رواية جريمه مخطط لها (طفلة النقيب) الفصل السادس عشر 16 - بقلم زينب العلي

انا بيه حزن يترس فطور الكاع
ونواعير العيون تصير من تدمع
وبيه بالكلب شوف شكثر ونات
يذوب الصخر كونه بونتي يسمع
وانه فوك المتون محمل هموم
الجبل لو شالها من الكاع اظن يقلع
لاتغرك ضحكتي من اضحك وياك
الجمر محروك وكبالك يظل يلمع
خلص عمري بغرب يم اليكرهون
ومااظن العمر لو راح هم يرجع

___

هلوحبايب لا تنسون التصويت والتعليق على الفقرات

#طفلة النقيب

بقلم زينب العلي

____

عافاني وطلع اجه رامي والدمعه بعينه فتح اديه
رحت للقران الي نشك وكل ورقه بصفحه شلته من الكاع
ولملمت الاوراق وحطيته بمكانه

اجيت كعدت يم شعري وضليت ابجي بحركه رفعت ايدي الزم شعري الي صار لا هوه لحد جتفي لا هوه لحد ضهري ليمته كله وحطيته بعلاكه

مالت هدايه وكعدت ابجي من كل كلبي رحت ضميته بلكنتور كعدت اكبال المرايه وكعدت ابجي

دخلت عليه مامه انتصار شافت شعري
ضلت دعيي عليه وتتحسب وتمسح بدموعي باوعت لعيوني و كالت

" ما بيدنه شي جان لازم يجي هل اليوم الله يموته ونفك منه

" ركزت كلامهه مسحت اعيوني مامه انتي حته مساعه كلتي هيج ليش اني مكتوب اتزوج هيج واحد شنو يعني
اله اتزوج صباح؟

"يا يمه ابوج جابج لهذا البيت وهل المنطقه لخاطر هل الشي صباح يطلب ابوج هواي فلوس وجان يداين من عنده ومن كله عندي بنيه بس تكبر اشوي انطيك اياهه

صباح من شاف وافق وبوج كله هاي الك وضل ياخذ افلوس اكثروضل كل مده يطي ابوج فلوس ويجينه للبيت

وجان لا بد يجي هل اليوم ومره تحاجو هنا بلبيت من صار عمرج 11 وكاله اله تنطين الياهه وابوج مقبل وكله بس تخلف بوعدك اقتلك وابوج كله بس تكبر شوي انطيهه الك

" بس مامه اني شنو ذنبي اني خلصت من هذاك البيت وتعذيب امي وهسه
ابوي يطلع بايعني هوه الي اخذ فلوس خليه هوه يبتلي يرجعهن انننني لييش اكوون ضحيت هل الشي

شنووووو ذذنبي ماما انتصار يعني راح اتزوج مجرم
وسكير وما يعرف الله اشلللون اتزوجه وقبل لا تموت كلتلي هوه الي قتلني ودفعني من فوك

" شنسوي يا يمه ما بيدنه شي هاي حكم القوي على الضعيف لو بيدي اشردج من البيت بس تعرفين ابوج شيسوي بيه وباخوانج

" بس كليلي اشلون راح اكدر اتعايش ويه واحد مجرم

" يمه صح انتي راح تزوجين بس حاول تجنبيهم
وخلي بالج يم البنات خطيه ما الهن احد
باجر الصبح راح اخذج لوحده تعدلج ابوج انطاني افلوس

وكال باجر ب 6 كون انتي جاهزه

" يعني بهل السرعه ابوي قرر يبيعني ليش اني مو بنته من لحمه ودمه ليش حته الغريب يحن كلبه عليه اكثر منهم

" شسوي يا يمه شبيدي عليج هسه كومي نامي الج ساعه

" كامت مامه انتصار واني كتبت بلدفتر
وكعدت ابجي لصبح اجه بالي هذاك الي شفته بلقسم
كلت اخابره يمكن راح يكدر يساعدني رحت جبت تليفون مامه انتصار

ودكيت عليه مره مرتين عشره محد يجاوب واخر شي
طلع مغلق كعدت ابجي من كل كلبي
يربي شسوي ساعدني وريني بيهم يوم

يربي ساعدني مالي غيرك ليش هل الشخص مو هون انطاني رقمه ليش ماكو من كد ما ضليت ادك عليه حفضت رقمه

طلع الصبح وصوت الاذان حيل بعيد من المناطق الي ورانه كمت توضيت وصليت
والصبح امي اخذتني واخوتي اخذهم ابوي

مدري وين خفت عليهم خفت يسوي شي بيهم اخذتني
عود مثل الصالون عدلت الي حواجبي وهوه جان
جايب مثل الفستان القصير

ابيض وشعري عافته. مثل ما هوه بس سرحتهه وعدلت الكصه مالته
وكحله وحمره كلشي ما خلت الي

لبسني كعب حته عود اصير طويله
ب 5 تقريبا رجعت للبيت بيت ابوي عشتو ابوي الي باعني لواحد مجرم

جنه كاعدين اني وامامه انتصار ووحسينه واثنين نسوان من اقاربهم بس الجوارين من يمهم محد ومن يمنه بس فوزيه

جنت اباوع يمين وشمال اخواني ماكو معقوله ابوي سوه بيهم شي كلبي ضل يلعب وخفت حيل ربع ساعه وندك الباب
فتحت اعيوني مصدومه واني اشوف

امي واخواتي ورامي وحسن وحسين وياهم طفل
يجي اشوي اصغر من احسين

دخلت امي وخواتي يهلهلن وكل وحده وياهه طفلين لو تلاثه استغربت حته معرفتهن كبرانات
ههه اهلي الي مسالو عليه يوم هسه

امي وخواتي جايات يهلهلن وفرحانات
امي الي شمرتني عد مرت الابو الي احسن منهه واخواتي الي ما يوم كالن اختنه هسه اشوفهن يهلهلن وفرحانات

باوعت لمامه انتصار اشرت الي انو اضل كاعده بمكاني

ضليت كاعده بمكاني وما كمت اجن سلمن عليه حالهن حال الغرب وامي اصلا ما اجت سلمت واكفه بعيد شوي
وتباوعلي من فوك ليجوه

شوي وامي اشرت الهن وهنه اخذني للغرفه وكعدن يعلمن بيه على الزواج ضليت ابجي وهنه يضحكن
ويكولن راح تاخذين واحد غني شفايتلج

باوعت الهن كل همجن الفلوس هذا تفكيرجن كالت وحده منهن

"ههههه لو اني ما مزوجه جان ازوجته

" كل ضنهن اني مثلهن اني اتمنه اموت ولا اصير بله الموقف ولا ازوج واحد مجرم صارت

ب 6 تقريبا وطلعوني اني وجنطه وياي
عفت الاشياء الي احتاجهن لان همه جايبين اغراض يمكن

اخذوني من البيت واني عليه مثل الجادر الابيض اخذوني مشي لبيت صباح
كدام الجوارين كلهم

وصلنه لبيتهم وجانو عايفين كراسي بلحديقه
وحسينه جايبه فرقت طبل وصباح وحسينه يركصون
واخواتي الي لابسات مشلتح وشعرهن طالع

باوعت الهم واني مقهوره حيل ودي اطم روحي
واخواتي الي يتمركصن
حيل انقهرت عليهن ليش هيج سوون برواحهن

صباح يكل لحسينه خلي الجوارين كلهه تسمع اني غسلت عاري وجبت الي مره جديده مثل الملاك

اجه شيخ مدري شنو وعقد النه
جان اكو ميز بلحديقه وعليه اكل وبطاله ***
اني شايفتهن جان يشرب منهن

راح هوه يم الميز وكعد يشرب ويشرب والكل يباوع
اخر شي تقرب من عنده خاله الجبير ومدري شنو حجه وياه وكف شرب

امه مخليه صوت الطبل عالي حته محد يسمع
اجه تقرب مني وكدام الكل لزمني من ايدي وخصري وضل يفر بيه ويريدني اركص وياه دفعته عني حيل

ورجع راد يلزمني مره ثانيه
اجه خاله وبعده عني عفت الكل وركضت
لغرفت البنات

وقفلتهه عليه ضليت ابجي وابجي
واتخيل ضحى بكل مكان للحضه حسدتهه لان ماتت
وخلصت من عندهه ربي يعوضج الجنه

مرت دقايق وندك الباب صحت بدموع
منووو

" اني حسينه افتحي الباب

"كمت فتحت الباب وباوعت الهه
خير شتردين

" كومي اصعدي لغرفتج وبسج عياره

" راح اصعد بس اذا صار شي اني مقابله عنه صدكيني افضحكم بلمنطقه

" وشنو تكدرين تسوين تهدديني يعني

" تره اني شفت محد اجه من الجوارين اكدر بساطه اصرخ والم العالم كله عليكم وانتو

تردون اطمون سالفت ضحى واذا اني هم صار بيه شي فراح تثبت التهمه على ابنج وراح تخيسون بلسجن
لان انتي هم سكتي على ابنج

" ولي اصعدي فوك

" هههه حاضر عفتهه وصعدت فوك للغرفه
الغرفه مبدلينهه لكيت جنطتي بيهه طلعت تراك ولبسته
مرت دقايق وندك الباب خفيف

محجيت اندك مره ثانيه وهوه يكول

" يله افتحي الباب حبيبج اجه يمج

جلنار " شتررريد روح منا ما افتح الباب ولله
رووح

صباح "لا تخليني هسه اكسر الباب على راسج
افتحي الباب انتي صرتي مرتي بعد سمممعتي ابوج
انطاج الي اففففتحي هل ال****

جلنار" كتلك ما افتح الباب ولله وشسوي سوي
دفر الباب حيل برجله وضل يصيح

" للج افتحي الباب ياا حقيره لا تخليني هسه اكسر الباب ولله

"ضليت ساكت محجيت ضل يرفس بلباب
عبالك ثور اجت امه سمعته مدري شنو تحجي وياه اخذته وراحت

ضليت كاعده بمكاني لحد الساعه
ب 4 صوت الاذان بعيد حيل

كمت دخلت للحمام سبحت وكل ما اشوف شعري اكعد ابجي
طلعت من الحمام لبست تراك وكعدت اصلي

رجع اندك الباب خفيف سويت روحي ما اسمع قررت
من هذا اليوم اكون قويه وما اسكت لان هذول مينعاش وياهم كمت للفراش واني مقرره من باجر راح

اتغير وما ابقه بهذا الضعف نمت
كعدت الصبح ب 11 باوعت للساعه
كمت لبست تراك ونزلت

البيت هدوء يمكن محد بلبيت رحت على غرفه البنات دورت عليهن ماكو وين ودوهن يربي معقوله سوالهن شي

اجيت يم غرفت حسينه دكيت الباب الباب قوي

"وججججع وللج شبببيج يصفيره

" افتحححي البااب البنااات وين
اجت فتحت الباب ورجعت سدت الباب بقوه

حسينه " نععععم شنوووو تررردين

جلنار " احجي كرردي كلت البنات وين وديتيهن
لليش ماكو بلبيت

حسينه" اخذهم اخوي يمهم البارحه ضلن يبجن شترردين بعد

جلنار " خليه يجيبهم هسه خاابرريه

حسينه" واحنه نشتغل بكيفج يلصفيره

جلنار" اي بكيفي اريدهن هسه خابرري خل يجيبهن البنات ما انطيهن لاحد مسؤليت هنه
عفتهه ورحت للمطبخ ولله اذا مخبلتج انتي وابنج ما اطلع اسمي جلنار

اكلت لكمه وصعدت بغرفتي سديت الباب
من بعدهه مامه انتصار لا خابرت ولا اجت
ما ادري شنو صار معقوله ابوي منعهه بس كلشي اتوقع

ضجت حيل اهلي اتخلو عني فعلا الي ميعيش
ويعتمد على نفسه راح ينوكل بهل الدنيه

جنت عبالي مامه انتصار مراح تعوفني بس هيه هم عافتني ابوي منعهه لو لان حجيت على احمد يرربي

العصر رجعو البنات يمي قررت اهتم بيهن محد الهن غير الله واني لان حسينه وصباح كلشي ما نترجه منهم

مر كم يوم وحياتنه هادئه صباح ما يحجي ويانه رجع لغرفته واني نقلت كلشي يم البنات

حسينه ملتهيه بشغلهه وتخاف اذا يصيرلي شي لان اي شي يصير عليه راح تثبت التهمه على صباح كل يوميه العصر اشوفه لازمته وتحجي وياه

جنه اني والبنات بلغرفه وجاي العب وياهم
بدن يفتهمن وتعودن عليه

انفتح الباب ودخل صباح بيده علاكه مالت هدايه
اجه كعد يمنه اني والبنات وحط
العلاكه يمي البنات صارن وراي

مدري ليش هيج حيل يخافن منه بلرغم هون ما متقرب الهن وهنه صغار بعدهن

صباح"هاي الج انتي والبنات

جلنار"شكرا ميحتاج تعبت روحك

صباح "شوفيهه انطيهن للبنات

جلنار" فتحت الهدايه جانن ملاعيب وشغلات للبنات فرحت حيل بيهن لان شفت البنات اجن على الملاعيب وبوجوهن بسمه وضحكه

فتحت العلاكه الثانيه لكيت باكيت ابيض

فتحته لكيت جهاز جان اسمه j5مكتوب
فرحت حيل واجت خطه بالي
قررت انفذهه هيه لو بلهدف لو بلنجف

باوعلي وكال ها عجبج باوعت اله بس اني ما اعرف استخدمه

"اني اعلمج عليه جيبيه

" انطيته الجهاز وسوه حساب وبده يعلمني عليه وحط
بيه سيم كارت باوعلي وكال

" ها عرفتي لو بعدج

" اي عرفت شكرا اخذت الجهاوز وكمت من يمه
صار اليل وكلت البنات ونومتهن طلعت لصاله لكيت
حسينه وصباح كاعدين ردت ارجع للغرفه صاحت حسينه

"تعاللي اكعدي يمنه شوي اريد احاجيج

" ها شنو تردين

" تعاااي اكعدي

" اريد انام شنو تردين

" انتي لشوكت تضلين تنامين بغرفت البنات
لازم تصعدين لغرفتج وتنامين ويه رجلج

" لو تنزل ايه من السمه ما انام ويه واحد مجرم ويشرب حبوب حجيت هيج راد يكوم لزمته من ايده
عفتهه ودخلت للغرفه

كعدت الصبح لكيتهه مبدله ولابسيه عبايتهه
واكفه يم باب الغرفه شافتني وكالت

" يله حضري البنات اريد اخذهن وياي

" وين رايحات وعايفتني وحدي

،" راح اطلعهن شوي واخوي عازمني بليل نرجع

" واني تعرفيني وحدي بهل البيت المسحور

" نجبي عاد ولي جيبيهن

" رحد كعدت البنات وبدلت الهن اول شي مقبلن يرحن
وضلن يبجن بعدين نطتهن فلوس وراحن وياهه
ضليت افتر بلبيت وحدي ومحاره شسوي

رحت طلعت الجهاز وضليت اكلب بيه
رحت على القران فتحته ولكيت الرقم الي انطاني اياه
ضليت اباوع بيه ورجعته يمكن احتاجه باي وقت اذا ما مبدل رقمه

رحت سويت لكمه وكعدت اكل لان جنت جوعانه
سمعت بجي ونين من الغرفه الي فوك استغربت
عفت الاكل وصعدت فوك

الصوت جاي من غرفت صباح
باوعت جان الباب شوي مفتوح جان كاعد بلكاع ويضرب راسه بلحايط

ويصيح مو اني الي كتلتج استغربت حالته
مدري شنو الي دفعني حته افتح الباب

اول شي عبالي شارب بس من حجه لا مبين واعي

" جلنار موو انيي الي كتلتهه مو اني كااافي تكولين
عني مجرم

" ضليت واكفه بمكاني واباوع اله تجمعن الدموع بطرف عيني بس هيه كالت انت دفعتهه

" لاا وروح ابووي صح جنت اشرب بس بيومهه هيه
جانت واكفه يم الدرج واني جنت فوك هيه
وكعت

"اني شفتك واكف ومتحركتابد جان تكدر تسعفهه للمستشفه بسرعه
ضل يبجي ويكول

" جنت مصدوم اني احبهه اشلون هيج اسوي
ومن ماتت انتي اجيتي احبج
بس بعد لا تكولين مجررم انييي ما كتلللت احدد

" باوعت اله ما اكدر اصدك اني جنت شاهده على صريخه كل يوم وضربه الهه

" جلنار كافي اني تعبت وقررت اتوب وما اخذ شي بعد وانتي راح تشوفيني شكد تغيرت

" الله يصلح الجميع الله يقبل التوبه
عفته ونزلت عقلي يكلي لا تصدكينه وگلبي يكلي يمكن
صدك ماله ذنب وهيه وكعت بس

ليش كالت هوه دفعني استغفرة ربي
ونزلت جوه صليت ركعتين ودعيت الله يدليني على الطريق الصح

العصر رجعت حسينه والبنات وحسينه جايبه
اغراض وكل شوي وكالت الي حبيبتي ويمه
اني حسينه ما ارتاح الهه ابد

تقريبا هنا مر 6 اشهر واني كبرت سنه واني ويه البنات
ماكو شي هدوء بكل مكان صباح تغير
صرت ما اشوفه يشرب بس كلبي ما مرتاح

لان بليل يبات مره حسينه مره تصير زينه مره لا
جنت نايمه بليل وكعدت عطشانه
كمت حته اشرب ماي لكيته

مخلص فتحت الباب شفت حسينه وصباح كعدين
ويحجون استغربت ركضت للموبايل شفتهه الساعه ب 2

عفت الباب مفتوح شوي حته اسمع شنو صاير

صباح" يمه كل الي كلتيلي عليه سويته
بس هاي ما مقتنعه اني عود تغيرت

حسينه" لو اعرف شعاجبك بهذيج الصفيره

صباح" يمه رحمه لهلج باجر اريده اخذي البنات الصبح
وروحي

حسينه" اشلون اروحن واذا تخبلت
هم وكتلتهه مثل ضحى وابوك......

_____

يتبع....

ان شاالله عجبكم البارت

شنو تتوقعون راح يصير ويه ابطالنه بلبارت الجاي

ولا تنسون التصويت والتعليقات

🥺💕