جوائح الدهر الفصل الثامن وثلاثون 38 - بقلم دعاء رزاق

بِسْمِ اللّٰهِ الرَّحْمٰنِ الرَّحِيمِ
"جَوائِحُ الدَّهْر"
(بقلم الكاتبة: دعاء رزّاق)

لا تنسَوا التصويت والتعليق يا جميلاتي، فكل كلمة منكنّ تمنح القصة روحًا أجمل 🌿

عدتَ بعد أن أنهكتني الأيام بعد أن ظننتُ أن الطرق بيننا أُغلِقت
جئتَ تحمل ملامح الأمس ودفء الحنين وكأن الغياب لم يمسّك
وكأن قلبي كان يعرف أنك ستعود ولو بعد عمرٍ كامل

ـــــــــــــ⊰ ـــــــــــــ

::- بس التفت فرات يباوع فوك لمحها تغيرت نظراته واتبسمر بمكانه نزلت تحجي ومبتسمه الي يشوفها يكول فرحانه اله أشرت النا وطلعت بره صعدنا أخذنا اغراضنا الي جبناها ويانا وجنط ملابس استبرق وطلعنا وراهم جان واكف وياها دفعته تبعده عنها اتقربنا منهم صعدنا وهي عاطت بي ما انتظرت أحد

يجي حركة سياره تسوق بسرعة ردت احجي بس رحمه واستبرق سكتوني ما خلوني انطق حرف دزت رساله استبرق الايان حتى يجون ورانا بسرعة رجعنا للبيت عفتهم ودخلت اغير ملابسي كملت وانطيت علم الأبوية باجر ما اداوم وما اعترض ثاني يوم الصبح رجعنا البيت سلمان خلصنا اليوم كله هناك وبليل رجعنا راساً نمت الثاني يوم كعدت متأخرة حضرت نفسي الصبح وركضت أخذت تفاحه وطلعت للسياره وصلونا وراحوا وكفت بالباب باوعت على غفران وگلت

وهجَ:: ماعندي طاقة احتمال حموضة وسام
- ميخالف اتحملي حتى اني ماعندي بس شنسوي أهم شي المستقبل
- صح مستقبلنا ثم مستقبلنا ثم لا شيء آخر
- كافي خلينا ندخل
- انگلعي القسمج خلي انگلع اني

::- باوعت على ساعة عرفت المحاظره بدت غميت نفسي دگيت الباب اجاني صوت الدكتور

- ادخل
::- فتحت الباب مديت رأسي وجسمي خارج القاعة عقد حواجبه من شاف بس راسي دخلت اني وجسمي گال

هيثم:: ليش متأخرة؟
وهجَ:: ليش ؟
- هو چاي أسأل ليش
- عدنا مريض بالعائلة ومحد موجود لان عدنا عرس وبس اني اهتم بي ماكدرت أطلع قبل موعد علاجه وهذا بسبب خلاني أتأخر
- الحمدلله على سلامته ادخلي
-: ابتسمت فرحانه جذبتي مشت عليّ كعدت من فرحتي حتى ركزته بشرحه وجنت مستمتعة مر من يمي گال

هيثم:: اذا تحسين نفسج تعبانه اطلعي اكلي شي

وهجَ:: لا دكتور شكرا الك
:- ما رد اكتفه بسكوت التفتت على إثر ايد نمدت على كتفي استغربت من شفتها اماني

- ورا المحاظرة خلينا نطلع سوه
:- هزيت راسي رجعت التفتت بالي يم دكتور مركزه ويا بمجرد خلصت محاظرته دخلت دكتوره ثانية وهم اندمجت وياها مر الوقت بعد ما طاح حضنا اخذت نفس وفلتت بس استوقفني صوتها

أماني:: انتظريني
::- اجت هي وكم بنينه وياها لكشني گلبي منهن بس اتمشيت وياها اجاوب على كد سؤال

أماني:: اجيب ماي واجي.
::- نطقة آخر كلمه وراحت تمشي بسرعة گالت وحده من صديقاتها بنبرة استهزاء

- صدوك أنتِ أقارب دكتور وسام ؟
وهج:: لا واعتقد كلت هذا شي كدام الكل قبل فترة
- ههههه تره نعرف العميد ودكتور وسلم اقاربج عليمن تضمين هذا شي شنو خايفه من عيونا هههههههههههه

::- تجر الكلمه جر ونبرة صوتها خلاني اشيل روحي واركعها بالكاع

وهجَ:: ليش هو عندج عيون حتى اخاف تحسديني شو كلهن دكم .

::- مجرد كلت هيج تغيرت ملامحها وما أحس إله بدفعه قوية وهجمت عليه تضربني على عيوني بذات حطيت ايدي على عيوني خاف تجي ضربه وتعميني رفعت رجلي ودفرتها بطنها التموا علينا الطالبات يحاولون يوخرونها عني وبس سحبنها لزمت جنطتي وبسنلسال مال جنطه على ضهرها ركعتها صرخت بصوت عالي لزموني ثنين بنات ومن ضمنهن أماني يردون لزموني ماكو حسيت نفسي فقدت أريد اضربها

وهجَ:: ام عيون الدكم اليوم اموتج وخروااا
- اني طكيني يا ك****** تفشر بصوت عالي
ما حسيت غير على ايد أتلفت على خصري ونرفعت من الكاع طلعني من نص التجمع هذاك رافعني بيد وحده يمشي بيه بسرعة
فتح باب المكتب مالته دخلني ودفر الباب وخر ايده عني خازرني ملامحه ما تتفسر من العصبية

وسام:: تتعاركين وي طالبات وهجَ
هاي من اول اسبوع وصلت للضرب والمسبات ؟؟؟

- لا تحجي وياي اريد اخواني التفتت ادور على جنطتي ماكو ماردت ابجي كدامه بس دموعي نزلت رفعت راسي اباوع اله مركز بوجهي ملامحه رخت وعيونه تتنقل على ملامحي

وسام:: لا تبجين لا تنزلين دموعج
وهجَ:: ضربتني ما سويت شي اني سألتني اكو قرابه بيني وبينك ونكرت وكالت كلام بطريقة مستفزه كتلها عيونج دكم وهنه صدك دكم جنهن دكم قميصك

::- احجي وعيوني على دكم قميصه دنك راسه يباوع على ملابسه رفع رأسه مركز بعيوني هز راسه وگال

- كملي
- وضربتني على عيوني وبجسمي والله هي البلشت ما غلطت اني.

وسام:: عـيـونـج بـيـها شــــــي ؟
- شـنـو تشـوف انـت
- اشـوف روحـــي بــعــيونــج

- اقصد عيوني بيها شي ؟
- اي حمره
:-: التفت اخذ بطل ماي سحب صطل الزبالة كال

وسام:: تعالي اغسل عيونج
- لا إني اغسلها
- لا بس ارفعي شعرج بيدج
-: رفعت خصلات شعري المتناثرة دفع الصطله برجله خلاها كدامي فتح بطل الماي دار بيده وغسل وجهي كررها مرتين شمر البطل أخذ كلنس ينشف وجهي ابتعد عني تركت خصلات شعري رجع كلشي بمكانه

وسام:: خليج هنا او انتظري
:- فتح الباب صاح على شخص سمعته گال اله خلي راجح يجيني وفعلاً أقل الخمس دقايق دخل وسام ورا راجح باوعلي بطرف عينه وگال

راجح:: هاي إني شورت بيج
وسام:: جبتك عون لا تصير فرعون
- شبيك قابل مجذب اضنها ما تدري بيه سيد

وهجَ:: اول مره اشوف سيد لاگف ابو نسوان خليني ساكته

راجح:: ما أبقى يمها عمي شني صلفه هاي
:- يحجي ويأشر عليه

وسام::تبقى وانت ساكت دقايق وارجع.
::- طلع وسد الباب التفتت على راجح تخوصرت وگلت

وهجَ:: ولك ابو نسوان تريد اطير سيارتك كلها هاي المره تكعد عاقل لا عيونك اطلعها من مكانها مو صوجك صوج السواك دكتور عمي لو مخلينك درس مطايا أفضل

راجح:: اي لهذا سبب جاي ادرسكم
:- صفنت دقيقه بعدين استوعبت قصده توسعت عيوني مصدومة
وهجَ:: ولك تحترم نفسك لا اكسرك هاي المره
- بيج حظ سويها
- خلينا نرجع للبيت واني اعلمك
-الي يسمعج يكول بنفس البيت
- مو شرط اليوم المهم اطيح صبغك بسيطه
- لج احترمي نفسج اكبر منج اني

::- دخل وسام يباوعلنا
وسام:: كافي سوالف كومي نروح
- وين ؟
- للقاعة
-لا ما اروح
- كومي حليت الموضوع عمي حسين راح يتصرف
- بس

راجح:: لا بس ولا غيرها كومي روحي ويا لا اخابر ابوج

وهجَ:: سد حلكك واسكت
::- طلعت كدام وسام امشي كدامه او وسام وراجح يمشون ورأي يسولفون بيناتهم لمحت الصخله ام عيون دكم طالعه من وحده الغرف باوعتلي بكل حقد وراحت مريت من باب الغرفة الطلعت منها شفت عمي حسين او ويا كم شخص درت وجهي وكملت طريقي

اجاني شعور فخر وفرحة لان جانوا وياي وما عافوني امشي وإني مبتسمه لحكني وسام صار بصفي تماماً گال

وسام:: منا ورايح إذا كلمه تسمعيها تجيني فهمتي ؟
- الله كريم
::- اشرلي وگال

- ادخلي
:-: دخلت ما رفعت عيوني على وحده كعدت بإمكاني متفشلة بعد ما حجه وياهم وسام باوعلي مد ايده يأشر عليه وگال

وسام:: وهجَ محمد بنت عمي أي شخص يضايقها أو يقلل من احترامها معناها قلل مني شخصياً
مشكلة اليوم انحلت بهدوء لاكن اذا تكررت بوقتها الي غير تصرف وياكم

::- القاعة صارت هادئة الكل مصدوم ما عدا كم شخص لأنهم يعرفون مسبقاً نهى حديثه مبتسم تعالت أصوات الهمسات

حسيت بشعور الفخر للمرة الثانية انرسمت ابتسامه على ثغري من الفرحة وطول المحاظرة لاحظت الطلاب يتبادولون النظرات بيني وبينه وهو يلتفت عليهم كلهم لحد ما تصد عيونه عليه يركز بملامحي ويبعد نظراته بس الكل لاحظ هذا شي مو بس اني خلص وقت محاظرته كملت باقي المحاظرات واني هادئة احس براحه وبشعور غريب نوعاً ما
بس خلص وقت الدوام رحت على غفران طلعنا اني وياها من بعيد لمحت راجح واكف ينتظرنا مشيت بسرعة فتح الباب النا صعدنا انتظرته يصعد وگلت

وهجَ:: وين وسام ؟
راجح:: صارت عنده شغلة وطلع قبل عشر دقايق

::- سكتت وما نطقة بحرف واحد حسيت نفسي غبية لان جنت اريد اتشكر منه!
شبيه اني مو هذا نفسه اخو الشخص الضحك على اختي وغدر بيها خنكتني العبره شلون ما سيطرت على مشاعري ومشيت ورا گلببي ؟

غفران:: بيج شي ؟
- هزيت راسي بمعنى لا
ضليت طول الوقت افكر شنو شلون ابتعد عنه بس وصلت نمت بدون ما احجي ايشي كعدت نص الليل ذكرت كلشي ما سويت كمت اخذت الاشياء الي احتاجها وطلعت من الغرفتنا البيت كله اضلم بس بالمطبخ اكو إضاءة خفيفه استغربت منو كاعد بهيج وقت تمشيت بهدوء مديت رأسي اشوف منو كاعد لمحت ايان واستبرق بالمطبخ بوضع استغفرالله غمضت عيوني وشردت طلع صوت خطواتي لان ركضت فتت للحمام قفلت الباب غسلت وبدلت بس طلعت ما لكيتهم عرفتهم شردوا الغرفتهم هزيت راسي متحلفه بيهم الصبح.

وفعلاً بس كعدوا ما خليت شي يعتب عليه وكملتها جوائح ضحكت هواي بس بمجرد كالوا وسام يوصلكم تعكر مزاجي حاولت ما اروح بس ماكو فايدة رحت للدوام ويا وحاولت أبقى بعيده عنه وكلشي تمام اتقربت منا اماني گالت

أماني:: مرخصتج وهجَ عندي موضوع وياج

- اتفضلي احجي اماني
- هنا ؟
- اي هنا هاي اختي احجي
- اها شوفي صراحة اخوي شافج وعجبته شخصيتج وحاب يتقدم الج
::- عقدت حواجبي مستغربة
- وين شافني ؟
- اخوي الدكتور هيثم
::- رفعت حواجبي مصدومة كلت
- هيثم اخوج ؟
- اي واذا ماعندج اي اعتراض تجي الولدة تخطبج وأي شرط .....
::- شتت انتباهي صوت التليفون بس شفت الإسم كمت من مكاني فتحت خط قبل لا انطق كلمه اجاني صوت جُواهر

- وهجَ ابوي راح يگتلها
::- تحجي وتشهك صوت عياط وتكسر يمها
خفت من الصوت طلعت بسرعة باتجاه مكتب وسام بس ما لكيته مثل كل مره
والحمدلله راجح موجود أخذنا بسرعة طول الطريق گلبي يدگ بسرعة خفت يصير شي بيهن بمجرد وصلنا نزلت اركض منعتنا امها نفوت ما اهتم راجح وصعد فوك ورا أبوها وغفران ورا ما حسيت غير براجدي على وجهي من امها وركضت تريد تلحگهم سحبتها من ملابسها وكعتها بالكاع وهي تصيح بصوت عالي

- طكيني يا بنت ال***** اخت العار تلعبون بشرف بنتي اليوم اموتكم

::- هجمت تريد تضربني بس ما حسيت غير اتحسبت من كدامي لازمها ايان شمرها بعيد عنا وكف كدامي حمزه وايڤار صعد يركض ويا ايان وكفت بضهر حمزه وهي تكفر وتسب ما يحتاج احجي شي من شكلها مبين هي بربوك وحشى البربوك منها هم

حمزه:: وسم بگلبج سدي حلگج لا اكسر سنونج الج

- اخوات**** تردون تسدون حلگي ما تريدون واحد يعرف هذا العار كسر بنتي وهسه حامل منه اليوم افضحكم واخزيكم

::- توسعت عيوني مصدومة مو بس مصدومة انسطرت من الي سمعته باوعلي حمزه عاقد حواجبه طلعني باب البيت حتى ما اسمع كلامها ورجع عليها ما أعرف شسوالها بس اختفى صوتها عقلي ما يستوعب الي سمعته وكفت بدون اي حركه أكثر من ربع ساعة محد منهم طلع ماكدرت انتظر أكثر رجعت فتت لكيت حمزه واكف كدام وحده من الغرف يقفل بابها صعدت فوك لحكني لزمني من ايدي وگال

حمزه:: لا تروحين انزلي
- لا حمزه اريد اصعد
::- ترك ايدي صعدت اخر بأيه وكعت عيوني على ايان نايم على عمي يضرب بي وراجح بس شافنا همس شي الأخوي وطلع راساً انحنى ايڤار شال جَلنار باوعلي ومن نظرته عرفته شنو يريد التفتت على كنتور فتحه ردت شي اغطيها بي بس ما لكيت سحبت الغطه الي على جرباية وهي بحضنه غطيتها وهي جسد بدون روح ما كالت شي ولا حتى حركة نفسها اخذها وطلع ايڤار وقبل لا ينزل التفت على ابوها وگال

ايڤار:: من اليوم جَلنار واخواتها بحمايتي وحق ابو الحسنين اذا اشوفك واصل يمهن اكتلك وادفنك بيدي وحسابي وياك ما خلص راجعلك

:- التفت علينا وگال
- ما اطلعون منا بدون جيهان وجُواهر وماريد سلمان يدري بشي حمزه ايان اعتمد عليكم

حمزه:: الموضوع يمي لا يضل بالك
:-: ردت اطلع ورا بس استوقفني صوت ايان وهو يگول

ايان:: خليهم وحدهم لا تلحگينهم
وهجَ:: بس....

غفران:: عوفيهم وهجَ جَلنار تعبانها واذا نبقى وياهم مايكدر يحجي وياها براحته وهسه انتن الاثنين جيهان وجُواهر قبل لا نطلع منا اريد منكم تبردون گلبگم حتى انام مرتاحه اليوم

::- تحجي وتباوع صفح على ابو جَلنار الي خشمه وشفته ينزفون دم كالت آخر كلمه وما نحس اله طفرت جيهان على بطن أبوها وتضرب بي تخرمش تدفر تعض كلشي سوت وايان لازمه الها خاف يضربها التفتت جُواهر سحبت الطبر الي بالكاع ونزلت تمشي بسرعة وتصيح

جُواهر:: وينها اليوم انعل جد جدها
نزلنا وراها بعد ما اخذت المفتاح من حمزه اشرت على الغرفة وگلت

وهجَ:: حبسها هنا حمزه راح افتح الباب وخلينا نشوف بطولاتج

غفران:: بس قبل كلشي هي شسوت ؟

- هي الخابرت زوجها وكالت اله ابن اخوك **** بنتك وحامل منه بالحرام..

::- بدون تفكير فتحتت الباب لمحناها مربوطه بالشباك مال الغرفة وما تكدر تحجي صفكت ايد بايد وگلت

وهجَ:: وهاي اخوي الغالي مجهز الوضع الج شوفي شغلج..

::- بس دخلت ابتعدنا عن الباب وياي راجح باب البيت اشرلي براسه على غفران سحبتها على صفحه خاف يصير شي وتتخربط ثواني وصوت الضرب دخل سمعنا ابتسمت براحه

- هاي شكولات لازم واحد يحط حد إلها هم عايفين بناتهم من سنوات وهسه جاين يحاسبونهم والله ياالله

غفران:: همه من زمان هيج مطلكين ومخلين البنات عايشات وحدهم وهسه أهل الشرف يحاسبونهم

وهجَ:: شيسوي بطبر ؟
- مادري بس اختها كالت رايد يذبحها بحجة غسل عار ومصعدتها فوك قافله الباب رايح يجيب طبر يريد يكسر مدري شيصخم براسه

::- تحجي بحركة گلب وجسمها يرجف تصيح بأعلى صوت

غفران:: والله اذا خليتي شي صاحي بيها اكسرج

راجح:: شبيج غفران
- انت اسكت حياة العالم لعبة بيدهم ؟ كله ذبح وگتل وين عايشين احنا إلى متى نسكت ونفترض ما اتصلوا علينا چان قتلها بدم بارد كأنها دجاجه ومحد يفتح حلكة بكلمه

راجح:: كافي مابيهن شي لا تحركين دمج راح توكعين

- ما اوكع كلشي مابيه صاحيه عوفوني
::- تتحرك بالبيت وتصيح نزل ايان من فوك ويا جيهان

- وين اختي ؟
:- صاحت بيها غفران بصوت صدم ايان وصدمنا

غفران:: تربي الناقصة وانتِ ربيتيي ابوججج لو لا!
- ضربته بس خاف الله يطيح حظي لان حرام ضرب الإهل

- حررامم عليج أنتِ تمسين هاي شكولات أهل هذولة نعل للحمام ما اخليهم مو احسبهم أهل الي يكتل اختج باجر يكتلج ويكتل غيرج خلي اسمعج دكولين اهلي بعد

ايان:: تحولتي من غفران إلى رحمه إلى جوائح
::- عيونا عليها ما مهتمه بكلامنا حتى أني خفت منها شخصيتها انگلبت راح ايان طلع جُواهر هي وجيهان خله راجح يوصلهم ورجع علينا گال

ايان:: راح تجي الدورية روحون كدامي خلي أشوف الوضع يم حمزه واجي

::- صعدنا بسياره ننتظره يجي خمس دقايق واجه وصلنا البيتنا وراح طلعت نسخة المفتاح من جنطتي فتحت الباب دخلت شمرت نفسي على قنفه غفران راحت للغرفة طلعت تليفوني اتصل على جوائح بس رفضتني للمغرب اجت العائلة كلها بس ايڤار وجوائح ما رجعوا ما حجينا الصار الآي شخص بس مجرد خلصوا أكل گال ابوي

محمد:: باجر الصبح تروحون على بيت جدكم وانتِ رحمه خلصي حتى ياخذج ابوج تبقين هناك يم بنات عمج

رحمه:: ياهنه ؟
- جَلنار واخواتها بيت جدج المفروض اجيبهن هنا بس مو بصالحهن اخليهم يبقن هنا وهناك احسن بس ماعندي ثقة بالموجودين

- ماشي اني اروح بس شصاير ؟
::- عيونها تراقبنا نتنظر احد يحجي بس محد كدر يحجي خلصت اكل كامت لحگتها غفران عرفتها هي راح تحجي الها شلت المواعين أريد اغسلهم دخل علي گال

علي:: سمعت اليغسل مواعين وي اخته يدخل الجنه سويلي مجال اني احب الجنه

وهجَ:: كلامك صحيح اني هم سمعت هيج حتى اليمسح البيت يضمن دخول الجنه

علي:: خوش حجي على أقل ندخل الجنه لان اذا نبقى ورا المشاكل هاي حتى جهنم يطردونا منها على كثرة ذنوبنا

::- وخرت عنه خليته يغسل واني امسح الكاونتر كملنا كلشي طلعنا للصاله اني اكنس وهو يمسح امي وعمتي زهراء وابوي و عمي كلهم يسولفون بخصوص مشكلة اليوم ايان اخذ رحمه واستبرق وراحوا يبقون بيت سلمان اتاخر الوقت وجوائح ما رجعت اتصلت عليها أكثر من مره تليفونها مغلق خفت صاير شي الها رحت الغرفة اهلي دخلت وگلت

وهجَ:: تعرفون ليش جوائح ما رجعت ؟
نيرمين:: هسه جنت احجي وي خالتج ام حمزه يمها جوائح

- صدك جذب واني خبصت تليفون عليها خلي انام اشرفلي
::- مثل ما اجيت رجعت تمددت بفراشي وخرت الغطه غفران

- رحمه كالت ما لكينا غير جيهان وجُواهر بالبيت جَلنار ايڤار ما رجعها ومن متصلين عليّ كايل الهم تحتاج تبقى بعيد عن الفوضة هاي الفترة وساد المكالمة

وهجَ:: ايڤار يعرف يتصرف واكيد يريد يخليها تتخطى الصار.

- يمكن صدك شنو موضوع الدكتور ؟
- راح من بالي يمعودة مجرد حجي
::- اختصرت الحديث ونمت وجنت متوقعة الموضوع انسد مرت الايام ادوام وارجع للبيت
صارت أشياء هواي بيت سلمان بردت گلبي وكلشي جان تمام رجعت من دوام استبرق وغفران دخلوا كدامي واني بسبب الكعب رجلي انتهت نزعته مشيت حافي دخلت للبيت اريد ابجي رفعت راسي وأشوف امي كاعدة وي اربع نسوان ذبيت الحذاء من ايدي سلمت من بعيد وفلتت للغرفة بس دخلت گالت

رحمه:: شافوج ؟
- اكيد
غفران:: وهجَ هذولة اهل دكتور اجو يخطبونج.
- شنووو
رحمه:: صوتج صار إلها نص ساعه تقنع وتسفط حجي قافلين

::- رمشت أكثر من مرة أحاول استوعب شنو جاي يصير بحياتي حسبي الله على حياة
ما حجيت وياهم بالموضوع هذا وحتى اهلي ما حجوا وياي مرت ثمن ايام على موضوع الخطبه واهلي مشغولين باشياء ثانيه وبيوم العطلة انفتح باب غرفتي دخلت امي بس شفتها لزمني گلبي راساً كلت

وهجَ:: وعلي ماعندي طاقة المشكلة جديدة
نيرمين:: لا حبيبتي ماكو مشكلة ما احب اتناقش بهيج مواضيع بس اثقين باختيار ابوج ؟

- اكيد بدون شك
- لعد يا حبيبتي ابوج فكر بالموضوع وسأل عن الولد الي خطبج وعالم زينين ماكو حجايه عليهم وكال كولي الوهجَ انطيت الهم الموافقة.......

ـــــــــــــ⊰ ـــــــــــــ

::- ألتفت إلي بكل جسمه اتقرب مني رجعت كم خطوة وكف كدامي تماماً عيونه بعيوني گال
حمزه:: محد يكدر يحجي لانچ مـرتـي

منى:: حجي يفيدك محد يعرف ماتكدر تحجي شي
- عدنا عقد مايحتاج احجي اخلي كدامهم وينلطمون على حلگهم

- بس يطلع اسامه اذكرك بكلامك
-: ضحك بستهزاء
حمزه:: عوفينا من اخوج وين تردين تروحين ؟
- كالت الك جوائح!
- اي كالت تردين تروحين على بيت اخو فاطمه بس احجيلي شنو تردين تسوين
- من نروح تعرف
::- هز راسه بعدم رضه صب جاي اله وطلع لبس ملابسه وراح

فاطمة:: دقيقه شعندج بيت أخوي ؟
منى:: اريد احجي شي إله مهم
- يخص اسامه ؟
- اي لازم يعرفه
- منى هذا شي اله دخل بموضوعنا ؟
- اكيد فاطمة لازم يعرف كلشي ضروري
- ما أروح وياج اني بس اروح بعد ما يخليني ارجع اذا عرف أبقى هنا
- ماكدر ابقيج هنا وحدج
- لا ماراح اني اعرف اخوي بس يعرف ما راح يخليني أبقى يمج خليني هنا لا تخافين عليه
- لا انتظري يرجع حمزه واحجي ويا
-: ابتسمت إلها رجعت تسوي كمادات على وجهي حسيت بخوف وقلق اذا عرف اخوي تصير كارثه من توتر كمت اطكطك اصابيع ايدي خلصت منى وراحت كمت سبحت وكل ما أسمع حركة بالبيت افتح الباب

فاطمة:: منى بيج شي ؟

منى:: لا بس انكسر الكلاص والماعون ما صار شي
- ديري بالج خليني أطلع واني اشيل الكزاز
- كملي
::- سديت الباب حطيت شامبو على شعري أغسل بي وسمعت صوت قوي من الخرعة صحت

فاطمة:: يماااااااااااااااااااا منننننىى شسويتييييي ولججججج

منى:: ولجججج الجداحه يم النار وانفجرت

- اشتعلت روح اخوج اصبريلي خلي اطلع
- اشتعلت روح منو اطلعي اشعل روحج اليوم
- ما اخاف منج بعد عوفي المطبخ اكعدي بصاله

::- اختفى صوتها خفت تسوي مصيبه جديدة غسلت شعري وطلعت بسرعة اول ما فتحت الباب صارت بوجهي لازمه جداحه وكيس صغير سديت الباب بوجها ضحكت وكالت

منى:: اصبريلي
::- طلع صوت الجداحه وما أحس غير شمرت شي من جوه الباب بس شفتها طكطاكه صرخت وي صرختي طكت

فاطمة:: يبوووووو ولججججج طكت طكت يماااااااااااااااااااا

منى:: هاج بعد وحده هههههههههههه
::- رجعت شمرت بعد وحده لزكت روحي وي الحايط اصيح بصوت عالي وهي تضحك

- يماااااااااااااااااااا ولجججج كافي عليج العباس كافي گلبي راح يوگف
- يلا انكسر گلبي عليج اطلعي
- احلفي بعد ما تشغلين
- وداعة اخوي
-: طلعت واني خايفه شفتها تضحك دارت وجهها وراحت للطارمه تمشي وتهز بجسمها ولا عبالك هاي نفسها الي رادت تموت اسم الله عليها
خفت تسوي شي ما عفتها لبست حجابي ورحت لميت الكزاز وطلعته بره لان الكزاز إذا يبقى بالبيت يسوي مشاكل شمرته ودخلت اباوع على الحديقة الجو بارد ومنى كاعدة تقطف ورد كفختني نسمه بارده

لا إرادي صدت عيوني على الباب اتمنيت يچي واشوفه ويرجع يلحگني من مكان المكان ويزعجني بتصرفاته مرت أكثر من سنتين واني انتظر
اريد يرجع ويشوف وضع أخته الي تحسن ويسمع صوت ضحكتها ويعيش حياته طبيعي
اخذت نفس ودخلت جوه احظر نفسي واردد بكلمات القصيدة

عــد لـحـبـيــبي قـلبــي فـارحـم
عـــد الــى يــا لحــناً بــفـم الــعــالـم
عــد فـالعـمر يـشـدوا بـهــواك
عـــد فـالـنـفـس تـرنـوا لـسـمـاكُ

::- اثتناء صفنتي سمعت صوت حمزه جوه يحجي وي منى ثبتت الدنبوس بحجابي وطلعت

حمزه:: هي مو عدها دوام خلينا نوصلها ونروح البيت اخوها

منى:: خاف يروح وراها للدوام
- لا ابوج عميد هناك وراجح او وسام هناك اخليهم ينتبهون عليها

- لا دكول ابوج هذا صرصور ما أخلي عده مو يدير باله على مرت ابنه
- خيولي ولد عمامج يتصرفون
- اذا هيج هاي هيه

فاطمة:: بس إني أتأخر شوكت ترجعون انتم
:- التفتوا على صوتي

حمزه:: مو مشكلة حتى نرجع من وقت اخذها المكان ثاني بين ما تطلعين نمر عليج
- تمام متفقين
::- ابتسمت برضه كملت كلشي وهمه حظروا نفسهم اكلنا بسرعة وطلعنا وصلوني متأخرة فاتتني اول محاظرتين لان جامعتي بغداد ويحتاج وقت اوصل اتصلت على اخوي ابلغه بجيتهم وما انتظرت يكمل كلامه قفلت تليفوني ضل بالي يمهم كل شويه أفتح تليفون أشوف اكو مكالمه او لا وارجع اسده طلعت سألت عن غفران او وهجَ كالوا ما مدومات اليوم رجعت مثل العاقلة كعدت وي زميلاتي وبس خلص الدوام اتصلت على حمزه لازمه گلبي بيدي رفضني ورجع ورا ربع ساعة اتصل فتحت خط گال

حمزه:: واكف الج بره
::- طلعت أمشي بسرعة أريد اوصل للسياره حتى أعرف شصار وفعلاً صعدت سديت الباب حيل

فاطمة:: شصار احجولي ؟
حمزه:: احجي منى
منى:: ما صار شي حجينا بالبداية انفعل وصار حجي مو حلو بس سمعته كم تسجيل وشوفته صور استوعب وفهم كلامنا والباقي حمزه تفاهم ويا ومن يطلع اسامه يكملون الحساب بينهم

فاطمة:: واني شكال عني ؟
- ما كال شي بس حمزه حجاله اشياء عنج وأشياء أخرى واني كتله إذا تأخذها تصير حرب بينا وبينكم

وها اكو وحده عيونها خضر دخلت وكالت اله إني أعرف كلشي وهم فهمته

::- بدون تفكير عرفتها
فاطمة:: اسمها شهرزاد ؟

منى:: اي عفيه حجت ويا ومرت اخوج هم حجت باختصار كلهم وكفوا ويانا وقنعوا اخوج حبيتهم خوش عائلة عرفت ليش انتِ شريفة آثاري اهلج شرفاء.

::- باوعلها حمزه خزرها وهي تحجي وتضحك كدرت اتنفس براحه ومشت الأيام بهدوء ورا يومين كالت نريد نروح البيت اقاربنا رفضت بس من كالت بنات عمي هناك اقتنعت اخذنا حمزه طول الطريق جانت منى متوترة گالت

منى:: كلهم عبالهم اني ما راح ارجع بس اريد اكعد كبالهم وافلش البيت على رأسهم واطلع

حمزه:: سوي الي تردينه بس احسبي حسابج جوائح عدها قضية مهمة وما موجودة بالبيت تلگين بنات فارس وحده منهن مرت اخوي فاطمة تعرفهن خليج قريبه منهن بوقت غيابي عنكم

فاطمة:: تمام الباقي يمي
::- ما علقت على كلامه منى ضلت ساكته حتى أني خفت عليها دخلنا بالمكان الي ينزلنا يم بيتهم توترت بسبب خوفي عليها وكفت السياره تعلن عن وصولنا التفتت منى تباوع على البيت اخذت نفس وگالت

منى:: اتصل على علي خلي يخلي الصناديق الي بسياره بمكان بعيد عن العيون

فاطمة:: يا صناديق ؟
- بعدين تعرفين هاي هدية الهم ما يصير ادخل بدون هدية

::- تحجي وعيونها تلمع تهز برأسها بمعنى بسيطه نزلت وهي نزلت وراي اتصل حمزه شخص دقايق وطلع شخص ينزل من الدرج الي باب البيت جان عندي فضول اشوف اقرب شخص الاسامه ركزت عليّ يمشي برزانه وعيونه على حمزه ومنى ما رفع عيونه عليه ابد مر من يمي دنك وگال

علي:: سلام عليكم اختي
منى:: تسلم عليها وإني كدامك واكفه بنت البطه سوده اني

علي:: عيب شبيج مرت أخوي وضلعي لازم اسلم عليها وأنتِ مو بنت البطه سوده انتِ بنت العربيد الاسود

::- باوعتله تقدمت باتجاهه تريد تضربه لزم أيدها حمزه وگال

حمزه:: بعدنا ما گلنا اسم الله وانت احترمها لا نخرب

علي:: تاج رأسي نسوان اخوتي الغاليات
::- يحجي ويغمز الحمزه باوعتله منى مصدومه سحبه حمزه على جهة حجه ويا ورجع النا صعد كدامنا واحنا ورا
قبل لا ندخل طلعت استبرق تستقبلنا بس شفتها فرحت كأني شايفه اختي فتحت حضنها الي

استبرق:: ياهلا بفطم الحلوة
::- حضنتها سلمت عليها وابتعدت باوعت على حمزه منى

فاطمة:: هذا حمزه اكيد تعرفي وهاي منى اخت أسامه

::- ابتسمت المنى رادت تحتضنها بس ابتعدت عنها

منى:: ما احب احد يحضني اعتذر
::- باوعلها حمزه واني بنفس النظرة لو مو عيب جان كلت إلها بس بحضن حمزه خاتله بس عيب اكيد تفهمت وضعها استبرق سلمت على حمزه وكالت

استبرق:: خويه انت نسخة ايان
حمزه:: اخوي اكيد نسخة منه بشكل
منى:: خلونا نفوت ونسولف جوه مو احسن

::- ضحكت استبرق منحرجة خزرت منى ما عجبني تصرفها دخلنا كلنا منى ورانا أول شافونا ابتسموا بفرح ومجرد وكعت عيونهم على منى تغيرت ملامحهم والصدمه بينت عليهم كامت رحمه من مكانها مبتسمه

رحمه:: هله ومية هلا
::- سلمت عليها بدون ما تلمسها ورجعت سلمت علينا كلنا بوست الموجودين من نسوان عماهم طلع حمزه بعد ما حجه وي رحمه

رحمه:: ما يحتاج اعرفكم عليها تعرفوها اكيد

انعام:: هاي مو بنتج
::- تحجي وتباوع على ام اسامه إلي لونها انخطف كأنها شايفه عدو إلها مو بنتها

::- كامت من مكانها تاركه المكان ابتسمت منى وگالت

منى:: بيبي زهره وين ؟
رحمه:: بغرفتها اخذج الها
- دليني عليها إني اروح وحدي
::- ما ارتاحيت الها خلتها تروح رحمه وگالت

رحمه:: الما عاجبه وجودها يركع راسه بأقرب حايط مع احترامي الكم

::- خنسوا بعد كلامها عشر دقايق طلعت منى لازم ايد جدتهم رافعة راسها وتحجي

زهره:: نتورتينا يبعد جبدي كومي انعام يمه كومي بنت اخوج هاي
::- كامن كلهم يردن يحضونها ابتسمت وكلت

فاطمة:: ما يصير تحضن أحد تحسس

انعام:: يا جا مو امي حاضنتج تردين تمرضينها
منى:: لا اريد امرضكم انتم
- تسمعين حجيه
زهره:: اسمع فدوه تروحلها بنيت ابني اجتنا بعد فراك خلوني فرحانه بشوفتها انگلعوا جفونا شركم

استبرق:: زهيره مو انتِ ما تحبين اسامه ما ارتاحيت الج كولي شعندج وياها

زهره:: ويعع لا تجيبون طاري هذا المصخم لاعب لعب يخلقته ولا احبنه أخذ اخيته وخلاها وحده ابن المچلوب

::- تحجي واني عيوني على منى الي قلصت عيونها التفتت يمي ويسار بسرعة كرصة رحمه بيدها أشرتلها على منى

رحمه:: زهره لا تحجين هيج ندري بيج تحبينه
ماكو يوم يمر عليج اذا ما تدعيلة يطلع

::- الحجية كأنها فهمت اكو شي باوعت على منى شافتها خازرتها دارت وجها علينا

زهره:: شلون ما ادعيله ابن المچلوب هذا بعد روحي بكل صلاة ارفع ايدي وادعيلة

منى:: تدعيلة كلتي
- اي بعد جبدي ادعيلة جا شلون غير احفادي
بعد روحي همه

استبرق:: بعد روحج واحفادج؟
::- شالت المخده ركعت استبرق بيها وتعضلها شفه تريدها تسكت باوعت على نسوان عمامهم كلهن مكشولات على منى صاحت بيهن الحجية كومتهن يشتغلن وكالت

زهره:: وينها مرت المچلوب
منى:: شافتني وشردت عبالها تخلص مني
- تبقى امج حبيبة
- ماعندي ام ولا اب عندي اخ بس
- جا ومرت اخوج سمعت هي يمج وينها
- عفتها بالبيت ماتقبل تجي ويانا

زهره:: بس لا ما تريدنا واني كلت عليها خوش بنيه نويدره
منى:: شايفتها انتِ
- اي رحت خطبتها بيدي اله گبل سنتين وبعد ما شافتها عيني

استبرق:: يمكن ما تحبنا خليها شسوي جايتنا
رحمه:: هم صدك
::- عيوني تتنقل عليهم وحده وحده مصدومه
منى تضحك وتباوعلي رفعت ايدي أشر على نفسي

فاطمة:: حجية اني فاطمة صدك تحجين
:-: اندارت تباوعلي
زهره:: يااااع ولكم هاي الفرخة مرت ابن المچلوب وحگ علي كل ضني صاحبتهن ولجن يا مسمومات تضحكين عليه كومن كومن ولن غاد تعالي بعد جبدي

استبرق:: هههههههههههه اليوم زهره توزع بجبدها

::- فتحت حضنها كمت حضنتها اطبطب على ضهري او تكسر ضلوعي أيدها جنها ايد خباز

رحمه:: ايدج يمعودة ضهرها راح
::- ابتعدت عنها مبتسمه يسولفون ويضحكون حسيت جوهم حلو وكل شويه داخل واحد من ولدهم يسلم هو منزل راسه ويصعد فوك للمغرب كلش وي الأذان دخلن ثنين بنات كبار وياهن طفل

إسراء:: سلام عليكم
- وعليكم السلام

زهره:: بشري شصار
إسراء:: شيصير مثلاً أخذوا دم من عندي
وأيده الايمين بتروها اله

::- بس كالت هيج التفتت منى بكل جسمه تباوع عليهم وحده منهن انطت الطفل للبصفها وصعدت

منى:: منو هذني ؟
استبرق:: بنات يحيى
::- لزمت أيدها رحمه وإني حطيت ايدي على رجلها خاف دكوم انتبهت النا اتقدمت باتجاهنا كعدت على قنفة بحضنها الطفل

إسراء:: هاي بنت حسين ؟
زهره:: اي أخذي ابن اختج واصعدي وراها

- اختي ضغطها هابط واني اريد انام خلوا عهد يمكم
- جيبي
::- أخذته منها الحجية وكامت قبل لا تصعد گالت

إسراء:: اني بعيدة عنهم وعن أعمالهم طلعيني من راسج

::- نهت كلامها وصعدت
زهره:: لا تكربين منها بعد جبدي ما احبنها بس
الحگ ينگال مالها شغل بأهلها بس هذيج المسمومه اختها تمشي وتذب بسمها

منى:: منو منهن جانت خطيبة عمي فاضل ؟
- إسراء
- هااااااااا
رحمه:: وسم استبرق شبيج
- عمي فاضل جان خاطب هاي الحيه ؟
- اش كافي اسكتي جانوا مخطوبين من ايام الجامعة وقبل لا يصير شي رسمي انفصلوا

فاطمة:: يعني عمكم ما متزوج ؟
زهره:: من ذاك ليوم لحد يومنا هذا ما يرضى يتزوج شيب راسي واني اقنع بي

منى:: ادري بي مرة سمعته يكول اسمها وهو نايم وسألته عليها من كعد
ما رد ورفض يكلي ايشي عنها

رحمه::هو يحبها بس ما أعرف ليش انفصلوا
كلنا يوم يومين ويرجعون بس مرت سنوات طويلة وما رجعوا

::- قطع حديثهم صوت الطفل يبجي حطتها بحضنها تهز بي بس هو يصرخ كامت رحمه شالته تفتر بي وتسولف ويا

زهره:: اكومن اصلي ديرين بالجن عليّ ولا تروحن يم عماتجن

:- كومتها منى واخذتها توضت ورجعتها الغرفتها بس خلصت سدت الباب رفعت أكمام ملابسها تخوصرت وگالت

منى:: علي بره ؟

رحمه:: موجود فوك
- عادي اصعد اله ؟
- عادي بس مو وحدج تروحين استبرق كومي وياها

::- اتقربت من رحمه اباوع على طفل صار عندي فضول اعرف ابن منو بس شفته گلت

فاطمة:: هذا ابن جوائح ؟
- لا ابن زوجها
::- رفعت حاجبي مستغربة
فاطمة:: بس يشبه جوائح خصوصاً العيون
رحمه:: مادري بس هو مو ابنها

::- ما اقتنعت لان الولد يشبه جوائح خلته ينام حطتها بغرفة الحجية طلعنا ننتظر استبرق ومنى ينزلون بس ما نزلوا

فاطمة:: اكلج خاف صار شي فوك
انعام:: شبيجن تتهامسن
رحمه:: شفتي استبرق ومنى فوك ؟
- لا نزلن وياهن علي طلعوا من الباب الخلفي ليش شبيهم ؟

رحمه:: علاج منى باقي بسياره وراحوا يجيبوا يمكن لكوا سياره ما موجودة

انعام:: روحي وراها خاف تسوي شي مسودنه هاي

::- خزرتها ما راضيه بكلامها عوجت حلكها تحجي بصوت ناصي راحت رحمه تشوفهم وين ضليت كاعدة انتظرهم على نار دخل ابو اسامه ويا راجح شافوني كدامهم استغربوا سلموا عليه وبس سمعت صوته مرته طلعت من غرفتها

ام اسامه:: وينك انت من العصر اتصل عليك
- مشغول مو فارغ
- مشغول مو خلي الشغلك يفيدك بنتك المحروسة جابت مرت اخوها واجت

::- رفع رأسه بصدمة يباوع وراي درت وجهي وكعت عيني على منى داخله متخوصرة صفكت ايد بايد وگالت

منى:: لا هله ولا مرحبا اجه الفكر

حسين:: شجابج هنا أنتِ
- تشوف الصلافة هاي الي كلت عليها مخبلة اصحى مني والله

منى:: اكيد اصحى منكم كلكم لان عندي ضمير مو مثلكم لا احساس ولا ضمير حيايه عرابيد كلكم سم

::- هدت امها تريد تضربها راساً صرت كدامها ورحمه لزمتها

منى:: وخرن وخرن خليني اشوف شلون تمد أيدها حتى اعلگها بركبتها الخايسه
حسين:: راجح طلعها منا لا انعل والديها

رحمه:: محد اله حق يطلعها منا البيت بيت حمزه وعمي محمد خلاها هنا بس همه الهم حق يطلعوها منا أما الباقي يسكت

حسين:: اهدم البيت على راس عمج وابنه ردن لسانجن لا اكصه

::- دفعتنا منا وهدت

منى:: تهدمه على راس منو يا عديم الاخلاق بيك خير صير مثل اخوك تعلم منه يا ناقص

::- برجله دفرها صار كدامه راجح سحبتها بسرعة على صوتهم دخل علي يركض كل الموجودات يباعون بدون ما يدخلون
لزمتها من ايديها بقوة

علي:: شبيك عمي تمد ايدك عليها ليش شنو بعقلك

- اكل****
- رحمه الله والديك خلصت امشي لف راسك ونام

راجح:: وانتِ عمه حتى البزونه عدها حنيه أكثر منج
::- يحجون وهذا كل شويه يريد يهد انصدمت بي ما توقعته يطلع بهاي النذالة مشينا الغرفة الحجية ورحمه ما خلت كلمه تعتب عليها زرلت ام اسامه وعلي مستلم ابو اسامه بس شافتنا الحجية هزت راسها بقلة حيلة كعدنا بالكاع صافنات عرفت ليش اسامه مخلي اخته بعيدة عنهم تندمت لأن خليتها تجي

أقل من ربع ساعة وأحنا يم الحجية دخلت استبرق وياها ثنين بنات

استبرق:: راح نحظر الاكل جبت الجن حراسة بين ما نرجع هاي جُواهر وهاي جيهان

منى:: بيبي هاي ولدج شكد يخلفون
زهره:: يخلفون ويذبون زلم ما تلزم نفسها ونسوان مكيفه ياريت يعرفن يربن

::- غطيت بهدومي من الفشلة تحجي بالقلم العريض ومنى الصلفة ما استحت بنات عمها الكاعدات يباعون صفح مستحيات
مجرد كم دقيقه وسمعنا صوت صريخ نسوان عمامهن انخلست خلسه بس الله يدري بيها كامن البنات كمت وياهن ومنى ضلت كاعدة تسكت الطفل لان كعد فتحنا الباب وما نشوف غير النسوان تتراكض بالبيت وحده تدفع ثانيه وصريخ ماله والي يصعدون على درج ويصيحن

- يبووووو ولكم حيه بالمطبخ
- وبغرفتي همم راجح علييييي ولكن الحكوا
- يممممممهه هاي ثنين بطارمههه
يبووووووو

::- بهتت مصدومه وإني أشوف حيه باب صاله ومن بعيد لمحت ثنين بطارمه لطمت على وجهي هذني مال اخوي
التفتت على صوت ضحك منى واستبرق مادة راسها من شباك

رأساً اجت بالي من كالت الصناديق بسياره جايبه حيايه من اخوي

::- بعدني ما مستوعبه الصدمة واجتني صدمة ثانيه وإني اشوف جوائح وياها حمزه داخلين للبيت وراهم واحد لاف الشماغ على وجه مايبين شي منه غير عيونه وهالعيون مو غريبة عليه رجف گلبي وتخربط وضعي كله همست

فاطمة:: اســامــه

ـــــــــــــ⊰ ـــــــــــــ