رواية #جوليت وأسرها.... الفصل الثالث والخمسون 53 - بقلم الكاتبه سمو العراق

بارت 39
رواية...جولييت واسرها...غياهب الإنتقام
بقلمي...نور سمو العراق

💔💔💔💔💔💔💔💔💔💔💔

أنت الذي أسرتني وكسرتني
لم تنصفني لمرة واحدة
لم تقل لي م اتمناه ولا
تكون لي م اتمناه
حولتني الي إنقاص
هدمتني وكأنك تطالبني بثأر
حطمتني وكأني انا من سلبت منك حياتك
لا تعلم أنك أنت من سلبت مني حياتي 
فعلت م لم يُفعل 
تناديني بأسم من أهويتها 
وأنت الذي من أهويت
وفي ليلة وضحاها تأتي لي وأنت تتظاهر بالحب
وأنت عاطفٌ عليَ بغير عاداتك
تظاهرت الأهتمام وأنا صدقتك
صدقت اهتمامك الكاذب وحبك الخادع الذي
لم تفعله سوى لترضي ضميرك وجبروتك
لا أريد منك حب ولا عطف ولا إهتمام
لاني مُت ومات بي الشعور
لاني لم أعد أهتم لقلبي ولروحي التي اهلكها عذابك
لا تتظاهر بالرحمة يا كاسري
لا تتظاهر بالود يا أاسري
كُن على م أنت فيه

بقلم...سما العبودي....
........................
كل يوم عاشوراء وكل ارض كربلاء...
غير حسين ما نعشك ولا نهوى🍀
دنيا  بلا محرم كلشي ماتسوى🍀

عظم الله اجورنا واجوركم احبتي...💔

.......................

جولييت...

من يوم الي افترقنا اني وامي واني احس الكون بدون ألوان اسوود مثل قلوب الي فرقوني عنها...

ولا اسمع صوت بس صوت نبضات قلبي السريعه

من يوم الي افترقنا يا يمه واني افضل النوم حتئ التقي بيك بحلمي

لكن سرعان ما ينتهي هل حلم واشوف نفسي وحيده بدونج يا يمه...شوكت اشووفج واكحل عيوني بالوحة رسمته الج تحقق ذكريات واحداث ربيع العمر..

شفت الجزدان واني صرت مثل المجنونه الي اتعلقت ببصيص امل ركضت بين القبور الهادئه واني اصييح...يممممه ولج يمممه اني هنااا وينج انتي لا تعوفيني

ضليت أتلفت يمنه ويسره واعضائي تتراعش بقوه صرخت بصوت عالي عسئ ولعل تسمعني...مااااااااااما لا تعوفيني الوحدي تعالي واسيني علئ ابويه

امشي والزم بالقبور ...ويين اسال منووو يا قبر فاتت منه امي

الزم القبور يا ريت ينطق هل حجر ويكول من وين امج راحت يا جولييت بأي اتجاها...

لكن للاسف حالهم مثل حال جولييت لا حوول ولا قوه

احتضني من وره وهو يهدئ من رووعي وانهياري درت وجهي عليه وهمست بصوت حزين ونحيب...امي فدوه اررييد امي

جر نفس وهو يمسح دموعي وعدل حجابي...راااحت للاسف ما كدرتي تلتقين بيها يجوز بيها صالح

دفعته بغضب بثنين اديه وشديت علئ شفايفي استغرب تصرفي وايقنت لو مو بحالة انهيار جان دفني،بصف بابا...

وايدي مجبسه وحركتها وضربته بيدها حسيتها انكطعت من مكانها

ضل تنفسي يصعد وينزل باوعتله بحقد والدمعه تتطاير من عيوني...فرحاااان مووو فرحااان لان ما شفت امي

بس اريد اعرف شغله وحده بس وحده لييييش؟ تكرهنيييي ليييش،شسويتلك شنو السويته

ليش تتشمت بيه والله ما سويتلك شئ والله

عقد حواجبه بحده ولزمني من ايدي الثانيه وجرني عليه همس عند اذني...لج احترمي نفسج وخليني محترمج تدرين بيه لا اعترف بام ولت باخو

اكول خطيه ومسكينه وصغيره ما ااذيج بس تماديتي هووواي

هزيت راسي برعب...شسوويت ؟ ما سويت شئ بس اريد امي حس بيه شويه بس اريد اشوفها هماتين تموت وهماتين محشوفها

والله لو يهوديه متسوون بيه هييج اني مرتك يعني عرضك ليش انام وخاطري مكسور منك انسئ ثارك ولو ثواني

وحسسني بقيمتي وخليني اقابل امي لا تحرمني منها اريد اشوفها صار اكثر من سنه محرومه منها ومفاركتها...

ابويه ماات وكلت امنت بالله هذا يومه بس امي لااا والله اموووت اموووت

تعرف شنو اموووت ..ولوو انت عندك عااادي اذا متت او لاا المهم ترضي غرورك وكبريائك

احتضني بقسوه وتكلم باندفاع...شترديين ؟

همست بنحيب...اريد امي

صك على اسنانه بقهر...امج اكيد جايبها واحد من اخوانج وهذول اعدائي اني ما اكدر اشوفهم ما اكدر اشووف عدوي كدام عيني

انتي حسي بيه راعي شعوري إخوج الكلب كتل تلاثه من اهلي بنتي وابوي واخووي

وكل هذا ما كفاه رجع صلح الغلط بغلط

لزمت ايده واني ابوسها بحيث ترستها دمووع...بس اشوفها حتئ لو من بعيد والله حتئ ما اروح الها من بعييد والله

صاح بوجهي بصوت غاضب...ويين الگاها اروح ادور عليها بنص الگبور

هزيت راسي بنفي...لاااا بس نرجع للامام علي عليه السلام وهناك نصيح باسمها للمناداة واروح اضل اشوفها من بعيد والله...

جر نفس بملل ومسح دموعي لزمت ايده واني اباوعلة بنظرة توسل كال...امشي يالله

حسيت الفرحه تغلغلت لاعماق روحي وابتهج گلبي واخيرا راح اشوف امي وراح اعلن انتهئ فراق الاحبة...

اووويلي يمممه ميته علئ شوفة وجهج والله...

رجعت بست قبر بابا وسلمت عليه همستله يدعيلي اشوف امي...

ركضت وراه واني لازمه موبايل امي وجزدانها ركبنه بالسياره وتوجنها للصحن العلوي الشريف...

خلينه السياره بالكراج وروحي جانت مثل الحمامه تفتر علئ احبابها...

هو كال...ادخلي للامام شوفيها اخاف كاعده تصلي او تزور واني اشوفها بالصحن ...

رحت اركض واتعثر بخطواتي وحالتي حالة العيون مدفونه بالجفون والايد مكسوره والروح مسلوبه

صرت احووم علئ النسوان مثل طيره مجروحه ومكسور جناحها ماكووو امي ماكووو

لزمت الشباك وحطيت خدي عليه...هااا يابو الحسن ما الي حظ بشوفة امي فدوه اروحلك سيدي ومولاي شوكت اشوفها ذاب الگلب عليها...

بجيت باسئ ونحيب علئ الشباك منا لما حسيت ارتاحيت...

خليت ورحت صليت ودعيت طلعت بره لكيته واكف يم الامانات مالت الموبايلات...

من شفني حسيت ملامحه لانت وارتاح عباله انهزم منه بس حقه ترئ لان اني عندي سوابق...

باوعتله بخيبة امل...ماااكو 

تنهد بهدوء...كتلج ماكو نصيب ان شاء الله غير

ضربت رجلي بنفي وعصبية....لااااا اريد انادي باسمها بباب المناداة

باوعلي بطرف عينه ومشه اني مشيت وراه ولازمه ايده اتوسل بي

وصلنه للمناداة هو ضل يحجي ويه الرجال كله...ام عاصم من اهالي،بغداد...

هو صاح باسمها علئ الزائرة ام عاصم التوجة لباب الشيخ الطوسي الاهل بالانتظار...

ضليت اباووع للرايح والجاي واترقب جية امي صرت اشوف كل النسوان امي

درت وجهي علئ الرجال وبلعت ريكي بتوتر...فدوه عمو عيد المناداة

رجع عادها لكن للاسف لحد الان ماكوو شئ

باوعت الجاسر بنهيار...جاسر خلي يكول جولييت بالانتظار اخاف امي ما تنتبه بس اكيد اذا سمعت اسمي تجي ركض

هو عقد حواجبه بغضب..كافي جولييت ترئ عذبتيني امج راحت اكييد

رجعت لزمت موبايلها ما بي ارقام بس رقمها يالله عليمن اتصل لكيت رقم بس بدون اسم اتصلت علي اكثر من مره بس،محد جاوب...

ما قبل يكون النداء باسمي وبعد توسل ودموع صاح باسمي وللاسف ماكو امي

رجعت بخذلان كتله خلي ارجع الابويه اخاف رجعتله

جان علئ هووايه بس علئ ساعه ينفجر ويجيبني براشدي...

رجعنه البابا شفت وحده كاعده من بعيد وبسبب الدموع انحجبت عندي الرؤيه فز كلبي بعذاب وابتسمت رغم حزني...ماما

رحت اركض الها وسبقته وصلت عند امي شفتها مكاعده يم قبر بابا كاعده يم قبر وتنعئ لزمتها من عبايتها ودرتها عليه

خابت امالي من شفتها مره غريبه وتنعئ علئ ابنها عضيت شفايفي بقهر ورجعت كعدت يم ابويه...

حضنت قبره وضليت ابجي بألم وعذاب واناشغ الشمس جانت حاره وتصكع براسي

هو جان لابس شماغ نزعه وربطه علئ حافات القبور من جهه اليمنئ جان اكو قفص قديم بي قبر ينتمي للثمانينات

وقبر ثاني من اليسرئ ربطه بي جان بي صورة لواحد شهيد شويه عاليه...

بحيث سوه الشماغ مثل الخيمه عليه وصار في يحجب عني الشمس...

نمت علئ قبر بابا وغفييت حسيت بطيفه اجاني وهو يكول...كومي بويه جولييت كومي كسرتي خاطري وكلبي وعذبتيني ليش نايمه علئ گبري وانه لا بيه اكعدج ولا بيه اطيب خاطرج...

فزيت بعد ما حط ايده علئ كتفي كال...جولييت جوولي اكعدي يالله لا يصير بيج شئ

رمشت بعيوني واني اباوعله بحسره خليت و وكفت ودعت ابويه ومشيت محترگ گلبي اكثر ما طاب جرحي ...

ركبنه بالسياره ورحنه وصلنه للفندق ردنه ندخل كلوله نريد عقد الزواج لان جنسية جاسر مخليها بالسياره

رحنه نجيبها ماكو ملكيناها رغم هو قبل لا ندخل للنجف انطيناها للسيطره...

رجعنه حجينه وياهم ما قبلو عاد جاسر كال بغضب...نعله علئ والديج نويله العرضه وحق الله اول مره اجي للزياره وهيج اتعب

رجع خابر صديقه ضابط بالنجف وهو ضل يحجي ويه ابو الفندق ودخلنه صعدنه للغرفه اول ما وصلت دخلت سبحت وكتله خابؤ رضيه ريد اشوف اطفالي

عاد هو ما قصر خابرهم وضليت احجي،وياهم وخليت ونمت

هو قبل لا انام ضل يرزل بيه لان سبحت ودمرت ايدي مي عفته ونمت عاد هو تخبل لزمني من ايدي الثانيه كال بغضب...اكسرها الج تخبلتي انتي اليوم

عفته ببرود ورحت نمت هو تنهد بضيق وخله وطلع

......................

ريهام...

كملت صلاة وطلعت بره اطفال جولي عند رضيه رحت اشوفهم خطيه امهم راحت للنجف دتزور ابوها...

دا ادك الباب سمعت جعفر يكول لماما رضيه...ولج يمه الحكيلي وين انطي وجهي ويين اروح وين اولي

هي استغربت كالت...خير ولك احجي شكووو؟

رد عليها بقهر...نويله وجهه الطاوه تعرضت الي،وحاولت تعتدي عليه لو ما ربج ستر

رضيه بخوف...يااا صخام بوجهك احجي شكوو ؟

جر نفس...جنت كاعد بالمطبخ يمه وما اشوف اله هجمت عليه يمه اله شويه تغتصبني

والله اله شويه جااا طار شرفي

ضحكت...ولك شنو السالفه غير مرتك هههههه

جعفر بعصبية...يااا مرتي ولج يمه اكرهه اكرهه اموت منها بكد ابنها وتبوس بيه

رضيه...انهجم بيتك هو فرق بينكم خمس سنين وبعدين تقرب منها بلكي تنصلح وتمشي عدل

جعفر باستنكار...ونويله ما لكت تنصلح اله براسي دخلي اصلح نفسي انوب اصلح نويله ..ههه حسستيني هيئة الامر بالمعروف والنهي عن المنكر

اردف بقهر...ايييع والله اجيت اسبح بنفط من باستني شلون الها نفس وين الكبرياء وين الشخصية وين عزة النفس شنو ما الهن محل من الاعراب...

رضيه...هههه ولك حلوه حلوه عوفنا من الكبرياء وعزة النفس...

جعفر بنفي..منيلها الحلا وهي قياس رجلها 42 هاي لو اخذها مشايه الكربلاء رجل هنا ورجل بطويريج ..

رضيه ..ههههه خاب دهر صابك ضحكتني منيلها رجلها صغيره

جعفر..اكلج يمه صدك جاسر خابر مرة عمي وصبريه يجن يشوفن شهد اريد اخطبها يمه اذا تحبيني روحي وياهن

ردت علي...يااا شلون ولك تزوج اثنين حرام لازم تعدل وبعدين ترئ يبهذلنك يخلنك مو بس خمر تشرب حتئ مي خابط تشرب...

جاوبها بقسوه...شحدهن غير امشيهن علئ السراط المستقيم اني ابو صادق حلكها اشكه التحجي بعدج ما تعرفيني حجيه

جرت نفس...اندري بيك وبعدين امك تدري تريد تزوج لو لا

رد بتذمر...بله يمه رجاءا عوفينه من امي احسها الناطق الرسمي لنويله واكيد طاكتها بسازوكي مخليتها تتنفس وجهه الطاوه

رجع باسها..فدوه يمه رضيه روحي وياهن واجبري بخاطري شنو ذنبي متزوج نويله جنها مطي ماكل رمان

ضحكت...ههههههههههه خوش خوش اروح

ضل يبوس،بيها واني دخلت كال...هلا بجماعة الزرقاوي هلا بالمحصن نفسه ما تخلين نويله تدرس عندج كورسات وامشيلج راتب شهري

ضحكت...هههه انت ينرادلك كورس مو نوال

رد باندفاع...لا اني كبل يدخلوني للجنه لان نويله خففت من ذنوبي ولو هنه مو هوواي

رضيه لطمت صدرها...يااا ذنوبك مو هوواي ولك انت ذنوبك لا يشيلهن ميزان ولا يحصيهن بني ادم

جر نفس...لا يمه يكولون المؤمن مبتلئ واني ابتليت بنويله الحمد لله تخففت ذنوبي

هسه عوفنه من هل حجي ان شاء الله يمه ما اوصيج وما تجفصين ودكولين متزوج لان اني هاجرها

خله وطلع واني شفت الجهال بستهم وسالت عنهم ماما رضيه طمنتني وبعدها طلعت لزمت الحايط بوجع وكعت ما كدرت امشي عبالك شيش داخل برجليه...

رجعت وكفت بالم رجليه ماتت فجأة ليش ما اكدر امشي لحد الان ما طبت من ابو صفار لو بيه شئ ثاني

رحت الغرفتي نمت علئ فراشي وشويه واجه صلاح شافني حاولت ابتسم بوجهه

شويه اجه تمدد بصفي حضني كال...حبيبي رهوم شبيج ليش نايمه بيج شئ

ضحكت...لا بس شويه تعبانه

جر نفس كال...وضعج ما مطمني ابببد مو مال ابو صفار بس تخلصين علاجج ان شاء الله اخذج الغير دكتور

يعني ما خلت شئ ما سويته فحوصات عامه وعلاج وانتي مجاي تتحسنين

بلعت ؤيكي بخووف..شنو قصدك بيه مرض خطيير

حضني بقوووه عبالك تكسرت اعضامي همس...لا حبيبتي ان شاء الله ما بيج شئ بس اكيد تصير عندج مضاعفات

همست بقلق...صلاح اني لسه حامل لو شنو اشو حاسه نفسي مو حااامل

مسح علئ شعري باسف كال.. للاسف ريهام الطفل فقدناه

فتحت عيوني برعب...تحجي صدك؟ لو تتشاقه

بلع ريكه ..ريهام انتي مؤمنه بقضاء الله وقدره واكيد كل تاخيره وبيها خيره انتي بيج ابو صفار ما ردت اكلج بيومها بس للاسف هذا الي صار

وما تعرفين شصار بيه من فقدتي

دمعت عيوني بالم وهمست...الحمد لله علئ كل حال ان شاء الله ربي يعوضنا ...

باس ايدي بحنان...لو نضل طول العمر بدون اطفال يا رهومتي. ما اطالبج بس المهم تكونين بخير

ابتسمت بخذلان...مو بخير اني صلاح

رجع حضني وباسني بشفايفي عدة مرات عبالك واحد ديفقد الثاني...لا دكولين هيج لا تخوفيني والله ما اكدر اتخيل الحياة بدونج

حضنته بذبول...لا حبيبي ان شاء الله دوم نضل اني وياك وما يفرقنا غير الموت

رجع حضني واني القلق زاد عندي يوم زينه ويوم لااا  وهسه رجليه مدري شبيهن...

يارب رحمتك ما اكدر امشي،بعد...

.........................

جولييت...

رجعنه من النجف تعبانه حييل وخايبه امالي لا من امي ولا من ابويه ولا من نفسي

رجعت نمت هماتين بعد ما سبحت وهو كل ما اسبح يضل يرزل بيه لحد ما يشبع واني ما انطق بأي كلمه

وهماتين بكل عنف اخذ مني الموبايل والصوره ما اعرف ليش

جبت اطفالي عندي يعمري عليهم صار عبالك سنه مشايفتهم...

نومتهم ونمت بصفهم تقريبا بعد مرور ساعتين كعدت من النوم شفت مرتضئ يلعب وديوكف يحاول يمشي بس مجتبئ للاسف يمشي علئ ركبه ما يكدر علئ رجليه

خليت وطلعت بره طلعت ويايه كلهن سلمن عليه وخالتي سلمت بس يعني مو مباوس بس،بالكلام

نوال اجت كالت بغضب...ليش ما اخذتي بناتي وياج ليش انتي ما تحبيني وحاقده عليه وتغارين مني

رديت ببرود...عشتو علئ شنو اغار اشو انتي ملقبينج وجهه الطاوه واني ملقبيني جوكليته....

حطت ايدها علئ خصرها...امداني اي والله انوب اختج المجرم عليه ام المعوقيين

غمضت عيوني واني اصبر نفسي واستغفر فتحت عيوني بحده...محد غييرج معووق ومحد غير مجرم

وبعدين عيني علئ كيفج ذاك عمهن لبناتج وكليله ليش،ما اخذتهن اني بالنسبه الي كتله بنات اخوك رادن يمشن ويانه

وهو تعصب وحتئ ضل يسب بيج كال...هاي تحجي صدك اروح احتار بيهن وكال شو من تروح للنجف ما تاخذهن خاف يخربن كشختها هسه من ردت اخذج سوتهن حنينات علئ ابوهن

نوال وهي تطك بعلجها ومتخصره...اي والله مو اني كلت اليتيم بس اول اسبوع وبعدها يركعونه مية نعال

جريت نفس...وليش تعتبرين بناتج يتيمات وتخليهن بعازة الرايح والجاي اشو راتب فلاح فوگ المليوون ومحد مقصر وياج وتطلعين وتدخلين بكيفج صيري الهن ام وامي واهتمي بيهن بدل ما تهتمين بنفسج

عفتها ورحت اوووف كوون تجي هاله الزباله اله اطيح حضها حيوانه ابويه ميت وهو عمها وهي ولا كأنها انوب فرحانه تتشمت

والله دوه بيها احمد تنكط سم...

ضليت كاعده ضجت حييل جبت مقص وكصيت الجبس وشمرته بالزبل اباوع الايدي لسه اتاذيني وصايره زركه بس مليت منها وانترست مي اصلا خربت

شويه واجت خالتي وهاله شفتهن ما سلمت عليهن وهنه هماتين

رحت للمطبخ شفت ريهام كاعده تاكل بسكت وجاي كعدت اكلت وياها شويه وضلينه نسولف خطيه هي حبت تطلعني من حزني وضلت تسولف ويايه وتحجي وتنصح

دخلت هاله لابسه بنطرون كابوي ازرك ولابسه قميص ماروني جريت نفس حتئ ما كلفت نفسها وتلبس شئ محترم وبابا لسه ترابه اخضر...

كالت وهي ترفع اباصابعها....هلاوووو

ابتسمت ريهام...هلاو بيج حبيبتي

اني مجاوبتها هي اخذت مي وضلت تشرب وبعدها اجت كعدت اكلت بسكت واخذت الاستكان مالت الجاي مالتي شربت منه ورجعته اليه

عاد اني شسويت اخذته وشمرته بالسنك وغسلته ورجعت صبيتلي جاي

هي رفعت حاجب كالت...اهااا لهل درجه مقرفه اني

ابتسمت...واكثر والله

جاوبت باستنكار...شمسويتلج اني بايگه خطيبج وما ادري بروحي ليش بله تكرهيني وضالمتني

حطيت ايد علئ ايد...سلامتج ماكو شئ بس عمج شوكت مات اشو ما ادري

ضحكت باستهزاء...ههه هذا الحارك دمج عود لان ما حزنت اولا حبيبتي هو رجال مريض ومعوق ومتبهذل بين اخوانج الطايح حضهم وموته احسن من ضلته

وبعدين يكلبي انتي اصلا ابوج ميت وانتي كاشخه ومحتفله وحتئ ركصتي وهو مصارله شهر اول مره حاسبي نفسج انوب حاسبيني

وكفت بغضب وشمرة الاستكان علئ الارض تناثر الكزاز علئ الارض ...انتي شنووووو من مله لج حيوانه ادبسز لج انتي تدرين بابا ميت وما دكوليلي لييش شنو هل حقد

لهل درجه توصل بيج المواصيل تحرميني من حزني علئ ابويه

ضحكت بصوت عالي...هههههه والله ضحكتيني زوجج يعرف .....ما كلج؟  لو كلج وغلستي ...اصلا انتي وحده انانيه لا يهمج اب ولا ام ولا اخ اهم شئ،عندج نفسج تحبين بس نفسج

وابووج مات وما راضي عنج وامج نكرتج وتبرت منج هي واخوانج من شافوج تتمركصين وابوج لسه ترابه اخضر...

فتحت عيوني بانهيار ياكلبه يا حيوووانه شلون تجذب و دكول بابا ما راضي عني

هجمت عليها بنهيار وقهر وغضب ولزمتها من شعرها سحلتها وهي عرمه ما قصرت لزمت شعري كطعتها تكطع وتصرررررخ بصوت عالي تصيح الحكولي جووليت موتتني...

هي مو جانت لابسه نعال رجليها ما اتاذت بس اني جنت حافيه الكزاز جرح رجليه تجرح...

اجن كلهن يركضن ونويله الحقير كسرت رگبتي الها عود تفارغنه وتصييح...يااا شبيجن صدك جذب وكت عرك وهي خانكتني خنك

عاد اني متت ما كدرت حسيت روحي حتطلع بيد نوال لزمت ايدها وعضيتها حيييل وايدي رجعت توجعني

فارغنه وخالتي ام هاله ضلت تفشر عليه. .العايقه الادبسز  الساقطه انتي شنو وتضربيهن هلوله من ترحين الها ستين فدوه

وخالتي ام فلاح تسكت باختها وهاله تفشر وتصيح اني لميت شعري وباوعلهن بحقد

وهاله تتهدد ولازمينها...والله اليوم اشلحلج تشلح..

ضحكت يسخريه...اي مو كح...

عاد هنه تخبلن هدن عليه احتاريت وين اروح عبالك فياله وهجمن عليه ...

ما اسمع اله صوته رغم خفت بس بنفس الوقت ارتاحييت من صووته

دخل للمطبخ وهو بكل جبروته وعيونه تجدح نااار كال بكل غضب...شكوووو شنو هل مهزله

خالتي ام هاله قدمتله هاله وهنه يتباجن ...شووف هاي جولييت شلون كتلت هاله موتتها تموت وتفشر وتغلط عليها

شلون هاله غلطت علئ احمد هي تخبلت تسودنت عبالك انكرصت

هو باوعلي بغضب اشرلي بعيونه بمعنئ امشي كدامي...

باوعت الهن بخزره ورحت الغرفتي

هو ضل تقريبا ربع ساعه واجه كلت اهووو ترسن راسه راح يكعد يغرد عليه

فتح الباب كمزت من مكاني باوعلي بنظره مستفزه...تخااافيين ؟

رديت ببرود...لا علئ شنو قابل شمسويه

جر نفس كال...ليش تعاركتن

تنهدت ...وحده حيوانه وحقيره وتستاهل ويطبها الف مرض ليكون مقهور عليها الاميره الناعسه

تقرب مني بغضب واني رجعت خايفه لزمني من فكي حييل بحيث شفايفي تجمعت همس من بين اسنانه...انتي شبيييج ما تحبين نفسج تحبين الاهانه شنو مقهور عليها اكسر راسج هسه ...

رديت بعدم مبالاة...كسره عادي

عاد هنا استفزيته حييل هزني بكل قوووه...جولييت اتقي شري لا وحق الله ارجع جاسر القديم علئ شنو محملتني منية علئ شنوووو

ترئ مو اني كتلت ابووج اخووج العار كتل اخووي وبنتي واخوووي

تفتهميين شنوو. لو ارجع اعيييد ترئ اذيتيني واني مريض

نكثت ايدي منه بغضب...شدخلني بييك قابل كتلك انت كتلت بابا اني نفسيتي تعبانه

وهاي جايه تلغي فوك راسي ودكول امج تبرت منج شافتج تركصين وين امي شافتني اركص بعرس وقار ليش تجذب...

باوعلي بعصبية وسكت

بعدها مسح وجهه بتوتر...تعبت حيييل لج والله تعبت ياريت اني متت ولا فلاح المات 

انتي شبييج الئ متئ تضلين هييج تريد تستفزج ليش تصدكيها

بلعت ريكي بغصه...دكول امج نكرتج...تريد تستفزني ادري بيها

مسح وجهي بثنين اديه ورد عليه عبالك طفله...اي تريد تستفزج هاي انتي كلتيها

شهكت بنحيب..دكول ابوج معوق همزين مات...ومات وهو غاضب عليج لا هو ميحبج

مسح الدمعه النزلت علئ،طرف شفتي كال...هي المعووقه...وابوج راضي عنج مو تحلمتي،بي وهو مقهور يكلج كسرتي خاطري لا تبجين

هزيت راسي بأي

غصيت بالكلام...دكول انتي ساقطه وادبسز وعايقه وخطافة زلم

احتدت ملامحه.. لا يا عااار اني طردتها وكلتلها بعد لا تجين ما اريد مشاكل الجولي بسببج

جاوبته بتوتر واني افرك باديه... بس اني هماتين فشرت عليها كلتلها انتي كح...

ضحك...هههه ممجذبه ام مجتبئ ممجذبه هاي حقيقتها بس مره ثانيه لا تفشرين وتنزلين المستواها

رفعت اصبعي بصدق...لا اخر مره والله

سحب اصبعي وباسه كال...اي اكيد اخر مره مره ثانيه اشوهه شفايفج بس تفشرين

تخصرت...لا والله لعد انت مو تفشر عليه اشوو اني ما شوهت شفايفك

ابتسم وحضني بذوبان.. بيج خير شوهيي بس ترئ طريقتي خاصه بالتشويهه واني اريد كون طريقتج مثل طريقتي

رمشت بعيوني بعدم استيعاب...يعني شلون طريقتك خاصه

فتحت عيوني واني ممستوعبه الصار والله لسه جزينه وجرحي ما طاب علئ ابويه اقتحم شفايفي بعنف دفعته بسرعه بس مكدرت ايدي توجعني

ابتعد بارادته وحطيت ايدي علئ شفايفي ومشيت بخجل عنه واني اعرج لزم ايدي كال...شبيها. رجلج تجري دم...

باوعت للارض بيها دم..ماكوو شئ دخلت بيها كزازه

شالني بخفه وخلاني علئ السرير رفع ثوبي الاسود شويه وعكف رجلي وهو صاير دكتور وديريد يشوف الجرح لميت ثوبي عليه...مابيه شئ

عض شفته ...انتظري لا ارجع السالفة التشويهه

سكتت شكد ميستحي جويسر نذل كله عنده تشوهه حتئ رومانسيته

لا والمشكله اني استحي هسه يكولن شبسرعه دخل عندها وشفايفها تغير لونهن...

اكلهم خافن منه ونگلب لونهن والله عيب بابا لسه ميت شكد نذل جاسر...

طلع الكزازه ولفها بشاش مد ايده مشاها علئ ساقي،واني عطت ابتعد بسرعه كال...شبييج ؟

تنفست بقلق ...انت شبييك اديدك دغدغت رجليه

غمزلي كال...جنت ادور اخاف بعد داخله كزازه

هزيت راسي بنفي واني اخفي شعوري تقرب مني وحضني كال...باجر اروح اخذج للدكتور اشوف ايدج وناخذ مجتبئ نغير العلاج اله ليش لحد الان ميمشي

هزيت راسي بقبول

هو حضني وضل يمسح علئ راسي

كتله...اكولك جاسر اخاف تطلع السالفه عليه ترئ اني عضيت نوال بيدها كطمتها كطم

ابتسمت...تولي لزمتني لهاله تريدها تضربني عود دتفاكك بينه بس هي كسرت رگبتي...

كال...عاد عضه بيها خير لو لا

ضحكت...حييييييييييييل اعتقد سن من اسناني ضل بيدها روح جيبه هههه

ضمني الصدره وهو يضحك...ههههه تولي تستاهل الحمد لله رجعت جكليته الاصلها كولة صبرية

كال بهمه...بس صدك ليش ما تعضيني برگبتي اريد اجرب اسنانج

ضربته بخفه...لا لا متهون انت ابو الجهال

ضربني علئ خصري...لا عادي هونيها وداعتج اكيف

تقربت منه دا اعضه وهو مسلطن عاد غيرت المكان وعضيته بخده بس علئ كيف ميهون ابو الجهال

ضحك وضربني علئ كيف مو بالمكان المضبوط بس يالله اول الغيث قطره

ضل شويه يسولف ويايه ويحجي وينصح بيه كال...اني ابوج وما اعرف شنو

بس اني قررت اعيش الخاطر اطفالي ونفسي ومنتظره كسره جبيره تكرهني بي واتخلص من قيوده واغلاله ...

ااااه يا گلبي ما تگدر تجور عليهم...هيج هو الحب...

..................... ..

وقار....

اجت خالتي صبريه عرفت بابو جولييت مات خلت وراحت الها تواسيها...

وطبعا اني وعمتي ام جابر رحنه الها جبرناها واجينه من رجعت جابر سالني عنها

جاوبته من وره خشمي وضجت حييل

يعني اني الئ متئ اضل هييج هو ضل ميتقرب الي ويكول اخذج للدكتوره ومياخذني وميقبل اكول لاهلي،حيرني

وبعدين محد يعرف حتئ امي ورضيه نوال وهاله منين يعرفن اكو سبب اكو لغز شنو السالفه

شويه ورجعت خالتي صبريه وياها ماما رضيه وعمتي ام جابر استغربت كتلهم وين رايحات

ردت صبريه وهي تدخن ..نخطب الجعفر مره بس لا تردنه يضل علئ نوال جنها اني،بشبابي

حطيت ايدي علئ صدري...ياااعزا ونبي جاسر يموته

ماما رضيه كالت...لا هو جاسر كال اخطبوله احنه من البدايه كلنالها نوال يتزوج هو لان ما مقتنع وانتي زوجة اخو واكبر منه كالت اي موافقه

اصلا اني لا احبه ولا اريده بس المهم استقر اني وبناتي

كلتلهن خلي اروح وياجن كالن كولي لجابر وتعالي خطيه كتله وافق بسرعه بدلت بسرعه وخليت مكياج خفيف ورحت وياهن اخذنه جعفر

وخالتي صبريه اخذتنه الطريق كله تدك وتركص وتهلهل وجعفر مشغل الديجي مالة السياره علئ كل صوته ويهلهل احسن من صبريه وكل شويه وخابر صاحبته

وصلنه البيتهم جان بيت قديم وعتيك وترابه دكينه الباب وجعفر خله وراح...

اني طبعا شايفتها من قبل هي بنيه بيضه نااااااااعمه حييل ومعانيها طفوليه الئ درجه

اصلا هي طفلة عمرها 14 سنه

ضلينه كاعدين اجت مره بكد نوال تقريبا سلمت علينه كالت...اني أم شهد

ضلينه نسولف وشويه ودخلت شهد شايله صينيه اكبر منها وهي قصيره والكلاصات تتهزهزن عنه والعصير ونصه متبدي بالصينيه...

خلتهن وقدمت النه اول وحده اني باستني رغم اني كاعده بالنص انوب راحت باوست رضيه كاعده بالطرف رجعت للطرف الثاني باوست ام جابر انوب رجعت الصبريه وكعت بحضنها

صبريه...الله الله يمه بنيتي خجوله جااا شو جعيفر يكول انه وياها دك سوالف

ندزتها رضيه علئ خاصرتها عود لان زوجة ابوها كاعده كالت بترقيع...ههه هااا اكول جاا شلون باجر عكبه تخلصها دك سوالف ويه ابنه جعفر

هي ابتسمت وكعدت صبريه شفطت العصير كله كلتلها...ولج يالبطه شكد عمرج

ردت بهدوء وطفوله...14 داخله بال 15

رضيه ابتسمت الها...يا عيني صغيرونه

مرة ابوها كالت...اي صح هي صغيره بس نادره كوولشي تعرف

اشو هاي مرة ابوها جنها مو راحه الذهب يتخرخش ولابسه ثوب ربع اردان وقصير حيل وطالعه رجليها والشعر اصفر والتاتو...

بس احنه مالنا شغل بيها احنه جايين للبنيه

صبرية ردت...والله خيه هي المكناسه تكنس والغساله تغسل وهي منها الرجلها شنهي نريدها تحرث الزرع لو تحش الحشيش

هي رفعت حاجب...شنو خيه انتي بكد امي كوولي خاله

صبريه ضحكت وركعتها علئ كتفها...ههههههه دهر فرج ضحتيني خايبه وروح امي لو ادك تاتو اطلع اصغر منج بس انه ما مهتمه بروحي

باوعت الشهد...خيبه شهيده منهي احله اني لو مرة ابوووج

شهد بضحكه.  لا طبعا انتي كاريزما وحلوه وشخصيه

صبريه فتحت اديها ...خايبه اغديلج فدوه تعاي ابوسج عوينة اهلي

شهد كمزت بحضن صبريه وصبرية طاحت الها بوس،وتكرص بيها...خايب دهر فرك يجعيفر خووش صايدله صينه ترفه وشحلاتها

عود مثل وجهه الطاوه جنها دجاجه مجمده لا بيها طعم ولا بيها ذائقه بس نفخ

شفت زوجة ابوها ضاجت وهي البنيه فرحانه كلتله رضيه ..بس كون انتي معدله وما تضيعين جعفر من ايدج

جاوبت ببراءة...اي اكييد والله السطح اترسه فراشات اني مو النوع اموت علئ غسل الفراشات

ضحكنه عليها وهي تفاجئت كالت...العفو اني اعتذر اخاف ضوجتكم

كلنالها لا واتفقنه وياها والبنيه طايره من الفرح وصبريه لعبت بيها لعب طلعت رجليها كالت...لا خووش رجلين مو معصعصه بيضه ومدبدبه

انوب كلتلها فتحيلي شعرج فتحت شعري ما شاء الله كوولش حلووو

زوجة ابوها كالت...نحجي ويه ابوها ونرد الكم خبر

رجعنه للبيت وصبريه تدك وتركص جبنالك ورده اشتم بيها بس كون الورده تداريها...

كلناله بس ترئ هي مقبلت تبطل من مدرستها هي صح فاصليها بس ابوها مرجعها للمدرسه وناقلها بغير مدرسه بس ما عرفنه ليش مفصوله

عاد هو كال.. يابه شوفيرها اني اخط واجيبها للمدرسه تتدلل بس خلي اتزوج طكت روحي بس نويله تفتر عليه جنها رمح وحشي بفلم الحمزه..

ضلينه نضحك ماما رضيه رادت تروح البيت اهلي عاد اني كلتلها اروح وياج كلت لجابر كال روحي وباليل اجيج

خليت ورحت ضلينه يمهم رحت كعدت ويه رهومه نسولف و نضحك انقهرت عليها من عرفت سقطت

بس اهلها جانوا يعرفون ان شاء الله ربي يعوضها...

شويه واندك الباب رحت فتحت الباب اني محد جان من الولد...

شفت ثنين نسوان وحده سمينه خشنه لهجتها تختلف والثانيه ناعمه وحلوه استغربت هذن منوو

نهاية البارت....يتبع

كونوا انتم كونوا بخير....احبكم 💔

نور سمو العراق 😘

لا تنسوا التصويت لان النشر.يعتمد عليه

والبارحه منشرت احتراما ليلة الوحشه ان شاء الله اعوضكم ادللوا...واصلا اني جنت بالزياره زرت ودعيت الكم ❤

كل الصور والتصاميم من ابداع طلحه 😍😍
Talha-25-3