رواية #جوليت وأسرها.... الفصل الحادي والثلاثون 31 - بقلم الكاتبه سمو العراق

البارت الثاني والعشرون
رواية...جولييت واسرها...غياهب الإنتقام
بقلمي...نور سمو العراق

💔💔💔💔💔💔💔💔💔💔

...................

صمت مهيب خيم علئ المكان اريد استوعب الكلام الي ديحجي جعفر من كثر صراخه ما فهمت معقوووله...امي رضيه الحنانه ام روح الطيبه تموت...

معقوله تندفن المحنه وتروح منه هي جانت دائما توكف وياي...

صرخت بصوت عالي ....لااااااا يممه رضيه لاااااا

اجت خالتي تركض واشووواق تركض وخالتي ام هاله وجاسر..

لزمني جاسر بقلق...شكوووو شكووووو منو مااات

لطمت علئ صدري بنحيب وصراخ ...امي اميييي امييي رضيه ماتت اميي رضيه كتلوها ...

فتحت عيونه بصدمه واحتدت ملامحه عصرني بيين اديه بكل قسوه وزمجر بوجهي بغضب...انتي شتحجين منو  كلللج

خالتي ام فلاح واشواق تخبلن ضلن يصرخن ويلطمن وهاله وخالتي يحاولن يهدنهن...

جاسر صرخ بوجهيي...احجييي منو كلج

وكعت علئ الارض وحضنت وجهي بكفوفي...جعفر جعفر خابر وكااال امي دعموها بسياره وماتت ...

رفعني بقسوووه من كتفي حسيت اصابعه مثل السجاجين نبتت بكتفي ...كتلووووها كتلوووها

دفعني بغضب وطلع من المطبخ يركض وهو يخابر بصلاح زمجر بصوت عالي ...لك ردددد رددد..

بعده مطالع من البيت انفتح الباب ودخل جعفر وهو يصرخ ...ولج يمممه رضيه ولج يالحنينه والله احبج اكثر من رضيه..انت اصلا احبج اكثر من امج

خطيه اشواق ذبحت روحها ذبح...

لحظات جاسر تحول من بركان لثلاجة لحضات صمت هادئ وهو يباوع الجعفر بامتعان....

لزمه من ياخه قميصه وسحبه بقسوة بحيث جعفر طار عند جاسر...

همس جاسر من بين اسنانه...سكرررران

جعفر دك علئ صدره بغضب....اميييي ميته واسكر امي ماتت مكتوله كتلوها يردون يغسلون عارهم

عقد حواجبه وهو يباوعله بغموووض صرخ بوجهه...لك احجي عدل لا اشك حلكك

دفع جاسر وابتعد عنه وهو يدك علئ صدره ويصرخ وشك قميصه...اكله حبوبتي رضيه ماتت ماتت...

لزمه جاسر بغضب بعدم ما عرف بي سكران وجابه براشدي بحيث حسينه بالصدئ وون بالبيت ...

وكع جعفر وبعدها وكف ...تضربني لك ابو النسوان بيك خير ما اغتصبت صبريه ...

جاسر بتهديد...بسيطه بس خلي اشوف رضيه وين والله اله اندمك

دخلت رضيه وهي شايله جيس جكليت لكل ركض عليها بلهفه ويبوس بيها اني وخالتي واشواق

هي تفاجأت كالت...ياااا شبيكم شنو وين جنت بالعمرة...

رد جاسر باستهزاء...لا بعالم البرزخ جعفر نقلج العالم الأموات...

وكف جعفر وهو يتمايل ويصيح ...ولج خاله ام عگاب ماتت حبوبتي رضيه

هو هسه وكف واستمله جاااسر كطعه تكطع بوكسيات ورفسات وراشديات وهو هم يصيح بس منفتهم منه...

جاسر دائما من يلزم جعفر يجرم بي اكو جان بوري مالت المرجوحه هو هذا البوري دوم يكتلونه بي

لزمه جاسر كسره تكسر عليه وهو يصيح...ولك حيوووان زمااااال والله اليوم اله احط طلقه براسك واكتلك ولك موتتنه يوميه سكران...

خطيه رضيه لزمته..يمه جاسر علئ كيفك يمه جاسر كافي موته

وخالتي واشواق رادن يخلصن جعفر من ايده ماكوو

اني حيل انقهرت علئ جعفر هو خطيه من يشرب بعد ما يعرف العالم طشت رشت ويلزموا يموتوا كتل لان هو ما تفيد وياه نصيحه...

تقربت من جاسر بخوووف من شفته يضربه لزمته بترجي.. كافي جاسر فدووه خطيه مات من الضرب

دفعني بقسوة وهو يصيح.. والله الي تدافع لجعفر اربطها وياه واخبزها خبز...

رجعت لزمته مره ثانيه هو دفعني بكل قوووته انضربت بحافة الباب علئ وجهي صرخت بصوت عالي واني الزم وجهي. ....ااااااااه ااااااه يمه راسي

هو عاف جعفر وركض عليه واشواق و رضيه خطيه هماتين اجن يركضن عليه

هو سحبني خلاني بحضنه وسحب ايدي الي تلوثت بالدم...

دفعته بقهر واني ارجف وارافس برجليه من الوجع

لزم اديه بثنين اديه ولزم راسي باوع للجرح صاح بيه....شكو تجين تدافعين لجعيفر..

شهكت ببكاء...راسي يمممه فلشت راسي ااااه يمه

سحب شالي وحطه علئ الجرح...يالله يالله اهدي ان شاء الله ما بيج شئ

رضيه بقهر....يمه فلشت راس البنيه هيج كالوها ترئ والله خطيه بهذلتوها ...

هو تجاهل كلامها وشالني بين اديه ومشه بيه خطوات الغرفتي .فتحت عيوني بغواش شفت نظرات هاله حزينه حييل وعبالك تريد تبجي...

تباوعلي بحزن وحقد وكوه كاتمه عبرتها رغم اني وياها مو علئ صلح بس انقهرت عليها حييل..

دخلني للغرفه خلاني علئ الجربايه وهو يفح من العصبية لزمت راسي واني ابجي...

صاح بصوت عالي فزز الاطفال ....اشوووااق

اجت اشواق تركض كالت...هااا خووويه رايد شئ

جر نفس...بالله شوفيلنه ماكو لصقه مال جروح كطن ديتول

خطيه راحت اشواق تركض واني لازمه راسي ومخليه الشال علئ الجرح وابجي...

هو دار وجهه عليه كال بلوم...انتي كم مره كتلج من تشوفيني عصبي لا تتقربين مني هسه حصلتلج ضربه وانتي لا بيها ولا عليها...

نزلت عيوني ببكاء...ااااه يمه راسي

كعد مقابيلي بعد ايدي مم الجرح تنهد بهدوء..ترئ جرح قليل ما يستوجب كل هل بجي يالمايعه...

اردف ببتسامه...بس اريد اعرف شلون جبتي هل تووم اذا انتي جرح صغير تخبلتي شلون جبتي مجتبئ ومرتضئ...

شهكت بنحيب...متت بيهم حضرني الموت والله وكل هذا واني افكر خايفه اخاف تاخذهم مني...

غمض عيونه باسئ ... ما ردت احرمج منهم لان اني ضايگ لوعة الفراگ..

همست بألم...الله يرحم غزل

صك على اسنانه بغضب وابتعد شويه...وكف علئ شباك الغرفه وسند ايده علئ الشباك...

دخلت اشواق وهي جايبه معقم وكطن ولصقه جروح...اخذهن من ايدها وهي خلت وراحت...

بعد شعري من وجهي وعقم الجرح بالقطن وبعدها لصق اللصقه كال بعدم مبالاة...مشافاة ان شاء الله ما بيج شئ ترئ بس انتي جكليت مايع متتحملين

ابتسمت بهدوء ضحكت بكلبي والله زين يضربني ويداويني ويعيرني جكليت مايع يالله محد يكدر يحاجي خلف الله علئ ثور صبريه احنه جاسر اذا هاج يحرك الاخضر واليابس...

تقرب من الاطفال باسم همس بهدوء وخفوت ...وين مجتبئ

ابتسم.. لحد الان ما تعرفهم

تنهد ببتسامه...وين اعرفهم اذا هم عبالك وجهين العملة وحده يتشابهون حييل ..

ضحكت ...يشبهوك

رفع حاجب بغرور...لا عمي وين اني رجال اسمر وطاكتني الشمس وعيوني مو ملونه هم ملونين وبيض طالعين عليج ...

ابتسمت...مجتبئ يشبهني اكثر حتئ لون عيوني وحتئ مكان وحمتي ..

رد بلهفة...اي الادبسز حيييل يشبهج حتئ مايع مثلج بس الملعون احسه يحبني اكثر من مرتضئ

جاوبته بسرعه...لان انت تحبه اكثر من مرتضئ وتعزه اكثر...

جاسر بصدق...لا ماكوو. هيج حجي ثنينهم احبهم بس احب مجتبئ اكثر لان مريض ويحتاج عنايه واني انقهر علئ الطفل اذا كان مريض...

وكفت بالم تقربت منه بسته بخده شفته نايم بسلام...اي سوده عليه مريض والله من اتذكر الفتحه الئ بگلبه اتمناها بگلبي...انوب عنده رخاوه...

اخذه مني وباسه براسه...لا تخافين يصير زين الدكتور طمني...

شاف موبايله يتصل فتح خط كال...هااا صلاح يالله جاي اي غير هذا جعيفر الكلب سكران وخابر يكول رضيه ماتت مدري شبي شارب بطل عرگ من الگبور

رجع باوعلي بعد ما قفل الخط كال...انتي ليش لحد الان ما محضره نفسج

نزلت عيوني باسئ...ما اروح

رد بتهكم وعصبية...شنوو شنوو بكيفج مترحين ؟ لا ترحين وغصبا عنج اني اصلا ما آمن بيج تضلين وحدج

فتحت عيوني مصدومه...شنو قصدك اني مو راحه

رفع حاجب بغرور...ليش نسيتي السويتي نسيتي شلون انهزمتي اخاف اخليج وترحين تنهزمين

بلعت ريكي..ببب

تركني وهو يمشي خطوات مبتعد ...الج ربع ساعه لا تاخرينه بسرعه...

خله وطلع تركني الوحدي ضليت بحيره ياربي ما اريد اروح ما اريد اروح....

بعد ما كدرت اناقشه خليت ورحت غسلت لبست نفنوف طويل لونه رصاصي ولبست شال اسود باوعت الوجهي الحمد لله صافي بس خليت بطرف اصبعي شويه حمره حطيتها علئ شفايفي...

لبست فوكاه صايه فضفاضه وبدلت للاطفال وكمطتهم حطيتلهم بودره وخليتهم بعش الطفل وطلعت...

خالتي من شافتني طنكرت لان مجان تريد اروح ..

وهاله جانت لابسة بنطرون اسود ولابسه تشيرت طويل وردي وشال وردي ومخليه مكياج ولابسه عدسات...

ابتسمت جانت قبل تلبس،عدسات دكول يالله ترئ مو معناها رب العالمين انطاج عيون ملونه يعني حلوه ترئ عادي نلبس عدسات ونصير حلوات

ضحكت...اي بس ترئ اني طبيعي مو اصطناعي...

جانت دائما دكول لونهن محلو جنهن عيون الزومبي

خلينه ورحنه عفنه بس جعفر بالبيت ...

صلاح جان مزين ولابس قميص سمائي وينطرون اسود امه كالت اله انزع قميصك الاسود انت عريس...

اني  وخالتي رضيه صعدنه بسيارة جاسر ...

وخالتي ام فلاح وهاله وخالتي ام هاله صعدن بسيارة صلاح ما اخذوا ناس اصلا ولا عزموا هم عمام ماكو داعي بس اكيد شيخ عكاب عزم الشيوخ وكل العمام....

مسافة الطريق وصلنه نزلنه خطيه خاله رضيه جانت هي شايله الاطفال....

.......................

ريهام...

خطيه اجتني وقار من الصبح فرحانه عبالك متزوجتها مو متزوجه صلاح ...

ماما اخذتنه اجرت اليه فستان طوويل بنفسجي فاتح وراحت حجت ويه ام الصالون جيرانه كلتلها تجي تسويلي تسريحه ومكياج

كالت...اخلص شغلي وان شاء الله اجيكم للبيت...

اني و وقار ضلينه ننضف بالبيت ...

واجت خالتي صبريه بس اجه وياها خالي ابو داوود وداوود وامه...

امي خطيه تعجبت كالت...اني عزمت بس ابو داوود امه وابنه المن اجوو...

المهم اجتمعت عدنا العالم...وجابر ضال محتار يقدم جايات ويرجع ليوره اضحك عليه كتله اليوم صرت جبار ابو الكهوه بس والله خوش كهوجي...

جنت اني و وقار بالمطبخ هو باوع الوقار كال...عيب هل كلام هاي بدل ما تعلين من شاني كدام بنت عمي انوب سويتيني چايچي وانوب جبار ابو الكهوه...

ابتسمت وقار ردت بهدوء...الي حسنوك او لا ترئ مو مهم

ضحك باستهزاء...ديلا ام خشم عساس هسه انتي مياده الحناوي...

ردت بقهر...ياااا تروحلي فدوووه

ضحك ورد بذوبان...اروح فدوه ونذر

تني ضربته علئ كتفه...يا ما تستحي ولك عيب استغفر ربك ولا تكعد تتغزل واغضض من بصرك

رفع حاجب...انت غمضن عيونجن مو احنه ترئ الايه تنطبق عليجن مو علينه ...

ضحكت...هو انت منو مباوعلك

دفعني بمزح وهو يباوع الوقار...دروحي عود صارت حماتج وصرتي تدافعين الها...

هزيت ايدي...لااا لاا لاا ترئ احب وقار من قبل لا نصير نسابه مو هيج وقوره...

دخلت صبرية كالت...لو جانت مصلحتك يم چلب سمي حجي چلوب ..

هزت ايدها وقار...شكرا خاله علئ امثالج التراثيه

جابر ضحك بصوت عالي وحضن خالتي....هههههههههه والله عليج أمثال...بس وقار لا تزعلين الامثال تضرب ولا تقاس

رفعت حاجب بعدم رضا وخلت وطلعت...

باوعتله صبرية كالت بصوتها الخشن...تحبها ولك جويبر لا تذكرني بعشگ گنوش

ضحك...هههههه لا ما احبها بس احب اتشاقه وياها يعني احب اطلعها من حالتها النفسيه خطيه

صبرية...خوش بنية حبابه وحلوه احلئ من نويسة جنة حسنه ام الجرود

هو ضحك وخله وطلع...

شويه واجت ام الصالون لبستني الفستان وفتحت شعري باوعت الي ابتسمت باعجاب كالت...ما شاء الله سبحان الخالق نور محمد كله بوجهج

ابتسمت بخجل وهي شسورت شعري وخلتلي مكياج وبعدها سوتلي تسريحه ناعمه...

و وقار بدلت لبست فستان اسود بس خطيه مجانت مخليه اي شئ...

طلعت كعدت بالصاله بس جانت خالتي ام داوود تباوعلي بنظرات من نارر مدري شبيها وتنفخ ...

وصبرية خبصت الجو تدك وتركص انوب راحت جابت جدر واجت وضلت تدك وتغني اغاني تراث قديم....

ودكول ...يمه البنات هووواي مثل الطماطه بيهن تخيس بساع بيهن زلاطه...

ومدري شلون اغنيتها الثانية يمه الها ها واليوم اجانه الزين يا هلي حيو هو هو هههه حلوه اغنيتها بس مسامعتها استحرم والله...

شويه ودخلت عمتي ام فلاح وجولييت واشواق وهاله وامها ...وهي هماتين اختها الهاله اجت من زمان عدنا....

سلمن عليه وضلن كاعدات ماما قدمت الهن عصير وكيك خطيه ماما جانت حييل حييل فرحانه مكيفه نسيبها صلاح هههه ..

شويه ودخل جابر كال...هلهلو تمت الخطبه ...

ابتسمت بمرح ونزلت عيوني  محد ضلت تركص او هلهلت بس خالتي صبريه وكفت تركص وتهووس ...

الك جد العبر شطين العمارة...الك جد العبر شطين العمارة...

وياا ديج اليعوعي كاص منگاره.. الك جد العبر شطين العمارة...

هاي رادها وهاي التمناها وبت الشيخ لابن الشيخ جبناها...

وصلوحي ماخذ رادته وعايف بنات ولايته ...

وضلت تدك وتركص...

شويه وكالو حيدخل يعقد عليها ...

اجت ماما لفت جادر الصلاة عليه ودخلتني الغرفتي شويه واجه بابا وصلاح والشبخ الي يعقد ...

كعدوا بصفي طلبوا موافقتي وموافقته صلاح تم العقد الحمد لله...

الشيخ طلع وضلينه بس احنه بابا وخر العبايه من وجهي وهو يباوعلي بعيون تلمع حزن وفرحه

باسني بجبيني وحضني تحت نظرات صلاح وابتسامته....

كال ...مبروووك بويه صدك اني انطيتج بيد امينه بس من هسه شايل هم فراگج تدرين بيه ما عندي روح تتحمل تطلعين من بيتي بس هي هاي سنة الحياة....

لزمت ايده وبستها بحنان واني اطلب رضاه وهو حضني بحب باوع الصلاح كال...بويه صلاح هاي رهومه قطعة بيضة محد مدنسها...

ابتسمت بقهر...محد مدنسني غير صلوحي ...

خلينه وطلعنه وصلاح احسه يريد ياكلني...

كعدنه علئ القنفه وهو لزم ايدي بحب باوعتله وابتسمت وهو ضحك وجر نفس....

تقرب مني وهمس ...تدرين شكد اتمنئ احضنج بس يالله خجلج يفشلني ..

باوعتله وتنفست بخجل ودرت وجهي عنه

تقربت صبرية منه وهي تدفع بي وتهوس...حبها ولك حبها ولا تخاف من امها

صلاح بضحكه...خالة شبوس اخاف ابوسها وتروح تتوضه بمي ورد ...

ضحكت صبرية...خايب بووس يحضي هسه لو تسبح بتيزاب المهم ترضي نفسك يبعدي..

ضحك وتقرب مني لزم وجهي بيده وباسني نزلت وجهي اضمه منه...

ضلينه كاعدين قطعنه الكيكه وهو كل شويه وكال...شطالعه ولووو انتي حلوه من يوم يومج

وكمل برومانسيه...تدرين من جنتي تجينه اضل افتر بالبيت فر يعني الصدف الي جانت تصير مو لله فالله لا يابه متقصد

ضربته بخجل علئ ايده...عرفتك متقصد

صلاح...اي لعد شعبالج الحب خلاني بنظرج منحرف

ريهام...عادي ارجعك للدين الاسلامي

صلاح بضحكة...لا يابه خليني عاجبني وضعي...

ضلينه نضحك وهو كل شويه وحجه ويايه واني منزله راسي خجلانه من الكل مو بس من عنده

.....

جولييت ...

جانت اجواء الخطبه هادئه بس حييل حلوه يعني مجنت متوترة مثل كل يوم رغم جعفر الخبل خبلنه علئ ماما رضيه

يمه كووولشي ولا ماما رضيه لان خطيه ماما ابد متقصر ويايه والله اضيع بدونها مره حقانية ربي يخفظها ويطول بعمرها....

اول ما وصلت وخاله صبرية شافتني تخبلت تبوس بيه وبالجهال وتضرب بيه وتصيح...خايبه جويليته يالعوبه شلون تجيبين فروخج وتجين هسه يطكنهم عين امهات عيون نكسه

جريت نفس ...شسوي جاسر ما قبل اضل هناك ...

باوعتلي بغموض وبعدها كالت...جكليته خابرني اخووج حازم وكال يريد يحجي وياج انطيج رقمه تخابرينه ...

فرحت بصدمه..صصص صدك خاله صدك امي شلونها بابا حبيبي شلونه يسألون عني لو لاااا

جرت نفس ...اي يمه يسالون

مدت ايدها بصدرها طلعت مثل الجيب وطلعت منه ورقه كالت هذا الرقم كتبته الج انه صح ما اعرف اكتب بس كتبته جيرانه....

اخذته منها باديين ترجف والدمعه لمعت بعيني من القهر علئ امي وابوية...

بسته بحنان الهم وبعدها ضميته بصدري ...

مرتضئ ضل يبجي طلعت الممه مالته رحت اغسلها بره رحت للمطبخ دا اغسل بيها...

شفت واحد دخل عدلت شالي دا اطلع صاح بصوت عالي ...جولييت

درت وجهي عليه انرعب بخووووف من شفته...ياااوييل حااالي ياويلي يممممه هذا داوود شجابه

وكفت برعب باوعلي من فوگ ليجوه وعض شفته ضحك بخبث ....تؤ تؤ تؤ جبتي ما مصدك والله دكول صبريه جايبه توووم ...

رفع راسه بقهر وهو يعض شفته...لك والله هنياله اني منه مو بس احبل بتوووم

حسيت الدم اتجمع براسي من كلامه شكد ادبسز وما يستحي صكيت اسناني بغضب وبصقت بوجهه بقهر

عفته ورحت اركض لزمتني صبريه كالت...يمممه شبي جكليت المايع وجهه مخطوف

ضحكت بتوتر...هههه لا ماكو شئ بس خفت علئ مرتضئ يضل يبجي ويزعجكم

باوعتلي بعدم تصديق واني خليت ورحت رضعته ...

شفت صلاح طلع عرفت راح نروح كووولش خفت توترت متت من الخوف

انتبهت علئ ام داوود تباوع الوقار وتبتسم وتحجي ويه خالتي ام جابر...

صاحوا علينه وطلعنه جنت واكفه بالحووش شفت جابر من بعيد رغم ما احمل اي مشاعر الجابر

بس تذكرت مواقفه ويايه بسرعه عيني شاحت عليه

هو هماتين باوعلي ضل يباوعلي من شافه جاسر بسرعه شتت نظري وصابتني رجفه وخووف...

ضل جاسر يباوع الجابر وتقرب مني وحط ايده علئ كتفي وحتضني وهمس...يالله بسرعه وعيونج بالكاع تمام

هزيت راسي بقبول ومشيت بدون ما ارفع راسي ولا حتئ اباوع الجابر رغم شكد جنت اتمنئ اسلم عليه واتشكر منه...

...................

شهد...

اتصل بجعفر ميجاوب اتصل ميجاوب خبلني

كتبت...جعفر حبيب قلبي طمني عليك لا اجي الهلك والله

اني من اهدده اجي الاهلك هو بسرعه يفتح خط بس هل مره ما فتح خط...

بزونتي اجت يمي مسنحه مدري شبيها رايحه روحي وكل شويه تتقيئ يمكن متسممه...

هي منا ضعيفه انوب تتقيئ ويييع صايره تخوف...

رجعت اتصل فتح خط كال بثقل...الووو

شهد بوقاحه...هلا عيني هلا بحبيبي الهاملني شوف عيني جعفر اذا معاجبتك الله ومحمد وعلي وياك ما ميته عليك روحة مردي والهوا شرجي

رد بدون نفس ...شبيج ترئ دايخ ولعبانه نفسي وحاس بغثيان

جاوبته باستهزاء...وااااو اعراض الحامل هاي مبروك ان شاء الله الولد الصالح

جاوب بعصبية...انجبي واكلي تبن لا تتجاوزين وهسه كولي شتردين ما فاضيلج

كملت بنفس الاستهزاء...اعتذر يمدير الأعمال والتجارة الحرة ...اخذت من وقت

جعفر...بلا اكلان تبن شتردين ترئ والله صدك دايخ وخشمي كل شويه ينزف دم...

شهكت بصدمه...يمممه عزااا شبييك منو وياك كولي حتئ اهد وراك اني مو كتلك اني حزام بظهرك بس انطيني اشاره واجي هاده

بلع ريكه ونفخ بملل...تعاركنه اني واخوي شوفي شهوده يروحي اني ما افيدج راح اسولفلج سالفه وانتي احكمي

استغربت...شنووو؟

تنهد بضيق...اوووف شتترجين من واحد سكران ويخاب. علئ اهله يكلهم امكم ماتت وخليتهم راس يركع براس

كمل بحزن ...والله اني هيج بشر تافهه مثلي مشفت واني لو مكانج من زمان عفت روحي ...

لا والله مكان اهلي من زمان كتلت روحي شني هل وضعيه سكير ودايح ولا سوالفي فريد الاطرش ممسويهن...

والله مدري عليمن هيج طالع اشو كلهم شخصيات ومؤدبين اله اني امي متنسية بيه بطل عرگ مدري شنو والله اني مشكله وطحت علئ راس اهلي...

جريت نفس...ميخالف حبيبي ان شاء الله من اجي اعلمك واخليك تصلي وتصوم وتسبح بعد شتريد

رد باستهزاء...غير تستقر أية الله العظمئ يابه اني واحد متصير الي جاره

عطت بي بعصبية...شنووو معنئ كلامك انت متريدني

رد بسرعه...صدك جذب شلون ما اريدك غير اموت عليج اني اتزوجح بس بشرط بزونتج بالزباله

شهد...ترئ خطيه والله حتئ مريضه مسنحه وتتقيئ

جعفر بسخرية...خاف حامل المسعده جنها جريذي طايح بالخيس

ضحكت...اي والله يمكن حامل خطيه رايحه روحها

رد بلهفه...هاااا الحمد لله هسه قتلها حلال لازم اغسل عارها واكتلها لان حامل بالحرام

كمل بقهر...اكول شوشو سبونج بوبتي جوارينكم عدهم عتاوي

عقدت حواجبي ...عتاوي شنو؟

رد بهدوء...بزازين زلم

ضحكت ...اي عندهم كومه مو بس واحد

جعفر...لازم نهد عليمن ونغسل عارنه لو يجي العتوي يتزوجها ويصحح غلطته...

شهد...عوفنه من العتوووي وعود بعدين يزوجون هسه اول مره تزوجني ...

كال...قريبا قريبا

قفل الخط ومدري وين راح بسيطه جعفر بسيطه انت تزوج غيري وشوف اله افضحك فضيحه...

..............................

جولييت...

مر اسبوعيين كل يوم اريد أخابر اخويه بس ما اكدر اخاف اخاف انلزم انوب يحرمني من اطفالي...

اخذ موبايل رضيه وارجع اتردد وارجعه من الخوووف اني ما اريد بس اريد اسمع صوت امي. ..

شويه وخابرت نوال ضلت تصيح وتغلط دكول جعفر عود مخابرها وكايللها ما اريدج ...

وهي خبصت الامه ودكول ما اريده هو لو بي خير ما عافه الطير ...

انوب كالت...عافوا جاسر وصلاح لزكولي بجعفر انوب هو المقابل رضيت بالبين والبين ما رضئ بيه ...

كملت بقهر مسعدات ينهزمن ويصاحبن ويصيرن امهات بيوت الادبسزيات الدايحات العايقات...

ضلت تعد وتصفط ورضيه ما قصرت ضلت ترزل بيها بس ما تكدر للسانها...

ام فلاح كلتلها...سدي الخط خلي تولي هل رعنه هاي ..

قفلت الخط وبعدها ...

سوينه غدا وكملنه دخلت جوه ارضع الجهال ...

رضعتهم وكملت وانطيت العلاج المجتبئ حبيبي ...

خليت وطلعت دا اغسل ملابس شفت شحاطات استغربت منو هنا...

رحت باوعت من الشباك شفت ام داوود وخالتي ام جابر خفت من جيت ام داوود

سمعتها كالت...داوود ابني متخبل شايف وقار ويكول لو هي لو ما اتزوج ...

نهاية البارت...يتبع

كونوا انتم كونوا بخير...احبكم 💔

نور سمو العراق 😘

اعتذر من البنات الي صمموا غلافات مدا اكدر اذكرهم بالتاك لان المتابعتهم راحوا مني ما اعرف ليش ان شاء الله انزل غلافاتهم وادعمهم...

هماتين حابه تتابعون رواية الكاتبه ازبيل ابحثوها بالبحث اسمها قاع المرجان كووولش حلوه

للاسف مدا اكدر اذكرها بالتاك لان المتابعتهم للاسف مدا يطلعون عندي...

هماتين اعتذر عن التقصير بس والله عندي امتحانات الفاينل ودا اضغط علئ نفسي واكتب الكم ...

ادعوا الاهلي بنات عندهم مشكله وطالبين الدعاء..

وهماتين اكو بنيه متابعه ويانه رادت منكم تدعولها وهمات مدا اكدر اذكرها بالتاك...

لا تنسوا التصويت بداعة كنوش😂