رواية #جوليت وأسرها.... الفصل السادس والخمسون 56 - بقلم الكاتبه سمو العراق

البارت 42 مفاجئ
رواية...جولييت واسرها...غياهب الإنتقام
بقلمي...نور سمو العراق

💔💔💔💔💔💔💔💔💔

أنت بس نام على ايدي، وخل

أشوفن يابرد يعبُر عليك

.......................
البارت اهداء للمتابعه مريم العبيدي من متابعين الفيس😍
.

............... 

جولييت...

الاخ سند وهو الي يعوض مكان الاب بس للاسف اني اخواني ما نصفوني...

شكد احب حنية جابر علئ ريهام متخبل لان خطيه متغيره وحتئ جاسر من تجي وقار شكد يكعد وياها ويسالها عن اخوالها وشلونها ويه جابر...

بس اني للاسف ما اعرف شبيهم اخواني بس للامانه حازم احسن من عاصم بهوايه رغم هو يخاف من عاصم ويقلده باكثر الاحيان...

ورغم كوولشي اني اتخبل اذا صار عليهم شئ حتئ واذا كانوا عارات ومجرمين القانون هو يقتص منهم ما احب جاسر هو ياخذ حقه...

طلعت بره شفت ريهام دتسوي عشا كعدت اساعدها ونسولف اني وياها من زعلت نوال لحد الان والبيت هدوء مو مثل قبل...

واني وريهام مخلصين كل شغل البيت وابد ما نتعاين علئ الشغل بس مرات اشوفها تعبانه ما اخليها تشتغل...

ضليت اسولف وياها كلتلها...ريهام شفتي نوال خابرت ماما رضيه دكولها كرهتوني من اجت هاي ام السحوره لحد الان

واخوي لو قاتل اهلكم جان شريتوني علئ الحبل بس حظ الكح ...كاعد صدك لو كالو حظ العواهر جواهر

ابتسمت وهي تگلي...يمعوده لا تهتمين الها هي هيج طاك عندها فيوز خلي املج برب العالمين كبير وان شاء الله هو يجازيها...

همست...الله كريم والله اني بحياتي ما رحت السحار ولا اشتغلت اصلا هو اني طالعه اشو نهار وليل محبوسه بهل بيت ...

جرت نفس كالت...كلمن يشوف الناس بعيين طبعه الله يجازيها ويخلصنه من السحره

رحت اسوي زلاطه وهماتين ضليت اكلي وياها خلصنه العشا واخذناه

صلاح وجاسر مجانوا موجودين بس جعفر هسه اجه من نسابته....

كعدنه ناكل ام فلاح راحت البيت عمي ابو جابر تشوف وقار لذلك كعدت وياهم...

واحنه دناكل ماما رضيه كالت لجعفر...اليوم نوال هدت علينه وسوت فلك من درت بيك خاطب شلون تزوجن زوجي عليه

جاوبها باستنكار...منو زوجها اني؟ صدك ما تستحي هاي حتئ عقلها وياي واني بكد ابنها

ضربته رضيه ...ولك يا ابنها غير تخبلت حتئ تفلت علينه

رد بصدمه...لا جذب... وشسويتي عقمتوا نفسكم لااا ترئ هاي سامه ترحون بيها ...اني حذرتكم

ضحكت اني و وريهام ضلت تضحك عليه وماما رضيه كل شويه وضربته وتضحك

اردف باندفاع...هسه يصير بيكم جرب رجاءا اني بعد لا اكل وياكم ولا تاكلون وياي اعزلوا اكلي لا انوب يصير بيه مرض واني علئ وجهه عرس ...

ابتسمت رضيه...اي صدك جنت يم خطيبتك شلونها؟

رد عليها بهدوء..زينه يمه تبوس ايدج سويت بيهم سوايه محد مسويها طفيت عليهم الكهرباء هههه

رضيه باستغراب...ياااا ليش؟

جر نفس...موتني ابوها كاعد مكابلني جنه بومه عاد طفيت الكهرباء وخليته محتار بيها

ماما جاوبته بضحكه...عاد اخذتلك بوسه لااا

ريهام تلون وجهه باحراج وكرصت ماما رضيه عاد ماما ضربتها...ولج دخلي اساله شسوه المفلوك

احنه ستحينه وضلينه نجمع بالمواعين ونعزل

هو رد عليها...اي يمه بستها وكلشي سويت هو طفيت الكهرباء والله يمه اشتغلت ضلماوي

رضيه...ههههه سبع ما ينخاف عليك

جر نفس ...بس،يمه اخاف فد يوم اسكر واهد عليهم وانوب اخاف اغتصب حتئ ابوها ههههه

رضيه...طاح حضك ولك خلصنه من الشرب فضحتنه الله يفضحك كوون

رد بحزن...يمه شسوي غير كله من وراكم والله قصتي احزن قصه بالتاريخ شنو تزوجوني وجهه الطاوه انوب سحاره ومطلوبه ويمه كله بصفحه ومن باستني بصفحه ...

يمه انتهكت برائتي حاس بذنب ترئ سبحت بتيزاب وهي بوسه

وانتم تفلت عليكم وما رحتوا حجرتوا نفسكم وعقمتوها احركوا رواحكم اشرف الكم

رضيه..هذا ما ينطيك الحق تشرب وبعدين انت تشرب من قبل لا تزوج نوال وقبل لا يموت فلاح

جعفر...اي،يمه مو اني جنت متنبئ للمستقبل حسيت راح اطيح بوجهه الطاوه عاد كلت من تشوف هيج اخلاقي بلكي تعوفني بس شو هاي لزكت لا تهمهه الخلقه ولا الاخلاق ...

لزمته بحنية...يمه ميخالف رجعها لخاطر بناتها وهي صدك مو زينه وما عجبك النفخ السوته بس شني قابل تريد تنضدها...

جعفر باستنكار...جااا شلون يمه اخليها مطشره غير انضدها واباوع النضدتي شلون حلوه

جرت نفس...يمه جعفر باوع هي دكول اني جعفر دخل كلبي وحبيته

وكف باندفاع...جذابه يمه اني والله حتئ ما طالع هل ايام شوكت دخلت كلبها...بس،يجوز جنت سكران ودخلت ما ادري بروحي

هسه المهم يمه خلي تطلعني تطردني لا انوب اكعد بالكهوه مال گلبها وتشربني سحر وتخليني اصيح لو نويله لو ما اريد...

رضيه غمت نفسها...خاب امداني هو انت اليكعد وياك لا ياخذ حق ولا باطل

سوينه جاي انطيناه الهم دخل جاسر هو وصلاح ما اعرف وين جانوا...

راح للغرفه مالته واخذ الاطفال وياه هم صايرين يحجون واموت عليهم من الضحك يسمون جاسر عموو

لان يسمعون بنات فلاح يسمنه عمو وهم هماتين ماخذهم الواهس عمو ما عمو ...

واني سموني،دوده هههههه هاي شنو يسمعون رضيه تصيحلي جوجه عود هم هماتين يكولون جوجه ميلفضوها يسموني دوده

وجعفر معلمهم يسمون نوال وجهه الطاوه عاد هم يمونها وداوه...عود وجه الطاوه

امزقين العائله تمزق...

عندي ملابس الهم رحت غسلتهن واخطيت الفستان وديته الريهام خطيه حلفت اله اخذه مقبلت بس هي اصرت وكالت اذا متاخذي ازعل عاد هو هذا الفستان غره جاسر لذلك اني حابته واخذته...

كملت غسل رحت فتحت باب الفرفه لكيته متمدد علئ السرير ومجتبئ ومرتضئ يلعبون وياه

باوعتلهم واني ابتسم...يالله ماماتي تعالو خلينا ننام

هو باوعلي ورفع حاجب...من خلصنه ليلته لحد الان واني احسج من تشوفيني تتوترين خلي اذكرج ترئ التوم مني مو من غيري

بلعت ريكي...لا مو هييج بس تعرف هوايه امور صارت ويانه وصار فجوه بينه لذلك احساسي هل مره غييير

غمزلي...احساس حلو لو محلوو

ابتسمت ونزلت عيوني...ما عندي اجابه حاليا من اتاكد منك يالله اجاوبك بس جانت ليلة عرسان

عض شفته...احلئ ليلة عرسان بس مقهور عليج والله مو قصدي اعنفج مشوهه خدج الله ينتقم مني علئ هل عمله

بس والله جنت بغير عالم ما ادري بروحي من عضيتج ولحد الان متفاجئ شوكت عضيتج

ضحكت وفركت اديه بتوتر...هو اني ما ادري بروحي شوكت نعضيت بس يالله تهون من زمان كايلتك انت عم الجهال

عدل كعدته وهو حاضن مجتبئ باوعلي باستغراب ...عم الجهال شنووو؟

رفعت اكتافي،بعدم معرفه...شدخلني هم يكولون عليك عموو

شلت مجتبئ،منه واشرت علئ،جاسر همست ...حبيبي مجتبئ هذا منووو؟

هو رمش، بعيونه ورد بكلمات طفولية...هد عموو

باسته بخده حييل...اووووي فديتك ياعمري انت

تنهد و وكف لزمني من ايدي وقربني عليه لزم وجهي وباوعلي ببتسامه غامضه...خوش،معلمه الولد والله شنو انوب عمو

ابتسمت...اني شدخلني يابه غير ولدك يسمعون ويطبقون هم يسمعون بنات فلاح الله يرحمه يكولن عمو عبالهن انت هماتين عمهن

اردفت بمرح...وبعدين يا ابو مرتضئ،ترئ انت ممسوي الهم جوو عائلي حتئ يعرفون انت ابوهم

ركز بعيوني بخبث...اي وشنو الجو العائلي براييج

الجم الساني وما عرفت اجاوب حاولت ويه نفسي وبعدها كلتله...انت اعرف بالجو العائلي

ابتسم...بس اني بديت وياكم جو عائلي حقهم ما يدرون بابوهم شسوه هو وامهم وان شاء الله راح نزيد الجو العائلي،فد نفر حتئ يحسون اكثر بان احنه عائله يسودها الامن والاستقرار...

جاوبته بدلع...استقر عيني نوري المالكي استقر لا انت جبت الامن والاستقرار ولا نوري المالكي ...

عض شفته...ليش تخليني اشوه الخد الثاني واشوهه واختم الج ختم عائلي من الصفحتين

همست...تسويها واني الواكعه بيها من يشوفني وكال منو عاضج واني اجاوبهم مرتضئ

تقرب مني وعضني بس علئ كيف كال. عود الخد الثاني كولي عضني مجتبئ شفتي فوائد الي تخلف تووم...

نزلت راسي واني اخفي ابتسامتي اخذ مني مجتبئ كال...روحي سويلي جاااي ...

رديت عليه بسرعه..اسويلك عشا اخاف ممتعشي

رد بهدوء وهو يبوس بمجتبئ...لا تعشيت بره بس جاي...

خليت و رحت سويت جاي شويه وجبته اله لكيته كاعد يحرك برجلين مجتبئ يسويله مساج ومرتضئ كل شويه وضرب جاسر ميحبه ههه....

انطيته الجاي ديشرب واني ردت اطلع كال..ضلي هنا لا ترحين

ضليت العب بالاطفال بس هم وكحيين كطعوني تكطع الشال سحلوه وشمروه والثووب يجرجرون بي اجو ينزعوني ومو يتعاركون بينهم واحد يكتل الثاني ويضلون يعيطون

انوب يهجمون عليه اني شدخلني يشبعون من اديه عض يخلوني اصرخ بس ادغدغهم يعوفوني ...

شويه وناموا هو يباوعلي كال..بحياتي ما شفت ام مثلج فاهيه ومايعه شنو هاي ولدج شابعينج عض وترفس

ابتسمت..متشوفهم وكحيين انت شعرفك بيهم كول الله يساعدج عليهم بس المن يطلعون البركه بيك مخابيل عليك

اشرلي تعالي لج تعالي وشبيه اني حتئ يطلعون عليه ولج شنو مخبل زماله

حطيت علئ شفايفي باستنكار...لا مو قصدي عليك انت عمهم هم يكولون

اشربي بيده تعالي ولج تعاي لا اجي اشيلج غصبا عنج

خليت ورحت وكفت مقابيله وهو كاعد احتضن خصري بديه ورفع عيونه اليه ...شبيه مخبل ولح

همست بارتباك ...لا والله مو قصدي،بس قصدي عصبيين هيج شئ

سحبني كعدني علئ رجله ولف اديه علئ خصري كال..اعتذري يالله وتعرفين شروطي بالاعتذار

رفعت عيوني بملل وتنهدت...شنو واكفلي علئ الكلمه ترئ والله مو قصدي عمي اني المخبله وعصبيه وطاكات عندي فيوزات بعد شتريد

حط ايده علئ خدي ومسح عليه بحنان وبعدها غمض عيوني وهو يبوسني بشغف ...

بلعت ريكي وضغطت علئ صدره واني طايره بنص احضانه يالله شبي جاسر معقوله ضل يحبني وبعد نسه ثاره لو شنوو ...

ابتعد شويه باوعلي ببتسامه كال...احس نفسي عريس انتي هم تحسين نفسج عروس

نزلت عيوني ومجاوبته اتصل موبايله هو باوع للمتصل وسحبني كعدني علئ القنفه و وكف يتصل

ضليت اباوع عليه بذهول...شكوو ليش انخطف لونه من اتصل موبايله

فتح خط وهو يكول...هاااا يالله يالله جااي بس هاي اخر مره مره ثانيه الي تصرف ثاني اذا جذب

قفل الخط وطلع بسرعه للحظات حسيت بانقباض بصدري ...ياربي دخيلك شكوو وين راح

استغفر الله شهل رجال الغامض خايفه علئ اهلي منه خايفه يتصرف تصرف ممدروس

اخذت اطفالي ورحت الغرفتي ولحظه عيني ما غفت القلق دب بكل أعضاء جسمي....

..............................

جابر...

الي صار وياي ويه وقار شئ خارج عن ارادتي بحيث بالحظات كرهتها والله واجيت اطلقها 

لحد الان افور من كلامها يعني الرجال من يكون محترم ويه زوجتي ليش تهين رجولتي وكرامتي وتطعني بهيج كلمات ما الهن صحه

واني الي جنت اريد اسعدها واعوضها عن ايام الحزن واكبرها بعين نفسها واعوض الحرمان الي عاشته ...

بس وقار تمادت هووواي وطعنتني طعنه خلتني اكرهه نفسي بيها

ما اعرف علئ شنو شايفه نفسها هي اعرفها تتسبع بجاسر بس اني والله لو احجي لجاسر عن كلامها اكيد هو الي يعاقبها...

بس اني ما اريد اكبر المشاكل ولا اريد اضرها ولا اريد اضر جولييت واني ان شاء الله اعرف شلون اتصرف وياها واخليها تندم علئ عملتها وياي ...

اليوم كله ما رجعت ولا شفتها ولا حتئ عتبت باب البيت رغم هي اتصلت كووومه بس بسيطه والله اله اادبها اثبتت هي فعلا ادبسز ...

ثاني يوم رجعت للبيت شفتها اجت العيون مورمه الوجه ذبلان وتمسح بالمطبخ دخلت وحتئ ما قلدت الها

هي باوعتلي و وكفت همست بحزن...جاابر

حطيت ايدي كدامها ورديت عليها بقسوه...اشش كلمه وحده ما اسمع منج مفهووم واذا عندج كرامه ابتعدي عني

هي بلعت ريكها وغصت بالكلام حطيت ايدها المجروحه علئ شفايفها وراحت تركض الغرفتها والدمع يتطاير من عيونها...

جريت نفس بضيق ...خليها لا تنقهر خلي تتادب وبعد متعيدها...

رجعت كعدت بالمطبخ اني بصراحه اذيتها حييل حتئ بينت اثار عذريتها

طايحة حظ كله من ايدها شلون قهرتني،وخلتني ااذيها واني هذا مو طبعي ولا تربيتي

وهي تضل زوجتي وبنت عمي،واكيد واصل الها كلام والموصل الها الكلام زوجة فلاح ماكو غيرها وغير هاله يطعنن بالشرف ....

دكول اني،احب جولييت يعمي والله ما احبه وحتئ لو الي مشاعر بداخلي تخصها ادفنهن ومستحييل اخون ابن عمي واحد عيني علئ عرضه ...

واني علاقتي بجاسر علاقه قويه مو يوم ويومين سنين واكيد ما تفرقنه مره ...

ضلت هاي حالتي ادخل واطلع من البيت وأبد ما اهتم الها...

ومن انام انام بالصاله وهي بالغرفه اسمع ونتها ودمعتها بس مرات اضعف واريد اروح احضنها واطيب خاطرها وارجع اتردد كرامتي فوك مشاعري وطيبتي....

جنت متمدد واسمعها تبجي ردت اروح اشوفها مشيت خطوتين واتصل موبايلي فتحت خط لكيته جاسر

بعدني ما حاجي ولا كلمه كال...تعااال بسرعه جابر يم الجسر ضروري عوف كلشي،وتعال

استغربت لبست قميصي واخذت مفاتيح سيارتي وموبايلي ورحت بسرعه وبقلق...

لكيت جاسر وصلاح واكفيين علئ الجسر والسيارة بصفهم

اول ما نزلت تقرب مني جاسر ولزمني من كتفي كال...اخوو جولييت حفرت كبره

اني راح اسبقكم للبيت القديم وانت وصلاح تجيبوا اليه اذا ما جبتوا انتم حصتي

هو اجه البيت عمه هسه دخل واحنه قريبين منهم اول ما يطلع ويريد يركب سيارته تجيبوا اليه مفهوم

ترددت بقلق...مفهوم بس لا تتسرع جاسر الخاطر اطفالك

ابتسم بحيره...لا اكيد لهذا السبب اني مخليك انت وصلاح تجيبونه اليه حتئ اذا انهزم ما اتهور

هزيت راسي بأي وركبنه السياره اني وصلاح ...

صلاح جان لابس غتره لافها علئ رگبته ومن وصلنه شفنه سياره طابكه بالركن مالة الفرع الئ قريب من اهل جولييت وبيت عمها...

ماكو تقريبا ربع ساعة وطلع اخو جولييت اول ما طلع جان ملثم وبيده شايل علاكه مال فلووس ...

صلاح نزل الوحده بعد ما تلثم وهو لازم اسلاحه وخله اسلاحه براس اخو جولييت....

...

حازم

انطاني الفلوس ورجعت بسرعه مشيت بسرعه فتحت باب السياره جاي اصعد ما حسيت غير بالمسدس براسي وهو يهمس بهدوء...اشش لا تتحرك لا افجر راسك

بلعت ريكي ودرت وجهي عليه بخوف وقلق نفس عيوون جاسر بس اكيد مو جاسر هذا اقل حقد منه

همسلي واشر بعيوني...اصعد بسرعه ...

بدون اي كلمة صعدت والمسدس لحد الان براسي كال بغضب...انطيني اسلاحك بسرعه لا اسكطك تسكط ...

بسرعه فتش جسمي واخذ المسدس من احزام البطلون ...

وخابر علئ جابر اجه جابر اخذ المسدس وجابر ربطني وكعدني ليوره ورجع ساق سيارته

وصلاح ساق سيارتي...

جنت هادئ حييل وحسيت الموت اقترب مني هذا الذنب مو اني اقترفته اقترفه عاصم

بس الضاهر مو بس جولييت دفعت الثمن الضاهر اني راح ادفع الثمن تشاهدت علئ حياتي

وغلبني الحنين الاختي ردتها تشاركني بهمي مثل ما جانت محتاجتنه واحنه مضحين بيها...

وصلنه لمكان مهجور ويخوف بنصه بيت بس مبين بنيان مو حديث...

اول ما نزلوا ضلوا يجرجرون بيه مثل البهيمه فتحوا الباب ودفعوني بعنف...

باوعت اله وكعت كدام رجليه وهو باوعلي بجبروت ثواني وسحبني من قميصه بكل عنف بحيث طرت من بين اديه...

ركز بعيوني بجبروت واني جنت لحد الان متلثم سحب اللثمه من وجهي بكل قسووه

وعقد حواحبه بصدمة...حااازم

رجفت شفايفي بخووف وقلق...جاااسر لا تتهور ارحمنا لا تكتلني اني مو كتلت اهلك والله

هزني بكل جبرووت ...وييييين عاصم ويييييين

نزلت راسي بخوف ورعب شديد وبلعت ريكي بغصه...ما اعرف

ما حسيت غير براشدي بحيث حسيت فقدت السمع وفقدت توازني،..

رجع لزمني وهو يفح من الغضب وعيونه تجدح شرار...احجي لك وييين عاصم لا والله ادفنك بمكانه

نزلت عيوني ومجاوبته

لزمني من عنقي بحيث اختنكت وعيوني طلعت من مكانها ولزمت ايده واني ارافس بين اديه

مر عليه طيف جووولي بحيث اني شاب و رجال وما اوصل الكتفه ولا اكدر اقاوم جبروته شلون بذيج

زمجر بوجهي بكل غضب...ما تحجيييي مووو بسيييطه

دفعني دفعه وكعت علئ،الحايط حسيت ضهري انكسر...

رجع سحبني وجابني ببوكس علئ خشمي علئ اثره دخت و وكعت...

لزمت ضهري بوجع وهو باوع الجابر وصلاح كلهم اخذو لذيج الغرفه واربطووا بحيث ما اريده يتحرك

ويعترف علئ عاصم ويكول زين وغصبا  عنه واله مهله بس هل يومين...

هم اخذوني يسحلون بيه وربطوني مرت ثواني واختفوا بعد ما قفلوا الباب...

تشنجت من اثر التقييد نزلت دمعه من عيني واثارت باقي دموعي ...

اني اخوو جولييت اليوم حسيت اكثر بمعاناتها اليوم حسيت اختي شكد مضلومه شلون يرحمها وهو بكل هل قسوه والجبروت...

الله يساعد امي فاركت جولي وراح تفاركني

يارب فك اسري وخلصني من جاسر الملعون وخلصني،من عاصم...

............................

جولييت

البيت فارغ محد بي وخالتي ام فلاح اجت نامت وبس رضيه منتظره جعفر يجي

خابرت شهد كالت بسرعه...خاله فدوه ابويه يريد يحجي ويه ابو مرتضئ

ماما رضيه انصدمت كلتلها خيير شكو كالت ما ادري يريد جاسر

انوب الرجال حجه ويه ماما وكلها لا عندي موضوع ويه جاسر من يجي ضروري يخابرني ...

قفلت الموبايل ماما وهي تلطم...يمه يمه عزا العزاني جعفر الساقط السرسري اعرفه مكسر وسوالفه مكسره مثله...

يمه شسوه ويه البنيه وابوها عرف يمه بطني يمه اعرفه جعيفر كو...ساقط كسر عين البنيه وطفله قشمرها يمه راح يصير كاتل ومكتول...

خطيه ضلت تفتر وتفرك باديها وكل شويه واتصلت بجعفر وهو ميجاوبها

وكل شويه وكالت...يمه انوب مطفي الكهرباء اكيد سوه شئ بالبنيه وابوها عرف دهر صابك يجعيفر

اجه صلاح وجاسر دخلوا هي تلكتهم وتركض وكلتله ...جاسر الحك خابر ابو شهد وكال ضروري يتصل بيه...

هو اتصل بيه وكل شويه وكال...لاااا لاا صدك معقوله هاااا يعني من شوكت لااا حرامات...

ورضيه كل شويه ولطمت وجهها ولازمه بطنها...يمه راح يموتونه يمه النذل جعيفر كسر عينه...

كمل اتصال جاسر ورضيه لزمته بخوف...شكو يمه شيريد ابو شهد

جر نفس...جوازه ضايع ويريد صلاح يطلعله جواز لان يريد يسافر

هي تنفست بارتياح وهمست...صخام بوجهك ابو شهد اجيت اموت اله شويه واخذت غيبة جعفر ...

ضحكت عليها وبعدها لحكت جاسر لزمت ايده كتله...وين جنت

هو باوع الايدي الي لازمته وبعدها باوعلي رفع حاجب ما متعود اساله وبعدها ابتسم كال...رحت البيت عمي ابو جابر ليش عندج مانع

هزيت راسي بنفي...

وهو تقرب مني باسني بخدي وتركني بحالة ذهوول بعد ما حطيت ايدي علئ خدي

انتبهت علئ المسدس بحزام بنطلونه حسيت كلبي طلع من مكانه جاسر اله اذا طلع طلعه مال مجرمين يالله ياخذ اسلاحه...

ياربي دخيلك بس لا تطلع شكوكي صحيحه استغفر الله يارب لا تشككني بهيج اشياء وريح بالي يارب يا حبيبي...

........................

ريهام....

اليوم حنة جعفر والبيت مخبوص والدي جي يصدح  دخلت خالة صبرية للمطبخ واحنه نشتغل
كالت وينج نويلة الخايسة تعاي لحنة رجلج حبيبج ولجن وحدة منجن تخابرها تعزمها خطية تبقى بدون عزيمة .

وقار جاوبتها : اكعدي راحة خالة خاف تجي تفلش البيت وترتكب بينه جريمة وتروح ....

ردت خالة صبرية : جا ياهو الي يكابلني ويركص متعودة عليها بكل عرس تكابلني وتدبج هسه استاحشتها .....

ردت رضية : يمعودة عوذة منها وانت ما تستاحشين اله لنوال وبيوم حنة جعفر خلينه هيج احسن .

جاوبت بتهكم : والله اريدها تجي حتى ينبط جبدها وتنفكع مرارتها وينفجر صماخها ونفتك منها وللابد .

كتلها بضحك : خالة شيظل منها لعد ..

ردت بعد ما اخذت نفس من جكارتها  : عساهه لا ظلت
هسه ولجن دزن عليها شلون بيه وبيجن اريدها تحضر .

رديت بضحك : لا عيني متحضر كرامتها فوق الكل .

ردت : لج يا كرامة هاي مو سحلت رووحها سحل حتى تتزوج ومنو الي اجت تعتدي على جعفر المسكين بالمطبخ اله امي اصلا هاي الكرامة تشرد منها .

ظلينه نضحك وخالة مصرة تجي نوال وتكابلها وتركص بالحنة ..

خلينه ورحنه للحنه بس جولييت مقبلت تروح شكد توسلنه بيها ما قبلت كالت...لا اضل بالبيت وجهالي وكحين ومن يشوفون هوسه بس يبجون...

وصبريه كل شويه وكلتلها...خيبه يجكليته امشي لا يغتصبج الجني مال نويله

عاد هاي ما صدكت ضلت ترجف وتلوم بصبرية..ليش خاله فدوه مو تعرفيني اخااف من الجني هسه شلون اضل وحدي

كنالها روحي ما قبلت تروح واجه جاسر كلها امشي ضلت تتوسل بي متريد تروح وهو لاول مره يخليها علئ راحتها...

بس رضيه ضلت عندها ...

واحنه رحنه للحنه جانت شهوده طالعه تجنن لابسه بدله مارونيه بارز بياض بشرتها وتسريحه حلوه وفرحانه

وجعفر عود تهوس صبرية اله دكوله بوسها ولا تخاف من مرة ابوها

وهو كل شويه وباس شهد وكل شويه وكلها..لا توصين حريص خاله

واردف بمزح..لكيتلج رجل لاااا حتئ اذا ماكو ازوجج الابو شهد

خله زوجة ابو شهد تخبلت اله شويه وتطردنه ههههه

........................

جولييت...

ثاني يوم العرس اجت هاله وخالتي جاسر تخبل من اجن بس خالتي ام فلاح كلتله اني عزمتهن غير اختي وبنتها...

عاد ضل يحجي وتعصب وبعدها خله وطلع

هي هاله اجت حاطه المكياج ولابسه العدسات ولابسه تنوره قصيره وقميص احمر وحذاء حمره ولابسه شال وطلعت هيج ...

اني هماتين مقبلت اروح وريهام مقبلت تروح لان كالت هسه هم يجون هي العروس نجينه برجلهه ههه مو احنه نروح الها...

صدك ضلينه اني وريهام عزلنه البيت وهي كل شويه وكالت...اكولج جوجه اشو ديطلع طكع ازرك بجسمي شنو هذا

شفته استغربت كلتلها..اخاف مفاصل او اي شئ لا تخافين ...

كالت...والله ما اعرف الله اعلم

شويه واجت الزفه والتهينه نركض هيج وهيج علئ تنظيف وتوزيع الاكل انوب ذبحوا طلي غسلنه الحوش ...

وهاله ذابه لحم بالركص

.............

شهد ... اليوم عرسي وممصدكة من صدك هواي تعبت هوواي لحتى صرنا اني وجعفر لبعض واخيرا راح ارتاح من هالزبالة مرة بابا واعيش يم حبيبي جعفورتي .

رحت للصالون ولبست الفستان الابيض ظليت اشم بي وابوس بي ظلن يباوعلي ويضحكن كالن شكد عمرج

ابتسمت ها عمري  15سنة ..

وحدة كالت اي هو صغيرة ندري بيج بس ليش هيج مستعجلة على العرس ..

لا حبيبتي مو مستعجلة بس اني راح اتزوج حبيبي ترى مو اي واحد هذا حبيبي الي حبيته وصبرت عليه يله صرنا لبعض من حقي افرح وما اصدك .

كالت ياعيني الله يسعدج ..

صاحتني الكوافيرة نفسها الي سوتني بحفلة المهر كرصتني من خدي كالت شنو هالجمال شهودة
ضحكت بوجهه بخجل ..

وبلشتني شغل رفعت شعري بتسريحة مناسبة لدورة وجهي ومكياج كلش حلو ونازك ويلائم ملامحي الناعمة .

واني داخلي يركص مسوين حفلة القلب والمعدة والقولون وسائر الاعضاء .. ودك ركص حتى احس كوة كاعدة كاعدة ع الكرسي اريد اكوم اخذلي هزة بنص الصالون وتالي ارجع اكعد والكوافيرة تكمل مكياجي .

حتى لو يحجون عليه ميخالف اليوم راح اصير لحبيبي اليوم ....

خلصت كل شي هو دز اهله طلعت الهم تلكاني من الباب من الفرح جايب وياه صبرية دكت وركصت يم باب الصالون وتصيح جان صاحبها وخذها جان صاحبها وخذاها واني اضحك وهو يسكت بيها .

انوب بيدها مسدسها يربي ونص الشارع حتى البنات الي بالصالون ظلن يطلن ويباوعن من الباب الجام ويضحكن ومتعجبين .

هههههه زواج استثنائي جدا ..

رحنه سوينه جلسة تصوير واخذوني لبيت اهلي كعدت بالاستقبال والجيران كلهم جايين .
كالوا لمرة ابوي شسالفة فد جكليتات من المحل وشمريهن عليها خطية هالوحدة عدكم .

هي راحت من ورى خشمها جابت جكليت شويه على عدد الاصابع وشمرته عليه وظلت تلكط وياهم ورجعت الي حصلته للمحل والي شافته بيد الجهال ظلت تخمط بي من اديهم ماتريد تخسر على عرسي شي .

اووي ولا اهتميت الها كتلهم يله غنوا صفكوا ركصوا شجاكم اكوم اغنيلكم اني ..

اجت هي كرصتني وكالت ثكلي شويه لزمت زندي ومسحت مكان كرصتها وكمت افتر بالبدلة واهز هو داخلي يهز انوب اني ما اكوم اهز .

لشويه سمعنه هورنات كالوا اجوا اهل العريس اي شون مايجي غير اني ارووحله حبيبي انوب اجه مستعجل عليه فديته يريد ياخذني ..

اجه فدوة الطوله وكعد بصفي وظلوا اهله يدبحون وصبرية اول الفريق بيدها مسدسها وتهز بي ليفوك
وتهووس ..

وجعفر اول ماكعد بوسني من خدي ...

تمنيت ابوسه بس خجلت شويه ..

وهم بعدهم يهوسون وهو كلساع يريد ياخذني ويشرد بيه

بعدها كالوا يله نروح لبيت العريس اخذني من ايدي ولبسني البرنص بيده وطلعنه للسيارات وصوت الهورنات والطبل مزق طبلة  اذني بس رغم هذا فرحانة حيل ..

صعدونه بالسيارة وتكابلو اثنينهم هو وصبريه وظلو نهز ون وكلساع اخوه يكوله اثكل ..

يهدأ شويه ويرجع يهز جتف ..

كعدنا ببيتهم مرتبين الكوشة مسوينها تجنن واني أريد احد يكرصني لان مامصدكة . واحس نفسي بحلم اكعد من بآي لحظة .

وبعدها زفونة على هوسات صبرية المميزة ...

دخلونه للغرفة واجه جعفر يبوس بظهري وديفتح البدلة مالتي دفعته عيب جعفر شدتسوي صح انت زوجي هسه بس مايصير اني اروح ابدل ...

هو فتح حلكه وظل يفر بيده وكال بتوهان
لا ربحنا الليلة ولج اني ناويلج على نية ..

ضحكت ببراءة ... حبيبي فديتك اروح ابدل واجي حتى نتعشى وننام .

جاوب بحماس لج يا نام منين اكو نوم الليلة اخذج اخذج ..

اي مو اخذتني بعد شنو شبيج جعفر هياتني يمك ..وين تاخذني بعد توديني  بسته بوسة بالهوا وفتت للحمام

داابدل البدلة ماتنزع .. هو صاح شهد شهد وينج ولج ليش طولتي ..

صحت مو هاي البدلة ماداتنزع مدري شبيها

مااشوفه اله فتح الباب وطب عليه اجيت اصرخ واطرده بس تذكرت اني مو ابيتنا وعيب ..

اجه وفتح قياطين البدلة واصبعه تمشي على ظهري وتتحسس نعومة بشرتي ، غمضت عيوني اجيت انام .كال همزين ضهرج مابي حب شباب جان حركتج

بس حسست ظهري طخ بجسمه وشفايفه تمشي على كتفي حسيت بقشعريرة وبنفس الوقت مثل رغبة بالنعاس انتابتني . بس خلي يروح شو هذا ما عنده اخلاق

شفت البدلة وكعت على ارضية الحمام وصفيت بالملابس الداخلية

حضنت نفسي بادية ودرت عليه صيحت عليه جعفر اطلع عيب اني بدون ملابس ..

الوكح ماطلع طوق خصري باديه وسجني بين اضلاعه
وسحبني اله كال بعصبية مصطنعة : اششش لج لتطردين .

ختلت بصدره خجلانة حيييل وهو يبوس بكتفي وظهري ، رفع وجهي باتجاهه وجهه وبوس خدي والتهم شفايفي ...

وبعدها حسيت نفسي استسلمت اله وشعور اول مرة احس بي كل مشاعري مشتعلة اخذني للسرير
ومددني همس بأذني حبيبتي شهودة ترة احنه صرنا هسه زوج وزوجة وكلشي حلال بيناته .

همست بنبرة مخدرة شنو تقصد ..

اني مجلبة بركبته ورفع نصي خله راسي على المخدة

تقرب مني اكثر دا اعيط كتم صوتي بشفايفه فتحت عيوني مصدومة من الي دايسوي تفاجئت هذا شديسوي بيه .

دفعته حييل جعفر وخرر دتأذيني حباب ووخر شنو هاي هو هذا العرس الي يحجون عنه لالاا ماريد رجعني يم اهلي ..والله اليوم افضحك فضيحه يا فاسد

ظل يهمس يم اذني انعل ابو اهلج زووج الي يرجعج ..

دفعته واني ابوووج ومرعوبه وخرررر وخررر يالله ما اريدك اريد ماما

هو ابتعد بغضب وشمر المخده عليه كال...طاح حضج اي والله محد معلمج انتي

همست بخووف...شنوو

اخذ قميصه وكعد علئ القنفه...اشش مدام وراي وحش الطاوه ولا ارتاح روحي نامي نامت عليج طابوكه انتي ونويله

عفته يحجي الوحده ورحت بدلت وفتحت التسريحه وسبحت ورجعت بدلت ونمت خلي يولي ما يستحي..

.............

جولييت

دا انضف بالصاله ودخلت هاله بكل خبث كالت بحقاره...شلونج حب

همست بهدوء...زينه

جرت نفس وكالت...شكد مقهوره علئ حازم ميته من القهر ميته 

شمرت المكناسه من ايدي بخووف...ليش شبيي اخووويه

جاوبت بخبث....خطفه جاسر واحتمال كبير قتله

حطيت ايدي علئ شفايفي...لاااا جذذذب انتي جذابه اخويه حازم...لا جاسر لاااااا

نهاية البارت...يتبع

كونوا انتم كونوا بخير...احبكم💔

نور سمو العراق 😘

ان شاء الله اذا باجر لحكت انشر الكم بارت بس ادعولي ارجع من وكت من الدكتور ولا تقصرون بالتصويت حتئ ما اقصر وياكم....

وتابعوا هذا الحساب فضلا وليس امرا...Eman12588

اكيد التصاميم من ابداع طلحة 😍Talha-25-3

التصاميم من متابعه بالفيس شكرا حبي كوولش حلوات وما اكدر اسويلج تاك ما اعرف حسابج اعذريني يعمري 😘

التصميم الوئام الشيخلي 😍😍😍😍