رواية #جوليت وأسرها.... الفصل الثامن والتسعون 98 - بقلم الكاتبه سمو العراق

بارت 34
رواية...جولييت واسرها...غياهب الإنتقام
بقلمي...نور سمو العراق

💔💔💔💔💔💔💔💔💔

#كولولهه
               الروح اشتهت تشم ريحة #شالها

البارت هديه للجميع وبالاخص هذي المتابه الحلوه الي منورتني بمنشوراتها الحلوه 😍Rahmehsrour98

..................................

جابر...

مرات الحياة تاخذنا بمتاهات فنتيه بيها يثگل الجسم ويتجمد الدم ونخاف اخاف نضل الطريق ونسلك طريق بدون نهايه..

وياخذنا هل طريق لناس ما يعرفون معنئ الإنسانية ولا يعرفون شنو الضمير ويستغلون نقطة ضعفنا ...

ونقطة ضعف الكاسر هي جولييت وحياتها شرفها دموعها جمعهم الزمن وفرقهم الزمن و وجعتهم الايام ومرت بيهم الأحداث القاسيه وتجرعوا كؤؤس المر والعذاب...

الصور الي انرسلت و وياها مقطع قصير حييل بس جان المقطع مثل الزووم يتقرب علئ ملامح وجهها المتعووب وبعدها يبعده ...

وكأن بهل حال الجاني يريد يبين لجاسر معنئ الالم الحقيقي والحال الي بي جولييت وكأن يگله..يا جاسر غيرك كدر يتطاول ويعذب اسيرتك...

هو من شاف المقطع ضل يفح بعصبية وايده ترجف وگوه مسيطر علئ الموبايل ...

رجع عاااد المقطع وهو يركز بثناياها المكسوره وعذابها والمها

باوعلي بحيره ولون مخطوووف كال بانكسار اول مره اشوفه علئ محياه....جابر شسووي ؟

قابلته بنفس الحيره والكسره عليه...كوول يالله ان شاء الله خييير ميخالف ندفع ديه شيردون ندفع بس خلي ترجع سالمه...

مسح وجهه بتوتر وسحب مسدسه من الچكمچه باوعلي بقسم صادق ومن بيين اسنانه...وحقققق الله وروح ذيييج غزل الماتت وطفت عيوني اذا جولييت صار عليها شئ وحق الله عاصم وحازم وعشيرته والخلفهم وحتئ موتاهم اسلگهم سلگ والله اني الخاطرها ساكت الهم...

استغربت...منو يكول هم جاسر لا تتهمهم بدون لا تتاكد

هو تجاهلني وبعدها اتصل اكثر من مره بالخاطف بس مجاوب مشئ بينه طرييق طوويل وهو يخابر وكل شويه هم متصليين علينه...

باوعلي مصدوم كال...هذا الي خطفها اتصل ؟

جاوبته...اي افتح عليه خط

فتح خط وفتح سبيكر كله...انت جاسر ابو مرتضئ موو زوج جولييت ...

باوعلي مستغرب همس بصوت ناصي كال...هذا لا صوت هشام ولا هيثم ولا عمها اني اعرفهم ..

بعدها رد عليه جاسر بلهفه...اي اني زوجها الك الي تريده بس وحق الله وجلالة عرشه اذا مرتي مسيت منها شعره ادفنك وانت عدل واخليك تتمنئ الله ما خالقك...

رد عليه ببرود...تمام ولو هي حلوه ما واحد يكدر يلزم نفسه عنها بس نحاول

جاسر فتح عيونه مصدوم وزمجر بي بصووت غاضب...اكلللللل نعل لك لك والله اذا ما خليتك تتمنئ الموت وما تشوفه ما اطلع جااااسر لك يا نكس يا عار اذا ضوجتها بكلمه او طخيتها لو طخ والله احركك وانت عدل ابن الكلب

جاوبه ذاك بنفس البرود...خلصت كلامك

جاوبه جاسر بغضب...اكل خ...بعدني ما مكمل

واردف بعصبية...شوف لك اني الي يتعده علئ عرضي بعده ما جابته امه واضمها اله لو بعد سنين وتريد ديه انطيهن الك وفوكهن نعال بحلكك وتدلل

الطرف الثاني...ليش تغلط ما تخاف تستفزني واعتدي علئ مرتك

جاسر ...انت سويها وشووف

وبعدين انت منين تعرف رقمي ...

جاوبه...امممم جبته اني ما يصعب عليه شئ وجبته

جاسر...اي اعرف جبته هي انطته الك او ردته الك لو شنوو ؟

ضحك...يابه اني مراقبك من زمان ومراقب زوجتك واجه الوقت الي لازم استفاد منك كم فلس لان اني ما عندي وياك شئ بس مجرد كم فلس

جاسر بتفهم...الك الي تريده بس لا تاذيها وما مقتنع بسالقة الرقم يجوز انت تطلع جذاب اني ما انطي فلوسي شلون ما كان

الطرف الثاني...زين شلون جذاب واني رسلتلك صور ومقطع

جاسر بتنهيده...اي احتمال تكون واحد ما بيك خير وداخلك بعصابه وامرك مو بيدك وتريد تستغلني ومن تاخط الفلوس بعدها دكلي اتفاهم ويه جبيرنه ...ترئ اني ماره عليه هاي السوالف مو غشيم...

الطرف الثاني...والتريده شنوو ؟

جاسر بتركيز...اريد اعرف منين جبت رقمي هاي اولا ثانيا اريد اسمع صوتها لان اني ما اصدك بيكم احتمال كتلتوها...حجاها بتردد وقلق...

جاوبه كال...اني جبرتها وهددتها بالقتل وهي ردتلي الرقم ...واخليها تحاجيك ميخالف بس،انتظرني ثواني...

قفل الخط جاسر باوعلي وضحك بقهر كال...جذاااب ههه عرفته بس خلي اسمع صوتها وبعدها اذا ما سحلتهم سحل ما اطلع جاسر...

شويه واتصل بيه خابره ضل يحجي وياه وبعدها كله راح انطيها الك ثواني وأغلق الخط 

اجانه صوتها المفجوع والحزيين وهي تبجي بصوت عالي...جاااسر جااسر لا تعوووفني خايفه جاسر كووولشي ما اشووف جهالي جاسر اريدك انت وجهالي...

جاوبها بصوت مبحوح ومختنگ...جووولي جولييت حبيبتي والله واجييج والله ميخالف اصبري شويه حبابه

انقفل الخط بسرعه وجاسر تخبل حط اديه علئ راسه علئ الاستيرن ...

حطيت ايده علئ كتفه همست بحزن...الله المعيين جاسر ان شاء الله ترجعلك سالمه غانمه

باوعلي انصدمت منه الدموع متجمعه بعينه وجهه محتقن صاح بيه بصوووت عالي...ولك جااااابر اني متعذب متعذذذذب من زماااان والله تعبت تعبتت

اردف بحنين...سمعت صوتها سمعت شبون تتنخئ بيه شلون تطلب مني ما اعوووفها شفت شلوون واني بعيد عنها ومعذبها دكلي اريدك لا تعوفني ..

شفتها شلووون حنينه جوولي محد الها غيري تخاف من الكل واني المعذبها تثق بيه ...

مسح وجهه وبلع ريكه وبعدها فتح الباب نزل من السياره ومسدسه بيده...

نزلت وراه ولزمته ودرته عليه...شبيك جاسر اهدئ كووول يالله انت لا تضل هيج مراح تستفاد شئ ...

رد عليه بحسره....لك اني ما خايف منهم بس خايف لا ياذوها او تسول الهم نفسهم ويعتدون عليه ويكتلوها والله بذيج الساعه صدك احط طلقه براسي واكتلها

أتنهدت ما عرفت شنو احجي الكلام ما يعبر عن الي بداخله ولا يكدر يصبره حقه مرته خايف علئ روحها وشرفها...

بعدها كال بتفكير...جابر ترئ الي خاطفها هو ابن عمها لو عاصم صدكني ماكوو غيرهن لان اني اكلك شلوون ...

هم جذبوا من ناحية الرقم كال هي ردته وهي حافظته وطبعا اني من انضربت جولي اشتريت خط جديد وذاك الرقم احترك ...

وجولي مجانت حافظه الرقم لذلك اني انطيته الها بكارت كلت اخاف تضيع منهن هي عندها الكارت وأي واحد يتصل عليه...

شلون يكول هي ردته اليه ؟ وبعدين ليش ما كال اخذته من كارت الموجود عند زوجتك

اكيد جولي ضمته جولي صح عميه وفطيره وتجفص بس،ذكييه مو غبيه وتعرف مرات شلون تتصرف ولو ما ضامه الرقم جان كال اخذته من الكارت وجذب من كال هي ردته...

شويه واتصل بي،رضا وهو وصف اله المكان ...

ماكو تقريبا نص ساعه واجه وياه رضا و وياها شاب طووويل مبين بنهاية العشرينات بس شكله حلو بس مبين جاف وحاد اخس من رضا...

جاسر كال ...هذا صديقي ملازم اول نبيل ...

اني سلمت عليه كتله...اني ابن عم جاسر ...

تعرفنه وضلينه واكفين جان جاسر لازم كله اسوود وهم لابسين مدني...

رضا اندفاعي ويهووس بكلامه يحب يضرب يسكط يدفر مكانه مو هنا مكانه بقاطع بيجي هيج شئ

بس ملازم اول نبيل لا ذكي يتصرف بتفكير لذلك جاسر ارتاح اله وضل يحجي وياه ...

نبيل ...ابو مرتضئ اني اكول ليش،ما تتفق وياهم علئ الفديه وبعدها احنه نحدد المكان ومن خلال الاتصال نكدر نسوي عليهم كمين ونلزمهم...

جاسر...اي صح بس اني اخاف يكتلوها اذا هييج

رضا...احنه نطوق المكان او ندخل عليهم رأسا وبهل حاله نكدر ننقذها...

نبيل...اي صح يعني احنه ناخذ دوريه ونطوق المكان وندخل كم واحد خفيه وبهل حال نكدر ننقذها ونلزمهم ..نسوي كبسه عليهم...

جاسر...تمام بس خلي اقنعه ان اني قبلت بالشرط مالته واتفق علئ يوم واكيد هم بهل يوم راح يغيرون مكانهم لذلك نخلي الكمين قبل كم يوم...

اني كلتلهم...امشونه خلي انروح البيت اهلي نشرب جاي وبعدها نتفق علئ الخطه

خلينه ورحنه دخلنه جوووه بالاستقبال وهم ضلوا يخططون انوب اتصلوا علئ واحد بالاتصالات وبعد واحد عقيد حتئ يحددون المكان .

شويه واندك الباب رحت فتحته شفتها سجئ جايبه الجاي وجايبه مي كالت بخوف....عمو فدوه عمو جاسر موجود هنا...

باوعت الجاسر ورجعت همست الها...اي عمو موجود روحي بسرعه لا تخلين اخواتج يطلعن لان هسه هو متعصب لا انوب يعرف هنا ويتسودن بالزايد...

خلت وراحت خايفه و تركض ضحكت عليها الخوف يعدل الشوووف...

.........................

ريهام...

لحد الان بعدني عند أهلي اني صح طبت من المرض الخبيث بس لحد الان ما عندي  مناعه ومن ولدت ونزفت قلت عندي اقراص الدم والبلازما...

لذلك جنت اروح للمستشفئ اخط اقراص واخذ دم وبلازما...

وبنوتي ما شاء الله حييل حلوه ما اعرف احس كل وحده اسمها مريم حلوه هي حلوه واسمها حلوو...

وخطيه صلاح لحد الان يجيني بس شنو هو شويه مشغول ويه اخووو رغم جابر ابد ممقصر وياه ودائما وياه عبالك خياله...

جنت كاعده ارضع ببنتي واجت سجاوي تركض ولازمه اخوتها وتدخل بيهن ...ادخلن ادخلن لا تطلعن صووت

استغربت كلتلها...شكوو سجئ شبيج خلي البنات يلعبن

بلعت ريكها بخووف...لا عفيه ريهام عمو جاسر هنا واخاف يعرف بيه اني واخواتي موجودات عندكم ويموتني

ابتسمت بحزن عليها وعلئ اخوفها...لا حبيبتي انتي ممسويه شئ وهذا بيت جدج عكاب قابل كاعده عن الغرب

حضنت اختها الصغيره وبجت وهي ترجف...اني غلطت يا ريهام والله مو السبب مني هي امي جانت تحرضني ...

ومن نوال انسجنت بعد خالاتي استلمني ويكولن يردون يسوونج خدامه ويدفنونج لا موبايل لا شئ وبس للخدمه خلي يولون وتعالي عندنا ندللج دلال نخليج تخابرين وتحبين ونزوجج لحبيبج ...

واني جنت اشوف اطياف واخواتها امهن مدللتهن وبس يخابرن ويطكن صور وعندهن موبايلات ردت اصير مثلهن ...

تنهدت بضيق...لج يا سجئ انتي،بعدج طفله هسه اعتقد دخلتي ب 15 شنو هل كلام انتي مراهقه وذن يخربن اخلاقج ترئ والله الناس ما تمدحج اصلا تذمج ويكولون بدون تربيه...

رفعت عيونها للسكف وهي تكتم عبرتها كالت...اءء اني يا ريهام جنت اخاف من ماما حييل انتي تعرفيها قاسيه وتضرب جنت اكول اخاف تطلع من السجن وترجع واذا عرفت اني ممسويع الكالت عليه خاله تموتني ...

وبعدين من طلعت احنه طلعنه من بيت جدو لان هي سوت النه الحياة ورديه وكالت ادللج وبعد ما اضربجن واصبغ شعرج اصفر واحف حواجبج

واشتريلج موبايل يخبل وتنزلين بي برامج وانفخ شفايفج...

اني بصراحه ابتسمت علئ كلامها خطيه يعني،غاريتها باشياء مو منطقيه وهي طفله مكيفه عليهن...

عضت شفايفها وهي تكتم بدموعها الي،وكع بدون سابق انذار كالت...هي صح صبغت شعري اصفر و حفت حواجبي بس،ما نفخت شفايفي ...

انوب من انخطبت تخبلت كالت...ما اريدجن ورحن لعمامجن زوجي ميقبل

اختنكت بعبرتها كالت....بعد ما اريدها اكرهه ما احبها هاي مو ام هاي عدوه ولج ونبي لزمت رقاوي موتتها تموت عود رحنه اخذتنه للزياره

لج كطعتها من شعرها تكطع شلون كلتلها اشتري الي لعابه واني جنت اباوعلها خايفه منها وما كدرت انقذ اختي،منها اخاف احصل منها كفخه

حتئ،مره بالزيارة كلتله...هاي البنيه شتعودلج

ماما كلتلها...بنتي

جاوبتهه المره باستهزاء...ياااا عبالي،بنت زوجج والله عبالي مرة ابوها...بعد عليمن جايه للزياره وانتي تضربين طفله لا حول ولا قوه

انوب مو جانت تضربها ورقيه تبجي هي دكولها بعصبية...اششش اسكتي انلصمي ولا نفس ولا صوووت

ومن تسمعها تشهك تجيبها بكل راشدي موتتها تموت وانوب دكول...انعل ابوجن لابو الجابجن بنات النعال ولجن الفگريات بيجن خيير ما جسحتن ابووجن فكوور علئ اهلجن ...

اني تنهدت كلتلها...سجئ هطا درس الج باعي انتي ما عجبج تصرف امج لا تصيرين مثلها وتتطبعين باطباعها لان فاقد الشي لا يعطيه...

وانتي فاقده لحنان امج لذلك حني علئ اخواتج وصيري ألهن ام واخت ومو بس هييج لا هذا درس الج حتئ بالمستقبل ما تعاملين اطفالج من تتزوجين مثل ما امج تعاملجن

هزت راسها بنفي ...لا ونبي والقران اببد بعد حصير مثلج وكله امشي وياج واساعدج وانضف وياج انتي وبيبي

ابتسمت...فديتج يروحي لا ان شاء الله بعد اني وياج ما اتركج ابد وانصحج والتردينه اسوي وكذلك ترئ بيبي تحبج انتي واخواتج وتحملت امج الخاطرجن ترئ لو ما انتن من زمان طردتها...

نزلت راسها باسف...لا بعد هذا هو والله اني اعتذر منها البيبي وابد ما ازعجها

سمعت صوت صلاح يحجي ويه امي ويكولها...ريهام نايمه كاعده ترئ مشتاق المريومه اريد اشوفها

هي كلتله...لا يمكن كاعده قبل شويه شفتها ترضع بيها

كالت سجئ بخوووف...يااا عزا عمو صلاح حيدخل فدوه ريهام وين اروووح ؟

اني هماتين ضليت محتاره كلتلها...ادخلي بالكنتور بسرعه

هي هم طكتها ركضه ودخلت للكنتور هي واخواتها جانن عدنا طلاقتين بالكنتور ينفتحن سوه وكبار هن دخلن بيها وكعدن ...

اجه صلاح كعد يمي،وباس راسي كال...شلونها مريومة ابوها ؟

باوعتلها وابتسمت...الحمد الله تمام مشتاقتلك مريومه

عض شفته وغمزلي...مريومه لو ام مريومه

باوعت للكنتور وبلعت يبو عزا بس لا يتخبل عليه صلاح كتله باحراج...ههه لا مريومه

تقرب مني والتهم شفايفي دفعته واني مرتبكه...يا عزا صلاح لحد يدخل شبييك

كال...ادري يا عمري خل يدخلون قابل نايم وياج

فتحت عيوني مصدومه ...ياا صلاح اسكت عيب لا تسمع البنيه

كال...لا هي طفله وينها وين السمع وين الانحراف...انطيني بوسه لا اتعده الحدود ...

تنهدت يالله والله عيب شلون وسجاوي بالكنتور كتله.....اءءء اي صدك مرة جاسر ماكو خبر عنها...

ابتعد عني وجر نفس كال...والله لكو خبر والخاطف هدد جاسر بيها وطلب فديه مية مليوون...

لطمت خدي...ياااا عزا يابه انطوو والله حتئ،اذا تريد انطيك ذهبي وبيعوا يس خل ترجع الاطفالها...

تنهد بهدوء كال....لا الحمد لله عدنه بس احنه شنو نريد نتأكد من المجرم الحقيقي فدوه الها المية مليون بس كون ترجع سالمه

همست اميين هو كعد شويه مع العلم كل شويه ورجع علئ سالفة البوسه واني اغير الموضوع وبعدها خله وراح...

وسجئ طلعت من الكنتور وهي تهفي علئ نفسها واخواتها نايمات كالت...يمه اختنكت عبالك كاعده بگبر....

ضحكت عليها طبعا سجئ حلوه عيونها كبار وعسليه وبشرتها صافيه ومعانيها حلوه هي نوال للشهاده جانت حلوه بس خربت روحها بالنفخ والتاتو والبتوكس والحقن...

انوب هي سجئ مو حافه ومخصله شعرها طالعه حييل حلوه ساعات افكر بس لا انوب جابر يحبها ويطلك وقار لا اسم الله اعوذ بالله من هل تفكير...

بس هي للامانه مل الها شغل بجابر وكله تصيح عليه عمو وعمو...

......................

جولييت....

مرات نضحك اذا اقتضئ الامر بالبكاء حتئ نتغلب علئ تيار الحزن الي ياخذني علئ محطات الالم ونسافر بيها للماضي الموجع الي علنيناه...

جنت نايمه علئ جانبي واني ابجي واندب ربي يخلصني من هل ازمه الي اني بيها...

اتذكر اطفالي وانهار عليهم يعني هذا هو بعد معقووله ما اشوفهم طفلتي غزوله الي ما شبعت من ريحتها ولا حتئ شفتها وشفت ملامحها معقوله تضل مجهوله اليه وابد اببد ما اشوووفها...

الحرقة الي بقلبي كل شويه وتسبب عندي انهيار حاااد وتسبب عندي ازمه بداخل روحي وكل شويه واجتني حالة صرع وافقد وانهار

ما شفقوا علئ حالي ولا ابببد رحموني ...

شووويه وحسيت بشخص واكف علئ راسي ما عرفت شسوه بس حسيت اخذ الي صور لان جان صوت الكاميرا واضح ...

ما نطقت ولا قاومت تعبانه جسديا ونفسيا خايفه موووت خااايفه

مسحت الدم بكم صايتي ...يمكن غزوله تكبر واني ياخذوني اخواني وبعد ما اشوفه تكبر وتدرس وتتزوج واني ما اكون بصفها وكذلك صوفي ومرتضئ...

احس ناااار مشتعله بصدري ناااار لاهبه تعذبني وتزيذ القلق والخوووف عندي...

تقريبا ساعه وبعدها حسيت بواحد منهم سحبني من ايدي وكعدني صرخت بصوت خايفه وضربته بعشوائية وضميت رجليه الصدره هاربه منهم...

حسيته كعد يمي ولزمني من اكتافي كال...اني هيثم

من سمعت بي هيثم رجليه ماتت والخوف دخل بكل جسمي

صرخت بوجهه ...وخررررر وخررررر مني يااا كلب،والله اذا ما خليت جاسر يندمك ما اطلع جولييت

كال بدون نفس...بله لغوووه مدكليلي شسويتلج قابل سبيت العنب باعي هسه راح اخابر زوجج احنه طالبين ديه ولازم يدفعها ...

دفعته بغضب...ما احجي ولا اطلب وترجعوني وغصبا عنكم مفهوووم ..

هشام رد عليه...جولييت احنه نريد مصلحتج انتي ليش،ما تفتهمين الي متئ تضلين تحت رحمة الكاسر باعي حالج وين جنتي و وين صرتي انتي شكلج ما ينتمي للاحياء ابببد عبالك ميته

باعي عيونج باعي وجهج شلوون اصفر اتصلي بيه وخلي يدفع الديه لان صدكيني اذا مسويتي الكتلج عليه ترئ يصير شئ مو زين...

هيثم رد بضحكة...تعرفين شنو الشئ المو زين يعني مثلا مثلا مو اكيد يعني مجرد تمثيل نخطف واحد من جهالج ونكتله انتي ما نكتلج لان تضلين من دمنه ولحمنه ...

حطيت ايدي علئ صدري مفجوعه من كلامه ...يمه كووولشي ولا ولدي يمه اطفالي

أردف بخبث ...يعني مثلا انتي خطفناج من نث الامام الكازم وتحت انظار العالم يعني ما نكدر نخطف واحد من الأطفال...

شهكت وحطيت ايدي علئ قلبي الي يخفق بقوووه ويرجف كتله بنحيب....لا فدوووه لا خليكم بعيدين عن اطفالي فدوووه...

هيثم...لعد احجي وياه وخلي يعرف ان انتي عندنا وان شاء الله اذا دفع الديه نرجعج

جنت بس ارجف وابجي من ظلمهم الي اتصل عليه واني حاجيه اجاني صوته المتعوب والي بي كمية حزن ما جنت احس بيها اله من يذكر غزل بنته

نعتني بحبيبتي جولييت لا تخافين ان شاء الله اجيج وارجعج الي ...

واني صدكته وثقيت بيه واكيد ما يتركني من بعد ربي محد الي غيره وعرفت لا عاصم ولا حازم ولا كل اهلي يفيدوني لان الي يريد يبعدني عن أطفالي وما رف اله جفن عليه يعتبر عدوي مو اخويه...

اخذ الموبايل مني ودفعني كله باوع هشام احنه لازم نخليها علئ كرسي شويه دراما وكذا ههههههههههههاي

واردف بجديه...لا والله صدك هشام يعني احنه ما نكدر نرسل صور اله هييج يعني لازم اكو دليل عن ان هي مخطوفه ومو مرفهه ...

خلينه نربطها وتالي نرسل اله صور الها حتئ هو يحرك نفسه شويه وينطينه الفديه

باوع وبعد يومين علئ سفرتها وهل صور حتضل عدنه ومن يعني السبت هي تسافر احنه الاثنين نطلب الفديه يكون الاتفاق الاثنين ...

انرفعت من ايدي وهمس هشام ..اعذريني جولييت احته لازم نسوي هييج حتئ نكدر ننقذج وما نطلع من المونه بدون حمص...

تفلت عليه واني اشد علئ شفايفي بغضب...عديمين غيره وشرف واحساس الله ينتقم منكم يا حقراء

جر نفس كال...يالله ميخالف تمونين تضلين بنت عمي ...وبعدين تشكريني علئ هذا موقفي...

عافوني وطلعو وتقريبا مر وقت ما اعرف شكد وحسيتهم دخلوا اخذوني مره ثانيه واني اغلط واصيح عليهم...

وكعدني علئ الكرسي وسحب اديه حييل وربطهن وبعدها حسيت بي اديه تربط برجليه ...

احساس بالذل والقهر والاهانه والضعف كله تجمع عندي مر بذاكرتي شهداء سبايكر يا سبحان الله ما اعرف ليش تذكرتهم وتذكرت توسلاتهم نفس حالي حاليا واني اتوسل بولد عمي يتركوني...

استغفر الله يارب اني بيد ولد عمي الي حسيتهم دواعش وهل شباب بيد الدواعش اعداء الله الله يرحمهم وينتقم من قاتلهم ويفرج عني ويفك اسري ...

هيثم كال لهشام...جبت لاصق حتئ اسد حلكها صايره مثل رجلها بس تغلط ولسانها حيييل وصخ ينرادله تنظيف ...

هشام جاوبه بتنهيده....لا ما جبت

هيثم...هههه مصار شئ اربطه بشالها واخلص من اللسانها من زمان وهي هيج وياي ...

سحب شالي واني صرخت واهز بنفسي واني كاعده علئ الكرسي اتقرب من اذاني وهمس بانفاس قبيحه...اممم تتذكرين من جنت ناهي عليج وبعدها اخذج من الكاسر اوووف لو ضال مصر عليج جان هسه انتي بحضني والعب بشعرج...

نزلت راسي باسئ بعد ما هو مسح علئ شعري شسوي اذا هو حقير اني شسوي ورابطني وضال يتحرش بيه ويينك جاااسر ياربي دخيلك سهل امره وخلي يجيني بسرعه لان والله حمووووت بعد طاقه ما ضلت عندي...

انسد الباب مره ثانيه وحتئ من ينسد اضل بجالة خووف وقلق اخاف كذابين مثل جاسر من جنت ابدل عبالي طالع وهو ما يطلع ...

بس هم اغبياء مو مثل جاسر جان يوهمني وعبالك صدك طلع...

ظلام بظلام عتمه الها اول ما الها اخر ترجعني للماضي ترجعني الايام راحت وانقضت ...

سرحت بخيالي من صارت عندي ولاده مبكره بسبب كلام جاسر...

هو قبل لا يطلع يخابر جان يبوس بشعري،ويحجي ويايه واني متصنعه النوم وهاربه منه ومن مواجهته

رغم كووول الي صار ورغم جاسر يحاول يضبظ الامور بيني وبين شام وما يزعل وحده بينه بس اني حييل خايفه من المواجهه...

ماما رضيه بيومها كعدت يمي وحجت ويايه كالت ...عادي اذا جاسر يخليجن اثنينجن علئ ذمته ترئ ماكو مره تاكل مره وهي هم مرته من زمان

جاوبتها...ماما اني مالي شغل بس اريد اعيش اني واطفالي والله كولشي ما اريد

باسني،باذاني حييل اقشعر جسمي منه مو السبب او احراج ومدري شنو بس اني مهضومه ومهضومه من زمان...

همس...نايمه جكليته اكعدي اريد اسولف وياج

تجاهلت كلامه وتصنعت النوم

بعدها اتصل موبايله وهو اخذه وطلع ما اعرف ليش راودني الشك ما اعرف ليش طلعت وراه اشوف شنو يحجي يمكن اريد اريح نفسي واريد اضمن منه كلمه حلوه...

طلعت بالگوه وسمعت كلامه يمكن يكون هل كلام عادي بس بصراحه اني اثر بنفسيتي...

سمعته يضحك يكلها...لا شبييج مو يمها اني اصلا طالع بالدوام ما موجود ...

لا اكييد ما اجذب عليج ...

وكمل بصدق...اي هي ما تدري انتي مو محرمه عليه اي اني ما كلتلها اخاف تصير غيره

وبعدها كلها اي اكييد

اني انصدمت من كلامه...معقوووله اني اغار منها وضام عليه موضوع ان هي زوجته بس حتئ لا اغار منها...

رجعت الغرفتي واني انشج بروحي واتالم الموضوع حز بخاطري واذاني الي اذاني هو ان اني شلوون هيج يستغفلني ويكول خاف تصير غيره

يكولها اي اكييد...يعني قصده اني اغار منها شنو لهل درجه اني غيوره وما عندي ذمه وضمير ...

ضليت اكل بروحي يمكن يكون كلامه عادي ويمكن مو قصده او يمكن يخفف عن شام ...

يجذب عليه يكول عليها محرمه عليه شنو قصده ليش هيج يحجي وليش يكول عندي غيوره هيج اني بنظره...

بجيت بصوت مخنوگ وضليت اكل بروحي واني اصلا من رجعت شام وصارت كل هل معاناة ومنا الضربه الي اذتني ضربة نوال كلها سببت عندي ولاده مبكره واضافه الئ كلامه...

اوووف يا جاسر شسويت بيه تذبحني واكولك اذببح وريحني

عشت بيك وعلييك كأن هل سنين القضيتها وياك جانت كل سنين حياتي

اندفنت بالحياة ولحد الان اتذكر من ولدت مشمش ومرتضئ ونوال تفتر عليه راح جاسر ينطي واحد من الجهال الاخته جاسر قرر ياخذهم و يطلكج ويشمرج مثل الكلبه علئ اهلج وياخذ الاطفال منج...

عذبتني وخلتني عشت بقلق وعشت الموت البطيئ

خسرت روحي واهلي ونظري وهسه يردون يخسروني اطفالي لااا والله مستحييل والله اذا سافروني والله هناك اشتكي عليهم واخليهم يرجعوني ويسجنوهم...

و رغم كوول الي صار ورغم عصبية جاسر بس هو الوحيد الي من احجي وياه احس روحي طفله احس رغم كلامنه لا بي رومانسيه ولا حبجيات بس يضل كلامنه حلووو....

..................................
وقار

الصبح اندكت الباب ، ركض روضي ديريد يفتحها .. ركضت وراه صارت بيه خوووفة من لمن انخطفت جوليت مااخلي يطلع للباب هو واخوه

عاد هو عصب عليه لان ماخليه يروح للباب
كال تبيج حاف هاي ماما ردعت داروح اتوفهه ..
《شبيج خاف هاي ماما رجعت داروح اشوفهه》

حاجيته بهدوء .. حبيبي غير اخاف عليك لا يخطفوك الحرامية مثل ماخطفوا ماما ..

رحت للباب فتحتها صارت بوجهي شام
بابتسامة كالت .. صباح الخير كيفك وقار ؟ مافي آي خبر عنا ؟

هزيت راسي صباح النور لا والله لهسه كولشي ماكو ..

هيه شافت مرتضى ويايه اتسعت ابتسامتها
ومدت ايدها الها وكلتله كيفك يابطل اليوم منيح ؟

هو هز راسه ببراءة وانطاهه ايده لزمتها ومشت بي لحد البيت وهو يسولف وياهه وتضحك على سوالفه ...

دخلت للبيت واندارت عليه سألتني كيفه غزولة اليوم ان شاءالله احسن ؟

رديت عليها الحمدلله احسن نايمة هسه تفضلي انتِ
دخلت جوة وهيه دخلت سمعت صوت غزولة تبجي
هي ابتسمت كالت اهااا وهي صحيت انا بروح لعندا خليكي انتي ..

راحت اخذتها وروضي ومشمش تبعوها .. واني رحت سويت ريوك لان من شويه كعدنا وخليت الصينية بالمطبخ

صحت للكل وهيه اجت شام شايلة غزولة مغسلة الها ومبدلة ملابسها ومسوية الها ممة ..

ماما رضيه جانت بالمطبخ هيه صبحت عليها وكعدت يمنه .

شام سألت عن جاسر وجاوبتها ماما رضية
والله يا بنتي لا ليلة ليل ولا نهاره نهار ..

والله يا يمه يذكرني بيج قبل جم سنة من فقد اثرج واختفيتي هيج ظل يلوب يلوب عليج

هيه ظلت تباوع لماما رضية بعيون دامعة ومزيج من المشاعر العنيفة تتلاعب بملامحها.. 

تنهدت وهيه تصغي باهتمام  لماما رضية ولازمة ايد غزل وهيه الطفلة سادة ايدها على اصبع شام

وكملت كلامها اي والله يمه جاسر حنون كلش وداعتج نفس ابوه بالضبط

انه وابوه مهيوب الله يرحمه تزوجنا على حب عشكته وعشكني حب اهل اول

تزوجته وماخلفت منه ومرت سنين وانه اكله تزوج ميخالف انه قابلة اريد الك الولد الي يخلفك ويصير الك عزوة

جان دائما يرفض ومايهتم يكلي انتي عزوتي ...

بعدين انه زوجته ام فلاح الله يرحمه وابد مافرق بيننا عود الشخاط جان يقسمه بيناتنه

شام جانت مهتمة بكلامها وتصغي الها بانتباه شديد
وتردد الله يرحمو

ماما رضيه تحجي وتأشر باديهه بصدق
وصدك جانت ام فلاح شويه شنكه وعصبيه بس كدرت اكسبها بالكلمه الحلوه

ومهيوب فرض احترامنا اثنينا وخلانا نتأقلم ونتعود على بعض والحمدلله حياتنا جانت هادئة وخالية من المشاكل الا ماندر

ونفس الشي بالنسبة لجاسر يايمة لا تتوقعين من جاسر الظلم لا ابد ابن مهيوب هذا وانه اعرفه عدل

اثنينجن ينصفجن وان شاءالله خير ، بس ادعيله يايمه يلكى مريته ، هالبت ماشافت يوم حلو ماضحكت بيوم الا ما وراه بجت دم لا عبالج مرتاحة هالبنية انظلمت واتأذت وتعذبت وانبذت من اقرب الناس الهه

سدئيني عم ادعيلها انا كتير وعم اتعزب لم شوف جاسر بهالحالة الي هو فيها وبتمنى ترجع مرتو ع ولادها وع بيتها سالمة وابد مانسيته من دعائي

يا خالة انا مو لهالدرجة سيئة وبعرف انو جاسر ابد مابيظلم حدا وواثقة منو كتير بس انا كمان ام واخذت نصيبي من هالدنيا وتعزبت كمان بدي ارتاح وبدي العوض من الله  ومن جاسر وانا قبلانه بلي يحكي ان شاءالله

تنهدت ماما رضية وخلت ايدها على ايد شام
ورددت الله كريم ويله يمه مدي ايدج بسم الله وتريكي ويانه

ردت لا الحمدلله انا اكلت بالبيت واجيت لعندكم رح اخد الاولاد وغزولة بالصالة وانتوا اكلوا الف عافية ..

اخذتهم وراحت بالصالة ، مشمش وروضي اكلتهم قبلنا وهيه راحت خلت غزل بالعش مالتها واخذتهم ع المغسلة تغسلهم وتحجي وياهم وهم متجاوبين وياهه وبلشوا يحبوها ..

خلصنا ريوك غسلت المواعين ورحت دا اخذ الجهال من شام خاف ضوجوها فشلة

رحت كتلهم يله روضي يله مشمش حبايبي خلوا خالة ترتاح خطية كافي صارلكم ساعة تلغون يمها عيب

هيه باوعتلي برفض لا وقار ماتقولي هيك بزعل منك هااا ؟ خليهن معي اصلا كتير فرحانة بوجودن ادام عيني والله

باوعت لعمق عيونها شفت الحزن والسعادة  اني شون نسيت هيه تحتاج تكون يم الاطفال خطية ... بلكي تنسى شوية ولو مستحيل تنسى مستحيل .. بس تتونس وياهم

شويه ودخل جاسر راحوا الجهال اله يركضون وهيه جانت غزل بحضنها ، شالتها ووكفت تباوعله مبتسمة

هو بوس الجهال واجه سلم عليها ، باس غزل وهيه بيد شام وبعدها باوع عليها ..
كاللها تعبناج ويانه شام

ردت برجاء الله يخليك لا تقوول هيك ولا تعتبرني غريبة اذا مو انا يلي بوقف معكن بهاي المحنة لكان مين !!

رد عليها بتنهيدة متقصرين والله اصيلة وبنت أصول ..

ابتسمت على كلامه بفخر .. ردت .. واجبي هادا جاسر وبعدين هنن اطفال وحلوين كتير وابد مابيعذبوا وانا كتير حابه الوقت يلي بكون في  معن لا تحكيلي تعب وماتعب ..

رن موبايله ، باوع بالشاشة مالته ، عكد حواجبه وبعدها لزم ايدها ... وكال بنبرة امتنان .. مشكورة والله تسلمين .. شون نجازيج !!

هزت راسها مافي داعي تجازيني  مو غريبة انا

ظل يربت على كتفها ورجع باس غزل
وطلع وسمعته وهو بالباب يرد على مكالمته ..
............................

جابر...

اتفقنا ويه الخاطف وهو كل شويه وراسل النه مقطع الها انوب رسل صور الها...

كتله جاسر اذا انت ...شاك بابن عمها ليش ما تلقون عليهم القبض وبعدها حقق وياه

رد عليه بهدوء...لا مو هيج راح نخسر واكيد راح ينكر وما يخلي دليل وراه ...

اتفقنه علئ،يوم الاثنين ويه الخاطف بس جاسر جان اله رايي اخر وخبر الرائد رضا وملازم اول نبيل عن الموضوع وكلهم ان شاء الله الجمعه تصير المداهمه

وصدك بيوم الجمعه رجع اتصل بي جاسر كله يجوز انتم قتلتوها اني ما اثق ارجع صورها الي

كله اني مو يمها تقريبا ساعه واصورها صدك انتظرنه ساعه وفتح كاميرا النه وكان علئ اتصال ...

جاسر ما قبل احد يشوفه بس الي مسؤؤل عن الإتصالات كدر يحدد المكان من خلال الاتصال...

اخذنه دوريه ورحنه وصلنه للمكان ولحد الان المسؤؤل عن الاتصالات المكان يتحدد عنده ...

ورجع جاسر مره ثانيه كله سمعني صوتها يجوز تكون مو مرتي وانت واهمني اني مشفت منها شئ

ضل يحجي وياه ويجرجره بالكلام وسمعه صوتها ويعدها وصلنه لحد المكان الي هم بيه ...

رضا امرهم يطوقوونه للبيت وهم ما قصروا طوقوا ...

ودخل العقيد ورائد رضا وملازم اول نبيل وجاسر واني وكلها مسلحه بس اني جايب مسدس صوتي

رائد رضا ضرب الباب دفره وفتحه بقوه انضرب الباب بالحايط...

ونشوفهم هم تلاثه وجولييت كاعده بالنص علئ الكرسي وهي مربووطه وراسهه واكع بإهمال ورايحه بغير عالم

هم من شافووونه تخبلوا و وجهووا اسلحتهم عليينه واحنه كذلك

صرخ بيهم العقييد...سلمووو انفسكم بدون اي محاوله

صار الرمي وما اشوف اله الدم طفر علئ الحايط والكرسي

نهاية البارت...يتبع

كونوا انتم كونوا بخير...احبكم 💔

نور سمو العراق..😘

لا تنسوا التصويت والمشاركه بكم نكتمل 🌹

لطلحه اكييد 😍😍😍