رواية #جوليت وأسرها.... الفصل الخامس والستون 65 - بقلم الكاتبه سمو العراق

البارت الخامس
رواية...جولييت واسرها..غياهب الإنتقام
بقلمي...نور سمو العراق

💔💔💔💔💔💔💔💔

‏وشنهو ضني
الچنت أتانيهن جِزني
لا لگيت شوية منها ولا لگيت شوية مني
ضايع وكل الوجوه أستغربني
‎
#جوليت 💔
Smoo Aliraq

البارت اهداء المريم العبيدي من اعضاء كروب ورود وفراشات بالفيس 😍😍😍

....................................

مشيت بخطوات مليانه يأس والم واطفالي بيدي مرتضى جنت لازمته ولازمه الجنطه وياه والايد الثانيه لازمه بيها مجتبئ،وابجي...

احس راح ارتكب جريمه بحق نفسي راح اعيش بغرفه حيطانها سووود راح انام علئ التراب راح اتجول بالشوارع ...صرت اني الضحيه مره ثانيه ...

قادني رجليه من فرع بيت عمي للشارع العالم وخطواتي تتسابق بالتهاث ...عقلي ازدحم بالافكار السوده والدمع شلال من دم. .

همست بعذاب...المووت اهوون من هذا اليوم والله امي سدت بابها بوجهي امي جرحتني وعذبتني

اكتشفت حجم الذبول والحقد والالم اكشفت ان العشته لا شئ ويه الي حعيشه اليووم

عيوني صارن رماااد من كثر النووح ويلوموني !!!

سفينتي توقفت بنص البحر وتكطعت اشرعتها يالله انت المعيين عيني وصبررررني اي والله ما اريد غير الصبر ...

امشي وابجي والدنيا ليل تذكرت مقطع للسيده زينب من قصيده يكول ...هااا يزينب وحدج والدنيا ليل يا غريبه وشايله بدمع نهر...منين اجيبلج يابت حيدر كفيل وبهل ضلام من اجيبلج كمر...

غمضت عيوني بتعب والم وشكوئ لله...الصبر منج مولاتي فدوه ادعيلي بالصبر ...ياربي اقسم عليك بغربة زينب وبهضم زينب تساعدني وتسندني

وصلت للشارع العام والسيارات تخطف مثل سرعة البرق بس الصوت اسمعه

مرتضئ فرغص ايده مني والسياره اجت سريعه...مرتضئ مااما...

شمرت الجنطه وركضت عليه ومجتبئ بيدي بسرعه السيارة عكست واني حضنت مرتضئ ومجتبئ وكعدت وهم بحضني وابجي كلت السياره مردتنه

تشاهدت علئ روحي وشهكت بوجع

حسيت بايد ضخمه حطت علئ كتفي واحتضنتني

صرخت بصوت عالي واني دافنه وجهي بحضن اطفالي وضامه نفسي من هل شخص صرخت بالم واني احرك بجسمي اتفاده لمساته...وووووخر وخرررر عوووفني ولك جاااسر وييينك

همس بحنين وصوت حزين...اششش اني جاسر اني يمج لا تخافين

هدئت من ثورتي وحركت عيوني ببطئ والاطفال يبجون رفعت راسي شفته ...اييي جاااسر صدك جاسر...

باوعلي نظرات مستعطفه كال...يالله امشينه

همست بنحيب...شنو هل ذكرئ الموجعه امي الي جنت اندبها ليل ونهار عافتني وجاسر الي اريد بس اتخلص منه احتواني

وين العداله بالموضوع ليش الي نريدهم يبتعدون عنه والي منريده يحتوينه

امي السوته بحقي مو قليل تفكر بولدها ابد ما فكرت بيه خلتني والله اشك اني مو بنتهم...

باوعتله بالم وغضب...امشييي وييين امشي شفت شصارر بيه امي طردتني من زمان واني ما ادري

ليش هييج يسوون بيه لييش اني شسويت الهم شنو ذنبي غير ان اني زوجتك

تعبت جااااسر تعبت

لزمت ايده واني اتوسل بي وابوسها...الله عليك الله عليك بروح بنتك اضربني طلقه وخلصني ريحني اعتبرها رصاصه رحمه

احتضني وسحبني للرصيف والجهال بيده الثانيه كال...اشش يالله كافي مصار شئ

انهرت بعذاب...ما صااااار شئ امي باعتني وما صار شئ شسصير بعدد ياربي ليييش لييييش

الجهال ضلوا يبجون عليه جسمي كله تشنج ضل جسمي يهتز ورجليه ضلت تنكث

عيوني صرت ما اشوف حسيت بي رفعني وهو يهمس عند اذني...حبيبتي جولييت ياروحي كااافي كافي لا تعذبيني وتعذبين نفسج ...

ضلت عيوني تنفتح وتنسد بس اني صرت بسيارته وفتح التبريد عليه

وهمست واني بحالتي الجنونيه...مجتبئ رضاوي وينهم

مسح وجهي باثنين اديه كال...ذوله هنا لا تخافيين

غمضت عيوني وبعدها ما حسيت علئ شئ...

..........................

وقار....

طلعت من غرفتي تقريبا الساعه بالثنتين باليل رحت للصاله لكيت جابر نايم علئ القنفه ويلعب بموبايله

زعلان من حجيت علئ جولييت لحد الان بس ترئ مو من حقه اني واخويه وزوجته هو شدخله

باوعتله بس ما حجيت وخليت ورحت للغرفة مالتي اكره اسلوب جابر حيييل هو لا يغلط ولا يسب ولا يضرب بس يهجر ...

هاجرني من ذاك اليوم لهذا اليوم ...

اكتشفت اني ما الي اهميه بحياته لان لو الي اهميه ما يهجرني هل كد بس اكيد هو ميحبني وهييج يتصرف ...

ضجت منه حيييل وقررت اتطلك منه وخلي يشوف الي تريحه

اني اصلا احسه ما يحبني ولا يهواني بعد شكوو متعبه نفسي وياه واصلا زواجنه غلطه

وهو لان راد ينقذ جولييت من داوود ..خطبني ونهئ عليه

هذا هو اني اطلب الطلاق اكلهم ما اريده وانهي النزاع اصلا هو مستحكرني وما يريدني

كتمت عبراتي كووه وضليت كاعده انتظرته يجي ما اجه

لبست ثوب طويل لونه كريمي ستريج وشال جوزي خليت شويه مكياج ورحت فتحت الباب ودخلت هو جان عادم وجودي

كتله بالم...جابر

باوعلي ورجع يباوع الموبايله بدون ما يكول هاااا..

بلعت الغصه كتله...شدعوه هلكد مستحكرني ترئ جاسر اخويه واني احبه وفهمت غلط يعني شمدريني اعذرني

مجاوبني...استفزني اكثر حسيت ناااار تسعر بصدري

عضيت شفتي بقهر...شدعوه عليك هلكد زعلان جولييت لو اختك من امك وابوك ما تزعل هيييج

عاد هو بسرعه ترك موبايله وهرزني بحددده كال بغضب...اطلعييي براااا

جاوبته بغضب...ما اطلع وشتريد تسوي سوي لازم انحل كل حساباتنه هسه انت شنو من مله ترئ انت زوجي لازم يكون راينه واحد ومن اغلط تفهمني مو تعصب وتزعل وتهجر ...

رد عليه بغضب...انتي وحده غبيه وتتصرفين من كيفج ومتسرعه وما حاسبتلي حساب واني بصراحه مليت منج

قهرني من كال ..مليت منج ادري بروحي عله علئ كلبه وادري بي يستعيب مني،ومن ايدي بس يجاملني ويعطف عليه

جاوبته من بين اسناني...... طلكني

رد بهدوء...امشي ولي من وجهي

ابتسمت بقهر...ليش عود ما تطلكني خااايف لو شنو وبعدين ادري بيك تزوجتني بس حتئ تنقذ جولييت وما هامتك اني لان نخطبت الداوود وما همك بس من طلعت السالفه علئ جولي انت تخبلت واجبت وخطبتني

عدل كعدته بغضب كال...انتي شمدريج بهذا الحجي

ضحكت بقهر...شفت انت اناني وما تزوجتني حبا بي بس حتئ تنقذ مرة جاااسر شنو ذنبي اكون ضحيه الك ولداوود

رد عليه بعصبية...انتي اليوم ناويه علئ موتج ولج شبييج تخبلتي،روحي الغرفتج وخلي عليج النفس راضيه تدرين صاير اكررررهج حيييل

كتله بقهر...بيييك خيير كووم موتني

عاد هو هجم عليه واني ركضت دا اطلع من الاستقبال جانت الحافه مالة الباب عاليه شويه من الارضيه يعني مصايره جوه الكاع

اول ما طلعت عثرت بيها واني جايه مسرعه انشلت ليفووك وانركعت بيها

رجل صارت بره باب الاستقبال والرجل الثانيه ضلت بالباب وراسي انضرب بحافة الباب

صرخت بصوت عالي ...يمممممه تكسرت يمه ضهري انكسر

اشوف الدم ينزل من وجنتي ورجلي حسيتها انخلعت والدم فيضني تفيض صار عندي نزف حااد

هو من شافني هييج تخبل رفعني من بين اديه واني منين ما يلزمني اصرررخ

اجه عمو يركض هو وعمتي كالو بخووف...شكوو جابر شبيها وقار ولك جااابر احجي

رد عليهم بقلق وهو شايلني...وكعت عثرت بالباب وتكسرت

عمتي لطمت خدها وهي تبجي ...عزا البنيه تنزف ولك بس لا حامل

هو باوعله بحده..حااامل شنو حااامل

صعدوني بالسياره واني احس جسمي،مكسر كله هو مجان اله عيين يحط عينه بعيني بس جان حاضني،ويحجي،ويه ابو

وصلنه اخذوني بالطوارئ فحوصات وتحاليل وما اعرف شنو كالو...عندها نزف مسقطه طفل

انصدمت اني حااامل وما ادري بس كالو صار شهر حمل جديد مو قدييم

وكسر صغير بالحووض كتشخيص مبدئي

ضليت بالمستشفئ واني ابجي واصيح ما اريده خلي يطلكني والله ما اريده هو السبب

وعمو تخبل كال العمتي...شبيهم جابر شمسوي لبنت مهيوب هاي تاليها احنه كبار الدواوين ولدنه ياذوون نسوانهم بسيطه جابر بسيطه....

.......................

جولييت...

فتحت عيوني ببطئ لكيت روحي نايمه علئ سرير والشرشف ابييض مغطيني احس عيوني بيهن مثل التراب او مثل الابر تنغز بيهم

رفعت نفسي ارتجيت علئ السرير حطيت ايدي علئ صدري امنع عنه الخفقان ...

باوعت المجتبئ ومرتضئ يلعبون بالكاع بينهم حاطين نعالاتهم وعود مسويهن سيارات ويتداعمن ويكولون دديد ازدحام ما ادري شنو

باوعتلهم وابتسمت من بين احزاني...لو مجتبئ ومرتضئ،ما جانوا بحياتي شحتكون هل حياة الحمد لله ياربي جبرت خاطري بيهم الحمد لله

همست بحنين...ماما

هم ثنينهم باوعولي بنفس النظره وركضوا عليه كعدوا يمي واني حضنتهم وبجيت وابوس بيهم

مجتبئ كال بخوف وقلقل...ليش ابجين عفتج بذونه سهد «عضت بزونة شهد »

هزيت راسي بأي واني ابتسم

مرتضئ رد عليه عود هو سبع ...بس اسوفها اعفها والله

ضليت اباوع عليهم وابجي وابتسم بنفس الوقت الحمد لله هم دوه جروحي...

من شافوني هييج نزلوا من السرير وراحوو خفت عليهم كلت خلي اروح وراهم لا يسون شئ هم وكحين ما يكعدون

باوعت الهم من باب الغرفه شفت جاسر كاعد علئ القنفه وحاط ايده علئ جبينه ويفرك بي بتوتر...

هم اجو وشمروا نفسهم بحضنه ومجتبئ جان يحجي بخوف وقلق يحسس الواحد مرتكب جريمه...بابا هذا روطي عف سكيته « عض جكليته »

ضربه مرتضئ وهو يريد يبجي...لا اني ما عفيته هو ممش عفاها حييييل...« مشمش عضاها »

ضحك عليهم كلهم...كعدت امكم لو بعدها

كلوله ...اي دعدت دول وين بابا اليد بابا اني اعبه

لطمت خدي...عزا بعينكم جذابين شوكت كلتلهم وين ابوكم اريد ابوكم اني احببه

رجعت وتغطيت كلت خلي اسوي روحي نايمه ذول فشلوني ..

نمت وتغطيت ثواني وحسيت نفسي بين احضان رجولته همس بصوت عذب...جووولي كعدتي

فتحت عيوني ببطئ وحسيت عليه مسح دموعي بانامله وهو يزفر بتعب...كافي جولييت مهما تسووين ومهما تحجين الصار صار بعد

شهكت بالم...اكو شي مدبر اني ما اعرف بيه اكو سالفه غامضه ما اعرف شنوو ما معقوله امي عافتني ما معقوله امي تضحي،بيه ترئ والله امي تحبني حييل بس ما اعرف ليش،عافتني...

جر نفس وسكت ما حجه

اردفت باختناق...اني منو ضل الي،بهاي الدنيا منو الي اني غريبه ذات مو غريبة وطن وين اهلي عني،والله دا احس مو اهلي دا احسهم اعدائي

الروح انجلت ونصهرت وهي تنتظرهم وطال الانتضار وبعد كرهتهم ولو شيصير بعد ما اريدهم ولا احن الهم ولا اذكرهم شنو ذنبي وياخذوني بذنب غيري

غمض عيونه باسئ...مالج ذنب غير ان انتي زوجتي وام اطفالي واخت عاصم

باوعته بتعب ولووم...الله يلعن هل قرابه والصله الي عرفتني بيكم

شنو ذنبي اندفن بالوحل واني بهل عمر شنو شفت من حياتي بس كلي

غيري عايش حياته واني ضاله الحياة تردم بيه من كل صوووب

همست بعذاب ...محد يحس بيه والله تعبت حييل تعبت والصبر فاقت حدوده مني

حطيت ايديه علئ وجهي وبجيت بصوت عالي واني اشهك تصرف إمي حيييل جرحني حييييل ...

هو سحب اديه وباسهن بحنان...اششش كافي ان شاء الله اعوضج

هزيت ايدي بعذاب...شتعوض مدكلي شتعوووض والله الصار ما يتعوض والكسر ما يلتأم

هو جان فاقد للحديث او للمواساة لان يعرف الصار صعب والثار كسرني كسر

اكو شئ بداخلي رافض فكرة امي تتخله عني بهل سهوله

اكو شئ غااامض اصلا جنت متوقعه انت ما تتركني بهل سهوله اكييد انت جنت تعرف امي تخلت عني وفرحان مووو؟

عض شفته بعتب...لا جكليته لااا مو لهلدرجه قاسي بس جنت حاب تسمعين من عمج لان شفت انهيارج وعذابج وما صحيتي اله من كتلج راح اخذج لاهلج

ابتسمت بقهر...بس متأكد مراح اروح والله متاكد انت ما تتصرف تصرف اذا ما ثاق منه

ابتسم بهدوء...شفتي ما كدرت اتخلئ عنج ياريت تفهمين

باوعت بعيونه بهدوء...باجر ترجع شام وتتخلئ عني وعن اطفالي صدكني

جر نفس ببرود...وين هي حتئ ترجع

بلعت ريكي...واذا رجعت صدكني راح تتخلئ عني بس والله اني مراح اكون منتظرتك ولا انتظر شفقه منك وصدكني اعتمد علئ نفسي وما اكون بحاجتك

سحبني واحتضني جنت رافضه الحضنه بس استسلمت تحت إرادة وقوته بنيته

همست بعذاب...فدوه ريح كلبي اني عافتني بطر لو عندها ضرف او مشكله

حط ايده وره ضهري كال...لا اكيد مو بطر لازم اكو شئ خلاها تعوفج

الدمعه بعيني واني اباوع الاطفالي الي صافنين علينه

رضاوي كال...ممش ماما سون ابجي...شلون تبجي

مجتبئ حط ايده علئ خشمه وهو يهز بنفسه ويسوي...ااااه اهئ اهئ اهئ

ضحكت بصوت عليهم ...يربي عبالك اني وابجي يقلدني بطريقه كووولش مضبوطه ويضحك...

جاسر ضحك كله...ولك عبالك امك وتبجي لا هيج هوواي عليه

كعدوا ثنينهم يقلدون عليه شلوون ابجي واني اضحك عليهم وفشلت كلتلهم...يالله انجبوا عييب

هاي هم طبيعتهم من اكعد ابجي هييج يسوون يكابلوني ويضلون يقلدون عليه عود يبجوون

كتله...جاسر وين احنه وبعدين وين الضرف الي انطيته اليه

رد بهدوء...بشقتي والضرف انسي

فتحت عيوني مصدومه...شنو انساه لااا اريده اريد اشوف شنو بي انطيناه

وكف ومشه للصاله اتعصبت ...يالله كووولش اكره من ياخذني علئ كد عقلي ويسفهني...

ركضت عليه وصل لباب الصاله لزمت ايده واني متعصبه ...جيب الضرف

صفني قريب من التحفيه كال وهو يرتب خصلات شعري ويباوع الوجهي...شنو الضرف ماخذه بي طابو واني ما ادري

رديت بحده...جيبه اريده اي ماخذه طابوو اعتبره ورث منك

كرص خدي...تردين تستارثيني واني علئ قيد الحياة

رديت بالاستهزاء...ليكون مسجل املاكك باسمي واني ما ادري

ابتسم بخفاء...اني كلج باسمج مدام

شفت نظراته ما تطمن همست...شنو مصيري وياااك ؟

رد ببرود...كل خيير ان شاء الله

جاوب ببتسامه...متشائمه؟؟؟

رفعت حاجب بغرور...والله الي يشوفكم مو بس يتشائم

حط اصبعه علئ خدي كال...رغم متشائمه بس ملامحج تجيب التفائل

رفعت حواجبي باستغراب...تستهزء حضرتك ؟

رد ببراءه...لا عمي لاااا هو صح عيونج محوره وهالات قوويه وشحوب حاد ببشرتج وشفايفج جافه بس بيج جانب مشرق

جريت نفس وجاوبته بلوم...كله بسببكم ...وانت هم سبب لا عبالك

ضحك...اي اعرف اكيد هذا من السهر والتفكير بيه ما الومج

جاوبته بقهر...اي والله اكول شلون قبلت اتزوج من امداني هسه بلا هل كلام شنو ناوي تسوي

اذا تريد تطلكني عادي طلكني وشوف حياتك وان شاء الله ادبر امري

رفع حاجب...لا صدك صار بيها طلاك...لا يابه ما اطلك تعيشين وياي مثل متحبين

ضحكت ...مو مثل متحب انت؟

رد بثقه...اكيد

جاوبت بحزم...خوووش لعد مثل ما حرمت نفسك مني اني محرمتك علئ نفسي وحده بوحده

رفع حاجب بصدمه...اويلااه لهل درجه الموضوع ماثر بيج ومتعبج بحيث ما تردين تاخذين ثارج مني اله بهل شغله

اليوم تاكدت من نفسي اني نذل وخبيث بحيث حرمتج مني وانتي رديتلي نفس الصاع

اندهشت من كلامه ...لاااا مو هييج قصدي قصدي يعني انت ما تحترمني وهييج

سحب خصري بقسووه...وشنو ولج ناويه ما تحترميني وبعدين اني شوكت ما احترمتج اني دائما واكف بضهرج ضد اهلي بس انتي ناكره للجميل وذاكره للقبيج

جاوبته بحده...والله ما تحترمني وتغلط عليه وحتئ تفشر

حط انفه علئ خدي كال بذوبان...شمفشر

بلعت ريكي وتملصت منه...سلامتك بس وخر

ابتعدت شوويه هو كال...علئ البربوك ترئ هاي مو فشره مو ذنبي انتي تفسرين حسب ايعازات عقلج

جاوبته بحده...شبيه قصدك اني مسودنه

عض شفته بلهفه...لا بربوك

تعصبت ضربت رجلي بالارض بعصبية...انت صدك ما تستحي يابه اعتبرني اختك ولا تفشر كم مره كتلك هاي الكلمه اكرهه ليش تستفزني يعني

ضحك بصوت عالي وهو يرفع راسه للسقف...اختك شنوو ليش تخليني اطلع الاخوه من خشمج وبعدين تعاي زوج الاطفال العندج منين ؟

ولج انتاجي وياج كله زوجي وانتي دكولين اختك ليش تخلين ازيد الإنتاج بعد ثنين

حطيت ايدي علئ خصري...لا والله انت خلف واني ابتلي ترئ ولدك مثلك ما ينجرعوون

باوع اديه شابعه عض اذا واحد منهم عض الثاني الثاني اله ياخذ حقه وهذا يختل عندي والعضه تطيح بيه

رد ببرود..يحبون العض مثل ابوهم

هزيت ايدي...اني وين احجي وانت وييين

كال باهتمام...اي صح خلينه بموضوعنه اني العليه سويته وجنت كل ضني عمج يسفرج وكلت كل فتره اروح اشوفهم وما احرم روحي منهم

ومدام بعد انتي اكتفيتي لازم نرجع للبيت وان شاء الله بس شويه تهدئ الامور واتطمن ان شاء الله ننتقل بييت الوحدنه ونأخذ رضيه ويانه خاف اسافر او عندي شغل

ابتسمت بسخرية...يعني ماكو مفر منك

رد ببرود...لا والله ماكو

واردف بهدوء...اني عند اهلج اتطمن عليج بس عند اي شخص كان غيري لا يمكن اتطمن وانت شفتي من طلعتي ورحتي الصبريه شصار وياج

لذلك اني ما اكدر اخليج الوحدج وهاي العالم ما ترحم ما يصدكون يلكون فريسه ويصطادونها

لذلك ان شاء الله بس اجي من السفر اشوف شلون ارتب اموري ونستقر ببيت

جاوبته بهدوء...اشكرك كثر الله من امثالك

رفع اصبعه بتهديد مصطنع...لازمج عقاب والله

لزمت اصبعه...جيب الضرف

مجاوبني

ضليت الح بتوسل...زين الله عليك شكاتب بي او شنو جان بي

رد ببرود...فشار

ضربته علئ كتفه وخليت ورحت ياربي والله تعبت هذا ليش ما يكول شنو بي الضرف

ضلينه يوم كامل بالشقه هو يجيب كل من المطعم وبعدها رجعنه للبيت

شكد جنت مرتاحه بالشقه من اجيت امه تخبلت ونوال كالت...هااا طردتج امج ههههه

جاوبته بهدوء...لاااا ما حبيت اخلي زوجي للخايسات

رفعت حاجب...زوجج كتال اخوج اذا نسيتي اذكرج

ابتسمت بدون نفس...شكرا للتذكير ما قصرتي

عفته ورحت لريهام سولفت الها عن امي وشلون عافتني هي انقهرت عليه

كالت...لا تضوجين ان شاء الله ترجع عليج اكيد هسه كلبها محروك

حضنت وجهي بكفوف اديه وبجيت....لااا هذا هو بعد ما اريدها والله حتئ لو ترجع ما اريدها هذا هو

كالت...وشلون تعيشين ويه جاسر

جريت نفس...لا ما اكدر والله مو بس ما اكدر يعني نوال كل ما هاي تذكرني وتستفزني واني احس بتأنيب الضمير من كلامها

بس شويه يكبرون محتبئ ومرتضئ اشوفلي حل لازم اتعلم فد شغله ميصير اضل هيج اريد اعتمد علئ نفسي...

ريهام جرت نفس كالت...احسن والله اني قدمت اوراقي وان شاء الله هل سنه اداوم جامعه اريد استفاد واقتل الملل وانسئ المرض شويه لازم احاربه وما اخليه يستفحل عليه

ابتسمت...اي عفيه رهومتي اريدج قوويه هييج كون ما يكسرج المرض وانتي تكسري

جرت نفس...ان شاء الله دا احاول والله

غطيتها وطفيت الضوء وطلعت خطيه خليها ترتاح لان هل مرض ينراد اله طاقه وراحه

جاسر سافر بس احس بداخلي غصه رغم جبروته وقساوته بس يضل احسن من اهلي بهوايه واكيد هوايه مواقف شديت حزامي بي وصرت بضهره...

خايفه من المجهوول حييل خايفه....

..............................

شهد...

جولي رجعت و وقار كالو واكعه ومكسوره ومطرحه ومدري شنو صايره تفليش وامها راحت عندها

حرامات لو نويله واكعه بس ويين نويله لا توكع يهتز البيت جاموسه وعثرت

اني رحت اني وماما رضيه للتحليل طلعت حامل يمممه ممصدكه لو ما شويه جان بست ابو التحليل والله ...

رجعت لازمه التحليل بيدي واضحك الحمد لله اني ونوال حوامل

هاااا صدك حجيت ويه جعفر كتله هيج دكول عود هي تسوي سحر هي وبنت اختها وكتله شفتها يم كشاف يكشف بقاع الهامور وجعفر كال اله اكتلها ام براطم

كال...راح اراقبها والزمها اسكطها يم الكشاف اموتها تمت ادفنها بقاع الهامور التكوليين عليه

واردف بعتب ولوم...ولج شهيده انتي وين شايفه هذا الكشاف

جاوبته...غير مرة ابويه سوتلي سحر حتئ تزوجني

هز ايده ...هلا هلا نسواني ثنينهن سحارات صدك ولج سويتلي سحر ولجن جعفر توم كروز شدعوه كاتلات نفسجن عليه

هو صح اني حلو بس يعني مو ذاك الجمال واذا علئ الاخلاق اني بنفسي ما مقتنع بأخلاقي

حتئ عيب احجي بالاخلاق اذا كل خميس اشربه ساده الناس تعبد واني اسكر شكد كلب

باوعتله باستهزاء...جيب خمسه خلي اروح احلل بيها بلكي يجيك طفل يتوبك شويه وبدل العرك تجيب حليب وحفاظات

طلع خمسه وانطاها اليه...تستاهلين والله بلكي الله ونضل بدل منكد علئ العرك نضل نكد علئ الحليب والحفاظات....

من جاي اطلع كال...اكلج شهد صدك سويتلي سحر وتزوجتيني

رديت بسرعه...لا والله وداعة امي شمرته ما سبحت بي انت تزوجتني لوحدك

هز راسه بقهر...والله مسكين اني عود هم اموت واتعذب اذا اني متزوج نويلة اجباري وشهيده متزوجها بسحر مجبور من الصفحتين

وكفت يمه بغضب...ما تحبني

باس شفايفي بقوووه...والله اموووت عليج

من رحت سويت تحليل واجيت طلعت حامل هو حيل فرح

لكيت بزونتي يلعبون بيها جهال جاسر

مرتضئ يكول المجتبئ...هاي البذونه ما عبك

هو حاجاها ببراءه وعاكد النونه...انتي ما عبيني ؟

هي ضلت تريد تنهزم منهم كالت...ميووو

مجتبئ راد يبجي وتعصب...دول ميوو يعني ما عبني والله عفج

لزم ايدها وراد يعضها ركضت جولي عليه واني ركضت اخذتها منه كتله..عزا بعينك من طفل الكاع ما تجرعك ولك شلون باجر من اجيل نونو هم تعضه والله حتئ اعضك

جولييت كالت...علئ كيفج هو طفل ما يفهم

هزيت ايدي ...ذول اطفال لو ملايجه اني بزونتي مدلله ومحد لامسها وضاربها وبت بيت ليش جهالج يضربوها

دخل جعفر وهو يفر بسويجه كال...ولج شبيج تصيحين

عقدت حواجبي...جهال جاسر عضوا بزونتي وين الرفق بالحيوان

جاوب باستهزاء...روحي اشتكي علينه وسجينينه بعد لا بارك لا بيج ولا بزونتج الفرعونيه امشي عبالي مدري شبيها والله اجيت اركض عبالي سقطت

طلعت نوال وهي شايله عصير كلتله ...علئ كيفك يمعود محد يهمك غير صحتك هاك اشرب

هو اخذ الكلاص منها وشربه كلها...جيبي جيبي احسبن الخميس ما خذجن للمحكمه وثنينجن مطلكجن ادبسزيات....

ضليت شويه حسيت ضميري انبني رحت جبت اندومي سويته وجبت جهال جاسر وكلتهم وياي واعتذرت من جولي

مره كم يوم وجعفر تغيير حييل عليه صار ميشوفني اتوسل بي اريد ماكوو كتله لان صحت علئ اطفال جاسر

كال...لا اني اكرهج ما احبج انتي زركه ومدري شلون تزوجت

تخبلت هذا شيحجي وين جان يكولي انتي احلئ وحده شو من صرت حامل ضل بس يقلد عليه وضل يميل النوال....

...................................

وقار....

ضليت يوم كامل بالمستشفئ وبعدها طلعت رحت الدكتور خاص بالعظام والكسور طلع عندي كسر صغير حييل بالحووض

ورض بالفقرات يعني هي وكعه من الحافه مال الباب بس جانت قويه بحيث دمرتني دمار

كال الدكتور...اشربي حليب جاموس ولا تتحركين واضربي هاي الابر

اني ردت اروح البيت اهلي وضليت ابجي بعد ما اريد جابر بس عمي مقبل وكال لا ترحيين

ما حجيت شنو صار بيني وبين جابر بس كتله عمو اريد اتطلك

خطيه عمو حزن وما رضا بكلامي كال بس تصيرين زينه روحي الاهلج ومن ترتاحين ان شاء الله تحجون انتي وجابر وتحلون مشاكلكم

خابروا علئ خالتي صبريه كلولها نريد حليب جاموس وهي خطيه ما قصرت اجت من الصبح جابت حليب ودجاج وكيمر وروبه واجت...

اول ما دخلت عليه للصاله جنت كاعده بيها وعمتي يمي شمرت الطشت فزيت من مكاني

كالت...خيبه يوقيره امداج امده خيرج عبالي اجيب ديج فده لابنج تاليها اجيب حليب جاموس طايحه ومكسوره

سكتت مجاوبتها هي سلمت علئ،اختها انوب سلمت عليه

ضلت تدخن وتستفسر مني شلون وكعت وبعدها كالت...صدك اخوووج الثور الاسترالي كتل اخو جكليته

هزيت راسي بأي

جرت نفس من جكارتها...خوووش مدام اخذ ثاره بعد اذا حجه ويه بت ابيش وروح ابوووي ذاك المات المات وهو يطلب ابو الول دينارين اطكنه واموتنه مو دكولن ما كالت

ضحكت ...لا ان شاء الله بعد ميحاجيها

هزت ايدها ونفخت الدخان بوجهي...هو بعد شخله بيها ويحاجيها افاده افاد مخبل

مناقشتها لان خالتي صبريه ماتناقش

كالت...جبت دويج لجهال جكليته بس وروح امي اذا ذبحه جويسر اذبحه وراه جبته الجهال جكليته مو ياكله جنه حسنه تاكل الاخضر واليابس

كتلها...اكولج خاله انتي محد عاجبج

جرت نفس و ورثت الجكاره الثانيه كالت...عاجبني بس مكنوش العاقل قابل مثلكم مخابيل

دخل جابر اني درت وجهي منه زعلانه سلم علئ خالته وضل يباوعلي بس ابد ما اهتميت اله

كلها...شنو صبوره صايره حلوه شبي ابو اللول تزوج عليج

هزت ايدها...والله مدري وين اكو هيج جمال..بس وين ابو الول يمي يبيع شرف ويم حسنه نازع هدومه تف عليه وعليها...

اخذ من جكايره وضل يدخن كلها..اي نفسي هم عباد الله رافعه خشومها عليه

ضربته علئ كتفه كلتله...كصه بعد خالتك كصه كص كل خشم يتكبر عليك

ضلت تغدت يمنه وبعدها راحت الجولييت واني امي كل يوم تجيني ومره من المرات اجتني اشواق

باليل ساعدت نفسي دا اروح للحمام شفت عمو وجابر كاعدين بالاستقبال ضليت اسمع الكلامهم ردت اسمع شنو يحجون عني

ضليت اتصنت فتحت عيوني من كلامهم مصدومه ومتفاجئه...عزاااا يالله عوود صدك

نهاية البارت...يتبع

كونوا انتم كونوا بخير...احبكم 💔

نور سمو العراق...😘

عوود روحن علئ النجمه الخضره ودوسنها اليوم عندي عمئ الوان منعسه 😂

القفله حلووه هااا اني حبابا فديتني بصوت مشمش😍

واليوم نفتقد الصور طلحه لان للاسف ما عنده نت 😥

التصاميم الديما 😍😍😍

ييتشابهون ترئ 😂