رواية جريمه مخطط لها (طفلة النقيب) الفصل العشرون 20 - بقلم زينب العلي

حاجيني بنظرتك وافتهم شتريـــــــد
وخلي رموش عينك هية تسألنــــي
بس حرك رمش وآنه اعرف المقصود
وسولف بالتريده عنك وعنـــــــــــــي
صوتك من تسولف حقي اذوبن بيــه.
ماجنك تسولف جنك اتغنــــــــــي
نظراتك طلاسم مالهـــــــــــن عراف
ساعة ارتخي بيهن وساعة تكتلني

____

لا تنسون التصويت والتعليق على الفقرات 

#طفلة النقيب

بقلم زينب العلي

_____

وصرت بلغرفه واني ارجف منو هذا الي اجه
يمه رجع عليه صباح يربي

سمعت صوت رجال جبير بلعمر وهوه يحجي على التليفون جنت وره الباب من خوفي تحرك الباب بيدي
وطلع صوت

ضل بس يصيح منو هناا منو جوه
كعدت وره الباب ابجي خفت حيل وهوه يصح
قرب الصوت حيل عليه

نفتح الباب واني مدنكه راسي وابجي
ما اعرف شسوي اجاني صوت الرجال

" خير بويه منو انتي شسوين هنا بهذا البيت

" رفعت اعيوني واني اباوعله جان رجال جبير
بلعمر ولحيته بيضه
جان شكله رحماني جان يباوعلي منتضر جواب مني

"احجي بويه منو انتي شسوين بيتي

"  ياوعت اله وكلت
عمو اني اسفه مجان عندي مكان اروحله
وشفت هذا للمكان ودخلت بيه

هسه راح اطلع منا وما اقرب لهنا بعد
كمت على اغراضي كلهن جمعتهن
والزلمه يباوعلي بحيره

" عمو ضلي كاعده هنا لحد متلكين الج مكان لان هذا
المكان نباع لشخص وبعد 15 يوم راح يجي

" هزيت راسي باوعلي وطلع مسالني اي شي
ما اعرف يمكن ما حب يحرجني او شي

ضليت يوميه اطلع ادور الي مكان
لحد ملكيت بنايه على النص وبعدهي ما مكمله
اخذت غراضي وطلعت من هذاك البيت

عاد جان ولله مريح ضليت بهذا المكان
بلنهار اطلع العصر ارجع
مر تقريبا شهور واني بهذا المكان

بس بيوم سمعت صوت طكطكه بلبنايه الي ورانه
وخفت حيل اخذت اغراضي وطلعت
ضليت كل شهر لو شهرين ابدل المكان الي اني كاعده بيه

مر هواي وقت حيل واني عايشه وحدي ومن مكان لمكان
بس محد جان يتعرضلي
جنت كاعده بلبنايه وسمعت اصوات  بس مدري

وين عفت حجاب على راسي ونزلت اشوف شنو
شفت 3 شباب وكاعدين ويشربون
نفس البطاله الي جان صباح يشرب منهن

خفت حيل اخذت غراضي وطلعت على كيف
جانت دنيه اليل واني اسحول بروحي
وخايفه حيل

طلعت من الباب وسمعت بس صوت صيحه واحد منهم
وهوه يكول منو هنا
طلعت اركض على السريع واسمع واحد

يركض وراي ونما مو واحد صوت ركض وتلاثتهم
كلبي حسيته يدك الف بلدقيقه من الخوفه ودنيه ليل

هسه اذا يلزموني بس الله اعلم بحالي
ضليت اركض وما اعرف وين انطي وجهي
بس جنت ادعي بكلبي ربي يرحمني

ويخلصني من هل المشكله دخلت بدربونه شفت واحد من البيوت بابه مفتوح بعده على النص
دخلت للبيت وني كلبي حسيته راح يوكف

سديت الباب وصعدت فوك اباوعلهم
ضلو يفترون بلدربونه وكلت اذا دخل اشمر روحي من فوك واحد منهم كال

" يمكن طلع منا خلونه نمشي بهذا الاتجاه

" دعيت ربي الف مره وحمدته
من خوفتي غفيت فوك منزلت طلعت الشمس بوجهي الصبح فزيت مرعوبه من الي صار

كمت صليت وطلعت لنفس مكاني
جنت كاعده وكل عاده ما احجي شي

لي ينطيني اكوله الله يرزقك
والي مينطيني هم الله يرزقه

جنت كاعده وفات شخص لابس بنطرون وقميص
وصل يمي انطاني خمسه وكعت محفضته ما عرفته منو

رفعت اعيوني ادور عليه ماكو ختفه من
كدام اعيوني

جريت محفضته وعفتهه يمي كلت يمكن يرجع
باوعت للمحفضه جانت جلد سوده

بس بطنهه هواي مستمسكات وفلوس عفتهه ما فتحتهه
مرت ساعه هيج ومحد اجه عليهه

رفعت شوفي وشفت اجه شخص مثل الي
يدور على شي وصل يمي وكال

"العفو عمو شفتي محفضه هنا واكعه

" محفضتك هيه

" اي محفضتي لعد محفضت جدي لونهه اسود
وبيهه فلوس ومستمسكاتي

"حجيت بكلبي هذا شبيه يحجي من وره خشمه
شلت المحفضه ورفعت راسي اله
قصدك هاي المحفضه مو

ضل بس صافن بوجهي ما حجه اي كلمه
عيونه فاتحهن على وسعهن

ضليت ماده ايدي اله وهوه حته ما رمش بعيونه
صحت بصوت ناصي

عمووو محفضتك استغربت جوابه

" احتررررك عمج بهل اليوم هذا

،" العفو شنو كلت

"هيج شنو اسمج انتي

" شمرت المحفضه عليه وتخذت اغرضي
ومشيت سريع
عفته وراي ودخلت بلزدحام حته اضيعه

مشيت لحد البيت او الخرابه الي اني كاعده بيهه هذا شبيه ومنو ليش هيج
ضل يباوع الي هذا بس من هذول الي البارحه شفتهم

صار اليل واني ميته خوف من موقف الي جنت بيه
سمعت صوت طكطكه وكلبي يطكطك وياهه
كلت خاف شخص لحكني لهل المكان

جانت دنيه ضلمه وعيني لسمه والنجوم تذكرت هذاك
الشخص حسيت ضل يمشي وراي
كلت يمكن هوه ضليت اقره ادعيه بكلبي

فتحت عيني حيل عيني شافت شخص
لابس اسود باسود خطف من يمي

كمت مفزوعه وشعري على وجهي
معقوله نفسهم رجعو عليه لو جني حسينه اجاني نص اليل

يمهه دخيلك ربي ضليت اصيح بصوت
منووو انتت منووو هناا

"هذا اني جنت لاحكج لا تخافيت

" منووو انت شتريد مني
شكوو لاحكني من لمن طلعت من
السوك انت تفتر وراي ادري بيييك

حاولت اسوي روحي قويه جنت اني فوك السطح يمي بوري نسيت اني بدون حجاب حته

صحت بقوه مسطنعه ولله اذا تقربت مني
اخلي دمك بطولك
شنو انت معندك خوات

" ههههه صايره قويه ولله

" تقرب عليه وهوه لابس اسود باسود وبس
عيونه النعسانه ورموشه مبيته
حجيت بكلبي عززا العزاني هذا منين طلعلي

اسمععع ولله اذا تقربت راح اخليك
تموووت

" شوفي شلون ضليت ارجف من الخوف

" تقرب مني لحد موصل يمي صار
بالي صباح

اسمعني ولله ان تقربت اكثر راح اقتلك
تره اني خريجت سجون
وعندي استعداد هسه اذبحك هنا

" ههههه لا اييي صح

" يمه كلبي رجف وهوه يتقرب عليه  بس لا صباح هذا منوو يربي راح اتخبل شنو صباح غير بلسجن شلت

البوري الي بيدي وركعته براسه وكع من طوله

وشفته كداميوكع من طوله   يررب عززا
دنكت عليه هزيته ما يكعد
حطيت ايدي جوه راسه ويدي صار بيدهه دم حار

لطمت خدي عززا يمه اني طلعت برائه
بلمره الاوله عززا هل السنه يسجنوني
باوعت دنيه ضلمه

ولك اكعد يمعود يربي دورت بجيوبه طلعت جهازه ردت ادك خاط رمز للجهاز

شغلت ضوه الجهاز وخرت الثام
من وجهه وضويت عليه
عززا هذا مو صباح يمه يربي كتلت الي نفس

صفنت بوجهه بيه اثر وحاجبه مطبور وشواربه ثخان ورموشه ثخان

امدا حضي هاي اني عبالي صباح
وين صباح ابو الوصخ وهل الحلو  هذا نفسه ابو محفضه اي هوه

اخذت جهازه ونزلت جوه

ضليت اكلب بلاغراض بس كون الكه شي
اشد راسه شي

صعدت فوك ركض لكيته بعده مدد
جان عندي شال رفعت راسه وشديت راسي حيل ضليت كاعده وباوع بوجهه

يربي مو حرام هل الشاب يموت خطيه ولله امه وخواته
مرته يمكن يربي شسويت بروحي اني
بس هوه الي راد يتعده عليه

  كتله وخر اكثر من مره وهوه الي تقدم عليه

طلع الصبح وهوه على وضعيته
رحت توضيت وجنت اصلي الصبح
كعدت ابجي

يربي دخليك مالي غيرك
اني حته ما اعرف هذا منين
شسوي اذا مات

منا لساعه اذا ما كعد اروح
للشرطه احسن شي
فزيت وطرت فرح من سمعت صوته من وراي

" ولله عمي صدك كيدهن عضيم هاي انتي الفقيره خليتي دمي بطولي وهسه تبجين

" الحمدد لله كلشي ما بيك
اني شعليه انتي الي جبرتني اضربك
والي يشوفك متوكع من ضربه

" كعدي كدامي اريد احجي وياج

"شنو تريد مني انت من البارحه لاحكني

" ما اريدج تشتغلين بعد

"العفو عمو انت شتريد مني من البارحه
وان جنت اشتغل لو لا فاني اشتغل بشرف
وما دخلك بشغلي

ابوي امي عمي خالي لا اعرفك ولاتعرفني
روح عمو الله وياك

" شنو رئيج تجين تشتغلين وبيتي

" فرحت بكلبي جنت اريد بس اطلع منا لان خفت حيل
بس بنفس الوقت ما اكدر امن باحد
العفو عمو ما اكدر جي لاي مكان عوفني بحالي

" اني بيتي قريب منا شنو رئيج تجين تشتغلين ببه وتضلين بيه
بس عليج تنضفينه اني مو دائما بيه.

هذا الشارع كلشي بيه يمكن اني ابن حلال
وطلعت بطريقج بس ما تعرفين باجر شنو
يصير

" بس عمو انت ليش تريد تساعدني

" انتي مبينه فقيره تعالي واذا معجبج
اوديج غير بيت بس لا تبقين بلشارع

" ما ادري

" هسه انتي مو خليتي دمي بطولي
تعالي وياي لبيتي وفي دينج لا اشتكي عليج والا تشتكين عليه

" ضليت صافنه اروح وياي لو لا
ما ادري طلعت من حلكي كلمت اي
بس اذا مرتاحيت اروح

" تمام يله تعالي وراي بس مو هم تركعيني بوري لو بطابوكه

" ههه لا مشيت وياه واني متردده
طلعنه من المكان الي اني بيه واني متردده امشي وياه

وصلنه لسيار وصعد باوعلي وكال

" يله اصعدي

" اي عمو صعدت بلسياره مشت السياره
مو بعيد ونزلنه يم بيت كلش حلو ومو جبير حيل اشر الي على البيت وكال

" تعالي هذا البيت طلعت المفتاح
فتحت البيت ودخلت ضلت واكفه بلباب
ادخلي بويه شبيج

" ها اي اجيت دخلت للبيت باوعت اله نضيف ويلمع اشر الي على غرفه وكال

" بويه غرفتج هناك اخذي راحتج اني بليل اجي

" شكرا الك عمو فوك ما اني ردت اموتك انت تساعدني

" ههههه عمو بسيطه تمونين

" ضليت اباوع اله مستغربه منو هل الشخص
هذا يربي طلع من البيت وبس
طوله وجتافه كبار وصل يم الباب ودار علي

" عيونج عمو هههه

" استحيت حيل ركضت للغرفه
وسديت الباب سمعت صوت الباب انسد
يعني راح رجعت طلعت من الغرفه

باوعت للبيت ميحتج تنضيف
جنت وجوعانه استحيت افتح الثلاج واكل
ضليت كاعده بلصاله وحجاب على راسي

مرت الساعات واني ميته جوع
صليت الضهر واجه اليل صليت

حسيت بعد ما بيه راح اطيح من الجوع
سمعت صوت الباب انفتح عدلت حجابي

"ها بويه بعدج كاعده

" اي كاعده شنو هاي
جان لازم بيده علاليك هواي

" هذني الج شغلات وملابس حته ميحتاج اطلعين من البيت

" عمو ميحتاج ولله وشكرا الك كعدتني بيتك
ونوب جايب شغلات وهدوم

" اشش هذني اعتبريهن اول راتب
الج اشو باوعيلي

" ها

"ارفعي راسج

" رفعت راسي ها عمو

" ليش ما ماكله شي

"لا عمو اكلت الحمد الله

" ادري بيهه ما ماكله رحت للمطبخ  حضرت اكل وجيت كعدت يمهه
يله تعالي اكلي

" شبعانه ولله ميحتاج

" دكعدين لو شلون لا تشلعين كلبي

" نت ميته جوع مصدكت كعدت
وبديت اكل لحد مشبعت باوعلي وكال

" ماكله مو صدك بويه شنو اسمج

" اسمي جلنار وانت

" اسمج حلو

" انت شنو اسمك

" مو مهم اني ما ابات بليت
هل ال 10 ايام لا طعلين من البيت

واي شي تحتاجين موجود بلبيت
ومثل مكتلج البيت ببتج

"شكرا الك عمو بس اشلون راح تعوفني بلبيت
وحدي
" ليش انتي مو طول عمرج عايشه وحدج

" ي صح قصدي اشلون تامن بيه واني بيتك

" ما يحتاج بويه اني اعرفج من انتي بطول جف ايدي

جلنار" حجه هل الكلمه وطلع ضليت فاتحه حلكي ومحتاره
لحكته ملكيته شنو قصده يعرفني

منو هل الشخص يربي المشكله لا اكدر اطلع وراه دنيه اليل وضلمه

اخذت الغراض وديتهن للغرفه فتحت الاغراض اي كل شي احتياجات
تعجبت حته مقاسي

خليت الاغراض بلكنتور وضليت اروح وارجع
بلبيت نمت وهيج كضيت ايامي
انام واكعد ومتانيه خبر منه لو يجي

اني وحدي بهل البيت ومقفول عليه
ما ادري وين راح مات عدل خلصت المده الي كال اجي بيهه وجنت

منضفه البيت وكاعده بلحديقه
جانت دنيه العصر على غروب انفتح الباب
باوعت عليه هوه

بس مجان لابس مدني  جان لابس ملابس كلهن اسود باسود  وبيهن3نجمات على كتفه  وشفقه وجنطه سوده

باوعت اله وضليت ارجف وضاع الكلام مني
جنت ناويه احجي وياه واكله شنو قصده بيعرفني

معقوله الشخص الي ضربته وجان مات هوه بلجيش عزززا العزاني هذا بس لا يريد ينتقم مني

رحت اركض جوه واني خايفه عافني هنا
كل هل المده حته ينتقم مني من يرجع
لازم اطلع من هل البيت

ركضت للغرفه حطيت كم قطعه بعلاكه
وحطيت على راسي وطلعت اركض بدون ما انتبه

جان كاعد بلصاله وحاط رجل على رجل ويدخن كال بصوت خشن

" وين رايحه يحلوه بعد وكت تعالي....

______

يتبع...

لهنا وينتهي البارت اتمنه تصويتاتكم وتعليقاتكم
والبارت ادري قصير لان 1900

باجر ينزل البارت الاخير

🥺💕