رواية #جوليت وأسرها.... الفصل الثاني والثلاثون 32 - بقلم الكاتبه سمو العراق

البارت الثالث والعشرون
رواية...جولييت واسرها...غياهب الإنتقام
بقلمي...نور سمو العراق

💔💔💔💔💔💔💔💔💔

الحياة خُلِقت كاسرة بطبعها، لكننا لسنا من زجاج، الطين لا يُكسرُ، بل يجف ويُروى 🖤 .

............................

سهم مسموم اخترق جدران قلبي من سمعت هذا الساقط يريد يتزوج وقار اعرف بي كلب وحيوان يريد يسوي مثل خطيب هاله ويستغل وقار لصالحه...

بس هاله حيوانه وقار فقيره متستاهل والله ...

لازم اسوي شئ اخرب هل خطبه ...

دخلت وقار الهم وضلت شويه وطلعت وجهه مستبشر بهدوء...

وكفت بصفها بعد ما دخلت للمطبخ وهي تشرب مي ..

بلعت ريكي وسالتها...توافقين

باوعتلي بجمود...اول مره واحد يخطبني ليش ما اوافق ..

بلعت ريكي...ليش ما تزوجين جابر علئ الاقل تعرفي احسن من الي متعرفي ..

ضحكت بحزن...ليش هو خاطبني جابر ميحبني ولا خاطبني

ان شاء الله ربي يقدم بي الخير...

همست...اميين

خلت وراحت خجلانه شويه وهنه طلعن وام فلاح ممصدكه فرحانه لان داوود خطب وقار...

ورضيه مبتسمه كالت...والله جنت اتمنئ تزوج جابر بس شنوو هم ما خطبوها واحنه ما نريد نفرضها عليها نريد من ذاتهم

ام فلاح ببتسامه...اي والله ياريت بس بعد اجه داوود ومبينين خوش ناس وعندهم حلال وعندهم خير وقابلين بوقار حتئ لو معاقه

باوعتلها بتردد...بس اسالوا عنه احسن يجوز يطلع مو خوش ولد

ردت ام فلاح بغضب...انتي بلا لا تتدخلين مو صايره شريفه براسي لو تردين وقار خدامه عندج ...

خليت ووكفت همست..شكرا خاله

ردت بعصبية...وخلخلاله تخلخل اعظامج انوب ما راضيه فوك ما ملفيتها

رضيه بحنية...علئ كيفج خيه ام فلاح علئ كيفج صدك كلامها لازم نسأل

ام فلاح..هو شنو غير ابن اخوو ام جابر قابل متعرفه وهي حمدت بي

رضيه...اي هم صدك  بس لازم نسأل عنه ونشوف

ام فلاح...الله كريم...

خليت ورحت لغرفتي ضجت من كلامها ليش هيج تحجي عني والله ما حجيت شئ اني غير المصلحة وقار لان والله هذا فد واحد ادبسز وما ميت علئ وقار بس يريد يتقرب مني ويسويلي مشاكل عساس اني ناقصه مشاكل وهل كلب جايني...

.......................

ريهام...

مر اسبوع علئ الخطبه مالتي اجتنه خاله صبريه تريد تشتري قطعة ارض هنا...

باتت يمنه...نامت يمي نامت علئ سريري واني نمت علئ الارض

عندي جزء قران دا اقره بي كملت قراءته وفرشت فراش ونمت...

اجتني رساله من صلاح كاتب....‏ للـــۿ دࢪ الجَميلـۿ بـ أخلاقهـا قبل جمالهـا

ضحكت وكتبت...لله درك ابن عمي

اتصل صلاح فتحت خط كال...هلا بالعشگ هلا بالزاد هلا بكل هلي وناسي

جاوبته بخجل...هلا بيك شلونك

رد بزعل...مو بخير

عقدت حواجبي بخوف...ياااا لييش

صلاح...لان ما دكليلي حبيبي احببك اموت عليك دزيلي مسج غزلي كلشي ماكوو دكول خاطب صبريه مو رهومه

ضحكت...ههههههه يا عزا ونبي ما عندي اشعار

حسيت بصبريه غرزت اصابعها بكتفي كالت...رهيمه رهيمه وصمخ اذن ياا بعده

باوعتلها بقهر...لا بعده

رجعت نامت..خووش من يأذن عود كليلي

جاوبتها...ادللي

قفلت الخط وضليت اتراسل وياه رسائل هو ضاج كال...شنو مدكليلي صاحبج اني افتحي خط وخلينه نغرد

جاوبته...مو خالتي نايمه اخاف تكعد

رجعت ضربتني بيدها...رهيمه رهيمه الطرمه ما تسمعين اذن يا بعده

رديت بملل...لا خاله بعد ساعتين

كعدت بقهر وحكت راسها ..شماله المومن ما يأذن شجاه كون واحد يكعده يأذن...

ضحكت ...هههههه شنو خاله صدك تحجين بعد ساعتين يالله يأذن

رجعت نامت صلاح كتب...رهوومه باجر اجيج مو تخلصيها ترجفين رحمة لموتاج شويه تفاعلي وياي

كتبت بخجل...لا ميخالف اتفاعل اصير عنصر فعال ههههه ...بس شنو يعني اتفاعل وياك شلون يعني

كتب...يعني من ابوسج بادليني

هو كتب هييج واني وجهي اشتعل نار طفيت الموبايل وحذفت الرسائل ونمت واني اتذكر كلامه وخجلانه وارجف

ما حسيت غير بدوسه ببطني صرخت بصوت عالي ..

صبريه وخرت رجلها كالت...يااا انتي نايمه هنا ولج عبالي كمتي عود ردت اروح للتواليت شجابج هنا

لزمت بطني بوجع...خاله دستي ببطني

حركت اصابعها بقهر...هوو هووو لو صليح دايس جاا كتيله بعد دووس بس هاي صبريه

خلت وراحت للحمام واني غفيت شويه ما حس اله رجلي انكسرت صرخت بصووت....ااااه

ردت ...خيبه ومرض شبيج ااه ما اااه صدك تحجين شبيج وصمخ حتئ طيرتي نومة عيني ...

جاوبتها بوجع واني افرك باخمس رجلي خاله كسرتي رجلي

ردت بغصب..ان شاء الله صليح يكسر عظامج كولي اميين انوب تجذب دكول كسرت رجلها...

اردفت بقهر بعد ما صعدت علئ السرير...يمه الجذب يمه ناس مدري شلون تصلي وتصوم وتجذب كطيعه

رجعت نامت وكل شويه ورفستني اذن ما اذن مدري شبيها...

صلينه ونمنه شويه كعدنه من النوم كالت الها امي هااا خيه صبريه ارتاحيتي بنومتج

هزت ايدها...خرب حضي وين نمت رهيمه مخلصتها ضحك وتكركر ودك غزل هي وصلاح لا دكول خالتي لا دكول عيب تتغزل وترد ليوره الموبايل ما وكع من ايدها

اباوع البابا وامي وجابر يباوعولي ويضحكون واني من الخجل طكيتها ركضه وطلعت وجهي صار نار عزا العزاج صبوره فلشتني تفلش وتالي دكول اني مخليتها تنام...

...............................

جولييت...

اخذت الموبايل مالة رضيه هو جان مموجود وخالتي ام فلاح راحت البيت عمي ابو جابر...

حطيت الرقم كتبت باصابع ترجف...حازم اني جولييت افتح عليه خط...

ضليت اباوع للباب برجفه وخوووف وافتر بتوتر ...ياربي دخليك اذا عرف والله يموتني يذبحني

بس اني كووولشي ما اريد اريد بس كون اسمع صوت امي وابويه سنه كامله فاركتهم لا يوم ولا يوميين...

والله كلبي ينعصر عصر عليهم والله امي ابد ما مفاركتها اتذكر من تزوجت بيوم العرس بجيت بجي عليها وهي تبجي عليه...

وتلث ايام ابجي بجي وجاسر محتار بيه...

ابتسمت من جنت الي خاطر عنده رجعت بذاكرتي الايام زمان اول ما تزوجت...

جنت نايمه علئ السرير وحاضنه نفسي وابجي صار 3 ايام من متزوجه...

هو لا تقرب مني ولا اببد انطاني مطلق الحريه اني بس اشوفه واحس كل جسمي يرجف والدمعه تلالي بعيني حتئ هو حس بخوفي منه...

جنت غريبه عنهم وصعب اطلع من بيت اهلي وادخل البيتهم احس بغربه و وحشه

دخل للغرفه شافني نايمه علئ السرير وشعري واكع من الجربايه وابجي واشهك حسيت بي احتضن اكتافي ورفعني اله

بعد شعري الاشقر من وجهي وباوعلي باسئ نزلت عيوني ومسحت دمعتي بخجل ما جنت اعرف بي دخل للغرفه ...

مسح دموعي بطرف اصبعه همس بهدوء ...شبييج صار تلث ايام من تزوجنه وانتي كل ما تختلين بمكان الكاج تبجين انتي ما ترديني ؟

او معاجبج تزوجيني؟

باوعتله برجفه وارتباك من عيونه الي اعشقها...لاااا بب بس اني ما متعلمه افارك اهلي وهماتين ضايجه و وو

ابتسم بخبث....وو وشنوو ؟

رمشت بعيوني ببراءة...اخاف منك

ضحك بصوت عالي وضماني بقوه...ليش تخافين مني شمسويلج ماذيج اني

رديت بتوتر...لاااا بس ما ادري شكلك مال واحد عصبي و مجرم

رفع حاجب ببتسامه...انوووب

كملت بخوف...اي هذا حازم اخويه يكول انت خطفت احمد خطيب هاله وهو اعترف بس صحت بوجهه مره وحده يكول حازم حتئ اني خفت يمكن صار بيه سكر

ضحك ...انتي صدك تضحكين احمد اني جبته لان صارت عليج تهمه باطله ومن جبته لان ردت ابريج شلون تخافين مني واني مسوي كل هل شئ لخاطرج

سحبني عليه اكثر واحتضن خصري رد بجديه...لا تخافين مني اني مستحيل ااذيج

ابتعدت شويه حطيت ايدي علئ خده همست بخوف...بس انت متحبني نوال دكول انت تحب شام وتزوجتني بس لان صارت المشكله

فتح عيونه بصدمه كال...شنو هل كلام مالج شغل بيها هي هاي طول عمرها فضوليه

نزلت عيوني بحزن...بس انت صحيح متحبني لان مبين متحبني مدري شلون احجي بس هو ما اعرف انت بس تسولف ويه اخواني وتعارك وراي بس ما دكول احبج

هز راسه باسئ وهو يرسم ابتسامه هادئه علئ شفايفه...هه تردين احبببج ؟

حسيت بخجل من كلمته...لااا اريد بس امي

كملت بحزن ...اني ممتعوده افارگها هلكد واني احس هنا غريبه محد يحجي ويايه وقار بس صافنه وخالتي وماما رضيه يسولفن وحدهن ونوال بس دكول هو ميحبج هو ميحبج

صح جنت ما عندي اخوات وبيتنه فارغ بس أسولف ويه امي واخابر صديقتي اني مجنت اريد اتزوج

حضني حييل حسيت عظامي تكسرت بحضنته باوعلي بغموض يباوع بعيوني وبعدها يركز بشفايفي ..يعني مترديني

ارتبكت من نظراته ...لا مو هييج بس اني مدري شبيه ضايجه واحس محد يحبني هنا

ابتعد مني وسحب باكيت الجكاير وهو يضحك ورث الجكاره جاوب والجكاره بين شفايفه...لاا لااا كلنه نحبج

ضجت من كلامه من خطبني لحد الان وهو اببد ما كلي احببج بس بصراحه لطيف ويايه ..

واني بصراحه من يوم الي خطبني لحد الان واني اتمنئ اكعد اسولف وياه واحجي وياه اتقرب منه بس هو بس،من يشوفني ابجي يطيب خاطري ومن اصير طبيعية يتركني

رجعت من ذاكرتي علئ صوت الموبايل فزت وجفلت من الخوووف....

باوعت بفرح مخلوط برعب ...

ركضت للحمام وقفلته فتحت خط كلت بلهفه ودموع..حاااازم

رد بلهفه مخلوطه بنحيب...جووولي اخيتي جولييت خويه شلونج

حطيت ايدي علئ صدري واني اهدئ بنفسي واطمنها دموعي نزلت لا رادي همست بنحيب...حازم حبيبي

حازم ببكاء...شلونج جولييت شلون صحتج الحمد لله على سلامتج يكولون صار عندج اطفال ..

شهكت برعب.  اي حازم اني ولدت شلونكم امي شلونها بابا شلونه طمني عنكم والله ميته علئ امي شلونها ماما بعدها مريضه ...

ما سمعت بس صوتها الحنون...يمممه يمممه جولي يمه بت روحي شلووونج يمممه سمعيني هل صوت الحلوو احجي يمه ...

كعدت علئ ارضية الحمام السيراميك وخليت الموبايل علئ الارض وحضنت وجهي ببكاء وشهكات كطعت كلبي

خمس دقايق اني بس ابجي واسمع صوتها البعيد عني وهي دكول...يمه يحبيبتي لا تبجين سوده عليه يمه ولج جولييت يمه ما نام اليل والله كل يوم اعاتبج وانوح عليج حاجيني يمه لا تبجيين

عضيت ايدي قووي اريد امنع صرختي الملچومه لا يسمعها الكاسر ويذبحني ...

سحبت الموبايل واني احجي بكلمات متقطعه ...مم ماما ماما

بجت بصوت عالي ...يروح امج يجولي احجي يمه خليني اسمع هل صوت الحلوو

مسحت دموعي حاولت اثبت انفاسي همست بصوت خافت...يمممه حرمني منكم يمه ما يقبل احجي وياكم والله يمه والله صدك بالساني تبريت منكم بس والله ما تبريت منكم بروحي...

شهكت بنحيب...يمه يجولي ما اريد شئ بس،كون انتي بخير شلونج عاصم الچلب ما يگلي جبتي هسه يالله كال شلونهم اطفالج يمه...

مسحت دموعي بسرعه...يبوسون ايدج يمه الحمد لله...بس والله يمه مشتاقه الج كووومه دا اموت عليج والله ابويه شلونه

ردت بحزن...يمه جولي انتبهت دكليلي يمه ما دكولين ماما شغيرج يبعد امج جنتي مايعه صرتي صلبه المصايب قوتج يمه...

هزيت راسي بنفي واني امسح بدموعي...لا يمممه بس كلمة يمه بيها محنه اكثر حنيتلج والله مشتاقتلج ما جني ام ومخلفه لا والله احن الحضنج مثل الطفل والله ..

صرخت ببكاء حزين..سوده علية يمه سوده بوجهي حبيبتي ابوج يمه يسلم عليج ما يكدر يحجي وياج صحته تعبانه ..

شهكت ودموعي ترست وجهي...بوسيلي ايده يمه مشتاقتله والله كليله جولييت ما نستك ولا لحظه

ما حسيت اله بصوت عاصم وهو يرد بثقل...شلونج حبيبتي جولييت

غمضت عيني بحزن..عاصم شلونج

بجه بصوت مرعب...جولييت دمرتج خوويه مو قصدي والله مو قصدي احجيلي جاسر النذل هم ما اذيج

جريت نفس ومسحت دمعتي...لا تحجي عنه ما ماذيني علئ اقل فكر بيه وخلاني عند اطفالي مو مثلك من خطيت هل خطوة حتئ ما فكرت بيه

عاصم...ساعه شيطان جولييت وهذا قدر شسوي بعد بس احجي اذا جاسر ضاربج او معذبج حتئ اقتله

فزيت برعب...عزا العزاني لك انت شدكول حرام عليك يا عاصم لا تطغئ ...

عاصم...الخاطرج والله

رديت بحزن ...عوف خاطري عاصم بس احمي نفسك واحمي حازم واهلي وما اريد شئ

عاصم...جولييت اعذريني والله مو قصدي الصار ترئ هو فلاح استفزني وهو الغلطان ...

تنهدت بضيق...الله يسامحك يا عاصم الله يسامحك ...اني مو مهمه والله بس ربك غاضب عليك استغفر ربك والله كريم ...

رد بتوسل...جولييت زوجج هدر دمي واكثر من مرتين يلگه مكاني مره بالكوت ومره بالعمارة وهسه احنه بالاهواز بس

اكو شخص يوصل اخبارنه اله ديري بالج علئ نفسج تمام حبيبتي

جاوبته بقهر...هاي هاله الزباله ماكو غيرها

تعصب...والله اكول العمي عليها اخلي يكسر ظهرها

رديت بهدوء...لا عاصم ما عندي دليل ضدها واخاف تحقد اكثر خلي الزم عليها دليل يالله

رد بتوتر...تمام شوفي جولي بيتنه مكتوب عليه مطلوب دم والارض محد يعرف بيها راح يبيعها عمي واريدج انتي،هم تساعدينه لان تعرفين السفر ينراد اله فلوس اريد توديلي ذهبج بيد عمج تمام

كمل بلهفه...والله واني اعوضج ان شاء الله بس اسافر ارسلج فلوس

تخبلت رديت بعصبية...تحجي صدك عاصم لك يا ذهب ذهبي اخذه الكاسر ما عندي ذهب

عاصم..دبريلي فلوس احسن ما تصير كاتل ومكتول

ضليت احجي وياه وقنعني كلت اتداين من صبريه وان شاء الله من يسافر يرسلي فلوس بس خفت ابيع ذهبي لان جاسر يموتني حلال والله...

قفلت الخط بسرعه وضميت الموبايل بصدري اني جنت قافله الباب...

طلعت من الحمام لكيت مجتبئ يبجي ...

كعدت طلعت صدري دا ارضع بي وامسح علئ شعره ودموعي تنزل بعد ما تذكرت كلامي ويه امي وكلامي ويه اخويه...

ما اشوف اله مقبض الباب تحرك ونفتح الباب زحفت علئ السرير برعب وحضنت مجتبئ ...

شفته دخل بكل هدوء وهيبه مثل ذئب مفترس

حسيت دقات قلبي تتسارع حتئ حسيت بي حس بيه جنت اخابر باهلي...

درت وجهي واني اخفي نفسي من نظراته وهماتين استحي يشوفني ارضع بمجتبئ...

كعد بصفي وحط ايده علئ ظهري حسيتها مو ايد حسيت جبل صعد علئ ظهري...

همس بجمود...ليش درتي وجهج

جاوبته بصوت مبحوح...اممم لااا بس لان دا أرضع بمجتبئ

ضميت صدري ومجتبئ ضل يعيط درت وجهي عليه

اردف بعصبية...ليش كطعتي رضاعته

جاوبته بارتباك...لااا هسه اسويله ممه

أمرني بغضب...منا لمن تسويله ممه الطفل مات من الجوع طلعي صدرج لا والله اني اطلع صدرج

حسيت رجليه ماتت واديه ترجف من الخووف الموبايل بصدري ياربي دخيلك..

من شافني جفلت تقرب مني ومد ايده لصدري صرخت بصوت عالي وحضنت نفسي هو تعجب مني عاط بيه..شبييج لج صوت لا اكطع انفاسج ...

بلعت ريكي...استحي شبييك

ضحك وراح شال مرتضئ كال...يالله رضعي ملتهي بمرتضئ حاليا...

رضعت مجتبئ وخليت نفسي طبيعيه ...

كملت رضاعته وهو اخذه باسه وحضنه كال...شلون صحته

هزت راسي باي...الحمد لله زين احسن من قبل

نومه بسريره وتقرب مني كال...احجي احس عندج كلام لا تخافين احجي شكو

رفعت اكتافي بنفي...ماكو شئ ما عندي شئ احجي

احتضن وجهي بكفوفه وهو يشوف مدئ صدق ادعائي...معقوله؟ بس عيونج دكول غير هل شئ احجي وصارحيني لا تخافين

سكتت مجاوبته

ابتعد عني وجر نفس...لا تلعبين من وراي جولييت ماكو هذا البيت اعرف شنو الي يدير بي وشنو الي صير بس ساكت بمزاجي...

دمعت عيوني...ما ضامه شئ والله

ضربني بخفيف علئ خدي وهو يبتسم...براحتج يالله ديري بالج علئ الاطفال تمام

هزيت راسي بخوف وهو خله وطلع...

طلعت وراه اركض وشمرت الموبايل بغرفة رضيه وطلعت دقات قلبي عبالك طبل يدگ بسرعه بسرعه من الخوف...

..............  .....

جوليت ...

جنه كاعدين ، طبت علينا نوال وبناتها استغربنا اجت وسفطت روحها بالكاع يم عمتي ام فلاح وتبجي .
بناتها بقن واكفات خطية ...

عمتي بصدمه كالت الها : نوال هاي شجابج وشبيج تبجين خو ما البنات بيهن شي ولج .

ومدت ايدها للبنات اخذتهن بحضنها وتتفحصهن ..
وتكول : اني كلت هسه تاخذيهن تسوين بيهن شي وتجيبينهن .

نوال بعد ماخلصت نحيبها كالت : عمه مابيهن شي مابيهن شي مو كله تذبين اللوم عليه اني الي بيه اني اني ..

نترت بيها عمتي : شبيج ماتحجين بس بيج لغوة زايدة مابيها نفع .

... عمه على كيفج وياي وحسي بيه حرام عليج تره تعبت من كل شي اني هنانه ماارتاحيت رحت لاهلي مارتاحيت نسوان اخواني شوفوني نجوم الظهر

بناتي حسرة عليهن اللكمة ، ماتن جوع ،  حسرة يلعبن ويضحكن مايبقى واحد مايصيح عليهن .

شوفولي جارة انتوا اني مو ام هالبنات وهذن  البنات بناتكم من دمكم ولحمكم .

ام فلاح : واحنه هم ماقصرنا وياج ترا ولا جبرناج تروحين لاهلج انت من كيفج رحتي وجنتي هنا معززة مكرمة محد يكلج على عينج حاجب .

... لا عمه لاااا انت اصلا ماتدرين بنار كلبي المشتعلة بيه وجاويتني ، شون اشوف اخت كتالة زوجي كبالي تاكل وتشرب وارتاح هنانه يمكم والغالي جوه التراب .

جوليت .. صرت متعودة على هذا الكلام ، تجاهلت نظراتها الحاقدة لمن كالت هالحجي وباوعتلي ولا عبرت ولا حجيت بقيت اكمل شغلي والكلام من وحده يدخل لاذني واسمعه .

كملت نوال كلامها : عمه اني اريدج تشوفيلي جارة مايصير اني ابقى هيج .

عمتي جاوبتها بنفاذ صبر : ولج شسويلج ماتكليلي ؟ شبيدي عليج واسوي ؟

.... عمه خلي اني ما اريد اظل عاله عليكم لو تعقدون لو تطلعوني ببيت لوحدي .

... نطلعج بيت وحدج هاي واكفة كلش ، البيت هذا شكده شبي مايكفيج الناس شتكول علينه بلله ؟

... اي يي لعد خلي جاسر لو جعفر واحد منهم يعقد  عليه

... جاسر لاء مايقبل ومالي سلطة عليه وانت تدرين بي كلش زين ، جعفر اي وهسه اخلي يعقد عليج واريد اشوف حجتج شنو بلله اريدج تكعدين وتسكتين وكافي خبال .

... لا عمه هذا هو قابل شريد اني ؟ ماريد بناتي منا ومنا وهاي شوفة عينج حتى اهلي طردوني بسببهن .

... لا والله البنات عاقلات طالعات علينه تربيتنه احنه بس اهلج طردوج من وره سوالفج اكيد جزعوا منج حقهم انت منو يتحملج .

جوليت .. واني ع السنك لزمتني الضحكة اي والله منو يتحملج انتي ....

كالت عمتي لوقار جيبيلي تليفوني يمه وطلعلي رقم عمج عگاب .

راحت وقار جابت تليفون عمتي وخابرت على الشيخ عگاب وحجت ويا فهمته كل شي ..

للعصر اجه الشيخ ووياه سيد حتى يعقد الهم ..

جانت هي كاعدة تنتظر على نار ومحضرة روحها لكل شي .. بس جعفر جان ماكو ..

اجه جاسر سأل على جعفر كالوله نايم
كال كعدوا يله ...

راحت رضية كعدته ، طلع منعس ويفرك بوجهه ويتمطط .. سألهم شتردون مني ماتكلولي خلوني انام

كالتله رضية مو كتلك عمك الشيخ هنانه ووياه سيد حتى تعقدون انت ونوال ..

بنبرة كسل : صدك تحجون انتوا ؟  بس اني يكعدوني من النوم تعال تزوج شاربين شي  انتم سكارى عوفوني عوفوني اكمل نومتي ، تعال اعقد وانوب منو وجه الطاوه والله يا الله  .

هو جان يدردم ومنعس كلش ، شاف جاسر بباب الاستقبال نظرة منه خوفته دارله ظهره ديروح ..

صاح عليه جاسر : ووين موولي ؟ تريد اجيك اكسر ايدك الثانية هسه ؟ لو تصير ادمي وتجي تعقد عليها وتفكنه .

... لا يمعود عليمن ههه ، افككم افككم بس خل اغسل وجهي واجيكم طيارة  .

هز راسه جاسر بتفهم وطب للاستقبال .. طلع جعفر ورة دقايق ينشف وجهه بيد وحدة لان اللخ مجبسه .

خلص من المنشفة شمرها على التخم بالصالة ..

ومستمر  يتأفف ويدردم ، وظل متردد يطب للاستقبال ..

طلعله الكاسر خزره : ماطلع تغسيل هذا من مساع لهسه كول راح اسبح وفضها ، فارغيلك احنه حتى نكعدلك اليوم بطوله علما تخلص حضرتك تغسيل ؟

ضحك باحراج : لا يابه هه خلصت وداعتك ...

_ لعد شبيك مستحي ماتجي تطب لو عبالك انت العروسة تبادلتوا الادوار من هسه دشوفهه شلون متحمسة اكثر منك .

ظلت نوال تعدل بشالها عود خجلانه ...

كال جعفر : اي طبعا تتحمس غير هي بادرت وخطبتني ...

... ديله يله مو وكت حجيك التافه هسه ..

طبوا اثنينهم بالاستقبال وراها صاحوا على نوال وطبت وياهم وعقدوا الهم ...

طبعا هو جعفر جان قبل يرفض من يحجي وياه جاسر ويزعل بس بعد سوايته الاخيره ابد ما حجه اي كلمه دكاته كلهن ناقصه

خله صلاح اعتده علئ ريهام و موت رضيه

عاد هو بعد ما اله عين يرفض...

عقدوا .وطلع جعفر عيونه بكصته لبست حذائه وانهزم...

ونوال طلعت تتبسم وفرحانه وهنه يباركن الها. ...

................... . 

شهد

جنت كاعده بالصف ضايجه حيييل جعفر مدري شبي متخبل عليه جنها عجوز بايگين راتبها...

سوده عليه مقهوره عليه حييل كال اخوو كاسر ايده ورايح للمستشفئ صابيها اله

اجيت اروح اله اتطمن عنه بس هو كال بس تجين يا شهد اكسر رجلج بالبوري الكسروا بي ايدي

عاد اني خفت كلت خليني كاعده احسن

اتذكرت من طلعت من المدرسه وهو شافني جان صاعد بسيارته ضل يمشي وراي ويكول ...اووويلي ودكول امي ماكو كتاكيت دباع الكتاكيت التارسه الشارع

درت وجهي عليه بعصبية...ومرض وسم ما عندك اخوووات ما تستحي

جعفر...لا والله من شفتج حسيت اخواتي زلم وخليتهن بقائمة اخواني

فراوله يربي فراوله ...

ضحكت باستهزاء....ههههه لوموله ضحك عابت شكد سخيف

مشيت وهو رجع يمشي ويغازل ويكول ...الحلوه يا صف تعرفين للانكليزي اريد ادرس خصوصي ما تدرسيني.  

درت وجهي عليه...خرب حضي واني بس الكساله عليه

جاوب بحب ....لا لا قوي بالإنكليزي مثلا...اهوووبك ...يعني احبببج

ضحكت...هاي بالهندي مو بالانكليزي اهببك يا شاطر

رد ببراءة...لعد احبك بالانكليزي شنو

جاوبته بفخر...l love you

تنفس بحب...اشكرج حبيبتي واني اموووت عليج اذا انتي تحبيني بسرعه اعترفتي بحبي

هزيت ايدي...مخبل

جر نفس...من شفتج لحد الان واني مخبل رسمي حتئ اشرب من وراج واريدك ادك اسمج شنو اسمج بالمناسبه

رمشت بعيوني...شهد

جعفر...اهااا عسوووله فديت الشهد الي اللسانه ينكط عسل ترئ والله احببج كل يوم كاعد بباب المدرسه بس حتئ اشوفج شايفتيج هيج واحد يحبج

حارم روحي من نومة الصبح بس لخاطرج مع العلم مبطل من المدرسه من وره نومة الصبح...

ضحكت ومشيت وهو يتغزل وهاي كل  يوم هيج لحد ما صرت اعشقه اذا ما اشوفه اضووج وصارت علاقتي بي ...

من صارت العلاقه ضل يتشرد...بس لاااا مو اني الي يتشرد مني والله اشره علئ السطح والله...

طلعت من المدرسه رحت للبيت ضايجه ومقهوره حييل ...

دزيتله رساله...جعفر حبيبي وينك مشتاقتلك ايدك شلون صارت

كتب ...شهد بعد لا تراسليني اني خطبت وجه الطاوة

روحي صابتها عواصف والعصف طير كل احساسي دموعي نزلت بصمت ..

وكفت بقهر...لا والله لاااا مو اني شهد الي تضحك عليه والله اله اندمك

طلعت دا اروح البيتهم شفت بابا دخل وياه رجال خليت ورجعت خفت منه يكتلني

نمت علئ وجهي  مقهورة ومغبووونه والدمعه ما نشفت من عيني وكلبي احس نااااار مشتعله بي والله جعفر اله اندمك والله بسيييطه...

............    ............

جولييت...

طلعت بره لكيت المواعين ممغسوله غسلتهن ونضفت البيت كملت ...

رحت لكيت رضيه نايمه وموبايلها مشمور علئ الكومدي اخذته بخلسه ورحت لغرفتي ركض ..

خابرت علئ عاصم حجيت وياه شويه كتله ان شاء الله احجي ويه صبرية علئ الفلوس وان شاء الله اذا اضطر الامر ابيع الذهب...

كال...شويه واخابرج

قفلت الموبايل ورحت قفلت باب الغرفة مرتيين....

انتظرت يخابر ماكو ضميت الموبايل بصدري خطيه رضيه محد يخابر عليه لذلك موبايلها هاملته حتئ ما تدري وين تشمره اصلا....

كلت يالله خلي اليوم الموبايل هي ما تفتقده ونايمه...

حسيت بملل مو طبيعي ضجت مرتضئ ومجتبئ نايمين...

فتحت الكنتور كلت خلي اعزل الكنتور مالتي رتبت الملابس بعدها اثار انتباهي قميص نوم ابيض جابته صبريه

رفعته باوعتلع ببتسامه ضحكت...ياربي ذوقها حلوو والله

جان ابيض ناصع ستن والصدر مالته تول ابيض مطرز كووولش حلوو وقصير لنص الفخذ ومن وره بي مثل الخيوط علئ شكل x ...

احساس بداخلي جان يكولي البسي والله اني كووولشي بنفسي اني صح متزوجه بس فاقده الكووولشي لكل احساس حلووو

نزعت ملابسي ولبست القميص فتحت شعري ونثرته
باوعت النفسي بإعجاب...

اخذت قلم حمره احمر ولونت بي شفايفي...

ضحكت بخجل شيصير لو اني وياه مثل كل زوجيين اتخيلت اني وياه هييج وشايفني بهل قميص تلونت خدودي بخجل ...

صح شهرين متزوجين بس ولا مره لبست هيج شئ مشلتح ولا فد يوم نام ويايه وجان الضوء مفتوح كله ضلماوي...

هو صار تقريبا اسبوعين ما داخل للغرفه بس هو مرات يجي يشوف للاطفال ومرات يطلب يشوفهم اخذهم اله او هي رضيه تأخذهم الغرفته اضل خايفه واحوم منا لمن يجون

فتح الباب ودخل فتحت عيوني مصدومه من وجوده ومن حالتي المزريه ضليت جامده مثل تمثال من طين لا اكدر اتحرك ولا اكدر امشي خطوه...

اما هو جانت نظراته إعجاب تلمس وجهه بقسوه بزخات من خدر...

مشيت خطوتين خايفه وخجلانه لكن استوقفني صوووته...اووووكفي

وكفت برعشه رجلية وحده تضرب بالثانية واديه ترجف برعب

تقرب مني وصار ورأيه احتضن خصري وباوعلي بالمرايه ركز بنظراته الحاده مثل الخنجر وصورته منعكسه علئ المرايه المهشمه ...

نزل وجهه لكتفي العاري واستنشق عبير عطري بدوخه

جسيت بانقباض بمعدتي همست بخفوت...جاسر انت محرمني علئ نفسك

رد وهو مغمض عيونه.. بكيفي احرمج واحللج انلصمي ولا تحجين

سكتت مجاوبته ولزمت ايده القاسيه الي احتضن بيها خصري

وزع قبلاته الهادئه علئ عنقي وكتفي

اتذكرت الموبايل حسيت حيغمئ عليه من الخوف ومن لمساته الجريئة همست...جاسر بس اروح للحمام وارجعلك

نزل خيط الثوب من كتفي ورن الموبايل...

حسيت توقفت الحياة وجهه خالي من اي شئ خالي من الحياة فقط القسوة...

دارني عليه بكل حقد وعيونه تنبض ...بغبن غدر اجرام

والموبايل لسه يرن والضوء يشتغل هو جان اهتزاز

دخل ايده بصدري بكل قسوه من كثر قساوته حسيته خرمش صدري صرخت بصوت واني اضم نفسي ...

طلع الموبايل من صدري وهو يشوف المتصل رقم غريب فتح خط وعيونه تتاملني باجرام

عاصم ...هااا جولييت متصله عليه اني جنت طالع اني وحازم اعتذر حبيبتي...

قفل الخط وباوعلي ببتسامه هادئه رفع حاجب كال ...وين وعدج تتبرين من عاصم ههه خوش وعد والله انوب مخلصتها اتصالات ويه الكلب عاصم

رجفت ببكاء...لاا

ما حسيت غير براشدي قووووي انضربت بالكومدي بس اجت الضربه علئ اذاني صرخت بصرخه مدوووويه هزت الغرفه هز

حطيت ايدي علئ اذاني حسيت بدفو حااار رفعت ايدي شفته دم...

زحفت بنحيب وهو هجم عليه سحلني من شعري شالني وركعني علئ السرير صعد فوكي وهو يغلط ويضرب ضرب مو طبيعي

واني اصرخ وابجي كطعني تكطع وصوته يزمجر بغضب

دخلت رضيه وخالتي ام فلاح حاولن يخلصني منه بس هو تخبل تخبل رسمي شعري صار بين اصابعه

سحبته امه وهي تتوسل بي...فدوه يمه الخاطر جهالك عوفها شوفهم تخبلوا

زمجر بغضب...والله والله اليوم اذبحها والله اذا ما خليتها عبره للكل ما اطلع جاسر...

سحبته امه ورضيه ...وصلاح وجعفر يكولها..يمه ندخل لو لبنيه ما محتشمه

كالت...لا يمه لا تدخلون هسه بلكي نحلها...

سحبته امه ورضيه وهو سحبني بقسوه وكعت علئ وجهي من الجربايه حسيت وجهي تكسر حنكي العظم ادركت انكسر صرخت

والدم ترس وجهي ترس ...

دفع رضيه بغضب و توجه لسرير الاطفال رد بوعيد وهو يشيل الاطفال...هذا عقابج والله اله احرك كلبج عليهم

أخذهم واني صرخت ببكاء....لاااااا يممه اطفالي راح ياخذهم...

نهاية البارت....  يتبع

كونوا انتم كونوا بخير...💔

نور سمو العراق...😘

الفائزة بالتعليق هذي...والهديه غلاف من تصميم طلحه...

والمقطع من تصميم وئام الشيخلي..😍😍

وهاي البزونه اجتني من الخاص😂

مسكينه يجولييت بعدها ما اتأنقت انكتلت 😥

واعتذر منكم والله مدا اكدر اسوي تاك عندي خلل بالواتباد مدا يظهر عندي الحسابات الي متابعتهم ان شاء الله بس تنحل المشكله انشرهم 😘