اللهم اني استغفرك وأتوب اليك
سبحان الله وبحمده سبحان الله العظيم
اللهم صل وسلم على نبينا محمد
"صلو عليه "
الروايه لا تلهيكم عن الصلاة وعن العبادات
الله بلغت اللهم فاشهد
@
@
•
•
حسيت بقلبي وقف من نظرته
تخبيت وراء ظهر أمي ..بسرعه وأنا احس
كل شيء بجسمي يرجف ..ي ترا وش وراها
هالنظره ..احسها كلها حقد ...همست لأمي
وهي ترحب فيه وتقرب تبي تسلم عليه
...تكفين يمه لا تقربي منه ...ترينه ناوي على بنتش
بس حسيت بيد أمي تبعدني بقساوه غير
غير عن كل مره ...يوم أمي تحركت يمه
طالعت حولي احسني وحيده وغريبه ..بينهم
حتى أمي معاد احس اني انتمي لها مثل قبل
بسبب تغير معاملتها لي ...طالعت نور الي
صدت بعد عني ..ودي انسحب ..وارجع للبيت
بس تذكرت تهديد أمي لي ...انها بترميني لعمي ..فتحت عيني
بصدمه يوم أمي نوفه قالت : اقربي يمه وسلمي على رجلش وتحمدي له بالسلامة
طالعته شفت نفس النظره ..اللي من توو
بس علي شوي اشمزاز ايه والله احسه تقرف يوم قالت أمي كذا قلت وأنا رافعه رأسي بشموخ ويالله الملم كرامتي من نظرة الاشمزاز الي اشوفها : معليش ماسلم على خرجين سجون وصديت بوجهي وأنا قلبي بيوقف من ردة فعلهم
نوفه بعصبيه صرخت: احشمي قبل اقوم لش
ابو ياسر : صدق انش ماتستحين وطالع
نوفه بعتب
ام ياسر بعصبيه وقهر: هذا قول تقوله بنتش
ي نوفه ي ذا العيب والله ان ولدي شيخ
الرجاجيل ولاهو بخريج سجون
نوفه وهي متفشله : حقش علي وطالعت شدن
بعصبيه اقربي سلمي على رجلش وتعذري له
شدن
حسيت الكل عصب علي وهاوشني من كلمتي
إلا هو ...يطالعني بدون اي تعابير على وجههه عكس قبل نزل رأسه ...احسه يفكر بشيء قوي يصفعني به
ويرد علي ...اعطيتهم ظهري وأنا اسمعهم بعدهم
معصبين علي ..وأمي تأمرني أعتذر منه ... بس وقفت يوم حسيت باليد الي سحبتني لفيت وأنا
مصدومه .قرب مني وقال بهمس مرعب: حقش تستعيري مني ي بنت الغريبه وش رأيش أول
طيارة تريحش من العيبه الي بتلحقش
قلت بصوت يرجف من الخوف وأنا اطالع أمي
ابيها تفزع علي :فكني
ياسر طنشها وطالعهم وقال وهو يسبحها لغرفته
:اسف ي جماعه ودي اجلس معاكم بس والله اني تعبان وحالتي حاله مثل مانتم خابرين طالع من السجن وهمس لشدن الي تحاول تفك يدها وتعترض تمشي معاه ترا خريج السجون مشحون عليش فأحسن شيء امشي بحترامش قبل يذبحش
شدن طالعته بخوف يوم سمعت تهديده وطالعت
أمي بنظره ابيها تفزع لي مثل العاده بس صدت
ام ياسر بزعل من كلامه : روح ارتاح يمه بس لعاد اسمعك تقول هالكلام والسجن خلاص انسه يمه
لا توجعني
ياسر : أنا فداش لا تنوجعي سبتي وماعليه
اعتبري هالحكي ماانقال
نور همست لحور : أخوش متأدب ولا يتهيأ لي
حور :انكتمي لايسمعش والله الأدب ذا كله يروح
على رأسش
شدن حاولت اسحب يدي وامشي من غير
جر بس رفض جرني وراه بقساوه الخبيث
دخلني الغرفه وقفل الباب صرخت بقهر
يقال اخذه بالصوت قبل يبدأ هو : وشلون كذا تجرني قدامهم تقول عنزة أبوك
ياسر رفع حاجب وقال بقهر : عز الله افضل تشبيهه
تصدقين مابينكم فرق انتي والعنز
نفس العقل وبعد وكاد هي عقلها افضل عنش شوي
شدن رفعت يديها بوجهه : لو سمحت بدون
غلط واحترمني مثل ماهو محترمتك
ياسر طالع اصبعها الي رافعتها بوجهه مسكها
وشد عليها وقال بقهر: رجعنا لكلمة لو سمحت
لف اصبعها وقال بحده اي احترام بالله يكفي
كلمتش من توو فيه مره عاقله تقول لرجلها كذا
شدن عضت شفتها بألم :طيب كسرت اصبعي
ياسر فكها ودفها عن طريقه وقال بقهر ليت فيني اكسر رأسش بعد رمى حاله
على السرير وطالع السقف وقال بهمس
:وبعدش سليمان واخته وقتها برتاح من اي مصايب
بذي الدنيا ..
شدن طالعته بقهر : لو سمحت لاتشبهني فيهم
فاهم
ياسر بقهر سحب المخده ورماها عليها : يعني اليوم ماراح نخلص من هالكلمه كم مره قلت لش لاتقوليها قدامي
شدن بقهر ردت له المخده وصرخت بعصبيه
:ايه تنقهر منها لانها تخص الناس الذوق وأنت بعيد عنهم وبهمس (همجي )
ياسر عقد حواجبه وقال :وش قلتي
شدن ميلت فمها وقالت : ماقلت شيء
ياسر بسخريه :طيب ي ذالذوق ممكن تجهزين لي ملابس بأحذ دش شافها فاتحه عيونها بصدمه قال قبل تعترض لو مره سوي شيء يشفع لش عندي
ويخليني اتحملش
شدن مصدومه من طلبه ...أول مره يقولي
كذا ..الي أذكره يقرف لو المس شيء من اغراضه وبعد افتكرت أول مايختلي فيني بها الغرفه يكفخني
مثل كل مره بذات يوم قلت له خريج سجون قلت هالكلمه بيطلعها من عيوني ...
بس أبد الرجال بارد غير العاده ...اعطيته
ظهري وتوجهت للدولاب وفتحته أخذت له
أول شيء حط يدي عليه وسحبت بعد منشفه
وناولته وهمست :شكلهم عدلوك صح والله انهم سنافين
ياسر عقد حواجبه وقال : وش ترطنين بالله
شدن ابتسمت مجامله وأنا احط المنشفه بيده
:سلامتك تفضل تفضل وبسخريه كنت ودي ازورك بس مامداني سوري المرة الجايه ماراح اقصر صغر عيونه بقهر وأخذها مني وأنا احسه وده يلطشني بس مدري ليه يحاول يسوي نفسه بارد أبد ماهي داخله مزاجي يويسر اللي يقول للهواش هلابك يتصدى هو عنه آه ليتهم من أول نطلوك بالسجن مدام طلعت كذ ..أول مادخل الحمام الله يعز القارئ قفلت عيوني أنتظر صوت الباب الي دايم يروح فيها بسبته ...بس استغربت بعد قفله بكل هدواء ي ناس ي عالم الآدمي فيه شيء أي والله مبدلينه هيااااااا ...أجل مدام كذا بأخذ راحتي بالحكي وبقول اللي ابي ...طالعت الغرفه بطفش ماهو كأنه طول ...وقفت بشوف أمي ..باقي موجوده او لا بس رجعت جلست مكاني ..وأنا اتذكر اني زعلانه منها ...حطيت يدي على خدي مكان
ضربتها لي ...والله ي ولد أخيها طلع مثلها
نفس قوة الضرب ..توقعت مافي أقوى من ضرب ياسر ..بس طلع مأخذ الوراثه منها ..رفعت رأسي
للسقف وأنا امنع دموعي ...هل ياترا لو أمي
فعلاً كان بتضربني كذا ..هزيت رأسي أبعد هالأفكار
ايه هي أمي نوفه وماعندي غيرها ولا ابي غيرها وحلال تسوي فيني اللي تبي ...طالعته يوم طلع
جلست اتأمل فيه ..حسدته على نعومة شعره عكس شعري الغجري بدون حس قلت : غير قصة شعرك
وبسخريه كملت حسسني
انك طالع من السجن وسوي للوك جديد
ياسر عض شفته بقهر وطالعها من المرايه وهو يلبس النظاره قال بصبر :مين قالك الي يطلع من السجن لازم يغير لللوك
شدن حطت رجل على رجل وقالت : مدري بس
كذا اشوف في المسلسلات
ياسر رفع العطر ورش منه واتجههه للسرير
رفع المفرش وقال بتحذير : لو اسمع لش نفس
ياويلش وبعد لو رجلش تخطت باب هالغرفه
حشيتها لش
شدن بقهر تكتفت : اففف رجعنا للاستبداد
ياسر رفع حاجب:استبداد مره وحده اوك سميه مثل ماتبين وطالع جهة الباب وبسرعه رفع المفرش وقف وسحب المفتاح من الباب ومر من عندها وقال : معليش مافي ثقه
شدن كشرت بوجهاا وقالت: طيب لاتنام
بالنظاره بس
ياسر مارد عليها نزل نظارته وحطها جنبه
وتمدد وسحب المفرش وهو يسمعها تهمس بس مايدري وش تقول طنشها وقفل عيونه ...يدور النوم يحس عمره تعبان بس رافض النوم يجيه ...قفل عيونه بصبر يوم سمعها تقول :لو ماعندك نوم قوم واحكى لي وشلون قضيت الأيام الي بالسجن
ياربي وش يسوي فيها يقوم يذبحها ويرتاح لأنه يالله قادر يمسك نفسه حاول يطنش ويسوي عمره ماسمعها بس أبد هذي ماتعجز تدور الطق دواره
شدن حسيت بطفش بالغرفه والخايس ذا اكلمه
مايرد طفشت حدي وعارفه انه ماهو نايم ..
سندت ظهري على الاريكه وقلت بفضول : يويسر لو مافيك نوم قوم سولف وفضفض وش صارمعاك بالسج.....
ابعد المفرش وصرخ بعصبيه : معليش ماقضيت ايام طويله عشان اقدر اجمع لش سواليف بس عادي ترا مستعد ارجع وهالمره فعلاً بتهمة قتل
وبجمع سواليف وش كثرها بس وقتها مع الأسف ماراح احصل أحد اقولها له
شدن رفعت حاجب : وانا وين رحت
ياسر مسك شعره وهو وده ينتفه من غبائها
أشر عليها كأنها يطخها وأشر على رقبته : هذي بتطير بعدها
شدن ضربت خدودها بخوف : بسم الله على عمري يجعلك قبلي بسم الله بسم الله بسم الله ثلاث
علي وه ياربي بتذبحني يعني مايسدك جابر مروعه
خاف ربك فيني وفي هالشياب
ياسر بقهر : طيب ليه انتِ وهو ماتخافون ربكم فيني وتعتقوني لوجهه الله ماغير فاقعين قلبي
شدن بقهر : الي يسمعك يقول انا ميته عليك شوف مين حابس الثاني عنده بالعافيه وقفت وأشرت على الباب يالله قوم افتح لي بروح لأمي زعلتها واجد اليوم وبستسمح منها
ياسر أشر لها تجي يمه وقال يتحلف فيها ناوي يبرد قلبه فيها يوم تقرب له ويعرف وشلون يخليها تثمن كلامها ال**** : تعالي انتِ للمفتاح
شدن صغرت عيونها تحس قلبها ماهو متطمن له
وراه بلى جلست مكانها وقالت : لو تبي تفتح لي قوم أنت مثل مأخذته
ياسر رجع تمدد وقال بعجز: مافيني تعالي له
أنتِ وبعد بطريقش افتحي التكيف احس بحر
شدن بتردد قالت : طيب اعطني ضمان ماتمد يدك
ياسر فتح الدرج ورجع المفتاح وقال بتهديد: لو بش خير اقربي بس
شدن انقهرت ودها تذبحه على هالحركه سواها فيها تمددت على الأريكه ...فتحت جوالها
وجلست تقلب فيه بطفش ...طالعته يوم سمعت نفسه انتظم وبعد قلت حركته ..فعلاً الحين نايم يمديها تقوم تسرق المفتاح وتطلع من هالسجن
وجع طالع من السجن يبي ينفذه فيني بعد
اففف وقفت على طرف رجولي ..ومشيت بحذر
بس وقفت وقفلت عيوني يوم تحرك ..فتحت وحده من عيوني وطالعته لا لا الأخ نايم ...ي دوب
بقرب من الدرج بس صراحه ترددت بأخر لحظه
مدري وش يسوي فيني لو حس علي ..رجعت
وانا خايبه ..طالعت الدريشه يوم سمعت صوت المطر ينزل بقوه ..وبعد صوت العنز بالحوش
ي عمرري شكلها ماحصلت مكان تتخبى فيه من المطر اخخ ياسر اخخخ لو انك فاتح لي الباب
كان دورت لها مكان ...فتحت الدريشه الي تفتح على الحوش شفتها تركض يمين ويسار ي عمرري
عليها .. بس شكلها خايفه من شيء بعد يركض
وراها صغرت عيوني يوم شفت نور ..هي اللي تركض
وراها ي الدبه ..تلعبين وانا محبوسه ..حسبي
الله على أخوش ..أشرت لها ابيها تنتبهه لي
..بس وين الخايسه لاهيه بالعنز ...صفرت بصوت واطي ..بس بدون فايده أخر شيء وانا فاقده الأمل
انها تنتبه علي ..رفعت يدي احركها بياس زفرت براحه يوم طالعتني وصدت بزعل وراحت للجههه الثانيه ومعاد شفتها لاهي ولا العنز ... حسيت بقهر ..وش فيها علي الحين هذي بعد ..نطيت بخوف يوم صوت الرعد ضرب بقوه والمطرر زاد
قفلت الدريشه وطالعت جهة ياسر بقهر الجوو
مايبي حبسه حاولت اسوي ازعجاج عشان يصحى ويفكني من هالسجن بس بدون فايده ..قربت من التسريحة وسبحت شنطة النظاره حقته ورميتها بالأرض .وطلع صوت قوي ..فرحت يوم فز
وهو مفزوع يطالعني حطيت يدي على فمي بتمثيل
: سوري بالغلط طاحت علي بس قهرني يوم رجع حط رأسه على المخده وغطى رأسه بالمفرش
يعني بيرجع يكمل نومه ..آه كلها محاولاتي بأت بالفشل ...جلست بقهر منه ومن نور والله يا حركاتش بطلعها من عيونش
((الرياض ))
•
•
جلست جنبه ومسكت يده بمكر : صقور البيت مايسوى شي بغيابك والله غبت عني هاليومين بغيت انهبل لدرجة بغيت اروح لعناد واجلس عنده
ابو مصعب ابتسم : عارف بغلاتي عندك والحين بعد عندي سفره لمدة وشكلها بتطول أكثر الله
الجوهرة تكتفت بزعل: افف سفره ثانيه
ترا هالمره رجلي على رجلك ماتدري وش صار لي
بغيابك كنت اتمنى وقفتك معي يوم اسمع الخبر اللي صدمني
ابو مصعب بقلق مسك كتفها: علامك عسى خير
وش الي صار عساه خير
الجوهره وهي تمثل الحزن :بقولك بس مابيك تزعل ..يكفي زعلي مابي يصير فيك مثلي والله
ونزلت رأسها تمسح دموعها المزيفه كنت بموت وانا ...
ابو مصعب بعصبيه قاطعها : مصعب مسوي شيء فيك قولي
الجوهره طالعته وفكرت ليه ماتحطها بمصعب
انه دفها واجهضت بس لا لا هالفكره بتجيب اجلها من البيت لانه مستحيل بيصدقها ولا مصعب ماراح يسكت وبيذبحها لو دري لا مصعب ماهو مصلحتها تدخله أبد قالت وهي تهز رأسها: لا معصب ماله دخل بس الدكتوره تقول طلع حمل كاذب نفس الاعراض الحمل بس مافي جنين يوم خبرتني كنت بموت من القهر ودي بطفل منك صقور
ابو مصعب بصدمه : وشهووو حمل كاذب
الجوهرة انهارات تصيح : صقور كنت اتمنى طفل منك بس ماصار صقور بموت والله نفسيتي تعبانه حدي لدرجة اجامل عناد بالعافيه عشان موضوع
زواجه
ابو مصعب مسك على رأسها يهديها : ماعليه الله كريم وربي قادر يفرح قلبك وقلبي وطالع مصعب
الي واقف يطالعهم وعلى وجهه ابتسامه كلها شماته
قرب منهم وقال بتمثيل : العوض يارب باقي صغار العمر قدامكم وغمز لهم وابتسم بسخريه
الجوهره فزت مفزوعه من متى هنا وكيف ماحست على وجوده طالعت زوجها وهمست له الحين يبدأ يشمت وأنا مافيني بروح غرفتي
مصعب قرب من أبو ه وسلم فوق رأسه وقال ببرود
:وشلونك يبه وشلون سفريتك ولا تزعل نفسك أبد
ابو مصعب بجمود : الحمدلله والسفريه باذن الله الاسبوع الجاي راجع اتعاقد مع الشركه ويالله الحق نحل الامور واللخبطه الي صايره بشركتي ...قبل تفلس
الجوهره بصدمه صرخت : تفلس
مصعب ابتسم بخبث :اخخخ صدمتين توجع اولها حملك الكاذب وبعدها تفليس أبوي آه الله يكون بالعون بس .. ولا تزعلي ماهو زين لك ترا وطالع جواله الي رن برقم اصايل فتح الواتس وكتب لها
(مايمديني الحين اجي شوي بس وراجع اصبري ولا تبثريني بتصالاتك لا اسحب عليك الجوال )
الجوهره حست بقهر رجع تغير عليها والدليل
رسايله امس قالت وهي تمثل وتمسك يد صقر : ماعليه ي قلبي اهم شيء لاتزعل عمرك وتضايقها وبذات هالوقت بنفرح فيها بخطبة عناد وحلفت عليه مايحدد موعد الملكه إلا يوم ترجع
ابو مصعب بعتب: صامل على هالزواجه عناد الله يهديه بنت اخوي ماتستاهل تجي على رأسها مره
والله انه غلطان بيكسر قلبها يكفي الي صار لها قبل
وطالع مصعب بعتب
الجوهره بخبث طالعت مصعب الي لاهي بالجوال
: وش اسوي والله اني قلت له عمك بيزعل منك قال عارف والله ومقدر زعله بس ادور راحتي مثل ماهو دورها عندك يمه وكملت يوم مصعب طالعها بقهر
اصبر ي ولد المجنونه ماشفت شيء والحين خلاص كل شيء تم وامس رحنا وخطبنا وانتهى مابقي إلا يحددون الملكه وهنا رفضت ابيك تكون حاضر
قلت مستحيل نتفق غير صقور يكون اول الحاضرين والكلمه بعدله وهم الي يقرر بعد
مصعب بدون حس فقد اعصابه صرخ بقهر وهو يرميها بالفنجان الي قدامه : يدور الراحه عندك ال**** والله ان أمي تسواك ي ال*****
الجوهرة صرخت بخوف وهي تطالع الفنجان
تنثر بكل مكان : صقر الحقني ولدك انهبل
ابو مصعب صرخ بعصبيه : يال***** قسم بالله لا ادفعك ثمن هالحركه ترميها قدامي يال*****
مصعب بقهر قفل عيونه من سب ابوه له بسرعه تحرك بيصل للجوهرة قبل تركض لغرفتها بس أبوه منعه : يدور الراحه عندك يالي ماتستحين والله اني امي شرف للي يأخذها بس ماحصلت الي يقدرها وباعها بسبة وحدة زباله مثل حالك وشوفي وشلون ضرب الحظ معك بس لو فيك خير وقفي وأنا اعرف وشلون اخليك تثمني كلامك
ابو مصعب بعصبيه : مصعب تقلع من قدامي قبل ماسوي شيء اندم عليه وصرخ قفلي غرفتك عليك ولا تطلعين
مصعب بقهر وهو يزفر : وش بتسوي بالله بتطردني هماك طردتني بتحرمني من المصروف من اصله شركتك مفلسه ويالله تقدر تغطي بذات مصاريف العجير الي معك بتضربني عادي اضربني ماراح يأثر
ونزل رأسه يالله اضرب يالله برد قلبك في ولد عدوتك يالله اضرررررب
الجوهرة بسرعه ركضت لجهة غرفتها بذات عارفه مصعب لو عصب وتدري قد ايش بعد مايخاف من ابوه يعني مافيه شيء يمنعه من اذيتها ...
قبل تدخل غرفتها وقفت وقالت بصوت عالي : تبطي تأخذ عبيرررر وبيأخذها عناد الي يرفع الراس صدق ماهو أنت ي المريض الحمدلله وأنا ماورطت
المسكينه معاك ي المجنون
مصعب بعصبيه : خليه يأخذها كفوووه متعود على هالاشكال يكفي أمه اساس البلى
الجوهره حست بقهر من كلامه توقعت توجعه
بس وين قهرها هوو الله يأخذك وارتاح منك قريب يارب ..... دخلت غرفتها وقفلت عليها مثل ماقال لها صقر جلست على السرير وهو تزفر بقهر الحين هي بسالفة مصعب ولا تفليس الشركة هذا الي ماحسبت حسابه
ابو مصعب بقهر طالع مصعب اللي أخذ جواله وبيطلع : يعني كل مره تسوي مشاكل وتسبب
بقهري حسبي الله عليك من ولد عاق
مصعب أول مره يحس بوجع من دعوة أبوه
طالعه وقال : ادعى يبه وخذ راحتك والله يفكك مني قريب أشر على غرفة الجوهره هذي الخبيثه هي الي بتسبب بقهرك واذكرك يبه وطلع وهو مقهور
اتجهه لشقته كلها دقايق وصل ...فتح الباب
ودخل شافها قدامه قال بتحذير لها: تكفين مابي اسمع منك ولا كلمه الي فيني يكفيني لا توجعيني أكثر ياليت تدخلين الغرفه ولا تطلعي منها أبد لما اقولك وتمدد على الكنبه وقال بوجع : يدعي علي عشانها
اصايل توقعت يدخل عليها وهو في قمة عصبيته يوم الخبيثه تسأله عن الرسايل وينكشف أمرها
ماتوقعت لو واحد بالميه يجي وهو بهالضعف
احترمت طلبه وماسألته ولا قربت منه .. وقفت
ومريت من جنبه بدخل الغرفه بخليه لحاله مثل ماطلب ولا أبي اضيق عليه بس مسكني وقال والغصه واضحه بصوته : لو توفيت تتوقعين أبوي يحزن علي ولا مثل أمي يدفنها العصر ويطلع يتعشى بمطعم مع الجوهره
اصايل حسيت قلبي وجعني يوم قال تسذا
جلست بالأرض قدامه ومسكت يده وقلت بخوف : بسم الله عليك وش ذا الكلام
مصعب طالعها وقال بحزن: يكرهني لاني ولدها وش ذنبي طيب وليه وافق يأخذها مدام مايتشرف فيها ليه أذاها وأذاني بعدها ..ضروري كان يستر على أخوه ويأخذها كان رفضها مثل مارفضها أخوه
طيب ليه اهلها صدقوا فيها وطردوها والكلبه بعد يقال تقهرني وتزوج ولدها بنت صديقتها انا الي مابيها ولا ابي شيء لها صله به وشلون كنت بوسخ نفسي معاهم وين عقلي يوم كنت ماشي على خطاها ال******* وشلون كان أمي بتسامحني وشلون ترا كنت بنتقم منهم كلهم ماهو حب فيهم
لان الزفته امها لها دور بعد في قهر امي كانت تشكي لي منها ومن الجوهرة ....صرخ بقهر ليه مامنعتيني ليه ساكته
اصايل مقدرت اتكلم ابيه يقول الي بقلبه ويرتاح وبعد وشلون امنعه مصعب مين يقدر يرده
بالي في باله ..وكم مره زعلت وصحت واعترضت
عشان هالزواجه الفاشله وسويت المستحيل
عشان تفشل ..هالزواجه بس وكاد لي خيره انه رفضها هوو قبل يدري برسايلي كان وقتها اتوقع الحين ميته ..يوم سكت طالعته شفت دموعه تنزل بصمت انصدمت ...أول مره اشوف مصعب
بهالضعف وش صار ..خلاه تسذا ينهار انصدمت يوم قام من الكنبه وجلس قبالي على الأرض وسبحني له وصاح بصوت يقطع القلب بدون شعور صحت معاه همست له
: مصعب والله مايستاهلون يوجعونك أنت اقوى منهم بكثيرررر
بس مارد ماغير زاد بصياحه خليته على رأحته
بس حسيت بعظامي وجعتني وهو شاد علي بدون مايحس همست له وانا أحاول ابعده شوي :مصعب
ي بعد حيي هدي شوي عشان أمك بس ابتعد شوي وطالعني بعيونه الي قطعت قلبي قلت بدون حس : الله يأخذ الي خلاك تصيح وقهرك كذا بس رفع يده ومنعني أكمل وقال بصوت فيه بحه :لاتدعين عليه وقف بسرعه ودخل الغرفه وقفل على نفسه
وقفت وانا قلبي موجوع عليه ..بس تضايقت يوم قفل الباب بالمفتاح ..يعني وشلون مقدر اطمن عليه طيب ليته دخل وانا بحترم جلوسه لحاله
وبخليه على راحته ..بس انه يقفل وهو بذي الحاله
والله لا اموت من قلقي عليه ....
اليوم الثاني
•
•
فتحت عيني وأنا احس رقبتي متشنجه
آه ارتحت يوم هو بالسجن من نومة هالكنبه
آه يمه كنت عندش مرتاحه ...رفعت رأسي وانا احس بوجع قوي
مسكت على رقبتي ومسدتها شوي ..طالعت
جهة السرير وانا اسب فيه ..بس صغرت عيوني
يوم ماشفته نايم ..يعني صاحي طالعت الباب شفت المفتاح موجود ..افف اخيراً انفك سجني ... وقفت وانا ماسكه رقبتي وادعي عليه ...بسرعه أخذت دش ولبست وتوضيت وبعدها صليت الظهر ... وقفت قدام
المرايه ورفعت شعري الغجري.. بطريقه عشوائيه
وبخيت عطر وطلعت وانا ناويه على الست نور
بتفاهم معاها ليه هالزعل والصد ... فتحت الباب
وطلعت شفت ياسر وأبوه وأمه جالسين يتغدون
ي سلام ..ليه مافي حد يعزمني بالله ...صدق كلهم تربيه سززز.. قربت منهم وجلست على السفره .. بدون مااتكلم بس طالعت
خالي مبارك الي قال والزعل واضح عليه :اليوم لا تقصرين مع خالتش ترانا عازمين الجماعه لو مرة بيضي الوجههه وطلع بسرعه وهو يوصي
شدن خير خير هذا بعد يرمي كلامي علي ويروح طالعت ياسر اللي منزل رأسه ويأكل
قلت بنذاله : وش سبب هالعزيمه طيب من حقي أعرف على الأقل
سكت يوم طالعني بحده وقال : حقش والله هالعزيمه بسب خروج زوجش من السجن فيه أعظم من هالمناسبه ست شدن
شدن هزيت رأسي وقلت وأنا اشوف حور طالعه من غرفتها : هااااه عشان خروجك
وطالعت أمه من حقش تفرحين فيه بس من الحين اقولش لا تعزمين صديقاتي اعزمي بس امهاتن
صديقاتي مافيني اوريهم بوجهي سكت يوم ياسر حذف الملعقه للجدار بلعت ريقي بخوف بس هديت يوم رجع يأكل يعني سوى تحذير لي المرة الثانيه بجبهتي أكيد
ام ياسر بقهر : وش المقصد ي بنت امش
شدن الله يهبها في وجهش يعني ضروري تسألين
رفعت الملعقه وطالعت ياسر وقلت وانا اتصنع القوه :بدون مقصد كذا مابي صديقاتي يجيووون
فيها شيء ذي بعد
حور بقهر جلست على السفره وقالت: قصدها يمه خايفه تتفشل خلاص واضحه
شدن ابتسمت لها: عليش نورر فطينه من يومش
ام ياسر صرخت بعصبيه: والله ماغيرش يفشل
اما ولدي فعايله ترفع الرأس والسجن الي دخله
كان ظلم حسبي الله عليهم ابتلوه وحنا ابتلينا بش
لكن هين كله عند امش
شدن حسيت بخوف منها يوم عصبت بدون
شعور قلت : ايه ظلم ظلم حسبي الله عليهم وطالعت ياسر
اللي ساكت ومنشغل بالأكل مدري وش وراه
وايشش سبب هالتطنيش .. ماغير بس رمى الملعقه ورجع يأكل بكل برود ..طالعت حور يوم قالت : صراحه ي شدن كلامش معاد حد يقدر يتحمله ياليت تعدلي لسانش ولا بعدله لش
شدن اشرت على نفسي وانا بصيح
: الحين وش مسويه لش عشان تقولين كذا
ومديت يدي وضربت كتف ياسر : شوف أختك
بس حاطه علي وانا محترمتها عشانك
ياسر طالعها ورفع حاجب وقال بقهر : ماشاءالله عليش بعد عشاني كل ذا الأحترام طالع حور وقال بكل برود : حور خليش منها هذي كلامها كله تحت جزمتي مايأثر فيني
شدن حسيت الدنيا سودت بعيوني يوم قال
كذا ...آه ليتني ماطلبته يفزع معي جيت برد عليه
وابرد قلبي بس رفع صحن السلطه وقال بعصبيه
: اقسم برب العزه كلمه وحده ذا براسش
وتقلعي الغرفه لا اشوفش قدامي الحين
ام ياسر بسرعه مسكت يده : تعوذ من ابليس وطالعت شدن تقلعي غرفتش وفكينا والليله معي جلسه مع امش تشوف لش صرفه خلاص تعبنا وحنا نتحمل صغر عقلش وسخافتش
شدن وقفت ورحت غرفتي وأنا مقهوره
من ياسر ...رميت الريموت حق التكيف بقهر
ليتش فعلاً تجلسين مع أمي وليتها فعلاً تشوف
صرفه وتفكني منش ومن ولدش .. بس القهر أمي لو درت والله هالمرة ماتسامحني وبتسوي الي قالته ..طالعته يوم دخل ..خفت يوم قرب مني وجلس جنبي وقال بهمس
:كلامش علي قدام أهلي بيجيب اجلش قريب
شدن طالعته وقلت بقهر: انت ماتوب من تهديدك لي ارحمني اففف منك والله لا اشكيك لخالي مبارك واقوله ولدك مسبب لي رعب
ياسر قفل عيونه بصبر واستغفر بصوت عالي
ومسك وجهاا بين يدينه وهو ده يدقه بالأرض قال وهو صاك على سنونه : تصدقين وش مصبرني عليش عض شفته وسكت
شدن قلت بفضول وأنا ابعد يده عن وجهي : كمل قول ايش
ياسر كور يده وقال :شدن اتقي شري وياليت لو عندش كلمه سم لا تحذفيها قدام أهلي مابي اذلش قدامهن مره ثانيه ... تكفين
شدن صحت بقهر : ماقصرت فيني من شوي
كلمتك وجعتني
ياسر عقد حواجبه : يالله كلمتي وجعتش طيب وكلامش الي من وقت ماطلعت وانا اسمعه ومطنشه بكيفي ومكبر عقلي عليش على الأخر
شدن مسحت دموعي الي بس نازله قدامه
:مالي شغل مابيك تعتذر مني الحين ابيك قدامهم تعتذر لي وبذات قدام أختك حور بس حاطه علي
وتفشلني
ياسر رفع حاجب :مين قالش الحين اني أعتذر منش عشان اعتذر لش قدامهم اقول انثبري مكانش بس قال أعتذر قدامهم قال
شدن قربت منه وقلت ومسكت كتفه بدلع :طيب أنا بعتذر منك اسفه دكتور وحطيت يدي على فمي معاد افتح فمي عليك بكلمه جتني ضحكه يوم شفت وجهه وشلون
مصدوم ويطالعني وهو مستغرب حده ايه شدون كملي لعبتش قبل أمه ..تفضحش عند امش وتطقش قدامهم عارفه أمي نوفه قايمه بصفهم هاليومين الله يخارجنا بس
ياسر سحب يده : اوك خلاص قبلت اعتذارش
ودكتور غصبن عنش أوك بلى تريقه
شدن رجعت مسكت يده وأنا اتصنع الصدمه : الحين أنا اتريق فيك لا لا كذا تظلمني
ياسر بطفش دف يدها : خلاص فكينا
شدن رجعت مسكت فيه وقالت :لا لا ماهو من قلبك احسك بعدك شايل علي
ياسر ميل فمه بسخريه وهو يسحب يده منها :لا تطمني من قلبي بس فكيني خلاص بروح اودي الذبايح
شدن وقفت بطريقه : لا لا لا بعدك زعلان
حلفت اليوم ماتطلع غير راضي
ياسر صغر عيونه بقهر : انتِ جالسه تعتذرين مني ولا تستفزيني
شدن هزيت رأسي وقلت : لا لا بس قبل تطلع
ابيك تقول لأمك لاتقول لأمي شيء مابيها تزعل مني
ياسر رفع حاجب وابتسم : هاا هذي علومش أجل
هالاعتذار ماهو لله اتاري وراه شيء لهادرجة عمتي نوفه مسويه لش رعب غريبه الي اعرفه مسويه لش دهينه لا تنكبين
شدن هزيت رأسي بسرعه وقلت : لا لا بس مابي العزيمه حقتك تخرب ماتهون علي والله
ياسر حس دماغه تلخبط وشوي وينجن منها قال بقهر: وش دخل العزيمه الحين
شدن : اممم امك بتشكي على أمي يوم تجي تساعدها وطبعاً وقتها احتمال امك تطول لسانها على أمي و أكيد أنت بتدخل وتدافع عن امك وأنا طبعاً ماراح اخلي أمي واصف معاها وبطول لساني على أمك وأنت أكيد راح تطول لسانك على أمي نوفه
ياسر حس بقهر قال وهو يبيها تختصر هالقصه : ايوه طيب وبعدين وراء طولة هاللسان وش يصير
شدن رفعت كتوفها وقالت ببرود: تخرب عزيمتك وننفضح بين الضيوف وقتها بتضايق وبتزعل كثير وبعد خالي مبارك مسكين فرحته بك تروح كذا
ياسر ابعدها عنه وقال بقهر : ابعدي عن وجهي وخليني اتسهل قبل مانجن زود طلع وهو مقهور وبنفس الوقت .هالخبله تضحكه ..ابتسم غصب
عنه طالع أمه الي شكلها معصبه قرب منها وسلم فوق رأسها وقال بحب : علامها بنت محمد ضايقه
ام ياسر بقهر : مقهوره عليك يمه مالك حظ بالحريم كلهن اخس من بعض
ياسر عض شفته وقال : افاااا ضايقه عشاني يجعلنش قبلش وماعليش يمه ولا تفكرين فيني
تراي مبسوط
ام ياسر بقهر وهي تأشر على غرفته : مبسوط
وام نص عقل زوجتك
ياسر ابتسم : تصدقين يمه ان ام نص عقل بعض مرات تهون علي وبعد بقولش لاتقولين لعمتي نوفه شيء مابي مشاكل بهالليله تكفين يمه ويالله بحفظ الله
ام ياسر مصدومه من كلامه ماقدرت ترد عليه صغرت عيونها بقهر وقالت بعد ماطلع : الحين شدون هي الي تهون عليك والله بدت تلعب عليه بنت أمها اخخ ولدي خفيف اعرفه يكفي سوات عفاف فيه
(الرياض )
شقة عناد
"""
طبخت الغداء ..وخليت منه شوي لو رجع يبي يأكل ..بس عارفه وش رده ومصيره ينرمي بوجهي ماعلي فيه ..اهم شيء سويت اللي عليه الحين انظف المطبخ وبعدها أنام ابتسمت بسخريه في بيت أبوي ماعمري لمست ملعقه ..ولا نظفت بعد بس هنا لا الوضع تغير واحس بعد اني مبسوطه بهالتغير صار لي مدري وش الي احس فيه بالضبط يمكن لأني عارفة بغلطي وندمانه ..عليه .و.مالي وجهه اقابل أبوي لو عرف ولا عارفه بعد اخلي عناد يصدقني سمعت صوت الباب يوم تقفل رجع حضرته ..قلت بصوت شوي عالي : عناد لو تبي غداء حطيت لك قبل أنام
بس ماجاني ولا رد مثل العاده ..طنشت وكملت الي بيدي ..وكلها ثواني وسمعت صوت الجرس استغربت مين بيجي الحين ... طلعت شفته جالس قدامي بالصاله ولاهي بجواله ..غريبه يوم رجع مادخل غرفة المكتب مثل العاده .. وبعد ليه مطنش الباب اشرت على الباب: معقول ماتسمعه
طالعني وقف يفتح الباب بس انصدمت من الي دخلت وهي معصبه ساعه مخليني واقفه
والكلب هذا ماطفي شحنه إلا قدام بيتك ولا عرفت اخبرك عشان تنزل لي
عناد وهو يرحب: هلا هلا يمه تفضلي توو مانور
المكان ..وطالع الشموخ يبيها تجي تسلم وترحب في أمه
الشموخ شفت نظرته لي قربت منها وسلمت عليها مجامله مابي مشاكل مع عناد ..
رجعت المطبخ وأنا احسس بقهرر عارفه جايه تدبل كبدي الحين بسواليف حبيبتها ...سويت قهوه
وحطيت جنبها ..رطب وطلعت حطيته قدامهم على الطاوله
وجلست وأنا عارفه انهم كارهين وجودي بس لازم
اسمع الي يقولونه وافهم وش يخططون عليه
بس انصدمت يوم قالت امه : اسمع انا مو جايه اتضيف جايه اقولك ان عمك رجع من السفر
والليله تروحون تحددون الملكه فاهم ولا تطنش ترا حدي مقهورة منك
عناد طالع الشموخ وقال :. ابشري يمه الليله
امرك ونمشي مع بعض ومستحيل اطنش وأنا انتظر هاليوم
الشموخ ابتسمت بسخريه وصدت وهي تستغفر
عناد أنقهر من ابتسامتها طالع أمه وقال :اهم شيء دقي عليهم واعطيهم خبر ان جاين اللليله
الجوهرة وقفت وطالعت الشموخ فيها قهر من جمالها عبير ولا شيء قدامها حسبي الله عليها يالله مافي عملية تجميل الي هي مسويتها وهذي جايه تطيح الكل بجمالها حست بغيره ذبحتها
وقالت وهي تسوي لثمتها :بدق عليهم وبعطيهم كلمه ي عناد انتبه تفشلني وطالعت الشموخ وقالت بخبث: لوسمحتي ذكريه بموعدنا الليله عارفه ولدي فاهي وبينسى
الشموخ حست بقهر ودها ترميها بالدله هذي قدامها بس حاولت تتحكم في اعصابها وقالت وهي تطالع عناد الي يطالعها وكأنه يبي يعرف تأثير الكلام عليها ابتسمت له وقالت: ولا يهمك بذكره وعد
وسكتت واعطتهم ظهرها وراحت للمطبخ زفرت أكثر من مره تهدي عمرها الشموخ هدي هدي ماهو من مصلحتك تعصبين لان مدام خلاص بيحددون كل شيء لازم تتكلم معاه .. وبتعرف وضعها وشلون بيكون وبعد ..
وين بيسكنها لأني خلاص قررت معاد برجع لأهلي
مدام انهم حتى سؤال ماسألوو عني وابوي لو فكر مره دق على عناد ولا عمره قاله اعطني بنتي
اكلمها ولا اشوف اخبارها ..وأمي عارفه سبب
زعلها ليه ماسويت زواج وتفاخرت قدام صديقاتها
فرحت يوم سمعت صوت الباب تقفل دليل انها انقلعت ..بلي مايحفظها .. طلعت وجلست قباله وقربت نفسي شوي وسحبت الدله وأخذت فنجان
وصبيت فيه وناولته ..طولت وأنا ماده يدي
قلت بهدوء:تفضل
عناد وقف وقال بحده : مابيه وكمل بعصبيه كم مره حذرتك مكان أنا فيه ماتجلسين به ولا السالفه عناد
الشموخ نزلت الفنجان وقلت :لو فاضي بتكلم معاك
عناد رفع حاجب وقال : ماهو فاضي
الشموخ وقفت بطريقه وقالت وهي تحس بذل
:ضروري عناد تكفى
عناد طالعها وشلون نحفت وجهاا باهت
وين جمال الشموخ ..الي انبهرر فيه يوم شافها
بس الحين يحسه بدأ ينطفي معقول لهالدرجة
كارهه عيشتها معي ..ودها تأخذ قليل المرجله
ليه وأنا الي قلبي دق لك من أول ماجت عيني بعينها ..والله لا اكسرك ي الشموخ مثل ماكسرتي قلبي ..يكرهه حبه لها حتى بعد الي سوته فيه
ماقدر يكرها زعلان حده ومتقرف منها بس ماقدر
يكرهااا غصب عنه هالشيء ماهو بيده الشموخ
سيطرت عليه بس بيحاول يطلعها من قلبه
لانها ماتستاهله ...
الشموخ يوم طول يطالعها قالت تنبه : عناد تسمعني
عناد بقهر عض شفته : قولي وش عندك بسرعه بأخذ دش قرفان من حالي ومنك ومن كل شيء
الشموخ بصبر : امم طيب روح خذ دش وتعال عشان الموضوع ضروري تسمعه وانت...
عناد قاطعها بعصبيه: يعني الحين يقال ماسمع
بسرعه اخلصي علي
الشموخ بجراءة منها مدت يدها ومسكت يده وجلسته على الكنبه وهي تشوف الأعتراض بعيونه
قالت وهي ترفع فنجان القهوه : طيب خذ
هذا ورق شوي عشان أقدر أقول الي بخاطري
وبعدين حرام سويتها هالقهوه و مافي أحد بيجبر خاطري وبيشرب منها ...
عناد زفر بضيق ومد يده وأخذه منها وشربه
مره وحده وقال بطفش: يالله اخلصي علي
الشموخ مدت يدها بتصب له فنجان ثاني
بس عناد بسرعه قال: خلاص يكفي وبتقولي
الي عندك ولا اقوم ترا اقسم بالله ماهو قادر اتحمل
جلستك معي
الشموخ بلعت الأهانه وقالت : حقك تقول كذا
الي سويته ماهو شوي بس الي ابيك تفهمه
والله العظيم ماصار هالشي ي عناد واني شريفه
والي سويته مني تهوررر كان والحين ادفع ثمنه بس ي حسره بعد وشهووو بعد ماشوهت صورتي قدامك
عناد قاطعها بقرف : تكفين لا تدبلين سبدي
اللحين واخلصي علي بدون هالكلام
الشموخ عضت شفتها : عشان موضوع زواجك
عناد ابتسم بشماته : هااه الحين فهمت يقال تلعبي علي بالشويتن ذي عشان اهون عن زواجي واجيب وحده على الشموخ والله تبطين
الشموخ هزت رأسها بقهر منه ومن تفكيره
قالت :والله لو احفر لك الارض عارفه اني ماراح أقدر ارد هالزواجه وبعدين والله ماعمري جاء في بالي أخرب هالزواجه وأكبر دليل روحتي معاك وخطبت لك بنفسي بس الي ابيه منك الحين اني أنا بهالبيت لحالي ولا ابيها تشاركني لاني مستحيل اتحمل وجودها لو تجيبها تسكنها بنفس الشقه
عناد ابتسم بخبث:انا رجال ماعندي قدره عشان أجر شقتين بتجي وتسكن هنا رضيتي ولا كيفك
الشموخ بعتراض : وشلون تسكن هنا
عناد ابتسم بستفزاز: قلت لك ماعندي قدره ادفع إيجار شقتين
الشموخ قاطعته : ماعليه إيجار هالشقه علي وأنت
تكفل بشقة عبيرر
عناد رفع حاجب وقال : وانتِ من وين لك تدفعين كل شهر 2800
الشموخ قالت بسرعه : بكلم أبوي وماراح يقصر
عارفه بمعزتي عنده
عناد بسخريه: ماشاءالله تكلمي أبوك وين الي بترجع لبيت أبوها وماتبي العيشه معي الحين
تكلميه عشان يأجرلك بعد
الشموخ : قلت لك كنت متهوره وماافكر في تصرفاتي والحين خلاص رضيت بنصيبي
ومابي ارجع بيت أبوي
عناد بقهر : على كيفك هووو كل مرة لك حكي
الشموخ فتحت عينها بصدمه: يعني بترجعني
لبيت أبوي
عناد وقف وهو متوتروقال وهو يصرف :اقول بلى كثرة حكي وعبيرر بتجي تسكن معاك واشوف
كيف تقدري تعترضي ..ولا سواليفك الي ترفع
الرأس كلها عند أبوك وقتها واعطاه ظهره ودخل الغرفه
الشموخ حطت رأسها بين يدينها وصاحت بقهر
ليه ماهو راضي يسامحها ولا هو راضي يفهمها
ويقدر شعورها وشلون تتحملها وشلون تشوفهم
مع بعض عناد مايهمها بس كرامتها وعارفه بخبث
عبيرر ماهي هينه أبد وبذات لو تقابلت مع أمه
وروحتها بعد لبيت أبوها صعبه مع تهديد عناد لها
رفعت رأسي يوم حسيت بوجوده شفته واقف
قدامي وقال : ليه تصحين الحين
مسحت دموعي بسرعه وقلت بمكابره : مااصيح
عناد رفع حاجب وقال : بحاول اصدقك المهم بنام شوي وصحيني على اذن المغرب
عشان يمديني اروح ورفع اصبعه بتحذير انتبهي تروح علي نومه ياويلك هالموعد انتظره من زمان
الشموخ طالعت دلة القهوه الي تحتها شمع مولع وانا افكر احرقة مثل ماحرق قلبي مديت يدي وانا ارجف بسرعه أخذتها ومدري شلون زلقت من يدي وطاحت على رجولي صرخت بوجع : آآآه
=====
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!