رواية #جوليت وأسرها.... الفصل الثمانون 80 - بقلم الكاتبه سمو العراق

البارت الثامن عشر
رواية..جولييت واسرها...غياهب الإنتقام
بقلمي...نور سمو العراق

💔💔💔💔💔💔💔💔💔💔💔💔

يمةهَ ه̷̷َـَْـُذآ گليبي شاهد،
گلبي شال الناس كلها،
وما شلت مرة ع واحد، 💔
،

....................................................

وقار...

مرات الحياة تاخذنا بمتاهات فنتيه عنها غصبا عنا ...
تتكاسل اجسامنا وتتجمد اعاضئنا نخاف لا نكون بطريق ما لا نهايه

وهذا يمكن الي صار ويانا اليوم احنه تهنه بهاي الحياة وتكاسلنا بمعاقبة الجاني وجرنا علئ المجني عليه...

جولييت...هل انثئ الرقيقه الفراشه البريئه الهشه الئ لحد الان عايشه بشرنقتها...

ما اذت احد لكن تاذت جاملت الكل ومحد جاملها

مرات احس الحزن طيف ويموت باجر بس حزن جوولي حزنها مخلد وعايش وكاعد الها كعده

اتعذبت من الكل من اهلها ومنا ومن نفسها كذلك

وجان الجاسر نصيب اله من عذابها والمها...

بس اني رغم كوولشي جنت اشوف بعيونه بريق لامع من يشوف طلتها البهيه او يشوف عيونها البربئه

مره من المرات سالت جاسر اذا يحبها او لاااا

رد عليه ببتسامته المعهوده وبرودة مشاعره هي بصراحه تنعشق ...تنعشق طيبتها وبرائتها...حتئ عصبيتها وعنفوانها ..

وكمل بضحكه ..وترئ هي لسانها طوويل ومرات تلدغ بكلماتها...

واذا خزرتني بعيونها اتمنئ ادبحها عيونها بيهن سحر عجيب...

وجر نفس وكمل...واحب غرورها وكبرباءها وثقتها بنفسها رغم وحدتها وقلة حيلتها ...

حسيت من ذااك اليوم هو يكن الها مشاعر من كال...ترئ جولييت رغم الصااار والدار والجار علينه بس تضل زهرتي وما اقبل احد يحجي وياها لو يسقيها غيري

واليوم زهرته وكعت علئ الارض ودمها يتجارئ علئ الارض وما الها نبض بالحياة

والدم يتسابق  ويتحرر من جسمها الهزيل وعبالك فرحان بفراگ جسدها...

صرخنه بصوووت عالي من شفناها البطل اجه بجبينها بصوره مباشره وانلطخ راسها بالحايط السيراميك معلن عن كسر احد السراميكات...

و وكعت علئ وجهها مغمي عليها والدم تناثر علئ وجهها وحجابها جانت الضربه الها صووت وحدث مرييع

من بين صريخنا وارتعابنه ركض جابر وعمي ورفعوها وهم متخبلين عليها ويضربون خدها حييل ...جولييت جوووولييت عمي احجي

وماما رضيه وحتئ امي ام فلاح هم تخبلت عليها ركضن عليها وهن يمسحن الدم من وجهها

وجعفر يصيح ويغلط وكل شويه وباوع عليها وراح هجم علئ نوال وهي شردت الغرفتها وقفلتها عليه

اني شفتها فاتحه عيونها حييل و خطييط مال دم خبط بعيونها وعبالك خطف مثل السقوط النيزك

لطمت صدري واني ابجي وريهام خطيه تبجي ...عمييي عميي اخذوها للمستشفئ عندها نزيف داخلي مدام عيونها خبطت بالدم عندها نزييف

شالها جابر بين اديه بخفه وهو يرجف ويصيح ...الله لا يوفقج الله ينتقم منج فلشت راس البنيه

وكع حجابها من راسها والدم لوث ضفيرتها بدمها المهدور ونزل علئ الارضيه وهو بهل حاله يعلن عن جريمة نوال الحقيره ...

صعدوها بالسياره جابر وعمي وامي وماما رضيه  وهي جنت حاطتها بحضني واستمع الانينها المفجع

جنت لازمه شالها ومخليته علئ وجهه وابجي بصوت عالي واغلط علئ نوال

راسا نزل زراك حاااد علئ جفونها وجتئ نزل علئ خدودها...

جابر ساق بسرعه جنونيه بحيث سوه الطريق خطوتين وكل شويه هو وعمي ودار وجهه علينه

وصلنه للمستشفئ اخذونه للطوارئ بسرعه اسعفوها بالاسعافات الاوليه ودخلوها جوه ما شفناها بعد

بس الدكتور طلب يسوولها تحليلات واشعه ومفراس بالجمله العصبية

وضلينه منتظرين النتائج البنيه حالتها مو طبيعيه و وجهها نزل الزراك عليه اكيد مو طبيعيه

اجينه نخابر جاسر بس عمي ما قبل كال..خلينه نشوف حالتها هسه ...

خطيه ماما ضلت كاعده وهي تدعي...حسبي الله ونعم الوكيل عليج يا نويله يا زماله من غيرتها موتت البنيه ..

ضلينا تقريبا ساعه طلع الدكتور عمي وجابر ركضو عليه وهم يتطمنون عن حالتها الدكتور كال باسف...البنيه حامل موو ؟

رد عليه عمي بقلق وترقب...اي حامل ليش بويه الطفل بي شئ

جر نفس عميق وباوع للتحليل ورجع باوع العمي كال..للاسف الطفل فقدته لان الام حالتها حرجه وعندها نزيفين داخلي براسها وفطر بالجمجمه...وحالتها حرجه لان هي تعاني من بداية صرع

حطيت ايدي علئ صدري بخوووف ورعب ....عزا العزاني ياااربي دخيلك رحمتك اللطف بحالها وشافيها

ماما رضيه حطت ايدها علئ خدها وهي تلطمه بقسوه ودموعها تنزل بغزاره...يمه بنيتي يمه جووولي يمه ماتت بنيتنا ماتت هل مسكينه الفقيره

بتوعتلي واني ابجي وحاضنه اديه الصدري كالت بغضب... وقار وقااار ولح خابري اخووج خلي يجي يشوف مريته شصار بحالها...

اني مجنت جايبه موبايلي وفخليت واخذت موبايل جابر واني ارجف واطرافي عبالك داخله بالمتجمد الشمالي...

طلعت اسمه واتصلت عليه مرتين تلاثه ما رد عليه لحيت بالاتصال وبعدها فتح عليه خط كال بثقل ...الوو

رديت عليه بخوف وصوت مرتجف...الوو هااا جاااسر اني وقار

جاوبني باستغراب...هلا وقار شلونج احوالج شبيج اشو احس صوتج مو طبيعي بيج شئ جابر محاجيج مزعلج ؟

بلعت ريكي بألم...لا خويه بس،جولييت

رد بلهفه ممزوج بخووف...خيير شبيها جولييت بس لا هم تردن تذبن عليها تهمه وتطعنن بيها

رديت بفشله...لا لا بس جولييت انضربت وهسه احنه بالمستشفئ

هتف بعصبية مخلوطه بشراسه...بالمستسفئ شنووو ليش بالمستشفئ،منو ضربها وشلووووون انضربت ولج احجييي

بلعت ريكي الحاير من عصبيته من شراسته رديت عليه بصدق...نوال ضربتها وهسه احنه بالجمله العصبية

قفل الموبايل بسرعه واني ضليت متفاجئه ليش قفل الخط بس اكييد جاينه والله اليوم نوال تموت يا علئ ايد جاسر لو جعفر والله جنت علئ نفسها هل عار هاي...

انتبهت لامي من بين قوة شخصيتها الحاده وجبروتها بس شفت اكو جانب حزين بيها لان الضربه جانت مفجعه للاسف

...........................

ريهام...

اخذوا جولييت للمستشفئ واطفالها يبجون عليها يكولون...ماما ماتت قلع منها دم

حضنتهم بحيره اني و اشواق ومحتاره شلون اطيب خاطرهم واسكتهم و نوال انهزمت الغرفتها وقفلتها عليها...

جعفر اتخبل من ضربت جولييت لزم بناتها وخلاهن بغرفته وقفل الباب واخذ المفتاح

واخذ عدنه عصا طويله وثخينه حيل هو اخذها وراح الغرفتها فلش،باب الغرفه تفلش ويصيح بصوت عالي...افتحي الباب بنت الكلب والله اليوم اذبحج ولج بنت المطي شلون هيج تضربين البنيه

وهي تصيح وترد عليه...والله ما افتح الباب ما افتحه  هي جلبه هي جولييت جلبه انتم ما تعرفون شسوت بيه تحجي بعرض بناتي واخوها كتل زوجي ودكول بطبه مرض

انتم ما تدرون بيها بس هي حيه تبن والله حيه

هز راسه باسئ وصك علئ اسنانه ...والله ماكوو غيرج حيه ولج انتي حيه مرقطه اليوم اذا ما ذبحتج اطلع عار وابن عاار

اشواق باوعتلي بحده كالت...شوفي اذا ضربها ديري بالج تتدخلين هاي تستاهل ويطبها الف مرض شفتي شلون صلفه كدام الكل وكدام عمي الشيخ ما احترمت اي شخص وضربت البنيه وفلشت راسها...

اني جنت شايله مرتضئ وهي شايله مجتبئ هزيت راسي بقبول

وهو جان جاكوك وكسر الكيلون مال الباب ودخل عليها وما نسمع بس الغلط والصياح والفشار

اشواق ضحكت كالت...خلي انشوف الاكشن مال جعفر

راحت تركض واني أخذني الفضول ورحت وراها دخلنه شفته جعفر هاجم علئ نوال وهو يضرب بيها

عبالك داعشي و وكع بيد واحد نچر...

جانت تتفاده ضرباته وتصدهن بديها وهي تصييح...ولك گواد ولك ابو العرك الساقط بيك خيير ربي روحك انوب تعال ربيني والله اليوم احرك البيت علئ الخلفكم

ضربها بوكس علئ راسها وهي مثل الثور توكع وترجع توكف ولا جنها انضربت وتصيح كلها بغضب بعد مت دفرها...ولج انتي تحركين بيت الخلفي والله اليوم احركج واحرك ابوج وعشيرتج والخلفج بت الزمال

جان هي سبت ابويه كلتله ...انت ابن الزمال

وهنا جعفر انجن واحتار شلون يعاقبها جان مثل المجنون سكطها تسكط جنزها تجنز

هي وكعت من طولها وضلت ما تكدر تتنفس واحنه ما كدرنه اله نلزمه لان هو انهار انهيار تام من سبت علئ عمي مهيوب الله يرحمه

سحبنا منها وهو شمر عليها العصا وتفل عليها...لا بارك الله بيج ولا ببراطمج ام السحوره الدجاله

لزمته اشواق وهي تتوسل بي...علئ كيفك خوويه الله يخليك حبيبي خليها تولي لا تموت ويبلونها بيك خليها تولي

جر تشيرته بجزع وبغضب...ملييت طلعت روووحي ماكوو هيج مره والله ماكو هاي انتقام هاي مصيبه سوده وابتليت بيها متت منها متت

بس الي الله غاضب عليه يبلي بهيج بلوه واني ادري ربي غاضب عليه و وكعت براسي هل بلوه وجهه الطاوه

جانوا الاطفال يباوعون عليه وهم خايفين وعاكدين النونه ويردون يبجون ولو هم كل شويه وابجوا علئ امهم ويكولون ماتت طلع منها دم ...

جعفر خله وطلع واحنه ضلينه كاعدات وكل شويه نتصل بس محد ينطني جواب صحيح وصلاح راح وراهم من عرف بالسالفه وعرف حالتها ما تبشر بخير...

شويه وهي نوال طلعت وجهه مورم وكوه تمشي ولابسه عبايتها ولابسه ذهبها كلها

وكفت بباب الحوووش وضلت تضرب بي بعشوائيه فلشت الباب تفلش دفرات وبوكسيات وهي تصييح...

وتفشر وتغلط...الله ينتقم منك ويطيح حضكم ان شاء الله حوبتي ما تتعداكم ان شاء الله يا جعفر يجيبونك بتابوت

ولكم كواويد صايرين شرفاء براسي كلكم عارات وكلكم زمايل وما بيكم رجال روحو احفظوا نسوانكم الدايحه متعجبين ضربت جولييت ؟

ولكم اني من زمان ومنتظره هاي اللحظه من زمان واني اريد اكتلها بيدي

انوب هاي اشو ضلت تهلهل...كلووووووووش افرح فلاح افرح بگبرك حبيبي اخذت ثارك بعد ما كوم مال زلم مشوربه محد اخذ ثارك منهم

كتلت اخت كتالك يا فلاح اخذت ثارك شيلك رايه بيضه بگبرك وتباهه كدام الموتئ وكول محد اخذ ثاري غير مرتي ...

ليش ما دخل جعفر دفعها كسرها تكسر كلها بغضب...والله لو كون يطلعلج فلاح من كبره اله يطكج بزيج علئ هل كلام يا ثار يا نعال

انتي مصدكه روحج بالقران انتي مو صاحيه نسودنه ما عندج عقل

وكفت بصلافه وردت عليه ...والله الي يشوفكم ويعيش وياكم مو بس يصير مسودن

بس بسيطه يا ابو العرك بسيطه اذا ما اليوم ندمتك ما اطلع ام سجاوي

هز ايده...غير تستقر ام نعلاوي دمشي ولي فكينه من جهرتج الزفره

ضربت الباب بغضب ...جيب بناتي

كعد ببرود علئ الدرج ورد عليها...انتي مره اخذيهن والله اطلعج اجنازه ...

هي دفرت  الباب وخلت وراحت وبعدها تسب وتغلط حتئ الجيران طلعوا علئ صوتها شكد متستحي...

جعفر جر نفس وحط راسه بين اديه...والله مشكله هل مره مشكله كون تموت والله نذر طلي لابو فاضل وقبل لا اذبحه اوكله من حلويات المصطفئ...

وبعدها خله وراح للمستشفئ يشوف جولي لان كالو جاسر جاي...

...........................

وقار...

جنت واكفه بتهالك ساعه ابجي وساعه أتألم وساعه الهث من التعب حالتها حرجه وما نملك اله الدعاء

والمشاكل ما تجي من وراها بس المصايب دخل جااسر وكان صدره يعلئ ويهبط واجه وهو يركض

زمجر بالم شديد بعد ما شاف الكل واكف لزم جابر بحده...شكووو احجي شنوو الصار احجييي

باوع للوجوه الخايفه والمترقبه صاح بيهم بصوت غاضب...واحد منكم يحجي الصاااار ومرتي شبيها احجوا...

لزمته رضيه  بتوسل وخووف...يمه علئ كيفك اهدئ هي تعاركت ويه نوال ونوال ضربتها ببطل المي علئ راسها

دفع ايد رضيه بغضب...وانتم وين جنتوا عنها شلون تخلونها تضربها

عمي تقرب منه ولزمه من كتفه وطبطب عليه...علئ كيفك بويه شويه اعصابك كل شئ بالتفاهم ينحل وهسه مرتك مريضه خلينه نشوف حالتها وبعدها نعاقب نوال

صك علئ اسنانه ورد علئ عمي ...كل ظالم ونهايته اشد من ظلمه ونوال طغت وتجبرت هووواي والله حسابها عندي وما اريد اي واحد يتدخل ويصير شريف براسي...

تركنا ومشه عند الدكتور وهو يريد يتطمن عن حالتها اني خليت ورحت وراه

امشي واتوسل بي يهدي اعصابه شويه هو ما عرف بيها هي سقطت ولا عرف عندها نزيفين ونهار عليها وتخبل لو يعرف شحيسوي...

دخل للدكتور وطلب يشرح اله عن حالة جولييت والدكتور حجه اله بالصحيح

جانت ملامحه تحدت بكل كلمه من كلام الدكتور ويحتقن وجهه بلون الدم

وكف بغضب عاااارم وطلع من غرفة الدكتور وهو يكشي،بسرعه وساقنه رجليه عند المظلومه اليتيمه الهامده علئ مشارف الهلاك

باوع الها من غرفتها الممدوده بيها جانت جسد بدون روح

تعالت خفقات گلبه بالم عليها وابتعد عن الغرفه وهو يمشي بخطوات واثقه منتقمه اجرئ اتصال سريع ما فهمت منه شئ بس الي عرفته هو كله...تعالي بسرعه اريدك تسجل تقرير وترفع دعوه ...اي اني بالجمله العصبية...

قفل الخط ودار وجهه المحتقن عليه ومن بين ثورة عصبيته سالني بغضب...علئ شنو ضربتها هل كلبه

رديت عليه بصوت مخنوگ من البكاء وبعبره...لان عمي وجابر رادوا يحلفون نوال ما مسويه سحر لجعفر وذيج مقبلت كالتله اله جولي تحلف ومن رادت جولي تحلف نوال ضربتها

هو باوعلي بحده وعيونه بيها غضب شاسع كال...علئ اي اساس جولييت تحلف وشنو انتم وتحلفوها

رفعت اكتافي بخوف وعدم معرفه...والله ما اعرف عمو هو كال تحلف وهي قبلت ونوال ضربتها ببطل مي بس جان جامد حييل

نزل راسه وجر نفس عمييق...ماذيتها وضاربتها حييل هل كلبه

هزيت راسي بأي...ضربتها براسها خطيه ضلت تنزف ...

رفع اصبعه بتهديد...والله اذا صار بيها شئ نوال ما تلوم اله نفسها

وهل طفل المات اله اطلعه من عيونها وعيون الخلفها ...

طلع من الممر الطويل الممدود بالغرف وطلع للحديقه شاف عمي وجابر باوعلهم بغضب وزمجر بيهم بغضب...انتم بأي حق تحلفون زوجتي بالقران شنو ساحرتكم واني ما ادري

شنو هل مهزله والله انتم ساس البله والمشاكل مو من حقكم تردون تحلفون زوجتي وزوجتي لا طالعه ولا ماشيه

رد عليه عمي بعد ما بلع ريكخ...عمي احنه ردنه نحلفها لاجل الستر

صرخ بوجهه بعصبية...ايييييي ستر ايييي ستر مرتي بين الحياة والموووت مرتي فقدت طفلها ونزيفين براسها والله والله اذا جولييت صار بيها شئ

كلكم اكتلكم وانعل الساعه العرفتكم بيها ...

انتم ساس البله والمصايب شكو تتصرفون من كيفكم وشدخلكم اصلا اني ما انسه فعايلكم وياي ولا انسه السويتوا ضدي

وكل هذا وكلت مبخالف جاسر ميخالف يضلون عمك وابن عمك جااين انوب البيتي والله نوال ما تقبل تحلف اله جولييت تحلف

علئ اي اسسساس انتم تحلفونها والله لو اني اهنا جان عرفت شلون اتصرف

وذيج بنت الكلب ما تتوب مني اني اعرف شلووون اربيها ومثل ما حرمت جولييت من طفلها راح احرمها من بناتها

ولحد يجي يبيع مثاليات براسي ولا يجي يصير متدين عليه اني رجال ما اعترف بمثالياتكم والبراسي اسوي ..

لزمته امي بحنان...علئ كيفك يمه استهدي بالرحمن

ابتعد عن امي خطوات كبيره...انتم خليتوا براسي عقل والله اذا ما خبلتكم مثل ما خبلتوني ما اطلع جاسر ...

مشه مسافه طوويله واني جنت ابجي واديه واطرافي جمدت من الخوف والدمعه تسبق الدمعه...

لزمني جابر من كتفي وهمس...روحي وقار روحي واسي اخووج لا تخلينه الوحده

ركضت وراه وهو وكف يخابر عقد حواجبه باستغراب...رافعه دعوه قبلنا اهااا يالله تمام باوع اريدك كم يوم وتسقطها وترفع دعوه جديده ضدها ...

ميخالف خلي ياكله كم يوم بالسجن ما بيها شئ

قفل الخط وباوعلي لزما ايده بحنان واني امسح بدموعي...جاسر ان شاء الله ربي يشافيها لا تخاف ربي موجود

جر نفس عميق وتنهد باوعلي بغصه...تعبت والله حييييل تعبت بعد ما اكدر افقد اكثر من هييج طلعت روحي احس حياتي مثل السراب وكل يوم مختفي مني شخص

شام انسانه حبيتها وحبيت لطافتها وروحها ومرحها وضاعت مني باللحظات

غزل عشت بيها والها وروحي ما جنت اشوفها اله بعيونها عوضتني عن الم امها وغيابها وانقتلت بدم بارد ودفنتها بيدي

ومن بعد معناة ويه روحي وعقلي وگلبي وعذاب جسدي ونفسي  ومحد كسر عنفواني غيرها جنت شيطان بهيئة بشر تجبرت عليها هووواي

وداوت نفسي بيها اخذتها بذنب مو ذنبها كل يوم انكر تربعها علئ عرش گلبي من حسيتها هي بلسم لجروحي القدر لعب لعبته مره ثانيه وياي ويريد يحرمني منها...

واني هاي اخر طاقه الي اذا جولييت ماتت ما تعرفون شلون اتصرف انتقم من نفسي قبل غيري

تقربت منه بحنان...لا اسم الله ان شاء الله عمرها طويل يارب ولا يحرمها منك ولا تنحرم منها...

جر نفس مقهووور ورد بغصه...شلوون والدكتور ما طمني وكال حالتها حرجه وحتئ لو عدت مرحلة الخطر اصابتها بيها اضرار واضحه يا اما تنشل يا اما تنعمي

فتحت عيوني مصدومه من كلامه وبلعت ريكي بتعب...ياااا عزا العزززاني لا اسم الله ان شاء الله ما بيها شئ...ربي يحفظها  لاطفالها خطيه لو تشوفهم  شلون تخبلو عليها من انضربت وشلون ضلوا يبجون

باوعلي بحيره وجمود....وقار لا تعوفينهم ترئ جولييت تحبهم وهم وكحين لا يصير بيهم شئ واني ما اكدر اعوفها واكابلم

جريت نفس...لا لتخاف اشواق يمهم و ريهام خطيه ممقصرات

انوب اجه يمنه صلاح ضل يحجي وياه ويهدء بي ويطمنه بس هو هيهات ابد ما متطمن وروحه ذايبه عليها....

............................

ريهام...

صار يومين وجولييت بالمستشفئ ولحد الان بغيبوبه مؤقته واني اليوم قررت اروح اشوفها لان ما رحت الها من وكعت وتمرضت لان الاطفال ماخذين كل وقتي وما اكدر اروح واعوفهم...

عفت الاطفال بامانة ماما رضيه ورحت اشوف جولييت المسكينه وجثتها الهامده علئ سرير المرض...

رحنه اني وصلاح واشواق جنت طوول الطريق دايخه ولعبانه نفسي بصراحه شكد ما فرحت بحملي لكن للاسف انقهرت وفقدة لذة طعم الفرحه بسبب الصار بجولي...

وصلنه للمستشفئ ودخلنه جوه الها بالعنايه المركزه هي جانت بغيبوبه مؤقته ولحد الان النزيفين ما توقفوا والطفل فقدته للاسف...

شكول عليج يا نوال دمرتي هل البنيه وخليتها تصارع علئ فراش الموت وقتلتي رووح لحد الان ما شافت النور وماتت بعتمة ضلمة الرحم...

هي جانت حاسه بيها بنوته وجانت رغم حزنها بس بنفس الوقت سعيده ودكول ياريت تصير عندي بنيه البنيه حبيبه وسند وضل الامها

واني اذا صارت عندي بنوته اعتبرها امي واختي وصاحبتي لان اني فاقده لامي وفاقده الاختي وان شاء الله اني اعوضها وهي تعوضني ونصير حبيبات

واذا استقرت حياتي وصارت اموري طبيعيه اني ما اخليها وحيده بإذن ربي ان شاء الله اخلف الها اخت تسندها...

بس قدر الله و ما شاء فعل والحمد لله على كل حال ماكو اعتراض علئ إرادته...

دخلنه اني واشواق بس صلاح ما قبلو يدخل ضل بالحديقه استاذنه من الدكتور بس ما قبل ندخل الها كال شوفوها من زجاج الباب وخلو المريضه بغيبوبتها...

باوعتلها من بعيد وهي ممدوده والاوكسجين معلق بخشمها واكتافها الشاحبه العاريه الهزيله ضاهره للكل

ياربي طفله وغربتها الاحزان والدموع تنزل بدون سابق انذار علئ حالها اليتيم ...

وين اهلها عنها اي ذنب اذنبته حتئ هيج الكل هيج يجرم بحقها...

امها وين عنها !!! بين سكرات موتها المحتمه وبين السجاجين المغروسه بألم بصدرها هي دائما تذكر أمها وما نستها...

اوووف هاي بنتج يا خاله جنها ورقة خرييف ذبلت و وكعت وانتي صامده مثل كل شجره انتزعت منها اورقها وضلت بشموخها شلون ما كسرت خاطرج هل ورقه الخريفيه...

شفنه جاسر كاعد علئ الكرسي يمها وهو لازم ايدها وكل شويه وغطا اكتافها العاريه وباس اصابع ايدها الضعيفة...

قسوته بروده عنفوانه شدته وغموضه ذاب اليوم ويه جوولي وكأنه اسد مغوار انذبحت لبوته والحزن خيم علئ هيئته وعنفوانه. 

تنهدت بحزن ومسحت دموعي الغزيره ...

خليت ورحت كعدت انتظر يقبل الدكتور ادخل الها لان الدكتور الكبير ما يقبل واحد يدخل عليها بس الممرضين يخلونه مرات ندخل ...

والشخص المرافق الها مرات البنات وعدد مرات جاسر هو المرافق الدائم الها...

اتذكرت شقاوتها وعنادها الدائم من تصر علئ شي تسويه تسويه

طلعت وقار كالت...غير اخذوا جابر وجعفر للسجن وجهه الطاوه مشتكيه عليهم وشارده لا وانوب يكولون جعفر مشتغل حفافه هناك

ضحكت سرحت ببالي للبعيد و تذكرتها...من رادت تصير حلاقه وتنمي موهبتها باطفالها واكلت رزاله غسل ولبس

جانت كاعده بالصاله ولازمه موبايل ماما رضيه وتباوع عليه بهمه وهي عاكده حواجبها

اجيت كعدت بصفها شفتها كاعده تباوع علئ مقطع مال ولد يحلق بطفل وهي دتحفظ خطوات الحلاقه الصحيحه

كملت المقطع جان طفل حلو واشكر وعيونه ملونه يشبه مشمش وروضي وحتئ نفس شعرهم

باوعتلي بفرحه وحماس...باعي ريهام حفظت شلون ازين اطفالي واحلق شعرهم اممم حسوي يجنن...

فتحت عيوني مصدومه ...يااا عزا ولج لا تخربين شعرهم

ردت بثقه...لا ما الج شغل ترئ،سهل اخلي المكينخ علئ نمره اربعه وادرج الشعر...

سحبت نفس بخيبة امل وهي راحت جابت المكينه مالة جعفر واجت لزمت اول شئ مرتضئ وخلته علئ الكرسي وهو حاضن الديج وهي تزين بي

مشيت بي بالمكينه وطيرت شعره وتكرطف

باوعتله بدهشه وخووف...يا عزااا لج خرب شعره

تنهدت بضيق...ولج يااا عزا العزاني هسه جاسر يموتج

اخذت المقص بثقه...لا هسه اعدله ضلت تتفنن بالمقص وكله غلط كرطفته تكرطف

مسحت علئ شعره وباسته...يمه فدوه طلعت تجنن من يجي ابووك عود جيبلي فلوس الزيان هههههه

انوب لزمت مجتبئ هذا يحوص هوايه مشت بخط طوويل بشعره حطيت ايدها علئ خدها بخوف وبعدها ابتسمت بفشله...لا لتخاف حبيبي هسه اعدله

لزمت المقص وسوتله مثل اخوو خطيه سوتهم جنهم كتاكيت مهلسه

باوعتلي وضحكت بفشله...يالله العافيه بالتداريج شويه شويه اتعلم

ماما رضيه من شافتهم ضلت تحجي عليها وهي ترد ببراءه وتبرر النفسها

واجه جاسر وشافهم تخبل كال بعصبية مفرطه ...هاي منوو لاعب بشعرهم

باوعتلها رضيه بلوم وجابته...مرتك ام الصالون

هو جان لازم سويج السياره عليها وهجم عليها هي بسرعه انهزمت ودخلت بالحمام

هو دك الباب حييل...افتحي الباب ولج جولييت والله اليوم اله اذبحج علئ هل عمله شمسويه بالجهال

ردت عليه بصوت خايف ومرتبك...شسوي لعد شعرهم طووول وهم ما يقبلون يرحون للحلاق اله الديج وياهم

ضرب الباب بقبضة ايده القويه وعاط بيها...اطلعي ولججح والله اليوم اذبحج انتي والدييج

ردت عليه ببراءه...شبي والله حلو زيانهم بس يحتاج شويه تعديل ...

جاوبها بعصبية...تعدييل ولج.....من احجي اطلع مو زين بسيطه اليوم نامي بالغرفه يعني ما تطلعين واطيح حضج...بسيطه اليوم نامي هنا بالحمام عفني عفني...

لزمته ماما رضيه وهي تهدي بي ...علئ كيفك يمه علئ كيفك خطيه غلطت ومنك السماح

باوع الها باستهزاء...غلطت مووو ولج هاي ما تكعد لازمه جهالي ومسويتهم فار مال تجارب تجرب بيهم مواهبها...

جاوبته بحزن ...انت دومك تغلط عليه وتستهزء بيه وتدثر مواهبي

رد بغرور بعد ما ضرب الباب حيل كمزت من مكاني...باتي بالحمام وطوري مواهب ويه الجني ابو شورت...

ضلينه تقريبا ربع ساعه واني رحت كلتلها..جوجو حبي افتحي الباب جاسر راح

رد عليه بقلق...احلفي

اني ضحكت وحلفت الها وهي طلعت من شافته ماكو نفخت ريشاتها كالت...اني مخايفه منه بس اني الخاطر ماما رضيه

وبعدين هو شدخله هم اطفالي وبكيفي ازينهم اخربهم كيفي والله

كعدت رجل علئ رجل بغرفتها وهي عاكده حواجبها..اكولج ريهام اني غلطانه

رديت عليها بضحكه...لا حبي مغلطانه بس هو متعافي

عقدت حواجبها...هو وين راح

ضحكت...راح يعدل زيان مجتبئ ومرتضئ عند الحلاق

ضلينه نسولف اني وياها وهو تقرببا ساعه واجه معدل زيانهم وطالعين حلوين كال ...وين راحت الكوافيره الشهيره طلعت من الحمام لو لا

جاوبته ماما رضيه...اي طلعت بغرفتها

هز ايده...خرب غيرتها لاعبه بيهم لعب عبالك سجناء سياسيين ومعاقبتهم...

ضل كم يوم هو راح الشغله وهي جانت تنضف ويايه واجوها ولدها اول ما شافتهم هي لطمت صدرها بخووف....ياااا عزااا باعي شمسوين

باوعت عليهم وطكيتها بضحكه قووويه جان شكلهم يخرب ضحك كاصين كذلهم ولاعبين لعب بشعرهم

هاي ضربت رجلها بالارض...بسييطه اله اكول لابوكم عليكم

اخذت موبايل رضيه وكتبت...هلاو جاسر ترئ ولدك كصو كذلهم مو تجي وتذبها براسي ترئ اني ما الي شغل

اني جنت واكفه يمها واباوع للتليفون كلها...ومنو علمهم يكصون شعرهم منين تعلمو

كتبت...مو من ذاك اليوم من اني زينت شعرهم هم تعلموا

هو جاوبها وهي بسرعه حطت ايدها علئ شاشة الموبايل بصدمه وخجل ضحكت كلتلها...شبييج ؟

كالت بفشله بعد ما رفعت عيونها الملونه...هاااا فشر عليه شكد ما يستحي محد مربي...

ضحكت عليها وهي مسحت الرسائل وقفلت الموبايل وانطته الرضيه....

جان هذا موقف اتذكرته وياها جعفر ما ينخاف عليه حتئ لو يدخل سجن متعلم علئ كوولشي بس المشكله جابر ما متعلم علئ هيج اشياء

الله يشافيج يا جوولي ويفك اسر جابر وجعفر من السجن وينتقم من اعدائكم...

..................................

جابر ...

اندكت الباب بقووة وعنف وصوت سيارات الشرطة يم الباب استغربنا!!!!

لزمتني وقار من ايدي جابر عفية هاي شصاير لتطلع فدوة خلي يجي عمو يله ..

بعدت ايدها مني وخري ولج شنو اخاف اطلع قابل حرمة اني !! شوو وخري وخري وادري بنفسي ممسوي شي ..

رحت للباب لحكتني امي تبجي ووقار وراها ، فتحت الباب شفت سيارة شرطة وضابط وشرطة اثنين
سألوني انت جابر عكاب؟

جاوبتهم اي اني خير سيدي ليش تسأل شمسوي ؟

بالمركز تعرف انته عليك القاء قبض يله تفضل ويانه ..

امي ظلت تتوسل بالضابط .. ووقار باوعتلها واكفة بباب الاستقبال وميتة بجي ..
امي وجهت كلامها للضابط
_ فدوة والله ممسوي شي ليش تاخذونه ؟

الضابط كاللها حجية خلي نشوف شغلنا واخذوني خلو الكلبجات بيدي وفوتوني على السيارة ورة ويمي شرطي ..

وصلنا للمركز دخلوني على ضابط التحقيق وجهلي التهم المنسوبة الي ..

تفاجئت نوال متهمتني بالاعتداء عليها!!!! وجايبه شهود والضابط امر الشرطي يفوتني جوة للحبس ..

دخلني جوه بالتوقيف ، جان مليان مسجونين شي فوك شي الي ضارب صفنة والي كاعد يدخن والي مخلي اديه وره ظهره وواكف ومرتجي ع الحايط ..

ظليت ادورلي مكان اكعد بي وجان يوصلني صوت اعرفه التفتت ع صوت و اشوف  جعفر كاعد  ... يحف بوجناته واحد من المساجين ويسولف ويضحك ..

تفاجئت وتوجهت اله هو شافني كام على حيله وكف
الابتسامة شاكه حلكه ...

ضربني على كتفي بيده وكال ...هلا بابن العم هلا  بالضلع الما ينشلع ..

والله انك كفوو ما خليتني الوحدي تاكلني الذيابه جاي تواسيني ...

ضحكت وخليت ايدي على كتفه لك ياذيابه اشو انته متأقلم عايش اللحظة ومستغل وقت ومشتغل حافووفة ..

نحجي جان ذاك الي جان يحفله جعفر
وهو لازم خده ونافخ الثاني وظل يصيح...يالله جعفر اختنكت واني نافخ روحي شوكت تجي تكمل!!

التفت عليه جعفر وجاوبه ...جايك جايك حبيبي حضر فلوسك ...

لزمته من عكسه هاي شسوي هنا ولك ؟؟ مفتحلك مشروع لو شنو

رد عليه  بعدم مبالاة وضحك...شبيك ولك اني مثل الطماطه ارهم الكلشي وحتى من المركة هم اطلعلك لعد شوون !!

عود نويله مكيفة عبالها تلوي ذراعي و من تسجني اضييع ما تدري فتحت مشروع حلاقه بالسجن وجاي افيد واستفيد ..

ضحكت على سوالفه وكعدت بالكاع ثنيت ركبي لصدري لان ماكو مكان امددهن ..

راح يم الولد الي جاي يحف اله والتفت عليه
صدك جابر انته  شنو تهتمتك شكو داخل للسجن ؟؟
شنو التهمه قتل سرقة بنك اعتداء علئ اعراض العالم ام انقلابٌ عسكري؟؟؟

كتله انته منين يطفووك غير لو تعرف وجهه الطاوه مشتكيه عليه؟

كال حتى انته وصلك اللقب الشهير وجه الطاوة
تالي انتبه على كلامي وطكاهه ضحكة قووووية ..
والله طلعت بت اصول وجه الطاوة جابتك يمي ونيس ..

وكمل بضحك ويضرب على رجله
_ خرب غيرتج وجهه الطاوه تريد تكسبني الصالحها بس ما تعرف شلون  عود عبالها من تجيبلي ونيس بالسجن احبها ..

كتله كافي كافي انته شنوو بالع مسجل خلينه نشوف البلوة السودة المصخمة الي وكعنا بيها ..

كال افاا جابر لا تهتم محلولة محلولة وبعدين ترة السجن للرجال ..

جاوبته بملل ادري للرجال بس كون مسوي جريمة مو ممسوي لو انته ابد مايهمك ..

ولا يهمك ابن عمي تجي نويله واحاجيها ..

ضحكت باستهزاء هيه ذابتنا بسجن يريد يحاجيها من شوكت اكو لغة حوار بين الانسان والحيوانات وخصة هاي جنتكم لاتخاطبها باادب خاطبها بالصونده وهيه تفتهم ..

تدلل تدلل بس خل اطلع هسه مشغول ..

انوب التاف على الي جاي يحفله وكمل حفافة وذاك يحوس كله اثبت اثبت شبيك وجهك جنه يدة مال هاون ..

واني طالعة روحي هو يحف للشباب ويسلمني الدخل ... هو هذا منو معلمة يحف اشو صاير محترف .. !!

هاي تاليتك يجابر مشمور بسجن وانت لا بيها ولا عليها ...

صرت مثل هذا لا هو حاجوز ولا هو راميله طلقه واجته الچيله بكصته...

.................................

شهد...

خابرت علئ جعفر ما حصلته استغربت هذا مو كال حطلك وجهه الطاوه وارجعلج وين وله

بسيطه وجهه الطاوه ما تخلي اكييد واكيد هسه نايم بحظنها العفن...

ضليت اكل بروحي بغضب واتصلت علئ ريهام حجيت وياها شويه كالت...لا خطيه جعفر مسجون لان كتل نوال وكسر ايدها وهي مشتكيه عليه

ضحكت بفرح...ايي حل بس شعجب كتلها

كالت...هاااا مو ضربت جولييت وطرحت طفلها وصار عندها نزيفين ولحد الان ما انقطع النزيف

لطمت خدي...يااا عزا العزاها المجرمه ام السحوره ما رفع عليها دعوه جاسر

ردت عليه...رفع بس هي مهزومه مدري وين ولحد الان ماكو وان شاء الله بهاي النتيجه حتسقط الدعوه عن جابر وعن جعفر ...

همست بحزن...ان شاء الله...

خليت وقفلت الموبايل وبعدها رحت العمتي طلبت منها نروح للجمله العصبية وهي مقصرت الحمد لله

خلينه ورحنه سالت عنها وانطيتهم اسمها صعدت للغرفه المخلينها بيها ما لكيت احد يمها

كالت الممرضه لا جان زوجها هنا وحماتها بس راحوا يجيبون التحاليل ومناك راحوا المركز الدم

شفتها من بعيد خطيه البنيه حالتها يرثئ الها شويه واجت مره وياها بنيه

اني يمكن عرفتها بس اني ما عشت هوايه ويه اهل جعفر لذلك معرفتي قليله بالعالم بس يمكن خالة جعفر اتذكر مره اجتنه هي وبنتها...

باوعن علينه وفتحن الباب ودخلن ضلن يصورن بيها وطلعن بس من طلعن

وهاي المره شافتني سوت روحها تولول وتبجي وهي ولا دمعه

وكل شويه وكالت...سوده عليه يمه جووولي الله يساعد امج والله...

اني ما اهتميت وبعدها انتظرناهم ما اجو خلينه ورحنه وكلت ان شاء الله اجي مره ثانيه....

بس استغربت من هاي المره ليش صورتها...

.....................

حازم

بأحد دوول اوربا جنت واكفه علئ الشباك الطووويل وعاصم متمدد والعكازه بصفه وهو صافن للبعيد

وامي جانت كاعده تصلي بحزن وتناجي ربها وتطلب الرحمه النه والبنتها...

امي من بعد الصار صارت حركتها صعبه حييل من التشوهه الطفولي العندها تمشي خطوتيين وتوكع بعد ما تكدر

عاجزه بس ولا يوم ما ذكرت جولييت ولا بيوم ما بجت عليها وطلبت اكثر من مره نرجعها الوحدها وهي تعيش بالعراق واحنا هنا بس عاصم واني ما قبلنه

ما نكدر نعوفها الوحدها لو نرجع وياها لو نخليها ويانه

اتصل موبايلي باوعت مكتوب عمي ابو هيثم فتحت خط اجاني صوت خالتي كالت...هلا حازم امك هنا عندي موضوع مهم وياها

استغربت ورديت عليها...هلا بيج بس موضوعيش

رد عليه باستعجال...موضوع مهم بسرعه انطيني امك

امي زحفت علئ ركبها واجت يمي بخوف وحزن...انطيني شكوو ويامن تحجي

وكفت بصعوبه وخطفت الموبايل من عندي ورد عليها ...هااا شكووو يا موضوع

هي هاجمته بقسوة وعنفوووان...ولج انتي شلووون ام انتي شنووو من ام ولج بنتج بين الحياة والمووت وانتي كاعده ويه الاجانب

انتي نسيتي بنتج انتي مو ام حرام تنحسبين علئ الامهات حرررامات

ولج هاي نظر عيينج هاي بنتج المظلومه

شفت امي ارتعشت كلها والدمعه وكعت من عينها وما لامست خدها كلتلها بارتجاف واحتقان...شبيها جولييت شبيها بنيتي شسويتوا بيهل بعد

وكف عاصم بغضب وهو يمشي علئ عكازته و وكف مقابيل امي وهو يبلع ريكه ومسح علئ وجهه بتوتر...

ردت عليها خالتي ...هسه اشوفج وانتي شوفي بعينج شوفي حال بنتج شوف الضيم الي هي بي

صرخت امي بصوت عالي...ولججججججج شبيها جولييت شبيييييها

اني ردت اسحب الموبايل من امي بس هي ضربتني و اتمسكت بالموبايل

خالتي ردت عليها ...هسه ارسلج وشوفي بعينج

قفلت الخط وامي ضلت لازمه الموبايل بقوه وهي متوتره وترجف ودموعها بللت شيلتها

رن الموبايل دليل علئ وصول رساله فتحت الموبايل وفتحت الصور واني وعاصم نباوع وياها

شفنه جولييت حالها يفطر الگلب عيونها مشدوده والذبول واضح عليها وراسها ملفوف باحكام وشعرها متناثر علئ وجهه الشاحب شحوب الأموات

والاوكسجيين بخشمها والمغذي حالها ما يمت للاحياء بأي صله جولييت مييته ميييته

كاتبه جوووه الصوره...هاي بنتج انتي مخليتها عند كاسر المجرم شوفي شسوه بيها شوفي شلوون شل بنتج وعماها وفلش راسها افزعي البنتج يا مجرمه...

نهاية البارت...يتبع

كونوا انتم كونوا بخير...احبكم 💔

نور سمو العراق 😘

لا تنسوا التصويت والمشاركه بكم نكتمل ❤❤🌹

تنبية بنات...اكو حساب ديتجاوز عليه بصوره مو طبيعيه واني اعرف هل حساب وهمي يعني كل عاده ماكو شئ جديد

هي كل قصه تنجج لازم يجون يركضون اعداء النجاح ويضلون يسفطوون علينا عادي هاي منتهين منها...

اني  ما اهتم لهاي التجاوزات وهي شئ اكيد تتجاوز داخل التعليقات بس اني ما ناطيتها اهميه لابستها 😂😂😂

لذلك صارت تجي للمنصه وتغلط عندها عقده نفسيه بحياتها تريد تفرغها بالغلط بس ياريت تدخل بحسابها الاصلي

اني حتئ الي يعتب عليه اتقبله والله وان شاء الله برحابة صدر ولو متحبون القصه ما تعتبون

والي اكدر عليه اقدمه وان شاء الله ما اقصر...

خلوني اشوفكم هذا الحساب الوهمي الي صاحبته خاتله وراه وتغلط من وره الجام 😂😂😂

هاي نفس الحساب هاي بعد يومين شحسوي حتغير الصوره واليوز 😂😂😂😂

بس احب اكولها حبيبتي شبيج غيرانه زين احب اكولج مثل لا تستفزيني بحجة الوقاحه حتئ ما امسح بيج الارض بحجة النظافه وشكرا

لحد يصفك اكعدن اكعدن 😂😂😂

شوكت ينقرضن امهات حسابات وهميه...😁

هل تصميم الحلوه من ابداع ديما 😍😍😍

وتابعو هذا الحساب فضلا وليس امرا 😍😘
Hashimia_

حلو المقطع 😍