رواية جوائح الدهر الفصل الثالث والعشرون 23 - بقلم دعاء رزاق.

بِسْمِ اللّٰهِ الرَّحْمٰنِ الرَّحِيمِ
"جَوائِحُ الدَّهْر"
(بقلم الكاتبة: دعاء رزّاق)

لا تنسَوا التصويت والتعليق يا جميلاتي، فكل كلمة منكنّ تمنح القصة روحًا أجمل 🌿

ـــــــــــــ⊰ ـــــــــــــ

::- وكعت عيني على الباج مالته مكتوب اسمه
حمزه محمد سلمان..
يعني هذا اخو جوائح
:- التفتت على البيت وگلت
فاطمه:: اريد ادخل جوه
::- همس شي كأنه يستغفر وراح يحجي وي الشرطه كلهم ابتعدوا عن الباب اشرلي بيده يلا
مشيت بسرعة اول ما فتت للبيت صار كدامي فاضل وكدامه وحده نفس الي شفتها بتليفون اسامه لازمه بيدها سلاح ورافعته على عمها فاضل!!!

:- شافتني ورا فاضل بعدت سلاح عنه وخلته باتجاهي اتجمدت بمكاني من الخوف

فاضل:: منى نزلي لا تخبليني
- لا تحجييي
- اكلج نزلي وخري عن مرت اخوج
:- بس كال الها مرت اخوج تغيرت ملامحها كلها 
وعيونها دمعت گالت بنبرة هادئة.
منى:: وين اخوي وينه ليش ما يجيني ؟

::- مادري شلون بس اتقربت منها وي كل خطوة اخطيها اترحم على نفسي.

- اوكفيي وين اخوي شسويتله ؟
فاطمه:: بس نزلي هذا من ايدج خلينا نتفاهم
- مااا انزله كولي وين اخوي اكتلج هسه إذا ما تحجين

::- بس نهت كلامها انسد باب البيت بقوة دخل اخو جوائح باوع على فاضل وعلى منى اخت اسامه وكال.

حمزه:: واكف بمكانك ومخلي بيدها ؟
فاضل:: انت اسكت لا تحجي
:- باوع عليها وهيه مثل إلي خايفه دور على أخوها بينهم بس هو ما موجود!!

::- ابتعدت كم خطوه ورفعت السلاح على حمزه وهو ضل ثابت بمكانه عيونه عليها مد ايده يطلع سلاحه سووا نفس حركتها ورفعه عليها فتحت عيوني مصدومه  من گال

حمزه:: علمتج تستخدمين السلاح اذا تحتاجينه بيوم بس مو ترفعينه عليه

منى::  كلي اخوي وين وما اكتلك
حمزه:: هذا بجيبي اخوج تعالي أخذي
:- خزرته وصاحت بصوت خلسني خلس.

منى:: والحمزززززه ياحمزه اكــتــلك
- منى صوتجججججج نزلي الستغفرالله
من ايدج كافي لعب
- اخوي وين احجي.

::- بس شفت وضعها وخوفها گلت
فاطمه::  اسامه صار عنده شغل مهم وسافر وطلب مني اجي يمج

::- خفت من ردت فعلها بس مالت راسها باتجاهي تباوعلي خلت السلاح على ميز وگالت

منى:: نزله  من ايدك نزلته اني
حمزه:: صارت زحمه
- يلا روح منا
- امشي منا لا اهفج براسج

فاضل:: حمزه شبيك حاط عقلك وياها شكبرك تصير بعد

حمزه:: عمي انت لا تحجي
:- هز ايده والتفت الها يحجي وياها.

فاضل:: مثل ما كالت بس يرجع يجيج تردينها تبقى يمج لو لا ؟

منى:: خليها ورحوا انتم
فاضل:: اني ؟
- اي وهذا هم
حمزه:: هذا بعينج احجي عدل
- لا حول ولا قوة الا بالله وتالي وي ولد محمد
::- ما رد علي وراح كعد بعيد عنا يباوع على حايط

فاضل:: خليها يمج واني عندي شغل بغداد لازم اروح خلي حمزه يمكم بين ما ارجع يروح متفقين ؟

::- هزت راسها والتفتت  تباوع على السلاح غمض عيونه فاضل كوه صابر
باوعلي وگال

فاضل:: أي شخص راح يسألني منو بيت اسامه اكله مرته وأخوها

فاطمه:: ليش اخوي ؟
- ماريد احد يعرف حمزه هنا وخاف تتواصلين وي احد لا شفتي حمزه ولا سمعتي بي

- هاي هيه
::- كمل كلامه راح يريد ياخذ السلاح رجعت رفعته عافها وراح حجه وي حمزه وطلعوا ثنينهم من البيت باوعت وراهم خفت ورطت نفسي بشغله اكبر مني  باوعتلي ودارت وجها راحت باتجاه الغرفة سدت الباب وعافتني وحدي باوعت على كل زوايا البيت بكل مكان اكو فوضه والقفناف مخربطه عكس اخر مره دخلت  تمشيت بالبيت لحد ما وكعت عيني على المكان الي عقدنا بي أول مره فتحت الغرفه الي بقيت بيها ايام كل مكان يذكرني بشي  يتعبني..

اخذت نفس وطلعت ما راح أنسى السووا بس ماراح اغدر بي واخلي اخته تبقى وحدها طول هاي السنوات  اني بنت وهيه بنت واعرف شكد صعب الي عاشته لهذا ما راح اعوفها  وهسه نستلم البيت  رتبت القنفات والكوشات شلت الكزاز الي بالكاع فتت للمطبخ  دورت على شي اكنس البيت بي بس مالگيت  تمشيت الغرفتها دكيت الباب أكثر من مره ما ردت ولا فتحته سميت بالله ودخلت  اول ما فتت اخذت صدمه واني اشوفها تمدده بالكاع وكل الغرفه مگلوبه كلاب ملابس العاب اكياس فارغه والفرشه بالكاع بيبان الكنتور مفتوحه ضليت مسطوره بسبب إلي شافته عيني.

منى:: اطلعي منا
::- باوعت عليها ركزت عليها  جسمها ضعيف إلى ابعد الحدود حيل ضعيفة وجها بي اثر جروح جو عيونها هالات شعرها مضفور بس كأنه من أسابيع مضفور ملابسها ما مرتبه 
لزمتني الخنكه شلون متحمله تعيش هنا

حتى لو چانت صاحيه بسبب هذا المكان تتخبل

فاطمه:: ليش الغرفه هيج ؟
منى:: ماعليج
- ليش تحجين هيج مو مرت اخوج إني ؟
- واذا مرته
- مايصير تحجين وياي هيج لان اني عفت كلشي واجيتج علمود نبقى سوه.

::- رفعت نفسها من الگاع تربعت گالت
منى:: ليش قبلتي تجين تحبين اسامه ؟
- مو هاي شسمه لان احبج واخوج يخاف عليج ماكدرت أكول اله لا وقبلت
- تحبيني ؟
- اي اكيد قابل شلون اجي واني ما احبج
::- هزت راسها وضلت تهز بي اجتني دوخه من يمي اتقربت منها وگلت

فاطمه:: وين الأغراض الي تنضفون بيهن ؟
منى:: مادري هيج خلي حلو
اسامه ما كالج شوكت يرجع ؟
- كال راح يطول هواي كلش هواي
- واني ؟
- يمج إني
-بس ما احبج احبه هو
- ميخالف بعدين تحبيني وهسه كومي اكعدي فوك على جرياية
-: ما ردت وضلت ساكته حرت شلون اكللها لازم تنتظر أربع سنوات يلا يطلع  شيصبرنا الـسنه 2023  ويطلع!
زفرت نفس بقلة حيلة وبلشت انضف الغرفه اشيل وارتب وتطلع فوضه جديده ساعتين ونص واني بس ارتب بغرفتها آخر شي كعدت بالكاع كوه اجر نفس حسيت كلاتي كامت توجعني ردت ماي اشرب بس ماكدر اكوم بسبب الوجع ضليت ساكته وهي تراقبني  كامت من مكانها وطلعت خفت تروح تسوي شي ردت اكوم بس دخلت بيدها كاستين ماي خلتهم بالكاع وكعدت على جربايه سحبت لعباتها تلعب بيها

اكص ايدي إذا هاي فاقده عقلها عمي إني الي ماعندي عقل مو هيه!!!
ضليت بمكاني ماتحركت لحد ما راح الوجع وحسيت نفسي احسن ساعة ورا ساعه لحد المغرب تماماً إني انضف البيت  اخر شي نشفت ايدي ورحت شغلت قران عليت الصوت  رحت للغرفتها أخذ صينيه الاكل منها بس لمحتها متمدده بالكاع مره ثانيه والأكل مثل ما هو اتقربت منها بهدوء حاضنه العبه ونايمه بدون اي مخده او غطه شلت الاكل وأخذت مخده مديت ايدي أريد ارفع راسها راساً طفرت من مكانها خايفه بس شافتني كدامها
صاحت بصوت عالي

منى:: وخريي عنييي كلكممم وخروااا
::- تضرب على وجها وتجر بشعرها على صوت العياط انفتح باب الغرفة دخل حمزه بس شاف حالتها فتح المجر طلع ابره سحبها بسرعة بسرعة والتفت الي گال

حمزه:: اطلعي بصاله.
::- كمت من مكاني طلعت بس ضليت واكفه بالباب اشوف شراح يسوي بالابره  خلاها على ميز وراح  انحنى الها مد ايده يلزمها وهي مستمره تضرب بنفسها بحركه سريعه لزم أيديها الاثنين طبكهم سوه وهي ترفس برجلها شلون قيد حركتها ورفها مادري حطها على جرياية أخذ الابره وضربها بيدها  ضل لازمها وهيه تبجي وتصرخ لمن بلشت تسكت شوي شوي بعدها نامت عرفت انطاها منوم .

ابتعد عنها وجه احمر من العصبية وعركان شافني واكفه بالباب ما نطق بحرف طلع بره وقفل الباب من الخارج  توضيت وطلعت  چادر الصلاة والمسبحه رحت الغرفتها فرشت السجاده وكعدت اصلي 

يا رحمن، يا من وسعت رحمتُه كل شيء، ارحم ضعفي، وداوِ جرحي، وأصلح حالي، واغمر قلبي بسكينةٍ منك تُطفئ كل وجع.
يا رحمن، إن ضاقت بي الدنيا، فوسعها عليّ برحمتك، وإن تعثّرتُ فثبتني، وإن بكيتُ فاجبر خاطري، فأنت الرحمن الرحيم، لا يضيع من توكل عليك...

::- اخذت نفس براحه بعدها أخذت المسبحه وكعدت اردد
يا رحمن ارحمني 100 مرة
اقراها يوميه بنية القرب والفرج)

يا أرحم الراحمين بعد كل صلاة.
اللهم إنك أنت الرحمن، فافتح لي أبواب رحمتك

شلت السجاده واني مرتاحه آخر كم شهر التزمت بيهم وحسيت نفسي فعلاً مرتاحه حتى احلام مرعبه بعد ماكو رجعت كلشي مكانه وعفتها نايمه كعدت بصاله حجيت وي اهلي وضليت العب بتليفون لحد ما انفتح القفل عدلت حجابي دخل حمزه بيده علاليك هواي دخلهم للمطبخ وگال

حمزه:: كلشي تحتاجون جبته عمي فاضل صبح يجي وخليت حرس بره لازم اروح ماكدر ابقى هنا أكثر وأي شي يصير  اتصلي عليه.

::- طلع ورقه بيها رقمه خلاها على ميز وطلع حسيت براحه لان ما رفع عينه عليه مادام يحجي مدنك خليته يطلع وقفلت الباب أتأكدت من كل الابواب  رتبت المسواك وسويت لفة جبن باوعت على الغرف ماكدرت انام وحدي ترددت انام يمها بس نعلت شيطان وفتت تمددت على قنفه من التعب رأساً خفيت
ما حسيت بأي شي اله بعد ساعات حسيت بشخص يسحب شعري من الخوف حتى عيوني نسيت شلون افتحهن لا عافيه ولا روح ضلت عندي مديت ايدي على شعري

ما حسيت اله بيدي انعضيت صرخت صرخه حسيت بلاعيمي راحت وافتح عيوني واشوف منى كاعده يم القنفه بيدها مشطت ولازمه شعري بيدها وعاضه ايدي
::- سحبت أيدي بسرعة وطفرت من مكاني اجيت اوكع من الهبطه.

فاطمه:: شييجججج گلبي راحح ياعلي
::- رفعت المشط كدامي وگالت
منى:: جاي امشط شعرج ومديتي ايدج ما تخليني ليش ؟

- نايمه ولج نايمه ؟
- عادي اسامه جان يخليني انام ويمشط شعري
- خرب روحه گلبي يماااا
::- مجرد كلت خرب روحه تغيرت ملامحها وكامت من مكانها خازرتني بس شفتها هيج  ابتعدت عنها وهي تتقرب أكثر
راحت فتحت الكنتور طلعت المسدس واني فتحت الباب وطكيتها ركضه اركض مثل المسودنه اريد اخلص روحي وهي تركض ورأي لازمه المسدس صار كدامي الحمام  دخلت وقفلت الباب ثواني وكامت تضرب الباب وتصيح

منى:: خرب بروح منو افتحي الباب خل اكتلج
فاطمه:: تكتليني مرت اخوج اني!
- وإذا مرت صخامي أفتحي الباب ما اسويلج شي بس طلقه وحده
- يماااااااااااااااااااا
- افتحي لا تصيحين العالم تسمعج
- ولج يماااااااااااااااااااااااااا
- اكلج لا تصيحين بس خلي اكتلج
::- تروح وترجع تصيح اريد اكتلج حتى بجي بجيت محد يمي وهاي بيدها مسدس ياعلي دخيلك

- مو اكتلج افتحي ؟
- امشي ما افتح اركضي راسج بالحايط
- اركع راسي ؟
- اركعي راسج واعوفج والله
- ذبي السلاح احسلج
- اذبه بس اركعي راسج
- ذبي السلاح بالبداية
- اركعي راسج واذبه وداعة اسامه
::- بس كالت هيج اقتنعت من الغباء ركعت
راسي بالحايط صدك لزمت مكان الركعه وصحت ضحكت بصوت مسموع وگالت

منى:: هاج
:-: دفعته من جوه الباب شلته بسرعة خفت احطه بالمكان سري ويصير شي فتحته علمود اخذ الطلق بس ما لكيت ولا طلقه وحده المسدس فارغ بهتتت مصدومه فتحت الباب لكيتها كاعده تباوع رفعت المسدس كدامها وگلت

فاطمه:: المسدس فارغ!!!!!!
::- عقدت حواجبها وگالت
منى:: چا منو كالج بي طلق ؟
فاطمه:: يعني مابي من البداية ؟
- اي مابي
:- كعدت بالكاع ذبيته من ايدي مصدومه
حطيت ايدي على راسي ابجي

فاطمه:: چا عليمن خايفه اني اريدددد اخوي رجعوني وين عمج فاضل رجعونييي خلي يرجعني

::- من كل عقلي ابجي واصيح اريد اخوي
بس شافتني ابجي كعدت مثلي وگامت تسوي مثلي وتصيح

منى:: اريدددد اخويي
فاطمه:: اني الي اريد اخوي اسكتي أنتِ
- أنتِ اسكتي اريد اخوي
- خ.... اقصد أن شاء الله يجيج
-: ردت اغلط بس الخوف رباني ولزم الساني

ضلينا هيج لحد ما اجه فاضل سحبت المفرش مال قنفه سويته حجاب فتح الباب بالمفتاح الي عنده فات شافنا كاعدات بالكاع ونبجي وضعنا ما يتفسر فتح عيونه بصدمه

فاضل:: شبيجن ؟
فاطمه:: أريد اخوي
منى:: اني هم اريد أخوي
::- ضل يباوع علينا  حار شيججي وشيكول  كعد گابلنا صافن
فاضل:: العقل من الله اي والله كومن غسلن كومن وين اروح راح اتخبل وانتِ خليتج يوم واحد وياها خبلتج ؟

منى:: منو خبلتها ؟
- اسكتي ولا حرف كومن يلا
::- كمت اسحل بالمفرش وراي ومنى تسحك على اطرافه وكعت على وجهي بالكاع ومن الفشله كمت امشي مره ثانيه

فاضل:: هذا الچان ناقصني التمن كلهن.
::- غلست وسويت نفسي ما سمعت فتت للغرفه تعاركنا وحده تسحل بثانيه بعدين تصالحنا وطلعنا للمطبخ سويت اكل وهيج مشت ايامي عرك ومصايب يوميه تنعاد نفس الاشياء فاضل تعود علينا وصار ما يحجي يدري بينا بعدين نتصالح حمزه هم ما اجه ولا شفنا   مر على وجودي وياها 11 شهر ايام بسيطه ويصير سنه كامله طول فترة الدوام وامتحاناتي جنت ما انام علمود اقره اطلع ومن ارجع الگاه واگفه تنتظرني علمود تتعارك خلصت الامتحانات وراح استقبل المصايب الي بالبيت أهلي كل يوم احجي وياهم وزياد أكثر من مره اجه ياخذني بس عاندت واصريت ما اعوفها لاحظتها تتعمد تتصرف هيج وتسوي مشاكل مرات تفقد وتضرب نفسها بس عدها حركات تتعمد تسويهن علمود نصدك هيه فاقده عقلها! بس العكس صح هيه بكامل عقلها وذكيه إلى أبعد الحدود  لدرجة كدرت طول السنوات الفاتت تخليهم يصدكون هيه تسودنت بس السؤال الي برأسي شنو الي يخليها تسوي هيج ؟
معقوله اكو شي ضامته ؟
طلعت من صفنتي بسبب صوتها طلعت من الغرفه شفتها واكفه يم فاضل

منى:: اريد احجي وياااا ؟
فاضل:: مشغول مايكدر يفتح تليفونه
- اسامه وينه شبي ليش ما دكلولي
- اكلج مسافر ؟
- اريد احجي ويا
-: هز راسه بقلة حيلة اتصل على حمزه وضل يحجي ويا لحد ما سد مكالمه وكال الها

فاضل:: بس يفتح يتصل واحجي ويا
::- من كال هيج كعدت مكانها ساكته كملت مسح وكعدت ما طبخت هو جاب للعصر دك تليفون فاضل  طلعت تركض من الغرفه رأساً كتلها

فاطمه:: بداعة اسامه لا تجيبين طاري يمه
::- ما ردت وراحت يم فاضل انطه تليفون الها فتحت اسبيكر دخل مسمعي صوته دك گلبي  لزمت طرف الباب حسيت بمغص بطني ليش مادري

اسامه:: شلونها أميرتي
منى:: حبيبيييييييي
- روحه شلونج حبيبتي
- زينه انت شلونك ليش عفتني ما كتلي راح تروح ليش
- ما صار مجال كلشي صار بسرعة المهم زينه أنتِ
::- ضليت اسمع وساكته لا هو ذكرني ولا هيه كالت اله حمدت ربي بس نهت المكالمة ويا باوعت الي وگالت

منى:: 1 2  3  4
::- قطع كلامها صوت تليفوني ضحكت بفرح وگالت

منى:: عرفته ليش حسبت عرفته راح يتصل عليج
::- رحت بسرعة سحبت تليفوني من شحن لمحت رغم غريب يتصل بنفس الوقت هذا الرقم نفسه مال حمزه دخلت وسدت الباب
فتحت الخط وهي تقربت مني تسمع.
اول ما سمعت صوته ابتسمت.

اسامه:: فواطم
- اسامه
- گلبه وعيونه مشتاقة الصوتج وأبو فاضل
- شلونك اسامه
:-: جر حسره وسكت خفت يكول شي وتسمعه اخته رأساً كتله

فاطمه:: واني مشتاقتلك
- والله ؟
- وداعة ابوي
::- ضحك لان يدري بي جذابه
- ميخالف اهم شي سمعت صوتج كملتي امتحانات ؟
- اي كملت الحمدالله
-: رجع سكت واخته تباوع صفح صخنت ومتت من گال

اسامه:: مشتاق احضننج واشم عطرج ميت على شوفتج وابو فاضل.

::- التفتت اباوع الردت فعل اخته سوتلي حركة بيدها بمعنى كملي ما سمعت من الفشله كتله.

فاطمه:: واني همم
- منو انتِ؟
- ها ؟
- ما تستحين دورين عطر وحضن وسوالف فاسقه ؟
- روح اسامه روح وين ما اشوفك اكتلك
:- مجرد كتله هيج صفن وگال
- وين ما تشوفيني تكتليني ؟
::- غمتني منى عرفت نفسي جفصت رأساً ودعته وسديت المكالمه

منى:: اني احجي هيج خرب روحج كتيلي لا دكولين بس أنتِ كشفتي نفسج
::- خنست وما نطقت بحرف الموضوع بعد ما انفتح وشمت الأيام والأشهر  منى تغيرت هواي هواي وصارت انسانه ثانيه  خليتها ترجع تصلي صح تعبتني بس صارت تسمع الكلام  وخلصت العطله ورجع الدوام تركتها شهر ورجعت الاهلي وبس خلص الشهر رجعت لگيتها تاركه الصلاه وهم نعاد الروتين وخليتها تلتزم  سنه وتسع اشهر  اني وياها  تحملت هواي علمود اخليها تتحسن  بس رغم كلشي ماكدرت اخليها تطلع تخاف تطلع الباب البيت ومستمرة تسوي نفسها مسودنه ما فتحت الموضوع وياها خوفاً تبتعد عني وترجع  الوضعها القديم  اما فاضل جان يهتم بكلشي يخصها لدرجه ملابسها وملابس داخليه واحتياجات كلشي يجيب الها هو واني كل شهر يطلعني اشتري الي اريده وأخوي يدزلي مصرف كل فترة ما خله أحد يدفع الي و اليوم جنت منتظرته ياخذني اشتري ملابس
بس ما اجه هو دخل حمزه بيده اكياس هواي وهاي المره ما اجه وحده دخلت ورا وحده باوعت علينا مبتسمه بس ركزت على ملامحها 
شهگت وگلت

فاطمه:: جوائح!!

ـــــــــــــ⊰ـــــــــــــ

::- قطع كلامي صوت صريخ البنات من بره  كمت من مكاني اركض حافي طلعت كلها تركض باتجاه الجه الثانيه مجرد وصلت لمحت  جَلنار بنص المسبح غرگانه وجسمها
طايف   شمر نفسه ايڤار يسبح بسرعة لحد ما وصل الها رفعها  طلعها من الماي مجرد جسم  بدون روح  ركضت سحبت عبايه من القنفه ما اعرف المن بس اخذتها وطلعت اركض دخلت بنصهم إخواتهم يردون يلزمنها وخرتهن
عنها خلاها ايڤار بالكاع بسرعة غطيتها بالعبايه وصاح  عليهم يوخرون  أتأكد إذا تتنفس او لا
اتقربت غفران گالت

غفران:: وخروا  خلي اتصرف
::- ابتعدنا عنها  بسرعة
همست

غفران:: تتنفس رحمه شوفيلي بطانيه بسرعة وانتِ وهجَ تعالي بسرعة.

::- ركضت جوه سحبت لحاف من جرياية وطلعت  لمحتها تضغط على صدرها بقوه اول ما استفرغت رفعتها وخلاتها تنام على صفحتها اليمين وتحرك ايدها على ركبتها وصدرها لفينها بالبطانيه  وضلت مستمره تخليها هيج لحد ما طلع المي كله  باوعت على أخواتها واكفات يبجن ولا وحده نطقة بحرف بس يرجفن ايڤار  ايده على وجه وملابسه كلها ماي

غفران:: ايڤار خلينا نأخذها للمستشفى
-: كام من مكانه  وخرنا لحاف عنها وتغطت بالعبايه شالها من الكاع وگال

ايڤار:: اني اخذها ماريد احد يجي
جُواهر :: لا وياك ما اعوفها
::- التفت يمشي شايلها بيده ما مهتم الأحد باوعت عن وهجَ وغفران

رحمه:: جيهان امانه عدكم خلي علي يرجع من زفه ويوصلكم للبيت
كملت كلامي وطلعت اركض  وراهم صعدت بسياره بسرعة التفتت عليهن حاطه راسها بحضن اختها وهيه مغمضه عيونها  رفعت أيدها كلها دم مختلط وي الشاش الي بيدها   باوع ايڤار وگال

ايڤار :: اختج كم مره محاوله تنتحر ؟
::- ما رفعت رأسها ضلت تبجي
رحمه:: لا تبجين احجي حتى نتصرف

جُواهر:: هاي ثاني مره البارحة واليوم.
ايڤار:: السبب بسرعة احجي.
- وإذا حجيتوا الجدي او ابوي ؟,

رحمه:: شتعرفين عنا نحجي هاي الاشياء الهم ؟؟
::- تدنكت ساكته فتحت عيونها جَلنار رفعت أيدها تلزم ايد اختها تسكتها بس رأساً كالت

جُواهر:: راحت البيت صديقتها علمود يدرسون وصديقتها متفقه وي اخوها وقافله الباب..

::- سكتت ما كملت كلامها فتحت عيوني مصدومه بكلامها همست بصوت شبه مسموع.

رحمه:: سوالها شي ؟
::- ايفار يباوع إلها ينتظر جواب ويسوق بسرعة اول ما هزت راسها بمعنى اي ركع السترين حيل .

::- عجزت احجي شي  سكتت ميته قهر لحد ما وصلنا المستشفى نزلها ايڤار وهيه تبجي ايدها كلها دم وشعرها بسبب ماي المسبح صار املح وضعها تعبان نزلنا وراها  عفت ايڤار وياها وسحبت اختها على صفحه وگلت .

رحمه:: اغتص***
- اي وخابرتني دكلي تعالي أخذي اختج ما عبالي بيها شي ما رحت ضليت بالبيت لان جيهان تعبانه لحد ما اجت وحدها  وضعها ما ينحجي وراها حاولت افهم منها ما حجت وبنفس اليوم حاولت تكص الوريد بس جيهان لزمتها وكوه فهمنا شصار وياها ومطعتها مخليتها بره هيه واخوها  رحمه والله اذا عرف ابوي او جدي يذبحوها..

::- عيني عليها وعين على ايڤار إلي واكف يسمع كلامها طلع تليفونه وابتعد عنا يحجي مكالمة بنفس الوقت اجه انمار وعمي ويا  اشر إلي ايڤار وگال.

ايڤار:: رايح اني  أنمار وياكم  لا تخلينهم وحدهن رحمه انتبهي عليهن و فهمي الدكتوره الوضع..

::- كمل كلامه وراح ما وكفت بطريقه لان متأكدة راح ياخذ حقها من بين عيونهم التفتت  على انمار أشرت اله يطلع عمي وفتت للغرفه اختصرت الموضوع وي دكتورها

ضليت ساعتين ونص وطلعنها من المستشفى 
عمي راح  بعد ما كلنا اله نأخذها للبيت ونبقى يمهن  أخذنا انمار البيتهن أول ما وصلنا نزلنا وراح يجيب اختهن جيهان فتحت الباب جُواهر دخلنا جوه خليتها تتمدد جابت الها ملابس أخذتهن منها نزعتها ملابسها مجرد شفت الأثر إلي بجسمها  وجعني گلبي لبستها ملابسها طلعت الها منوم خليتها تأخذه كعدت بصفها ايدي على خدي معقولة لهل مرحله وصلنا مانكدر نثق بشخص بعد ؟
جريت حسره وضلت الأفكار براسي  ما عفتها ولا دقيقه دزيت رساله الوهجَ تستلم الوضع بغيابي وعينها على غفران بنفس الوقت اتصلت على ايڤار ما رد رجعت اتصلت مره ثانيه فتح خط اجاني صوت علي بس اني اتصلت على ايڤار سمعت صوت عياط ولد

رحمه:: ايڤار وين علي ؟
علي:: جاي يلعب وإني العب ويا
- شتعلبون علي احجي عدل
- والله يا رحمه جاي نطير مستقبل واحد نكس بعدين نحجي مع سلامه لا تتصلين بعد.

::- سد الخط بوجهي صفنت بوجه جيهان وجُواهر

جُواهر:: شنو يحجي هذا ؟
جيهان:: كال نطير مستقبله اتوقع يقصد رجولته إذا عنده رجوله انكس ابن النكس إذا ما اسحل هاي اخته بيدي فلا اطلع جيهان..

رحمه:: ساعة بيش هسه ؟
جيهان اربعه ونص الفجر
- انمار هنا مو ؟
-  اي هنا وحتى زياد اخو هنا.
- خوش كومي جيهان وياي وانتِ جُواهر خليج يم اختج ولا طلعين ابد فهمتي ؟
- وين رايحات
- مالج علاقه خليج يم اختج وبس
::-  طلعت من الغرفه رفعت فستاني باوعت على انمار وگلت

رحمه:: خلي زياد هنا وتعال وياي
انمار :: وين بهذا الوقت ؟
- عدنا دين وي وحده لازم وهسه بذات اروح تريد تجي هلا بيك ما تريد لا تجي.

::- ما رفض وكام ويانا زياد كاعد بالباب يفتر
صعدنا وانطلق أنمار جهيان انطته عنوان البيت بس وصلنا نزلنا بعيد عن البيت لبست كمامه وانطيت الها وحده نزلنا نمشي لحد ما دكينا الباب  ابتعدت جيهان عن الباب وبيدها الحبل اول ما فتحت الباب عبالها اخوها بس مجرد شافتنا كدامها سدت الباب قبل لا طبكه دفعته وفتت بدون مقدمات لزمتها من أيدها وجيهان  بسرعة حطت أيدها على حكلها دفعنها وقفلنا الباب رفعت رجلها ترافس جنها مطي شديت ايدها بالحبل كوه من حركتها وصوتها يلعلعل  ابتعدت عنها  وگلت

رحمه:: بأي ذنب تخلين اخوج يعتدي عليها ؟
- هي راحت اله مو هو هي
::- مجرد حجت هيج ركعتها راجدي ورجعت ركعتها من جهة ثانيه كل ركعه أثرها يبقى بسبب كمية الفلر إلي بوجها وحده بعمرها مسويه اشياء الثلاثنيه ما تسويهن!!؛

وخرت واستلتمها جيهان ما خلت لا شعر ولا وجه ولا جسم وهاي تصرخ ومحد بالمنطقة اهتم الهم ولا طلع احد اخر شي راحت جيهان فات دور شي جابت سجينه وگالت

- تكصين شعرها مو اني اعلمج
::- كعدت لفت أيدها على شعرها وكصته الها  خصل خصل ورجعت ضربتها لحد ما فوخت گلبها  طلعنا من البيت وبنفس الوقت لمحنا سياره ايڤار وكفت كدام البيت شمر ولد ما بين منه شي غير الدم من الضرب ومقلص نفسه بوضع الجنين اتقربت مني وهمست

جيهان:: مو كتلج راح يطير قذارته..

::-  باوع النا مبتسم صعدنا بسياره مالته وعفنا انمار يرجع وحده

اول ما تحركت السياره وطلعنا من الفرع عله صوت تليفونه وربطه على سياره فتح جامه فرحان يطلع رأسه ويرجع يكعد لحد ما طلع مقطع.

ونصــليهــم صـلـي
عــلـي ويـانـا عــلـي

::-  هو مستمر واحنا ساكتين بس صدمنا من گال ايڤار آخر شي توقعنا نسمعه منه.......

ـــــــــــــ⊰ـــــــــــــ

or11._11
يوزر حساب