الشوگ دولة بلا حرس
يحكمها شي اسمة العشگ
السفر الها أكبر صعب
لازم جوازك من ورد
لازم إحساسك مو خشن
و بصمات ايدك تنفحص
كون انت ما كاطع غصن
___
هلو قلبوشاتي لا تنسون التصويت والتعليقات على الفقرات حته نستمر
#طفلة النقيب
بقلم زينب العلي
___
سيف " حاضر سيددي جايين هسه هذا يمي
ليث " ياهو اليمك غير نفتهم
سيف " غضنفر طالبينه للمركز بسرعه
ليث " واني
سيف " مو يمك السالفه حاليا
غضنفر " خير شصاير
سيف " علمي علمك
غضنفر " رحنه اني وسيف على المركز واجتنه قضيه
سلموهه لسيف ولامر كال لازم اني هم موجود
رحت اني وياه وكم واحد
اني بطبعي اي مكان اطلع اله اتنكب ما احب اطلع وجهي
اجينه على المستشفى اني وسيف لتقينه بلدكتور
وكال النه هاي حالت قتل لان الضحيله بيه
هواي علامات تدل على هل الشي ومضروبه براسهه
اخذنه التقارير ومن اجينه على الي جايين على البنيه ضليت واكف بمكاني رجليه مكدرت احركهن واني اشوف نفس هل البنيه واكفه وتروح
وترجع وهدومهه بيهن دم ويمهه عجوز مدكدكه وبس
عوزهن عود شخاط وينفجرن
اني ضليت واكف بعيد استغربت وضعهه معقولهه هذول اهلهه اتقدم سيف يسال من سمعت البنيه انو هيه ماتت نهارت وكعت بلكاع اجت الممرضه
رادو يشيلونهه كتلهه اني اشيلهه جانت ناعمه وصغيره حليل وسيف اخذ العجوز وراحو للمركزكتلهبس تكعد اني اجي وراك واجيبهه وياي
ضليت اباوع الهه ولاديهه الناعمه الي كلهن دم وجهه اصفر وبيهه نمش قليل اتذكرت اختي اني ما اتذكر منهه هواي ودموعي بدن يصبن وحدهن
نفيت من بالي فكرت انو هاي نفسهه بطه لان اني شايف اخواتهه وامهه هاي البنيه يمكن اختهه
ضليت صافن بيهه لحد مكعدت ركزت بيهه
فتحت اعيونهه ضلت تباوع بلغرفه وبس ادموعهه يصبن تقربت عليهه وما بدر منهه اي ردت فعل
"يله بنيتي كومي لازم نروح وتقدمين افادتج
لازم تحجين شنو صار
هزت راسهه رادت اتكوم بس ختل توازنهه لزمتهه من ايدهه ومشينه لحد السياره كلبي عصرني عليهه شنو ذنبهه هل الطفله هيج يصير وياهه
بعدين اخذتهه للمركز وسيف الي حقق وياهه
رجع لكلبي الشك من عرفت الي ميته مو اختهه
انطيتهه رقمي كلت يمكن تتواصل وياي
رحت يم بيتهم بس مشفتهه طلعت بعد
مرن تقريبا كم يوم خابرت ليث
ليث" ها بذات وينك
غضنفر "وين انته
ليث" تعال يمي للبيت راح يجي سيف وعازمك على العشه
غضنفر " يله مسافت الطريق وجايك
رحت على بيت ليث ولكيت فعلا سيف موجود
كعدنه نسولف كل احنه
ليث "اوو باجر دوام مالي خلك
سيف" اني همزين عندي يومين عطله
غضنفر" تره دوامنه ميتعب بس انتو مصعبينهه
اكلك سيف
سيف " ها كول
غضنفر "شصار على هل العار الي لازم قضيته طلعوه كفاله مو
ليث" ياهو
سيف" اي طلع اسكتلك هذا واحد عار لوالزم عليه دليل اله اخيسه بلسجن
ليث "ليش شمسويلك
سيف" يا اخي شكله ما يطمن لو امهه الي مدكدكه وجنهه سحارهه نوب من منطقه****
ليث"هههههه شبيك محمل عليهم ضاهر عائله ****
سيف"لا حرام اجت واياهه وحده تشك المطي
نوب شكلهه فد طفولي وبريء
غضنفر " كاافي عاد سدو الموضوع
ليث" هااا الضاهر اكو مطي نشك احجي سيف بربك معليك بيه
غضنفر" لليييث
سيف "ولك هيه شكلهه صغيره بس عيونهه يخلسن
ليث" اشلون شبيهن
سيف " عين خضره وعين صفره مدري جوزي وبيهه نمش قليل
غضنفر "اني رايح تصبحون على خير
ليث" دقيقه دقيقه شنو كلت سيف شووكت هل الحجي سولفلي
غضنفر " واانت شبيك انرعصت من مكانك تعرفهه
ليث"انجب عاد اسكت واكعد بمكانك شبيك اعصاب خلينه نفتهم احجي سيف
سيف " عيونهه تك وتك وبيهه نمش خفيف حليوه وجهه جنهه كزازه صافي حيل بس وجهه اصفر عبالك متاكل يجي عمرهه 12 سنه ولا تشبهه العجوز ولا تشبهه ابنهه
غضنفر " كااافي شنووو اليوم نحجي بسيرت طفله
اذا مسديتو الموضوع رايح اني شلززكتوو متكلولي
سيف"وين يمعود اكعد سدينه الموضوع اني رايح اجيب
جكاير شتردون وببسي شتردون
ليث "وياك حبشكلات ولو تتاخر اشوي احسن
سيف" بينكم اسرار ما تردوني اعرفهه مو
غضنفر " نجب شنو بينه قابل شكو ليث احجي
ليث"موضوع خاص بس هدي اشوي سيف مثل مكتلك
سيف "هههه صارت موضوع خاص خليني اروح احسن
احجو ابسرعه
ليث" نجب يله كدامي
غضنفر "طلع سيف وليث يباوعلي ويكلب بعيونه خير ليث قلقتني شبيك وبعدين من ليمته انت ادخن
ليث" ادخن مو مشكله بس انت تعرف البنيه الي جانت بلتحقيق يعني تعرفهه قبل
غضنفر " لااا ما اعررفهههه رجعنه على نفس السالفه
شلوون اليوم اتريدني اروح يعني
ليث " اني ما متاكد اذا هيه نفسهه لو لا
غضنفر "ياهي تقصد انت وانته وين تعرفهه مجنت بيوم التحقيق موجود اجازتك؟
ليث" تذكر بيوم موتت ابوك ونقلناك للمستشفه بيوم الي تصاوبت بيه
غضنفر" اي اذكر هذاك اليوم مستحيل انساه
ليث " بيومهه شفت بنيه عمرهه 12 سنه نايمه بحديقه المستشفى ومن كعدتهه وحجينه شوي
بعدين من كلت اسمك بسرعه كالت غضنفر عبدالله
استغربت وين تعرفك ضلت بس تبجي واجتك للغرفه وطلعت اعيونهه حمر وعبالك مكتوله
غضنفر " حجيت بكلبي لاا يررربي مو معقوله هيه
مااتوقع شنو صاير بيهه هيج متغير لاا
وبعد شنو كالت الك يعني تعرفني شمدريك هيه نفسهه البنيه الي اجت بلتحقيق ليش مكتلي بوكتهه
ليث " ولله راحت من بالي وكل الي عرفته هيه تعرفك قبل وكالت هوه يسميني بطه بس امهه جانت بلمستشفى واني الصبح اخذتهه لمنطقه***
بس شوداهه على منطقه *** يمكن هيه لو مو هيه بس من حجه سيف اتذكرتهه
غضنفر " اخذت سويج السياره وقررت اروح الهه
ما اعرف شنو صار وياهه واني وعدتهه احميهه
ومنو هذول الناس الي جان وياهم شنو حالهه هسه يربي
ليث "وين يمعود دنيه نص اليل
غضنفر" لله يلعنك ليث يعني اله هسه تكلي
ما عرفت تحجي من اول يوم متعرف اني صارلي شكد ادور عليهه
ليث" يعني صدك تعرفهه سولفلي
غضنفر "دولي مني شسولف خليني اروح بعدين اسولف
ليث" عافاني وطلع اجه سيف كتله راح خابرو عليه
شوي وراح سيف جنت لابس تراك رصاصي وشعري مخربط نعست والمكان هوسه
كلت الصبح اشيل الماعين استوني ردت اغفه
واندك الباب ابقوه
ضليت ادردم بيني وبين روحي
عبالي سيف ضليت اغلط عليه
وصلت للباب حجيت بنعاس منوو
درة " لييث الحك عللليه الله يييخليك
ليث " سمعت صوتهه تبجي استغربت هايام السان
فتحت الباب خير درة اشبيج
درة " الحك فدوه جيب اسويج السياره امي اتخربطت ما اعرف شسوي
ليث" جانت بدون حجاب ولابسه تراك ودموعهه عشره. عشره صح مو وكته بس مو مال اخذهه هيج
درووحي غيررري هدومج البسي شي مستور لحد ما اجيب اسويج السياره
ما عارضتني ابد راحت تركض
دخلت جبت اسويج السياره وقفلت لبيت
اجيت عليهم لكيتهه لابسه صايه فوك هدومهه وحجاب وعايفه عبايه على امهه
شلت امهه حجيت بكلبي همزين امهه ضعيفه وتنشال كتلهه تقفل الباب مالهم عفتهه وره وحركت السياره
كعدت وره يم امهه وبس تبجي كلبي وجعني عليهه
لان بس هيه وامهه ولو امهه راحت تضيع هل البنيه
وصلنه للمستشفى واخذوهه لطوارء
وبعدين للعنايه وبس كالو النه مضروبه جلطه
كسرت خاطري حيل من شفتهه نايمه يم الباب ودموعهه بعيونهه جا شكد مكسوره
تقربت منهه وهزيتهه كتفهه على كيف دررة درة
درة "ها مامه
ليث" دررة كومي اصحي تعالي اوصلج للبيت
درة" فتحت اعيوني شفت ليث كبالي يعني الي شفته مو حلم صدك امي بلمستشفى ضليت ابجي بدون صوت
ما رديت عليه
راح جابلي ماي شربت اشوي وكعدت على الكرسي
ضليت ادعي ربي بس كون الله يخليهه الي
طلع الدكتور ركضت عليه
دكتووور الله يخليك اريد اشوف امي
الدكتور "شنو تقربين الهه انتي
" هذا صدك غبي جاي اكله امي يكلي شنو تقربين الهه استغفرت ربي اني بتهه دكتور اكدر اشوفهه
الدكتور " وينه ليث
ليث"اني دكتور خير
الدكتور " المريضه تريد تشوفك
درة"بسس انني بتتتهه ارريد اشوف اميي حرام عليكم
الدكتور "اذا ضليتي هيج مراح اندخلج الهه هدي اشوي
وراح ادخلين وراه بس ممنوع اتعبين المريضه
ليث" استغربت شنو تريد مني دخلت الهه لكيتهه حيل تعبانه اجيت كعدت يمهه
ها خاله امريني محتاجه شي حجت لاكن بصعوبه
"خا خاله ليث انت صار ال الك هنا بل. بلمنطقه هواي
وما يوو م سمعنه عنك شي مو زين
واني اعتبرتك ابني
ليث" يروحي خاله لا تحجين هيج
"خاله اذا انطيتك امانه اريدك تضمهه برمش عينه وتحافض عليهه
" كولي خاله
"خاله اني ما بقالي هواي من هل الدنيه
امانتي وصيتي الك هيه درة يمه ديربالك عليه
لا تخلي عمامهه ياخذونهه صارلي سنين احارب لخاطرهه
" انشالله ما تحتاجني انتي موجوده لاتحجين هيج
" يمه هاي وصيتي الك
" كولي يا الله خاله
"اريد اشوفهه ققبل ما اموت
ليث" طلعت من الغرفه مخنوك اتذكرت امي اول
مطلعت اجتني تركض ودموعه يصبن كتله تريد تشوفج
دخلت تركض كعدت بلحديقه الي بره شلون يربي هاي لو راحت امهه تسودن اشلون بيه شسوي
يربي طول عمرهه لخاطر بتهه
رن جهازي باوعت الاسم غضنفر
شريد بهل الساعه راح تصير ب 2
رفعت الخط هاا رجعت للبيت
"العفو صاحب هل الجهاز اخر واحد متصل بيه هوه انته
" منووو انتتته ووين صاحب هل الجهاز
" للاسف صاحب هل الجهاز سوه حادث ....
_____
" حضري روحج السبوع الجاي عرسج انتي وصباح
جلنار" للحضه حسيت مسمعت عدل ابوي من كل عقله يريد يزوجني لواحد كتل مرته وقبل كم يوم طالع من السجن حجيت برفض
بابه صدك انت تريد اتزوجني لواحد مجرم مستحيل اقبل
اني ويني وين الزواج كل عمري 12 مدري13 سنه
صدك تحجي انته
انتصار " انت شنو تحجي من قبل كتلك هل الفكره شيلهه من راسك مو هسه داخل سجن وكاتل مرته
انته تريد تدفن بنتك وهيه بعدهي عايشه
"غير لكه وياهه واحد وكتلهه وانتي تزوجين غصبن عنج
هاي اني اخذت امج عمرهه 13
انتصار" كااافي عاااد حررام عليك لا تصير مثله
الببببنيه اشررف منك ومنهه لييش تحجون بعرض مره ميته
جلنار " من حجت هيج كام ابوي لزمهه من ايدهه ويعت
بيهه لباب الغرفه شمرهه بلغرفه هيه والجهال
قفل الباب واجه كعد على الكرويته واني جنت واكفه
ضلت مامه انتصار اتصيح جاوبهه بصوت عالي
" اذا طلع منج حرف واحد صدكيني اذبحهه هنا وكدام اعيونج بعد
" انقطع صوتهه خافت عليه لان ابوي متخبل فد مره ضل يباوعي وحجه مره ثانيه
"شنو كلتي ست جلنار
" اني ما اريد اتزوج صباح حته لو ذبحتني
"ههههه ليش هوه بكيفج بويه وبعدين انتي اول ما
اجيتي لهل البيت صرتي اله بس انتضرج تكربين
" بابه اني ما اريد ازوج اني بعدني صغيره
" اسمعي لج مو بعد اسبوع باجر الزواج فهمتي
" ما اتزوج ولا ارجع لهذاك البيت
حجيت بصياح محسيت بس ابوي واكف كبالي
لزمني من شعري ولفاه على ايده
ضليت اصرخ كلشي ولا هل الشعر احبه
جراني من شعري للغرفه شمرني بلغرفه وسد الباب
ضحكت كلت ميخالف همزين مكتلني
جنت حاطه ايدي على شعري من الوجع
لان حيته تكطع باوعت شفت القران مدري رحت
ركضت جبت القران ولزمته بثنين اديه ودموعي يصبن
وادعي ربي يخلصني من هل المشكله مرت دقايق
يمكن وندفر الباب ابوي لازم بيده مقص وسجينه
وباكيت جكاير ومكينه مالت زيان
باوعتلهن وبجيت معقوله الي راح يسويه صارت الافكار تاخذني وتجيبني لا يربي دخيلك جنت لازمه القران بحيث حسيته راح ينشك بيدي
شمرهن كدامي وكال بضحكه
" هههههه يله ست جلنار شوفيني اشلون مراح تقبلين
منو الي يمشي كلمته اني لو انتي
" حجيت من بين ادموعي لو تموتني ما اقبل تقرب عليه جنت لازمه القران بثنين اديه
اخذ القران من ايدي ونشك بيده وشمره بلكاع
وصار بعيد عني واني اشوف اوراقه كل وررقه صارت بجهه
تخبلت ضليت اصيح بعصبيه
هذاك كتاب الله اشلون هيج سوه لهل الدرجه اعيونه مسوده الي جنت اشوفه وجه
ملاك وعيونه الحلوه صار كبالي شيطان وعيونه ايجدحن
جاب حبل وربط رجليه واديه
"هسه شنو توافقين لو تعرفين شراح اسوي تعرفيني من اعصب مو
" مراح اقبل صدكني حته لو تذحني هنا
" هسه نشوف باباتي
" لزم شعري ولفاع على ايده وكال ها توافقين لو لا
لا ما اقبل
اخذ خصلات شعري وبده يكصص بيهن وشعري الاحمر
الي جان لحد رجليه كله كصكصه لحد كتفي
جنت بس ابجي وباوع اله عسى ولعل يحن كلبه عليه
" هههه الضاهر انتي متهتمين شنو يصير الج
" كتلك لو تذبحني ما اقبل
" زين واخوانج وامج هم ما تهتمين اذا صار لخوانج شي
" عوووفهم الله يخليك همه مدخلهم بشي
عافاني اصرخ وابجي وراح جاب اخوي رامي
عافاه كبالي
شفت رامي يبجي وخايف حيل
شرب الجكاره وطفاهه بايده فرفح رامي من البجي واني اصرخ وياه رجع كال
" وهسه توافقين لو لا تره اسوي شي راح تندمين عليه طول حياتج
" شغل المكينه ورامي تخبل هوه شعره ناعم وحلو
ضل يصرخ حجيت بسرعه
خلاااص مووافقه عووفه حررررررام عليك
" يله حضري روحج.....
______
"
_______
يتبع....
لهنا وينتهي البارت طبعن كل ما اشوف تعليقاتكم
علي الفقرات وتحمسكم ايصيرلي واهس اكتب
توقعاتكم....
🥺💕
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!