الفصل الثالث

رواية جرح الحرمان الجزء الثالث 3 بقلم داليا منصور جرح الحرمانرواية جرح الحرمان الحلقة الثالثة حنان بعصبية: –اما انت راجل بجح بصحيح انت كمان بترد عليا وانت غلطان. الناس اتلمت وغلطوها وهي متعصبه على خروج امل وريم امل شافت ابوها جريت عليه وهي بتقول: -في ايه يا بابا مالك والست دي بتزعقلك ليه. حنان بعصبية: –شوفي ابوكي المتخلف خبط فيا وبيبجح كمان. ريم بصدمة: –حنان انتي ازاي تكلمي واحد قد ابوكي كدا انتي اتجننتي.

حنان اتصدمت وهي بتقول: –ريم انا بس مخدتش بالي بس.. وكانت متوترة ريم قالت باستغراب: –انتي قولتي هتاخدي البنت وتسبقيني للدكتور ازاي انتي واقفة هنا وكمان البنت مراحتش للدكتور في ايه فهميني.. حنان بتوتر: –كنت جاية ادور عليكي علشان الدكتورة طلبتك بالاسم علشان انتي امهم مش انا.. ربم مصدقتش بس حبت تنهي الموضوع.. -امل انا اسفة بالنيابة عن صحبتي. اما بحزن على ابوها:

–علشان خاطرك بس صحبتك دي معندهاش زوق مش عارفه ملاك زيك ازاي تصاحبي واحدة زي دي. حنان كانت هتمسكها من شعرها وهي بتقول: –انتي تخرسي خالص وملكيش دعوة بصداقتنا و.. وقفتها ريم وهي بتقول بتعب: –حرام عليكي يا حنان هاتي بنتي واعملي اللي تعمليه انا اتخنقت من طريقتك واسلوبك امل طيبه وبنت ناس محترمة مش عارفه ليه بتتخانقي مع الراجل الطيب دا علشان بس خبط فيكي غصب عنه.. اما حبت تلم الموضوع بس صوت حياة الصغيرة

وهي بتبكي امل قالت بخزف: –بس يا يا قمري انتي هنروح واوكلك.. ريم حست بشعور غريب بمجرد مسمعت بكاء بنت امل قربت عليها وهي بتقولها: –مالها يا امل فيها حاجه اكيد البنت جعانة. امل بتوتر: –انا هروح اوكلها علشان مش هينفع لانها برضعها من ببرونة. ريم فكرت حست بحزن وقالت: –معلش دا نصيبها واكيد ربنا شايل ليها الاحسن بصي هتيها وانا اوكلها انا ربنا رازقني لولا بنتي اللي ضاعت كان زمان عندي تلاتة هعتبرها التالتة بتاعتهم.

امل حست بحزن وهي بتقول: –مش عارفه اقولك ايه انا. ريم بفرحة: –هش انا بعمل كدا علشان حساها بنتي فعلاً وبطلي الكلام دا تعالي ندخل عربيتي انتي بس خدي البنت من حنان والحقيني بالبنتين. امل خدت البنت وهي بتقول لبباها: –هروح معاها توكل حياة وهجبها واجي علطول يا بابا. عم محمد بحزن على بنته وهو بيقول: –ماشي يا بنتي انا هستناكي هنا… …. بعد يوم طويل كانت ريم قاعدة وجنب منها بناتها الاتين وهي بتفكر وبتقول:

–انا حسيتها بنتي اللي ضاعت مني حسيت بدفى في حضنها. قاطعها حنان وهي داخلة هي واخوها وبتقول: –شوف اختك عملت ايه بقت بتأكل ولاد الناس التانين للدرجة دي انتي بيئة شايفة انك ممكن تشاركي اكل بناتك للشحاتين دول. ريم بعصبية:

–اخرسي دول مش شحاتين انتي اللي متخلفة عارفة يعني ايه ام تبقى محرومة انها توكل بنها من اقل حقوق ليها محرومة اتقي الله انا اتخنقت المفروض يكون عندك احساس بدا انتي بالذات عني واكيد مش هوضح السبب علشان متقوليش اني بعايرك. سامح بعصببة: –انتي بتزعقيلها كدا ليه وكمان هي خايفه عليكي وعلى بناتك اني مش بتفهمي. ريم بصت لاخوها بصدمة:

–انت بتدافع عن حنان وبتقف ضد اختك يا سامح اللي وصلتك لهنا وخلتك راجل يعتمد عليك بجد انا مش فاهمة الدنيا حصل فيها ايه بجد. حنان غمزت سامح بخبث وقربت على ريم وهي بتقول: –ريم يا حببتي انا خايفة عليكي وخايفة على بناتك ولم انتي وقفتي ضدي علشان الست دي انا حسيت انك كرهتيني معلش سامحيني ولو عوزاني اعتزر من الراجل دا مخصوص ومن صحبتك انا عندي استعداد اعتزر دلوقت حالاً بس انتي متزعليش مني. سامح قرب هو كمان:

–وانا عمري مقف ضد اختي اللي وقفت جنبي. حنان بتبص على سامح وبتقول في بالها: –دا معندهوش ضمير وبيتريق عليا دي وقفت معاه وضحت بكل حاجه علشانه وقاعد عادي والا كأن في حاجه انا بجد مصدومة.. سامح حضن ريم اللي بتبكي وقال: –هش انا جتبك وجنب بناتك القمرات وهحاول الاقيلك بنتك التالته. بص على حنان وغمزلها حنان ضحكت في بالها وهي بتقول: –شطان بجد… … عند امل كانت قاعدة جنب عم محمد وبتقول:

–بابا انا قررت اعمل مشروع كويس ليا ويأمن مستقبلي انا والقمورة الصغننة وانت كمان ايه رايك.. عم محمد باستغراب: –مشروع ايه يا امل انتي مكملتيش جامعة حتى. امل بحزن: –بسبب الجواز والحب نسيت مستقبلي واتغافلت ان ممكن الدنيا تميل عليا كان لازم اتمسك بأني اكمل جامعة وامسك شهادتي بس الحمد لله قل لن يصيبنا إلا ما كتب الله لنا وانا مش زعلانة. عم محمد بحزن:

–سامحيني يا بنتي انا مكنش لازم اقدم تنازلات من الاول قلت دا شاب ويتيم وعلى قد حاله مش نصعبها عليه حتى ابسط حقوقك كنت بتخلى عنها علشانك ونسيت اغليكي علشان يحافظ عليكي اصل اللي بيجي بالساهل بيروح بالساهل. امل بحزن:

-انت وقفت معاه دا لو راجل كان شالهالك جميلة بس دا طلع مينفعش انه يتذكر بأسم راجل واللي يعايرني ويرميني كدا ويزل فيا حتى لقمة العيش اوقات مكنتش بلاقيها كنت بشيله في ظروفه علشان يقول اني بنت اصول بس اتضح ان بنات الاصول بيشيلو كتير جداً ومع الزمن بيندمو بعد فوات الاوان.. عم محمد بحزن:

–عندك حق يابنتي والله الراجل الجدع اللي يشيل مراته اللي وقفت معاه في وقت الضيقة مش لم ربنا يوسعها عليها يرمي بنت الاصول اللي وقفت جنبه بس هو ربنا هيجازيه وانتي ربنا هيفرحك متقلقيش اللي بيحبه ربنا لازم يختبره. امل برضا: –انا راضية والحمد لله يا بابا المهم يا حج انا محتاجه منك مبلغ علشان افتح مشروعي من البيت وكمان يكون معايا حياة واخلي بالي منها. عم محمد بحب:

–حاضر التاجر هيجبلي الفلوس النهاردة واللي هيفضل هدهملك وربنا يوسع رزقك يا بنتي بس مقولتليش مشروع ايه. قالت بفرحة: –يابابا انت نسيت اني ليا في الديزاين والشغل دا انا قدمت على شركة اون لايد وطلبوا مني التصميم على الواقع ولو عجبهم هيمضوا معايا وياخدوني المصممة الاساسية للشركة علشان كدا هجبلي شوية قماش والمكنة علشان ابداء تصميم من دلوقتي.. عم محمد باستغراب: –بس ازاي شركة وازاي من البيت مش فاهم. امل بتوضيح:

–بص يا بابا انا قلتلهم اني عندي طفلة صغيرة فهما اقترحوا ان شغلي يكون في البيت وهما هيتابعوني اون لاين وانا كمان كذلك وعلشان بنتي كمان اعرف اخلي بالي منها وهما هيجيبوا ناس تاخد شغلي من قدام بيتي يعني مش هروح لحد.. عم محمد باستغراب:

–والله العلام نور يولاد احنا الناس اللي مش متعلمين تلاقينا ننعى هم القمة انما انتم ممكن تجيبو الفلوس وانتو قاعدين ويجي في الاخر واحدة او واحد جاهل يقول البت ملهاش غير مطبخها وبس دلوقتي بقت ليها بيتها واولادها وشغلها وهي جنبهم بجد بحي اللي خلى الست تتعلم وانا ندمت اني جوزتك من قبل مكملك تعليم ربنا ينورك دماغك يابني.. امل وهي زعلانة:

–يبقوا بناتهم مكملوش 15 سنة ومبسوطين ان بناتهم القطر مفاتهمش ميعرفوش انهم اه هيبقوا ستات بيوت بس نسخة منهم والا يقدرو يربوا جيل ناجح والا حتى يقدروا انهم يعتمدوا على نفسهم ولو لقد الله حد اطلق هيرموا ولادهم لاهليهم ويتجوزا لانهم ميقدروش انهم يعتمدوا على نفسهم والا يربوا طفل والاب كذلك نشأ في نفس البيئة والتفكير وبعد كل دا الطفل بقى عنده عقده ومحروم من اهله هيطلعها على بنات الناس. عم محمد:

–عندك حق والله يا بنتي ربنا معاكي ويوفقك يارب. امل بحب: –يارب يا حج المهم الفلوس تجبها قبل ميعدي الشهر علشان الحق.. عم محمد: –حاضر باليل هيكون عندك الفلوس..