لمعة العين وصبغ اظفر اديها
وعگدة الحاجب اذا ضوجه تجيها
و نبرة الصوت بحچيها
ااخ منهن
اخ من ذيچ التفاصيل التشد گلبي عليها
_____
هلو حبايب لا تنسون التصويت والتعليقات على الفقرات
حته نستمر
#طفلة النقيب
بقلم زينب العلي
______
درة"ما يحتاج تكدر تعوفني وحدي
ليث" تقربت من يمهه وفريتهه عليه بس
نصدمت بلشكل الي كبالي
هااااااي شبببيج
درة " عووفني ليث ما بيه شي دفعته عني
وكعت بلكاع ابجي وحاطه ايدي على وجهي
ولللج يمه وين رحتي وعفتيني
ليث" انعل ابوهم لابو عمج لابو ابن عمج اليوم اله انعل والديهم وحق الحق
عفتهه وطلعت اركض منضرهه مراح من بالي
درة " من شفته طلع ركض ركضت وراه لزمته من ايده
ليث" عووفيني ولج ولله اليوم اله احرك عمج وهوه عدل
درة" الله يخليك ليث عوفهه فدوه ولله خاف يصير شي
بروح امي عوفهم ادخل جوه
ليث"خررب بروح عمج ولله من الزمه هسه
درة"عوفهم فدوه ادخل جوه
ليث"رووحي ادخلي جوه
درة " حلفتك بروح امي لا تتروح لمكان
مو جانت تعتربك ابنهه
ليث" لا حول لله كتلج ادخلي جوه ما اروح وداعت ابوي
دره" عفته ودخلت جوه للغرفه لكيت ملابسي
بلغرفه لكيت تراك اسود بدلت ملابسي وضليت بلغرفه
اروح وارجع بمكاني
اشوي وسمعت الباب انفتح عفت الحجاب على راسي اشلون مجان وطلعت اركض
هذا انت رجعت
ليث" لا بعدني بلشارع
درة" حجيت بكلبي مو صوجك عفته ودخلت جوه
ركعت الباب وراي وره شوي صاح بصوت
ليث" ووووينج تعاللي
درة" شنو تريد
ليث " كتلج تعالي
درة"طلعت من الغرفه لكيته كاعد على القنفه
ليث" تعالي هنا
درة " انت شنو صدكت اني مرتك
ليث" دنجبي وتعالي هسه عبالك كتلج تعالي ***
درة" مو صوجك رجعت للغرفه وسديت الباب
ليث " تعالي بدون دلع هاج
درة"شنو تريد
"اشبيج نجلبتي عليه كتلج تعالي
" شنو نجلبت اشبيك انت وديني لبيت امي هسه
" اي خاطر يجون وياخذونج من جديد
تعالي اكعدي هنا
" حااضر اجيت كعدت يمه وطلع مرهم وبده يحط على وجهي جنت مغمضه عيوني
تغيرت نبرت صوته وهوه يكول
" درة احجيلي شلون صار بيج هيج
منو هيج بيج
" عمي الي سوه بيه هيج
" انتي مابقيت ييمه كم ساعه بس وجهج هيج بيه كدمات لو غير مكان
احجيلي
" جنت بلبيت مثل وكاعده وحدي اندك الباب
راح فتحت الباب دخل عليه
عمي وابنه راداوني اروح وياهم مقبلت خابرتك
حته تجي بس عمي سحبني من شعري
للسياره واول ما وصلنه
لمنطقتهم
كال الي حضري روحج بليل راح اعقد الج على ابني
صليت اصرخ بوجهه ورفضت وضليت اغلط
تسودن عليه وضل يضرب بيه
وبعدين من طلع رجع عىليه ابنه ووكال شنو انتيوما توافقين بيه هم رجع يضرب بيه
طلع وقفل الباب ومن طلع ابنهه دخلت مرته
لزمتني طيحت حضي
"وجع اي ولله يول شمالج بس عليه لسانج مترين متعرفين اكتلهه
اصطرهه راجدي شنو ماخذلي وحده فاهيه
" دولي مني اني وين وانت وين اشو طايح حضي
وانت اتكلي اصطريهه اشو هيه جنهه فيل
واني جني فاره
" ههههه خرب يومج هاج هذا المرهم اي مكان يوجعج
عوفيه عليه المرهم
واذا تردين اني اعوف الج 😉
" اخذت العصاره من عنده ودخلت للغرفه
نزعت قميص التراك اوي عسى بيدكم الكسر
باوعت بيدي بيهه اثر عضه اعوذ بالله مو بشر جلاب
" يله تعالي تعشي طمستي خو ما طمستي
" اججيت طلعت من الغرفه لكيته جايب اكل من بره
جايب كباب وصمون واني من الصبح ما ماكله
مااهتميت منو يمي اني بطبعي اكل هواي
بس ما يبين عليه رفعت ارداني وبديت اكل
اكل احسه صافن عليه مهتميت اله
خطيه ما اكل بس صمونه وحده وخر كعد على صفحه
اكلت سبع صمونات باوعت كلشي ماكو بلصينيه
اخذت قوطيه الببسي وشربتهه ورجعت راسي على الكرويته اووف الحمد لله
"يول شبيج صارلج شكد ما ماكله عود اليوم عقدنه وكذا لازم اتكيت ودلع
" هههه لا عيني للاسف احب اكلك اخذت الك وحده عضامه يم الكل كلشي يروح بعدين حاطعينك عليه
هنه سبع صمونات شنو اكلت اني
"بلعافيه تردين اكوم اجيبلج بعد شي
" اي ولله فتح حلكه وكال
" يول راح يخلصن فلوسي على كرشج ما نوصل لراس الشهر
" بطلت ما اريد شي
"كولي شنو تردين
" اريد اندومي ونوتلا وكاكو
" عبالي زعلتي كلشي متردين
"عفته وكمت شلت الصيني وصلت للمطبخ
صحت بصوت
عززا ليييث اجه يركض
" يوول شبيج شفتي جني
" هاي شنو المطبخ صدك جذب عبالك طاكه بيه متفجره
"عوفيه يولي وروحي نامي عبالي شفتي جني وصرختي
اني طالع اذا حتاجيتي شي خابريني
" وين رايح
" اوو بدت رحمت الله هسه اجي مااتاخر
طلع من البيت حطيت كرسي يم باب المطبخ وصفنت
هاي صارله كم يوم ما منضف
صفنت وتذكرت اني شكد احبه وكل مره احجي لامي
اي لا تستغربون من اول ما كبرت واني اشوفه
جنت اتعمد استفزه من اشوفه يباوعلي اطير من الفرح
جنت كلشي احجي لامي ومن صار عمري 16 كتله
يمه احبه وامي ضلت تنصح بيه
لذالك من طلب ايدي وافقت بدون تفكير
واعرف امي وصته عليه معقوله اني وياه نفس البيت
جنت متمنيه حالي حال البنات
البس البدله وبغير ضروف مسحت الدمعه الي طاحت من عيني كلت لازم اكوله ياخذني لامي
باوعت على الساعه ب 7 وهوه دائما يرجع للبيت
ساعه 10 يعني كدامي تقريبا 4 ساعات
اكدر انضف بيهه لفيت شعري اني شعري مبروم
وطله لحد ضهري
شديت الشال على راسي وشغلت نغمتي المفضله
رحت بديت من الغرف
تصميم البيت جان غرفتين بلاخير غرفته وبصفهه غرفتي
الي اني بيهه جانن مرتبات زينات بس نضفتهن وشغلت بيهن بخور
نضفت الصاله والحمام وصلت للمطبخ بديت من الساعه ب 8 لحد الساعه 10 خلصته ساعتين اني انضف بلهوسه الي بيه شغلت بخور والزباله كلهه حطيتهه
بعلايليك وحطيتهن بلطرمه تاخر صارت ب 11 وهوه ماكو شغلت التلفزيون وكعدت اتفرج ما اعرف ليمته غفيت لو نمت
كعدت الصبح على صوت العصافير
باوعت بلمكان يربي اني وين
لحضه استعاديت الوعي لكيت نفسي مغطايه ببطانيه
باوعت لجهازي لكيته طافي شحن شحنته
ورحت للحمام رحت دكيت الباب عليه ماكو
فتحت باب الغرفه محد بيهه يمكن طلع الصبح من وكت
طلعت للطرمه لكيت الزباله مشيوله
والطرمه منضفه وصايره تلمع
ابتسمت وودخلت للمطبخ لكيت علاليك على الكاونتر
وريوك على ميز الطعام
رحت ركض حته اشوف شنو بيهن
لكيت جايب كارتون اندومي ونوتلا 3 وجايب كاكو ونساتل يمكن فوك ال25 الف صايرات
فتحت الجهاز لكيت مكالمه من عنده ورساله
جان مكتوب بيهه
" هلو اشلونج كلشي تحتاجين يمج حلويات اندومي تلكين مسواك بلثلاجه اني راح التحق 10 ايام
لا طلعين من البيت واذا ضجتي خابري اسيل تجي يمج
" قريت رسالته وبجيت يعني راح ابقه وحدي 10 ايام
اني جنت اريده ياخذني لامي
دكيت عليه اول شي ما شاله وبعدين رجع اتصل
فتحت خط هلو ليث
" هلو دوده
" هاي شبيك منو دوده نوب
"هههه انتي شنو شتاقيتيلي
" شوكت رحت
" طلعت ب 5
" جنت اريدك تاخذني لامي
" من ارجع تدللين كم دوده عندي
"ليث كافي عاد وبعدين اني ما اعرف اطبخ
" لا تجذبين ادري بيج خوش طبخين وبعدين دودايه
ليش متعبه روحج ومنضفه البيت
" شسوي. هوه البيت كايم وكاعد وانت بعد نضفت الساحه
" اي غير تعبانه المهم اني شوي وراح اوصل اي شي تحتاجين دزي رساله لو اتصلي
"انتبه لنفسك
" لا تفتحين الباب تمام
" لا يضل بالك اني عدال الف رجال
" اي من طيحان الحض يول منو الي بارحه مجنزه
"هههه يله باي
" باي
" سديت الخط ورحت اكلب بلجهاز طلعت
للطرمه بيهه حديقه حلو كعدت بلحديقه
يربي ولله ضوجه وحدي بين اربع حيطان
اسيل اذا اتصل عليهه منو يجيبهه
رحت طلعت لحم وسويت الي شوي وتغديت وغسلت الماعين ورجعت نمت
بليل كعدت باوعت لساعه ب9 لكيت 10 مكالمات من ليث اتصلت عليه رفضني
رجعت اتصلت هم رفضني اتصل اول مفتحت خط
اجاني صوته وهوه يحجي بعصبيه بس بصوت ناصي
" من حترك عمج وين جنت اتصل ايدك ومجاوبين
عبالي صار شي
" ليش خايف عليه
" شبيج انتي اكيد اخافانتي وحدج هناك
شمدريني شيصير وياج
" اسفه بس جنت نايمه والجهاز صامت
"اكلتي شي بو كاضيته بس نوم
" لا ولله نايمه
" دكومي راح تخيسين من النوم
" وجع كافي شبيك انت
" كومي اكلي شي
"يله باي
" وين
"اروح اسوي اندومي واكل
" اي ضلي على الخط عادي
"امم تمام خليت السماعات وبديت اسوي اندومي جنت جوعانه طبخت 4 من استوت كال
" دوده
"هم
" اشتهيت اندومي
"ههههه خاف حامل
" ايا حقيره شكد سويتي
"الصدك لو الجذب
" الجذب
" 2 بس
" والصدك
"الصدك غير سويت 4
" عاا ولج وحدج راح تاكلين 4
" اي ليش تحسدني على لكمتي
" ولج اني مرات اكل وحده ما اكدر
"هههههه ضابط وكذا وتاكل اندومي
" ليش عيني مناكل
"ديله بااي عيني خليني اكل
" ام كرش انتبهي بليل بيتنه بيه جني مو تخافين
" هههه باي
"باي بس شغلي قرران اني كتلج بعد
" سديت الخط وخفت شوي اكلت اندومي
واجيت بلصاله كعدت اكلب
سمعت صوت طكطكه خفت حيل
حسيت رجليه نشلن
صحت بصوت منووو ماكو صوت رجع صار صوت ضليت اصلي على محمد وشكو صوره بلقران حافضتهه
قريتهه شكول عليك يا ليث
الطكطكه تجي من المطبخ ضليت ابجي يربي
دخيلك احس كلبي راح يوكف
طلت اسمه واتصلت عليه اول مفتح خط
لييث عليك الله البيت بيه شي
" دوده شبيج ترجفين
"عليك العباس بيتك بيه شي
" لا وداعتج ماكو شي
" جذءاب ولله اكو شي ليش هيج كلت مساعه
" هيج اخوفج بس ماكوشي
"جذذذاب ولله اكو صوت بلمطبخ
" هاي شبيج شنو جذاب ماكوشي لا تخبليني
"اكوله اكو صوت
" كومي واني وياج على الخط لا تخافين ايجوز صوت الهوه
" ضل على الخط مشيت
على كيف لحد موصلت للمطبخ
" هسه الجني يجلب برجلج
"اشش مدر منو فتحت الضوه وشفت بزونه بلمطبخ
لونهه ابيض تجنن ودور على اكل يمكن
" هاا وينج شنو شفتي
"اوكف خليني اشوف اني اعلمك صرخت بلجهاز
عززززززا للللليييث يمممممه
" شكووو شبببيج شنووو شفتي وكفتي كلبي
الووو
"محجيت ضليت ساكته
" الووو بيج شي ولج استغفر الله دررة ولج درررة
" ها ها وياك
"شكوو ولج
" لا هيج ماكو شي بس بزونه خطيه دور اكل
"حترك عمج من الزمج هسه والله اطيح حضج ولي
مني يله
" سد الخط بوجهي ضحكت ورحت حطيت اكل للبزنه جانت صغيرونه حيل
داخله من الشباك سديت الشباك
وطلعتهه بلطرمه حطيت الهه اكل وماي وقفلت الباب
ونمت مرت الايام العشره وحدي اكل ونام
اسيل اتواصل وياهه على الجهاز
وليث همه كل يوميه بليل يتصل عليه
خلصن 10ايام والمفروض يجي الصبح بس ما اجه
اتصلت عليه رفع الخط
الوو ليث شنو مو على اساس اليوم تجي
"لا وين دوده اجلوني يومين
" صدك ولله
" يله يومين واجي
" تمام اخذ راحتك سديت الخط وضجت حيل عود مسويتله غده عبالي راح يجي
كلت اني اكل ومن يجي اطبخ اله غيره
رحت شوي وندك الباب رحت يم الباب
صحت على كيف منو
ماكو رد رجعت كلت منو هم ماكو رد نشمرت طابوكه صغيره وكعت على راسي
حجيت بصوت قوي منووو
" وحمس افتحي الباب
" فتحت الباب ودخل بطوله لابس البدله العسكريه وبيده الجنطه مالته رفعت راسي اباوعله نكزت عليه وحضنته
رفعني اله
باسني بخدي ونزلني كال
" مشتاقتلي
" ولله البيت فارغ
" جووعان شنو مسويه
" اندومي تاكل
" يعني جاي من الدوام وتوكليني اندومي صدك عود
"دتخله هسه وبعدين يصير خير
مشه كدامي وحجيت بصوت ناصي شدعوه هل الطولكله يربي ميصير شويه الي
" ههه شسويلج اذا انتي بطول رجلي
" يبوي سمعني حجيت بعصبيه مصطنعه انت بطول الباب شسويلك عفته وركضت للمطبخ
حضرت الزلاطه والغده جنت
مسويه لحم على تمن اجاني صوته من الصاله
" دودهبربج صدك راح توكليني اندومي
" موو انت حامل وتتنسه تكول مشتهي اندومي
سويته الك غده
" ديله فضيني جوعان
" جبت الصينيه وحطيتهه كباله ضل يباوعلي نص عين وكال
" ليش تجذبين
"هههه اكل يله مو جوعان
" منو طبخ هل الاكل
" اني لعد منو
" بس كون الطعم مثل الشكل
" يله بلعافيه اكلنه اثنينه مبين جوعان خلصنه كمتجبت بعد تمن واكلنه خلصنه وكال
" ولله طلعتي ام بيت الزواج من عندج مو خساره
"هههه ديله عاد اتفكر بس ابطنك شلت الصينيه
ورحت للمطبخ رتبت الماعين
حسيت واحد بلمطبخ درع وجهي شفته ليث واكف ومتجي تريد شي
" مو تردين ترحين لامج
" عفت كلشي بيدي وكفت كباله يعني راح تاخذني مو
"اي اخذج يله حضري روحج ساعتين ونطلع
" باوعت اله تعبان خكيه قبل شوي رجع من الدوام
عوفهه اليوم باجر نروح
" ليش
" روح نام ورتاح باجر نروح لامي مو مشكله
" تمام اني راح انام لا تكعديني
" تمام اخذ راحتك راح نام ثاني يوم طلعنه ويه الصلاة
وصلنه للمقبره واخني لامي جانت مدفونه يم اهله
لان اني ما اندل مقبرتنه وين صايره
طحت على كبرهه وبجيت بكلحركه جنت وحدي
عافاني براحتي محاجاني هوه راح يم اهله
واني كعدت يم امي ساعه ابجي ساعه اعاتب بيهه
ضليت تقريبا ساعتين لحد منشفن دموعي
كومني ليث كال نروح للامام رحت للامام وزرت
كعدت ابجي يم الامام وادعي من ربي يصلح حياتي
اني محد بقالي بس ليث اتمنه ما اخسره مثل امي
اي شخص احبه يروح من حياتي
طلعت لكيته منتضرني كتله تعبت خلينه نرجع للبيت
رجعنه لبيتنه ودخلنه بغيبوبه نص يوم نايمه
كعدني كال تعالي اطلعج
طلعنه تعشينه ورجعنه للبيت صار حياتي هوه ليث
يروح اقلق حيل كب شوي اتصل عليه
يرجع للبيت نكضيهه ضحك وسوالف
ويطلعني مرت6 شهور اني عايشه وياه حبيته حيل
قررت اعترف اله واكوله انو اني احبه
جان بلدوام واكال بليل انزل اني اعرف هوه هم يحبني
بس جان لازم واحد من عدنه يبادر
العصر خابرت اسيل تجي وكالت راح نجي اني وامي
اجن الي العصر حفتلي وجهي وعدلت حواجبي
وسرحت شعري
وخاله تمدح بيه وتكلي مالج غيره لازم تصيرون زوج وزوجه باوعت لروحي بلمرايه ما تغير شكلي هواي
تعشن يمي وراحن كمت لبست فستان اسود
وحضرت عشه اله من يجي اكيد جوعان
صبغت اضافري احمر ولبست كعب اسود
ضليت افتر بلصاله لمن يجي بس ماكو تصلت عليه
دزرساله وجان كاتب بيهه
" انتبهي لنفسج اتعطلت لباجر
" قريتهه طاحت دعمتي وجع هوه صوجه لو صوجي اني الثوله الي حضرت كل هذا
ضليت اغلط على روحي وعليه
ضليتكاعده بمكاني وصافنه على الاكل
يله حرامات ارجع الاكل
نزعت حذائي وكمت جبت قوطيه ببسي وكعدت على الصينه ستوني ردت اكل ونفتح باب الصاله عليه
واني كاعده على الصيني وبكامل اناقتي
رفعت راسي شفتلي واكف ولازم الجنطه بيده
ضل يباوعلي وكال
" ايا خاينه مسويه جو لنفسج
" كمت اركض عليه وحضنته ضل يضحك عليه
بعدني عنه شوي وكال
" متحضره وعشه اشبيج اليوم
" لييث
"يروحه
" امم انت تحبني حجيت هيج وضل يباوع بعيوني ومحجه صفن محجه اي شي
حسيت بفشله دفعته وردت انهزم رجع لزم ايدي
" وين
" عوفني عاد
" باوعيلي رفعي راسج
"ها
" ٠ليش هل الدمعه بيهن
" وخر عني انت متحبني
" انتي ششوفين بعيوني
"باوعت لعيونه لكيتهن ذبلانه
" يول اني مو احبج لا انتي النفس والعافيه
" دنكت راسي وابتسمت
" يول من كتلج ما اجي راحت الانوثه وكعدتي تاكلين
"هههه ضجت لان ما اجيت بزمني من ت
ايدي وفرني وهوه يضحك
" يله تعالي نتعشه
"يله تعال نتعشه لان جوعانه
كعدنه ناكل وخلصنه اني رحت نضفت الماعين
وهوه راح يسبح ويبدل من تعب الطريق
خلصت اشر الي كال تعالي اجيت وراه
دخل للغرفه وتمدد على الجربايه
" تعالي نامي هنا
" ليث وين اجي صدك
" تعالي ما اسوي شي وروح ابوي بس خليج بحضني واشم هلا الترافه
" تقربت يمه وبيومهه نمنه نومه طويله للصبح
كعدت الصبح وكال
" يله حضري روحج
"شنو
" باجر حنتنه والي وراه عرسنه
" نكزت من الفرح وحضنته يعني راح تسويلي عرس وحفله
"ليش اني كم دوده عندي اني رتبت كلشي ويه خاله ام اسيل
" واشلون اني وين اروح
"راح تكعدين بيتج انتي وامج وتجي يمج خاله والبنات
هل اليومين كتلج اني محضر كلشي
" يروحي انت ما اعرف اشلون اشكرك
رحت بدلتعلى السريع واخذت قطعه
ملابس وياي
ورحت لبيتنه لكيت خاله واسيل وحور وفاطمه موجودات
حضنتهن وضليت ابجي كالت خاله يله نطلع رحنه اني وياهه واسيل اجرتفستان ردته اسوت بس خاله رفضت رفض قاطع وكالت
هيج تعذبين امج اجرت فستان ماروني
ومرينه على الصالون وحجزنه يمهه
رجعنه للبيت وبدت اسيل تنضف بيه وسوت ماسكات وراحت خاله وحور يشترن الي كم قطعه ملابس
ليث منطيهه فلوس
خالتي ذوقهه يجنن ثاني يوم رحت للصالون اني واسيل الي اخذنه ليث
وخالتي والبنات ضلن بلبيت رتبنه وخاله عازمه كم واحد من الجوارين والجوارين
طلبت مكياج خفيف رتبتني وكمت اباوع للمرايه
واو نعجبت بنفسي صرت كلش حلو
الي اجه اخذنه هوه سيف لان ليث بلحلاق
جانت اسيل لابسه فستان قصير ازرك ومكياج برونزي
ولابسه فوكهن صايه وحجاب اشلون مجان واني مغطايه بلكامل
وصلنه للبيت راد يدخل السياره بلبيت
مقبل ينزلنه بلشارع تالي نزلنه يم الباب
دخلنه جوه وبدت الحفله تونسنه حيل
دزلي رساله
" لا تبدلين بليل من انخلص الحنه اجي اشوفج
" ابتسمت والبنات جانن متونسات خلصت حفلت الحنه وكلمن طشليته اشرت الي اسيل
كالت نصعد فوك نشوفهم
كتلهه خلينه نروح لغرفتي جامهه مضلل ذبيت الكعب وصعدنه اني وياهه وحور وفاطمه
ضلينه نباوع عليهم وكلهم لابسينكلبيلات وصدقاء ليث هواي ما شاء الله بعدين ضلويلعبون جوبي
ولي بدايت الجوبي هوه سيف
حور" شنو هذول حلقوم ولج انتي رجلج اي واحد تيهته
درة" ثاني واحد بص ابودشداشه السوده
فاطمه " بووويه شوفي هذاك ابو دشداشه يشحط من الجمال
اسيل"نجبي عاد اكو هواي غيره حلوين
حور " درة ولج شوفيلنه واحد ثنين
درة" شنو اشتغل خطابه
فاطمه" يمه اني اررريد ابوالدشداشه مو شاب ضيم
باوع الشكل الاناقه
درة" بس هذا محجوز باوعن الي تلاثتهن
اسيل"صدك
درة" اي يحب وحده
اسيل " الله يهنيهم يله بنات اني نازله
فاطمه" شوفيلي هذا ابو شفقه الي وجهه بيه شخط
هذا هم صاك
درة " للاسف هذا هم محجوز يحبله وحده
حور " اوو وانتي شمعرفج
درة" ليث يحجيلي كلشي
حور" عمي كلهم محجوزين بطلنه
درة" يله اني نازله اشوف اسيل ادري بيهه معجبه بيه
ومن اجينه بس يباوع الهه
لكيتهه بلغرفه كعدت يمهه
اسيل " اكول دوده انتي شمعرفج يحب وحده
"ليث مسولفلي
" ها
"ليش
" هيج ولله فضول شنو ليث ميجي راح تبقين بهذا الفستان
" اي غير حته يشوفني دز رساله اني بلباب
لبست الكعب وطلت اركض
فتحت الباب اول مفتحت الباب شالني وضماني لحضنه
"يروحي مشتاقلج البيت فارغ
" باجر راح ارجع يمك
"اكول اشو فتري
" فتريت كدامه ضحك وكال
"هههه يول اشو طولانه
" غير لابسه كعب متر
"ههههه كل هاي حته تصيرين بطولي
" شسوي اذا انت بطول الباب
ضحك وكال
"يله روحي اني رايح
" وين رايح
"ولله جماعتي بلبيت
" تمام اخذ راحتك سديت الباب ورحت سبحت ونمت ثاني يوم هم بلصالون ما اخذت بدله بيضه منفوخه
لخذته باربي موخر السيم منهه وكلش حلوه
اجو علينه وجانن سيارات هواي
جان سيف يسوق واسيل بلمقدمه واني وليث وره
جانو جماعته هواي
سيف" اسيل ارفعي الجامه
اسيل" اريد اباوع ميصير بدون ما يحجي رفع الجامه
وجانت مضلله وكال
"تكدرين هيج تباوعين
اسيل" الحمد لله هذا شماله وصدك هل المره مخلانه ننزل بره دخلنه كبل للبيت
بيت ليث نزلت وركعت الباب دخلت درة وليث وياهه
واني جنت وراهم صاحت الي درهرحت يمهه
درة" تكدرين ترحين للبيت
"اي عادي هوه هذا يم بيتهكم شنو تردين
" تفتحين خانت امي تلكين قران صغيرون جبيه اليي حبابه هاي المفاتيح
" اخذت المفاتيح باوعت لبسيما بيه شي جنت لابسه فستان مال محجبات بس جنت حاطه عدسات
ومكياج بس مو طوخ
طلعت من الاستقبال رحت لطرمه باوعت الكل ملتهي
محد راح يفطن عليه مديت راسي من الباب وشفتهه
كله لابسه زي عسكر وشي لابسه مدني
حجيت كلبي شوف نعمت الله يربي مطشرين بلشارع
واني حضي المصخم باوعت على واحد يحب وحده
ردت اطلع نسحبت من ايدي قوي
" خيررخيررر وين وين
"اوو شتريد
" عبالج نسيت ركعت السياره
"شتريددد
" وين رايحه وبره عالم متروسه
"العفو منو انت امي ابوي اخوي ابن عمي عمي
" دنجبي وطبي جوه
"دفعت ايده وصحت بيه اشووو تغلط وماخذ راحتك
افك من صخمان نوب انته دوخر مني
دفعته وطلعت تمشيت للبيت وحرفيه احس الكل
تباوعلي وسيف يدردم ويمشي وراي
فتحت الباب وضل بره دخلت اخذت القران وطلعت
رجعت سديت الباب وراي ورجعت للبيت
دخلت جوه انطيتهه القران
وكعدت يم البنات لساعه ب 6 زفوهم وهنا قررنه
نعوفهم ونمشي
طلعنه اني وامي والبنات وجانو الولد لساتهم بره
اجه سيف وطلب يوصلنه امي ما كالت باطل فورا وافقت
على عرضه انو يوصلنه
رحنه بسيارته وطول الطريق يباوع الي
نزلت وركعت باب السياره اعرف يضوج من هل السالفه
دخلت للبيت وامي ضلت تحجي عليه
لان سويت هيج وركعت الباب
رحت لغرفتي ونمت
دره" جنت متوتره حيل وخايفه زفوني للغرفه الي ينام بيهه بس تفاجئت انو مغيرين الاثاث والغرفه كامله
الغرفه تجنن وضخمه شوي ودخل هوه لابس قاط
اجه تقرب يمي وباس راسي وايدي
" يول واخيرا صرنه بغرفه وحده وصرتي زوجتي
" حضنته قوي ضحك عليه وكومني كال روحي
اسبحي وتوضي وتعالي
ابتسمت بوجهه ورحت للحمام فتحت شعري
وسبحت توضيت ولبست روب طويل
وطلعت لكيته مبدل وفارش المصلايه الي واله
كال خلينه نصلي
ابتسمت بوجهه لان اني ولا مره شايفته يصلي
كلت اله انت تصلي
"ليش يول شفتيني كافر
" ههه لا لا بس مشايفتك تصلي
"مو شرط اله احد يشوفني
" اي صدك صلينه وهنا عشنه اجمل ليله بينن
وصرنه زوج وزوجه وليث جان حنين عليه
وما تعبني لو بجاني وجان اجمل شي يصير وياي
اسيل" مر كم يوم ورحنه لدرة نوجبهه وجانت فرحانه
راحت جابت الضيافه واشرت الي اجي وراهه
رجت على المطبخ
درة" اسوله اريد اكولج شي ليث كالي اوصلج خبر
اسيل" خير يمه بس لا صار شي
"واحد من اصدقائه اليوم العصر يزوركم
ايريد يتقدم الج
" ها بس اني ما اريد ازوج هسه
" امم انتي عرفيته منو
" منو؟
" سيف
" ها سيف بس مو يحب وحده
" اي ايحبج انتي وقبل فتره حاجه ليث
" كوولي ولله
" ولله شبيج انلكفتي
" نجبي ولج غير جنه كيكه ولله جنت حاسه ولج خليني اروح هسه للبيت شوفي وجهي شوفي اديه يمههه
يله خلينه نروح تعبت
درة" اي سوده عليه تعبانه مو
اسيل " اي يله بعدني نشوفج انتي وضعج ترتب واني
هسه خليني اروح ارتب وضعي
درة"ايا خبله يله روحي
اسيل " عفتهه وطلعنه واني طايره من الفرح
يعني حتزوج هل الكيك شكد ضلمته
وشكد غلطت عليه لان جان يباوعي
وعبالي يحب وحده ثانيه رحت رتبت نفسي ودره خابرت امي وبلغتهه
العصر اجن نسوان ثنين وبنيه شابه
شافني وضلن يصلن على محمد
كعدت اشوي ورحت وره الباب اسمع اني والبنات
وصارت والموافقه وتمت الخطوبه
وجان احلا يوم بحياتي هوه جان فرحان حيل جان الخطبه والعرس بعدهه باسبوع
كلهه صارت ركض ركض كلشي ما شفت
درة وكفت وياي وما تركتني
اجه يوم الزواج وجنت حيل خايفه ومتوتره
جان ليث يسوق ودرة لمقدمه واني وسيف وره جان
يضحك من وصلنه لبيتهم وردت انزل كال تلي
"عود مو تركعين الباب وراج
" هههه لا ما اركعه نزلنه ودخلنه للبيت وشفت اقاربهم
اشكال والوان لحد مزفوني للغرفه جان بس هوه وامه
واخته متزوجه وبهذا اليوم صرت زوجه
اله وصرت حبيبه وصار هوه ابوي واخوي وكلشي
بلنسبه الي
______
يتبع.....
اتمنه يكون عجبكم البارت تصويت وتعليقكم الحلو
ومتابعه للحساب بطريقجن
توقعاتكم...
🥺💕
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!