جوائح الدهر الفصل السابع وأربعون 47 - بقلم دعاء رزاق

بِسْمِ اللّٰهِ الرَّحْمٰنِ الرَّحِيمِ
"جَوائِحُ الدَّهْر"
(بقلم الكاتبة: دعاء رزّاق)

لا تنسَوا التصويت والتعليق يا جميلاتي، فكل كلمة منكنّ تمنح القصة روحًا أجمل 🌿

ابتعد عن الأنظار وترك خلفه فراغًا لا يملؤه شيء
وصمتًا يثقل كل اللحظات التي اعتادت وجوده
لم يكن غيابه مجرد ابتعاد
بل وجعٌ خفي يسكن القلوب
وأثرٌ يبقى حتى بعد أن اعتاد الناس على الحزن
كل الأماكن صارت ناقصة
وكل ضحكة تبدو باهتة
فالبعض يغادر ليس لمجرد الرحيل
بل ليترك داخلنا فراغًا لا يشبه أي فراغ آخر.

ـــــــــــــ⊰ ـــــــــــــ

طلعت من المستشفى وكلام استبرق يتردد براسي من الفشلة ردت اطم نفسي عافتهم كلهم واجت عليه وعلى راجح استغفرالله ياربي

رجعت وي وهجَ للبيت ومثل كل مرة فرحتنا بأطفال استبرق ما دامت صعب تشوفين شخص من عائلتج يكرهج وهذا اصعب شي مريت بي واني اشوف جوائح تنفر وما طايقة وجود احد بينا حتى اهلها!

كل يوم أروح للدوام وارجع على امل وضعها يتحسن بس العكس صار ما تحسن ايشي وصارت أسوأ من قبل بهواي
كعدت الصبح شلت راسي اباوع على مكان عهد فارغ والبنات نايمات كمت طلعت مالكيته يم احد رحت اباوع على كاميرات بس شفت امي أخذته وطلعت ركضت الغرفة اهلي فتحت الباب لمحتهم كاعدين يحجون بس شافوني سكتوا

غفران:: صباح الخير عهد وينه ؟

فارس:: صباح النور بابا
زهراء:: ماموجود عهد
- وين عهد ؟
- خليته بمكان افضل من هذا البيت
- صدك تحجين يمه وين خليتي شلون تسوين هيج ؟

- غفران بلا حجي زايد راسي يوجعني
فارس:: امج تعرف تتصرف لا تفكرين بشي روحي تريكي واقري

- بس عهد....
- عوفي عهد كافي ماما
::- سديت الباب بقوة وطلعت ما تبطل سوالفها تتصرف بكيفها مشيت للحديقة اتقربت منها وگلت

غفران:: لا تصيحين اسمعيني

::- رفعت ايدها على وجهها بقلة صبر
استغليت سوكتها وحجيت

غفران:: امي اخذت عهد ورجعت بدونه
ليش تخلين ابنج يصير بي هيج ؟

جوائح:: روحي منا
- ما اروح تردين تصيحين صيحي كسري اضربي بس لازم تعرفين شي واحد مثل ما امي خلتهم ياخذونج أنتِ سويتي نفسها وأخذوا ابنج وضليتي ساكته

بس اكو فرق بينج وبينها هي ما كرهتج وانتِ كرهتي ابنج للأمانة ما تستحقين تكونين ام...

::- نهيت كلامي ودخلت للبيت ممكن كلامي غلط بهيج وقت بس لازم تصحى على زمانها

صعدت كعدت البنات وكل وحده لزمت شغلة لحد ما خلصت صبيت كوب جاي وكعدت
ورا كم ساعة اجت رحمه بس شفتها طفرت حضنتها بدون أي مقدمات حجيت الها وضع جوائح راحت تحجي وي امي ورجعت تسأل على عهد حجيت الها شكالت امي

::- كزت على أسنانها التفتت تصيح بأعلى صوتها

رحمه:: كللل واحد يتصرف بكيفه وين عايشين احنا وين ما دكلولي

- طلعت من المطبخ خازرتنا
زهراء:: الي تعلي صوتها اكص السانها وانتِ كومي وياي بسرعة

::- كمت وياها التفتت على رحمه تحجي بتحذير

زهراء:: ممنوع تصعدين اكعدي وانجبي هنا
رحمه:: اشكرج عيني بنت سرحان

::- ما اهتمت الكلام رحمه وصعدت رحت وراها فاتت الغرفة البنات ورا شويه طلعت هي وجيهان وجُواهر اخوات جَلنار

فتحت باب غرفة جوائح دخلنا وراها سدت الباب وقفلته فتحت شباك والبرادي رفعت اكمام ملابسها وگالت

زهراء:: كل وحده ادور بمكان
::- فهمنا قصدها تريدنا نفتش الغرفة

جيهان:: على شنو اندور؟
- ايشي يطلع كدامكم خلوني اشوفه
::- ما كلنا لا رأساً فتحنا الكنتور دورنا بي بكل مكان ما لكينا ايشي رجعت سحبت كرسي وصعدت اباوع فوك ما لكيت غير

سجينه وسلاح ما كلت لأحد نزلت اكمل وياهم وامي حتى المخاد والكوشات فتحتهم دور بيهن أكثر من ساعة واحنا على هذا الوضع وما لكينا ايشي كعدنا على قنفة وحده صافنه بوجه الثانية

باوعت جيهان صافنه على فراش جرياية جوائح دنگت تباوع اله سحبته فتحت السحاب مالته دارته علينا

جيهان:: هذا مشكوك وبداخله شي

كامت امي من مكانها سحبته منها فتحت أكثر غمضت عيونها وايدها كامت ترجف أشرت على العلاگة انطتها الها جيهان مدت أيدها طلعت شي بيدها خلته على علاگة وخلته على طبله باوعت اله چان

سيم ناعم حديد وبي شعر لونه مثل لون شعر جوائح تماماً وبي شي ثاني ناعم شد مربوط بشي وبالاخير ملفوف بلاسق او تيب شفاف

قشعر جسمي من شكله
غفران:: هذا سحر ؟

::- هزت راسها امي بمعنى اي رجعت ادور مرة ثانية بمكان الجرباية لكت ورقه لونها وردي على احمر بيها اسمائنا كلنا واسم جوائح مكتوب بشكل جبير هي وابنها وعليها دم صاير لونه جوزي على اسود وبجهة ثانية مكتوب شي بالورقة ما خلتنا نقرأ امي خلتها بنفس العلاكة وطلعت

طلعنا وراها وجيهان قفلت الباب من بره مشينا ورا امي طلعت بره البيت بجهة الثانيه خلتهم بالكاع وكامتت للمطبخ بسرعة طلعت بطل من الكاونتر بي ماي ولونه غريب وبجهة الثانية عليه بيها شي ناعم وماي بارد من

ثلاجة كل هاي شغلات خلتهن على عليهن وتقرا ايات قرآنية خليتها بره دخلت للبيت شغلة سورة البقرة بصوت عالي بالبيت

وعلى إثر صوت القران طلعت انعام من الغرفة تباوع علينا

انعام:: شنو جاي تسوون ؟
جيهان:: شعليج أنتِ
- شنو شعلية احترمي نفسج ص***
::- ما احس غير دفعتها من صدرها جيهان سحبت الباب سدته بسرعة وبالمفتح قفلته

جيهان:: هسه بيج خير اطلعي

كامت تصيح وتصرخ طلعت رحمه من غرفة زهره تباوع علينا

رحمه:: شكو ؟
غفران:: بعدين احجيلج خلينا نشوف جوائح

::- طلعنا بره اتقربنا منها مرجعة رأسها على كرسي ومايله صفح ورجليها نازله من الكرسي والدم ينزل من رجليها بالكاع

بس شفنا منظرها صرخنا بصوت عالي ركضت رحمه ترفع برأسها وهي فاقدة ركضت جيهان تصيح واني ضليت ثابتة بمكاني ما اتحرك

- محد جان موجود بالبيت بهذا اليوم بذات كلهم طالعين ما عدا ابوي اجه يمشي بسرعة لزمتني جُواهر من ايدي عيوني على ابوي ما نطق بحرف واحد شالها من الكرسي والدم يوكع قطرات بالكاع رحمه وجيهان راحن ويا ضليت صافنه لا أخذ ولا انطي

جُواهر :: هيو لا يمعودة لا تهبطينا انتِ الثانية دخيلج

غفران:: الصبح احجي وياها ما بيها شي!
- ادري من ورا الشافته امج ويمكن بسبب الحطته عمتي على أعمالهم صار هيج بيها

::- ما استوعبت ايشي كعدت ساكته ماكدر احجي ايشي ورا شوية طلعت امي لابسه عبايتها وزهره وراها ما حجن شي طلعن من البيت سوه وما رجعن للمغرب واحنا وحدنا بالبيت وي انعام والباب مقفول عليها

كل شويه نتصل على رحمه ما دكول غير ما بيها شي زينه وتسد التليفون للعشرة ونص وماكو احد يمنا من دون الايام اختفوا!

ورا وقت طويل سمعنا باب البيت انفتح طلعنا نباوع شفنا الولد دخلوا يسولفون ويضحكون
شافونا كدامهم اختفت ضحكتهم يباوعون علينا وعلى مكان جوائح ودمها الي بالكاع يابس!!

حمزه:: دم منو هذا ؟
علي:: ماتحجين شبيج شصاير ؟

::- سكتت ما جاوبت وجُواهر گالت الهم

- لكيت عمل بأسم جوائح وخلينا علي ماي وعنتي قرت آيات قرآنية عليّ ومن اجينا انشوف جوائح لگينها فاقدة وهذا دمها وعمي فارس واختي ورحمه اخذوها

:- طلع تليفونه حمزه وعلي يفتر ورا حمزه خابروا ابوي ما سمعت شكال الهم بس مجرد خلص المكالمة التفت عليه يحجي

حمزه:: عمي يكول غفران تجي مكان رحمه

غفران:: دقيقه جاية
- ركضت جوه ركض ركض بدلت عدلت الصايه ولبست حجابي بشكل عشوائي وطلعت بسرعة وقبل لا نصعد بسياره كلت

- جُواهر عينج على اختج
::- وحمزه حجه وياهم علمود يبقون بالبيت عبالي يأخذنا للمستشفى بس صف سيارة باب بيت واتصل عليّ شخص كال

حمزه:: البسي شي مستور وانزلي بسرعة انتظرج

::- ورا شويه طلعت شيلان من البيت صعدت بسيارة ما فاهمه شي گالت

- خوفتني شصاير بنص الليل ؟

حمزه:: ما صاير شي بس اختج عدها قصه حب وي المستشفى

شيلان:: جوائح ؟
- اي
- دخيلك ربي شبيها
- وضعها زين يكولون بس تروحين انتِ وغفران تبقون يمها بمكان رحمه وهذيج الثانية شسمها ؟

غفران:: جيهان
-: يحجي وياها ويسوق بسرعة وصلنا للمسشفى ودخل اخذ رحمه وجيهان يرجعهم من شكل رحمه عرفت جوائح ما بيها شي لان شكلها طبيعي مو خايفة

بس دخلنا يمها طلع ابوي يكعد بره باوعت عليها نايمه وجهها أصفر وجوه عيونها لا هو اسود ولا ازرك مشكلين الها أكثر من كانونة واكياس الدم معلكة

شيلان:: هاي وتالي وياها يوميه مستشفى ؟
شنو قصتها استغفرالله

غفران:: جوائح كل مره تتخربط بسبب نزيف مو ؟

شيلان:: اي ودمها يصفر فد مره
- امي لكت اشياء مو زينه مسوينها بأسم جوائح وبس حاولت تبطل أعمالهم صار عدها نزيف وفقدت لازم من البداية همه السبب بوضعها

- احلفي ؟
- والله شبيج
- آخر مره من فقدت الدكتورة كالت النزيف من أشهر مستمر عدها بس هي ما كالت النا ولا لأي وحده ودائماً تتخربط يعني تدري بنفسها وما تحجي!

- هو اله هيج ماكو غيرها والي يصير وياها من ورا أعمالهم حسبي الله ونعم الوكيل عليهم

- تصرفاتها مو منطقية وين اكو وحده تبقى ايام بدون أكل وتمشي طبيعي ولا نوم مثل البشر راح تخبلني

خليها بس تصحى أخذها يمي

غفران:: البيت اهلج ؟
شيلان::لا بيت اهلي نادراً اروح اله اني عايشه وي بيبي ام ابويه الله يرحمه

واذا اخذها هناك حتى إذا ما تأكل بيبي تخليها تاكل اجباري الله تحمست خليها تصحى واني إلها

::- التفت اباوع الها تقربت عدلت حجابها شعرها طالع وشيلان طلعت من الغرفة ماعرف وين راحت والممرضة دخلت خلت الابره وي المغذي لحد ما خلص طلعت تقريباً نص ساعة كعدت جوائح باوعت عليه رجعت تباوع على غرفة جنت خايفة تعيط او تصيح بس راح كل خوفي من گالت بهدوء

جوائح:: ليش تحجن عليه ؟
- منو اني ؟
- بعد اني ؟
- قصدج اني وشيلان؟
- اي
- ها شلوني سمعتي ؟
- اسمع شبيه ميته قابل غير نايمه ؟
- يعني مابيج شي ؟
- اصحى مني ماكو
- كولي والله
- راح اكوملج غفران

::- لا إرادي نرسمت الضحكة على ثغري من الفرحة ماعرفت شسوي كمت حضنتها

جوائح:: ايدي ايدي يمعودة
- اسفه تحسين بشي تردين شي ؟
- لا كلشي ما اريد
::- سكتت تباوع على سقف حسيت تريد تحجي شي بس مترددة ومادري ليش حسيت تريد تسأل على ابنها

انفتح الباب دخلت شيلان بس شافتها كاعدة ضحكت

شيلان:: كعدت بنت محمد
جوائح:: راح اغرد تره
- واضح صاحيه مابيج شي طيح الله حظك حمزه سحلتني من فراشي اخخخ ربي

كومي غفران كومي خلينا نطلع اني وياج عوفيها ترتاح
::- ما خلتني احجي سحبتني من ايدي طلعتني وسدت الباب واحنا طالعين صادفنا شخص لابس سكراب ابيض كمامة منزل راسه مر من يمنا التفتت اباوع اله وكف يم غرفة جوائح

غفران:: اوكفي هذا منو ؟
شيلان:: دكتور هنا امشي
-: ما اقتنعت بكلامها بس هي ما تنطي مجال احجي صار فضول اعرف هذا منو وليش شيلان خلته يروح الجوائح

طلعتني بره اشرتلي على مكان صدت عيوني على شخص كاعد ومنطينا ضهره رفع ايده على شعره وهاي الحركة اعرفها كلش زين

شيلان:: روحي واني هنا واكفه انتظرج

::- دفعتني بقوة ردت اوكع على وجهي وهي تضحك غميتها ومشيت باتجاهه انعكس ضلي كدامه رفع رأسه يباوعلي

راجح:: تعالي هنا
::- اشرلي على مكان بصفه
غفران:: هنا مرتاحه گلي رايد شي ؟

- لا بس ابوج رجع للبيت صبح عنده دوام واجيت احجي وياج بموضوع ما يتأجل

- احجي ؟
- أولاً تعالي هنا
-: اتقربت منه كعدت بصفه التفتلي بكل جسمه اجت عيوني بعيونه

راجح:: الإنسان يتعلم من اغلاطه صح

غفران:: مو الكل بنسبة الي الغلط الي يعجبني اعيده مره ومرتين...

- صايره وگحه بنت فارس
- تعلمنا منك
- صلفة
- مو بصلافتك
::- ابتسم مد ايده يعيد نفس الحركة يدخل اصابعه بفروة شعره ويرفع شعره
نزلت عيوني اطكطك اصابعي

راجح:: نكمل حديثنا
- اي
- اول مره سافرت وما گتلج بس هاي المره اجيت اكلج بنفسي
- راح تسافررر؟
- اي
- ليش شنو سبب سفرك هاي المره ؟

::- نزل عيونه مدنك بالگاع

- صاحبي مريض يحتاج يسافر ولان اني اعرف دكاترة وعندي معارف هناك طلب مني اروح

- عليمن تروح انطي العنوان وهو يروح ؟

- ماكدر لان محد موجود وياا
- شبي هو ؟
- عنده ورم براسه رغم سوواله عملية وشالوا بس باقية خلاية ورجع من جديد واذا يبقى شهرين يموت فـلازم يسافر علمود العلاج واحتمال ما يرجع

- اسم الله ليش تفاول على صاحبك ان شاء الله يرجع سالم تروح ويا وحدك ؟

- لا اسامه هم يروح ويانا

- لعد وأهله ؟
::- سكت ثواني زفر نفس بحسره
راجح:: ماعنده اهل
- شسالفة واقاربه
- محد يدري من اقاربه
- يعني تروح ؟
- اي صبح
- شكد اطول ؟
- مادري محد يعرف
- گلت مااروح هاي المره بدون ما اكلج او اودعج..

::- حسيت بنغزات بگلبي وعيوني دمعت درت وجهي حتى ما يشوفني كلشي تشوش كدامي بسبب دموعي

غفران:: تروح وترجع بالسلامة
- اذا رجعت اريد اشوفج صيدلانية متفقين ؟
- تشوفني صيدلانية ليش قابل تبقى هناك أكثر من سنه ؟

- الله اعلم ممكن اقل او اكثر
- يعني ما راح تكون موجود بتخرجي ؟
- اي
- تمام راح ادخل جوه اني
- تكدرين تبقين ؟
- شعندي باقيه ؟
- راسي يوجعني

::- فهمت قصده مسحت وجهي اندرايت اله همست

غفران:: اكعد كدامي
::- كام من مكانه كعد كدامي على ثيلة بالگاع
نزعت اسواري والمحبس

رفعت اديه الاثنين على راسه ادلگله

ودموعي تنزل بدون سبب اكو شي خانكني بس ما اعرف شنو مو اني الي ماريده ليش هسه ابجي لان راح يسافر شبيه اني.!

راجح:: اذا ايدج توجعج ارتاحي شويه
- لا ما توجعني
- غـفـران
- هـا
- گـلبـي
- شـبــي ؟
بــعـده يـريـدج

::- اكتفيت بسكوت وبگلبي هواي
دلكت راسه هو ساكت لحد ما صارت ساعة خمسه ونص كام من مكانه باوعلي وگال

راجح:: ليش عيونج هيج
غفران:: لا ما نمت بس
- كومي ادخلي جوه نامي
- راح تروح ؟
- اي انتبهي على نفسج زين لا تهملين دراستج توصلني اخبارج تره
- منتبها على نفسي انتَ هم انتبه على نفسك
إن شاءالله ترجعون بخير وسلامه

- غفران اذا يتقدمج احد لا توافقين
- ما اوفق
- متأكدة ؟
- وعيونك
- تنتظريني ارجع واتقدم الج ؟
- انتظرك

::- ابتسم ابتسامة عريضة والفرحة بينت بعيونه راد يحضني بس لزم نفسه وما سوواها اتقرب باسني براسي فوك الحجاب وابتعدت بسرعة

راجح:: اشوفج بخير
غفران درب السلامة

::- باوعلي بنظره أخيرة وابتعد يمشي
بخطوات سريعة

ماكدرت اتحمل أكثر كعدت ابجي لحد ما خلصت دموعي كمت من مكاني رحت للحمامات غسلت وطلعت رحت باتجاهه غرفة جوائح لكيت شيلان كاعدة يمها

التفتوا عليه ثنينهم بس محد حجت شي جبت كرسي كعدت حطيت راسي يم ايد جوائح رفعت ايده على راسي تمسد بهدوء

كأنها فهمتني وعرفت ماريد احد يسألني شبيج بس اريد احد يطبط عليه

نمت وأيده على راسي ورا كم ساعة كعدت بس باوعت على ساعة بالتليفون عرفته راح

ضليت ساكته ما حجيت ايشي حمزه يمنا بالغرفة كاعد للعصر طلعوها من المستشفى

وشيلان لحت حتى ياخذون جوائح البيت بيبيتها وحمزه رفض گالت

شيلان:: اني اعلمك اصبر
- اتصلت على عمي محمد اول ما فتح خط
گالت

شيلان:: شلونك عمو اكلك هذا حمزه ما يقبل أخذ جوجو مستشفى يمنا بيت بيبي هم تتغير نفسيتها وهم تتحسن

:- ماعرف شكال الها انطت تليفون الحمزه حجه ويا وسد تليفون التفت عليها خازرها وهي ترفع أصابعها الإثنين يعني انتصرت عليك

::- وفعلاً وصلنا النفس البيت الي جبناها منه نزلت جوائح وشيلان

حمزه:: اذا تصعدين على سطح رجلج اكسرها واذا طلعين تلعبين طوبه وي جهال تنكتلين

- صار عيني صار
::- خلاهن يدخلن جوه يلا اتحرك
وصلني البيتنا ونزل يدخل وياي بس دخلنا لمحت الولد وزهره وامي والبنات كاعدين بس لا اسامه ولا راجح موجودين..

::- سلمت عليهم ودخلت جوه حمزه حجالهم عن وضع جوائح او وين راحت فتت الغرفتي نزعت حجابي تمددت بمكاني دخلت جيهان سدت الباب وگالت

جيهان:: جَلنار راحت العيادة عمتي نيرمين علمود يحددون موعد العملية

- اي حددوا لو لا؟
- الطفل ميت بطنها من اسبوع....

ـــــــــــــ⊰ ـــــــــــــ

اخذتها وطلعت سدت الباب حسيت ايدي متشنج من الكانونة رفعت ايدي اريد اسحب الكانونة اندگ باب الغرفة

جوائح:: اتفضل

::- انفتح الباب اتوقعت فارس بس دخل شخص ثاني سد الباب وكف مكانه يباوعلي
بس ركزت على عيونه رفعت حاجبي مستغربة

جوائح:: شسوي هنا ؟
- اني موجود هنا وعرفت انتِ هنا كلت زيارة المريض واجب

- اممم واجب گتلي
- تسمحيلي ؟
- اتفضل بهاء اتفضل

بهاء:: الحمدلله على السلامة
- الله يسلمك
- عندج علاقة قوية بالمستشفى
- اي وانتَ هم علاقتك هم قوية قبل فترة شفتك هنا وهسه هم هنا ولابس هذا لبس شنو الفلم

:- اكعد على كرسي نزع الكمامة رجع ضهره على حايط

بهاء:: بنت اختي هنا واني موجود وياها
- شبيها ؟
- سوت حادث والضربة برأسها قوية ولحد الان فاقدة لهذا ماكدر اعوفها

- أن شاء الله يتحسن وضعها.

- المهم شوكت تنهين علاقتج بالمستشفى
- من يغرد الطير
- واذا ما غرد
- يغرد لا تخاف مو انتقلت ؟

- اشـتــاقـيـت البـغـداد واجـيـت اشــوفـهـا
وصار الحادث ماكدرت ارجع

جوائح:: اذا تـحـب بـغـداد لـيش عـفـتها ؟
بهاء:: تـعـبتـنـي

- مافهمت ؟
- اقصد الشغل هنا متعب وصحتي ما تساعد
لهذا انتقلت
- شنو الفرق ؟
- هنا ماكو راحة وهناك بالاسبوع يومين دوام وثالث خفارة

-: رفعت نفسي مرجعة ضهري على مخده
واحجي

جوائح:: بأي محافظة ؟
بهاء :: مره التقينا بيها
- شوكت
- من جبت الج الملفات
- اهااا الديوانية يعني هناك تشتغل حالياً؟
- اي

- بأي مركز ؟
- مركز ال........
- اممم زين لعد
- خلصتي تحقيق
- اي خلصت
- ابلش اني ؟
- اي بلش خنشوف شنو تسأل

بهاء:: ليش شغلج ما ملتزمة بي ولا صحتج تمام

جوائح:: صار عندي ضرف
- ضرف يوم يومين مو ست اشهر وتسع ايام
انتِ تضرين نفسج بيدج

- عادي فترة وارجع طبيعي
- ماشي نكول ضرف بس ايدج شدخلها بضرف ؟

::- نزلت عيوني على ايدي كلها جروح قديمه لونها احمر

بهاء:: مو اول مره انتبه الايدج آخر مره اشتغلنا بيها الجروح جديدة وهسه هاي البيدج من فترة بالزايد عشر ايام الچاي تسوينه حرام

- شعليك بهاء ؟
- شنو شعليه من شفتي ايدي مضمدة سألتني وجاوبتج وهسه اني زميلج بالعمل جاي احجي وياج انتِ واعية تعرفين الصح من الغلط ليش تسوين هيج

- مرات تجيني حاله تخليني اوصل الهيج مرحله

- شنو السبب الي يخلي هاي الحالة تجيج ؟
- مادري
- الكتمان تكتمين وتغطين على نفسج
- اي يمكن
- مو يمكن اكيد اذا يبقى وضعج هيج ممكن توصلين المرحلة اخطر فهمتي عليه

::- هو يحجي واني مركزه بكلامه شي بداخلي خلاني اتجاوب ويا وممكن أسلوبه بالكلام الي خلاني احجي براحتي ويا

جوائح:: عادي اكول شي ؟
- كولي اسمعج
- مرات من اتعصب واكو احد من عائلتي موجود يمي ويرددني بالكلام تجيني افكار براسي
- مثل شنو
- اكتله

::- صفن بوجهي ما مستوعب كلامي سحب الكرسي قربه الي أكثر وگال

بهاء:: كملي
- هي بس تجيني هيج افكار ومن تروح عصبيتي استوعبت بشنو جنت افكر وهذا شي مخليني ابتعد عنهم شويه

- تبتعدين عن عائلتج؟

- مو ابتعد كلش يعني ماكعد اتناقش وياهم بكثرة اتجنب التجمعات اخلي كلامي محدود ونادراً اكعد وياهم دائماً بغرفتي

- وبهذا الوقت شسوين
- اكتب
- تحبين الكتابة؟
- اي احبها
- تقرين كتب ؟
- لا ما احب اقرا حتى كتاباتي ما اقراهن
- هسه نخلي موضوع الكتابة على صفحة نركز على اول نقطة

- يا نقطة
- التشريح مال ايدج ابتعدي عنه بقدر الإمكان واذا تجيج الحاله الگلتي عليها اطلعي لا تبقين وحدج ومن تحسين بضغط احجي الشخص قريب منج احد أفراد العائلة لو صديقاتج واذا ماكدرتي تحجين الهم شوفي شخص ثاني احجي ويا

جوائح:: قصدك احجي الك كول هيج لا تلف ودور

بهاء:: ذكية تماماً اذا جنتي حابه اني اسمعج بكل وقت بس اهم شي تسيطرين على نفسج

اما أفكارج الثانية هاي نتيجة عزلتج كل ما تبتعدين عنهم راح تحسيهم ما يفهمونج وبعيدين عنج بينما تكعدين وياهم وتتبادون الأحاديث هنا راح يعرفونج أكثر وتعرفينهم أكثر حتى لو يعنادون او يمنعوج من شي ما راح تفكرين بهيج بعد لان راح تفهمين طريقتهم بالتفكير وحتى لو يحجون شي ما تأخذيها بنظرة ثانيه فهمتي

جوائح:: قصدك لان ما اكعد دائماً وياهم واعزل نفسي ما افهم طريقة تفكيرهم بصورة صحيحة

بهاء:: صحيح ومرات الإنسان يتخيل اشياء بعقلة ويقتنع بيها فـحاولي تكسرين هذا الحاجز

والنقطة الثانية نفترض اليوم انتِ تعبانه وما نايمه وعندج شغل مهم تشتغلين عليّ واجيج اني اكلج اريد اطلع تكملين هذا تقرير بمكاني شنو ردج الي ؟

جوائح:: عادي اكمله بمكانك
بهاء:: لا ما تكملينه دكولين لا فهمتي
- لا ما فهمت
- جوائح
- ها
- اذا انتِ تعبانه لا تشتغلين عندج شغل خلي بغير وكت كملي ما نايمه تعوفين البيدج ونامي يجي شخص يريد منج مساعدة بشي وانتِ ماتكدرين كولي لا ماكدر أجلي كلشي واهتمي بنفسج
تعلمي دكولين لا هاي الكلمة تحل كل مشاكلج

جوائح:: بهاء تحجي هواي انتَ
- ما احب احجي بس جاي احجي علمودج لان انتِ زميلتي واختج مثل اختي

- اختي ؟
- اي شيلان
- شيلان مثل اختك خوش إذن اني اهم اعتبرك اخوي
- اي المهم فهمتي كلامي ؟
- اي فهمت اجرب واشوف
- هاي هيه متفقين

- اما هسه لازم اروح تعبتج بالحجي
- لا بالعكس

:- كام من مكانه لبس الكمامة مره ثانيه

جوائح:: هذني منين جبتهن ؟
- اخذتهن من الممرضة
- اها حلو متزوجة ؟
- مادري قابل اسألها متزوجة او لا
- عادي مابيها شي اخذت منها هذني عادي
بس من تسألها مو عادي
- اكو فرق
- لا ماكو
::- ألتفت يباوعلي

بهاء:: مره واحد من ضباط انطاج سترته لان جو بارد لبستيها ومن نزعتيها اخذها منج وعطرج بيها هاي عادي برأيج ؟

- شوكت ؟
قبل سنه من طلعنا المنطقة.......
ورحتي كعدتي على الدرج انطاج الستره واخذتيها

- ما اذكر
- اي بس اني اذكر اما هذني محد مستخدمهن يبقن عندي

- اها
- اي مو عطري يبقى بيهن وانطيهن
- شو تركع بسامير
- لا عليمن
- كمل كلامه مد ايده بجيبه طلع باكيت ككو بي أكثر من قطعة مد ايده وگال

بهاء:: اتفضلي اتوقع هذا أكثر نوع تحببنه

- شمدريك؟
- ماذكر وين بس سمعتج مره تردين ككو من هذا نوع

- ماكدر اكل هسه شكرا
- أخذيهن وبأي وقت تردين تأكلين اكلي
- اخذتهن منه رجع مد ايده مره ثانيه وهاي المره طلع قطع هواي خلاهم بصفي وكال

بهاء:: مادري مخليهن عندي اكلي انتِ حتى يتغير مزاجج

:- ابتسم والتفت يريد يروح كلت

جوائح:: شكرا بهاء

- بالخدمة
لا تنسين اتفاقنا تمام
- تمام
- استودعتج الله
- بأمان الله

::- طلع وسد الباب نزلت عيوني اباوع نوع الككو هذا النوع بذات اكله بس بفترة العذر الشرعي لان اشتهي بكثرة شمدري هو
ويمكن كلامه صح سمعني وجابه او صدفه..

فتحت قطعة اكلها دخلت شيلان تحجي

شيلان:: لسه كاعدة ؟
- على أساس ما تعرفين ؟
- شنو اعرف جنت وي غفران تحجي وي راجح بره

- شنو يحجون ؟
- حسب كلامه يريد يسافر واجه يودعها وجنت ارقبهم خاف يجي عمو فارس

- ليش لسه موجود ؟
- اي اي موجود بس راح قبل عشر دقايق
- روحي يمهم خاف يجي واحد من اخواني
- لا محد يجي للصبح

- : كعدت تلعب بالتليفون شمرت قطعة ككو الها اخذتها هي وساكته رجعت اكلت أكثر من قطعة وبالي مشتت اريد عهد بس اختنك من اشوفه فكرة تأخذني وفكرة ترجعني رجعت تمددت ورا شويه دخلت غفران واضح جانت تبجي من عيونها حطت راسها يمي رفعت ايدي على رأسها ألتفتت شيلان تريد تحجي اشرت الها تسكت لحد ما حسيتها نامت شلت ايدي

::- ضليت كاعدة لحد ما كملوا كلشي طلعنا بس وصلنا البيت شيلان راساً دخلنا لان ماكدر اوكف مدة طويلة احس بوجع قوي بأسفل بطني

شيلان:: هاي بيبي طالعه ولا تكعد
جوائح:: خوش خليني انام ماكدر اوكف أكثر

- فوتي نامي على جربايتي

-: مشيت للغرفة دخلت نمت بمكانها وهي طفت الإضاءة وسدت الباب نمت الوقت طويل كعدت على اثر حلم بخوف جسمي يرجف وألم قوي بطني فتحت الباب وطلعت صارت مقابيلي الحجية بس شافتني كالت

- ياهلا ومية هلا تعاي بعد عمري

::- رحت اسلم عليها جرتني جر تحضن بيه وشيلان ماده راسها من المطبخ تضحك

الحجية:: بعد عمري البنات شلون صرتي

- الحمدلله بيبي زينه
- أن شاء الله حبيبة كومي غسلي حتى تأكلين

::- ترخصت منها ورحت لحتنكي شيلان تسويلي ترفعلي شعري لان ما اسيطر بسبب الكانونة بس خلصنا كعدت يم الحجية اكل رغم مو جوعانة بس اعرفها اذا اكسر كلمتها توكلني زيادة

::- بين ما خلصنا رتبت البيت وكالت

شيلان :: بيبي راح اشر الملابس فوك
- مو طولين يجينا هذاك المسودن
- لا بيبي شسالفة
::- صعدت واخذتني وياها فتحت الباب مال سطح طلعنا رجعت سدت الباب شرت الملابس وطلعت حب شمس وكفت بداية الستاره تكرز وتذب من فوك

شيلان:: تعالي نكرز سوه واحجيلج على منطقتنا

:- وكفت بصفها اخذت منها حب شمس وهي تحجي

شيلان:: هذا البيت الي كدامنا بيت ام حيدر ابنها فد وكح يوميه اركعه بطوبه

وهذا البيت الثاني اففف صاحبته فد مسمومة وين ما تروح تذب سم الله مطيح حظها

وهذا البيت الثالث بي ثنين بنات عايشات وحدهن لان اهلهن متوفين چانوا يوميه عمامها يجون يردون ياخذوهن وتطلع الهم اختها جبيره تضربهم بالمسدس يصير طشارهم ماله والي

ومره ضربوهن اخذتهن اشتكن عليهم سحلناهم للسجن وما تنازلن لحد ما خليتهن يوقعون تعهد ما يوصلون الهن ومن ذاك اليوم محد وصلهن حتى للجامعة جانوا يروحون يوكفون بالباب هسه لا محد يوصل
وكل يومين أروح الهن بليل نحش بالعالم

اما هذا البيت رابع الإبن عمج

جوائح:: يا ابن عمي ؟
شيلان:: تتوقعين منو ؟
- منو بس لا زياد ؟

- اي كعد بنفس منطقتي
- خرب يومه شجابه هنا هذا

::- ما خلت أحد ما حجت عنه واني صافنه عليها شكد تشبه وهجَ بالتصرفات

جوائح:: خلينا ننزل كافي
- انزلي اني شويه واجي
- عفتها ونزلت اخذت علاجي ونمت للصبح كعدت على صوتها فوك راسي تريكنا وطلعتني وياها رحنا بصف بيت جيرانهم اكو مساحة جبيرة لمت الجهال وطلعت طوبه تلعب وياهم الي يشوفها يكول طفلة

وحمزه وصاها بس ما فاد وياها بش الحق ينگال منطقتهم مليانه حنيه تحس بيها دفو

ضليت فترة يمها وحسيت بنفسي ارتاحيت وبأخر يوم بالاسبوع رحت للنجف ورجعت بدون علم احد من اهلي وبنفس اليوم رجعت البيت اهلي

::- وصلت بوقت متأخر والأول مره احس بنفسي تعافيت من كلشي فتحت الباب بالمفتاح العندي ودخلت جوه ما لكيت أحد كاعد صعدت فوك على أطراف اصابعي خاف احد يحس عليه فتحت الباب طفرون كلهن من مكانهن مصدومات

غفران:: جوائح؟
- لا ابليس

::- طفرت من مكانها تحضني وحتى باقي البنات ابتعدت عني تحجي

غفران:: شلونج ؟
- شوفت عينج بخير اني
اخواني هنا ؟
- اي علي وايڤار هنا وحمزه وي ايان بيت مرت ابوج

- تمام شويه وارجع
::- مشيت الغرفتهم فتحت الباب ثنينهم نايمين ومحد موجود يمهم
خليتهم على نومتهم رجعت للغرفة

جوائح:: ليش بس همه هنا وين البقيه ؟

غفران:: راجح واسامه مسافرين انمار بيته ايان تعرفين وين وسام بيته واخواتي كل وحده بيتها بس اني باقيه وي جَلنار واخواتها ماكو احد بعد البيت فارغ

::- گالت اخر كلمه ودموع ملت عيونها
جيهان:: امداج المن احنا هنا

جُواهر:: شنو مو بعينج احنا ؟

غفران:: لا بعيوني بس البيت جان من الهوسه البي محد يكدر ينام وهسه الكل نايم لان محد موجود

- يرجعون لا تخافين كلها ايام وترجع هوستها
::- كعدت يمهن احجي وياهن كل ما اسكت اذكر كلام بهاء وارجع احجي للفجر وياهن
صلوا وناموا إلا اني نزلت جوه اتصلت على امي فتحت خط اجاني صوتها حسيتها خايفة

نيرمين:: ماما جوائح ؟

- شلونج حبيبتي
- يااا امي حبيبتي بخير اني شلونج انتِ
::- دار بيني وبينها حديث بسيط وقبل لا انهي المكالمة كتلها

جوائح:: ليش ما تسون عزيمة وتعزمون الكل حتى فاطمه ؟

نيرمين:: والله ياريت يا امي بس مشغولة بس أتفرغ اسوي

- خليها عليه ؟
- شنو هي ؟
- اقصد اني استلم الشغل مكانكم؟
- انتِ؟
- ليش شبيه اني شو ما مقتنعة
- لا حبيبتي مقتنعة بس متأكدة؟
- اي والله متأكدة
- تمام اذن براحتج ايشي تحتاجين اخوانج يمج

- خلي حمزه يجي هم اني بيتنا
- بيتنا ؟
- اي
- يمه حبيبتي بيج شي ؟
- مابيه شي والله

::- اختصرت الحديث وياها وسديت المكالمة
صعدت انام شويه حتى ارتاح ما دخلت الغرفتي بس اشوفها جسمي يقشعر

نمت بالغرفة الثانية ورا وقت حسيت بخطوات قريبة مني رفعت راسي وما حسيت غير بالمخدة على وجهي وصوت يتكرر بأذني

- اموتج بيدي واحرك گلبهم

ـــــــــــــ⊰ ـــــــــــــ