رواية #جوليت وأسرها.... الفصل الثاني والخمسون 52 - بقلم الكاتبه سمو العراق

البارت 38
رواية...جولييت واسرها...غياهب الإنتقام
بقلمي...نور سمو العراق

💔💔💔💔💔💔💔💔💔💔💔

الك حنيت يابويه أعلى بختك كوم
عفتني ويتمتني وضاع عنواني
افز من نومي وأسمع صوتك المهموم
افكدك وارجع أغرك وي احزاني
صرت أنعاك وأبجي عليك من دموم
واني القلم صار اليوم ينعاني
ردت أشريك بس شبيدي ع المقسوم
يالفركاك هبط راسي وآذاني
بس انت أصبحت طير بجنااان يحوم
وهذا الذي مسكن نوحي واشجاني

.................................

تنوية...هلاو بنات لا تنسون التصويت لان النشر يعتمد علئ تصويتكم بعد ما انشر اله اشوف التصويت صاعد بأمر من صبريه..

ادري صايره جاسيه عبن من رافگ لگوم اربعين يوم صار مثلهم وانه مرافگه جويسر صار اكثر من اربعين يوم...💔

.............
جولييت...

اذا اريد احجي عن ابويه فاني دا احجي عن الجنه ابويه ملك ابويه تاج علئ راس الزمن ...

لو خيروني شنو تقدمين هديه الابوج والله اقدمله كل عمري بدون تردد

ابويه اذا طلبت منه نجمه يجيبله السماء كلها...

ابويه مااات ومات گلبي،ويااااه.  

بعد ما نطقت نوال اخر جمله كسرت كلبي بيها ولا اهتمت لروحي،وجوارحي

تركتها ومشيت بخطوات كلها يأس وألم اعرفها جذااابه تجذب عليه بس،تريد تحرگ گلبي وتعذبني

ابويه ما يتركني الوحدي اكيد يفكر شلون يرجعني اكيد مشتاقلي،وميت عليه ابوويه ما ماااات

حطيت ايدي علئ مقبض الباب بيد ترجف ترددت ادخل وأسأله اخاف ياكد علئ كلام ويكسر خاطري وامنياتي....

فتحت الباب والدموع تنساب بغزاره علئ خدودي شفته ديلبس بقميصه والشاش لحد الان ملفوف علئ صدره...

استغرب من شاف دموعي هز راسه بمعنئ شكوو؟

رجفت شفايفي وروحي ذاابت همست بتعب...جج جاسر صص صدك بابا ماااات

حسيته عبالك انضرب صاعقه بسرعه تغيرت ملامح وجهه وما تكلم

معدتي وجعتي وبطني حسيته تكطعت يعني فعلا كلام نوال يعني بااابا ماااات

تقربت منه ورجليه تتخبط علئ الارض ما اكدر امشي لزمت ايده بتوسل ضليت ما اشوفه من كثر الدموع...جاااسر ريحني فدوووه بابا صدك مااات

ضل مركز بعيوني،واني انتظر اجابه منه حتئ،لو جانت اجابه كااذبه همس بيأس.. تردين اجذب عليج

حسيت الزمن توقف عندي كلبي،وكف روحي انسلبت مني،وتجردت من معنئ الفرح هزيت راسي بانهيار...ايييي اييي جذب عليه ابوس ايدك جذب عليه لا دكووول ابووج مااات...

لزمني من اكتافي من حس،بانهياري...انا لله وانا اليه راجعون ...

وكعت علئ الارض من هووول الصدمه حطيت ايدي،علئ راسي...لاااااااا بااااابا جذذذذب بابا،ما مااات اريد اهلي اررريد ابووووويه ..

اشرت علئ صدري بقهر...لك قبل كم يووم واني اعاتب ابويه اكله وصيتمن بيه يابه ابو وقار ميت وكلها تهابها وانت عدل واني محد يحترمني

اثاري ابوي ميت واني اشكي منه وكاعده بحضنك

انت شنو من بشر كلبك وييييييين

كعد قريب مني ولزم ايدي كال...جولييت كولي،يالله هذا قضاء الله وقدره لا تعترضين علئ حكم رب العالمين ...

دفعته بشراسه وغضب افتريت بالغرفه بضياع اريد اصدك بابا صدك مااات مات واني ما ادري،ماات واني،مشايفته ولا منوره عيوني بي

مااات واني انتضر اشوووفه

ضربت علئ صدري بقووة واني اصررخ والطم ...لاااا بابا لاااا مو هيج الوداع لا والله ما اسامحك ليش يابه ليش ما انتظرتني

اجت رضيه وريهام وخالتي علئ صوت صريخه كالت رضيه بخووف ...شكووو

ضحكت بهستريه والدموع تتطافر من عيوني ..ابويه مااات بابا مات تعالوا يالله تشمتوا بيه صرت يتيمه يالله استحگروني اكثر ابوو جولييت ماات

ريهام حطت ايدها علئ شفايفها بصدمه وماما رضيه لطمت صدرها بقهر...ياااا عزااا

تقربت مني تواسيني صرخت بوجهه بصوت عالي...لا تتقربين مني لحد يواسيني علئ بابا لحد يصبرني لحد يكول البقية بحياتج

ملخت شعري بعصبية...باااابا بابا حبيبي اررررريد بابا

تقرب مني بحزن وبلع ريكه بتوتر راد يلزمني وكال.. اني بابا

سحبت ايدي منه بغضب...لااااااا انت مو بابا محد ياخذ مكان ابووويه اكرهكم كلكم اكررررهك اخذني لاهلي اريييد امي

لزمته من ياخت قميصه بنهيار وانذباح...رجعني الاهلي رجعني

باوعت الأنحاء وجهه الجامده شفت ردة فعل مستحيل ياخذني الهم ...

لهذا السبب اعلنت عصياني وانهياري صرت مثل الطير المذبوح اصررخ والطم الوحدي بانحاء الغرفه

ريهام كالت بنحيب...جولييت الله يرحمه لا تسووين بروحج هييج

انهاريت انهيار عظيم تكسرت كل اشلائي من قهرني وحزني ومن سمعت الله يرحمه ضربت ايدي بقسوه بحافة الكنتور...

حسيت العظم طك وانكسر هم تخبلوا كلها ركضت عليه وهو جان اول واحد حضني رغم مقاومتي العنيفه جنت رافضه حضنه وأصرخ بهستريه وايدي احسها انخلعت من مكانها...

ارتعش جسمي بين احضانه ويبس كل جسمي اهتز جسمي داخل حضنه واحس دا افقد الوعي شويه شويه ما اسمع منه بس يكول جيبي مي بسرررعه راح تفقد وعيها...

وفعلا فقدت الوعي بعد ما حسيت مثل لتعرضت الصعقه كهربائيه قويه...

....

ريهام

جنت كاعده ارتب بالكنتور وصلاح مموجود بالدوام الحمد لله شويه صحتي تحسنت وصلاح ممقصر يجيب عسل ودبس يكول زين لللابوصفار

بس استغربت شلون اخذ علاج واضرب ابر وما يتعرض الطفل الشي معقوله فقدت الطفل وما يحجون اشو ساكتين

بس ما اعتقد لااا اني حامل اكيييد

تنهد بهدوء ما اسمع اله صرررخه قووويه طلعت بسرعه اركض وماما رضيه وعمتي هماتين طلعت تركض عبالنه جاسر كتل جولييت

بس نسمع صوتها دكول بابا مااات بصراحه حسيت ابويه المات اسم الله عليه رجف جسمي بقووه ودخلنه عليها...

لكناها منهاره وكل حسرة تطلع منها بالمليون ااااه

ردنه نحتضنها بس هي متخبله وتبجي وتلطم وبعدها ضربت ايدها بالحافة مالت الكنتور بحيث الصووت طلع مالت الضربه

خطيه جاسر ركض عليها لكن سرعان ما انتفضت و وكعت طريحة مثل عصفور مذبووح

صرخ بينه جاااسر راد مي الها ركضت اني بسرعه جبت مي واجيت اركض  انطيته اله

هو بلل اصابعه وبعدها رش شويه علئ وجهها ما جانت الها اي ردة فعل واكعه والاهداب غارگه بالدموع

حط اديه جوه رجليها وايد علئ خصرها وشالها باوعت عليها حسيت بي توجع لان هو خطيه مصار هوايه من طلع من العمليه اقل من شهر تقريبا 

خطيه جانت بدون حجاب ولا عبايه ركضت فتحت الكنتور مالتي جبت الها حجاب وصايه

خليته علئ راسها وهو شايلها وماما رضيه اخذت الصايه وراحت تركض

واطفالها خبصوا الامه بس يصرخون عليها ضليت محتاره بيهم اسكت منو واعوف منو

نوال جانت كاعده علئ الدرج وتخابر كالت...اي شمدريني نسيت يمعوده ديله اول وتالي حتعرف قابل اول وحده يموت ابوها

هذن بناتي مات ابوهن وهو يسوه ابوها وعشيرتها

ضليت محتاره اسكت منو واعوف منوو ..

الحمد لله اجه صلاح واخذ مرتضئ مني ضل يسكت بي وكال...امهم ويين ليش هيج ضالين

سولفت اله عنها وهو كال.  انا لله وانا اليه راجعون  الله يرحمه ..

نومتهم وطلعت اصب غدا الصلاح شفت نوال لابسه عبايتها وامها واكفه بصفها سلمت علئ المره وهنه خلن وراحن ما اعرف وين راحت...

صبيت الغدا الصلاح ضل ياكل ويسولف ويايه ويسأل عن صحتي

واني،جاوبه وبعدها خابر علئ،جاسر وكله....راح اجيكم شلون صارت مرتك...اهااا تمام الله يكون بعونها...

كتله بخوف...هاااا بشر شلونها

جر نفس وضم موبايله...ماخذيها بالطوارئ صايره عندها صدمه مدري صرع مسويلها مفراس وتحاليل

خطيه انقهرت عليها وهو خله وراح...

طبعا اني احبها جولييت رغم عمتي ام فلاح متقبل اكعد يمها دكول من اشوفها اشوف اخوها...

بس اني احبها لان والله فطيره مرات تموتني ضحك ومرات اضل ابجي عليها...

اموت عليها من تجفص وهي تخاف من جاسر انوب تريد تطلع نفسها ما تكدر تضل تمتمت

الله يساعدها اني مره وحده رزلني صلاح تخبلت وحز بخاطري لعد هي شلون متحملة من الكل

مره ضحكتني دكول جنت طفله عمري 12 سنه واجه جاسر هو وابو النه جان بيها العرس مال اخو هاله واجونه

فامي كالت روحي سوي جاي اني سويته واجيت دخلت امي كالت ..بوسي عمج الشيخ

اجت بست شيخ مهيوب ورحت ركضت بست جاسر

خطيه بيومها ضل مصدوم واني بيومها طحتله بووس شلوونك شييخ شلون صحتك

امي اجت وسحبتني منه وشيخ مهيوب ضحك بثقل كلها...يالله ام عاصم طفله ما تفهم

ام جانت فشلانه واني خليت وطلعت بعد ما طردتني امي

اشو بس طلعوا وامي عفاريتها اشتغلت لزمتني بنعالها كتلني كتله وهي،تصيح. .ولج يالثوله يالمطيه شلون تبوسين ابن خالتج

كتله ببكاء...شمدريني عبالي هم شيخ

هو اعتقد جان هسه متزوج شام وفعلا جاسر جان مقيم بسوريا...

ودكول من اجه ابويه وشافني زعلانه تعارك ويه امي كلتله امي باست الولد

كلها...اي علميها مو تضربينها هي طفله كليلها عييب مو تطيحيلها كفخات قربي بنتج منج حتئ،بعد ما تخاف منج وتضم عليج...

اني شهكت بنحيب...والله بابا شمدريني غير هي كالت بوسي الشيخ كلت عيب،ابوس،واحد واخلي،واحد بسته

دكول...هو سحبني،من ايدي وخلاني بحضنه باسني،بخدي كال...لا باباتي عيب هو ولد شاب ما يصير تبوسي الشيخ لان رجال كبير وانتي بكد بناته عادي

مسح علئ وجهه كال...كافي،لا تبجين ميخالف امج قابل تكرهج اكيد تريد مصلحتج

ماما كالت ..لا شلون اكرهه بس صدمتني وحتئ هو جاسر انصدم حاضنته وطايحتله بووووس

غطيت اديه بوجهي خجلانه.  والله مو قصدي والله

جنت اضحك عليها وغمزلها اكولها...جولييت قصدج لو مو قصدج صدك

تضحك دكول.... لا خيه بيني،وبينج كلت فرصه خلي ابوووسه ليش احرم نفسي من لحية الحلوه وبوساتي كولهن بلحيته ههههه

ضربتها بمرح...عزااا بعينج طلعتي ما تنكدرين

جرت نفس...لا والله رهومه شبيج جنت صغيره ويني،وين البوس ضليت يومين ابجي متندمه لان بسته وطلع هل شئ،غلط انوب طلع متزوج هههه

رجعت من واقعي خطيه مسكينه هي تحبه بس،تكابر وهو ما اعرف اذا يحبها او لا بس،تصرفاته دكول اله مشاعر بداخله الها. 

........................

جولييت...

فتحت عيوني احس بنغزات بعيوني باوعت الايدي لكيتها مجبسه وهو واكف علئ الشباك مال غرفة المستشفئ ويدخن...

اريد اعاتب بس منو اعاتب منووو؟

اعاتب الذلي وكسر مشاعري ...منوو الي كسروا سعادتي وحرموني من أبسط حقوقي

ذكريات قاتله تفرض ابتسامه خاسره علئ شفايفي...

اي فعلا اني خسرت روحي قبل لا اخسر اهلي وزوجي

تقرب مني وباسني براسي ولمس خدي بحنية بس احس هل لمسات قاسيه مثل سهم مسموم

احس يصرخ احساس الذل وجرح الخذلان بداخلي بكلمة وحده وهي اكرررهكم اكرهك انت واخواني سوه. 

سلاما عليك يا كاسر تساقطت اورق حياتي وحده وره الثانيه كدام بابك وانت مثل الحجر ما اهتميت لاي ورقه من أوراقي الحزينه

درت وجهي زعلانه منه اخذ ايدي المجبسه وباسها همس بهدوء.  البقاء لله وان شاء الله ماوئ الجنه

ضليت دايره وجهي،وما احجي وياه حط ودار وجهي عليه غمضت عيوني،ما اريد اشووفه

حسيت  بتنهيدتة اخترقت گلبي جر نفس كال....شبيج جولييت قابل اني كاتل ابووج هو مات خلي يرتاح من اخوانج الأنذال ارحم واحسن اله

عصرت عيوني،باسئ محد غيره نذل شلون يجرحني ويذلني،بذكر اخواني ضربته بقوه علئ ايده بيدي المكسوره

وفتحت عيوني بعذاااب من الوجع بنبرة موجعة تسكن خلفها ملايين الاهات ..

لزم ايدي بغضب وقلق...لج شبييج جولييت تخبلتي ايدج راح تسكط اذا مو لخاطر نفسج لخاطر اطفالج

استغرب مني احتضن وجهي بثنين اديه وركز بعيوني،وهو يريد يفسر تصرفاتي همس بعذاب.. جولييت شبييج ليش متحجين

رفعت اكتافي بمعنئ ما اعرف

ضمني الصدره باقوئ ما عنده واني،بجيت بين احضان صدره باسئ وعذاب وشهكات احسه تعذبه وتانب ضميره ورغم كوول هذا بس ما قبل ياخذني الامي،

دخلت رضيه وخالتي،تحمدن الي بالسلامه

امه كلتله بجمود...خلي تروح الاهلها

رغم حزني لكن الفرحه دخلت لاعماق گلبي وتسللت لروحي

لكن رجع كسرني،من كال بكل جمود ..لاااا

غمضت عيوني بانكسار ورجعت النوبة الحزن خبيث كلب حيوووان ان شاء الله اموت واخلص منك عذبتني.. ..

كتبولنه خروج وطلعت بس جنت اببد ما طايقته رغم حنيته الغير مقبوله ورغم كل شويه محتضني

......................

ريهام ..

كعد مرتضئ سويتله ممه دا ارضع بي،واجه جعفر دخل جنت كاعده بالصاله

سجئ جانت نايمه علئ القنفه وتلعب بموبايل ما اعرف مالة منوو

كعد جعفر نزع حذائه كال لسجئ.  وين امج ام براطم

ردت باستنكار...لا تغلط علئ امي اصلا حلكها يخبل

باوعلها بقرف...لا يهلكج انتي وامج صدك لو كالو ابن الوز عوام نفس التربية هسه كولي وين ولت

ردت بغرور...اجت بيبي وراحت هي،وياها

هو تعصب كلها...وامج من تطلع ما دكول خلي اكول لهذا المطي وين اروح وين اولي لو بس تحط عبايتها وطارت جنها حصيني. 

سجئ باستغراب ..منو المطي

اشر علئ روحه بغضب ..اني مطي وحماااار لان تزوجت وحده مثل امج

سجئ بثول....هاااا عبالي مدري منو

باوع للموبايل كلها..تعالي هذا موبايلمن بالله

ضحكت ...موبايلي ماما اشترته اليه

وكف واخذه منها هو يباوع واحتدت ملامحه كلها . ولج هذا منووو

بلعت ريكي،بخووف.. ما ادري هو راسلني علئ الانستا

عاد جعفر تخبل لزم الموبايل و ركعة بالكاع فلشه تفلش

لزمها من شعرها وهزها بقوه...ولج حيوانه شنو هل حجي وين هاي،امج الدايحه البعيره مخليتج علئ حل شعرج كون هي الميته وضال فلاح

هي دخلت نوال بيدها علاكه لافتها بيدها من شافت سجئ بيد جعفر تخبلت اجت هجمت عليه ..هييي،هييي شبيك ويه سجاوي الله ينتقم منك

هو لزمها من ايدها حييل كلها  بعصبية...شوفي بنتج ام الموبايلات شمسويه

تخصرت كالت...اي وشنوو وحد مو هاي صاحبتك ام الولد شهيده

هو لوه ايدها وره ضهرها وهي انحت بدلع.  اوووي اووي ايدي وجعتني

هزها بقوه وغضب...اكلي تبن ولا تدلعين جنج حبوبتي الله يرحمها باخر ايامها وتتدلعين عليه

عاد هو دفعها وهي اخذت بنتها كفخات ودخلت جوه انوب اجت تركض اخذت العلاكه وراحت

جعفر فرك ايده بوجع وعصبية.. ياربي شمسوي اني حتئ ابتلي بهيج بلوه صح اني ما اصلي ولا اصوم واشرب بس،والله مو مال اتزوج نويله

لو شامريني بالزفير وكاعد مدخن ويه كفار قريش ولا هل بلوه والله مو حاله احس راح انتحر

همست...استغفر ربك وصلي وان شاء الله تفرج عنك

باوعلي بعتب كال...لو كاتلي نبي وذابحلي وصي ما يصير بيه هييج صدك جذب احس امي تدعي عليه بصلاة الفجر

كلت بلكي،يحس بتأنيب الضمير كتله...عمو مات وما راضي عليك

باوعلي باستهزاء...خلي لا يرضئ دخلي ارضي ربي انوب افكر ارضي ابوووي والله اني الما راضي عليه يوم الخلفني وجابني الهاي العائله الطايح حضها زوجوني نويله ما ابريهم الذمه ليوم الدين

خله وراح للمطبخ شويه وطلعت نوال كالت وين جعفر كتلها بالمطبخ خلت وراحت

اتاخرت كلت يمه شنوو ذبحها خلت ورحت شفتها حاضنته وتبوس بي،

عاد اني خليت وانهزمت خجلانه ومستحيه من نفسي

شويه واجت جولييت رحت بستها جانت روح بدون جسد وحتئ اطفالها ما رادتهم كوولش انقهرت عليها. 

ما قبلت تروح بغرفته عاد فرشت الها بغرفتها وغطيتها وهي ماخذه مسكن ومنوم فنامت اول ما وصلت

.......................

وقار...

جنت بالمطبخ دا اغسل بالمواعين رغم ايدي،اتعيقني بس اغسل باليسرئ والزم الماعون بطرف اصبعي الوحيد الموجود باليمنئ...

حسيت بشخص طووق خصري واختضني باسني بخدي من فشلتي من ايدي وكع الماعون من ايدي تكسر الي اجزاء

عاد جابر تخبل سحبني كعدني علئ الكرسي ومسح علئ شعري وهو يتدارك الموقف....ههه هيج حضني،حلو بحيث شمرتي شنو بيدج وسرحتي بي

ابتسمت ومجاوبته

هو دنك ديشيل بالكزاز وشمره بالزبل ...

انتبهت الشغله اني مكايله لاي،احد ان اني من تقرب مني جابر ماكو اثار عذريه

هاله منين عرفت وشلون دكول نوال كلتلها زين نوال منين سمعت اني محجيت لا الامي ولا الرضيه

اكو لغز محيرني وديثبت شكوكي معقوله جابر هو كال الجولييت استغفر الله بس هاله مكالت جولييت هي الحجت

زين ليش جابر ساكت عن هل موضوع هاي اكثر من مرتين يتقرب مني احس بوجع لا يطاق وبعدها يتركني وما يتبين اي شئ

هو كال ان شاء الله اخذج للدكتوره احتمال الغشاء مطاط

همست بهدوء...جااابر شنو رايك بجولييت زوجة اخويه

ضحك بسرعه كال...والله ورده حبابه خوووش بنيه

تنهد بضيق اردف بجمود...بس مسكينه ما عندها حض كل شخص تخلي ثقتها بي،يطيح حضها

ابتسمت بقهر...وانت هم طيحت حضها؟ لو قصدك علئ اخويه

عقد حواجبه. .اني شدخلني ليش طيحت حضها؟ وبعدين اني اكيد ما اقصد علئ جاسر لان هي وجاسر واحد يداوي الثاني هي انحرمت من ابوها وهو انحرم من بنته

وان شاء الله هو يعوضها عن ابوها وهي تعوضه عن غزل

وكفت بذهول...ابوهاااا ماااات ؟

هز راسع بأي وتتالت وراها حسرات من جمر لاهب

همست ..انا  لله وانا اليه راجعون الله يرحمه

بعدها خابر عليه جاسر وكله.  اوك ان شاء الله جايك يم الجسر تمام...

قفلت الخط لزمني باسني بشفايفي وغمض عيونه همس ..ترئ احببج شيلي الاوهام من راسج

ورجع باسني بخدي وخله وطلع واني صرت بين دوامه بين هل كم الهائل من الاحداث والتخيلات

..........................

جابر....

وصلت للجسر لكيت جاسر واكف قريب من الشط ويتامله بسرحان ويدخن

تنهدت اجيت سلمت عليه وهو رد السلام ضلينه نسولف اني وياه

كتله...شلون عرفت ابوها مات انت كلتلها؟

سحب نفس من الجكاره عميق كال.  لا يابه مو هيج هي وجه الطاوة كولة جعفر اكيد هاله السافله كلتلها

كتله بثقه...واني متاكد هاله هي الي حرضت اهل جوليتت عليها ولهذا السبب ميردوها

رد بغضب...عساهم لا رادوها والله يسوون فضل اني،بيني،وبينهم حاجز وجولييت اريدها بس اليه

جريت نفس واخذت الجكاره من ايده ...تحبها؟

باوعلي بغمووض ورجع طلع جكاره ثانيه ودخنها كال...اجذب عليك اذا كتلك ما احبها بس بصراحه شام لحد الان ما تطلع من راسي

تدري اول ايام عرسي من ام مرتضئ،اخربط اريد اكول جولييت اكول شام

شكد احس بيها تتحسس بس جنت متعود الحمد لله كدرت اتخطئ هل خطوه بس طلعلي النذل عاصم وحق الله لو يضل يوم بعمري اله اكتله

جريت نفس ...والله اذا جانت بكلبي،رحمه تجاها بعد كلامه عن ام مرتضئ اتمنئ اني اقتله

ضحك باستهزاء ...هههه عاصم حصتي لك تدري والله اليوم انكسرت الكسرتها لو تشوفها تكسر الخاطر

انوب ضربت ايدها وكسرتها وصبيتها الها وحالتها حاله انوب ضلت لا تحجي ولا دكول وبداية صرع متبهذلت تبهذل

جريت نفس...الله يكون بعونها اخذها للنجف خلي تزور ابوها بلكي ترتاح شويه

اخذ نفس من جكارته كال...تمام ان شاء الله اخابر عمها واخذها بس اندل الدفان

كملت بهدوء...زين ما حجيت ويه نوال كلتلها ليش حجت الها عن موت ابوها او كلت لجعفر يحاسبها

ضحك باستهزاء....ههههه لك شنو أحاسبها هاي مينفع وياها الضرب ...ضرب المره بالمره والله اله ازوج جعفر عليها

اردف وهو يعقد حواجبه...هو يحبله وحده بس هاي الوحده اعوذ بالله منها هي،صح طفله بس وكحه اجت النه جعفر زعلان منها لان معلقه لممثل اجنبي مدري شنو تافهه وهو اخس منها...

كلت اسال عن عائلتها اذا طلعوا خوش عائله ازوجها اله والله كريم حتئ لو طفله هم تزوجت ام مرتضئ طفله

جر نفس حزين.  بس كبرت عن سنينها سنين صارت عجوز بجسم طفله ...

همست بحزن...الله يعينها

جاسر...لحد الان كلام اخوها يطرب باذني كلها ما عندها اخوه كلها امج تبرت منج

واسمعه يكلها كليله يمه كووولي ما اريده ونكرتها

الصدمني اكثر كلام امها معقوله تنكرها...

خلي يولون لا يردونها خليهم ينكروها اني الها واني الاطيب كل اجروحها...

كال...يالله جابر اني رايح عود جيبلنه وقار ترئ مشتاقيلها...

ابتسمت بذبول.. ان شاء الله كم يوم اجيبها

سلم عليه وبعدها راح واني ركبت سيارتي ورحت همست ...الله يحنن كلبه عليها...

..............................

جولييت

حالة سكوون عايشه بيها،ظلام بظلام محاوطني اعتزلت عن العالم وعن كووولشي اكل ما اكل وكل شويه وهو شدلي مغذي زرف اديه تزرف صرت ما احس

الوجع الي،بكلبي اقوه الصمت هو ملاذي والسكوت احسن من الكلام شكد حجيت وتوسلت محد نصفني،لذلك فضلت السكوت ولساني،ما يطخ اللسانهم مدام ابويه مات وهو ما شايفني

همست بعذاب...ابووويه مات بحسرتي

انفتح الباب شفت طيفه واني بالضلمه مد ايده علئ الدكمه وفتح الضوه باوعلي شافني كاعده بالزاويه مالت الغرفه وحاضنه رجليه الصدري...

جر نفس عميق واجه تقرب مني كعد بصفي واحتضني،من اكتافي حسيت بوجع بيدي الي،مجبسه بس ما بدرت مني اي ردة فعل

هو حس علئ نفسه وابتعد شويه جر نفس ولزم ايدي بحنان كال...الي متئ تضلين هيج الجزع حرام وتتحاسبين عليه

ضحكت بداخل نفسي الجزع بس،من ناحيتي حرام

مسح علئ شعري باسئ كال...ليش هيج تتصرفين راح تموتين باعي،وجهج جلد وعظم اطفالج شنو ذنبهم هاملتهم وهامله نفسج الئ متئ

دفعت ايد بعصبيه ومجاوبته...وضليت مركزه بالفراغ يمسح علئ راسي صرت يتيمه وهو يريد ياخذ مكان ابويه بعد ما عذبني وحرمني منهم

ولحد الان قاسي،واناني ومجرم ابويه مات وما يقبل ياخذني اواسي امي وتواسيني بس اريد اعرف شغله وحده شنو من گلب شاااايل

يعني ما اكسر خاطره والله دينكسر خاطري علئ نفسي ابجي علئ روحي

ابجي علئ جولييت المكسوره النايمه بغرفة مثل السرداب الاظلم و محد اهتم لحالها....

وهو اببد ولا تزحزح ولا ينكسر خاطره ظلمني حييل دمروني كلهم صرت رماد انثئ ما افييد ولا الي،اي،فايده..

كرهت روحي واطفالي وكرهته...... ابويه مات وماشفته وباجر امي تموت وهماتين ما اشوفه

شفته منهم ظلم مثل سنين يعقوب بالفراگ والفقدان عيوني جفت من الدمع

تنهد بقهر كال...قابل انتي اول وحده يموت ابوها اني يوم واحد مات ابوي،واخوي وبنتي حتئ لو جبل جان تصدع وانهار

هاي وقار مسكينه مثلج مات ابوي،وتركها وهي بامس الحاجه اله فاقده ايدها وتحس بنقص بس ما سوت مثلج لان تعرف الموت حق

باوعتله بحددده الكاسر يستفز وينطق الحجر واني الحالفه ما يطخ الساني علئ السانهم...

ابتسمت بقهر وتكلمت بصعوبه وبعبره...لا تقارن وقار بيه وقار حضرت فاتحة ابوها

وقار اخوتها سانديها ويواسوها ويحضنوها ويطيبون من خاطرها

وقار ما مكسوره مثلي،وقار اختها وامها وكل اقاربها شاركنها بحزنها ...

اشرت علئ نفسي بضياع...بس اني،ويني من نفسي منو الشاركني منو الواساني علئ ابويه شهر يا ظالم شهر تعرف وما دكول ابووج مااات

تسولف وعايش حياتك وما دكولي يا مهضومه ابووج مااات البسي،اسود علئ الاقل احتراما المصاب ابووج

تقبلها علئ اختك تحضر عرس وابوها ما صار كم اسبوع من مااات ليش احضر عرس اختك ومبدله وكاشخه وابويه جوه التراب

ليش ابوك وحد وابويه وحد ...

ليش ابويه ما تعب ما تغير لونه من الشمس وهو يشتغل حتئ يوفر شنو احتاجه

انت ابوو. وتعرف البنيه شكد عزيزه وانت مفارك بنتك ليش حرمتني من ابويه وخليته بحسرتي

شلون انطاك كلبك تاخذني من حضن امي وابويه وتحرمني منهم لهلدرجه اني عثرة بحياتك وتريد تاخذ ثارك مني

رد بصوت مختنك...ارضي بواقعج جولييت ما اريد اكسر خاطرج اكثر

واحاول اصحح لصار بيج بس اهلج من مااات ابوج سافروا اني وين اخذج الهم

اخذج لابوج اخذ للقبر تزورينه وتحتضنين قبره هذا كل الي اكدر اسوي

باوعتله بحزن...ما قصرت والله تاخذني لابويه بعد ما مات ومن جان موجود حرمتني منه

تعصب كال...ليش تخلين لحق بس عليه ترئ اخووج العار كتله رجع اهلك وما قبل يخاف يرجعون ويجفصون هو ويين

درت وجهي بحقد ...هذا مو عذر

دار  وجهي عليه وعض شفته باسئ...لج بابا افهميني الصار مو بس اني مسؤؤل عنه

دفعت ايده بقهر...لا دكول بابا انت مو ابويه

احتضني بذوبان...اكييد مو ابووج اني زوجج

خفت منه وابتعدت بسرعه وكفت وصرت افتر بالفرفه بضياع مثل وحده عميه وبعدها درت وجهي عليه كتله بحزن ونحيب...اخذني القبر بابا

حط ايده علئ،صدره كال...بعيوني وتدللين

بلعت ريكي،من حنيته...هسسه ارييد؟

وكف وتقرب مني...هسه هسسه يالله حضري نفسج

رحت اركض غسلت وجهي بسرعه وهو طلع بره ايدي مكدرت منها لان مجبسه حاولت اطلع ملابس طشرتهن كلهن

نزعت ثوبي بيدي الثانيه وهو دخل حطيت ثوبي علئ صدري

هو تقرب مني اخذ الثوب وساعدني البسه رغم رفضي الكبير باسني بطرف كتفي العاري وابتعد عني ببرود

رجف كل جسمي ..ما اريد هل حنيه ابويه مات وقلبي،مات وياه بعد ما اريد لا حب ولا حنيه

ساعدني لبست الصايه ولف الحجاب اليه

ولبست حذائي وطلعت اجت ماما باستني هي وريهام خطيه ابد ما قصرن ويايه

جابت اطفالي حضنتهم وبجيت علئ صدرهم بحرقة قلب

كالت ماما...روحي وان شاء ادير بالي عليهم

دخلت للمطبخ اجت ورايه نوال كالت...اووي حبيبتي انكسر خاطري والله الابو عزيز

البقيه بحياتج وان شاء الله خاتمة الاحزان

همست بدون  نفس.  شكرا

كالت بتوسل...اكلج اخذي،وياج بناتي يرحن يزورن ابوهن سجاوي وضحاوي يدبرن امرهن بس رقيه راح اخليلج حفاظات الها وملابس

هزيت راسي بأي

هي راحت تركض تحضرهن واجه جاسر كال...نروح لو عندج شئ

رديت ببرود...لا ما عندي امشينه

خلينه ورحنه وصلنه نص الطريق كتله...عود بنات فلاح رادن يجن ويانه نسيت اكولك هي نوال كالت اخذيهن

رد بعصبية...انعل ابوها لابو الخلفها وين راح اتونس،وماخذ بناتها وبعدين كم مره راحت للزياره ما تاخذهن وياها يبهذلنها خلف الله علئ امي تاخذهن

اني اروح احتار بالمميات والحفاظات والجو حار

سكتت مجاوبته شدخلني بيهم اروح احتار ببناتها واحفظ واني ايدي مكسوره وتعالي شيليهن

مسافة الطريق خلصتها نووم...

وصلنه للنجف هو خلصها يخابر ويسال شفت القبور كلها قبور عتيكه وجدد وهدوووء

بجيت بصووت عالي .. ابويه حبيبي نايم هنا بهل رمله الحاااره واني الي جنت من ينام استمع الانفاسه حتئ اشوفه ما مات وبعد بي نفس

اووف يابه مفاركتك اكثر من سنه كااامله وتاليها تموت واني مشايفتك

نزلنه عند القبور وهو صف سيارته صرخت بصوت حزيين واني ادور واركض بين القبور...ويينك بابا بابا اني جولييت عزيزتك يابه اجيتك اركض ملهووفه

وكعت اكثر من مره وهو وكفني مشاني بخطوات هادئه

اشر اليه علئ قبر جدييد مصار هوايه باوعت الدموع  حجبت عندي الرؤيه مسحت دموعي بقسوه

واني اقره اسمه اووف يااابه صرخت بصوت عانق السماء....بااااابا ولك يابه ليش عفتيني ليش يابه ليش ما خليتني اودع واشمك يااابه

ضربت بايدي علئ كبره والكاع ما شايلتني ...يا صاحبي يابابا يا حبيبي كوووم اكعدلي شوفني اجييتك

والله متت من القهر ومن الحزن محد نصفني يالحنيين محد مسح دموعي يابه

تلگاني فدوه اروحلك جنت اتمنئ اسمع منك كلمة مبروووك خلفت ثنين ولد وانت ماكوو وينك عني يالحنيين

احتضني جاسر كال...كافي جولييت راح تموتيين

باوعت لابويه بعتب...شوفه يابه حتئ من البجي عليك حرمني ما يريدني ابجي عليك

شحجيلك يابه من يوم الفاركت حضنك واني الفرح زاعلني

همست بخفوت...مو كتله حطها بعيونك ما اخذ بوصيتك داسني برجله والله

حطيت خدي علئ قبره وضليت اشهك وابجي بس القبر مبلل اكو واحد جايه وراش عليه مي

هو جاسر ضل يقره قران علئ قبره استغفرت ربي يقتل القتيل ويمشي بحنازته

حسيت بشي صلب جوه رجلي وخرت شفته جزدان صغير فتحته لكيت بي موبايل نوكيا قديم صغير وصورتي

فتحت عيوني بصدمه...امي امي جااانت هنا

وكفت واني ادور بين الكبور امي عنا امي موبعيده صحت بصوت عالي ...يممممه وييبنج اني جولييت اجيت ازور ابويه تعاليلي يمه...

لماذا رحلت ياابي؟؟؟
الم تفكر في طفلتك التي لم تشبع من دفء احضانك الم تفكر من سيمسد على رأسها عندما يجور الزمن عليها؟؟ابي لم اعتد عليك بتلك القسوه !خذني معك لم تركتني في تلك الحياه التي لم ترحم صغر سني وترآفه عظمي ليت الموت الذي سرقك مني يعود الي ويدفنني بجوارك عسى ولعل اشعر بالامان الذي دفن معك ......بقلم. . Tabarak

نهاية البارت ...يتبع

كونوا انتم كونوا بخير...احبكم 💔

نور سمو العراق 😘

تابعوا هذي الحسابات...فضلا وليس امرا...

zan_eb15
Huda__hussain
YasmeenAlNuaimi
user48201694Q_ueen_98
Fatimalateif

اعتذر عن هذا البارت الحزين...💔💔💔

البارت اهداء الكاتبتنه الغاليه الئ فازت ويانه بكروب الفيس alraawih فديتج عمري 😍