رواية #جوليت وأسرها.... الفصل السادس 6 - بقلم الكاتبه سمو العراق

البارت الثالث
رواية..جولييت واسرها..غياهب الإنتقام
بقلمي...نور سمو العراق

💔💔💔💔💔💔💔💔💔💔

الوداع أصعب كلمة ينطقها العشاق كلمة تحمل الكثير من الدموع والألام والأهات فهى بمعناها جرح كبير وعميق فى القلب الوداع كلمة لا نشعر بوجودها إلا مع لحظات الزمن عند لحظة الاشتياق تكون قمة الاحساس بتلك الكلمة فإذا كان الوداع صعباََ فالفراق والرحيل أصعب علينا وانرجو من الله يصبرنا فهى كلمات قد تتشابه ولكن المعانى تختلف بينهم ولكن يشترك بينهم شيء واحد أننا نشعر أن فقدنا شخص عزيز علينا ولا نتوقع خسارته ابداََ ولم نتكلم معه ولم نسمع منه كلام فى الحب مرة أخرى

اللهم ارحمهم وتغمدهم برحمتك
اللهم اغفر لهم تحت الأرض ويوم العرض
اللهم قـهم عذابك يوم تبعث عبادك
اللهم أنزل نورا من نورك عليهم
اللهم نور لهم قبرهم ووسع مدخلهم وأنس وحشتهم
اللهم أجعل قبرهم روضه من رياض الجنه
😢😢.

................................

الحياة مثل البيانو زر اسود و زر ابيض ولازم نضغط علئ كل الازرار حتئ نطلع لحن الحياة...

يعني الحياة لازم نعيشها بحلوها وبمرها...

موقف تنهز اله الابدان وترتعش اله القلووب تتجمد بي الكلمات وترعد السماء

القتل بدماء باردة وبدفع من الشيطان الرجيم سبب انهيار لعائلة كاملة

صار الصررريخ واللطم والتوتر وكل واحد ما يعرف ينقذ منو ولا منوو

ينقذون ابوهم وشيخهم وعزوتهم بهل الدنيا

لو اخوهم سندهم وكبيرهم

لو بنت جاسر الطفله الي ما ذاقت طعم الحياة

من بين هل كم الهائل من المصايب واللطم رضية ونوال وخوالتي ضجن باللطم بحيث الشعر تكوم بالكاااع...

وقار المجروحة والفاقده اصابعها ضلت مصطكها بمكانها وهي تصرخ برعب ولاصقة نفسها بالحايط نفسيتها المتعبة بسبب ايدها جانت لا شئ وية الدمار الي صار اليوم ...

الولد يتنقلون من واحد الواحد من العزيز الي يشلونه اووول واحد

جاسر واكف مصدووم وهو يباوع البنتة الي الأرض شبعت من دمها...

اجت العالم تركض علئ صوت الصريخ وبلمح البصر حازم وعاصم اختفو او انهزمووا

بعد الفاجعة والالم الي سببو انهزمو رغم شفت عاصم من كتلهم ضل يلطم علئ راسة ويصرخ وحازم يصرخ وسحبه وطلعوا يركضون...

وكعت علئ الارض واني اصررررخ والطم علئ وجهي...لااااا ربي لااااا ربي دخيلك ربي اموتني اني واهلي وطووول عمرهم ربي فدووة دخيلك

العالم شالوهم ببطاطين وصلاح يصيح وجعفر ضرب ايده بالباب مالت المطبخ تفلشت الجامة بيدة وضل الدم يصب...

البيت عباره عن دم دم دم....

لطمت علئ وجهيي وزلغت خدودي...شسويتو الله ينتقم منكم الله لا يوفقكم ولج يممممة

فلاح فارق الحياة بالبيت وسلم الروح بسهولة

وعمو الشيخ مهيوب جان ينازع بروحة الطيبة وملك الموت محاصرة ...

يشخر بشخرة الموووت ...

وغزولة ابوها حاضنها ونازع قميصه ومخلي علئ صدرها بحيث قميصة غرك بدمها ...بس بعدها روحها بجسمها وكأن رب العالمين انطاها مهلة لساعات قليلة...

البيت ثواني فرغ من جثثهم والولد كلها طلعت...

ضلينه بس احنه الكل يصرخ بانهيار ونوال كطعت شعرها وتصرخ...مااات والله فلاح مات... لا فدوووة فلاااح لااا والله ما شبعت منك فلاح شلون بية

لزمتها مرة كبيرة جيرانه كلتلها ...علئ كيفج خالة انتي حامل ومو زين تلطمين علئ وجهج ان شاء الله ما بي شئ

هزت نوال راسها برعب وانهيار وصراخ...لااا لااا والله لزمته مثلج والله مابي روووح واللة ماااات يمممة اموت وراه واللة ...

وبناتها يتصارخن وياها وخالتي تلطم علئ صدرها وتصيح...يمة يممة كتلهم كلهم يمممة شدفن واحد ثنين تلاثة ربيي فدوة اروحلك  ربي اخذ من عمري وخلي علئ عمرهم يمة فلاح يمة...

و وقار تبجي وحاضنتها امي رضية وتهدي بيها وتمسح بدموعها ...

اتصل موبايل امي رضية وهي فتحت خط كلتله...هااا جعفر يمممة بشر

وكع الموبايل من ايد رضية وهي تصرخ...يمة فلااااح ماااات يمة فلاح سودة ...والحجي مااات

ضج البيت بالصريخ واللطم وخالتي تصييح ..والله والله اختي تبريت منها ما عندي اخت ..اختي ابنها الي يكتل ابني وزوجي ما اريدها ما اريدها...

ونوال تلطم وتلث نسوان وما لازماتها دفعتهن بغضب

وتقربت مني بهجوم ...كله من وراكم والله واللة فلاح اطلعه من عيووووونكم بنت الكلب بنت الزمال اليوم اذبحج بيدي

جنت ابجي واصرخ وياها لزمتها امي رضيه ما خلتها تضربني وطاحت بيه ودفعتني

كالت بصرخة هزت جسمي هز...ادخلي الغرفتج واقفليها عليج لا تطلعيين...ياللة رووحي...

رحت اركض بخوف والدموع تتطاير من عيوني دخلت للغرفة وقفلتها ...

ضليت اصرخ بانهيار...عزا العزاني اليوم يكتلون اهلي والله يسوها حمام دم

اني لازم اروح الاهلي اخاف يكتلني ويموتني بيدة والله اهلة اعزاز وبنتة اعز منهم والله ينتقم مني ويذبحني...

اخذت الموبايل اخابر علئ امي متجاوب اتصل متجاوب...ياللة امي وين راحت والله كلبي راح يوكف من الخوووف بطني احس سجاجين وتكطع بيها....

هو من غير موت حزنه اسووود وكئيب مو انوب مات ابو واخو وبنته خطرة

افتريت بالغرفة مثل العمية شلون ياربي شلوون معقولة ياربي كوون حلم وافز منه وماكوو شئ

ما اسمع بس العياط والصريخ واللطم وناس اسمعها طابة طالعه....

...............................

ريهام...

جنت كاعده اقرة قران وامي راحت تسوي جاي الابوية..

اني كل فترة اختم القران واهدي الشخص متوفي وكل ليلة اصلي صلاة الوحشة واهديها لكل واحد توفئ بهذا اليوم ...

هذا الي علمني علية ابوية شيخ عگاب العلي

اتذكر مرة من المرات جنت طفلة وكعدت لكيتة يصلي صلاة اليل وهو يبجي ويناجي ربه ... فعلا حسيته مثل الجبل الخاشع برواية موسئ ...

فعلا هاي المقولة تنطبق علئ ابووية...

كوولش متعلقة بابوية واحببة وهو يموت علية يفضلني علئ جابر وعلمي اصول الدين وفروعه

وصلت لاية ..وَاذْكُرْ فِي الْكِتَابِ مَرْيَمَ إِذِ انتَبَذَتْ مِنْ أَهْلِهَا مَكَانًا شَرْقِيًّا

صفنت بهاي الاية ليش مريم انتبذت من اهلها مكان شرقي..لازم افسرها مو بس اقرة قران ياما ابحث باليوتيوب او اخلي ابوية يشرح الية...

كملت قراءة وتصدقت وبست القران

دخل جابر وهو يدخن بجكارتة كال بملل...ريهام كوومي سويلي عشا

ضحكت...تدلل بس مو قبل شوية جنه معزومين يعني لا تكثر بالاكل مو زين واللة

جابر...اكوول كوومي بلا محاضرات ونصايح علئ كل شئ وانطيتيني محاضرة حتئ نومة مثل العالم ما انام من وراج گوم صلي صلاة اليل گوم صلي صلاة الصبح

انصدمت...يااا فوگاها الصلاة خير من النوم

لزم راسة بوجع وملل...ادريي والله ادري هسه كومي روحي سويلي زقنبوت

ابتسمت...تدلل حبيبي

رحت للمطبخ اجه وراية وكف كال بتردد...جولييت زوجة جاسر موو؟

استغربت من سؤالة...اي زوجتة ليش؟

كعد علئ الكرسي وجر نفس شمر جكارتة وطفاها بحذائه كال...اليوم لمحتها بالصدفة بالمطبخ هي وحيدة ما عندها اخوات مو

تفاجئت هاي اول مرة يسأل عن وحده ...اي ليش

وكف بتجاهل...ماكو شئ عبالي عندها اخوات كلت يمكن اناسبهم هههه

ابتسم ...لا هي بس وحده واخذها جاسر ابن عمي

درت وجهي علية بخوف...ليكون عجبتك يمعود لا تخلي الشيطان ينزغ بينك وبين ربك

هو عاط بية بعصبية خلاني يبست بمكاني...هييي لج حماااارة ادري بيج متعمقة بالدين بس الة اخلاقي وكرامتي لا تتعديها والله يا ربهام اذا هنتي كرامتي اذبحج بيدي لا تشككين بية...

خفت منه همست بخفوت...العفو جابر مو قصدي بس

وكف بعصبية...سممتيني حتئ عشاج بعد ما اريده...

لزمته من ايده...لا فدوة جابر لا ربي يغضب عليه لان ضوجتك والله مو قصدي بس ما اريد توكع بالحرام مثلي

عقد حواجبه باستغراب...ليش الله غاضب عليج؟ شمسوية

جريت نفس حزين ونزلت راسي...صلاح شاف شعري بالغلط بس استغفرت وان شاء الله اشوف ابوية شيكول ...

ضربني بخفة علئ خدي وهو يضحك...هنيالنه عليج والله ربي يسعدج يا خيتي والله انتي دره

ما نسمع اله صياح ابوية وهو يضغب....يا يابه يااابوووية ياخوووية يا مهيوب خوووية

رحنه نركض اني وجابر بخوف

شفت امي تلطم وابوية منهار ويصرخ انرعبنه حيل جابر ضل يصيح ويهز بابوية....شكوو بوية شصاير احجي

ابوية ضل يدك علئ راسه...كتلو اخووي كتلو شيخ مهيوب وابنه وبنت جاسر إلا إله الا الله....

اللهم إنا لا نسألك رد القضاء ولكن نسألك اللطف فيه

كمل برهبه ورجفه اول مره اشوفه هيج ...امشي جابر اخذ امك واختك البيت عمك والحكني للمستشفئ

ركضت بسرعة لبست حجابي وصايتي وجواريبي واني ابجي وانوح علئ عمي والكارثة الصارت

ركبت بالسيارة ويه أهلي وخلصها ابوية يخابر ويبجي...

وصلنه للبيت مال عمي وهمه راحو للمستشفئ...

دخلنه جووه ونشوف البيت عباره عت نسوان ولطم وصريخ ونوال شاگة ثوبها من الطول وتلطم حيل وتصرخ...

امي دخلت لطمت وهي دكول وهنه گابلنها يلطمن وهي،دكول...اه يا ولد علمك يطر الهامة..اه يا ولد علمك يطر الهامة...وبيك ابن عمك يشد وحزامه..واه ياولد ...

وحده كابلتها وهي تلطم ...شلت مهيوب شيال الكلافات ..شلت مهيوب شيال الكلافات.  وهم خير وهم كضاي كلفات...

وصريخ والهوووسه و وقار تكسر الخاطر لا تعرف تلطم ولا تعرف تبجي بس تصرخ منهاره حيل. .

وتضرب بيدها المعاقة علئ صدرها....

.........................

جابر..

وصلنه للمستشفئ شفت المستشفئ،عبالك دوامة وتهز الابدان هز...

الكل يصرخ ويضغب شفت صلاح وجعفر والعالم ملتمه عليهم وهمه مشككين قمصانهم وجعفر لاف ايده بشاش وكله دم

وصلاح قميصه شاكة من الطول وفانيلة التعلاگة البيضه كلها دم وكاعد كعدها ويصيح .. يااا بووويه ولك خووية فلاح. 

والعالم والعشيرة مجتمعه ويبجون وياهم اني حضنت جعفر وبجيت وياه وهو حضني حييل وهو يصيح...لك جابر مصيييبه مصييبه كتلو اخوي،وابوي وبنت جاسر خطرة. ..

حضنته اقوئ واني اصرخ ..والله والله ما انام علئ ثارنة والله نأخذه مربع من عيونهم

ابتعد عني جعفر وهو يضرب علئ صدرة ...كتلهم ابن خالتي كتلهم اخو جوووليت والله والله وداعة دمهم ما يروح هدر لو اعرف اصير مجرم...

وكفت لحظة صمت وذهول...اخو جولييت كتلهم لاااا مستحيل

هزيت جعفر بغضب واني اريد اكذب صدق ادعائة...شدكول انت ليش يكتلهم ليش...

دفعني وهو يزمجر ويلطم علئ راسه ويصيح يا بويييية.  .

باوع الابوي لازم صلاح ويبجي،وياه وصلاح شوية وراح للطوارئ. 

وما اسمع اله الصياح والسب والغلط ركض ابوي واني وراه واشوف صلاح متعارك يم الدكاترة يم ثلاجة الموتئ

ابووي سحبه وهو لسه يتهدد ويصيح...والله محد يشرح ابوي واخووي لو اعرف المستشفئ احركها علئ روسكم ما تشرحونهم واني صلاح ابن مهيوب العلي واشوف منو يمشي كلامة...

عمي سحب صلاح واني اخذته ...

ابوي حجه ويه الدكتور وكله...أحنه ناس شيوخ وعشاير ما نقبل تشرحون اهلها ضل يحجي وياهم وسلمونه الجثث. .

انتبهت جاسر ما اله وجود بينهم سألت عنه كالوو. بالعمليات ويه بنته بالطوارئ. .

رحت اشوووفه دخلت لكيته واكف علئ باب العمليات وعيونة تجدح بغضب بس السكوت غالب عليه وملامحة جامده ما تعبر عن اي شئ. 

كعدت بصفه وحضنته بس،هو ما حرك ساكن

مسحت وجهي بتوتر واني اهمس.  عمي مات وفلاح ماات مصيبه ما أعظمها من مصيبه

تكلمت بهدوء وروح مسلوبة...الدكتور يكول حالتها خطرة حيييل غزل اذا ماتت معناها اني اموت يومي ميكمل اله وياها..

همست...الله كريم ان شاء الله تعيش يااارب ان شاء الله

هز راسه بوعيد وحقد دفين...والله وقسما بذات لله لو اعرف اگضي العمر كله بزنزانة اكتل عاصم وحازم اكتلهم وخلي يكولون جاسر مجرم

جابر. عشيرتنه ثارت عليهم وراحو دكوهم بس انهزمو كلهم حتئ بيت عمهم

جاوبني بقهر...وين يرحون مثلا والله لو يرحون للمريخ وراهم وراهم وثار مهيوب وابنه اطلعه من عيونهم واني ابو غزل

والله وعشيرتهم يسلمونهم وهم الممنونين...

طلع الدكتور من غرفة العمليات وهو وكف برجفه وتوتر اباوع الادية ترجف برعب كال بخوف...دكتور طمني

نزل راسه باسف...انا لله وانا اليه راجعون حاولت قدر الامكان بس هذا عمرها من الدنيا. 

لزم الدكتور بنهيار....لاااا اله ضناي اله غزل ابيع عمري واشتريها كول غير هذا دكتور لا دكلي بنتك انتهت لا دكووول. 

صرخ بالدكتور برعب وهو يفح بعصبية .

لزمته احاول اهدي واني ابجي وياه دفعني بقوووة وهو يصرخ بوجهي...وخررر مني لحد يواسيني لحد يكلي البقية بحياتك والله ليكول البقية بحياتك اكتله

دفعني،مرة ثانية وراح الها يركض

جانت نايمة علئ السديه ووجهه شاحب وشفايفها جاااااافه الدم مسحوب من بشرتها الناعمة

حضنها وضمها الصدره وهو يهمس ...ليش بوية استعجلتي للتراب ليش عفتي حضن ابوج ورحتي للكبر ليش كسرتي ضهري يابه غزولة...

المن اجي ملهوف من يشغلي؟ منو يتلگاني ويزيح تعبني ليش بوية ومو تدرين حياتي من دونج سراب

شلون اتحمل فرگة عيونج الحلوة صديقاتج يجن تمشين وياهن للمدرسة شكول الهن من يسألني

بيا ذنب كتلوج ياالروح بيا ذنب دمروني ودمروج

اخذتها من ايده بقهر همست.  خليها ترتاح الله يرحمها ويجعلها طير بالجنة وان شاء الله تشفع الك يوم القيامة

باوعلي بغضب،وحده...تشفعلي لك والله ما تلوحني شفاعة بعد الي اسووي والله الاكتلهم كلهم وامحي ذكرهم ولا اخلي وأحد بيهم صاحي. 

باوعت للباب شفت ابوي دخل هو وجعفر وصلاح وبعد من شيوخ من العشيرة ...

ابوي حضن جاسر وضل يضغب.. يا بوويه يا جاسر بووويه العوض علئ الله بويه

صار البجي نضج المستشفى وجاسر رجع حضن بنته ولحد الان ما يقبل ينطيها الهم...

ضلو يحجون ويه لا فاد وياه دين ولا شرع ولا قوة جان منهاااار لابعد حد

اخذوها منه بالشافعات ولزمته امشي بي خطية كوة يمشي ويرجف...

ضلينه واكفين شويه وطلعو 3 توابيت ..تابوت عمي و فلاح وغزل...

انضج المستشفئ باصواتهم الحزينه الباكية

اجت السيارات وناس تصيح وناس تحجي صعدنا بالسيارات ورجعنه للبيت ...

بس نخلص دفن لكل حادث حديث...

وصلنه للبيت وفتحنه الباب طلاقتين ودخلنه الجنايز

صوت انفاس مربكة ..قلوب تنبض بوجع ..اصوات تتقطع من شدة الصراخ..صدور تسمم وتختنگ بالمصيبة. 

لكل شخص موقف يدمي الكلب لكل شخص فاجعة اكبر من القبلها...

نواسيهم علئ ابوهم لو علئ اخوهم لو علئ حفيدتهم..

ضلت الجنايز تقريبا ربع ساعه وبعدها طلعنه للدفن واخذنه وقار و امهم ورضيه ونوال. 

.....

جولييت .

شفتهم دخلو تلث توابيت من شفتهم نهاريت ضليت الطم واصرخ واملخ بشعري.  صخام الصخمك عاصم شسويت الله ينتقم منك...

ضليت ارجف وابجي وكلبي احسه يطلع مت مكانه ...يمة شلون بيه راح امووت ياربي انقذني والله يموتوني اموت والله

لزمت بطني بوجع وتتفسي صار صعب..ربي دخيلك انت جاهي مصيبه وكعت علئ راسي اني اسيرة صرت عندهم واهلي انهزمو وتركوني المن انطي وجهي ربي. .

رجعت اباوع من الشباك اتمنيت اشوفه بس،وية هل عالم ما شفته

طلعو بعد ما اخذو الجنايز...

لازم اطلع لازم اروح منا والله يذبحوني بدم بارد والله ربي فدوة ساعدني. 

وين اروح واهلي انهزمو ويين انطي وجهي ويين

ضليت كاعده ساعه ابجي وساعه الطم رحت توضيت وفرشت السجاده اصلي واطلب العون من ربي

غفيت من التعب والقهر والوجع. 

وكل شويه افز مرعوبه واضل اصررخ لا شاربه مي ولا حاطة شئ بحلكي حسيت بجفاف ريگي ويبوسه عالية. .

صبح الصبح ومصباح الاسود علينة اليوم

ضليت افتر بتوتر احس رجلية خيووط وارجف رجف مو طبيعي. .

اجو من الدفن والعالم تروح وتجي عليهم. 

مرة نص ساعه وما احس اله الباب نرفس عليه وانفتح بقوووة. 

شفتها عيونها عبارة عن قطعه زركة وحمرة  وخدودها مزلغه وخالتي،وياها. .

نوال عاطت بيه بعصبية وغضب وعياط.  بنت الكلب بنت الزمال بنت القزمة مجرمة والله اليوم اذبحج بيدي

وخالتي تصيح..  مجرمة ظلام والله ما الفيج دقيقة وهذا الي بطنج اموته بيدي

رجعت بخوف ورهبه واني ارجف . والله ااءء اني

ما حسيت اله صارت بين ادييهن ملخن شعري تملخ وخالتي وكعتني بالكاع ورفستني علئ بطني

حاولت اخلص نفسي منهن واني،اصرخ وكفت بصعوبة لزمتني نوال حيل وركعتني بالميز ابو تواليت تفلش الجام بضهري. 

الدم ضل يطلع من خشمي، وحلكي واصرخ واطلب الرحمة منهن بس،حقدتهن ومصيبتهن اقوئ،مني.

اجت امي رضيه تركض خلصتني منهن هي،وام جابر و ريهام

طلعن وهنه يغلطن ويسبن

وكعت علئ الأرض والدم غطا وجهي صدري يرتفع وينزل الأوكسجين انقطع عندي. 

همست بتعب...يمة وينج. .

................

جابر.  بعد مرور يومين

جنه واكفين بالباب وكل واحد لازم اسلاحة

ابوي سحب جاسر علئ صفحة وهو يحجي وياه بتفاهم  ...بوية جاسر أحنه لازم نحل الامور بهداوة انت حركت بيتهم وهمه نهزمو وحتئ بيت عمهم انهزمو

واحنه لازم نشوف النه حل سليم اني رجال ما اريد الوادم تموت بسببي ...

جاسر بعصبية وغضب ووجه محتقن...خوش عمي اخذ زلامك وروح ما قصرت بس،مو اني ابن مهيوب الي اخلي كتال اهلي يشبع نووم ومرتاح لا والله اخلي الموت يفتر علئ راسه كل ساعه. .

دك علئ صدرة بقووة وقهر...اني ابن رجال ما اهاب جمر اللهيب ولا همته طعنون البهايم

جاوبة ابوي بهدوء وتنهيده...بس هذا مو فخر يا عمي نسلمة للمركز ونفك النزاع ترئ عشيرتك ما تفتخر بيك هيج

تراقصت شياطين الجن كدام عيونة زمجر بغضب كاسح...والله الي ما يريدني تاج للمفخره ما اريده صبغ للقندره...

والي معاجبه الله ومحمد وعلي وياه مو بحاجتكم اني وترئ عدوي زعطوط اكدر الفلفه بساعة لذلك لحد يطبق نصائح براسي لان نصائحكم وياي مثل مهب الريح. 

وعاصم الوحه لو يصير هدهد سليمان وذيج الساعه أاشوفه شلون اني گدها

ابوي تنهد وسبح بسبحته...مريتك حامل بوية وانتم نسابة نسجنه وينحكم اعدام وتفض. 

جاسر بغضب شديد... يا حامل يا بطيخ اني من جانت الامور هاديه ما معترف بيها هسه من اخوها الساقط كتل اهلي الفيها واعترف بطفلها

اصلا ما اريد منها طفل وتنزل حملها غصبا علئ اكبر راس بعشيرتها.

انصدمت من كلامه وابوي تفاجئ لزمه من قميصة بغضب ...لك انت شنو تخبلت تحجي صدك لك حرام عليك هذا طفل ماله ذنب ولا تزر  وَازِرَةٌ وِزْرَ أُخْرَىٰ

لا تصير مجرم جاسر

رد بغضب وملامح شيطانية.  هو اني مجرم وكافر  ظالم وشتريد تحجي احجي...

ههه دكلي حركت بيتهم وما ارتاحيت اني،لو احركهم ما تطفئ ناري

تركنه وهو لازم اسلاحه ودخل للبيت ابوي كال ادخل وراه اخاف يتهور...

جان البيت مليان نسوان بس احنه ما ناصبين جادر .

دخلت وراه شفته صاح علئ رضيه وهي اجت تركض كلها..جيبيلي جولييت وتعالي للسطح.

نهاية البارت...يتبع

كونوا انتم كونوا بخير..احبكم💔

نور سمو العراق..😘

لا تنسو التصويت والمشاركة بكم نكتمل..

وغلسوا علئ السحكات اليوم اصابعي غسلتهن بكحول وما اعرف شصار بيهن.

التصميم من ابداع سمسمه smsma89