي زياد.

- دخلت اركض حتى ميگلي تعالي اخذيها..
مجرد دخلت صدت عيني عليّ كاعد على قنفه مخلي رجل على رجل يهز برجله جگارته بيده خصلات شعره متناثرة على جبينه كتفه الأيمن مضمد مثبت نظراته على حايط

::- بلعت ريگي تسارعت دگات گلبي
كورت ايدي وضغطت حيل عليها

اتوجهت باتجاهه على صوت خطواتي التفت اليه.

صدت عيونه بعيوني بعد غياب سنتين..
آخر مرة شافني واني لابسه البدلة العرس الإخوة وهوا جان منتظر اليوم الي يخطبني بي بس بسبب الأهل صرت مرت أخو.

:- ابتسم ابتسامة غريبه طفه الجگاره بيده وگال بنبرة هادئة..

انمار: هلا بمرت اخوي..

رحمه: الحمدلله على سلامتك..

::- هز راسه والتفت متجاهل وجودي..
اتخطيته ودخلت الغرفتي.خليت ايدي على كلبي احس وكعدت بالكاع رجعت ضهري على الباب

::- لو ميته ولا شفت هذا اليوم..

اتمددت بوضع الجنين ساعة ساعتين اني نفس وضع الى أن غفيت بدون ما احس على نفسي...

مر وقت وحسيت الباب ينضرب بقوة..
فتحت عيوني توجعني رفعت نفسي فتحت الباب مديت راسي لمحتهن واكفات

دفعت الباب دخلت وحد وثانيه وراها اتخوصرت وگالت بصوتها العالي الي مستحيل تحجي بصوت هادئ.

استبرق: صار ساعة ادك بالباب خوفتيني تدرين لو لا..

رحمه: بيش ساعة؟؟.

استبرق: اربعه ونص العصر بيش يعني.

::- توسعت عيوني بصدمة.

رحمه: اربعه ونص!

عفران: باعي وراج على ساعة.

استبرق: شبيها عيونج ؟.

رحمه: شبيها كلشي مابيها بس نايمه من ساعة عشرة صبح..

غفران: لحظه مو كال زياد جنتي بالمحكمة ؟؟.

رحمه: اي جانت عندي مرافعة ورجعت بالعشرة دخلت نمت وبعد ماحسيت على شي..

استبرق: مشيهن على غيري وگليلي شنو صاير ؟.

رحمه: جاي اكول ما صاير شي لا تلحين امانه.

::- طلعت من الغرفة دخلت الحمام نزعت حجابي نايمه بي امداني اي والله.

غسلت وجهي وركبتي ورجعت لبست حجابي طلعت اخذت ماي ودخلت الهن..

مجرد شافوني سكتن.

رحمه: غردو شصاير وشعجب خلوكم تجون ؟؟.

استبرق: مدري منو مشتكي على جدج واخوانه ودخلوا بيتنا فتشوا كله واحنا طلعنا وسام وفرات والباقية محد طلع منهم.

::- اتقدمت بسرعة وكعدت كدامهن.

رحمه: لحظه وحده وحده منو اشتكى على منو ؟؟.

غفران: اني افهمج اكو شخص مشتكي على جدج سلمان واخوانه ومن ضمنهم سرحان المهم مو بس مشتكي لا مسلم ملفات بيها أعمالهم الغير قانونية واكو تسجيلات صوتية هم يعني مابيهاا مجال الهم والمشكلة مو هنا محد يكدر يعرف منو مسلم الملفات خلاهم واحد ينطح ثاني وعلي.

رحمه: هسه ما فهمت واحد وحده تره دخت ؟؟.

غفران: وسام كال شاك بشخص يعني مجرد وجهة نظر يعني شاك بوحده بس ما كال اسمه..

رحمه: احتاج اجيب هذا شخص لان احسه نادر.

استبرق: صراحة اني شكيت بيج لان ادري جاي تلزمين عليهم شغلات...

رحمه: لا والله مو اني عندي قضية وملتهية بس صار فضول اعرف منو هذا...

غفران: وسام وفرات يعرفون شي..

رحمه: إيهاب وين ؟؟.

::- ايهاب من عرف بالموضوع ضحك عليهم وبعدين راح

رحمه: عوفونا منهم وهسه يا شاطره منجن تسوي اكل بين ما اكمل شغلي ؟.

استبرق: كملي واني وهاي العوبه نطبخ.

::- عفتهن وطلعت فتحت التليفون دزيت رسالة الوسام.

ورجعت اكمل باقي الملفات بس ضل بالي منو هذا ؟؟.

ـــــــــــــ⊰ ـــــــــــــ

وكفت بالباب انتظر استبرق تجي لازم توكف وي رحمه ساعة علمود توصيها التفتت على سياره سويت نفسي مامنتبه وادري بي عيونه عليه..

طلعت استبرق تفر بالسبحه احلف عليها مسترجه..

فتحت باب سياره وصعدت رفع ايده راجح على أذنه حتى مايسمع شلون راح تركع باب سياره..

ركعته حيل واشرت اله وخر ايدك.

نزل ايده وكال

راجح: خو مو حيل ركعتي ؟؟.

استبرق: لا لا مو حيل هاي غفران شاهده.
حرك السياره وهو يسب بفرات وسام لان خلوا يجيبنا

استبرق: اكول ابن عمي..

راجح: كولي الله يستر..

استبرق: هسه انت ابن عمي صح ؟.

- اي صح.

:-: خوش لعد وضحلي وضع العائلة لان شي لازك بشي ماتعرف عمك من خالك..

راجح: اني ابن عمتج .

:- خوش كمل.

:-: وسام وفرات اخوان
انمار وزياد اخوان

استبرق: اعرف ولك بس اقصد ليش هيج هواي همه.

::- التفت الها وگال بصوت عالي.

راحج: استبرق اسكتي اسكتي راسي راح ينفجر.

استبرق: غفران احجي.

راحج: اي احجي ليش ساكته.

استبرق: ترا ادري بيك تحبها وهيَ تحبك.

::- توسعت عيوني بصدمة من كلامها ضربتها على راسها وهيَ مستمره.

استبرق: وادري يوميه تحجون ادري بيكم طايح حضكم وها ادري بيك توكف بعيد عنها لان تستحرم ابو الحرام.

::- بدون ما احس على نفسي ركعتها على حلكها.

غفران: اسكتي اسكتي ولج.

راجح: انتِ عليمن طالعة صلفه؟.

استبرق: على امك..

::- هاي المرة غطيت وجهي هاي ناوية تجلطني ضل ساكت وهيَ طك بالعلج ولا عبالك جابت ام العيد.

::- وصلنا للبيت نزلنا وهو صف السياره ونزل ورانا وكفنا ننتظر يجينا إذا ندخل وحدنا تبلش زهره بسوالفها التعبانه

راجح: تعالن.

::- دخلت استبرق ورا تركع بالكعب بالكاع كلهم بصالة حتى جدي وعمامي بختصار العائلة كلها سلمت عليهم وصعدت فوك بس هاي استبرق منو يلزمها اذا ما اطشرهم ما تكعد راحه صعدت وضليت خاتله حتى اسمع شنو اجفص..

استبرق: شلونك جدو.

سليمان: هلا جدي.

استبرق: شلونك كالوا دخلت السجن بجيت عليك حتى ما اكلت ومن كالوا طلعت اجيت بسرعة خفت عليك..

سلمان: يابعد جدج شنسوي الما يخافون الله يركضون ورانا..

اتقربت أكثر سمعت واحد من عمامي يحجي من صوته عرفته عمي حسين..

حسين: عليمن يركضون وراك بويه انت بس عوف اخوك سرحان وبعد محد يوصلك اذا تبقى وراهم يوميه توكع بمصيبة.

ام راجح: اي والله شنو تسوى الك تدخل السجن وانت بهذا عمرك.

سلمان: الله كريم نشوف شيصير..

زهره: بس يا *** انطاهم التسجيلات ومنين جابوهن..

سلمان: هي هاي المحيرتنه لعبوها صح مامخلي شي حتى نلزمه وانت التسجيلات اكو اصوات محذوفه منها مخلي صوت سرحان صوتي كاصينه مركز عليهم واني ذاكر اسمي بس..

حسين: من طلعنا من المحكمة لگيت ورقه على سياره مكتوب بيها .

- هذا تحذير الك المرة جاية تكعد وياهم..

حيثهم جذبني كعدت بالكاع وضليت اسمع شنو يحجون.

زهره:: ياااا الله لا يوفقهم شنو يردون..

سلمان: مادري المشكلة لا طالب فلوس ولا شي حتى نكول علمود الفلوس بس هيج بدون سابق إنذار .

::- بعدي كاعده طلعت امي من الغرفة مجرد شافتني صاحت سكتت ثواني سمعت أصواتهم طلعت امي من غرفتها بس شافتها ضربت على خدها

زهراء :: عزا العزاني كومي الغرفتج هسه بس يشوفنج يكولون امها خلتها تتسمع..

::- كمت واني ساكتة دخلت غرفتي ادري استبرق راح تجيب الحجي كله وتجي اكيد حالياً فاتحه أذنها وتحفظ كلامهم علمود تحجي الرحمه دقايق وصار صوت عالي جوا
خ

فت استبرق جفصت بشي فتحت الباب صارت كوثر كدامي وجهها أصفر.

غفران: شبيج ؟.

::- خلت أيدها على حلكها وراحت

التفتت على ركضت استبرق .

استبرق: علگت والحسين علگت.

غفران: وعلگتها انشالله شدخلنا احنا ؟.

استبرق: لج سيارات عمامج كلها لون احمر مثل الدم وكاتبين على سيارةجدج بالدم

استبرق : نهايتكم على ايدي.

يـــتــبــع .

ـــــــــــــ⊰ ـــــــــــــ

وهكذا يُسدل الستار على هذا البارت...
لكن لا تنخدعوا بالهدوء، فالعاصفة لم تبدأ بعد.
ترقّبوا القادم، فكل شيء سيتغيّر حين تنكشف الأسرار...