جريمه مخطط لها (طفلة النقيب) الفصل الرابع والعشرون 24 - بقلم زينب العلي

هلو حبايب اشلونكم نشرت قصه جديده تفاعلكم ودعمكم الهه تلكوهه بصفحتي اسمهه

#رقصة الدم

هذا مشهد منهه اذا عجبكم روحو ضيفوهه مكتبه وتعليقاتكم الحلو

ــــــــــــــــــ

مشهد 1

_واكفه يم البنات واني واكفه على صفحه مغطيه وجهي بركع مال ليرات ذهب اباوع للناس الي كاعده
والدنيه رايحه بيهن وهنه يرقصن ويضحكن

واني واكفه مثل الصنم بالي مو وياي كل الي بعقلي
الي شفته حقيقه لو جذب كل دقيقه تمر احسهه
مثل السم عليه يا ريت اموت واخلص لو عندي جهاز على الاقل حسيت بكرصه على ايدي التفتت شفتهه روشين

_ روشين
وللج تحركي صيري بنصنه حته لو بس تتحركين منا ومنا
ولله العضيم اذا ضليتي بس هيج واكفه
اليوم ام سعدي راح دفنج وانتي عدله
ولج ما مليتي من الضرب حته جسمج بعد ميتحمل
متشوفين تلبسج كله ردان حته ميبين الاثر
وعلي هل المره تخلي طلقه براسج

_ اشش خليني بلكي الله يسمع منج وتخلي طلقه براسي مثل متكوليني

_ ولج انتي متردين روحج ما تعبتي يوميه غذاب شكل
تعالي صيري بنصنه وبس تحركي
بعد نص ساعه ونخلص

_ عوفيني هيج واكفه واني اريد من الله تحاجيني
لو تكتلني صدك واموت عافتني
ومشت واني اتذكر قبل ما نطلع لهنا وصوتت تهديدهه باذني

_ اسمععي هل المره اذا ما رگصتي ويه البنات
موتج راح يصير اليله وتعرفيني ما اشاقه اني

_ هزيت راسي واني اضحك هوه هذا اخر يوم الج يا
ايسن ابتسمت بتعب واخيرا هذا اخر يوم الي
مرت دقايق وصوت الاغاني العالي
بس فجئه كلشي توقف وصار صوت صياح

اباوع للباب واني اشوف الزلم والنسوان ضلت تتطافر من كل مكان صارت عيني على الباب
واني اشوف زلم لابسين اسود باسود وياهم من الجيش

دخلو وطوقو المكان كله وسدو الباب البنات ضلن يبجن ويصرخن اني ضليت واكفه بمكاني واضحك بكلبي
اجو علينه اثنين موجهين السلاح ويمشون بينه اخذونه على صفحه كل احنه والي جانو كاعدين على صفحه
حجه واحد ملثم بصوته الخشن على جتفه 3 نجمات

_ ماا ارريد شيي بهللل المكاان ماا تفتتشوونه ماا طللعونن اليووم الهه تلكونهن كللهن

_ ابتسمت بخبث واني اعرف عليمن كاعد يدورون
اجه هوه نفس الشخص وبده يعبر من يمنه ويباوع بينه وحده وحده وصل يمي وعكد حاجبه من شافني
ما اعرف ليش شوي وكال

_ تعرفن كلش زين على شنو ندور فاحجن حته ما اجرجرجن كلجن لسجن

_ام سعدي
دور منا لباجر مراح تلكه شي بس اذا تريدلك مره فاحنه حاضرين

_ههههه واذا لكيت

_ ههههههي بلعافيه عليك

_ايسن
ابتعد من يمنه شوي وهمه جوه يدورون باوعت لام سعدي وهزيت راسي عفت البنات واني متوجهه لابو نجمات
استوني تحركت خطوتين واحس واحد سحبني من شعري
صرخت موجوعه كلهم التفتو عليه
اجه هوه يمشي على السريع هبت ايد ام سعدي من راسي
وحجه بعصبيه

_ مالنننه خللك ت**** شوفي وحق الله اذا سويتي هوسه اخذج انتي وهل ال*** كلجن فهمتي

_ضليت واكفه بصفه وهيه تخزر بيه
حجت بصوته الي يلعلع

_ شوووفي للج اذاا ما اجيتي اهنا راح اسوي شي ميعجبج

_ رجع التفت الي ورفع ايده وهوه يكول

_ شكوو انتي تعرفين شي

_ام سعدي
عوووفه عووفه تعاالي هنا يلله ماا احااجيج بعدد

_ايسن
درت وجهي من عدهه رفعت راسي اباوع اله وهوه منتضرني احجي اشرت اله انو نبتعد من هنا
مشينه شوي مسافه عنهن وام سعدي تهدد اصلخ واذبح
واني اعلمج هزيت راسي الهه

حجيت واني اتشجع واحاول ما اخاف
شوف اني اعرف على شنو ادورون

_ اهاا وعلى شنو اندور بله

_ ادورون على المخدرات وعلى قطع اسلاح
باوعلي بصدمه وهوه يفتح اعيونه ويركز وياي

_ يي وانتي تعرفين وين مكانهن

_ ي اعرف وينهن شفتهم وهمه يصمونهن

_ اححجي وين

_ بشرط

_ شنوو نوب تشرط

_ حجه بعصبيه نزلت راسي مسحت دمعتي
حجيت واني كلي ثقه انو اكدر اطلع من هل المكان
اذا دليتك عليهن اوعدني اطلعني منا
حته لو تعوفوني بلسجن بس لا ترجعوني لهنا باوعي ما فاهم شي

_ تمام يله بسرعه وينهن

_ اوعدني بلاول

_ اللهم صبرج يا روح اوعدج يابه يله بسرعه

_ رفع ايده واشر على كم واحد اجو وياه واني صرت امشي كدامهم وصلت للغرفه مالتهه وحجه واحد وياه

_ سيد قبل شوي شفناهه هاي الغرفه ما بيه شي

_ باوعت اله وفتحت باب الغرفه وفعلا الغرفه كايمه وكاعده ابتسمت وصرت اتقدم وصلت يم الجربايه مالتهه
ردت ادفع الجربايه ما كدرا اجو اثنين شالوهه شيول وشمروهه على صفحه

رفعت راسي اباوع الهم كلهم يباوعن الي باستغراب
دنكت على الكاشي وصرت اشلع بيهن وحده وحده على كد 6 كاشيات اجو كلهم يمي ويباوعون باستغراب
وخرتهن وصار جواهن حديده جبيره وخرت

على صفحه واشرت اله على المكان اجو اثنين هم شالو الحديده وجان اكو درج لازك بلحايط ضحكو ونزلو اثنين منهم جوه هاي الغرفه واجانه صوتهم من جوه

_ سيدد كلشي الي جنت تريده موجود هنا

_ باوع اله ضحك من كل كلبه واشر الهم اخذوهم كلهم
طلعو وبدو ياخذون بلي موجودين كلهم اله اني ضليت واكفه بمكاني وخايفه اذا فعلا راح يساعدني او لا

بهل الاثناء اجه واحد ثاني هم 3 نجمات وياه هم قوه
صارت هوسه بلغرفه واني واكفه بزاويت الغرفه
وخايفه حيل شنو نسوني لو شنو اباوع عليهم اجوني اثنينهم الي حاجيته وياه واحد هم 3 نجمات
وكف يمي وهمه مبين من صوته يضحك

_ وفيتي بوعدج وساعدتينه هسه راح ترحين ويه رضا
تكملون الاجرائات وانتي باعتبارج شاهده

_ شاهده شنو اني ساعدتك وهسه لازم انت تساعدني

_ يي يابه فهمنه اساعدج امشي هسه ويه رضا

_ باوعت الهم اثنينهم واني ما اعرف ليش دب الخوف بكلبي مشيت من كدامهم لكيت ويه الملابس الي مشمره بلكاع بشت اسود شلته وخليته على جسمي
الي اسمه رضا صار يمشي كدامي واني وراه
لحد ما وصلنه لسياره ابتسم وكال

_ يله اصعدي وراج ليله طويله ....

ــــــــــــــــــــــــــ

روحو ضيفوهه مكتبه