رواية #جوليت وأسرها.... الفصل السابع عشر 17 - بقلم الكاتبه سمو العراق

البارت الثاني عشر
رواية...جولييت واسرها...غياهب الإنتقام
بقلمي...نور سمو العراق...

💔💔💔💔💔💔💔💔💔💔

تريد تعرف شنو اليوجعني ؟!
انت والدنيا وشتا الله ....وخبصة الوادم وحظي
والضياع الماد رجله بوجه عمري .....
والاماني المدري ياهو باگ بيهن!
والليالي التاخذ من الحيل. من تريد تگضي.....
والضوه الما. يشتهيني!
والهوه الما يعتنيلي!
والسما الما گمت اثق بالظال بيها
من طفه وجهك بعيني ...
ذني كلهن يوجعني!

....................................................

امي بعدها تنوح وتبجي وتتصل بجابر ميجاوب...

كعدت يمها واني اسمي عليها واذكر اسم الرحمن بلكي تهدي من رجفتها...

لطمت علئ صدرها...يمه جابر يمه وليدي كتلوو ...يمه سوده عليه .والله ما يخلي جاسر والله يموته ...

اني حذرته كتله يمه جابر عووفنه منها متجي منها بس المصايب...وهو اذن من طين واذن من عجين...

هسه ارتاح من بهذلنه وقهر ابو وتطلكت من وراها ووره جولييت...

مسحت دموعها باسئ...كتله يمه ذوول عندهم ثأر ذوول ناس تاكل بناس وماعندهم مخافة الله عوفنه منهم بس هو ويين صاير المنقذ...

ما سمعت بس الباب تفلش تفلش...سحبت حجابي خليته علئ راسي وطلع اركض واني اصيح...جايه جايه...

وصلت للباب كلت منو ماكو رد محد يجاوب بس،عود شنو الباب لو عنده رجلين جان شرد كلت جاسر هد علينه ما بيها مجال...

اول ما فتحت الباب انفتح بقوه بحيث ارتطمت بالحايط دخلت مره العبايه مفتوحه والثوب طاير والجواريب كصار يعني ملفلفات وطالع رجليها...

صاحت بصوت خشن وعالي...وينكم يأهل الدار وينكم بيت ابو جابر...

باوعتلي واني مركزه عليها...يالله هاي منو جنها خالتي صبرية...

باوعت عليه كالت...هاااي مني انتي مني وينج خييه بدريه...

همست بفرحه...خاله صبريه

باوعتلي وضحكت حضنتني...يمه رهيمه صايرة مره

باستني بخدي شلعت خدي شلع كالت...شلونج ولج امج شلونها بشريني جكليته بس لا ماتت ..

جريت نفس...ادخلي خاله ادخلي مشكله عويصه مالها حل...

دخلت كالت وروح امي وروح امي...اذا جويليته صار بيها شئ كلكم ادخلكم سجن...

رفعت اديها بصياح وخلتها علئ راسها...الله اكبر ولكم طفله وحبله ومايعه جنها الجكليت محد رحمها اهمداكم من زلم كادرين بس علئ هل طفله ...

وكفت امي سلمت عليها وحضنتها كعدت صاحت...خيبه رهيمه وصمخ جيبيلي ماي نشف ريجي من دهر فره هذا الظباط نشف ريجي...

امي باوعتلها باستغراب...يا ظابط

طلعت باكيت الجكاير وورثت جكارتها كالت...بالسيطره لزموني يكلي عندج اسلاح وانه احلف بروح ابو اللول وحسنه ما يصدكني

يكول الجهاز اشر علئ سيارتكم وفتش العبريه كلها انوب تعاركت وياه وصارت هوووسه بعدين حجي طلع شيشة مال ريحه كال...خاف من وره هاي الريحه..

كلوله ..صدك جذب حجي غير دكول شايل عطر ..واحنه اتهمنه الحجيه باطل...

عاد اني تعاركت وياهم كتلهم عيب تتهموني باطل وحرام عليكم ...

امي تنهدت...اي صدك ليش يتهمونج باطل

طلعت مسدسها وهي تهز بيدها...اندري ما يخافون  من الحظ والبخت

امي ضربت خدها ..يااا صخام الصخمني اجيتي من ديالئ بمسدسج ومحد لزمج ...

اخذت المي وشربته ورجعت تدخن...خايبه دطيري هي عبوات تفوت محد يلزمها جايه علئ مسدسي ابو البكره وكله بي طلقتين...

رجعت وجهت سؤالها باهتمام...هسه كليلي جويليتة وين اخذها الكاسر دهر فره

امي بجت ...عوفينها من جولييت جابر شلوونه صدك جاسر ضاربه بوكس...

رد بعدم اهتمام...مو بوكس واحد ما ادري شكد هو وجهه صاير خارطه بس لا تخافين مابي شئ

صدك كون اخابرة واسالة شلون صار كنوش بس هسه اني مو بحالة جكليت اهم شئ...

دفعت امي...كومي اخذيني البيت جويسر اشوفن وين اخذ الفرخه لا يفطسه جنه ثور حسنه الخبل...

امي جرت نفس كالت...ما يعرفون وين اخذها ويتصلون بي وماكووو...

احتدت ملامحها بغضب...شني وين اخذ جكليته بس لا يموتها..شبي تخبل هذا...هنياله عليها خلقه واخلاق ..كون يبوس ايده وجهه وكفه

جااا مثل ابو اللول اخذ حسنه لا خلقه ولا اخلاق وجهه جنه قوري فافون وريحتها جنها ريحة سرجين

وكفت باهتمام ورجعت لبست عبايتها...كومي اخذيني البيتهم بلكي واحد من الولد يعرف شئ،وياخذني لجويسر النذل

امي بجت بهدوء...ما اكدر اروح وياج الشيخ طلكني ومنا جابر ابتله بلوة ما اكدر ولا الي نفس بس خاف واحد يسالج كولي اني خابرتني ام جابر واجيت البيتها واخذت جولييت...

ردت بقوة..خوووش بس ليش طلكج الشيخ خاف صار مثل ابو اللول من شاف حسنه صارت ارمله وراح تزوجها عليه

امي عقدت حواجبها...شنوو قصدج؟

شمرت جكارتها وطفتها بنعالها كالت...يجوز يريد يتزوج رضية عليج

هزت ايدها امي بملل...شنو يتزوج رضيه عفتي الدنيا كلها ركضتي علئ هل مكروده...

حركت اصابعها الاثنين كالت...اي هم جانت حسنه مكروده طلعت هي ام القروده...

باوعتلي كالت...خيبه رهيمه كوومي بدلي واخذيني البيت عمج وروح امي جويليته اعز من ليالي

تنهدت...خلي اخابر ابويه يالله اخاف ميقبل

كالت. تخابري يالله بين ما اطك الجكاره الثانية دهر فرك ابو اللول اليوم يمكن شربت باكيتين جكاير...

رحت خابرت ابويه كال...بوويه الناس مخبوصين واني خابرت جاسر وحلفته بروح غزل ما يكتلها حلال وهو حلفلي وطمني انه باليل ارجع خلي امج تكعد بغرفة جابر بين ما اخابر السيد يرجعها العصمتي...

قفلت الخط ورحت حجيت ويه خالتي ما قبلت اول شئ وراسها والف سيف اله تروح البيت جاسر...

المهم كوه اقتنعت وقبلت تضل سوينه عشا بعد ما طمنتها علئ جوولي اكلت هي وامي شويه..

خابرت علئ جابر ما فتح خط شكد اتصلت ميفتح خط....

خطيه هسه شحالة اكل شرب بعده موجوع الله يعينك يا جابر تبهذلت...

..............................
حياتي مثل موج البحر بين مد وجزر بين فرح وحزن وما اعرف لشوكت اتمسك بقارب الحياة...

فتحت عيوني بصعوووبة احس بالم فضيع بجسمي وجهي احسه مورم وما احس بمعالمة...

صداع قوووي وعيوني اندفنت تحت الجفون الحزينه

لكن ريحة الدخان الي داعبت أنفي خلتني اركز بالمكان شفته كاعد علئ القنفه وهو نازع القميص الاسود وشامره باهمال بجانبه...

ولابس بس بنطرون اسوود وفانيله التعلاكة البيضه وحاط ايده علئ جبينه وهو يفرك براسه بوجع...

ولايد الثانية لازم جكارته الملتهبه بالجمر ...حسيتها مثل اعصابه هل جكارة يحترگ شويه شوية

شحت بنظراتي عنه استوعبت اني ويين جنت نايمه علئ قنفه بس جنت علئ وجهي نايمه وشعري واكع علئ وجهي ونازل من القنفه...

اني بطني جبيره شويه رغم لسه ما دخلت بالاشهر الاخيرة...

كمزت من مكاني وكعدت عدل مديت رجليه علئ الارض ولزمت رگبتي بوجع ...

واباوعله بنظرات خااايفه وقلقه ..بجيت بنحيب مسموع...

هو بسرعه باوووعلي جانت نظراته مثل نظرات ذئب منتظر فريسته تركض كدامه...

بس فاجئني من دار وجهه عني بهدوء ورجع شغل جكاره ..

الخووف سيطر علئ كل جوارحي الرعب الي حسيته بوجوده مستحييل اكو اصعب منه..

مثل ليلة الوحشه ...موحشه اذا جان عمل صالح يشفعلك واذا جان سيء اذا انت بوحشه مظلمة...

اني جان عملي باطل بالنسبه اله ...اطرافي ترجف من الخووف احسه مثل اسد فتاك للبشر ما اكدر اامن بي هسه يقضي عليه هسه يموتني...

اباوعله من بعيد بعيون هشمهن القلق والرعب ما اكدر اقاومه ولا اكدر اساعد نفسي...

من خووفي والرعب الي صار صرت اناشغ وابجي لا ارادي..

تكلم بحروف من نار وبصيغة جاااامده....اسكتييييي

اول ما نطق هل كلمه عبالك نحرني ضليت ابجي بصوت عالي واناشغ بصوت مسموع ما كدرت اسيطر علئ نفسي...

نمت علئ القنفه وحطيت اديه علئ شفايفي..امنع صوت نحيبي...

بس هيهات كل ما احاول اسكت انرعب اكثر واضل ابجي صوت نشغاتي تنطي صدئ عالي بالغرفة...

باوعلي بطرف عينه وهمس بهدوء...كااااافي

هو يكول كافي واني اتخبل يزيد البجي عندي واضل ارجف اريد اصبر نفسي ما اكدر...

وكف بغضب وهجم عليه حسيت شعري تطاير من بين اديه صرخ بوجهي ...كاافي بنت الكلب...

ضربني راشدي لتف راسي للجهه الثانية حسيت رگبتي انفكت ضربني راشدي ثاني...

صرخت واني احمي بطني منه مو وجهي ...وجهي خلاص تشووهه...

رفع راسي وهو غارس اصابعه بشعري وجهه جااان مولع ناااااار وعيونه تجدح نااار صرخ بوجهي....ليييييش،...لييش طلعتي ...احجيلي شلووون رحتي وييه جاااابر احجي شلون اتفقتو ضدي شلون هزمج مني...جنتي متفقين مووو؟ زين شلون تواصلتي وياه وطلعتي...

مجانت الي،اي،اجابه بس البكاء والنحيب والرجفه وجهي حسيته ورم من راشدياته...

رجع زمجر بوجهي بغضب...لييييش طلعتي؟

همست بنفس مقطوع وبكاء....لان خفت عليك

جان رافع ايده ديضربني بس من حسيت هيج بهتت ملامحه وقبض علئ ايده بقسوه...

ثواني ضل مركز بعيوني واني ارمش ببكاء رد بكلمات جامده...شنو خفتي عليه

جاوبته بشهكات حسيت الطفل تكطع ببطني ...خفت اكون اني وطفلي،ذنب برگبتك...

انت متعصب وفاقد اعزاز واني اخت غريمك خفت تاخذني بذنب اخووي...

مجان اكو رد منه بس نظراته مثل الزجاج المنثور ..دفعني من شعري ومشئ،كم خطوة...

سحب قميصه ولبسه بدون ما يدكم ازراره...

طلع من الباب وتلاشت صورته من كدامي...

حطيت ايدي علئ شفايفي حسيت ورمن والدم كل شويه ونزل من خشمي...

من طلع ارتاحيت ...لزمت راسي بوجع اني،ويين ..اخذني الاهله لو وين اخذني ..

باوعت للمكان هذا مو بيت اهله ولا غرفتي هذا المكان ما اعرفه ولا شايفته وصغير حييل رغم مرتب...

همست بتعب ...اني ويين

باوعت المكانه شفت المسدس مالته وموبايله ومفاتيح السيارة علئ القنفه ...خفت حييل...

وكفت بسرعه واخذت المسدس رجعت امشي بلهفه فتحت السحاب مالة المخده ودخلت المسدس بي ...

جريت نفس وخليت ايدي علئ صدري اخفف من الخفقان الي صار بصدري ورجفه الي باديه...

بس المهم ضميت المسدس اي احسن ..احسن ما انقتل هذا افضل حل حاليا...

رفعت اديه بالدعاء بخووف...يااارب ما يرجع يارب يختفي بعد ما اريده ...كرهتهه يخوف مرعب...

اتصل موبايلها اكثر من مرتين وكفت بخوف واني اباوع للباب واباوع علئ،الموبايل مشيت بخطوات حذره شفت مكتوب ...عمي الشيخ يتصل...

كعدت علئ القنفه علئ ركبي وسحبت البرده شفته واكف بجمود مثل تمثال من جليد والمطر ينزل عليه بغزارة...

لفيت الجاكيت عليه ببرد همست...هذا ميحس احس البروده دخلت لعظامي ...هسه يتمرض ياربي

انتبهت النفسي...ويتمرض شسويله بلكي يخفف غل وحقد...

حسيت برفسه قوويه بطني صرخت وحطيت ايدي علئ بطني ...

من اخذني لحد الان والطفل خانس اي حركه ماكو ولو هو صار كم يوم ماكو حركه هسه من غلطت علئ ابو  رفسني..

تفاجئت همست بنحيب...شكد نذل ياوويل حالي حتئ ابنك ما رحمني ...

غمضت عيوني باسئ ودموعي نزلت بدون سابق انذار...معقوله ابني يصير ويه ابوو ضدي؟

مسحت دموعي...منو الي منو ضل اليه اهلي تركوني احترك بنص النار حتئ طفلي ما حن عليه...

رجعت البرده ورجعت المكاني ...

متت جوع وعطش وجهي حسيت بي ورم لزمت خدي خدران ما احس بي من الراشديات...

مشيت بخطوات صعبه عبالك امشي علئ،بيض مكسر ...

دخلت للحمام لكيت بيها مراية مكسور نصها ولازكه بالحايط بس علئ طول الحايط...

باوعت النفسي ملابسي شئ ميشبه شئ الثوب عريض وشويه كصير والجاكيت عريض والنص الفخذ ...

انتبهت علئ وجهي انقهرت حيل دمعت علئ حالي شمسوي بيه اصابعه مطبووعه بخدي وصاير بي كل الالوان ازرك واحمر وبنفسجي  وعبالك البشره متقرحه...

شفتي مشكوكه والدم يابس عليها ..حتئ خشمي الدم ماخذ مسار ويابس ...

عيوني مورمه حييل وشعري مكفش والقراصه مكسورة بي نص واكع ونص مجلب بالقراصه ...

فتحت القراصه بصعوبه وشمرتها بسلة الزبل  ..

ورجعت فتحت البوري مالة المغسلة شمرت المي علئ وجهي صرخت لا ارادي من حسيت ببرودة المي هيجت كل اوجاعي ..

والمي لامس بشرتي بوجع رجعت غسلته مره ثانيه واني اتحمل الوجع  ...

طلعت نشفت وجهي بحذر بالشال مالتي...

كعدت بتعب علئ القنفه بطني ثكيله حييل متت شوكت اجيب واخلص ثكل مو طبيعي ...

حسيت الباب انفتح لفيت نفسي بسرعه وسويت روحي نايمه ..فتحت عين وحده بس علئ كيف شفته من بعيد...

نزع قميصه ينكط مي وشمره علئ القنفه وشعره كله مي وجسمه هماتين...

رجع كعد علئ القنفه سحب الباكيت وخلاها بين شفايفه وشغل الجداحه رن موبايله بسرعه رفعه فتح خط وضل ساكت بس الموبايل مشتغل يعني اتصال مفتوح...

تقريبا عشر دقايق جان كال...اي مو اني الي ميت علئ الزبايل من يلتم عليها الذبان...

ما فهمت من كلامه شئ بعدها وكف وراح للطارمه ضل يتصل...

رجع تقريبا وره ربع ساعه شمر موبايله ورجع كعد علئ القنفه ومد رجليه علئ الطاولة ...

هو عباله نايمه شفته باوعلي ورجع يدخن فزيت فزة من نظراته وغمضت عيوني حييل عصرتهن..

رجعت فتحت عيوني ببطئ شديد شفته لسه يدخن وملامحه جامده ..

شويه وفز مرعوب عبالك يدور علئ شئ اني نسيت علئ شنو يدور ...

رجع باوعلي بغضب خفت منه حييل حضنت  نفسي حيل وضليت اجر بالنفس جر

ما حسيت بس ايدي انخلعت عطت من الوجع وباوعتله بخووف...

عض علئ شفته بغضب كال...طلعي المسدس لا افلشه علئ راسج

رمشت بعيوني بخووف...ممم ما عندي

زمجر بوجهي بغضب ...انجبيييي طلعي لا اشك حلكج ...

لزكت روحي بالقنفه واني اباوعله بعيون حزينه وخووف ورجفه...

لزمني من رگبتي خنكني بس ما طول شويه ودفعني دور بسرعه بجويب الجاكيت مالكه شئ بس عوادين وكطوف مال جكاير صبرية...

بعدها مد ايده بصدري واني صرخت بخجل وخووف لزمت ايده خجلانه منه بس جانت قوته اكبر مني ضليت اتلوئ بين اديه بخجل ..

طلع ايده لان ماكو شئ...شكد نذل وخبيث اكو وحده تضم المسدس،بصدرها...

وكفني عبالك مثل اللعبه بين ادييه فتشني يدور علئ المسدس بعدها  ضل يدور بالمكان رجع عليه وصرخ بوجهي بقووة ...وييين المسدس طلعيييي

بلعت ريكي ببكاء وباعتراف سريع وبدون اي مقاومة ...اشرت علئ المخده..

باوع للمخده ورجع باوعلي كال بجمود..انطينياة...

كعدت واديه ترجف اريد افتح السحاب مكدرت بسبب الخوف والرجفه الي سيطرت علئ كل اعظائي

فتحت السحاب وطلعت المسدس وكفت هو مد ايده حطيته باديه ...

رجع لزمني من شعري حييل وهمس قريب من اذني بفحيح مرعب...مره ثانيه اذا مديتي ايدج علئ شئ يخصني والله افرغ هل مسدس براسج حيووانه ..

تركني وراح ...كعدت بخوف ولميت رجليه الصدري ودموعي تنزل لا ارادي

رجع باوعلي عاط بيه ...اكعدي عدل

نزلت رجلية بسرعه وكعدت عدل ..تفاجئت منه راعبني ومخوفني وما يقبل اكعد هيج يخاف علئ ابنه لعد ما تخاف عليه من خبلت امه وضربتها...

مو مجرم بنظر عينك بس اني مجرمه من ضغطت برجلية علئ طفلي...

ضل شويه ورجع لبس قميصه مبلل وطلع بعد ما اخذ كل اغراضه تخبلت...يممه يعوفني الوحدي امووت هنا ومحد يسأل عني حبسني واسرني هنا بعد حتئ ما يسأل عني...

خفت الوحدي رغم اذيته وخباله بس اخاف اضل الوحدي اخاف يهجم عليه واحد او يهجم عليه وحش او يمكن البيت مسكون...

باوعت الاديه رغم غسلت لسه مطينات هنه ورجليه

تعبت مابيه حيل اكوم اغسل ...ياريت ارجع الاهلي ما اريد شئ غير امي وابويه ما اريد والله تعبت حيل تعبت...

احس بدووخه مو طبيعية ولعبت نفسي حييل ركضت للحمام دا اريد اتقيئ بس للاسف ماكو شئ ما كدرت بس حسيت معدتي انزالت من مكانها

طلعت من الحمام شوويه وهو دخل شايل بيده علاگة بيضة خلاها علئ الطاوله كال...تعالي اكلي

باوعتله بخوف فتحت شفايفي دا اكول ما اريد هو همس من بين اسنانه بغضب ...اذا كلتي ما اريد افلش وجهج تفلش

هزيت راسي بقبول وخوف كعدت اكل وابجي واباوعله بخووف اللكمة ما تفوت كوة بس خووفي منه خلاني لا احس بطعم الاكل ولا احس بروحي..

اكلت والدموع اختلطت ويه الاكل كملت بسرعه وشلت الباقي خليته علئ القنفه وهو اتصالاته مستمره يمكن بالدقيقة يخابروا مرتين ...

وما يفتح خط من ما يفتح خط موبايله يعلن عن وصول رساله...

شفته تمدد وقميصه مبلل كل ملابسه مبلله وحتئ حذائه ما نزعها حسيت بي نام وانتظمت انفاسه...

غمضت عيوني ونمت بعد حرب الاعصاب الي صارت الي وياة....

............................

ريهام كعدت الفجر للصلاة لكيت ابويه ديتوضئ بالطارمه مقهورة عليه حيل لان طلك امي ...

رحت للاستقبال حظرت سجادته وتربته والسبحه خفرشتهن اله

دخل وهو ينشف بايه بالمنشفه باوعلي ضحك كال...صباح العافية بويه رهومتي

ابتسمت...صباح الخير يابه

طلعت من الاستقبال رحت توضيت باوعت للسماء لنجوم بوسطن القمر منور السماء تنفست بانتعاش ...يالله ما أجمل خلق الخالق

ابتسمت بدعاء صادق...يارب ما اريد بس النية الصافية والهداية علئ طريقك المستقيم...لان كل امور الحياة محلوله بس الابتعاد عن طريقك والوقوع بالمحرمات والمعصية والطغيان صعب حلها ...

يارب احيي ضميري بالإيمان واجعلني من الصالحات الطاهرات ...

رحت توضيت وكعدتي امي وخالتي راحن توضن وصلينه سووة...

اني دائما احب اصلي،وره ابويه لان شكد احس بالامان واني بين اديين ربي وره ضهر ابوية...

كملت صلاة وبعدها رحت سلكت بيض وسويت جاي ..

ابويه شويه وراح جاب صموون  وكيمر ...اتريكنه وصبيت الابويه الوحده...

خالتي كالت...كومي نروح البيت عمج انه ما اكدر اضلن هيج لازم اروح اشوف جكليته وين صارت وبعدها اروحن البيتي كنوش

رحت كلت الابويه كال حظرن نفسجن اني اخذجن صدك حضرت نفسي ورحنه البيت عمي ابويه ما دخل كال عندي شغله بس خطيه هو حيل متحلف بجابر واني كوولش مقهورة علئ اخويه

دكينه الباب ودخلنه استقبلتنه وقار خالتي باستها وهي تمدح بيها ...يمه هاي بنت مهيوب شحلاتها

سلمت عليها ودخلت لكت رضيه طاحتلها بوس لان هي تعرفها من زمان ...

بس ام فلاح جانت مموجوده رايحه البيت اخوها ابو وادي...

كعدت وطلعت باكيتها تدخن اجت نوال سلمت علينه وكعدت..

خالتي صبرية كالت...اي منو من الولد هنا اريد احجي وياه...

ردت نوال ...هسه صلاح علئ جيه وجعفر كل عاده منطمر بسابع نومه

جاوبتها رضيه...اسكتي لا يسمعج مو عيب تتجاوزين عليه

ردت بغرور...شحجيت اني وبعدين محد يوصل اله بس كون انتن ما تحجن...

خالتي صبرية كالت...انتي مو الارمله المات رجلج فلاح

جاوبت بتنهيده...اي كتله اخو جولييت الكلبه

صبرية بغضب...هااا كلتي اخوها هي شدخلها وبعدين وين اخذها جويسر والله  جكليته فقيرة وحبابه لازم يصلي صلاة الشكر عليها...

لوت شفايفها بقهر...علئ شنو يصلي صلاة شكر اشو من وراها ماتو تلاثه وينه وينه كل اهل جولييت ما يسوون اظفر من اظافر فلاح هاي لازم يطردها ويخلصنه منها...

لان من نشوفها نشوف اخوها بيها ولحد دكول هي مالها شغل تضل هي اخت عاصم الكلب ابن الكلب يتيم بناتي ويتم طفل بطني ما شاف الضوة لهسه وجايات تدافعن عنها...

بس حقجن مو زوجن المات ولا بناتجن الي تيتمن والايده بالمي مو مثل الي ايده بالنار...

صبرية بعدم اهتمام...دكافي كافي ذاك عويصم ورحو اخذو حقكم منه جويليته شعليها

شو جكليته تاخذ من فرخ الدجاج اكللها الزمي تخلصها ...لا فدوه خاله اخاف يعضني

اهمداني وين اكوو كتكوت يعض ...انوب يربي هي من فرخ الدجاج تخاف شلون من البارحه لليوم عند الوحش كويسر اكيد ماتت...

اردفت بخوف...يمه اسم الله يوم ابو اللول وحسنه گبل يومها

شويه وسمعنه صوت صلاح يصيح...يمممه رضيه وينج

هو خطيه ما يدخل اله رضيه تشوفله نوال لبست حجابها لو لا لان هي بالعده ولو هي متنلزم كاعده وياهم ونازعه البوشي...

رضيه كالت ببتسامه...هااا يمه جايتك

خالتي صبرية بدون اي خجل صاحت...هااا صلاح تعال يمه تعاال ..

هو تحمحم ودخل كال ...السلام عليكم...

وكفت خالتي صبرية وباسته بخده شلعته شلع ...هلا يممه هلا شلونك جنت منتظرتك همزين اجيت ...

هو باوعلها بخجل ومسح خده باوع الرضيه بمعنئ ..منو

ضحكت رضيه كالت...هاي خالتك صبرية اخت ام جابر الي جانت عندها جولييت ..

رفع حاجبه بذهول...هااا اي اهلا وسهلا بيج خاله

بعدها باوعلي وابتسم كال...شلونج ريهام

عدلت حجابي بخجل وبلعت ريكي...هااا الحمد لله زينه انت شلونك

رد بهدوء...الحمد لله تمام...

ضحكت خالتي صبرية كالت...رايدتك بموضوع خاله صلاح حتئ اذا حليته اليه ازوجك رهيمه

فتحت عيوني مصدومه وصلاح باوعلي وضحك كلها...ادللي خاله بعيني

جاوبت نوال بغضب ...لا هي محجوزة الجعفر الشيخ طلبها الجعفر وشيخ مهيوب مات وهاي وصية ميت لازم تتنفذ...

ردت عليها صبرية بقهر...خاب دكومي انه مالي شغل حبيت صليح وجعيفر شوفوله مره واذا تردين انتي تزوجي ...

طبعا خالتي صبرية ما عندها حيا حظوري تحجي طك بطك...

فنوال ضاجت منها وخلت وطلعت متضايقه من كلامها وعاطت ببناتها يجن وراها خطيه البنات حيل يخافن منها راحن يركضن

كالت عفوني اني وصلاح اريد احجي وياه...

طلعنع كلنه وهي ضلت بس هي وصلاح تحجي وياه

طلعنه بره ونوال ضلت تحوض طلع جعفر من غرفته وهو بعده النعاس بعيونه ...

بدون ما يسلم راح غسل وكعد علئ الكرسي كال..منو اجتنه تلعلع طيرت حتئ النوم من عيني

اشرت عليه نوال كالت...صبرية خالة هاااي

باوعلي كال...هااا ريهام شلونج

رديت بهدوء...الحمد لله

تنهدت نوال كالت...جعفر عود من تطلع دورة السنه مالة ابوك اخطب ريهام خاف تضيع من ايدك وين تلكه مثلها ادب واخلاق ...

اني صدك ضجت عبالك كاعده علئ كلبها ...

هو باوعلها بسخرية...شدخلج بابا وبعدين مو لازمه عده شكو تحجي وياي لو اله توكعيني بالحرام يالله ترتاحين

ردت باستهزاء...عشتووو يعرف الحلال والحرام ابو العرك ...

هو باوعلها بغضب كلها...مراح اتجاوز عليج لان انتي حرمه بس الله يساعد فلاح عليج همزين مات وخلص منج ...

والله والله وروح ابووي لو يجي جلب ابن جلب ويبليني بيج اشرب زرنيخ بدل العرك وانتحر واتحمل نار جهنم ولا اتحمل الكعده وياج...

جاوبت بغضب...صدك ما تستحي ...

رفع اصبعه بتهديد وبقرف...باعي لج ما عايزج اني وبعدين احترمي نفسج حسسينه انتي مكسوره حتئ لو بالجذب ميخالف بس خلينه شويه ننقهر عليج ليش هيج اسلوبج زفت....

ضلت تخوزر بي وهو ما قلد الها وعافها الوحدها عاد هي مدري شبيها من تضوج تلزم بناتها تموتهن كتل...

لزمت بناتها تريد تكتلهن اخذتها منهن رضيه و راحت وهي تاشر الهن وتعض بشفتها هو متحلفه الهن...

طلعت خالتي صبرية لبست نعالها وطلع وراها صلاح شوويه وراح دخل الغرفته جاب جاكيت اسود لبسه وطلع...

امي جنت اباوع عليه مو اعجاب وانما تساؤل شنو الدار بينه وبين صبرية...

هو باوعلي وابتسم ببتسامه جانبيه وطلع هو وخالتي وتركتني صبريه يم نوال...

ضجت حييل منها بس تحجي وتبسمر بيه وتبز بالكلام مدري شبيها ويايه ...

رغم هواية اتجنبها وما احجي وياها...

كعدنه اني ووقار كالت وقار بهدوء...البارحه حيل انقهرت علئ جابر ما يستاهل بس للاسف ورط نفسه ومستحيل ترجع علاقته صافيه ويه اخواني وخاصه جاسر...

جريت نفس وهمست...الله كريم ان شاء الله جاسر يعفي عن جابر وجابر حبيبي يبرر موقفه...

شويه واجت نوال تهف كالت...هذا اخووج شنوو يحمي جولييت ويهزمها صدك طلع واحد بلا اخلاق وامج لا تكعد تجذب ودكول اني اخذتها هي مو جانت موجوده هنا من طلعت جولي الكلبه شلون بعد اخذتها...

جاوبتها رضيه...هي طلعتها ورجعت وسلمتها الصبرية

ضلن يتناقشن نقاش حاد وشفت وقار تدافع لجابر دفاع مستميت

ونوال ما خلت واحد ما غلطت عليه متخبله كووولش ربي يهديها ويرجعها العقلها...

.............. .  ............

جولي...

خلصت اليل كل شويه اكعد مرعوووبه واباوعله ما اشوف منه شئ لان بعيد عني نايم...

بس الخوف خلاني اترقبه كل شويه انااام اروح بسبات عميق وارجع باحلام مخربطه او يمكن عقلي الباطني يصور الي الصار...

كل احلامي هجومه عليه او ضربه منه وجابر جان اله دور باحلامي بس جدا ضئيل مو مثل الكاسر استحوذ علئ الكل...

كعدت علئ صوته باوعت عليه شفته كاعد يصلي شويه ووكف جان يصلي علئ الارض لان ماكو لا سجاده ولا تربه...

رجع المكانه بهدوء ...

واني رحت توضيت اباوع الوجهي صاير خارطه يخووف

ضحكت باستهزاء يصلي يرضي ربه...هههه لعد واني الي كسرني وما خاف الله بيه...

الله ورسوله مو وصه بينه وكال رفقا بالقوارير...اشوو نحرني نحر وراح يصلي حتئ يرضي ربه ...

لم يستوصوا بنا خيرا يا رسول الله لقد كسروا القوارير والأفئدة).

كملت وضوء وطلعت كعدت صليت بصعوبه تحت انظاره الحاده...

ضليت ادعي وابجي وانوح احس الحياطين كسرت خاطرها وهو ما انكسر خاطره عليه...

ضليت هواية كاعده اصلي واسبح بأشد حالات الضعف ما لكيت باب مفتوحلي غير باب رب العالمين

كلها سدت بيبانها بوجهي بس انت يارب فتحت بابك بدون مقابل...

نمت علئ السجاده من التعب...اكثر شئ جان صامت ما عاتبني ولا حجه شئ بس من اخر موقف باليل..

صحيت علئ صوت الباب تفلش بقووه هو تخبل باوعلي مصدوم وراح فتح الباب ...

اول ما سمعت صوتها عرفتها ابتسمت بدون سابق انذار ودمعت بسرعه

هي دخلت بسرعه باوعتلي فتحت اديها اليه واني عبالك شفت امي ركضت عليها واني ابجي وانوح بحضنها...

وهي حضنتني وتبوس بيه وتمسح علئ شعري ...

سمعته صرخ بصوت عالي...انت شلووون تجي لهنا

رد عليه صلاح بقلق...بس اهدئ شوية خلي تفهمك خالة صبرية وافهم منها لا تتعصب اسمع وبعدها احكم

دارت وجهه عليه صبريه بعصبية...انت مخبل مخبل انت ولك فرخه جاهل هيج تطكها وتشوهه وجهه يا ظالم يا متخاف من ربك

هو باوعلها بجمود بس مجاوبها ...

كعدت وحضنتني ...خايبه شمالك هي كتلتهم شدخلها هل مسكينه الي ما تحل رجل دجاجه

وبعدين اختي ام جابر هي خابرتني وطلعتها اليه لا تدخلون جابر بمشاكلكم

هو ضحك وجاوبه باستهزاء...صدكتج..

ردت بغضب...لا تصدك قابل انت فد مندله حتئ لو  جابر هو جابها البنية تهددت من اهلك وانهزمت تروح الامها...

وهي ما تدري بامها راحت ويه اخوتها لزمها جابر يرجعها الك بس فات الوكت وانت هدرت دمها...

جابها اليه بيومها وانه حطيتها بعيوني واتمنى ترجع وياي واداريها ...

ما شفت اله كل خير منها فقيرة وحبابه وخوش بت ولو عندي ولد جان زوجتها اله

بس ابو اللول ما بي خير خلف بس ليالي وكطع الاستيراد...

هو بلل شفته بضيق من كلامها وجر نفس كلها...هذا هو تفاهمت وياها وان شاء الله محلوله

باوعتله بقهر...محلوله؟ ولك دمعتين من هل عسل المصفئ انسئ ابو الثار غير دمعتها تهز اكبر جبل انت شمالك ليش كلبك حجر...

جر نفس...هذا الشئ بيني وبينها حجيه وكتلج انتهئ كل شئ وتفاهمنه...

تنهدت بضيق...شراح تسوي تكتل جكليته يو تاكلها ..يكولون قايم عليها الحد

عض علئ شفته بقهر...لو اريد اكتلها كتلتها من البارحه بس هذا مو مهم عندي ولا هي بهل اهمية ان شاء الله يصير خير...

طلعت جكارتها ودخنت ...لا تصير فرعون جكليتك ما الها شغل بخوتها ولا تاخذها بذنبهم ...

ضحك بهدوء...مو لهل درجه غبي حتئ اخذها بذنبهم هي انهزمت مني واني حرمتها علئ نفسي

ضلت تحجي وياه وهو يراوغها بالكلام بعدها حلفته ما ياذيني وهو حلف ما ياذيني ...

خطيه باستني وحضنتني واني لسه لازمه بيها وابجي كالت...ان شاء الله اجيج والله بس كون اتطمن علئ كنوش ما عاجبني هل ايام خانس كلش

ودعتني وراحت اخذها صلاح...

هو طلع شووية وبعدها دخل جنت واكفه وامشي بتوتر من شفته وكفت بمكاني مرعووبه...

تقرب مني ولزمني بقوووه حسيت اعظامي تكسرت منه قبضته

جر نفس وكال...باااعي راح اعفي عنج وراح ارجعج وياي للبيت ومراح اخلي اي وحده تحجي وياج ولا تمر بعرضتج بس بشرط

عقدت حواجبي واني اباوع لعيونه القاسيه همست بخوف...شنووو

تقرب مني وهمس من بين اسنانه...شرطي هوو.....

نهاية البارت...يتبع

كونوا انتم كونوا ...احبكم 💔

نور سمو العراق 😘

لا تنسو التصويت والمشاركه بكم نكتمل 🌹

طلب اخوووي اريد تفجرون حساب هل كاتبه من طرفي وتابعوها ..حتئ عود ادورلكم مواقف غومانسيه 😂😂😂

rashaali22

هذا التعلق الي فاز مبروك يقلبي البارت هديه الج 😍