رواية جيت مابيك تحقرني جيت أبيك تعز شاني الفصل 107 - بقلم r010ee

{الديرة }
فتحت عيني على صوت صراخ وصياح
تلفت حولي ...شفت عادل نايم جنبي ...بسرعة فزيت وفتحت الباب وقفت مصدومه وأنا أشوف خالتي أم عزيز تصارخ بوسط الصالة وأمي وشمسه واقفين بوجهاا كأنهم مصدومين وماهو فاهمين شيء ..وبعد أبوي ...طلع من غرفته وهو مفزوع ..حسيت برعب لا تفضحني هذي... ويطلع ولدها يدري باللي سوته فيني... الجوهرة الله يأخذها ....
جيت برجع بس وقفت بمكاني يوم شافتني وأشرت علي :تعالي تعالي قولي لهم ان ولدي ‏بري من التهم اللي لفقها له زوجك حسبي الله عليه هذي أخر شغله معاه يقوم يتهمه الله ينتقم منه

أبو محمد بحده : فهمينا وش صار من وقت مادخلتي علينا وماخذتنا بصوتس العالي ذا

أم عزيز وهي تصيح :وصلني خبر بسجن ولدي وعمه رآح وأخوانه سألوأ وقالو لهم مسجون بقضيه انه كان متسبب.. بحادث زوج بنتك ولدي مظلوم وزوج بنتك ظلمه بدون وجهه حق حسبي الله عليه إلا من متى عزيز يتسبب بقتل حد

أبو محمد بعصبيه : أقول أقطعي صوتس ولدتس من مبطي هو ومشاكله وزوج بنتي وكاد على حق ويالله تقلعي من بيتي ماهو بناقص مشاكل من طرفتس انتِ وعيالتس اللي مابهم صاحي

أم عزيز طالعت أم اصايل : رجلتس يطردني من بيتس وقدامتس عشان بس بجيب حقي ولدي من زوج بنتكم الظالم حسبي الله فيكم والله ماسكت وطالعت اصايل قولي لرجلتس تجبر على كيفك عزيز وراه رجآل يطلعونه من اللي هو فيه وحوبته ماتعداه والله يحرق قلب أمه وأهله عليه مثل ماحرق قلبي على وليدي

صايل
كنت مصدومه مصعب متهم عزيز وهو الي تسبب له بالحادث ...اللي اعرفه انه الجوهرة الي لها طرف مثل مكان يقولي ...وش دخل عزيز بالنص ...انقهرت يوم بدت تدعي عليه . هوو ناقص يعني ...كنت بصرخ بوجهاا وأقولها أمه متوفيه ولدك ماهي بعيده عليه عزيز ومعروف ..مين هو بس مالي ..وجهه ادافع عنه بعد ماعلنت طلاقي قدام أهلي ...جيت بنسحب وبرجع لغرفتي بس وقفت مكاني من صرخة أبوي
قرب مني بعصبيه حسيت بخوف : لا يكون رجلتس طلقتس عشان اللي سواه ولد خالتس

اصايل انصدمت من سؤال أبوها بس حست براحه لقت لها مخرج ترمي السبب عليه سبحان الله سخر لها عزيز بالنص قالت بسرعة وهي تحس حمل وبينزاح عنها :ايه هذا السببب

أبو محمد بصدمة : مخبول ذا وش ذنبتس
لو فعلاً ذا الخايس متسبب له بأذيه

اصايل بتوتر وخوف : من يوم صار الحادث عليه اتهمه وحط علينا كلنا وانجن يوم عرف بصلة القرابه وظلمني بذنب مالي فيه وأنا والله يبه مدري وش بينهم
قلبها ارتجف يوم حط يده على كتفها وقال :ياحيف والله انه مايستاهلتس صدق الحين يفرط فتس وأنتِ أم ولده عشان الهامل عزيز . والله ماهقيتها منه ضمها لصدره وقال : ولا يهمتس يبه قادر الله يأخذ حقتس منه وانتِ رحتي بذنب ماهو بذنبتس وأنا استاهل شكلي فعلاً غلطان يوم اعطيتس له

حست قلبها وجعها يوم دعى عليه ودها تقوله لا تدعي ... يكفيه .. اليوم دعوات ....
تحركت لغرفتتها وهي تفكر ماتدري هذي الكذبه بصالحها او لا
بس ماعندها إلا هذا العذر حتى لو ظلمته أهون
من الحقيقه ماتدري ايش بيكون رد الفعل ..
بس وقفت يوم قال أبوها :بدق عليه وبقوله تبطي عاد تطولها مدام هذا سببك خليه يعرف انتس ماهو برخيصه وراتس رجآل يجيب حقتس كله

لا لا هذا اللي مابيه ...يالله الحين يدق ويقوله
عشان سبب عزيز وتخاف مصعب يعصب ويقول
السبب الحقيقي وراء طلاقهم ..دخلت الغرفة
وقلبها يرجف من التوتر والخوف ..طالعت ولدها الي يصيح أخذته وحممته وغيرت له ملابسه ورضعته ...رفعت نظرها لشمسه اللي دخلت
وجلست على السرير مقابلتها
وقالت : حسبي الله عليه طلقتس اللحين عشان عزيز

اصايل عضيت شفتي احس قلبي وجعني عليه ظلمته الكل يحط عليه جالس بسبتها ...

اعطيتها عادل وقلت : انتبهي له لما اخذ شور بس

شمسه أخذته وقفت : طيب بعدها تعالي تغدي
أصايل
هزيت رأسي وأنا أخد لي ملابس ...وبعدها أخذت شور ..وطلعت
جلست على السرير ..وأنا انشف شعري وبالي بعيد
ادق عليه وأقوله ...عشان لو أبوي ..سأله ماطلع كذابه وأبوي يرجع يعصب عليه ...ويرجع يحرجني ويرجعني له بالغصب وهو مايبيني ...يالله احس عقلي متشتت مادري وشلون اتصرف ...مديت يدي بتردد أخذت الجوال ..فتحت رقمه وعضيت شفتي مترددده واحس قلبي يدق بسرعة ...خايفه يقفل بوجهي أو يسمعني كلام يغث مثل العادة
بس لازم يكون عنده خبر على ..الكذبه الي كذبتها.. توكلت على ربي ...وضغطت على رقمه ..قفلت عيوني وأنا أسمعه يرن

شاف جواله انصدم وهو يشوف رقمها أبد ماتوقع اتصالها ..طالع عادل ومنيف اللي باقي يأكلون وقف على حيله ودخل الغرفة وقفل الباب.. وفتح الخط وقال وهو مشتاق وفرحان بعد بتصالها : هلا

احس دقات قلبي واصله له ماتوقعت واحد بالميه يرد علي انصدمت يوم رحب فيني توقعت يصرخ عليه توترت يوم قال بنبره هادئه : اصايل

اصايل حمدت الله يوم حسيت نبرة صوته هادئه يعني أقدر افهمه ...قلت بسرعة وأنا عيني من الباب خايفة من شمسه لو تدخل :مصعب طلبتك في عادل واعطيتني طلبي وسويت فيني معروف وماراح انساه لك والحين بطلبك وأبيك تقول تم

مصعب وهو يقاطعها : تم من غير ماتطلبين بردك لذمتي

اصايل فتحت عينها بصدمه من كلامه وبعدها ابتسمت بألم تردني لذمتك حست بدموعها تنزل : لا لا فهمتني غلط مابي ارجع لذمتك ماهو هذا طلبي

قفل عيونه بقهر ليت هذا طلبها ويكون تجي منها
لأنه مافيه يوضح ضعفه قدامها ويقدر يقول بخسارته لها بس عصب يوم سمعها تقول : طلبي ابيك لو أبوي دق عليك وقالك سبب طلاقك لاصايل عشان عزيز تسبب لك في الحادث وأنت ثرت عشانه قريبي وطلقتني تكفى قول تم لا تفضحني بين أهلي

مصعب بعصبيه يوم سمع كلامها : وش تقولين

اصايل لا لا ماتبيه يتحول ويعصب قالت بسرعة وهي تبلل شفايفها بتوتر : مصعب اسمع هذا أخر اتصال بيني وبينك
ياليت تفهمني بدون عصبيه عشان اقدر ارتاح بعيشتي عند أهلي تكفى لا توتر علاقتي مع أبوي

مصعب بحده :أسمعي من غير ماتطلبين ماراح اقول السببب ماهو لهالدرجة ماعندي نخوه
وغيره عشان أخلي الكل يسمع يكفي اصحابي وفشلتي فيهم ...وأبوك لو دق بقوله بعد عزيز ماله دخل بنتك لسانها طويل أدبها ورجعها لي

اصايل يوم سمعت كلامه الأخير ابتسمت بسخريه
نزلت جوالي وقفلت بوجهه ...يرجعني لك تبطي والله مهما حبي لك ...والله روحي معاد ترخص لك ثواني ورجع دق صمتت الجوال ..ورميته وطلعت للصالة ..شفتهم كلهم متجمعين على الغداء
جلست ومديت يدي ...وأكلت ...طالعت محمد يوم قال : هذي اللي تقولون رافضه الزاد
شوفووا وشلون تأكل

ابتسمت له وطالعت شمسه اللي طالعتني مستغربه رفعت حاجب أشرت بيدها وهي تقول : هني هني بالعافية
كنت أكل وأنا اردد بيني وبين نفسي ايه طلعيه حتى من تفكيرتس وعيشي حياتس مثل قبل ...مفتكر الطلاق عنده سهل ... مايدري انه كسر قلبي وموت كل شيء حلووو فيني ... لكن أنا قويه وبقدر اتغلب على كل شيء صار معي ...وتسبب لي فيه ... طالعت أمي الللي تطالعني والحسره بعيونها ابتسمت لها اطمنها .....

{ الجنوب }
حضرت شاي ...وحطت جنبه مكسرات وطلعت للحوش وجلست بالمكان اللي تحبه ..طلعت جوالها وصورت سناب ونزلته ... شافت أمها لابسه العبايه وبيدها حافظة طعام :اسمعي بروح أشوف خالش وش ينقصه وكلها ساعة ولا ساعتين وراجعه مايأذن المغرب إلا أنا هنا ان شاءالله

فزت واقفه وهي تحط يدها على خصرها : ياسلام رايحه لرجلش وأنا طيب شافت أمها تطالعها بحده كملت بقهر : والله ظلم لروح لرجلي بعد ولا حلال عليش وعلى شايبش وأنا ورجلي لا شوفي تروحين بروح لياسر مالي شغل ولا تنسين بينا اتفاق وأنا صراحه ملتزمه فيه ماهو مثلش

نوفه فتحت عينها بصدمة وبقهر : اي اتفاق بينا

شدن : نقابل بعض بدون رجاجيل

صرخت معصبه : يابنت تعدلي لا اجي يمش اللحين بروح أشوف خالش مدري به من أمس

شدن بوزت : خلاص روحي بس لا تتأخرين شوفي
لو عدت الساعة ولا الساعتين اللي حددتيها تجين تحصليني عند ياسر وعاد العلم عندش

نوفه بحده : لو تروحين ذبحتش فاهمه

شدن قلبها وجعها تخاف فعلاً امها ناويه تحرمها من ياسر ..وماهو مثل تقول لها عشان بس تثقل ..ويعرف قيمتها ..
هزت رأسها وهمست : ان شاءالله
====
==
في الصالة
طالعته بطرف عينها ...تحسه ماجاء وجلس بالصالة ...إلايدور مشاكل ... رفعت جوالها وجلست تقلب في السناب ..دخلت سناب شدن ضحكت من قلبها وهي تشوفها منزله صورة الشاي والمكسرات ومرتبه الجلسه ..وكاتبه احسن لحظاتي مع حاطه حرف ياسر ..وجنبه دبله ..وقلب ... اخخخ الكذابه يقال جالسه معاه وهو هنا متمدد بالصالة يدور مشاكل
كتبت لها بسخريه ( ممكن أجي اتقهوى معاكم ولا ازعجكم )
ثواني وردت( بشوف ياسر لو وافق تعالي )
عضت شفتها بقهر رسلت لها ( تمام أنتظر رده)
طالعت ياسر بطرف عينها تحسه متربص لحور
وجالس ينتظرها ..بس ينتظر ...تطلع من غرفتها ..رجعت طالعت جوالي واشوف ردها( خلاص تعالي ياسر راح يوصل أمي لخالش )
عضت شفتها بقهر ..من كذبها المستمر ...وقفت وبسرعه طارت لها شافتها متربعه وقدامها الشاي والمكسرات ..قالت بسخريه : كان نفسي الحق ياسر قبل يروح ابيه بموضوع ضروري

شدن رفعت رأسها لها وقالت : أمي نشبت له يوصلها إلا هو مايبي ويروح ويخليني تعالي اجلسي يلاا اتسلى معاك لما يرجع

نور جلست جنبها وقالت بضحكه وهي تسحب صحن المكسرات : يالله وحشتني الجلسه معاك بس صرت استحي اجي اجلس بينكم أنتِ وياسر

شدن ابتسمت يقال خجلانه ...

ضربتها بقهر عل كتفها : يالكذوب منزله سناب انش جالسه معاه وهو في بيتنا

شدن عضت شفتها متفشله :الله يقلعه وينه
محضره الجلسه من بدري أنتظره

نور صغرت عيونها : تنتظرينه على طول حصلتي مخرج لكذبتش

شدن : تكفين روحي ناديه

نور كشرت بوجهاا :لا

شدن بقهر : ليه

نور :يختي توه واصل من الدوام و معصب حده جالس بالصالة يتسبب

شدن عضت شفتها : معصب

نور هزت رأسها وهي تأخذ بيالة الشاي : اي والله وبعدين خليش منه الحين وفكينا من جلسته بينا يقيد سواليفنا ومعاد نعرف نأخذ راحتنا تدرين فيه ماهو على جونا ويجلس لنا على الزلة وصرخت بقهر ترى طفشتيني فيه اف لازقه لأخوي وجع ما أحب النسوان الي كذا

شدن ابتسمت وهي تذكر كذب ياسر : لا يا قلبي كان زمان ماهو على جونا اليوم صاير متأثر فينا وبذات بالكذب

قاطعتها نور وهي عاقده حواجبها : ياسر يكذب

شدن هزت رأسها : وياكبر كذبه اللي يحذفه

نور بستفسار : في ايش كذب بالضبط

شدن توترت من تحقيق نور تذكرت تحذيره لها انها ماتخبص بالكلام ...وحد يدري بكذبته بسالفة حملها وقفت وهي تصرف : ياوجهه الله الحين أخوش يكذب صدق ماتستحين خليني بس اشوفه إذا ماقلت له

نور فتحت عينها بصدمه : أنا اللي قلت ولا أنتِ

شدن : معاد إقول إلا حسبي الله عليش من بنت
تذكري بس انه سندش يال******

نور بقهر عضت شفتها : وبعد تسبين ..تصدقين ماراح ادعي عليش بدعي على أخوي اللي صدق رجعش لنا وربي كنا مرتاحين

شدن بسرعة قالت :قولي بس أبوش موجود

نور بقهر: تقلعي بس

شدن بوزت : افف نور قولي والله مانسى لش ذا المعروف وقربت منها وهي تبوسها خلاص آسفه

نور صدت وجها ومدت يدها عشان تبوسها: تذللي أكثر

شدن شافت يدها الممدوده و قالت بقهر : تخسين معاد إلاهي

نور طنشتها وجلست تأكل مكسرات وهي تلذذ بطريقه مستفزه

شدن سحبت الصحن من يدها وقالت بقهر : نور تكفين وينه أبوك

نور عارفة انها ماراح تفكها بتجلس تعيد وتزيد بنفس السؤال قالت وهي تبي تريح نفسها : عنده مشوار لمربه مدري لجازان

شدن صرخت : جازان الله ليته أخذنا معاه

نور بسخرية : والله من زين العلاقه بينش وبينه عشان يأخذش معاه

شدن كشرت يوم تذكرت :من أصله ماراح اروح معاه الله يخلي لي رجلي لو أبي أروح ماراح يقصر

نور بسخرية : اللهم آمين وليته يغرقش في بحرهم ويريحنا

شدن طنشت سخريتها وقالت : لا ياحبيبتي بنروح
ونعيد فلم التايتنك

نور كشرت بقرف : وع والبطل والبطله انتِ وياسر

شدن : غرق البطل صح

نور : ايه غرق وأنتم يارب تغرقون الاثنين مع بعض

شدن ضربت على صدرها : بسم الله علينا
إلا صدق نور تذكرين يوم رحنا السنة اللي فاتت آه صدق ليت يويسر ينزلنا لجازان ونروح البحر ونفلها

نور : احلمي ياقلبي قال ياسر ينزلنا قال

شدن بقهر : وليه ان شاءالله ماهو ذيش السنه نزلنا وش يعوقه اليوم

نور بخبث : ناسيه مين صاحبة العزيمه كان

شدن بفهاوه : مين

نور ابتسمت بتشفي : عفاف تذكرين هي الي طلبت من ياسر وبعدها توسطت لنا نروح معاهم وبعد أبوي قال نأخذ عمتكم وبنتها ونروح عائله

شدن بقهر وهي تذكر : ايه يومها كان ماهو طايقتني واحسها متحمله وجودي بالعافية

نور بضحكه : ايه أبوي فرض وجودش معنا يومها وياسر وعفاف مايبونش

شدن تذكرت وشلون خالها مبارك كان يحبها وكيف تغير زفرت بقهر وضربتها على كتفها : وأنا بعد
لو اطلب ياسر مايقصر وبعد اي مكان ابيه فاهمه ورفعت رأسها بغرور ناسيه اني جايه من تركيا وقفت وهي تقول بتحدي ..والحين بروح له وشوفي بنفسش

نور رفعت يدها بسخريه وهي تقاطعها : ليتش صدق تروحين ذا الوقت وتطلبينه

شدن رفعت حاجب بتحدي : ايه بروح له وشوفي بعينش

نور بضحكه : والله انش بترجعين مدبوغه وقولي نور ماقالت

شدن رفعع نفسها بغرور : ده كان زمان ياحبيبتي

نور رفعت يدها : تقلعي روحي له قلبي معاش

شدن حست بتردد خايفه تروح وأمها تعصب
بس من وقت ماقالت لها نور انه معصب ..قلبها عورها عليه ...وبعد الزفته ذي قهرتها بكلامها عن عفاف ..رفعت يدها وقالت وهي تأشر على انه خاتم بيدها : أخوش هنا فاهمه هنا

نور بضحكه : وربي شافقتن بحالش يوم ترجعين

شدن اعطيتها ظهري مطنشه كلامها ... واتجهت للباب الفاصل بينا
دخلت بتردد ... تلفت يمين ويسار ادور أمه ...اتمنى ماحصلها ...ليتها راحت مع رجلها لجازان ورماها في الحد وفكنا ..دخلت لللصالة ...شفته فعلاً
جالس على الكنبه تقدمت بخطواتي وأنا اتسحب
بشويش مابيه يحس فيني ...وقفت وراه ونزلت نفسي شوي ورفعت يدي وسكرت على عيونه
وهمست : مين أنا ....

ميل فمه بسخريه على سؤالها الغبي قال بحده وهو يبعد يدها :شدن ابعدي عني

شدن عضت شفتها : افف كيف عرفتني على طول وجلست جنبه بقهر ياخي حرام والله لي ساعة اتسحب وفي الأخير كذا تكشفني بسرعة افف

ياسر مقهور من غبائها تسأل بعد كيف عرفها
وهي متكلمه قبل تحط يدها ...وأكيد رآح يعرفها آه فيه قهر منها وده يبرد قلبه فيها بس كبر عقله سحب الريموت ...ورفع صوت التلفاز ..

شدن اخخ يوم رفع صوت التلفاز عرفت المقصد يعني اقلبي وجهش مديت يدي وأخذت الريموت من يده وقلت بآسف : عارفه زعلان مني بس تدري مقدر اثني علي كلمة أمي ...وأنت عاد عارف مين نوفه

قاطعها ياسر بقهر :أجل خلي نوفه تنفعش

شدن عضت شفتها ومسكت يده : ياسر تكفى لا تزعل مني والله لو تدري الحين جايه من وراها

ياسر رفع حاجب : بعد جايه من وراها حس انه بيفقد اعصابه رفع يده : شدن فارقي بسرعة

شدن تلفت يمين ويسار بقلق : طيب تعال معي بيتنا نتفاهم هنا ماهو مرتاحه خايفة

ياسر هز رأسه بلاااااا بدون مايتكلم وأشر لها تروح

شدن وقفت ومسكت يده وهي تقومه معاها
وقالت وهي تستعطفه : تكفى وربي قلبي بيوقف خايفه من أبوك لو يطب بأي لحظه وبعد مسويه شاي يحبه قلبك

ياسر حزن عليها وهو يشوف الخوف بعيونها من أبوه .بس بعده قلبه حاقد عليه وقف معاها بيشوف ايش نهايتها ...

شدن
تنهدت براحه يوم جاء معي ...عضيت شفتي بخبث
وأنا أشوف نور تطالعنا بصدمه ..تدلعت بمشيتي ورفعت رأسي بغرور ...وغمزت لها ...يعني فزت بالتحدي ..وقدرت الف برأسه قربت منها قبل أجلس وهمست لها : ياحبيبتي أنا شدن مو حيا الله
طالعت ياسر اللي طالعنا مستغرب من كلامي لشدن أشرت يجلس جلس وجلست جنبه وطالعت نور اللي باقي تطالعنا وهي مفهيه ...قلت بدلع : يويو

ياسر رفع حاجب : بلاش الدلع ذا اوكيه

شدن على طول كذا الله يقلعك فشلتني عضيت شفتي وأنا مقهوره يوم شفت ابتسامة نور بس ياجبل مايهزك ريح كملت بدلعي : طيب على راحتك امممم طيب افف و ش اقولك

ياسر وهو يأخذ ترمس الشاي : قولي ياسر يعني بتعجزين

شدن اخخخ هذا اللي بيفشلني صدق قلت بقهر : طيب دكتور ياسر حسيت ماعجبه وبدأ يعصب
لا لا لا تكفى لا تعصب وتفشلني زود .. أخذت منه الترمس وقلت : لا لا أنا اصب لك أنت ارتاح

ياسر وهو ناقد عليها وعلى نور : والله لي ساعة جالس مافي حد فيكم حس

شدن ابتسمت له ومديت له بيالة الشاي وقربت منه صحن المكسرات وقلت :ياسر

ياسر بطفش : اخلصي علي من وقت ماجلست ياسر ياسر وش عندش

نور مافيها عاد تسكت ضحكت بصوت عالي :هههههههههههههه

شدن عصبت حدها من اسلوبه ومن ضحك نور أشرت على نور : ياسر اطردها

ياسر طالع نور اللي تضحك ومايدري ليه تضحك قال بحده : خير خير وش له ذا الضحك

نور حطت يدها على فمها تكتم ضحكتها ...

شدن مقهوره حدها قربت منه وساسرته : تكفى لا تفشلني اي شيء أقوله قول تم
ياسر رفع حاجب ...

شدن طالعت نور وقالت بدلع : ياسر

نور وهي ماسكه ضحكتها : وافق على اللي بتقوله ياياسر وفكنا

ياسر : أنا فهمت عشان اوافق طول وقتها ياسر ياسر
غثتني

نور هنا معاد فيها تقدر تصبر بذات وهي تشوف وجهه شدن وشلون صار أحمر طاحت من كثر الضحك
: ههههههههههههههههه

ياسر وهو ماسك ضحكته : نور وبعدين يعني وطالع شدن قولي وش تبين بس تكفين بدون ياسر اعطيني الي بعده على طول

شدن بوزت بزعل وصدت ..وهي تبيه بس يقوم حالفه لا تدبغ نور اليوم ...

ياسر شاف نور مستمره بالضحك ..صرخ وهو يمثل العصبيه : نور والنهاية يلااا شدون قولي وش عندش وعلى هالخشم تم من الحين

شدن شوي رجعت لها ثقتها طالعت نور ورفعت حاجب بس توبت عاد تذكر أسمه قالت : ابيك تنزلنا لبحر جازان

ياسر عقد حواجبه وقال : يالله لطفك عاد مره وحده لجازان والله ماهو فاضي ذي الفتره صعب

شدن انقهرت حدها وهي تشوف نظرات نور تكتفت بزعل : ليه صعبه وش وراك

ياسر : سفر وتعب

شدن بقهر : وش سفر من بعد المسافه اللي بين أبها وجازان كلها ثلاث ساعات قول ماتبي وبس لا تعذر

ياسر : طيب ودوامي لا تنسين لي فتره مأخذإجازة
مافي أحد عاد بيمسك مكاني

شدن بسخريه : الله الي يسمعك يقول وراك كم عميله جراحيه وأنت حيا الله تخيط جرح ولا تعلق مغذي

نور تعدلت بجسلتي بحماس الحين أكيد بيقوم عليها مدام تمسخرت عليه بس انصدمت يوم قال : طيب ولا يهمش نروح وبشوف اللي يمسك مكاني ولا أخذت إجازة على حسابي

لا لا لا صدق الولد طايح على وجهه عندها اللحين تتمسخر على وظيفته ويرد كذا ...

شدن طالعت نور وعلى وجهاا ابتسامة انتصار قالت بدلع : الله يطعني بس

نور بقهر : وظيفته اللي تتمسخرين عليها تموتي وتوصلي لها يالفاشله

شدن لعبت بحواجبها وهي تغيضها :لا تحاولي تفتني بيني وبينه وبروح غصبن عنش وماراح تروحي معنا ....

نور وقفت بتروح للبيت غثوها بحبهم : هين هذا لو رحتي واعطتهم ظهرها ورجعت طالعتهم وصاحت بتريقه : ياسر

طالعها وقال : هلا

نور بضحكه : لا والله بس اقلد شدن ههههه

ياسر رفع الترمس بتهديد بس شردت وقفت
قدام الباب الفاصل وقالت وهي ترفع صوتها : ترى يالأخو من تو تمسخرت عليك وعلى وظيفتك وأنت مسوي لا أسمع لا ارى لا أتكلم

طالع شدن وقال بقهر : جبتي لنا الكلام الله يسامحش

شدن بضحكه : ماعليك فيها دكتور ياسر تموت وتوصل لمكانتك

ياسر رفع حاجب بقهر من تريقتها عليه :والله قولي لنفسش ذا الكلام

شدن وهي تضحك : سوري المهم يالله خلاص روح وراء أختك وش مجلسك

ياسر فتح عينه بصدمه : نعم

شدن عضت شتفها بتردد: والله خايفه تجي أمي وأنت هنا وتسوي لي سالفة

ياسر بعصبيه قربها منه وقال بقهر : شدن مصيبه لو فعلاً بتسمعي كلام اي أحد يخرب حياتنا

شدن بخوف من زمان ماقد شافته كذا عصب بلعت ريقها :هذي أمي ماهو اي أحد

ياسر فكها وهو يستغفر :أستغفرك يالله حتى لو أمش ياشدن تكفين مانبي مشاكل وبعد زود
خلاص طفشت والله ودي أستقر ومافي مخلوق يتدخل بينا

شدن فعلاً حتى هي ودها تستقر معاه قالت : صادق والله ياليت نطلع من بيت أبوك

ياسر تنهد براحه يوم سمع كلامها : هذا اللي بيصير
وبعد وكاد نحصل لنا مخرج من سالفة الحمل

شدن حطت يدها بطنها وهي تذكر : الله يسامحك ورطتنا ياخي كان فيه كذبه أهون من هذي

ياسر رفع حاجب وبقهر : يعني أبوي بيطخ بغير ذي الكذبه
شدن : ياليتك شاورتني بس عشان اطلع لك لها مخرج

ياسر : ماشاءالله الحين كذبك له مخرج

شدن هزت رأسها : ايه والدليل أنا قدامك الحين ورفعت يدها تشوف مكان الحرق كشرت يوم طالعته تصدق على الوجع اللي توجعته بس حبيته
عشان خلاك تحبني

ياسر رفع حاجب وقال بسخريه :لا وجعتي نفسك على الفاضي من زمان قلبي دق لش

شدن صرخت : صدق والله اني قلتها هواشك معي
وتطويل لسانك دايم علي إلا وراه حب

ياسر بسخريه : شفتي كيف

شدن : والله كنت حاسه ضربته على كتفه اففف ياسر ليه كذا بهذلهتنا كان قلت من أول وفكيتنا من ذا الاكشن كله تصدق على وشهوو مقهوره

ياسر وهو يدعي الله يصبره : على ايش

شدن : على خسارتك بالتذاكر والروحه والجيه وسفر وقرف

ياسر رفع كتوفه وهو وده يذبحها على استخفافها اللي ماهو بوقته : يالله نصيبنا كذا نخسر ونتعذب

شدن رفعت يدها : يالله أهم شيء في الأخير تجمعنا

ياسر عض شفته : للآسف

شدن رفعت حاجب وطنشت كلمته وقالت : اسمع حنا نطلع لشقه بلحالنا ونجلس كذا اسبوع ونخبرهم ان الحمل طاح

ياسر عض شفته يحس كذبتهم هذي بتجيب لهم مصايب :الله يستر لو ربي يعاقبنا على هذا الكذب ياشدن والله ماهو مرتاح

شدن عضت شفتها : ربي عالم بحالنا كان

ياسر بضيق : لا لا ماراح أكذب زيادة بقول كنت شاكين وطلع حمل كاذب

شدن بخوف وقلق : لا ياسر أبوك يمكن يفرقنا

ياسر بضيق : خلينا من هالسيرة الي تكدر وقومي تجهزي نطلع لا اي مكان ...

شدن هزت رأسها مترددخايفه ترفض ويعصب وبعد خايفه توافق وامها تعصب عليها... بس قلبها وقف ..وهي تشوف باب الحوش يفتح وجهااا انخطف وهمست : الكدر جاي يابعد قلبي اخخ قلت لك روح رفضت استاهل أنا عزمتك ماتوقعت كذا بتلزق لي

ياسر انقهر من كلامها وطالع عمته واقفه وتطالعهم
انقهر يوم وقفت شدن وقالت بتبرير فاشل : يمه جاء يبيني في موضوع بس أنا رفضت اسمع منه قلت له مهما كان أنت شخص غريب علي أنتظر أمي تجي وجلس ينتطرش

ياسر فتح عينه بصدمه جحدته مره وحده وصار شخص غريب بعد ..

نوفه بسخريه وهي تطالع الشاي والمكسرات قدامهم : ماشاءالله تجلسين معاه وتقابلينه مايكون شخص غريب

ياسر بقهر ضرب شدن على كتفها : وش ذا العلم

شدن حطت يدها مكان ضربته وهمست : اسكت انا اعرف اصرفها

ياسر انقهر من غبائها أمحق تصريفه والله طالع عمته وقال : تعالي اجلسي وعيني خير وقولي وشلون خالي

نوفه قربت منه وجلست : بخير ماعليه وصغرت عيونها وش ذي الحركات ياسر تخليني اروح وتجي

ياسر طالع شدن وهو يبي ينتقم منها : والله بنتش نشبت لي ونور شاهده

شدن بسرعة قالت : يكذب
نوفه زفرت بتعب منهم الاثنين انصدمت يوم ياسر قال :رحت لولد أختش مصعب
صدمها : ايششش رحت لولد النايفة

ياسر اعتدل بجلسته وقال : اي والله يوم كنت بالرياض رحت له زيارة وهو بالمستشفى

نوفه وقلبها موجعها عليه : وشلونه طيب

ياسر عض شفته : بخير بس مع الآسف استقباله كان حاد شوي عرفت انه شايل كثير علينا

نوفه دموعها نزلت من كلام ياسر ماتدري ايش قايله له عنهم قالت بغصه : ودي بشوفته يوم العزاء ماعطاني فرصه حتى اتكلم معاه

ياسر بآسف : مأخذ موقف عدائي منا

نوفه مسحت دموعها : بروح له ياسر تكفى طلبتك ماتردني

ياسر ماتوقع تطلب تروح له : ابشري بس مدري اشلون بيستقبلنا ولا يرفض ايش رأيك تدقين عليه قبل حنا نروح

شدن بلقافه : ايه صح يمكن يطردكم وتتفشلون

ياسر طالعها بحده ورجع طالع عمته اللي تصيح
يحس قلبها منطوف على شوفته :ابشري بدق لش عليه ونروح له ولا يهمش بس لا تصحين تدرين ماحب اشوف دموعش

نوفه يالله أخيراً بتسمع صوته وبتشوفه ماتوقعت هذي اللحظه أبد قالت وهي تصيح : طول عمري خايفه من مبارك اذكر اسمه ولا اجيب طاريه تكفى ريحنيي ودق عليه بسرعة لو عندك رقمه

ياسر هز رأسه : ايه اعطاني خويه وأخذ جواله
وفتح رقمه وناولها وهو يشوف القلق والترددد بعيونها وبعد الشوق نزل الجوال وقال بتردد : انصحش ماهو ذا الوقت خليها وقت ثاني وبعد أبوي لو يدري مصيبه

نوفه هزت رأسها وهي تمسح دموعها : لمتى العمر ضاع وحنا محرومين من شوفته وأبوك خلاص وش يبي عاد راحت لربها الله يغفر لهاويسامحها
دق عليه ياسر لا تنطف قلبي عليه أكثر والله معاد فيني تعبت وأنا ارتجي اسمع صوته وشوفته

هز رأسه وهمس : ابشري ضغط على رقمه وناولها
أخذت الجوال بيد ترجف خايفه يوم يرد ويدري مين تكون يصدها ...كان كل رنه تسمعها تحسها بقلبها تذبحها ذبح قفلت عيونها يوم سمعت صوته الحاد : الوو

طالعت ياسر والغصه ذابحتها ماقدرت تتكلم سمعته يكرر كلمته : الوووو مين معي

ماقدرت تمنع شهقتها وهي تصيح : الو يمه مصعب

سمع صوتها وعقد حواجبه مستغرب من الصوت الغريب عليه وبعد تصيح حس بقلق وتوتر وبعد تعرف أسمه : ايوه مين معي
: خالتك نوفه .....