رواية #جوليت وأسرها.... الفصل السابع والخمسون 57 - بقلم الكاتبه سمو العراق

البارت 43
رواية...جولييت واسرها...غياهب الإنتقام
بقلمي...نور سمو العراق

💔💔💔💔💔💔💔💔

الآن ـ يكتمـــل سيناريو حزنــــي ..فـ يتألف مسلسل غ ـريب بطلته أنآ 💔

تنبية...رجاءا بنات راعوا شعور جولييت بهذا البارت مهما يكون حازم ترئ هو اخوها الدم يحن هي تتقبل كوولشي بس ما قبلت واحد يغلط عليها بتصرفها بهذا البارت...واكيد الها احترامها وخصوصيتها...

اقتضئ التنوية...😘😘😘

..................................

انتزعت شظايا روحي باول كلمه من هاله اخفيت شهگه وغصه طلعت من روحي

تركتني ومشت خطوات بسيطه همست بالم مخفي...حرام عليج ليش تكسرين بيه وتعذبيني ادري بيج جذابه وحازم مو عند جاسر

حركت شعرها بغرور ورديت من بين سموم ألافاعي كيفج لا تصدكين

نطقت اخر كلمتين وراحت...اما اني جنت بحالة ذهول وصدمه وعدم تصديق

توجهت الغرفتي بخطوات مليانه غضب قفلت الباب بقووه كبيره بحيث صوته صدع بداخل الغرفة الهادئه...

تجمعت الدموع الحاره بعيوني واجهشت بالبكاء بصوت خاافت ...

همست بعذاب وعبره...ويينج يممه اكيد متعذبه وتبجين دم عليه وعلئ حازم ...

اخويه حازم سوده عليه اكيد ضربك واذاك هل
الكاسر...

شهكت برعب ...ما اريده ارجعلي يااابه اخذني وياك وخلصني من هل وحش لا تخليني وياه ضاقت الدنيا بيه والله يابه

احس نفسي فاقت من الصبر وما باقيلي بس عدة ايام احس روحي حتفارك هل جسد المتعووب

يابه الدنيا تضرب بيه من كل صووب والأماكن صارت بعيني ضيگه ..وين الفرح عني يابه

يابه الحزن احتضني من يوم الي تخليت بي عنك حضنك والتجئت الحضن الكاسر

يابه الدنيا تكسرت بعيني وكل شئ ينسمع اله صوت ويتصلح اله گلبي انكسر ومحد سمعه وحس بانينه غيري ...

صدك يابه حازم عنده؟كل ما اريد تتصلح هل فجوه الي بيني وبينه اطلع غلطانه واتيقن هل فجوه ما الها حل غير الفراگ

شلوون بيه شلووون ما اريده يقتل حازم ويكون مجرم مثل عاصم لااا ياربي لااااا...

وكفت واني افتر بالغرفه وافرك باصابعي...اخاف هاله جذابه يمكن تجذب عليه لان تكرهني يمكن تريد تغثني...

بلعت ريكي بغصه...لا مستحيل صح تكرهني بس مستحييل تتهم جاسر باطل وهي تعرف جاسر شنوو

زين اذا حازم عنده فأكيد هي الي خبرت عن حازم ولزمه جاااسر...

تكلمت وهي نفسي واني اطمنها...اهدي جولييت مو هييج حتخسرين الاول والتالي وتخلين جاسر يتهور حاولي تكونين طبيعية...

طلعت بره بعد ما حاولت ويه نفسي هووايه لكيتهم بعدهم ملتهيين بالعرس وصبريه شافت جاسر دخل وهي تهووس...هل گضت والله گضاها وعند ابو رضيوي عشاها...

هو ابتسم وشال رضاوي وباسه بعدها باوعلي بنظره زلزلت كل كياني وهبطتني رغم نظرته عاديه بس مجرد ما اتذكرت حازم عنده انرعبت....

شفت هاله واكفه وهي نازعه حجابها وتصفگ وتبتسم جريت نفس حزين...شنو المكافأة الي يكافئها بيها جاسر بعد ما سلمت حازم اخويه يتزوجها لو يطلكني؟

رديت علئ نفسي بنهر وعصبية...يطبهم مرض يتزوجون يولون مو ذات اهميه وياريت يطلكني والله اخلص منه...

تقربت مني وحجت بهمس...تقبلين تعيشين وياه بعد ما يقتل اخوووج حازم

باوعتلها بحده ومجاوبتها...

ضحكت باستهزء...اكيد تقبلين يالله ان شاء الله نشوف النهاية شنو...

رديت عليها من بين اسناني...ان شاء الله نشوف نهايتج بنار جهنم يا كلبه

واكيد انتي الي سلمتي حازم الجاسر

فتحت عيونها بصدمه...بله اسكتي لا تبليني اني شدخلني هو اجانه اخذ فلوس من بابا وخابر عاصم كال لحد الان ماكوو حازم واتصل عليه ماكوو

فاكيد زوجج المصون خطفه هاي اذا مقتله

اتمنيت اضربها راشدي بس كلت لاا ما اريد افضح شئ خليها هسه...

فض العرس وخلص...

واني وريهام ورضيه وخالتي ام فلاح واشواق و وقار ضلينه ننضف ونرتب بالبيت بس اني شعوري طاير ومو بس هييج من يسالني ما اجاوبه عبالك بغير عالم...

كملت شغل وكعدت بالغرفة اندك الباب قبل لا اكول منو سمعته كال...جولييت تعالي صبيلي عشا اني وجابر...

خليت وطلعت باوعتله بنظره حاده حتئ هو استغرب منها بس ما حجه

حضرت العشا واخذته انطيته اله اخذه مني واني رحت وبعدها رجعت اريد اتأكد من صحة كلام هاله

ضليت واكفه هووايه يحجون كلام عادي حتئ ضليت اشك يجوز هاله جذابه ودا اروح

لكن استوقفني كلامه من كال...رحت شفت حازم لو التهيت مثلنا

جانت صدمه قاسيه وكسرت كل اجزائي بلعت ريكي مرارا وتكرارا وگلبي جان يخفق بقوووه هزيت راسي بنفي...لاااا ياربي لااااا شلون معناها صدك حازم عنده

ليش ياتخذه كبش فداء شنو حال امي ياربي

حطيت اذاني علئ الباب واني استمع الباقي كلامه والدموع تنهمر من عيوني مثل المطر المالح

اردف بضحكه مستهزئه...والله وهل بيت فادني اسوي بي مصايب ومحد يعرف اخذت بي جولييت من انهزمت واخذت بي الي اخذو مهر ريهام وسيارة جعفر وهسه استضافيت بي عاصم ههه..

جابر...ههه والله بيت ما يجيب بس المصايب 

رحت اركض للغرفه ياربي صدك كلام هاله صدك ياربي دخيلك احفظ اخويه وفك اسره يااارب...

اخذت اطفالي الحضني واني ابجي ياربي شلوون لازم اسوي شئ لازم بس الافضل ما احسس جاسر ان اني اعرف بي حازم عنده

نفخت بقهر...نذل ويضل نذل وخبيث شلون يسوي بيه هييج شلوون اني افقد احبابي،وأهلي بخطر وهو يريدني افرح واحضر افراح اهله

شوكت اخلص منه جنت احبببه هسه اكرههه ما اطيقه تفرعن هووواي وطغئ وتجبر ومحد يوكف بعينه ليش هييج ليش ...

ياربي كرهني بي ما اريده ما اريييييده والله اخذ اطفالي واروح الامي بس يقتل حازم وهو ما اله ذنب..

اتذكرته قبل حنة جعفر بيوم صاح عليه واني رحت الغرفته

لكيته متمدد علئ القنفه اشرلي اكعد يمه

باوعت للمكان ما يساعد لان هو ماخذ القنفه كولها جاوبته بمرح...غير كون الكه مكان بي خير واكعد يمك

رفع حاجب...افااا وحضني ما بي،خييير اكعدي بحضني ام مرتضئ اكعدي

هزيت راسي بنفي واني اخفي ابتسامتي هو عدل كعدته وكعدني يمه صرت بصفه بس عدلت نفسي صرت عبالك مقابيله ...

لزم اصابعي وهو يطكطك بيهن واني كل اصبع يطگه اعييط واريد اسحب ايدي

حاولت اسحب ايدي...شبييك جاسر شكو تطكطك باصابعي

رد ببرود..احب هاي الحركه

جاوبته بزعل بس اني ما احبها ...

سحب رجلي بعد ما خلص من اديه وضل يطكط باصابع ارجليه واني اسحب برجليه واغطي بيهن همست...اهووو جاسر وخرر. هسه انت جايبني منا لهناك بس حتئ تطكط اصابعي

ابتسم...اكيد لاااا اريد اكلج حضري نفسج نشتري ملابس للولد لعرس عمهم ونشوفلج فستان ان شاء الله

باوعتله بحيره وصدمه...عندهم ملابس ماما رضيه جابت الهم واني لابسه اسود مو مهم والله

احتضني وهو يبوس خدي بعنف...اشش،اني من احجي لا تجادليني

سكتت وبعدها كال...يالله حضري نفسج

صدك حضرت نفسي ورحنه للمول اشتره للاطفال ملابس واشترالي فستان رغم والله جنت فرحانه بس بنفس الوقت گلبي مقبوض

وحسيت بغموضه حسيت وراه شئ النذل يريد يسترضيني حتئ اتنازل عن اخوويه اتنازل عن دم اخويه

ليش هو تنازل عن اهله حتئ اني اتنازل...

وللمره الالف اعيدها خلي عاصم الدوله تكتله وتعدمه وتوذره بس انت يا جاسر لاااا لاااااااا....

ما اريد تكون مجرم بعيني ما اريد الناس دكول ابو ولدج كتل اخووج وانتي عايشه باحضانه

هو تقبلني لإن مو اني الي قتلت اهله اخويه هو المذنب بس خلي الدوله تقتص منه مو انت يا جاسر مو انت....

طردت الافكار السلبيه من بالي وحاولت انام بس هيهات النوم جافه عيوني

والهم يعصر بصدري عصر يارب الطف بحالي ياكريم...

.......................

ريهام....

متت تعب من العرس واني اصلا صايره ابد ما اتحمل بسرعه اتعب ...

نمت من التعب وباليل حسيت علئ قبلات هادئه من صلاح

كعدت بتعب واني اباوع العيونه هو انرعب من شاف وجهي ملطخ بالدم

رجفت شفايفه بخووف...ريهام شبييج دايخه تحسين بشئ

حطيت ايدي علئ أنفي همست...لا لتخاف هاي من التعب اني من اتعب اضل انزف

تكلم بغضب...ريهام كم مره كتلج اذا تعبانه لا تنظفيين لا تشتغلين ليش تعذبيني ياعذابي مو تعرفين انتي مريضه

حطيت ايدي علئ خده واني اتلمسه بحنان...صدك صلاح شوكت تجيب تحليلي

رد بقلق...هذا الاسبوع ان شاء الله

جريت نفس حزين...ان شاء الله خير ...صلاح اذن الصبح لو بعده

ابتسم...يمجد ان شاء الله ما ضل شئ وياذن

ضحكت وبسته بخده لبست الروب القطني والشال وطلعت بره بالحديقه واني اتمعن للسماء بعبق ايماني....

احب اطلع بره واباوع للسماء من ياذن احس الروح تنغسل وتنجلي بكلمات ذكر الرحمن ...

رفعت ايدي بالدعاء وهمست...اللهم بك أصبحنا و بك أمسينا وبك نحيا و بك نموت وإليك النشور

اللهم إني أصبحت أشهدك وأشهد حملة عرشك و ملائكتك وجميع خلقك أنك انت الله لا إله إلا أنت وحدك لا شريك لك و أن محمداً عبدك ورسولك

ياربي عايفنا وشافينا وارحمنا يا ارحم الراحميين انت مولانا فنعم المولئ ونعم الوكيل...

اذن المؤذن واني اردد وراه وبعدها حسيت بشخص احتضني من وره درت وجهي عليه شفته صلاح

ابتسمت ونزلت عيوني بخجل واني،بين اديين رب العالمين

هو حط ايده علئ راسي وهمس بصوت حزين...الهي استودعك رهومه ان الشافي وانت المعافي لا تفجعني بيها واجعل عمرها اطول من عمري يا ارحم الراحمين...

درت وجهي عليه باستنكار وحطيت اصابعي علئ شفايفه جاوبته بزعل...لا حبيبي لا تحجي هيج اسم الله عليك ان شاء الله عمرك طوويل

سحب اصابعي من شفايفه وقبلهن بحب وبعدها احتضني همس بصوت موجع وحزين...ريهام خايف ما اعرف ليش أخاف بيج شئ

نزلت دموعي بعذاب...لا تخاف املي بربي كبيير وحتئ لو صار شئ الحمد لله هو امتحان من ربي وان شاء الله اكون كد الامتحان

جر نفس ومسح دموعي...يابه احبببج اعشقج ما تحلالي مره غييرج افهمي طمنيني وكولي اني بخير

ضحكت بمرح عكس تيار الحزن الي اجتاح وجداني...بخيير بخيير شبيك يمعود عرج ما يطكني هههه

ابتسم مجامله وبعدها باس شفايفي بحراره ابتعد شويه وسحب ايدي مشيت وياه توضئ وبعدها توضيت وراه وصلينه

اول ما خلصنه صلاه دار وجهه عليه وابتسم همس...احبببببببببببج

ضحكت ونزلت عيوني ورجعت باوعتله واني اجر النفس بصعوووبه...اموووت عليك

خلصنه صلاه شلت السجادات دا اسفطهن هو اخذهن ولسفطهن وسفط العبايه وبعدها سحبني واحتضني وهو يسولف الي عن عشقه وحبه اليه من قبل لا يموت ابوو ومن قبل لا يخطبوني الجعفر...

حتضنته بحب ونمت علئ صدره واني الحزن مغطيني....

......................

وقار...

رجعنه للبيت اني وجابر و عمتي وعمو ...

جنت لابسه فستان قصير جويتي والردان مالته شيفوون بس خفيف وضيق حييل...

ومخليه مكياج هو فاتح بس الحمره شويه طووخ

ومشسوره شعري ولابسه حذاء لونها ذهبي شويه عاليه حاولت أحافظ علئ اطلالتي ردت جابر يشوفني

وهماتين ردت اراضي واطيب خاطره لان اني بصراحه جرحته واذيته بكلامي بس،والله مو قصدي ولحد الان كل ما اريد اخطي خطوه اتراجع لان موضوع البكاره لحد الان يدور ببالي

بس اريد اعرف شغله وحده منيين نوال عرفت

هو جان يسوق وعمي كاعد بصفه واني وياه كاعدين ليوره ...

جنت اباوع لجابر شكد حلو وشخصيته حلووه جنت احلم بي بس جنت دائما اطرده من افكاري اكول اني ويين وجابر وين

ومستحيل يقبل بيه وحتئ من خطبني داوود بسرعه قبلت لان جنت عبالي اضل علئ گلب امي ومحد يتزوجني

ردت اقبل بأي واحد بس الحمد لله ربي جبرني بجابر بس للاسف اني ما نصحت وياه وضوحته وهو مستاهل لان كوولش حباب...

جان طول الطريق بس يخابر ساعه بصلاح وساعه بجاسر وكل كلامه غموض بغموض...

وصلنه للبيت عمي راح يبدل وعمتي ضلت تفتر بالبيت وما اعرف شنو

اني وجابر دخلنه للغرفه هو فتح الضوه وبعده لحد الان يخابر

نزعت الصايه وشمرتها وهو ديخابر وباوعلي رد بسرعه...جاسر بعدين اخابرك شويه واجيك

قفل الخط وباوعلي ببرود وبعدها راح فتح الكنتور نزع قميصه ديعلگه...

ابتسمت بحزن عليه واتردد اتقرب منه واخطي خطوه ...

تنازلت عن كبريائي شويه وتقربت منه حضنته من وره وحطيت خدي علئ ضهره همست بهدوء...جاابر احببك والله

ما تحرك ولا ثرت مشاعره بسته بكتفه بدلال...اني اسفه جابر والله مو قصدي اببد بس شسوي من غيرتي وانلعب بعقلي

دار وجهه عليع وعقد حواجبه باستغراب...وانتي صغيره حتئ يلعبون بعقلج انت تعرفين الي يوصلج الكلام هو شنو وتعرفين اني شنوو ماكوو داعي لكلامج المستفز

وطعنج برجولتي بنيتي حاجز بيني وبينج يا وقار وكلامج اذاني واني الي دووم احاول ارضيج وما ااذيج

نزلت دموعي بصمت وبسته بخده وهمست...والله بعد ما اعيدها والله جابر اني احبببك لا تعذبني وتجافيني

ما تعرف بيه من تنام وتخليني وانت مجروح مني شلون اخلص اليل كله ابجي والله طلعت الكلمه مني لا اراديه

سامحني غيرتي طغت عليه واني اعرفك شنو من اخلاق ومن ادب ومو بس هيج حتئ جولييت اعرفها مؤدبه وحبابه واخلاق

بس الشيطان فرق بيني وبينك والسويته بيه اني استاهله والله شتريد تسوي،بيه سوي بس لا تزعل مني وتجافيني

حضنته حييل واني ابجي علئ صدره العاري وهة احتضني ولف اديه علئ خصري...

رفع وجهي وباس شفايفي بعمق وحب ابتعد شويه واحتضن وجهي بكفوف اديه همس بصوت خافت...راضيني اذا طال الزعل غير اليحب ميجافي...يالله راضيني

ابتسمت بمرح وكمزت علئ واني احضنه باقوئ ما عندي وتعلقت برگبته

همست...تدلل اراضييك بس شلووون؟

باوعلي وعض شفته وشالني بين اديه بخفه وسرعه وكل شويه ويبوسني بعنقي وخدي واخذني للسرير

امتلكني بكل حب ورمانسيه وكل شويه وباس ايدي الاصابعها مفقوده ويحتضني اكثر

وراضيته علئ طريقة هو لان هو الي بده بالمراضاة مو اني...

ياااربي احببب جابر اعششقه لا تحرمني منه ولا تسوء ايامنه

احس نفس حنية بابا عليه عوضني عن فقدان بابا وكان الاب الثاني اليه....

......................
جولييت...

ما كدرت اتحمل الوضع ولا كدرت اتحمله يعني خاطف اخويه وعنده الوضع طبيعي

كل شويه ويدخل ويطلع ويضحك ويسولف ويه اهله ولا كان صاير شئ...

جنت اغسل بملابس الاطفال هو باوعلي كال بهدوء...جولي وين مجتبئ جيبي الي

رديت من وره خشمي...نايم لا تكعده وتزعجني وتزعجه

هو رفع حاجب...شنو ولج شوو ما تستحين شنو ازعجج

ضحكت باستهزاء و وكفت بعد ما شمرت تشيرت مجتبئ...بله رجاءا لا تسوي نفسك حنين

خلي اذكرك بنفسك من جنت حامل بيهم شلون ردت تنطيهم

عاد هو تخبل لزم ايدي ولواها وعيونه تنبض بغضب ...احترمي نفسج وخليني محترمج

رديت من بين اسناني ...والله محترمه نفسي قبل لا اشوفك ولا اشوف اهلك يا نذل

ما حسيت غير براشي وراشدي ثاني شوهه ملامح وجهي ...

حطيت ايدي علئ وجهي واني اتفاده ضرباته

دفعني بغضب ورفع اصبعه بتهديد...بسيطه اعلمج النذل شيسوي

دفعني بقوه ارتطمت بالحايط وهو خله وراح عدلت شعري بس لاول مره ما ابجي ورجعت كملت ملابس

شافته ريهام من ضربني اجت تركض عليه كالت...شبيج انت وياه

ابتسمت...ماكوو شئ عادي تعودنه

باوعتلي،بحزن...الله يساعدج والله مرات احس عندج قوه بحيث متحمله كووولشي

ضحكت بسخريه...لا يغرج قوه خارجيه بس من الداخل اني ضعيفه ومكسوره....

كملت غسل الملابس خالتي ام فلاح راحت للنجف وبعدها دخلت الغرفتي قفلتها ونمت

......................
شهد

كعدت الصبح النعاس بعده بعيوني باوعت للساعه بالعشره فزيت بسرعه...ياااا عزا العزاني عوود اني حالفه عند عيالي اكعد بالسته الصبح كله من جعفر ما كعدني واخذتني النوومه...

كعدت بسرعه دخلت للحمام سبحت وطلعت واني انشف بشعري وجعفر كاعد علئ القنفه يفرك بوجهه

باوعتله ببتسامه...صباحو حبيبي

رفع حاجب وما رد عليه

رجعت امشط كيفك لا ترد ان شاء الله منا ورايح اعلمك علئ الاتكيت من تكعد دكول صباح الخير ومن تاكل دكول بسم اللة حتئ الشيطان ما ياكل وياك

انوب من تخلص تغسل اديين

باوعلي بسخريه...اي ومن اريد انام تقريلي قصص اطفال وتخبطيلي مميه

ضحكت...لا نلعب اني وياك بلي توو شنو رايك

وكف بملل...اني اثوول واضل طوول عمري اثول ضال علئ نوال مو اشرفلي علئ الاقل البنيه عندها خبره

تخصرت وتعصبت...خبره بشنوو اصلا انت دكول هي متعرف تربي وبعدين حبيبي تعال هنا هسه حبيت وجه الطاوه وصارت نوال اشو قبل كله ونويله

رد عليه ببراءه...اي اني واحد كلب وحيوان رافس نعمتي برجلي خلصتها الايسي عطلان والايسي،عطلان لو ضال علئ العطلان اشرفلي

قابل مثلج تردين تعيدين تربيتي وتوكليني سريلاك هسه المهم روحي الرضيه تفهمج تعلمج هاي مرة ابووج بس تعرف تنحرف بس ما تعلمج علئ الانحراف

هزيت ايدي وعفته يحجي الوحده المهم لازم اكعد من الصبح ابوس ايد ماما رضيه وماما ام فلاح واكسبهن ...

وانضف البيت واسوي ريوك واذا عندهم ملابس فراشات اغسلهن وابوي الله يرحمه...

خليت وطلعت كلها باركتلي واني شديت حزامي تنظيف وشغل بس هن ما قبلن ...

بس لاااا ما اريد وحده تغلبني اني النادره مال البيت

شويه واجتني رضيه ضلت تسولف ويايه انوب علمتني شنو يريد جعفر البارحه وان هاي سنة الحياة وكذا...

حطيت ايدي علئ خدي وعوجت حلگي...يبوووو كتلت روحي علئ الزواج وتاليها هذا الزواااج وييييع

اجه جعفر كعد يمي كال بتوتر...علمتج امي رضيه

فركت اديه بخجل...اييي بس انطيني مجال مدا استوعب عبالي الزواج بس اكعد بسته الصبح اسوي ريوك وانضف

ضحك...هههه عمي منطيج مجال ادللي كم شهوده عدنا

باوعتله ببتسامه...تحبني لو تحب نوال

رمقني بنظرة قرف...رجاءا شهد عريس وفرحان بروحي لا تجيبين وجهه الطاوه وتعكرين مزاجي

ابتسم والزمت ايده بحب...ويييع انت هماتين انساها

كرص خدي...اني ناسيهه من يوم الي انولدت ههه

رجعت اكمل تنظيف وشغل ولو البيت نظيف بس ميخالف سالت عن زوجة جاسر كالو نايمه

فرت شفايفي حركة فيفي عبده...من هسه ضلت تسخت بس يالله اني المعدله بالبيت ما اريد وحده تشتغل...

ضليت اغسل بالحديقه واني اغني يمه كرصني جعيفر يمه كرصني جعيفر ...يا يمه لو شفتي سبحان لمسوي...

بس اغني بصوت ناصي عيب خاف يسمعوني يكولون هاي تخبلت...

...........................

فزيت من نومي واني كلبي مقبوووض كاااسر ...شكد كرهت هل الاسم حيييل ...ظلام دامس

شفته بالحلم ضرب اخوووية طلقة وموووته ايي ايي اخووويه ماات ..

وكفت مثل المصعووقه بتيار كهربائي ...يااربي حسيت نفسي منفية...حسيت نفسي بغير دييره

صح اني انثئ وضعيفة ومحد الي واتحلئ بالضعف ومو كد جبروته وظلمة... بس اخووويه مستحيل اقبل ياذي لازم اعاكس الرياح..وانقذ اخوويه من ظلمة...

مسحت دموعي وحطيت ايدي علئ گلبي احس تنفسي انكطع والاوكسجيين ضاق حزني كبير اكبر من سطوة قساوتة...

وكفت واني اتخبط بين الاثاث مثل العمية وصلت للدكمة فتحت الضوة شفت ابني نايم بسلام...

جريت نفس ورحت باوعت للمراية اباوع لوجهي بملامح هامده ومتشوهه احس بألم رهيب من ضربته القاسيه اسفل عظم الوجنة...

تعبانة حييل احس بتريلة دايستني ذهابا وايابا...رجع علية الحلم والكلمات الي نطقهن اخوويه قبل لا يمووته...اسمعيني اسمعييني ...جوليت اسمعيني انتي اسيرة لازم تموتين يالله يبطل انتقام موتي جوليت وارحمينا

هو من كال...لازم تموتين ياللة يبطل انتقام باوعله الكاسر بغضب وكأن الكلام مسه رفع سلاحة بوجةة وضربة طلقة

ضلت الطلقة محفورة بجبينة والدم يتطافر مثل النافورة من جمجمتة المتهشمة...

صرخت برعب واني اريد اوصل الاخووويه بس رجلية ما كدرت امشي عليهن صارن ثكيلات صرت ازحف علئ ركبي بس ما كدرت اوصل الة ومن وصلت وكعت بحفرة عميييقة وصار التراب الحار ينزل علية شوية شوية...

حطيت ايديه علئ وجهي وبجبت بكلب محروك خايفه علئ اخوووية ولازم اساعده وخايفه منه ومن ظلمة ولازم اخلص اخوية من جبروته...

صرت بين نارين نارة الشاعلة بكلبي ونار اخوية الشاعلة بصدري...

ضليت افتر بعبث بالغرفة واني متوترة ...ارووح اتوسل بي بلكي يترك اخوووية...بس هذا نذل ما يقبل شسوي ياربي لا تحيرني...

صدك مثل ما كال اخوية بحلمة اني لازم اموت ياررب اخذ أمانتك وريحني دخيلك

باوعت لابني الي يصرخ جووعان عضيت شفايفي بجزع بعد الفكرة الي اجتني ميلت راسي بقهر واني اباوعلة...اعذرني يمممه بس لازم اساعد اخووي

هو من يجوع يضل يبجي حييل انتظرته اكثر وهو ضج الغرفة بالصريخ واني حاضنتة وابجي...

دخلت ماما رضية تركض للغرفة اخذته من ادية وهي تتفحصه...يمه وليدي شبي ليش يصرخ...

بلعت ريكي ببكاء...ما ادري هو مريض ومحد مهتم بي كله من ورة ابوو الخبيث ولدي راح يموتون وهو السبب

تجاهلت كلامي وضلت تمسح علئ وجهه وهو لسة يصرخ كالت...رضعتي

جريت نفس حزين...رضعته ومقبل بس يصرخ يمكن بطنه او شئ خلي اخذة للمستشفئ ...الولد مسخن..

كالت بيأس..زوجج ما يقبل شلون ترحيين

صرخت بوجهها بتوتر...يمووت احسن والله ابني اذا مات الكاسر اقتلة بيدي

جرت نفس...حضري نفسج وخلي ناخذة للمستسفئ اني وياج

هزيت راسي بنفي وبسرعة ...لا لاا خابري عمو ابو جابر هو ياخذني احسن هم عنده سيارة وهماتين اذا صار شئ هو يعرف يتصرف والكاسر ميحجي اذا الشيخ وياية

خطية هي بسرعة خابرت الشيخ واني بدلت وبدلت لابني خليت اللهاية بحلگة واني اسكته

حمدت الله خالتي لسة ما اجت من النجف و ريهام ابد ما تتدخل والعروس محتاره بجعفر...

ونوال عند أهلها زعلانه...

اجه عمو الشيخ بسرعة كال...هااا شكو شصاير والله من خابرتو اجيت ركض بس لا جاسر  ضرب جوليت لو متعارك وياها

جريت نفس متعوب...لا عمو  ما ضربني بس ابني مريض واريد ناخذة للمستشفئ لان حيل مسخن

هو تقرب منه لزمه من خدوده كال...مابي شئ غسلي بمي بارد وشربي خافض حرارة

صكيت علئ اسناني...عمو. فدوة لا تعترض خلي ناخذة الولد حيموت سودة علية...

جر نفس كال..ياللة امشي

تقربت من ماما رضية كلتلها...اي جاسر سأل عني كوليلة بالمستشفئ واذا ما اجة لا تحجين الموضوع فدووة فدوة برووح الحجي عليج

طبطت علئ كتفي كالت...روحي يمممة اذا اجه اكله بالمستشفى واذا ما اجة اخلي الموضوع سكته

بستها بخدها وطلعت اركض وضامة ابني الصدري اللهاية لسة بحلكة...

حسيت نفسي مثل الوردة الي بأخر لحضاتها سقوها مي

ابتسمت بامل مقتول ...اشووف اخووويه اسالة عن امي اودي سلامي بيد حازم اكولة بوس اديها ورجليها كللها يمه جوليت مقهورة علئ شئ واحد بسسس اي بس شئ واحد

وهو الندم ...متندمة بيوم من الايام زعلت منها متندمة بيوم من الايام ما اخذت كلامها..متندمة حييل لان جنت اتململ واضووج من تنصحني...متندمة من كلمة اوووف هواية متندمة علئ شغلات ما جان بقصدي اسويها واضوجها بيها

يمممة شكد مشتاقتلج اووف تعبتي بس حتئ تشوفينه كبار وتكحلين عيونج بشوفتنا وتالي كسرناج وما شفتي الراحة من ورانة

باوعت للشيخ كتله بحزن ولزمت ايده واني ابوسها بتوسل...اروحلك فدوه شيخنا الله يحفظ ريهام وجابر اني بشاربك وداخله علئ الله وعليك لا تردني

وكف السياره وباوعلي مستغرب...شكوو عمي احجي صاير شئ

بجيت بسرعه...عمو جاسر خاطف اخويه حازم ويريد يقتله وهو ما اله ذنب

فتح عيونه بصدمه...ش شنوو شوكت خطفه وشلوون

بلعت ريكي بتعب...خطفه واني اعرف وين اخذه وحتئ جابر يعرف بس اني ما اريد اورط جابر

فدوه عمي الخاطر ريهام خليني اشوف اخويه واتطمن علئ امي وفك اسره الله يبعد عنك نار جهنم ويحفظ عائلتك

الله يخليك عمي اعتبرني بمثابة ريهام وحازم بمثابة جابر ولا تكسر خاطري مالي غيرك احط حملي عليه

رد بحيره...بس عمي شلون..زين ارجعي واني افك اسره

لزمت ايده بخوف...لا الله يحفظك عمي اريد بس اتطمن واشوفه انهزم من قبضة الكاسر فدوه...

جاوبني بنهر...لا بووويه اخاف رجلج يعرف ويسبب الج مشاكل

هزيت راسي بنفي...لااا اذا انت ما حجيت محد حيعرف والله اني اريد اشوف اخويه واتطمن عليه وعندي رساله الامي

احلفك بالقران يا عمي لا تحرمني من ريحة امي

باوعلي وجر نفس ...اخاف هناك وتلزكين ويه اخوج وتعوفين جاسر

هزيت راسي بنفي...لا عمي مستحييل شلون اعوف مرتضئ اني عايفه مرتضئ هناك وكلبي معلگ بي...

حسيته ما مقتنع بس بعد توسل حرك سيارته واخذني للمكان الوصفته إله...

مشينه بطريق طوووويل وصلنه عند البيت وكفنه عنده ونزلنه

جان الباب مقفول بقفل جبير باوعت العمو كتله بقهر...شلون عمو شلون نفتح الباب ...

جر نفس ...والله يا عمه ما اعرف خلي نشوف النه طريقه

ضلينه نفكر ونفكر وهو بعدها فتح الصندوك مالت السيارة وطلع مثل الحديده

ضل يفلش بالقفل منا لمن انكسر تنفست بفرحه وارتياح من انكسر القفل ...

ودخلنه للبيت باوعت لهذا البيت بخذلان شهد علئ معركه طاحنه بيني،وبين جاسر وخوف ورعب وجانوا اطفالي باحشائي

جنت اسيره لهذا البيت واليوم اخويه اسير هنانه ...

ضلينه ندور بين الغرف علئ حازم لحد ما وصلنه لغرفة النوم المهجوره والقديمه فتحنه الباب ...

شفت حازم مربووط علئ الكرسي و وجهه شاحب صرخت بصوت عالي ....حاااااازم

فتح عيونه بتعب لكن سرعان ما تحله بالقوه الصدمه همس بتعب...جولييييييييييت

نهاية البارت ...يتبع

كونوا انتم كونوا بخير...احبكم💔

نور سمو العراق 😘

وتابعوا هذا الحساب فضلا وليس امرا...Baneen_Star

واعتذر البارحه منشرت اتاخرت بالدكتور ماكو داعي اوصف الكم ازدحام الدكاتره والحجز 😂كل الدكاتره هيج لو بس دكاترة العراق😬

طلحه وسوالفه 😂Talha-25-3