رواية #جوليت وأسرها.... الفصل السابع 7 - بقلم الكاتبه سمو العراق

البارت الرابع
رواية...جولييت واسرها ...غياهب الإنتقام
بقلمي.... نور سمو العراق

💔💔💔💔💔💔💔💔💔

رفقآ بي أيتها المصائب.
فما عاد بالقلب متسع..
رفقآ بي ياقاتلي فالنصل كان مؤلم.
فأسرع بحز النحر.
هادئا بدون زجر أو صرخه.
فجنيني بداخلي آمنا يملئه الظن الإثم معتقدا أن ابيه قد  يرحمه..
لم يعلم أن الؤد مصيره.
لالذنب سوى أنه طفل برحم اسيره قد سيقت إلى المذبح...

الخاطرة بقلم المبدعة..Mnmn78

............................

جنت نايمة علئ الأرضية الباردة والدموع متجمدة بعيني

احس بخدر باطراف اصابعي وبطني احس الوجع مثل السرطان ينهش بيها. 

حطيت ايدي علئ،بطني...حزن محتجزني والم يعصر صدري وطفل داخل احشائي معذبني. وصرخاتهم تغتال روحي. .

شهكت بحزن اتذكرت الي موقف وياة...

من خطبني واني،جنت بتهمه باطله وهو يعرفها ..والسبب هاله

اول ما عقد عليه بجيت بحزن واني منزلة راسي والله والله مظلومة الصار ما الي،ذنب بي

مسح دمعتي بطرف إصبعه وجر نفس وهو يبتسم...ادري

باوعتله بالهفه وحسرة...يعني راح تحميني منهم

هز راسه بقبول..

ضليت اباوعله بدموع حايرة وهو قابلني،بعيون جامده ثواني حسيته انقهر عليه سحبني الحضنه

همس قريب من اذاني تقشعر جسمي بوقتها كال.. راح اوكف كدام الكل الخاطرج وان شاء الله دوم قريب منج واحميج..

فقت من ذاكرتي كعدت بصعوبة واني اسحب نفسي،بوجع همست ببكاء شديد...احميني من نفسك احميني من عذابك وجبروتك ما اريد شئ بس احميني وطمني...

حسيت مقبض الباب تحرك خفت حيل رجعت زحف ولميت رجلية لبطني بجزع. ما آتحمل بعد متت من الوجع وعيوني ما اشوف بيهن .

دخلت ريهام وهي شايله صينيه صغيرة بيها اكل

ابتسمت بوجهي بحزن خلت الصينية علئ الارض وكعدت كالت...الحمد لله على كل حال كلنه خطار بهاي الدنيا مناخذ بس اعمالنه الصالحة...

حبيبتي اكلي وتغذي لان بداخلج نفس حرام تاذيها ربي يحاسبج

دفعت الصينية بتعب...ما اريد فدوة لا تجبريني

قربت الخاشوكه من شفايفي وكالت بتوسل...يالله حبابه هو قابل بيدج ترئ الجزع حرام وبعدين الموت وأحد والاسباب تعددت ..الموت مكتوب علئ الكل بس لازم بسبب ..

شوفي حبيبتي،مره ابويه سولفلي سالفة كال...اكو واحد صعد علئ شجره وكع ومات من العالم سألت شلون مات كالو بسبب الشجره وكع منها ومات..

العالم نست ان ورقتة من السما وكعت وعمره خلص بس لازم يخلون سبب

باوعتلها بحزن...ريهام محد يفكر مثلج اخوية قاتل بالنسبة الهم وهمه ما ينامون علئ العايل وانتي تعرفيهم

مدت ايدها ومسحت دمعتي.  خلي،ايمانج بربج كبير والله مينساج

همست ...ونعم بالله

باوعتلها برجاء ودموع حايرة..شلونه كاسر والله مقهوره ميته عليه..

جرت نفس ...الله يعينه مو قليل الصار

مسحت وجهي المليان دموع وارجف.. سودة عليه الله يعين گلبة والله .

شويه وانفتح الباب دخلت ماما رضيه بخوف كالت.. يالله جوليت كوومي وياي يريدج

وكفت بخوف واني لازمة بطني...منوو؟ وين اروووح منو يريدني

جرت نفس عميق كالت...جاسر يريدج

صرخت برعب. ..لا لا ما اريد اروح والله يموتني والله ما اروح ولج يمه وين رحتي وعفتيني،هسه يموتني ما اروح والله ما اروح..

قربت مني ريهام كالت...اهدي حبيبتي مو زين علئ طفلج ومستحيل يقتلج انتي شنو ذنبج

لزمت اديها بتوسل...والله ما الي ذنب والله فدووه ما اروح...

شويه الباب اندك يبست بمكاني من الخوف واني لازمه بأيد ريهام

طلعت ماما رضيه وكفت وهي لازمة الباب. 

تقربت برعب..اريد اسمع منو يحجي،وياها

سمعتها يكولها...من كل عقلج ماخذتها اله ليش هو ضال عقل براسة حتئ تاخذينها هذا لا يرفسها رفسة يموتها هي،وطفلها...

كلماته جانن مثل الزلزال والدوامة الي سرت بجسمي.

تنفست بصعوبة. بس ما عرفت منو هذا صلاح لو جعفر. 

بللت شفايفي الجافة برهبه همست.  ريهام هذا منو الي،يحجي؟ جعفر لو صلاح..

ردت بهدوء...هذا اخوية جابر

كلامه جان مرعب بالنسبه اليه واني من الخوف صرت ما اشووف دخت وكعت من طوولي،علئ الارض

صرخت ريهام بخوف...عززا العزاني عمه رضيه جولييت تخربطت...

اشارت الها ما بيه شئ.

بس ما اشوف اله ماما رضيه ووياها ولد

لبست حجابي وماما رضيه لزمت ايدي وهي تفرك بيها وتهدي بيه

هو باوعلي كال ..بيج شئ اخذج للمستشفى

باوعتله رضيه بغضب...اسكت جابر اي مستشفئ متشوف جاسر متخبل

همست برجفه.. خذوني ألاهلي خلوني اروح الاهلي اعتقوني وارحمو بحالي. 

هو خله وطلع بسرعه ورضيه طلعت وراها..

توسلت بريهام تشوف الوضع شنو وتجي دكولي وهي خطية مقصرت راحت بسرعه. .

واني ضليت ادعي واستغفر بس تفاجئت من رجعت رضيه كالت...جيبي الموبايل.

اخذته وراحت بس اني متت من الخووف لازم اطلع لازم انهزم بس شلون البيت مليان ملي نسوان وزلم رايحه جايه .

امي شلون نستني شلون حتئ ما اجت اخذتني ليش هيج سوت بيه معقولة تحب ولدها اكثر مني

والله دا اموت دا اموت ومحد يحس،بيه متت من الخوف والهبطات...

..................

ريهام .

صعدت ويه جابر وعمتي رضيه

شفته كاعد علئ،قنفه بالسطح وهو لازم مسدسة ومنزل عيونه للارض...

باوع الرضيه بغضب...مو كتلج جيبيها

هي تخبلت عاطت بي بغضب...شبيك تخبلت ولك يمه اذكر الله واستهدي بالرحمن التسوي ما يرضي الله ولا يرضي عباد الله ..

رفع مسدسه باستهزاء...والله...علئ اساس كلش،هامتني عباد الله

جابر جر نفس ...اذا ما تهاب عباد الله عاد اتقي الله بمرتك مسكينه خايفه منك حيل وبعدين البنيه حامل والله هسه شفتها تكسر خاطر العدو ..

هجم على جابر بغضب وهو يلزمة من قميصة...شنو لك ويين شفتها وشلون تجيب سيرتها علئ لسانك وين شفتها هسسسه وييين دخلت عليها للغرفه..

جابر لزم ادية بتوتر وهدوء...كول يالله ابو غزل ادري بكلبك مجروح ومتحطم وعقلك عاجز عن استيعاب اي شئ بس،هذا ما يشفعلك تتهمني باشياء مالها صحه...

صرخ بوجهه بفحيح شيطاني ونظرات خبيثه...اي كووول مخبل شبي عقلي،شبي لا تكعد تبرر النفسك دخلت الها الغرفه...؟

لزمته رضية بقلب محروگ...كول يالله يمه سمي بإسم الله اني طلعتها غسلت الها وشافها جابر والله البنيه تعذبت وهي مالها ذنب ...شتريد منها...

فرك وجهه بتوتر وابتعد مسافه..جبتي موبايلها

طلعت موبايل جوليا وخلته بيده كالت بحزن...هذا موبايلها متصله علئ امها مية مرة ومحد مجاوبها

ودازة رسايل تتوسل يجي ياخذها واحد منهم و محد مكلف نفسه وفاتح رسالتها...

اردفت بحزن عميق...اذا ما ترحمها ارحم ابنك البطنها هاي اذا ما مات بطنها

دار وجهه عليه بنظرات حاده مشتعله نار...مااات بطنها؟

جرت نفس كسير...ليش هي نوال خلت بيها شئ صاحي كل شويه وهجمت عليها وضربتها ورفستها البنيه فقيرة وصغيرة ومستسلمة بكل جوارحها

ضل يباوع لرضيه ثواني وبعد نطق باحرف مجروحة. ..كليلها تقفل الغرفه عليها وانتي لا تخلين اي وحده تدخل عليها بين ما اشوف الها حل. 

نطق اخر جملة ونزل بسرعه جابر جر نفس واستغفر ربه ...

نزلت جوه ضليت اسووي جاي للناس الرايحة والجاية

وكل شويه تجي عراضات يهوسون ويشعرون وشيوخ تروح وشيوخ تجي

والعالم ناطره بالباب ولازمين سلاحاتهم ...

جاسر ما قبل ينطي عطوة ويطالب بالقصاص من الجاني.

دخلت خالتهم مره كبيرة بالعمر تقريبا بالخمسينات وياها بنات ثنين وحده مبينه بكد جولييت والثانية لا كبيرة مبينه متزوجة

دخلن ضلن يصرخن ويلطمن ويبجن...

رحت كعدت يم وقار اسولف وياها بس هي حانت بس تبجي كالت بشهكات...اني جنت ما مهتمه الشئ بوجود ابويه ودائما اكول رغم فقدت اصابعي،بس،الله معوضني،با ابوية هسه راح بعد شنو العوض من ربي

حضنتها بايمان.  حبيبتي الله ما ينساج حاشه ان ينسئ عبده وهذا التسوي يسمونه جزع والجزع حرام اقري قران وصلي،واهدي العمي،صدكيني،حترتاحين. 

تجاهلت كلامي وحطت راسها علئ رجلي ونامت وهي تشهك من البجي..

اجت هاي البنيه الصغيرة بنت خالتهم كالت...عفية ممكن تاخذيني الغرفة جولييت اني،بنت خالتها وبنت عمها بنفس الوقت..

رحت جبت مخده الوقار خليتها جوه راسها واخذت البنية الجولييت. 

ما اشوف اله اشووواق دخلت وهي تصررخ بانهيار وتلطم شكت ثوبها مثل المرعوووبه وهي تدك علئ،صدرها...يممه ابوووي،شيخ مهيووب مااات ومحد يكلي دفنتو ابووي واخووي وما خليتوني اشوفه

لا والله لا والله اليوم الدين ما ابريكم الذمة ولك صلاااح تدفنون ابوووي وما تودون عليه

لا علئ،بختك خووية جاسر لا خوويه شلون تدفنهم وما تنتظر اودعهم ...

أستقبلها جعفر وحضنها وهو يبجي بصوت وهي حضنته وتصرخ...

هاي،اختهم اشواق متزوجه بغير محافظه صار اكثر من ست سنوات لكن للاسف ما عندها اطفال السبب من زوجها بس هي متقبل تتركه...

دخلت جوه وهي،لسه تصرخ وتبجي...

والبنية فاتت الجولييت

..........................

كعدت اصلي صلاة الضهر...

انفتح الباب كمزت من مكاني...

انصدمت من شفتها ضحكت بشماته كالت...جولييت مشتاقتلج

باوعتلي بعيون مشتعله بحقد  بس من شفتها دموعي وكعت بغزارة وشهكت...هااله

الارتباك جان واضح عليها والارتباك حليف الترتر تقربت بخطوات قليلة ورفعت حاجب شمتانه..بكل فرض وبكل دعاء وبكل مجلس ادعي عليج ومن قلب ولسان وبنية صادقه والحمد لله . الله ما قصر وبهذلج وان شاء الله بابو زايد ..

زفرت انفاسي بحرارة....شمتانه هاله هاي وانتي بنت عمي وبنت خالتي بنفس الوقت الموت ما بي شماته

ضحكت بخبث...اني ممتشمته بالماتو متشمته بيج انتي انتييي...جاسر أعلن عليج الحرب واتفقو يموتونج انتي وابنج وهاي كلها بسبب حوبتي يا خاينه...

دفعتها بقهر...اشووو انتي مصدكة نفسج زياده عن اللزوم ترئ ما خنتج واصلا انتي الي فضحتيني ودمرتي حياتي

رفعت حاجبها بغرور وهي تضحك...تشاووو اتمنالج حياة سعيده بعالم البرزخ...

طلعت من الغرفه واني احس،بحمم بركانيه داخل صدري وعيوني تسبح بنهر من الدموع...

الهروب هو الحل الوحيد للخلاص من هل ناس الي قلوبهم ميته ناس مات الضمير عندهم بعد هل فاجعة...

....................

ريهام...

جنت دا انضف بالمطبخ اني وامي دخل جعفر باوعلي بطرف عينه وبعدها طلع كعد علئ الدرج ..

شفته من بعيد يبجي بقلب محروق علئ الراحو...

دخل ابوويه بهيبته وهو لابس عبايه سوده ودشداشه سووده ولابس عكالة وشماغ...

شاف جعفر كاعد علئ الدرج اجه كعد يمه حضنه وهو يحجي وياه. 

دخل  جاسر وهو يصيح...جعفررر جعفر وينك

هو كمز من مكانه صاح.  هااا هاا اجيت

جاسر..تعال الزم صلاح تخربط واخذه الغرفته من البارحه لليوم ما ماكل شئ احتمال ضغطه صفر

وكف ابوي ولزم صلاح جان لازم راسه بووجع وعاقد حواجبه

صاح ابويه ريهام بووويه تعاي سوي لابن عمج لگمة ياكلها

جاوبته بهدوء...تآمر يابه

صعد ابويه فوك هو وياه . 

واني سويت اله اكل وصعدت فوك اله لكيته متمدد علئ،السرير ولازم راسه ومدنك راسه وابويه يحجي،وياه

خليت الاكل يمه ابويه اخذ من الاكل وقربه منه ...اخذ بويه سمي بإسم الله واكل

دفع الاكل بانزعاج...عمي رحمه الابوي،عووفني راسي احسه راح ينفجر

بلعت ريكي بخوف ....اخاف ضغطك اقيس الك الضغط قبل شوية شفت جهاز عند عمتي رضيه

كال بجمود...لا شكرا

ابويه باوعلئ واشرلي برأسه....روحي بويه جيبي وقيسي ضغطة

رحت بسرعه جبت الجهاز واجيت اركض ..

استحرمت الزم ايده طلبت من ابويه يساعدني وهو ما قصر لصق الجهاز وانطاني السماعة...

باوعت الايده جانت شرايينه بارزه وشعر بيده لحد العكس صفنت ثواني

وكفت برعب...استغفر الله استغفر الله

ابويه باوعلي بخوف و وكف متفاجئ،وهو باوعلي،بنظره استغراب لاول مره يباوع بوجهي

لزمني،بابا كال...شكو بنيتي ضغطه صاعد

هزيت راسي بلا ...ما شفته بس بس

يالله هسه اشوفه

رجعت بخجل شفت الضغط مالته صاعد حييل

باوعت لبابا ...بابا ضغطة صاعد اخذو للمستشفئ،يضرب ابره او علاج حتئ يتعادل.

جر نفس كال.. لا ما اروح بس سويلي جاي

رحت بسرعه سويتله جاي انطيته اله ونزلنه اني وابوي لان هو نام وطلب نطفي الضوه

اجه جعفر كال...اجو شيوخ يردون عمي

وابويه خله وطلع راح يشوفهم....

......................

خوووف رعبب ظلام روووح معطووبه

كاعده بزاوية الغرفه الضلمه واني لامه رجليه الصدري وارجف احس انطفت شمعة حياتي

ما اعرف شلون لحد الان ضلت رووح بيه ...

شنو ذنبي الغفران اليه خطيئه عظمئ...

الي صار بصمه وبصمة ذنب ملعوووون ...اييي لعنه حركت الاخضر واليابس...

وكفت بصعووبه واني استند بالحايط لزمت بطني بوووجع...

وصلت لحد المرايه مالت الميز ابو تواليت باوعت باستغراب هاي شوكت انكسرت....

صفنت بتعب واني ابحث بذاكرتي وبين الكم الهائل من الاحداث اتذكرت ....اييي ايي من اندفعت علئ المرايه انكسرت بضهري..

باوعت الصورتي بالمرايه اكثر من عشر اجزاء وكل جزء يبين انكساري و وحدتي وقلة حيلتي

غمضت عيوني ودموعي وكعن بدوون سابق انذااار مدا اصدك الصااار والله عبالي حللم انام واكعد اكووول حلم

جريت نفس واني امسح بدموعي...ليش اني شوكت نمت من صارت الحادثه لحد الان اني ما غمضلي جفن

والخوووف يكسر باعظامي تكسر...ايديه ترجف بقوووه والرعشه اعتلت جسمي

فزيت مرعوووبه من سمعت الضرب على الباب وهي تصررخ وتفح بغضب وصوتها مبحوح من البكاء...اطلللعي يا سافله اطلعي يااا حقيييره والله والله لو اني لو انتي بالبيت ماكووو ما تضل ما تضللللل...

اووووف ربي يااا بوووويه اتمنئ اكلها واشرب من دمها ولا يشفه غليلي طلعووووها اكرهههه

لزكت بالحايط واني ارجف وابجي وحسيت بطني سجاجين بداخلها ورجليه ترجف برعب ...

مد اكدر اسيطر علئ نفسي احس بشئ حاار نزل على رجليه ...

باوعت الرجلي شفت الدم ماخذ خط طوويل ومسار وااحد صرخت بخوف واني ابجي ...حضنت طفلي الي باحشائي بألم...لا حبيبي لا تموووت يممه يطفلي لا تخليني،وحيده بدونك يعمري

رفعت عيوني للسكف وبنحيب ورجاء...ربي محد الي غيرك اني هنا اسيره وكبش فداء ربي احفظني اني وطفلي،وارحمني انت وكيلي وما اتوكل علئ احد غيرك...

وكفت بصعووبه ولزمت ظهري بوجع ضليت افتر بالغرفه بتوتر وخووف واحس ساعاتي،قليله ياربي هاي النسوان جرمن بيه وما خلن شئ صاحي بيه

زين الزلم شتسوي،بيه...وهو شلون احط عيني بعييينه شلوون اذا اتقابلنا بعد الي صار والله يذبحني

يمممه ويينج مو تدرين بيه اخاف منه ومو تدريين بيه حتئ،كلمة استحي انطقها بوجوده...

يمممه شلوون اواجهه بعد الي صار وين رحتي وعفتيني ..

مسحت دموعي الغزيره ومن كثرها احس عيوني ورمت وصار شكلهن مقرف...

ضليت افتر بالغرفه اني لازم انهزم ما اكدر اضل هنا اخاف يموتوني،اني وطفلي لازم اطلع...

بس شلون اطلع والبيت عليه حراسه مشدده وبعدها السالفه حاره واهل العكل واهل السلح تارسه البيت والشارع...

بلعت ريكي كوووه احس مثل العلقم جووفي مررر

بجيت بألم اني لازم اطلع منا لازم انهزم اذا اضل اموووت

فتحت الكنتور طلعت عبايه منها وحجاب لبستهن بسرعه والنزيف ماخذني...

شلووون اطلع مشيت علئ كييف وهدوء باوعت من الزرف مالت الباب شفتهن يرحن ويجن و هوسه...

بلعت ريكي وتنفسي احسه صعد احس الاوكسجيين قل عندي اختنكت...

ضليت اراقب اراقب بالباب شفت نسووان هووايه طلعن كلت خلي اطلع وياهن بلكي اضييع بنص الهووسه

شجعت نفسي واني ارجف من كثر رجفتي وارتباكي وخوفي راودني احساس ان بس اعتب باب البيت انلزم واذا لزموووني اكييد يموتوني

صرت مثل الي بحنجرته مووس لا هو بالعه ومرتاح ولا هو مطلعه ومرتاح...

طلعت بسرعه وياهن وغطيت وجهي وهنه جانن يدورن علئ شحاطاتهن ويلبسن...

مشيت بخطوووات سريعه واحس المسافه صار طووويله رغم هي كم متر...

كدرت اطلع شفت العالم مجتمعه واكثرهم ملثميين والسلاح بيدهم...وناس مؤيده وناس معارضه

وشيخهم عگاب العلي ...لابس شماغه وناسف عباته ولكل تحت امره طوووعه وهو الامر الناهي بقبيلة عشيرته ...

شفته يحجي ويه أسري حسيت كلبي انخمش من مكانه من شفته...

رجليه صارت خيووط ضليت مركزه عليه بجبروته وحضوره المهيب الي يخلي كلبي يرجف ...

لابس كله اسوووود ولازم اسلاحه بيده وملامحه محتده بقسوووه ويحجي بعصبية واهتمام بس ما عرفت شنو يحجي ..بس اكييد يطلب القصاص..

عفتهم واني امشي بسرعه بسررررعه وما اعرف الأي مكان مجهوول حروح الدنيا تخوووف والغربه ذبحتني ودموعي،تتطاير من عيوني ولازمه بطني بوجع...

وصلت مسافه مو طووويله حسسيت بوواحد لزمني من عضدي درت وجههي برعب وخووف و رجفه ...

درت وجهي عليه شفته عاقد حووواجبه وشاد علئ شفايفه بقسوووه وعيونه حمر من غضبه

من شفته ما تمالكت نفسي ووكعت علئ الارض

بس هو سحبني بقسوة وعنننننف حسيت خلع جتفي همس بفحيح شيطااااني...

رفع اصبعه وكال...خيالج بألف ينعد اذا يزعل...

انصدمت من كلامة ...مو هو مو هو بس اكيد منه وبية واكييد يرجعني اله واذا رجعني انتهي اموت

غلطة الشاطر بألف واني غلطتي بمئات الآلاف

شهكت برجفة وعيوني غرغرت بالدموع رفعت ايدي لقلبي الي حسيتة ديطلع من مكانة

باوعت الوجهة ملتهب بغضب وعيونة نار من عصبيتة قبض علئ عباتي بعنف وهو يصرخ بوجهي...وييين طالعة ماكافي الي سويتو بي تردين تصخمين وجهة زوجج ولج عار بنت عار واللة اذا مخليته يذبحج ما اطلع جابر...

لزمت ايدة بتوسل واني ابجي ردت ابوسها حتئ اخلص منه بس هو سحبها بسرعة ...ودفعني

همست بخوف ونحيب...الله يوفق الله يستر عليك اعتبرني شعرة من شاربك اني دخيلة عندك اعتبرني وحدة من اخواتك ولا تسوي بية هيج اذا عندك شرف وغيرة لا ترجعني...

جانت توسلاتي مثل الهباء المنثور...

باوعتلة الغضب مكتسح ملامحة  بطريقة مرعبة ايقنت ضربة منه اتحطم واصير رماد او يمكن افقد الوعي

زمجر بوجهي بغضب...ارجعج واخلي يشرب من دمج ولج حقيرة لو جاسر يذبح اهلج كلهم محد يلومة كتلتو عمي وابن عمي وطفلة بريئة مالها ذنب

لزمته بتوسل...فدووة اروح الك فدووة ابوس رجلك اذا انت من صدك رجال وطالع من ظهر رجال لا تغدر بية مو من شيم ولد الشيوخ ما يحمون دخيلتهم اني انثئ لا حول ولا قوة ...

تنهد دقايق وبعدها اردف بغضب...ويين ترحين اهلج احتركت بيوتهم ومطلوبين وانهزمو كلهم

باوعتله بخووف وعيون دامعة...لأي مكان اخاف اضل يمة ويذبحني

صرخ بيه بحده ...امشي لجج ارجعج واخلي،يموتج والله ...

ضليت اتوسل بي بس جان رافض رفض قاااااطع..

همست بتوسل...بس خلي ارتاح شويه

ضل يباوعلي بقهر وعاقد حواجبه انتظر عشر دقايق،كال...يالله الوقت مو بصالحج

بلعت ريكي وتمتمت بخووف..جج جاا جاابر والله اموت اذا رجعت...

سحبني بغضب ومشه بيه ...

ضليت ابجي واتوسل بس،ماكو فايده...

اتصل موبايله وهو فتح خط وكف ثواني كال. شنوو جاسر عرف مرته انهزمت وتخبل اعلن عليها الحد

وكعت من الخووف بعد ما فتحت عيوني مصدومه ضليت ابجي بصوت خافت..

قفل الخط وباوعلي بحيرة كال باسف...حيرتيني

نهاية البارت...يتبع

كونوا انتم كونوا بخير....احبكم 💔

نور سمو العراق .😘

انطوني انطباعكم علئ الرواية وتقييمكم الها من اول بارتاتها اعرف حزينه بس ان شاء الله بيها نكهة امل..

واعتذر عن الي ما سحبت تعليقاتهم بسبب ارشفة الكروب البارحه ورجعتهل اليوم متاخره لذلك ما حالفكم الحظ ...

ان شاء الله اليوم اختار تعليقات جديده. .

والبارت هدية للفائزين الاربعة جمعتهم بصورة وحده. 

وان شاء الله بعد اختار فائز واحد😘

لا تنسو التصويت والمشاركة بكم نكتمل🌹