رواية جوائح الدهر الفصل الخامس والخمسون بقلم دعاء رزاق.

بِسْمِ اللّٰهِ الرَّحْمٰنِ الرَّحِيمِ
"جَوائِحُ الدَّهْر"
(بقلم الكاتبة: دعاء رزّاق)

لم تكن النهاية سوى بداية أخرى
فالظلال لا تزول لكنها تتبدّد حين تشرق الإرادة.

تلك التي حملت الألم صارت الحكاية
وتلك التي سقطت نهضت لتُكمل الطريق.

وفي صمت الليل وُلد الضوء من رحم العتمة
لينتهي كلّ شيء كما بدأ
بامرأةٍ قررت أن تكون النور بعد الظلام
وها قد وصلنا إلى النهاية
حيث تُسدل الستائر على كل ما عشنا.
كل شيء صار واضحًا
وكل أثرٍ تركته الحكاية سيظل حاضرًا في القلوب
حتى بعد آخر صفحة.

ـــــــــــــ⊰ ـــــــــــــ

- انــي شــيعي ابــن الـســادة جــدي رســول

جوائح:: دقيقه سيد انتَ؟
- اي والدي سيد وامي علوية..

- تحجي صدك ؟

- اي والأمير

- اها ما جنت اعرف

- ادري
شوفي اليوم ماكدر اداوم مأخذ أجازه
من ينتهي دوامج اتصلي عليّ واجي متفقين.

- تمام متفقين.

:- طلعت من المحادثه ما مستوعبة شي
ربطت الأحداث براسي واستوعبت ليش بكل مره اغلط عليّ شيلان تسكتني واستبرق من كالت السيد بوقتها تقصده!!!

إذن حتى اخواتي يعرفن بس ليش محد كال الي شنو غايتهم وليش يعرف هواي اشياء عني

هواي أسئلة براسي لازم الگاه الها جواب.

وخرت الغطه كمت طلعت من الغرفة لمحت باب غرفة اخواني مفتوح دخلت ما لكيت غير علي نايم واقل حركة يوكع من جرباية عفته ورحت للمطبخ اول ما دخلت صدت عيوني على حمزه واكف يباوع على الغلايه شلون تفور

جوائح:: صباح الخير

حمزه:: صباح النور ليش كاعدة

- نمت وكعدت ماكدر انام بس انتَ شعندك كاعد

- ما نمت من الأساس علي يعزف لحن يم راسي وبعد ساعة لازم اطلع البغداد

- شعندك ؟
- واجب يومين وانزل
- تمام سويلي كهوه وياك هسه جايه.

- تعالي سوي انتِ البارحة سويتلج

- ميخالف اختك اني سويلي
- مستحيل
- حمززه!
- اركعي راسج بالحايط

- مو اخابر ابوي وعلي
- خابري ما يجاوبج بسابع نومه هسه
- سويلييييي
- مو كتلج اركعي راسج بالحايط

- تدري عرفت سر يخص شيلان وردت اكلك بس هسه بطلت فلا احجيلك

- دقيقه شنو اخلي الج وي الكهوه
- ماريد منك شي
- لا تردين هسه اسويج وتحجيلي
- ما احجيلك عزيزي اركع راسك

::- خليته يحجي ورحت غسلت وجبت السماعة اخذت كوب الكهوه منه وطلعت للطارمه لحگني يحوص محد يعرفه بگدي..

حمزه شخصية وياي تختلف عن البقيه ويمكن هو أكثر شخص عندي ميانه ويا بأخواني رغم عصبيته ويدقق بأدق التفاصيل وخصوصاً شيلان يغار عليها وما يحب أحد يتقرب منها او يحجي وياها لان هي اكبر منه وتقريباً اهتمت بكلشي يخصه حتى أكثر من امه ما يشوفها بس اخت يحسها أم ..

واكيد هي تعتبره اخ وأب مو مهم منو الأكبر بنسبه الها المهم هو مسؤول عنها ومايخلي عمامها او اقارب ابوها المتوفي يتقربون منها..

وعلى طاري شيلان تقدم الها زياد أخو انمار
وهي وافقت وتم عقدهم بعد عرس اسامه وراجح بأسبوع ..

بعد حديث طويل بيني وبين حمزه دخلت للبيت حظرت نفسي وطلعت للدوام إلى أن خلصت دوامي

دزيت رساله الابهاء وانتظرته أكثر من نص ساعة بس ما اجه طلعت بسرعة بدون ما انتبه انضربت بشخص رفعت عيوني عليّ

جوائح:: انتَ
بهاء:: اعتذر ما انتبهت
- دقيقه بهاء دقيقه انتَ نفس الشخص الي نضربت بي بالغلط ؟

- اي من ســـبع ســنوات زين تذكرتي

- نعاد الموقف براسي وذكرت انتَ تذكر ؟

- مـا انســى انـي اذكــر كلــشي...

روحي كدامي للسيارة دقايق واجي..

::- كمل كلامه ودخل للمركز وكفت بإمكاني صدت عيوني على موجودين يباوعون عليه مشيت للسياره أتأخر يله اجه صعد بسياره وگال

بهاء:: اوصلج للبيت لو نروح النفس المكان
سياره هناك

- ماكو مشكلة نروح.

-: هز راسه ساكت رحنا النفس المشتل
بس هاي المره بي أشخاص يشتغلون

دخلت كدامه وهو ورأي راح باتجاهه مكان الغزالة واني رحت للورد أخذت مگص ورحت ورا لگيت كاعد يم الغزالة

- راح اخذلي ورده عادي ؟

- ورده شــنو الـــورد كــلــه الـج .

:- ابتسمت بوجه والتفتت ماعرفت شنو رد
الوضع غريب عليه قطفت وردتين وگصيت الورق بالمگص ورد جوري وخصوصا الوردي
أكثر نوع احب ريحته والمكان مليان بريحة الورد صوت العصافير والحمام طالع من القفص كلشي بهذا المكان يخليك ترتاح نفسياً..

أخذت ورداتي وكلت

جوائح:: لازم ارجع ابني ينتظرني

بهاء:: تمام تعالي
::- تمشيت كدامه هو راح يحجي وي الأشخاص اليشتغلون بالمشتل واجه سلمت علي وصعدت بسيارتي وهو اخذ المفتاح وراح السيارته..

رجعت للبيت واول ما دخلت سمعت صوت هوسه بالبيت

وهجَ:: اجتتت وأخيراً

- اهلاً اهلاً ولجن جاياات بدون ما تنطوني خبر

رحمه:: اي والله اقتراح استبرق هذا

غفران:: وفاطمة هم

استبرق:: أنتِ مشغولة كلت نجي احنا

فاطمة:: صحيح مفروض تشكرينا لان اجينا نغير جو الج

وهجَ:: صحيح والله.

-: ضحكت على كلامهم سلمت عليهن وأخذت الورد حطيته بماي وخليته بغرفتي باوعتلي رحمه وكالت

رحمه:: هذا الورد نفس الي على ميز طعام ؟
- اي نفسه

- عطره قوي منين ماخذته ؟

- شسمه صديقتي عدها مشتل وجابتهم الي

- صديقتج ؟

- اي
- امممم

::- درت وجهي عنها ورحت حظرت ضيافه الهن وجهال كلهم بغرفة علي وصوتهم طالع

اجن كعدن يمي كلهن باوعت على وهجَ
بطنها كدامها واستبرق كذالك بطنها كدامها حتى رحمه بارزه بطنها كلهن حوامل

التفتت على غفران

جوائح:: وانتِ غفران شلونه الحمل وياج

غفران:: مطيح حضي وبعدني بداية شهر ثاني

فاطمة:: جذابه مطيحه حضي اني وراجح
اول مره اشوف وحده حامل تعض بالعالم واذا مل نخليها تضوج هاج شوفي

:- رفعت ايدها تشوفني اثر سنون غفران على ايدها ضحكت وهجَ وكالت

وهجَ:: البارحة اسامه يتعارك وي يراجح يكله الزم مرتك تعض مرتي شنو

فاطمة:: يغار منها واذا اكله اروح يم غفران يگلب خلقته وعلي اخوج يكله مشكوك بأمرهن هذني

جوائح:: عزااا عزااا

رحمه:: مسودنيني هناك وعلي زين اكو عقل براسي ضال

غفران:: هسه هي عضه شبيكم

استبرق:: يمعودة لازمتني تعضعضين بينا
عضي زوجج وانجبي

::- حطيت الماي والتفتت اباوع العلي طلع من الغرفة وجهال يركضون ورا كملت كلامها وكالت

غفران:: والله اعض بي بس من اشوفكم سنوني تحكني ماكدر

علي:: راح تخلفين جلب

استبرق:: مثلك

غفران:: تستاهل بخت طفلي هذا سيد يشور بيك

علي:: أنتِ البزونه اذا ما اشكي الزوجج عليج
اطلع صدك جلب اني اعلمج

::- ضلوا يتعاركون هو وياها واستبرق صلفة بس كلهم يتشاقون خصوصاً علي عنده استعداد يكعد ساعات يتعارك

ورا ساعتين اجو الولد كلهم ما عدا ايڤار لان
جَلنار دوامها مسائي واخواتها وطيبه موجودات بيتها.

كعدوا كلهم بصاله ومن هوسه الأطفال ما افتهمت شي بس صوت ضحكهم لا إرادي
يخليني افرح واحس بسعادة.

ترخصت منهم ومشيت للمطبخ ورا دقايق دخل ايان وحمزه سحبوا كراسي وكعدوا يمي
بس كعدوا دخلت وهجَ وعلي هم كعدوا يمي بالمطبخ واني احظر الأكل التفتت على صوت ايان..

ايان:: ليش ما جاي تجين البغداد ؟

جوائح:: مرتاحة هنا ماريد ارجع هناك
وانتم بين فترة وفترة جاي تجوني

وهجَ:: مفتقدينج بتجمعات العائلة من عرس غفران بعد ما اجيت صار الج شهرين ونص
على اقل تعالي يوم يومين وارجعي

حمزه:: هي علمود العرس اجت لو مو العرس ما تجي

جوائح:: ماكدر صدكوني من اروح اختنك احب لمتكم واريد ابقى يمكم بس ماكدر هنا مرتاحه صح محد موجود يمي غير حمزه وعلي من يسخت يجي هنا بس افضل من بغداد وذكرياتها.

هنا اني كدرت استقر وارتاح نفسياً وجسدياً
كدرت احقق جزء بسيط من حلم طفولتي
كونت صدقات صرت احسن من قبل وعفت الاشياء الي تضرني المسكنات والتشريح وغيرها هنا فعلاً تغيرت للأفضل...

::- نزلت دموعي واني احجي كام ايان من مكانه حضني وكال

ايان:: لا تبجين مادام مرتاحه هنا ابقي بس خليها بالج كل خميس تجتمع هنا منا ورايح بيتج ما يفرغ كلنا يمج

علي:: واكبر دليل مستمرين يخلفون حتى خاف اكو مكان فارغ بالبيت يحطون الجهال بي

حمزه:: وسم شبيك تركض ورا اليخلفون

علي:: احتراماً العمرك الثلاثيني راح اسكت

حمزه:: غصباً عليك

::- نرفز حمزه خلا يكوم يله سكت ضحكت عليهم وايان مسح دموعي ولحكهم

::- كامت فاطمه تساعدني والبنات يصبون الاكل والولد يخلونه على سفره بس كملوا كعدوا كلهم يأكلون وعهد مگابل مجتبى ابن ايان يأكلون بنفس الماعون ويسولفون بيناتهم كأنهم بعالم ثاني وايان يراقبهم مبتسم وبعيونه حچي

متأكدة من يشوفهم سوه يتذكر صداقته وهو فرات رغم مر سنوات على وفاته بس لحد اليوم يذكرونه وكل خميس يتجمعون الولد ويوزعون مساعدات غذائية وي مبلغ ويوزعونهم على عوائل المحتاجه بثوابه وكل فترة يروحون يكعدون يم گبره ويبقون ساعات هناك كلهم بدون استثناء كل خميس هيج..

اما اني دائماً اشوفه بأحلامي شايل طفلتنا
ويضحك ممكن تخطيت بس مستحيل أنسى ايشي ودائـمـاً والآخــر يـوم بـعـمـري راح اشـوف فـرات بـعـهـد..

رحمه:: ويم صافنه جوائح ؟

- جاي افكر بشغلي

استبرق:: من رخصتكم نريد نكول شي.

::- ضحك وسام وايان دنگ بالكاع يخفي ضحكته وانمار يباوع عليهم خافي ضحكته كالت رحمه..

رحمه:: الصبح رحنا العيادة عمتي نيرمين وعرفنا جنس الأطفال..

- اي خلونا نشوف احجوا بسرعة

رحمه:: استبرق حامل بتوأم بنوته أو ولد
وهجَ حامل بنوته واني ولد

علي:: زين زين اكو ثنين ولد صاروا اربع ولد والبنات خمسه

وهجَ:: ومتأكدين غفران حامل بنوته هم

اسامه:: صاروا سته

علي:: سته زائد اربعه

اسامه:: عشره

حمزه:: أتراجع بكلامي اقتنعت بكلام علي
لا تخلفون بعد

::- خزرهم انمار سكتهم واني افكر بكلام هذيج المره شلون تعرف كلشي استغفرالله..
ضليت أفكر بكلامها حتى بعد ما راحوا ما راحت من بالي اذكر كلمتها.
( غريب مو على بال كدام العين)

اذا كلامها صح يعني تقصد شخص غريب عني بس كدام عيني بمعنى اشوفه بس مو على بالي ولا مفكره بي...

بعد تفكير طويل نمت ثاني يوم الصبح كعدت على صوت تليفوني طفيت المنبه وكمت حظرت نفسي وطلعت عهد راح من البارحة وياهم وحمزه طالع من الفجر للدوام

رحت الدوامي للعصر للمغرب رجعت واليوم ما شفت بهاء وهذا شي خلاني اول ما وصلت للبيت ادخل على انستا واشوف ناشر شي او لا وفعلاً طلع ناشر

دخلت على ستوري مالته ناشر صوره ومكتوب عليها
"وراها تعيش لكن گلبك يموت"

والستوري الثاني صديقه وزميلنا بالدوام مسوي تاك اله على صورة بهاء وهو بالمستشفى مسوي تخطيط القلب
بدون ما اتردد كتبت اله

- الحمدلله على سلامة

::- طفيت التليفون والبيت فارغ تماماً قفلت الباب ودخلت غسلت ملابسي بين ما اذن صليت ونمت النص الليل كعدت فتحت التليفون ونزلت اجيب شي اكله لمحت باب غرفة حمزه مفتوح على النص وطالع صوت أغنيه من غرفته

سافر وكليي راجعلك اني اكيد
راح وبعد ما جاني خلاني
عايش وحيد
يا طير من يرضاها ايامنا
ينساها والعشرة ما تهون
الا على ابن الحرام

::- مخلي راسه على مخده وعيونه معلگه بسقف دفعت الباب ودخلت

جوائح:: انخوك تسمع اغاني وكذا

حمزه:: امشي طلعي خليني انام

- تنام وانتَ تسمع حاتم العراقي عزيزي كوم خلينا نطبخ شي والله جوعانة

- طبخي انتِ اني اريد انام

- كوم حمزه كوم

::- سحبت الغطه منه طفر رأساً طلع كدامي واني ورا سوينا اكل وكعدنا ناكل سوه وهو خلص ونام غسلت مواعين وصعدت الغرفتي

تمدتت بمكاني فتحت تليفوني شغلت النت نزلت الاشعارات دخلت على محادثه بهاء كاتب

- الله يسلمج أخذت أجازه من الدوام
والملف **** خليته عد شيلان تنطي الج

- ليش شبيك ؟
- عضلة القلب تعبانه وشويه حبشكلات طيحو حضي

- اركعه لعد اهتم بنفسك وأن شاء الله تتحسن

::- اختصرت الحديث بعدها مرت الأيام صار كل يوم يسأل عني او يفتح موضوع بخصوص الشغل بعدين يصير يسأل عن وضعي وطول الفترة هاي لاحظت هو هامله صحته الى ابعد الحدود كلته

جوائح:: بهاء انتَ مهمل وين امك

بهاء:: امي متوفيه من جنت بعمر العشر سنوات

- الله يرحمها اسفه ذكرتك بيها

- ولا يهمج جوائح

- زين اخواتك اخوانك ؟

- اختي متزوجة وعايشه بغداد واخواني من مرت ابوي عايشين وي امهم نادراً اشوفهم

- عايش وحدك ؟
- اي

- ليش ما تعيش يمهم مو افضل ؟
- هو ابوي اختار يتزوج ويعيش حياته بعيد

- لعد خليهم على صفحه اهتم بنفسك مو جنت تنصح بيه التزم بعلاجك بهاء

- أن شاء الله
بهذا الوقت أنتِ تكتبين صح ؟

- اذا بس ماكدر اكتب عقلي مشوش انتَ تكعد تقرا ؟

::- فتح رساله وما رد دقيقه دزلي صورة المكتبه بغرفته بيها كتب روايات بس كلها عن اهل البيت وزمن الرسول

- تقراهم كلهم وعن شنو يحجون بضبط ؟

:- ورا دقايق دزلي فيديو اله مثبت التليفون وهو يطلع الكتب ويحجيلي عنهم

مثلاً هذا مال مناظرات يعادل عشر كتب وهاي الموسوعة اجزائها من الواحد للعشرين وبعد نقص خمس أجزاء وهذا كتاب فاطمة الزهراء ( ع)
وهذا الثاني هم وهذا الجواهري
وهذا كتاب خلفاء الرسول يعني هيج كتب احب وهاب الكتاب هم و......

::- طول الفيديو يشرح الي عنهمم

جوائح:: ما مجربه اقرأ هيج كتب

بهاء:: اذا حبيتي تقرين مكتبتي المتواضعة كدامج

-: لا إرادياً ابتسمت او بالأصح طول المحادثه اني مبتسمه نهيت المحادثه وطلعت حسيت بشعور غريب وحلو وبنفس الوقت شي بداخلي يخليني اتردد اخذت نفس وطلعت للصالة شالت عهد أخذته للمطبخ وهو حاضني

سويت اله فواكه وكعدت اني بالحديقة
حسيت بي شي كلت

جوائح:: عهد حبيبي شبيك ؟

عهد:: اكلج شي بس ما تزعلين ؟
- اكيد حبيبي احجي

- ليش كلهم عدهم اب واني لا ؟

-: كلمته حسيتها سهم بگلبي حرت شنو اجاوبه واكله حضنته وهمست

- مو عندك عمو وسام وعمامك البقيه كلهم
علي موجود جدك موجود كلهم يمك واني هم

- ادري بيهم احبهم اني بس اريد اب مثلهم ليش احنا وحدنا ماعدنا اب بس خالو حمزه ويانا اخوج هو مو ابوي اني اريد اب مثلهم

::- رفعت راسي امسح دموعي لمحت علي وگف باب بيتنا دفع الباب ودخل

علي:: ولك عهددد اجيتككككك

عهد:: انخوك ولك

::- طفر شمر نفسه بحضنه يضحك باوعلي علي وهز رأسه بمعنى اني احجي ويا اخذه ودخلوا جوه شلت الأكياس الجايبهم مليانه ألعاب وحلويات وملابس العهد والي هم

خليته يحجي ويا وكعدت وحدي
حسيت نفسي جنت محتاجه ابجي بجيت وقت طويل لحد ما صوتي انبح وراسي صدع

مسحت دموعي من شفتهم طالعين من البيت بيدهم تليفون فاتحين مكالمه

عهد:: جوجو غفوره تريد تحجي وياج

::- انطاني تليفون وراح يركض باوعت عليهن كلهن كدام الكامره حسيت عدهن شي

جوائح:: شعدجن ولجن البارحه نحجي

غفران:: فاطمة حاااااااااااااملل

فاطمة:: اسكتي لا تخليني اكتلج

جوائح:: الف مبروك حبيبتي ما شاء الله تبارك الله كلجن حوامل

رحمه:: قربت ولادت وهجَ واستبرق واني وراهن غصباً عليج تجين يمنا

- هو هم هيج وغصباً عليج تستقبليني بيتج

- هههه ما تفوتها الج

::- ضليت احجي وياهن وقت طويل
وشيلان كاعده وراهن تحجي هي واستبرق وجيهان طابكه وياهن

::- سديت المكالمة ورحت انطيته الهم
كلام عهد خلاني اراجع نفسي وانتبه اله أكثر

وهيج مر شهرين واني بنفس الروتين استبرق جابت ( مصطفى وراء)

وهجَ جابت ( هيا ) هذا الاسم فرات جان مختاره الطفلتنا او وسام سماها بهذا الاسم.

اما غفران حملها متعب بس افضل شي بطلت تعض العالم

وفاطمة من دخلت الشهر رابع أتأكدنا حامل بتوأم من حجم بطنها انسحبت من يمهن ورحت الغرفه وهجَ اول ما فتحت الباب لمحت

عهد كاعد على جرباية مقابيل هيا بنت وسام
ولازم ايدها بس شافني گال

عهد:: جوجو تعالي شوفيها تضحكلي

جوائح:: حبيبي عوف ايدها صغيرة ما تتحمل
ثاني شي ملاحظ نفسك اربعه وعشرين ساعة كاعد يمها خلينا نرجع للبيت

- لا ما اروح ابقى هنا ماما

- صارت بيها ماما مو

حبيبتي جوجو حباب عوفيني هنا

:- دخل وسام يضحك عرفته سمع كلامه

وسام:: عوفي يمها لو مو ابن اخوي اشحته بس ابن العزيز هذا

عهد:: عمي بنيتكم حلوه تضحكلي

وسام:: بعد عمك لا نخبلني كول اختي مثل اختك بنيتنا حتى ما اشد كرون

عهد:: لا مو بنيتنا بنيتكم انتم اخذها وياي اذا ما تخلوني يمها مو جوجو

::- غمزلي ويسوي حركات بعيونه بمعنى كولي اي

جوائح:: اي نأخذها ويانا بنت اختي تره

وسام:: بنت اختج بنتي ما انطيها الكم وعلي

عهد:: موو بكيفك جوجو تأخذها ويانا

::- على صوتهم دخلت وهجَ طفر عهد يشكي الها وهي صفت ويا على وسام

وهجَ:: زوجي العزيز ممنوع تعترض بنت خالته وبنت عمه شوكت ما يريد يبقى يمها وإذا يأخذونها البيتهم اقبل

وسام:: بنتي ما انطيها زوجتي العزيزه

جوائح:: انتم عزيز وعزيزة خلوني اروح وابني
اذا يكشي منكم تنگتلون متفقين

وهجَ:: متفقين ياختاة

وسام:: متفقين متفقين

:- اتقربت بوست هيا وطلعت وهمه واحد ناصب على الثاني وسام يشاقه وي عهد وعهد من كل عقله يريد يجيب هيا ويا من جانت وهجَ حامل بيها هو يروح يبوس بطنها ويكللها تجي طفلة صغيرة وفعلاً اجتها طفلة وهسه من ولادتها لحد اليوم هو وقته يمها..

رحمه:: راح تروحين ؟
- اي لازم اروح صارلي عشرين يوم هنا حتى طاقتي خلصت.

فاطمة:: اني هم اروح البيتي

غفران:: اني هم

جَلنار:: عفت طيبه وجيهان بالبيت هسه يحركون المطبخ

رحمه:: جُواهر وينها

جَلنار:: بالشغل وطيبه اليوم ضربت الدوام هي وعلي

غفران:: طيبه صيدليه شلون تغيب

فاطمة:: اسومات كال علي قنعها ما يروحون

جوائح:: علي كارثه وينه هو

رحمه:: بيت اهلنا كاعد يغسل السيارات وجهال ويا

:- طلعنا كل وحده راحت البيتها واني رحت البيت اهلي قبل لا ادخل سمعت صوت الأغاني وضحك جهال دفعت الباب ودخلت لمحت علي كاعد على سيارة وصونده بيده يرش ماي وجهال يركصون واسامه يجلف بسياره وراجح وحمزه كاعدين يباوعون والأغنية صوتها عالي اشر علي على اسامه

- عمامك تخلس العايل بالعيون ويدهنون بتفگهم

اسامه:: بنعل يدهنون

حمزه:: هم حاسبين روحكم عدكم عمام

جوائح:: شصاير هنا يمعوديننننن

علي:: نغسل السياره

اسامه:: صحيح والله

::- طفروا طفوا الاغنيه جاي احجي وياهم طلعت سجى من البيت اشرت الي تعالي عفتهم وراحت الها

سجى اختنا بس من زوجة فارس الثانيه
بعد وفاة أمها ربت عد اكبر وحده بنات فارس
وقبل كم شهر فارس جابها هي وأخوها حتى يعيشون ويا ومن اجت لليوم ما تختلط بأحد بس وي وهجَ ودائماً تروح البيتها اما أخوها او بالأصح اخونا أبا الفضل عكسها من البداية اندمج وي الولد والحقيقة إلي ما اكدر انكرها سجى نسخه مني بشكل والتصرفات ..

اتقربت منها كالت

سجى:: راسي صدع من وراهم اريد اطلع

جوائح:: روحي يم البنات ليش خاتله هنا

- ما خاتله بس كلهم متجمعين هنا استحيت اطلع

- تعالي اطلعي عادي
- روحي وياي
- اوصلج واريد اطلع للديوانية

- ترجعين ؟
- لا للأسبوع الجاي ارجع

::- هزت رأسها بمعنى اي طلعنا اني وياها مرينا من بيت فاطمه صادفنا ابن عمها ويا أختها اديان سلموا علينا وراحت باوعت عليه سجى وكالت

سجى:: هذا الولد نفسه الركعته ذاك اليوم

جوائح:: اي احمد ما راح تتخطين ذاك الموقف

سجى:: نهائيا كل ما اذكر شلون اركض ورا جلب وشلت طابوكه اريد اركعها بي واجت برجل هذا الولد اغم روحي منين طلع مادري

::- ضحكت عليها وصلتها البيت وهجَ ورجعت رزلت علي وأخذت أغراضي خليتهم بسيارة حمزه لان اجيت ويا بس صعدت سياره نمت
من وصلنا كعدني وهم رجعت نمت من تعب

ثاني يوم بعد ما خلص دوامي طلعنا اني وشيلان أخذها زياد وراح واني رجعت للبيت

لگيت حمزه نايم وبصفه عهد هم نايم وصوت حركة بالمطبخ مديت رأسي صارت طيبه كدامي

طيبة:: سويت مداهمة البيتج

- اول مره اشوف مداهمة هادئة شوكت اجيتي

- الصبح اليوم جمعة وكلت اجي وي عهد لان نفسيتي تعبانه أريد أغير جو

- اخذج المكان ؟
- حلو ؟
- بدون شك
- لعد اخذيني

-: خليتها ودخلت غرفتي غيرت ملابسي واتصلت عليّ

فتح خط حجينا شوي بعدين ذكرت على شنو اتصلت كتله

جوائح:: انتَ يم اختك ؟

بهاء:: اي محتاجه شي كولي ؟
- لا بس اريد اروح للمشتل اذا محد موجود هناك

- موجوين اخواني الاثنين هناك بس روحي عادي يعرفونج

- يعرفوني منين ؟
- شسمه من نروح هناك يشوفون الكاميرات ويسألون يعني

- اها بس مو وحدي اروح وياي شخص

- شخص ؟
- اي

- عادي ماكو مشكلة بس هذا شخص قريب منج يعني ؟

- اي

- تمام

::- قبل لا انطق سلم ونهى المكالمة ضليت صافنه ما مستوعبة شي شمرت تليفون على جريابة وأخذت الثاني وطلعت. اخذتها للمشتل
عندي نسخه من المفتاح فتحت الباب ودخلت ماكو أي أحد من اخوانه. توقعت راحوا

وطيبه بس شافت المكان شهكت وكالت

- عزاااا جوائح المكان يشبه الحديقة السرية

- متأثرة بسببستون أنتِ

- اخذت فره على كل المكان لزمت حمامه بيضه بيدها باوعتلي تضحك عفتها ورحت للغزالة لگيت بصفها غزلان جدد وياهن وحده صغيرة خفت اتقرب

منهم انتچيت على حايط ارقبهن كامت غزالة بهاء ابتعدت عنها وهي اتقربت باتجاهي ضليت واكفه وهي تتقرب مني ماعرف شلون خليت ايد عليها سويت نفس الحركة الي دائماً يسويها الها صاحت طيبه بصوت عالي الي التفتت عليها تسولف وياي من بعيد ما احس غير الغزالة الصغيرة ركضت باتجاه طبيه

وهي بس شافتها كامت تركض وتصيح
اريد احجي ماكو لزمتني الضحكة على ركضتها طلع ولد من داخل للبيت ميت ضحك وگف كدام طيبه وهي صارت ورا تصيح لزم الغزالة وگال

- كل الخوف هذا من ورا غزالة والله جريمة

جوائح:: دقيقه منو انتَ اخو السيد ؟

- أنتِ غزالة السادة

:- قطع كلامه صوت شخص ثاني من داخل للبيت

- اليأسسس

- اقصد الغزالة اليمج أعتذر خويه اني اليأس اخو بهاء وهذاك الجوه هم أخونا بس يستحي يطلع

طيبة:: شنو منو ياهو انتم

جوائح:: اهلاً بيكم خويه
تعالي هنا طبيه

اليأس:: أخذوا راحتكم بس ادخلهن للقفص

::- اخذ الغزلان الجدد خلهم بقفص جبير وخله غزالة بهاء بمكانها وألتفت باوع على طيبه بنظرة سريعة ومشى باتجاه البا اجت بصفي ترجف أشرت على نفسها

طيبه:: س....

::- لزمت ايدي ترجف مافهمت شنو تحجي سحبتها الحضني احجي وياها ألتفت اخو بهاء علينا

اليأس:: شبيها خويه

جوائح:: مادري بي اوكفي شبيج طيبه

-: كعدتها على كرسي راح جاب ماي من ادخل وأخو الثاني طلع بدون اي مقدمات گال

- بيها سكر ؟
جوائح:: اي اي نسيت

- مرخصتج شويه
::- اشر الاخو يجيب شي من داخل البيت دقيقه طلع بيده جهاز السكر شربتها ماي وغسلت وجها وهو قاس السكر مالتها وگال

مُلهم :: اشربي ماي بعد سكرج صاعد
اتنفسي بعمق وكومي تحرگي شويه

::- شربت ماي مره ثانيه وكومتها تمشي شويه وهمه ثنينهم مندنگين بالكاع واني حتى لوني نخطف لو ادري يصير هيج ما اجينا بس صارت احسن تشكرت منه وهو كال الها

مُلهم:: انتِ طالبه بكليه****

طيبه:: اي

::- هز راسه واترخص حتى يروح بس دخلوا جوه عافتني وراحت يم الورد خليتها ترتاح نص ساعة ورجعنا البيتنا ولحد الان عهد وحمزه نايمين

خليت طيبه تتمد وكعدت يمها اشتغل ورا شويه كعدتهم خليت حمزه يجيب اكل بليل اجه علي ياخذها وعهد كال

عهد:: اروح وياج طيبوبه

- لا حبيبي ابقى يم امك
- حبيبتي امي بس اريد اروح لبنيتكم

حمزه:: يا طلابة ابنيتهم الما تخلص

علي:: شلون ما اشوف يصير مثل راجح

حمزه:: اول مره اتفق وياك

جوائح:: عهد ما تروح

عهد:: جوجووو معليج اروح

- مااا تروححح

- اروحححح
- مااااا تروححح

- اروحححح

- عهدددد

- جووووجووووو

طيبه:: باجر يرجع خلي يروح

- أخذوا واني اعلمك بعدين

- احبكي جوجو

::- طلع يركض كدامهم بس راحوا كعدت
احجي وي شيلان وبنص حديثنا اتصل بهاء وجاوبته

بهاء:: مساء الخير ست جوائح
- مساء النور مستر بهاء

- شلونها صديقتج ؟
- شلونها وصديقتي !

- اقصد شلون صارت اخواني كالوا تخربط وضعها

- زينه الحمدلله ومو صديقتي بنت عمي
- اها الحمدلله شلونج انتِ

- عوفني اني المهم سألت صديقتي
لازم انام نعسانه تصبح على...

- اوكفي بس انطيني مجال والأمير همه واكفين فوك راسي اتصل وأسأل

- اخوانك ؟
- اي مُلهم

- اها فهمت الهم اريد انام

- اريد شويه من وقتج وبعدين نامي اذا ممكن

- تمام بس مراسلة أفضل.
-: سديت المكالمه منه كتب

بهاء:: بيج شي ؟
- لا ليش
- حسيتج مو تمام
- لا تمام احجي اسمعك

- جوائح لا تفهميني غلط بس اريد اعرف
طاحه براسج فكرة الزواج مره ثانيه ؟

- لا اكيد عندي اشياء اهم من هاي الفكرة

- تمام و..

- لا تعتذر أعرف شنو ردت دكول اعتذر

- شلون عرفتي ؟
- ممكن لان صرت اعرفك أكثر وصراحة مرات أحسك انسان غريب ومرات احس..

- اي كملي ؟

- احسك لوتي ماعرف بس احس بيك عندك حقارة واعتذر عن هاي الكلمه بس الحقيقة هاي دائماً تحاول تنرفزني واي محقق يشتغل وياي تدخل وتأخذ مكانه

- صحيح كلامج اني شفت وعشت اشياء خلتني حقير بس

بهاء::انــتِ الوحـيـده الـي اعـوف شـخـص الحـقـير البـداخـلي واتـعـامـل ويـاج بـگـلبـي.

جوائح:: هاي عود انتَ سيد وتحجي هيج

- واذا سيد شحجيت هسه اني ؟

- روح نام بهاء خليني انام.

::- طفيت تليفون والتفتت اباوع على المرايه
الابتسامة مرسومة على ثغري وأحس بدگات گلبي

مانكر كلامه خلني افرح بس خفت اورط نفسي واتعلق بوجوده خليت راسي على مخده احتلني شعور فرح وخوف بنفس الوقت ماكدرت انام للصبح افكر وقبل لا يطلع حمزه لحگته وگلت

جوائح:: حمزه اريد انقل المركز**

حمزه:: انتِ شعندج وي نقل صاير شي وياج بالمركز ؟

- لا بس اريد انقل
- خلي احجي وي ابوي ونتفاهم

-: بس طلع فتحت تليفوني وحظرته من كل البرامج خفت من مشاعري وفكرت الابتعاد افضل حل وفعلاً ما دوامت مر يومين على آخر محادثه بيني وبينه وبيوم الخميس

الكل مجتمع يمي بالبيت تقريباً ساعة ثمانية بليل اجت مكالمة الأبوية لا ارادي اجاني شعور غريب وزاد شكي من فتح خط ابوي يحجي وي المتصل ورفع عينه يباوعلي وكام طلع من الصاله لحگته امي

رحمه:: شبيج لونج انخطف
جوائح:: ماكو شي شبيه يعني كايمه اجيب ماي واجي

::- طفرت للمطبخ لحگوني البنات للمطبخ طلعت ماي اشرب شويه ودخلت امي باوعتلي وگالت

نيرمين:: تعرفين واحد اسمه بهاء الدين ؟

جوائح:: ها لا ما اعرفه بس اتوقع ويانا محقق بهيج اسم

- متأكدة ؟
- اي ليش

نيرمين:: ابو بهاء الدين خابر ابوج يردون يجون يخطبونج

::- حسيت احد ضربني على رأسي توقعت كلشي الا هذا شي ضليت صافنه بوجه امي

رحمه:: وشكال عمي محمد ؟
- ما كال شي مايكدر يكول لا تجون باجر نشوف شيصير بس خليج صريحة تعرفينه لو لا حتى احجي وي ابوج

وهجَ:: شتحجين ويا يما صدك جذب
اكو سيد يريد يخطبها شيلان كالت خلوا يولي هذا

نيرمين:: سيد هذولة هم سادة

استبرق:: والله ؟

رحمه:: اذن هو نفسه الحجت عنه شيلان

جوائح:: اصبرولي استوعب شتعرفون بعد انتن ؟

- كلشي ما نعرف بس هاي هو سيد وبس

::- باوعتلنا امي وطلعت واني من صدمه حتى الكلام ضاع مني

رحمه:: اعترفي تعرفينه؟

جوائح:: جيهان جيبلي تليفوني بسرعة

::- جبت تليفوني أخذته منها فتحت الحظر ودزيت رساله اله كتبت

جوائح:: موجود ؟

- راساً فتح رساله وحظرني من الواتساب خلاني افور من الحركة ورا دقايق دزلي رساله من انستا كاتب

بهاء:: موجودة ؟

- فتحت رسالة وحظرته ضليت طول الليل انام واكعد لحد ما طلع صبح اول ما طلعت لگيت اخواني كلهم كاعدين وكلهم يباوعون صفح حتى ايڤار عبالك مسويه شي

ولان كلهم باتوا هنا البيت فوضه البنات ينظفن واني ما اعرف رأسي من رجلي بليل اجت اخته وبيبيته وابو وهو لان ابوي طلب يجي

كلشي جان غريب عليه كأني اول مره اعيش هيج شي وفعلاً أول مره اعيش أجواء الخطوبة لان بزواجي من فرات جان إتفاق من البداية ما حسيت بشعور الي جاي احس بي حالياً

::- بس راحوا اجتني امي للغرفة كالت

نيرمين:: ابوج كال الهم اسبوع وارد الكم خبر لازم نسائل عنهم

جوائح:: ما موافقة اني

نيرمين:: اني امج واعرفج لا تكذبين عليه غطي راسج ونامي

:- سدت الباب وطلعت ورا كم ساعة راسلني رقم القديم الي چان يدز رسائل الي بكل عيد ميلاد الي مكتوب بيها

- ايدي راحت من ورا اخوانج
جوائح:: منو انتَ ؟

- بهاء

- دقيقه انتَ الي هذا؟

- اي اني الي ادزلج رسالة كل سنه بعيد ميلادج من ست سنوات

- بهاء شنو سالفتك انتَ فهمني تره تعبت واني احاول افهمك

- احجيلج سالفتي بس مو هسه انتظري الوقت المناسب وهسه احجيلي انتِ اخوانج شنو سالفتهم ايدي راحت كل واحد يلزم أيدي يعصرها بقوة شويه ويكسرونها استغفرالله آشور بيهم والأمير علي

- زين ايدك بس المره جايه يكسرونك انتَ
اخواني يغارون وما متعودين شخص غريب يدخل عائلتهم لهذا راح تأكلها والعلمك كلت الوالدي ما موافقة اني

- لا جذبين الجذاب حرام

- على أقل مو علوية واكعد اتعامل وي العالم بگلبي

- اي احسن ما اتجاهل وجود العالم ست سنوات ولا كأنهم كدامي

- شوكت متجاهلتك اني

- خليني ساكت خليني

- وخر منا خلي انام

- روحي نامي بس عليج الأمير علي صدك رفضتي ؟

- لا تحلفني ما اكلك
- بداعة عهد
- ما كلت شي ولا فتحوا الموضوع وياي عود يسألون عليك وبعدين ارفضك خليني أعرف كم معلومة عنك

- أمري الله نشوف شيصير

- تفاعلت برساله وطلعت الحجي بيناتنه احس
بشعور حلو بس الخوف مسيطر عليه ..

بعد هاي المحادثه ما حجينا بهذا الموضوع
بقى ينتظر رد ابوي اما اخواني طول الاسبوع هذا ما يتحاجون حتى ببيوتهم كالبين خلقتهم وحمزه يمشي ويخزر بيه

وبيوم الخميس بتاريخ 2025/5/22

دخل ابوي البيتي سلمت عليّ وكال

محمد:: اكو احد هنا ؟

جوائح:: لا
- تعالي وراي

::- مشيت ورا كعدت بصفه أخذ نفس وگال

محمد:: السيد زميلج
- اي بس زميلي ما اعرفه معرفه شخصية

- شوفي اني سألت وتأكدت بنفسي عائلته خوش ناس وبعد همه ساده مشتغل على نفسه عنده شركة توصيل وفاتح مشاريع صغيره يساعد الأطفال بيها ومحقق جنائي

كلشي تمام ماكو شي سلبي واني بالبداية ما اعترضت طريقج بس هاي المره تأكدت بنفسي
اذا موافقه بيها الخير واذا ما موافقه هم بيها خير

بليل اريد جواب منج حتى انطي خبر للعالم خابروني من صبح

::- ضليت ساكته وياريت اطم روحي من المستحه احس غريب استحي واخجل اني والله وكت

بس راح كعدت افكر لحد ما دزيت رسالة
اله كتبت

جوائح:: بهاء ؟
- عـيـونـه
- استغفرالله مو سيد انتَ
- راح اشك هدومي من وراج واذا سيد

- اسمع عندي شرط
- وهو
- نفترض وافقت اني بس اريد فترة الخطوبة طويله يعني عادي اربع أشهر وأكثر

- شهر سنه عادي انتظرج ومستعد انتظرج عمري كله المهم موجودة انتِ

- مـوافــقـة

::- فتح رسالة وما رد ايديه ترجف وگلبي يدك بقوه ورا دقايق كتب

سنين واني انتظر هاي الكلمة واليوم بموافقتج أحس كل لـحـظـة صـبرت عـليـهـا صـارت لـهـا معنى انـتِ حُـلمـي الانـتـظـرته سـبـع سـنـوات

:- ومرت الأيام بشكل حلو وجانت احلى ايام بحياتي وخلال هاي الفترة قرر ايڤار يسوي عرسه هو وجَلنار لان همه ماسووا عرس

وعرسهم صادف يوم 6/6

وقبل عرسهم جابت رحمه ( أبا الحسن)

اما غفران جابت ( فرح)

وفاطمة جابت ( منى علي)

اما شيلان وزياد تزوجوا وحالياً حامل

حياتهم هادئة وعايشين أيامهم بفرح
بعد تعب طويل اجتهم ايام حلوه

::- رفعت راسي على رحمه تباوع عليه مبتسم التفتت على بهاء كاعد بصفي ركزت وي صوت الشيخ وگلت

جـوائـح:: نـعـم انـت وكـيـل

::- بس نطقة هاي الكلمة أخذت نفس براحة
نزلت عيوني على ايده بيها رجفه ويحاول يخفيها بس خلص كلشي طلع ينتظرني نزعت شال وطلعت ورا وصوت ضحك البنات مسموع

بس رفع راسه شافني كدامه اتقرب مني
بلعت ريگي متوترة من قربه ابتسم صدت عيونه بعيوني

بهاء :: 2228 يوم واني انتظر هذا اليوم

::- تسارعت دگات گلبي حضني وگال

- انتظرتج هالسنوات كلها وبالاخير صرتي مـرتـي من الـيـوم الـغـزالة ام سـاده.

- مبـروك يا ابـو الـسـاده

- الله يبارك بيج ام الساده

::- طبع بوسه على خدي وكال

بهاء:: تعالي نكعد هناك احجيلج سالفتي

جوائح:: اي عفيه من زمان انتظر تحجيلي

::- لزم ايدي ومشى باتجاه نهاية الحديقة كعدنا بالگاع انتچه على شجره كعدت كدامه لزم ايدي وهمس

بهاء:: قبل سبع سنوات شفت وحده واكفه باب مركز*** تحجي وي احد الضباط باوعتلي ودارت وجها عني لفتت انتباهي عيونها السوده وحاجبها ونظرتها الحاده ضليت اباوع عليها واتمنيت تلفت مره ثانيه باتجاهي بس هي جانت تتعارك ومامهتمه الأحد ومن ذاك اليوم صرت ارقبها من بعيد طول ما هي بالدوام واحنا بنفس المركز

أكثر من مره جمعنا حديث بس بكل مره جانت ما تشوفني ولا يلفت انتباها شي كأنها بغير عالم ضليت ارقبها لحد ما اقتنعت اني عاشگ
ام عيون الحلوه وبيوم وليلة اختفت ما شفتها سألت عليها وعرفتها متزوجه وفوك هذا حامل

نعلت شيطان وابتعدت عنها بس سمعت عنها مسويه حادث وبالمستشفى رحت اشوفها ولان اختي تشتغل هناك دخلت بسهولة وضليت كل فتره اشوفها وأعرف وين تروح وتجي بسبب اختي هبه

كل المقربين مني وزملائي عرفوني احبها
بس جنت مجبور ابتعد ورا سنتين عرفت بزوجها متوفي وعرفت ابنها عايش ما حاولت اتقرب منها بس رجعت الشغلي وصارت

تسولف وياي وضليت كل فتره او كل شهر اشوفها إلى أن قررت ابادر وسألته حاطه فكرة زواج براسج ورفضت وبدون سبب ركعتني حظر من كل المواقع وهم ما عفتها حجيت وي والدي وخطبها واليوم صارت حلالي ما انتظرتها هواي بس سبع سنوات

جوائح:: اوكف اوكف يعني تحبني من سبع سنوات تحجي صدك

- وعيونج
- بهاء صدك تحجي ؟

- والأمير علي من سبع سنوات عاشگج
وحق جدي رسول الله أحب الغزلان لان عيونج تشبه عيون الغزال عرفتج تحبين ورد جوري وسويت مشتل كامل بأنواع الجوري علمودج

::- مد ايده بجيبه طلع الضرف الاببض الي شفته بسيارته فتحه وطلع صورتي الموجودة بالملف السيرة الذاتية مالتي مستنسخها سبع مرات

::- رفعت عيوني اباوع اله مصدومه نظراته وكلامه كلشي جان يشرح حبه إلي وتعبه من الإنتظار الاول مره احس نفسي سويت شي صح من وافقت ومتاكدة طول عمري ما راح اندم على ختياري

كل مشاعر الحب والفرح والسعادة حسيتهم ويا وبدون ما احس تعلقت بوجود بهاء وحبيته

::- حضنته وعيوني دمعت بدون سبب حضني بقوة وهمس

بهاء:: عـاشـگج اني يا ام الــسـادة

كان لقاؤهما الأول كوميضٍ عابر، لكنه ترك في قلبه نارًا لا تنطفئ. نظرة واحدة من عينيها كانت كافية لتبدّل ملامح عمره، وكأنها وعدته بصمتها أن تكون له يومًا ما. مرّت السنوات سبع كاملة لم ينسَ خلالها تلك النظرات كان يعيش على ذكرى عينيها كمن يتنفس الأمل بين رماد الأيام. كلّ حلمٍ فيها كان وجهها وكلّ انتظارٍ كان طريقًا إليها. وحين أعادها القدر إليه، رأى في عينيها ذات البريق، كأنها لم تغب يومًا وكأن سبع سنينٍ لم تمرّ إلا لتثبت أن الحب الحقيقي لا يشيخ، بل يزداد صدقًا كلما طال الانتظار.

كتبت آخر سطر وتركت الكتاب مفتوح رفعت راسي اباوع من شباك لمحت سيارته وكفت كدام الباب نزل هو وعهد نزلت اركض
فتحت الباب ركض عهد شمر نفسه بحضني

عهد:: جوجو حبيبتي

جوائح:: عهدي الحلو

بهاء:: اجينا نشوف ام عيون چتاله

-: حضني من كتفي مبتسم اخذ عهد من حضني ودخلنا للبيت كعد بصاله وعهد راح الغرفة حمزه يكعده استغل الفرصة وباسني بسرعة وابتعد

بهاء:: شوكت يجي يوم 6/6 واحطج بيتي

جوائح:: بعد هواي العرسنه اليوم 2025/10/26 وعرسنه يوم 2026/6/6
بقى كم شهر أنتظر

::- باوعلي صفح ما مقتنع ضحكت وكمت من طلع حمزه ورا علي شايل عهد كعدوا يم بهاء
خليتهم بالبيت وحظرت نفسي علمود اطلع وي اخواتي بس اجت رحمه صعدت وياها والبنات حتى منى رجعت من خارج العراق فترة وترجع بس المهم كلهن موجودات ويانا. خلينا الولد وجهال بالبيت وبهاء صار جزء منهم وعهد فرحان بي

طلعنا الكربلاء وبس وصلنا زرنا سوه
وكعدنا سوه صفنت رحمه وگالت

رحمه:: آخر مره اجيت دعيت المره جايه نـجيي سوه وفعلاً هاي المره اجينا سوه والتم شــــمـلـــنــا..

وقبل لا نغلق صفحات جوائح الدهر
خلوني اعرفكم على الأطفال لان ما شاءالله هواي همه

رحمه وانمار
( ملاذ وأبا الحسن)

استبرق وايان
( مجتبى ريم ريمي رواء ومصطفى)

غفران راجح
(فرح)

وهجَ وسام
( هيا )

فاطمة اسامه
( منى علي)

شيلان وزياد
( فاطم)

جوائح فرات
( عهد)

اما حمزه ومنى قصتهم انتهت قبل سنوات
وكل شخص عايش حياته بعيد عن الثاني
بس ممكن بيوم من الايام يجمعهم القدر ماكو شي مستحيل ...

وإلى هنا نغلق صفحات جوائح الدهر إلى الأبــــــد

وهكذا، انتهت الفصول، لكنها لم تنتهِ القلوب، ولم يختف الأمل، بل ظلّت الأرواح تنبض بالأمل، والفرح، والحب الصادق، مستعدة دومًا لاستقبال كل غد بمزيد من السعادة والبهجة، وكل يوم يحمل معهم وعدًا بحياة أجمل، وحكايات جديدة، وابتسامات لا تـنــتهـــي
ـــــــــــــ⊰ ـــــــــــــ

هاي الصور الجوائح وبهاء الدين
والضرف الأبيض وصورتها المحتفظ بيها

وحساب الانستا يضفوا الفترة جايه محظره الكم سبرايز بخصوص جوائح الدهر
وكل أسئلتكم راح اجاوبكم عليها بالانستا..