رواية جثة يسرا الفصل الأول 1 - بقلم محمود الأمين

في واحدة من محافظات صعيد مصر، حصلت جريمة ق.تل ولما الشرطة حققت فيها كانت عاجزة تعرف مين القا.تل؟!
الموضوع بدأ ببلاغ بيوصل لرجال الشرطة من واحد بيقول انه رجع من الشغل لقي مراته واللي كانت حامل في 3 شهور م.دبوحة من رقبتها ومرمية في صالة البيت.. واول ما وصل البلاغ اتحركت قوه من القسم على مكان البلاغ، وهناك لقيوا جث.ة لبنت في منتصف العشرينات كانت بملابس النوم وم.دبوحة.. عشان يبدأ التحقيق في جريمة ق.تل من أغرب الجرايم اللي حصلت في الصعيد
…

انا المقدم كرم منصور، لما وصلنا مكان البلاغ وشوفت الجث.ة واللي كانت م.دبوحة بطريقه و.حشية.. بصيت على الشقة واللي كانت متبهدلة وكل حاجة فيها متكسرة وعلى جنب كان قاعد اللي بلغ جوز المجني عليها واللي عرفت ان اسمه الاستاذ علاء، قربت منه كان منهار من العياط وقولتله
_ البقاء لله استاذ علاء شد حيلك
= الشدة على الله يباشا.. انا عارف مين اللي عمل كده
_ طيب كويس.. مين يا استاذ علاء؟
= اخويا سعيد بكر اللي عارف ان لو مراتي واللي في بطنها ماتوا وصية ابويا الله يرحمه هتكون باطلة وساعتها هياخد حقه بالشرع والقانون
_ انا مش فاهم حاجة.. ممكن حضرتك تفهمنى من البداية عشان لما نحقق معاه نكون فاهمين؟
= حاضر يا فندم.. بس ممكن حضرتك تديني شوية وقت انا مش قادر اتكلم.. انت شايف الوضع قدامك عامل ازاي وانا مش قادر اتحمل منظر جث.تها ده.. مش قادر والله
_ لا حول ولا قوه الا بالله.. حاضر يا استاذ علاء
…
فضلت مستني لحد ما وصل فريق من الطب الشرعي والمعمل الجنائي عشان يتم فحص الجث.ة ومسرح الجريمة، كنت مركز في كل تفصيلة بيعملوها من جمع احراز ورفع بصمات لحد ما دكتور الطب الشرعي نده عليا واتكلم وقال
_ واضح ان اللي دخل ي.قتل ده.. كان بي.قتل بغرض الانتقام في ع.نف وو.حشية مستخدمة مع المجني عليها سواء في الكدمات اللي على اللي على جسمها او حتي في طريقة الد.بح.. ده شخص عنده غل مش طبيعي، وكمان في كسر في الصباع التاني من الايد اليسرى للجث.ة.. دي الحاجات الظاهرية غير الحاجه اللي ظاهره طبعا للجميع ان المجني عليها كانت حامل، ان شاء الله بعد التشريح هتبان كل حاجة
= اكيد يا دكتور وهكون في انتظار التقرير
…
اما رجالة المعمل الجنائي وهي بتفحص المكان قالوا ان الباب متفتحش بمفتاحه الاصلي وان في كسر في الكالون، بصيت حواليا وانا بشوف كل حاجه وبسمع كلام الدكتور والمعمل الجنائي ومن الواضح ان اللي داخل ده كان داخل ي.قتل ويسرق والا مكنش هيبهدل الشقة بالشكل ده
وبعد ما خلصوا اتنقلت الجث.ة للمشرحة واتحركنا عشان نرجع على المكتب وكان معايا الاستاذ علاء جوز المجني عليها، واول ما وصلنا هناك كان لازم الاستاذ علاء يتكلم عشان نبدأ تحقيق مع المشتبه فيهم في الجريمة
وقولتله
_ استاذ علاء انا مقدر جداً الحالة اللي انت فيها، ولكن حضرتك لازم تتكلم، لازم تحكي كل اللي تعرفه انت في الشقه اتهمت اخوك وجبت سيرة ميراث وان موت مراتك واللي في بطنها هيخلي اخوك يورث، فممكن توضحلى عشان انا مش فاهم حاجة
= ابويا الحج بكر الله يرحمه، كان نفسه يشوف لحد مننا خلفة قبل ما يموت، بس كان حظه قليل عشان مراتي ومرات سعيد اتأخروا في الحمل، وكل يوم كان بيعدي كانت السيرة دي بتتفتح والكلام فيها بيكتر، ودي حاجه كانت مضايقة مراتي ومرات سعيد كمان، ولما اتكلمنا مع الوالد عشان يخف علينا شويه في الموضوع ده قال ان اللي هيخلف سواء ولد او بنت هيكتب كل حاجة باسمه وهيحرم الباقي من كل حاجة وده طبعاً كان ظلم ولكن هو كان مصمم على ده، ولما مراتي حملت وحس ان هو اجله قرب كتب الكلام ده في وصية وسابها مع المحامي وقال ان بعد ما مراتي تخلف المحامي يسلمني كل حاجه وهي مكتوبه باسم ابني او بنتي
وان في حاله حدوث سقوط في الحمل او ان الطفل يموت بعد الولادة وقتها التركه تتقسم بالتساوي بيني وبين سعيد
وبعد ما اتوفي سعيد حاول معي كتير اننا ننسى الوصية دي وكل واحد ياخد نصيبه بس انا رفضت، اما هو فاكتشف انه عنده عقم ومش بيخلف يعني لو مراتي خلفت الموضوع انتهى، المشاكل كترت بيني وبينه وعشان كده قررت اني اخد بيت بره بعيد عن بيت العيلة عشان كنت خايف على مراتي واللي في بطنها.. عرفت ليه انا متهم اخويا؟
= بص يا استاذ علاء، كلامك منطقي جداً، ووالدك الله يرحمه غلط.. غلط كبير في حقكم انتم الاتنين ولكن كل الكلام اللي حضرتك قولته هو بالنسبالى كلام مرسل، واخوك هيكون واحد من المشتبه فيهم بعد ما نعمل التحريات ولكن مش اتهام صريح لشخص مفيش اي دليل ضده لحد دلوقتي
وبعدين هو حضرتك مش معاك مشاكل مع اي حد تاني في الشغل او مع الجيران
_ اكيد معايا مشاكل، بس المشاكل دي كلها مشاكل عادية متوصلش لحد الق.تل
= طيب يا استاذ علاء، احنا هنعمل التحريات وباذن الله في اقرب وقت هنعرف مين اللي عمل كده، ولو كان مين هياخد جزاؤه
…
طلبت من الاستاذ علاء يروح دلوقتي، وطبعا رجع على بيت العيلة عشان الشقة بتاعته اتشمعت بالشمع الاحمر.. وبعد ما مشي اتكلمت مع الرائد عزت واللي ماسك معايا القضية وطلبت منه تحريات مفصلة عن المجني عليها وعلاقتها واني عايز اعرف كل حاجة عنها
وبعد 24 ساعة دخل عليا الرائد عزت وفي ايده ملف التحريات واتكلم وقال
_ يسرا عبد الحميد عندها 25 سنة متجوزه وكانت حامل في 3 شهور.. على حسب التحريات علاقة يسرا وجوزها علاء كانت علاقة متوترة وبالذات في الفتره الاخيرة، وعرفت ان سبب توتر العلاقة دي هو علاء نفسه اللي اجبر عشان يتجوز يسرا وكان مش بيحبها ومش عاوزها ودايما كان بيعملها بطريقه صعبة ممكن توصل للض.رب.. ولكن بعد وصية الوالد ولما يسرا بقيت حامل، اتغيرت معامله علاء للاحسن ولكن ده كان مزعلها عشان هي حست انه بيقرب منها عشان المصلحة وبس
الشخص التاني المشتبه فيه في القضية هو سعيد بكر اخو علاء واللي اتحرم من الميراث بسبب وصية الوالد، واخر كلام حصل بينه وبين علاء في الموضوع ده.. سعيد هدد علاء بالق.تل لو قرر ينفذ الوصية.. خصوصا بعد ما عرف سعيد انه مش هيقدر يخلف
الشخص المشتبه في رقم 3.. وده واحد ساكن في العماره اسمه ساهر، اللي ساكن فيها الاستاذ علاء في الوقت الحالي والراجل ده الناس كلها بتقول عليه مختل عقليا وفي يوم ابنه تعب وطلب من المجني عليها المساعده خصوصا انها خريجة تمريض وهو عرف المعلومه دي من مراته اللي حكت قبل كده مع يسرا.. ولكن يسرا رفضت تساعده وخافت تفتح الباب وللاسف على ما الاسعاف وصلت كان الولد مات.. وساعتها الراجل ده فضل يهدد ويتوعد الاستاذ علاء ومراته وقال ان مش هخليهم يتهنوا على ابنهم اللي جاي في السكة
…
وبمجرد ما قفل عزت ملف التحريات التليفون رن واول ما رديت كان بلاغ عن جريمة جديدة.. ولكن الصدمة انها كانت في نفس العمارة اتحركت انا والرائد عزت على العماره عشان نشوف ايه اللي حصل وقتها لقينا الاهالي كلها متجمعه قدام شقه مفتوحة ووقتها لقيت جث.ة متعلقه من رقبتها في سقف الشقة والصدمه انها كانت جث.ة…