رواية جوائح الدهر الفصل الثالث 3 - بقلم دعاء رزاق.

بِسْمِ اللّٰهِ الرَّحْمٰنِ الرَّحِيمِ
"جَوائِحُ الدَّهْر"
(بقلم الكاتبة: دعاء رزّاق)

لا تنسَوا التصويت والتعليق يا جميلاتي فكل كلمة منكنّ تمنح القصة روحًا أجمل 🌿

لا شيء هنا كما يبدو وكل شيء يهمس بأسرار لا يستطيع العقل فهمها.
الأحداث تتقاطع بلا ترتيب والظلال تتكاثر لتغرق القلوب في بحرٍ من الغموض الذي لا ينتهي.

ـــــــــــــ⊰ ـــــــــــــ

نهايتكم على ايدي

- نهاية منو بضبط وهذا شخص منو ؟

غفران: ما اعرف حالي حالج ..

- وهسه شعلينا بيهم ؟.

استبرق: يولون المهم خليني اخابر رحمه..

:- راحت تكمز على جرباية اعرفها راح تكت الأول وتالياتمددت بمكاني صافنه على سقف فكرة تأخذني وفكرة ترجعني الى أن نمت للصبح كعدت على صوت المنبه

غفران: صباح الخير.

زهراء: صباح النور يلا كومي عدج دوام

::- باوعت على ساعة وكمت من مكاني عفتها تحجي وي استبرق طلعت للحمام صار راحج كدامي.

راجح: صباح الخير للناس الحلوه

غفران: صباح النور للسادة

::- دخلت الحمام رفعت شعري وصرت اكمز
شعور حلو من تعيش وي الشخص التحبه بيت واحد رغم مليان مشاكل بس تهون..

استبرق: اطلعيي غفران.

غفران:: انزلي جوا ما أطلع.

::- صار صوت يمها عرفتها راح تتعارك وي كوثر طلعت بسرعة ومثل ما توقعت وحده لازمه شعر ثانيةعلى أثر صوتهن طلع فرات باوع عليهن وگال

فرات: شكوووو من صبححح مو مطمورين.

كوثر: هيَ دگلي الزركة.

::- مد راسه وسام لابس كيمونه ومبين كعد على صوتهن.

وسام: حجت الصدك هدي شعرها ونگلعي جوا..

::- تفلت عليها وركضت رادت تنزل استبرق لزمها وسام من طرف ملابسها

وسام: استري علينا الله يستر عليج جنج هذاك الواحد اربعة وعشرين ساعة يركض وراي

أخذها على صفحة يحجي وياها وسام يعتبر استبرق مثل بنته رغم هي مو صغيرة والدي متزوج مره ثانيه ودائماً جان موجود يمها واحنا نادراً يسأل علينا ولهذا السبب من طفولتنا اني وهي نميل الآي شخص يهتم بينا وسام ضل يعتبرها مثل بنته او أخته بس راجح مشاعره تغيرت تجاهي بس كبرت مو بس هو حتى اني

جنت اشوفه مصدر أمان بنسبة الي بس
ممكن كلشي يتغير بالحظة والأمان يختفي..

نزلت جوا ماشاء الله شلون راح اصبح بوجه كله خير لمحتها كاعدة على كراسي عكازتها بيدها تباوع على غرف عماتي بتها يمها .
عرفتها تريد تتعارك لان لسه نايمات..هزيت راسي بقلت حيله هم يجي يوم نخلص من هذا النظام دخلت للمطبخ ورا دقايق

نزلت وراي استبرق وكفت باب المطبخ اشرب جاي لفتي بيدي وعيني عليها نزلت تتمايل كدامهن .

زهره: ها يالمسعدة شعدج وي بنات عمج المسكينات

استبرق: انتِ كلتيها هنه مسكينات واني صلفة ما يعيشن وياي خليها تبقى بعيده عني وما ادوس على ذيلها..

قبل لا تكمل كلامها شافت جدي طلع من غرفته سكتت باوع جدي على استبرق وگال.

سلمان: روحي تريكي
::- اجت للمطبخ دخلت تسوي اكل الها كملت اكلي صعدت اخذت جنطتي واغراضي وطلعت
طلع راجح وراي اني امشي وهوا وراي..
خليت ايدي على كلبي احس بوجع غريب رغم كلشي تمام..

::- كملت طريقي وراجح مستمر يمشي
اتقرب مني وصار يمشي بصفي التفت اليه
صدت عيونه بعيوني.

راجح: حجيت وي جدي.

غفران: شنو حجيت ؟

راجح اريد اخطبج ونزوج ونطلع من بيت سلمان ونرتاح.

غفران: ومقتنع جدك يقبل ؟

راجح: اخليها ورا عمي محمد هو الوحيد الي يكدر يتصرف بهيج مواضيع ويقنعه.

::- هزيت راسي وسكتت وصلني للمدرسة وكعد بره ينتظرنا اكمل امتحاني واطلع
جنت حاسه يصير شي بس ما توقعت الجان منتظرني...

ـــــــــــــ⊰ ـــــــــــــ

:- نزلت بهدوء فتحت الباب
اخذت نظرة سريعة على الحديقة ماكو احد موجود اتمشيت بخطوات ثابتة رفعت ايدي الدم ينزل منها اتقربت كعدت على كرسي

التفتت على صوت الباب دخل بهدوء.
غلق الباب والتفت يمشي ثواني وثبت بمكانه التفت اليه رجع خطوتين ضل ثابت بمكانه فتح تليفونه عكس الضوه عليه ركز بوجهي اتغيرت ملامحه وهمس

ايهاب: شسالفة ويننن كاعدين احنا عدنا فلم رعب كاعده بضلمة وهاي عيونج فاتحتهن على وسعهن تردين تجلطني ..

جوائح: تتعود مع مرور الأيام اذا طولت هنا..

سحب كرسي كعد مقابيلي تارك مسافة بيناتنه

ايهاب: اكيد مطول بس مافهمت ليش وجودي غاثج؟.

جوائح: يغثني ليش هو اني شايفتك اصلاً؟
.
ايهاب: الصلافة وراثه.

جوائح: من خلال حديثنا أتأكدت وراثه..

::- قهقة بخفة ثبتت نظراته على ايدي.
عقد حواجبة من منظر ايدي..

ايهاب: بس لحظه هاي منو مسوي بيدج هيج ؟؟.

جوائح: روح نام احسن الك..

::- مااهتم الكلامي اتقرب مني كعد ركبه ونص طلع منديل من جيبة مد ايده يلزم ايدي

جوائح: اذا تلزم ايدي ما تلوم اله نفسك..

ايهاب: هاي انتِ مسوية هيج ؟.
أتوقعت كلشي منج بس هاي شلون
اهلج وين شلون كدرتي هذا منظر ايدي بشر

جوائح: وانتٓ شكو ؟

::- بحركة سريعة لزم ايدي ضغط عليها حيل.
مركز بوجهي ينتظر ردت فعلي

جوائح: وخر ايدك لا اعلگها بركبتك..

ايهاب: مريضة نفسياً ماكو بشر صاحي يسوي هيج.

جوائح: فعلاًا

::- ابتعد عني راح باتجاه البيت الصدمة واضحه علي ورا عشر دقايق دخلت البيت كالعادة البيت هادئ صعدت فوك ثبتت نظراتي على باب غرفتي قلصت عيوني باستغراب الباب مفتوح

دخلت لمحت علبه بيها معقم ومضادات..
التفتت على باب غرفته ماكو غيرة
اخذتهن ودخلت جوا قفلت الباب
اتمددت ساعة ساعتين احاول انام ضليت صافنه على إثر صفنتي اندك باب البلكونة..
كمت من مكاني سحبت البرده لمحت طابوكة مشموره فتحت الباب بسرعة ومديت راسي مجرد شافوني ضحكوا.

جوائح: جهال أنتم لو متكسر الجام مو راح يدخل على غرفتي كله ؟.

ايڤار: نشاقه شبيج .
وهجَ: هيه كم طابوكة شبيج؟؟.

::- قلصت عيوني عليهم ثواني طلع ايان وعلي لازمين طابوك بيدهم بس شافوني اتلاشت ضحكتهم ذب الطابوك ايان خزر وهجَ وايڤار ..

جوائح: صدك جذب ايان هاي عود انت الجبير ؟.

ايان: جاي نرتب بالدكور و همه يشمرون حصو

علي: اخوج نص اليل حب يطلع مواهبة علينا
ولا يستقر المهندس..

::- ضربه على ضهره حيل واحد خازر الثاني عبالك لازمتهم بعملية تهريب ..

جوائح: تحتاجون مساعدة ؟.

وهجَ: جوعانين اريد فد شي طيب من صنع ايدج الجميلة..

::- هزيت راسي رحت غسلت ايدي ضمدتها بدون معقم نزلت للمطبخ اسوي اكل الهم..
بين ما كملت سويت لفة اليه التفتت أريد اطلع دخل ابويه وكفت بمكاني صافنه
ضحك على شكلي .

محمد: اسم الله شبيج شايفتلج جني..

جوائح: لا يأبه شسالفة واذا تجي تتخنس وساعة الرابعه الفجر..

::- سحب كرسي وكعد مبتسم بيده سبحته عرفته جان يصلي..

محمد: بعدكم كاعدين ؟.

:- اي ايان جاي يطلع مواهبة عليهم..

:-: عوفينا منهم صبيلي كوب جاي وتعالي نحجي..

::- هزيت راسي بمعنى اي
صبيت جاي اله خليته على ميز طعام وكعدت.

جوائح: اي اسمعك ياحظرة الوالد

محمد: آخر فترة جاي اشوفج ملتهية شنو جاي تسوين من وراي احجي بابا..

::- لا اردياً ابتسمت على طريقة كلامه رجعت ضهري على كرسي حركت اصابع ايدي بخفة

محمد: هاي حركاتج ماراح تشتت انتباهي سوالفي.

جوائح: وين يعني جاي اشتغل وي شيلان.

::- هز راسه وسكت مسح على شواربة وهمس

محمد: خطواتج خليها مدروسة حتى ما توكعين.

جوائح: تربيتك اني سيدي.

::- انرسمت ابتسامه على ثغره اتقرب طبع على راسي وطلع..

::- اخذ نفس براحة طلعت ورا صعدت فوك وكلت.

جوائح: راح احسب من الواحد للعشرة الي ما ينزل ماكو أكل اله.

::- ثواني و نزلون واحد ورا ثاني.
عادت الطفولة ما تروح منهم رحت وراهم طلع ايان .

جوائح: وين رايح.

ايان: ثواني واجي.

- تمام

::- صبت الاكل وهجَ واني صبيت الجاي دخل ايان ورا ايهاب عينه على ايدي باوعت عليها مطالع شي التشيرت اكمامه طويلة..
كعد وياهم اخذت الجاي سحبت كرسي بصف ايان.

مادام احنا كاعدين سوالفهم ما تخلص كل ما ارفع عيني علي اشوفه يباوع اليه وعلى ايد
لو مو اخواني جان ركعت الكوب بوجهه.

ايان: اي جوائح شلونه شغلج ؟.

::- التفتت اله مقلص عيونه عليه ضحكت عرفته لان شافني اباوع على ايهاب.

جوائح: الحمدلله تمام وانت شلونه دوامك ؟.

ايڤار: شني الوضع من شوكت تحجون هيج شو ما عرفتكم..

علي: هسه عوفهم خليهم يحجون.

ايان: صدك اكو ناس ما مرتاح الها.

::- يحجي وعينه عليه كمت بهدوء من مكاني سحبت سجينة وكفت ورا خليت السجينة على ركبته .

جوائح: منو ماترتاح اله اخي الكريم ؟.

ايان: وخريها جوائح.

::- رفعت عيني عليهم كلهم مركزين ويانا بس ما عدا شخص واحد مصدوم من حركتي يباوع على اخواني يريد يشوف ردت فعلهم بس للأسف كلهم متعودين..

جوائح: ترا هيٕ سجينة شبيك ؟.

ايان: صدك جذب وخريها ترا يسويها الشيطان.

ايهاب: انتم شبيكم تره عقلي وكف شو عدكم الوضع عادي سجينة بيد اختكم ومخليتها على ركبته شنووو الوضععع.

ايڤار: عادي الوضع كلش عادي.
وهجَ: شسالفة تره مقبلات هاي.
ايان: اي عادي شبيك.

ايهاب: هسه مخلية سجينه على ركبتك وعدك عادي ؟.

::- كام من مكانه مسح على راسي صاير يروح ويرجع ألتفت اليه

ايهاب: انتِ: شمسوية بيهم؟.

جوائح: شمسوية تره هيه سجينة.

إيهاب: هم كالت هيه سجينة يربي
ولكم راح اتخبل من وراكم..

::- ضحكوا كلهم خزرته وطلعت من المطبخ.
ربع ساعة تقريباً دخل ايڤار .

ايڤار: جبت الج أخبار حلوه مثلج.

جوائح: غرد .

ايڤار: صار يومين مطالع من بيتة وجماعته عمام هم خاتلين بس اكو وحده جاي تنبش ورانا تريد تعرف منو صاحب الانتقام....

ـــــــــــــ⊰ ـــــــــــــ

::- طلعت من المحكمة رجعت للبيت ومثل كل مره لگيت زياد ينتظرني حتى يحجيلي الجديد
غيرت ملابسي وطلعت لحكني يفتر وراي ويحجي

زياد: همه شاكين بشخص سرحان بسجن او ولده يردون ياخذون الكاع من سلمان والبيوت مال عمامج كلها بيها راح تصير من روس.

رحمه: الصوج من جدك ليش ما خلاها بأسمه نرجع ونكول الغلط كله منه.

زياد : احسن شي سويته اخذت بيت بعيد عنهم..

رحمه: د شوكت طلكني.

زياد: انتظري كم شهر هسه الوضع مليوص.

رحمه: شيلان شنو أخبارها ؟.

زياد: نوعاً ما تمام بس هي مادام وي اختج ما اتوقع الأمور تتحسن..

رحمه: دقيقة اختي شنو ؟.

::- رفع ايده على وجهه من حركتة عرفته جفص.

رحمه: احجي احجي مادام جفصت كمل
جفصتك.

زياد: بنت عمي محمد تصير صديقة شيلان وبنفس الوقت يشتغلوا بنفس المركز
اختج محققة وشيلان ضابط

- دقيقه اختي محققة ؟,

- شلون صرتي محامية بهذا عقلج
لج بابا اي اختج نفسها جوائح تصير صديقة شيلان وبعدين معقولة ما تعرفين

رحمه: لا وحق علي بس هيَ شلون عرفت شيلان؟

زياد: انمار کالي. ثنينهن سوا بس شلون تعرفت عليها مادري بس اختج مو هينه.
احس اذا تنجمعون سوا نهج من وراجن..

- زياد بعيد عن موضوعنا اكو فد شي غريب حسيته من شفت السيارات؟.

- اي اكو حرف جان مكتوب على سيارة جدج .

- حرف شسوي بي اقصد شي غريب ؟.

زياد: ماكو شي بس دم ..

::- قطع كلامه صوت تليفون شرب ماي وفتح خط مجرد سمعنا نبرة صوته طفرنا اني ويااا

وسام: زياد تعال البيت جدك وجيب رحمه بسرعة.

زياد: شصاير شبيك ؟؟.

::- نبرة صوته غريبة اصوات عالية يمه لزمت كلبي خفت اخواتي صاير بيهن شي.

وسام: ام راجح اتوفت..

- حسيت اجتني ضربة على راسي فتحت عيوني بصدمة سد الخط زياد وگال.

زياد: كومي بسرعة راح اطلع كدامج البسي أي شي.

: كمت من مكاني الصدمه واضحه عليه.
لبست صاية وحجاب وطلعت صار بالي راجح شلون بي مايكدر يوم بدون أمه شلون مكدرت استوعب طول طريق ساكتين مجرد وصلت البيت خفت ادخل نسوان تدخل البيت مجرد وكفت بالباب سمعت صوت صياح دخلت البيت وكفت باب الصالة

لمحتهم كلهم و نسوان هواي صوتهم خله جسمي قشعر وي دخلتي صارت اصوات عالية برة من ضمنهن صوت عمي اعرفه كعدت بالباب وي كل صرخه ارجف اتقربت استبرق تبجي سحبتها الحضني التفتت بكل مكان كلها موجوده بس غفران مالها وجود..

مجرد دقايق وصار صوت صراخ بالمطبخ شلون كمت ماعرف جان عندي احساس غفران بيها شيء مجرد دفعت كوثر ودخلت المطبخ لمحتها واكعه بالكاع ركضت اتقربت منها رفعت رأسها صدت عيونها بعيوني لزمت طرف شالي مالتي

خلت راسها بحضني جسمها كله يهتز حضنتها الصدري ما اهتمت للموجودين كعدت بنص المطبخ حاضنتها الصدري.

::- ربع ساعة احنا على هذا الوضع .
رفعت رأسها على على أثر صوتهم
مسحت دموعها وكمت وكفت بالباب دخلوا التابوت لافين عبايه سوده علي .

من بينهم لمحت ابنها راجح القميص مشگوك من طول لطول يبجي بصوت عالي مثل الطفل كمتت حلكي اكتم صوت شهكاتي سديت باب المطبخ التفتت الها اخذت كاسة ماي بارده غسلت وجهها واديها

استبرق:: خلينا نروح فوك صوتهم عالي.

:: التفتت الها
رحمه:: الزميها وياي.

:- أخذتهن الغرفة مجرد دخلتهن گلت.

رحمه:: اقفلي الباب ولا تفتحي لأي شخص.
استبرق:: ما افتح لا تخافين.
::- نزلت بعد ما اتأكدت قفلت الباب

ـــــــــــــ⊰ ـــــــــــــ

::- بس طلعت من المعهد وكفت انتظر اخوي يجي أتأخر فتحت تليفوني اريد اتصل رفعت عيوني على الجهة الثانيه لمحت شخص واگف كدامي ممكن انسى كلشي إلا ملامح هذا شخص مستحيل تروح من راسي لو تمر سنوات

ب

لعت ريگي بتوتر ضغطت على ايدي .
هزيت راسي إتلاف الأفكار الي براسي رفعت راسي ثبتت عيوني على طريق متجاهلة نظراته القذرة اتخطيته مجرد دخلت بالفرع ثاني طكيتها ركضة لمحت باب بيتنا دخلت بسرعة خليت ايدي على گلبي نزلت من

دموعي غصباً عني ذبيت جنطتي بالطارمة اتقربت فتحت الماي اخذت الصونده للحديقة نزعت حجابي غسلت وجهي كعدت بالكاع رفعت ايدي ترجف.شبكت كفوف ايدي أحاول اهدي نفسي..

اخذتني افكاري إلى أن سمعت صوت سيارة ثبتت عيوني على الباب مجرد صدت عيونهم علية وكفوا بمكانهم اجت باتجاهي جوائح.

جوائح:: اسم الله شبيج حبيبتي

::- التفت على ايڤار وعلي واحد واكف يباوع على ثاني من خلال نظراتي عرفتني ماكدر احجي .

جوائح:: ايڤار اخذ غلي وادخلوا جوه.
ايڤار:: غير نفهم منو وياها ؟.
- روح اني يمها

هز أيده مراضي سحب علي من ياخته ودخلوا التفت اليه كعدت ركبة ونص
وهمست.

جوائح:: ليش هاي حالتج متعاركة اكو احد وياج ؟.

::- مسحت دموعي لزمت أيدها.
وهجَ:: لاحگني للمدرسة.

::- توسعت عيونها بصدمة.
لزمت ايدي ضغطت عليها حيل وگالت.

جوائح: نفس الشخص
- اي ابن عم ابوي

::- احتقن وجهها بمجرد عرفته نفس الشخص الي دمر حياتي وطفولتي سلب كلشي مني ودمرني.....

يــتـبــع

ومع آخر صفحة من هذا الفصل يلوح الغموض في الأفق يعد بالمفاجآت القادمة."

ـــــــــــــ⊰ ـــــــــــــ