رواية #جوليت وأسرها.... الفصل الخامس والخمسون 55 - بقلم الكاتبه سمو العراق

البارت 41
رواية...جولييت واسرها...غياهب الإنتقام
بقلمي...نور سمو العراق

💔💔💔💔💔💔💔💔💔💔💔

ايتها الراقصه فوق اضلعي
ارتدي الخلخال ودعي اجزائك
تتلاعب فوق تفاصيلي
ليزيدك غنجآ ودلال

.....................................

توه داافوت حسيت بأيده الدافية تسحبني من ساعد ايدي وتقيدني ، سحبني طخيت بصدره وتوجهت نظراتنا .

نزل ايده من رسغي و لزم كف ايدي الصغيرة الباردة وصرت احسها دفت تحت ضغط اصابعه ..

قفل الباب وضغط علئ ايدي حييل وعيونه تتاملني بجرئة

تفاجئت كتله بتعجب ..  جاااااسر

باوعلي بنظرات جريئة...جااااسر مووو؟ مصدومه مدام هااا

بلعت...شش شبييك شكوو شصاير

غمزلي...علييينه

رديت بتلعثم...شش شنوو علينه شمسويه

رجع احتضن اكتافي وباوعلي بغموض...لا والله تغشمين روحج موو ؟ من اكلج بربوگ تلوميني

ضربته علئ صدره ودفعته...اي شبيك لا تفشر شنو اغشم روحي

عض شفته...لكيتي مرتضئ لو جانت مجرد بروفا

رمشت بذهول وفشله...شبييك شدتحجي شنو بروفا شنو مرتضئ ...

اردفت بتلعثم...اي لكيته مرتضئ جان يم ريهام واني ما ادري بي

تقرب مني اكثر ولزم الدكمه مالت الفستان من ناحية الصدر

بلعت ريكي بخجل وخوووف ما حسيت بي غييير كطعها وهو يرسم ابتسامه خبيثة علئ شفايفه وشمرها بحيث صدئ الدكمه اصدر ازعاج علئ ارضية الغرفه

لزمت الفستان بخجل من ناحيه الصدر وهمست بذهووول...لييش تكطعها...

رد بذوبان...هل دكمه تعتبر حاجووز بيني وبينج والحاجوز ما اله فصل بقانون العشاير

لذلك مراح تكدرين تعاتبيني عليها او فصل بيها

احتضني بقسسوه وهو يشم بشعري

دفعته بخوووف....جاسر وخررر شبيييك

باوعلي بصدمه مصطنعة...افااا منو قبل شويه يسويلي اغراءات واني العبد الفقير الضعيف كدام جنس حواء....

اتحملي نتائج افعالج جولييت خانوم

همست بخفوت...مسويت شئ جااسر مجرد جنت اداور علئ مرتضئ ولا اغريك ولا شئ اصلا اخر همي انت

ضحك بشماته...وفوگ كل هذا جذابه احجي الصدك جولييت احب صراحتج وداعتج

بلعت ريكي وجاوبت بصدق...اي صح اني مجنت ادور علئ روضي بس اني جنت بس اريد تشوف الفستان لا اكثر ولا اقل وداعة ماما

حط ايده علئ خصري وحركهه ببرد كال...بس بصراحه حلوووو بس كوون هل فستان يضحك بوجهي اله اكطعه واكطعج وياه

ابتسمت بتوتر...شتكطع يمعوود طالبته طلبه من ريهام حتئ عيب منها انوب كطعت الدكمه هسه دكول هاي مخربطه بس تكطع

رد بغرور...والله هاي الدكمه فضوليه قافله بابها كدام المخزن السري تستاهل لكطع

سكتت ونزلت راسي بخجل كال...زين ليش ردتي اشوف هل فستان شنو السبب

ابتسمت بحزن...لان زعلان ردت اشوفك اني حلوه

ضحك...واني زعلان لو مو زعلان دووم اشوفج حلوه وانتي شتلبسين حلوه

عضيت شفايفي من خجلي من كلامه وكدر ياثر عليه

رفع وجهي لاطراف اصابعه وطبع بوسه دافيه علئ شفايفي بعد ما غمضت عيوني ما ردت اشوفه وهو يبوسني

همست بصوت اقرب للذوبان...ليش سديتي عيونج افتحيهن

فتحت عيوني بارتباك ولزمت ايده بتوسل...جااااسر والله اني اعتذر مجان قصدي اغريك واجيبك الغرفتي بس والله حبيت تشوف الفستان

هز راسه باسئ...ما عندج عذر ام مجتبئ وكعتي بشر افعالج

رمشت بعيوني بعدم استيعاب ...شتقصد والله مو قصدي اغريك والله وحتئ الفستان جايبته قرض حتئ وسفه عليك تنغري بفستان مو ملكي ومطلوب

سحب جكاره ودخنها واتكئ علئ الميز كال...والله يا ام مجتبئ انتي لو تلبسين كونيه تسوين اغراءات بس مال تسوين بروفا كدامي وتستدعيني الاحضانج هذا بحث اخر...

واني انسان كريم وما يرد الكريم اله البخيل لذلك ما حبيت اردج واجيت البي اوامرج وتدلليين كم ام مرتضئ عندي

حسيت وجهي صار نار من الخجل ياربي والله مو قصدي بس ردت يشوف الفستان انوب شلون فرها عليه وسواني مسويتله اغراءات ...

خلص الجكاره شمرها وداسها برجله وبعدها فتح ازرار قميصه واني فتحت عيوني مصدومه

رجعت خطوتين...لا لا لا جااااسر مستحييل انت متحبني ولا تريدني ومحرمني لا تنقض بالعهد جاسر فدووه

عض شفته وجر نفس...اووويلي من كلتي جاااسر زدتيني اصرار

شمر قميصه واني بلعت ريكي وبطني لوتني...جاسر حرام عليك والله بابا لسه ميت وهماتين لحد الان خاطري مكسور من الكل ومن الدنيا

تنهد بهدوء وهو يتقرب...اطيبه ام مرتضئ اطيبه

اردف بهدوء...وبعدين ابووج ترئ راح يصير اكثر من تلث اشهر والحي ابده من الميت خلي النفس عليج راضيه ولا تطوليها وهي كصيره

همست...والله بعدني گلبي مجروح

تقرب مني واحتضني بدلال باسني بخدي وبعنقي ونزل الفستان

توسلت بي يتركني ودموعي،جانت تشكي،حالي،بس هو ابببد ما اهتم ...

مسح علئ شعري بحنان وهمس بذوبان....لا تخافين جووولييت اني مو مثل قبل اني تغيرت وانتي الي ومحد الج غييري

انتي ام اطفالي وطفلتي افتهميني اني من اقسئ عليج المصلحتج لان اكو هواي امور خافيه عنج

همست بعذاب وتوسل...شنو ضام عني احجيلي لا تخليني بحييره

همس...اششش خلينه باليلتنه وان شاء الله لكل حادث حدييث

جان كووولش حنين بلمساته واحس حاجز بينه انكسر مدام كدر يتقبلني كزوجه ان شاء الله يكدر يتقبل موت اهله

قبل لا يتقرب مني كال...جنت مستحيل اتقبلج زوجه اليه بس بعد الي صار اني عرفت انتي ما تنتمين اله الي وانتي مني وبيه مو من حازم وعاصم

ما عرفت شنو يقصد

غمرني ببوساته الي تكون مره قاسيه ومره رقيقه وانتميت العالمه الي مموجود بي بس اني وهو

جنت خجوله بين احضانه عكسه هو جريئ واحتضني بكل دلال...

وكل شويه وكال احضنيني رغم اني جنت حاضنته...

واول ليلة من بعد الي صار انام بين احضان كاسري وهو ينام علئ فراشي

وما اعرف راح انكون اسره سعيده لو راح نرجع النقطة الصفر....

...............................

جابر...

جنت بالدوام الصبح خابرني جاسر اني دائما وياه شئ طبيعي لان هو عنده خطه يريد يلزم عاصم او حازم اي واحد منهم...

خليت ورحت الهم كال...تعال تغده يمي

رحت ضليت كاعد يمه وهو يسولف كال...ان شاء الله ما ضل شي  واخذ ثاري من عاصم الكلب

رديت عليه بحيره...وجولييت

رد بعدم اهتمام...شبيها جولييت هذول مو اخوان ذوول عااار لك انت ما شايف التسجيلات والرسائل بموبايل امها...

اني اخذت الموبايل وخليتهن بملف مخفي وربك هي ما تعرف للموبايل جان راحت بيها جان ماتت والله

الصار مستحيل يستوعبه العقل يعني عاصم الكلب،وحتئ امها وحازم شفت شلون يفشرون عليها وهذا كله موجود رسائل وصوتيات

رديت عليه بهدوء...احذفهن

باوعلي ورفع حاجب...لاااا مستحييل هذا دليل ضد اخوانها الكلاب حتئ باجر خاف اقتل عاصم ما تجي تشكي مني وتثور عليه

دخلت ريهام تحضر بالغده واجت سلمت عليه بستها كلتلها باستغراب ومزح...شبييج اشو متغيره شنو بيت عمي يكربون عليج

ضحكت...اي عيني مشغليني خلفه اصبغ وابني،بيوت

واردفت بضحكه...هو شعدنه كلمن ملتهي بروحه وصرت اكرهه اطلع او اشوف اي،واحد من كثر ما يكولون متغيره

باوعلها جاسر كلها...انتي سويتي التحليل الكلتلج عليه الدكتوره

هزت راسها...اي سويته بس مو هسه يطلع يطوول ما اعرف ليش هيج هذا التحليل

رد عليها بهدوء...ان شاء الله مابيج غير العافيه

ابتسمت...شكرا ابو مرتضئ الله يعافيك

خلت وطلعت بس اني بصراحه حييل انقهرت عليها اختي وصغيره وحالتها مو حاله عبالك ضاله بس الجمجمه وصفررره

حسيت گلبي انقبض عليها ياربي دخيلك اخذ من عمري وخلي العمر ريهام

تغدينه وكملنه جاسر صااح...ام مرتضئ تعالي عزلي المواعيين

هي اجت سلمت عليه بدون ما تباوع الوجهي اكيد خايفه من جاسر وعزلت المواعين بسرعه واخذتهن وطلعت...

شويه واجاه اتصال هو وكف وطلع ضل يخابر وبعدها اجه و وجهه مستبشر حسيت اكو شئ

عقدت حواجبي بتساؤل...شكوو خيير اشو احسك فرحان

ابتسم بمكر...صار الوكت الي ارد بس اعتباري واغمض وبالي مرتاح قربت نهاية عاصم الكلب

استغربت من وهو ضل يسولف واني مصدووم واحكم الخطه بسرعه

دخلت جولييت وهي شايله صينية بيها استكاين وجاي وجاسر جان يخترقها بنظراته

خلت الاستكاين انتبهت الخدها بي زراك عبالك واحد عاضها ...

من طلعت كتله بتردد...جاسر خطيه ليش تضربها مو تعرف بيها مضلومه ومحد نصفها...

رد بضحكه...اكل تبن لك اضرب احرك شدخلك وبعدين منو كال اني ضاربها

ابتسمت..احترم نفسك جويسر لا تتجاوز وبعدين جولييت بمثابة اختي ومن حقي ادافع الها وهسه دكول انت ضاربها

رفع حاجب...لا تتدخل بين رجال و مرته مفهووم...لا اجي اخذ اختي منك

ضحكت وضربته علئ كتفه لا عاد كلشي ولا اختك

ضلينه نضحك ونسولف وبعدها خليت ورحت...

...

جولييت صبيت جاي الهم واخذته وعضه بخدي ياربي اكوو واحد بحالة رومانسيه يعض بالخد شكد استحيت

عبالك علامه طابعها بخدي جاسر انوب مو طبيعيه مبينه همزين نوال مو هنا جان فضحتني وشدتلي رايه

عود اني اجيب كريم واخفيها بس هو وحش ماكلني اكل شكد ما يستحي...

انوب من تقرب مني لحد الان واني مدري شبيه من اشوفه انهزم مستحيه منه موووت ...

رغم هو كل شويه واجه حجه ويايه وعاكسني واني بس اشوفه وانهزم الغرفتي

وحجيت الريهام ضلت تضحك وحطت ايدها علئ،بطني كالت...ان شاء الله تجيبيلنه بعد نونو لج اطفالج حلوين ما بيهم خساره

ضربتها علئ ايدها بصدمه...يمه فال الله ولا فالج بيش طالبتني خلي اربي ذول يالله انوب افكر اخلف واصلا اني وجاسر ما مستقرين علئ شنو نضلم بعد طفل ويانه

همست...الله كريم حبيبتي لا دكولين هيج خلي ثقتج برب العالمين كبيره وان شاء الله كل اموركم تنحل...

همست...اميين ان شاء الله

اجه صلاح واني استحي منه فخليت وطلعت رغم هو حلفني اضل بس لا خطيه تعبان هو خلي ياخذ راحته

.............................

وقار .. رجعت للبيت واني بس افكر بكلام نوال وهماتين متندمة لان ماحاجيت جوليت ولا استفسرت منها بخصوص الحجي الي وصلي من نوال .

مرات افكر اكول نوال جذابة مستحيل يكون هالكلام صحيح وارجع واكول لا مستحيل لعد اذا محد يعرف بس اني ويا شون عرفت نوال .

معنى هالحجي شكوكي حقيقية مية بالمية احتمال اكو تواصل بين جابر وبين جوليت .

هزيت راسي واني مغمضة عيوني احس نفسي بدوامة وبنفس الوقت تعبانة تعباااانة .

باوعتله نايم بصفي ، تأملت شكله بالدقايق اني اباوعله
الى ان ماعرف شلون سحبني وحضني خلاني على صدره وطوقني بديه وهمس وهو منعس .
نامي عاااااد ..

جريت حسرة وغمضت عيوني وعقلي يفكر
زين هو ليش بس رجعنه لف راسه ونام
حتى مافكر يتقرب مني واحسه ابد ممهتم الي .

صوت بداخلي يكولي هذا احساس لو تريديها حجة
احس بداخلي معارك طاحنة بين عقلي وبين قلبي ..
محتارة يربي .. معقولة جوليت !! معقولة جابر!

الى ان نمت احس راسي صار شكده من التفكير ..

يوم ثاني طلع وتأخر بالشغل ومن رجع كال تعبان لف راسه ونام ..

العصر كعد كال راح اطلع حضري ملابسي بين مااسبح ..

كمت حضرت ملابسه اباوعله بنظرات عدم رضى
اخذ راسي وباسه وحضني وهم ظل يبوس بيه .
كال بتساؤل  شبيج ليش هيج تباوعين ؟

وخر مني وراح ديبدل ملابسه : ها ويه جاسر عدنه شغلة .

احس قلبي اهتز بقووة " معقولة جاسر يعني جوليت "

انتبهت عليه يكولي : هاا شبيج صفنتي ؟

هزيت راسي وكلت بنبرة زعل " ماكو شي"

دا اعوفه واطلع من الغرفة ، سحبني بسرعة
وظل يطل بوجهي لازمني من جوانب راسي .

_ شبيج وقار اشوو مو على بعضج .

ظليت ابوع لاعماق عيونه بشك ..

هو يمكن ماعرف يقرا نظرات عيوني ..

كال ها لأن راح اطلع واخليج لج لاتضوجين غير هذا اخوج شسويله هههه

طلعت من الغرفة بدون ما اجاوبه ، رحت للمطبخ ..
دااصب لي جاي احس دماغي افتر واريد افكر زين .
هو اجه وراي باسني على كتفي وهمس ممحتاجة شي حبيبي .

هزيت راسي بمعنى لا .. كال ادري بحبيبتي زعلانة هالايام هاملها اني من ارجع اراضيج .

كال هيج ودارني عليه ، خليت الاستكان ع الكاونتر
وبعدني ساكتة ..

كال انزع ابطل ما اروح ؟ ابقى يمج .

عدلت ياخة قميصه ومسحت على صدره بأطراف اصابعي وحجيت بغصة : لا حبيبي روح اني مابيه شي بس دايخة شويه .

باسني على راسي : سلامات ماتردين اجيبلج شي وياي .

واني اباوع لعيونه هزيت راسي وهمست "لا سلامتك"

طلع وبالليل تأخر حيل مما زاد عصبيتي وغضبي واريد بس انفجر كدامه ، خاصة التفكير تعب  عقلي واعصابي وبعد ما اتحمل .

من اجه ودخل للغرفة اني جنت كاعدة على السرير
باوعلي ضحك شحيت منه وجهي وصديت نظراته
اجه وميل نفسه عليه باسني بطرف شفتي
حجيت بحدة : وين جنت ؟

رد بصبر مفقود : مو كتلج يم جاسر ؟ شبيج وقار ؟

كمت معصبة وارجف : مابيه مابيه انت الي بيك مووو اني .

هو هم رد بعصبية : شجااج منو قاري براسج من يوم الي جيتي من اهلج وانت مدري شبيج احجي سامعة شي ؟

_ محد قاري براسي اصلا كل شي واضح كدااامي انت تحب جوووليت

صيح بغضب ونظراته نارية خطرة
واديه على راسه : لج وقااار شهالحجي هذا سكتي سكتي ماريد اسمع منج .

_ ماتريد تسمع منييي مو اي طبعااااا عامية عينك جوليت ولهذا السبب متتقرب مني اصلا انت مابيك خير والدليل كلام الدكتورة .. انت مابيك خير مااابيك خييير ..

كلت اخر كلامي بصراخ .. جن جنونه تقرب مني معصب ، ضربني على وجهي ، عطت خليت ايدي
دااباوعله اجاني الثاني والثالث ، وكعت على السرير وصرت ابجي بنحيب وحرارة ضرباته على وجهي ..

ونمت على بطني ودفنت وجهي بالسرير ، حسيت بي اجه دارني عليه ويتمتم بغضب : اني مابيه خير ولج وقار هيج عبالج لج لان مداريج وماريدج تتأذين اطلع مابيه خييير .

اعتلاني وصار فووكي واني خليت اديه على صدره ادفع بي واصيح بوجهه وخر عني جابر ووخر كووم وديني لاهلي كووووم .

كال بتحدي وعناد : لا اريد اشوفج شلون ماابيه خير .

صرخت : لاء جابر لااااء ....

لزم ثوبي من يم صدري وشكه من للطول للطول واني ارافس برجليه ، ثبت اديه فوك راسي واجه همس يم اذني بفحيح مرعب :اني مابيه خيير موو خلي اشوفج المابي خيير شيسووي الله ينتقم منج يا حيوانه

كتم حلكي بيده وايده اللخ مقيد رسخيَّ وتقرب مني بعنف ..

حسيت روحي دتطلع تندمت لان استفزيتي احس هنته ميستاهل مني بس شسوي اعصابي ماكدرت اسيطر عليها وانفجرت .

بعد ماخلص صرت ابجي بنحيب مؤلم ودخلت جوه البطانية وهو حسيت بس يتنهد ويتأفأف ويلبس ملابسه وطلع من الغرفة وطبك الباب حييل .

...........................
شهد...

دخلت للحمام سبحت وبدلت لبست ثوب قصير بي ورود ورفعت شعري كبايه وخليت مكياج طلعت جني مهرج....

خابرني جعفر كال...ان شاء الله اليوم اجي

ضليت منتظرته منا لمن اجه فتحت الباب وهو باوعلي باعجاب سحبني وباسني بخدي

ضحكت وخليت خصلة شعري وره اذني دخل للاستقبال اجه ابويه كعد يمه ضل يسولف وياه

وهو كتب الي رساله كاتب...شلون بالله ترئ نعست ابوج شوكت الله يهدي ويروح ينام

كتبت...بعد وكت خلي يشوفك يشوف نسيبه شلونه ما لونه

رجع كتب...ربج ما سكرت جان ابوج طلكج مني بالثلاث بس ولا يهمج ان شاء الله الجيه الثانيه اجيب وياي بطل اله اخلي ابوج يهلهل بنص المنطقه

باوعتله وخزرته وهو رجع يحجي ويه ابويه

رحت جبت كيك وعصير طبعا هاي شنو اشتريتهن من جيبي الخاص او بالاحرئ من البياض

لان زوجة ابويه متقبل ابوگ من الدكان هي كاعده بي وهماتين من اشتري منها تاخذ مني فلوس

وابويه ما يقبل يشتري لخطيبي واني واكعه بيها

جبتله عصير وكيك اكل شويه وبعدها كال...اريد اروح اغسل

خله وطلع ديغسل وطفت الكهرباء اجه وهو يضوي باللايت مالت الموبايل

كعد بصف بابا كال...هاي شبيها وطنيتكم اشو طفت

رد بابا...اي هسه يجي السحب

ضلينه كاعدين ماكو  اجت زوجة ابويه كالت لبابا.  اكلك اشو كلها عندها كهرباء بس احنه

بابا وكف كلها...شسالفه ليش اني اول البارحه دفعت فلوس السحب

رفعت اكتافها بمعنئ ما تعرف ابويه طلع وهي،طلعت وراه

وجعفر ما صدك طلعوا اجه يركض عليه لزمني،من حنجي وباسني بقوووه كطع انفاسي

رمشت بعيوني ودفعته ...يااا عزا بعينك لك لا يجي بابا ويذبحنه اني وياك

رد بملل...دخلي يطير حلالي يابه حلالي قابل خاطفج

وهاا شوفيلنا جاره وياه ترئ،ما يصير مكابلني وكاعد ميت عليه اني ومكابلني ذيج مرته وخلي يروح الها

جريت نفس...هو شنو يروح الها غير هي كلتله روح اكعد خبث عليها

ضحك...واني شنو زوج لج طفيت عليهم الكهرباء وخليتهم راس يركع براس

ضحكت بصدمه...يااا عزا تحجي صدك يعني مو طفت

احتضن خصري ورجع باسني...اي ولج طفيت الميزانيه نزلتها ولج بس لا تجي الوطنيه وننفضح

ابتسمت ..كافي ما شبعت

رد ببراءة...والله مظلوم اني بعز شبابي زوجوني وغصبوني الوجهه الطاوه وجنت طفل لا احل ولا اربط

ضلموني المايخافون من الله امووت وما ابريهم الذمه و وجة الطاوه ضلمتني حتئ،رادت تغتصبني لو ما ربج ستر

لطمت صدري بقهر...يااا تحجي صدك

رد بكذب...اي والله شبيج ان شاء الله الله يطلعها بخوانها اني ابن عوائل وشريف وكما تدين تدان اكيد الله يطلعها بخوانها...

ضحكت...تضحك عليه لو شنو

رجع باسني...لا والله شبيج احجي صدك حتئ صرت انام يم امي رضيه خوفا علئ شرفي

اي والله اخاف وجهه الطاوه تنتهك شرفي....

اجت الوطنيه عاد هو رجع كعد علئ القنفه ويطكطك بموبايله واني طلعت من اللاستقبال بسرعه

شفت ابويه دخل للاستقبال ورحت وراه حجه ويه جعفر كله...هاي الميزانيه لكيتها نازله مدري شبيها

رد عليه جعفر...اخاف مشغلين هواي عليها وما تحملت ونزلت

ابويه جاوبه...اي احتمال

ضلوا يسولفون وبعدين هو انطاني فلوس وخله وطلع وهو يسب بزوجة ابويه واني اضحك عليه

..........................
ريهام ..

طبت نوال هي وامها واني رحت قدمت الهم الجاي وكعدنا يمهم .. جانوا يتناقشون ويحجون ..

هيه كامت من يم امها وراحت وكعت على ايد عمتي : عمه حبابة اعذروني والله الي صار غصبا عليه ..اني ردت اشتغل وافيد نفسي وافيد بناتي بس صار الي صار ..

عمتي جرت ايدها منها ودارت وجهه ..
هي باوعت لامها بقهر وامها كالت خيه ام فلاح والله بنتي مظلومة والله صارتلها مصيبة شنسوي بعد وانتوا هم اهلها واعتبرها بنتكم .. مايصير هيج لو ما بناتها بنات المرحوم الغالي ع الاقل لخاطرهم .

جاوبتها عمتي باقتضاب : مصيبة مصيبتين الله يخليج اشو يومية جايبتلنه مصيبة اكبر من راسها خلينا ساكتين احسن . هاي تاليتها الله اعلم شتجيب من بلاوي يمكن تودينه كلنه للسجن بسببها خيه ولا تزعلين مني بنتج خليها يمج احسن .

_ لا مو انت ماتعرفين شنو صار فلوس اخوها عشرين مليوون اخذتهن عود تشترك هي وياه بمشروع وباكوهن وتالي هي خافت من اخوها وتداينت .

نوال بقهر : اي والله عمه هذا الي صار الي وانتوا المفروض تكونون الي سند خاصة زوجي جعفر  لازم يوكف ويايه بهالمصيبة مو يتخلى عني ويشمرني ومايدري عني شي  ..

رضية كالتلها : جعفر بعد مايريدج لاتحاولين فكي ياخة منه واحترمي نفسج احسن.. خلي عندج كرامة خليني محترمة امج هالشيبة الكبيرة لا احجي حجي مايعجلج

هي كالت : ليش خالة هيج تكولين اني احبه وهو زوجي ..

خالة صبرية جاوبتها  ... حبج البين وطكج بعصتين ولج انتي يومية جايه المصيبة حتى ابليس يشرد منج بعد مو جعفر مل الرجال منج مل بزعت روحه ومنا هو كارهج   .

ام فلاح كالت خية ام نوال مصيبة بنتكم انتوا حلوها بعيد عنه الله يخليكم .. احنه الي بينا كافينا وزايد

صبرية : اي صدك حجيج وها ازيدج من الشعر بيت  ترى جعفر خطب ومرته حليوة وصغيرة وتخبل مو سوسة نفسج . شهد شهد شهودة اسم على مسمى

كامت على حيلها نوال وظلت تصرخ
عزاا بعينجن عزاا زوجتنه زوجتن زوجي الله لا ينطيجن الله لا يخليجن الله لايرضى عليجن  ليش ولجن ليش ليش ؟؟ تصيرن انتن والقدر ضدي
فلاح مات وجعفر تزووووج عليه يمه لحكيلي

امها كالت بقهر  : ليش شنو ناقصها بنتي حتى يتزوج عليها اشو حلوة وتهتم بنفسها حتى تعجبه هاي جزاتها

نوال رفعت اديها للسما وظلت تفرفح عود
ولجن ليش ليش شسويتن لرجلي سحرتنه وخليتنه يعرس عليه ليش تكرهني ليييش .

بناتها يمها اجن يهدأنها وهيه ظلت تلطم بيهن وتكتل
وتصفكهن راشديات ، كامن عمه ام فلاح ورضية يفاككنهن منها

وامها تكللهن عوفنها مفرفحة حقها خطية خلي تنفس عن غضبها . الله ينتقم منجن يالعجايز زوجتن زوج بنتي

بس هنه ماخلنها وبعدن البنات عنها ، كامت امها وطلعتها برة هي ظلت شكو شي كدامها تشمره على الشبابيك وعلى الجام وتكسر كله .

واحنه متنه من الخوف هاي فد نوب تخبلت والجهال خطية ظلوا يبجون ويصرخون من الخوف .

وتفلت علينه وطلعت وهي تعيط
............................

حازم...

خابر عمي بايع قطعة الارض

عاصم كال ..انت روح جيب الفلوس اني اخاف اجي وكلشي يصير انت ما مطلوب مثلي

صدك بدلت وكملت ورحت امي وصتني علئ نفسي وكالت...اسال علئ اختك خطيه

رد عليه عاصم بغضب...خلي تووولي شنوو يسال عنها انتس شفتي التصوير الي رسلته هاله شلون تتمركص وابوي ما صار كم يوم من مات رغم هاله وخالتي كللها ابوج مات

بس هي ادبسز اهم شئ عندها جاسر الكلب وجهالها هي هاي انانيه شفتيها من طلبت منها تجيب ذهبها شلون هجمت عليه

وكلام هاله كله صح عنها هي رادت تورطني علئ ابو تداين فلوس وبعدها من اريد اخذ الفلوس منها جاسر يلزمني

الكلبه الحيوانه والله اذا الزمها اله الحكها بفلاح شلون اخت تضحي بينه مقابيل جاسر الكلب يرضئ عنها

رديت عليه بقهر...عاصم عوفها هي هم مسكينه وكعت بحيره بينه وبين زوجها واكيد هددها ياخذ اطفالها

عاصم...لا هي من زمان تكرهنه وتريد تاخذ ثارها منه شلون عود ضربناها من اتهمتها هاله

جاوبته بغضب...يجوز هاله جذابه مثل ذيج المره

رد بفحيح شيطاني..ذيج المره هاله ما عندها دليل بس هل مره ادله مو دليل واحد كله يهون بس ركصها وشماتتها بينه هذا ما نكدر نسكت عنه يعني ابوي ميت وهي تركص وفرحانه ومبدله...

امي ردت من بين دموع الحزن...والله ما اصدك جولييت حنينه على ابوها مستحييل تعرف بي ميت وتركص مستحييل هاي جذبه من هاله

هو تقرب من امي وكلها بغضب...انتي من شفتيها تركص مو تخبلتي مو خابرتي رجلها وتبريتي منه

امي ضربت عاصم راشدي بكل قووه...انجببب اني صدك تخبلت بس بعدها استوعبت مستحيل جولييت هيج تسوي

وما خابرت جاسر اله من جوه ايدك وانت تهدد بيه اني واخوووك ولك ساعة السوده الجبتك بيها

ولك لو ميت انت ومرتاحه منك ومريحة هل مسكينه

هو عافها تحجي الوحدها وبعدها سحبني وطلع كال..دير بالك وكوون حذر تجيب الفلوس من عمي

وترجع بسرعه حتئ ان شاء الله هل اسبوع احنه طالعين الاوكرانيا او الفلندا اي دولة تهريب بس المهم نطلع

هزيت راسي واخذت سلاحي وطلعت رحت الطريق طوويل وكل سيطره افوت منها اكول راح ياخذون السلاح مني بس الحمد لله ما انلزمت

دخلت البغداد وبعدها فتت للدوره رحت البيت عمي جنت ملثم وخايف حيل وكل شويه واتلفت جان الجو اظلم

دكيت الباب بسرعه واني كل شويه وكامز وكل شويه ومامن الطريق فتح الباب عمي ودخلني بسرعه

حضني وباسني وضل يسالني عن احوالي وسالني عن عمي واني طمنته

ورجعت سالته عن جولييت كال...زينه الحمد لله

انطاني الفلوس ورجعت بسرعه مشيت بسرعه فتحت باب السياره جاي اصعد ما حسيت غير بالمسدس براسي وهو يهمس بهدوء...اشش لا تتحرك لا افجر راسك

نهاية البارت...يتبع

كونوا انتم كونوا بخير...احبكم 💔

نور سمو العراق 😘

لا تنسوا التصويت حتئ اذا شفت التصويت صاعد لهذا البارت ان شاء الله انشر الكم هماتين بارت واذا لا انخليها علئ الاحد 🌹🌹

التصاميم من ابداع طلحه Talha-25-3

التصميم من ابداع وئام الشيخلي snwn2231