رواية جريمه مخطط لها (طفلة النقيب) الفصل الرابع 4 - بقلم زينب العلي

بيه ونين ما ونه گبل مذبوح
صبر أكبور بومه تموت وبومه تنوح
وحشه وظله يسحن فوك الجروح
واسري بليل اضم جروح حدر جروح

•••••••

لا تنسون التصويت والتعليق على الفقرات
اذا لكيت تفاعل استمر

قرائه ممتعه

••••

بقلم زينب الغلي

#طفلت النقيب

_____

جنت لازمه شهادتي بيدي وكعت من ايدي
اول ملزمتني من شعري دنكت على الشهاده مالتي
وشككتهه كدام اعيوني

سحلتني من شعري وهيه دخلني للبيت
جنت اصرخ بصوت طفولي واصيح مامه
عوفي شعري حرام عليج

ما تسمعني شغلت الطباخ وحمت السجينه على الطباخ
لحد مصارت حمره
ضليت اصرخ واستنجد باخواتي واني

مااعرف عليمن هيج جاي يصير اجت اختي ريم تركض
تريد تسحبني رفعت السجينه وكلتلهه

"بس تتقربين اجويج انتي هم وياهه

ضليت اصرخ بس لحته ما تحركني
احس صوتي راح اختفى اريد بس يطلع صوتي
ما ادري صار بالي غضنفر اتمنيت يجي

ماكو خلاص غمضت اعيوني واني اكول وينك غضنفر
تعال بطتك راح يحركونهه
ادموعي بدت تجري وحلكي ضل يرجف من الخوفه

حطت السجينه على ايدي واني عطت بعلو صوتي والجوارين التومو على الباب  بسبب صوت صريخي القوي

واني اشم ريحت لحم مشوي من ايدي
دفعتني وهيه تكول

" ما برد كلبي منج حقيره

رجعت تضرببيه واخواتي سحبنهه
مني رجعت كتلتهن وياي صارت الجوارين ادك بلباب

بس هيهات كلت خلاص امي راح تحطنه وتحركنه
روحي مفرفحه واحس ايدي مثل الي حاطته بلتنور

بعد مادريت بشي اغمه عليه بسبب الالام
والصريخ وصوتي احسه انبلع واختفه

كعدت على وجع ايدي واني بلمستشفى ويعقمون بيهه
ضليت ابجي والدكتور تعاطف وياي وهوه
يكول

" باباتي خلصنه ميصير لا تبجين انتي قويه

باوعت لكيت واحد من جوارينه هوه الي جايبني
ضليت ابجي بس بدون صوت وكلبي الوحيد الي يصرخ
بكد مجنت طفله فراحنه بنتيجتهه

هيج صار شنو سويت الهه اباوع على ايدي الي شبه تشوهت وصارت تخوف

ضمدو ايدي وجروحي ورجعنه جوارينه كال تجين يمنه
كتله لا عمو مشكور

نزلني يم الباب ودخل لبيتهم استهضمت ادخل
للبيت طلعت اركض للدربونه الثانيه

بس لحته اشوفه لكيته كاعد بلباب مثل العاده
جان دنيه العصر ما ادري شكد نمت بلمستشفى

ضليت اركض لحد موصلت اله احس كلبي راح يطلع
بلرغم صغر سني بس جنت احس اني طفله
جبيره وكفت كباله بدون اي كلام رحت حضنته وابجي وهوه بس

شافني هيج حضني بدون ميحجي بعدني عنه شوي من شافني وكف بعصبيه وعلامات استفاهم جبيره
على وجهه كلي شبيج شبيهه ايدج شوفي شفايفج زرك

محجيت شي حضنت رجليه وطكيتهه بجيه مره ثانيه
هوه جان طويل وضخم مبين عمره بلعشرينيات بس هوه عمره ١٨
دنك عليه وحضني وشالني وهوه يكول

شبيج شصاير واني بس ابجي وبصوت عالي
يمكن مرت نص ساعه واني بعدني اناشغ
بحضنه بعدني عليه وكال الي

"بطتي بطوطه شبيج منو هيج مسوي بيج احجي كافي شلعتي كلبي بنتي لا تبجين هيج

" امي رجعت حته افرحهه بلنتيجه
شوف شسوت بيه حته النتيجه شككتهه

"يول *** اخواتج وين ليش ما حامن الج شنو امج مالهه رداد شكد***ليش هيج سوت وايدج هيج متاذيه

" اخذني منا حباب ما اريد ابقه يمهه تكتلني

" لا تخافين باباتي ابنيتي انيي يمج بس اسكتي كافي
مردتي كلبي

" اخذني للمحل اشترالي حلويات ولليل ضلينه كاعدين بلباب

كالي روحي نامي ولا تراوين وجهج الهه
جنت احب اقضي الوقت يمه لان بس هوه الي يفهمني
ويسالني شبيه

رجعت للبيت لكيتهه نايمه رحت لغرفتنه اني والبنات لكيتهن كاعدات اجني يركضن
وهنه يبوسن بيه

كعدت وكعدن كبالي حجيت بدموع ليش هيج امي
وياي شنو سويت الهه اني
حجت ريم

ريم"امي هيج تعاملج لا عباله انتي ولد وطلعتي
بنت عبالهه تتعدل علاقتهه بابوي
من تجيب ولد بس صارت اسوء

وهيه تخبلت واليوم عرفت ابوي متزوج من من ٥ سنوات
وعنده ولدو ذبت حركت گلبهه بيج

جلنار" بس اني شعليه ليش هيج تسوي وياي حرام عليهه ولله بجيت درت وجهي ونمت واني احس ايدي تلسع بيهه

الحركه والوجع صارن بكلبي غفيت واني ابجي
مر الايام واني ما احجي ويه امي

وابوي ما راويت وجهه بعد الامي

بدت ايدي اشوي اشوي تطيب بس ضلت اثر واضح حيل
قربت المدارس واني رحت لثاني وغضنفر امتحن سادس ونجح طلعله معدل اذكر ٨٥ وهوه جان يريد

يروح كليت ضباط هيج جان يكولي من اكوله ليش يكولي احب هل المهنه واكو شي بالي احقق حلمي هذا
فرحت الهه من قدم وطلع قبوله

صرت اشوفه قليل بحكم دوامه

اجت اختي الجبيره واشترتلي ملابس للمدرسه
طبعن بعد شهر بوي رجع لامي
ورجع كولشي مثل قيل

جنت فرحانه بلملابس حيل اول
واحد شاركته فرحتي هوه غضنفر جنت يوميه اكعد اني وياه ونكعد نسولف شلون

راح ابلش الثاني صح فرقبينه تقريبا١٢ سنه بس شاركته فرحتي بلشغلات الي جابتهن اختي وهوه

بس يتبسم
بده الدوام واول يوم بدلت ملابسي
ورحت لكيته واكف ب راس الدربونه وهوه منتضرني

من سالته كال بعده دوامه وراح يصير ياخذني لمن يبلش دوامه

وصلت يمه واني اضحك صبحت عليه واخذ مني
الجنطه لان ثكيله صرنه نتمشه وصلنه

دخلت لصفي طبعن ابد ما صدقت بنات او
صار عندي صديقات
كل صداقاتي جان بس غضنفر هوه الوحيد الي جان يفهمني

خلصت مدرسه وطلعت شفته ورجعنه نتمشه للبيت
بديت احضر واجباتي ومر اسبوع على هل الحاله

بهل المده رجعت عمتي وطرت من الفرح

بيوم من الايام جنه راجعين من المدرسه اني
وياه وشفت سياره بابنه

رحت اركض وهوه يصيح على كيفج لا تركضين
وصلت للبيت لكيت جنطتين مال ملابس

بلطرمه تعجبت ودخلت اركض لكيت عمتي وزوجهه
عدنه ركضت عليهه ورتميت بحضنهه
وكعدت ابجي بحركت كلب واني بملابسي

ضلت طبطب على ضهري
بعدتني عنهه شوي واني حجيت بدون مقدمات

عمه حنان اخذيني وياج

حجيت هيج بس لحته اخلص من امي
باوعتلي ووكالت

حنان " هوه اني اصلا اجيت عليج شصاير بيج
ماماتي ليش هيج متغيره

" ما بيه شي شوكت نروح

"حضري روحج واغراضج كلهن العصر نروح

" عمه ومدرستي

" اخلي عمج ينقلج يمنه ولا يهمج يحبيبتي

"رحت اركض لغرفتي يعني راح اروح لغير مدرسه وغير منطقه

وغضنفر بعد ما اشوفه ولو هوه راح يبدي دوام هم ضليت ابجي هوه
صديقي الوحيد واني احبه ما اريد ابتعد عنه

بدلت ملابسي وضليت كاعده يم عمتي
انطتني علك مزور كالت جبته وياي من الامام الرضا(ع)
لان هيه جانو بايران لخاطر زوجهه

وهسه اتحسن ضميت العلك بجيبي
للعصر عمتي كالت حضري روحج

امي جانت تريد بس تخلص مني
لبست حذائي وطلعت اركض لدربونه الثانيه
اريد اشوفه قبل ما اروح

اجيت ادوره ملكيته بلباب ضليت كاعده بابهم وابجي
اريد اشوفه قبل ما اروح

شفته جاي من بعيد ومبين تعبان رحتله اركض

" بطه شبيج منو وياج ليش تبجين

"راح اروح اني حضنته وطكيته بجيه

" وين راح ترحين

"اجت عليه عممتي وراح اروح وياهه
راح اخلص من امي

" واني راح تعوفيني

"لا ما اعوفك انت صديقي وكل ما اجي اجيك

" والمدرسه راح تبطلين

"راح انقل

" صددك بطه

" اي هاك هذا

" شنوهذا

"هذا علك مزور يحميك وكل ماتشوفه تذكرني
مد ايدك اشده بيهه

مدلي ايده وشديته حيل بايده كل ماتشوفهه اذكرني
واكل زين دنك عليه وضل حاضني وهوه يكول

" انتبهي لنفسج وخليج هيج قويه وبريئه لا تخلين احد يغيرج وتذكري حته لو بعد ميت سنه راح
تلكيني واكف بصفج ونتبهي لنفسج كلش زين ماشي بنيتي

"ردت اروح صاح اوكفي دخل للبيت دقايق وطلع
جان لازم بيده مثل الكلاده
حجه وهوه يلبسني ياهه

" جنت ضامهه الج من تكبرين بس هسه
اجه وكتهه

" جانت فضه وبيهه مثل الطير فرحت حيل بيهه
ودعته ورحت لكيت عمتي منتضرتني بلباب
استغربت مني وين جنت كتلهه رحت لصديقتي

عمو صعد اغراضي بلسياره وصعدت اني لي وره
وعمتي كعدت لي كدام

ودعت كلشي عيني صارت على الطريق
عمتي كالت الي باجر نسويلج نقل

ضليت ساكته لحد ما وصلنه نزلنه جنطي واطبيت اركض للبيت راح عمو يجيب بكر لان عد بيت جده

دخلتني لعمتي بلغرفه الي بصف غرفتهه
جانت بناتيه وبيهه جربايه وملاعيب

طرت من الفرح واني انكز على الجربايه وميته ضحك
وعمتي تحضن بيه كتله شكرا عمه

باوعت الي وهيه تضحك كالت الي لا تكولين عمه
كولي مامه

حضنته وكتلهه مامه لان فعلا حسيتهه امي
اجه عمو ووهم كال صيحيلي بابه وبكر اخوج

حسيت هل العائله فعلا عائلتي بس ناقصهه غضنفر
ثاني يوم بابه سوالي نقل وصرنه اني وبكر نروح سويه
ونرجع سويه

فرحت حيل بنقلتي لبيت عمتي
بس ضلت بيه غصت غضنفر صرت اتمنه اسمع خبر عنه

جانت عمتي تهتم باقل تفاصيلي
رجعت من المدرسه بعدني بلباب صاحت عليه

حنان" ماماتي فوتو غسلو حته تتغدون

جلنار" اي مامه رحنه اني وبكر نغسل واجينه كعدنه نتغده الهدوء حيل حلو بهل العائله الصغيرونه

حجت مامه حنان وهيه تكول

" مامه خلصو غده وروحو نامو حته العصر
تكعدون واقريكم

" خلصنه غده ورحنه نمنه العصر كعدنه اني وبكر

بكر جد شخص لطيف وهادء صاحت النه مامه وكعدنه اني وبكر يمهه وبدت تقرينه

وهيه توعي بينه ضلينه على هاذ الروتين
الضهر نام والعصر نقره وبليل تشغل النه محاضرات دينيه
وتخلينه نستمع

كل جمعه جانت اطلعنه هيه وعمو تفرنه
جانت احلا عيشه
غضنفر مدريت عنه شي بعد يمكنةهسه بلش يداوم الكليه الي يريدهه كل ما اشوف الگلاده اذكره

خلصت نص السنه مالت الثاني وبدينه بلنص الثاني

هنا عمتي بدت تعلمني على الحجاب وبدت تكولي شنو الصح وشنو الغلط وعلمتني على كثير شغلات
جنت جاهلتهه

هنا صار زواج اخواتي وعمتي كالت نروح
قبل يوم عمتي اخذتني للسوك وشترت الي ملابس

وحجاب وياهن وحضرت اهدوم العرس ورحنه اني وعمتي وبكر اخذنه عمو جابنه الطريق كوله اباوع لشارع بلكت اشوفه لو المحه

وصلنه للبيت وعمتي نزلتنه من السياره
دخلنه نركض اني وبكر امي شافتتي
من بعيد ولا حاجتني

بلرغم صار اشهر مشايفتهه
اخواتي ضلن يبوسن بيهه وفرحانات بيه حيل

ردت اروح بس صار دنيه اليل ما كدرت
اروح البيت خبصه واقاربنه

ثاني يوم الصبح همه هوسه العصر سبحتني عمتي ولبستني هدومي طبعن عمتي منعتني من الطلعه

لان تخاف عليه بسبب الخطف واني رجعت سمنت
وصرت صدك بطه
باوعت بلشارع ماكو اثر اله

باوعت يسار يمين محد موجود

طلعت اركض لدربونه الثانيه توقعت الكاهه كاعد
بلباب مثل كل مره بس ماكو ملكيته

الولد كولهه بلشارع يلعبون
رحت ركض لبيتهم وكفت كبال البيت لااااا يا الله

لللليش

وصلت يم الباب لااااا يا الله لللليش
وووين راحو يربي

طاحن ادموعي ليش بابهم مقفول وين راحو يربي
كعدت بلباب ابجي شفت الي بعمره ولد الجوارين يلعبون

بلشارع رحت اركض على ولد يعرفه جان اسمه علي
وصلت يمه واني ابجي واحجي

وين غضنفر ليش بيتهم مقفول بقفل
وين راحو

"غضنفر واهلهه شالو منا من اشهر تقريبا
راحو لغير منطقه

" وين يعني وين راحو ضليت ابجي وين راح وعافني
ليش شالو منا جنت جايه ركض بس لحته اشوفه

حجه الولد وكال اانتقلو بغير منطقه وهوه دوام
شالو قريب على المنطقه دوام اخوته وهوه

رجعت للبيت ابجي غسلت وجهي الحمد لله محد
انتبهه عليه من طلعت

صارت تقريبا الساعه ب ٤جابو اخواتي وهنه
ضايعات بدلات العرس يا ربي لا تخليني بيهيج موقف بهل العمر

شبيه اني حزينه اكثر منهن جانن يضحكن وفرحانات

يمكن هنه رادن هل الشي لو مصرات على موقفهن
مجان هذا مصيرهن شنو يعني زواج

البنيه اذا متدرس وتتفوق لحته ادرس اطفالهه
وتكون حره ليش تنحبس بتحت شعار ما يسما الزواج

قررت ما اصير مثلهن ومستحيل اتزوج واني بهيج عمر
ضلو يصفكون وهلاهل بيت عمي يمنه

وره نص ساعه اخذوهن رحنه كلنه وياهم
وصلنه لبيت جدي وبعدين دخلوهن للغرف وهمه
دخلو وراهن

ضلو هواي خلصنه عشه وطلع راحن امي وعماتي الهن لحته يشوفنهن ما ادري اخواتي وجوهن صفر ويرجفن

هنه يوكلن بيهن وساعه اشوف هاي وساعه اشوف هاي

وهنه الوجه اصفر وعبالك روح ما بيهن

_________

يتبع......

لاتنسون التصويت والتعليقاتكم الحلوه
حته نستمر

توقعاتكم....

🥺💕