رواية جريمه مخطط لها (طفلة النقيب) الفصل الثالث عشر 13 - بقلم زينب العلي

ليش تبچـي .... الناس أجو سألوني
جاوبتهم .... هذا حظ آعيوني
گالــــوا آضحك ...
عوف دمعك ...
حيل آضحك ...
خل نسمعك ...
توني أجيت اضحك .. واجو بچوني؟؟

__

هلو حباي اشلونكم يله نبدي بارت كوله احداث 😉
لا تنسون التصويت والتعليق على الفقرات
حته نستمر.

#طفلة النقيب

بقلم زينب العلي

____

غضنفر " اجاني تليفون من مرت ابوي ازهار رفعت الخط
واجاني صوت بجيهه وصريخهه وهيه تصيح الحك علينه
خيرررا عمممه شكووو

ازهار" ابووك ولك عمه ابوووك راح من ادينه

غضنفر " بلحضه حسيت اذني صوفرت بلحضه حسيت كلشي انتهه صار علينه تهجم واطلاق نار

صرت كدام ليث وردت انهي حياتي ما ردت افتح عيوني بعد ما ردت ارجع للبيت وابوي ما موجود
ابوي الي نضلم ويه امي

ابوي الي يوميه يصفن ويتحسر يعني راح من ادينه
اسمع بس صياح وبجي ليث باوعت لسمه
ودعيت ربي من كل كلبي انو ياخذ امانته

ما اعرف مر شكد من الوقت لو اشلون نقلوني
فتحت اعيوني بتعب لكيت روحي بلمستشفى
منو جابني باوعت على شباك المستشفى

لكيتهه دنيه اليل باوعت يمين لكيت ليث
نايم على الكرسي الي بصفي فعلا ليث اخوي
ابتسمت بتعب ورجعت غمضت اعيوني

حسيت على حركه بلغرفه فتحت اعيوني شفت عمتي ازهار واخواني وليث كلهم بلغرفه

اول ما فتحت اعيوني اجاني ليث يركض وفرحان مو مصدك ضل يبوس بيه

ليث" ولك ك*** اخذت نص حيلي ليش ولك هيج

غضنفر" اووو لك تلعب نفسي وخر مني

ليث" هههههه لك تلعب نفسك من حبيبتك

غضنفر " لك *** نجب منا عمتي كل ضني اني جنت احلم والي سمعته قبل لا اجي تخيلات

ازهار" يمه غضنفر الحمد اله على سلامتك خوفتنه عليك
بعد امك متشوف شر يربي

غضنفر" انتبهت الهه لابسه اسود وجهه متعوب مو مثل قبل وجهه يبض ومفتحه بيه الحياة
عرفت الي صار مو وهم لو خيال

الي صار حقيقه اتجمعن الدموع بعيني سالت بغصه
ليث اني صارلي شكد هنا

ليث" صارلك تقريبا 8 ايام هنا

غضنفر " عوفوني وحدي

ليث" اشلون اعوفك اخوي انته

غضنفر " عوفني ليث الله يخليك عوفوووني وحدي

ليث" غضنفر كول يا الله

غضنفر " عووووفوني وحدي لخاطر الله

ليث "عفناه وحده وطلعنه من الغرفه اني وزوجت ابوه
بس جان وضعه حيل ميطمن وخفت يصير بيه شي وهوه مريض

ازهار راحت للبيت لان الجهال وحدهم والناس بعدهي تجيهم واني ضليت انتضره
مرت نص ساعه هوه وحده فتحت الباب ودخلت عليه

لكيتهه ملفلف راسه بلبطانيه وبس صوت شهكاته المكتومه توصلني
اجاني صوته المخنوك وهوه يكول

غضنفر"  ليث الله يخليك عوفني

ليث" اجيت كعدت يمه حطيت ايدي على راسه
وحجيت بدموع

غضنفر انت انسان قوي وتؤمن بقضاء الله وقدره
شوف هاي اني كدامك 

خسرت اهلي كلهم بيوم واحد خسرت امي وخسرت ابوي
وخسرت اختي وهل الشي بسببي
تعرف كل يوم يمر عليه اتمنه بيه الموت

وكل ميصير واجب اتمنه اروح ما ارجع بس هذا قضاء الله وقدره هيج مكتوب النه شنو بدينه
كول يا الله

وخر الخطه عن وجهه واشوف لون وجهه صاير احمر واعيونه الي لونهن جبده
حضني حيل وبجه بصوت عالي وهوه يكول

غضنفر"ولك ليث اشلون راح اكدر ادخل للبيت وابوي ما موجود ولك ابوي الي فنه حياته الي ابوي الي مشاف راحه

ولك اشلون راح اكدر اشوفه مدد بكبره ولك اشلون اني حته من مات ماشفته حته من دفنوه ما شفته
ولا بفاتحته حضرت ولك مو

يكولون الابن لازم يشيل ابوه من يكبر لو من يموت ولك اني حته بدفنته محضرت
اااااخ يا بوويه

ليث " وحد الله كول يا الله ألا بذكر الله تطمئن القلوب
الي مريت بيه مو سهل بس راح يم رب رحيم غفور
صدكني ابوك جاي يشوفك ميقبل هيج تسوي بنفسك

وهسه امسح ادموعك لان راح يخرجونك هسه

غضنفر"ما اريد اروح للبيت هسه

ليث " بسيطه كوم هسه راح اسوي اوراق الخروج واجيك
نروح اني وياك للبست

غضنفر" تعبتك وياي

ليث" نجب عاد شنو هل الحجي انت اخوي
لي ما ولدته امي الي

غضنفر " ربي يسلمك ويعزك

ليث " عفته وطلعت رحت كملت اوراق الخروجيه مالت اامستشفى واجيت اخذت اغراضه

وشغلاته وطلعنه
اجيت على بيتي اني وياه حاولت اغير اله جو واخليه ينسه اشوي دخلنه جوه حطيت اغراضه

غضنفر" هاي شنو ليث مزوج واحنه مندري

ليث" لا وروح ابوي

غضنفر" منو بلبيت

ليث" واني والجني

غضنفر "  جا منو ينضف البيت عبالك ام بيت نادره ومنضفته

ليث" ههههه  وياك ام البيت شخصيا
قبل لا تطلع بيوم اجيت ونضفت البيت كله
حته متلزم عليه لزمه وحدي وصخ

غضنفر " ههه شنو طابخه النه رجلج جوعان

ليث " تدلل حبيبي هسه اوصيلك على اكل

غضنفر " للج حبي اني كم مره كتلج لا طلبينمن بره اريد اكل بيت

ليث" حبي تدلل بس هل المره

" هههه

"هههههههه اوكف ولك منو اجانه صوت الباب

غضنفر"  شنو مواعدلك وحده بلبيت

ليث" نجب عاد كافي شلزكت هسه لو صدك مواعدلي وحده خوش منو تقبل بواحد مثل العمود

غضنفر " دروح افتح الباب

ليث" رحت للباب وشفت جوارينه الي بلباب

دره " لو هذا الاكل دزته امي الك لان عندك خطار

ليث" امج ميفوتهه شي

دره " تفضل

ليث " حجيت بكلبي ينعل بليسج انتي وامج شهل الخلفه العسل

دره" اتفضلل

ليث"ها اسف جيبيه اخذتهه من ايدهه ومشت كدامي لبيتهم ينعل بليسهه لابسه تراك
ولابسه حجاب عود وشعرهه طالع من وره ولونه مثل الاحمر

صحت بصوت حته تسمعني يوول غطي شعرج طالع نصو
عثرتينه

دره" التفتت اله هاشنو

ليث" شعرج يول لبسي الحجاب عدل

دره " وانت شعليك بيه الحمد الله دخلت للبيت وسديت الباب حيل

ليث" دخلت وركعت الباب وراي الحمد لله
لك هاي ام شبر ونص هيج يول من الزمهه اله
اطرهه نصين

غضنفر " ها شبيك رجعت دردم علينه بلهجتك

ليث" يول هاي المصكوعه حركت دمي

غضنفر " ليث رحمه لهلك روح حميلنه الاكل الي بيدك وتعال عوف الناس بحالهم

ليث" حاضر بيبي حميت الاكل وجينه ناكل
بعدنه بنص الاكل ودك جهاز غضنفر
رفع الجهاز وهوه يحجي تعصب وصار لون وجهه احمر...

______

في بيت انتصار..

" جبتلج شغله راح تغرج بلفلوس انتي وبنتج شنو كلتي

انتصار " شوفي خيه انتي اعتينيتي بلجهال بغيابي خليني احجيه الج اني شغل ما اكدر اشتغل وبلنسبه

لجنار هيه تشتغل ما تكدر تشتغل شغلين
هيه الشغل الي عليهه كلش كافي

" هيه تشتغل الضهر واتحل العصر
اخذهه من بعد العشه اطلعهه ويه البنات الي عندي وهل الشغله فلوس كرف

وهيج مراح تحتاجون شي واوعدج محد راح يتقرب الهه

" لججج انتي تخبلتي امنت عندج جهالي
لو متت كلت صديقتي دير بالهه عليهم
تالي تردين بنتي تشتغل هيج شغله خايسه

" افهمي ولج ما اخلي احد يدنه اله
شكلهه غريب الكل راح يحبهه وفلوس تضل تجيج من كل مكان

انتصار " كومي اطلعي من بيتي

" هاي جزاتي مو لان اريدجن ترتاحن

" كومي من بيتي شهل الحجي الطايح حضهه
والله لايعوزنه الج

جلنار " طلعت وهيه معصبه اجيت يم امي اهدي بيهه
واحاول ما اخليهه تضوج مو زين عليهه لان بعدهي تعبانه
كومتهه للغرفه

واحمد تصرفاته ابد مو
حلوه ومو مقبوله بس ما بيدي اكول شي واكبر غلط انو نسكت  دوامي
بعد اله اسبوع تقريبا

ويبدي وهل السنه سادس رجعت لشغلي
عد بيت حسينه بس جنت كل الوكت افكر باخواني وامي
مالي دخل باحد

اول يوم ثاني يوم جان الوضع طبيعي
وصباح ماكو بلبيت

يصادف يوم الخميس رحت لشغلي كلعاده
لكيت الباب مفتوح
دخلت وسديته وراي حسينه بغرفته ويمهه نسوان

دخلت لغرفت البنات لكيتهن نايمات
ويمهن ضحى استغربتهه هيه نايمه يمهن هاي اول مره اشوفهه نايمه هل الوكت

شنو السالفه البيت هدوء رحت للمطبخ شربت ماي
عفتهن بلغرفه وسديت الباب اصوات من غرفت حسينه

اجيت يم الباب حته اسمع شوي
وجانت تنطيهن شغلات يمكن وتعلمهن
جنت واكفهه يم الباب وضهري

للصاله فزيت وختنكت بنفس الوقت من شخص حط ايده على حلكي
ونرفعت من الكاع ضليت ارافس اريده يهدني
ماكو عبالك اصارع جبل

عرفت هذا صباح من صوته المقزز الي يم اذني

صباح" اي يحلو اليوم شيخلصك مني

جلنار" حسيت النفس وكف بصدري ضليت بس انادي يا علي دخيلك وارددهه

شمرني بلغرفه ودخل وقفل الباب
ضل واكف بلباب ويروح يمين وشمال
صرت بلركن مال الغرفه وهوه جنه جبل واكف كدامي

ومبين مو بوعيه ومو صاحي
نزع فاليته وتقرب مني وهوه يكول

"شبيج خايفه وجهج نخطف لونه
لا تخافين ما اسوي شي

"  جان يحجي بلكوه ويجر الكلمه جر تقرب مني
وضليت اصرخ حط ايده على حلكي
وهنا بده صراع بينه

جنت ما اكدر اقاوم ضليت ارافس جوه رجليه
عضاني بيدي حسيت روحي طلعت
وطبع اسنانه نبت بيدي

باوعت على الميز لكيت مسهريه مدري منين اجتني القوه
مديت ايدي لحد موصلت الهه
شلتهه بيدي  وركعتهه براسه

وكع عليه لا حس ولا خبر دفعته من عندي
وركضت للباب
فتحته ونزلت اركض لكيت عباية حسينه معلكه بلباب

اخذته عفتهه على راسي وطلعت اركض واني
بلكوه اجر النفس دعيت ربي بس كون اوصل بسلامه

وصلت لباب البيت فتحت الباب صحت بصوت ووولجج
يمممه حجيت هل الكلمتين وحسيت الدنيه صارت سوده وضلمت بعيني

انتصار " اخذت علاج واليوم اشوي احسن جنت الضهريه كلهه نايمه كعدت العصر كلت اسوي كيك لجهال يحبونه حيل

خبطتهه وحطيتهه بلفرن جنت بلمطبخ كاعده وباوع على الجهال بلطرمه يلعبون جنت صافنه بس فزيت من شفت
جلنار دخلت وجهه مخطوف وحالتهه حاله بس صاحت

عليه وكعت من طولهه  اجيت اركض عليهه
وصحت على رامي يجيب ماي حته تكعد

رشيت على وجهه ماي حته تكعد فتحت اعيونهه بتعب
باوعت الي حضنتني وكامت تبجي

كومتهه للغرفه  مالتهه وجبت الهه ماي
جانت شبه ميته لا تحجي ولا تكول عرفت انو صاير وياهه

شي من حالتهه وعرفت مستحيل تمر سلامات بهل المنطقه التعبانه  كمت دخلتهه للحمام سبحتهه وشفت بيدهه

عضه عبالك عضت جلب بدلت هدومهه ورجعتهه بلغرفه
حاجيتهه متحجي بس تبجي وعيونهه حمر
وخدهه بيه اثر ضربه

يمه جنونه  احجي اشبيج شلعتي كلبي
احجيلي يمه منو سوه بيج هيج صباح لو غيره

جنه يمه لا تضلين ساكته
شوفي اعيونج راح يعمن من البجي كافي تبجين

جلنار " يمه الله يخليج بعد ما اريد اروح
لبيت حسينه

انتصار" صار ولله بعد مترحين الهم بس كافي بجي ودموع شوفي شسويتي بروحج

جلنار" وابوي اشلون واذا عرف

انتصار " وينه هوه ابوج لافيه شايفيه دخل يجي اله كتلته تصير على ايدي

جلنار " يمه فدوه الج ما اريدج تعبين من وراي

انتصار" اشش كافي يمه لا تبجين يله كومي
مسحي ادموعج واذكري الله
ربج ميضيع حق احد

جلنار " انشالله يمه هسه هل كايمه

انتصار " اذا اجه ابوج واني نايمه كعديني حته اني اتفاهم وياه لا تحجين وياه انتي

جلنار " صار يمه  كامت امي من اىغرفه وحاولت انام اشوي بس مكدرت سمعت  صوت اذان المغرب

كمت للحمام غسلت وجهي وباوعت بلمرايه
شكلي شصاير بيه حلكي الي لونه استقر على البنفسجي
لون بشرتي الي صار لونهه مائل لصفار

توضيت واجيت فرشت سجاتي وصليت
ضليت ادعي ربي من كل كلبي جنت. نايمه على السجاده وابجي

كل ما اغمض اعيوني اتذكر شنو صار وياي
كمت جبت القران وبديت اقره شوي حسيت روحي هدئت شوي

اجه رامي صاحني حته اتعشه كتله ما اريد
كمت طلعت دفتري والقلم وكعدت على الميز وبديت اكتب

كل كلمه جانت وياهه ادموعي تجري كتبت كلشي صار اليوم وياي وسديت الدفتر ونمت

ما ادري شكد مر من الوقت على نومتي
حسيت على صوت صياح
كل ضني انو اني جاي احلم او كابوس

بس فجئه هل الكابوس تحول حقيقه من حسيت انو
شخص سحبني من رجليه وكعت بلكاع

هيه فزه وهيه صرخه من الالام والوجع الي صار بجسمي من الوكعه
فتحت اعيوني بتعب وشفت ابوي واكف كدامي

ضليت ارافس برجليه واحاول اخلص منه
اجت مامه انتصار ودفعته عني
ضل واحد يتناوش الثاني

هوه يدفعهه وهيه ادفعه
بس مدري احمد ماكو بلبيت الجهال خاتلين بلغرفه

خفت على امي لان صحتهه حيل تعبانه
دفعهه وكعت بلكاع ورجع لزمني من شعري خليت

ايدي على وجهي واعيوني جنت امنع اعيوني تشوف منضر هل الاب القاسي
جرني من شعري لنص الصاله اجتني ضربه على وجهي

اذني حسيتهه صوفرت ما اجتني الضربه الثانيه
بسبب صراخ ابوي فزيت من المنضر امي
الي بيدهه سجين ضربته بكتفه

وصار الدم بكل مكان

انتصار" وللك اليوم لو اني لو انت ولك بنتتتك هاي واحنه اهلك تسوي بينه هيج لخاطر رجال حجاله كم كلمه

" اني اعلمج ب**** ولج اليوم اذبحجن اثنينجن
وادفنجن بلحديقه

جلنار" ضليت بس ارجف وابجي رجليه احسهن ماتن من شفت ابوي لازم امي ويريد يخنكهه

طك خشمهه دم واغمه عليهه سحلهه من رجليهه
ودخلهه لغرفت الجهال
وقفل الباب من بره  ضلت اني بمكاني

متحركت اجه هجم عليه لزمني ايد من شعري وايد من
ايدي وضل يسحل بيه بلمطبخ

هدومي من كثر الجر تشككن اخذ السجينه الي امي ضربته بيهه وشغل الطباخ ووخله السجينه الي بيهه دم على الطباخ

طلعت ريحت الدم والسجينه تذكرت هذاك الموقف
حجيت بدون وعي وينك غضنفر راح يحركوني يعد مره

يمكن ابوي مسمعني لان جان يضحك
وعينه على السجين الي لونهه صار اسود
ضليت اصرخ بصوت عسى ولعل واحد يسمعني بس

شترجه محد يجي وخر السجينه من النار ولزم ايدي اليمنه ضل يباوع للاثر القديم
وضحك كال

" هل الاثر امج سوته وكل متشوفينه تذكرينهه

" عاف ايدي اليمنه ولزم ايدي اليسره وكال

" هسه اجه دور ابوج وبهاي الايد كل متشوفينهه اتذكري
ابوج

" حط السجينه على ايدي حسيت روحي طلعت
ونفس الريحه اجت بخشمي
دفت ابوي قوي والسجينه وكعت على رجله

ضل يصرخ ويغلط
بعد مدريت بشي حسيت انو العالم طفه بعيني

انتصار " فتحت اعيوني واني بلغرفه اجيت افتح الباب لكيته مقفول
دورت على موبايلي دكيت على احمد وكتله يجي بسرعه

الجهال لكيتهم نايمين من الخوف انتضرت ربع ساعه وانفتح الباب احمد ضل يباوع مستغرب اجيت اركض
لغرفت الجهال باوعت محد بيهه ولك

وين اخذهه طلعت للحمام واحمد يركض وراي
مجاي يفهم شي
سمعت صوت ونين من المطبخ اجيت اركض

لطمت على خدي من شفتهه مدده بلمطبخ الوجهه شاحب وجسمهه بارد وبس صوت ونين خفيف
ركضت جبت عبايتي اني واحمد شالهه وركضنه بيهه

اريد سياره تمر ماكو ولا خير ابن خير وكف
شفنه من بعيد سيارت شرطه

واكفه قريب على المنطقه من شافونه هيج كالو اصعدو بسرعه صعدنه وجلنار بحضني

ضلينه نمشي سريع الولد طار بلسياره من سمعني اصرخ واكول نفسهه راح ينكطع

وصلنه شالهه احمد وركض بيهه
تشركت من الولد ورحت وره احمد اخذوهه منه بسرعه لطوارئ ضليت الوب اروح واجي

يمه اذا ماتت هل البنيه وين تروح من الله
ضلينه منتضرين تقريبا كم ساعه كالو حالتهه استقرت باوعت لساعه ب 3 تقريبا صارت نص اليل

كلت لاحمد يروح يم الجهال لان وحدهم مقبل بس
بعدين قبل لان خاف عليهم وحدهم
ضليت انتضر حته يطلعونهه

واجو تحقيق لان مبينه البنيه مضروبه
كالت وكعت وايدي صارت عليهه السجينه ضليت احجي عليهه ليش ما كالت ابوي سوه بيه هيج

طلعونه من المستشفى بعدما انطونه علاج وكالو كلبهه تعبان كلت اخذهه للطبيب اخصائي احسن

جلنار"من بعد ما طلعت من المستشفى ابوي ما وصل
ونقطعت اخباره امي كلت اله بس تجي بعد نشتكي عليك

باجر دوامي رحت اني وامي اشترينه ملابس من المول وغيرنه جو ورجعنه بده الدوام
يوميه امر من بيت حسينه وروحي تنقبض

وامي يوميه توصيني مالي غرض باحد وما اختلط باحد
ضحى ضليت اشوفهه بلختلات لو من اروح لو من ارجع
والبنات دائما اشوفهن بلباب

بدت الامتحانات الشهريه وجنت اجيب كله درجات كامله
ومن ارجع امي تفرح وتسوي النه كيك لو حلويات
علاجهه استمرت عليه 

من اتحسنت حالتي رجع احمد يدك الباب بليل لو
يحجي حجي ماصخ ومره حاول يبوسني لو يلزمني

صرت اخاف منه حيل كل يوم يمر عليه اكتبه بلدفتر
قرب الدفتر يخلص واشتريت

واحد جديد نفسه بس لون اسود كلت من ايخلص اكتب بهذا وهيج لحد ما

بدت امتحانات نصف السنه مالت السادس
ملتهيه بدراستي باجر اول امتحان الي
بعدني خايفه ومرعوبه

من احمد وخايفه لو احجي لامي انتصار
متصدكني شسوي يربي

قفلت عليه الباب اني والجهال ونمت
سمعت دكت الباب خفيفه وصوته المزعج

" جنو حبي افتحي الباب ما اسويلج شي

" حطيت ايدي على اذاناتي حته ما اسمع صوته المزعج
كعدت الصبح من وكت حته
الحك للامتحان صليت ولبست ملابسي

طلعت لكيت مامه انتصار كاعده
تقربت عليهه بستهه براسهه

الله يساعدج يمه

" هلا يمه رايحه للامتحان

"اي راح اروح

"  انتبهي لطريق ومالج غرض بلناس

" احاول طلعت كلعاده المنطقه تعبانه والدربونه
تخنك والبيبان مفتحه والبيوت صغيره

وصلت لنفس البيت الي مسببلي خوفه
عبرته بسرعه وصلت للمدسه امتحنت
كانت الاسئله سهله

انطيت ورقتي ورجعت اتمشه للبيت تقريبا ب 9 ونص هيج شي اول مدخلت الدربونه رجع نفس الصريخ
يعني رجع يكتلهه

حاولت اتغاضه عن هل الصريخ كم مره

بس ما اكدر فجئه انكطع الصوت
رحت اركض حته اشوف شنو صار

وصلت للباب البيت الي دوم اخاف منه
وجان منضر ميسر لا عدو ولا صديق
تجمدت بمكاني واني اشوف

ضحى الي غركانه بدمهه والي واكعه يم الدرج
امه واكفه هوه واكف بدايت الدرج من فوك
طبيت اركض بدون سابق انذار

وصلت يمهه وامه صافنه
شلت راسهه وحطيتهه بحضني  ضححى ضحى تسمعيني شبيج اششلون وكعتي ولج بناتج وين حتعوفينهن

جاوبتني بصوت متعب وحسيت روحهه داتطلع
وجسمهه برد حيل

"هوووه ه ه هووه شمرني منمن فوك
ج جنو بناتي امانه لا لا تعوفوهن يم هل المخبل يكتلهن
و ولله

"  اشش لا تحجين ضليت اصرخ بعلو صوتي
حته الناس يجون واحد ينقلنه بسيارته

التمت الناس وهيه بحضني بس صوت
ماكوو نفس هم وبشرتهه صارت صفره وجهه تغطه بلدم
شالوهه

الجوارين وعمتهه راحت وياهه واني نسيت
كلشي وركبت وياهم بلسياره  حركت السياره
للمستشفى  واني اباوع الهه واتمنه تفتح اعيونهه

وصلنه للمستشفى ولكفوهه من عدنه
واخذوهه اجينه لطورارء وراهم

اني كنت كلني دم ما مغسله وحجابي مخربط
دقايق يمكن والمستشفى انكلبت
محسينه بس الشرطه واثنين ضباط فوك روسنه....

_____

يتبع...

هلو بنوتات اتمنه البارت عجبكم وللي تكول قصير اجيهه ب🔪

3000 كلمه 🌚

واسفه على التاخير  لان حامل مالي خلك اكتب بس نوم
انشالله اعوضكم ببارتات طويله

توقعاتكم..

🥺💕