رواية جيت مابيك تحقرني جيت أبيك تعز شاني الفصل السادس والثلاثون 36 - بقلم r010ee

صرخت بألم :آآآآه

قرب منها وهو مفزوع بس وقف بأخر لحظه
وقال بمكابره وهو يشوفها تتألم :تبينها لي
بس الله حطها بوجهك كليها أجل
واعطاها ظهره من غير حتى مايطل يشوف
وشلون حرقها

الشموخ طالعت رجلها وشلون محمره
وتحس الجلد بينسلخ من مكانه رفعت رأسها
شافته معطيها ظهره ومتجهه للباب الشقه
صاحت بألم :ماارتجي رحمتك
رفعت قدمها وهي تلمسها بألم قفلت عيونها
ماهي قادرة تتحمل الوجع ..وهذا ولا فكر
حتى يسفعها و يأخذها لأقرب مستوصف
يعطونها مسكن .. يالله مافيها تتحمل الوجع
وقفت على حيلها وهي تمشي بوجع دخلت
المطبخ وأخذت مويه ..بارده وصبته عليها
حست براحه شوي ..بس كلها ثواني ورجع
الوجع أقوى من قبل ..وبعد بدت اثار
الحرق يوضح وينتفخ ... حطت رأسها
على الطاولة ..وصاحت بقهر وألم وش ذا القلب
الي عليه ..أبد ماهو مخلوق طبيعي ..معقول
حقده علي وصل لكذا ...تذكرت ..بيت أهلها
كان ي دوب بس تصيح من وجع ولا زكام
خفيف ..أبوها يجلس البيت ويقعده
ويروح بها مستشفى خاص ومايرتاح لما
يطمن عليها ...آه يبه وينك بعد خليتني
لعناد ..وجالس تعاقبني بدون ذنب مني صار
ولد اخيك عافني ...الله العالم وش مكذب عليك ومخليك تأخذ مني موقف ..
بس أنت معقول تصدق فيني و تخليني وتغير علي طيب وين أميره وين أمي ..ليه يسووون فيني
كذا وش ذنبي بس ...معقول لأن ماعندي جوال يفتكرون اني مابي اي اتصال فيهم ...هذا الي ابي اعرفه طالعت رجلي الي كل مايجي الوجه.. يزيد فيها شكلي غلطت يوم حطيت عليها مويه باردة
ماغير وجعتني أكثر ...وقفت بألم وسحبت خطواتي لغرفتي دخلت وجلست على السرير وطالعت رجلي بحسره ... آه الشموخ مافي حد يأكلها غيرك ...وش لي فيه هو خطيبته ينحرقون مع بعض إلا ادخل نفسي غصب بس لا كرامتي ماتسمح لي اني اتحملها على قلبي
هنا ...عضيت شفتي بقهر بعدك تفكرين فيهم
أخذت الريموت وجهت التكيف علي ..ابيه
شوي يبرد لي هالحرق ... بس وين ماغير شاب علي
سحبت كرتون الفاين وجلست اهوي على رجلي
بس حسيت بخوف يوم تنفخت كلها مثل الفقاقيع
يمه شوي وينسلخ الجلد ...مسحت دموعي
الي رافضه توقف ...وانا اطالع الحرق بخوف وقلق
وحسره على الحال الي وصلت له .....
أول ماسمعت صوت الأذن ..تحملت على عمري
وقمت توضيت بحذر وفرشت سجادتي وصليت
وانا احس رجلي تتقطع من الوجع ..بعدها رجعت
على السرير ..وانا اتمنى احصل بس مرهم حروق
يهدي علي شوي ...
"""""""
رجع من الحلاق أخذ دش سريع وراح للمسجد
وبعد الصلاة رجع البيت طالع جهة غرفتها وده يطمن عليها بس لا عناد حرقت قلبك قبلها هز رأسه وفي شيء داخله يمنعه رجع لمكتبه وجلس على الكرسي وسند ظهره
بقهر ..من حاله ..لمتى بيتحمل الضيقه الي يحس فيها ...لاهو راضي يصدقها ولا هو راضي يعتقها
ويريح عمره ..تذكر مكالمة أمه من دقايق
وهي تذكره بالموعد الليلة ...وقف على حيله
واتجهه لغرفة النوم ...فتح الباب شافها قدامه على السرير طالعته ورجعت صدت ...ابتسم بسخريه
وقال : ودي الليله تروحين معانا بس متكسحه
على الأخر وطالع حرقها فتح عينه بصدمه أبد ماتوقع كذا ..قرب بدون حس بس هي بسرعه
حطت يدها وهي تغطيه بالمفرش ..وقالت وهي مقهورة من شماتته فيها من شوي : خلاص يكفي شماته

عناد ابعد يدها وقال بحده وهو يجلس على السرير: خليني اشوف حرقك

الشموخ بسرعه سحبت المفرش ورجعت غطتها وقالت وهي ماسكه دموعها: قلت مابي خلاص روح أمك تنتظرك وخطيبتك مايصير تتأخر عليهم
خلاص خلني بحالي مابي شفقتك مابيهاااااا

عناد طالعها شوي وعض شفته بقهر وقف
وقال بحده: صادقه مايصير اتأخر عليهم
وطلع وهو مقهور منها ومقهور من نفسه
تذكر ليه دخل الغرفة ..رجع فتح الباب وبسرعه
اتجهه لدولاب وأخذ ثوب جديد وشماغ وهومعصب ..وطلع بدون مايناظرها ..

الشموخ ابتسمت بقهر :ايه من قدك عريس
رفعت يدها يارب ماتتم هالخطبه وتعرف
وشلون تنتقم ي ولد الجوهرة
@
@
@
@
الديرة
ضحكت بصوت عالي وهي تشوف صور الفستان اللي مرسله بسام
:لا لا بسومه أبد ماهو طبيعي رجلتس ذا

ابتسام بقهر :اخخخ بموت منه يقول خايف بس مايجي عليتس تزيدين ب اليوم 5 كيلوو ودي اعرف وش دخله يروح يحجز ويتفلسف من عنده وقبل يومين مسطر الباب وراه ومسوي زعلان ويقول مايبيني

شمسه سندت نفسها شوي على المخدة
وقالت : ي بختس على قلب هالرجل تمسكي فيه بكل بقوه ربي معطيتس هي وكلمت بهمس أنا الي ابتليت بواحد حقود

ابتسام بزعل: شمسه عواد مافي مثله بس انتِ
شوي مقفله عقلتس وهو رجال مايحب الي يعانده

شمسه بقهر: اخوتس يبي يسوقني سوق
وأنا كرهت حياتي بيت أبوي بسبب تسلطه
علينا بس سبحان الله طلع عواد على حظي مثل عمه وسكتت وهي تشوف حياة وخالتها طالعين من الغرفة..

حياة قربت منهم وهي تقول :تعالي يمه
خلينا نشارك شمسه وابتسام بسواليفهم السريه
ولا بس حدهم يشوفونا يسكتووون

شمسه ابتسمت مجامله وقلت : تفضلي
مابه سريه بالموضوع حياك شاركينا

ام عواد جلست جنب ابتسام وقالت: دقي لي على اخوتس حياة خبله ماتعرف توصلني له كل مادقت
تقول مابه شبكه وهي تسذب ماتعرف

حياة بقهر طالعت شمسه وابتسام اللي ضحكوو
: ايه انبسطي ي ام عواد ضحكتي علي الي مابهن سنع

ام عواد : اسكتي بس يقال الحين السنع حولتس

ابتسام وهي تضحك بصوت عالي : لايمه تسذا كثير ام سامر ماتستاهل

حياة بقهر رمتها بالمخده : ماطلبت فزعتس اضحكي حتى تطيح سنوونتس

ام عواد مدت الجوال : يالله يمه دقي

ابتسام بضحكه: يمه انتي كم مرات تدقين عليه في اليوم خابره انتس دقيتي عليه الصبح

حياة : كل ماحد مر حولها بس قالت دق على عواد بشوف علومه وهي توها مسكره من عنده

ام عواد طالعت شمسه وقالت بعتب:اشوف احواله ضناي ضايق طلع من بيته والله العالم الحين وش اخباره

شمسه بلعت ريقي بدا حذف الطوب اللي مايجيب غير وجع القلب ابتسمت وقلت :افااا مين قالتس بس انه ضايق كلمني الصبح صوته وش زينه وطالعت ابتسام بقهر
يوم رفعت حاجب يقال مكذبتني الغبيه حياة بتلقط حركتها وبتنشب لي

حياة حطت رجل على رجل وقالت بخبث : عادي يمه كلميه الحين واعطيها تكلمه بعدتس وكاد خاطره يزين يوم يسمع صوت بنت العم

شمسه طالعته بقهر مسويه تحشرني بالزاويه
الخايسه ..ابتسمت وقلت: اي بالله ابي اكلمه
اشغلتيني عليه يمه يوم قلتي ضايق

ام عواد أول ماسمعت صوته رحبت وهللت به
ابتسام همست لشمسه :وش ذا التسذب اليوم
والله بسام مايجي شيء جنبتس

شمسه بقهر : انكتمي وطالعت خالتي يوم قالت
خذي يمه كلميه وتطمني بنفستس عليه ايه يمه زوجتك مشغوله عليك وشكلي خلعت قلبها
الله يسامحني بس الله يستربس لا هي حامل بضناك وبتسبب فيه من فجعتي لها الحين

أخذت منها الجوال وانا احس الدنيا سودة بوجهيي من كلامها اي حمل ... طالعت حياة يوم قالت : نقول يارب أخوي الي قده قد عيالهم بالمدرس

عضيت شفتي وأنا ادعي الله يصبرني ويقويني
على الي يسووونه فيني
قلت بتوتر : الوو عواد وشلون......
آه قفل الخط بوجهيي ال***** عضيت شفتي
بقهر وطالعتهم ابتسمت وأنا اسلك مابيهم يحسوون علي. ..الو تسمعني ايه وصلني صوتك
وشلونك ..ايه قلقانه حدي عليك الله يسامح خالتي قلت لها انك الصباح وأنت تكلمني بس تعرفها
عاد طالعت ابتسام وقلت لا تشيل همها بخير
بس آه الجوال رن فجأة وأنا رافعته وبانت كذبتي
قفلت عيوني من قوة الموقف اللي أنا فيه
طالعت الجوال وأنا اتمنى انه هو الي رجع يدق
بس لا لا صدمه ام سعود ..طالعت حياة اللي تضحك بصوت عالي وقالت بطريقه مستفزه: والله اني شكيت انتس تمثلين وانتِ تكلمينه كلمه وراء كلمه أبد ماهو معطيه الرجال فرصه
اتاري مقفل بوجهتس اخخخخ من يومه عواد
ماعنده وقت

ام عواد بحده: حياة استحي وأكيد ماعنده شبكه
مثل مايقول لي دايم

حياة بضحكه: توتس معترفه بالشبكه ماهو من شوي مخليتني ماعرف شيء للجوال

شمسه حسيت بفشله ناولت خالتي الجوال
وطلعت شقتي بدون مارد عليها ...
أول مادخلت ..ماخليت سبه إلا قلته عنه
ال****** فشلني حسبي الله عليه وشلون
اودي وجهي من حياة الحين بتمسكها علي دهر
الخبيثه ...فتحت الواتس ورسلت له (سواتك أبد مافيها رجوله ) جلست انتظر رده على نار بس كلها ثواني وضح عندي انه حظرني رميت الجوال بقهر لا الرجال انهبل من جد

طالعت الباب بخوف
يالله باقي هالأدمي مقفل على عمره
وماادري وش صار عليه ..قربت من الباب
بتردد مديت يدي وطرقته على خفيف
بس مافي صوت أبد...سميت بالله وقويت
الضرب شوي ..حسيت قلبي قرصني يوم
ماسمعت ولا رد بعد هالدق ضربت بقوه
وأنا اصرخ بخوف : مصعب رد عليه
مصعب فيك شيء تكفى تكلم بسمع صوتك بس تكفى طمني عليك

: تقلعي عن وجهي قبل اطلع وادفنك
مكانك

بلعت ريقي من الصرخه الي جتني ومن التهديد
رجعت مكاني أطالع الباب ...مدام قليل أدب
كذا مثل العاده أجل مافي شيء ... حسيت بجوع رحت للمطبخ ...وسويت لي اندومي
وجلست على الطاولة أكله ...وأنا اطالع الفراغ
قدامي ...يالله وش مصيري مع هالرجال
إلا لي معاه مده وماقدرت افهمه ..نفسي انسدت
وماقدرت اكمل طبقي ..استغفرت الله
يارب ديمها نعمه يارب ...وقفت ورميت الصحن
على المغسله وأنا مكسله اغسله ...طلعت للصاله وأنا احس بطفش
محبوسه بين هالجدران ...وليت مع واحد صاحي
لا مع واحد تكه ويرقدونه (بشهار) حطيت يدي
على بطني وهمست ..لو تطلع لأبوك ذبحتك
ترا يكفي متحمله واحد ...
تمددت على الكنبه وقفلت عيوني ادور النوم
ابتسمت بخبث صح وضع مصعب حزني
اليوم ..بس والله اللي صار له كان لصالحي
هه انتهى خوفي من الرسايل ..اخخ واحد صفر
مصعب ...ابتسامتي توسعت يوم حسيت بالأنتصار آه اخيراً انتقمت من مصعب وجوجو في وقت واحد ...ضحكت بصوت عالي بدون حس
كتمت ضحكتي وأنا اسب نفسي يوم شفته طلع من الغرفة فجأة بسرعه فزيت جالسه وطالعته بصدمه وخوف
صغر عيونه بقهر وقال بستفسار : وشهوله هالضحك
عاجبك حالي لهالدرجة

اصايل آه غبيه صدق يعني مادري ان ضحكتي
دايم عالية وتسبب لي مصايب هزيت رأسي
وأنا احاول ابرر له : لا تذكرت شيء مبطي
وضحكت عليه فيها شيء ورفعت صوتي مصعب
حتى الضحك محرم علي أشرت للباب تكفى لو براسك مشاكل اطلع من شقتي ماتحملك
كذا

مصعب بعصبيه قرب منها وسحب كتفها بقوه ولفه لها وصرخ بجنون : كم مره قلت لك
لا تطرديني وهالشقه لي ماهو لك وراح
تتحمليني بكل حالاتي فاهمه

اصايل قفلت عيونها يالله لمتى بتحمل
ماهو طبيعي أبد ياربي من ساعات شيء
والحين شيء ثاني وبعدين ليه هالعصبيه
بالله الحين كابرت ماوضحت له المي
بس الخبيث دفني على الكنبه بقوه
طالعته بقهر بعص مرات اشك انه يستقصد
يسوي حركات تضرني عشان هالطفل ينزل ...
بس هالطفل طالع مثله في العناد ..ومتمسك بالحياة ...حسيت بعيونه يطالعني وكلها شر ويبي بس كلمة مني ويجرم فيني ..اصايل اهدي اهدي عشانك وعشان الي في بطنك ماله ذنب يضيع بسبة جنون أبوه ...حسيت بوقفته طولت على رأسي خايفه اقوله ابعد ولا اجلس ولا سوي اي مصيبه بس لا توقف كذا ..بس خفت زحفت شوي لنهاية الكنب وأنا عيني منه ...احاول اعرف ايش ناوي عليه بس لا الأخ أبد ماهو ناوي خيررررر
فتحت عيني بصدمه وكتمت شهقتي بيدي يوم قال:شمتانه فيني لأني صحت عندك

هزيت رأسي بلاااا بدون صوت
بس لا كأني عصبته زود ...يالله وش اسوي
قلت بهمس : مصعب انا ماعمري تشمت.....

قاطعها بعصبيه :لا تكذبين وأكبر دليل ضحكتك

اصايل والله لو احلف من هنا لبكره ..ماراح يصدقني
خليني أسكت أحسن ...ويقول الي يبيه مصيره يعجز وينقلع عن وجهي بس لا زاد صراخه
وتهمه الباطله لي .... قفلت اذوني مابي اسمع
اللي يقوله ...بس لا لا شكلي سويت مصيبه
لانه قرب مني بسرعه ومسك يدي الثنتين بين يدينه والثانيه رفعها على رقبتي يبي يخنقني صرخت من الالم :مصعب كح كح كح
تعوذ من ابليس مصعب بس حسيته ماهو
معي كان أبد شيطان متلبسه ...حاولت اسحب
يدي بس رفض يفكني كنت اشوف عروق
وجهه بارزة وعيونه تحولت صارت تخوف
خلاص عرفت ان نهايتي تحت يده . اليوم
قفلت عيوني وأنا اتخيل أبوي يوم يدري وشلون مت وعلى يد مين ..... بس حسيت الروح رجعت لي
يوم ابعدني عنه وصرخ : هذا بس تحذير لك
لو اشوف عاد نظرة شماته

اصايل صرخت بقهر وأنا ماسكه رقبتي واتحسس عليها : مجنون والله مجنون

مصعب سحب التحفه ورماها بالأرض : لا تستفزيني
وتقولين مجنون

اصايل صرخت بخوف وانا اشوف الزجاج قدامي
منثر بكل مكان ..رجعت صرخت يوم شفته
وهو يأخذ شاشة البلازما الي بالجدار ويرميها بعد بالأرض
يمه يمه ..ليتس عندي يمه والله اني بضيع
بعدتس وبموت على يده ... صرخت بخوف يوم قرب مني ومسك شعري بقوه وهمس بصوت يخوف :مصيري ارميك كذا ان شاءالله ب أقرب زبالةوهو يأشر على الزجاج وعلى الشاشه المرميه
مثل مصير هذولا

يوم ابتعد عني صحت بخوف ...ورعب من الموقف
الي عيشني فيه ...تمنيت يطلع ...بس لا راح
للمطبخ ..يمه لا يكون بيجيب سكين وناوي على شيء ... بعد بسرعه وقفت بروح لااي غرفة قريبه مني بس مدري اشلون
طلع ولحقني وقف بطريقي كأنه عارف وش ناويه
عليه... طالعت يدينه ادور سكين بس مافي تطمنت شوي
مصعب بخبث :ناويه تشردي وتقفلين على عمرك
قديمه هالحركة ومعروفه منك لأنك جبانه وماهو قد الي تسوينه

اصايل ياربي ودي اعرف وش سويت له
عشان هالتحول فجأة ..فكرت مصعب مايصلح
العناد معاه ولا الصوت العالي ..لازم اسايسه
رفعت يدي وهي ترجف مسكت يده
وقلت بهمس:مصعب ي بعد قلبي هدي شوي
ولك الي تبي وش يرضيك قولي ارتحت يوم
مادف يدي او سوى اي حركه غبيه من حركاته
ماغير يطالعني بنظرات ماهي مفهومه تجرأت زيادة ومسكت يده الثنتين وهمست له : مصعب قولي وش تبي يرضيك وانا اسويه لك والله ماحب اشوفك كذا متضايق وزعلان أبد ماتكلم مشيته
معي للغرفه حسيته مابيي يتحرك ولا يقدم خطواته إلا غصب ابتسمت بخوف وتوتر : اففف امش مصعب ماشاءالله طول وعرض والله مافيني أجرك حسيت نفسي غبيه وخوفي واضح له بس قويت نفسي وكملت وجلسته على السرير حسيته تحول صنم كذا فجأة جلست
مقابله له وقلت :وش رأيك ترجع تنام وترتاح
وتنسى كل شيء يضايق وانا اوعدك مازعجك أبد

مصعب دف يدها وقال :اكرهك

اصايل طالعته بقهر هذا حرام حد يشفق عليه
صرخت بدون حس :والله أنا الي فعلاً اكرهك
وابتليت فيك

مصعب بصرخة :انكتمي ويالله قدامي البسي عبايتك

اصايل انصدمت وين بيوديني بهالليل وهو بعد
بهالحالة ..قلت بخوف : ماراح اروح مكان معاك
ولو ناوي ترجعني لابوي ارتاح انا الصبح
بدق عليه واخليه يجي لي مثل مارجعتي لك
يجي يأخذني

مصعب تلفت يمين ويسار يدور عباتها ماحصلها قدامه اتجهه لدولاب شافها قدامه معلقه
سحبها ورماها عليها وصرخ بعصبيه : لو ماتلبسينها وتتحركين قدامي قسم بالله اخنقك فيها ولايردني شيء اليوم وبسرعه أخذ شنطه وجمع ملابسها بطريقه عشوائيه

اصايل بعد هالتهديد لبستها بدون ترددد
وتحركت وراه بعد ماقفل الشنطه وحملها طلعنا من الشقه ..ومن البنايه
كلها ...ركبت السيارة ..وانا ادعي الله يوصلني
للمكان الي بيودني له بالسلامة لانه سياقته
بتموتني قبل اصل...أول مالف بقوه صرخت بخوف
: مصعب اتقي الله فيني خفف هالسرعه

: انكتمي لا اسمع صوتك أبد

سكتت وأنا اطالع الطريق ...لا لا هذأكا شارع
بيتهم ...معقول بيرجعني للجوهرة ..لا لا مستحيل
ارضى ...قلت بقهر : لا لا مصعب ان شاءالله
جرمك فيني مايصل انك ترجعني للعقرب زوجة أبوك

مصعب بحقد:إلا بنرجع وبصفي حسابي معاها
وطالعها وصرخ وانتِ تنثبرين مابي اسمع اي معارضه منك فاهمه وابي وجودك بالبيت مثل عدمه شغل الفزعات والتدخل بكل صغيره وكبيره
مابي فاهمه

اصايل
حسيت الدنيا سودة علي أكثر ماهي سودة
ياربي انا ..يالله اتحمل مصعب الحين تجيني
ام البوووتكس بعد ياربي ..اي عذاب منتظرني
من هالاثنين باقي ... وبعد الأخ عارف ببطولاته
الي بيسويها ومن الحين يحذررر

( الديره )
طالعته وهو جاي يمنا خفت على عيالي
بسرعه وقفت ...وأنا اقول : يالله حبايبي
قدامي وقت نومكم اليوم مره سهرتم

طالعها وقال :خليهم شوي فقدتهم

سميره ابتسمت بتوتر : ماعليه وقت نومهم بكره اجلس معاهم على راحتك وعصبت من ريناد
يوم تمسكت فيه

وافي بعصبيه : سميره والنهايه قلت لك خليهم
شوي شوفي ريناد تبيني

سميره طالعت راكان احسه خايف حيل
عارف ابوه وعمايله قلت بتردد : طيب لاتخوفهم

وافي بقهر: دايم تحبين تفرقين بيني وبين عيالي

سميره أنت الي افرق بينهم يارب لطفك بس على هالتهم الباطله ..والله عمايلك إلا يوم صاحي وعشره لا اعطيته ظهري واتجهت لغرفتي بس وقفت يوم قال
: وأنتِ بعد اجلسي وحشتني الجلسه معاكم

طالعته لا يكون الأخ بيودع وجالس يطمن على عايلته ...ابتسمت مجامله وجلست
طالعت ركون وشلون خايف منه وهو يحبب فيه
بس ريناد لا تحب ابوها عكس راكان وقفت وقربت منهم وجلست معاهم على نفس
الكنبه ابي راكان يطمن ... لأني اخاف يشوف خوفه منه ويعصب عليه ...والولد ينخرع زود
بس يوم جلست قال : يالله حبايب ابوهم روحو ناموو الوقت تأخر

وقفت معاهم وقلت:يالله ركووون ورنود يالله قدامي
طالعته يوم مسكني ومنعني اروح
معاهم همست له: وافي خليني انيمهم وارجع لك

وافي :طيب انتظرك

سميرة لحقت عيالي وأنا افكر وش عنده اليوم
لا طلع ولا شيء ماهي العادة دايم هالوقت برا
البيت ...تمددت جنب راكان الي كان متمسك فيني
همست له:نام حبيبي

همس لي والغصه ذابحته :خايف من بابا
طالعت ريناد الي عصبت عليه: بابا مايخوف
ي الجبان بابا احلى واحد بالدنيا
غصب دموعي نزلت مسحتها وقلت بهمس وأنا اضمه لصدري : ليه ي عمري بابا يحبك وأختك صادقه بابا احسن واحد بهالدنيا وشفت شلون من توو يحبب فيك أنت و أختك ليه هالخوف

راكان بهمس :يطقك

هزيت رأسي بلااااا:مستحيل بابا يحبنا كلنا
يالله ي قلبي نام ضميته زود وأنا كاتمه صياحي
آه وافي عقدت العيال بعد أول ماحسيت بنفسه
انتظم عرفت انه نام طالعت ريناد هالبنت روحها
في أبوها عكس راكان لو يسوي الغلط قدامها تقول
ماهو غلطان لدرجة بعض مرات يطقها ماتزعل منه
عكس يوم اطقها أنا ..قمت بشويش وغطيته
وطفيت النور بطريقي وطلعت شفته باقي
متمدد على الكنبه قربت منه وأنا ادعي الله
يعطني طولة البال والصبر عليه جلست على الكنبه مقابله له بدون ماتكلم طالعني وقال :ناموا

هزيت رأسي : ايوه

وافي عقد حواجبه :راكان ماهو عاجبني أبد فيه
شيء عكس ريناد كلهاحيويه وحركه هذا بس مرعوب مدري وش بلاه هالولد ولا شكل الدلال
الزايد منتس خربه قلت لتس من قبل ابيه يطلع رجال بس وين

سميرة اخخخ بموت ياربي الحين دلالي
له الي خربه طيب وعمايله الي قالبه حال الولد
قلت وأنا مابي اسوي مشاكل معاه : الولد مافي شيء خلك منه المهم وش تبي الحين مني

وافي جلس وقال : امممم أكيد زعلانه مني صح
بعد عمتلي بتس قبل بس والله اني انخدعت فيها
ولعبوو بعقلي هي وأهلها بس يالله هاذني رديت لتس وهي رميتها ورفع يده بس الذهب طارر بح
بس ان شاءالله اقدر اعوضتس بداله

سميره كشرت وأنا قرفانه من عمايله فيني ومن كلامه ياربي ماعنده طريقه لبقه في الكلام واغلاطه كلها سهالات بنظره قلت وأنا احاول امثل الهدوء :ماعليك عقلي كبيرر أكبر من تفهاتك الي تقدم عليها

وافي رفع حاجب:تفاهاتي ماعليه مقبول منتس ي أم راكان

سميره ابتسمت مجامله :شكراً على ذوقك الراقي

وافي ابتسم :سميره وش رأيك نرمي العيال يومين
عند أمي ونهج لأي مكان نجدد فيه حياتنا شوي
وكاد تزين بدل هالتكشيره بوجهي

سميره نجدد حياتنا رفعت حاجب وأنا منتظره القنبله الي بيرميها وراء هالكلام عارفه ماتتعدل اخلاقه كذا ويقول كلام زين إلا وراه مصيبه قلت بسرعه بختصر على عمري :عيالي مستحيل اخليهم تدري فيني وفي طبعي وحياتنا بيدك تخليها تزين
وانتهى

وافي طالعها وقال بدون مقدمات : انفلصت من عملي

سميرة وقفت وصرخت بصدمه: لا بالله زانت حياتنا
والله اني قلت ماتجر ناعم إلا يجي بعدها المصايب
وشلون انفلصت قولي

وافي بسرعه وقف ومسكها وهو يكتم نفسها
: اوشش لا تفضحنيا الجيران الحين يسمعوون

سميره ابعدته عنه بعصبيه : وافي وافي أنت
عارف وضعنا وشلون بيصير حنا وأنت على رأس العمل وحنا مأكلين تراب معك الحين وش بيصير فينا بالله قولي وضربت على خدودها بحسره
ذهبي وبعته قولي كيف الحين أبوي ولا أمك
المسكينه بتعطيك ولا أخوانك الي كل مره ساحبييك من مصيبه وفاضحهم بكل مكان
مره سكران مره الهئيه صايدتك وأنت ماغير تغضب ربي ولا عمرك حسيت على حالك ولا فيني ولا في عيالك

وافي بعصبيه: سميره فكينا خلاص من كلامتس اللي يقهر وصياحتس الحين ماينفع عاد
أنا رجال انظلمت وتسبوو في فصلي الي مافيهم خير
سميره وهي تصيح بقهر: أنت تنظلم أنت والله ماغير أنا وعيالك الي انظلمنا معاك قولي الحين وشلون بنعيش

وافي بحده :خلاص قلنا لتس اسكتي صبري بدأ ينفذ وصديقني ماهو بصالحتس أبد وتطمني بتعيشين وماراح ينقصتس شيء ولو نقصتس تعالي صايحي لما تدوخين وكمل بقهر ياربي الواحد مايقدر يجلس بالبيت وعاد أهلي يلوموني ليه ماأجلس بالبيت وبس هاج

سميره الكلام ضايع مع هالرجال من زمان
وقفت على حيلي واتجهت لغرفة عيالي
بس الخايس وقف بطريقي وقال بوقاحه :على الأقل اوقفي جبني وسمعيني كم كلمه تهدي علي
مصيبتي ولا وافي ماله قيمه عندتس

رفعت حاجب بسخريه :ماشاءالله يعني حاس انها مصيبه كويس في أمل أجل وبقهر ضربته
على صدره تقلع لشلتك الوسخه تهدي عليك
ودفيته بقوه ورحت لغرفة عيالي قفلت الباب
وسندت ظهري عليه ونزلت للأرض وأنا اصيح بقهر وغبنه ..الحين فصل يعني بيخرب زود ماهو خربان
ياربي حوبتي وحوبة عيالي بذمة أمه قال ايش أصغر عيالها ودلعته زود ومن كثر الدلع فسد قال تزوجه
وكاد يعقل آه ورحت فيها أنا

(الجنوب )
أخذت كولا وجلست على الكنبه وانا
حيلي منهد قلت بقهر وأنا اطالع
حور : الحين العزيمة لاخوش وش دخلني
انكرف فيها كذا

حور بقهر :أخوي مع الأسف رجلش واجب
عليش تخدمي ضيوفه

شدن أخذت رشفه من الكولا وقالت : هااه
واجب علي ...يالله وبعد نبي أجر في هالشياب جابهم خالي مبارك ...وشافت نور
طالعه من المطبخ صاحت عليها : بنت لمتى
هالجفا خفي علي ترا قلبي معاد يتحمل

نور طالعت حور وهي تتذكر الكلام الي قالته لها تقوله لشدن حست بترددد ماتبي تجرحها بس فعلاً جلوسها مع شدن بيسبب لها مشاكل وبذات بوجود ياسر أفضل شيء تبعد وتسوي مثل قالت لها حور: خلاص شدن اعبتريني ماهو ساكنه معش بهالبيت مابي أخذ منش اي صفه شينه بعد

شدن طالعت حور الي ضحكت بستفزاز
حست بغصه بس كابرت وقالت:تمام تمام
على راحتش وطالعت حور وقالت ومن اصله ماهو مطوله بهالبيت تطمنوووا ورفعت علبة الكولا
وشربتها دفعه وحده بقهر ..ودها ترميها بوجهه
نور ليه تغيرت عليها بس مسكت نفسها ...
وطالعت خالها مبارك الي دخل وقال لحور
تنادي امها وكلها دقايق وام ياسر طلعت من المطبخ وراحت له ...وهي توصي البنات ينظفون المقلط والمجلس .. طالعت نور الي هزت رأسها لأمها وعينها من جوالها ...فعلاً خلاص هالبنت ماتبي لي وجهه ياربي وش جاها هي وأمي نوفه ..اليوم رحت
لها روحتني وقالت تقلعي ساعدي ام رجلش
وانا شوي ولاحقتش وجت شوي وراحت بعد العشاء بدون ماتقولي اي كلمه ... ودي اتكلم معاها مدام حور ..تقلعت ..بس لا أكثر من مره صدتني ومن توو قالت ماتبي تتكلم معي كيفها أجل ...طالعت حور
الي رجعت وقالت :تتوقعين ي نورر ياسر فعلاً
طلع عفاف من حياته ولا يمثل علينا

نور طالعت شدن وقالت :مدري عن اخوش

شدن بلقافه : اتوقع يمثل علينا اخخ يحبها العجير
وسكتتت وهي تشوفه واقف قدام الباب ويطالعهم بقهر وأشر على نفسه: أنا امثل عليكم

حور وقفت بخوف :مالي دخل شدن الي قالت
نور بسرعه ركضت للغرفة بخوف

حور وشدن في نفس اللحظه ركضووو بس ياسر لحقهم الثنتين ومسكهم من شعرهم وقال بعصبيه وهو يهزهم : مين اعطاكم الحق تتكلمون عن شيء مايخصكم وبعدين وش دخلكم امثل مامثل طلعتهاا ما طلعتها من حياتي وش لكم
وصرخ بقوه :تكلموو

شدن وهي تتألم : ياسر انا مالي دخل هي سألت
وعيب اطنشها

ياسر صرخ بقهر: أخر وحده تفكر في العيب انتِ
إلا قولي لقافتش ذبحتش

حور انهارت تصيح بخوف عارفه نهايتها مدام
حاطه بيد ياسر قالت وهي تترجاه : والله توبه
والله معاد اعيدها تكفى ادمح زلتي الله يخليك وأشرت على شدن هي اللي جرتني بالكلام هي

ياسر بعصبيه دفها : تقلعي غرفتش ولمدة اسبوع لاشوفش قدامي ولا ذبحتش

شدن شوفوو الكذابه حطتها فيني بلعت ريقي بخوف يوم حور راحت غرفتها
ركض يالله مابقي غيري التوأم ربي فكهن باقي انا
قلت وأنا اقلد حور وكاد يفكني مثلها :والله
توبه والله معاد اعيدها تكفى ادمح زلتي

ياسر ابتسم بقهر: لا لا انتِ مع الاسف مقدر ادمح زلتش قدامي

شدن صحت بقهر :ليه طيب هم عتقتهم لوجهه الله
وانا طيب ظلم

ياسر قاطعها وهو يأشر على رأسه : كذت مزاج
وجرها وراه للغرفة دخلها وقفل الباب طالعها
محتار وش يسوي معاها ..عجز فيها ضرب
وضربها صياح وصيح عليها مايدري وش يسوي
قال بقهر : وش ينفع معش اعطني انتِ يمكن تعرفين بحالتش أكثر مني

شدن وهي تصيح بخوف:والله اختك هي اللي سألت أنا مالي ذنب بس حطتها فيني

ياسر : اممم طيب صدقناك انش مالش ذنب
وأختي سألت لسانها طويل وتحب تحشر عمرها أنتِ ليه تقلديها وتحشرين عمرش بعد

شدن رفعت يدها: توبه والله معاد اعيدها

ياسر ميل فمه : امم معاد تعيدينها طيب وش قلت أنا على كلمة العجيز هذي مابي اسمعها

شدن بسرعه: ياخي بس لأنها اكبر منك بس عشان كذا احب اقولها عجيز بس إلا عفاف وش زينها

ياسر صرخ بقهر وهو يحط يده على رأسه: وش دخلك أذا أكبر مني تقولين لها كذا

شدن قلت بقهر: خلاص عارفه انك تحبها واني غلطت عليها وقلت عنها عجيز اوك اسفه
معاد بقول عنها كذا أبد

ياسر طالعها وهو مقهور منها : تصدقين راحتي
بكلمة وحده بس ونفسي اقولها بس الوعد الي قطعته على نفسي كاسر ظهري اعطيني حل من عندش ابي ارتاح

شدن بغباء : ايت كلمة واي وعد قولي عشان
اقدر اعطيك حل يناسبك

ياسر صرخ بعصبيه: يناسبني
آه يارب صبرني من عندك أشر على السرير خمس دقايق لو مانمتي فيها وفكيتيني من وجهش ذبحتش هنا

شدن بسرعه قفزت على السرير وسحبت المفرش
وغطت راسها وهمست رجعنا للتهديد افف
سكتت يوم صرخ: ترا اسمعش انخمدي احسن لش

شدن قفلت عيوني ادور النوم ...الكلب ماعطاني مهله أكثر من الخمس دقايق ..كان ودي اتعشى
آه ليتني يوم تعشووا تعشيت معاهم بس لا
سويت حالي زعلانه ومابي أكل عشان أمي
تشفق علي ...بس يالله الحين لا نلت شفقة أمي
ولا أكلت بعدت المفرش بشويش وفتحت عيني على خفيف اتمنى انه نام ..بس لا كان متمدد على الكنبه يطالع جواله بحسره معقول يطالع صور عفاف جلست بقهر وقلت : رجعنا يعني تطالع صورها

ياسر طالعها مفزوع ..و بعصبيه وبدون حس رماها
بالجوال ....

شدن صرخت بخوف وبسرعه نزلت رأسها
وغطت نفسها بالمفرش وهي تصرخ توبه والله توبه

ياسر وقف وقرب منها وابعد المفرش عن وجهاا وقال بقهر وهو يمسك وجهاا بين يدينه : يعني حالفة اليوم ماتنامين غير مضروبه طالع عيونها الخوف واضح عليها
سحب المخده الثانيه وحطها على وجهاا وهو يتعوذ من ابليس مايبي يمد يده عليها ...قال بقهر
وهو شاد على المخده : اخنقش واريح عمري
شافها ترفس برجولها صغر عيونه بقهر الكذابه
ماهو شاد عليها بقوه بس تحب تمثل وتعيش الدور
هز رأسه بعجز ...واتجهه للحمام يأخذ دش
بارد يمكن اعصابه ترتاح ...طلع بعد مأخذ دش وقف قدام المرايا ونشف شعره وطالعها بطرف عينه شافها مقفله عيونها بالعافيه عرف انها ماهي نايمه قرب منها وقال :باقي مانمتي

شدن قلبها قرصها خايفه منه جلست وقالت
:كنت بنام بس أنت مسبب لي رعب ي خي اعطيتني مهله قليله مره راحت كلها وأنا افكر
انها بتنتهي هالخمس دقايق وأنا مانمت وبعدها بتعصب اعرفك تدور الزله علي ...

قاطعها وهو يضحك :يارب يعطيش عقل
طيب الحين يعني النوم طار منش بسبتي

شدن هزت رأسها وهي مصدومه يويسر يضحك على كلامها من متى تذكره يكره يسمع كلمه منها صدق الرجال متغير حيل ماهو الي تعرفه

ياسر قال وهو يرمي المنشفه على وجهاا:بدينا بالتناحهه

شدن ابعدت المنشفه ورجعت تمددت وغطت رأسها بالمفرش وقالت :ادعي اني انام

ياسر ابتسم وقال : شدن مافيك نوم صح ولا أنا فيني نوم وش رأيك تسوين لنا شاي في بيت الشعر
روحي ضايقه من هالغرفة

شدن جلست وهي مفزوعه : الحين بيت الشعر
وبعد اسوي شاي اقول روح زين بنام

ياسر مسكها من يدها وقفها بالقوه
وقال بهمس:امشي ساكته طقت براسي الحين بيت الشعر وشاي من يدش عندي مانع

شدن طالعته بقهر وش وراه هالرجال
مشيت معاه وطلعنا للحوش واتجهنا لبيت الشعر
دخلنا وبسرعه أشر لي اسوي الشاي على المشب

قلت بقهر : اشعله أنا ماعرف له

ياسر : ابشري وبعد أنا الي بسوي الشاي
اجلسي وتتدللي بعد

شدن جلست وسندت ظهري وأنا شايفه نفسي ياناس تسمعون الي اسمعه يقول تدللي قلت وأنا رافعه رأسي بشموخ : مشكور
وبعد روح دور بدولاب أمك وكاد تحصل حب ولا مكسرات ياخي اي شيء ينبلع مع هالشاي مااااحب أشربه لحاله

ياسر صغر عيونه بقهر وقال:قلنا نسوي شاي لش بس انا نخدمش لاااااا ماهو لهالدرجة

شدن ضحكت بصوت عالي : يمه يمه بموت
يعني يوم تسوي لي شاي ماهو تخدمني ترا نفسها بلا غباء يويسر

ياسر رفع ابريق الشاي وهو وده يرميه على وجها قال بحده :وبعدين ي شدن يعني مستحيل اشوفش لومره عاقله يعني حرام هالامنيه تتحقق

شدن سكت وكشرت بوجهي هذا جوه مرض جدي حيل اففف ..الجلسه هذي ماتبي لها إلا نور..
هزيت رأسي وأنا اسلك له :خلاص خلاص اسفين
يالله اخلص بالشاي فيني نوم

ياسر حط ابريق الشاي وقام جلس يمها
وقال : دقايق ويجهز وطالعها وقال بهدوء شدن
ودي نتكلم مثل اي اثنين واعين وفاهمين تكفين
مابي حركات الورعنه هذي ممكن هالشيء ولا لا

شدن حسيت بطني وجعني يويسر وش عنده
قلت بتوتر: بتسفرني مصر صح

ياسر عض شفته وهو محتار وش يقول ويرد عليها قال بقهر:سؤال أنا ذكرت في كلامي مصر ذكرت تذكره ذكرت طياره ذكرت سفر ذكرت مصيبه تأخذش

شدن عقدت حواجبها وقالت: بدون تعصيب لو سمحت وبدون غلط ترا اروح واخليك تشرب هالشاي لحالك مثل السكني

ياسر وقف وهو يقول: اللهم طولك ياروح
أخذ ابريق الشاي وسحب بيالتين وقرب منها وجلس تفضلي اشربي وكاد عقلش ينفتح شوي وأقدر اتكلم معش

شدن أخذت الشاي منه ورفعته تذوقه
قالت وهي مكشره:افف مابه سكر أبد

ياسر رفع حاجب وقال: أنا انسان محافظ على صحتي وكثرة السكرر مضره

شدن حطت الشاي وقالت: معليش يالدكتور ماعحبني يالله بقوم انام

ياسر مسكها وجلسها وقال بصبر :اجلسي بتكلم معش

شدن بقهر : ياسر وش تبي مني الليله طول الوقت بتكلم معش بتكلم معش وأنت ماعندك ولاسالفه

ياسر عض شفته وقال بتردد لانه عارف
مخها وشلون يفكر : شدن اسمعيني بدوم مقاطعه تكفين

شدن هزت رأسها بدون ماتتكلم
قال وهو خايف من رد فعلها : ودي ارتاح ي شدن ودي تنسيني عفاف والي صار لي كله شافها بتتكلم بس قاطعها وقال خليني انسى كل شي حاب ابدأ معش من الأول مابي مشاكل
وابيش بعد تكبرين عقلش لأني احب مرتي تكون فاهمه واعيه لكل كلمه تقولها شافها مفهيه تطالعه قال بعجز شدون فاهمه وش اقول واش اطلب منش

شدن بخوف هزت رأسها:لا أنت ماتحبني وأنا ماأحبك مستحيل تصير حياتنا عاديه مثل اي زوجين الي تطلبه صعب

ياسر مسك يدها وقال: عارف انش ماتحبيني
بس انا ماهو حاب حياتنا كذا مشاكل وهاواش طول الوقت

شدن سحبت يدها وقالت وهي تقاطعه بخوف : ياسر كذا حلوو خلنا مثل ماهو حنا عليه لأنك فتره وبطلقني لا تنسى

ياسر هز رآسه بلاااا : مين قالش اني بطلقش خلاص أنتِ مرتي ونصيبي

شدن : نصيبك بس ماهو راضي لاتنسى وش قلت لي قبل وشلون بعد حاربت عشان ماتتزوجني

ياسر ابتسم لها وقال: قلتيها بنفسش قبل الحين كل شيء تغير وخلاص نبدأ صفحه جديد ونتعاهد عليها بعد ومد يده يعطيها على قد عقلها وكاد تتجاوب معاه بس الغبيه صدت وقالت :معليش ماحب اتعاهد مع اعدائي

ياسر بقهر سحب ابريق الشاي ورفعه بتهديد
: ثواني لو شفتش باقي قدامي بذا فوقش

شدن وقفت وهي مرعوبه من تحوله
قالت بقهر: توك تبيني اتعاهد معك الحمدلله يارب
وأنا ماسمعت كلامك ومديت يدي مثل الخبله كنت انعميت على وجهي قال ايش اتعاهد الحمدلله وربي ميزني بعقل يعرف الصادق والكاذب

ياسر بقهر صرخ: شدن برااااااا

(شقة عناد )
قفلت عيوني وأنا أفكر ياترى ..على ايش اتفقوا ومتى الملكه ....بتكون ..سمعت صوت باب الشقه ..يتقفل ابتسمت بسخريه شرف العريس ...وكلها ثواني وشفته واقف قدام
باب غرفتي ...وهو بكامل كشخته ومحلق ومضبط حاله على الأخر .. لايكون بعد عقد الليله الشموخ
لا مستحيل يملك كذا بدون تحليل ولا موعد من قبل حسيت قلبي يدق بخوف حطيت يدي على قلبي وهمست بقهر وش ذا الجنون فيني أفكر فيه بعد ...يملك ولا يموت وش دخلني به ..طالعت يده كان ماسك كيس من الصدليه ...ماشاءالله حنون ...
توه يحس بدري مره ... صديت
بس حسيت فيه يوم قرب مني ..ونزل نفسه
شوي يطالع الحرق ..جيت بسحب المفرش
وبغطي رجلي بس ..سحبه من يدي وقال بحده
: خليك من حركات المبزره وحطي من هالكريم عليها راح تخف ولا تخافين حرقك ماهو كايد

طالعت رجلي كله ذا وماهو كايد ي عديم الاحساس رديت عليه بقهر: عناد تكفى خلني بحالي وبوجعي
مابي اي شفقه منك

عناد طلع كريم الحروق وفتحه وناولها وقال بجمود : مافي حد وجعك غير نفسك تحملي الي تحصدينه من فعايلك

الشموخ عضت شفتها وهي ماسكه دموعها
:خلاص عارفه اني انا سبب كل ذا أنا فيه
بس أنت ماترحم

عناد طالعها وبوجع وقال : أنا مارحم
طيب الي سويتيه فيني وشهوو

الشموخ نزلت دموعها بحسره :قلت لك غلطانه
بس أنت ماهو راضي تسامحني وبعد ناوي تنتقم مني انتقام مافي رحمه ولا عدل أخذت منه الكريم
وطالعت رجلي بخوف ورجعت طالعته وقلت بغصه أخاف يوجعني

عناد قلبه حن عليها أكثر يوم شاف دموعها تذبحه بهالدموع ..نزل شماغه وحطه جنبها على السرير وسحبه منها المرهم ونزل نفسه شوي ومسك رجلها وحط لها عقد حواجبه وهو يشوف الحرق
هز رأسه بقهر وطالعها : شوفي وش مسويه بحالك
ودي أفهم وش ذي التصرفات

الشموخ بقهر مسحت دموعي وقلت : ماشاءالله
ريحة عطرك من عشره كيلوو تنشم كله ذا عشان عبيرر ترا نظره وتمت وشهوله ذا كله
ولا يكون ملكت الليله وأنا مدري

عناد طالعها مصدوم توها تتألم وتتوجع
ابتسم بستفزاز:تستاهل هالطيب بنت عبدالله
ورجع يدهن الحرق

الشموخ بقهر : وبنت راشد لها الذل

عناد طالعها وقال :بنت راشد مابها عقل ضرت حالها ولازوم تتحمل لا تجلس تتشكى تراني رجال ماحب كثرة التشكي

الشموخ بعصبيه سحبت رجلها: مابيك تحط اعرف احط لنفسي

عناد رفع حاجب ومسك رجلها بقوه وقال بحده
:قلت لك ماهو وقت مبزرتك

الشموخ صديت بقهر بس صرخت بوجع
يوم احسه استقصد يوجعني : عناد شوي شوي
انقهرت يوم طنشني ولا رد طالعت وجهه عكس
سبحان الله ملامحه حاده حيل مايشبه أمه بشيء
أبد ..بدون حس قلت ماتشبهه امك ولا كأنك ولدها

عناد طالعها ومد يده وناولها المرهم وقال ببرود :اشبه ابوي الكل يقول نسخه منه

الشموخ هزت رأسها وقالت:بس أنا ماعرف أبوك
عشان اشوف الشبهه الي تقوله

عناد طلع محفظته وطلع صورة شخصيه
وناولها :هذا أبوي

الشموخ حسيت بكبر حبه له من لمعة عيونه وهو يتكلم عنه ولدرجة متحفظ بصورته بمحفظته أخذتها منه وطالعته
لا أبد ماهو ذاك الشبهه ناولته وقلت :ماهو بذاك الشبهه الواضح لمحه بسيطه بس أنت احلى وسكتتت وأنا احس الدنيا سودة بوجهي يوم شفت ابتسامته الي كلها سخريه حاولت ارقع وأنا ارفع الصورة وادقق بملامح ابوه : اقصد ماتشبهه أبد أنت غير ملامحك وهو خشمه يختلف
حسيت بتخبيصي بالحكي اسكت أحسن ناولته الصورة بتوتر

عناد اخذها منها ودخلها محفظته واعطاها ظهره ورجع طالعها وقال بستفزاز :الاعيبك كلها مكشوفه
عندي ياليت لا تعبي حالك أكثر وأكثر بتصرفاتك القذره مثلك .. وحطي شيء في بالك ماهو عناد اللي يضعف لهالتفاهات الي تقوليها وهالزواج
مافي شيء بيوقفه إلا موتي فاريحي عمرك
عبير جايه وعلى رأسك بتجلس بعد

الشموخ حسيت بقهر لانه فهمني غلط
مارديت عليه ولا برر ت له ..خليه يظن
مثل مايبي ...طالعت رجلي والكريم عليها
ابتسمت بسخريه يداوي من جهه ويجرح
من جهه ... ومين عبير ذي الي بتحط رأسها من رأسي انا الشموخ ي عناد مليون عبيرر مايهموني ...
@
@
@
أول ماوقف السياره مسكت في يده وأنا
اترجاه : تكفى يامصعب لاتخليني ارجع
لهاالبيت تكفى رجعني لأبوي ولاتدخلني هالبيت
مره ثانيه صدقني دخلتنا هالمره بتجيب مصايب مالها أول ولا تالي

مصعب دف يدها وقال بعصبيه :اصايل مابي اسمع حسك فاهمه والبيت هذا لنا ماهو لزفته
غلطه كبيرة يوم طلعت منه وخليته لها

اصايل هزيت رأسي رفضه كلامه: مصعب صدقني
ماراح يفدينا شيء دخولي مره ثانيه هالبيت راح تكبر بينك وبين أبوك

مصعب طالعها وقال بغصه:طردني منه
بس أنا على قلبه يتحملني مثل مادق الصدر قدام اخوه ...
اصايل بدأ يخربط بالحكي خفت بعد يرجع لحالته أمس قلت وأنا اقاطعه : مصعب أنا ماامنعك ترجع لبيت أبوك بس أنا خلني بعيده تكفى رجعني شقتي الله يخليك أنا مافيني اتحمل مشاكلك ومشاكل مرة أبوك زفرت بقهر يوم طنشني ونزل أشر لي أنزل سميت بالله ونزلت وأنا مغصوبه ...احس رجولي ثقيله علي قلت بغصه: مصعب تكفى لا تذلني أكثر

مصعب قرب منها ومسك يدها وجرها بعصبيه
وقال : يعني ضروري تسوين هالدراما وتطمني
والله لو واحد يذلك ولا يغلط عليك بكلمه ادفنه مكانه ولا هالشنب ماهو على رجآل

اصايل
يالله الحين يدافع يقال عني وتوه سافل جد جد جدي ..مشيت معه وأنا اتذكر دخلتي على هالبيت
أول مره نفسه الموقف ينعاد ..ياربي وشلون
ادخل هالبيت وأنا عارفه ان ولا أحد فيهم يحبني
دخلت معاه... وطالعت الخدامه الي جت لنا ..مصعب بسرعه أمرها ..تنزل اغراضي
من السيارة ...تلفت يمين ويسار ..كان البيت
هادي ..مافي أحد ..بس طالعت مصعب يوم
قال :لغرفتك ولاتطلعين لو البيت كله يحرق
فاهمه واتجههه لغرفة أبوه

اصايل بلعت ريقي وش ناوي عليه هذا
بسرعه تقدمته وقفت بطريقه وصرخت :مصعب لاتهور وتسوي شيء تندم بعدها تذكر يوم أبوك
سجنك سبتها تذكر وبعدين وشلون تدخل عليهم غرفتهم كذا

مصعب دفها عنه وقال بعصبيه :تقلعي غرفتك
بسرعه

الجوهرة
حدها فرحانه ..الليله بذات يوم وعدها زيد
انه يسوي شيء يجيب أجل مصعب ... بس وشلون
هالكلب تضمنه ..وهو من قبل خانها يوم دفع
له مصعب أكثر ..واعطاه السيدي ...لا لا مضمون
مدام هو ذليل عند الفلوس بس وشلون مع تفليس صقر ..كيف بدبر له ..طالعت زوجها وهو نايم ولا هو داري بشيء رجع قبلها البيت مع عناد وهي جلست والسواق رجعها ..ميلت فمها بخبث
يالشايب ..مافي شيء مصبرني عليك غير فلوسك
الحين وأنت مفلس وشلون بتحملك ..نزلت عقد الذهب من رقبتها وهي تسمع
صوت مصعب فرصتها تلذذذ وتتشمت فيه شوي فتحت الباب وانصدمت من وجود اصايل جنبه سندت حالها على الباب وقالت بستفزاز : هذي اللي طلقتها ورديتها مثل الكلبه لديرة أهلها
========
===