رواية جريمه مخطط لها (طفلة النقيب) الفصل الثاني عشر 12 - بقلم زينب العلي

الأرواح الجميلة لا تحتاج إلى مقدمات
حتى تدخل القلب
قد يكون للوجوه أربعين نسخة ،،
لكن تبقى الروح بلا شبيه...
فالجمال ليس بامتلاك وجه جميل..
بل بإمتلاك قلباً حنون و عقلاجميل وروحاً طيبة
فكن جميل الروح تهواك القلوب

❣️مساء الورد وعطره ❣️

____

لا تنسون التصويت والتعليق على الفقرات حته نستمر
طبعا البارت بدون مراجعه كتبت ونشرت غلسو على السحكات

#طفلة النقيب

بقلم زينب العلي

_____________

ليث"" يوول وين رحتي لا تصفنين وين بيتكم

جلنار" ها نزلني هنا يمك بيتنه قريب منا

" وين تنزلين اوصلج للباب

" ليث عفيه نزلني هنا اني اروح اجيبهن واجي
اذا تريد تنتضرني انتضرني واذا تريد ارجع

" يول انتي مخبله لو عقلج بيه شي ولج هسه ب 6يمكن وين موليه وحدج واذا صار شي

"ميصير شي ضل هنا ما اريد يصير حجي علينه

" امري الله راح انتضرج

" تمام نزلت من السياره امشي سريع دخلت بين الدرابين
حته اوصل لمنطقتنه بسرعه

الدنيه باول الصبح الصوت اختفه والمنطقه صارت احلا من اليل وصلت للبيت طلعت المفتاح ودخلت رجعت قفلت الباب وراي

كلت كلشي يصير صلعت الفلوس كلهن الي مجمعتهن والي جانت عمتي تنطيني اياهن
بس طلعن ناقصات 100 رحت لغرفت امي

ودورت بخانتهه وشفت الفلوس اخذت منهن على كد احتياجنه واخذت منهن 10 وطلعت بدلت ملابسي وصليت ورحت لجوارينه ابتهال دكيت الباب

عليهه اول مره ماكو ثاني مره فتحت الباب وجنه جانت نايمه اول مشافتني ابتسمت

" هلاا خاله هلا بيج شصار انشالله امج زينه

"ولله خاله امي مو زينه الجهال اشلونهم

" خير شبيهه

" خاله من ارجع اسولف الج

" الله وياج خاله الجهال نايمين لا تخافين عليهم

" عفتهه ومشيت على السريع اريد اوصل للسياره
لان اتاخرت عليه حيل يمكن نص ساعه او ساعه

باوعت الدرابين لساتهن فارغات طكيته ركضه
على السريع فحطت حيل بس استمريت اركض
عبالك واحد يركض وراي

طلعت من المنطقه على الدربونه لحد ما وصلت اله
لكيته بعده بلسياره منتضرني
فتحت باب السياره واني فحطانه وكوه اجر النفس

ضل يباوعلي مستغرب انطاني ماي وكال

"هاج اشربي اشبيج منو يركض وراج

" شربت ماي وهدئت اشوي محد بس كلت تاخرت حيل

" يول عبالي جلاب المنطقه ركضن وراج واجيتيني حلكج ازرك

" هههه لا يله حرك بسرعه اتاخرنه

" عفوا منو الي اخرنه

"محد اني الي اخرتك بسرعه حباب

" هههه ول يابه يله حركنه عليش بصلتج محروكه

" ضحكت على ضحكته وحركت السياره
نص ساعه من الهدوء كل واحد جان يفكر بشي معين
محسيت ليمته السياره وكفت

ليث" بطه ييبطه ولج وصلنه يله

" ها اي يله نزلت من السياره وسديت الباب
عفته وراي وركضت دخلت للمستشفى
ركضت على غرفت الدكتور حته اسلمه الفلوس

باشرو بلاجرائات واني جنت لا حول ولا قوه
بس ادعي ربي باوعت ليث ما هوه مدري وين وراح
يمكن راح يشوفه منطاني كلبي اعوف امي واروحله

ضلت بلمرر امشي وارجع وافرك بايدي عسى ولعل
يطلع احد بعد انتضار متعب طلعوهه من هل القسم المشؤوم باوعت الهه حالتهه حاله ومتوجعه حيل

كالو النه تكدرون اطلعون بس انطونه مده كل زقت نرجع
نضرب هل الكمياوي طلعت امي من المستشفى
بس جنات حيل متاذيه

من شفتهه هيج نسيت كلشي وتالمت وياهه
جان منضرهه يكسر الكلب بلحضه كرهت ابوي حيل
حته مكلف نفسه يسال علينه

طلعت من المستشفى وكفنه ننتضر تكسي
باوعت على المستشفى تمنيت ارجع واشوفه مره اخيره

بس قاطعني صوت امي التعبانه

" يله يمه اصعدي

" صعدنه بلتكسي وجانت امنيتي اشوفه اخر مره
طاحت دمعتي ومسحتهه ضليت استغفر ربي

ايي هاي ثاني مره اضيعك من ايدي وبعد يمكن ما اشوفك وصلنه قريب على المنطقه امي كلتله نزلنه هنا
باوعت الهه وكتلهه

يمه خليه يوصلنه متشوفين حالتج شلونهه

" اشش امي اكدر امشي نمشي على كيفنه

السايق "حجيه انتي تعبانه وين توصلن
اني اوصلج لباب البيت

جلنار" مامه خليه يوصلنه شوفي حالتج

انتصار" ل***

جلنار"هيه امي كالت اسم المنطقه لو عبالك تكهرب
دار علينه اني وامي وضل يباوع بحيره

انتصار" خلاص حجي نزلنه يمك

السايق"لا يابه اوصلكه شوفي حالتجن

جلنار "السايق طول الوكت ينافخ ومعاجبه
وصلنه للمنطقه ضليو ادليه على البيت وصلنه قريب نزلنه

وانطيته الاجره وكتله الباقي الك
نزلت امي من التكسي ومشينه للبيت وصلنه للبيت طلعت المفتاح وفتحت الباب

دخلت امي للبيت وكتله راح اجيب اخواني واجيج
باوعت لساعه ب 11 تقريبا
ما الحك اسوي اي شي ومعدنه مسواك

طلعت على جوارينه بابهه مفتوح دخلت جوه واصيح الله طلعتلي من المطبخ وكالت تعالي ادخلي

دخلت يمهه بلمطبخ وضلت تسلم وتسالني عن حالي
استغربت تعاملهه المفرط والسلام والسؤال
كتلهه وين اخواني كالت تلكينهم جوه

صحت عليهم واجوني يركضون كتلهم اجت مامه
اني كتلهم هيج لو شفت الفرحه بعيونهم
عافوني وركضو للبيت

ردت اطلع صاحت عليه بصوت

" خاااله جلناره تعااالي

" رجعت وكفت يمهه ها خاله كولي

" هاج هذا جدر دولمه سولته الكم اتغدو بيه

" مشكوره خاله تعبناج ويانه

" لا تعبكم راحه ونشالله تردينه الي

" اخذت الجدر منهه وطلعت لبيتنه
دخلت للبيت حطيت الجدر على الطباخ واشوف اخواني
كاعدين بحضن مامه انتصار ويتباجون

استغربت رغم الالام الي بيهه هيه بس حاضنتهم وتبجي وياهم اجيت بعدتهم عنهه اشوي
لان هيه تعبانه صحت على رامي انطيته فلوس

راح يشتري اله ولجهال وديت امي بغرفتهه حته ترتاح
اجيت للدفتر وكتبت كلشي صار وياي هل اليومين
صارت ب 12 تقريبا

سويت غده ونومت الجهال كلت حته ميتعبونهه
طلعت اتمشه لبيت حسينه ام السحوره
وصلت بابهم مفتوح دخلت جوه

لكيت ضحى يم البنات سلمت عليهه وبوست البنات
ضلت تباوعلي وكالت

ضحى" جنو شبيهن اعيونج ليش هيج حمر

"من البجي

" خير شبيج

" كعدت سولفت الهه كلشي ضلت تتحمد لامي بلسلامه
وكالت

"حبيبتي الله يساعدكم ويكومهه بلسلامه
باجر لا تجين واذا تردين هل السبوع كله لا تجين
اني هسه اخذ اذن عمتي وروحي يم امج

جلنار" ما اعرف اشلون اتشكرج يا ريتهل الاسبوع ما اجي لان امي تعبانه عافتني وطلعت من الغرفه مرت كم
دقيقه وكالت

" تكدرين ترجعين للبيت السبوع الجاي ارجعي لشغلج

"شكرراا مااعرف اشلون اشكرج بوستهه وبوست البنات
وطلعت من البيت رجعت على بيتنه
دخلت لكيتهم لساتهم نايمين

دخلت لغرفت امي لكيتهه نايمه احتاريت وحدي
ضليت افتر اندك الباب استغربت منو جاينه
معقوله ابوي بس صارله فتره مجاي

اخذت شال حطيته على راسي واجيت اشوف منو بلباب
صحت بصوت منوو بلباب

احمد" اني احمد افتحي الباب

" حجيت بصوت ما مسموع يربي هذا شجابه
هسه وكته فتحت الباب

" سلا اشلونج جنو

"عليكم السلام زينه عفته ودخلت جوه
باوعت لساعه ب4 هسه رحت لبست صايتي وحجابي
طلعت لكيته كاعد بلصاله

عبرته ورحت لغرفت مامه انتصار اخذت افلوس حته اسوك للبيت كلشي ما عدنه
وطلعت وصلت لباب الحوش واجاني صوته المزعج

" وويين رايح

"رايح اجيب كم غرض واجي

" انطيني اني اجيبهن

"ميحتاج ضل يم الجهال وخاف مامه تكعد خليهه تشوفك راح تفرح عفته وطلعت رحت اشتريت كم غرض
واني راجعه لكيت جوارينه الي خليت يمهه الجهال

فوزيه شافتني من بعيد اشرت الي حته اروح الهه
وصلت يم بابهم باوعت الي من فوك لي جوه
وكالت

فوزيه" هلا خاله اشلونج امج اشلونهه

" الحمد لله صارت زينه

" خاله بلغي امج اجي وره العشه حته اشوفهه وعندي موضوع وياهه

" انشالله خاله هلا بيج موضوعيش يربي الله يستر منهه
رجعت للبيت عزلت المسواك لكيت احمد والجهال بلصاله
اول مدخلت باوعلي واكال

" اررجعي للمطبخ عندي حجي وياج

" باوعتله باستفهام شنو يريد رجعت للمطبخ
اجه وراي وسد باب المطبخ باوعلي بعصبيه وكال

" شنووو الي صاير رامي شنو يحجي واختي شبيهه
وانتييي حضرت جنابج متحجين خابري مو عدكم رقمي

" اول شي اني ما جنت بلبيت جنت وياهه بلمستشفه
وانتو لو بيكم خير ما تتبرون من بتكم على الاقل بين فتره وفتره اسال عنهه

وقبل متصيح وتحاسبني روح حاسب نفسك
كملت كلامي ردت اطلع من المطبخ لزمني من ايدي قوي ودفعني على الحايط

صار وجهه بوجهي عاف ايدهه على ركبتي وضغط عليهه حيل وعيونه ناطه عبالك شيطان
ضليت اكح وخر ايده عني

ورجع سحبني من ايدي وقربني منه حيل
باسني بخدي قوي ودفعني ضحك وطلع

ضليت واكفه بمكاني ما بدرت مني اي ردت فعل
بس دموعي ينزلن على خدي
شنو هذا مخبل لو عقله بيه شي رحت

غسلت وجهي اكثر من مره بحيث خدي ضل يصب دم
توضيت وطلعت رحت للغرفه
فرشت السجاده ولبست الجادر مالت الصلاة

وجبت القران يمي وسجدت على السجاده
بس دموعي تجري محجيت اي شي
فززني من دموعي صوت مامه انتصار

" مامه جنوو وينج تعالي

" كمت لميت الغراض وحطيت حجاب باوعت لوجهي احمر حيل ومسلغ وعيوني حمر حيل
طلعت للصاله جان كاعد هوه واخته

شافتني استغربت وعقجت حواجبهه بس ما حجت
رادو عشه سويت على السريع وخلصنه
اندك الباب اجيت كلت لامي فوزيه يمكن اجت

رحت فتحت الباب ودخلتهه يم امي واحمد راح لغرفته
رحت اسوي جاي واجيبه الهن
اول مدخلت الجاي وردت اكعد كالت فوزيه

" خاله عوفينه وحدنه اريد امج بحجايه

"انشالله خاله عفتهه ورحت للمطبخ حته اسمع شتريد
ولو اني ما ارتاحيت الهه
بس الي صدمني اكثر هوه الي سمعته من فوزيه

فوزيه" خيه انتصار انتي تعبانه ومريضه
وزوجج ما يجي منين بعد تصرفون

" الحمد لله عدنه راتب الرعايه باسمي ونعيش منه

"خيه شيكفي هوه منا ولدج كبرو مصاريف والبيت

" الله كريم الله يدبرهه

" جبتلج شغله راح تغرج بلفلوس انتي وبنتج شنو كلتي...

____

صار الوكت حته نتعرف على غضنفر (😉)

غضنفر " اني اسمي غضنفر عبدالله عائلته
جانت متكونه من ابوي وامي وعندي 3 اخوان

جنت اني اصغر واحد بيهم ابوي جاني يحبني
جنت صغير حيل بس
كل الي اتذكره مشاكل امي وابوي وبديت اكبر اشوي

اشوي ابوي جان عقيد بلجيش جنت احب هل المهنه وقررت اصير مثل ابوي من اكبر
من صار عمري 9سنوات تقريبا هنا جانت اول

صدمه الي بحياتي ودتني امي اشتري
رحت اشتري ومحد جان بلبيت خواني عد بيت جدي
اني مقبلت اروح رحت ركض ورجعت ركض

وصلت للبيت عفت نعالي بره ودخلت على كيف
دخلت للمطبخ ماكو امي
للستقبال غرفت الجهال ماكو محد عبالي

طلعت من البيت ضلت بس غرفتهه هيه وابوي ما دخلت الهه فتحت الباب بدون سابق انذار واني جنت طفل
بس ابشع واقرف منضر شفته بهذا العمر

شفت امي وياهه صديق ابوي الي دائما عدنه على فراش واحد ضليت واكف بمكاني وتصنمت
انخبصو اثنينهم وكام هون لبس اهدومه

وخله مسدسه بخصره تقرب مني وهون يفتل بشواربه
وجان من حسب البعث وشكله يخوف

سحب المسدس وحطه براسي وجان يهدد بيه اذا حجيت لاحد راح يفرغ هل المسدس براسي وبراس ابوي

امي طلبت منه تروح اجت تحجي وياي عفتهه وطلعت من البيت جنت طفل بس هل المنضر اثر بيه
بعد هل اليوم امي صارت يوميه تتعارك ويه ابوي حته

يطلگهه بس ابوي جان يحبهه حيل
مر يومين تقريبا على هل المنضر ابوي كال اخذكم ونرون لبيت جدكم فرحنه حيل وكل لامي تجي ويانه

ركبنه كل احنه بلسياره جان ابوي ايسوق وامي بصفه
واني وره ابوي واخواني بصفي

حركت بينه السياره شوي وبده صياح امي وابوي
وشد الكلام اخر شي كالت اله

" اذا ما اطلگني اموتك انته والجهال

" لج انتي مخبله لو صاحيه ولج اني رجلج وهذول جهالج تعزين علينه رجال

" ايي مثلل مسمعت اطلكني اني اريد اتزوج حسن
وهوه وعدني بلزواج

" ياا حسسسن هذذا ووولج

" ليش كم حسن احنه نعرف صديقك

غضنفر " من امي كالت هيج ابوي ضربهه على حلكهه
هيه تخبلت ولزمت الستيرن مالت السياره
ضل هوه يصير وهيه واحنه نبجي

ضلت السياره تروح وتجي فترت السياره من يم صفحتهه
صارت على نص الشارع بعدين سمعنه بس الصريخ
وصوت ردمه قويه حيل

ما دريت بشي بعد لو شنو صار
فتحت اعيوني رجلي وايدي ما اكدر احركهن وراسي
ملفول ما اكدر اتحرك اي خطوه

ضليت على هل الحاله تقريبا سبوعين اني بلمستشفى
طبعن اهل ابوي جانو متوفين هوه الوحيد لاهله
وعلاقته مو هل الكد باقربائه

جنت ابجي اريد ابوي يمي بعد هل السبوعين
اجه ابوي واخذني بس حالته مو احن من حالتي
ولي طلعانه صديقه فاضل هذا اكثر من اخ لابوي

من رجعنه للبيت لكيت كلشي بلبيت متغير
حته الاثاث اكو بس صوره اني وابوي واخواني
وهنا الي عرفته انو امي واخواني توفو لان

ضربه السياره حيل قويه ومن جهتهم
امي ما جانت موجوده ويانه بلصوره

ضلينه بس اني
وابوي بلبيت وصديقه يجيبلنه اكل
وكلشي نحتاج تقريبا شهر

بدينه نستعيد عافيتنه بس كلشي بينه تغير
اني صرت شخص انطوائي وما اتكلم ويه اي احد
ولا اختلط باحد بس ابوي وصديقه مرات اكعد يمهم

مرت على هل الحال لحد ما صرت ب 3 متوسط
اني حته اصدقاء ما مصادق

بيوم جنه كاعدين اني وابوي وفاضل كال ابوي

" غضنفر بابه اني قررت قرار واريد اخذ رئيك

" كول يابه شنو

" اني قررت ازوج

" شنوو

" الى متى احنه نضل هيج لازم اكو مره بلبيت
تقومبواجب البيت طبخنه اكلنه تنضيف

" ليش بابه اني مقصر بشي

" لا يا ابني الانسان هم اله حتياجاته وانتي مدرسه وتعب

فاضل" ابني انتو ميصير تضلون هيج

غضنفر " ابكيفك بابه الي تشوفه عفتهم وكمت من مكاني
ضجت حيل واكيد الي راح يتزوجهه ابوي مثل امي النسوان كلهن يخونن

مر كم يوم على هل الشي وابوي فعلا اتزوج
وشفته فرحان والي اخذهه على عرف صديقه فاضل
ما اختلطت بيهه ابد بس جانت

دائما تستلطفني وتحاول تخليني احجي وياهه ويه ابوي
بلرغم جانت ما مقصره وياي بس ابد
ما اخب احد يلمس اغراضي لذالك

ملابسي وغرفتي وكلشي يخصني جنت اني اسويه اشمئز من النسوان لو اذا رادت اتسوي شي
بلرغم اني مشفت شي منهه مو حلو

هنا حبلت وجابت بنيه وبعدهه بسنه هم حبلت وصار عندي منهه 4 اخوان صرت اني بلسادس ورسبت

بيوم من الايام جنت رايح للمدرسه وشفت بنيه تمشي وحدهه اول مشفتهه تجنن وجنهه بطه وتمشي وحدهه
اول مشفتهه اتذكرت اختي شكد جنت احبهه

ضلت تمشي وياي وتسالني وجان صوتهه ناعم
حبيتهه حيل ضليت اخذهه واجيبهه

اول شخص احجي وياهه ضلينه نحجي اني وياهه
جانت تحجيلي عن امهه بس برغم صغر سنهه
جانت جبيره الشي الي هيه متحملته اكبر من عمرهه

صارت يوميه تجي يمي ونحجي ويوميه تبجي
جان ودي اخذهه يمي حته ما تتعذب حيل

جنت اشتغل عماله واني اصرف على نفسي
جنت امشي وعجبتني كلاده فضه
اشتريتهه الهه وكلت من تكبر انطيهه الهه

وبيوم اجتني تبجي وشفت ايدهه محروكهه تخبلت عليهه
واول مره ضليت اسب واغلط

وبعد هل الحادثه اجتني تبجي وكالت راح اروح ويه
عمتي فرحت الهه وضجت
لان الشخص الوحيد الي تعلقت بيه وحبيته راح يروح وفرحت لان راح ترتاح من امهه

انطيتهه الكلاده لان كلت بعد يمكن ما نلتقي

هنا نجحت وقدمت على كليه عسكريه
وجانت كليتي حيل بعيده ابوي كال نبيع البيت ونروح

لنفس المنطقه فعلا ابوي باع بيتنه ونتقلنه
بده الدوام ورحت

اول مدخلت تعرفت على ولد جان هم منعزل وميحجي ابد بس جان لسان
صار بينه كم موقف صرنه اصدقاء

جان تدريبنه حيل متعب بشكل من دخلت كليه عسكريه
صرت بين فتره وفتره اروح اسكر
ولساني جان متبري مني صرت شخص

لسانه اطول منه واي شخص كدامي ادوس عليه وامشي
صرت بدون مشاعر واشوف البنات شكد رخيصات
تشمرلك كم فلس يجن يركضن وراك

جنت سكران بمنطقه بس مثكلت هواي
جنت امشي بلسياره بس مو سرعه

طلعت كدامي بنيه بس ناعمه حيل استغربت شنو تسوي هنا وبهل المنطقه
سالتهه وجانت دنيه اليل وتبجي كالت امي متخربطه

اجيت اركض وياهه واصوات بنات اليل تارس المنطقه
تعجبت عليهه اشلون تدخل بلدرابين وتركض
وتندل كالت الي لا تخاف المنطقه بس بليل تخوف

وصلت لبيتهم لكيت امهه مدده بلكاع شلتهه وطلعت وهيه تركض وراي وصلنه لسياره
وهيه تبجي واني راسي منا مصدع

ومنا افكر شنو هل الطفله تشتغل عطت بيهه وسكتت
من وصلنه للمستشفى
ونزلت انتبهت لعيونهه معقوله هيه لا لا مو هيه

مو معقوله شنو جابهه هنا مو هيه متاكد اني شايف امهه وعمتهه منو ها المره
ضليت اضرب براسي والاول

مره ابجي بهذا عمري معقوله هيه يررربي دخيلك
طلعت بلحديقه الي بره وضليت اضرب براسي

ضليت واكف يم المستشفه منتضرهم يطلعون
طلعت هيه وامهه وركب ن تكسي وطلعن

طلعت وراهن بلسياره وردت اتاكد هاي نفسهه امهه لو لا
نزلن بعيد على البيت وضلن يتمشن نزلت وراهن
ودخلنه بلدرابين لحد ما وصلنه لبيتهم

ضليت يوميه اروح وارجع عليهم وشفتهه تشتغل بيت بيه شاب ردت بس اتاكد منو هاي هيه لو لا بس من طلعت امهه راحت تسوك

وهيه اجت من بعيد تصيح الهه مامه تاكدت مو هيه
رجعت جنه
مر وقت وقت وتخرجنه هل البنيه بالي

كل فتره اروح اشوفهه كل مره اشوفهه اكبر من الي بعده
جان اول واجب النه احنه مجموعتنه وجنه اني وليث وكفين

اجاني تليفون من مرت ابوي ازهار رفعت الخط
واجاني صوت بجيهه وصريخهه وهيه تصيح الحك علينه.....

_____

يتبع....

غلسو على السحكات صار يومين اكتب والبارت طويل
لا تكولون قصير البارت 🥱😴

توقعاتكم...

💕🥺