تحميل رواية جرح الحياه بقلم رنا سليمان pdf

_متجوزتهاش يا هاجر………انا مستحيل اعمل كدة…….دي بتكذب صدقيني

_والامضاء بتاعتك اللي علي ورقة الجواز العرفي دي كذب كمان يا علي

_انا…….انا معرفش امضتي ازاي موجودة علي الورقة دي……..هاجر انتي اكيد مستحيل تصدقيها وتكذبيني انا انتي……..انتي بتثقي فيا مش كدة

_بتقولي عني كذابة يا علي…….وانا هكذب ليه في موضوع زي دا………مش انت اللي اتحايلت عليا علشان نتجوز عرفي لحد ما تطلقها وبعدين تتجوزني رسمي

_كذابة……….انا مستحيل اعمل كدة انا بحب هاجر وعُمري ما فكرت اني احب غيرها

_كفاية بقي………انت لسة ليك عين تكذب وتكمل في تمثيلك دا………بس الغلط مش عندك الغلط عندي انا علشان صدقت انك غيرهم وانك بتحبني بجد كنت غبية وصدقت ان في راجل ممكن اثق فيه واحبه ويقدر حُبي دا………حكيتلك كل اللي مريت بيه وقد اية انا اتكسرت من كل اللي حواليا وفقدت ثقتي في الكل وقولتلك لو هتكسرني زيهم ابعد عني وبلاش تدخل حياتي وتخليني احبك……..ازاي قدرت تعمل فيا كدة يا علي ازاي قدرت تضحك عليا رغم اني وثقت فيك وحبيتك……..بس الغلط مش منك لا……..الغلط عندي انا اني صدقتك وثقت فيك وفي حبك

_يا هاجر صدقيني انا بحبك ولا يمكن اعمل كدة ……..والله العظيم انا مظلوم يا هاجر

_كفاية يا علي بقي كفاية………مهما هتقول او هتعمل انا عُمري ما هصدقك تاني ………انت اكتر انسان وجعتني …….وجعتني اكتر من ادم واكتر من ابويا وامي

_يا هاجر علشان خاطري اسمعيني مرة واحدة بس

_مش عايزة اسمع حاجة يا علي……..خدها واطلع برا ……….انا مش عايزة اشوف وشك تاني …….ابعد عني يا علي

دخلت الاوضة وقفلت الباب عليها……..فضلت باصص علي باب الاوضة وبعيط ومش قادر حتي اني اروحلها واكلمها……..حطيت ايدي علي كتفي بصتلها بعصبية

_سيبك منها يا حبيبي……..هي عمُرها ما حبيتك……..لو كانت بتحبك مكنتش هتسيبك لكن انا اللي بحبك ومُستعدة اعمل اي حاجة علشان اكون جمبك……..تعالي يا حبيبي معايا وانساها

مسكت ايديها بعصبية

_اوعي تفكري اني هعدي الموضوع دا بالساهل يا فاطمة………انا مش هسيبك علي اللي عملتيه معايا وانك خليتي هاجر تسبني………انا عارف هاخد حقي منك ازاي……..احسنلك تعقلي وتعترفي انك ورا اللي حصل دا واني مليش ذنب في كل دا

_عايزني اكذب يا علي……..امضتك موجودة علي عقد الجواز ومهما حاولت تكذب مش هتعرف تحصل حاجة ………ولا حتي تخليها تسامحك………هي خلاص مبقتش تحبك ولا عايزة تشوفك حتي……..الاحسن ليك انك تعقل وتعرف انك مش لحد تاني غيري……..احسنلك يا علي ترجعلي وتكون معايا انا وتنساها علشان متندمش بعد كدة……..هستناك تجيلي بكرا الصبح وانت معاك الماذون والشهود علشان الجوازة تكون رسمي بدل ما تكون عرفي……….سلام يا حبيبي

خرجت من الشقة……..فضلت باصص عليها لحد ما الباب اتقفل………رجعت بصيت ناحية اوضتها………بدات اقرب ناحية الاوضة بخطوات بطيئة……….للحظة وقفت قدامي مش عارف اتصرف ازاي ولا اعمل اية………كنت عارف ان عندها حق وطبيعي اللي هي عملته لان الامضاء فعلا كانت بتاعتي بس انا معرفش انا مضيت علي الورقة دي امتي وازاي……….عارف ان في حاجة غلط وان اكيد فاطمة عملت كدة علشان تبعدنا عن بعض بس انا لازم الاقي دليل علي كلامي دا ………قعدت علي الارض وسندت راسي علي باب الاوضة وبدات اتكلم

_هاجر انا عارف انك عندك حق في اللي بتعمليه وانك معذورة في كل اللي هتعمليه بس والله العظيم يا هاجر انا مظلوم……….لو كُنت ناوي فعلا اني اعمل كدة لية جيت وقولتلك عنها من الاول واني قابلتها م انا كان ممكن اقابلها من غير ما اجيلك او اقولك حاجة يا هاجر……….فكري يا هاجر اكيد دي لعبة فاطمة عملتها علشان تبعدنا عن بعض………انا بحبك يا هاجر ومعنديش استعداد اني اخسرك عارف انك مش مصدقاني بس انا هفضل مش هسكت لحد ما اعرف الحقيقة واخليكي تتاكدي أني بريئ

قومت من مكاني ……..فتحت باب الشقة وفضلت باصص علي الباب وكان عندي امل انها تخرج بس محصلش……..قفلت الباب ورايا ومشيت وانا حاسس اني خسرتها للابد ومش عارف ازاي هخليها تسامحني وتصدق اني معملتش كدة

“ادم”

_مكنتش متخيل ان الموضوع هيخلص بالسرعة دي

_اهم حاجة انه خلاص خلص وهما الاتنين هيطلقوا وكل واحد فينا هيكون مع حبيبه خلاص

_ودي احسن حاجة………مش عارف لولا مساعدتك دي كُنت هخليهم يطلقوا ازاي

_انا اللي عايزة اشكرك علشان جيت لحد عندي وعرضت عليا الفكرة بتاعتك دي لولاك عُمر علي ما كان هيرجعلي

_ادم

بصيت ناحيتها ………اول ما شوفتها قفلت التلفون وقربت منها

_في اية يا فرح مالك يا حبيبتي

_انت السبب ورا اللي حصل ل هاجر دا

_مالها هاجر يا فرح حصلها اية هو كويسة صح

_انت فاكرني هصدق تمثيلك دا………اية مش عارف انها هتطلق

_هتطلق!……وانا هعرف منين يا فرح

_انت السبب ورا اللي حصل مثلا……….صدقني يا ادم لو هاجر وعلي اطلقوا وانت كُنت السبب في دا انا مش هسكت

_انتي بتهدديني يا فرح………انتي هتقفي ضدي علشانها

_انت اللي عملت كدة من الاول يا ادم………حُبك ليها خلاك تتصرف تصرفات كلها غلط ولو فضلت كدة يا ادم انسي ان ليك اخت من الاساس لاني معنديش استعداد اني اخسر صحبتي الوحيدة بسبب تصرفاتك دي ………ابعد عن هاجر احسنلك يا ادم لان صدقني انا مُستعدة اني اخسرك لو اتاكدت انك ورا اللي حصل دا

سابتني وطلعت علي اوضتها………اتنهدت بعصبية وخرجت برا البيت ركبت العربية وسوقت لحد بيتها……….نزلت من العربية وطلعت علي البيت وبدات اخبط علي الباب……..فتحتلي الباب ……..اول ما شافتني اتنهدت واتكلمت بحزن

_خير يا ادم…….جاي علشان اية

_اول ما سمعت اللي حصل من فرح جيتلك علطول يا هاجر

_جاي علشان تشمت فيا

_عُمري ما فكرت كدة يا هاجر ………انا عارف انك في وقت صعب وجيت علشان اكون جمبك يا هاجر……..شوفتي انه مكنش بيحبك يا هاجر

_مستغربتش ………طلع زيك

_غلطانة يا هاجر………اللي انا عملته كان بسبب خوفي وحُبي ليكي لكن هو خانك واتجوز غيرك

_انت عايز اية دلوقتي يا ادم

_عايزك يا هاجر………عايزك تكوني معايا لاني بحبك ومحبتش غيرك وواثق انك بتحبيني……..تعالي نبدا صفحة جديدة يا هاجر وننسي اللي فات وانا اوعدك اني عُمري ما هزعلك ولا هسيبك ابدا

بصتلي وفضلت ساكتة…….فضلت واقف مكاني وعندي احساس انها هتوافق

_اطلع برا يا علي انا مش عايزة اشوف وشك

_دا بيتي يا هاجر واجي فيه وقت ما احب

_يبقي انا اللي همشي ومش هتشوف وشي تاني

_هتروحيله مش كدة……….كنت واثق انك هتعملي كدة

_اروح لمين يا علي………انت اتجننت

_لسة شايفه وهو نازل………كأنك مصدقتي ان دا حصل علشان ترجعي ليه او يمكن كل اللي حصل دا يكون خطة منكم علشان تبعدوني عنكم وتكملوا حياتكم سوا

_علي انت واعي اللي انت بتقوله ……..سامع نفسك بتقول اية

_للاسف عارف انا بقول اية

_لا اكيد انت مش واعي للي بتقوله …….مستحيل تكون عارف انت بتقول اية

_مستغربة لية يا هاجر……..انا شوفته بعيني وهو خارج من هنا عايزاني افكر في اية غير انكم لسة بتحبوه بعض وانك رجعتيله

_انا هاجر يا علي ……..هاجر اللي انت حبتها انت اكتر واحد عرفني ازاي…….ازاي تفكر فيا كدة

_دا ما انتي صدقتي اللي فاطمة قالته ونسيتي ثقتك فيا ايه اللي يفرق دا عن دا………المفروض انك بتثقي فيا لكن مع اول مشكلة صدقتي اللي هي قالته ومهتمتيش بيا ار حتي فكرتي للحظة اني مظلوم……….حكمتي عليا اني غلطان من غير ما تسمعيني حتي……….لية لما انا قولت كلامي دا حاولتي تبرري موقفك قدامي وتقوليلي اني المفروض بثق فيكي ……….لية مش عايزاني اصدق ان ممكن يكون في علاقة بينكم في نفس الوقت اللي صدقتي فيه اني اتجوز فاطمة عرفي

فضلت ساكتة وباصة ليه من غير ما اتكلم……..حاولت ادخل اوضتي بس مسك ايدي بعصبية

_سيب ايدي يا علي

_بردو هتهربي………كل مرة بتهربي من غير حتي ما تبصي وراكي وتحاولي تدافعي عن حُبك للشخص اللي قدامك………في الاول هربتي لما ادم قالك انه مش بيحبك من غير حتي ما تسمعي ليه ولا تعرفي اسبابه وبعدين هربتي من ابوكي اللي ما صدق لقاكي وحاول يخليكي جمبه ويطلب منك تسامحيه………ودلوقتي عايزة تهربي مني ومش عايزة تدافعي عن نفسك حتي………لحد امتي هتفضلي تهربي وشايفه نفسك الضحية وكل اللي حواليكي بيأذوكي والحقيقة مش كدة………يمكن في كتير حواليكي اذوكي اه بس في بردو ناس حبيتك وحاولت تخليكي تثقي فيهم وعملوا كل اللي يقدروا عليه علشان تحبيهم وفي الاخر عملتي اية……..فضلتي فاقدة الثقة في اللي حواليكي وعايشة في دور الضحية………بس الغلط مش عندك انتي لا ………الغلط غلطي انا علشان فكرت انك ممكن تحبيني وتثقي فيا ومفيش اي حاجة هتقدر تفرقنا عن بعض………عايزة تهربي اهربي يا هاجر انا مش همنعك ولا حتي هسأل فيكي ولو عايزة تصدقي اني فعلا اتجوزت فاطمة عرفي صدقي……..مبقاش يهمني

زقني بعيد عنه…….خرج برا البيت وقفل ألباب بعصبية………فضلت باصة ناحية الباب وانا ساكتة قعدت علي الارض وفضلت اعيط وانا في مكاني ومش قادرة اعمل حاجة………مكنتش عارفة اخد قرار او افكر حتي اذا كان فعلًا مظلوم ولا لا كأني……..كأني مُغيبة ومش عارفة اخد قرار حتي

“ادم”

كُنت واقف قدام الباب وبحاول اسمع كلامهم وانا مبسوط وحاسس بالانتصار………اول ما حسيت بيه وهو بيفتح الباب…….حاولت استخبي منه علشان ميشوفنيش………اول ما نزل وقفت وبصيت ناحية الباب………بعد ما نزلت من عندها شوفته وهو طالع ………طلعت وراه علشان اتاكد ان فعلا مبقاش في امل انهم يرجعوا وفعلا……..لما سمعت كلامه ليها اتاكدت ان مبقاش في امل حتي من رجوعهم ومسألة رجوعي ليها مسألة وقت مش اكتر……..نزلت من البيت وركبت العربية……..تلفوني رن…….طلعته من جيبي ورديت علي جدو

_ايوة يا جدو

_انت فين يا ادم

_مروح البيت يا جدو

_تعالي عندي انا عايزك

_هو في حاجة يا جدو

_انت هتحقق معايا يا ادم…….قولتلك تعالي يبقي تيجي من غير كلام كتير يا ادم

_حاضر يا جدو…….نص ساعة وهكون عندك

قفل السكة……..بصيت للتلفون ب استغراب وانا مش فاهم السبب اللي خلاه يكلمني كدة……..سوقت لحد بيته وركنت العربيه قدام البيت ونزلت منها……..قربت من الباب وخبطت علي الباب……..فتحلي بنفسه الباب

_ادخل واقفل الباب وراك

_حاضر

قفلت الباب وقربت منه

_في اية يا جدو حضرتك قلقتني……..اية الموضوع المهم اللي عايزني فيه وبعدين فين حامد مفتحش الباب

قبل ما اكمل كلامي لقيته ضربني علي وشي بالقلم………بصيت ليه بصدمة وانا مش مصدق اللي عمله……….عُمره ما مد ايده عليا في حياته

_بتضربني يا جدو………انت عُمرك ما عملتها في حياتك

_واموتك كمان يا ادم لو فضلت تعمل اللي بتعمله دا

_وانا عملت اية يا جدو علشان كل دا

_مش عارف عملت اية!………عايز تدمر حياة اتنين بيحبوا بعض………عايز تخلي هاجر تطلق من جوزها علشان انت تتجوزها ………انت اتجننت يا ادم

_هو حضرتك عرفت منين يا جدو ان هاجر متجوزة………فرح مش كدة……..حسابها معايا

_هتعمل اية ………هتقتلها علشان جات وقالتلي ولا هتعمل اية يا دكتور

_انا حر يا جدو اعمل اللي انا عايزه محدش شريكي

_حُر انك تدمر حياة اتنين بيحبوا بعض علشان عايز هاجر تكون ليك

_علشان بحبها وعايزها تكون ليا

_دا مسمهوش حُب دا اسمه جنان……..حُبك لشخص يخليك تضحي علشان سعادته مش تعمل اللي انت بتعمله دا

_اللي بيحب بيعمل المستحيل علشان حبيبه يكون جمبه ودا اللي بعمله……….ومش هسمح ل اي حد يقف قدامي وانا بحاول اوصل لهاجر حتي لو الشخص دا كان انت يا جدو

_انت اكيد اتجننت ………مش انت ادم حفيدي اللي اعرفه………ازاي بقيت بتفكر بالطريقة دي……….ازاي بقيت شخص اناني ومبيهمكش غير نفسك……….بس انا اللي عملت فيك كدة انا اللي من يوم موت ابوك وامك وانا بعملك انت واختك كل اللي عايزينه وعمري ما رفضت طلب ليكم انا اللي خليتكم كل اللي تحتاجوه تلاقوا بسهولة لحد ما اتعودت علي دا وبقيت عايز اي حاجة تحتاجها تلاقيها عندك……..انا اللي وصلتك للحالة دي وانا بردو اللي هصلح غلطتي دي يا ادم

_قولتلك يا جدو انا هوصل لهاجر ب اي ثمن ومُستعد اخسر كل حاجة مقابل انها تكون ليا……..يمكن اكون مجنون بيها اه بس اللي متاكد منه اني مش هسيبها تروح لغيري ابدا……..سامحني يا جدو

_هتعمل اية يا ادم

سيبته وجريت علي المكان اللي حاطط فيه المسدس بتاعه……..فتحت الدرج وطلعت المسدس ……..وجهته ناحيته وبدات اقرب منه

_عايز تقتل جدك يا ادم……..اعقل وسيب السلاح اللي في ايدك

_اية يا جدو……..خايف ولا اية……….انت مش كُنت لسة بتقول انك هتعلمني الادب خايف لية دلوقتي

_نزل السلاح يا ادم وخلينا نتكلم ب العقل اللي بتعمله دا هتندم عليه

_مش فارقة معايا………وبعدين انت خايف لية انا عايز اريحك

_جدووو

بصيت ناحية الباب لقيتها واقفة وخايفة

_اهلا…….اختي حبيبتي اللي راحت قالت لجدو كل حاجة وطلعتني وحش اوي قدامه……..اتمني تكوني مبسوطة دلوقتي يا فروحة

_ادم علشان خاطري سيب السلاح اللي في ايدك ……….دا جدو يا ادم بلاش تعمل كدة

_خليكي بعيد انتي يا فرح اوعي تقربي

_هتفضلوا تتعازموا علي بعض كتير ولا اية………اوعي تكوني فاكرة ان اللي بتعمليه دا هيخليني اتراجع او معملش اللي ناوي عليه………تبقي غلطانة……..اتشاهد علي روحك يا جدو……..وابقي سلميلي علي بابا وماما لما تروحلهم وابقي قولهم ان ابنهم اللي بعتك ليهم

كانوا واقفين مكانهم وباصين ليا وساكتين………كانت واقفة بعيد وبتعيط وخايفة عليه………كنت بتنفس بصعوبة وانا ماسك المسدس وموجهه ناحيته ……..فضلت ابص عليهم وانا ساكت وفي لحظة الرصاصة خرجت من المسدس ………فضلت واقف مكاني وساكت وببص علي الارض بصدمة………مش قادر افهم ازاي دا حصل او انا عملت كدة ازاي

“هاجر”

اول ما سمعت الباب بيتفتح خرجت من الاوضة بسرعة اول ما شوفته جريت عليه وحضنته حضني وبدا يتكلم

_اسف يا هاجر انا مش عارف انا قولت كدة ازاي

_انا اللي اسفة يا علي لو مكنتش عملت كدة قدامها كان ممكن يحصلك او يحصلي حاجة………كان لازم نبان قدامهم اننا كرهنا بعض ومش عايزين حتي نشوف وش بعض

_لما فاطمة جات وقالت انكم متجوزين عُرفي و ورتني عقد الجواز ……..حسيت ان في حاجة غلط من طريقة كلامها وارتباكها اللي كان واضح عليها

_طيب لما عملتي كدة يا هاجر وقولتي انك مصدقة

_كُنت خايفة يا علي…….كُنت خايفة لو كذبتها تحاول تبعدنا بطريقة تانية……..حاولت توقع بينا بورقة جواز عُرفي مش عارفة زورتها ازاي فكان سهل عليها تعمل اي حاجة

_بس انا افتكرت انك صدقتي بجد يا هاجر

_غصب عني يا علي……..كان لازم ابين ليك انت كمان اني صدقت علشان تبعد حتي ولو لفترة صغيرة

_بس كان لازم تقولي ليا يا هاجر……..مكنش ينفع تاخدي قرار زي دا لوحدك

_عارفة اني غلطت بس لو كُنت قولتلك مش بعيد كُنا نتكشف ……….بعد ما انت مشيت كُنت شاكة ان ادم يكون ليه يد في الموضوع دا علشان كدة اتصلت ب فرح قولتلها اللي حصل وكُنت واثقه انه هيجي وفعلا جاه لحد هنا وحاول يقنعني اني بعد ما اطلق منك ارجعله لانه بيحبني و واثق اني لسة بحبه………من طريقة كلامه اتاكدت انه هو ورا اللي حصل دا كان بيتكلم وكأنه واثق ان مفيش امل من رجوعنا ل بعض مع اني مقولتش لفرح علي اي تفاصيل انا كل اللي قولته ليها اني هطلق منك وبس

_وكُنتي ناوية تعملي اية بعد كدة

_كُنت ناوية اخلي خالتو تكلمك وتفهمك كل حاجة وبعدها اسافر انا وانت تسافر بعدي ونخلص من كل دا بس ………لما جيت وقعدت تزعق ليا وتقولي اني لسه بحب ادم واني بهرب من كل حاجة واني عُمري ما حبيتك حسيت اني لازم اقولك علشان تعرف انا عملت كدة لية

_انا اسف يا هاجر ……..عارف ان كلامي كان صعب عليكي بس انا قولت لما اقولك الكلام دا واخليكي تحسي انك فقدت الثقة فيكي واني مصدق انك ممكن تكوني لسه بتحبيه تفهمي اني مظلوم وتقفي جمبي……..انا اسف علي كل الكلام اللي قولته ليكي

_عارفة انك قولت الكلام دا علشان خايف تخسرني و واثقة انك بتثق فيا وبتحبني وعمرك ما تشك فيا ………بس احنا لازم نمشي من هنا يا علي ونرجع تاني تركيا……..ادم مش هامه حد ومُستعد يأذينا انا وانت علشان يعمل اللي في دماغه وانا معنديش استعداد اني اخسرك يا علي ولا ان يحصلك حاجة بسببي

_عندك حق……….انا غلطت لما جيبتك هنا علشان نعمل فرحنا وسط اهلنا………بس انا مكنتش متخيل ان اللي اسمه ادم دا يعمل كل دا وانه ميكونش فارق معاه حاجة او حد

_انا معرفش ازاي ادم وصل لكدة………انا طول الفترة اللي عرفته فيها كان كويس عُمري ما تخيلت انه يوصل لكدة

_ظهر علي حقيقته والحمدلله ان ربنا بعدك عنه قبل ما كُنتي تتجوزيه ………المهم دلوقتي احنا لازم نمشي من هنا في اسرع وقت

_انا خايفة لو حد فيهم عرف اننا هنرجع تركيا واننا مش هنطلق يتجننوا ويعملوا حاجة

_متقلقيش انا عندي حل ميخليش حد فيهم يشك في حاجة

_هتعمل اية

_هقولك

“فرح”

كُنت قاعدة علي الارض وماسكة ايده وبعيط……….بصيت ناحية الارض اللي مليانة دم وجسمي كله بيترعش وخايفة……….مسك في ايدي وبدا يتكلم وهو بيلف وشي ليه

_اهدي يا حبيبتي

_الحمدلله انا بخير وكويس………وحامد كمان بخير وخرج من اوضة العمليات……..كرم لسة قافل معايا وطمني عليه

_مش مصدقة يا جدو ان ادم عمل كدة………حاول يقتلك من غير تردد حتي………مش قادرة اتخيل لو عمو حامد مكنش وقف قدامك واخد هو الرصاصة……..ازاي ادم قلبه طوعه يعمل كدة…….انا بجد مش قادرة اصدق

_اخوكي اتجنن يا فرح…….انا لحد دلوقتي مش قادر استوعب اللي عمله ………ادم بقي مريض ولازم يتعالج

_انا خايفة بعد ما هرب يعمل حاجة ل هاجر وعلي ………ارجوك يا جدو اتصرف…….ادم بقي خطر علي نفسه قبل ما يكون خطر علي اللي حواليه……..انت لازم تبلغ عنه يا جدو علشان يأخذ جزاءه علي اللي عمله وميعملش حاجة تاني تأذيه او تأذي اللي حواليه

_لازم اعمل كدة………لازم ابلغ عنه واخليه يعقل حتي لو كان صعب عليا اني اشوفه بيترمي في السجن بس دا الصح

ساب ايدي وطلع علي اوضته………فضلت باصة عليه وانا بعيط………..مش قادرة استوعب ان ادم كان واقف وبيحاول يقتل جدو………ازاي جاله قلب يعمل كدة……..ادم اتجنن ومبقاش عارف هو بيعمل ايه ………عُمري ما كنت اتخيل ان في يوم ادم يتصرف التصرفات دي ……….بصيت علي الدم اللي علي الارض وفضلت قاعدة مكاني بعيط

“فاطمة”

_انتي اكيد اتجننتي يا فاطمة…….ازاي تعملي حاجة زي دي

_عايزني اعمل اية يا فريد………كُنت لازم اعمل كدة علشان علي يرجعلي ويكون معايا………انا اول واحدة حبها وانا الوحيدة اللي استحق اني اكون معاه

_علي عمره ما كان ليكي يا فاطمة……….انتي رفضتي حبه ليكي زمان وبعدتيه عنك جاية دلوقتي تقولي انك بتحبيه وعايزاه يكون ليكي

_كنت غلطانة يا فريد……..غلطت غلط كبير ودفعت ثمنه غالي اوي افتكر اللي حصلي كان درس ليا علشان جرحت علي ورفضت حبه ليا وطالما اخدت جزائي وعرفت انه الوحيد اللي حبني بجد ليه مرجعش ليه ونبدا صفحة جديدة طالما هو بيحبني وانا بحبه

_الكلام دا لو كان لسة بيحبك يا فاطمة لكن علي نسي انه حبك في يوم وشاف حياته وكمل حياته من غير………عايزة تدخلي حياته وتدمريها ليه من تاني

_علي كان ليا وهيفضل ليا يا فريد………انت عارف كويس اوي اني اي حاجة بكون عايزاها بوصلها وبتكون ليا يعني كلامك دا مش هيفيد بحاجة ولا هيخليني أغير رأيي

_براحتك يا فاطمة بس انتي لازم تعرفي اني مش موافق علي كل اللي بتعمليه دا ولازم تعرفي كمان انك هتندمي علي كل اللي بتعمليه دا

سابني وطلع اوضته……….اتنهدت بتعب وفضلت باصة عليه لحد ما قفل باب اوضته……..للحظة حسيت اني غلطت لما سمعت كلام ادم وعملت كدة بس في نفس الوقت انا بحب علي ومكنش قدامي طريقة تانيه علشان يرجعلي ……….مكنتش عارفة اذا كنت اللي بعمله دا صح ولا غلط ………فوقت من سرحاني علي صوت الجرس وهو بيرن……..الدادة فتحت الباب واول ما شوفته مكنتش مصدقة نفسي من الفرحة وجريت عليه

_علي حبيبي………اخيرا جيت……..كنت عارفة انك هتيجي

_كان عندك حق يا فاطمة هاجر عمرها ما حبتني في يوم…….لو كانت بتحبني مكنتش صدقت اي حاجة انتي قولتيها …….كان عندك حق محدش غيرك حبني بجد ولا ممكن حد يثق فيا ويحبني قدك……….اسف آني رفضتك علشان حبي ليها وفي الاخر هي مقدرتش دا سامحيني يا فاطمة انا غلطت في حقك

_لا يا علي…….انا غلطت في حقك غلطة كبيرة لما رفضت حبك ليا زمان ……..سامحني يا علي وتعالي نبدا صفحة جديدة مع بعض وننسي اللي فات

ابتسم ومسك في ايدي وباسها………مكنتش مصدقة انه هيجيلي بالسرعة دي وانه هيعرف انه لسة بيحبني مسكت في ايده بفرحة وكنت مبسوطة

_جاي عايز اية يا ادم……..واية المسدس اللي في ايدك دا

_كُنتي فاكرة انك هتهربي مني ومش هقدر اجيبك يا هاجر……..تبقي غلطانة

_يا ادم افهم……..انا مبقتش بحبك ولا عُمري هفكر اكون معاك في يوم……….انساني وابدا حياتك من جديده مع واحدة غيري تحبك وتحبها

_انا مش عايز غيرك يا هاجر……..انا عايزك انتي……..اعقلي يا هاجر وتعالي معايا……….تعالي نبدا صفحة جديدة وننسي كل اللي فات ……..انسي علي وانسي كامل وانسي كل حاجة ضايقتك في يوم يا هاجر

_حتي لو نسيت وبعدت عن علي عُمر ما هيكون ليك فرصة معايا …….اعقل يا ادم وابعد عني لاني لحد دلوقتي مش حابة اني اذيك او ابلغ عنك بسبب عمايلك معايا ارجوك يا ادم ابعد وانساني وانا اوعدك اني هنسي كل حاجة انت كنت السبب فيها

_انا حولت اني اتكلم معاكي بهدوء واحاول اقنعك بس للاسف مفيش فايدة……..هضطر اني اخدك من هنا بالقوة

بدا يقرب مني………مسكت الفازة اللي كانت علي الترابيزه وحاولت ارميها عليه بس وقعت بعيد عنه……..حاولت ادخل علي الاوضة وقفل الباب بس هو لحقني ومسك ايدي ………بدات اعلي في صوتي بس حط ايده علي بوقي…….وفي لحظة واحدة بس محستش ب اي حاجة بتحصل حواليا

“فرح”

_احنا دورنا في كل مكان عليه بس مش لاقين ليه اي اثر

_يعني اختفي يا حضرة الظابط ………ازاي مش لاقينه ……..انا خايف يعمل حاجة في نفسه ولا في حد………ادم حاليا مش في واعيه

_يا عبد الرحيم بيه انا مقدر اللي حضرتك بتقوله ومقدر كمان خوفك وقلقك علي حفيدك بس صدقني احنا بنحاول نعمل كل اللي نقدر عليه علشان نوصله

_جدو في مكان اكيد ادم راحله

_مكان اية يا انسه فرح

_احنا ازاي مفكرناش انه ممكن يروح لهاجر………اكيد راح عندها انا………انا خايفة يكون اذاها يا جدو

_هاجر مين ……..ممكن حضرتك تفهمني يا عبد الرحيم بيه ايه اللي بيحصل بالظبط

_هاجر دي بنت كان بيحبها ادم من تلات سنين………سابوا بعض وهي سافرت برا مصر ولما رجعت كانت متجوزة ………ومن ساعة ما رجعت مصر هي وجوزها وادم حاله اتغير وبقي بيعمل تصرفات كلها غلط والسبب ورا دا انه لسة بيحبها ومش متخيل انها تروح منه

_طيب عنوان هاجر دي اية………علشان نلحق نتصرف قبل ما يعمل حاجة

_حضرتك ممكن تديني ورقة وقلم واكتبلك العنوان

مد ايده بالقلم وخط ورقة قدامي ………كتبت العنوان بسرعة واديته الورقة……….قام من علي مكتبه وخرج من المكتب كله………خرجنا وراه……….كان كل خوفي وقلقي علي هاجر………كُنت خايفة ادم يكون وصلها وحاول يأذيها قبل ما نوصل احنا……….كُنت راكبة العربية وبدعي ربنا طول الطريق انها تكون كويسة………حاولت اكلمها بس تلفونها كان مقفول ودا خلاني اقلق عليها اكتر

“علي”

_اية اللي جابك يا علي……..كُنت فاكر انك بتحب مراتك ومش هتبعد عنك………..معقول اتخليت عن حُبك ليها بالسرعة دي

_انت مش فاهم حاجة يا فريد

_معتقدش ان في حاجة محتاجة شرح………فاطمة حاولت توقع بينكم وانت حتي من غير ما تحاول تشرح لمراتك انك بريئ وانك ملكش ذنب في اللي حصل سيبتها وجيت لفاطمة ومحاولتش تدافع حتي عن حبك……..فاطمة هي اللي زورت امضتك علي العقد اللي معاها يا علي ومُستعدة تعمل اي حاجة تانية علشان تكون ليها ومش حُب فيك يا علي لا فاطمة بتعمل كدة علشان عمرها ما كانت عايزة حاجة وماخذتهاش مفكرة انها في مسابقة مع مراتك ولازم تكسب المسابقة دي وتكسبك وانت جاي هنا بتديها فرصتها ان اللي هي عايزاه حصل وانها فازت بيك زي كل حاجة بتكون عايزاها وبتجيلها

_غريبة………انت اخوها والمفروض تقف جمبها وتحاول تخليها مبسوطة بس اللي انا شايفه العكس

_علشان اللي هي بتعمله دا غلط وانا عُمري ما ادافع عن الغلط يا علي

قطع كلامنا خروجها من المطبخ بصتلها انا وهو وانا علي وشي ابتسامة……….حطيت العصير علي الترابيزه واتكلمت ب ابتسامه

_جيبت عصير المانجا اللي بتحبه يا علي

_انتي لسة فاكرة

قطع كلامنا تلفوني وهو بيرن خرجته واول ما شوفته رقمها فتحت وحطيت التلفون علي وداني بس سمعت صوت فرح وهي بتتكلم بصعوبة

_علي انا فرح……….تعالي بسرعة يا علي ادم خطف هاجر………ادم حاول يقتل جدو وبعدها هرب البوليس دور عليه في كل مكان وملاقهوش ولما جينا هنا ل هاجر لاقينا الباب مسكور وتلفونها مرمي علي الارض وفي ازاز مرمي علي الارض………الحق هاجر يا علي هاجر في خطر ولازم تلاقيها في اسرع وقت قبل ما يعملها حاجة

كُنت بسمع لكلامها بصدمة خرجت بسرعة من البيت ومهتمتش لكلامها ولا كلامه كُنت بجري في الشارع ومش عارف اعمل اية ولا اتصرف ازاي……..كُنت خايف عليها وخايف انه يعملها حاجة وفي نفس الوقت مش عارف هوصلها ازاي ولا عارف هو اخدها لفين……..قعدت علي الارض وبدات اعيط بقلة حيلة وانا مش عارف اتصرف ازاي………فضلت ادعي ربنا انه يقف جمبي ويساعدني اني الاقيها

“هاجر”

بدات افتح عيني لقيتني في مكان مقفول وضلمة بصيت علي ايدي لقيتني مربوطة بحديد حاولت ازعق بس كان محطوط لازق علي صوتي……….بدات اعيط وجسمي كله كان بيترعش ……..النور بدا يتفتح ………بدات اشوف صوري انا وادم في كل مكان علي الحيطة………صور كُنت انا هو اتصورنها بعد ما خرجت من المصحة…….. الباب بدا يتفتح وبدا يدخل الاوضة……..فضلت باصة ناحيته وانا بعيط………قرب مني وعلي وشه ابتسامه………قعد قدامي وبدا يتكلم

_خايفة يا هاجر……..متخافيش يا حبيبتي انا عُمري ما هأذيكي لاني بحبك……….بصي يا هاجر بصي يا حبيبتي صورنا ………انا جمعت كل الصور بتاعتنا اللي اتصورنها مع بعض……..بصي شكلنا حلو ازاي ولايقين علي بعض……….ازاي ………ازاي قدرتي تنسي كل الذكريات الحلوة دي وتروحي تتجوزي غيري……….ازاي قلبك طاوعك تعملي كدة يا هاجر………انا اه غلطت غلطة كبيرة في حقك بس انا مستحقش كل دا………اطلقي منه وارجعي ليا يا هاجر انا بحبك ومش هقدر اتخيل ان حد غيري ياخدك مني………اقولك تعالي نسافر اي مكان وتبدا حياتنا من جديد وننسي كل اللي فات وانا اوعدك هخليكي اسعد انسانة في الدنيا دي كلها………قولتي اية يا حبيبتي موافقة مش كدة……..انا اسفة يا حبيبتي نسيت اشيل اللي علي بوقك

شد اللي علي بوقي جامد

_اه

_اسف يا هاجر مكنتش اقصد اني اوجعك انا اسف يا حبيبتي

فضلت باصة ليه بكره وانا بعيط…….بدات اتكلم

_هو انا ازاي حبيتك في يوم ومقدرتش اشوف وشك الحقيقي……..ازاي

كُنت مُغيبة ومشوفتش قد اية انت انسان وحش ………انا بكره اليوم اللي شوفتك فيه ………انا بكرهك يا ادم وبكره اليوم اللي شوفتك فيه……….عمري ما هسامحك علي كل اللي انت عملته دا………احسن ليا اني اموت او اني اكون معاك في يوم………عايز تقتلني اقتلني لاني عُمري ما هوافق اكون مع واحد مريض زيك……..غلطوا لما حطوني في مصحة نفسية كان المفروض انت اللي تتحط فيها مش انا

مسكني مش شعري بعصبية وبدا يتكلم وهو متعصب

_هو انتي فاكرة اني هسكتلك يا هاجر ……..تبقي غلطانة……..يظهر ان الادب مش نافع معاكي………لو فاكرة اني ممكن اموتك واريحك تبقي غلطانة انا هسيبك عايشة كدة وطالما مش عايزة تكوني معايا يبقي مش هتكوني لغيري انا واحد حاول يقتل جده وبعدها هربت واللي يعملها مرة يعملها الف بس المرة دي هيكون حبيب القلب هو الضحية

_خرج علي من الموضوع يا ادم

_اخرجه ازاي يا هاجر مش دا اللي فضلتيه عليا واتجوزتيه يبقي هوجع قلبك عليه زي ما وجعتي قلبي لما روحتي ليه وسبتيني………بس انا هطلع جدع معاكي للمرة الاخيرة ………..هديكي مُهلة ساعتين زمن يا هاجر وانتي اللي هتقرري اذا كُنتي عايزاه يموت ولا لا

زقني ب ايده جامد………خرج من الاوضة …….فضلت باصة عليه وانا بعيط ومش عارفة اعمل اية ولا اتصرف ازاي……..غمضت عيني وبدات ادعي ربنا انه يدلني علي الطريق الصح ويقولي اعمل اية واتصرف ازاي

_قررتي تنقذي حبيب القلب ولا تضحي بحياته

_لو فاكر انك مش هتتحاسب علي كل اللي بتعمله دا تبقي غلطان

_ماخدتش جواب علي سوالي يا هاجر……..قررتي تكوني معايا وتحافظي علي حياته ولا يموت وذنبه يكون في رقبتك علشان كان بايدك تنقذي حياته ورفضتي

_انا مش خايفة منك ………انا واثقة ان ربنا هيقف جمبي انا وعلي ويساعدنا اننا نخلص منك

_انا لحد دلوقتي يا هاجر مش عايز اعمل حاجة تدايقك مني لاني بحبك وبحاول علي قد مقدر مخلكيش تشوفي وشي التاني بس انتي اللي بتحاولي تعصبيني

_هتعمل اية يا ادم……….هتقتلني زي ما حاولت تقتل جدك………اعملها يا ادم اعملها وريحني من العذاب اللي عايشة فيه بسببك

_انا لو هعملها فعلا مش هتكوني انتي الضحية………هيكون حبيب القلب هو الضحية يا هاجر………..هسيبك تجربي احساس الوجع اللي انا حسيت بيه لما لقيتك روحتي مني واختارتي تكوني معاه هو مش انا ………هخليكي تندمي انك اختارتيه هو ورفضتي حبي ليكي………..انا اديتك مُهلة علشان تفكري في قرارك اذا كُنتي هتوافقي تكوني معايا ولا تضحي بحياته وانتي اختارتي تضحي بحياته متزعليش بقي من اللي هيحصل لحبيب القلب

قام من علي الكرسي وكان رايح ناحية الباب ……….بدات اتكلم من وسط عياطي وانا باصة في الارض

_استني……….انا موافقة اعمل اللي انت عايزه ……….اهم حاجة علي ميحصلش ليه حاجة

بصلي وابتسم وبدا يسقف وهو يقرب مني

_برافو……..لا بجد برافو………قصة حب ولا في الافلام………البطلة مُستعدة تضحي بحياتها علشان البطل حبيبها يكون بخير وكويس……….فيلم رومانسي جميل جدا

_اللي بيحب مُستعد يعمل اي حاجة علشان اللي بيحبه……….عُمرك ما هتفهم دا لانك عمرك ما حبيت بجد

_لو زي ما بتقولي محبتش بجد مكنتش عملت كل دا علشان اقدر اوصلك يا هاجر……..معنديش استعداد اني اناقشك دلوقتي………لو فعلا خايفة عليه تعمل كل اللي هقولك عليه ولو فكرتي مجرد تفكير بس يا هاجر انك تشغلي دماغك عليا او فكرتي انك ممكن تخرجي من هنا……….نهايته هتكون علي ايدي فاهمة يا هاجر

هزيت راسي ب اه وانا بعيط………الخوف اللي كنت حاسة بيه مكنش علشان ادم حابسني ولا اني مش عارفة مصيري هيكون اي كل اللي كنت خايفة منه انه يأذي علي او يحاول يعمل فيه حاجة………كل اللي خايفة منه ان علي يحصله حاجة ………ادم ممكن يعمل اي حاجة في اي لحظة………عُمري ما كُنت اتخيل انه يكون شخص وحش للدرجة دي ……….شخص مش هامه اي حد اهم حاجة مصلحته………مُستعد يضحي ب اقرب الناس ليه علشان مصلحته……….مفيش حب في الدنيا يعمل في شخص كدة……….الحب تضحية وانك تعمل كل اللي تقدر عليه علشان حبيبك يكون مبسوط حتي لو سعادته دي في انك تكون بعيد عنه ……..عُمر اللي ادم بيعمل دا ما كان حُب ولا هيكون في حب بالشكل دا ابدا

“فرح”

كنت قاعدة في الجنينة ماسكة صورتي انا وهو وباصة فيها وانا بعيط………سمعت صوته من ورايا

_انسة فرح انا جيبت لحضرتك الفطار

_شكرا يا كرم……..مليش نفس

_بس حضرتك مكلتيش اي حاجة من امبارح………..ممكن يحصلك حاجة من قلة الاكل

_هيحصلي اية اكتر من اللي حصل يعني………..اخويا كان هيبقي قاتل وكان هيقتل مين………جدنا اللي ملناش غيره ومش كدة وبس لا دا راح وخطف حبيبته اللي رفضها زمان وجاي دلوقتي يفتكر حبه ليها ويدمر حياتها وحياة كل اللي حواليها علشان يوصلها………تفتكر في حُب يوصل صاحبه للطريق دا يا كرم

حط الصنية علي الارض وقعد جمبي وبدا يتكلم

_كل واحد بيحب بالطريقة اللي شايفها صح ………في اللي بيضحي علشان اللي بيحبه يكون مبسوط ممكن التضحية دي انه يضحي بحبه مقابل انه يشوف حبيبه مبسوط واللي ممكن يضحي بحياته علشان حبيبه يكون بخير وفي اللي بيعمل كل اللي يقدرعليه علشان يحافظ علي حبه ودا اللي عمله دكتور ادم……..مكنش بيفكر غير انه يوصل لحبيبته ايا كانت الطريقة……….هو شايف ان اللي بيعمله دا صح ومستعد يعمل اكتر من كدة مقابل ان هاجر تحبه وتكون معاه

_انت بتدافع عنه بعد كل اللي عمله دا يا كرم

_انا مدفعتش عنه ولا قولت ان اللي بيعمله دا صح………انا بس بقولك ان اللي عمله دا كان بسبب حبه دكتور ادم كان شايف ان اللي بيعمله دا صح علشان عايز حبيبته ترجعله بغض النظر عن الطريقة اللي هترجع ليه بيها حتي لو الطريقة دي تكون القنل

_يعني انت ممكن تعمل كدة علشان حبك لحد يا كرم

_ما انا قولتلك كل واحد ليه طريقة بيحب بيها………بس انا اجبن بكتير من اني اعترف حتي بحبي للي الانسانة اللي بحبها ……….بحبها من بعيد وخايف انها تعرف حتي بحبي ليها احسن تبعد عني………بالنسبة ليا اني احبها من بعيد واكون بشوفها احسن بكتير من اني اعترف بحبي ليها واترفض واتمنع حتي من اني اشوفها

كان بيتكلم وهو باصص عليا………اتنهد وقام وقف……….انتي بقالك يومين مكلتيش حاجة حاولي تاكلي اي حاجة علشان متتعبيش

سابني ومشي………فضلت باصة عليه وانا مش فاهمة حاجة رجعت بصيت للاكل بتعب ……..اتنهدت وبصيت للسما ودعيت ان هاجر تكون كويسة وان ادم يرجع عن كل اللي بيعمله

“علي”

_احنا بنحاول علي قد ما نقدر نوصل ليه بس مفيش ليه اي اثر

_يعني اية يا حضرة الظابط…….يعني خلاص كدة مراتي راحت مني

_احنا هنعمل كل اللي نقدر عليه علشان نوصله ونعرف مكان مدام هاجر ومش هنسكت لحد ما نلاقيها

_وانا هفضل قاعد مستني لحد ما تلاقهوها……….ادم دا شخص مريض وممكن يعمل اي حاجة في هاجر……….انا مش هستني لما يوصلي خبر موتها

_يا استاذ علي احنا مش ساكتين وبندور في كل مكان علشان نقدر نوصل ليه ونعرف مكانه بس

_بس اية يا حضرة الظابط………بس مش قادرين توصلوا ليه………يبقي تسبوني انا ادور عليه بطريقتي وانا هعرف اوصله……….انا اسف يا حضرة الظابط بس انا مش هستني اكتر من كدة انا هدور علي اللي اسمه ادم دا وهوصله يعني هوصله حتي لو وصولي ليه فيه موتي

خرجت من مكتبه وانا متعصب وخايف عليها يحصلها حاجة……..خرجت من القسم وانا بحاول امنع نفسي اني اعيط اعيط وبحاول اتماسك……..تلفوني رن………مسكته وبصيت فيه كان رقم غريب رديت بتعب

_الو

_علي انا هاجر

_هاجر……..انتي كويسة يا حبيبتي………..متخافيش يا حبيبتي انا هوصلك وهترجعيلي وهتكوني كويسة

_علي انا كويسة ………..انا محصلش ليا حاجة انا اللي مشيت من البيت لوحدي

_مشيتي لوحدك………بس البيت كان

_انا اللي كسرت الازاز اللي كان علي الارض دا يا علي……….انا كويسة ومفيش اي حاجة حصلتلي………علي انا بكلمك علشان اقولك اني عُمري ما حبتك انا وافقت اني اتجوزك وكنت فاكرة اني هنسي بيك ادم بس كنت غلطانة ………حاولت كتير اني احبك وادي ادي لنفسي فرصة لكن فشلت………أنا هسافر يا علي وهبدا حياتي من جديد بس المرة دي لوحدي ولا هكون معاك ولا مع ادم ………اسفة يا علي اني وهمتك بحُبي ليك طول الفترة دي انا عُمري ما حبتك……….انساني يا علي وابدا حياتك من جديد ………متحاولش تدور عليا …….سلام يا علي

_الفستان شكله حلو اوي يا علي ……….انا مش مصدقة اننا جيبناه بجد

_كنت عارف انه هيعجبك علشان كدة جيبته……….فرحنا فاضل عليه يومين ولازم تكوني اجمل عروسة في الدنيا

_ربنا يخليك ليا يا علي……..انا بحبك اوي

_وانا كمان يا هاجر بحبك

_بس يا علي الفستان دا غالي اوي ليه دفعت كل الفلوس دي مكنش لازم تجيبه يا علي

_مش مهم الفلوس اهم حاجة عندي تكوني مبسوطة …….مفيش اهم من كدة

_طول ما انت جمبي هكون مبسوطة يا علي ربنا يخليك ليا وتفضل معايا دايما

_ويخليكي ليا يا حبيبتي

اخدني في حضنه……….حضنته وانا مبسوطة

فوقت من سرحاني علي الباب وهو بيتفتح مسحت دموعي وبصيت في الارض بحزن……..قرب مني وبدا يتكلم

_شكلك زي القمر يا حبيبتي بالفستان فاكرة لما كنا بنتمشي زمان وعجبك الفستان دا ………اشتريته وكنت ناوي اعملك مفاجاة وادهولك لما اعترفلك بحبي بس اتاخرت كتير علشان اديه ليكي……….شوفتي بقيتي ليا في الاخر ازاي

_انت ناسي ان علي لسة مطلقنيش واني لحد دلوقتي مراته

_متقلقيش انا عارف هخلص الموضوع دا ازاي………عملتها قبل كدة لما زورت امضته علي العقد العرفي

_انا وافقت اني اجي معاك وابعد عنه بس يكون كويس وميحصلش ليه حاجة……….ولو حصل ليه اي حاجة او اتاذي مش هكمل

_مبقاش بمزاجك انك تكملي ولا متكمليش يا هاجر غصب عنك هتكملي بس متقلقيش عليه طول ما انتي بتسمعي الكلام ومش بتحاولي تشغلي عقلك علشان تخرجي من هنا هو هيكون كويس غير كدة انا مش ضامن اللي ممكن يحصل………نص ساعة وهنتحرك من هنا جهزي نفسك

خرج من الاوضة………فضلت باصة عليه بحزن ومكنتش قادرة حتي اني اعارضه ……….كنت حاسة انها النهاية وان خلاص مفيش حاجة تخرجني من هنا……..بصيت علي نفسي في المرايا وانا لابسة الفستان………النهارده المفروض يكون فرحي……….فرحي علي على مش ادم ………ازاي بين يوم وليلة كل حاجة تتغير ازاي بقيت هنا ……..مكاني المفروض يكون جمب علي وفرحنا يكون انهاردة ازاي حصل كدة وبقيت هنا مع ادم……….غمضت عيني بحُزن وكنت بدعي ان ربنا يقف جمبي ويساعدني ارجع لعلي من تاني

“علي”

_انا خايف منلحقش نوصل ليهم ويلحق يهرب مننا

_متقلقش يا استاذ علي مش هيقدر يخرج من مصر وبعد مكالمة مدام هاجر ليك بقي سهل اننا نعرف مكانه فين دلوقتي

_طيب يمكن يكون………يمكن يكون هرب من المكان اللي كان فيه بعد ما هاجر كلمتني

_احتمال كبير يكون دا حصل بس خلينا ورا امل ان هنا لو هرب من المكان يكون في حاجة تدلنا علي مكانه……. دا لو كان هو اللي عملها

_قصد حضرتك اية

_استاذ علي……….حضرتك لية مشكتش ان كلام مدام هاجر يكون صح وهي اللي هربت ومحدش اجبرها علي الهروب

_هاجر مستحيل تعمل كدة……….كان قدامها بدل الفرصة الف انها تسبني وانا طلبت منها كتير انها تبعد ………ازاي بين يوم وليلة تهرب وتبعد وتقولي انها محبتيش انا متاكد انه هو اللي عملها……….ولو مش هو اللي عملها هيكون راح فين

_متنساش انه متهم في جريمة قتل ف طبيعي جدا يكون هربان دلوقتي ………مش ضروري يكون خطفها

_بس انا متاكد انه خطفها………بدل ما حضرتك بتحاول تضيع وقت في انه خطفها ولا لا يا ريت حضرتك تركز في شغلك علشان نعرف اذا كانت هربت فعلا ولا اتخطفت

_انا عارف انت خايف وقلقان عليها قد اية بس بقول احتمال وارد جدا أنه يحصل

الباب خبط……..العسكري دخل وفي ايده ورقة ومد يتكلم وهو مادد ايده ليه بيها

_قدرنا نعرف المكان اللي المكالمة جات منه يا فندم

_تمام روح انت

اخد منه الورقة……….جريت عليه علشان اشوف العنوان………اول ما شوفته جريت بسرعة علشان احاول اوصلها……….مكنش في دماغي حاجة غير اني اوصل لهاجر في اسرع وقت ………كنت خايف يأذيها او يعملها حاجة……..مكنتش شاكك ولو لواحد في المية ان الكلام اللي قالته دا كان صح………كُنت واثق انه هددها تعمل كدة………وعارف كويس اني لو فكرت او حولت اني اوصله يكون في خطر علي حياتي بس في نفس الوقت

كنت عارف انها في خطر ولازم اروح ليها واخرجها من اللي هي فيه حتي لو الثمن حياتي……….ركبت تاكسي وقولتله علي العنوان وبدعي اني اوصلهم في اسرع وقت

“فرح”

_يا فرح اللي بتعمليه في نفسك دا غلط………هيحصلك حاجة من قلة الاكل

_هيحصل ايه اكتر من اللي حصلي يا جدو

_كل حاجة هتكون كويسة يا حبيبتي وهنوصل ل اخوكي ونعرف مكانه

_افرض بعد ما وصلنا ليه نكون وصلنا متاخر وانه عمل حاجة في هاجر

_لية بتفكري كدة…….. لية متفكريش اننا هنوصله وهاجر تكون كويسة……..وانه مش هيأذيها

_مش هيأذيها……….هو انت مصدق الكلام دا يا جدو…….جدو دا حاول يقتلك ……….كان زماني دلوقتي واقفة في عزاك والناس جاية تعزيني……….واحد حاول يقتل جده مستني منه اية……….الله اعلم هو فين دلوقتي وبيعمل اية مع هاجر………..انت مش حاسس ب اللي انا حاسة بيه دلوقتي……….اخويا طلع مجرم وهربان من البوليس علشان حاول يقتل جدي قدامي………كمان راح وخطف صحبتي الوحيدة علشان بيحبها وهي راحت اتجوزت غيره ………تخيل بقي يا جدو اخويا اللي مليش غيره واللي المفروض يحميني من اي حاجة ممكن تحصلي بقي هو مصدر خوفي الوحيد في الدنيا……..عايزني اعيش يومي واكل واشرب ولا كأن حاجة حصلت ازاي يا جدو

اخدني في حضنه………بدات اعيط وانا ساكته وحضناه لحد ما جاه و وقف قدامنا وبدا يتكلم

_عبد الرحيم بقي……..في حد عايز يقابل حضرتك

_مين دا

_ مقالش اسمع بس بيقول انه عايز حضرتك في موضوع مهم

سابني وقام……..دخل الفيلا ……..بصلي وبدا يتكلم

_انتي كويسة

هزيت واسي ب اه وانا بمسح دموعي……..بصتله وبدات اتكلم

_مفيش اي اخبار جديده عن ادم

_اللي عرفته ان مدام هاجر اتصلت ب استاذ علي

_هاجر كلمت علي……..طيب هي كويسة صح

_معرفش………انا كل اللي عرفته انها كلمته بس معرفش قالتله ايه او قالها اية………متقلقيش هما بيحاولوا يلاقوا المكان اللي اتكلمت منه وان شاء الله يلاقوه في اسرع وقت

رفعت راسي للسما ودعيت انهم يوصلوا لادم وهاجر في اسرع وقت وكل حاجة تكون تمام

“هاجر”

سمعت صوت الباب وهو بيتفتح بالمفتاح……..حاولت امسح دموعي بس معرفتش لانه كان رابط ايدي الاتنين. بصيت علي الباب بحزن……..دخل وهو متعصب

_كُنت عارف انه مش هيسكت وانه هيفضل ورانا لحد ما يلاقي مكانك

_علي!

_هو في غيره………حبيب القلب قدر يوصل للمكان اللي كلمتيه منه هو والبوليس……..بس انا كُنت عامل حسابي

_قصدك اية!…….انت وعدتني انك مش هتأذيه ولا هتعمله حاجة

_كان نفسي يا هاجر……..بس جوزك هو اللي اضطريني اخلف وعدي………طالما وصل للمكان دا يبقي هيوصلنا في اقرب وقت……..وللاسف مش هنقدر نسافر لان اسمائنا انا وانتي اتحظرت من السفر………للاسف يا هاجر يا حبيبتي نهاية القصة الرومانسية الجميلة بتاعتكم دي مش هتنتهي نهاية سعيدة……….مش كل النهايات لازم تكون سعيدة ونهاية قصتكم مش كدة……….بس عارفة يا هاجر النهاية دي ناقصها حاجة واحدة ……….البطلة تشوف بطلها وهو بيموت قدامها ومش هتقدر تنقذ حياته………وانا هحققلك دا………اية رايك تتفرجي علي لحظة موته يا حبيبتي وتشوفي النهاية الحزينة لقصتكم

حط التلفون قدامي……….كنت شايفاه وحاول واقف وببحاول يدور عليا……..في لحظة واحدة كان واقع علي الأرض والناس كلها اتلمت حواليه………فضلت اهز راسي ب لا وانا بعيط بدات اتكلم بصوت عالي

_لا ………لا يا علي مستبنيش علشان خاطري……..قوم يا علي

_معتقدش ان زعيقك وصوتك العالي دا هيغير حاجة يا هاجر………علي خلاص مات وخلصنا منه ومبقاش موجود بينا تاني وهنقدر نعيش حياتنا مع بعض من غير وجود علي

_غلطان يا ادم………الحكاية لسة مخلصتش ونهايتها هتكون موتك

بصيت ناحية الباب بصدمة وانا بعيط ومش عارفة ازاي هو جاه هنا ولا دخل هنا ……….كان موجه المسدس ناحيته……….كنت مصدومة وخايفة ومش قادرة استوعب اللي بيحصل

_للحظة فكرت اني خسرت علي واني ممكن اموت في اي لحظة………لحد ما ظهر هو………معرفش هو عرف مكانا ازاي وازاي جاه في اللحظة اللي حسيت بيها ان نهايتي قربت

_الحمدلله انه وصل في الوقت المناسب يا هاجر………لولا وجوده الله اعلم اللي اسمه ادم دا كان عمل فيكي اية

_شكل ادم وهو مرمي علي الارض وغرقان في دمه مش قادر يروح من بالي……..رغم كل اللي عمله دا مكنتش حابة انه يموت او يحصله حاجة بسببي

_ادم استحق كل اللي حصله يا هاجر……..حاول انه يأذيكي انتي وعلي وكان ممكن تكونوا انتو الاتنين مش مايتين دلوقتي لولا ستر ربنا………حاولي تنسي كل اللي حصل يا حبيبتي وخليكي جمب جوزك لانه محتاجك دلوقتي

بصيت ليه وهو نايم علي السرير ومتوصل بالاجهزة ………مسكت ايده وبوستها وبدات اتكلم وانا بمنع نفسي اني اعيط

_مش قادرة اتخيل انه ممكن يروح مني يا خالتو……….انا اول ما ادم وراني وهو بيضرب بالنار واترمي علي الارض حسيت ان روحي راحت مني وحسيت اني هموت وراه

_بعد الشر عليكم يا حبيبتي………الحمدلله ربنا وقف جمبك وبعتلك محمود ابوكي علشان يساعدك ويخرجك من اللي كنتي فيه…………كان لازم اجي معاكم يا هاجر مكانش لازم اني اسيبكم ترجعوا مصر لوحدكم

_وانتي كنتي هتعرفي منين يا خالتو ان دا كان هيحصل………حتي لو كُنتي تعرفي ان دا هيحصل مكنتيش هتقدري تمنعي حاجه انها تحصل ……….وجودك هناك كان احسن ليكي احسن انك تيجي ويحصلك حاجة………ساعتها انا وعلي مكناش هنسامح نفسنا

الممرضة دخلت وقربت مننا

_ممكن حضرتكم تتفضلوا برا لان وجودكم هنا ممكن يسبب خطر علي حياته

_مينفعش تسبيني جمبه خمس دقايق بس

_للاسف مش هينفع……….انا وافقت انكم تدخلوا خمس دقايق بس لو سمحتم اتفضلوا برا

_حاضر يا بنتي……….يلا يا هاجر يا حبيبتي

_مش قادرة يا خالتو اسيبه وامشي………خايفة اسيبه يحصله حاجة وانا مش جمبه

_وجودك هنا خطر علي حياته……….تعالي معايا يا بنتي وان شاء الله هو هيتحسن وهيخرج من هنا وساعتها هتفضلي جمبه ومش هتسبيه بس لازم نمشي دلوقتي

مسكت ايده وبوستها وانا بعيط……..قومت من مكاني وخرجنا انا وهي………قعدتني علي اقرب كرسي……..قعدت بتعب وبدات ابص علي الفستان اللي كله دم وبدات افتكر اللي حصل

_انت مين وجيت هنا ازاي………وازاي تدخل لحد هنا

_جيت علشان انقذ بنتي منك………..كُنت فاكر انك قدرت توصل للي كُنت عايزه تبقي غلطان انا مش هقف اتفرج عليك وانت بتقضي علي حياة بنتي

_بابا………بلاش يا بابا تغلط غلطة زي دي……….هو ميستحقش تضيع حياتك علشانه………نزل المسدس علشان خاطري

_انا غلطت في حقك لما سيبتك وانتي صغيره يا هاجر ومش مُستعد اقرر الغلطة دي……..انا لازم انقذك منه حتي لو كان الثمن حياتي

_تبقي غلطان لو فاكر اني هسيبك تخرجها من هنا………احسنلك تسيب السلاح اللي في ايدك دا وتعقل احسن ما بنتك توحشك

قرب مني وحط المسدس اللي كان معاه علي راسي……..في لحظة واحدة لقيته مرمي علي الارض بعد ما ضرب عليه طلقتين من المسدس اللي كان في ايده ……….فضلت باصة عليه وانا ساكتة ومش مستوعبة اللي حصل……..جرا عليه وخرج مفتاح الكلبش اللي كان في ايدي من جيبه وقرب مني وفك الكلبش من ايدي………مسك دماغي وبدا يتكلم

_انتي كويسة

_قتله !

_كان لازم يموت ……..لو مكنتش عملت كدة كان ممكن تكوني مكانه دلوقتي

سمعنا صوت عربية البوليس بصيت عليه وهو مرمي علي الارض ورجعت بصيت ليه وهزيت راسي ب لا

_انا اللي بلغت البوليس

_بس انت كدة ممكن

_متقلقيش عليا……….اهم حاجة تروحي ل علي دلوقتي………هو محتاجك اكتر مني

هزيت راسي ب اه وخرجت بسرعة من الاوضة

فوقت من سرحاني وحد بيطبطب علي كتفي………بصيت جمبي لقيتها هي ………قومت بعصبية وبدات اتكلم بصوت عالي

_انتي ليكي عين تيجي لحد هنا………مش كفاية اللي حصل من وراكي ومن ورا اللي اسمه ادم دا……….جاية عايزة اية تاني

_جاية اعتذر ليكي يا هاجر

_تعتذري! المفروض اني اسامحك وانسي بعد اعتذارك دا……….جوزي جوا بين الحياة والموت بسببكم وانتي جاية تعتذري

_عارفة ان اعتذاري مش هيفيد بحاجة بس………بس صدقيني يا هاجر انا عمري ما حبيت ان الحال يوصل لكدة……….انا لما ادم جالي وقالي اني اجيلك واقنعك بخيانة علي ليكي علشان تسبيه واني ساعتها هرجع لعلي مفكرتش لحظة و وافقت……..وافقت علشان بحبه وكنت فاكرة انه كدة هيكون ليا بس طلعت غلطانة بس والله العظيم يا هاجر انا مكنتش اتخيل ان ادم ممكن يعمل كدة علشان يوصلك وانه ممكن يفكر في القتل………لو كنت اعرف انه ممكن يعمل كدة عمري ما كنت هساعده بالعكس كنت هحذركم منه يا هاجر وعمري ما كنت هساعده في حاجة زي دي……….علي عمره ما حب ولا هيحب حد غيرك………..عارفة اني فهمت دا متاخر ……….اسفه علي كل اللي عملته معاكم ………..اوعدكم اني هخرج من حياتكم ومش هتشوفوا وشي تاني……….حاولي تسامحيني يا هاجر انتي وعلي

قامت من جمبي فضلت باصة عليها بتعب وانا بعيط……..اتنهدت وبصيت قدامي ……….فجاه شوفت الممرضة بتخرج من اوضته وهي بتجري ………قومت بسرعة وانا مش فاهمة حاجة ………بصيت عليه من ورا الازاز ………لقيت الدكتور دخل الاوضة بتاعته وكان بيجري حاولت اسال الممرضة في اية بس مجاوبتش عليا ودخلت…………خالتو جات ووقفت جمبي………فضلنا واقفين وخايفين………كُنت حاسة اني دي النهاية وانه خلاص مش هيخرج منها………هزيت راسي ب لا وفضلت ادعي انه يكون بخير ويخرج لاني مش هقدر اعيش من غيره

كان واقف جمبي وماسكني……….كُنت باصة عليه وانا مش حاسة ب اي حاجة حواليا وبعيط……….شيلت الملايا من علي وشه وبدات اتكلم وانا بعيط

_ليه يا ادم………لية عملت في نفسك كدة……….قولتلك ان اللي بتعمله دا علط ونهايته مش هتكون كويسة بس انت مسمعتش كلامي ………سبتني لوحدي ومشيت ………مش كنت دايما تقولي انك عمرك ما هتسبني ازاي قدرت تخلف وعدك ليا وتمشي………سبتني لوحدي لية يا ادم

_اللي بتعمليه دا مش هيرجع حاجة يا فرح………. قدره انه يموت دلوقتي……….انتي لازم تكوني اقوي من كدة ادعي ان ربنا يرحمه ويغفر ليه اللي عمله

_مش قادرة يا كرم……..مش قادرة اصدق اللي حصل………كان نفسي يفضل معايا وميسبنيش زي بابا وماما ما سبونا

_حاولي تكوني اقوي من كدة يا هاجر ………علشان جدك اللي قاعد برا دا ………..مش هيستحمل ان يحصلك حاجة كفاية عليه اللي حصل ل اخوكي

هزيت راسي ب حاضر……….قربت منه وبوست دماغه وانا بعيط……….رجعت الملايا تاني علي وشه وبصيت ليه لاخر مرة………..مسكني وخرجني برا المشرحة……….كان قاعد علي الكرسي وباصص في الارض قربت منه وقعدت جمبه………حطيت دماغي علي كتفه وبدات اكلمه

_ادم مشي يا جدو………راح وسابنا ………وغم كل اللي عمله مات قبل ما حتي يودعنا راح وراحت معاه كل حاجة حلوة او وحشة عملها……….مش قادرة اصدق انه راح يا جدو

مسكت ايده بس لقيتها ساقعة اوي………رفعت راسي من علي كتفه وبصتله

_ايدك ساقعة كدة لية يا جدو………جدو انت مش بترد عليا ليه

_عبد الرحيم بيه………انت سامعني

حاول يهزه بس مكنش بيرد علينا……….بصتله بخوف وهزيت راسي ب لا………..مستحيل دا يحصل………مستحيل انه هو كمان يسبني مش هقدر استحمل انهم هما الاتنين يسبوني في وقت واحد………فضلت ماسكة في ايده وبهز راسي بلا وانا بعيط

_البقاء لله……..الحادثة كانت صعبة عليه وللاسف مقدرناش ننقذه…….عن اذنك

_لا حول ولا قوة الا بالله………ربنا يرحمك يا جمال انت ومراتك………موتوا وسيبتوا حِمل تقيل عليا

_جدو جدو……….احنا هنروح امتي……..فرح زهقت من المكان دا وانا عايز اروح علشان اشوف بابا وماما وحشوني اوي

_احنا بقالنا كتير اوي يا جدو في المكان دا………وحضرتك كل شوية تقولنا هنروح كمان شوية يلا بقي نروح زمان بابا وماما رجعوا البيت وهيزعلوا جدا لو راحوا وملقوناش في البيت

قعد علي اقرب كرسي ومسكت في ايدينا احنا الاتنين………كان بيحاول يمنع نفسه من العياط وكان باين عليه الحزن بدا يتكلم بهدوء

_حبايبي انا في حاجة لازم اقولكم عليها………احنا للاسف مش هنروح نلاقي ماما وبابا في البيت

_لية يا جدو هما مش المفروض يرجعوا انهاردة من السفر

_كان المفروض انهم يرجعوا يا فرح ……..بس هما اضطروا يسافروا لمكان تاني………وللاسف مش هيقدروا يرجعوا منه دلوقتي

_بس هما وحشوني اوي يا جدو كان نفسي اشوفهم

_معلش يا ادم …….انت كمان كنت وحشهم اوي انت واختك بس هما سافروا لمكان بعيد وكان لازم انهم يروحوا المكان دا يا ادم………انا عايزك توعدني دلوقتي انك هتخلي بالك من اختك وهتفضل جمبي وانك عمرك ما هتزعلها في يوم يا ادم………متخافش يا جدو بابا وماما قبل ما يسافروا قالولي اني اخوكي الكبير واني لازم اخد بالي منها ومخليش اي حاجة وحشة تحصل لها

_شاطر يا حبيبي……….وانا اوعدكم اني هفضل جمبكم واني عمري في حياتي ما هسيبكم لحد ما يجي الوقت وامشي فيه………ولحد اليوم دا ما يجي انا هفضل جمبكم وهعمل كل اللي انتو عايزينه يا حبايبي

_احنا بنحبك اوي يا جدو

_وانا كمان بحبكم اوي

اخدنا في حضنه وفضل حاضنا وكأن خايف اننا نهرب

كُنت واقفة قدام القبر وباصة عليه وبعيط………كانوا بيرموا علي القبر التراب……….رغم كل الناس اللي كانت حواليا كُنت حاسة نفسي لوحدي………حسيت بحد بيحط ايده علي كتفي بصيت جمبي لقيتها واقفة……….حطيت راسي علي كتفها وانا بعيط……….بدات اتكلم وانا باصة عليهم وهما بيقفلوا القبر

_ادم مات يا هاجر………اللي كان ييدايقك انتي وعلي وكان يبوظ حياتك مات……..مات واخد جدو معاه…….ارتاحوا وسابوني اتعذب في الدنيا لوحدي……….بقيت لوحدي ومليش حد في الدنيا دي

_ربنا يرحمهم يا فرح……..الموت رحمة ليهم………ادعي ليهم ربنا يغفرلهم يا حبيبتي……..وبعدين انتي مش لوحدك يا فرح انا جمبك وهفضل جمبك………انتي اختي يا فرح وانا محتاجة لوجدك جمبي اكتر ما انتي محتاجة ليا متقلقيش يا حبيبتي انا هفضل جمبك ومش هسيبك ابدا

_لحد دلوقتي مش قادرة اصدق انهم راحوا يا هاجر………وعدوني ان عمرهم ما هيسبوني لوحدي وانهاردة همًا الاتنين راحوا ………فراقهم صعب عليا اوي……..سامحي ادم يا هاجر………لو فعلًا بتحبيني انسي كل اللي عمله معاكي وادعي ان ربنا يغفرله

_مسامحة ادم يا فرح……….هو دلوقتي محتاج اننا ندعي ليه وننسي كل اللي عمله لينا……..لازم نسامحه وننسي

هزيت راسي ب ماشي ورجعت بصيت علي القبر بتاعهم بحزن………الناس بدات تعزيني وهي واقفة جمبي………جاه وقف جمبي وطبطب علي كتفي ……….بصتله ب حُزن……..بصتلها ومسكت ايديها واتكلمت بصوت واطي

_روحي يا هاجر………علي محتاجك جمبه ومتقلقيش عليا انا هبقي كويسة

_بس انتي محتاجة لوجودي جمبك يا فرح………علي جمبه خالتو ولو حصله حاجة خالتو هتتصل

_علشان خاطري يا هاجر روحي انتي وانا لو احتاجت حاجة هكلمك علي محتاجك جمبه اكتر مني ………روحيله ومتقلقيش عليا

فضلت باصة عليا وهي ساكتة……….هزيت راسي وانا ساكتة

_لو احتاجتي اي حاجة اتصلي بيا

هزيت راسي ب حاضر……….مشيت ………الناس بدات تمشي ……..شاور ليا علشان نمشي………بصيت ليهم للمرة الاخيرة ومشيت………مشيت ولاول مرة احس اني وحيدة ومبقاش ليا حد في الدنيا دي……….الاتنين اللي دايما كنت بحس ب أمان وهما جمبي راحوا ومش هيرجعوا تاني………..مشيت وسيبت كل ذكرياتي معاهم والأوقات الحلوه والوحشة اللي قضناها سوا كنت ماشية بعيط ومش حاسة ب اي حاجة حواليا وبفتكر ذكرياتنا سوا وبس

“هاجر ”

_لسة مفاقش يا خالتو

_لسة يا حبيبتي………..بس الدكتور طمني وقال ان حالته بقت مستقرة وانا ممكن يفوق في اي لحظة……….روحتي ل فرح يا حبيبتي

_روحتلها يا خالتو……….صعبت عليا اوي كان واضح عليها الزعل

_اللي حصلها مش شوية يا هاجر………اخوها وجدها اللي ملهاش غيرهم ماتوا في يوم واحد……..اكيد صعب عليها انها تتحمل كل دا

_انا كل إللي خايقة منه انها تعمل حاجة في نفسها

_متقلقيش ان شاء الله هتكون كويسة والوقت هينسيها

_يا رب يا خالتو……….روحي انتي يا حبيبتي ارتاحي………انتي تعبتي اوي ولازم ترتاحي

_خليني يا هاجر لحد ما اطمن عليه

_علشان خاطري يا خالتو روحي ولو حصل اي حاجة هكلمك………علشان خاطري يا خالتو روحي ارتاحي

_عارفة اني مش هعرف اخلص منك وانك مش هتسكتي غير لما اروح ………لو حصل اي حاجة يا هاجر اتصلي

_حاضر يا حبيبتي

اخدت شنطتها وخرجت من الاوضة………قعدت علي الكرسي ومسكت ايده وبدات اتكلم

_عارفة انك لو كنت كويس كنت هترفض اني اروح العزا بتاعه بعد اللي عمله معانا……….بس انا روحت علشان خاطر فرح هو كان اهم حاجة في حياة فرح هو وجدها والاتنين ماتوا في يوم واحد………صعب عليها انها تتحمل كل الوجع دا انا عارفة وعلشان كدة روحت ووقفت جمبها لاني عارفة انها حاسة بالوحدة وكان لازم اكون جمبها في وقت زي دا………..مش كفاية كدة يا علي بقي………فوق بقي علشان خاطري انا محتاجة اتكلم معاك وتساعدني زي ما كنت طول عمرك بتعمل…….محتاجة اني اتكلم معاك وتسمعني………..عارف اني كان ممكن اموت لولا ان بابا وصل في الوقت المناسب ………اول ما شوفته حسيت بخوف ………خوفت ادم يعمله حاجة رغم اني مكنتش فاكرة ابدا انه ممكن يجي يوم واخاف عليه او ازعل عليه من وانا صغيرة بس اول ما شوفته نسيت خوفي علي نفسي وخوفت عليه ادم يعمله حاجه بس………بس بردو مش قادرة اسامحه في نفس الوقت يا علي لانه سابني وانا صغيرة وباعني ………..حاسة اني مش قادرة افكر ولا اخد قرار ومحتاجة انك تقوم وتكون جمبي وتساعدني اخد القرار الصح

مسحت دموعي وفضلت باصة ليه وانا ماسكة في ايده………ايده بدات تتحرك وتمسك في ايدي……..بصيت علي ايده بفرحة وانا مش مصدقة نفسي رجعت بصيت ليه وانا بضحك ومش مصدقة اللي حصل

“فرح”

مسكت البرواز اللي فيه صورتنا احنا التلاتة وفضلت باصة فيه………..لو كنت اعرف ان يوم ما ادم حاول يقتل جدو دي المرة الاخيرة اللي هشوفه فيها كنت هترمي في حضنه ومش هسيبه يبعد عني لحظة تانية كنت هفضل جمبه وامنعه انه يعمل اي حاجة غلط ………لو كنت اعرف ان جدو هيموت لما اسيبه وادخل اشوف ادم للمرة الاخيرة كنت هفضل جمبه ومش هسيبه في اخر لحظات في حياته……….بدات اسمع اصوات زعيقهم هما الاتنين في اخر مرة اتجمعنا فيها ……….البرواز وقع من ايدي……..جسمي كله كان بيترعش………..حطيت ايدي علي وداني وانا بحاول امنع الاصوات دي لكنها كانت بتزيد……….فضلت اهز راسي ب لا وانا بعيط……….عيني جات علي ازازة من اللي واقعين علي الارض ………شيلت ايدي من علي وداني ومديت ايدي علشان اخد الازازة دي ………بدات ابص ليها وانا ساكتة……….بدات افكر ودموعي نازلة علي وشي وباصة ل الازازة………يمكن مكتوب لينا احنا التلاتة نموت في يوم واحد زي ما عيشنا مع بعض ………وجودي او عدمه مش هيفيدوا بحاجة بالعكس هتوجع اكتر وانا لوحدي……..مكاني جمبهم مش هنا لازم اعمل كدة علشان اكون معاهم بدل ما اعيش هنا لوحدي من غيرهم

_عايزة تموتي نفسك يا فرح……..ازاي تفكري في الانتحار

_مفيش سبب اعيش علشانه ……..كل اللي بحبهم سبوني ومشوا………هعيش علشان مين ولا علشان اية يا كرم

_انا بجد مش مصدق اللي انتي بتقوليه ……..عُمري ما كنت اتخيل انك تفكري بالطريقة دي………ربنا بيبتلي الناس اللي بيحبهم وبعتلك ابتلاء كبير وانتي مقدرتيش تستحملي الابتلاء دا وحاولتي تنهي حياتك……….عارف ان اللي انتي فيه دا مش سهل وصعب اوي عليكي خسارة اقرب الناس ليكي بس اللي كنتي بتحاولي تعمليه دا حرام ولو كنتي عملتي كدة كنتي هتموتي كافرة………انتي حتي مفكرتيش في الناس اللي بتحبك هيحصل لها اية لو انتي حصلك حاجة

_الناس اللي بتحبني!……….مين هما الناس اللي بتحبني دول يا كرم………..اهلي اللي من يوم ما ابويا وامي ماتوا مفيش حد فيهم جرب يسأل عني انا وادم حتي واللي انهاردة بعد الدفنة مشيوا من غير حتي ما يطمنوا عليا………ولا هاجر اللي اخويا حاول يقتل جوزها وبسببه جوزها في المستشفى بين الحياة والموت……….حتي لو هي مش مبينه دا انا متاكدة انها مش طايقه حتي انها تشوف وشي………ناس مين دي اللي بتحبني يا كرم……..لو كان في حد فعلا كان بيحبني فهو كان جدو وادم وهما الاتنين ماتوا

_تبقي غلطانة……..لو كانت فعلا مش بتحبك مكنتش جات و وقفت جمبك في الدفنة وسابت جوزها لوحده في المستشفى……….هي مأخدتكيش بذنب اخوكي لانها عارفة انك ملكيش ذنب في كل اللي حصل……….في ناس كتير بتحبك يا فرح وبتخاف عليكي بس انتي اللي مش عايزة تشوفي دا……….انتي اللي مش عايزة تشوفي نفسك غير انك وحيدة وملكيش حد لكن مش دي الحقيقة……….الحقيقة ان في ناس كتيرة اوي خايفة عليكي وبتحاول تكون قريبة منك وانتي اللي بتبعدي نفسك ……….ناس كتير بتحبك يا فرح بس انتي اللي مش عايزة تشوفي الحب دا

_ومين هما الناس دول يا كرم

_مش مهم تعرفي هما مين المهم انك تتاكدي انهم بيحبوكي وبيخافوا عليكي من ان يحصلك اي حاجة……….اللي حصل كان صعب ودا ابتلاء كبير من ربنا انا عارف بس بردو في نفس الوقت يا فرح انتي لازم تصبري وتتحملي الابتلاء دا وتحاولي تكوني اقوي من كدة

_سهل انك تقول الكلام دا لانك مش مكاني

_بس عارف انتي حاسة ب اية ومتاكد انك هتعرفي تعدي الوقت الصعب دا وتكوني اقوي من كدة………..متنسيش ان الشركة والمصنع دلوقتي محتاجين لحد يشوف الشغل فيهم ومفيش غيرك هيعمل كدة لان انتي الوحيدة اللي هتخافي علي الشغل لانه الحاجة الوحيدة اللي باقية من عبد الرحيم بيه ولو سيبتي كل حاجة ل اهلك هيضيعوا تعب جدك السنين دي كلها ومش بعيد يبيعوا كل حاجة

هزيت راسي ب لا وبدا اتكلم بخوف

_لا مينفعش دا يحصل ………جدو تعب علشان يكبر المصنع دا وانا مستحيل اسيبهم يعملوا كدة

_يبقي لازم تكوني اقوي من كدة علشان دا ميحصلش

هزيت راسي وبصتله واتكلمت بهدوء

_شكرا يا كرم……….كلامك خلاني اندم علي اللي كنت بحاول اعمله………انا فعلا لازم اكون اقوي علشان احافظ علي تعب جدو اللي تعبه طول السنين اللي فاتت شكرا ليك يا كرم

ابتسم وقام من جمبي……..خرج من الفيلا ……..فضلت باصة عليه لحد ما قفل الباب………اتنهدت بتعب وبصيت علي صورته اللي كانت في برواز متعلق علي الحيطة بحزن وانا ساكتة وبفكر في كلامه

“هاجر”

_حمدلله علي سلامتك يا حبيبي………..كُنت خايفة يحصلك حاجة ومقدرش اشوفك ولا اكلمك تاني

_انا كويس يا حبيبتي متقلقيش عليا……….متعرفيش انا كُنت قلقان وخايف عليكي ان اللي اسمه ادم دا يعمل فيكي حاجة ازاي………مسكوه مش كدة!

_مبقاش محتاج انه يتمسك يا علي……….ادم مات

_مات ازاي!

_بابا عرف المكان اللي كان خطفني فيه وراح لهناك وعلشان ينقذني ضرب عليه نار ومات

_بابا!………هو ابوكي عرف مكانه ازاي

_معرفش………..انا بعد اللي حصل دا جريت عليك علشان اطمن عليك ومفكرتش في اي حاجة تانية……….مش عارفة دا حصل ازاي ولية جاه لحد عندنا مكنش في اي حاجة مهمة غير اني اكون جمبك

_لازم تروحي ليه يا هاجر وتقفي جمبه في اللي هو فيه دا

_طبعا يا علي هعمل كدة بس مستنية انك تقوم بالسلامة وتكون بخير

_متقلقيش عليا يا حبيبتي انا بقيت كويس وبخير……….عمو دلوقتي محتاج ليكي اكتر مني

_حاضر يا حبيبي هروحله بكرا الصبح……..ارتاح انت بس………انا هطلع اكلم خالتو علشان اقولك انك فوقت علشان تيجي تطمن عليك

_خليكي جمبي يا هاجر………اكيد هي هتيجي بكرا وتطمن عليا ………خليكي انتي جمبي دلوقتي

_بس انا وعدتها اني هكلمها لو حصل اي حاجة

_تعالي بس اقعدي جمبي وتبقي تكلميها بعدين

مسك ايدي………ابتسمت وقعدت جمبه علي السرير………اخدني في حضنه وبدا يتكلم

_كنت خايف مقدرش اشوفك تاني واللي اسمه ادم دا يخدك مني

_وانا كمان يا علي……..لاول مرة اخاف اني اخسر حد بالشكل دا……….كنت خايفة اخسرك وانت الشخص الوحيد اللي مش عايزاه يبعد عني……….كنت بدعي طول الوقت انك توصلي وتاخدني من هناك………لما ادم وراني الكاميرا وهي بتصورك لما اضربت بالنار حسيت ان روحي راحت مني وكنت خايفة اخسرك

_متقلقيش يا حبيبتي………مبقاش في اي حاجة تبعدني عنك……….ايا كان اللي ادم عمله كان صح ولا غلط احنا لازم نسامحه المهم انه مبقاش موجود ولا هيحاول يبعدنا عن بعض من تاني………ولا هو ولا غيره ………..انا وانتي هنقدر نعدي اية حاجة صعبة زي ما عدينا اللي فات……….وهنقدر نعمل احلي عيلة وولادنا هيكونوا اسعد اولاد في الدنيا

سكت وفضلت باصة قدامي وانا مش بتكلم ……….للحظة حسيت بخوف من فكرة ان يكون عندي اولاد ……….حسيت اني معنديش اي استعداد اني اكون ام لاطفال واشيل مسؤوليتهم ………..خوفت اني اجيب ولاد للدنيا ويحصل زيهم زي ما حصل ليا وانا صغيرة ………عارفة ان علي غير ابويا ومستحيل يكون زيه بس………بس المشكلة فيا انا………خايفة اكون زي امي في يوم……….مسكت في ايده جامد وفضلت ساكتة وباصة قدامي بخوف

“فرح”

نزلت علي السلم وشوفتهم قاعدين هما التلاته ……..اتكلمت وانا نازلة علي السلم

_اهلا وسهلا يا عمتو ……..نورتي

_انتي بتستقبليني في بيت ابويا اللي هو بيتي يا بنت اخويا شكلك نسيتي انه بيتي قبل ما يكون بيتك

_لا يا عمتو منستش ………هو المفروض يكون بيتك………بس انتي جاية تفتكري انه بيتك بعد كل السنين دي وفي يوم موت جدو ………طب حتي استني لما العزا بتاعه هو اخويا يخلص وبعدين تعالي اطمعي في البيت براحتك

_اية الطريقة اللي بتتكلمي بيها دي يا فرح………شكلك عايزة تتعلمي الادب من الاول يا فرح

_وانت بقي اللي هتعلمني الادب يا خالد ولا اية

_اكيد هيعلمك الادب يا فرح ………..مهو هيكون جوزك قريب

بصتلهم بصدمة ………سمعت حاجة بتقع علي الارض………بصيت ناحية الباب لقيته واقف والحاجات اللي كانت في ايده واقعة علي الارض………رجعت بصيت ليهم وانا مش فاهمة حاجة وفضلت ساكتة

_انتي موافقه تتجوزيه!

_معقول عمتو نسيت موت جدو وجاية تدور علي الفلوس وازاي تقدر تاخذ كل حاجة قبل ما يمر علي وفاة جدو وادم يومين حتي

_فرح انا سألتك سؤال………موافقة تتجوزي ابن عمتك

_موافقة علي اية يا كرم……….اكيد مش موافقة بس دا مش موضوعنا دلوقتي

_طالما مش موافقة فضلتي ساكتة لية ومرفضتيش

_كنت مصدومة ومش عارفة اقول اية يا كرم……….مكنتش متخيلة ان دا ممكن يحصل……….دول حتي ماخدوش رايي كأنه امر واقع ولازم اوافق عليه ………وكل دا لية……….علشان يضمنوا حقهم في الورث اللي هورثه من ادم وجدو………هما ازاي بيفكروا بالطريقة دي……….انا بجد مش مصدقة اللي عملوه دا

_انا كنت عارف ان عمتك هتيجي وتقعد هي وجوزها وابنها في الفيلا وتطالب بورثها بس مكنتش متخيل انها هتيجي بالسرعة دي……….ولسة الدور جاي علي المصنع ………احتمال كبير تلاقي اللي اسمه خالد دي هيروح الشركة من بكرا ويحاول يعمل نفسه الكل في الكل هناك لحد ما يتمكن من الشركة ومش بعيد انه يبدا في اجراءات تصفية المصنع ويضيع كل حاجة عبد الرحيم بيه عملها ………واكيد باقي العيلة هيوافقوا علي كدة

_بس انا مستحيل اسمح ب دا يحصل………انت عارف جدو تعب قد اية علشان يكبر المصنع دا وتعب قد اية……….المصنع دا فيه تعب جدو سنين كتير اوي وانا مستحيل اخليهم يضيعوا تعبه ومجهوده

_عارف و واثق انك هتعملي كل اللي تقدريه عليه علشان تمنعيهم انهم يعملوا كدة……….انتي داخلة علي حرب ضدهم يا فرح………هيحاولوا يضغطوا عليكي بكل الطرق………اوعي تستسلمي ليهم مهما حصل………جدك كان بيثق فيكي انتي وادم الله يرحمه اكتر من اي حد ولازم تكوني قد الثقة دي وتحافظي علي مصنعه ……….انا واثق انك قدها وهتحاولي تمنعيهم بكل الطرق وانا هفضل جمبك ومش هسيبك يا فرح

_حتي حزني علي اخويا وجدي مليش الحق فيهم………..لازم اني اكون قوية و اقف قدام اهلي وانسي حزني دلوقتي

_لازم تعملي كدة علشان تحافظي علي تعب جدك منهم

بصتله وهزيت راسي وبصيت قدامي………بدات اتكلم ب حُزن

_يمكن لو مكنتش لحقتني وانا بحاول انتحر وقولتلي كلامك اللي قولته دا كلن ممكن كل حاجة كانت راحت ………شكرا يا كرم لانك وقفت جمبي في الوقت دا وبتحاول تساعدني علي قد ما تقدر

_مش لازم تشكريني يا فرح……….اهم حاجة تركزي انك تمنعيهم انهم يتصرفوا اي تصرف غلط يدمر كل حاجة

_بس انا مش هعرف اعمل كدة لوحدي……….محتاجة لوجودك جمبي وانك تساعدني

_وانا مش هسيبك ……….عبد الرحيم بيه الله يرحمه ساعدني كتير ووقف جمبي وكان واقف معايا في اصعب اوقاتي ……….اني اساعدك في اننا نحافظ علي مصنعه ممكن يسد ولو جزء صغير من جمايله عليا

ابتسمت وبصتله ورجعت بصيت قدامي تاني………..كنت خايفة من مواجهتي ليهم وعارفة اني احتمال كبير اطلع خسرانة وهخسر كل حاجة بس انا مش قدامي غير اني احاول………احاول علشان خاطر جدو الله يرحمه لانه تعب علشان يكبر المصنع دا وعمل المستحيل علشان يكون ليه اسمه في السوق……….معنديش استعداد اني اخسر الحاجة الوحيدة اللي باقية من جدو……….مكنتش متخيلة ان عمتو ممكن تطلع وحشة لدرجة انها تيجي بعد موت جدو بيوم وتقعد في الفيلا وتفكر في الفلوس والورث………..وعلشان تضمن ان كل حاجة هتكون ليها وعارفة ان جدو كان بيحبني انا وادم وانه اكيد هيكتبلنا النصيب الاكبر في الورث عايزة تجوزني ابنها ………..انا عمر ما كنت بفكر في الفلوس ولا كنت عايزة اخد حاجة من فلوس جدو انا كنت كل اللي يهمني ان جدو يكون بخير وجمبي وبس لا عمري كنت عايزة فلوس او اي حاجة تانية ………فضلت باصة قدامي وبفكر هعمل اية وهتصرف ازاي معاهم

“هاجر”

كُنت قاعدة ومستنيه انه يجي………اول ما شوفته بصتله وفضلت ساكتة……….اول ما شافني ابتسم وقرب مني……..قعد قدامي وبدا يتكلم بفرحة

_كنت عارف ان هتيجي يا هاجر……….كُنت واثق انك مش هتسبيني لوحدي

_لية عملت كدة!

_كنت بحاول انقذك منه يا هاجر

_افتكرت اني بنتك بعد كل السنين دي وبقيت بتخاف عليا!

_هاجر انا ندمان اني سيبتك وانتي صغيرة ومسالتش فيكي وانتي عارفة السبب

_لا انا مش عارفة السبب ………لو فاكر ان كلامك ليا قبل ما اسافر دا انا صدقته وصدقت انك كنت خايف عليا تبقي غلطان

_بس دي الحقيقة

_الحقيقة انك جبان……….خوفت انك تشيل مسؤولية بنتك ورميتها علشان خايف من الفقر ……….بس اللي انا مش فاهماه طالما انت خايف من المسؤولية اوي كدة لية اتجوزت امي وخلفتوني

_علشان دي سنة الحياة يا هاجر

_سُنة الحياة!……..وهي سُنة الحياة دي بتقولك تتجوز واحدة لا بتحبها ولا هي بتحبك وتخلف منها بنت تكون ضحية ليكم انتم الاتنين سُنة الحياة انكم تكونوا تدمروا حياتي وتخلوني اخاف يكون عندي عيلة واولاد علشان خايفة يحصل ل اولادي زي ما حصلي!

_امك السبب يا هاجر………هي اللي اصرت علي الطلاق ………حاولت اخليها تتراجع عن الطلاق بس هي رفضت تكمل معايا

_وهي اللي قالتلك تسبني ومتحاولش تسال عني حتي………انت لية طول الوقت بتحاول تبين انك ضحية وانك اكتر واحد مظلوم………وبالعكس انت اكتر واحد ظالم في الحكاية ……….كنت عارف ان امي مش بتحبك وبتحب غيرك وبردو اتجوزتها وخلفتوني وبعدها سيبتني ومشيت……..لية دايما شايف نفسك برئ واكتر واحد مظلوم في الموضوع

اتنهدت بحُزن وبدات اتكلم بتعب

_انا مش جاية علشان اعاتبك ونتكلم في اللي فات……….انا جاية علشان اقف جمبك واساعدك انك تخرج من هنا لانك موجود هنا بسببي……….وانا متعودتش اني اسيب حد ابدا……….هعمل كل اللي تقدر عليه علشان تخرج من هنا

_بس انا مش عايز اخرج من هنا يا هاجر انا كل اللي عايزه منك تسامحيني

_اسفة مش هقدر اعمل كدة

قومت علشان امشي………حاول يوقفني وينده عليا بس مهتمتش ………كنت هخرج من مكتب الظابط بس سمعت حاجة بتقع علي الارض……….وقفت مكاني وقلبي بدا يدق جامد……….بدات ابص ورايا بخوف وقلق………لقيته واقع علي الارض……….قربت منه وانا جسمي بيترعش وخايفة يكون حصله حاجة…………خوفت للحظة ان هو كمان يروح مني………يمكن انا قولتله اني مش ممكن اسامحه بس لما لقيته واقع علي الارض خوفت يحصله حاجة واخسره بعد ما رجع بعد كل السنين دي……….فضلت باصة عليه وساكتة ومش قادرة اتحرك او انده حد يشوفه حتي

“علي”

_حمدلله علي سلامتك يا حبيبي……….نورت بيتك

_بنورك يا ماما………..هي هاجر قدامها كتير

_للدرجة دي مش قادر تستني لحد ما ترجع…….متقلقش هي قربت تيجي

ابتسمت وفضلت ساكت……….عيني جات علي فستان الفرح اللي كان محطوط علي الارض………قربت منه واخدته من علي الارض وبصيت فيه وعلي الدم اللي كان عليه……….قربت مني وحطيت ايديها علي كتفي وبدات تتكلم

_اليومين اللي كانت فيهم عند اللي اسمه ادم دا كانوا صعبين اوي يا علي بس هي استحملت كل دا علشان خاطرك وكان عندها استعداد تستحمل اكتر من كدة………هاجر شافت كتير اوي في حياتها يا علي……….خليك جمبها يا حبيبي واوعي تخذلها في يوم هي وثقت فيك اوعي تكسر ثقتها فيك دي أبدا ياحبيبي

_عارف يا امي………هفضل جمبها واحاول انسيها كل اللي مرت بيه قبل كدة وهكون جمبها في اي حاجة عايزة تعملها

الباب خبطت……..ابتسمت وروحت ناحية الباب علشان افتح ليها………اول ما فتحت شوفته قدامي اتصدمت وفضلت باصص عليه وساكت

“فرح”

كُنت قاعدة وسط العيلة كلها علشان المحامي بتاع جدو طلب مننا كدة……….الكل كان قاعد ومستني المحامي يتكلم

_خير يا متر……..انت جمعتنا كلنا علشان نفضل ساكتين وباصين لبعض ولا اية

_لا يا كريم بيه انا جمعتكم علشان نفتح وصية البيه الله يرحمه بس انا عارف ان اللي هقوله مش هيعجب حد من اللي قاعدين علشان كدة مش حابب اتكلم

_كلام اية دا يا متر اللي مش هيعجب حد……….يا ريت حضرتك توضح اكتر

_حاضر……….عبد الرحيم بيه الله يرحمه كان عارف مين اللي كان بيحبه بجد ومين اللي كان بيحب فلوسه ومستني لحظة موته علشان ياخد ورثه ويمشي………وكان عارف بردو مين اللي لو حصله حاجة هيقدر يكبر المصنع وشغله زي ما هو كان بيعمل

_هو انت جاي تتكلم ب الألغاز يا متر………يا ريت تدخل في الموضوع علطول وتقولنا قصدك اية بالظبط

_حاضر يا بشمهندس ياسر

_البيه كتب كل املاكه وممتلكاته ل الانسة فرح ودكتور ادم الله يرحمه ودكتور ادم دلوقتي في دار الحق وملهوش ولا زوجة ولا اولاد في بالتالي كل املاك دكتور ادم واللي كمان عبد الرحيم بيه كتبها ليه بقيت ل الانسة فرح……….يعني كل اموال الاتنين بقيت دلوقتي ملك ل الانسة فرح

الكل كان بيبص ليه بصدمة ومحدش كان مصدق اللي بنسمعه دا……….كنت اول مرة اعرف ان جدو كتب كل حاجة ب اسمي انا وادم……….كان فاكر انه كدة بيحافظ علينا بس للاسف طلع غلطان………..كنت خايفة من اللي ممكن يحصل ورد فعلهم………قلبي كان بيدق جامد وجسمي كله بيترعش ومكنتش عارفة اية اللي ممكن يحصل ورد فعلهم هيكون اية