تحميل رواية جرح الياسمين بقلم رشا عبد العزيز pdf

مر شهر ثاني على وجودي. في دار المسنين.. كنت كل يوم بتعلم حاجات جديده. وفي يوم. دخلت اوضه ماما ابتسام وام محمود

_صباح الخير. ياقمرات... صباح الخير يا بسبوسه.. صباح الخير يا ام محمود. ازيكم

_صباح الخير يا ملاكي إزيك

_الحمد الله..يابسبوستي....بسبوسه..هي مالها ام محمود. شكلها. مش طبيعي.. كأنها معيطه

_ربنا يعينها... امبارح كان عيد ميلاد محمود.. وحاولت تتصل بيه معرفتش الخط بيطلع مغلق.. هي متعوده تكون أول وحده تعايده... عشان كده هي قلقانه

_ام محمود يا عسليه... مالك وماتخفيش ان شاء الله مفيش. حاجه وحشه

_والله قلقانه يابنتي قلبي واكلني عليه... انا كنت متعوده اول وحده اقوله كل سنه وانت طيب.... حتى لما جيت الدار هنا. كنت بتصل بيه.. لكن بقاله فتره تلفونه مغلق

_ متخافيش...يا ام محمود.... استني انا عندي فكره انت عارفه صفحته على الفيس..

_لا والله يابنتي

_استني أنا حبحث عنه

_هو اسمه اي.

_محمود الألفي.. يابنتي. مهندس في شركه الألفي للديكور

_ثواني.اهو الصفحه ظهرت..... هو دا ابنك يا ام محمود..

_ايوه... ايوه... يا حبيبتي هو... ربنا يكرمك.. شوفيه يابنتي.. هو بخير

لكن الي شوفته لما فتحت الصفحه صدمني... محمود عايش حياته بطول وبالعرض.. وعامل حفله عيد ميلاد كبيره..مع مراته وولاده واصحابه.. يعني ماهنش عليه يكلم امه.. اهو يعتبرها وحده من الناس الي حضرو

_متخافيش يا ام محمود ابنك بخير..

_عرفتي ازاي يابنتي. خليني اشوفه

واتدصمت هي كمان لما شافت الصور وكل الي قالته

_ربنا يسعده اهم حاجه اني اطمنت عليه...... قالت الكلام دا. والحسره كانت باينه في عنيها.....

طب هو تلفونه مغلق ليه. كان نفسي اقوله كل سنه وانت طيب

_خلاص يا ام محمود. خلينا نتصل على تلفون الشركه

واتصلنا. على الشركه لكن الصدمه كانت أكبر لما رفض. محمود يكلمنا. بحجه الاجتماع. وحتى لما بلغتهم ان والدته عاوزه تتكلم معاه... بلغتنا السكرتيره انه مشغول. وهو هيتصل بعدين... عمي ما هنسى نظرات الخيبه والخذلان الي شفتها في عين ام محمود

سبتها وخرجت عشان ما احرجهاش

لكن الي حصل بعد كده بكم يوم ان ام محمود تعبت كثير واظطرينا نجيب لها الدكتور... الي قال إنها محتاجه تروح المستشفى استاذه رجاء اتصلت بابنها..عشان تبلغه. وعشان. يبقى. على اطلاع وطلبت منه الحضور الفوري... المشكله انه حضر ومدخلش اصلا يشوف امه. واكتفى بانه.. يدفع مبلغ... وطلب من استاذه رجاء ان حد من الدار يروح معاها المستشفى. استنكر اننا اتصلنا على تلفون الشركه.. هنا انا مقدرتش أسكت وقولتله

_انت. ازاي تعمل. كده بوالدتك. انت مش خايف. من عذاب ربنا

_انتى مين وايه دخلك

_مش مهم انا مين. المهم ان والدتك محتاجالك محتاجه وجودك... مش محتاجه فلوسك

_انا عندي مسئوليات كثير. ومعنديش وقت

_ويعني هي المسئوليات اهم من وجودك جنب والدتك.. اهم من برك بيها. انت فكرك ان ربنا هيرضى عنك ويوسع رزقك وانت عاق بوالدتك

_ماتحترمي نفسك انت ازاي تكلميني كده انا مسمحلكيش

_وانا مش مستنيه انك تسمحلي.. انا بكلمك عشان. اقولك انت بتغلط أكبر غلطه.. بحياتك واخرتك

_وانت مين عشان تعلميني الغلط من الصح

_انت مش خايف ولادك يعملو كده فيك... مش خايف يرموك زي مارميت امك

_اي دا يا استاذه رجاء ماتشوفي موظفينك

_ياسمين اهدي مش كده...

_مش ههدى يااستاذه. انت مشوفتيش وضع ماما عبير دي كانت تتمنى تشوفه.. وتتكلم معاه. وهو ولا على باله

_امي وانا حر. اتعامل معاها ازاي مش على اخر الزمن تجي واحده زيك تعلمني

_انسه ياسمين فيه ايه. اي الي بيحصل... الكلام دا قاله. ياسين الي كان لسه واصل الدار

_استاذ محمود. راجع نفسك قبل فوات الأوان. وتتمنى الزمن يرجع عشان تطلب منها. السماح وساعتها هي مش حتكون موجوده. وشعور الندم ياكلك..... واه على فكره. ابقى احجز مكان ليك في قسم الرجال لان اكيد انت هتحتاجه.. بعد ما ولادك يعملو فيك زي ماعملت فيها.... كماعملتم تلتقون

قلت الكلام دا وجريت. على اوضه. ماما ابتسام. وياسين وميلا كانو ورايه

دخلت الغرفه.. وقعدت على السرير... ودخل. ياسين وميلا....

_الظاهر لسانك لسه شغال يا انسه ياسمين... الكلام دا قاله ياسين

_ايوه... شغال وهيفضل. شغال ومش هاسكت.. ولا عمري هاسكت مش حخسر أكثر من الي خسرته. وشي.. والبنت. الي تحامت بيا. وحياتي. مش هاسكت وارضى بالغلط واشوفه واسكت. مش حخسر اكثر....وهنا بدأ جسمي. يترعش... وانهارت.. وانا بعيط. واقول مش حخسر أكثر من شمس.. اه ياشمس سامحيني يابنتي...

_اهدي يا انسه ياسمين.. اهدي.. انا اسف. مكانش قصدي بس اهدي. اهدي بس

_ابعد يا ياسين..... الكلام دا قالته ماما ابتسام وقعدت على السرير واخذتني بحضنها... وبدأت تطبطب عليه. واتقول اهدي يا ياسمين. ماما ابتسام كانت عارفه حكايتي. كلها. وعارفه. حكايتي مع شمس... فضلت اعيط في حضن ماما ابتسام. كأني كنت محتاجه الحضن دا...وبعد فتره مش قليله حسيت. بميلا بتقعد جنبي. وتخرجني. من حضن ماما ابتسام وتمسح دموعي

_هو عمو الوحش دا زعلك ياابله

_لا ياحبيبتي خلاص انا مش زعلانه

_بس انت عيطي كثير ياابله

_خلاص ياحبيبتي. متخافيش انا هبطل عياط

_طب انت معملتيش ليا فستان برنسس Anna

_لا يا حبيبتي اكيد عملته... انا اسفه نسيت اوريكي الفستان. يلا تعالي. علشان اوريكي الفستان وتقيسه

اخذت ميلا وخرجنا وسط نظرات الاستغراب والشفقه من ياسين

لبست ميلا فستانها الي كان مضبوط عليها. وكانت فرحانه بيه. كثير وخرجنا انا وهي. وزرعنا ورد الياسمين... في جنينه الدار...

_ها اي رائيك يا ميمو.في الورد

_يجنن يا ابله. حلو اوي انا فرحانه بيه

_اهو الورد دا حنسمي ورد ميمو. عشان انت زرعتيه بأديكي الحلوه

فجأءه. لقيت ميلا بتنده

_بابا.. تعال شوف. انا وابله ياسمين زرعنا ورد.. وسمينا ورد ميمو.. وشوف الفستان الي عملته ليا ابله ياسمين

_الله ياحبيبتي. حلو اوي. والفستان يجنن ادخلي وريه. لتيته ابتسام عشان نروح

_حاضر يا بابا.... قالت ميلا الكلام دا وجريت على غرفه ماما ابتسام

_انسه ياسمين. ممكن اتكلم مع حضرتك...

_اه طبعا. اتفضل يا استاذ ياسين..

اخذ ياسين كرسي. وانا اخذت كرسي. وبدأت أنا بالكلام

_انا اسفه يا استاذ ياسين على الي حصل. انا مقدرتش امسك اعصابي... ويمكن عليت صوتي. عليك اعتذر

_لا محصلش حاجه... بس ماما ابتسام حكت ليا كل حاجه... وعلى فكره. هي ماكانتش عاوزه تتكلم. لكن انا الي الحيت عليها..

_لاعادي..يا استاذ ياسين..ياريت الناس تسمع حكايتي عشان تكون عبره ليهم

_بس انت ملكيش ذنب بلي حصل لشمس.. بالعكس انت دافعتي عنها

_لا.. لا ليا ذنب وذنب كبير اوي.. انا وعدتها اني احميها وهي. وثقت فيا.. لوكنت اتصرف تصرف ثاني ماكنش دا حصل لوكنت بلغت ابوها او بلغت البوليس مكانش دا حصل

_بس دا قدرها. ومكتوب عليها

_بس انا عمري ما حسامح نفسي.. على الي حصل... عمر صورتها وهي بتصرخ بأسمي ويامن بيجرها ماتفارق خيالي.. عمر ماحنسى نظره عنيها. وهي بتستنجد بيا... قلت الكلام دا و ابتدت دموعي تنزل

_خلاص اهدي يا انسه ياسمين. ومتحمليش نفسك فوق طاقته. انتي عملتي الي عليكي والي حسيتي انه صح انت متوقعتيش ان يامن الاجرام حيوصل بيه للمرحله دي

_ولا عمري اتخيل. يمكن داعقاب من ربنا على الي عملته في مرات ابويا بس شمس ملهاش ذنب

_ولا الي عملتي في مرات ابوكي كان بقصد الي حصل مش عقاب الي حصل اختبار.. حاولي تعدي..

_ان شاء الله احاول ويارب اقدر اعديه

_ههههه بس ايه دا الفلستان طلع مظبوط... دا فعلا اينشتاين لو عايش كان انبهر

_مش قولتلك.. عشان تصدق.. امهاتي. ميقولوش حاجه غلط

_لا خلاص هصدق

مشي ياسين وميلا..... و اتنقلت ام محمود للمستشفى مع ممرضه خاصه من الدار

رمضان قرب... وقررت اني اروح أزور بابا.... وفعلا...وصلت كافيه. قريب من البيت... واتصلت بيه... عشان نتقابل. في الكافيه... مكنتش عاوزه اروح البيت واقابل رحمه

بابا اول ماشافني حضني جامدو بدا يعيط. كانه لقى حاجه كانت تايهه منه.

وانا كمان حضنته جامد وقاو مت دموعي

_وحشتيني... وحشتيني.. ياحبيبه بابا كده.. كده يا ياسمين تغيبي عن بابا كل دا هو دا اتفاقنا

_معلش يا حبيبي. انت عارف. الناس في الدار محتاجيني.ومقدرتش..ازورك دا انا حتى النهارده حرجع بيت مي عشان اسافر بكره اسكندريه معاها

_اي دا يا ياسمين يعني مش حتباتي معايا

_والله يا بابا مش حقدر اهم حاجه اني شفتك و اطمنت عليك

اتغديت مع بابا. وفضلنا نتكلم. .. بس مسألتوش ابدا عن رحمه ولاهو جاب سيرتها... وفضلت اكلم بابا عن مشاكل المسنين.. لحد ما ودعته.و.بابا أصر انه يديني فلوس عشان لو احتجت حاجه. بصراحه انا كنت محتاجه الفلوس دي.. كنت عاوزه اشتري هدايه لأ مهاتي. واول ما ودعت بابا وركبت التاكسي... سمحت لدموعي تنزل. وبدأت اعيط بابا حيوحشني اوي... وصلت عند مي وخرجت انا وهي السوق.. عشان اشتري عبايات.. لامهاتي في الدار.. مي كانت زعلانه. كان فيه مشاكل. بينها وبين حسن. كنت خايفه اكون انا سبب المشاكل دي.. لكن مي قالت. ان امه وتدخلها هي السبب

_معلش يا مي دي برضو امه

_امه يا ياسمين مقلتش. حاجه بس مش تدخل بأدق التفاصيل. الي بنا

مش عارفه انا اتعبت. كثير وحاولت اتكلم مع حسن أكثر من مره لكن مفيش فايده

_يلا طولي بالك.. ان شاء الله تتحل

_طب يلا خلينا نستعجل. عشان تلحقي قطر اسكندريه... هههه

_هههههه.. لا ياحبيبتي مش حروح الدار الا لوعزمتيني على العشا

_بس كده احلى عشا في احلى محل كشري هههه

_كشري طب والله. نفسي فيه... هههه

🌿🌿🌿🌿🌿🌿🌿🌿

اي رائيكم في الأمهات الي بتدخل بحياه أولادها.و بالتفاصيل الخاصه الي مفروض تكون محصوره بينه وبين زوجته؟.

. ..

•

وهل علينا شهر رمضان كان مميز في الدار... كان فيه أجواء حلوه..ومميزه....كان امهاتي...بيعلمونا اكلاتهم الجميله..

لكن احلى حاجه حصلت ان أم محمود رجعت الدار... كنت فرحانه أوي. انها رجعت بخير.اتجمعنا حوليها كلنا

_ام.محمود ياعسليه.. نورتي المكان طب والله وحشتينا

_كده تقلقيني عليكي.. كده تعملي في بنتك

_بنتي؟

_ايوه بنتك.. الي هي .. أناوالا انت مش عاوزه تكوني أمي.. دا أنا حتى يتيمه ومعنديش أم

لقيت ام محمود حضنتني.. وعيطت.. وقالت

_احلى بنت في الدنيا.

_وانت احلى ام ياسمين في الدنيا

والحمد الله صحتها ونفسيتها اتحسنت... كثير قررنا نعمل حاجه حلوه.. لأولاد الي في دار الايتام... فاقترحت عليهم اننا نعمل ليهم لبس العيد ونسيب لهم حريه اختيار التصميم... فعرضنا على الولاد خمس تصاميم.. وكل واحد يختار بنفسه التصميم الي عاوزه... وفعلا الفكره عجبتهم... وعجبت استاذه رجاء..

ياسين اتبرع بالمواد الاوليه... زي القماش وحاجات تانيه... الي عرفته. من ماما ابتسام. ان ياسين.. مهندس معماري في شركه. كبيره.... وان مستواه المادي..كويس.وهو بيحب يعمل أعمال خير كثير...

_اهلا ياسمين إزيك

_اهلا ياباشمهندس.... ازيك.

_انا جبت القماش والحاجات التانيه الي قالت عليها. ماما ابتسام.. محتاجين حاجه تانيه؟

_لا.. كده تمام متشكرين يا باشمهندس... كثر خيرك..

_لا انتو الي شكرا.و برافو على الأفكار الجميله الي بتعملوها

اشتغلنا بكل مجهودنا عشان نخلص قبل العيد..... والحمد الله تمت المهمه بنجاح

النهارده اول يوم في العيد... تكبيرات العيد... اخذتني. لذكريات جميله... لماما وكريم.. وبابا الي واحشني... كيمو... كان أول واحد عايدني..

_كل سنه وانت طيبه ياقمر...

_وانت طبيب ياكيمو.. ازيك..ياحبيبي

_الحمد الله واحشاني ياحبيبتي..

_وانت كمان.. واحشني اوي ياكيمو

_ياسمين. حتفضلي ه ربانه لحد امتى

_ه ربانه؟

_ايوه يا ياسمين انا اخوكي. وأكثر واحد عارفك.. انت بتهربي يا ياسمين أوعي تنكري... يا ياسمين الي حصل قضاء وقدر... كفايه تعاقبني نفسك.. بابا محتاجك.. هو بابا موحشكيش

_ما وحشنيش ازاي ياكيمو... دا انا حموت واشوفه.. وادفى بحضنه... بس مينفعش

_ ومينفعش ليه؟عشان رحمه.؟

_مش بس رحمه ياكيمو ياكيمو ابويه بيتعذب كل مابيشوفني... بشوف نظره الحزن في عنيه كل ما بيبصلي

انا مش هستحمل ياكيمو.. ارجوك انا مرتاحه هنا والله

_خلاص يا روحي.. زي ما تحبي بس لما ارجع هيكون فيه كلام تاني

بعد ما خلصت تلفوني مع كيمو كلمت بابا وعايدته... اد ايه وحشني. حبيبي.. وانا كمان كنت وحشاه كان باين من لهفته.. عليا

كانت واحشاني... كل سنه وانت طيبه من ماما.. لكن.... سمعت كل سنه وانت طيبه ياملاك من أكثر من أم.. فرحت كثير.. اوي وكان.. عيد مميز وهما كمان فرحو بالهدايه الي قدمتها ليهم

ثاني يوم العيد اتفاجئت.. بميلا... وياسين. موجودين.. في الدار وطلب مني ياسين. اني اروح معاهم الملاهي

انا رفضت.. مكنتش عاوزه اشوف نظرات الشفقه او القرف او السخريه من الناس...

_ارجوكي يا ابله تعالي معانا..

_حبيبتي ياميمو.. اسفه. مش حقدر

_ارجوكي يا ياسمين..انا مش حقدر اروح لوحدي مع ميلا وأمي . تعبانه.

_ارجوكي يا ابله. عشان خاطري

_يلا يا سمين. عشان خاطر ميلا

ووافقت بعد ماشفت نظرات الرجاء من ميلا

ورحنا الملاهي.. ميلا كانت فرحانه جدا.. وياسين كان أب حنين. فكرني ببابا....بصراحه كنت فرحانه أوي انا ماجتش الملاهي من زمان... لكن الي عكر عليه فرحتي. نظرات الناس... وساعات الكلمات الي كنت بسمعها.. الي رغم أنها كانت كلمات شفقه.. عليه.. لكن كانت بتجرحني... اوي

ياسين انتبه..لكده انا متأكده لكن مبينش... بعد ملعبنا انا وميلا كثير

عزمنا ياسين على العشاء انا رفضت لكن هو اصر

واخذنا لمطعم.. لما وصلنا المطعم..

واخذنا مكان.. لقيت ميلا نامت في حضني

_حبيبتي.. تعبت من العب.

_هاتيها عنك

_لا سيبها يا باشمهندس...انا مرتاحه وهي بخضني

_ يعني. انا بقالي من الصبح بناديكي ياسمين وشلت التكلفه من زمان وانت مش راضيه.. تشيلي التكلفه وتناديني ياسين..

_معلش انا مرتاحه كده

_مفيش فايده يعني

_ههههه.. لا مفيش فايده.... على فكره ميلا حلوه جدا... شكل مامتها. كانت حلوه

_ليه هو باباها وحش

_لا العفو.. مقصدتش كده.. بس ميلا مش شبهك

_هههه فعلا... ميلا تشبه ندى كثير. كأنها نسخه منها

_الله يرحمها... هي ماتت ازاي

_ماتت... وهي بتولد ميلا

_كنت بتحبها؟

_كثير.. ندى انسانه جميله... وكنا بنحب بعض... انا مقدرتش اشوف او احب ست بعدها

سرحت في كلام ياسين... ياااه اد اي كانت محظوظه.. بحب زي دا.... ووفاء زي وفاء ياسين... الي رفض يجوز بعدها...على الرغم ان هي بقلها خمس او ست سنين متوفيه.. واستنكرت على نفسي اني اتمنى حب زي دا..او وفاء زي وفاء ياسين لندى. هو مين حيبص لمشوهه زيي

_ياسمين انت روحتي فين

_بفكر.. امال بابا نسى. ماما واتجوز بعدها بشهور.. رغم الحب الي كان بينهم. ليه مبقاش وفي زيك. وفضل على ذكرى مراته

_ومين قال اني أوفى من باباكي..زي ما عرفت ان الوالده فضلت تعبانه ست سنين.. يعني باباكي فضل وفي ليها.. ووقف معاهاطول السنين دي...

وسندها... في مرضها..انا وقفتش الوقفه دي مع ندى.... ندى دخلت تولدو مخرجتش... يعني انا مدخلتش اختبار.. زي باباكي... يعني لو حنقيس الوفاء. حيطلع باباكي أوفى مني بكثير.. وبعدين مين قال اني هفضل. وفي طول العمر اكيد في يوم هحب واتجوز تاني.. الحياه مبتوقفش يا ياسمين....

ووسط مكنا بنتكلم انا. وياسين. سمعنا الحوار.. دا. بين شابين... الي كان بصوت عالي كانو متقصدين نسمعه

_شفت يله.. الراجل.. هو مستحمل يبصلها ازاي

_انا عارف. تلاقيها... عماله عمل.. عشان يرضه بيها

_طب والله صعب عليه.. هو ازاي بيصبح ويمسي على الوش دا

_ياعم ربنا يعينه

ياسين.. اتعصب. عليهم... وقام

عاوز بتخانق معاهم

_ارجوك يا با شمهندس.. خلينا نمشي

_لا يا ياسمين..نمشي.ليه..دي عيال متربتش.. خليني اربيهم

الشباب... استمرو في الضحك كأنهم عاوزين يستفزوه...لقتني انا وقفت.. ومعايا ميلا الي فاقت وكانت خافه

_ارجوك يا ياسين.. خلينا نمشي عشان خاطي

وفعلا مشينا بعد من المطعم بعد ما اصريت.. على ياسين.. اننا نخرج.

خرجنا وركبنا العربيه... ياسين كان متعصب جدا.. وميلا كانت خايفه.. كثير... حضنت ميلا عشان أهديها وكلمت ياسين

_انا اسفه على الي حصل انا كنت رافضه عشان متخيله الي هيحصل.. انا اسفه

_وانت تتأسفي ليه.. انا الي مفروض اتأسف ليكي على الكلام الي سمعتيه.. بس لو سبتيني اربيهم واخذلك حقك منهم...

_وهنستفاد ايه... انت لو كنت عملت ليهم حاجه.. كنت حتحقق ليهم الي هدفهم هما كانو عاوزين يستفزوك.. هما قالو الكلام عشان يضحكو ميعرفوش ان الكلام ساعات تأثيره أقسى من الفعل.. انت لو عملت ليهم حاجه لاهمه حيتصلحو ولا جرح كلامهم بنسبالي حيشفى

_ياريت لو كل الناس تفكر زيك يا ياسمين بس تعرفي احسن حاجه. انك قلتي ياسين بس.. من غير القاب..

_اسفه ما اخذتش بالي

_لا خلاص.. مش حسمحلك تقولي غير ياسين بس.. والا هزعل والا انت عاوزني ازعل..

_لا خلاص..

أصر ياسين اننا نتعشى حتى لو في العربيه.. وفعلا اكلنا انا وميلا واحنا بنضحك ونهزر رجعت الدار.. وشكرت ياسين على اليوم الجميل

💚💚💚💚💚

اي رائيكم في تأثير الكلام الي ساعات بيكون أقسى من الفعل..؟واي رائيكم في الناس الي بتتكلم من غير ماتحب حساب شعور المقابل؟

•

مر شهرين دلوقتي.. وياسين أبتدى يشارك معانا في أفكار واعمال الخير.. زي ان احنا نعرض أعمال امهاتنا في مسابقات.. او مهرجانات او أسواق خيريه.. اعمالهم الصراحه كانت بتحسسك بحنين للماضي... كانت أعمال بتصنع بحب... وهما كانو فرحانين رغم انهم كانو بيتعبو نظراً. لكبر السن. لكن هما كانو متحمسين.. علاقتي بمدام رجاء كانت بتقوى يوم بعد يوم.. وبقت تعتمد عليا في اشياء كثيره... كانت الحياه في الدار... بتحسسي بقيمتي كثير. لكن رغم الفرح الي كنا بنعيشو وجو الالفه والمحبه.... كان فيه لحظات حزن زي اللحظه الي ودعنا.. فيها وحده من امهاتنا ام احمد.. الي كان ابنها مس جون بسسبب ديون عليه

وشيكات من غير رصيد... ام احمد ولآخر لحظه.. كانت بتقول نفسي اشوف احمد قبل ما ام وت.. لكن م اتت قبل ماتشوف احمد... رغم ان مدام رجاء عملت مجهود كبير.. عشان تخليها تكلمه في التلفون قبل ماتم وت... لكن المفاجئه انها م اتت بعد مكالمتها مع ابنها احمد بيوم كأنها كانت مستنيه.. تسمع صوته عشان تم وت مرتاحه.... رغم اني عرفت ان احمد كان مضطر ان يقترض.. ويكتب شيكات بدون رصيد.. عشان عمليه بنته الي كانت مريضه قلب...لكن انا حزنت على ام احمد.. الي ملقتش معيل بعد دخول ابنها الس جن....وقررت انها تجي الدار عشان تخفف الحمل على مرات احمد

الله يرحمها م اتت وهي بتدعيله.. ان يوقفلو ولاد الحلال... وكأن دعاها استجاب.. لما كلمت مدام رجاء رجال الأعمال المسئولين عن الدار انهم. يساعدو في مبلغ من المال وكمان فيه فاعلين خير ساهموَ. في انهم يفكو مديونيه احمد ويخرج من الس جن

على قد ما حزنا على ام احمد على اد.. ما فرحنا لما ابنها خرج... وبصراحه. انا كنت متأكده انه خرج بسبب دعوه أمه

وفي يوم اتفاجئنا بوجود محمود ابن ام محمود في الدار... محمود كان جاي ياخذ امه انا مصدقتش.. لما سمعت لكن الي عرفته.. ان هو رجع وندمان وعاوز ياخذها... بعد ما اتعرض لازمه قلبيه...مفاجئه.. نتيجه خسارته في صفقه. الي بسببهاخسر مبلغ كبير.. ام محمود كانت فرحانه أوي. انها هتروح مع ابنها..اللقاء كان مليان حب وحنان.... محمود فضل حاضن امه وبيعيط، بندم. وفضل يقول سامحيني ياأمي أكثر من مره وبعدين محمود طلب يقابلني.. وقال

_انسه ياسمين انا متشكر. جدا. يمكن مرضى والي حصلي فوقني. لكن صدقيني. كلامك معايا. أثر فيا. اوي وكلماتك. ليا هي الي هزتني.. حتى لما كنت في المستشفى.. كانت كلماتك بترن في وذاني.. كان بتقولي تستاهل دا بسبب عقوقك.. متشكر يا انسه ياسمين انا حفضل ممتن ليكي طول عمري...

_عفوا يا استاذ محمود..صدقني يمكن اكون انا سبب. لكن انا متأكده ان دعاء والدتك هو الي سخرني. اقول ليك الكلام دا.. وحسن تربيتك هو الي رجعك.. وخلاك تحس بذنب

ومشيت ام محمود وابنها... صراحه حتوحشنا. بس انا فرحانه ليها اوي.. لكن الي لفت نظري.. ان كلمه اتقالت.. قدرت تغير.. حال.. كثير بنستهون.. بكلمه حق بموقف.صح.ونستصغر عمل.... و غافلين على ان الكلمه دي او العمل دا. مهما كان في عنينا اصغير. ممكن يغير. حاجه كبير... وممكن يآثر في إصلاح بشر.... ودا اداني دافع ان اكمل ومسكتش ابدا عن ان اقول الحق او ان اقول للغلط لا

مرت ست شهور... شفت فيهم بابا. حوالي...ست مرات.. وكل يوم كان بيوحشني أكثر.. بابا كان فيه حاجه متغيره... بس مقدرتش اسأله.. كنت دايما حاسه انه عاوز يقول حاجه ومتردد....

لكن خلال الشهور الي مرت.. في حاجه حصلت... ياسين. كان بيجي الدار كتير.. وبدل ما كان بيجي كل شهر بقى كل أسبوع وساعات كل ثلاث ايام وبحجج مختلفه... لكن الي لفت نظري... نظراته. ليا كانت مختلفه.. وكان بيخترع. اي موضوع عشان يتكلم معايا... ومنكر ش اني بدأت اميل ليه.. لكن. كل مره كنت بأنب نفسي. وبقولها أوعي تفكري بحلم مستحيل... لكن غصب عني. قلبي كان بيدق جامد لما بشوفه... وعيني كانت .بترقص من الفرحه اول ما تقابل عبنيه... رحمه عندها. حق.. احنا ملناش سلطان على قلوبنا... لكن هو فاجئني في يوم لما قال انه عاوز يتكلم معايا

_ياسمين.. انت مش ملاحظه حاجه..

_حاجه اي مش فاهمه

_مش ملاحظه. اني بقيت باجي الدار هنا كثير

_اه. ليه

_تفتكري ليه

_والله مش عارفه ليه

_انا... انا.. باجي الدار هنا عشانك

_عشاني؟!

_ايوه... عشانك وعشان اشوفك... ياسمين... انا بحبك

_بحبك.... اي انت.. بتقول اي....

_ بقول اني بحبك يا ياسمين

_ ارجوك. يا ياسين. انا مش محتاجه. شفقه من حد

_شفقه... انت بتسمي حبي. ليكي شفقه.. ياسمين ان بحبك مش بشفق عليكي

_دا مش حب دا وهم. انت موهوم. انت عجبتك شخصيتي.. او عمل الخير الي بحبه.. فوق. يا ياسين

_وهم... انا مش صغير عشان معرفش افرق بين الوهم واحساسي الحقيقي.. انا مش موهوم انا بحبك

انت بتفسري مشاعري على كيفك... مره شفقه ومره وهم انت مش حاسه بيا ليه.. انت مش شايفه لهفتي عليكي.. دا انا بحس معاكي. بمشاعرمحستهاش مع ندى نفسها. انت الست الي حركت قلبي من جديد.. انتي ليه مش عاوزه تصدقيني

_ابعد يا ياسين ارجوك. سبني بحالي.. انا. بقايا انسان ياسين... انت تستحق ست كامله. مش بقايا. محطمه....... قلت الكلام ولفيت عشان اسيبه وامشي.. وسمعته بيقول

_بس انا بحبك وانت كده

_وانا مش بحبك

_ هتحبيبي. ايوه هتحبيني انا مش هيأس.. وهخليكي تحبيني.. حتى. لو غصب عنك. وهفضل. اقولك بحبك يا ياسمين. لحد ما تقوليلي بحبك.

قال الكلام.. دا. وانا مدياله... ظهري.. وبحاول اهرب.. قلبي بقى يرقص من الفرح... وانا بقول بيني وبين نفسي بحبك... بحبك يا ياسين..

ومر. شهر..ياسين طول الشهر دا مبطلش يجي الدار ويقولي بحبك لكن انا فضلت اصده

_صباح الخير يا بسبوسه

_صباح الخير يا ياسين....قالتها ماما ابتسام وانا قاعده معاها في اوضتها لما دخل علينا ياسين

_اي اللي جابك يا ياسين من الصبح كده

_جيت اجبلك الدوا بتاعك

_ياسين انت جبتلي الدوا دا اول امبارح

_هاااا.... اااه... الظاهر اني نسيت

ضحكت. واستأذنت من ماما ابتسام وخرجت. وخرج ياسين ورايه

_اضحكي... اضحكي.. عاجبك كده بقيت زي المراهق. بدور. على حجه عشان اقابل حبيبتي...

_وانا مالي

_وانت مالك...ماشي استعبطي ياياسمين...الحق مش

عليكي الحق عليا.. اني متأخر على اجتماع.. مهم بس عشان اجي واشوف عيونك الحلوه

_ليه كده يا ياسين. دا مستقبلك.. وشغلك.. تتأخر عليه ليه...

_وحشتيني اعمل اي بقالي يومين ماشفتكيش.. ماقدرتش

اكمل يومي من غير ما اشوفك

_خلاص. امشي يا ياسين... عشان متتاخرش

_ماشي..ياحبيبتي..بس.. هرجعلك... تاني. بحبك

مافيش مع السلامه ياحبيبي

_مع السلامه. يا ياسين

مشي ياسين وانا بيني وبين نفسي. بقول مع السلامه ياروح حبيبتك..... وانا سرحانه في طيف. ياسين الي مشي. حسيت. بأيد بطبط علىيه... وكانت ماما ابتسام

_هتفضلي لحد امتى تاعبه. نفسك وتعباه معاكي... اديله وادي لنفسك فرصه ياسين بيحبك بجد.. انا شايفه حبه ليكي. باين في عنيه

_خايفه يا ماما... خايفه يكون هو ماشي وره مشاعره دلوقت.... خايفه يجي يوم..يتعب.. ويندم... وانا مش هستحمل.. الكسره دي من ياسين

_يابنتي ياسين... طيب وراجل وجدع.. ياسين.. حب روحك وقلبك.. الطيب... ادي فرصه.. وادي... لقلبك فرصه

☘️☘️☘️☘️☘️☘️

•

مرت الايام... وكنت بأفكر اعمل حاجه مختلفه... كان في بالي فكره اننا نعمل في يوم دمج بين دار المسنين ودار الايتام..اهو منه المسنين. يحسس باحساسهم ناحيه الأحفاد اللي مفتقدينو..والاولاد....يحسو بوجود الأجداد. الي محسوش بيه مع اجدادهم الحقيقين... الفكره دي انا شفتها.. في احد الدول الاوربيه...وكانت ناجحه... بس مش عارفه هي ممكن تنجح عندنا.. عرضت الفكره على ياسين....وقال..انه هيفكر فيها

وفي يوم جود كان موجود.. معايا كنت بأستاذن من مدام رجاء عشان اذاكر معاه الدروس... في جنينه الدار.. خلصنا انا وجود وودعني.. وسرحت انا في فكرتي.. لحد ما سمعت

_مساء الخير.يا عسل

_مساء الخير يا ياسين

_كنتي سرحانه في ايه.. اكيد كنتي بتفكري فيا

_لا

_طب ليه كده.. ليه طحن الخواطر.. هو انا مش هسمع كلمه حلوه

_ياسين

_عيونه ودنيته

_ياسين

_قلب ياسين.. وروحه

_ياسين مقولتليش... اي رائيك في الفكره

_مصره تهربي...

_ياسين هتجاوب والا اسيبك وامشي

_لا خلاص.. أمري الله.... هجاوبك...بصي ياستي... هي الفكره حلوه... بس خلي بالك... فيه مسنين مابيحبوش الدوشه. انا رائيي تعمليلهم دعوه لدار الايتام. واللي حابب يحضر احنا حناخذه هناك

_انت شايف كده

_اه..كده احسن.... ياسمين هو مين الولد الي كان معاكي من شويه

_دا جود

_ومين.. جود.. دا

_دا ولد يتيم... بساعده في دروسه. بس هو مش عايش في دار الايتام..

بس انت بتسأل ليه؟

_بغير.... فيها حاجه دي

_

_بتغير من جود؟!

_اه..بغير....ومن الهوا كمان... حبيبتي وبغيرعليها... عندك. مانع

_هههه مفيش فايده

وفعلا عملت بنصيحه ياسين... وعملنا حاجات. كثير للأولاد معنا شكولاته. وبونبوني... و امهاتي... فرحو كثير بالدعوه... وفيه عددكبير لبى الدعوه

وكان يوم مميز. وأكثر من رائع... الاولاد فرحو.. بالحكايات الي الجدات كانو بيحكوها ليهم....و امهاتي كانو فرحانين. كأنهم بيعوضو النقص الي عندهم

لكن وسط اليوم دا افتكرت بابا.. ودموعي خانتي ولقيت نفسي بعيط.. ياسين انتبه.. فاتكلم معايا وقال

_ياسمين.. مالك.. ياحبيبتي. بتعيطي ليه. ليه الدموع دي

_بابا وحشني.

_طب ماتتكلمي معاه وتقابليه

_مش قادره يا ياسين. علاقتي انا وبابا علاقه مختلفه... انا بحبه. اوي. مش هستحمل نظره الحزن الي بشوفها في عينيه... دا انا بحسه بيقاوم دموعه.. عشان ميحسسنيش.. بحزنه.. حبيبي.

_يابخته... طب ما تعتبريني باباكي وتحبيني زيه.. والله انا كمان بحبك... هههههه. هااا قلتي ايه

_هههههه لا متشكره..

_بابي... بابي.... شوف.... دي كانت ميلا الي جريت. على ياسين

_اهلا. حبيبه بابا... بتعملي اي

_ببعت شكولاته لماما

_ اي؟!

_ابله ياسمين قالتلي... ان انت لوعاوزه تبعتي حاجه حلوه لماما.. تعملي حاجتين اما. تدي فلوس لحد محتاج... او. تدعي.ليها..دعوه حلوه.. وهتوصل لماما... عشان كده انا وابله ياسمين.. وزعنا شوكلاته وبونبوني على الأولاد.. هي كده هتوصل لمامتي ومامتها.... مش كده يا ابله

_كده يا روح ابله... ومتنسيش دايما تقولي ربنا يرحمك. يا ماما.. عشان الدعوه دي هتوصل ليها وماما هتفرح بيكي

رفعت عيني لقيت يا سين بيبص ليا.. وقرب مني وقال

_.. هحبك أكثر من كده ازاي..بحبك يا أطيب قلب في الدنيا. ..

.

مر شهر كمان وفي يوم لقيت ياسين داخل الدار وهو متعصب.... وطلب يتكلم معايا

_في ايه مالك يا ياسين... متعصب ليه

_خلاص يا ياسمين... انا صبري نفد ماعدتش قادر استحمل.. انا لاعارف اركز في شغلي ولا عارف اركز.. في حياتي.. صورتك بترافقي في كل مكان.. شوقي ليك تاعبني.. ارحميني يا ياسمين. ارجوكي...

_يا سين انا

_انت ايه أوعي تقولي انك مش بتحبيني... لا ياسمين. انت بتحبيني وانا متأكد من دا. تقدري تنكري

_بحبك.. وأكثر كمان... يمكن اكون عديت مرحله الحب وبقيت بعشقك.. لكن انا خايفه يا ياسين

_هههه ياروحي انت خايفه من ايه

_خايفه تندم.. يا ياسين...

_انا بحبك وعمري ما هندم.. انا متأكد من اختياري....

_يا ياسين انا ساعات بخاف ابص لنفسي في المرايا

_بس انا بشوفك احلى ست شافتها. عنيا... صدقيني.. انا حبيت روحك وقلبك الطيب... و بشوفك. بعنيا انا. عمر عيون الي بيحب. بتشوف عيوب حبيبها بالعكس بشوفها مميزات. وانا شايفك مميزه

ياسمين... تتجوزيني

_اي

_تتجوزيني... ونكمل حياتنا مع بعض انا عاوزك تكوني مراتي وحبيبتي وام ولادي... ارجوكي يا ياسمين وافقي وصدقيني عمرك ما هتندمي

_طب قبل ما أوافق.. لازم تشوف. الست الي هتتجوز ها....وفكيت حجابي. ووريت ياسين. .رقبتي المشوهه... كنت مركزه معاه عشان اشوف رد فعله.. لقيته ابتسم..ابتسامه كبيره. وقال

_بحبك..

ابتدت دموعي تنزل...

_طب بتعيطي ليه فيه وحده حبيبها يقول لها.. بحبك تعيط... انت هبله

لكن فجأءه لقيت حد بيناديني..

_ياسمين

واتفاجئت لما شفت كيمو

.

_كيمو

وجريت عليه وحضنته.... كريم.. حضني جامد... وبدأ يعيط ويقول

_وحشتيني. يا حبيبتي.وحشتيني.. ليه تعملي كده ليه تتحملي الوجع لوحدك. ليه بتعاقبي نفسك.. كده

خرجت من حضن كريم.... وعرفته على ياسين.. الي عينيه كانت بتطلع شرار لما شافني. في حضن كريم

_دا كريم. اخويا.. يا ياسين

لقيته ابتسم وقال

_اخوكي

_ايوه يا ياسين.. اخويا.... كيمو انت جيت. امتى وعرفت مكاني ازاي

_جيت من أسبوع وعرفت مكانك.. من خطيبتي...

_خطيبتك؟!

_ايوه اهي..

لفيت. وشفت.. مي... خطيبتك

وجريت عليها وحضنتها.. الف مبروك.. وسحبتها على جنب وقلت ليها

_الف. مبروك يأمي بس. وحسن؟

_حسن مين يا حبيبتي..دا ابن امه... انا انفصلت.. عنه من زمان.. وخفت اقولك..لاحسن تزعلي او تفتكري انك السبب... وبعديها.. كريم كلمني. كان بيسأل عنك. وفضلنا نتكلم لحد ما حبينا بعض.. وكريم رجع عشان يخطبني... بس طلب مني مقولش لكي كان عاوز يعملها ليكي مفاجأة

_يا خونه.. تخبو عني.. بس برافو يابنتي. اخويا. عسل ويستاهل وانت كمان تستاهلي ياحبيبتي.. الف مبروك.

_الف مبروك ياكيمو بس كده تعمل خطوبتك من غيري. ..

_لا ياحبيبتي ما انت حتحضري كتب الكتاب معايا... استني. فرحتي بيكي نستنى... بابا تعبان وعاوز يشوفك

_بابا

•

قمر :قاعد لوحدك كدا ليه ي زين

زين:مفيش بفكر شوية

قمر :طاب اقعد معاك اونساك

زين بضحك :م انتي قاعدتي خلاص

قمر :بقولك ي زين هم بنات مصر علي كدا حلوين انا اسمع أنهم حلوين جوي بالحق ي زين

زين بضحك :ايوه حلوين مفيش احلي منهم

قمر :علي كدا بنات الصعيد مش قد المقام ولا اي

زين :اي ي ي بت هو انا قولت كدهون بنات مصر حلوين وبنات الصعيد برضك كمان حلوين

قمر :اومال اي عاااد

زين :كل البنات بتختلف من شكل ل شكل ومن مكان ل مكان يعني عندك أنتي مثلا عمرك فكرتي تحطي حاجة ع خلجتك دي اكيد لا

قمر بزعل :قصدك إني وحشة ي زين مش اكدهاا

زين بضحك :شوفتي ي بجرة زعلتي ازي ي بت قصدي انك مش محتاجة حاجة علشان تبقي حلوة عرفتي بقا الفرق بين بنات مصر وبنات الصعيد ي بجرة

قمر بضحك :ايوه كدهون الله يخليك ي زين يعني أنا حلوة مش كدهاااا

زين بضحك :ست الحلوين كمان

قمر بتبص ل زين بطرف عينها الاتنين كدا وبتضحك

زين : يلا بجاا سابيني لوحدي

قمر :ليه ي زين

زين :ي بجرة هو اللي ليه ي بت محتاج اقعد مع نفسي شوية يخربيتك جيتي زهقتيني يلا قومي من هنا عااد

قمر :الله مالك قلبت كدا ليه عااد

زين :ي بت يلا بدل م اخليكي تعدي ضغط وبطن يلا

قمر :طيب خلاص مش تزق كدا

وراحت قمر ماشية وسابت زين ل وحده قاعد

قمر في نفسها :ماله مش طيقاني واصل كدهاااا طيب ي زين ي ولد راضية .

________________________

عز الدين في اجتماع مع موظفين الشركة

عز الدين :اهلا ي حضرات طبعا انتوا عارفين الاجتماع ده لإيه ممكن اعرف اللي حصل ده وازي البضاعة الجمارك تحجز عليها

واحد من الموظفين

والله ي فندم الاخبار اللي وصلت لينا أنه في حد بلغ علي الشاحنة وقال إنها مينفعش تعدي من الجمارك

عز الدين :حد مين اومال انتوا بتعملوا اي هنا انتوا مش عارفين انتوا بتشتغلوا في شركة ايه ومع مين انا عايز اعرف اللي عمل كدا انتوا فاهمين وكل اوراق البضاعة تكون عندي حالا ومحدش يمشي انتوا فاهمين

الموظفين :حاضر ي فندم

________________________

عاصم ومحي قاعدين في المكتب

عاصم :شوف ي محي انت معانا هنا بقالك فترة ولحد الان معرفش انت متزوج ولا لا

محي بضحك :لا ي سيدي مش متزوج

عاصم :يبقا خاطب

محي بضحك :ولا خاطب كمان

عاصم :والله انت رايق احلي حاجة عملتها

محي بضحك :ليه ي عم كل ده انت شكلك مدبس بقا

عاصم :لا م خلاص شكل التدبيسة هتفركش قريب

محي بإستغراب:بتقول كدا ليه

عاصم وهو بيسند ضهره علي الكرسي وباصص للسقف عارف لما تكون العلاقة انت دايما فيها الطرف اللي بيدي مشاعر وأحاسيس بس في النهاية مفيش مقابل ل ده

محي بضحك :عليا النعمة م فاهم اي حاجة ده كلام كبير اووي يصعب علي أمثالي فهمه بصوت سعيد صالح في مسرحية العيال كبرت.

عاصم بضحك :يخربيتك ضحكتيني كنت عارف انك مش هتفهم المهم سيبك انت وبيضحك

محي بضحك :م انا سيباني اهو يعم الله يكون في عونك

عاصم بضحك :عيش ايامك بلا جواز بلا خطوبة خليك رايق كدا وفضلوا يضحكوا .

______________________نروح ل مكان ما العنا*صر الإرها*بية قاعدين وبيتكلموا

اسلام :بقولك اي ي ابو مسعد هو مفيش اي نسو*ان هنا ولا اي

ابو مسعد بضحك :طبعا في انت عايز نسو*ان وراح غمزله

اسلام :يعني من ساعة م جاينا ولا شوفنا اي مر*ة كدا ولا كدا واحنا طول النهار شاغلين في عمل قنا*بل ومتفجر*ات مفيش اي واحدة تطر*ي تعب اليوم ولا اي وبيضحك

ابو مسعد :بس كدا انت بس اعمل اللي وراك وانا اجبلك احلي مر*ه تعيش معاها ليلة ولا الف ليلة وليلة

إسلام : هم ليه مش موجودين هنا في المكان يعني قاعدين معانا

ابو مسعد :شوف ي اسلام احنا مينفعش يكون معانا نسو*ان

هنا هيعطلونا وهننشغل عن اللي بنعمله اي حد من اللي هنا بيطلب مر*ه ممكن يقضي معاها ليلة ليلتين بالكتير قوي

إسلام :هم بيجوا منين بقا ع كدا وبيكونوا تبع التنظيم

ابو مسعد :هم بيجوا من فوق الجبل بنختار اي واحدة وتيجي تقضي الغرض وتمشي فاهم هم تبع التنظيم ايوه يعني مثلا اللي مطلقة وأرملة وجوازهم بيكونوا ماتوا في سبيل الله ي سيدي وزمان دلوقتي رجالتهم في الجنة ونعيمها مع حور العين ياااه بختهم وبيضحك

إسلام بضحك :اه ي سلام يبختهم فعلا

ابو مسعد بيغمز له وبيقولك :نفسك تنا*م مع مر*ه هااا

إسلام بضحك :وماله وده لأجل إشبا*ع رغبا*تهم لا اكثر زمانهم مفتقدين الرجالة دلوقتي ي حرام

ابو مسعد بضحك عالي :هم برضوا اللي مفتقدين اه واضح

طاب يلا وبليل هبعت اجبلك احلي مر*ه تقضي معاها الليل كله بس ع الله تشرفنا كدا وغمز له وبيضحك

إسلام :هشرفكم طبعا ي ابو مسعد جربني انت بس

ابو مسعد بضحك :ماشي ي بطل الليل وأخره انت

وفضلوا يضحكوا ...

___________________

نيجي بقا عند ملك

ملك لبست علشان العريس اللي جاه كان عبارة عن دريس بيبي بلو وطرحة بيضا وهيلز ابيض وحاطة علي خدودها مورد احمر خفيف واحمر الشفاه ... بعد م خلصت لبس طلعت من أوضتها وراحت المطبخ لنرجس امها اللي بتعمل العصير

ملك :هاا ي ماما اي رأيك كدا

نرجس بفرح :الله حلو اووي ي ملوكه احلي عروسة ي اخواتي

ملك بضحك :القرد في عين امه غزل

نرجس بضحك :اتصدقي انا غلطانة فعلا القرد قرد طول عمره

ملك :هااا قصدك اي اني قرد

نرجس بضحك :وعرفتي لوحدك ،يلا انا جهزت العصير اهو خديه و ادخلي للناس جوه

ملك :لا يستي انكسف ادخل لوحدي اخف اقع افرض بقا وقعت منظري هيبقا اي وبعدنا فين بابا

نرجس : ي بت الهبلة ما ابوكي قاعد معاهم برا هم هياكلوكي ي بت اخلص علشان ابوكي والناس بقالهم مدة قاعدين

ملك :يوهههه بقا مش داخلة

نرجس بغصب : قسمنا بالله لو م خدتي العصير وطلعتي لهنفخك واقعد عليكي ابططك

ملك بضحك :هتنفخيني ليه هو أنتي عجلاتي اهههه

الله عليا يخربيت حلوتي

نرجس :اه ياااني ومن بنتي وربنا اندهلك ابوكي

ملك :احم ... لا وعلي اي هاتي يما العصير خلينا نخلص

نرجس :خدي اهو ع الأقل تنقلبي ي فلحة

ملك بضحك :ثقة في الله نجاح بصوت محمد رمضان نمبر وان وبتضحك

ملك وهي شايلة العصير وداخله بيه إذا بصدمة تصعقها ...

المصدر:

https://www.

ودخلت العمليات... والمفروض اني اخضع لأكثر من عمليه وفتره علاجيه ست شهور...ياسين طلب من بابا ان تكاليف العمليه تكون على حسابه.. لكن بابا...وكريم رفضو... بس ياسين.. أصر وطلب من بابا ان يعتبر المبلغ المهر بتاعي... وان انا دلوقت مراته ومسئوله منه....

خرجت من العمليه... وبدأت افوق من البنج... لكن.. انا لسه مش قادره افتح عنيا.. حسيت ببابا. بيمسك أيدي. يبوسها.. ويقول

_الحمد الله على السلامك ياحبيبه بابا

جاوبت لكن. بتعب نتيجه تأثير البنج

_الله يسلمك يا بابا..

_حبيبتي انت كويسه...

_اه

لقيت بابا ساب أيدي.. وفيه ايد تانيه مسكت أيدي.. عرفت انه ياسين.. بدأ يبوس أيدي

_ياسين

_عمره و دنيته...الف الحمد الله على سلامتك ياحبيبتي...

ضغطت على ايد ياسين جامد هو انتبه وقال

_حبيبتي.. محتاجه حاجه.. فيه حاجه وجعاكي

_عاوزه اتأكد اني مش بتخيل وانت جنبي

_اطمني يانبض قلبي.. جنبك ولآخر العمر أن شاء الله

استمرت فتره علاجي ست شهور وخضعت لأكثر من عمليه... صحيح وشي مرجعتش زي الاول لكن اتحسن كثير... ياسين طول الفتره دي ماسابنيش.. ووقف جنبي.. وسندني.. وكان.. دايما بيشجعني. و. يسمعني كلام جميل..وبابا كمان.. حتى ابله رحمه وكريم كلهم كانو معايا. حتى امهاتي رغم البعد كانو دايما يكلموني. في التلفون ويشجعوني

النهارده فرحي.. انا وياسين.. وانا لابسه فستان ابيض..ياسين أصر انه يعمل فرح كبير وعزم كل امهاتي... اللي في دار حتى زمايلي في المدرسه. كان فرحان جدا.. لدرجه كبيره

انا شيفاه وهو بيمسك ايديا بعد ما بابا سلمني ليه وقاله

_ياسين انا بسلمك حته من روحي.. حبيبه باباها.. أغلى حاجه عندي خلي بالك منها.. انا بأسلمك امانه.. وانا متأكد انك هتحافظ عليها.

_ما تخافش ياعمي ياسمين في قلبي قبل عيني..

مسك ياسين أيدي... و باسها ونزلت دموعي.. ودموعه... سوا... مسك وشي. ومسح. دموعي. وباس جبيني وقال..

_مش عاوز اشوف دموعك.. تاني.. واوعدك.. إنك هتعيشي في روحي وجوه قلبي طول العمر... بحبك.. يانبض قلبي

وحضني جامد... كأنه.. بيأكد.. لنفسه اني معاه

الفرح كان جميل... جدا.. وانا كنت فرحانه.. بحبيب عمري.. وعوضي الجميل

كل واحد فينا خلق في هذه الحياه لهدف عشان يوصل رساله. نحن لم نخلق عبثاً.....لذلك علينا أن نحقق. هذا الهدف ونوصل هذه الرساله.. نصلح مانستطيع ان نصلحه.. ونمتلك الشجاعه.. لنوقف الخطأ.. ونقول لا..

احمد الله اني.. تربيت على يد رجل علمني ان لي دور في هذه الحياه.. ونهج وطريق يجب أن اسيره.. وازيد الله حمدا.. ان رزقني بر فيق.. درب.. شد على يدي.. وسندني لاكمل طريقي.. على الطريق الصحيح... طريق الإصلاح. فأنا ومن منبري هذا... اشكر وجودهم في حياتي... واعدهم اني سأكمل الطريق.. واحاول إصلاح جيل. حتى ولو بالقدر البسيط.و. المستطاع..

دا كان الخطاب.. الي انا قولته.. بعد ما مدام رجاء اختارتني عشان اكون مديره المدرسه الخيريه الي افتتحتها.. بجانب دار الايتام والمسنين... على قد ما كنت فرحانه.. بأختيارها ليا...كنت خايفه من المسؤليه دي.. لكن حسيت ان دا واجبي... وطريقه صحيحه عشان أحقق هدفي... خلصت الخطاب وانا ببص لعين بابا الي كان فخور بيا.. وياسين.. وكريم ومي.. كلهم كانو فخورين بيا

وبدأ مشوار جديد بالنسبالي.. كنت باقف كل يوم بين الطلبه. وانا عارفه اني هواجه مشاكل جديده.. لكن كنت متأكده ان هقدر احلها... وهقدر اغير ولو فكر بسيط

مرت سنين.. عشت فيها مع ياسين احلى حياه ياسين كان صاحبي وحبيبي وعوضي.. وفي يوم دخل عليا ياسين البيت وانا بصرخ في ولادي

_مش عاوزه اشوف وشكم كل واحد على أوضته.. يلا.... يلا.... طب ياولاد ياسين. أما ربتكم من جديد..اصبرو عليا بس

_ولاد ياسين... بس. يعني مش ولادك

_سبني يا ياسين والنبي

_مالك ياحبيبتي. متعصبه ليه

_انا ياياسين. ... انا الي بربي الاجيال.. بعلم الصح وامنع الخطأ ولادي يعملو فيا كده.. اقول اي لتلاميذي لما ولادي يعملو فيا كده

_طب عملو ايه فهميني

_انا ياياسين امنع عنهم الموبايل و.البرامج.الهايفه الاقي البيه مصور مع صاحبه.. فديو هايف من موبايل صاحبه... انا يا ياسين. ابني يغني ويرقص.. على التيك توك... بس كلو بسببك.. قلتلك يا ياسين كفايه. علينا.. احمد وميلا. نربيهم.. كويس قلت لا... خلينا نجيب الثالث.و نربيهم سوى.. اهو الثالث رباني ورباهم......عبد الرحمن... عشر سنين.. يعمل فيا انا كده.. بس والله لار بيه..

قرب مني ياسين وحضني وباس راسي. وقال

_طب اهدي. ياحبيبتي... اهدي بس انا هربهولك

_ابعد يا ياسين.. انت كمان السبب في الي انا فيه

_هو انت هتسيبي الواد وتمسيكي فأبو.. طب أنا عملت أي

_ عملت اي... ست ساعات يا ياسين من غير كلمه بحبك..ها اعمل اي اعصابي تعبت

_ياروح قلبي.. انا اسف. والله كان عندي. اجتماع.. ومشغول بس حقك عليه... مكنتش اعرف ان كلمه بحبك دوا.. هههه

_ليه هو انا مش قلتلك.. ان كلمه بحبك عامله.. زي الانتي بايوتك. لاعصابي... بحب... اسمعها أكثر من مره في اليوم

_طب بحبك.. وبعشقك.. وبموت فيكي... يا احلى حاجه في دنيتي.... اديني. ياستي زودت الجرعه.. هاااا...ازاي أعصابك دلوقت

_.. ههههه.. .لا.. هديت دلوقت. ربنا يخليك ليا. ياحبيبي... ويديمك. فرحه. في حياتي ودوا.. لجروحي

_بحبك.. يا ياسمينه عمري..❤️ .

................ تمت........

•