الفصل الثالث

رواية جثث العيلة الجزء الثالث 3 بقلم محمود الأمين جثث العيلةرواية جثث العيلة الحلقة الثالثة كانت جثه عزت، يعني الشخص اللي احنا جايين عشان شاكين فيه هو كمان اتقتل، المنظر كان صعب وعزت كان مطعون بسكينة.. أكتر من طعنة وسلاح الجريمة مش موجود، بصيت لعصام اللي كان واقف مذهول وقولتله _ادي اللي كنا شاكين فيه اتقتل هو كمان، والموضوع عمال يتعقد كل ما نحاول نحله

= انا مش فاهم حاجه من اللي بتحصل، مين اللي عاوز يخلص من العيله دي كلها وليه؟ _هنعرف، لازم نعرف اللي بيعمل كده من جوه العيلة مش من بره والموضوع مسيره هيتكشف ما تقلقش = انا مش قلقان، انا خايف بس يسحبوا الثقه مننا في القضية وساعتها هتضيع على حضرتك وعليا الترقيه اللي جاية _ما تقلقش يا عصام، هتتحل هتتحل قول بس يا رب

في اللحظه دي دخلت مدام شيماء من باب الشقة واتصدمت لما لقيتنا واقفين جوه، واول ما شافت منظر جوزها على السرير صرخت ما كانتش متوقعة ان القاتل هيوصل لحد هنا ويخلص عليه، ومن بشاعة المنظر ما قدرتش تستحمل ووقعت من طولها وطبعا طلبنا الاسعاف اللي جت ونقلتها بسرعه على المستشفى، وفي نفس الوقت وصل فريق من الطب الشرعي والمعمل الجنائي وبدأ فحص الجثة ومسرح الجريمة طلعت بره الشقة ولعت سيجاره وبدأت افكر، مين المستفيد من كل ده؟!

لكن في الوقت ده قطع حبل افكاري صوت عصام اللي كان ماسك ورقه في ايده وبيقرب ناحيتي وبيطلب مني افتحها واقري اللي فيها ولما فتحت الورقة كانت وصية الحاج سيد واللي كان موزع فيها تركته والغريبة انه كان كاتب كل حاجه لواحد اسمه سيف، بصيت لعصام وسألته _مين سيف؟! = ده المفروض انه ابن مدام نجلاء اللي مات في حادثة

_اه، ووارد وبنسبة كبيرة ان سيف ده اتقتل وان الحادثه بتاعته كانت مدبره اصلها مش صدفة.. وعشان كده عايزك اول ما نخلص الموضوع اللي في الشقه ده وتروح الجثة على المشرحة تطلب من مدام نجلاء بشكل ودي اننا عاوزين نقعد ونتكلم معاها جايز كلامنا معاها يوصلنا لحاجة وبعد ما خلصت كلام مع عصام كانوا الرجاله خلصوا شغلهم، ولكن المره دي دكتور الطب الشرعي ما تكلمش معايا، الراجل شكله زهق من العيله دي وبصراحه انا كمان

رجعت على مكتبي وبعد نص ساعة دخل عليا عصام المكتب واتكلم وقال _مدام نجلاء بره يا باشا، قالت انها ما عندهاش اي مشكله انها تيجي بصفه ودية = طيب جميل، خليها تدخل ومش عاوز اي ازعاج، عاوز اتكلم معاها عشان افهم حاجات كتير دخلت مدام نجلاء وقعدت قدامي، وبدأت اتكلم معاها _مدام نجلاء، قبل اي حاجه انتي هنا بصفه ودية ومش متهمه باي حاجه عشان ما تفهميش غلط بس انا اللي صممت اني اتكلم معاكي عشان في بعض الحاجات محتاج افهمها

= انا تحت امرك يا فندم اتفضل _حضرتك كان عندك ابن اسمه سيف مش كده؟ = الله يرحمه، ايوه يا باشا اتوفى وهو عنده 15 سنة في حادثه عربية وانا كنت معاه في نفس الحادثة وطلعت وقتها بكسور بس الكلام ده عدى عليه سنين _طيب حضرتك ما شكيتيش ان الحادثه دي بفعل فاعل، يعني جايز حد يكون بيكرهك وقرر انه ينتقم منك في ابنك = انا ما اقدرش اتهم حد بدون دليل، وعشان مكدبش على حضرتك اه شكيت ان الموضوع في حاجه غريبة بس في النهايه رضيت بحالي وسكت

_طيب عشان اكون صريح معاكي انا كمان، انا تحت ايدي مستند بيقول ان الحاج سيد الله يرحمه كان كاتب كل حاجه لابنك سيف ما اعرفش اذا كنتي تعرفي حاجه عن الموضوع ده ولا لا؟ = البيت كله كان يعرف، حتى وقتها حصلت مشاكل ما بين الحاج سيد وعياله بس في النهاية الدنيا هديت وكل حاجه رجعت لطبيعتها وسيد الله يرحمه قالي ان مستحيل ولاده يعملوا كده

_طيب هل كان في عداوه بينك وبين الاستاذ طه، وغرضي من السؤال هوضحه لحضرتك، الاستاذ طه شايف ان انتي اللي ورا كل حاجة وانك انتي اللي قتلتي الحاج سيد وقتلتي الست نبوية والنهارده قتلتي عزت = الكلام ده ما حصلش، ده كدب وافتراء هو طول عمره بيكرهني اكتر واحد في البيت، وكان بيعامل سيف الله يرحمه وحش بس انا مش هعمل زي واتهمه، انا هكتفي اني اقول حسبي الله ونعم الوكيل فيه

بعد ما خلصت كلامي مع مدام نجلاء ومشيت بدأت افكر، هو ليه ما يكونش طه اللي ورا كل ده، دخل عليا عصام ولقيني قاعد سرحان ولما سالني في ايه وعرفت حاجه من مدام نجلاء ولا لا؟! قررت اني افهمه اللي في دماغي واشوف اذا كان هيقتنع ولا لا؟ _بص يا عصام انا شاكك في طه مش عارف ليه شكيت فيه دلوقتي، بس طه هو اللي اكتشف الجريمة الاولى وهو اللي اكتشف الجريمة التانية، وكان طول الوقت بيحاول يشككنا في مدام نجلاء وان هي اللي ورا كل حاجة

= والله يا باشا هي وجهة نظر، وانا كمان مش برتاح لطه ده، بس حضرتك عارف الشغل مش احساس، لازم يكون في ادله وموضوع الوصية دافع وكل حاجه بس مش دليل قوي وعشان كده احنا لازم نصبر لحد ما نلاقي دليل حقيقي عليه

_انا عارف الكلام ده، وعشان كده مش قادر اخد اي خطوه رسمي ضده.. بس تعالى نحسبها من الاول الحاج سيد كتب كل حاجه لسيف، وطه قدر يدبر حادثة كان عايز يخلص فيها من سيف وامه ولكن سيف بس اللي مات وكده اتبقى في العيله ابن عزت وابن طه، ابن عزت مات في المستشفى قدام عيني والموته بتاعته كانت غريبه ومش بتفارق خيالي لحد دلوقتي وممكن يكون فيها شبهة جنائية، وعشان طه كان مستعجل على موضوع الميراث خلص على والده بس نبوية الخدامه شافته فخلص عليها هي كمان، اما بالنسبه لموضوع قتل عزت، فممكن يكون عزت عرف ان طه هو اللي ورا موت ابنه وهددوا انه هيبلغ عنه فخلص عليه هو كمان قبل ما يتكشف سره

= هو تحليل كويس يا باشا للاحداث، بس كل دي استنتاجات احنا عاوزين دليل نمشي وراه _هيظهر، اوعدك انه هيظهر وفي اقرب وقت كمان

واول ما خلصت كلامي مع عصام لقيت الاستاذ طه بيرن عليا اللي هو لو افتكرنا ربع جنيه ما كانش جه كده ولكن لما فتحنا الخط لقيت الاستاذ طه بيقول انه دخل البيت ولقي والدته واقعه في الصالة وطبعا بلغ الاسعاف وبلغنا احنا كمان، وبحكم ان احنا عارفين انها غالبا هتكون جريمه قتل جديدة في العيله المشؤمة دي فبلغنا فريق الطب الشرعي والمعمل الجنائي انهم يحضروا للمكان عشان نشوف اذا كان في شبهه جنائيه ولا لا

وصلنا البيت وكانت والده الاستاذ طه على الارض وقاطعة النفس، من النظرة الاولى 1 2الصفحة التالية مدونة كامومنذ يومين 0 4 دقائق