رواية جيت مابيك تحقرني جيت أبيك تعز شاني الفصل السابع والأربعون 47 - بقلم r010ee

ابتسمت بخبث وأنا أشوف ((سوسو )) ترقص
اخخخ لو يدري فيتس الشياب ..فتحت عيني
وأنا متعجبه من الي اشوفه رفعت يد الجوهرة وترقص معاها ويتمايلون على بعض طالعت الشموخ الي تطالعهم بنظرات بهاته وقلت :صداقتهم (مستنقع )
طالعتني وقالت والوجع الي تخبيه واضح بصوتها :طال هالمستنقع الي حولهم وخلاهم يتأذون

حزنت عليها من قلب أكيد مقهوره انها لعبت
بعقل ولدها وزوجته وحده غيرها والله أذتها بقوه
حسبي الله عليها هالجوهرة مافي أحد مرتاح
منها قلت وانا مغبوونه : ماعليتس منهم وخليتس تسذا شامخه وراستس فوق والله اني معجبه
بتس وبقوتس
حسيتها طالعتني وكأنها تذكرت شي وتداركت نفسها وقالت بصوت حاد :الحين مفتكرتني مقهوره عشان ولدها تزوج علي لااااا مافكرت مثل ماقلت لك ولا جبت طاريها وطاري ولدها وقربت مني شوي وقالت :جايه اضحك عليهم بس وحلفت مافوت علي هالفرصه هم مفتكرين انهم يقهروني وأنا الي بقهرهم وأنا بنت أبوي

هزيت رأسي لها ..وأنا اصد ..معقول فعلاً
مثل ماتقول ماهمها ..بس مدري ليه احسها
تمثل وتكابررر ..ياللاااا أنا الحين شغلي الشاغل
الشموخ وناسيه (مجنوني) لو يدري بحضوري
اخخخخ والله ماغير يمسح فيني بلاط هالقاعة
أخذت حبة شكولاته ورميتها بفمي وأنا أواسي عمري ...وش يدريه ..خليه الأخ مبسوط (بدبي )
اخذت وحده ثانيه ورميتها بفمي بقهررررر يالله منه حتى ماااايفكر أن عنده زوجه ..كذا لو بالغلط يدق عليها ..أخذت وحده ثالثه ..ورميتها بفمي بس حسيت على عمري ...من نظرات الشموخ ..حسيتها مصدومه من كثر ماسحب من هالشكولاته قلت وأنا منحرجه :طعمها لذيذ وأخذت وحده وناولتها وقلت لها وأنا اغطي على احراجي ذوقي
ترى للمعلوميه تخلي الواحد كذا يستمتع حتى
لو الي حوله يجيبن الهم ..مدري ليه حسيتها من نظرتها لي .. ودها ترميني بدلة ..القهوه وسلة الشكولاته الي قدامها ..احترمت عمري وانثبرت ..وأنا أصب فنجان قهوه وناولتها ..أخذته مني ...وحطته قدامها
صبيت لي وأحد وأخذت منه رشفه ...طالعت
فنجانها بطرف عيني ..مثل ماحطته أبد مارفعته
سندت ظهري على وراء ...وحطيت يدي على بطني
وأنا احس بنغزات ..أكيد من هالفستان الضيق لابسته ...طالعتها يوم قالت وهي تطالع بطني :في اي شهررر حامل

ابتسمت وقلت : بالشهررر الخامس

ابتسمت ببرود وقالت :الله يقومك بالسلامة

همست : اللهم آمين وأنا اطالع الحضور الي اغلبه يأشر على الطاولة حقتنا ..وعينه من الشموخ ..أكيد فضول الحريم المعتاد ..لازم يشوفون مرته الأولى ..طالعتها بطرف عيني وأنا مابيها تحس علي .. بس حسيتها متضايقه حيل وحاسه بالتاشير الي ماله داعي والنظرات الي حولها
بس شقهت متفاجئه يوم قامت وقالت :ودي أعزمك معي عشان ترقصين بس وهي تأشر على بطني مستحيل على وضعك هذا

بدون حس مسكت يدها أبيها تجلس خايفه حد يفشلها او يقهرها سبحان الله فيني شفقه عليها كأني اعرفها من زمان ولا وحده من خواتي قلت وأنا خايفه تفهمني غلط : وش ترقصين
مجنونه وش بيقولون بس سحبت يدها
مني بقوه وقالت والغبنه بصوتها : وش بيقولون مره فرحانه لرجلها وأنا فعلاً فرحانه وخلي هالعالم بعد ترتاح وهي تأشر على الكل بتعالي
حسيتها تكذب علي وعلى عمرها وعلى هالحضور كله ..وقفت وقلت وأنا أحاول امنعها :ي قلبي الكل عارف انه ماهمك بس لو رقصتي صدقيني بتخلي الكل ينتبهه لك ويجلس يتكلم ..
سحبت يدها وقالت وهي عينها على الكوشه :على الأقل تعالي صفقي لي مدام ماتقدري ترقصي

أنا اتكلم بشيء وهي ترد علي بشيء ثاني
هزيت رأسي ومشيت معاها ..وأنا احس الكل عيونه علينا ....

الشموخ
كنت كل ماقدمت خطوة احس ..اني بطيح بدون شعور مسكت يد اصايل وأنا استمدت قوتي منها ..تعبت من نظرات الحريم ..الي ذبحوني فيها ..وحلفت اني اوضح لهم انه ماهمني وبعد أبي الجوهرة توصل لولدها ..اني رقصت بزواجه خليه يموت بقهره عضيت شفتي وأنا اسمع تساسر الحريم وتأشيرهم علي ..كل مامريت من عند طاوله ابتسمت يوم قالت اصايل وهي تهمس لي :برقص معتس الليله وهذا ربي يحفظه
وبضحكه بس مانقلد سوسو وجوجو ونرفع يدنيا مثلهم ..توسعت ابتسامتي على كلامها ..سبحان الله على كرهي لها وأنا ماشفتها يوم سمعت ان مصعب أخذها ..على ان قلبي الحين انفتح لها ..يمكن لاني طلعت مصعب من بالي ومن قلبي من زمان
والي ملكه غيره ..تفتنن بتعذبي والليله كمل علي كلي (مبروك عناد انتقمت على الأخر ) فكيت يدها وابتعدت شوي وأنا اقابلها حركت جسمي شوي وأنا اتمايل ..
وهي قدامي ترقص على مهل نسيت العالم
كله وتحمست بالرقص ..وانا اسمع الكل يصفق ويصفرررر ..والي يطالعني كنت اطلع قهري كله
تخيلت أمي.. لو هي موجوده ..كانت ذبحتني
لو شافتني.. قدامها ارقص بعرس ..مين بعرس زوجي ..... تحمست زود يوم قابلتني الدقاقه وهي تغني وترقص معي ... كنت اتنفس بتعب وأنا اقرب من اصايل وامسك يدها وهي تصرخ معترضه وتضحك : لاااااا قلت لتس مانبي نقلدهم بمسكة اليد تكفين بس أول ماوقفت الدقاقه وقفت وانا متسنده على اصايل واتنفس بقوه همست لي
:ياااالحبيبه ماهو كانتس تحمستي شوي

قلت بقهر: يستاهل عناد

اصايل بدون حس قلت : اخخخ ي فيني قهر من هالعناد معتس

الشموخ ابتسمت بوجع وقلت : عاد أنا وش أقول
وسكتت وانا أشوف الجوهرة مقبله علينا والشرر بعيونها بس اصايل وقفت بوجهاا وقالت بعصبيه: هااااا وش عندتس بالله جايه تركضين على هونتس ارفقي بعمرتس

الجوهرة بعصبيه همست : لا تفضحونا وطالعت الشموخ بقهر وش مطلعك ترقصين ولا شوفوني ترى ماهو مقهوره على رجلي هالحركات قديمه وانزلي كفايه لا تفشلين عمرك أكثر عن كذا والحين بدق على عناد يأخذك البيت بزف عروستنا وحنا مروقيين ماهو ناقصين هبل واعطتهم ظهرها وهي معصبه جية الشموخ ...
خربت عليها كل شيء كان مخطط له ...وانشغلت
فيها ووخربت.. عليها الي ناويه تسويه ..في اصايل
الحين مدام كذا تقربوو من بعض مستحيل ..
تقدر تختلي باصايل ..قربت من صديقتها
وقالت بقهر: انتظري شوي وبحاول اسحبها من هالعله وأنت خليك بس جنبي وقت ماحتاجك تكوني قريبه
قالت بقهر : طول عمرها عندك بالبيت يعني مازانت لك تخلين زيد يخطفها إلا هنا بالعرس

قالت بقهر وهي تصفقها على كتفها: ي غبيه لو أخذها من البيت أكيد مصعب بيقول انا مافي غيري ..بس هنااا لا بكذب عليه يوم يدري وبقوله انا جبتها معي للعرس وبعدها مدري مع مين راحت

قالت بخوف وتردد: والله حتى زيد خايف
من مصعب يقول لو يدري اني وراء هالسالفه راح يروح فيها هالمره

مسكتها بعصبيه وهي تسحبها لجهة المغاسل : الله يأخذك ويأخذ هالزيد معك تعبت وأنا افهمك وافهم خويك المفهي هذا
أقولك لو حد بيروح فيها بيكون صالح وبعد هو مستعد دافعه له مبلغ وقدره غصب عنه يتحملها
قالت وهي مرتبكه : مدري والله حتى زيد خايف
ويقول لأول مره شكلي بتورط وبعدين صالح
على قول زيد كفين يقول كل شيء عنده

قاطعتها الجوهرة وقالت بعصبيه وهي تناولها الجوال : دقي على الكلب هذا وأنا بتفاهم معه بنفسي
دقت رقمه وناولتها أخذته منها اول ماسمعت صوته قالت بعصبيه : ال**** افهم عاد قلت لك تعال وخلك واقف قدام البوابه وبس ينتهي العرس ادق عليك على طول فاهم وأنا بعرف وشلون أخدعها وراح تطلع لك حتى لو وصلت فيني اغيبها وعيها وأنت تاخذها من الغرفه والكل يفتكر انها وحده من المعازيم وتعبت وحد من أهلها جاي يسعفها بسيطة ترا

قال بعصبيه : بتورطينا أنتِ والله
وشلون تبيني اخطفها كذا بدون مخطط من قبل
وبعدين وشلون تفقدين وعيها مجنونه انتِ وين حنا عايشين فيه

الجوهرة بقهر : ي الغبي من الظهر وأنا افهم فيك وأقولك بحط لها منوم بس خليني اختلي فيها وبعد أنت مقفل عقلك مدري وش فيك ي زيد شكلي بغير تعاملي معك وتعرف وقتها ترجع شحات مثل ماكنت وانتبه اي حركة غدر مثل الأولي ماراح ارحمك هالمرة حط بعقلك سامحتك مره وماراح اسامحك مره ثانيه

ققفل عيونه بقهر وهي تعايره وده يذبحها
عشان تعرف تثمن كلامها ..بس فعلاً بدون دراهمها هو شحات قال وهو مغلوب على أمره :طيب دقي علي وقت ماتبيني أخذها وسكتتت يطالع عادل الي طلع وراه وقال وهو يستفسر : زيد وش فيه سلامات صوتك لما عندي تبي فزعه أبشر والله

وجهه انخطف لا يكون سمعه قال بتوتر : لا ي رجال مشكله بسيطة مع الأهل وبهمس بعد ماعادل رجع دخل قال :انا الحين بطلع من الإستراحه بس قولي ان شاءالله عادل ماسمعني

فتحت عينها بصدمه: وش مجلسك مع عادل
انا وش ش قلت لك اختفي اليوم من الإستراحه
الله يأخذك ي ناس ماعمري شفت مثلك ومثل هالزفت قدامي أغبياء

قال بقهر وهو صاك على سنونه : مابيهم يشكوون فينني يوم مصعب يدري ابي الكل يشهد أني موجود كنب بالإستراحه ولو تكملين خيرك وتخلين صالح اللي يأخذها اكون لك من الشاكرين

قالت وهي تحس عمرها بتموت من القهر : يالله وشلون تفهم اقولك صالح مستحيل يأخذها
بينكشف تدري به جبان بس فيه يتحملها لو صار شيء لا سمح الله وقالت بتحذير : انكتم مكانك شوي لاتطلع على طول ولو قدرت تصرف عادل
من الإستراحه وبعدها تطلع يكون احسن

قال بقهر : تمام بشوف دبره لهالمصيبه
بتدخلينا فيها وبقهر ماتعلقيني إلا مع مصعب ي الظالمة ...

دخل وطالع عادل ...وهو مرعوب
لو سمع الي صار بينهم ..ويوصله لمصعب أكيد انه هالمره راح يذبحه يكفي الي صار له منه اسبوعين شوي وكان بيموت بين يدينه ..قال بتوتر من نظرات عادل : الأهل هذولا مايريحوون أحد يلاااا قدرت اصرفهم بعد صراخ وتعصيب وجع رأس

عادل وهو يرمي الورق بالأرض قال : مدام صرفتهم قابلني أجل....

زيد بقلق وهو يرفع ساعته مابقي شيء على موعد طلوعهم على العرس والقاعة بعيده مثل مارسلت له الموقع الجوهرة ..جلس مقابله وقال وهو يحاول مايوضح عليه شيء :بكسر رأسك من الحين

عادل ابتسم وقال بسخريه:ي شيخ رأسك مكسر بكل وقت العب بس وخلا عنك الهايط

زيد بقهر قال: خويك ترى الي سواه فيني ماهي مرجله لو رجآل ماغدربي بس أنا تنازلت
عن حقي إلا كان بخليه يعفن بالسجن

عادل بحده: وش دخل مصعب الحين

زيد بحقد:عادل والله أنت أكثر واحد تغطي على مصعب ومصايبه الي يسويها

عادل بقهر وقف وقال بتهديد: لو سمعتك ثانيه مره تتكلم عن مصعب رجعت الي سواه فيك وأكثر فاهم واعطاه ظهره وطلع وهو معصب

زيد تذكر المصيبه الي راح يسويها تخص مصعب قال بسرعه وشلون ماقدر يمسك نفسه : ي رجآل أنت ومصعب على عيني ورأسي اجلس وخلك وأنت أكثر واحد تدري اني مارضى على مصعب وعلى ماظن فعولي تشهد لي وهي يذكره بالسيدي الي سلمه له

عادل قال بسخريه : الله يعافي القروش الي خلتك تبيع الي قريب منك بعد وهو يقصد الجوهرة

زيد بتوتر : طيب اجلس وخلنا نكمل لعبنا

عادل بحده : بروح انام

زيد قال وهو يبي يبعد الشبههه عنه : نام معي هنا لاني ناوي الليله ابيت

عادل قال وهو يعطيه ظهره: لا وياللا تصبح على خيرر

زيد .. أخذ نفس .. افففف
أخيراً انقلع ..بينتظر لمدة نص ساعه ويطلع عشان يضمن أكثر روحته .....

الديرة
اليوم البيت كله استنفار ..الكل يشيل ويحط
بسبب جية.. خالة عواد من الامارات
هي وعيالها
وخالتي توصي على كل صغيره وكبيره
وأنا وابتسام هلكنا والله على قول ابتسام كذاكل زيارة لهم امها تقلب البيت فوق تحت من تجهيز ضيافه وغرف للنوم ...
طالعتها وقلت بتعب : بروح أخذ شور
وبنام خلاص معاد فيني والله

ابتسام وهي تطلع المفارش من الدولاب
: وأنا بلحقتس الحين بس أكمل الي بيدي

شمسه هزيت رأسي : طيب تصبحي على خير
وطلعت لشقتي ..أخذت شور .. وجيت
بنام بس ..حسيت بجوع ..طلعت من الغرفه
صادفت عواد داخل الشقه قربت منه
وأخذت كيس الأغراض الي وصيت فيها بدون ماطالعه وقلت :مشكور

هز رأسه بضيق ودخل غرفته ..طفش من هالدور
عايشين فيه ..صح هوالي طلب انه يكون بينهم ‏احترامبدل الهوشات الي دايم ..بس بعد طفش
غير ملابسه ..وطلع طالعها شافها جالسة
على جوالها ...

رفعت عينها وطالعته ..شكله وراه مصيبه ..والله هالنظره بعيونه ..تعرفها حيل وبذات وهو يلعب
بيده بشعره تدري أنه بيقول شيء رجعت طالعت جوالها مطنشه وجوده..مافيها حيل تأخذ وتعطي هالفتره تحس فيها حالة تبلد غريب عليها ...وكل ماقال شيء نفذته
بدون ماتتعب نفسها ...معاه بس طالعته بضيق
يوم قال :شمسه ماطفشتني من هالرسميات بالله

ماهو أقولكم وراه مصيبه ليتني نمت وماهو ضروري أكل كان والحين سميره الله يسامحها اشغلتني على الواتس قلت بضيق :عواد لا تنسى من اسبوع طالب نحترم بعض وقلت لك أبشر وهذا الي أقدر عليه والحين بعد ماهو عاجبك مع الاسف ماعندي غيره

عواد رفع حاجب وقال بقهر : شمسه محسستني أني اشحت منتس

شمسه قاطعته بضيق : عواد تكفى لا تبدأ
والله مرتاحه بوضعنا الحالي تكفى لا نرجع للهوشات وتعب الاعصاب والله معاد فيني

عواد بحده : وضعنا الحالي ماهو عاجبني ولهو عاجب أحد اليوم أمي ضايقه قلت لها عسى ماشر خبريني وش فيتس قالت حياتك مع مرتك ماهي عاجبني شمسه مكسورة وأنت بس ضايق ومهما كذبتم واضح عليكم وقتها ماقدرت ابرر لها أو أكذب عليها زود كل شيء واضح وهذا السبب يعود عليتس أنتِ وضحتي للكل انتس ماتبيني

شمسه فتحت عيني بصدمه وأشرت على نفسي
وقلت : الحين أنا السببب في اللي حنا فيه

عواد ابتسم وقال : ايه

شمسه بقهر جت تبي تقوم بس جلسها بالقوه
وقال بصوت مبحوح : شمسه ترى والله طفشت
على الأقل خليتس قويه واجهي ماهو تنسحبين كل مره ي الجبانه

شمسه حسيت بقهر ودي اسطره بكف يعدل
حكيه قلت بعصبيه: تدري ليه انسحب
ماهو خوف منك ولا جبن لا بس ماني ملزومه
اضيع وقتي واسمعلك

عواد قال بعصبيه : صادقه ماهو ملزومه
تضيعي وقتس معي بس حطي براستس شيء واحد يوم رديتس لعصمتي ماهو عناد بتس لا يشهد الله علي اني ابيتس زوجه لي ومابي غيرتس إلا كان قد اعرست من زمان شوفي شوي واطق الخمس والثلاثين الي بسني معهم ثلاثه وأربعه

شمسه وهي تبعد يده : حتى أنا عمري راح أولها
وانا احتريك وبعدها يوم طلقتني ورديتني لبيت أبوي بليلة عمري قطعت نصيبي وخليت الكل يحتسي عني بالشين وليت بسبب ماغير هروج
أكثرها تسذب

عواد بندم : والله اني كل يوم اتحسر على فعلتي
بس هالشيء صار وخلاص انتهى والحين ..

شمسه قاطعته وهي تصرخ بقهر: انتهى بعد ايش
بعد مارضيت غرورك المريض يقال كسرتني
مثل ماوصلت لك اختك حلفت تنتقم لنفسك
من مين من زوجتك عرضك وشرفك وقبل تكون زوجتك بنت عمك وليتك صملت بس إلا جاي بقوة عين تردني لذمتك بعد سواتك فيني مافكرت الناس تحكي عنك بعد وتقول وشلون عواد هانت
عليه نفسه يردها لعصمته وهي بها الشينه ودليل تركها أول زواجهم والحين أكيد عمه غصبه يستر عرضه

عواد بحده: شمسه الحين قايلتس تسطرين لي الماضي خلاص ليه توجعين نفستس وتوجعيني معتس والي يقول كلمه عنتس اقطع له لسانه ولا يحتسي بحرف عنتس وأنت ابعدي عن رأستس ذي التخاريف الكل عارف انتس شريفه ومحدن مثلتس واثق كل الثقه فيتس

شمسه صفقت بسخريه : برافووو بطل من يومك
الحين بتقص لسان الي حتسوو عني وأنت كنت السبب الي اعطيتهم الاثبات مشكور على ثقتك فيني

عواد عض شفته وقال بعجز : شمسه كلامك يذبح خافي الله فيني والله تعبان وكل مره أقول مابي ارجع إلا الأمور بتزين بينا بس أبد حالفة يمين ماتنازلين ولا ترضين ي شيخه خليتس أعقل مني
وبدل مانعيد ونزيد بشيء يتبعنا الأثنين ليه مانعطي فرصه لبعض

شمسه نزلت رأسي ...وأنا احاول ..اهدي نفسي
شوي بس ماقدرت .. قلبي ..يغلي غلي منه
وأبد ماهو رأضي يسامحه ..ولا ينسى ..الي صار منه
بس بعد فعايل أبوي توجعني ...أكثر وكاد نار
عواد اهون من أبوي ومرته هزيت رأسي وقلت
: مقدر مقدر به جرح ومستحيل يبرى

عواد استبشر من نبرة صوتها وقال بابتسامه واسعه : والله لا يبرى بس اعطينا فرصه نضمده لك
ي بنت

شمسه طالعته وهو مبتسم رفعت حاجب وقلت : وش ذي الثقه

عواد أشر على نفسه : أنا جرحتس وتسببت لتس

شمسه بقهر قاطعته : بعد معترف

عواد هز رأسه وقال :شمسه ليت أقدر اطلعتس من قلبي والله مكان عذبتس معي ورديتس بالقوه
لي ترى شيء يوجع يوم تشوف الصد والكرهه
بعيون زوجتك بس ذا القلب وش يفهمه وسكت شوي وقال تصدقين يوم حنا بالحد وشفت اثنين من اخواي يموتون قدامي دعيت الله وقتها و قلت يارب لو تبي تاخذ روحي يارب قبلها اسمع بس كلمة محللتك من شمسه

شمسه انتفض قلبي مدري ليه قلت بدون حس
: الله يطول بعمرك واخوياك الله يرحمهم شهداء باذن الله

عواد ابتسم وقال :يعني فيه أمل مدام تسذا خفتي
علي
شمسه قلت بتوتر : أمك خواتك مابيهم ينوجعون

عواد ابتسم وقال بهمس : طيب وشمسه

شمسه ابتسمت بتوتر وقلت وأنا ارفع يدي بتهديد : شمسه لو بيدها هي تزنط عواد

عواد ضحك وقال : على رأسي سوي الي تبين فيه بس اشوفتس يوم راضيه عني قبل اسافر ماغير اروح ضايق واجي وانا ضايق يرضيتس ي بنت العم
شمسه بتشفي :حلال وربي

عواد وهو يمثل الصدمه : افااااالا كذا صدق برجع وأنا مأخذ بخاطري

شمسه عقدت حواجبها وقالت: متى رايح

عواد :بعد اسبوع وبشوف بعد مانسقت باقي مع اخوياي

شمسه صغرت عيونها وقالت: الحين مسندر رأسي بسافر وبسافر قلت الرجال ماشي الحين اتاريك بعدك جالس أسبوع

عواد قاطعها بقهر: تبين الفكه

شمسه حست على عمرها وقفت و هي تقول:
تشاركني بالعشاء ولا ماحسب لك

عواد رفع حاجب وقال : وبعد بخيله تشاور
ماتت خزنه صرتي بدالها

شمسه ابتسمت على طاري خزنه الله يرحمها
هذي كانت عجيز مشهوره عندنا بالديره ببخلها
بس والله كانت وناسه ياما لعبنا قدام بيتها
وهي تطردنا وتقول لو تبوون تجلسون ادفعوو من القروش الي أهلكم مخبينها ...قلت وأنا مبتسمه من طاريها : كانت وناسه ي زينها ويازين أيامها الله يرحمها

عواد حس بسعاده وهو يشوف ابتسامتها
قال وهو يوقف: وش رأيتس أنا الي اطبخ وبسوي لتس كبسه بعد

شمسه بصدمه :وشهووو

عواد ضحك وهو يشوف الصدمه بوجهااا وقال : والله جلستي بالحد علمتني اسوي هذيك الكبسه
الي يحبها قلبتس

شمسه ابتعدت عشان يمرررر وقلت : تفضل
أجل ونشوف وش يطلع معك طالعته وهو يتقدمني
للحين ماهو مصدقه أنه يبي يطبخ دخلت معاه المطبخ وجلست على الكرسي ..بس طالعني ورفع حاجب وقال : قلت بطبخ لتس بس طبعاً مفروض يكون عندتس ذوق وتعرضين شوية مساعده مثلاً تحضرين لي وانا اطبخ ماهو تجلسين تسذا

قلت وانا اتكتف : لااااااا قلت تبي تطبخ تحمل
وأشرت على الدرج تحصل هنا قدر الضغط
وهناك البصل وهنا الزيت بس سكتت يوم صرخ
معترض : يالله وش سويت بعمري أنا وراح يطلع القدر وين ماأشرت له
وفعلاً الأخ اندمج يطبخ من قلب ..مسكت جوالي
وشفت ابتسام مرسله لي ( شمسه مانمتي بعدتس))((وش تطبخين الريحه واصله لعندي ))
طالعت عواد وابتسمت وكتبت لها (( ايه باقي مانمت وماهو أنا الي أطبخ ))
ردت بسرعه ((ي البخيله بعد اجحدي وقولي الريحه جايه من الجيران ))
كتمت ضحكتي ورسلت لها((لا لا من عندنا تعالي بسرعه ولا بيروح عليتس نص عمرتس يلاااا بسرعه باب الشقه مفتوح بس حاولي تفتحتي الباب بدون صوت طيب )) ردت بسرعه ( فيسس يفكر وكتبت وش فيه )) طنشتها
وحطيت الجوال وانا ماسكه ضحكتي الأخ بعد منطرب وجالس يشل بصوته ..بس والله بدون حس اندمجت ولفتني بحة صوته ..أول مره ادري ان صوت عواد حلووو ..بسرعه وقفت طالعته يوم قال : وين

اشرت له راجعه ..طالعت الباب فتحته قبل ابتسام تجي خفت يوم تفتح الباب تطلع صوت وتروح علينا الشماته اليوم ناوي انتقم منه المغرور ..وقفت احتريها وانا ماسكه ضحكتي ..
شفتها قربت مني و أشرت لها تلحقني المطبخ
وأنا اهمس لها الله يخلتس لا تموتين من الصدمة
مشت معي ودخلنا بس الخبله شهقت
وعواد طالعنا وتحسينه تفشل وقال : وش جايبتس

ابتسام بصدمه هزت رأسها : شمسه ذا عواد
بالمطبخ ولا يتهيأ لي تكفين لا تصدميني وتقولين عواد

شمسه وهي ترجع تجلس مكانها وقالت وهي ماسكه ضحكتها :مع الأسف عواد

ابتسام بسرعه قالت : ي فضيحتك والله كل ذاك الغرور وشوفة النفس وإلا الابتسامه بالسنه مره
الحين جالس تحوس بالملعقه بعد اخخخخ وطالعت شمسه ملعقه استيل يالظالمه ورجعت طالعت عواد ترا فيه شيء جديد الحين ملاعق سيليكون ماتخدش القدور

شمسه هنا ماقدرت أمسك نفسي ضحكت بصوت عالي ..والله ي ابتسام تمسخرت عليه وبردت قلبي

عواد بقهر رفع الفلفل وقال : قسم بالله
كلمة ثانيه ذا بعيونتس يقال الحين تعطيني معلومات وطالع شمسه بحقد هذا جزاتي وبصرخه انكتمي من هاالضحك
ابتسام بضحكه : افا وهذا وأنا أعطيك معلومه قيمة تنفعك بالمستقبل وتقدر تحافظ فيها على قدورك
وبسرعه تخبت وراء شمسه يوم حذفها بالملعقه
وقال بصرخه : ابتسام والله أذبحك وطالع شمسه بحقد

شمسه وانا ميته ضحك رفعت كتوفي وقلت : مالي دخل

ابتسام سحبت كرسي وجلست وهي تتأمر عليه:. تكفى زود شوي الرز بعزم بسام بس سكتت وهي تشوفه يأخذ ملعقه ثانيه ويرجع يرمها طارت جهتها نزلت رأسها وهي تصرخ يمهههههه

شمسه بخوف : عواد شوي وتحط فيها حرام عليك

عواد بقهر: أسكتي أنتِ والله هالمرة بوجهاا لتس
عشان ثاني مره ماتعزمين هالبثررر

ابتسام رفعت رأسها بحذر وقالت وهي قافله عين وفاتحه عين:أمان ياربي أمان

عواد صرخ بقهر: ابتسام براااااا

شمسه همست لها: اسكتي شكله بيعصب علينا الحين ويخلينا حنا نكمل

ابتسام هزت رأسها وهي ماسكه ضحكتها وقالت : اسفه عواد خلاص معاد بتكلم ...
شافته رجع يكمل طبخ وهو معصب
أشرت لشمسه تصوره وهمست لها :عشان
نذله بها والله نأخذ حقنا شوي منه

شمسه ابتسمت وهمست لها: طيب خليه بس شوي يرجع يندمج بالطبخ وقالت بخوف والله بنروح فيها لو يدري

عواد طالعهم وهم يتساسرون قال بقهر: بدل
جلستكم تسذا وحده فيكم تهز طولها وتقوم
تسوي شيء

شمسه وقفت وقربت منه وقلت وأنا ارفع الملعقه : بذوق وان شاءالله نفسك يطلع حلو بالأكل
طالعته حسيته معصب ابتسمت له وهي تقول
شكلك من النوع الي مايحب أحد ينتقد طبخاته

ابتسام بضحكه : مثل اريج يوم تزعل حد ينتقد طبخها وهو ماينأكل

عواد طالعها وقال بحده وهو يتحلف فيها : بعد صايره تشبهين فيني بصديقاتس

ابتسام عضت شفتها : توبه توبه من هاللسان
تكفى عواد لا تحرمني من أكل كبستك ومعاد بتكلم بعد وحطت يدها على فمها هاااا

شمسه همست له وأنا قريبه منه حسيته صدق زعل قلت : عادي أنا أكمل لو متضايق

عواد طالعها وقال :لا لا بس الغثيثه هذي وش جايبها بالله

شمسه ابتسمت : مثل البسه شمت الريحه

ابتسام بقهر: احس جسمي يحرقني من الحش ارفعووا اصواتكم شوي عشان اسمع وبعد ماتأخذون ذنب

عواد قفل القدر وسحب كرسي وجلس وهو يقول
:سبحان الله ماجمع إلا وفق نفس طينة بسام
غثيثين

ابتسام :تكفى عواد خلني اعزمه وكبستك وكاد تكون صلح بيني وبينه

شمسه طالعت عواد الي شكله بيقوم لها قالت وهي وتقهره زود فرصتها : ماعليتس اعزيمه وعواد ماراح يقصر بيسوي بعد طبخه ثانيه جنب الكبسه
وبيشرفك من رجلك بعد

ابتسام بضحكه : لا مانبي نتعبه بطبق ثاني يقطع سلطه تكفي عاد هنا شمسه وابتسام فكوها ضحك مع بعض بس سكتووو من صرخة عواد وهو يضرب الطاوله وقف وقال بعصبيه: والله ما تكملونها إلا أنتم وبعد تسوووون صنف ثاني وثالث ورابع وخلوني ماشوف سفره كامله والحين بدق وبعزم اخويايييي كلهم يجيووون يتعشوون

شمسه وابتسام صرخووا معترضين الثنتين مع بعض : لااااااا عواااااااد تكفى والله تعبانين وفينا نوم وبكره ورانا ضيوف وبسرعه قربوا منه وهم يمنعونه مايطلع من المطبخ بس رفض
ودفهم عن طريقه وطلع من المطبخ وهو يتحلف فيهم .......