لا تتخيّل كل الناس ملائكة
فتنهار أحلامك ولا
تجعل ثقتك بهم عمياء،
لأنك ستبكي على سذاجتك
لاتنسون التصويت والتعليق على الفقرات تشجيعكم
يخليني استمر
____
*بقلم زينب العلي
#طفلة النقيب
____________
جلنار"' نبدي وياكم حياتي من البدايه
امي كانت عايشه ويه بيت جدي كلهم بيت واحد
من بعد ما كبرو الجهال وصار العرك ومشاكل
قرر بابه يحطهه بيت وحدهه
جانو يسمون امي ام البنات ابوي وامي جانو يحبون اخواتي الجبيره ملاك والاصغر منهه
ريم والاصغر زهراء والاصغر طيبه
جانو على طول يسمون امي ام البنات جانت اختي الجبيرت تحجي النه
من نتقلو امي وابوي بعدهه باشهر حبلت امي بيه
وجان كل ضنهم انو اني ولد
امي عيونهه ملونه وبيضه وابوي كذالك
حلو جانو دائما يكولون هم البنات للمات
طبعن ابوي اتخلا عن كلشي
وشال بمنطقه صغيره وسكانهه يجننون
فرح ابوي وامي حيل من بعد ماجانت اكو بعض مشكل
لان ابوي جان يتمنى يجي ولد وهوه يهددهه
يزوج عليهه بس لحته ينرزق بولد ويشيل اسمه
اختي اتكول من حبلت امي ابوي طار من الفرح
وتصالحو بيناتهم وصار يهتم بيهه
كبرت بطن امي ودخلت بشهرهه والكل منتضر ولي العهد البريطاني قربت ولادت امي
وبيوم الولاده اخذهه بابه واختي الجبيره راحت وياهه
والكل منتضر انو يجي ولد والكل فرحان
حته اهل بابه اجو
بيوم الي ولدت امي تكول اختي من كلولهه ابنيه مو ولد
ضلت ادك وتلطم وتبجي وتصيح ما اريدهه
اخذوهه وكالت اختي ضليت بدون رضاعه
عمتي اخت ابوي هيه الي رضعتني
ويه ابنهه وصرت اخته بلرضاعه
ابوي تخبل وضل يقسى على مامه ومامه اتذب حركتهه
بينه بديت اكبر وكل ما اكبر اشوف كرهه
امي وابوي الي
سمتني عمتي جلنار جانت عمتي تحن عليه اكثر من امي وابوي امي ما رضعتني ابد
بديت اكبر وكل وقتي يم بيت عمتي تقريبه
جنت طفله هادئه عمتي ما عدهه بنات لذالك جانت تحبني حيل وحته كلت لاهلي عوفهه يمي اني اربيهه
الي جان يميزني اني طفله مثل الدب
واعيوني وحده جوزي فاتح شهله يسمونهه
وحده خضره
جانو اعيوني تك وتك لون والكل الي يشوفني يتعجب
من منضر اعيوني وجنت بيضه حيل بس جان اكو
شوي نمش خفيف على وجهي
من جنت طفله اكرهه احس شكلي كله غريب ومن عمتي جانت طلعني وياهه الكل يضل يباوعلي
تبدي حياتي من عمري سبع سنوات
جنت كل هل الفتره عايشه يم عمتي وقليل اروح لهلي
بس من ردت اسجل بلمدرسه ابوي ما قبل اضل يم عمتي وكال
اسجلج بلمدرسه الي يمنه هنا عمتي تمرض زوجهه
واخذت ابنهه وسافرو لبنان
جانت هل السبع سنوات
احلا ايام حياتي قضيتهه يم بيت عمتي
امي لا قبلت تاخذني تسجلني ولا ابوي
اخذتني اختي الجبيره الي متزوجهه وعمرهه ٢٠ واختي الاصغر ١٦ والاصغر ١٤ والاصغر ١٢ واني ٧
ابوي زوج اختي الجبيره بعمر ال ١٦ سنه وهسه اختي هاي هم بطلهه بقن بس الثنين الاصغر واني دخلت مدرسه
جان عندي طموح حيل جبير جنت اريد ادرس واتفوق لحته ارفع راس ابوي ويبطل هل خجل والاستنقاص من
بناته
صاحت اختي بيه حته امشي سريع
ملاك" وللج جنوو شلعتي قلبي امشي بسرعه
جلنار " اي جاي امشي بس طريق طويل
طاحت رجليه لحد ما وصلت للمدرسه
المعلمات تخبلن عليه واني مسويه اثنين اكرون وشعري مأل لصفار مو اسود وجنت سمينه
رجعنه وبعد كم يوم بده الدوام
جان اول يوم الي بصف اول اذكر كلش زين
امي كعدت لاخواتي سوت ريوك جنت كاعده وطفله ما اعرف واباوع لامي منتضرتهه تبدلي وتبوسني وتمشطلي
لو تريكني مثل اخواتي مرت الدقائق واني اباوع عليهه
انتضرهه بس تصيح باسمي ولا مره
سمعت اسمي بصوتهه جانت كل ما اجيهم تصيحل الفكر
مليت من الانتضار واني اباوع الهه ومرت الساعه وصارت ٧
خليت وكمت حاولت البس ملابسي واني ابجي
لبستهن بعد صعوبه باوعت لشعري مكوش
جبت المشط واجيت يمهه بكل برائه واني لازمتهه
من طرف ملابسهه وحاجيتهه
ماما ماما
"شترردين بتت الفكر
" مامه شعري سويه اشلون اروح
باوعتلي وكالت
"بنت الفكر شعليه اني وللي من يمي ان رحتي وان ما رحتي اني شعليه
" تجمعت دمعتي بطرف عيني واني اباوع الهه
اخذت المشط وكفت اكبال المرايه واني احاول الف شعري مكدرت
حطيت طوك بشعري واخذت جنطتي وكتبي
وطلعت بدون ما اكل اي شي
اشوف كل طفل وياه امهه وتمشي جنه مدرسه مختلطه
ولد وبنات وصلت قريب على المدرسه باوعت اكو ولد
مدنك ويمشي وحده ويجي بصف رابع او خامس بلعداديه جان جبير اكبر مني بهواي
اجيت صرت بصفه صرت جني فاره
وبديت امشي وياه
باوعت اله هم شعره مخربط ما مشط شعره
بس جان بشرته حنطيه وعيونه كبار حيل ومكحله
حجيت واني امشي بصفه
عادي امشي وياك
" ليش انتي امج ما جابتج ليش وحدج
"لا اجيت وحدي مقبلت امي تجيبني
وانت ليش تمشي وحدك
" احب امشي وحدي شنو اسمج
"اسمي جلنار
" يا صف انتي
"صف اول
" بس بعدج حيل صغيروني
"شنو اسمك انته من كلت هيج وكف باوعلي جان يمشي بدون ميباوع
" اسمي غضنفر ليش عيونج هيج
"مو حلوات مو اشرت على عيوني ضحك وكال
" ههه لا لا حلوات يله هسه وصلنه للمدرسه انتي ادخلي لهاي المدرسه واني لهاي المدرسه الي بصف مدرستج
" فترقنه دخلت مدرسه واني رحت ادورلي على صف اكعد بيه دخلت للصف جان صف ب
كعدنه كل احنه الطالبات والبنات ملتمات عليه
ويباوعن لعيوني حته خفت
اجت المعلمه وصاحت بيهن كلمن بمكانهه وبدت تاخذ اسامينه
وصلت الي وصاحتني رحت يمهه وكالت
"مامه جلنار اسمج مو صح
" اي اسمي جلنار
" ليش هيج شعرج مخربط اول يوم مدرسه حبيبتي لازم تكونين مهتمه بروحج والصبح تمشطين حته تصيرين حلوه ماماتي
" تقربت يمهه وطاحت دمعتي واني اكولهه
ست معندي شخص ميشط شعري اني حلوه بس ماكو شخص يمشطني
"ليش مامه امج متوفيه معندج اخوات
" لا عايشه بس متقبل تمشطلي واخواتي ميعرفن
حجت بعصبيه
" ولله نسوان اخر وكت ناس تتحسر على الاطفل
هوه الي عنده هيج دبدوب حلو غير يشكر ربه ويحمدهه
" صاحتني يمهه ولمت شعري من اعيوني وسوته مثل الذيل احصان وحطت الطوك الي ورجعت بمكاني
خلص المدرس وطلعت بره المدرسه كعدت باب المدرسه
جنت كاعده وحدي وكاضه بيدي خشبه والعب بلتراب
غضنفر " شسوين هنا
جلنار"هذا انت
"اي اني شسوي هنا
" كاعده وحدي تعال اكعد يمي
اشرت على المكان الي بصفي اجه كعد يمي
وهوه يباوع بعيوني حجيت بطفوله عجبنك
"اي اعيونج حلوت جنو
" اخذهن
" هههه اشلون اخذهن
"ما ادري ضلينه نضحك اثنينه كالي بعد من تطلعين من المدرسه ضلي واكفه هنا اشر على بلباب نرجع اني وياج
فرحت حيل راح يصير عندي صديق احجي وياه
فرحت بيه حيل ذبيت الخشبه من ايدي ورجعنه اني وياه نتمشه
بلطريق ضل يسالني
عندي اخوان ابوي وين امي ليش هيج
جنت اجاوبه على كلشي يسالني اياه
اخر شي كال وين بيتكم كتله شوي ونوصل
دخلت لدربونه واشرتله على بيتنه كتله هناك بيتنه
كال الي
"باجر تلكيني هنا واكف الج الصبح نروح سويه
" فرحت حيل كال بيتنه بلدربونه الي وراكم
ضل واكف بلباب لحد ما وصلت
للبيت ودخلت للبيت لكيت امي كاعده على التلفزيون
رحت بستهه دفعتني عنهه وهيه تكول
"لا هلا ولا مرحبا شرجعج
" بتعدت عنهه دموعي طاحن بسرعه
رحت لغرفتي اركض متغديت نمت بملابسي
كعدت العصر ميته من الجوع رحت بدلت
وايقنت لازم اعتمد على نفسي بكلشي
واني بهذا العمر صح صعبه بس لازم اتعلم
رحت صبيت اكل واكلت طلعت العب بلشارع
لكيت مجموعه يلعبون طوبه ضليت اباوع عليهم
دخلت المغرب بديت اقره جنت ذكيه حيل وبسرعه احفض
ثاني يوم الصبح بدلت وحاولت اعدل شعري
لكيت صمون على الكاونتر اخذت نص
وطلعت اتمشه سريع حته اشوف غضنفر
لكيته واكف براس الشارع
ومنتضرني وصلت يمه ومشيت سريع
وكفت يمه وقابلني بابتسامه بدينه نمشي وهوه
ساكت وميحجي شي ومبين ضايج حيل
وصلنه للمدرسه وكلمن راح لمدرسته
وهيج مرت الايام واني وغضنفر صرنه اصدقاء
برغم صغر سني بس
من جنت احجي عن امي وابوي او عن معاملت امي
الي جان يستمعلي بتركيز وميقاطعني ابد
وجان اغلب الوقت يحجي على امي واانسوان
وجنت اني اكله هم مره مثلهن جان يكلي
"لا ابقي هيج بريئه وحلوه لا تخربين
" جنت اضحك على كلامه واجهل الجرح الي هوه بيه
ودائما جان يباوع بغموض لو صافن
مرت الايام واليالي ومعاملت امي وابوي تزيد سؤ
يوم عن يوم
خلصت الاول وجان كل وقتي ويه غضنفر وحته
صرت العصر اطلع بلشارع الكاه ويكعد يقريني على الرصيف
بدت الامتحانات وجان هوه ياخذني ويجبني
وجان اغلب الوقت ساكت ميحجي شي
اخر يوم امتحان اخواتي اثنينهن كعدن من المدرسه
وريم و زهراء خطبوهن اخوان وموعد العرس قريب
ضليت بس اني وطيبه
وابوي يفتر على طيبه برغم زواجهن وهنه صغار بس جانت قسمتهن زينه
اخواتي اخذوهن ولد عمي جان اخر
امتحان رجعت
اني وياه نتمشه وهوه يباوعلي كال
"جنو ليش هيج ضعفانه
" مو ما اكل هواي وهيج ضعفت
"لا اكلي هواي ارجعي مثل قبل جنج بطه
" اني بطه
" اي انتي بطتي وبنتي
"هههه وصلنه للبيت وهوه ضل واكف منتضرني لحد ما دخلت للبيت
تلكتني امي وهيه تصيح وتغلط وتكولي روحي عزلي
الصاله صايره هوسه
رحت عزلتهه ونمت بهدومي جنت جوعانه حيل
كعدت العصر حته مكلفت نفسهه تكعدني اكل
رحت لكيت الاكل بلصينيه اكلت اشوي
ورحت بدلت وطلعت العب بلشارع
تسللت للدربونه الثانيه باوعت من بعيد شفته كاعد
يم الباب مالهم الي بعمره يلعبون طوبه
وهوه كاعد اجيت اركض وصلت يمه فحطانه
باوعلي وكال
" بطه لا تركضين حلكج يصير ازرك من تركضين
" اي اتعب بسرعه اشرت لولد الي بعمره يلعبون
كتله ليش متروح تلعب وياهم
" خليهم يولون ما اريد العب وياهم
ترحين اشتريلج
"عدك افلوس
،" اي اني اشتغل يوميه واجيب فلوس
يله تعالي اشتريلج
"اخذني من ايدي وصرنه نمشي اثنينه
حته وصلنه للمحل باوعلي وكال بطه شنو تردين
كتله بكيفك جيبلي كيكه اشترالي كيكه وحليب
ورجعنه نمشي وكفنه بلحديقه القريبه
الي يم بيتنه وهوه كعد وكعدت يمه واني اكل
على كيف خلصتهه وباوعلي وكال
" ما تغديتي ويه اهلج مو
" لا ما اكلت وايهم جنت نايمه
" بطه
" ها
"اريدج تصيرين قويه وتعاركين لا تضلين فاهيه
" من اكبر اضل اعارك واصير قويه
" يله لا تبقين بره راح يصير دنيه المغرب
روحي طبي جوه
" بسته بخده وهوه ضحك كتله هاي لان شتريتلي
ضل يضحك ورحت دخلت لكيت الماعين مكومات
على السنك وامي متخوصره باب المطبخ
اول ما دخلت لزمتني من شعري وهيه دكول
" ولج دايحه وجهه الفكر هذني تغسلينهن كلهن اليوم
" باوعت لاختي طيبه ووعاطت بوجهه وكالت الهه اذا ساعدتيهه يا ويلج
ضليت ابجي عفت الطبله وبديت اغسل بلماعين
وكل ماعون اغسله احصلي كفخه منهه
حته ارجع اغسلهه مره ثانيه جنت ابجي
بحركه وينج عمه تعالي شوفي حالي
مر اسبوع ضبط وامي اتعاملني مثل البنيه الجبيره
وكل كفخه ولا الثانيه
احس كبرت فوك العمر عمرين وما احس نفسي اني طفله
طلعت دمعتي على خدي بسبب امي
كعدت بلحديقه واني ابجي وامسح ادموعي بطرف ايدي
اجاني صوت من وراي وهوع يكول
" شبيهه البطه منو مزعلهه
"من شافاني ابجي واعدل بشعري اجه يركض عليه
وهوه يكول
" جنوو شبيج منو وياج
"مامه كتلتني
" خليهه تولي *** لا تبجين كومي اخذج للمحل اشتريلج
عسى بيدهه الكسر
" لم شعري بيده باسني بخدي ومسح ادموعي شلني بلهون ضحكت كتله نزلني لا طيحني
مشينه اثنينه للمحل اشترالي جبس وكيكه وعصير ورجعنه لنفس المكان ضليت اضحك
واني اكل بيهن انطيته من الكيكك مالتي
ضل متررد ياخذهه حطيتهه بيده بس ضل وجهه معقوج ما اكلهه
من خلصت رجعهه عليه واكلتهه راح يغسل ايده
بعدين كالي
"باجر الصبح يوزعون نتائج
" يااي صدك ولله
" اي باجر اكعدي الصبح تلكيني هنا منتضرج
حتت نروح نجيب النتيجه
"لزمته من ايده واضحك رجعنه للبيت وكبل نمت
حته الصبح اكعد من وكت
نمت بدون عشه ومحد كلف على نفسه يكعدني اكل الي شي
كعدت الصبح ب ٨اجيت لكيت صمونه على الكاونتر
اكلتهه ورحت لبست اهدوم وشعري عفته هيج
خفت لا يكون اتاخرت عليه خطيه
اجيت يم امي وكتلهه راح اجيب الشهاده مالتي
حجت كلامهه المعتاد وهيه تكول
" ولي من خلقتي بنت الفكر روحه بلاي رجعه
كون سياره بلا رقم
" طلعت اشهك وابجي ليش هيج امي تسوي وياي
لكيته كاعد براس الدربونه
اجاني يركض وهوه شافني ابجي
ضل يمسح بدموعي ويعدل بشعري وهوه يكول لا تهتمين
وانتي قويه لا تصيرين على كلشي تبجين
عدل شعري ولزم ايدي وصرنه نمشي سويه
لحد ما وصلنه للمدرسه
ضل منتضرني بره واني دخلت اركض
بدو يصيحون بلاسامي
من وصل اسمي طرت من الفرحه والمعلمه تكولي
ناجحه الاوله نسيت بسرعه اخذت الشهاده وطلعت
اركض اله واني الابتسامه شاكه حلكي
وصلت يمه وكال
"بطتي مو كتلج لا تركضين
" ناجحه كوله ١٠ هسه مامه وبابه يفرحون هسه
اخذني للمحل اشترالي واني فرحانه
هسه امي تبوسني لو تحضني
وتكول عفيه بنيتي الطريق كوله اني
افكر بردت فعلهم واضحك
اشترالي حلويات من المحل
وصلنه قريب على البيت وضل منتضرني ادخل للبيت
دخلت للبيت واني الضحكه
شاكه حلكي
دخلت اصيح بصوت فرحان واني اكولهه
ماماااا ناااجحه
بس سرعان ما ختفه الصوت واني اسمع امي
تصيح بصوت عالي وتبجي وهيه اتكول
"ولله لللكتتتله اليوم بننت الفكرر اليوم اموتتهه على ايدي
" رجعت خطوات لي وره واني اشوف
اخواتي يبجن وامي هجمت عليه
_____
يتبع....
وانشالله شكد مااكدر اكتب وانشر الكم
شفت تحمسكم للقصه شجعني
لا تنسون التصويت والتعليق على الفقرات
حته نستمر متابعه للحساب
رئيكم وتوقعاتكم...
🥺💕
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!