تحميل رواية جرح الحياه بقلم رنا سليمان pdf

رواية جرح الحياه كامله جميع الفصول

الفصل الاول

_اللي بيني وبينك عمره ما كان حُب…….انا عُمري ما حبيتك ولا هفكر في يوم اني احب مريضة بتتعالج عندي انتي اللي وهمتي نفسك بشيء عمره ما هيحصل لان اللي بيني وبينك علاقة دكتور بمريضة عنده لا اكتر ولا اقل

_وهمت نفسي!…….انا كُنت فاكرة انك بتحبني من تصرفاتك

_تبقي غلطانة يا هاجر……انا كل اللي عملته معاكي كان مُجرد علاج علشان تخرجي من الحالة اللي انتي فيها ……لكن انا عمري ما حبيتك ولا هيجي يوم واحبك فيه…….مكنتش فاكر ان دا ممكن يحصل في يوم…….انا اسف

_اسف!……اسف علي ايه يا ادم……..اسف انك خلتني اثق فيك بعد ما كُنت فقدت الثقة في الناس كلها…….ولا اسف انك خلتني احبك واتعلق بيك واقتنع انك غيرهم وانا فعلا بتحبني…….اسف علي اية ولا اية لا ادم

_مكنتش متخيل انك ممكن تحبيني في يوم يا هاجر…….انا معملتش حاجة تخليكي تحبيني انا كل اللي عملته اني كنت بحاول اعالجك وبس

_وانت فاكر انك كدة عالجتني…….تبقي غلطان انت بعد اللي عملته دا رجعتني لنقطة الصفر من تاني…….اللي انت عملته معايا دا اكدلي ان كلكم واحد واني كنت غلطانة لما فكرت في يوم ان احب تاني واثق في حد تاني انا حقيقي كرهتك وكرهت اليوم اللي حبيتك فيه…….شكرا لانك خلتني افقد الثقة في كل اللي حواليا تاني يا دكتور ادم……..اوعدك انك مش هتشوف وشي تاني واني هنسي في يوم اني عرفت واحد اناني زيك

سابتني وخرجت من المكتب …….فضلت باصص عليها وانا بحاول امنع دموعي انها تنزل…….خرجت من المكتب وقفلت الباب…….قعدت علي الكرسي وبدات اعيط……..مكنش قدامي حل تاني علشان ابعدها عني……..كان لازم اعمل كدة علشان تبعد وتنساني ……..عملت كدة علشان حُبي ليها…….رجعت راسي لورا وبدات افتكر اول مرة شوفتها فيها

دخلت الاوضة بتاعتها …….بصيت عليها من بعيد وهي قاعدة بتكلم نفسها وبتعيط……..قربت منها وبدات اتكلم

_انا مش مجنونه مش مجنونه هما المجانين

_صباح الخير يا هاجر

سكتت وبصاتلي بخوف وبعدت عني

_انتي مش عايزه تعرفي انا مين

هزيت رأسها بخوف ب لا وبدات تعيط…….سحبت كرسي وقعدت علي الكرسي ال قدام سريرها

_ممكن تهدي علشان نقدر نتكلم…..احب اعرفك بنفسي انا دكتور ادم الدكتور بتاعك الجديد …….انتي ممكن تعتبريني صاحبك مش الدكتور بتاعك تقدري تحكيلي كل ال مزعلك واوعدك انه هيفضل سر بينا

اية رايك؟!

فضلت باصه عليا شويه وبعدين اديتني ضهرها ونامت ……اتنهدت وفضلت باصص عليها …….يمكن اكون من اشطر الدكاتره ال نفسين في مصر ودا بشهادة معظم الدكاترة كل ال بيجولي بقدر اعاجهم ودا كان السبب ال خلي دكتور رأفت دكتوري في الجامعة يكلمني و يطلب مني اني اجي واعالج مريضه عنده في المستشفى بقالها خمس سنين في المستشفى وكل الدكاتره فشلوا انهم يعالجوها…….وافقت علي طلب دكتور رافت وروحت علشان احاول ابدا معاها في العلاج واحاول اخرجها من حالة الصمت اللي هي فيه دا……. عدا تلات شهور وانا بحاول اتكلم معاها واخليها تكلمني او ترد عليا بس مفيش فايده كانت طول الوقت باصه للسقف وساكته مش بتتكلم…… ساعات كنت افضل باصص عليها وافكر في اللي حصلها واللي وصلها للحالة دي …….كان نفسي اعرف اي ال خلاها توصل للحالة دي

كنت قاعد معاها في يوم وبحاول اتكلم معاها واحاول اخليها تتكلم

_بس يا ستي ومن ساعتها وانا هو صحاب و

اتكلمت وهي باصه للسقف

_متتعبش نفسك يا دكتور

_ايه دا انتي بتتكلمي زينا كدة …..,,,اومال بقالك تلات شهور ساكتة ليه

_بلاش تتضيع وقتك معايا يا دكتور لان كل محاولاتك هتفشل زي اللي قبلك

_بس انا مش متعود اني افشل في أي حاجة عايز احققها

اتكلمت وعلي وشها ابتسامه

_يبقي هتجرب احساس الفشل دا معايا ل اول مرة

_ال يسمعك دلوقتي ما يسمعكيش اول ما شوفتك وانتي عماله تقولي انا مش مجنونه انا مش مجنونه

_مانا فعلا مش مجنونه بس مش عايزه اتعالج

_ودا ازاي يعني ……يعني ايه مش مجنونه ومش عايزة تتعالجي

_معني اني اتعالج اني هخرج من هنا للمجانين الحقيقين ال برا

كل ال برا المصحه دول مجانين بدون استثناء مجانين وكذابين ومنافقين…….انا وجودي هنا ارحم بكتير من خروجي واني ارجع اقابلهم

ف علشان كده بقولك يا دكتور مغامراتك وقصصك اللي عمال تحكيهالي من الصبح دي مش هتفرق معايا في حاجه وانت بتضيع وقتك على الفاضي……روح وقولهم انك فشلت في معالجتي ووفر وقتك

_بصي يا هاجر انا مش عارف ايه اللي حصالك وخلاكي توصلي للمرحلة دي بس انا عايز اقولك ان مفيش حاجه في الدنيا دي تستاهل انك تحبسي نفسك في اوضه اربع حيطان من غير ما تتعاملي مع البشر اللي برا الاوضه دي …….على فكرة يا هاجر زي ما في الوحش في الدنيا دي فيه الحلو في ناس قلوبها جميله وطيبه غير الناس اللي تعرفيها…… صدقيني يا هاجر والله

دموعها بدات تتنزل على خدها وبدات تتكلم من وسط دموعها

_بس انا بقي كل اللي قابلتهم في حياتي كانوا ناس معندهاش ضمير ولا قلب ولا حتي رحمة خلوني اكره البشر كلهم …….من اول يوم جيت فيه الدنيا دي وانا محكوم عليا ب الاعدام ابويا وامي اطلقوا وابويا باعني ومسألش فيا وامي باعتني علشان الواطي جوزها وعلشان بتحبه…… تفتكر ايه اللي ممكن اخرجله برا المكان دا …….صدقني والله يا دكتور انا مرتاحة هنا والله

_تفتكري ان دا حل انك تحبسي نفسك في المكان دا حل انك تتعزلي عن العالم كله بسبب كام شخص غلطوا في حقك …….دا حل لو دا تفكيرك يا هاجر ف انا اسف اني اقولك انك غبيه …….انتي لازم تخرجي من المكان دا وتتعرفي على ناس جديده وتحبيهم ويحبوكي ساعتها بس هتكتشفي انك كنتي غلط وان مش كل الناس وحشه زي ما انتي فاكره

لاول مرة تبصلي في عنيا من ساعه ما قابلتها

_مش هقدر يا دكتور لو كنت اقدر اعمل كدة كنت عمالت كدة من زمان بس انا مش هقدر

_بس انا معاكي وهفضل جمبك لحد ما تخفي ومش همل منك ولا هسيبك

_انت متعرفش انا حصلي ايه ولا اي اللي وصلني للحالة دي

_مستعد اني اسمعك ونحاول نلاقي حل احنا الاثنين……..وانا واثق اننا هنقدر نلاقي حل

فضلت بصالي وساكتة……..فضلت باصص ليها ……..كان نفسي انها تفتح ليا قلبها وتحكيلي اللي حصل ليها و احاول اني اساعدها

_اتجوزك!……انتي بتقولي ايه يا فرح

_هو دا الحل يا كرم…….لو معملناش كدة هيحاولوا بكل الطرق انهم يخلصوا مني علشان يستولوا علي كل حاجة

_حل يا فرح……….انتي كدة مش بتحلي الموضوع انتي كدة بتعقديه اكتر………..انتي فاكرة انك لما تعملي كدة هيسبوكي في حالك بل عكس دول هيحاولوا يأذوكي اكتر يا فرح

_ساعتها انت هتحميني منهم وتقف قصادهم

_انتي فاكرة الجواز دا لعبة تلعبي بيها ………..انسي اللي بتفكري فيه دا يا فرح لانه غلط وانا مستحيل اوافقك علي حاجة زي دي

_مش انا طول الوقت بتقولي انك جمبي وهتساعدني اقف في وشهم وامنعهم يضيعوا تعب جدو

_ولسة عند كلامي يا فرح………..انا مُستعد اعمل اي حاجة علشان احميكي منهم

_وانا قولتلك اللي هتقدر تساعدني بيه وانت بترفض تساعدني

_علشان دا مش حل يا فرح………اللي بتقوليه دا مينفعش في مليون حل غير دا لكن الحل دا مش هينفع ابدا

_بس يا كرم

_فرح……….انا قولت اللي عندي انا مش موافق علي اللي انتي بتقوليه دا ……….وانتي كمان بلاش تفكري في الموضوع دا وطلعيه من دماغك

خرجت من الفيلا من غير ما اسمع منها رد………قفلت الباب ورايا وفضلت واقف مكاني……….انا اه بحبها وبحبها اوي كمان بس اللي هي بتطلبه دا مينفعش………مينفعش ان انا وهي نتجوز بس علشان احميها من اهلها واللي ممكن يعملوه فيها………انا مستعد اضحي بحياتي علشانها بس صعب اني اعمل كدة……..صعب اني اتجوزها وانا عارف انها مش بتحبني ولا عمرها هتحبني في يوم ………الجواز مش لعبة في ايدينا الجواز دا حياة جديدة بين اتنين ولازم كل واحد يختار شريكه في الحياة الجديدة دي صح

مش يختار شريكه علشان بس يساعده في مشكلة……….اتنهدت بتعب ومشيت وانا مش عارف اعمل اية واساعدها ازاي

“علي”

_غلطانة يا هاجر……….عمي غلط في حقك اه ويمكن سابك في اكتر وقت انتي كنتي محتاجة ليه فيه بس هو دلوقتي رجع وبيحاول يصلح غلطه دا………..انتي لازم تديله فرصة تانية يا حبيبتي

_مش عارفة يا علي………اللي عمله فيها كان صعب لما سابني وانا صغيرة ومسألش فيا……….مش قادرة انسي واعدي اللي حصل دا عادي

_لازم تنسي يا حبيبتي……….لازم تنسي علشان تقدري تسامحي ………..متنسيش كمان انه ضحي بحياته وقتل ادم علشان ينقذك منه ودا معناه انه لسه بيحبك وبيخاف عليكي

_عارفة يا علي عارفة انه ندمان وانه بيحاول يصلح غلطه بس………بس انا مش قادرة اسامح عارفه انه غلط ويمكن اكون انانية ومبفكرش غير في نفسي بس اعمل اية………..طول الوقت بفتكر انه باعني ومشي من غير ما يسأل فيا مبقدرش اسامح

_انتي مش عايزه تنسي يا هاجر ولا عايزة تدي فرصة تانية ل ابوكي………انتي حتي مش عايزة تحاولي انك تديله فرصة تانية بس اللي يتعمليه دا غلط يا هاجر………..انا طول الوقت بقف جمبك وبساعدك تعدي اي حاجة صعبة بتقف قدامك وعمري ما سبتك بس المرة دي لا يا هاجر……….المرة دي انتي غلطانة وانا مش هقدر اقف جمبك في غلطك دا………..ابوكي بيحبك وحاول يعتذرلك بدل المرة الف وعمل كل اللي يقدر عليه علشان تسامحيه ……….لو فضلتي تعندي وترفضي انك تحاولي تسامحي حتي هتندمي يا هاجر……….هتندمي في وقت ندمك فيه مش هينفع ابدا ومش هتقدري تصلحي حاجة……….سامحي يا هاجر وبلاش تبقي انانية لانك هتندمي صدقيني

سيبتها وخرجت من الاوضه………قفلت باب الاوضة وقعد علي اقرب كرسي قابلني بتعب……..حطيت ايدي علي وشي وفضلت قاعد مكاني……….يمكن انا اكتر واحد عارف احساسها دلوقتي وقد اية هي مش عارفة تاخد قرار انها تسامحه او لا………..بس بردو عارف كويس لو الوقت فات قبل ما تسامحه هتندم ازاي لاني عيشت الاحساس دا واكتر واحد عارف ازاي هي هتندم وانها كمان مش هتقدر تسامح نفسها لو حصله حاجة وهي لسة مسامحتش علشان كدة لازم افهمها ان اللي بتعمله دا غلط وانها لازم تعقل وتفوق قبل ما يحصله حاجة ومتقدرش تصلح اللي فات……….الباب خبط………قومت من مكاني علشان افتح ……….اول ما لقيتها قدامي استغربت بدات تتكلم وهي باصة في الأرض

_مساء الخير يا علي ……….هي هاجر موجودة

_ايوة موجودة اتفضلي ادخلي يا فرح

دخلت………قفلت الباب وشاورت ليها علشان تقعد……….قعدت قربت من باب الاوضة وخبطت ………فتحت الباب لقيتها قاعدة علي السرير

_هاجر فرح قاعدة برا وعايزاكي

_فرح!

قامت من مكانها بسرعة وخرجت ليها……..اول ما شافتها جريت عليها وحضنتها وهي بتعيط

_في اية يا فرح مالك

_ملقتش غيرك اروحله يا هاجر………مليش حد غيرك اروح ليه دلوقتي

_طيب اهدي يا حبيبتي………اهدي وقوليلي اية اللي حصل علشان اقدر اساعدك

_جدو يا هاجر………جدو الله يرحمه كتب كل املاكه ب اسمي انا وادم وعلشان ادم الله يرحمه كات بقيت كل حاجة ب اسمي دا

_طيب واية المشكلة انه يكتب كل حاجة ب اسمكم

_المشكلة ان العيلة كلها معترضة ومش حابة ان دا يحصل وانا واكيد هيحاول يأذوني ب اي طريقة علشان احاول اتنازل ليهم عن كل حاجة……….انا مش خايفة علي نفسي يا هاجر يعملوا اللي عايزين يعملوه معايا بس……….بس انا لو قبلت اني اتنازل ليهم عن كل حاجة هضيعوا المصنع ومش بعيد يبيعوه وانا مش هسمح بكدة………هاجر انتي متعرفيش جدو تعب ازاي علشان يقدر يكبر المصنع دا جدو عاش حياته كلها علشان يكبر المصنع ويكون بالشكل دا وكان عارف انه لو سابه لحد من ولاده واحفاده الباقين يبقي كدة بيضيع تعبه

_طيب اهدي يا حبيبتي………..اهدي واكيد هنلاقي حل للموضوع دا……….بس اهم حاجة بطلي عياط واهدي ومتقلقيش انا جمبي وهساعدك لحد ما نلاقي حل

_متقلقيش يا فرح انا وهاجر هنكون جمبك ونساعدك لحد ما الموضوع دا يتحل واهلك مش هيقدروا يعملوا ليكي حاجة لاننا مش هنسمح بدا

_انا عارفة انك يمكن مش طايقني ولا حابب وجودي بسبب اللي ادم عمله دا علي بس انا معنديش حد تاني اروح ليه غير هاجر

_انتي ملكيش اي ذنب في اللي حصل دا يا فرح اخوك هو اللي عمل دا انا عمري ما هاخدك بذنب اخوكي وبعدين انتي غاليه اوي عند هاجر وهاجر بتحبك وبتعتبر انك اختها يعني اختي انا كمان ولازم آي حاجة تحتاجي ليها اوي اي مشكلة تقعي فيها تيجي وتقولي ليا انا وهاجر واحنا هنساعدك

ابتسمت ليا……..تلفونها رن………مسكته ورديت عليه

_ايوه يا حامد…….كسروا باب الفيلا!……….يعني اية يا حامد وانت كنت فين………طيب اقفل انا جاية

_في اية يا فرح

_حامد بيقولي عمتو وابنها وجوزها راحوا الفيلا ولما حامد منعهم يدخلوا كسروا الباب انا لازم امشي دلوقتي

_استني انا هاجي معاكي

_لا يا علي خليك انت

_يعني اية لا يا فرح……….علي لازم يجي معاكي افرضي اذوكي في حاجة

_متقلقيش عليا يا هاجر………..انا هقدر اتصرف لوحدي معاهم متقلقوش لو حصل حاجة هكلمكم

_بس انا مش هستني لحد ما يحصل حاجة يا فرح

_يا هاجر دول بالذات مش هيعملوا حاجة علشان مصلحتهم معايا متقلقيش

“فرح”

خرجت من عندهم ونزلت من البيت……….ركبت العربيه وسوقت لحد البيت………..كان جوايا خوف من اللي ممكن يحصل واللي ممكن يعملوا بس مكنتش عايزة ان حد يكون معايا ويبان قدامهم اني خايفة منهم ………وصلت الفيلا وركنت العربية ونزلت منها………دخلت الفيلا وبدات اتكلم بصوت عالي

_ممكن افهم اية اللي بيحصل دا……..ازاي تكسروا الباب وتدخلوا البيت وانا فيه

_اهدي يا حبيبتي شوية………..احنا حاولنا ندخل بالآداب بس اللي اسمه حامد دا رفض

_تقوموا تكسروا الباب يا خالد انت شايف ان دا صح يعني

_كان لازم نعمل كدة يا حبيبتي عايزاني اعمل اية وفي واحد بيمنعني اني ادخل بيتي

_شكلك نسيت انه بيتي انا وبس يا خالد وان جدو الله يرحمه كتبه ب اسمي انا وادم مش ب اسم حد تاني

_كلها دقايق وهيكون بيتي انا كمان………انا كلمت المأذون علشان يجي ويكتب كتبنا يا حبيبتي وهو قرب يوصل خلاص

_انت اكيد اتجننت انا مستحيل اتجوزك ……..لو كنت اخر راجل في الدنيا مستحيل اني اتجوزك يا خالد

_مش بمزاجك يا بنت خالي……..غصب عنك هنتجوز وكتب كتبنا هيتم

_السلام عليكم ورحمة الله وبركاته

_اهلا يا مولانا اتفضل

راح لحد الباب واستقبلوا ودخلوا هما الاتنين……..كان ماسك في ايدي جامد………اتكلم بصوت واطي وقرب مني

_لو فكرتي بس تعملي حركة ذكاء قدام المأذون هتندمي يا فرح احسنلك تعقلي وتفكري قبل ما تغلطي اي غلطة

شدني من ايدي وقعدني………..فضلت ساكتة ومصدومة ومش قادرة اتحرك من مكاني ولا اتكلم حتي………فضلت باصة للباب وعندي امل انه هيجي وينقذني من اللي انا فيه دا……….عيني منزلتش من علي الباب لحظة وكنت قاعدة مستنية انه يوصل ويحاول حتي يمنع اللي ممكن يحصل دا

_انا قولت مش هتجوز يعني مش هتجوز

_فرح انا بقالي كتير صابر عليكي وساكت بس خلاص انا جيبت اخري………لحد امتي هتفضلي ترفضي العرسان اللي بتتقدم ليكي

_قولت مليون مرة انا مش هتجوز بالطريقة دي يا ادم ………..بلاش تضغط عليا كفاية بقي

_يا حبيبتي انا عايزك تكوني مبسوطة ومرتاحة

_وهو مفيش غير الجواز اللي يخليني مبسوطة يا ادم………وبعدين اطمن انا مبسوطة وانا جمبكم كدة ومش عايزة اتجوز نهائيا

_مزعل اختك لية يا ادم

_اهو جدو جاه اهو………احنا نشاهده واللي يقول عليه هو اللي هيمشي

_ماشي………دلوقتي يا جدو انا جيت اكلم فرح علي العريس اللي قولتلك عليه وهي بردو مش موافقة

_طالما هي مش موافقة يبقي خلاص مش هتقابله

_يعني اية يا جدو………هو كل عريس يتقدملها ترفضه من غير ما حتي تقعد معاه ولا تقابله

_خلاص يا ادم هي قالت انها مش موافقة يبقي خلاص مفيش نصيب

_انا مش عارف هتفضل تدلع فيها لحد امتي يا جدو………مينفعش توافق علي كل حاجة هي تقول عليها كدة

_ملكش دعوة انت انا حُر مع اختك

_ربنا يخليك ليا يا احلي جدو في الدنيا

_دلوقتي بقيت انا الوحش يعني……….طيب والراجل اللي اديته معاد دا اعمل فيه اية

_اعتذر ليه وقوله ان كل شي قسمة ونصيب يا ادم

_علي فكرة دلع ليها دا اخرته وحشة يا جدو خلي بالك

_اعيش وادلعها هو انا عندي كام فرح

سابنا وخرج من الاوضة وهو متعصب……….ضحكت وحضنته وانا مبسوطة

_ربنا يخليك ليا يا جدو يا حبيبي

_ويخليكي ليا يا حبيبتي………اوعي تقلقي من حاجة طول ما انا عايش اخوكي مش هيقدر يخليكي تعملي حاجة غصب عنك ابدا

ابتسمت وفضلت حضناه وانا ساكتة

سمعت صوته وهو بيكلمني………مسحت دموعي وبصيت عليه

_موافقة تتجوزيه يا بنتي

_اكيد طبعا يا مولانا موافقة………لو مش موافقة اية اللي هيخلينا نكلم حضرتك

_انا اللي مش موافق يا مولانا

بصيت ناحية الباب……..اول ما شوفته ابتسمت وقومت من مكاني………قام من مكانه واتكلم بعصبية وصوته بدا يعلي

_انت ايه اللي دخلك هنا يا بني ادم انت وبتتكلم بصفتك اي اصلا

_بتكلم بصفتي خطيبها

_خطيبها!………اية الجنان اللي انت بتقوله دا

_ساكتة لية يا بنت اخويا………متتكلمي

_هتتكلم تقول اي ………الكلام معايا انا ……….انا قبل وفاة عبد الرحيم بيه ودكتور ادم جيت واتقدمت ل فرح وهما وافقوا بس بسبب اللي حصل الخطوبة محصلتش رسمي………يعني دلوقتي انا وهي في حُكم المخطوبين واللي حضرتك عايز تعمله دا مينفعش………احنا اسفين يا مولانا تعبناك معانا………وصل مولانا يا حامد للمكان اللي يحبه

خرجوا هما الاتنين قرب مني وحاول يمسك ايدي بعصبية وهو بيتكلم

_الكلام دا يا فرح……..انطقي ساكتة لية

مسك ايده وبعدها عني……….وقف قدامه وبدا يتكلم بصوت علي

_لو فكرت تمد ايدك عليها تاني متزعلش من اللي هعمله فيك……….اطلع برا انت واهلك احسنلك واوعي تفكر تقرب منها ولا انت ولا اي حد من قرايبك صدقني مش هرحمه

_بقي كدة يا فرح………..تخلي واحد زي دا يطرد عمتك من البيت

_اللي بتتكلمي عنه دا خطيبي يا عمتو……….وبعدين انتو اللي بدأتوا لما جيتوا لحد هنا وكنتوا عايزين تجوزوني لخالد بالعافية…………كرم دلوقتي خطيبي وفي اقرب وقت هنتجوز واي حاجة هو يقولها انا معاه فيه

_يعني بتطردينا من بيت ابويا يا فرح!

_انا مش بطردكم يا عمتو………دا بيت جدو وانتي بنتو وهيفضل مفتوح ليكي في اي وقت بس علشان تيجي وتقعدي فيه وبس مش اكتر من كدة يا عمتو

_ماشي يا فرح……….بس مترجعيش تزعلي من اللي ممكن يحصل بعد كدة

_اللي عندك اعمله يا خالد بيه……….بعد اذنك بقي يا ريت تاخد اهلك وتتفضلوا برا علشان عايز اقعد مع خطيبتي لوحدنا

بصله بعصبية وخرج من البيت من غير ما يتكلم ……….خرجوا وراه ………..بصتله وابتسمت

_كنت عارفة انك هتيجي ومش هتسبني لوحدي

_انا جيت علشان وعدتك اني هفضل جمبك واساعدك وامنعهم انهم يأذوكي ……….كنت مقرر اني مش هاجي ولا هوافق علي خطتك دي بس اول ما حامد قالي اللي حصل جيت علطول علشان اكون جمبك

_هو انت لية بتعمل كدة يا كرم………لية واقف جمبي ومش عايز تسبني لوحدي مع انك مش مُلزم انك تعمل كدة

_عبدالرحيم بيه وقف جمبي كتير اوي وساعدني كتير يا فرح ودلوقتي حسيت ان اللي بعمله دا يمكن اقدر اسد جزء من اللي عمله معايا لما اقف جمبك واحميكي من اللي اهلك عايزين يعملوه معاكي

_هو دا السبب!………يعني مفيش سبب تاني

_لا مفيش غيره

_انا كُنت فاكرة انك………انك بتحبني يا كرم

_بحبك!……….حُب اي يا فرح اللي بتفكري فيه دا……….مستحيل حاجة زي دي تحصل انا فين وانتي فين يا فرح……….انتي لية فكرتي في كدة………انا وانتي مفيش حاجة ممكن تحصل بينا يا فرح انا كل اللي بعمله دا علشان اسد الدِين اللي عليا ل عبد الرحيم بيه وبس ومينفعش يكون فيه اكتر من كدة

خرج من الفيلا……….فضلت باصة عليه………..معرفش ليه اضايقت من كلامه ………..يمكن انا فهمت غلط وهو محبنيش بس لية انا افتكرت انه حبني وليه كنت مستنياه هو بالذات اللي يجي وينقذني قبل ما المأذون يكتب كتابي علي خالد………اتنهدت بتعب وكنت طالعة علي اوضتي بس لقيته داخل الفيلا وهي معاه……….بصتلهم بصدمة ومكنتش قادرة اصدق نفسي

_انتي!

“هاجر ”

_انت ازاي متقوليش يا علي ان اللي اسمه كامل دا جاه لحد هنا……….وازاي اصلا تسيبه يمشي كدة من غير ما تبلغ عنه

_لاني مش عايز ابلغ عنه يا هاجر………الراجل جاه لحد عندنا واعتذر وقال انه ندمان وعايزنا نسامحه لانه ممكن يموت في اي وقت وعايز يصلح اي غلط عمله في حقنا

_وانت صدقته مش كدة

_ومصدقهوش ليه يا هاجر

_علشان دا انسان كذاب يا علي……….اكيد بيكذب عليك واكيد كمان وراه حاجة وبيفكر في مصيبة يأذينا بيها

_هو انتي من امتي بقيتي انانية كدة………..انتي اه مريتي بوقت صعب وعيشتي حاجات كتيرة صعبة بس دا مش مبرر انك تكوني وحشة اوي كدة وتفكري بالطريقة دي………الراجل جاه واعتذر واتنازل عن كل حاجة مكتوبة ب اسمه ليكي علشان تسامحيه وانتي لسة بتفكري انه عايز يأذيكي

_استهدوا بالله يا ولاد ………كل حاجة بتتحل بالهدوء

_استني يا خالتو……….للدرجة دي انت شايفني وحشة يا علي

_اومال عايزاني اقول علي تصرفاتك دي اية…………كل اللي حصل معاكي خلاكي انسانة انانية وفاقدة الثقة في كل اللي حواليكي وعمالة بتخسري كل اللي بيحبوكي لحد ما هتكوني لوحدك……….في الاول خالتو الله يرحمها اللي فضلتي تعاندي ورفضتي تكلميها لحد ما ماتت من غير حتي ما تودعيها وبعدين ابوكي اللي ضحي بحياته علشان ينقذك من ادم وبردو بتعاندي ومش عايزة حتي تديله فرصة تانية رغم انه اعتذر ليكي بدل المرة الف ومفيش فايدة معاكي ودلوقتي كامل اللي كتب كل املاكه ب اسمك علشان تسامحيه وبردو مش عايزة تسامحيه والله اعلم الدور هيكون عليا ولا علي امي

_انت اتجننت يا علي اية اللي بتقوله دا

_اللي بقوله دا كان لازم اقوله من زمان يا ماما………بنت اختك بقيت انانية ومفيش اي خد يهمها غير نفسها وبس ………بصي يا هاجر لو فضلت علي الحال دا انا

_سكت لية يا علي متكمل انت اية

_انا اسف يا هاجر لو فضلتي علي حالك دا انا مش هقدر اكمل ………..الاحسن لينا انا كل واحد يشوف حاله

بصتله بصدمة………بص الناحية التانية وهو ساكت………كانت واقفة بينا وكانت هتتكلم………مسكت في ايديها علشان تسكت ………دموعي بدات تنزل وانا ساكتة ومش قادرة ارد حتي ولا قادرة استوعب انه قدر يقولها

_عايز تطلقني يا علي……..للدرجة دي مبقتش طايقني

_انتي اللي وصلتينا لكدة يا هاجر………انتي اللي بقيتي انانية ومش شايفه غير نفسك وبس

_يعني انت شايف ان دا الحل للمشكلة دي……….انك تطلقني وتسبني لوحدي زيك زيهم

_او انتي شايفه اني عايز اسيبك يبقي اه يا هاجر انا عايز اسيبك……….خليكي انتي عايشة في دور الضحية كدة دايما وشايفة انك الوحيدة اللي حصل معاها كدة والوحيدة اللي عاشت اللي انتي عيشتي

_اية يا علي اللي انت بتقوله دا……….انت ازاي تقول كدة لمراتك

_اللي بقوله دا الحقيقة يا امي……..بنت اختك بقيت انانية ومش بتفكر غير في نفسها وانا تعبت بصراحة ………انا همشي علشان اتخانقت من المكان

سابني وخرج من البيت وقفل الباب وراه بعصبية……….قعدت علي الكرسي بصدمة وانا مش مصدقة اللي قاله………فضلت ساكتة وبعيط ومش قادرة حتي اني اتكلم……..قعدت جبمي وطبطبت علي كتفي………بصتلها وفضلت ساكتة بدات تتكلم بحُزن

_متزعليش منه يا حبيبتي……….اكيد هو مكنش قصده………انا مش عارفة اية اللي حصله وخلاه يقول الكلام دا

_ولا يقصد يا خالتو………مبقتش تفرق خلاص……..يمكن كلامه صح ويمكن احنا مش هينفع نكمل مع بعض زي ما قال

_لا يا هاجر متقوليش كدة………علي بيحبك وانتي كمان بتحبيه واكيد مش شوية كلام قاله وقت عصبية هو اللي هينهي علاقتكم ببعض………شوية يا حبيبتي هتلاقيه جاي وبيعتذر ليكي علي اللي قاله دا متخليش الكلام اللي قاله ليكي وقت عصبية يضيع كل حاجة بينكم……..ادخلي ارتاحي دلوقتي وان شاء الله كل حاجة هتتحل يا حبيبتي

هزيت راسي ب حاضر وقومت دخلت الاوضة……..قفلت الباب وقعدت علي السرير وبدات اعيط……….انا مش انانية زي ما هو بيقول انا بس مش قادرة انسي………مش قادرة انسي اللي حصل فيا منهم ولا قادرة اسامح………..اللي حصل معايا مكنش شوية ودا مخليني مش قادرة اسامحهم وانسي اللي فات بس انا مش انانية وعمري ما كُنت ولا هبقي كدة………..يمكن علي بيقول كدة علشان عُمره ما كان في مكاني ولا حاسس ب اللي انا حاسة بيه………مش دايما الاعتذار بينسي اللي حصل زمان ……….مكنتش حابة ان يجي يوم وعلي يقولي الكلام دا………..يمكن متكونش اول مرة يقولي كلام زي دا بس المرة دي وجعتني وحسيت اني لوحدي بجد بس المرة دي مش لاقية حد اتكلم معاه ولا اروحله……….فضلت نايمة علي السرير وبعيط وبفكر اذا كان اللي بعمله دا صح ولا علي عنده حق

“فرح”

_انتي اية اللي جابك هنا ……..ازاي تيجي لحد هنا بعد كل اللي حصل منك دا

_اهدي يا فرح……….عايدة هانم جاية تتكلم معاكي شوية

_تتكلم معايا!……..تتكلمي معايا في اية مفيش بينا كلام اصلا

_همًا كلمتين يا فرح لازم اقولهم وبعدها همشي علطول

_وانا قولت اني مش عايزة اسمع منك حاجة…….اتفضلي اطلعي برا لو سمحتي

_فرح………عايدة هانم قالتلك عندها كلمتين هتقولهم وتمشي بلاش عند واسمعي هي هتقولك اية وبعدين اعملي اللي انتي عايزاه

_اسمع اية يا كرم………مش دي اللي سابت جدو زمان ومفكرتش تسال فيه وحتي لما بابا وماما ماتوا مفكرتش حتي تيجي العزا بتاعهم

_مكنش بمزاجي يا فرح……..جدك اللي منعني اني اكون جمبكم لما ابوكي وامك ماتوا واللي مانعني طول الوقت دا كله اني حتي اشوفك انتي ولا اخوكي ………جدك طردني من البيت دا علشان بس فكرت اني اعارضه في اني يطرد عمك باسم من البيت دا علشان غلط غلطة صغيرة ولما جيت ادافع عنه طردني انا كمان ومنعني اني ادخل البيت دا تاني

_دي كذبة جديدة بتكذبيها والمفروض اني اصدقك مش كدة………طب حتي حاولي تكذبي كذبة اصدقها طيب

_انا مش بكذب يا فرح دي الحقيقة………..جدك عُمره ما كان ملاك زي ما انتي فاكرة جدك دا كان شيطان ومكنش بيرحم حد ابدا……….جدك اذاني واذي عمك وعمتك كمان كان بيأذي كل اللي حواليه ومكنش بيرحم حد ………كان اهم حاجة عنده انه يوصل للي هو عايزه ب اي طريقة حتي لو كان هيأذي اقرب الناس ليه……….جدك طول عمره بيفرض رايه علي ولاده واللي كان بيعارض رايه كان بيطرده من بيته زي ما عمل مع عمك لما راح واتجوز واحدة هو مش راضي عنها

_كفاية بقي………انتي ازاي بتكذبي وتقولي الكلام دا علي شخص لسة ميت مكملش يومين………ازاي بتكذبي كل الكذب دا……….جدو كان اطيب راجل في الدنيا وعمره ما زعلني ولا زعل ادم كان احن علينا من اي حد انا مستحيل اصدق اللي انتي بتقوليه دا ابدا

_للاسف دي الحقيقة يا فرح………لازم تتقبليها وتعرفي ان جدك مكنش ملاك زي ما انتي فاكرة وانه اذي كل اللي حواليه……….انا جيت انهاردة علشان اقولك بلاش تكوني ظالمة زي جدك وتمنعي عمك وعمتك واولادهم انهم يورثوا لان دا حقهم……….جدك ظلمهم طول حياته ولما مات كتب ليكي انتي واخوكي كل ورثه ومفكرش فيهم ……….بلاش تغلطي يا فرح وتخليهم يكرهوكي زي ما كرهوا جدك الله يرحمه………رجعي لكل واحد حقه وبلاش تظلمي حد يا بنتي

_لا………مستحيل اصدقك……….جدو عمره ما كان وحش………انتي اكيد بتكذبي عليا………اكيد دا محصلش لا

_لو مش مصدقاني اسالي عمك وعمتك وشوفي اذا كنت غلطانة ولا لا………..انا جيت علشان اقولك الكلمتين دول وهمشي يا فرح ………..كان لازم اجي واقولك كل حاجة علشان اريح ضميري

خرجت من الفيلا………..فضلت واقفه اهز في دماغي ب لا وانا مش مصدقة اللي هي قالته………قرب مني وطبطب علي كتفي بصتله وانا بعيط وبدات اتكلم

_مستحيل كلامها يكون صح………..جدو عمره ما زعل حد منه مينفعش يكون زي ما هي بتقول يا كرم مينفعش

_انا عارف انك صعب تصدقي اللي هي قالتله بس انتي لازم تتاكدي من كلامها اذا كان صح ولا غلط يا فرح

_اكيد طبعا غلط يا كرم………هو انت شاكك ان جدو ممكن يكون عمل كدة فعلا

_انا مش شاكك فيه طبعا يا فرح………..هو كان راحل طيب وكان بيساعد كل اللي حواليه بس………بس ممكن يكون حصل حاجة زي دي فعلا احنا لازم نتاكد الاول قبل ما ناخد قرار……….مش علشان نتاكد اذا كان جدك كان كويس ولا لا بس علشان لو كان ظالمهم في الورث ترجعي لكل واحد ومتظلميش حد معاكي

_افرض كلامها طلع صح يا كرم وطلع فعلا كان وحش وهو اللي مانعها تشوفني انا وادم طول السنين دي وكمان طرد عمو من هنا علشان خالف كلامه

_مش عارف يا فرح……….انا مش حابب تكون دي الحقيقة وانك تخسري حبك لجدك واحترامك ليه صدقيني انا مش حابب ان كلامها يكون صح ولا حابب اننا نتاكد من كلامها بس لازم نتأكد يا فرح……….بس ايا كان الحقيقة اي انتي لازم تكوني متاكدة اني هفضل جمبك وهساعدك في كل وقت وعمري ما هسيبك لوحدك

_علشان توفي بالدين اللي عليك بردو يا كرم!

مسك في ايدي وابتسم وهز راسه ب اه من غير حتي ما يتكلم……….فضلت باصة عليه وساكتة ومش قادرة حتي اني اتكلم……….فضلت ساكتة وبفكر في كلامها وبدعي ان كلامها يكون غلط ………..اكيد جدو مش كدة اكيد هو مش وحش زي ما بتقول مستحيل كلامها يكون صح

“علي”

كُنت واقف قدام الاوضة ومتردد اني افتح الباب………كنت عارف اني غلطان في اللي قولته ويمكن زعلتها مني كمان وكُنت ندمان علي اللي قولته ……….فتحت باب الاوضة براحة بس ملقتهاش في الاوضة……….دورت عليها في الاوضة كلها وفي الشقة بس مكنتش لقيها ……….خبطت علي اوضة ماما وفضلت واقف لحد ما خرجت………اتكلمت بقلق

_في اية يا علي مالك

_هاجر يا ماما مش لاقيها في البيت………..هي قالتلك انها نازلة ولا حاجة

_لا يا ابني انا قبل ما ادخل انام دخلت اطمنت عليها وكانت نايمة ……….هتكون راحت فين بس

_مش عارف يا ماما انا دورت عليها في البيت كله

طلعت تلفوني وحاولت اكلمها بس تلفونها كان مقفول………فضلت اهز في دماغي ب لا ……….مكنتش عارف هي راحت فين ولا حاصلها اي كنت خايف عليا وبدعي انها تكون كويسة وميحصلش ليها حاجة

_كنت واثق كنت هترجعي تاني

_مكنتش ناوية اني ارجع بس رجعت علشان انا محتاجة دا……….محتاجة اننا نتكلم شوية

_مش مهم السبب اللي رجعتيه علشانه يا هاجر……….المهم انك هنا يمكن لو قولتي اي اللي مضايقك اقدر اساعدك

_هو انا انانية!………انت شايف اني مش بحب غير نفسي فعلا

_بالعكس………..انتي لو حبيتي حد بتضحي بحياتك علشانه ………..لما شوفت خوفك علي جوزك وازاي جريتي عليه اول ما هربتي من عند ادم ومفكرتيش في نفسك ولا في اي حاجة حواليكي غيره……….يمكن انتي عيشتي حاجات وحشة كتير وانا وامك الله يرحمها كُنا السبب فيها ودا اللي خلاكي مش قادرة تسامحي……….وانتي عندك حق في انك متسامحيش لان احنا اذناكي كتير بس……….بس انا نفسي تسامحيني وتنسي كل اللي فات يا هاجر……….انا اه غلطت في حقك وعارف دا كويس بس انا عايز اعوضك عن اللي عملته معاكي واعيش اللي باقي من عمري معاكي ………انا مش عارف ليه سألتي السؤال دا بس أنا متاكد انك عمرك ما كنتي ولا هتكوني كدة

بصيت في الارض وبدات اعيط ………رفعت راسي وبدات اتكلم وانا باصة ليه

_وانا صغيرة لما كُنت بشوف الولاد في الشارع ماشين مع ابوهم وامهم ومبسوطين ………اللي ماسك في ايد امه واللي بيلعب مع ابوه في الشارع كُنت بقعد اسال نفسي اشمعنا انا!……….اشمعنا انا مش زيهم ……….اشمعنا انا اللي ابويا سابني ومفضلش معايا وعيشنا مع بعض اللحظات الحلوة دي…………اشمعنا انا اللي مليش ذكريات مع ابويا وامي افتكرها لما اكبر واتبسط بيها وافتكر ان اية احنا كنا عيلة بتحب بعض ومبسوطين………..لية انا اللي من وسط كل الاطفال دي ابويا يسبني وامي تتجوز غيره وكل واحد يعيش حياته وينسوني لية محدش فيهم حبني ولا فكر في يوم يسال فيا ………كُنت دايما اسال نفسي انا فيا اي وحش علشان يحصل فيا كدة انا مكنتش طالبه حاجه كبيرة مكنتش طالبة غير اني اتحب……….طول الوقت بترفض سواء منكم او حتي لما حبيت شخص وقولت اكيد دا اللي هيعوضني عن اللي شوفته رفضني هو كمان ودلوقتي علي بيرفضني وعايز اننا نطلق علشان شايف اني انانية………..انانية علشان مش قادرة اسامح وانسي اللي فات! هو مش حاسس ب اللي مريت بيه علشان كدة بيقول اني انانية بس الحقيقة مش كدة …………بس انا معنديش استعداد اني اشرح لحد وجهة نظري لحاجة………..مبقتش عايزة اشرح لحد انا حاسة ب اية وانا بعمل اية حتي لو كان علي لان محدش هيفهمني زيه

مسك ايده……….بصتله بحزن ……….بدا يتكلم وهو باصص ليا

_علي بيحبك يا هاجر…………حتي لو قال كلام يضايقك ف دا علشان بيحبك وخايف عليكي

_خايف عليا من اية!

_خايف لو حصل حاجة انتي مش عاملة حسابها وانتي لسة بتعاندي تندمي ساعتها يمكن طريقته كانت صعبة شوية بس هو عمل كدة علشان بيحبك وخايف انك تندمي علي قرار اخذتيه وقت عصبية

هزيت راسي ب ماشي سحبت ايدي من ايده ومسكت شنطتي……….قومت ومشيت من غير ما اقول اي حاجة او اسمع منه اي كلام تاني…………ملقتش حد تاني اروح ليه غيره ………..كنت محتاجة اني اتكلم معاه كنت حاسة نفسي تايهه وقولت يمكن هو يساعدني …………خرجت من عنده بعد ما حسيت اني ارتاحت شوية………..يمكن قدرت اقول اللي كان نفسي اقوله واللي ممكن يكون السبب في اني اسامحه …………فضلت ماشية في الشارع مش عارفة ارجع البيت دلوقتي ولا ولو رجعت هنتكلم انا وهو في اية اصلا فضلت ماشية ومش عارفة اعمل اية

“فرح”

_جاهزة؟!

_لا يا كرم……….انا خايفه

_تحبي نأجل الموضوع ليوم تاني

_لو فضلنا ناجله يبقي مش هنروح اصلا يا كرم……….انا مش عايزة اروح واسال عمو كلامها دا حقيقي ولا لا………خايفه يطلع حقيقة والصورة اللي فضلت طول عمري راسمها لجدو تبوظ واطلع غلطانة

_عارف يا فرح……….بس مينفعش بردو انك تفضلي خايفة ومتوجهيش الحقيقة……….لازم تكوني اقوي من كدة وتروحي وتسالي عمك اذا كان كلام عايدة هانم صح ولا لا……..وانا هاجي معاكي ومش هسيبك يلا بقي يا فرح

هزيت راسي ب ماشي………بدات اقدم خطوة وأخر خطوة…………كُنت خايفه من المقابلة دي واللي هيتقال فيها بالرغم من اني عندي ثقه في جدو وانها اكيد بتكذب بس في نفس الوقت جوايا احساس بيقول ان ممكن كلامها يكون صح وجدو فعلا ظلمها وطردها هي وعمو زمان…………اتنهدت وخرجت من الفيلا وهو خرج ورايا……….ركب العربية وانا ركبت جمبه وبدا يسوق لحد ما وصلنا لحد بيته وقف العربية وبصلي

_وصلنا………..يلا انزلي وخلي قلبك جامد

_انت مش هتيجي معايا

_هستناكي هنا احسن………مش هينفع ادخل لازم تتكلمي مع عمك وعيلته لوحدكم

_بس انا محتاجة انك تبقي معايا يا كرم

_انا هستناكي هنا يا فرح……….لو طلعت معاكي مش عارف اذا كان عمك هيوافق بوجودي ولا مش هيحبه………..وجودي هنا هيكون احسن

بصتله وفضلت ساكتة……….نزلت من العربية وفضلت باصة للبيت………بدات اقرب من البيت وانا خايفة وقلبي بيدق جامد بدات اطلع علي السلم لحد ما وصلت للشقة……….خبطت علي الباب واستنيت لحد ما الباب اتفتح………..اول ما شافتني بصيت الناحية التانية وفضلت ساكتة

_ازيك يا ميار……….عاملة اية

_ليكي عين تيجي لحد هنا بعد ما طردتينا

_انا جاية علشان اتكلم مع عمو في موضوع مهم يا ميار ويمكن يغير حاجات كتير اوي

_موضوع اية دا يا فرح هانم اللي جاية تتكلمي مع بابا فيه

_مين علي الباب يا ميار……….فرح!

_ازيك يا عمو……….انا كُنت جاية علشان اتكلم مع حضرتك في موضوع ………..ممكن ادخل علشان نتكلم

_اتفضلي يا فرح

_تتفضل فين يا بابا………..انت نسيت هي عملت فينا اية في بيت جدو

_ميار! ادخلي اوضتك دلوقتي وبعدين نتكلم

دخلت وقعدت علي اقرب كرسي قدامي……….قعد قدامي اتنهدت وبصتله وبدات اتكلم بخوف

_انا اسفه يا عمو علي الطريقة اللي اتكلمت بيها معاكم اخر مرة

_عايزة اية يا فرح……….اكيد انتي مش جاية انهاردة علشان تعتذري وبس مش كدة

_بصراحة ايوه يا عمو انا كُنت جاية لحضرتك في موضوع تاني

_موضوع اية

_عمو هو………..هو حضرتك يعني

_في اية يا فرح عايزة تقولي اية ما تتكلمي

_عمو هو حضرتك ليه طول السنين دا مش بتسال ولا علي جدو ولا كنت بتسال عليا انا وادم من بعد ما بابا مات هو وماما……….هو كان في خلاف بينك وبين جدو فعلا!

_انتي جيبتي الكلام دا منين يا فرح!

_مش مهم عرفته ازاي يا عمو المهم هو صح ولا غلط

بصلي وفاضل ساكت وبعدين بص في الارض قلبي بدا يدق جامد بخوف وفضلت باصة ليه ومستنية منه الرد وانا خايفة

“علي”

اول ما شوفتها فتحت الباب ودخلت جريت عليها وحضنتها………..للحظة خوف انها تكون مشيت بعد الكلام اللي قولته ليها ساعة غضب فضلت حضنها لحد ما هي بعدتني عنها

_حمدلله علي سلامتك يا حبيبتي……….كُنا خايفين عليكي اوي

_كنتوا خايفين عليا ولا خايفين اني اهرب يا خالتو

_اية الكلام دا يا هاجر يا حبيبتي علي كان خايف يكون حصلك حاجة وحاول يكلمك كذا مرة

_متقلقش يا علي انا المرة دي مش هعمل زي كل مرة واهرب انا روحت مشوار مهم وكان لازم اروحه

_مشوار اية دا يا هاجر ولية روحت بليل كدة ولوحدك ولو المشوار دا مهم لية مقولتيش علشان اجي معاكي

_علشان انا مش صغيرة يا علي علشان تخاف عليا

_متنسيش اني جوزك يا هاجر ولازم اعرف انتي رايحه فين وجاية منين

_علي في موضوع اهم من الكلام الفارغ دا عايزه اكلمك فيه

_كلام فارغ؟!………انتي شايفه ان قلقي وخوفي عليكي دا كلام فارغ

_لو سمحت يا علي انا عايزة اسالك سؤال مهم يا ريت تسمعني

_سوال اية دا يا هاجر اللي اهم من اللي بنتكلم فيه دا

_هو انا لو موافقتش اني اسامح بابا وكامل انت بجد هتطلقني

فضلت باصص ليها بصدمة ومش عارف ارد واقول اية ……….فضلنا باصين لبعض ومفيش واحد فينا بيتكلم ………..كنت حاسس بالخوف انها ممكن تصمم علي الطلاق لو قولت اه واني اخسرها ولو قولت لا يمكن تعيش طول الوقت حاسة بالندم بسبب قرارها دا فضلت ساكت ومش برد وخايف من المواجهة دي

_عايزنا نطلق يا علي ولا لا!

_افتكر اني جوبتك علي سوالك دا يا هاجر

_بس انا عايزة اسمع الاجابة منك تاني………انت عايزنا نطلق ولا لا يا علي

_طلاق اية بس يا هاجر……….دا كلام علي قاله ساعة عصبية وراح لحاله ………..علي بيحبك يا حبيبتي وميقدرش يعيش من غيرك

_مش باين يا خالتو………لا كلامه ولا افعاله بتقول كدة………..لو كان فعلا بيحبني عمره ما كان هيقول الكلام اللي قاله دا ولا حتي كان ممكن يفكر فيه……….أنا سألت سؤال وعايزة اعرف اجابته دلوقتي يا علي انت فعلا عايز تطلقني ولا لا

_انا بحبك يا هاجر ومُستعد اني اعمل اي حاجة علشانك وانتي عارفة دا كويس……….بس دا مش معناه اني اقف جمبك في الغلط واساعدك عليه …………المفروض اني اقولك الصح فين والغلط فين واساعدك انك تعملي الصح يا هاجر

_تبقي غلطان لو بتفكر بالطريقة دي يا علي……….المفروض انك تقف جمبي وتساعدني في اي قرار انا اخده ولو شوفتني بغلط تقولي اني بغلط وتصلح غلطي دا مش مع اول غلطة اعملها تسبني وتكون عايز تطلقني وتنهي كل حاجة بينا بسهولة كدة……….ويا ريت كانت غلطانة كبيرة يا علي كل دا علشان مش قادرة اني اسامح اللي اذوني واللي اتسببوا في اني اعيش ايام وحشه في حياتي وانت حكمت عليا اني انا الوحشة وانت اصلا عمرك ما عيشت اللي انا عيشته علشان تقرر اذا كنت انانية ولا لا ………..لو كنت فعلا انانية زي ما بتقول يا علي كنت هفكر في نفسي وبس لما ادم خطفني وافكر ازاي اخرج من هناك ومفكرش فيك وازاي تكون كويس……….بص يا علي لو انت شايفني انانية فعلا ومش قادر انك تكمل معايا ف انا مُستعدة للطلاق انا كمان

_بلاش عند يا هاجر………بلاش تضيعي كل حاجة حلوة بينا لمجرد انك مش عايزة تدي للناس اللي زعلتك في يوم فرصة تانية

_لو انت شايفها عند يبقي انا بعند يا علي فعلا……….لو عايز تطلقني انا معنديش مانع

دخلت الاوضة وسابتني فضلت واقف باصص علي باب الاوضة بحزن………طبطبت علي كتفي ……..بصتلها واترميت في حضنها وبدات اعيط وانا ساكت……….عارف اني غلطت وقولت كلام مكنش ينفع اقوله واني كان لازم اقف جمبها واساعدها حتي لو كانت غلطانة واني اتسرعت في الكلام اللي قولته بس أنا والله ما كنت اقصد غير اني اخليها تفهم ان اللي بتعمله دا هيخسرها وانها ماشية في طريق غلط وكنت فاكر انها كده هتفهم غلطها وتسامح كامل وعمو محمود بس مكنتش اتخيل ابدا انها تعند وتقولي انها موافقه علي الطلاق……….انا بحبها ولو كنت قولت انها عايز اطلقها كنت فاكر انها كدة ممكن تعقل وتعرف ان تفكيرها غلط ……….مكنتش عارف اعمل اية ولا اتصرف ازاي بس كل اللي كنت بفكر فيه اني بحبها ولا هقدر استغني عنها ابدا

“فرح”

_ساكت لية يا عمو

_عايزاني اقولك اية يا فرح

_عايزاك تقولي الحقيقة……….عايزة اعرف اذا كان جدو فعلا طردك وطرد تيتة ولا لا

_لو عرفتي الحقيقة في حاجة هتتغير يعني؟!

_اكيد في حاجات كتيرة هتتغير………..بس تقولي اية اللي حصل بس يا عمو

_عايزاني اقولك اية يا فرح……….اقولك انه جدك عمره ما كان ملاك زي ما كنتي شايفاه طول السنين دي عايزاني اقولك انه طردني من بيته واتبرا مني علشان بس حبيت واحدة هو مش موافق عليها وانا اتمسكت بيها ومرضتش اسيبها ولا عايزاني اقولك انه طرد امي كمان لانها دافعت عني ومنعها حتي من أنها تحضر عزاء ابنها الكبير ومراته ومنعها كمان انها تشوفك انتي او اخوكي من بعد موت ابوكي وامك……….كفاية كدة ولا تحبي تسمعي اكتر يا بنت اخويا

فضلت ساكتة ومش قادرة ارد عليه……….كُنت بعيط بصدمة وانا مش مصدقة وحاسة اني في حلم……….حلم وحش ولازم افوق منه………..ازاي بعد كل السنين دي يطلع وحش بالشكل دا ويخدعنا انا وادم………..طول الوقت كنت فاكرة ان تيتة هي اللي وحشة هي وعمو وعمتو بس طلع العكس طلع هو اللي وحش وهو اللي بعدهم عننا وطول الوقت كان بيحاول يقنعنا انهم هما اللي وحشين وهما اللي بيكرهونا……….ازاي قدر يكذب علينا طول الوقت دا ………..قومت من مكاني وخرجت من الشقة……….كان بينده عليا بس انا محاولتش اني ابص ليه ولا ارد عليه ……….نزلت علي السلم وانا بعيط اول ما خرجت من العمارة شوفته ساند علي العربية وماسك تلفونه………..اول ما شافني جرا عليا وبدا يتكلم بقلق

_طمنيني عملتي اية

_طلع كلامها صح يا كرم……….كلامها طلع صح وجدو طلع فعلا وحش……..انا مش قادرة اصدق انه يطلع كدة في الاخر مش قادرة اصدق انه كل دا كان بيخدعنا ومفهمنا انه احسن انسان في الدنيا وان كل اللي حواليه وحشين وغلطوا في حقه كتير مع انه هو اللي غلط في حقهم واذاهم………انا مش عارفة انا لية بيحصل معايا كل دا يا كرم……….لية كل المشاكل والصدمات دي بتحصلي انا بالذات مع اني عمري ما اذيت حد ولا زعلت حد………اشمعنا انا بالذات اللي كل دا بيحصل معايا وكأني استاهل كل اللي بيحصل معايا دا يا كرم

_ممكن تعدي شوية يا فرح……..انا عارف انك تعبانة دلوقتي ولازم ترتاحي ………تعالي اوصلك الفيلا علشان ترتاحي وبعدين نبقي نتكلم ونشوف هنعمل اية

_لا يا كرم………احنا مش هنروح دلوقتي………في مشوار مهم لازم نروحه وانت لازم تيجي معايا ……….قبل ما نروح المشوار دا انا مش هرتاح ولا هعرف افكر في حاجة

_مش وقته يا فرح ……….انتي تعبانة ولازم ترتاحي دلوقتي كفاية اللي عرفتيه من عمك

_مش هينفع يا كرم……..المشوار دا مهم ولازم اروحه دلوقتي……….وانت لازم تيجي معايا لان زي ما المشوار دا مهم بالنسبة ليا هو مهم بالنسبة ليك انت كمان ويمكن يكون مهم بالنسبة ليك اكتر مني

_مشوار اية دا انا مش فاهم حاجة يا فرح

بصلته وفضلت ساكتة ومردتش عليه

“هاجر ”

_علي بيحبك يا هاجر ………..الكلام اللي قاله دا كان في لحظة عصبية وراحت لحالها……….بلاش يا حبيبتي تدمري حياتكم علشان كلام اتقال في وقت عصبية انتي عارفة كويسة هو قد اية بيحبك وانتي كمان قد اية بتحبيه لية تضيعي كل دا في ثانيه يا حبيبتي

_مش انا اللي ضيعت كل دا يا خالتو علي هو اللي عمل كدة لما قالي انه مستعد يطلقني وربط اني اسامح بابا وكامل ب انه يفضل معايا

_عبيط ومش فاهم هو بيعمل اية…………هو فاكر انه كدة هيخليكي تسامحي كامل ومحمود وتنسي اللي حصل لما يقولك الكلام دا مكنش هيعرف ان دا هيحصل……….انا معاكي انه غلطان بس والله بيحبك ومش هيقدر يبعد عنك يا حبيبتي……….علشان خاطري انا يا هاجر فكري في الموضوع تاني يمكن تفهمي قد اية هو بيحبك وانه عمل كدة علشان خايف انك تندمي بعدين علي اللي بتعمليه………..قومي يا حبيبتي اتوضي وصلي ركعتين لله واطلبي من ربنا انه يحلها من عنده

هزيت راسي ب حاضر………قامت من جمبي وخرجت من الاوضة فضلت باصة قدامي من غير ما اتكلم ولا ابص عليها وهي خارجة من الاوضة………..اول ما الباب اتقفل بدات اعيط بحزن………..آنا مبقتش عارفة الصح من الغلط مش عارفة اذا كنت فعلًا غلطانة وهو عنده حق ولا لا……….بقيت محتارة ومش عارفة اتصرف ازاي ولا اخد قرار اي……….مفيش غير اني ابعد عن كل حاجة………..ابعد عنه وعن ابويا وعن كامل وجودي هيتعب الكل وهيأذيني انا كمان……….لازم ابعد عن كل حاجة………..لازم ابعد للابد وارتاح من كل دا ومفيش غير طريقة واحدة بس علشان دا يحصل

_مالك يا كامل مستغرب لية من وجودي

_مش مستغرب انا بس كنت فاكر انك مش حابة تشوفيني بعد كل اللي حصل بسببي

_اية اللي خلاك تيجي لحد بيتي انا وعلي وتعمل الفيلم اللي عملته دا يا كامل

_بس دا مش فيلم يا هاجر دا حقيقة………..انا من بعد ما عرفت ان عندي سرطان وان الموت بقي قريب مني ندمت علي كل اللي عملته معاكي انتي وعلي

_المفرض اني اصدقك……..انا اكتر واحدة عارفاك كويس وعارفة انك اكيد بتخطط ازاي تدمر حياتي من تاني

_تبقي غلطانة وتفكيرك غلط ……….انا مش هكذب عليكي في موضوع زي دا وهاجي واكتبلك كل حاجة بملكها ب اسمي علشان اعتذرلك………..هاجر انا عارف اني غلطت في حقك وبسببي عيشتي حاجات كتير وحشة بس بلاش تخلي اللي عيشتي دا كله يغيرك ويخليكي انسانة انانية بالشكل دا………..مفيش حد مش بيغلط وانا اه غلطت وجيت اعتذرت ل علي ودلوقتي بعتذر ليكي ……….ارجوكي يا هاجر بلاش تتغيري وتكوني انسانة انانية وتخسري كل اللي حواليكي

_المفروض اني انسي كل حاجة واسمع كلامك واسامحك علي كل اللي عملته معايا مش كدة؟!

_لازم تعملي كدة يا هاجر علشان تقدري تعيشي………..لازم تنسي وتبداي صفحة جديدة مع الناس اللي بتحبك وتنسي كل اللي فات وكل اللي مريتي بيه………..مش علشاني او علشان اي حد تاني اكتر من نفسك………..انتي مش هتقدري تعيشي غير لما تنسي ولو عليا انا ف انا همشي ومش هتشوفي وشي تاني يا هاجر اصلا انا خلاص عُمري بينتهي والله اعلم بكرا هكون عايش ولا لا ……….بس انا مش حابب اني اموت وانا شايل ذنب كبير بسبب اللي عملته معاكي

اتنهدت وبصيت الناحية التانية مسكت شنطتي وفتحتها وطلعت منها ورق وحطيته قدامه

_دا ورق التنازل اللي عملته ليا انا مش محتاجة حاجة ……….انا لو هسامحك يا كامل يبقي هسامحك علشان مش عايزة اقابلك ولا في الدنيا ولا في الاخرة ومش عايزة منك تعويض عن اي حاجة عملتها معايا………بس طلبي الوحيد اني مش عايزة اشوف وشك تاني في اي مكان ولا عايزة اسمع اي حاجة عنك لا خير ولا شر علشان لما بشوفك بفتكر كل حاجة حصلتلي بسببك وساعتها مش هقدر اسامحك

اخدت شنطتي وكُنت همشي……..قربت من الباب وكُنت هفتحه بس وقفت لما نده عليا……..بصتله وفضلت ساكتة

_ابوكي بيحبك يا هاجر………..سامحيه لانه بيحبك ومش عايز غير انك تسامحيه ………..جالي لحد هنا لما ادم خطفك وكان عايز يوصلك ب اي طريقة ويحاول ينقذك من ايده ساعتها انا حاولت اساعده لحد ما عرفت مكانه من واحد اعرفه كان شغال في شركة عبد الرحيم بيه وقولتله وكان مع ادم في الوقت دا و اديته العنوان وهو جالكم……….كان مُستعد يضحي بحياته علشانك ………..بلاش تكوني قاسية عليه وسامحيه هو كمان

هزيت راسي ب ماشي……..فتحت الباب وخرجت من البيت……….خرجت وانا مقرره اني هسامح……….هسامح علشان اقدر اعيش وعلشان اقدر اعيش حياتي وانسي كل اللي حصلي كان لازم اسامح……….اسامح كامل اللي بسببه عيشت حاجات وحشة كتير وحياتي بسببه اتدمرت واسامح ابويا وامي اللي جابوني علي الدنيا وهما مش قادرين حتي يدوني جزء صغير من حُبهم لنفسهم واسامح ادم اللي اذاني كتير وبسببه كنت هخسر علي ………..لازم اسامح علشان اقدر اعيش حياتي مع علي ونبدا حياة جديدة وننسي كل اللي فات

“فرح”

_خير يا بنت خالي عايزة مننا اية بعد ما طردتينا من هنا اخر مرة

_متقلقش يا خالد انا عايزة اني ادي كل واحد فيكم حقه من ميراث جدو الله يرحمه

_والحنية دي جاتلك منين يا فرح دا انتي من يومين طردتينا وقولت انك مش عايز اي حد فينا يجي هنا وان دا بيتك جاية انهاردة تفتكري ان دا حقنا

_في حاجات ساعتها مكنتش اعرفها ودلوقتي عرفتها يا ياسر ولما عرفتها حاجات كتير اتغيرت……….بس بردو في حاجات مهمة هنتفق عليها قبل ما كل واحد فيكم يستلم حقه من الميراث

_حاجات زي اية دي؟!

_هتعرفوا دلوقتي

الباب خبط……….قربت من الباب وفتحته اول ما شوفتها ابتسمت ومسكت في ايديها ودخلنا……….قعدتها وبدات اتكلم

_قبل اي حاجة انا حابة اعتذر ل تيته قدامكم…………انا طول الوقت فاكره انك بعيتي جدو وبعتينا احنا كمان وافتكرت انك كنتي بتكرهينا وبتكرهي بابا وماما لدرجة انك حتي متجيش العزاء بتاعهم ولا حتي تسألي عننا بعد موتهم………..كُنت فاكرة انك وحشة وفضلت طول عُمري اكرهك وانتي مظلومة وجدو اذاكي وكان ظالم معاكي………آنا حقيقي اسفه علي كل حاجة

ابتسمت ومسكت في ايدي وبدات تتكلم

_متعتذريش يا فرح انتي ملكيش ذنب انتي واخوكي الله يرحمه جدكم الله يسامحه هو اللي عمل كدة وهو اللي خلاني ابعد عنكم وانتم كرهتوني بسببه……….بس كل دا مش مهم اهم حاجة انك عرفتي الحقيقة وانك هتعملي الحاجة الصح وهترجعي لكل واحد حقه

_هو مش بالظبط كدة يا تيتة

_يعني اية فرح مش بالظبط دي……….انتي لحقتي ترجعي في كلامك ولا اية!

_كُنت واثقة انك هتعملي كدة ……..مهو مش معقول في يوم وليلة هتبقي كويسة معانا وتدي كل واحد حقه كدة

_انا مقولتش اني مش هديكم حقكم يا ميار بس بردو انا عندي شرط قبل ما كل واحد فيكم ياخد حقه

_شرط اية دا يا فرح!

_انا طلبت من المتر انه يدي لكل واحد فينا حقه الشرعي من الميراث بس انا عندي شرطين قبل ما دا يحصل………الاول ان كلنا هنعيش هنا في الفيلا ……….ايا كان اللي جدو عمله انتو لازم تسامحوه وتنسوا اللي عمله………انا مش حابة ان المكان هنا يتقفل واخر ذكري باقية ليا منه تتقفل ومهما كان احنا عيلة واحدة ولازم نعيش مع بعض ونعوض الايام اللي راحت مننا زمان

_مع انه صعب عليا اني ارجع اعيش في المكان دا بعد كل اللي حصل من بابا بس حاضر يا فرح……….هنيجي ونعيش هنا معاكي

_وعندي شرط كمان ……….مفيش واحد فيكم يحاول يبيع نصيبه في المصنع ل اي حد غريب ولو حد فيكم فكر انه يبيع نصيبه انا مُستعدة اني اشتريه منه بس المهم ان المصنع مفيش اي حد غريب يشاركنا في المصنع اللي جدو تعب فيه وفضل عمره كله يحاول يكبره……….كل اللي عندي قولته……….المتر خلص كل الاجراءات اللي المفروض يعملها ولو في اي حاجة محتاجين تعرفوها منه اتفضلوا………..بعد اذنكم

_رايحة فين يا فرح

_هروح مشوار مهم يا تيتة وهرجع علطول

سيبتهم وخرجت من الفيلا بسرعة……….بصيت حواليا وانا بدور عليه واول ما لقيته واقف بعيد وساند ضهره علي العربية ابتسمت وجريت عليه………اول ما شافني اتعدل في قاعدته وبصلي

_عملتي اية

_مفيش اتكلمت معاهم واديت لكل واحد فيهم نصيبه بس قولتلهم اهم حاجة ان كلنا هنعيش هنا ونعوض الايام الوحشة اللي عدينا بيها وان محدش يفكر يبيع نصيبه من الشركة ل اي حد غريب مهما حصل……….ودلوقتي كل واحد فيهم اخد نصيبه وبيتكلموا مع المحامي جوا في كل اللي عايزين يعرفوه

_طيب كويس……….الحمد لله كل حاجة رجعت احسن من الاول ودلوقتي انتي مبقتيش لوحدك واهلك بقوا معاك………افتكر انك مش محتاجة لوجودي جمبك دلوقتي

_انت عايز تمشي يا كرم!

_معتقدش انك محتاجة لوجودي جمبي

فضلنا باصين لبعض وساكتين……….بدات اتكلم وانا بحاول ابص الناحية التانية

_عندك حق ……….انا مش محتاجة لوجودك فعلا لو عايز تمشي اتفضل يا كرم مش هقولك لا

ابتسم وكان هيمشي ……….وقف بعد ما بدات اتكلم وبدا يبص ليا

_لا يا كرم……….انا مش عايزاك تمشي ………..بص يا كرم يمكن انا في الاول مكنتش بحب اشوفك وكنت بكون مضايقة لما بشوفك اول ما جيت تشتغل مع جدو وكنت فاكرة انك شخص بارد بس تعاملك معايا وانك طول الوقت كنت بتتجانب حتي انك تبص ليا وكل ما احاول اتكلم معاك او اسالك عن حاجة كنت بتتهرب مكنتش فاهمة السبب اللي كان بيخليك تعمل كدة معايا مع اني مكنتش بعمل اي حاجة تضايقك او تضايق غيرك حتي …………بس بعد اللي حصل معايا غير فترة واللي عمله ادم وموته هو وجدو و وقفتك جمبي طول الوقت دا وانك كنت اكتر واحد واقف جمبي وبيساعدني اني اعدي اسوء فترة عديت عليا بدات احس ب حاجة غريبة تجاهك بقيت طول الوقت بفكر فيك ولما كنت بقع في مشكلة زي ما خالد وعمتو جابوا المأذون وكانوا عايزيني اتجوز خالد غصب عني اول واحد فكرت فيه هو انت وكنت عارفة انك هتيجي وجيت فعلا ……….بقيت بحس تجاهك ب حاجة غريبة يا كرم وكنت كل ما اشوفك قلبي كان بيدق جامد ومبقاش عارفة السبب اية بس دلوقتي عرفت اية السبب اللي بيخليني احس ب كل دا………..السبب اني حبيتك يا كرم بصراحة انا مش عارفة دا حصل امتي وازاي بس حبيتك ومش عايزة اتخيل اني ممكن اسيبك في يوم ولا انك تبعد عني

قربت منه ومسكت ايده………..كان واقف بيسمعلي وهو ساكت ومش بيتكلم……….ابتسمت وبدات اتكلم

_مش عارفة اذا كنت انت كمان بتحبني ولا لا يا كرم بس انا مش عايزاك تمشي وتسبني انا عايزاك تكون جمبي ومتسبنيش ابدا

فضل ساكت……….فضلت باصة ليه بخوف……….هزيت راسي ب حزن وبدات اسيب ايده ………..اديته ضهري وكنت همشي بس مسك ايدي……….وقف قدامي ومسك ايدي الاتنين وبدا يتكلم

_من اول يوم شوفتك فيه يا فرح وانا مُعجب بيكي وكان نفسي اقولك علي اللي في قلبي من زمان بس كنت خايف انك ترفضي حُبي ليكي لاني اقل منك ومستحيل توافقي ب واحد زيي وعلشان كدة كنت بحاول اني اتعامل معاكي ب اي طريقة لاني مكنتش عايز اتعلق بيكي اكتر وانا عارف ان مستحيل اي حاجة تحصل بينا ب اي شكل …………بس بعد كل اللي حصل دا وبعد ما بقيتي لوحدك قولت اني لازم اقرب منك واقف جمبك في اصعب وقت بتمري بيه يا فرح واني اكون جمبك في الوقت دا………..حُبي ليكي كان كل يوم بيزيد وكان نفسي اعترف ليكي بس احساس الخوف من انك ترفضي حُبي ليكي كان بردو كبير وكنت بحاول طول الوقت امنع نفسي من اني اعترف ليكي وحتي لما جاتلي فرصة اننا نكون مع بعض ولما جيتي تطلبي مني الجواز رفضت علشان واثق انك مش بتحبيني وانك عايزة تتجوزيني بس علشان خايفة من اهلك علشان كدة رفضت رغم اني بحبك واني نفسي دا يحصل بس لما يكون برضاكي انتي يا فرح

_يعني انت بتحبني يا كرم زي ما انا بحبك

_بحبك اكتر ما تتخيلي يا فرح………بحبك ومُستعد اعمل اي حاجة علشان تكوني جمبي

ابتسمت ب فرحة ومسكت في ايده جامد………مسك في ايدي ومشي ناحية الفيلا

_علي فين

_هروح اطلبك من عمك وعايدة هانم………..مش هضيع وقت تاني كفاية اللي ضاع مننا ……..يلا بسرعة

ضحكت ودخلنا الفيلا

“علي”

_ممكن اعرف كُنتي فين!

_كُنت عند كامل يا علي

_كرم!……..واية اللي وداكي هناك يا هاجر

_مش انت اللي قولتلي سامحي وابداي صفحة جديدة في حياتك……….انا روحتله علشان اعمل اللي قولتلي عليه

بصلي ب استغراب ……….قربت منه ومسكت ايده وبدات اتكلم وانا باصة في الارض……….انا فعلا كُنت انانية يا علي ومكنتش بفكر غير في نفسي الفترة اللي فاتت دي…………فضلت شايفه نفسي ضحية وكل اللي حواليا وحشين ومكنتش قادرة انسي اللي حصلي واسامح علشان اعيش حياتي كُنت دفنه نفسي في الماضي ومش عايزة اخرج منه ولا عايزة اشوف قد اية انا غلطانة ………..كنت هغلط غلطة كبيرة اوي لولا وجودك جمبي وكلامك ليا اللي خلاني افوق لنفسي………..منكرش اني لحد امبارح كنت شايفه انك بتكرهني ومش قادر تحس بالوجع اللي انا فيه وكنت فاكرة اني لوحدي واني لازم ابعد ………..لدرجة اني فكرت في الانتحار وكنت فاكرة ان دا الحل بس بعدها قومت واتوضيت وصليت ودعيت ربنا يدلني علي الطريق الصح لاني مش قادرة اعرف الصح من الغلط لحد………..صحيت الصبح لقيت نفسي رايحة لكامل وانا واخدة قرار اني لازم اسامحه واسامح بابا علشان اقدر اعيش حياتي معاك يا علي

ابتسم واخدني في حضنه فضلت حاضناه ………..بدا يتكلم وانا في حضنه

_كُنت عارف يا هاجر انك هتعملي كدة………..كُنت واثق انك هتسامحي كامل وعمو محمود………للحظة خوفت انك تعندي وتفضلي مصممة علي رايك بس قلبي كان بيقولي انك في الاخر هتعملي الصح……….انتي مش متخيلة اليومين اللي فاتوا دول كانوا صعبين عليا ازاي يا هاجر واحنا متخانقين ………انا اسف علي الكلام اللي قولته ليكي انا عارف اني قولت كلام صعب بس انا عملت كدة علشان تعرفي انك بتعملي حاجة غلط وانك هتندمي بعدين

_متعتذرش يا حبيبي لولا كلامك دا كان ممكن مسامحش كامل او حتي افكر اني اسامح بابا…………انا لازم اشكره علي كلامك دا مش ازعل منك

_انا بحبك اوي يا هاجر

_وانا كمان بحبك يا حبيبي

بعد عني ومسك ايدي وباسها……….ابتسمت وفضلت باصة ليه وانا ساكتة

بعد خمس سنين

_بسم الله ما شاء الله يا حبيبتي الولد زي القمر

_طبعا زي القمر طالعة ل امها يا ماما

_هو انت كل ما مراتك تخلف هتقول انه شبها وزي القمر ولا اية

_قصدك اني مش زي القمر ولا اية يا فرح

_لا طبعا هو انا اقدر اقول غير كدة………..دا انا من كتر ما بحبك نفسي ابني يطلع شبهك والله

_المفروض اننا نصدق بقي مش كدة

_انتو كل ما تشوفوا بعض هتعاندوا في بعض يعني

_انا مش فاهمة انتو مالكم ومالنا اتنين صحاب وبيهزروا مع بعض انتو بتدخلوا لية انتو

_طيب خلاص اسكتوا……….ها يا ولاد هتسموه اية

بصينا لبعض و ابتسمنا وقولنا في نفس الوقت

_محمود

_قررنا نسميه علي اسم بابا

_ربنا يرجعه بالسلامة يا رب

_يا رب يا خالتو………ان شاء الله يخرج بالسلامة ويكون جمبنا قريب

_ان شاء الله يا حبيبتي………هو فين ملك يا ماما صح

_متقلقش عليها كرم اخدها ونزل يشتري ليها حاجات حلوة وهيرجعوا

_انتي هتولدي امتي يا فرح صح

_هانت يا هاجر كلها شهر واولد خلاص………..انا بجد مش مصدقة ان بعد ٣ سنين من غير خلفة ربنا هيرزقني بتوأم بعد كل دا ……….ادعولي ربنا يكملي علي خير

_ربنا يكملك علي خير يا حبيبتي يا رب

كنت باصة ليهم بفرحة……….كُنت مبسوطة اني بقيت موجودة وسط الناس اللي بتحبني بجد واللي لما بحتاجها بلاقيها وعمر ما حد فيهم فكر انه يأذيني ………..بصيت ليه وابتسمت باس راسي وحضني وبصينا انا وهو علي محمود ………..كنت مبسوطة اني قدرت اختار ل ولادي احسن اب في الدنيا و اللي عنده استعداد يعمل اي حاجة علشان يحميني انا و ولادنا واللي معندهوش اي استعداد انه يبعد عننا تحت اي ظروف

_رد عليا يا علي……انت وعدتني انك مش هتسيبني…….مينفعش تسبني وتمشي

_قولتلك انك مش هتكوني لحد غيري يا هاجر…….اهو راح وسابك ورجعتي ليا من تاني

_لا…….علي هيقوم وهيكون كويس…….هو وعدني انه مش هيسيبني

_انا حذرته انه يبعد عنك لانك ليا انا وبس …….لكن هو مسمعش كلامي ونهايتك كانت علي ايدي

_انت شيطان……..انا عمري ما كُنت اتوقع انك تكون كدة………لو فاكر انك باللي بتعمله دا انا هرجعلك تبقي غلطان……..كل اللي عملته دا كان علي الفاضي لاني عمري ما هرجع لواحد مريض نفسي زيك

_انا اللي عملته دا بسبب اني بحبك واني عايزك تكوني معايا انا وبس ……..ومستعد اعمل اكتر من كدة بس تكوني ليا يا هاجر……..تعالي نبدا صفحة جديدة وننسي كل اللي فات ……..انا واثق انك بتحبيني زي مانا بحبك

_بحبك!…….لا يا ادم انا مبحبكش……..انا عُمري ما حبيت ولا هحب غير علي…….وحق علي هيرجع وانت هتاخد جزاء اللي عملته دا

_انا استحملت كتير اوي……..انتي هتيجي معايا بمزاجك او غصب عنك

مسك ايدي وشدني……..حاولت ابعد عنه وفضلت ماسكة في ايد علي اللي كان مرمي علي الارض وغرقان في دمه ……..كنت باصة عليه وبتكلم من وسط عياطي

_سبني يا ادم…….قوم يا علي لو بتحبني……..متسبنيش يا علي………علي

قومت من النوم وانا بزعق وبقول علي…….بصيت حواليا لقيتني نايمه علي السرير……..فتح الباب بسرعة وجري عليا

_في اية يا هاجر انتي كويسة

اول ما شوفته اترميت في حضنه وبدات اعيط………حضني وبدا يطبطب عليا وكان بيحاول يهديني

_في اية يا هاجر اية اللي حصل يا حبيبتي

_كابوس يا علي…….كابوس وحش اوي

_طيب اهدي يا حبيبتي اهدي…….خلاص مفيش حاجة

_انا خايفة يا علي ……..خايفة يتحقق وتبعد عني انا مش عايزاك تبعد عني يا علي

_متخافيش يا حبيبتي كان كابوس وحش وراح لحاله……..انا لا يمكن اسيبك ابدا …….كل حاجة هتكون تمام متقلقيش

_لا لا……..انا حاسة اني مش مجرد كابوس وخلاص……..انا حاسة ان في حاجة وحشة هتحصل ……..بص يا علي …….تعالي نرجع تركيا………وبعد ما نعمل الفرح نرجع تاني ومحدش يعرف بوجودنا …….انا قلبي مش مرتاح لوجودنا هنا

_مينفعش يا حبيبتي………احنا مش اتفقنا اننا هنعمل الفرح هنا ومش هنخاف من حاجة دا انتي اللي قولتي ان مفيش حاجة هتحصل وان كل حاجة هتكون تمام………اية اللي خلاكي تقولي كدة دلوقتي………صدقيني كل حاجة هتكون تمام والفرح هيتم وهيعملك احلي فرح ممكن تشوفيه في حياتك

فضلت ساكتة وباصة ليه بخوف وقلق……..قلبي كان بيقولي ان في حاجة وحشة ممكن تحصل بس فضلت ساكتة……..علي كان نفسه يعمل فرحه في مصر وسط العيلة كلها وانا محبتش اني اصر علي رايي…….يمكن هو عنده حق وان الكابوس اللي شوفته دا هو اللي خلاني قلقانة وخايفة وان اكيد مفيش حاجة هتحصل……..مسكت في ايده وبدات اتكلم وانا مبتسمة

_عندك حق يا علي……..يمكن الكابوس اللي شوفته دا خلاني خايفة وقلقانه من غير سبب

_طيب يلا يا حبيبتي نامي علشان ورانا حاجات كتيرة بكرا

_علي انا كُنت عايزة اتكلم معاك في حاجة مهمة

_اية يا حبيبتي

_انا عارفة انك نفسك العيلة كلها تكون موجودة في الفرح وانك هتكون مبسوط لو دا حصل……ف لو حابب انك تعزم ماما علي الفرح انا معنديش مانع

_ايوة يا حبيبتي بس انتي كدة هتضايقي

_لا متقلقش عليا……..وجودها مش هيخليني مضايقة بس اهم حاجة ان اللي اسمه كامل دا ميكونش موجود

_متاكدة!

هزيت راسي ب اه…….ابتسم وهز راسه ب ماشي

_هروحلها بكرا

_ماشي……علي خليك جمبي ……..بلاش تنام في الاوضة التانية…….ممكن!

_حاضر يا حبيبتي

اخدني في حضنه ونام جمبي

“ادم”

_انت اتجننت يا ادم……..عايز تروح تتقدم لهاجر من اهلها

_وفيها اية يا فرح

_فيها اية! هو انت بتتكلم بجد…….ادم حبيبي هاجر مكتوب كتابها على علي………انت واعي للي بتعمله

_هيطلقها يا فرح……..وبعد ما يطلقها انا هتجوزها

_لا انا اكيد اتجننت…….تقريبا قاعدتك مع المجانين اثرت عليك

_مجنون علشان بحبها وعايزها تكون ليا يا فرح…….وجودها مع علي كان غلط وانا هصحح الغلط دا

_يا ادم هي نسيتك خلاص ومبقتش بتحبك بلاش تغلط غلطة تندم عليها عُمرك كلها……..حتي لو عملت اللي في دماغك وخليت علي يطلقها فهي عمرها ما هتكون ليك لانها مش بتحبك……..ارجع عن اللي انت عايز تعمله يا ادم لو بتحبها فعلا

_بقولك اية يا فرح انا مش ناقص محاضرات في الاخلاق ……..انا عارف انا بعمل اية كويس اوي ومفيش حاجة هتوقفني عن اللي عايز اعمله دا

_براحتك يا ادم بس صدقني اللي انت عايز تعمله دا هيخسرك كتير اوي واول حاجة هتخسرها هو انا……..انا مش هسمحلك تدمر حياة هاجر وكفاية. اوي اللي حصلها بسببك قبل كدة

دخلت اوضتها وقفلت الباب………عارف ان يمكن تفكيري يكون غلط بس انا بحب هاجر ومش مستعد اني اخسرها مرة تانية ومش هخلي اي شخص يوقف قصادي او يمنعني من اني اكون معاها ……..تلفوني رن……..مسكته وبصيت فيه لقيته رقم غريب……..رديت

_ايوة

_دكتور ادم معايا

_ايوة مين معايا

_انا محمود والد هاجر اللي كانت بتتعالج عند حضرتك من ٣ سنين تقريبا

_والد هاجر!هو حضرتك جيبت رقمي منين

_انا تعبت اوي لحد ما قدرت اجيب رقم حضرتك……..انا كُنت محتاج اتكلم مع حضرتك في موضوع ضروري يخص هاجر……..موضوع مهم ومش هينفع اكلم حضرتك فيه علي التلفون…….ممكن نتقابل في عيادة حضرتك ونتكلم لو حضرتك معندكش مانع

_اكيد طبعا مفيش مشكلة……..هبعت لحضرتك عنوان العيادة وحضرتك ممكن تيجي في اي وقت حضرتك تحبه

_شكرا لحضرتك……..الموضوع لو مكنش مهم مكنتش هكلم حضرتك والله

_ولا يهمك مكتبي مفتوح ليك في اي وقت ……..مع السلامة

قفلت معاه وانا مستغرب من مكالمته ليا ومش فاهم موضوع اية اللي عايز يكلمني فيه بخصوص هاجر……..بعتله لوكيشن العيادة وقفلت تلفوني

“علي ”

_هاجر انتي متاكدة من قرارك دا……لو مش عايزة خالتو تيجي قوليلي وانا مش هزعل

_متقلقش يا علي انا مش هكون مضايقة من وجودها………دا فرحك زي ما هو فرحي ولازم يكون فيه كل الناس اللي بتحبهم

_بس انا مش عايزك تكوني مضايقة من وجودها

_صدقني انا مش هكون مضايقة ……..اه صح كنت هنسي………استني هجبلك حاجة اوعي تمشي

دخلت اوضتها……تلفوني رن……..مسكته ورديت

_الو

_وحشتني يا علي

اول ما سمعت صوتها فضلت واقف في مكاني مصدوم ومش قادر ارد عليها……..بصيت ل يها وهي جاية ناحيتي وعلي وشها ابتسامة…….مكنتش متخيل انها ممكن ترجع في يوم او انها تكلمني بعد كل السنين دي…….فضلت باصص عليها ومش قادر اتكلم ولا قادر اني اتحرك من مكاني

_وحشتني اوي يا علي……..كُُنت خايفة انك ترفض تقابلني بعد اللي حصل بينا اخر مرة

_جاية عايزة اية مني يا فاطمة

_عايزة نرجع يا علي

_نرجع !……..هو احنا كان في بينا حاجة اصلا يا فاطمة………انا فاكر كويس ساعة ما اعترفت ليكي بمشاعري انك قولتي انك عمرك ما حبتيني ولا ممكن انك تحبيني في يوم……..افتكر كمان انك قولتي اني اقل من مستواكى ومستحيل تكوني مع واحد زي

_كُنت غلطانة ………غلطانة وغبية كمان للاسف اكتشفت دا متأخر اوي ……..اكتشفت اني بحبك زي ما انت بتحبني ساعتها حاولت ادور عليك علشان اقولك اني بحبك زي ما انت بتحبني بس دورت عليك كتير وملقتكش طول الوقت كنت بدور عليك وبدعي ربنا اني الاقيك واول ما عرفت انك موجود في مصر اتصلت بيك علطول وطلبت اني اقابلك علشان اقولك كل اللي في قلبي………علي انا عارفة اني غلطت زمان ورفضت حُبك ليا بس انا واثقة انك لسة بتحبني……..تعالي ننسي اللي فات ونبدا صفحة جديدة يا علي

_تبقي غلطانة يا فاطمة……..يوم ما انتي رفضتي حُبي ليكي من خمس سنين لمجرد اني كُنت اقل منك وكُنتي فاكرة ان الفلوس اهم من الحب واهم من كل حاجة انا نسيتك……..نسيتك ونسيت حُبي ليكي لان واحدة زيك متستحقش حُبي ليها او حتي اني ازعل عليها يوم ……..بدات اعيش حياتي وانسي في يوم اني حبيت واحدة زيك ……حبيت واحدة عُمر ما كان همها الفلوس زيك بالعكس هاجر عمرها ما كان تفكيرها في الفلوس قد ما انها تكون عايشة مع واحد بيحبها وبيخاف عليها ومُستعدة تعمل اي حاجة علشان اكون مبسوط حتي لو اللي هيخليني مبسوط دا ممكن يضايقها هي

_للدرجة دي بتحبها

_اوي……..بحبها لدرجة اني مُستعد اني اضحي بحياتي علشانها ومعنديش استعداد اني اخسرها لاي سبب من الاسباب ……..افتكر ان مفيش كلام تاني يتقال……..انا لازم امشي…….فرحي الخميس جاي و ورايا حاجات كتير لازم اعملها…….بعد اذنك

سيبتها وخرجت من الكافيه……..اتنهدت بتعب……..اخدت تاكسي ورجعت علي البيت……..فتحت باب الشقه ودخلت………كانت قاعدة قدام التلفزيون………قفلت الباب روحت قعدت جمبها وفضلت ساكت

_حمدلله علي السلامة يا علي……..خلصت مشاويرك

_انا اسف يا هاجر

_اسف علي اية!

_اسف لاني مكنتش صريح معاكي زي ما انتي كُنتي صريحة معايا

_في اية يا علي……..هو انت مخبي عني …….ساكت ليه علي أتكلم

مسكت أيديها وبدات اتكلم وانا باصص في الارض

_من خمس سنين اتعرفت علي واحدة وكنا بنتكلم مع بعض كتير لحد ما……….لحد ما حبتها حبتها اوي وكان نفسي تكون هي كمان بتحبني……..اعترفتلها بحبي ليها بس قالتلي انها عُمرها ما هتحب واحد زيي واني اقل منها بكتير وان مينفعش حتي اني افكر في الموضوع من بعيد……….ساعتها انا قلبي اتكسر وحسيت اني خسرت كل حاجة واني لا يمكن احب تاني بس صدقيني يا هاجر انا نسيتها نهائيا وعمري ما فكرت فيها ولما انتي جيتي تركيا حبيتك ونسيت حُبي ليها او اني في يوم كنت اعرفها

_طيب انت اية اللي خلاكي تقولي دلوقتي ولية مقولتليش قبل كدة

_كنت خايف اخسرك او انك تفكري اني لسة بحبها وترفضي حُبي ليكي ……..انهاردة قابلتها وقالتلي انها بتحبني وعايزة تكون معايا بس والله يا هاجر انا قولتلها اني بحبك انتي ……..عارف اني غلطت لما خبيت عليكي بس والله انا عملت كدة علشان كنت خايف لما تعرفي تسبيني

_اسيبك!……هو انت فاكر اني ممكن اسيبك علشان السبب دا…….طب ما انا كنت بحب واحد تاني قبل ما اكون معاك وقولتلك مسبتنيش ساعتها لية……….كنت عارف اني عيشت فترة في مصحة نفسية والناس بتقول عني مجنونة مسبتنيش ساعتها لية……….كل واحد فينا ليه ماضي وعلاقات قديمة يا علي………لو كل اتنين بيحبوا بعض سابوا بعض علشان علاقة قديمة لواحد منهم يبقي مفيش علاقة هتنجح نهائيًا…….بص يا علي……..انا بثق فيك اكتر ما بثق في نفسي وعارفة انك قد الثقة دي ……….انك تقابل واحدة كنت تعرفها قبل كدة مش هيضايقني لاني عارفة كويس انك بتحبني…….طبيعي جدا ان يكون عندك علاقات قديمة وتفشل بس الاهم انك لما تقرر انك تكمل حياتك مع شخص قلبك يكون معاه هو وبس وانا متاكدة ان قلبك معايا ومستحيل يكون مع غيري

_انا محظوظ انك بقيتي من نصيبي………انتي احسن واعقل واحدة في الدنيا يا هاجر

الباب خبط………قومت من مكاني وقربت من الباب …….فتحت واول ما فتحت شوفت الشخص اللي مكناش متوقعين وجوده ولا انا ولا حتي هاجر

_ازيك يا علي……..ازيك يا هاجر يا بنتي……..اول ما عرفت انكم في مصر جيت علي هنا علشان اسلم عليكم ……..مش هتقولي ادخل ولا اي يا علي ……..دا انا جوز خالتك حتي

“فرح”

_جدو انا لازم اتكلم مع حضرتك في موضوع مهم

_قولي يا حبيبتي

_ادم يا جدو……..ادم ناوي يعمل مشكلة كبيرة ومش قادر يستوعب ان اللي بيعمله ممكن يدمر حياته

_مشكلة اية دي يا فرح

_ادم عايز يتجوز هاجر

_هي دي المشكلة يا فرح ……..انا افتكرت ان في حاجة كبيرة……….يا حبيبتي اخوكي غلط زمان لما سابها اه بس هو عرف غلطته وناوي يصلح الغلطة دي

_المشكلة مش انه هيصلح غلطته او لا يا جدو……..المشكلة اكبر من كدة بكتير ……..المشكلة انه عايز يتجوز واحدة متجوزة اساسا

_متجوزة! يعني اية انا مش فاهم حاجة ازاي متجوزة واخوكي عايز يتجوزها

_هاجر لما اختفت ٣ سنين حبت واحد تاني وكتبوا الكتاب برا مصر وقرروا انهم يعملوا الفرح هنا بس ادم من ساعة ما عرف وهو اتجنن وعايز يبدعهم عن بعض ب اي طريقة وجاه وطلب من حضرتك انك تروح معاه وتتقدموا ل اهلها ……..هو عارف ان هاجر بتحب علي لكن هو مصمم انه يبعدعهم عن بعض………انا خايفة انه يعمل حاجة يندم عليها باقي حياته………ارجوك يا جدو فهموه ان اللي هو بيعمله دا مينفعش وانه هيدمر حياته لو كمل في اللي بيعمله

_متقلقيش يا فرح انا هكلم اخوكي …….انا عارف هتعامل معاه ازاي

“ادم”

كُنت واقف مكاني ومستنيها……..لقيتها نازلة علي السلم وبتتكلم وهي باصة ناحيتها

_اعلا وسهلا بحضرتك ……..دادة جميلة قالتلي ان حضرتك عايزني في موضوع مهم…….خير

_اهلا يا انسانة فاطمة……..انا دكتور ادم كرم دكتور امراض نفسية

_اهلا بحضرتك…….خير

_انا كُنت جاي لحضرتك علشان اكلمك في موضوع مهم يخص علي البدراوي ومراته…….افتكر ان الكلام اللي عندي مهم جدا لحضرتك ولازم تسمعيه ……..اعتقد ان الكلام مهم بالنسبة ليكي وهيغير تفكيرك واللي انتي ناوية تعمليه يا انسة فاطمة …….حابة تسمعي اللي عندي ولا لا

_انا مش مجنونة يا ماما ……..بلاش تسبيني هنا وتمشي علشان خاطري

_يا حبيبتي انا جيبتك هنا علشان تتعالجي وتبقي كويسة

_بس انا مش مجنونة علشان اتعالج يا ماما………جوزك هو اللي وصلني لكدة وانتي صدقتيه

_وهو كامل هيوصلك لكدة ازاي……..واية مصلحته اصلا يا هاجر

_عايز يخلص مني ب اي طريقة يا ماما……..بيكرهني ومش عايزني اكون معاه في مكان واحد

_ولو كان بيكرهك زي ما انتي بتقولي مكنش قالي اجيبك هنا علشان تتعالجي وتكوني كويسة يا هاجر

_بردو مش مصدقاني ……..لحد امتي هتفضلي مصدقاه وماشية وراه يا ماما……..حُبك ليه خلاكي مش شايفه قد اية هو وحش وبيكرهني

_وهو لو بيكرهك وعمل فيكي كدة كان هيربيكي بعد ما ابوكي رماكي و مسألش فيكي يا هاجر

_يا ريت كان رماني زي ما ابويا عمل ولا طردني من البيت كان هيبقي اهون عليا من انكم ترموني في مستشفى مجانين………انا عُمري ما هسامحك يا ماما علي اللي عملتيه معايا وانك فضلتي جوزك عليا ودخلتيني هنا علشان بس تراضيه

اديتها ضهري ونمت علي السرير …….طبطبت علي كتفي وبدات تتكلم

_انا عارفة انك مش واعية للكلام اللي انتي بتقوليه دا يا هاجر………وعارفة انك لما تخرجي من هنا وتكوني كويسة هتعرفي اني عملت كدة علشان بحبك وعايزاكي تكوني كويسة

خرجت من الاوضة…….فضلت في مكاني وبدات اعيط……..مش قادرة اتخيل انها قدرت تعمل كدة فيا………ازاي قدرت تسيبني في المكان دا علشان جوزها طلب منها دا…….ازاي بتحبه لدرجة انها تمشي وراه من غير حتي ما تتأكد………انا عُمري ما هسامحها ولا هي ولا ابويا………الغلطة اللي هما غلطوها زمان محدش دفع ثمنها غيري……..اتنين مش بيحبوا بعض وكل واحد كان قلبه مع حد تاني وبعد ما خلفوا بنت ملهاش اس ذنب في اللي بينهم قرروا يطلقوا وكل واحد يروح للي بيحبه من غير حتي ما يفكروا فيا وفي اللي ممكن يحصلي من ورا طلاقهم دا……..كنت اخر اهتمامتهم لدرجة ان ابويا عُمره ما سأل عني من يوم طلاقهم ١٣ سنة عديت مفكرش في يوم انه يتطمن عليا حتي وامي طول الوقت بتفكر في جوزها وبس مهتمة ب اكله وشربه هو وبس لكن انا………عُمرها ما اهتمت بيا حتي لما كُنت بتعب مكنتش بتهتمي اني اخد علاجي او لا……..كأني مش بنتها ………مش عارفة اني ليه مستغربة انها صدقته ودخلتني هنا ……..يمكن كُنت مستنيه منها ولو لمرة واحدة انها تحبني وتخاف عليا…….بس للاسف طلعت غلطانة………هي عمرها لا حبتني ولا هتحبني في يوم من الاساس

فوقت من سرحاني وهو بيطبطب علي كتفي………مسحت دموعي وبصيت الناحية التانية

_ماتت يا علي…….ماتت من غير حتي ما اشوفها

_هي في مكان احسن دلوقتي يا هاجر

_كُنت فاكرة اني عُمري ما هزعل لو حصلها حاجة واني عُمري ما هسامحها حتى بس لا……..طلعت كُنت بس محتاجة منها انها تتكلم معايا وتعتذرلي وكُنت هسامحها علطول……مكنتش اعرف انها هتمشي بدري كدة

_عارف انتي حاسة ب اية دلوقتي لاني مريت بيه قبل كدة……عارف انك زعلانة وكان نفسي انك تشوفيها ولو مرة واحدة ……..بس احنا مش هنقدر نغير حاجة من كل اللي حصل………المهم انك سامحتيها ولازم تدعيلها دلوقتي

_ربنا يرحمها ويغفرلها

_انا كل اللي مستغربه ليه اللي اسمه كامل دا مكلمش ماما وبلغها خبر وفاتها………كان مستني اية……..ولية جاه في الوقت دا

_علشان يكون هو الوارث الوحيد لماما ……..وميكونش لاي حد تاني نصيب من الورث……..انا اكتر واحدة عارفة هو بيفكر ازاي

_طيب ليه جاه وبلغك بموتها ……..وازاي عرف مكانا اصلا

_مفيش غير واحد بس هو اللي ممكن يعمل كدة يا علي……..اكيد ادم اللي بلغه بمكاني وبعته علشان يضايقني وبس

_اللي اسمه ادم دا زودها اوي………انا لازم اوقفه عن اللي هو بيعمله دا كفاية اوي لحد كدة

_علي لو سمحت بلاش تكلمه او حتي تروحله………سيبه يعمل اللي يعمله احنا كلها يومين هنعمل الفرح وترجع تاني تركيا علشان خاطري يا علي بلاش تعمل اي حاجة ……..مش علشانه هو لا دا علشان فرح اخته………فرح ملهاش غيره يا علي ولو ادم حصله حاجة فرح مش هتكون كويسة ابدا وانا بحب فرح ومش حابة اكون السبب في زعلها او ان اخوه يحصله حاجة بسببي

اتنهد وهز راسه…….حاضر يا هاجر………مش هعمله حاجة بس لو فكر أنه يأذيكي او يضايقك مرة تانية ساعتها موعدكيش اني هسكت

ابتسمت ومسكت في ايده بصلي وابتسم وبدا يتكلم بهدوء

_قومي البسي علشان اخدك معايا مشوار

_مشوار اية دا يا علي

_مفاجاة…….البسي بسرعة علشان منتاخرش

_حاضر

دخلت اغير هدومي وخرجت من الاوضة لقيته واقف مستنيني

_بردو مش هتقولي رايحين فين

_قولتلك مفاجأة مش هينفع اقول

_طيب حتي قولي هي اية يا علي

_كلها نص ساعة وتعرفي يلا بينا

مسك في ايدي وخرجنا من البيت……..انا موافقتش اني اتجوز علي علشان بيحبني وبيعمل كل حاجة علشان يبيبن حبه ليا وبس……..انا اختارت الراجل اللي يكون اب كويس لولادي واللي عُمره ما يسسيب ولاده ويهرب من المسؤولية زي ما حصل معايا……..علي اطيب واحن شخص ممكن حد يقابله……..مُستعد يعمل اي حاجة علشان يسعد الشخص اللي معاه……..اكتر واحد ممكن يحب ويدي كل اللي يقدر عليه للي قدامه علشان بس يكون مبسوط ودا سبب اختياري ليه ك زوج واب لولادي……….مش عايزة ان ولادي يعيشوا نفس اللي انا عيشته بسبب اختيار غلط ابويا وامي اختاروا………علشان كدة كان لازم اختار علي اللي عرف عني حاجات كتير تخليه يسيبني بس هو كان بيتماسك بيا اكتر وعُمره ما فكر يسيبني في يوم ومتاكدة انه هيقدم كل الحب اللي في الدنيا لولادنا في المستقبل وهيكون اب وصاحب ليهم

“ادم”

_انا بردو مش فاهمة كل اللي حضرتك بتحكيله دا يخصني في اية

_هو مش حضرتك بتحبيه علي وعايزاه يكون معاكي

_مظبوط بس اللي فهمته ان علي دلوقتي متجوز وبيحب مراته

_بس مراته مش بتحبه ……..انا جيت هنا علشان اساعد حضرتك انك توصلي لعلي لان هدفنا واحد

_واية هو هدفنا دا

_ان علي يطلق هاجر……..ساعتها علي هيرجعلك وهاجر هتكون معايا

_ودا هيحصل ازاي مش فاهمة

_هاجر بتثق في علي جدا ومفيش حاجة تقدر تكسر ثقتها فيه وتطلب منه الطلاق غير حاجة واحدة

_واية هي الحاجة دي

_الخيانة………انها تعرف ان علي بيخونها وانه متجوز واحدة غيرها

_ايوة بس علي مش متجوز غيرها دا هيحصل ازاي

_مش مهم ازاي المهم انتي موافقة تساعديني اننا نفرقهم عن بعض علشان علي يرجعلك ولا لا

فضلت ساكته وباصة ليا وبتفكر

_انا عارف ان اللي بقوله دا ممكن يكون صعب وانك بتقولي عني مجنون بس انا كل اللي بعمله دا علشان بحب هاجر ومش قادر اتخيلها مع غيري ومُستعد اني اعمل اي حاجة علشان احافظ علي حُبي وجاتلك علشان واثق انك بتحبي علي ومُستعدة انك تعملي اي حاجة بردو علشان تحافظي علي حُبك ليه ويرجع ليكي ……..قولتي

فضلت ساكتة وباصة قدامها ……..فضلت قاعد وبدعي انها انها توافق علي عرضي يمكن اقدر اوجع هاجر ليه بالطريقة دي