رواية #جوليت وأسرها.... الفصل الخامس والأربعون 45 - بقلم الكاتبه سمو العراق

البارت 33
رواية...جولييت واسرها..غياهب الإنتقام
بقلمي...نور سمو العراق

💔💔💔💔💔💔💔💔💔💔

ما أصعب أن تبكي بلا دموع
وما أصعب أن تذهب بلا رجوع
وما أصعب أن تشعر بالضيق
وكأن المكان من حولك يضيق
ما أصعب أن تتكلم بلا صوت
أن تحيى كي تنتظر الموت
ما أصعب أن تشعر بالسأم
فترى كل من حولك عدم
ويسودك احساس الندم
على إثم لا تعرفه
وذنب لم تقترفه

................................................

براءة روحي تباوعله بهزيمه وخوووف وارتعاش باناملي سببلي حاله من هلع ..

الوحمه وحمتي الي شافها داوود الي لحد الان احس بالعار بسببها والله احس بعاار

حتئ من اتوجهه الرب العالمين واكون راكعه بين اديه يغتالني شعور بالذنب الفضييع

اي ذنب حاسه بالذنب لان انكشفت قطعه مني علئ عار مثل داوود بس والله مو ذنبي مو ذنبي

هو السبب هو عار وحقير ونذل وجنت ضحيته الحمد لله ما وصل بقربي جان دفنت نفسي بالوحل...

الحمد لله حميت نفسي ونقذتني خالتي صبريه

كمزت من مكاني علئ شمرة الموبايل بقووه علئ السرير

رجعت بخطوات خايفه وعيون دامعه باوعلي

تقرب مني بخطوات متجمدة حاولت اثبت نفسي واكون قويه حسيت باديه القاسية علئ اكتافي الهزيله وهو بهزني بقووه...

جنت عبالك مثل المنومه ولابد من استفاقتي جان يسالني وهو يهزني بعنف...احجيي هذا منوو الي يحجي بوحمتج

مجان اكو جواب مني انلجم الساني وما جنت احجي او ابجي واقاوم بس دموعي تشكي حالي

رفع ايده بقسوه ونزلها علئ خدي وهو يصيحني من حالة الهذيان الصابتني جنت اهمس بخوف وارتباك..هوو اي لااا يمممه وينج اريد امي

رجع لزمني بقسوة وهزني بارتعاد...احجي لج حيوووووانه احجي لا اطمج منو غيري كشف علييج منووو داووود العار لو منوو

همست برعب....منووو شصار

تنهد وهو يشد علئ شفايفه بقوووه لزمني من عنقي بحده...احجي من انهزمتي منو تعرضلج

باوعت لعيونها بدموع جاريه....محد

دفعني بقووه كبيره وكعت قريب من طرف السرير ولزمت ظهري بوجع بعد ما طلعت مني صرخه صغيره مكتومه...

رجع اتصل الموبايل مره ثانيه من شفت الموبايل رن ذابت روحي والرجفه اعتلت جسمي

باوعتله بخووف وهو وجهه نظراته للموبايل بحدده

مشه بخطوات سريعه اخذ الموبايل فتح خط زمجر بصوت حاااد متعصب...احجي لك عااار احجي حيوان انت منوو...

رجع باوعلي بنظره غاضبه زلزلت كل كياني

تقرب مني وسحبني من ايدي بقسوووه حسيتها انقلعت من بقايا جسمي ..صرخت وهو عاط بيه...اششش..

كعد علئ السرير وكعدني بصفه احتضني بجبروت وقيد كل مقاومه اليه بحيث حسيت نفسي اسيره عند مجرم جبار...

فتح المايكل وحط اصبعه علئ شفايفه كال...اصص

ضليت بحالتة رعب واني تحت جناح من نار

المتصل كال بضحكه وثقه...جولي والله جسم بس احلئ شئ بهل ليلة هي الوحمه اوووويلاه اني وجابر قضينه احلئ ليالي وياها انهزمت منك ولتجئت النه

قفل الخط وهو يباوعلي بنظرات كلها عتب وحزن بصوت هاااادئ كال...هيج احسن هييج احسن من خليتي اليسوه والمايسوه يحجي بعرضي

ما جانت الي اي ردة فعل بس الخووف والرعب والمقاومه الضعيفه

عرفت الهدوء ما بعد العاصفه شمر الموبايل بقسوووه تناثرت اجزاءه بكل إرجاءة المكان...

شهكت برعب واني احط ايدي علئ صدرب واخفف من خفقانه...

مشئ بخطوات سريعه وراح قفل الباب ويه طكت القفل اني ودعت الحياة وتشاهدت علئ روحي...

سحبني بقسوه واني ابجي واتوسل بي ما راعاه صغر حجمي ولا سني جنت ابجي واني احاول الفكاك منه

هجم عليه بجبروت و شعري صار ملايخ بين ادييه بحيث حسيت شعري ماكوو عندي وكل راشدي ينطينياه ولا الثاني

جنت اصررخ واطلب الرحمه ويين امي عني ويين اهلي ...

اسمع رضيه و وقار يتوسلن بي ويدكن بالباب وهو لا ابالي

وكفت بصعوبه واني امسح سيلان الدم وهو انكلب وحششش ملامحه ما تنتمي للانسانية بأي صله

شمرني بقسوة علئ السرير وهو يصرررخ بوجهي....اني انييي لج عاااار تسوديين وجهي اني تطعنيني بضهري وتنزلين راسي

والله والله لاغسل عارج يا بنت الكلب

رفسني برجله علئ بطني وبعدها شالني من شعري صرخ بوجهي بحيث حسيت نااار مو صرخه...لج خرررب ساعة السوده العرفتني بيييج يا فگر يا بنت الفگر والله قبل لا اشوفج مرتاح وعايش حياتي

من لفيتي عليه شفت كل الفگر...لج والله اطلكج واخليج ماخذه الشوارع...

الجهال كعدوا من صوته وصوتي وهم يصرخون ويبجون وهو ما مهتم الهم اما اني فجنت مجرد جثه هامده واتخبط بين اديه...

سحبني وكعدني مقابيله كال بغضب عارم...هسه تحجيلي من بداية طلعتج لحد ما رجعتي واذا جذبتي بحرف قسما بذات آلله اندمج علئ الساعه الي انولدتي بيها...

هزيت راسي بخوف واني انحب بالم....ندمت كاسر ندمت والله ندمت علئ اليوم الي امي ولدتني بي

اردفت بالم ونحيب واني اضرب علئ صدري الموجوع ...تريد تعرف الصار؟ تريد تعرف شلون جنت اعاني واني بنص الغرب؟

تريد تعرف من حاول يعتدي عليه اول اسم نطقته منووو؟

بلعت ريكي بمراره والدموع تنساب بغزاره علئ خدي ....اني فگر اي والله صدك ما جذبت اني فكر وططوه ومنو اتقرب منه ااذي...

لزمني من عنقي بغضب عارم...احجي بلا لغوه زايده كوولي منو تعرض الج...

بعدت ايده من عنقي بقسوه وباوعتله بحده...من يوووم الي اخووي العااار ...اي اريد اكوول عار من يوم القتل اهلك واني تبهذلت كبرت سنين وزادت سنين هم وغم...

من اول ايام العزا وامك ونوال هجمن عليه ضربني ورادن يموتن طفلي

كل هذا وصبرت نفسي وكلت مي خالف انشوف ابو ابني شنو يتصرف...

لحد ما سمعت ابوو ابني كارهني ويريد يقتل طفلي ويطردني

هو جان يباوعلي وملامحها كل ما الها تحتد اكثر

رديت من بين اسناني....هذا الكلام سمعته من الكل من هاله اول شئ وتصدق من سمعت جابر گال الرضيه

كلت لازم اطلع لازم احمي نفسي ونفس طفلي الغالي منه لاااازم هاي روحي العزيزه الماشفت بس القهر...

لااااا والله وجان كل همي ما اريدك ترتكب بينه جريمه وتكون مجرم بعيني....

رديت بنحيب والم...لك انييي احن منك عليك

انهزمت وجابر كله شهامه ساعدني وما قصر ويايه تمنيت عندي اخوو مثله والله يعادل بس اخووان

غيره وشرف وشجاعه كلهن جااابر والله ياااريت اخووويه جااابر يااااريت جان ما صار هذا حالي

لك تدري من اشوفك تسند وقار وتدافع الها وتحميها اكول ياريت عندي اخو مثل الكاسر يوكف بوجهه المدفع حتئ يحميني

اليوم بالذات اعترف وبانكسار ...اني اخوتي عارات وحرامات بوجههم شوارب وهم يدرون اختهم تنام مهضومه ومجروحه

اردفت بضحكه مذبوحه.  تدري ليش طلعت منك وانهزمت لان اعرف ماكو عار من اهلي يطلع وراي ويعترف بخطأ ويواجهك

رحت لخالتي صبريه صدك بالبدايه قاسيه ويايه بس من عرفتني وشافتني حبتني

تقربت منه اكثر واني ااشر علئ نفسي بانذباح...اني عرضك يا جاسر اني عرضك و صنتك و رغم كوولشي يوميه ادعيلك بظهر الغيب...

ادعيلك واني بالغربه وبنص الوحوش الله يخلصك من همك ويصبرك وينور دربك ...

عشت بعيده عنك بعذاب عشت بنص الحيوانات والطيور بيوم من الايام هاجمني ثور هايج جنت بيومها راح افقد طفلي وافقد حياتي لو ما داوود العار تدخل وكتل الثور...

كتل الثور وصبريه تخبلت بدل ما تثور علئ داوود ثارت عليه وحتئ حاولت اروح منها لو ما ربك ستر

جانت فاجعة الثور وجهه مو خير علية لان تعرفت علئ داوود النذل وضل يتحرش بيه وياذيني بكلامه

اباوعله اعصابه تلفت وهو يستمع لكلامي بإنصات...بس منتظرني اكمل باقي كلامي...

كملت واني افرك اديه بخوف بس لازم اتخلص من هل هم الي محاوطني

اردفت بعبره...وبيوم من الأيام صبرية راحت للشغل تبيع الحليب علئ الناس وما اشوف اله داوود راد يعتدي عليه بس والله قاومت بكل قووتي واضعاف من قوتي بحيث مستغربه اني شلون هيج عندي طاقه وقوه حتئ هيج ادافع عن نفسي

باوعتله ببتسامه حزينه وروح مجروحه...تدري والله والله بأشد حالات اليأس والالم والمقاومة والدفاع ذكرتك انت اول واحد ردتك تكون موجود وتحميني..

اني الخايفه ومهزومة منك اول صرخه اليه تستنجد بيك

وبيومها صبريه رجعت ضربته علئ راسه خلت دمه بطوله وما تقرب مني والله

اول ما كملت اخر جمله لزمني،بقووه من عنقي وخنكني كال بغضب كاسح...شفتي بسبب افعالج وعقليتج السز شصار بينه لج خليتيني علج بحلگ اليسوه والما يسوه

لج والله لحد الان اسمع كلام مرته انهزمت مرته مدري وين راحت رجعها وماطلكها ليييش ولج لييش

رديت بصريخ ونحيب...خفت والله خفت لك اني طفله واهلي طعنوك ومحد واجهك غيري زلم شارده وخايفه منك واني مواجهتك بكل ضعف والم ومتحمله كووولشي...

اتجاهل كلامي ورجع علئ الموضوع الاول ...يعني داوود العار هو الي هسه خابرني وهو الي اعتده عليج احجيلي شلون شاف الوحمه؟

جفلت بخووف ومجاوبته..

عاط بوجهي بعصبية....لااحجي لا افلش وجهج

نزلت نفسي بخجل والم..ح حح حاول يعتدي وجر حجابي وشافها بوقتها خالتي صبريه ضربته

اردفت بخوف وحزن ...اذا هو عار اني شدخلني

سحبني من طرف الثوب بقوووه حسيت ارتفعت مم الارض كال...هوو عاار مووو وانتي شنوو لج حيوانه بسيطه بسيييطه يصير خيير...

دفعني واخذ موبايله وطلع بسرعه شفت الباب تحرك ودلاله علئ ان انقفل بمفتاح اكيد جان مراقبتي حتئ مفاتح الغرفه ما مفاركه...

شفت الشباك قليل واني اباوعله شفته يحجي ويه رضيه يكولها...لو تموت لحد يحاول يكسر الباب ويدخل الها مفهوم

قفلت الشباك واني ابجي واندب بحضي التعيس صح غلطت من طلعت بس والله مو قصدي والله....

..........................

شهد...

خابرت جعفر وكال مرجع وجهه الطاوه تخبلت انهرت من القهر بسيطه ابو العرك يصير خيير

والله تعبت منه اني ماكو مثلي شلون مسايسته ومهتمه بي وهو لا ابالي مدري من يا فصيله

اني قررت اعوفه بس مشكله احبه علئ فطرتي ما اكدر اكرهه ما لكيت اهتمام من واحد هو الوحيد الي اهتم بيه وحسسني بوجودي بس اخذته وجهه الطاوه

كتله كوولشي بينه انتهئ ومستحيل  نرجع بحياتي كلها ما شفت واحد جبان مثل جعفر هو لو جبان لو نويلة ضاربته سوزوكي..« سحر »

يوميه اضل اباوع علئ رقمه وانقهر وارجع احذفه ومرة ابويه تفتر عليه بطلي من المدرسه بطلي احسن الج وتزوجي...

اني،ما اريد اتزوج واحد مااحبه ما اكدر حتئ ما اتطلك وارجع مطلكه عليها...

اليوم عدنه سفره مدرسيه كلت ابوگ من دخل الدكان  فتحته ما لكيت بس خمسة الالف ضليت محتاره شلون اخذ فلوس وشلون اروح بس بالكروه

كلت يالله المهم بس اتونس مو مهم اكل لو العب بالألعاب ...

لبست بنطرون اسود عتيك شويه ولبست تشيرت ابيض طوويل قديم وشال لكيته مشرور علئ الحبل مالت مرة ابويه

وفتحت الثلاجه لكيت حاطه بالباب مالتها حمرة سحري وكحل عرب خليت شويه ورحت...

لكيت البنات عبالك عرس المكياج واللبس اقره موديل استحيت من نفسي عبالك متسوله

اني رغم حالتي التعبانه بس عندي عزة نفس مخلوط بغرور بحيث ما اهتم الاكبر نعال بالمدرسة

ركبنه بالكوسترات دفعنه الكروه اني انطيت الخمسه كولها وضليت وجهي فارغ لا فلس ولا اعانه...

بس ما اهتميت المهم اطلع من بيت ابويه وصلنه للألعاب والبنات عبالك مشايفات هجمن علئ المراجيح والالعاب وكل لعبه غاليه يصعدن بيها...

وجانن جايبات اكل كل وحده جايبه اكله شكل خليت ورحت صرت اتمشئ بالمنتهزه بكابه وحزن فضيع

سمعت واحد كال...اول مره اشوف ورده تمشي بنص الورد

درت وجهي عليه بذهول شفته يباوعلي ببتسامه هادئة انصدمت من وجوده منو كله انب هنا منو جااابه اصلا

رمشت بعيوني اكثر من مره اريد استوعب اني بحلم لو بعلم معقوله حقيقيه جعفر اجه للالعاب

بلعت ريكي بقلق همست بخفوت..جج جعفر

ضحك وهو يتقرب مني...احببببج

ضليت اباوعله واني معصبه وعاقده حواجبي بس ما نطقت ولا كلمه بس عيوني تعاتبه وتشكي حالي...

عفته ومشيت وهو يمشي ورايه كال...طلعت من البيت كلت مشتاق الشهد خلي اروح اشوفها اجيت لمدرستج وشفتج صعدتي بالسيارة عرفت عندكم سفره لحكتكم من باب المدرسه لحد هنا

باوعتله بغرور ورفعة حاجب...هسه شتريد؟ اممم صدك نسيت اكولك وجهه الطاوة تدري بيك لاحكني لو ما تدري بس تجي هداده عليه...

ضحك...خاب لا تخليني انزل أطهر واحد بعشيرة وجهه الطاوه الدرت والضلت هي والنعال حشاج

رفعت حاجب...حشاااي؟ والله صاير محترم ما عرفتك

ضحك...دكافي كافي لج شطالعه بشرفي طالعه احلئ وحده بالسفره

باوعت علئ ملابسي متهريه..منين يمعوود

ابتسم...لا تخبلين بعيني احلئ وحده...بس صدك صار ساعه مراقبج اشو لا ركبتي بالألعاب ولا تفاعلتي ويه البنات شبيج ضايجه علئ فراكي

ضحكت...اي كوولش

جر نفس ومسح وجهه بتوتر...شهد والله ترئ اني روحي لعبانه من وجه الطاوه بس شسوي لزكوها بيه بعد...

بس لا تضوجيين والله اني اتزوجج اتتزوجج  لو يوم  يضل بعمري بس خلي تخلص ظروفك

بلعت ريكي بغصه...ترئ جعفر مليت منك والله انت لو تحبني ما دكولي ظروفك شنو ظروفك

رد بعدم مبالاة وهو يسحبني من جنطتي البيضه المكطوعه السحاب مالتها امشي امشي خلي نتونس ونخلص من وجهه الطاوه

ضجت من تصرفاته وخليت ورحت وياه هو خطيه ما خله لعبه ما صعدني بيها واشتره اليه لفات وعصاير وكرزات وشعر بنات...

صعدنه بالمقص صديقاتي جانوا صاعدات واني صعدت بصف جعفر

اشتغلت بينه اللعبة وهو جعفر كلب الدنيا بالصياح...ولجججج يمممممه ولكم نزلوني

واني اضحك واباوعله ...اشبيك جعفر متخوف هههه

جعفر ..ولك خوووويه جااااسر ولك الحكلييي خرب والديكم

صدك متت من الضحك بس تفاجئت معقوله يخاااف وبعدها ضل يضحك وياشر اقاري طلع جذاب ديريد يسوي جوو صاخب وخبص الامه خبص حتى اني خفت

بعدها ودعني وراح بس ما خله لعبه ما صعدني بيها حتئ اكل اشترالي ياربي احببه شوكت نتزوج تعبت والله ومليت

هو طلع واجتني المديره والمعاونه يهفن ويركضن لزمتني المعاونه بعصبية كالت...هذا منو الجان وياج

عقدت حواجبي باستغراب تفاجئ...منوو ؟ محد ويايه

ردت بغضب...انجبي لج ادبسز البنات كلهن شافنج وشهدن عليج طايحة حظ والله ما اخليج تداومين اله افصلج تردين تطلعين عين البنات حيوانه

غمضت عيوني بملل..اهووو انتم المشرف مالكم يشتغل براسي ترئ مليت كل ما اجت وحده تشتكي مني اجيتن عليه تركضن

وبعدين شدعوه عليجن تصدكن بيهن جذابات محد جان ويايه

المديرة حدت اسنانها...انجبي لج انتي اصلا مفصوله من هل لحظه ومراح اخلي اي مدرسه تستقبلج

جاوبتها بعدم اهتمام...ديلا عيني عساس هسه من راح ادرس راح انافس انشتاين اشو هو نفس العقل مجيم

وانتن مخلصاتها ام الرياضيات جابت واخذت امومه ومديحاتنه

المعاونه...ولج والله تمنيتج مو بالسفره اله اسحلج سحل احنه مديحاتجن

رديت بصدق..قابل مجذبه وبعدين انتن مخلصاتها اصبغن الصف و راح انزيدجن عشر درجات بالفنيه واحنه مثل المطايه نركض نشتري ونجي..

اشرتلي بيدها علئ حنكها...تمام اذا ما خليتج تحلمين تشوفين المدرسه ما اطلع ست حميده

جاوبتها باستغزاز...ست حميدة ست مجيده بس افصليني...

خلينه ورجعنه للمدرسه والمديره ترزل بينه وتالي طاحت بيه وفصلتني واستدعت ولي امري

عاد اني شكيت الورقه وشمرتها عليها وقررت ابطل احسن ما انفضح كدام بابا...

.....................

جابر...

صار اكثر من اربعة ايام وجاسر متخبل شخل ديالئ شخل علئ داوود وماكوو

خابر علئ صلاح كله شوفلي سجل المسافرين كله اوك اضبطه الك وإراسلك...طبعا طلب اسم داوود

ضلينه مراقبينه وهو يعرف واحد ضابط علئ سيطرة ديالئ وهمين طلب منه منو يدخل لديالئ باسم داوود كامل عيال يخابره...

هو الضابط كل يوم يخابر يكول ماكوو

اني حجيت وياه وكتله جولييت بريئه منه مستحيل تطلع منها ولا توكع بالغلط مسكينه...

هو كال...اعرف اعرف بيها بريئه بس هي غبيه وانت اغبئ منها شلون تساعدها تنهزم مني شوف هاي نتائجها شوف شلون جان ضاعت ولك مقهوور مجرد ما اتخيل اعتده عليها وحاول يغتصبها..

لك والله حتئ كلمة اغتصاب اغص بيها من انطقها بحقها ما اتخييل مجرد تخيل ان ممكن جولييت تتدنس وتضيع براءتها

همست بتنهيده...مسكينه شنو ذنبها جانت خايفه منك ومن اهلك وما عندها حل وسط غير الهروب

مسح وجهه بتوتر ...لك لا تدافعلها غلطتها لا تغتفر لك داوود العاى كل شويه واتصل عليه وهو يوصفها بجرئة وقباحه اليه

اني رجال شتريد يكون حالي هي لو ما طلعت من البيت ما صار الي صار دمرتني ودمرت نفسها الغبية

كال...اريد اروح لديالئ سحبت نفس كتله..بس ماكوو داوود مو بديالئ

مسحت وجهي بقهر وملل..بس ماكوو هو مو بديالئ هسه خابرت صبرية وكالت انهزم من زمان...

رد بغضب...ميخالف اريد اروح استفسر من صبرية

خلينه ورحنه جان طول الطريق ساكت وكل شويه واتصل برضيه يطمن عن اطفاله واخر شئ كلها...لا تخلينها جوعانه انطيها شئ تاكله...

استغربت منو الجوعانه معقوله جولييت بس هو ما يهتم الها وبعدين شنو متروج هي تاكل يمكن يقصد علئ عمتي ام فلاح او وقار...

وصلنه لديالئ دخلنه الشهربان ورحنه البستان صبريه لكيت خالتي صبرية تهش بالهووايش مالتها...

نزلنه هي باوعت علينه بعد ما حطت ايدها علئ وجهها تحجب الشمس عن عيونها...

كالت...يااا هذول منو جاسر وجويبر

كعدنه يمها سولف الها جاسر عن داوود وهي تخبلت وكفت بغضب...دهر صابه كووون صدك ما يستحي جنه الحية ام سليمان والله البنيه فقيره ومسكينه وهو اعتده عليها واني ركعته براسه خليت دمه بطوله

وما خليته يتقرب منها لان اني شفته من بعييد دخل بيتي ورحت بسرعه رجعت ما اتأخرت والله

وبعدين هي جكليته المايعه مثل البنات شو تخاف من خيالها وحتئ ما تعرف تحجي

ولك يمه احميها ولا تخوفها منك خطيه تخاف وتعذبت حتئ انه وحده من الناس عذبتها وخوفتها

هو جر نفس و وكف بقهر...يالله جابر مشينه

خليت ورحت وياه ركبنه بسيارته اتصل عليه لضابط كال...جاسر داوود دخل لديالئ وياه واحد ...

هو تخبل قفل الخط وفر السياره ضل واكف بتقاطع الشارع مال بيتهم اول ما شاف داوود اجه بسيارته كسر عليه وخلاه يستصعب العبور...

داوود باوعله بحقد ونزل لازم سلاحه وجاسر نزل ضحك داوود بخبث...خيير جاي تاخذ حق عرضك لك والله خبلتني صار كم يوم متبهذل من وراك

هجم عليه عليه جاسر بغضب وركعه بووكس...لك يااا عار يا نذل لك والله اليوم ادفنك وانت عدل

سحبته منه بقووه واجه ذاك صديق داوود ضل يفارغ وذاك سحب المسدس من داوود لان وجهه علئ جاسر راد يكتله وصديقه ما خلاه

دار وجهه جاسر عليه ودفعني كال...دوووخر مني

داوود بخبث...مرتك تجنن عليها جسم يذبح

كلام داوود جان القشه الي قسمت ضهر البعير والي خلت جاسر ينهار وبسرعه سحب مسدسه ورمه تحت رجلين داوود طلقتين كعدته بمكانه وهو يصررخ مثل الحرمه

والدم ترس المكان ترس وصديقه ضل محتار بي وهو يريد يصعده بالسياره

تقرب منه جاسر وهو صك اسنانه جابه براشدي عمه عينه وهمس من بين اسنانه...تروح فدوه لنعال مرتي الي يسواك ويسوه عشيرتك

رفع اصبعه بتهديد..شوف لك هل مره كسرت رجليك مره ثانيه ورب العزه اله انقلك العالم البرزخ يا عار تفوو عليك...

ركبنه بالسياره وهو اخذه صديقه و راح للمستشفئ رجعنه لبغداد وجاسر وجهه ما يكصه السيف

همست بهدوء...جاسر اخاف داوود يشتكي عليك

ابتسم بهدوء...لا خنثه ميسويها لا تخاف منه

وصلنه البغداد جاسر راح واني ضليت بقلق خفت داوود يموت وتصير مشكله

بس هو جاسر ما راده يموت لذلك بس كسر رجليه وعوقه

خابر علئ وقار ما فتحت خط والله شنو زعلانه شلون كلتلها اليوم اجيج وما اجيت

والله محتار اخوها حيرني كل شويه وهجم واني ما اريده يخطي خطوه يندم عليها...

اووف كون تفتح خط إريد اسألها عن جولييت شسوه جاسر بحالها وهي الي طلب ينطوها اكل لو غيرها....

كتبت رساله...وقوره حبيبتي افتحي خط عندي موضوع وياج

شافت الرساله وغلست ما جاوبتني

هزيت راسي بوعيد...بسيطه بسيطه وقار صايره تتعيقل وتتزعل يحقلها بظهرها الكاسر منو يكدر يخطف علئ خشمها

عكس جولييت اخوتها انذال ما بيهم خير...

.............................

ريهام...

عندي اوجاع قويه وكل شويه وخشمي نزف وما اكدر امشي

والبيت صاير هووسه وضجه جولييت متعاركه ويه جاسر ومدري شبي متخبل

ونوال فرحانه لان متعاركه جولييت ويه زوجها

اجتني كالت بمكر...رهومه حبيبتي اني والله من زمان اموووت عليج اتخبل عليج اكلهم ادب وأخلاق هنيال صلاح عليج

ابتسمت...شكرا حبيبتي من ذوقج

ردت بضحكه متوتره...اكولج رهومه ليش ما نتفق اني وياج التنظيف كله علينا والطبخ وما نخلي جولييت تشتغل حتئ نبزعها لان هاي مجرمه واهلها كتلوا عمج وابن عمج

خلينه نكون اني وياج ضدها ونتصاحب عليها وكل حجايه نوصلها العمتي ام فلاح شنو رايج

فتحت عيوني مصدومه...اعووذ بالله الفتنه اشد من القتل تردين اصير فتانه استغفر الله استغفر الله لا عفيه ما احب هيج سوالف اني

ردت بتمسكن...ليش ريهام هاي مو فتنه انتي جاي تنقذيني يعني عاجبج حالي مضلومه ومسكينه وارمله وبناتي مسكينات يتيمات محد الهن وشوفت عينج جعفر ما معترف بيه

غير اريد اخذ ثار زوجي من عيونها وعيون اهلها شلون اخذه وهي اصلا كاعده هنا معززه مكرمه تقبليها ابن عمج جوخ التراب والقاتل يسرح ويمرح بكيفه

جريت نفس...والله يا ام سجئ هذا قدر ومكتوب قابل هي قتلتهم هي شنو ذنبها بالصار اصلا

رديت وهي تعوج حلكها المنفوخ من الفلر...اولا لا دكولين ام سجئ ما احب واحد يكبرني وكولي نوال واني صوجي احجي وياج

خلت وراحت متعصبه اول ما راحت دخل جعفر هي باوعتله وخزرته

راحت وجعفر كال...شبيها نعال خانوم متعصبة بس لا الجني ابو شورت مامقلد الها

ضحكت...هههه والله ما اعرف

خليت ورحت بدلت وخابرت صلاح كال دقيقتين واني يمج حضري نفسج

حضرت نفسي واجه أخذني رحت للبيت مالت اهلي لكيت ماما دتروح للسوك كلتلها اخذيني وياج احس مخنوكه وضايجه

كالت...كولي الصلاح اذا قبل اخذج

كتله ..هو خطيه مكال شئ وخليت ورحت هناك بالسوك حسيت روحي طلعت من صدري ضليت اتكلب مثل السمجه المزوهره

ماما شافت وجهي اصفر كالت...هااا ماما حبيبتي شبييج؟

جاوبتها بروح ذايبه...اطلعي ماما اطلعي مدا اتحمل

هي خطيه عافت حتئ المسواك ودا انطلع الدنيا اسودت بعيني و وكعت من طولي بس رغم وكعت احس بماما تصرخ وتلطم وتبجي والعالم التمت علينه وبعدها فقدت الوعي...

........... ...... .........

جولييت....

اتمنئ اعيش بصحراء واكون بعيده عنه تعبت اشكي تبعت من الذل والجراح مقهوره ومكسورة خاطر من يوم يومي

خايفه ومرتعبه خايفه يصير شئ واتدمر اكثر من هل دمار الدمعه ما نشفت من عيني من البارحه لليوم

محبوسه مثل اسيره واهلها ماتوا اي والله اهلي ماتوا بعيني وكل مصايبي من وراهم

اااااه اسيره وسجينه عند الكاسر الي ما رحم بخاطري.

والله والله متت جوعانه حييل سويت سيريلاك مالت الاطفال واكلت..

ولو ما الي نفس بالأكل بس معدتي من تفرغ تاذيني...

بس بعدها ضلت رضيه تدخل عندي وتجيب اكل تطلب مني اكل

جنت اخاف يجي ويلكاني اكل ويتعارك ويه رضيه بسببي

حراره بصدري ورجع عليه الوجع والقهر ياكل باحشاء روحي اغصاني الزاهيه ذبلت وصوفرت ومثل بس الرماد

حسيت بالباب انفتح تراجعت خطوات بخوف والرجفه اعتلت كل جسمي...

دخل بكل جبروت وعيونه تجدح ناار باوعلي بغضب ...داوود اعترف لامسج واصل بقربج

فتحت عيوني مصدومه...جذب والله جذب ما اغتصبني والله وداعة اطفالي

هجم عليه ولزمني من شعري بقوه كال..اهاا جذب موو لج حيوانه مره ثانيه اذا حلفتيني بمجتبئ ومرتضئ ما تلومين اله نفسج

ضل يباوعلي من فووووك ليجوووه وبعدها حط ايده علئ تشيرتي

كمزت بخووف شمرني علئ السرير وصعد فوكايه واني جفلت بمكاني عبالك واحد غريب انقض عليه

باوعتله بعيون خايفه وبريئة وهو ضل مركز بعيوني وعض شفته كال...والله حلالي غيري يتمتع بي واني لاااا لييش؟

دفن وجهه برگبتي وهو منهار حسيت تشوهت ضليت ارفس برجليه لان حسيت نفسي انكطع متت من الاذيه

صرت ابجي واني اتوسله...جاااسر لاااا جااسر

هو رغم جان مثل الاسد منقض عليه بس جكارته ما مفاركه ايده

واني ابجي بصووت عالي والدموع ترست وجهه وقميصه...

عبالك عدوو وكع بيده

همست بنحيب وألم...بروح غزل عليك اتركني

رفع راسه وباوعلئ مصدووم لان حلفته بغزل رفع ايده والجكاره بيها

تكلم من بين اسنانه وبعصبية كال...لج تدريين بحياتي كلها ما مقهور مثل هل ايام لج عرضي انطعن بي ويتلوث بسبب واحد عار وكل هل ايام ما اعرف بيج متعرضه للاغتصاب وساكته

لج والله من اشوف هل وحمه بصدرج واتذكر شلون تغزل بيها اتمنئ احركها واشوهه...

سحبت الجكاره من ايده بعناد بحيت انكسرت بدينه وضلت بس الطرف المشتعل بيدي لزمتها بكل قسوه وعنف وطفيتي بصدري بمكان الوحمه...

اني صدري رجع ورم عليه وانوب طفيت الجكاره بالوحمه حسيت بركان من لهب دخل بيها

صرررخت صرخه هزت اركان الغرفه بحيث اطفالي فزوا مرعوبين وهو تخبل

لزم ايدي وشمر باقي الجكاره باوعلي مصدوم وهو يباوع للجلد الملتهب ومتقرح كال بذهول...حركتي روحج

دفعته بغضب واني منهاره وشعري لاصق بوجهي من الدموع صرخت بوجهه...شفت شفت شسويت بيه وصلتني الحاله مستغنيه عن نفسي

وصلت الحالة الانتحاااااار لا تلومني اذا انتحرت لا تلومني

لك متت مليت تعبت طلكني وخليني اروووح من عالمك لحدمن اضل اسيره عندك لشوكت شوكت تعتقني احجي

تافئف بضيق ورد بعنف...ليش اني مرتاح كل شويه وخابرني كال مرتك بحضني مرتك نمت وياها..

لج حلفت بسابع سما اكتله وحلفت خلال يوم واحد اشوف وين نهزم ما خليت مكان ما رحتله لحد ما صدته

لزمني من شعري بغضب...تدرين اني صرت مجرم من ورااج اني كسرت داوود ضربته طلقتين برجله هذا اذا ما مات...

باوعتله بتفاجئ وصدمه وذهول همست...كتلته

لزمني من شعري بقوووه وهو يباوع لعيوني بقسوه كال...يييي كتلته وما متندم وان شاء الله يوم الي اكتل عويصم العار ابن العار

صرخت بوجهه بغضب...لا تسب ابووويه لا تسبه لك اكررررهك والله والله اكرهك طلكني بعد ما اريدك ما احبببك

ابتعد عني وهو يرد بعدم مبالاة...عادي شعور متبادل اني هم اكرهج واتمنئ اطلكج  بس محد كاسر ضهري غير هل اطفال وان شاء الله باقرب وقت اتخلص منج وبدونهم...

وكف ديمشي واني مستغربه شنوو بدونهم قصده ياخذهم مني ...لا والله بعد ما جابته انه الي يحرمني من اطفالي

صرخت بغضب...ما انطي أطفالي لو علئ كص رگبتي ولا جابته امه الي ياخذ مني اطفالي

هو دار وجهه عليه وعض شفته بغضب كال...تهدديني؟

ابتسمت بقهر ومن بين دموعي...شنو تعتبرها اعتبرها بس لو اموووت ما انطي اطفالي

دار وجهه ومشئ كال بهدوء...يصير خير

تخبلت من كال هييج شفته مخلي مسدسه بحزام البنطلون سحبته منه بقسوه

هو دار وجهه عليه باستغراب وصدمه ضغطت علئ الزناد وهو وجهته عليه وقررت انهي كووولشي...

نهاية البارت...يتبع

كونوا انتم كونوا بخير....احبكم💔

نور سمو العراق...😘

لا تنسو التصويت رجاءا

تنبية...اعتذر عن فترة الانقطاع لكن ظروفي حالة بيني وبينك عندي حالة وفاة ابن حماية انتقل الئ رحمة الله انا لله وانا اليه راجعون...

والله كوه كتبت لحد الان عنده ناس اعذروني

ان شاء الله الخميس البارت