جوائح الدهر الفصل التاسع وثلاثون 39 - بقلم دعاء رزاق

.بِسْمِ اللّٰهِ الرَّحْمٰنِ الرَّحِيمِ
"جَوائِحُ الدَّهْر"
(بقلم الكاتبة: دعاء رزّاق)

لا تنسَوا التصويت والتعليق يا جميلاتي، فكل كلمة منكنّ تمنح القصة روحًا أجمل 🌿

ـــــــــــــ⊰ ـــــــــــــ

وصلتني صور من رقم إيهاب صفيت سيارة على صفحه فتحت الصور وبمجرد شفتهم توسعت عيوني بصدمة التفتت اباوع اكو سيارة لاحكتني او لا بس ما لكيت رجعت اباوع على الصور الي هي إلي بكل مكان رحت اله مصوريني بي وهذا شي يعني مراقبني الحقير
اتصلت عليّ مارد رجعت اتصلت مره ثانيه طلع مغلق هذا لو يريد يضرني جان ضرني من زمان بس يريد يلعب شمرت تليفوني كملت الطريق بس كل شوية التفت أتأكد احد ورأي
إلى أن وصلت نزلت دخلت المركز طول اليوم ضليت اتنقل من المركز للمحكمة اليوم ثاني كردت اوصل الشغلة البراسي سلمت كلشي للمحامي وطلعت وي شيلان باوعتلي وگالت

شيلان:: منين جبتي الفيديو والتسجيل
- اصعدي بطريق نحجي
- :. ركضت صعدت كدامي سديت باب السيارة وكلت

جوائح:: اولاً امشي بهدوء ثاني شي اخذتهن من يحيى

شيلان:: مافهمت المقتول مو نفسه ابن يحيى ؟
-: باوعت الها صفح ركعتها على رأسها
جوائح:: راسج هذا شبي ضابط وخبصه ولحد الان ما فهمت شي

- وسم غير ما انتبهت الج
- اسامه يدري بحيى مشترك بأعمال غير قانونية وبكل الطرق جان رايد يخلص منه وبعدين يحول على اخت اسامه بس ابن عمي الغبي ضل ورا موضوع اخته لحد ما عرف ابن يحيى جان بسبب خطف اخته وبدون ما يفكر راح دخل البيت وضربه طلقه وطلع من البيت وهو باقي بي نفس اجه يحيى كملها وكتل ابنه خلاص وماخذ تسجيلات الكاميرات ماخذ بس التسجيل إلي يبين اسامه قتله والساعدة أكثر هو اعتراف اسامه بالقتل ومن انحكم ضل يدور على مكان منى لحد ما لگاها وحاول يقتلها بس الحمدالله ماصار الها شي

- ابنه يقتل ابنه ؟
- اي اتوقعي كلشي هذولة عدهم القتل مثل
شربت الماي

- هسه شراح تسوين
- خلي يطلع اسامه وبعدين اخلي ابوي يكمل الباقي عندي اشياء اهم منهم

- اذا هيج احسن بس اسامه يحتاج وقت يطلع
- مو مشكلة أهم شي يطلع
- زين اسمعييي جوائح عمي محمد عنده معارف او أشخاص بالدولة خلي يتصرف هو
- لا ابوي مشغول وي اخوانه كلهم انچلبوا
- اممم زين عندي فكره
- اسمعج

شيلان:: عندي صديق وابو هم عنده معارف ورتبته عالية إذا يساعدنا يطلع بسرعة

جوائح:: عليمن ما نحتاج احد حتى او اتاخر يطلع

- لا كلشي يصير خلي نروح البيتنا ونحجي ويا
او اكلج خليني اتصل عليّ

::- عيوني عليها تتصرف بگيفها ولا كأني احجي وياها هزيت أيدي عليها نزلت من سياره تحجي وي صديقها المجهول تف عليها وعلى صديقها مع احترامي الكم طبعاً

-: ورا شويه رجعت صعدت هزت راسها بحماس
شيلان:: احب الأمور من تجي مثل ما اريد الحمدلله وشكر

- الحمدلله على نعمة العقل وهسه شنو
- هو يم نهر دجلة وراح نروح اله
- نهر دجلة ؟
- أي
- شبيج صاحية أنتِ دنيا ليل وجو بارد شنسوي رايحات هناك صدك جذب

شيلان:: شبيج حلوه هناك وخصوصاً احنا بآخر ايام هاي السنه هم نحجي على قضية وهم
- مو صوجج صوجي اجيت وياج

-: ضحكة وكملت الطريق حستها فرحانه
سكتت مااريد اخرب فرحتها نزلنا بعد ما وصلنا الجو بارد بس اكو هواي أشخاص موجودين مشت هي كدامي واني اباوع على عالم اجت عيوني على ثنين كاعدين سوه يسولفون وبصفهم طفل منظرهم يدخل الگلب

اخذت نفس بحسر والتفتت اباوع على شيلان تحجي وي شخص ما مبين منه شي غير ضهره وطوله باوعت على عمود الكهرباء ماكو فرق بينه وبين العمود كشولت عليهم والتفتت اباوع على نهر أكثر من ربع ساعة واكفه حسيت وجهي ثلج من البرد
عرفتها راح تتأخر ما حبيت اقاطعهم حسيت لازم ارجع للسياره وفعلاً التفتت أريد ارجع بس استوقفني صوته.

- مساء الخير ست جوائح
:-: التفتت بكل جسمي بمجرد لمحته واكف ورا وبيده كوب جاي سفري

جوائح:: انتَ ؟
بهاء:: ما فهمت
::- باوعت على شيلان الي تباوع على كلشي اله عليه تخاف تباوعلي واخزرها أخذت الكوب منه وكلت

جوائح:: مساء النور بهاء ويفضل تشيل كلمه ست لان تزعجني ثانياً انصدمت بيك لان شيلان ما كالت الي نفسك صديقها

بهاء:: مثل ما تحبين ست جوائح اقصد جوائح وشيلان قبل لا اتكون صديقتي هي اختي

::- حسيت بنرفزة لا اراديه شعليه بيهم اصدقاء إخوان شنو خصني اني
جوائح:: المهم كملتوا حديثكم ؟

شيلان:: اي وكال اني اتصرف اعتمدوا عليه
جوائح:: اها
:- كملوا حديثكم جو عجبني راح اتمشى هنا وبهاء بس تخلصون حديثكم وصلها للسياره

::- هز راسه مبتسم خزرت شيلان بس الحقيرة ما اهتمت وعافتني وي هذا المادري منين جاي يطلعلي

بهاء:: احسج ما مقتنعة جوائح
- بشنو اذا بيك فـ كلامك صح ما مرتاحه الك
- صدك والله ؟
- اكيد قابل جاي اشاقه فعلاً أحسك غريب وغامض
- لا مو غامض بس بعدج ما تعرفيني
- يمكن
:- باوعلي بنظره سريعة والتفت عيونه عليه نهر شغل جگاره وهمس

بهاء:: اشربي الجاي
::- نزلت عيوني على كوب خفت اشربه ماعندي ثقه بي
جوائح:: لا مااحب الجاي
- ما تحبينه ؟
- اي
- والـگـهـوة
- احبها وما يكمل يومي بدونها
:- اخذ نفس من جگاره التفتلي عيونه بعيوني
بهاء:: وانـي مـو بـس احبها مـدمـن عـليـها

-: سكتت حرت شنو ارد حسيت كلامه غريب رغم ماكو شي بي غريب بس حسيت

جوائح:: الوقت أتأخر لازم ...
::- قطع كلامي صوت تليفونه بس شاف اسم المتصل ابتسم فتح خط يحجي وي المتصل طلع صوت طفله صغيرة وصوت مره بس سمعت أصواتهم ابتعدت عنه التفتلي يباوعلي هزيت أيدي بمعنى باي ومشيت
السيارة بعيده عني بمسافة بعيدة حسيته يمشي وراي بس ما التفتت ولا بينت اله وصلت للسياره شيلان ماده راسها من جامه صعدت بسياره والتفتت

لمحته واگف يباوع علينا رأساً درت وجهي دفرت شيلان حركة سياره

جوائح:: بنت الخبيثة اول مره فوتتها الج هاي المره تحجيلي شنو وضعج شتردين مني شكو حاشرتني وي هذا

شيلان:: شبيج هدي هدي وبعدين لا تحجين عليّ خوش رجال

- انجبي انتِ ويا فهمتي لو لا الله يطيح حظكم
شيلان:: عزاااا رحنا بيها ولج اسكتي
- انطمي ما تقبلين اغلط عليّ اصبري اوصل اله أخلي حمزه يعلگج أنتِ وصديقج المعفن

- غير تسكت والعباس تنگلب بينا سياره اسكتي احتركة روح سرحان
::- تحجي وتباوع على طريق خايفه واني دمي يفور ما خلت سوره قرآنية ما قرتها تقرأ وتصوق وصلتنا البيت امها نزلت قبلها وكع تليفوني جوه الكشن دنگت اطلعه أخذته ورفعت راسي انركع بالباب غمضت عيوني من الوجع لزمت مكان الضربه

جوائح:: اركعه راح راسي

شيلان:: عليج العباس شو خشوف
-: مدت ايدها تشوف اكو دم براسي لو لا
- مابيج شي بس ضربه احمدي ربج ما ودعتي حل تستاهلين حتى بعد ما تحجين على العالم

::- أخذتني تسحل بيه فاتت للبيت شمرت غراضها صاحت

شيلان:: ولجججج يمه رجعت للبيت الحمدلله لو ما رحمة الله جان اليوم نندفن اني وهاي الجلبه

::- طلعت امها الغرفه بيدها كتابها وكوب كهوتها

ام حمزه:: وجعت امج شبيج تصيحين العالم نايمه

شيلان:: يا عالم نايمه ولج يمه
-: بهتت بوجها شيلان تباوعلي واني اباوع الها

ام حمزه:: لا تحشرن خشمجن
::- دفعت شيلان ورحت باتجاهه الغرف فتحتن وحده وحده لحد ما فتحت اخر غرفة لمحت جَلنار نايمه وبصفها ايڤار نايمين ثنينهم سديت الباب ابتعدت عن الغرفه

جوائح:: جابها هنا ؟
- اي اني كلت لمحمد يخلونها هنا
شيلان:: منو همه
- ايڤار وجَلنار هنا

- اهاااا واني استغفرالله تف تف عبالي عمو محمد هنا استغفرالله
ام حمزه:: ادبسز احجي عدل لا السانج اكصه الج ساعة تسعه ونص وين جنتن دايحات ياطايحات الحظ صوج محمد انطاچن مجال وين اكو بنات طالعات بليل وحدهن

- تره عدنا شغل وبعدين يومم دا تشوفين رتبتي هياتها وخاف نسيتي جوائح وكفت بيت سرحان على تك رجل محققتنا العظيمه هاي

::- التفتت اليه گالت
شيلان:: يلا صار دورج امدحيني اسمعج

جوائح:: عيني مرت ابويه هاي بنتج عدها صديق وراحت شافته ثنينهم سرسريه

::- شهكة بمجرد كملت كلامي حطت أيدها على رأسها تمشي باتجاه شيلان وهاي لونها نخطف

ام حمزه:: صدك حجيها شيلان ؟
هذا شغلج تشوفين صديق وين اكو صديق بوكتنا هذا

شيلان:: يمه بهاء الدين اخو صديقتج والعباس
::- تغيرت ملامحه مرت ابوي غمضت عيونها بقلة صبر

ام حمزه:: صدك جوائح ؟

جوائح:: اي اسمه بهاء الدين صدك بس مافهمت شنو اخو صديقتج ؟

شيلان:: انجبي حقيره
- انطمي خاله كليلي شنو ومنو وليش تعرفينهم

ام حمزه:: اخته صديقتي من أيام الجامعة وهذا اخوها چان يشتغل بسجن أبو غريب وانقل من كم سنه هنا وكل فترة يمر يجيبلي اشياء من اخته واني هم انطي يوصلهن الها

- اها فهمت بس أبوي يعرف بي ؟

- لا ما يعرف عليمن يعرف وهسه امشن نامن دايحات ياطايحات الحظ يحتاج الجن تربية من جديد

جوائح:: تربية نيرمين اني تحجين على تربيتي خاله

ام حمزه:: طيح الله حظج وحظ نيرمين
- انخوككككك تغلطين على امي ؟

شيلان:: شفتي مو كتلج امي وامج حيايه
- عابت الجن كومن يلا خلي اروح اخابر نيرمين اطيح حظها ما عرفت تربيج

جوائح:: جا ما ربيتي بنتج مو هاي دايحه وياي
::- باوعتلي هزت أيدها لاويه شفتها سفلية
ام حمزه:: تربيتي هم زباله

:-عافتنا وراحت دردم علينا خابرت امي تحجي عليها نوب گلبن على ابويه وهو يكللهن

محمد:: مالكم شغل بناتي تربيتي واعرفها التهن بشغلجن

::- ضلوا يتناكرون وي ابوي وإلي بشوفهن ما يصدك هذني ضراير غميت شيلان وفتت للغرفه وهي تكمز وراي ثاني يوم كعدنا لگينا باب الغرفة مقفول علينا من بره

شيلان:: هاي امي قفلت الباب دائماً تسويها بيه

جوائح:: يمعودة نريد نطلع
- يمهههه افتحي الباب
- خاله ولجج مرت محمد افتحي الباب
- ييممممههه الباب والعباس عدنا شغل
:- هاي ما راح تفتح الباب شنسوي ؟
- شدراني خلينا نتصل على ايڤار مو هنا هو

::- فتحت تليفون اتصلت عليّ أكثر من أربع مرات يلا فتح خط

ايڤار:: صباح الخير حبيبتي
جوائح:: صباح النور حبيبي كومن افتح الباب النا بعد اختك

- يا باب ؟
- انتِ مو بيت مرت ابوي ؟
- أي
- اني هم وهاي الحيه مرت ابوك قفلت الباب علينا كومن افتحه

::- سمعت حركة يمه ثواني وسمعت صوت خطوات شخص فتح الباب مد راسه يباوعلنا يفتح عيونه بصعوبة لان هستوه كاعد من النوم

ايڤار:: شمسويات

شيلان:: وخر وخر روح يم مرتك ارجع نام وتغطه زين خاف تبرد حبيب گلب مرتك يلا وخر خلينا نطلع

::- طلعت تركض للحمام
ايڤار:: مو صاحيه هاي
جوائح:: روح يمها لا تعوفها
- ما عايفها ويا شغل تروحن اله بالعشرة الصبح ؟

- نطلع لل....

::-قطع كلامي صوت جرس البيت دار وجه ايڤار يروح يشوف منو اجه طلعت من الغرفه بنفس الوقت طلعت مرت ابوي من غرفتها تباوعلي صفح خزرتني والتفتت على اثر دخول حمزه ومنى من صدمتي ما نطقة بحرف

حمزه:: سلام عليكم
شلونج يمه

- وعليكم السلام هلا حبيبي نور البيت يبعد گلبي
::- أخذته بسلام والحضان واني عيوني على منى إلي مكشولة عليهم بس ابتعد حمزه عن أمه ابتسمت

منى:: شلونج خاله
ام حمزه:: هلا بيج خاله منو الحلوه هاي حمزه

:-: حك ارنبة خشمه وگال
حمزه:: منى بنت حسين
- اها هلا بيج حبيبتي اتفضلي
::- دخلتها للبيت باوعتلي منى وحمزه إني صافنه عليهم

منى:: ام عيون الصلفة هنا!
حمزه:: من شوكت هنا انتم
::- يحجي ويباوع على ايڤار وعليه

جوائح:: عوفنا احنا شعدكم جاين انتم ؟
ايڤار:: صدك شعدكم

حمزه:: وصلنا مرت اسامه للدوام وننتظر ترجع ومنى وياي ماكدر اعوفها كلت اجيبها يم امي ما ادري بيكم هنا

ام حمزه:: هلا بيكم حبيبي معليك بيهم مو عدكم شغل يلا الشغلجن

::- كعدت يمهم وحده ترفع وثانيه تكبس طلعت شيلان من الحمام خليتها يمهم ورحت سبحت وطلعت لگيت ايڤار طالع نشفت شعري وبدلت اخذت حجابي بيدي ورحت للصاله لمحت جَلنار طالعه من الغرفه وياها ام حمزه تحجي وهي تهز برأسها بس شافتني اجت باتجاهي وجها اصفر وبي أثر جروح

جَلنار:: شلونج جوائح
- الحمدلله وانتِ
- زينه اني اخواتي شلونهن ؟
-كلهن بخير موجودات يم زهره ورحمه واستبرق يمهن لا تخافين عليهن

::- ابتسمت بعيونها حزن وتعب وحقها عمرها ما يتجاوز الثمن طعش سنه وعاشت أشياء محد يتحملها
كعدت يم مرت أبوي سوتلي حجابي وتحجي

ام حمزه:: يعني ما كملة دراستج ؟
منى:: لا ما كملت
- كمليها لا تضلين هيج شايفه هذا حمزه عاف دراسته سنتين تالي كتلته بالصونده ورجع للدوام يكمل دراسته وهسه رتبته شحلاتها على اكتافه لو مو الصونده ما طلع جنت كل ما اشوفه ما يقرأ اكتله بصونده لو بنعالي

منى:: تكتلينه هههههههههههه
::- ضحكت بصوت عالي و حمزه يباوع على امي مصدوم بيها يأشر الها تسكت وهي منطلقة

- اي والله اكتله منا ويكوم منا جنه حصان كلشي مابي ونعال خلا يجر عدل

حمزه:: يمه شبيج ؟
- اسكت انت شلعت گلبي ولسه شالع گلبي

منى:: شمسوي خاله احجيلي
- والله يخاله اكله صرت جبير البعمرك أطفالهم يلعبون بشوارع اتزوج ماكو ما يتزوج

::- التفتت منى تباوع على حمزه
منى:: مادام هو مايريد لا تجبري
- اجبره شنو خلي يتزوج اخو واخطب اله وحده من بنات اخواتي تحطيهن على جرح يطيب

منى:: بنات اخواتج يعرفهن هو
- اي هذوله بيتهم ورانا بس يفتح الشباك يشوفهن والله لا بجذبني شفته يباوع على وحده بيهن

حمزه:: دخيلج يمه شوكت والله ولا اطيقهن شبيج دخيل الله

ام حمزه:: اش لا تحجي خلي اخطبلك اريدك تترس البيت جهال

::- حاولت اخفي ضحكتي منى تباوع عليهم وجَلنار صافنه على منى عفتهم يحجون ورحت اخذت جنطه من شيلان وعدلت مكياجي طلعت بس شافني حمزه گال

حمزه:: اني اوصلج شيلان راحت
- لا اني اروح
-, لا اني يالله أمن.. منى

:- سلمت على أمي وطلعت وياي تمشي وتركع رجلها بالكاع التفتت تباوع على وحده تباوعلنا من شباك

منى:: هذا بيت خالتج ؟
- اي اتوقع هو بس ليش

::- ما ردت عليه تندكت تأخذ حصو من السندانات خلته بيدها صعدنا بسياره وهي رفعت أيدها تمشر الحصو على شباك وحمزه فتح عيونه مصدوم حرك سياره بسرعة

حمزه:: احتركت روح جدج
جوائح:: شبيج منى الي يشوفج يكول تغارين
على حمزه

منى:: أغار شنو ما تشوفينه اسود عليمن أغار بعدين هو اعتبره اخوي

::- ألتفت الها خازرها
حمزه:: بسيطه منى بسيطه
- رجفتتتتتتتتتتتت هاك شوف دا ارجف من الخوف الاسود ابو نسوان

- يمعودين وصلوني وكملوا نقاشكم الطيف
::- يهز براسه بمعنى اني اعلمج درت وجهي عنهم مالي خلك الهم وصلني وقبل لا يروح
گال

حمزه:: لا طولين بره وضعج ما عاجبني.
::- سديت الباب بقوة ابتسمت دخلت للمركز
سجلت حظور وبلشت ارجع ملفات القضية من اليوم السابق ورا أكثر من أربع ساعات اجه بلاغ اخذنا المعلومات فهمت منهم أكثر من محقق راح يتواجد اول محقق اني الثاني اخر شخص أتمنى اشتغل وياا صعدت بسياره بدون ما انطق أي حرف كل همي نوصل المسرح الجريمة .

- مجرد قربنا نوصل التفت الي
بهاء:: الاستجواب ومراجعة الكامرات عليه
جوائح:: اممم
::- نزلنا هو وراي واني كدامه المكان كله محاوط بالشرطه بدون مقدمات بدينا بالتحقيق عيوني على المكان وبداخلي انهيار لازمه أعصابي لا انهار كل القضايا بنسبه إلي عاديه اله قضايا قتل الاطفال بأبشع الطرق
حاولت اتماسك بس بسبب روائح الدم والمنظر البشع ماكدرت استمر اكثر حسيت بغثيان ودوخة انتبهوا الي والوضعي حاوطني ثنين من الشرطة بدون لا يلزمون أشرت الهم مابيه شي طلعت من المكان وبس وصلت الباب وكعت من طولي بالكاع لزمت الحايط استند عليّ اكح بصوت عالي واحاول اجر النفس بس
بسبب الضغط الي عشته بآخر كم شهر والكتمان المستمر فقدت

حسيت ماي بارد على وجهي وايد تمسد وريدي فتحت عيوني لمحت باب سياره مفتوح باوعت على بهاء يمسد على وريدي بأصبعه وداير وجه عني راساً سحبت أيدي التفتلي

بهاء:: شلون صرتي ؟
- شمدريني مو هستوني صحيت
- هم صحيح تبقين هنا لو ارجعج ؟
- لا خليني اكمل
- لا ما تكملين اني أكمل
- لا مو لعبه تره أكمل يعني اكمل

::- ما عاندني سكت نزلت ورا شويه اخذت نفس باوعت على نفسي بالمراية وجهي أصفر وعيونها بيها خطوط حمر غلست ورجعت اكمل بس كل شوية اطلع تنفس وارجع لحد ما خلصت طلعت ورا بهاء شفته واكف بصف بيت مشيت ورا بس شافني اشرلي اروح عندت وضليت استمع الهم قبل لا ندخل للبيت گال

بهاء:: انتبهي تشربين شي منهم
- بس همه مالهم دخل
- صح بس اتوقعي كلشي
-: اكتفيت بسكوت دخلت ورا يستجوب او يسأل باوعت على وحده من الأطفال ماده راسها تباوع من الباب ابتسمت بوجها ابتعدت عن الباب رجعت ورا شويه مدت رأسها حطيت عقلي وياها آخر شي استحيت ولو بعد وكت زين حسيت على نفسي اخذت كلاص الماي شربته واستمع الحديثهم ورا عشر دقايق حسيت نفسي عطشانه اخذت مي شربت واني اشرب ذكرت كلام بهاء الكلاص يم شفتي باوعت اله

- خازرني عاض شفته شربت باقي المي رجعت الكلاص مكانه

::- كمل اسئلته طلع والضابط ويا ماكدر يحجي شي رجعنا للمركز دخلت للمكتب دزيت رساله الشيلان وبلغتها عندي خفارة اليوم باوعت للساعة بثمانية خلت تليفوني صامت دخل بهاء ساكت سحب كرسي وكعد يعيد بتسجيل الاصوات غلست عليٌ كعدت اكتب التقرير خلص إعادة التسجيلات كعد مقابيلي نتشارك المعلومات ونكمل التقرير ضلينا نشتغل الوقت متأخر وجعتني رگبتي رفعت راسي اطكطك رگبتي كام من مكانه طلع سحبت تليفوني لكيت فرات متصل خمس مرات عليه

:- فتحت رسائل ما رديت ورا دقيقتين اتصل زفرت نفس فتحت خط

فرات:: وينج أنتِ وينج ؟
- اهو شعليك انتَ
- شعليه شنو جوائح تماديتي هواي واني ساكت عنج لا موجودة بيت اهلج ولا بيت جدج وينج بأي مكان ؟

- شوف وخر عني احسلك مالي خلك السوالفك وين اني او وين رحت شوكت رجعت انت مالك دخل مشغولة بشي اهم منك بس اخلص اكمل حسابك

- صلافتج هاي طبكيها على صفحه تعرفين شنو جاي يصير باختج لو لا ؟

-: رفعت عيوني على إثر دخول بهاء بيده اكل نصيت صوت

جوائح:: لا بعدين نحجي
فرات:: شتحجين بعدين هو من كالج ضالين البعدين اختج خطبها استاذ جامعي واهلج مقتنعين وهذا الإنسان مو زين وسام يشتغل ويا ويعرفه زين كل فترة يتزوج وحده ورا كم شهر يطلكها ماريد ادخل واحجي وي اهلج لان ولا واحد يسمعني .

::- وي كل كلمه يحجيها عيوني تتوسع أكثر بدون ما أحس على نفسي حجيت بصوت عالي

جوائح:: دقيقه فرات شوكت صار هذا الموضوع
- صار اله يومين وسام لازمه گوه لأن اذا يلزمه يموته احجي وي ابوج راح انجلط والحسن

- اكمل شغلي واتصرف ما أتأخر
:- نهيت حديثي وقفلت التليفون باوعت على بهاء الي صافن عليه

جوائح:: شوكت تنتهي المناوبة ؟
بهاء:: بالسبعه صبح
- انخوك
::- ضحك بصوت شبه مسموع جر نفس بحسرة

بهاء:: اتعشي اني اكمل باقي التقرير
::- ما كلت لا كمت من مكاني وهو كعد على كرسي كعدت بمكانه اكل وافكر بموضوع وهجَ

تعبت من المشاكل نوب ابويه شبي من شوكت يريد يزوجها لا حول ولا قوة إلا بالله العلي العظيم كملت اكل بعدين ذكرت اني ما لازم أثق بأحد وأكل من شخص شلون اكلت!!

جوائح:: منين هذا الأكل ؟
- من بيتي بي شي ؟
- لا مابي شي مرتك خوش تطبخ عاشت أيدها
-: رفع رأسه همس

بهاء:: ما متزوج وهذا الاكل من ايد اختي
-:- قلصت عيوني عليّ ما مقتنعة بكلامه سديت حافظة الاكل اخذت بطل ماي وكمت أشرت اله كوم

:- ابتعد عني رجعت كعدت أشتغل واني ساكته فتح حافظة الاكل بهتت مصدومه من اكل وراي لو مو عيب جان دفرته عرفته مو راحه

::- كملت التقرير وكل شويه اباوع اله آخر شي أخذت الملفات كلها انطيتهن اله وطلعت اخذت اذان ورجعت للبيت بالخمسه الفجر بوجهي البيت اهلي اعرفهم كاعدين يهيج وقت دگيت الباب ورا ثواني انفتح لمحت وهجَ كدامي عيونها حمر ومنفوخات بس شافتني حضنتني حيل تبجي حضنتها مسدت على ضهرها

جوائح:: اسم الله الزهره ليش هذا البجي ولج
::- رفعت راسها من حضني تمسح دموعها سديت الباب حجتلي الصار كله نزعت حجابي ورحت فتحت باب غرفة اهلي لا احم ولا دستور لكيتهم يلمون بالسجادات

جوائح:: صباح الخير ابن سلمان شلونك اليوم أن شاء الله زين ومرتاح

نيرمين:: صوتج ماما
- خليج على صفحه يمه خليني احجي
اي يا ابن سلمان ياهو الحجه يمك حتى تزوجها احجي گلي ياهو

محمد:: هذا اسلوب تحجي بي وي ابوج ؟

جوائح:: عفواً اني مجاي احجي وي ابوي چاي احجي وي ابن سلمان يشاهد الله اذا هذا زواج يصير ما ابقى يمكم ولو تنگلب الدنيا ما اخليها تتزوج ماعندك بيت تزوجها شو خير من الله البيوت كملت دراستها حتى نكول تخرجت وكملت دراستها وصار لازم تتزوج بس هي لا كملت دراستها ولا ايشي منين طلع هذا النوب

-: التفت يباوع على امي
محمد:: شمربي اني ؟
صلافتج هاي وتالي وياها واكفه كدامي تصيحين

جوائح:: من حركتي شنو تزوجها ؟؟؟؟؟
::- اني احجي وهو يرد برود بعد نقاش طويل عفتهم وطلعت لكيتها كاعدة تهز برجلها من التوتر

وهجَ:: شكالوا ؟
::- بعدين احجيلج إني اتصرف بهذا الموضوع هسه امشي حظري نفسج ولا تفكرين بشي

- لا ماريد اداوم
- لا مو بكيفج لا تبقين هنا روحي للدوام
- بس..
- اش وين غفران روحي يمها حظرن نفسجن خلي أسوي الكم ريوك

-: صحت الغفران أخذت وهجَ وراحن الغرفتهن
سويت الهن ريوك بسرعة وعيوني على ساعة
بين ما كملوا ريوك وكملن كلشي وصلتهن للدوام لان وسام ما اجاهن عرفت فرات ما خلا يجي خليتهن يدخلن ورجعت للمركز بسرعة قبل التعداد وتسجيل الحظور والحمدلله كدرت اوصل سجلت حظوري بعدها تناقشت وياهم بخصوص القضية بهاء سجل حظوره وراح ورا ساعتين دخل للمكتب باوعلي

بهاء:: تعالي رايدچ بشغلة
::- كمت ورا طلعت من المركز مشيت ورا لحد ما وصل السيارته بأطراف أصابعه ضرب على جامه سياره انفتح الباب نزل منها شخص فتحت عيوني بصدمة

اسامه:: شلونج بنت العم
جوائح:: عزااااا اسامه
::- درت وجهي على بهاء
- شلون كدرت أطلعه ؟
بهاء:: كلشي قدمتي انتِ جان كافي يطلعه بس دخلت واسطه حتى يطلع لا اكثر

:- نهى كلامه والتفت يكمل حديثة وي أسامه
ربت على كتفه ومشى بخطوات ثابتة
صحت بصوت مسموع

جوائح:: شكرا الك بهاء
:- بدون لا يلتفت رفع ايده من فرحتي بطلعت اسامه ضربته على ضهره

جوائح:: الحمدلله على سلامتك الله يعوضك عن الايام الراحت

اسامه:: الله يسلمج بعد اخوج
- يالله ما تريد تشوف اختك ؟

اسامه:: شلون ما اريد أشوفها بالي يمها سوالها شي صحتها شلونها كليلي

- لا يضل بالك زينه بس تكتل بأي شخص كدامها
- ميخالف اهم شي زينه هي وفواطم شلونها ؟
::- اجت بالي فكرة هزيت راسي وكلت

جوائح:: مادري شلونها انتقلت البيت الثاني ومحافظة ثانيه وما نعرف عنها شي وتركت دوامها وماكو أي أخبار عنها من أشهر

::- تغيرت تعابير وجه
اسامه:: عليج علي صدك تحجين ؟
- چا مجذبه تريد تتأكد روح البيتهم وشوف!

- اريد سياره وين سيارتج
- خلينا نروح سوه
:-: انطيته سويج مشيت ويا جان إلي غايه بتصرفي هذا الطريق كله يمسح على وجه حسيت ايده ترجف وصل البيتهم نزل رن الجرس اجانا صوت ولد
فتح الباب عمره تقريبا 12 سنه باوعلي وباوع على اسامه بسرعة صاح

- اجه عمي اسامه بويههه
::- صاح وطفر يحضن اسامه حضنه الصدره طلع رجال من عيونه عرفته اخو فاطمه بسبب الشبه البينهم ابتعد الطفل عن أسامه وهذا رجل دخل للبيت بسرعة طلع بيده عودة الماسحه

زياد:: تعال اليوم اكسرك
:-: ابتعدت عنهم وهذا يركع بي بالعودة يحير شيسوي كسر العودة وهو مستمر آخر شي شمرها وحضنه الصدره ويركع بي على راسه

-:- دقيقة ذكروني بإسم هذاك المسلسل من الحب وما قتل أتوقع

عفتهم وأحد يعاتب ثاني
قبل لا يروح على فاطمة ومنى لازم يحجي وي صديقه لان السووا غلط ويعتبر غدر
دخلوا للداخل اجه الي نفس الولد كال

- تعالي ادخلي خاله
جوائح:: شنو اسمك ياحلو ؟
- وارث خاله
:-: ابتسمت بوجه وگلت
جوائح:: لا حبيبي انتظر عمك يطلع حتى نروح
- شنو تصيرين منه ؟
- بنت عمه واخته ثانيه
::- ابتسملي وراح صعدت بسياره انتظر أسامه اخذت نفس براحه خلصت من شغلة ثانيه
بقى كم شغلة لازم اخلص منهم بمجرد طلع اسامه صعد حركة سياره وگال

اسامه:: ما تعرفين وين انتقلت ؟
- ليش شكالوا الك
- كتله بنت عمي كالت مرتي انتقلت الغير محافظة ومحد يعرف اخابرها كال اي وحلف ما يكلي وين كال بيك خير الگاه انتَ

:- ضحكت لأن كمل الجذبه ورانا يعني حمزه كال اله لا تنطي مكان اختك لأحد الحمدلله كلشي يمشي بصالحي

جوائح:: قبل لا نروح على اختك خلينا نشوف زهره
- شبيها ؟
- غير انجلطت مرتين وصلت الموت ورجعت عيب منها تسمع بيك طالع ما تروح الها نشوفها خمس دقايق ونرجع

::- ما اعترض دزيت رساله الحمزة بسرعة اتصل عليه حجيت بسرعة قبل لا يجفص

جوائح:: ها حمزه شصار على زهره ؟
حمزه:: ها مادري شصار لان مو يمهم

اسامه:: دقيقه همه شوكت يعرفون بيك
حمزه:: اصبر ياهو انت اسامه ولك ؟
- اي اكو غيري
- خرب طلعت
- خرب براسك ولك شمدريهم بيك
- عرفوا بيه من زمان وين رايحين انتم ؟

جوائح:: كتله زهره مجلوطه مرتين وهسه رايحين الها
حمزه:: وسلمان انشل وصار اخرس
- لا ولك لا تحجي بعدين نكله شصار
- هم صدك يلا تجي للبيت وتشوف بعينك

::- سديت تليفون واسامه يباوعلي صفح ما مصدك كلامي بداخلي ميته ضحك اخواني بسرعة يطبكوون ويانا

::- وصلنا للبيت لگينا حمزه واكف بره ينتظرنا صوت صريخ طالع من البيت سلم حمزه على اسامه وگال

حمزه:: نسوان تصرخ اضن سلمان مات

::- كتمت صوت ضحكتي واسامه يمشي ويباوع على طارمه همس حمزه

- حجيت وي ابوي بموضوع وهجَ ومثل ما كتلج باله شي ثاني وافق لان......

ـــــــــــــ⊰ ـــــــــــــ

::- بعدني ما مستوعبه الصدمة واجتني صدمة ثانيه وإني اشوف جوائح وياها حمزه داخلين للبيت وراهم واحد لاف الشماغ على وجه مايبين شي منه غير عيونه وهالعيون مو غريبة عليه رجف گلبي وتخربط وضعي كله همست

فاطمة:: اســامــه

::- نزل الشماغ عن وجه يباوعلي مصدوم جسمي كله يرجف كلبي يدگ بسرعة
التفت يباوع على جوائح الي تسوي حركات بعيونها وتهز برأسها تضحك
امه صاعدة على درج وتصيح تخاف تنزل

ام اسامه:: يايمه ياحبيبي تعال الي
::- ما اهتم الكلامها رجع يباوعلي عيونه بيها حجي هواي اتقدم باتجاهي يمشي بسرعة دفعتني منى وطلعت بس شافها كدامها جمد بمكانه مصدوم

أسامه:: منننىى
-: ومنى بس شافته ضلت واكفه أيدها على گلبها ركضت شمرت نفسها بحضنه تبجي بصوت عالي كأنها طفل محروم من امه وابو صوت بچيها يرن بگل البيت نزلوا ولد عمها يباعون مامتسوعبين وجود أسامه ابو واكف باب غرفته يباوع وهو ما اهتم لأحد حضن اخته يضمها بكل وقوته ويهمس

أسامه:: اميرة اخوها
منى:: ليش عفتني ليششش اسامه
- روح اسامه رجعتلج ما اعوفج بعد وداعتج
::- ضامه راسها بصدره تبجي نزلت دموعي ما أعرف ليش اريد احضنه حيل كممة حلكي اكتم صوت شهكاتيي وخر اخته من حضنه عيونه بعيوني باسها برأسها واشر الجوائح عليها عافها واجه باتجاهي حضني رافعني الصدره دخل الغرفة الحجية شايلني شردن بنات عمهن كلهم سد الباب برجله حاوطت ركبته بيدي ودموعي تنزل بدون صوت

اسامه:: مـيـت شـوگ الـج يـالـوعــة گــلبــي

- گلــبـي راح يـوگـف اسـامـه
::- رفعت راسي اجت عيونه بعيوني يمسح عيوني ويهمس
- اسم الله على گـلبـج عـزيـزة روحـي
لا تـبـچـيـن اجـيتـج وانـا حـالـف اخـلـص عـمـري يـم عــيونـج الـحـلـوه يـا اول لـوعــة حـبهـا گــلبــي

::- نهى كلامه قرب راسه الوجهي بحركة سريعة حط شفته على شفتي اختلطت أنفاسنه عيونه بعيوني ابتعد يجر نفس سحب شال عني يوزع بوسات متفرقة على وجهي نسينا احنا وين او يم منو موجودين طلع صوت الطفل يحجي كلمات ما مفهومه التفتنا بنفس الوقت لمحنا الحجية حاطه أيدها على عيون الطفل وشيلتها على وجها

أسامه:: زهررره!!!
- يا وجعت امك أي والله ابن المچلوب حاط مرتك وتسون سوالف مسحكة يمي يا سريري يا صاقط

اسامه:: مو على اساس مجلوطه ؟
زهره:: ياعععع بيش طالبني انعل ابوك لا ابو الرباك

- شبيج والله كالوا مجلوطه مرتين
- يايمه ياحبيبة مرتين همم اشك اهدومي ولك اشك ثوبي هسه تردون تموتوني.

::- بعدهي تحجيي وما أحس اله بصوت طلق من رچ البيت رچ اتكسر الجام وكع بالكاع وصوت الصريخ ماله والي من بين كل أصواتهم سمعت صرخة منى وبعدها اختفى صوتها.........

ـــــــــــــ⊰ ـــــــــــــ