رواية #جوليت وأسرها.... الفصل التاسع والثلاثون 39 - بقلم الكاتبه سمو العراق

البارت الثامن والعشرين
رواية...جولييت واسرها ...غياهب الإنتقام
بقلمي...نور سمو العراق...

💔💔💔💔💔💔💔💔💔

أحقر الرجال على وجه الأرض

رجل لا يعرف معنى الرجوله ... ولا يعرف ما الفرق بين
الفضيحة والنصيحة , وبين المتاح والمُباح ....

رجل يسرد في مجالس الرجال تفاصيل علاقته بامرأة أيا
كانت تلك المرأة قريبه له أو بعيده أو غريبة.

رجل يتخلى عن صداقه مداها اعوام من أجل تعرفه على
امرأة في خلال يومان....أو أيام

رجل فكرته عن الحب هي: لأشباع رغبته , حيث يبدأها

تنبية...لا تنسوا التصويت والمشاركه احبتي فضلا وليس امرا ❤❤

.........................................

رفعت عيوني اله بحده النذل العار يهددني والله كلمه مني اودي وره الشمس...

بس اروح وياه لان طلعتي وهروبي غلط لذلك راح يلزمون عليه مستمسك وهم ما يصدكون...

وخالتي متصدك تريد بس يطلكني جاسر وتاخذ اطفالي اكيد تطردني باليله ضلمه

اتجاهل نظرتي الحاده اله ورفع نفسه كال...يالله يالله مصار شئ هههههه

باوعتله وقارخجلانه ونزلت عيونها بسرعه وهو باوعلها وضحك ولزم ايدها وعصرها...

طلعت بره احس اختنكت وانصلبت منين اجاني هل عار الكلب والله وقار حبابه ودره متستاهل هل نذل الجبان...

والله جاسر هل مره صدك يموتني ويحرمني من اطفالي هذا هل عار زيد ونقص عليه ولا ...لا هو اعتده عليه لو ما صبريه وهل عار متقرب مني لا والله اقتله واقتل روحي لا محال...

حضنت نفسي بحسره علئ روحي صعب الوحده منه تتعرض لهيج موقف شكد تحس برخص ومذله ...

لا والي يكتل زوجها من ترعش الزلم كدامه...واخواني كولشي عندهم ولا واحد يمس عرضهم بمكسوره....

هل موقف ينحسب علئ زوجي وعلئ اخواني بس للاسف احنه ايدهم والكفخه محد راح يتفهمني والله واصلا صارت عندي ردة فعل من بعد ما تعذبت بدون اي سبب من وره هاله وخطيبها...

رحت الغرفتي اجر ثياب الذل والحسره علئ روحي المواقف شكد تمر عليها سنين بس تضل تحفر بالقلب ويضل الموقف مثل الجليد صعب يتذوب بسهوله...

كعدت بتعب علئ السرير احتاج الهدوء رغم غرفتي هادئه بس اكو ضجه بداخلي ...

استرجعت الموقف غصبا عني من عاصم صاح بحازم بكل غضب...الزمها الي الزمهاااااا الي

من شفت السكين شلون حمره وملتهبه وتغير لونها من حلاة روحي ضليت ارفس برجليه بحيث رفست حازم بقسوه خليته لزم بطنه بوجع ...

جانت السكين حرارتها مثل انتزاع الروح من الجسد...

نفضت افكاري و وكفت بسرعه كان اطرد هل ذكرئ القاسية والموجعه الروحي...

حاولت اصبر نفسي ما ابجي ولا اريد ابجي ما عندي ثقه بأي شخص اقرب الناس فهموني غلط وعاقبوني علئ ذنب مو ذنبي...

همست بتعب...شيريد يصير خلي يصير ما عندي شئ اخسره غير اطفالي

صاحت عليه رضيه بصوت عالي....جوولييت ولج جولي وين رحتي؟

طلعت بسرعه خفت تفزز اطفالي شفتها واكفه بنص الصاله وريهام تعزل بالبيت

كلتلها ...هااا ماما رايده شئ؟

جرت نفس وحطت ايدها علئ كتفي...تعالي يمه ساعدي رهومه خطيه الوحدها وهاي نوال ما تقبل تنضف وياها دكول اخاف علئ روحي ما يصلح اكنس لان عروس

صدك ضحكت بصوت عالي ...ضربتني ماما علئ كتفي حيل ...ولج سدي حلكج ضحكتج مشهوره شكو تضحكين؟

حطيت ايدي علئ شفايفي امنع صوت ضحكتي... لا والله ماما بس من اخذتكم لحد الان ونوال مخلصتها والله ما اكدر انظف النساوه اموتتني خلصت النساوه خلصتها لازمه عده ما اكدر خلصت العده انوب كالت والله نفسه مابيه اشتغل وهسه عروسفا ميصلح هههههههه

ضحكت رضيه...ولج سدي حلكج لا يجونج يهود بني قريضه كولة جعيفر...هااا تتمضحك واخوها كتال اهلنه...

تنهد بضيق... اي والله صدك راحوا اهل العريس

ابتسمت ...اي راحوا بس اجن نسوان صديقات خالتج اجن يباركن الوقوره

ابتسمت وخليت ورحت اني جنت لابسه فستان طويل لونه تركوازي اردان وفاتحه شعري مشسورته بس من اجو اهل العار جنت لابسه حجابي...

رحت انظف بالاستقبال وهاله كاعده هي ونوال يسولفن ويباوعن عليه ويضحكن حسيت اكوو خلل بيه من كثر ما يضحكن...

نزعت حجابي وحركت شعري بغرور وضليت اتنقل مثل الفراشه واني انظف الاستقبال من اوراق الجكليت والكنلكس ...

اكو مره بكد امي شفتها تباوع عليه شويه وصاحت عليه رحت يمها كالت...بلا زحمه اريد مي

رحت جبت المي وانطيتها اجت ماما رضيه كعدت يمها المره كالت...هاي البنيه بنيتكم ؟

ماما رضيه ضحكت...اي بنيتنا ليش؟

ابتسمت بلهفه...عجبتني اذا نخطبها تنطوها ؟

ضحكت رضيه وسايرتها...اي ننطيها ليش لا بس غير كون خوش ولد قابل نشمرها شلون ما كان...

ردت بسرعه...ياااا ابني والله ونعم منه كلها تحمد بي وهو محامي ويريد اله حلوه شكد رحت علئ بنات ما قبل وهسه هاي البنيه عجبتني ...

ابتسمت رضيه...ههههه يا خيه شبيج هاي مرة جاسر ابن رجلي متزوجه وعندها ثنين ولد

المره بتساؤل..جاسر ابن مهيوب ؟ لعد مو متزوج سوريه ...

رضيه...يبووو والله قديمه سالفه شطولها ذيج مدري وين راحت ماتت مدري اخذوها الدواعش وتزوج جولييت بنت خالته هي ...

ابتسمت...الله يحفظج خاله اعذريني عبالي ما متزوجه ما عندج اخت

ضحكت...لا خاله معذوره ...والله ما عندي اخوات...

خليت ورجعت انظف واشتغل عرفت هاي المره اقارب رضيه من بعيد ومعرفتها قليله بيهم...

البيت شبه الفارغ والولد كلهم طالعين ضلينه ننظف اني ورهومه وحتئ وقار راحت بدلت وفتحت تسريحتها واجت نظفت ويانه ...

دخل جاسر وجعفر اني عدلت حجابي من شفته ارتبكت ومشاعري تلخبطت...

لزمته رضيه وهي تضحك ...اليوم خطبوا مرتك مني تنطيها لو لا...

عقد حواجبه بتساؤل...شنووو منو خطبها شهل اكلان  نعل

رضيه بضحكه....ههههههههههه اي والله ضحكت من كل كلبي دكول ابني محامي وعجبتني كتلها عود نكول لرجلها اذا قبل نزوجها الكم

هو باوعلي ورفع حاجب باستهزاء واني رفعت حاجب بفخر مخطوبه لحد يكلمني ههه

جعفر نط من مكانه...اي نزوجها بس بشرط تاخذ جهالها وياها هههه

هسه اني لو خاطبه نوال اكلها اخذيها محولله وموهبه هي وبناتها...بس هي صدك ليش ما خطبت نويله...

جاسر بملل.. شبيك لك ما تصدك واحد يفتح موضوع

سكت جعفر وهو خله وراح صاحت عليه رضيه...يمه جاسر المره تريد الجواب تزوجها لو لا

غلس ما جاوبها وخله ودخل للغرفه ...

كتمت ضحكتي عليه وجعفر كال بملل.. وجه الطاوه وين ما اريد اشوفها واكفه ببلعومي انوب نافخه براطمها جنها مطي مضروب شرجي

رضيه ...ولك خطيه ليش هيج وياها وبعدين ليش عفتها بيوم عرسك وانهزمت وانوب عايفها ونايم بغرفتك...روح يمها...

لزم ايد رضيه وباسها بتوسل...فدوه اروح الج يمه رضيه اذا شفتيني سكران الزميني وربطيني بشباك غرفتج ولا تخليني اروح يم نويله ...

رضيه ببراءة وعدم استيعاب...ليش يمه شصاير

رجع باوعلها بنظرات متوسله...اخاف تغتصبني يمه وتتدمر نفسيتي ...

اني جفلت من كال هيج وريهام انهزمت طبعا جعفر ما عنده لحية مسرحه يحجي طك بطك...

كلتله رضيه...جاا وخليها تغتصبك شلون تضل هيج شارد منها ...

جعفر بعصبية...دخلي تولي وجهه الطاوه تحلم اضل يمها والله لحد الان نظرات شهد تحرگ بگلبي من بجت لو ما نويله حمت عليه جان هسه اني فرحان وعريس من صدك ومتزوج شهوده...

اوووف جنت ادك على الزواج زوجوني ما زوجوني جنت اصيح زوجوني لا احرك روحي وشهوده لتداوي جروحي...

وهسه اصيح طلكوني لا احرك روحي ونويله يم اهلج روحي...

لزم قميصه بجزع...يابه ما احبها ما احبهاااا مو گوه  من اشوفها اختنك حسو بيه يعني هم زوجة اخويه وهم اكبر مني وهم سوالفها ماصخه مثلها...

رضيه بقرف...عساس سوالفك الحلوه

حط ايده علئ صدره بثقه...عمي اني ساقط وسافل وهتلي وسوالفي جاكشان ممسوين....بس اني ما اتصنع علئ طبيعتي مو مثل الحيه اكرص واضم راسي لا اني اكرص واطلع راسي

كمل بقهر...وبعدين اني احب شهد اكبر من سجاوي بنت نويله بتلث سنوات اروح اتزوج نويله اكبر مني بخمس سنوات ليش؟

هزت ايدها رضيه وراحت وهو خله ورجع طلع من شاف نوال طلعت من الاستقبال...

فاتت من يمي هي وهاله جان كالت الها بضحكة...ههههه والله ازوجه الج ازوجه وعيونها تشوف ما ضل علينه بس القتله والمجرمين لحد الان حركة فلاح تسري بدمي...

هزيت راسي باسئ الله يساعد فلاح بگبره عليها شلون متحمل ما فلش الكبر واجه سكطها تسكط

اشو ما صدكت تزوجت الحفافه والميش انوب خربت شكلها دكت تاتو وراحت سوت فلر وضربت بلازمه ومدري شنو وترجع تنعي فلاح لو ما تذكره احسن

خليت ورحت الغرفتي بعد ما كملت تنظيف ورهومه هماتين راحت الغرفتها...

نزعت فستاني رحت سبحت لبست تراك صيفي ومشطت شعري وضفرته ...

سويت ممه للاطفال رضعتهم وهم ينوصون عليه جنهم بزازين صغار حيل بس حلوين فدوه الكلبهم

انفتح الباب دخلت ضحئ بنت نوال الصغيره كالت...عمو يريدج يكول خلي تجب بسرعه...

استغربت مو عوايده خاصه بعد ما لزمني اتصل بعاصم ابد ما طلب مني اجي لغرفته...

لبست بوليره طويله علئ التراك ولبست شالي وطلعت

دكيت الباب كل عاده دخلت بدون استئذان لكيته نايم علئ بطنه ومخفف ضوء الاناره...

همست...هاا جاسر رايدني

رد بدون نفس...اي تعالي سويلي مساج الضهري

فتحت عيوني بتفاجئ...هذا شبي خبل يوم يطردني يوم تعالي سوي مساج صدك يحجي شنو هل تناقض..

حطيت ايدي علئ شفايفي اتذكرت من شربت اركيله وعضاني نذل يومين ما اكدر اكل تسممت شفتي والله...

جريت نفس وتقبلت الامر الواقع ورحت كعدت حطيت اديه البارده علئ جسمه الدافي وبلعت ريكي عاااا صار شكد ما متقربه منه...

ضليت اسويله مساج وهو نايم واني سرحانه وعايشه بغير عالم واحرك باصابعي علئ ظهره...

استوقفني صوته كال...بعد خالج انتي تفرجين تدغدغين...

ابتسمت...لا دا اسوي مساج ليش معجبك

ضحك باستهزاء...لا والله معجبني لو جايب مجتبئ مسويلي مساج اقوه منج واحسن ...الا انتي فاهيه ومايعه وكل خير ما بيج

ضجت...اي شسويلك اذا انت ظهرك حايط ست. مترات واني اديه صغار ما يكفن عليك

رد بعدم اهتمام...ديلا اقوه اقوه

جريت نفس والله عود هاي كل قوتي اجيت اوكف واصعد علئ ضهره واسوي مساج برجليه بس خفت يسحلني من كصيبتي بالغرفه ذهابا وايابا

نزلت راسي الكتفه وهمست...اصعد برجليه علئ ظهرك اسويلك مساج ؟

باوعلي بحده وعقد حواجبه...حتى اكسر رجليج والله هم عوزها تصعد برجليها ..

درت وجهي بزعل...لعد لا دكول مايعه هاي كل قوتي ما عندي اقوه منها اني قبل من جنت اسوي مساج لرجلين ماما دكول ولج اقوه اصعد برجليه علئ رجلها ودكول براحه...ايييي هسه ارتاحيت بعد امج ضلي لليل صاعده علئ رجليه...

هسه انت جرب ما تخسر شئ واذا معجبك انزل بسرعه...

ابتعد عني وكعد كال...ولج ليش ما تحترمين نفسج كافي تزعططين بروحج متستحين صايره كلش وكحه يوم تدخنين يوم لسانج شطوله واليوم تردين تصعدين عليه اعيد امجادي وياج حتئ تستقرين ...

بلعت ريكي بخوف...لا دا اشاقه ..

ضل مركز بعيوني ...انتي ما لابسه حلقتج ؟

رفعت اصبعي اله...لا لابستها ليش؟

عقد حواجبه...اذا لابستها شكو يخطبونج وبعد منا وهيج علكي الحلقه بجبينج حتئ يعرفون هل انتقام متزوجه ومخلفه...

نزعتها وخليتها علئ جبيني واني اضحك...هيج هههههههه

هز راسه باسئ كال ...عمري الاركيله وعندي موضوع استفساري منج

رحت عمرتها اله واجيت انطيته اله سحب الخرطوم وهو يدخن ويباوعلي بنظرات تجلط

سحب نفس ونفخ الدخان بوجهي ضليت اهفي واكح كال...تعرفين داوود موو؟

فتحت عيوني مصدومه وخايفه هزيت راسي بلا...

جر نفس...شلون ما تعرفينه مو جنتي يم صبريه وهم اهل داوود جيرانهم ...

بلعت ريكي بخوف...ايي بس إني جنت ما اطلع حتئ اعرفه انب دائما بالبيت بس بصراحه صبريه دوم جانت تحجي عنه دكول مو خوش ولد

ضحك باستهزاء...ليش هي صبريه منو عاجبها حتئ يعجبها داوود...

نزلت راسي بخوف وسكتت

ضل يباوعلي...فرحتي من خطبوج ؟

ضحكت وهمست بذوبااان...ايييي كوووولش عبالك اول مره انخطب..

رفع حاجب....لا والله

ابتسمت....اي والله عادي مثلك من تفرح من امك تخطبلك هاله الزباله....

ضحك بغرور...عادي اتزوج هاله وغيرها وغيرها انتي ما الج حق تتدخلين اول شئ محرمج عن نفسي وثاني شئ لخاطر الاطفال ما بعدتج عني...

انقهرت من كلامه الاستفزازي رديت ببساطه...عادي يابه طلكني وشوف حياتك وخلي اخذ اطفالي وعود التزوجها خلي تجيب الك درزن مال قروده...اكيد قروده لان اني حلوه وطلعوا اطفالي حلوين...

جاسر...ههههه ضحكتيني منو كلج انطي الاطفال ليكون تردين اخوج المجرم يربيهم ؟

رديت بثقه...لا اني اربيهم لا اخويه ولت انت ولا ابويه اشتغل واعتمد علئ نفسي واربيهم ...

رفع حاجب بسخريه..وشتشتغلين بلا زحمه رقاصه

سحبت الاركيله منه ببرود بس هو سحبها بسرعه وضربني بالحافة مالت القمجي علئ اصابع ايدي خلاني فرفحت من الوجع...

لزمت ايدي واني ساعه اخلي اصابعي بحلكي وساعه اعصرهن بيدي لتخفيف الوجع...

زمجر بغضب...ما توبين افلشهه علئ راسج هسه؟

رديت بعيون دامعه..ترئ اكرهك ...

ضحك...تمام

مسحت دموعي بسرعه...والله احجي صدك اكرهك حييل ودا اتقيد من تستدعيني الغرفتك يعني حيل كارهه وجودي هنا لان ما اطيقك...

سحبني بقسوه لحضنه ودخل ايده جوه تشيرتي عصر خصري بقسوووه ضليت ارمش بعيوني بخجل وتشنجت من لمساته الرقيقه القاسيه

من شاف توتري وخجلي دفعت ايده وهو رفعها الشفتي المجروحه تكلم بغرور...واضح تكرهيني ولمساتي ما تأثر بيج

بلعت ريكي ...بس اني حركت كل شئ ما خليت ذكرئ تربطني بيييك ولا خليت رابط وصل بينه

ضحك....هههههه ليش يابه نسيتي اشبالي هم اكبر رابطة وصل بينه ..

ولو ما هم جان هسه كل واحد بينه بخبر كان

باوعتله بنظرات جامده...اريد اطلع تريد شئ

رفع اكتافه بعدم اهتمام...هو مجرد سؤال ردت اعرف اذا تعرفين داوود والج موقف وياه لو لا ...

هزيت راسي بنفي اشر اليه اطلع خليت وطلعت واني ارجف من لمساته أصابعه القاسيه خلت اثر عميق علئ بشرتي الناعمه...

دخلت للمطبخ ضليت ارتب بالأكل اني وريهام بس مدري شبيه احس روحي تريد تتحرر من جسمي فجأة انكسر خاطري واريد ابجي...

ليش الناس متنعمه ليش البنات ازواجهن يحبوهن ويحترموهن واني عازل نفسه مني والله الي بعمري بعدها ممتزوجه ليش اندفنت وياه اني شكد عمري وندفنت هل دفنه القاسيه...

بنفسي هوايه اشياء بنفسي حنيه وحب ورومانسيه بنفسي طلعه ولبس وكشخه بس هذا كل تحرم عليه...

دا أحاول اكون قويه واتمرد عليه بس ما اكدر والله ما اكدر عليه تعبني منين ما اجيبه يطلع الي بسالفه...

كملنه العشا اني وريهام...

خليناه كدامهم اجت نوال وهاله كعدن اكلن...

واني رحت ما ردت اكل وريهام كالت...اريد اصلي الحك علئ الاكل احتمال من يجي صلاح نتعشا سوه...

خلت وراحت واني رحت الاطفالي موضوع داوود قالقني حييل تهديده كدام الكل بدون خوف وخجل

تجي صبريه واحجي وياها والله وقار ما مئذيتني ما اريدها تنكسر مسكينه هي منا بيها حاله نفسيه ومنا هذا يكسرها اكيد تتعب...

الله يكون بعونها ويبعد عنها اولاد الحلال...

...............................

ريهام ...

كعدت الصبح علئ صوت الاذان من موبايلي لان اني منزلة حقيبة المؤمن كوولش فادتني ينطوني تنبيه عن الصلاوات والايام المباركه للصيام...

اليوم السفره مالتنه الساعه بثمانيه ونص تقلع الطياره كوووولش فرحانه ودا اريد ابجي من الفرح ممصدكه اتحققت امنيتي

رفعت نفسي فتحت الضوه انتبهت علئ ايده الخشنه لافها علئ بطني ومحتضني ضحكت عليه خطيه شلون انسان حباب ابد ما اذاني وجبرني واني والله اتمنئ انطي كوولشي بس الخوف والخجل متغلب عليه...

خاصه بعد ما جان عنده سابقه ويايه رغم ما اله ذنب بس بذيج الفترة حيل تازمت نفسيتي...

حطيت ايدي علئ كتفه وهمست بحنان...صلاح صلاح اكعد اذن المؤذن وهماتين لازم نحضر نفسنا قبل لا نسافر..

تمغط بتعب وسحبني بقوه حضني ودفني جواه عطت من سحبته القويه وبسرعه كتمت انفاسي والله عيب شيكولون علينه الجماعه

ضحك بصوت عالي وضمني لصدره كال...ريهامي شبيج تعيطين هاي بس حضنه لو نتعمق شلون

جفلت بمكاني وضليت اطكطك رفعت راسي بخووف مثل بزون تريد تخمط اله سمجه وتنهزم ...مو كلت عشر سنين

اشر علئ نفسه بصدمه...اني كلت عشر سنين لا يابه لااا ريهام انتي انسانه طاهرة وعفيفه اخر شئ جنت اتوقعه ان انتي تچذبين...

سحبت نفسي وعدلت كعدتي بصدق...صدكني ممجذبه انت بيوم زواجنه كلت حتئ اني بكلبي كلت اي حلو هيج بس اخاف حرام ولا اكيد حرام بس كلت عود استشرع اذا حرام او لا...

هو كعد وهو يسايرني بفضول...اي صدك بالله شدكولين للشيخ من تستشرعين ؟

فركت اصابعي بتوتر...لا ما اكول بس اكتب بورقه..اكتب السلام عليكم شيخنا اني تزوجت وزوجي كال اذا تضلين عشر سنوات ما ناطيتني حقي عادي ما اطالبج...يصير لو لا وهل يعتبر اثم عليه لان هو الي طلب ؟

جر نفس ورد بهدوء...بصراحه بصراحه يعتبر اثم عليج كولي ليش؟ لان راح تعتبرين ناشز ما تنطين زوجج حقه

لطمت خدي...ياااا عزا وهسه شلون

اتكئ علئ السرير باريحيه ...هذا الشئ راجع الج فكري ورجعيلي جواب اني ابببد ما اجبرج

بلعت ريكي بخجل...والله ما اعرف صلاح انت كيفك هسه خلينه نصلي وندعي والبي خير يتقدم شنو رايك؟

ابتسم بحب...حلوو يالله لعد كومي خلي نصلي

صلينه وكملنه لفيت السجاده والعبايه دا اضمهن وهو سفط سجادته...

احتضني من وره وحط ذقنه علئ كتفي كال بهمس ذايب...رهومتي اريد تكونين زوجه فعليه اليه علئ ارض العراق مو علئ ارض السعودية...

رمشت بعيوني...بكيفك

سحبني بيده بحنان واخذني العالم العشي الزوجي جنت هادئه بين اديه اول بدايه الهج بذكر ايات وسور قصيرة من القران ...

وبعدها استجابيت اله والقبلاته الدافيه وكلامه الي اعتبره غذاء الروحي بين لحظه والثانيه اتجمد خوف وخجل واني بين اديه لكن كلماته وغزله يطمني من يهمس اليه بعشقه وحبه...

صلاح فعلا هو النور الي أضاء لي روحي، هو شمسي وقمري ونجومي، الي تنور سماي وتُزين حياتي.
- أحس أني أكثر الناس محظوظهً  بالعالم، بعد أن اختارني حتئ أسكن قلبه وبيته واكون ام اطفاله، وبعد ما عندي  أمنيات غيره بس أحتاج كون  يحالفني الحظ واكدر اسعده واكون ام الاطفاله بعد أن تحققت الي أمنية حبه...

ودائما اردد...اللهم لا تذرني فردا وانت خير الوارثين...

وصرت زوجه فعليه الصلاح بعد ما كمل مسح دموعي والله ما اعرف اصلا شوكت بجيت بجيت خجل وحب اله ...

همس بذوبان وبغزل ديني...مبروك علينا حبيبتي والله احببج مثل صليب موجود بكنيسة مريم العذراء

ابتسمت ورمشت بعيوني بحيا ودفنت وجهي بالمخده خجلانه منه باسني بكتفي العاري وضحك عليه وراح للحمام....

خلص وبعدها اني دخلت للحمام سبحت وغسلت الغسول وطلعت نشفت شعري وهو كل شويه وباسني وحيل فرحان بيه ...

طلع قبلي اختلست من صوت الهلاهل وتلونت خدودي يبووو عرفوا والله عيب شكول عليك يا صلاح ليش دكلهم هسه شيطلعني والله ياربي خجلت...

لبست جبه اسلاميه لونها تركوزاي ولبست شال ابيض لفيته لفه حلوه وحذاء وجنطه وحضرت الجنط ...

طلعت شفتهم كلهم مجتمعين كلها هجمت عليه تبارك اليه واني احس سبحت من الخجل اعرگ وابرد وارجف ...

اجه بابا وماما سلمت عليهم وماما ضلت تبجي واني اخذتلي مشوار وياها بجيت وبعدها ركبنه بسيارة جعفر وصلنه للمطار...

ما رحنه بسيارة صلاح لان كال شيرجعها...جان طول الطريق جعفر بكل ازدحام يسب نوال ويغلط عليها وصلاح يضحك عليه

وصلنه للمطار هم كلهم اصدقاءة سلم عليهم وباركوا اليه واله وبعدها ضلينه بالانتظار صعدنه بالطياره جنت احيل خايفه منها اول مره اشوف طياره جانت كبيره وحلوه شد صلاح اليه حزام الامان وضلت شويه وقلعت اني من قلعت احس بطني خبطت كمزت بخوف وحضنت صلاح وهو يضحك عليه ويهدي بيه...

جنت طول الطريق خايفه وكل شويه اكول راح نموت وارجع اذكر ربي والحمد لله اتطمن جابولنه وجبه اكلنه

وصلنه الارض السعوديه نزلنه بمطار الملك عبدالعزيز  الدولي بمدينة جده بمنطقة مكه المكرمة  حلم المؤمنين المنتظر....

اول ما نزلنه هو صلاح مسافر ويعرف بالمناطق والمدن السعوديه حجزنه فندق ارتاحينه بي وبعدها بدت رحلته بزيارة بيت الله الحرام...

..............................

شهد...

صاى اكثر من اسبوع الدمعه ما نشفت من عيني ما انسئ جعفر شلون جان مبدل وكاشخ عاجبته وجهه الطاوه كاشخ الها ومبدل...

مقهوره علئ نفسي لان حبيته والله حبيته بعقل طفله ما بعرف دغش ولا يعرف يخوون ...

جان هو القشه الئ اتمسكت بيها لحتئ تنقذني من مزبلة الواقع الي هداه اليه ابويه من نعومة اظافري...

ضحك عليه واستغفلني واستغل ضعفي جنت مجرد اداة تسلية جعفر تسله بيها...

جنت فرحانه بي واتخيل نفسي عروس عند اهله بس هو للاسف ضيعني...

ومرة ابويه من تزوج وجهه الطاوه فرحت حييل وعبالك دتتشمت بيه ...

رجعت بذاكرتي للماضي اتذكر مره من المرات...

صاح من الدكان الموجود بيتنه بشباكه الصغير...ابو شهد

عرفته من صوته طلعت اركض اله ابتسمت بلهفه وفرح من شفته وهو ضحك كال...جكاير جكاير ...

هو جان مدنك علئ الشباك انطيته جكاير وجداحه كعد يدخن ويسولف...

كال...جيس حب بسرعه

انطيته جيس حب كعد يكرز ويشمر كشور بالدكان

جريت نفس ..هماتين ببلاش وهماتين تزبل علينه

ضحك وشمر كشور الحب بوجهي ...غير نسيبكم تحملوني اني نسيب نادر الوجود لو العب لو اخرب الملعب ...

ضحكت...هسه متدفع فلوس الحب والجكاير

تنهد بضيق ورد بقهر...صدك جذب شهوده هاي واني زوجج المستقبلي وتطالبيني بفلوس...لا حبي مابينه فلوس ادفعي منج ولا اكلج غلسي...

صفكت ايدي بمرح...غلست تولي مرة ابويه ان شاء الله دومها خسرانه...

اجو ولد يشترون كال...فوتي جوه فوتي جوه لا اكسر الدكان علئ راسج خلي زوجة ابوج تجي تبيع الهم جنها قوطية سفن مخسوفه...

ضحكت ودخلت جوه وصدك زوجه ابويه كالت روحي بيعي الهم ما قبلت ضلت تفشر عليه وبعدها راحت هي باعت الهم...

فتحت الموبايل دخلت للفيس مالته تذكرت مره من علقت علئ صورة جاك وهو زعل ضليت اشكد أحاول أراضي مقبل...

منا لمن صرت اروح اكعد بباب بيتهم واستحي ادخل عليهم منا لمن طلع اخو الكبير وصاح مرته دخلتني بيومها رزلني رزاله وضل يغلط لان اجيت الاهله

استرجعت ذاكرتي واني ادمع اشتاقيت الامي وروح امي وحنية امي الي تسوه جعفر واهل جعفر النذل الحيوان ابو النسوان....

وبقلب طفله فاقده الحنان من الكل واخذوا منها لعبتها وبعقل مراهقه انطعنت بخنجر سام وبضعف ايمان قررت انهي حياتي وروح عند امي

طلعت للدكان فتحت الضوه واني عيوني مورمه من البجي اخذت من الباكيت موس حلاقه رجالي

تردد هوووايه اسوي هل جريمه بحق نفسي بس وصلت لهذي المرحله من شفته غدرني وبعدم توعيه و رقابه انتقمت من نفسي وضعفت للشيطان...

وكطعت روحي مو بس الورييد وكعت من نزيف الدم واغمئ عليه واني بالدكان...

..........

ريهام....

نزلنه لزيارة بيت الله حرام ادينه الطقوس بوقار الايمان وروح التواضع لله سبحانه وتعاله

حسيت روحي مثل الحمامه بالحرم المكي طارت بجوار ربها وانتعشت النفس بعبق الايمان وحلاوة الخشوع...

جنت المس قلبي بوجع وازور بايمان وصلاح ويايه يزور ويدعي وكال هاي العمره هديه مني الفلاح ..

لان عمو الله يرحمه جان معتمر وحاج بيت الله...

بعدها اخذني للحجر الاسود زرناه بس جان ازدحام حييل بحيث ما كدرنه من الازدحام

صلاح كال تعرفين شنو قصة الحجر الاسود..

اني رغم سامعه عنه روايات بس حبيت اسمع منه هزيت راسي بنفي ...

جر نفس...الحجر الاسود هو حجر من الجنه وحتئ الرسول صلى الله عليه وال وسلم يكول هو ياقوت من الجنه نزل ابيض من الحليب بس بسبب افعال بني ادم واخطائهم صار اسود ...

همست...ربي يغفر النه ويثبتنا عند السؤال

صلينه وكملنه كل الطقوس علئ اكمل وجهه وان شاء الله بعد نرجع نكمل طقوسنا...

رفعت اديه بدعاء خالص لله ودموعي تنزل بصمت ...ربي لا تذرني فردا وانت خير الوارثين ...

رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ

رَبَّنَا لاَ تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِن لَّدُنكَ رَحْمَةً إِنَّكَ أَنتَ الْوَهَّابُ

ياربي ارزقني الطفل الي يشيل اسمي واسم ابو ياحبيبي يااارب...

بعدها دعيت لكل امة محمد ولكل العالم والاقرباء والاصدقاء

طلعنه تعبانين رحنه للمول اشترينه اغراض هو راح يحاسب واني اثار انتباهي عقد حلوو عجبني اشتريه

ضليت اباوع عليه واتلمسه من الجام واني مبتسمه...

درت وجهي ادور عليه ماكوو دورت ركضت بخوف وببلاد غريبه ماكو صرت امشي واتلفت ودموعي تنزل برعب ولازمه كلبي بوجع...صلاااح وينك صلاح...

صرت انزل واصعد بالدرج الكهربائي وابجي واندب صلاح وينك اتصلت عليه ميجاوب مشغوول ...

ولسوء الحظ طفه موبايلي شحن...

ما خليت مكان ما دورته اخر شئ طلعت بره واني انووح

شفت ثنين ولد لابسين الزي الخليجي واحد تقرب مني كال...صارروخ تخق خقاقيه باينه ملامحها عراگيه

معرفت شنو يحجي خليت ومشيت بخطوات سريعه وسويت نفسي ما بيه شئ ...

راح ركب سيارته وتقرب مني كال...تبين اوصلج لمكان تحبينه...ابيج حبيتج والله

...................

جولييت....

مرة الايام طبيعية...غير نوال كل يوم عركه والله شنو دكول هذا ابو العرك ابو النسوان شايف روحه عليه ومطنكر بوجهي ترئ ما ميته عليه لو ما هل بنات كسرن زهري فلا اقبل بي....

وخالتي تتوسل بجعفر يدخل الها للغرفه وهو رافض رفض قاطع يكلها انام بحاوية الزباله وما انام يم نويله

ومخلصينها هيج هو شارد منها وهي تلزم بناتها تجرم بيهن من وره جعفر...

وكل يوم تروح الاهلها تجي محمله ملابس ومغيره بشكلها نافخه خدودها ونافخه حلكها حرامات والله صارت عبالك لعابه بلاستك وجهه خرب...من الشد والمط...

وخالتي تتوسل بجعفر دكوله اتقرب منها هسه تحبها وهو يكلها ييييع انوب نافخه براطمها من ابوسها يجي بحلكي الفلر وللبتوكس خليني هيج احسن...

و وقار خطيه مسكينه اشوفها ساعه فرحانه وساعه لاا بس ما عندها لهفة مخطوبه اببد رغم هو جاب الها موبايل ويتصل بيها ويخابرها...

وام جابر متخبله علئ وقار كل شويه وكالت..امداني صدك القسمه تسد حلوك شلون خسرت وقار وماخطبتها لجابر....

والله جنت اتمنئ تزوج جابر انسان صاحب غيره ونخوه .ونعم منه قليل امثاله يستاهل وقار...

بس بعد شنسوي هل عار خطبها يارب تخرب الخطبه ..

اني خابرت خالتي صبريه ببسكوت علئ رقم دولي لكيته عند رضيه وكلتلها داوود العار خطب وقار وتمت الخطبه...

عاد هي تخبلت كالت بس خلي ارجع اله اشگه نصين  العار شلون اله عين ويخطب بنت مهيوب

هذا خلي يروح يشوفله وحده من الدعاره مو وقوره بنت شيخ مهيوب

بس اعرفه يريد يتقرب منج ويسبب الج مشاكل

جريت نفس...فدوه خاله مو دكولين لجابر اخاف تصير مشكله وذاك يذب علينه تهمه

كالت...خلي يطير غير اترس حلكه حصو اني ما راح اكل لجابر اني ان شاء الله راح اتصرف لا تخافين جكليت المايع انه بس اجي اربطه بصف كنوش...

اطمانيت شويه ورحت ارتب بالبيت وبالي عند امي معقوله امي ضحت بيه لو لعبه من عاصم لو من جاسر وتاخذوا امي ضدي لان مستحيل والله...

سويت عشا والعروس تخاف علئ نفسها تنجبس فمتقبل تنظف

خليت العشا محد قبلت تاكل بس جعفر وجاسر اكلو كال جاسر...تعالي اكلي

هزيت راسي بنفي عود ردته يتوسل بيه اكثر بس هو ما اهتم اليه...

البيت شبه فارغ الكل بغرفهم ورضيه راحت عند مرتضئ ومجتبئ...

واني سويت جاي دا اخذه لجعفر وجاسر وكفت بباب الاستقبال وما نسمع اله العياط والصريخ ما نعرف من يا غرفه صادر...

طلعنه نركض علئ صوت الصريخ وشفنه....

نهاية البارت ...يتبع

كونوا انتم كونوا بخير...احبكم💔

نور سمو العراق..🌹

اليوم البارت بي تلث قفلات مو وحده😬

تصاميم الصور من ابداع طلحه 😍😍😍 Talha-25-3

الفيديو من ابداع وئام الشيخلي 😍😍😍snwn2231