يالمعوضني كل تعبي شجازي
عيونك الحلوة شجازي الگبل
لا اعثر يگلي اندارلك فدوة بعد
ما ادور بنادم لگيت الينحسب
تجوة لگيت بوادمي بنادم صدگ يسوة . -
___
لا تنشون التصويت والتعليق على الفقرات
#طفلة النقيب
بقلم زينب العلي
____
" عوفني بحالي شنو تريد مني انت
" شنو اريد تعالي اكعدي هنا اريد احاجيج
" عمووو انت شتريد مني ولله ضربتك بدون قصد
اني كتلك لا تتقرب مني اضريك وانت تقربت
" حترررك شيب عمج بطلي هل الكلمه لا اكوم
هسه ارجع الج الضربه كاافي
"خفت منه من برزن شرايين كصته
اجيت وكعدت على اكرسي واني اطكط باصابيعي
ها عمو شتريد مني ولله اني ضربتك لان انت
جنت تريد تسوي شي مو زين
غير ما اعرفك شكولك غير عموو
" ***شيبتي رمشي بهل الكلمه و عفيه بلذكيه وانتي شمدريج جنت اريد اسوي شي مو زين يجوز جنت اريد اساعدج
" ها
" باوعت عليه ورجعت نزلت عيونهه بلكاع وهيع مستحيه لزمت ايدهه فزت وباوعت الي وعفتهه على ايدي
فزت مرعوبه وكالت
" شنوو شكوو
" لزمت العلك الي بيدي هذا العلك يذكرج بشي
لو لا
" باوعت على العلك الي مشدود بيده
عيوني دمعت واني اذكر غضنفر بيوم شديت بيده علك
معقوله هوه
باوعت بوجهه لا مو معقوله
اني اخر شي شفته وجهه وشكله مو هيج
ركزت بعيونه وهوه يباوعلي بس نفس الرموش ونفس
العيون المكحله
مفهمت عمو منو انته
"رفعت ايدي وخرت حجابهه
حطيت ايدي على الكلاده
جلنار تذكرين هذي الكلاده منو انطاج اياهه
ليش بعدج لابستهه بعدج تذكرين منو انطاج اياهه
" باوعت والدمعه بعيوني منو هل الشخص الي كبالي طاحن دموعي وحده وره الثانيه منووو انته
شعليك بلكلاده شعليك بيه لليش جبتني هنا
" اشش كافي بويه كولي الي منو انطاج هل الكلاده
واني اكلج منو اني
" الي انطاني اياهه شخص من الطفوله
" شنو اسمه
"عمو انت تعرفه
" احترك عمج لابو ابوج
شبيج فاهيه وتشلعين الكلب
" ضليت ابجي هسه على شنو تصيح متكلي
اسمه غضنفر
" كلللووووش صلوووات
" ضحكت على ردت فعله يعني انت تعرفه
تكدر توصلني اله
" اذا وصلتج اله شنو تنطيني
" يعني انت تعرفهه راح توصلني اله ولله
" اي راح اوصلج اله
"يله خلينه نروح هسه كمت من مكاني واني اتجهت للباب وهوه كاعد بمكانه
التفتت بعده بمكانه وبتسامه على وجهه
" وين رايحين عيب دنيه اليل باجر نروحله
سويلنه عشه
" تمام رحت واني اطايره من الفرح
راح اشوفه واخيرا
واني اسوي بلعشه صفنت
يعني حته لو رحت شنو راح اكله راح يصدكني
ايجوز مزوج وعنده جهال من راح يشوفني شكوله اخذني يمك لو يسالني عن اهلي شنو اكول اني
اختفت كل تعابير الفرحه على وجهي وغيرت رئيي كلت
اشلون شنو اكله وشلون اشرحلهه
جبت العشه يمه وردت اكوم
" وين وين اكعدي كملي اكلج تعوفيني اكل وحدي كعدت بس مخنوكه شبيهه قبل شوي طارت من الفرح
خلصنه شالت الصيني ورحت وراهه
شفتهه نضفت فزت من شافتني اشرت الهه
تكعد
شبيج ام اعيون مساعه فرحتي لان راح تلتقين بيه وهسه ضايجه
شنو الي تغير بلحضه
" لا عمو اني بطلت ما اريد اروح لمكان
" ليش بويه مترحين مساعه جنتي فرحانه تشوفيه
" عمو ما اريد اروح يعني اروح راح شكله
راح يتقبلني بكل الي صار وياي يكدر يساعدني
منو يكول ما عنده عائله وناسيني وحته لو هاي بشنو راح يكدر يساعدني اني وضعي كوله مخربط
ما اريد اروح ولا اريد اوصل اني بس يخلص
هل الشهر ادفع الفلوس الي
ديني بيهن واروح وفده عمو لا تجيب شي بعد
عفتت ودخلت للغرفه سديت الباب
كعدت على السجاده وابجي يربي فرجهه عليه
ااندك الباب عليه
مسحت ادموعي منوو
" منو يعني الجني افتحي الباب وتعالي
" ايي جايه مسحت اعيوني وخليت الحجاب على راسي وطلعت
كعدت مقابيله وهوه احسه يباوعلي
"اررفعي راسج
" رفعت راسي ها عمو صار شي
"لجج هاي شبيه وجهج
" حطيت ايدي على وجهي شنو شبيه
" بيه مثثل الدود
" كمت اركض من يمه وهوه يضحك
رحت على المرايه ماكو شي بس
بعدين عرفت يقصد النمش
الي بوجهي وهوه مو مبين حيل
رجعت كعدت يمه شبيك عمو عبالي صدك وجهي بيه شي
" اول شي شيبتي رمشي بكلمت عمو
" ها اسفه شنو اكلك
" صيحيلي باسمي
" ليش اني اعرف اسمك حته اصيحك بيه
" تردين تعرفين اسمي
" تره هوه اسم اذا تريد كول واذا تريد اضل اصيحلك عمو عفته وردت اروح للغرفه
بس وگفتني نبرت صوته الهادئه وهوه يكول
" اسمي غضنفررر
"واني بمكاني حسيت نفسي سمعت غلط
درت عليه واجيت اركض
جان كاعد على التخم وجان ضخم حيل
صرت بلكاع رفعت راسي واني اباوع اله
كول ولله انت غضنفر ما غيرك ضليت مركزه بعيونه لمن كال
" بويه عيونج بعدهن يوكعن الطير
على كيفج ويانه نو هيج تباوعين بيهن
" نزلت اعيوني مستحيه بس رجعت
حجيت صدك ولله
" اي ولله هوه هذاك نفسه الطفل الي شفتيه معقد وهوه صغير
" لا تكول هيج سالت باستفهام بس انت
من شفتك بلمستشفى مو هيج
شنو صار وياك
" سوالف هواي بويه المهم
بعدج محتفضه بلكلاده من هذيج السنه
" اي زين سؤال
" جواب
" انت الشخص الي جان يساعدني
"ليش
" هيج مجرد حساس
"ها
" نفس الرموش وهل العيون
" ليش طلعتي من المستشفى
تعرفين شكد تعذبت ياله لكيتج تعرفين مخليت منطقه مدورت حته رحت لابوج
وابوج كال اني معندي بنيه هيه ومتبري منهه
ولو مو هذاك اليوم وكعت محفضتي جان مشفتج
" غضنفر
" يبعد حيلي
" اسفه على كلشي
" عليمن اسفه بويه على الطكه الي مددتيني بلكاع لو على طيحان الحض وانوب اركض وراج
"اسفه ولله مو قصدي اضربك
" هسه كومي اغسلي وجهج وتعالي يمي
" حاضر هسه اكوم كمت غسلت وجهي
ورجعت كعدت يمه
" تعالي اكعدي هنا يمي
"اشر على المكان الي بصفه كمت كعدت بصفه
وجنت اباوع لايده الي بيهه العلك
معقوله كل هل السنين وبعده بيده
" جنو ارفعي راسج مشتاق لعيونج
" رفعت راسي وهوه صفن بعيوني
ضليت مركزه بعينه الي اشوف بيهه لمعه
مرت دقيقه رمش بعيونه قوي وكال
" بويه عيونج هدن حيلي
" فدوه لا تحجي هيج
"كومي روحي لغرفتج بويه وباجر يحلهه الف حلال
" عفته ومشيت سمعته يتحسر
اجاني صوته
" صايره جنج عصه مال ماسحه اريدج تسمنين شوي
" دخلت للغرفه وسديت الباب عليه
واني لاول مره بحياتي افرح هيج
بهذا لليوم منمت لحد مطلع الصبح اندك الباب
" جنو بويه كاعده
"اي عمو كاعده
" احترك عمج اني كم مره كتلج لا تكولين عمو
" فتحت الباب وهوه عاكد حواجبه
اسفه ولله نسيت وكتلك عمو
" ديلا كدامي امشي تريكي ورانه مشوار
"وين راح نروح
" امشي كدامي تريكي وبعدين تعرفين
" تريكنه وخلصنه كال الي بدلي
رحت بدلت بدون ما احجي شي
وهنا اول مره اطلع من البيت بعد
اكثر من عشر ايام
اجيت اكعد وره كال
"اني مو سايق ***تعالي ليكدام اكعدي
" كعدت وحركت السياره
مشت السياره مشت واني منطقت بولا حرف
مشت تقريبا ساعتين وصلنه
باوعت ناس رايحه بغير عالم واكو قبه
صفره كبالي وكل الناس تدخل جوه
وكفت دمعتي بطرف سالته
غضنفر انه وين هذا يا امام
" هذا الامام علي تعالي خلينه ندخل نزور
واريد اخذج لمكان
" ضلينه نمشي اشر الي وكال
" ادخلين انتي منا واني تلكيني منتضرج من اطلعين
" تمام دخلت للتفتيش ومجان اكو هواي ازدحام شافتني ام التفتيش
ضليت تصلي على محمد وتباوعلي سالتني اذا جايه وحدي لو احد وياي
" كتله اجيت ويه زوجي لعد شكلهه
طلعت من التفتيش وشفته واكف منتضرني
" يله تعالي منا
"مشيت بصفه واني جني فاره الي يشوفني
ايكول بنته من كد ما اني ناعمه وهوه
ضخم حيل باوعلي وكال
" وهسه ادخلين منا وتزورين
وساعه او نص ساعه تلكيني هنا منتضرج
شوكت متخلصين اطلعين
مو تضيعين المكتن باوعي احنه يم باب القبله احفضي الباب تلكيني كاعد هنا تمام
" تمام عفته ودخلت حسيت كلبي رجف اول مره اشوف هل العضمه والفخامه
فد شي يرهب والناس
تدافع حته تلزم الشباك وتزور ضليت
واكفه قريب يم الشباك وابجي بصمت
بس دموع لحد مرتاحيت حسيت كلبي
طلع كل حزنه اخذت تربه وصليت
خلصت طلعت لنفس المكان
لكيته ماكو كعدت يم الباب واني
اباوع للناس الي تروح وتجي
لفت نضري الي واكف يم الباب ويدورني
باوعت يفوق الناس طول
بس هوه بارز بينهم
التفت وشافني من بعيد اجه
يمشي سريع وصل يمي
" اني شنو كتلج
"كتلي اكعدي يم الباب من اطلع اشوفج
" ولج فصمه انتي متبينين غير تكعدين يم الباب يله كومي كدامي
" وين راح نروح هسه
" تعالي وياي اريد اخذج لمكان
" مشينه لحد مدخلنه المقبره
خفت حيل وصار كلبي يدك سريع
محجيت وين رايحين لان خفت
يمشي هوه واني امشي وراه وتعثر
لحد ما وصلنه لكبر وكف باوعت اله
ليش وكفنه وين احنه
" للاسف احب اكولج انتي ارمله حاليا
" مفهمت لمن قريت الاسم الي على الكبر
صباح احمد
ضليت صافنه شنو يعني هذا ليمته مان
" صارله سنه من مات
" صدك ولله اشلون مات مجان بيه شي
" من دخل السجن تازمت حالته ومن اخذوه للمستشفى عنده مرض وره سبوع توفه
" ما تاثرت لو بجيت ولا نزلت دمعه من عيني
بس كلت بكلبي الله يحاسبك مو احنه
" تعالي وراي
" وين راح نروح
" تعالي امشي وراي واني اكولج
" مشيت وراه مسافه طويله لحد ما وصلت يم قبرين باوعت اله وكلبي وجعني
منو هذولي جان كدامي ما اشوف شي
تقربيت وقريت الاسمين الي على القبرين واحد مكتوب عليه اسم امي والثاني
اسم ابوي
مثل الواحد وصطرني على خدي
ههههه كول جذب مستحيل هذول اهلي
" اي جنو اهلج جان امج وابوج طالعين
ومدر وين رايحين وصار وياهم حادث
وثنينهم توفو
" ما حسيت باي شي دموعي مو راضيات يطيحن برغم هذول اهلي جوه التراب
ضليت بس اباوع على الكبور
" بويه طلعي الي بكلبج لا تضلين ساكته
هذول اهلج وكلمن راح لدار حقه
ابريهم الذمه وسامحيهم
"الله الي يسامحمهم معندي شي وياهم
غضنفر خلينه نروح
" تعالي نطلع منا يله
" مشه كدامي واني وراه عيني على كبور اهلي ركبنه بلسياره
اني مو عندي اخو وينه
" اخوج ربه يم اختج الجبيره ويه اطفالهه
" ومامه انتصار وين بعدهي
" انتصار طلعت من هذيج المنطقه وهسه هيه كاعده بيت بغير منطقه هيه وخوانج
"الله يفرجهه عليهم
" راح نروح الهه
" شنسوي
" بويه مو من الصح تبقين يمي بلبيت
واحنه ما بينه شي راح اوديج
اوديج لانتصار وانتي ربيتي وياهه هواي
"احمد بعدهه يمهم
" منو احمد؟
"اخوهه
" لا اخر فتره شفتهه بحدهه
" ها زين وكفت السياره ولتفت الي
" ارفعي راسج
" ها
" هسه راح اوديج لانتصار وباجر
حضري روحج راح اجيب امي واجي
" ليش
"بويه لا تصيرين ثوله اني رايدج يمي وكدام عيني وتعبت ياله لكيتج مره ثانيه
" عبالك نثولت ضليت اباوع على اعيونه
يعني قبل شوي عرفت اني صرت ارمله واهلي ميتين وهسه تقدم الي لزواج
" كافي تباوعين هيج راح تنحولين
" ها اسفه دنكت راسي وما انطيته اي رد وصلنه لمنطقه حلوه
باوعت وكفنه يم بيت كلش مرتب وحلو
مو جبير حيل نزلنه ودك الباب
نفتح الباب وطلع حسين صلوات كبران
معرفني راح يركض وهوه يصيح
" مامه ماامه عمو غضنفر اجه
انتصار" هلا بيه يمه خليه يتفضل
جلنار" باوعت اله همه يعرفونك
غضنفر " اي اني الي ساعدتهه حته تطلع من
هذيج المنطقه وجبتهم هنا يله تعالي ندخل
" فتح الباب ودخل للبيت دخل على المطبخ وسمعته يسلم عليهه
واني واكفه بره المطبخ
" عمه جبتلج شخص جنتي دورين عليه هواي
" منو بعد عمتك
" تعالي بويه عليش واكفه بره
" دخلت لباب المطبخ رفعت راسي بس شافتني اجت تركض عليه
وحضنتني وهيه تبجي
" يمممممه بنيييتي وووين جنننتي
ووين ررحتي شكدد دورىنه عليج
لليش هيج بعد امج
ولج ليش هيج سويتي بينه ابوج وامج ماتو وهمه جانو يردون تسامحينهم
وللج يمه ليش ما اجيتيني من طلعتي من المستشفه
" يمه اني اهلي عافوني وانتي الي ربيتيني
بس بعد كلشي صار مكدرت ارجع لهذيج المنطقه
" كافيجن بجي سويلي جاي عمه
" اي عمه هسه
" كل شوي تباوعلي وتبجي
حجت من بين فرحتهه ودموعهه
" اني حته اخوي طردته علمودج تالي تعوفيني ومدري وين رحتي
" اسفه يمه حقج عليه
رحنه كعدنه بلصاله وضل يسولف ويه امي
لحد مكلهه
" عمه اريدج تنفخينهه الي
" ياا عمه ليش
" باجر خليه تحضر روحهه جايب اهلي
خلال اسبوع العقد ولعرس
" على بختك عمه حته ما نلحك تنفخ
" يله اني انفخهه من تجي يمي
امه هسه اني اترخص
" طلع وصل يم الباب وصاح عليه
" بووويه وينج
" اشرت الي مامه انتصار كمت اركض وصلت يمه ها عمو
" اشتعل عم تره باجر جاي اخطبج شنو عمو
" هههه مو انت اتكول بويه
" من انتي صغيره اني كتلج انتي بنتي
" بعدك تذكر
" مناسي اي شي يخصج بس انتي ما نطيتي جواب ضليتي ساكته
" جواب بخصوص شنو
" زواج جدي توافقين يزوج لو لا
" اي ليش خليه يزوج
" طيح الله حضج ولي من كدامي
" باوعت عليه ومشيت اني شمدرين ايكول زواجنه دخلت جوه وبدت مامه انتصار تسالني
وين جنت كل هل الوكت
بديت اسولف الهه من يوم الطلعت من المستشفه لحد مضربت غضنفر براسه
ضلت تضحك
وتكولي زين ما موتي الرجال
مر علينه يوم كلش حلو وضلينه كاعدين لوين
وعرفت هيه تشافت وصارت زينه بس
مراجعات بين فتره وفتره صارت ب 1 تقريبا ونمنه ثاني يوم عدلنه البيت وهوه اتصل
على امي كال نجي ب 3
تغدينه وامي كالت بدلي تراكج
بدلت صارت ب 3 راحت امي فتحت الباب
باوعت من الشباك
مره زينه مو كلش جبيره واياهه ثنين بنات
بس زينات يجي عمرهن ب 20 سنه هيج
دخلتهم المي للستقبال شوي واجتني كالت جيبي العصير حطيت العصير بكلاصات
قبل ما ادخل باوعت لنفسي
زينه يعني مو كلش ضعيفه ليش يكول عليه عصه ماسحه
دخلت سلمت وقدمت العصير
امه ضلت تباوعلي والبنات يبتسمن بوجي
باوعلي وكال
" تذكرين الي شفتيه بلمستشفه
" بيوم انت متصاوب
" اي
" هاي درة زوجت ليث والي وياهه زوجت سيف الي حقق وياج
" سلمت عليهن واني ابتسم وشكلهن كلش حلو ولطيف حجت امه بضحك
"يمه بعد امك هاي بحضنه وحده تختنك وتموت
" لا يمه بيهه كل الحيل لا تخافين
"دنكت راسي وطلعت استحيت من جرئته
ضلو شوي وراحو وره شوي اجت مامه انتصار ومتفقين على كلشي
خطه بعد يومين والعرس وراهه ب 4 ايام
مشت الايام بسرعه اجه يوم الخطبه
مقبلت البس بدله لان عجبني فستان قصير ومنفوش رحنه لصالون وراحت وياي درة
وجانت عدهه بنوته صغيره
لبست الفستان وحاولت تخفي اثر الحروق الي بجسمي
جان فستان وردي لبسته ودره تباوعلي وتضحك وتكول طالع جنج اميره
غطيت روحي وطلعتني اجه ليث اخذنه
وصلنه للبيت ونزلني
جنت فرحانه حيل واخيرا الشخص الصح
راح يدخل لحياتي
جان ااكو اسيل وامهه واخواتهه ودرة وامي وكم وحده من الجوارين
امي ضلت تصلي على محمد
وامه فرحانه تقربت مني وبوستني وكالت
" واخيرا اشوف غضنفر حب وراح يتزوج
ربي يهنيكم
" تشكرت من عدهه وبتسمت بوجهي حسيتهه حبابه حيل
اجه السيد يعقد النه وغطوني
فتحت اعيوني من المبلغ الي حاطه بلمهر
اني محجيت شي بس امي كالت لامهه هيه بتكم وبكيفكم
تم العقد وذبو مني الغطه الي عليه
جان شعري قسم مرفوع وقسم نازل شوي طولان مو مثل قبل
كلبي ضل يدك على السريع
من كالو راح يدخل جنت حاطه ايد بايد وكلبي احسه راح يطفر من مكانه
ولا حسيت هيج بخطبتي من صباح
وزواجي منه دخل علينه وهوه لابس
بنطرون اسود وفانيله نص ردان وفوكاهه
ستره وصل يمي وكعد على الكرسي بس جان مدنك راسه وميحجي
استغربت سكوته هوه هذا ابو لسان
كالت امه لبسهه ذهبهه انطته علبه
فتحهه وبده ايلبس بيه الذهب
مديت ايدي لبسني حلقه وبعدين سوار
وبعدين تراجي ومن لبسني الكلاده
حسيت بصوت همساته يم اذني
" بويه هديتي حيلي
" دنكت راسي اخفي ابتسامتي
طلع هوه والبنات ضلن يركصن
من لعو كلهم اجت درة وكالت
" روحي للاستقبال زوجج يريدج
" ضحكت وطلعت توترت يربي
رحت للاستقبال فتحت الباب عفته مفتوح
ردت ادخل وكال بهدوء والجكاير بحلكه
" سدي الباب وراج
"سديت الباب وكعدت شوي بعيد عليه ب
اوعلي بنص عين وكال
" بعد كومي اكعدي يم الباب
" كمت وصدك اريد اروح يم الباب
محسيت بس شخص قيدني بثنين اديه
ودفن راسه بركبتي
ضليت متصنمه محجيت ولا شي
طبع بوسه خفيه يم اذني وكال
" شدعوه هلكد انتي ترفه
" معرفت شنو اكول سحبني من ايدي وكعدني لزك بيه ميفصلنه ولا شي
" ارفعي راسج خليني اشوفج
" رفعت اعيوني اله ضل صافن بيهن نزل عليهن وباسهن وهون يكول
" من اول يوم شفتج بيهه وانتي طفله عيونج هدن حيلي
" فعت ايدي على مكان الي بيه اثر
بدعني محاطه ايدي لزمه وكال
" عوفيه يولي راح تكشين من ملمسه
" بدعت ايدي وحضنت وجهه بايدي الناعمات حيل جان ملمسه طبيعي بس شوي خشن
انت تقبلتني بكل عيوبي والاثار الي بيه
" اشش كافي انسي الماضي وعد مني مراح اخليج تذكرين يوم من الي عشتيهن
بس مو تضربيني وتخلين دمي بطولي
" هههه لا ولله اسفه بعدك تذكر
" بعد حيلي
" حضني لصدره واحس كلبه راح يطلع من مكانه مرت نص ساعه وهوه شوي يحضني وشوي يصفن بعيوني
" جنو يروحي اني حروح هسه تلكين جهاز يم عمتي عفته من اتصل عليج جاوبي
" انشالله
" تقربت بستهه بخدهه دتكت راسهه مستحيه
ما اعرف احس اي حركه مني تستحي لو تخاف طلعت واني ميت عليهه
ودي اضمهه بروحي دعيت ربي انو اكدر
اسعدهه وانسيهه كلشي مرت بيه
اعرف هيه مالهه ذنب بالي مرت بيه
"مر يوم ثاني يوم اتصل
ضلينه كول الوكت حته لو نا نحجي فاتحين اتصال ويحاول يفتح اي موضوع وياي
لحد ما اجه يوم العرس جنت خايفه نوعا ما
اجت وياي درة لصالون
بدت تحجيلي عن الزواج نوب خفت اكثر جانت عندي فكره بس من حجت الي كلشي
كتله بطلت ما ازوج ضلت تضحك عليه
لحد ما اجو اخذوني
ودوني لبيت بس غير البيت الي جنه بيه
طبعن هوه مجهز كلشي حته نيشان كال لامي اني اشتري كلشي الهه على ذوقي
ضىينه بيت اهلهه لحد مراحت الناس واني مشايفته بدت امه توصيني اليه
لحد مغطتني
راح يجي ياخذج هسه مشفت منه شي
بس حسيت بدفو من لزم ايدي
صعدني بلسياره لحد ما وصلنه للبيت الي
جنه اني وياه بيه ابتسمت وكفت السياره ونزلني لحد مدخلنه وقفل الباب
وصلنه للغرفه الي هوه بيهه
اجاني صوته ارفعي راسج
رفعت راسي جنت مركزه بيه لحد مفزيت من كال
" الغرفه عجبتج
" باوعت بلغرفه تجنن ابتسمت وكتله اي كلش حلوه اشر الي على الحمام وكال اخذي راحتج
رحت للحمام سبحت وبدلت
حسيته محتار اكثر مني صليت وهوه يباوعلي
اجه كعد يمي وهوه يكول
" جنو ما اريدج تخافين مني
لو تضوجين وصدكي ما اسوي شي انتي مقابله عليه كومي رتاحي اليوم تعبتي
" كمت نمت على الجربايه وهوه دخل سبح
واجه نام بصفي مد ايده حته انام عليهه
صرت بحضنه بس جنت حيل ضايعه بحضنه
حط شفته على ركبتي وبده يبوس بيهه ويكول
" شكد ترفه انتي يحيلي اخاف من ابوسج اجرحج
" درت عليه وحضنته بده شوي شوي يدنه مني ويتقرب ما حبيت امنعه
لحد مصار كلشي بينه وصرنه زوج وزوجه
بع بوسه على عيوني وكال
" انتي اطهر شي صار بحياتي واصدق شي
رغم كلشي انتي بعدج بنيه اذيتج مو
" رغم اني متوجعه بس ابتسمت بوجهه
استحيت حيل من عنده كام سبح وجاب فواكه من المطبخ عافاهه يمي
ضل يلعب بشعري لحد مغفينه
كعدت الصبح ردت اكوم اسبح مقبل اصر هوه يسبحني مقبلت ضل يحجي عليه ويكول اني زوجج ولازم تتعلمين عليه
جنت حيل مستحيه منه غسل شعري
ومشطلي اياه وهوه يلم بشعري كال
" تعرفين شكد جنت احب هل الشعر
وكل ما اشوفه مخربط امنيتي اعدله
"فده الك الشعر
" يله تعالي اكلي شي
" تريكنه ومخلاني اكوم كال الغده امي راح تجيبه ضلي كاعده
وفعلا الغده امه جابته وضلن للعصر وراحن
عشت اجمل ايام حياتي ويه غضنفر
ميقبل اله هوه يمشط شعري مرت الايام ومرت اشهر واني حبلت وحبت ولد
وكملت حياتي بغضنفر وابني
ولهنا تنتهي قصتي وشكرا الكم على كلشي
ربي يسعد الجميع
_____
النهايه
لهنا وتنتهي قصتنه اتمنه مطولت عليكم واعذروني على التاخير
والبارت بدون مراجعه غلسو على الاخطاء
وشكرا لصبركم وحبكم الي
ربي يحفظ الجميع 🌹🥰
ضيفو القصه الجديده بحسابي اسمهه طريق الهروب
ومتابعه للحساب
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!