جوائح الدهر الفصل السادس وأربعون 46 - بقلم دعاء رزاق

بِسْمِ اللّٰهِ الرَّحْمٰنِ الرَّحِيمِ
"جَوائِحُ الدَّهْر"
(بقلم الكاتبة: دعاء رزّاق)

لا تنسَوا التصويت والتعليق يا جميلاتي، فكل كلمة منكنّ تمنح القصة روحًا أجمل 🌿

ـــــــــــــ⊰ ـــــــــــــ

طلعت بره كعدت بالحديقة فتحت تليفوني اتصل على انمار انفتح الخط دخل مسمعي صوت بنت باوعت على التلفون أتأكد إذا متصلة على رقم انمار وفعلاً رقمه والرد عليه بنت

::- حسيت أطرافي جمدت ماكدرت استوعب
قبل لا انطق أي حرف سدت التليفون بوجهي
بنفس اللحظه اجتني مكالمة فيديو على واتساب من انمار

::- رفضت المكالمة رجعت اتصلت فتحت خط ردت اعيط بس شفت علي وجه تارس الشاشة يضحك

رحمه:: علي ؟

::- حمحم وحجه بصوت بنت
علي:: شعندج تتصلين ها شعندج
رحمه:: هذا صوتك ؟

- نعم اختي
::- يحجي وصوته كأنه صوت بنت فعلاً ونفس الصوت الي رد عليه قبل شويه حسيت روحي ردتلي شويه التفتت من الجهتين أتأكد اكو احد يباوعلي بس شفت محد مركز وياي كلت

رحمه:: انعل روح جدك يا سخيف ويننن انمار

علي:: شدعوة عيني شكد عصبية شبيج ما تتحملين شقة بس لا شكيتي بزوجج

::- سكتت أخذ نفس سديت التليفون بوجه
دمي يفور ولا يعقل او يبطل سوالفه بعدين شلون يغير صوته هيج قفلت تليفون وكمت يم استبرق نايمه وايان نايم هم الاطفال بالخدج ولحد الآن بدون اسماء منتظرين عمي محمد يجي وياذن باذنهم حطيت التليفون بالغرفة طلعت وي الممرضة اشوف الأطفال ارقبهم من بعيد بداخلي شعور غريب وحلو صدت عيوني على الممرضة گالت

- البنات صحتهم تمام بس الولد لازم وزنه يصير طبيعي يلا يطلع
اما البنات وزنهم وتنفسهم طبيعي نكدر نطلعهم وي الام الصبح

رحمه:: يعني ما راح يطلع ؟
- اي أقل شي اسبوع او أكثر

::- التفتت عيوني عليّ شكله انعم واصغر من خواته استبرق كسرت القاعدة مال عائلة بدل ما تجيب طفلين جابت ثلاثة ثنين بنات ولد واحد

شويه ورجعت للغرفة بس كعدت استبرق ساعدها ايان تمشي بالغرفة علمود عمليتها لازم تتحرك للعشرة صبح كملوا كلشي وانتظروا عمي محمد بس اجه بارك الهم والفرحة واضحة عليّ طاير بيهم التفت يباوع على استبرق وايان ابتسم الهم اتقرب إذن بأذنهم
بعدها نطق اسمائهم بس خلص رجعهم المكانهم مد ايده للستره مالته طلع علب صغيرة فتحهم طلع منها ثنين أساور صغار
وعلبه ثالثة بيها ليرة ذهب عليها اسم

ريم " ريمي" مجتبى"

الأساور عليها أسماء البنات وليرة اسم الولد عرفت متفقين على أسماء من مدة لان مستحيل يختار عمي الأسماء
طلعت من صفنتي على إثر حديثهم

محمد:: البيت مو أمان على أطفال افضل شي تبقى بيت ام حمزه ماكو احد هناك ولا فوضه

نيرمين:: افضل الكم حبيبي حتى استبرق والأطفال يرتاحون

ايان:: هاي هيه ماكو مشكلة

::- اتفقوا على كلشي طلعوا استبرق وبناتها من المستشفى واخذوها البيت ام حمزه واني طلبت منهم ابقى يم مجتبى لان بقى بالخدج

عمتي نيرمين عدها عمليات بالمستشفى ماتكدر تعوف شغلها وتبقى وي طفل والعصر تروح للعيادة لهذا بقيت ويا يومين واني موجودة بالمستشفى صحته بلشت تتحسن عفته طلعت كعدت على كرسي بالممر العالم رايحه جاية وإني دايخه من الأصوات حسيت احد وكف قريب مني رفعت رأسي لمحت انمار واكف كدامي بملابسه مال دوام العالم محاوطينا من كل جهة ماكدر يسوي ايشي كعد بصفي درت وجهي عنه همس

انمار:: نزلت من دوام علمودج ليش قافلة تليفونج رحمه ؟
رحمه:: ماكو داعي تنزل دا تشوفني بالمستشفى ماكدر افتح تليفوني

- شو باوعيلي ليش دايره وجهج لا تحركين گلبي بسوالفج

::- باوعت اله وگلت

رحمه:: شكو مخلي تليفونك عد علي ؟
انمار:: جنت طالع واجب وهو جان موجود بصدفه هناك عفت تليفون على شحن يمه ورحت من رجعت لكيته خانس عرفته مسويلة مصيبة

- صدفه كتلي شنو الصدفة الي تخلي علي يروح المكان واجبك ؟

::- سكت يباوعلي قرب راسه أكثر وهمس

انمار:: عنده معلومات عن المكان الجنت بي لأن دائماً يروحله لهذا طلبت منه يجيني

رحمه:: تمام
- هسه شنو
- شنو ؟
- كليلي شسوا حتى هيج ضايجة ؟
- يتشاقة وياي بس اني نفسية
- شقه علي ثكيل ادري بي كليلي شسوالج ؟

::- هزيت راسي نافية
رحمه:: كلشي مسوالي كتلك شقه عادي بس نزعجت لان جنت اريد احجيلك شي وما لكيتك

انمار:: اســف رحـمـه گـلـبـي انشغلت بالواجب
وعيونج بس خلصت عفت كلشي واجيتج
تعالي نطلع بالحديقة حتى نأخذ راحتنا واحجيلي شبيج

::- كمت ويا امشي وهو لازم ايدي طلعنا بره كعدنا بمكان معزول شويه

- ابقي هنا هسه اجيج
::- كمل كلامه وراح ربع ساعة او أقل رجع بيده اكل اتقرب يمي كعد سووا مجال بيني وبينه حط الاكل سوالي لفة اخذتها منه فتح الببسي وكال

انمار:: اكلي وسولفيلي شبيها رحـمـه گـلـبـي

-: اكلت شوي من ألفه بدون سبب دمعت عيوني رفعت راسي اباوعلة

رحمه:: نفسيتي تعبانه

::- اكل وابجي وهو ساكت مصدوم بوضعي باوعت على العالم التمر تباوعلنا وترجع تباوع على انمار كاعد بالبدلة مالته ورتبته رائد ولازم الببسي يشربني

انمار:: لا تبجين فدوه يروحلج علي تعبانه نفسيتج سوده بوجه اسامه ضايجة رحمه گلبي سوده بوجه زياد هاي العيون الحلوه المكحلة تبجي سوده بوجه حمزه او وجه ايڤار
انتِ تعبانه وهمه مابيهم شي أمده الحظ

- احجي صدك تره
- واني هن احجي صدك يروحلج فدوه هالزبايل

::- سكتت كملت اكل تحسنت نفسيتي يمكن جنت جوعانه أخذت نفس وكتله

رحمه:: هسه مستعد تسمعتي ؟
- العمر كله
- انمار اتوقع شسمه اني
- اي شسمه كملي
- مو اكيد يعني بس اشك اني حامل
::- بس سمع كلامي سكت صافن بوجهي
بس شفت ردت فعلة هبطت معنوياتي كلها

- شبيك انمار ؟
انمار :: اني حامل
::- ضحكة بصوت مسموع
رحمه:: أولاً اشك وثانياً اني مو انتَ

-: انتبه على زلت السانه بس ما اهتم كام من مكانه وكف كدامي وگال

انمار:: كومي خلينا نروح حتى تسوين تحليل كومي ماكدر اصبر عليج الله كولي شنو تحسين مو يكولون الأم تحس ؟

::- يحجي بالهفة يمسح على وجه وركبته
لزم ايدي يكومني كتله

رحمه:: ماكدر اعوف ابن اختي وماريد اسوي تحليل هنا اخذ نفس شبيك هيج توترت

انمار:: لا لا ما توترت بس يعني احنا نصير ام اقصد ام واب ؟

- كمت تخبط ماي وزيت اصبر اصبر إحساسي يكول اي بس لازم تحليل

::- ما خلاني أكمل كلامي حضني ما مهتم العالم سحبت نفسي من حضنه

رحمه:: انمار شبيك خليني بس اني طاكتني الحاله ليش تطبك وياي

انمار:: هم صدك يالله هسه ليش انتِ بقيتي هنا اصبري اخابر يجيبون وحده من البنات

- للاا وألف للاا اني ابقى هنا ماعندي شي لا تخاف ارجع للبيت انتَ نام وارتاح

- يـمـج ارتـاح انـي
ابقى يمج ما اروح مو تعبان

::- حاولت أقنعة يروح بس رفض رجعنا دخلنا جوه وهو وين ما أروح يمشي وراي اكعد يكعد يمي وكل شويه يكول

انمار:: عليج الله تحسين نفسج حامل ؟

رحمه:: راح اكتل روحي هسه انمار هاي رابع مره تعيد سؤال هذا

::- هز راسه ساكت بس كل شويه يرجع يحاول يفتح الموضوع ثاني يوم وضع مجتبى استقر وصحته تمام بس جان لازم ننتظر يوم ثاني حتى نكدر نتأكد اذا فعلاً استقر لليوم الثاني هم كلشي جان تمام أخذنا

مجتبى اني وانمار طلعنا من المستشفى شايلته بحضني وانمار يمشي ويباوعلنا بس صعدت بسياره گال

انمار:: ما ينطونا ابنهم مو عدهم بنات ثنين ؟
رحمه:: شنو يخلفون ويوزعون
::- ضحك وكمل الطريق يمشي بهدوء اخذنا البيت ام حمزة رغم ما داخلته نهائياً

بس وصلني نزل فتح الباب الي نزلت وهو وراي قبل لا نفتح باب الكراج انفتح باب البيت
دخلنا جوه صارت كدامنا نفس مرة متوسطة العمر او ما بين عليها الكبر بين قوسين سلم عليها انمار استقبلتنا استقبال حلو اخذت مجتبى مني وگالت

ام حمزه:: اتفضلوا
::- دخلنا للبيت ماكو أي صوت بي
رحمه:: نايمين ؟

- اي الليل كله سهرانين وي البنوتات يبجون
للصبح نامن وعلى نومتهن ناموا

- خطيه لعد نترخص احنا أن شاء الله بليل نجي

ام حمزه:: لا ماكو روحه اتفضلوا اكعدوا ماكو طلعة من البيت غداكم يمي

انمار:: رحمه الله والديج خاله بس لازم نروح نرتاح صارلنا ايام ما نايمين مثل البشر

- اي بعد خالتك هذا البيت بيت عمك اخذ راحتك تريد تنامون هاي الغرف خير من الله ناموا بس طلعة ماكو هسه

:- حاول وياها وهي ولا اقتنعت يجيها منا تجيبه منا آخر شي اقتنعنا لان ماكو فايدة من المحاولة

انمار ماخذ راحته عبالك البيت بيته لدرجة يعرف كل مكان وزاوية بالبيت حتى مكان الچاي والاغراض

رحمه:: شو ماخذ راحتك ؟
انمار:: اي دائماً اجي يم حمزه هنا مرات نجتمع اني والولد هنا متعودين

- يعني من زمان تعرفون عمي محمد عنده ولد اسمه حمزه ؟

- اي اني واسامه وإخوانه بس محد يعرف

- اها فهمت زين او وسام ؟
- لا ما يعرف اذكر مره فرات كال وسام شاف شخص يحضن وهجَ وضغطه صاعد ردت اكله هذا أخوها بس ذكرت عمي محمد حلفنا ما نحجي لأحد بعدين من شافه وعرفه أخوها ضل يغلط علينا لان محد حچاله

::- هو يسولف واني صبيت الجاي انطيته كوب وأخذت كوب انطيته الها ابتسمت

ام حمزه:: رحمه الله والديج حبيبتي
-: انتبهت على مجتبى مغيره ملابسه كلها وحاطه كدامهم خرز ورا شويه باوعت على كاميرات شفت سيارة وكفت باب البيت كامت هي تفتح الباب
دقيقة دخلت وياها مره سلمت عليها رغم ما اعرفها قدمت الها ضيافة ام حمزه وطلبت مني اجيب البنات طلعتهم من الغرفه كامت اخذت مني ريم همست

- اللهم صل على محمد وال محمد ما شاء الله
عين الله عليهم

ام حمزه:: بعد گلبي علوية شوفيهم

رحمه:: علوية انتِ؟

هبه:: اي عيوني
::- حطت الاطفال كلهم يمها اخذت الخرز خلته بشي وثبتته على ملابسهم كلهم حسب علمي يخلون هاي الاشياء للاطفال حتى ما يصير بيهم الصفراء اله أكثر من اسم مجرد خلصت رجعتهم مكانهم التفتت الي تباوعلي سألت ام حمزه

هبه:: منو هاي الحلوة ؟
- هاي بنت اخو محمد رحمه
::- بس نطقة اسمي كالت

هبه:: اختها ؟
::- هزتلها راسها بمعنى من كلمة اختها عرفت تقصد جوائح بمعنى هاي اخت جوائح غلست وكمت ضلت موجودة كعد ايان واستبرق انمار اخذ ايان وطلعوا يجيبون أكل بعد ما أتأكدت كلشي تمام وصحت استبرق والأطفال تمام رجعت البيتي من تعب نمت الثاني يوم كعدت أنمار يفتر فوك رأسي علمود نروح نسوي تحليل

::- خلصت كلشي وطلعنا للمختبر سويت تحليل والي يشوف ملامح انمار ينصدم التوتر واضح وعيونه على ساعة بس طلع تحليل راح يجيبه واني رحت للسياره ما أنكر واكول ما متوترة جان شعور غريب الى أبعد الحدود

::- طلع انمار من المختبر يضحك والفرحة واضحة على ملامحه بس شفته أتأكدت اني حامل قبل لا أعرف نتيجة حضني حيل من الفرحة ما يعرف شنو يسوي بس رجعت للبيت اتصلت على امي حجيت الها وفرحت بس جان واضح عليها بيها شي

راسلت غفران ما ردت ولا حتى وهجَ توقعت موجودين عد استبرق تفرغت من كلشي وتوجهت الشغلي الي هملته

ورا يومين رجعت من المحكمة ورحت بوجهي البيت اهلي اول ما دخلت شفت جوائح كاعدة بالحديقة بره اتقربت منها قبل لا احجي گالت

جوائح:: لا تحجين شي ماريد اسمع أي كلمه

::- صوتها مبحوح وشكلها ما يطمن عفتها فتت جوه لكيت غفران كاعدة بصالة تقرأ اول ما شافتني طفرت بسرعة حضنتني
طبطبت على ضهرها ابتعدت عني تحجي بسرعة

غفران:: بين يوم وليلة جوائح كرهت أبنها ما تريدة ولا تريد اي شخص من الموجودين بالبيت ومن البارحة بره ما تفوت حتى من نحجي تصرخ علينا وما تسكت

رحمه:: دقيقه وحده وحده تكره ابنها ؟

- اي والله بس تشوفه تصرخ
- شوكت هذا الحجي ؟

- صارله اسبوع بس امي ما خلتني احجيلج

-: عفت كلشي ورحت للمطبخ بس فتت شافتني كدامها گالت

زهراء:: لا تبلشين مالي خلك

رحمه:: صدك تحجين شلون تضمين هييج شي عني ؟

زهراء:: الموضوع بس سحر لا تدخلين انتِ حامل

- سحر ؟
زهراء :: اي سحر نفس السووا بيه نعاد من جديد بيها من أخذوها ردت اخذها سوالي عمل وخلوني ما اطيقها وهسه نفس شي تكرر وياها خلوها ما اطيق ابنها حتى ياخذونه

رحمه:: وبعدج ساكته ؟
- ما ساكته بس اصبري اني أعرف شسوي
- شسوين ؟
:- ما ردت ضلت ساكته عفتها وطلعت رحت يم غفران

- وين عهد ؟

غفران:: نمت وكعدت ما لكيته شفت بالكاميرات امي أخذته وطلعت ورجعت بدونه
ومن سألتها وين أخذتي كالت......

ـــــــــــــ⊰ ـــــــــــــ

لون وصلت مادري رجليه ترجف لكيتها نايمه وتصرخ بصوت عالي وترفس برجليها لزمها ايڤار كعدها فتحت عيونها جسمها يرجف وعيونها حمر باوعت على عهد إلي يبجي بس شافته صاحت

جوائح:: طلعواااااااااا مناااا ماريدهه

وهجَ:: شبيج ولج الولد بيجي لا تصيحين

::- ما اهتمت دفعتني حطت أيدها على رأسها تصرخ

- كتلكمممم طلعووااا مناااا طلعوا لا اكتله
::- سحبه ايڤار طلعه كامت جيهان وراهم التفتت عليها مصدومة

وهجَ:: تكتلين ابنج ؟
- اطلعيييي بره
::- تصرخ وتحجي سحبت نفسي وطلعت على صوتها صعد عمي فارس وعمتي زهراء يركضون

فارس:: شصاير شبيكم ؟

وهجَ:: مادري شبيها

،::- دخلوا للغرفة رجعت تصيح ورا شويه سكتت اختفى صوتها طلع عمي فارس نزل بسرعة وإني ثابتة بمكاني مصدومة
دقايق وسمعت صوت صريخ انعام مديت رأسي اباوع طلعها من الغرفة لازمها من شعرها

فارس:: شسويتيييييي شكتلجججج اني مو كتلججج اذا توصلين الها اذبحج بيدي

أنعام:: وكلام الله ما سويت إلها شي مالي علاقه اخخ عوف شعري ما سويت شي

::- راد يضربها لزمه ايڤار ما خلا يمد ايده ولد عمامي نصهم صافنين عليها

فارس:: وحق علي اذا عرفت مسويه شي اذبحج بيدي

::- طلعوا للبره يهدون بي وهي كامت شردت للغرفة مثل الحيه ورا كم ساعة طلعت عمي زهراء عيونها حمر راحت الغرفة زهره تصيح وتحجي بحركة

زهراء:: مثل ما دمرتوني جاي دمرون بيها شوكتت يعوفها بحالها من اجت لحد هذا اليوم يفترون وراها واذا ما طلعت بنتج السبب اكص ايدي

::- نصت أصواتهم ماسمعت شي ثاني عفتهم وطلعت لكيت عهد بحضن راجح يسكت بي خليته يمهم رحت يم البنات كلهم خايفات لصبح كاعدات ماكدرنا نعوف الدوام لبست من غفران اجه وسام يأخذنا طلعت قبل غفران لمحته واكف يم سيارته
صدت عيونه عليه اجه باتجاهي

وسام:: صباح الخير
- صباح النور شلونك ؟
- بخير شبيهن عيونج ؟
- مابيهن شي بس ما نمت ضليت كاعدة وي البنات

::- هز راسه ساكت عرفته ضايج لان اجيت بدون علمه كتله

وهجَ:: ما انطيتك علم وطلعت
- تشوفين هذا شي صح ؟
- لا بس لان جنت انتَ بالنجف كلت ما راح ترد لهذا طلعت

- حتى لو بآخر دنيا اني أفرغ نفسي وارد عليج
من طلعين دزيلي رساله او اتصلي حتى ما يضل بالي يمج

- أن شاء الله ما تنعاد
:- اكتفه بسكوت صعدت ويا حرك سياره وما انتظر غفران التفتت اله

وهجَ:: غفران انتظرها شبيك
وسام:: لا خليها وي راجح افضل
::- خزرته ما راضية عرفتها راح تطيح حضي بعدين وصلنا للجامعة صف سياره ونزل وكفت كدامه احجي

وهجَ:: حجابي عدل ؟
::- تقرب يعدل حجابي
وسام:: هسه تمام

::- مد ايده يلزم ايدي بقوة بهتت مصدومة من تصرفه الأول مره يلزم ايدي وندخل الجامعة كدام الكل حسيت نفسي صخنت لان هو دكتور واني طالبه مو الكل يعرف شنو بيني وبينه

خفت احد ياخذ نظره غلط عني
::- ابتعدت عنه ورحت القسمي محاضرة ورا محاضرة وما طلعت بره لحد ما دخل وسام اول كم دقيقه يسولف وي الطلاب بعدين بدت محاظرته وطول المحاضرة كل شويه يلتفت الي إلى ان انتهت التفتلي

وسام:: تعالي وهجَ
::- كمت ويا طلعنا من القاعة رحت للمكتب او الغرفة الخاصه بي هو وراجح بس دخلت سد الباب وراح ورا خمس دقايق رجع جايب گهوة وكرواسون خلاهم كدامي كعد بصفي اخذت رشفة من الگهوة وكلت

وهجَ:: ليش لزمت ايدي شنو راح يكولون الدكتور وسام لازم ايد وهجَ ويمشون بنص الجامعة ؟

- عادي مو مهم كلامهم مرتي انتَ ومحد يحجي لان راجح ناشر الخبر بين الدكاترة وطلابه احنا متزوجين

- احلف؟
- والله اجو يباركولي المهم هسه اكلي
::- سكتت متحلفة بس اشوف راجح اكتله
أكلنا سوه تشاركنا مواضيع تخص الدوام وغيرها بس خلصت طلعت شفت فاطمة

تحجي وي راجح من بعيد لو مو فاطمة جان رحت رزلته عفتهم ومشيت بعد ما طلعت النهاية الدوام خليت وسام يرجعني الاهلي وما رفض وصلني وراح للبيت علمود طيبه

::- بس دخلت رحت الغرفة البنات فتحت الباب طفر عهد راد يطلع لزمته بسرعة

وهجَ:: تعال تعال وين رايح

عهد:: سعليج انتِ سعليج اليد ذوذو
( شعليج انتِ اريد جوجو)

- جوجو نايمه مريضة بس تكعد نروح إلها
- مااا اليد ذوذو( اريد جوجو)

::- يدفر برجله يريد ينزل دخلت وسديت الباب بصعوبة قنعته يكعد وكل ما ينفتح الباب يريد يطلع للعصر بس اجتمعوا الولد بره كلت أطلعه بس فتحت الباب ركض دفع باب غرفة جوائح ودخل وياريته ما دخل راساً صرخت

جوائح:: اطلعععععع بررررره لاااا تجينيييبي
::- كلامها وصوته يخوف ولا كأنه نفسها جوائح ركضت شلته وطلعت نزلته جوه يبجي شاله أسامه صعده بدراجة علي ابتعدت عنهم كعدت بالباب لا حول ولا قوه

::- ورا شويه حاولت احجي وياها بس ماكو نتيجة طلعت بره علمود ما نحجي وياها ورفضت تسمع احد ضليت اباوع عليها مصدومة بيها كلهم حاولوا وياها حتى حمزه ابوي بس ماكو فايدة

بليل اجه وسام قبل لا يدخل ويشوف الوضع طلعت اله.

وهجَ:: اجيت بوقتك خلينا نروح

- وين؟
- للبيت ماكدر انام فوضه هنا وتعبانه
- شويه اشوف الولد
- لا ماكدر تعبانه وسام
- :عقد حاجبه مستغرب زفر نفس
وسام:: امشينا
::- ركضت صعدت رجعني للبيت حجيت وي طيبة دخلت للغرفة لأزمة نفسي ما ابجي نطلع من مصيبة نوكع بمصيبة

::- دخل وسام تمدد قبلي حاط ايده جوه راسه يباوعلي صفح

وسام:: بيج شي صاير شي هناك ؟
- لا ماكو شي بس نص اهلي وي استبرق بيت ام حمزه ومنتظرتك حتى نروح

- هاي هيه باجر بس نرجع نروح الهم
- ابتسمت اله حتى ما احسسه بشي تمدتت بصفه مد ايده يسحبني الحضنه الاولى مرة رغم من اشهر احنا بنفس الغرفه

وهجَ:: ماكدر انام اذا احد قريب مني
::- سحب ايده يبتعد عني خليت ايدي على حلكي حتى ما يسمع صوتي واني ابجي

ضليت كاعدة طول الليل كل ما اذكر نظرات جوائح النا ونفورها اختنك أكثر طلعت الشمس واني كاعدة كمت صليت وسويت ريوك رجعت بدلت وكملت كلشي لبست حجابي ورحت للمطبخ اشيل المواعين بنفس الوقت اندگ باب بيتنا باوعت على ساعة مستغربة منو يجي من
صبح رحت بسرعة فتحت الباب
توسعت عيوني بصدمة

وهجَ:: أنتِ!

اسراء:: سلام عليكم
- وعليكم السلام

::- رمشت أكثر من مره ما مستوعبة التشوفه عيني
لازمه عهد من ايده باوعت اله وگالت

اسراء:: جبت الكم هذا الحلو طلبوا مني أوصله الكم بيدي

وهجَ:: منو طلب منج وشلون وصل الج ؟

- بنت عمي زهراء طلبت اجيبه الكم وما اخلي احد يعرف هو هنا

- عمتي زهراء ؟
اسراء:: والله شبيج اتصلت عليه ام رحمه بليل طلبت مني اجي الها صبح علمود اخذ منها شي وما كلت لا رحت ولكيتها هي وعهد تنتظرني طلبت مني بالحرف الواحد اخذ عهد واسلمه الكم

::- ابتعدت عن الباب
وهجَ:: اتفضلي لا توكفين بالباب

::- ابتسمت دخلت للبيت وعهد لازم ايدها هذا الخلاني اقتنع بكلامها لان عهد مستحيل يتقرب من شخص يضوج منه

شافتها طيبه فتحت أيدها العهد وهو حضنها وسام واكف مستغرب كعدت على قنفة التفتت على طيبه دكللها

اسراء:: أخذي وروحي عندي موضوع وي اخوج ومرته

::- أخذته وراحت التفتت النا تحجي

اسراء:: امي وانعام مسوين عمل الام عهد
بين قوسين راح تكره أبنها وتنفر منه وممكن تكره الكل وتفقد ما تعرف شنو تتصرف او تحجي

::- بس حجت هيج التفتلي وسام يباوعلي صفح

وهجَ:: وانتِ جاية تحجيلي عن امج ؟

- ما اعتبرها امي والساكت عن الحق شيطان اخرس المهم هسه شنو خلوا عهد يمكم بين ما ام رحمه تتصرف لا تدخلون انتم والشغلة الثانية اذا تروحون للدوام ابقى يم عهد هنا حابه اخلص وقت ويا لان طيارتي المغرب

::- سكتت صافنه بكلامها وسام يحجي وياها ما مقتتع لحد ما خلته يتصل على اسامه حتى يتأكد طيراتها اليوم أو لا وفعلاً طلعت صادقة بكلامها سد المكالمة منه بااوع على طيبة وگال

وسام:: ابقي يمهم ايشي يصير اتصلي

طيبه:: تمام
::- رحت جبت جنطتي وطلعت ويا قفلت الباب واسراء بداخل البيت
- ما فتح الموضوع وسام

طول اليوم افكر شنو ينتظرنا بعد حاولوا يضروها بكل الطرق والكارثة وصلت بيهم للسحر بس محد جان متوقع ممكن هاي الكارثة تكون سبب بتغير حياة جوائح كلها وتبلش الشمس تشرق على حياتها من جديد....

::- بس انتهت آخر محاضرة طلعت من القاعة فتحت الجنطة اريد اخذ اكلنس لمحت شاشه تليفوني مشتغلة بس طلعته شفت طيبة تتصل فتحت خط بسرعة اجاني صوتها وهي تشهك

طيبه:: وهجَ وسام خلي يجي يردون ياخذوني..

::- سمعت صوت عياط رجال قريب منهم رحت بسرعة صار كدامي وسام حجيت اله الكالته طيبه وهو فهم قصد اخته طلع بسرعة لحكته صعدت ويا يسوق بسرعة ويسب ويغلط بأسماء أشخاص ما اعرفهم خفت أسأل شي

::- اذا طريق نص ساعة سووا ربع ساعة من سرعته وصلنا للبيتنا نزل يركض نزلت ورا شفت سيارتين واكفات باب بيتنا وباب جيران مفتوح دخلت بسرعة صاروا مقابيلي ثنين زلم كبار بالعمر وياهم مره وطيبة صايرة ورا اسراء الي واكفه كدامهم ولازمه بيدها بخاخ فلفل حار !!

وسام:: خيررررررر طابين بنص بيتي وبغيابي شعدكمممممم

- لا تعلي صوتككك على امك اجيت أخذ بنتي واروح

طيبه:: مااا اروح وياجج ماريدججج

::- اتقرب واحد منهم صاح بصوت عالي

- تروحين وغصباً عليج وعلى أكبر شارب

::- بنفس اللحظة رشت علي إسراء بخاخ دار وجه وسام خاف يدخل بعيونه وهذا مثل الدجاجة كام يرافس ويصيح

الثاني لزم وسام يريد يطكه والهاي ام وسام بيدها ركعت البخاخ وكعته من ايد اسراء ركضت بسرعة سحبت طيبة دخلتها بالغرفة وامها تصيح اسراء تدفع بيها قفلت الباب وأخذت المفتاح خليته بالمكان السري

وهجَ:: ها عيني ام زوجي الغالية تريدين تأخذين بنتج مو تعالي اخذيها

::- دنكت شلت البخاخ مال اسراء شمرته براس الي رشت عليّ قبل شويه

ركضت سحبته إسراء رشت عليّ مره ثانيه خلته يتخيل رفعت أيدها شمرته الي لزمته كلت الوسام

وهجَ:: زوجي العزيز مع احترامي الك ولامك بس راح ارش شويه عليها مو طلكني

وسام:: ل......

::- ما خليته يكمل بسرعة رشيت عليها ولو هي غطت وجها بس دخل بعيونها وخنكها كامت تفرك بعيونها وتسب بيها وبعشيرتي كلها

بس خلصت شمرته الإسراء حطت ورشت على الي يتعارك وي وسام وللأسف الشديد حتى زوجي العزيز دخل بعيونه

::- أثناء معركتنا الصغيرونه لمحت راجح واكف منتجي على باب ويباوعلنا مصدوم هز ايده

راجح:: الصلافة وراثة عد بناتنا
::- اندفع من الباب دخل اسامه مقلص عيونه عليهم صاح بيهم وسام وهو يفتح بعيونه بصعوبة

وسام:: طلعوهم لا تكفون هنا

:- اتگابلوا عليهم طلعهم واحد يرفس الثاني بس محد تقرب لام وسام راح جاب الها ماي بارد راد يغسل عيونها ركعت أيده انگلب الماي بالكاع كله

- ولي ما اتشرف بواحد مثلك يكون ابني

وسام:: غلطانه اني مو ابنج أنسي عندج بنت ماكو اي بنت الج عدنا وهسه بس طلعون منا راح اشتكي عليج وعلى اخوانج واعلمكم شلون دخلون بيتي بغيابي

::- ضلت تسب بي وتغلط لحد ما طلعت من البيت وعبالي كلامه مجرد حجي بس اول ما طلعت اخذ طيبة وراح يقدم شكوى عليهم

وهجَ:: راح يسويها صدك ؟

أسامه::اي إذا يسكت لو مو يهددهم ما يفيد لازم يتربون حتى يتبون

راجح:: تصرفه صح بدل العرك والكتل يخليهم بسجن

::- كعدت بامكاني اني استوعب الصاو اجتني ام ركب بعد انتهاء الحرب

إسراء كاعدة ساكته انتهت عهد ماكو التفتت عليها رفعت أيدها تأشر على بيت جيران

اسراء:: خلينا يم جيران خاف يصير بي شي ألتفت راح يروح يجيبه ورا دقيقه دخل شايلة

أسامه:: إسراء ما ضل وقت
::- كامت من مكانها بسرعة شالت أغراضها تقربت بوست عهد التفتا تباوع عليه شمرت البخاخ وگالت

اسراء:: خلي عندج يمكن يفيدج
::- ابتسمت إلها طلعت وراها لحد ما صعدت بسياره دخلت جوه بقى راجح يم عهد فتت الغرفتي شمرت نفسي على جرياية حظي طايح
ارتاحيت شويه وكمت ارتب الفوضه الصارت رجع وسام وطيبة كعدت ساكته او وسام راح شال عهد يبوس بي ولا كأنه قبل كم ساعة صارت كارثة

::- سويت نفسي اشتغل ومو فارغة لا تحجون وياي واني أفرغ مني ماكو

مشيت للمطبخ انصي النار دخل وراي ويمكن لو شايفة جني ما اخاف هلكد بلعت ريگي متوترة اتقرب مني وإني مركزة بالكاونتر أحاول اكتشف شي جديد بي

::- ردت وجهي اريد افلت لزمني من خصري بيده سحبني الصدره يهمس

وسام:: كثرن عليج زوجتي الغالية
- ها
- الفقيرة الحبابه البريئة أنتِ مو
- اي اكيد
- اممم
- شو احسك ما مقتنع ؟
- مقتنع مقتنع زوجتي الغالية
- : لف ايده على خصري بقوة أكثر حسيت گلبي راح يطلع من صدري

وهجَ:: شبيك وسام وخر
- شبيه شمسوي مثلاً
::- تقرب همس كلمه بأذني فتحت عيوني مصدومة التفتت اله خازرته

وهجَ:: هم شايب وهم السانك فالت!
- يم ام الحمره ما اسيطر على نفسي

::- بعده يحجي سمعت صوت هوسه بالبيت غمض عيونه بقلة صبر ابتعد عني وراح أخذت نفس براحه غسلت وجهي وباوعت من باب مطبخ لمحت انمار واسامه وزياد وعلي وحمزه كلهم سوه ودخل وراهم ايڤار سلمت عليهم اشرت الطيبة دكوم للمطبخ وياي لمحت عهد فات الغرفتي غلست ورحت

للمطبخ طلعت كبه من الفريزر خليته على طباخ وطيبه تسوي المقبلات خليت كاسات الماي بصينية وطلعت للصالة وياريت ما طلعت خليت صينيه بيد وسام صدت عيوني على عهد الطاع من غرفتي لازم حمالة الصدر مالتي بيده وملابسي الخاصه يسحل بيها كدام اخواني او ولد عمامي .....

ـــــــــــــ⊰ ـــــــــــــ