جوائح الدهر الفصل الرابع وخمسون 54 - بقلم دعاء رزاق

بِسْمِ اللّٰهِ الرَّحْمٰنِ الرَّحِيمِ
"جَوائِحُ الدَّهْر"
(بقلم الكاتبة: دعاء رزّاق)

لا تنسَوا التصويت والتعليق يا جميلاتي، فكل كلمة منكنّ تمنح القصة روحًا أجمل 🌿

ـــــــــــــ⊰ ـــــــــــــ

تغيرت ملامح اسامه همس بصوت يرجف
- بس فهمني ياحــادث..

::- فتح المايك وايده ترجف

حمزه:: شبيك اسامه جاي اكلك اكو حادث بشارع*** غير طريقك حول على***

اسامه:: خربببب روح سرحان تريد تجلطني انتَ نعل مكطعة على راس علي

::- سد المكالمة جريت نفس بعمق گلبي يدگ من الخوف لف سياره واتجاه الغير طريق فتح اول دكمتين من قميصه نزل الجامه يحاول يتنفس حسيته اختنگ فعلا لان لونه نخطف

فاطمه:: اسم الله شبيك اسامه ؟

- روحي راحت عبالي صار شي وياههم

- ما صار شي بس ارتاح لا يصير بيك شي

-: سكت يباوعلي دقايق ورجع طبيعي بس لاحظت ايده اليسرى ترجف طلبت منه نروح للفندق ونخلي التصوير غير مره بس رفض رحنا سوينا جلسة تصوير كامله وبعدها للفندق تأخرنا بطريق هواي وتعب لان ملابسي مو مريح بس وصلنا للنفدق لگيت رحمه واديان موجودات أديان وياي ورحمه وي غفران
بس دخلت اجن وراي واسامه طلع

بس شفتهن يباوعلي اجيت ابجي ضحگت اديان حاولت تهديني بكلامها ورحمه رتبت أغراضي وقبل لا يدخل اسامه طلعن لان

منتظريهم جوه حتى يرحن بقى الباب مفتوح شويه رحت اريد ايده لمحت اسامه واكف يحجي وي راجح ويأشر على مكان براس راجح نهى كلامه ربت على كتفه

والفتت باتجاه الغرفة سديت الباب وركضت أطلع ملابسي من جنطه دخل سد الباب أنتجه على حايط وكال

اسامه :: شلونها مرتي

هدى:: بخير بخير راح ادخل ابدل واغسل حتى نصلي

اسامه:: اساعدج ؟
- لا مايحتاج
- لا يحتاج
- مايحتاج
- لا تستحين اساعدج عليج العباس
- لا وألف لا عوف السوالف المستهره وبدل ملابسك

::- تمشيت بأتجاه الحمام وهو يباوعلي بطرف عينه وعلى ثغره شبه ابتسامة

دخلت بدلت ملابسي وبصعوبة نزعت البدله
بس شعري تعبني لبست الروب لغيت نفسي بي لف لان طويل فتحت الباب مديت راسي

فاطمه:: تعال ساعدني شعري تعبني

اسامه:: أي هيج من البداية

؛:- سكتت أريد اشوفه يتحمل لو يتعصب او يمل ويبلش يتذمر وكف كدامي يفتح شعري
وهو ساكت بس مبتسم بس فتح شعري مد ايده ينثر شعري على اكتافي وگال

أسامه:: خلص هسه غسلي

-: ضليت صافنه بوجه لحد ما طلع غسلت وتوضيت طلعت وگفت كدام المرايه حطيت مرطب وحمره لونها احمر وشويه خفايف لبست الجادر صلينا سوه وبعدها كعدنا نسولف الوقت طويل واحنا على سجادات

بعد حديث طويل رسم الابتسامة على ثغري وخله الفراشات تتطاير بطني مدري گلبي المهم
حسيت بشعور جميل

كمت ارتب شعري واسامه طلب الاكل بس وصل كعدنا ناگل واحنا ناكل فتح تليفونه يتصل على اخوي

فاطمه:: عزااا اسامه شعندكك متصل

- خطيه اريد اخفف عنه اخته تزوجت وعافته

:- ما كمل كلامه وفتح خط اخوي ابتسم أسامه وكال

- ها ابو وراث شلونك
- شتريد احجي

- شريد مثلاً اختك وصارت يمي

- *** عليك فهمت
- لا لا اختك كاعدة يمي وتسمعك رجاءً ما أقبل مرتي تسمع هيج ألفاظ

- **** عليك مره ثانيه امشي ولي ابوك لا ابو اليجاوبك

-: ضحك بصوت عالي متوتس على عصبية اخوي واني اعض شفه اله مايسكت مديت أيدي ركصته من رجله صاح

أسامه:: اخخخ شبيج حبيبتي اصبري
امشي ولي اخابرك بعدين مرتي يمي

فاطمه:: اسامهه
- گلبه فواطم گلبه
- *** بكليك ابوك لا ابو الما يحظرك

- احظرني مو فارغ الك راح انشغل عنك بعد اختك يمي صارت ما اكدر اعوفها اهتم بيها ادير بالي عليها ادللها دلال خاص ...

::- ما كمل كلامه تفل عليّ زياد وسد المكالمه بوجه واسامه يضحك من كل گلبه واني تفشلت سحبت ايده عضيته بكل قوتي وهو مستمر يضحك

اسامه:: احلى أثر بس اشوفه أكله اختك عضتني

فاطمه:: لاااا تحرك گلبه أسامه عيببب شبيك شنو يكول هسه

- شنو يكول يعرفني شنو اني قبل لا اعرفج جنت اكله اخذ وحده من اخواتك وبيوم عرسي اخابرك اضحك عليك

وهو يحلف ما ينطيني بس صارت صدك واخذت اخته وخابرته هسه ارتاحيت

- إلا اخوي اسامه اكتلك وعلي دنيا دواره عندك اخت تره

- اختي ما تتزوج بس اخته تزوجت

- بسيطة اذكرك اسامه

:- ضل مستمر يجادلني ويضحك واني بالي يم اخوي ادري بي ضايج ومقهور صح طلعت من بيتهم أكثر من سنتين بس اكو فرق بين طلعتي الأولى وطلعتي هاي خلصت اكل كمت فتحت تليفوني اريد ادز رسالة الغفران بس هي سابقتني ومراسلتني فتحت رسالتها جاوبتها وقفلت تليفوني حطيته على جهة رحت اغسل

رجعت رتبت شعري لأن بس اتوتر مستحيل اعوف شعري اضل ارتب بي
طفه الإضاءة اسامه وخله شي خفيف
وكف وراي لزم خصلات شعري

اسامه:: بيج شي
- مثل شنو
- مو على طبيعتج اليوم
- لا مابيه شي
- تذكرين شنو كتلج بيوم الرجعت
- ما اذكر
- من ردت انام

- ماريد اجبرج على شي ؟
- صح وهسه هم اعيد كلامي مااجبرج على شي لا تتوترين عوفي شعرج تعالي اريد انام

- اسامه
- گلبه فواطم لا تحجين ايشي ما مستعجلين ولا اكو احد يركض ورانا هسه تعالي خلينا نتعارك حتى انام

- ههههه نتعارك ؟
- اي والله تعالي نتعارك احب سوالفج بالعركات

::- ابتسمت براحة لزم ايدي تمشينا باتجاه الجرباية تمدد قبلي طفيت آخر الاضاءه وهو يسولف وياي نزعت الروب خليته بصف فستان عرسي اسامه مخلي ملابسه مال عرس يم فستاني تماماً شكلهم سوه غصب يخلي بداخلك فراشات

تقربت تمدتت بصفه سحبني طبع بوسه على راسي واكتفينا بسكوت بس صوت دگات گلبه مسموع لان حاطه راسي على صدره نرسمت ابتسامه على ثغري من ضغطت على مكان گلبه غمض عيونه وهمس

اسامه:: احس بدگات گلبج
فاطمه:: حتى اني حسيت بدگات گلبك

::- حـضنـي بـقـوة أكـثر
- محــوظ بيــج وبــوجــودج بـحيــاتي احــبـج يـا اول لــوعــة حــبها گــلبـي .

- احـبـك يـا اعـز نـاســي ..

ـــــــــــــ⊰ ـــــــــــــ

:- عيوني عليّ حاط ايده جوه راسه يباوعلي مبتسم حسسني مسوية شي رشيت عطر والتفتت اباوع اله

غفران:: لا تباوعلي هيجي

راجح:: ما مستوعب كدامي أنتِ
ومحد يكدر يحجي

- استوعب استوعب
- هسه اكدر انام مرتاح احلامي المستحيلة تحققت

::- احاول أخفي ابتسامتي بس ماكدر كلامه ونبرة صوته نظراته كلشي يجبرني ابتستم ..

تمشيت باتجاه جربايه واحس رجليه نملت
سحبني من ايدي يكعدني بصفه حضني من كتفي لزمت ايده بأيديه الاثنين

غفران:: ايدك بارده راجح
-: ما رد على كلامي ملت راسي اباوع اله عيونه على ايدي الحاضنه ايده دنگ باسها وگال

راجح:: ناقصنا شي واحد بس

- شنو ناقصنا مافهمت

- مافهمتي كلتلي
- اي

- والجذاب
- يلعب بنار
- لا تصيرين لوتيه سوالفج حافظها اني
تسوين نفسج ما تعرفين شي وانتِ تعرفين كلشي وتفهمين ايشي بس تتصنعين الغباء

- هههههه مثلك تره
- ادري تقلديني بهاي
- حتى رحمه مأخذه فكره عني إني غبيه
بس اني اتصنع الغباء علمود ارتاح لا شفت ولا سمعت

- بس مايمشن يمي تعرفيني شنو اقصد
- قصدك طفل ناقصنا صح ؟
- صح
- زوجي قرة عيني ترانا بأول ليلة النا منين
اجيب طفل الك هسه

- هم صدك
::- نطق آخر كلمة وهو يبتسم غمضت عيوني من ألتفت الي و.......

كعدت الصبح سحبت تليفوني الساعة بتسعه رجعت تليفون بمكانه ونسحبت بهدوء من حضنه حتى مايكعد وكمت حظرت نفسي بس طلعت صار كدامي واگف باب الحمام .

- صباح الخير للناس الحلوه

- صباح النور للسادة

::- ابتعدت عنه وهو دخل يغسل لو بيدي بهاي الحظه اشمر روحي من فوك ورا دقايق طلع من الحمام وكف يلبس ملابسه لان بالعشرة ونص نطلع لبست حجابي وهو كمل طلعت الكعب مالتي اريد البسه اتقرب مني وگال

راجح:: لا دنگين اني البسج
غفران:: لا راجح اني البسها

- لا غفراني
::- ما اهتم الكلامي انحنى يلبسني الكعب
بس خلص كام من مكانه عدل حجابي وگال

- هسه تمام خلينا نطلع نتريك
- علاجك وينه ؟
- خليته بجنطه مالتج تعالي حبيبتي

::- لزمت ايده طلعنا سوه نتمشى والجو يجننن بهيج وقت تريكنا وطلعنا واحنا راجعين للفندق اتصل اسامه قبل لا يفتح خط لمحناهم ينتظرونا رفضه ورحنا باتجاهم بس شفت اسامه دنگت بالكاع صبحنه عليهم رفعت عيوني على فاطمه هم مدنگه ولازمتها الضحكه

دخلوا همه يجيبون اغراضنا واني وياها بقينا سوه

فاطمه:: شو باوعيلي زين وجهج مورد اممممم
امممم امممم

غفران:: وسم حاطه تنت انتِ وجهج منشنش

- لان نمت ساعات طويلة كعدت مرتاحة

- والجذاب
- يكعد يم ابو الهب

- اسمعي نروح هناك يسألون ما نجاوب على كد العزيمه ونفلت فهمتي

- اي عفيه ابقي وياي لا تخليني وحدي
- فاطمه اني احتاجج تبقين وياي
- لا والله اني الي احتاجج انتِ اخواتج كلهن هناك

- اخواتي اخواتج ماكو فرق
- صحيح صحيح

::- طلعوا راجح او اسامه كل واحد راح بسيارته طول الطريق شايله هم للسلام وشلون اباوع بوجهم استغفرالله

::- بس وصلنا استقبلونا بهلاهل والرمي
سلمنه عليهم كلهم وكعدت بصف راجح تقريبا ختلت ورا وحتى فاطمه خاتله ورا اسامه

ورا الغده رجعنا البيتنا لان تعبنه واحسن حضنا قبل العرس اهلي انتقلوا للمنطقه الجديدة وبيتهم بصف بيوتنا تماماً خمس دقايق وصلنا البيتنا مشي بس دخلت نزعت حجابي وأخذت ملابس سبحت وطلعت راجح يسبح بالحمام الجوه

رطبت وجهي وايديه حطيت تنت وكحل ومسكاره شغلت الصوبه الكهربائية ورحت سويت فنجانين گهوة وحطيت كوكيز وبقلاوة
لان اعرفه يحبهن بس سمعت باب الحمام انفتح صبيت الكهوة وطلعت كاستين مي خليتهم بصينيه

لحگني للمطبخ المنشفه على راسه اخذ صينيه مني

راجح:: تسلم ايدج غفراني

::- ما عرفت ارد لأني بكل بساطة فاشلة بردود على هيج كلام رفعت راسي بسته بخده وتمشينا للغرفة دخلنا وسد الباب حطيت كوشات بالكاع رغم تعبانين بس ما ماكدرت انام من فرحتي واخيرا بعد سنوات من صبر احنا سوه تحت سقف واحد

عموماً هو هذا الخير
ملت راسي اله من طبع بوسه على خدي همست

- تـحبــنــــــي ؟.

- مو بس احـبج عــاشــگج مــن صـغـرج يــا دواء الــــروح ..

- احــبــك يــا ابــن الــسـادة

ـــــــــــــ⊰ ـــــــــــــ

::- قفلت السياره ونزلت امشي دخلت للبيت
سمعت صوته يصيح طلع من الغرفة يركض

عهد:: جوجووو

جوائح:: عهودييي

- خلصتي
- اي خلصت وجبت الك نمنميات تحبها
- الله احبكيي
- اموت عليك حبيبي

::- نزلته من حضني نزلت جاكيتي وحجابي
دخلت بدلت وطلعت لگيته رايح الغرفة حمزه
رحت ورا الباب مفتوح بس دخلت شفتهم كاعدين يأكلون حتى علي موجود

حمزه:: طولتي اليوم
- اي كملت التقرير واجيت انتَ شوكت رجعت

علي:: ضربت المحاضرة واجيت يمج
الوضع هناك ما عاجبني كلهم مگابلين بيوتهم ونسوني

حمزه:: ابجي بعد ابجي

عهد:: اسكت ببوكه

::- ضحك علي وسحب عهد الحضنه وحمزه فتح عيونه مصدوم حتى اني صدمني

حمزه:: طيح الله حظك وحظ عمك الزفت هذا

جوائح:: عهد شنو هذا الكلام ولك

علي:: عوفوا ما يفتهم طفل شبيكم اكيد سمعها من شخص وگالها

حمزه:: ويا شخص هذا يا جلب

::- طفر علي شايل عهد اخذ تليفونه وايباد عهد وطلعوا ثنينهم يضحكون

::- هزيت أيدي هاي كلها سوالف وهجَ
اكيد كالت كدامه هيج وسمعها لان محد يحجي هيج غيرها وهذا ما يفهم معنى البربوك
استغفرالله

عفت حمزه ينافخ مثل الثور ورحت نضفت البيت وسويت اكل للتسعه بليل طفيت الإضاءة مال البيت وعهد نام لان يكعد من صبح شلته حطيته على جربايتي غطيته وسديت الباب تمدتت بصفه حاضنته

بدوت ما احس نمت ورا ساعات كعدت حاولت ارجع انام ما كدرت فتحت تليفوني ساعة ثنتين بليل دخلت على انستا أتصفح نشرت ستوري ودخلت على طلبات لفت انتباهي حساب دخلت عليّ وطلع احساسي صح هذا حسابه ضفته وطفيت التليفون حطيت راسي على مخده افكر بالصار اليوم....

جوائح:: غبية انتِ مو كتلج انتظريني

شيلان:: ماكدرت اصبر والله فضولي خلاني اروح..

- اي وشنو شفتي احجي

- كلامج طلع صح زميلها هو وصاحبه گاتلينها
- وحتى همه اعترفوا

- جان مجرد شك وطلع صح هسه رويتي فضولج أمشي ارجعي

- راجعه اساسا امي شويه وتنجلط من وراي

- حقها حقها شيلان تره انتِ اكبر وحده بينا وأكثر وحده عقلها مو برأسها استقري شويه

- شمسوية يمعودة عوفوني.

::- عافتني ورحت انتظرتها تصعد بسياره يلا دخلت اكمل شغلي تقريباً اربع ساعات طلعت من المركز .

من يوم إلي انتقلت حسيت براحه هنا
حتى الشغل مريح نوعاً ما وشيلان ما عافتني قدمت طلب وانتقلت وياي ويا سبحان الله
اختارت هذا المركز وبالصدفة طلع بهاء يشتغل هنا جنت اغلس بس هسه مو مال اغسل عليها

انتظرت فوضه العرس تخلص وارجع الدوامي حتى احجي ويا بس طلع ما اخذ اجازه ...

وعرفت من احد المنتسبين اخو هم موجود هنا
بس ما سألته عن بهاء ولا حاولت أعرف سبب غيابه المستمر..

وأثناء طلعتي من المركز شفته واگف يحجي وي الأمن مال العقيد نهى كلامه واتقدم بأتجاهي

بهاء:: سلام عليكم ست جوائح

- وعليك السلام مستر بهاء
- انتهى دوامج ؟
- اي وهسه اريد ارجع للبيت
- اذا عندج وقت اريد استفسر بخصوص قضية****

- تمام ندخل جوه
- لا خلينا نروح المكان هادي هم نشرب گهوة وهم نحجي يعني بخصوص القضية.

- تمام ماعندي مشكله بس اني أروح بسيارتي وانتَ بسيارتك افضل.

- تمام .

:- صعدت بسيارتي وهو صعد بسيارته طلعت كدامه وهو صار بصفي فتح جامه السياره مالته وصاح

بهاء:: نروح ال****

جوائح:: اي

:- طلعت كدامه وهو ورأي بس وصلت للمكان نزلت وهو ورا دقيقه نزل كعدت انتظره وهو راح جاب كهوة وكروسان اخذت الگوب منه

كعد بصفي يباوع على العالم الي موجودة ثواني وهمس

بهاء:: وين صافنه

جوائح:: مادري المهم احجي شنو حاب تستفسر..

::- التفتلي بكل جسمه بلش يسألني واني اجاوبه تشاركنا المعلومات اخر شي طلعنا من المكان نتمشى وگفنا يم سيارته شفت مكتوب بداخلها على جامه غــزالــة

جوائح:: غـزالة؟

بهاء:: اي مكتوب غزالة اخوي هذا مو اني

- يحب الغزلان ؟

- لا اني احبهن وهو يدري احبهن لهذا كتب
هيج وعندي غزالة صغيرة

- عندك يعني بيتك ؟

- هي بــيــتي بــس بــگــلبــي هـم

- ضاهر هواي تحبها اني هم احب الحيوانات بس عندي نوع احبه هواي وبنفسي اربي بس ماكدر

- شنو تحبين ؟

- الكلاب

ليش حياتج ناقصة
- لا بيها هواي ودائما اشوفهم وبكل وقت وزمان يلحگوني

- جاي اسمع صوت البسامير

- شو ما اسمع اني

::- درت وجهي عنه حتى ما اضحك هو مقلص عيونه عليه اخذ نفس وكال

- ولو راح اتعبج بس اخذج المكان تشوفين شي

- شنو هذا شي ؟
- تعالي ورأي وتشوفينه

- تمام

::- رجعت صعدت بسيارة ا أخذني المكان كأنه مشتل وهو اساسا مشتل بس ورا بيت جبير مشيت ورا مترددة وخايف

فتح الباب دخلنا رفعت عيوني ابتسمت وإني أشوف حديقة واسعه مليانه بالورد وبجهة قفص حمام حجمه كبير والباب مفتوح ونص الحمام طالع ريحة الورد قوية لا إرادياً حسيت براحة اشرلي على الجهة الثانية التفتت امشي ورا

رجعت خطوتين بمجرد شفت غـــزالة
بنص الحديقة ضحك على درت فعلي وكال

- هاي غـزالتـي

::- فتحت عيوني على وسعهن من دنگ يحط ايده على رأسها اشرلي اتقرب منه تقربت حاولت احط ايدي على رأسها بس كرونها خوفوني هاي اذا تنطحني كرونها تنام بطني وعلي

جوائح:: ماكدر ماكدر شلون تحبها مادري

بهاء:: هاي غزالتي روحي بيها ماكدر اعوفها بالبداية جنت اعاني بسببها بس هسه تعودت عليه وهسه صارت قريبه مني

- شلون ما اشوف الغزالة التحجي عنها تطلع بنيه وما تقصد هااي

:- هز راسه بمعنى لا وما رفع عيونه عليه
كام من مكانه و الغزاله كامت بس شفتها تحركت ابتعدت عنها بسرعة

بهاء:: ما تسويلج شي تعالي لا تخافين

جوائح:: ما اخاف بس ابتعدت حتى تأخذون راحتكم

- أخذ راحتنا شنو ليش شعدنا لا حول ولا قوة الا بالله العلي العظيم تعالي انتِ تحبين الورد جوري صح

- شمدريك احبه ؟
- سمعت من شيلان

- والله فلا ارتاحلك انتَ وياها
- استغفري ربج
- استغفر الله
- تعالي

::- رحت وكفت بصفه والغزالة ورانا عين عليها وعين على بهاء الي يقطف بالورد الجوري اخذ
ورد هواي بغصان طوال دخل جوه واني وكفت انتظره خفت ادخل ويا بداخل البيت

التفتت على حركة الغزالة تراجعت خطوتين

جوائح:: اوكفي لا تتحركين ابقي بمكانج

::- مشت وراي واني أحاول ما اصيح بس ماكدرت اسكت صحت بصوت عالي

جوائح:: بهااااااءءء تعال خلصني منها

- انتظري جايج

::- ثواني وطلع من البيت كل الأوراق الي بالغصن شايلهم ومخلي الأغصان بمستوى واحد ومسويهم مثل الباقة
قدمها الي وگال

بهاء:: مو حلو اخليج اطلعين من مشتلي بدون ورد.

- شكرا بهاء بس
- بدون بس اخذيهم .

:- قطع كلامه صوت تليفون ابتعد عني فتح خط كممل مكالمته وألتفت يباوعلي حسيت أكو شي يخص عائلته لهذا طلعت وعفته لحگني وگال

بهاء:: أخذي السويج من سيارتي بعدين أخذه منج تمام

- وين رايح ؟
- عندي شي مهم بس اخلص اجيج..

::- اكتفيت بسكوت اخذت سويج من سيارته وكعت عيني على ضرف ابيض مكتوب عليّ

( 2019/5/22/

ما اهتميت وقفلت سيارته اخذت سويج ومشيت وهو بقى ينتظر شخص يجي رجعت للبيت واني افكر شنو الي خلا يعوف سيارته
ويتوتر الهاي الدرجة..

طلعت من صفنتي على صوت الاشعار
فتحت تليفوني دازلي رسالة بهذا الوقت كاتب

بهاء:: كاعدة ؟
::- رفعت راسي انتچيت جرباية وكتبت

جوائح:: لا نايمه

- حرامات عبالي كاعدة
- مع الأسف الشديد نايمه

- غير مره احجي وياج هسه خليج نايمه

- ماخذني على كد عقلي ؟

- لا لا شنو هذا الحجي يابه
باجر أخذ سويج سيارة منج متفقين ؟

- متفقين
::- ما اعرف شنو إلي خلاني أسأله هيج سؤال بهذا الوقت بس حبيت اتأكد من شي

جوائح:: بهاء انتَ شيعي ؟

- ليش
- حبيت اسأل لان ما اشوفك تحلف
- متأكدة بس هيج ؟
- اي والله
- عندج أشخاص بحياتج ما يحلفون ؟

-, اي أغلب زملائي وصديقاتي ما يحلفون لهذا حبيت اسأل

- فهمتج ردت اشوف ردت فعلج بس..
انــي شــيعي ابــن الـســادة جــدي رســول

ـــــــــــــ⊰ ـــــــــــــ