رواية جيت مابيك تحقرني جيت أبيك تعز شاني الفصل الثامن والأربعون 48 - بقلم r010ee

انطفت الأنوار والدقاقه صاحت ي حريم تغطوو في تصويررر ..طالعت الشموخ ..يوم همست : بدت الزفه ياللا اخيراً راح تنتهي هالمهزله

هزيت رأسي وهمست لها : ايه وعيني على الدرج الي نازله منه العروس والعريس طالعت الشموخ يوم حطت يدها على الطاولة ..وهي تشد عليها.. والقهر واضح بصوتها يوم قالت : كذاب

حطيت يدي على يدها وقلت وأنا أهدي عليها
:ماعليتس وأنا أختس حريقه تحرقهم

الشموخ انصدمت صدمة عمري يوم شفت
زوله معاها ..الكذاب قايل مايبي ينزف ..ليه كذب علي طالعت اصايل وقلت ودموعي.. الي مكابره عليها نزلت همست وأنا اشد على يدها ابي استمد قوتي بس ماقدرت اسيطر على نفسي وقلت :الحريقه بقلبي

اصايل انصدمت ماتوقعت تقول تسذا قدامي
طول الوقت وهي تكابر ... صح واضح عليها
انها مجروحه بس أبد ماتوقعت تفضح نفسها
وتقول لي الي بنفسها بدون حس عيوني دمعت
معاها احساس موجع حيل ...تخيلت لو مصعب
الي داخل الحين ..وهو ماسك عروسته تسذا
والله جلطه على القلب على طول ....بس وقفت
معترضه يوم وقفت وقلت وأنا امسكها
: الشموخ بلاااا جنون

قالت وهي تمسح دمعتها والغصه واضحه بصوتها وهي تفسخ العبايه : حلفت مافي أحد يتسقبله على الكوشه غيري

قلت بسرعه وانا اشوفها تطلع المرايا من الشنطه وتعدل نفسها : طيب التصوير

الشموخ بقهر : ماعلي بالتصوير وبعدين بوقف بالكوشه التصوير محدود على الجسر ماراح يطوولني

اصايل حسيتها انجت ..فعلاً ..تذكرت كلام
مصعب ..يوم يقول تموت فيه ..بالعكس اشوفها
ميته بهذا ( الخاين) الي مافيه خير...

الشموخ
بسرعه مشيت مابين الطاولات وأنا احس بعيون كل الموجودين توجهت لي وخلو العروسه أكيد الفضول بيذبحهم ..بس طنشت ورفعت رأسي بشموخ وطلعت على الكوشه وطالعته وهو مقبل معاها.... سندت جسمي على بداية الجسررر ..وأنا انتظرررره ..وطبعاً
الابتسامه المزيفه مرسومه على محياييي أول ماقربوو حسيته انتبههه لي ..وتعلقت عيني بعينه
حسيته انصدم وأبد ماتوقع شكله اني بكون بستقباله ابتسمت له بألم (وأنا اتخيل لو أني مكانها واقفه جنبه حرمت نفسي من هاللحظه الي كل بنت تحلم فيها بس بسبب حقدي على شخص مايستاهل أكون له ضيعت نفسي وضيعته من يدي )
طالعت أمه الي جت مقبله علي وقربت مني وقالت بقهر : قسم بالله حركة وسخه منك ذبحتك مكانك وحطي شيء في بالك مستحيل تخربين عرس عبير وعناد ف احترمي عمرك وأنزلي وخليهم
يكملون زفتهم عل خيررر

الشموخ ابتسمت بسخريه وقلت بدلع :الله يهديك جالسه اشارك رجلي فرحته وأنتِ تبيني غصب اقلبها لهوشه

عناد
من وقت ما جت عينه بعينها ..يحس الوقت وقف ..أبد ماتوقع يشوفها قدامه كذا ..واقفه بهالقوة ..وبعد بتستقبله بنفسها ..
ابتسم بقهر... يوم شاف ابتسامتها الواسعه ...
طالع عبيرر يوم همست له وهي مقهورة : هذي وش موقفها قدامي كذا عناد خايفه تسوي لي شيء وتفشلني تكفى تصرف

طنش تحلطمها ... ورجع طالع ...الشموخ الي باقي على وقفتها ونظرة الغرور بعيونها بس توتر يوم تحركت مقبله يمهم ..وهي تمشيي بشموخ وقربت منهم شوي وقالت وهي ترفع نفسها شوي عشان توصل لطوله همست له : حلفت مافي حد يستقبلك غيري ..ولو عندي خبر بزفتك كان بنفسي شبكت يدك بيدها

عناد
نسيت عبيرر ونسيت الحضورر ونسيت كل شيء ..حسيت بيد أمي وهي تنبهني :عناد ياويلك
تلعب عليك هذي الخبيثه وهمست أكثر انتبه على حركاتك لا تفضحنا..قلت وأنا ودي امسك بيد الشموخ وأطلع من هالقاعة ..واخلي عبيرررروكل شيء وراي : ابشري

الشموخ ابتعدت شوي وابتسمت بسخريه وأنا اشوف امه وهي تساعدهم عشان يجلسون أول
ما جلسوو .. توقف شريط ...الزفه ورجعت الدقاقه تدق قربت منهم ونزلت نفسي وسلمت على عبيررر
وقلت وأنا راسمه ابتسامه مزيفه إلا بخاطري ودي أفجر بذي القاعه كلها من القهر الي احس فيه : مبروك وطالعت عناد وقلت :ماوصيك على عناد تراه عزيز وغالي علي

حسيتها انقهرت سحبتتت يدها مني بقهر وقالت بهمس : اقلبي وجهك

الشموخ رفعت نفسي وانا باقي على نفس الابتسامه
طالعت عناد الي شكله متوتر وبعد معصب
اختل توازني يوم الجوهرة دفتني بيدها تبعدني عنه ..بس حسيت بيد عناد تمنعني ماطيح
طالعته وأنا مفزوعه شفت الخوف بعيونه وبعد يطالع أمه بعتب وبنفس الوقت بعصبيه ..بس حسيت بسحبتها لي من بين يدينه وهي تقول : تقلعي قبل أفشلك زود وطالعت عناد بعصبيه ياللا أمسك يدي عروستك ابيكم ترقصون وخلوكم من هالمريضه لا تنشغلون فيها وتمسخرون العالم فيكم

ابتسمت بسخريه وطالعت عناد يوم قال بحده: رقص لاااااا وطالع عبيررر وهو معترض..حسيتها زعلت
بس انا قربت منه وطالعت عيونه وقلت وأنا أعدل شماغه الي شوي أخترب من مسكته لي يوم أمه دفتني : ي حلوو فك التكشيره هذي ليلة عمرك رفع حاجب وصد عني وقرب شوي من عبيررر
وساسرها بشيء ابتسمت بخجل ..حسيت بغصه ذبحتني ابتعدت شوي (آه وجرح قلبي ) سندت بيدي على الجدار الي وراي . وأنا احس بدوخه ..وبعد الدنيا بدت تسود علي ...
عناد
زفرت براحه يوم شفت عبير رضت وماهي زعلانه ..صديت بعيوني أدور الشموخ شفتها متسنده على الجدار حسيتها ماهي طبيعيه.. وبعد ماهي قادره توقف بدون حس فزيت وأنا امسكها
لا تطيح على الأرض وقلت بقلق وخوف : الشموخ بسم عليك وش تحسين فيه

الشموخ حسيت بمسكة عناد
طالعته بضعف وهمست له : مافي شيء بس
حسيت بدوار من الانوار شوي
طالعني بقلق وقال : متأكده
هزيت رأسي وأنا اشوف امه تمسك كتفه وهي معصبه :والله حرام وش ذنب عبير عشان تخليها وتقوم توقف مع هذي الحيه الي جايه تخرب
عليها يعني الحين بتصدق هالحركات تعمدت تسويها...
قلت بقهر من نفسي وشلون كذا مقدرت اقوي حالي دفيت يده بس رجع مسكني همست له بضعف : عناد وقفلت عيوني بقهر يوم قالت
أم العروس :جوجو بدأ الخبث من الحين

فيني ارد عليهم بس أنا بوضع مايسمح أبد
بذات مع هالدوار الي أحسه فيه بسرعه سحبت يدي من يده وتحركت ونزلت من الكوشه ..وأنا ادعي الله ..ماطيح واشمت الناس فيني ..أكثر جلست أستغفر ..لما وصلت الطاولة ..بس بسرعه سندت على اصايل الي وقفت بسرعه وساعدتني أجلس .. وقالت بصوت كله عتب : وجعتي نفستس وهم مايستاهلون خليتس منهم الحين وهي تناولها مويه وخليتس قويه مثل ماشفتس من تووووو
أخذت منها وشربت شوي ..وسندت ظهري على الكرسي وأنا بعد احس بدوار طالعت اصايل يوم قالت : بس والله فكرت بتس انتس تكذبين
ماهو صدق تعبانه وآه على فزة المعرس
ي شيخه الرجال بغى يموت حرام عليتس
وتصدقين الي جنبي كلهن وقفوا بحماس على هاللقطه صارت بينكم

رجعت نفسي شوي ونسدت حالي على الطاولة وأنا احس بضيق ... ذبحني قلت بغصه :ليت افتح عين وأقفل عين واكون بالبيت وقالت وهي تشوف عناد نازل : معاد فيني اتحمل والله

اصايل جيت بتكلم ..بس سكتتت يوم شفتها
تطالع زوجها الخاين وهو نازل ..وأمه جنبه الخبيثه
الي الحين ثبت انها هي السبب وهي الي لعبت بعقله عشان يتزوج عليها ..لاني احسه
بعد هو ماهو راضي يتزوج عليها من شكله كان معصب وماهو مبسوط وبعد خوفها وفزته عشانها حسيته يمشي وعيونه تدورهااااااا من بين الحضوررر..استغفرت ربي
وغضيت البصررر.....طالعت الشموخ الي نزلت
رأسها وهي تداري دمعتها ..كان ودي اهدي عليها بس احترمت سكوتها ..وماتكلمت ولا قلت شيء ..
لأني عارفه مافي ولا كلمة تواسيها موقفها صعب
..الكل قام للعشاء ..قالت بهمس : روحي حبيبتي
تعشي انا مالي نفس
هزيت راسي بلاااا وانا مقهور من الي يمرون من جنبنا .. وتحسينهم عينهم من الشموخ
وعيني عينك اصوتهم واصله لها ..افف مافي احترام
صدق (ماتت الإنسانيه )
========
===
=
أول ماوقف سيارته رفع جواله ودق أول ماسمع صوته قال وهو عينه من سيارته :مصعب ال**** طول هالفتره ماله أثر واليوم جاء للإستراحه
وقبل شوي كلم بالجوال بس ماسمعت شيء بس كان متوتر شكيت بوضعه ..وراقبته والحين وقف جنب القاعة الي فيها زواج عناد

قال بسخريه: حتى بعرس ولدها الخبيثه المهم هالفرصه ماراح تتعوض مدام بيرجعون يتقابلون
وأقدر ادينها بشيء غير السيدي الي أخذته

عادل وهو يتلفت بحذر : طيب وش اسوي الحين

مصعب بقهر : خليك وراه فاهم وشوف لو طلعت من القاعة وراحت معاه هذاك الوقت مثل ماخبرتك لو راحو للمكان الي دايم يتفقون فيه حلووو و الكاميرات اللي حطها منيف بتصور وتسجل كل شيء

قال بتوتر : طيب لو راحوو مكان ثاني وهالمكان يكون أول مره وحنا ماندله وشلون بنثبت عليهم شيء

مصعب بقهر قاطعه : هنا المشكله بس الله لا يقولها وأنت بس خلك وراهم وباذن الله مايغيرون المكان

عادل بضيق : مصعب الجوهرة خبيثه صدقني
ماهي سهله

مصعب بحده : عادل تكفى لا تبدأ خلاص قلت لك سوي هالشيء وأنت ساكت وباذن الله أنا الي بكسر رأسها ..وأخذ حق أمي وحقي كله المههم الحين لايروح عن عينك هال******

عادل قال بفزعه: ابشررر لاتوصي
========
===
==
بالقاعه

الشموخ أخذت جوالي من الامانات وطالعت اصايل الي بعد أخذت جوالها وبعدها سلمت عليها وقلت بصدق :سبحان الله ماتوقعت برتاح لك كذا وسكتت وهي تذكر وشلون عصبت يوم درت بزواج مصعب وتوقعت لو تشوفها تذبحها ..وشوفوا الحين مين وقف معاها بهاليوم الموجع غيرها ....

اصايل ضمتها وقالت بحزن عليها: فديتس والله
مثل حالتي ارتحت لتس واجد الله يسعدتس يارب
ويبعد عنتس من ينغص عليتس حياتس والخاين ذا اتركيه منتس واسفيهه هو والعنز الي أخذها

الشموخ أبتسمت بالم وقلت : تصلحين محاميه
تبردين الخاطر

اصايل: ولا يهمتس بجلد لتس الخاين ومثل ماوصيتس لا تنغصي على عمرتس وعيشي حياتس ولا كأنهم موجودين

ابتسمت بسخريه وقلت وأنا عيني من ام العروس وام عناد : لا ابشرك التنغيصات واجد جايه بالطريق

اصايل مسكت يدها وقلت : البسي العبايه
وخلينا نتظر الجوهرة برأ وبقهر ماعندنا غير سواقها
يوصلنا ... بس كشرت يوم قربت يمنا قلت لها : لو مطوله دقي على السواق يروح فيناا ويرجع لتس

بس عصبت يوم قالت وهي تطالعنا
بشماته ورجعت طالعت الي جنبها وقال بخبث : روحي شوفيها تحصلي سوسو فوق تشيك على اغراض العروس بعد ما طلعت مع عريسها وطالعتنا وقالت بسخريه : ابتلشت فيكم ي عيني وحده رجلها مسافر والثانيه رجلها عريس ومشغول بعروسته وحذفوكم علي ي عيشتن قشرآ يالجوهرة

اصايل قلت بقهرر: ماحذفونا عليتس رجاجيلنا إلا متطمنين علينا عارفين فيه الي يخدمنا ويوصلنا

حسيتها انقهرت وولعت وهي تقول : أخر عمري
حسبي الله عليكم وطالعت الشموخ وقالت :لا تحرجين عناد مع عروسته الليله ....فاهمه يكفي الي صار منك البنت ضايقه وزعلانه بسبتك
والحين ياللا قدر يراضيها

اصايل طالعت الشموخ إلا حتى ماطالعتها
سحبت عليها...سحبه تعجبني والله
طالعتني بعد ماابتعدت عنا الجوهرة ..
حسيتها بتقول شيء بس تردددت ...
وطالعت جوالها الي رن ورفعت حاجب وقالت
: وش عنده المعرس داق وفتحت الخط
: حيا الله معرسنا

قال بقلق : وشلونك اللحين

ابتسمت بسخريه وقلت : ي يالله على هالقلب الي تملكه بس سكتت يوم قال بحده : الشموخ

أخذت نفس وقلت بدون نفس : مافيني شيء الحمدلله مثل ماقلت لك الانوار لعبت بحسبتي شوي بس انصدمت يوم قال :اطلعي انا واقف انتظرك برا وقفل بوجهي

طالعت اصايل بصدمه وقلت : يقول واقف برا
وش يبي ذا

اصايل طالعتها وأنا مصدومه مثلها ماتوقعت أبد يدق عليها ويقولها انه ينتظرها ..توقعت الحين انشغل بعروسته ..وصى امه بالشموخ هذا اللي توقعته منه قربت منها وسلمت عليها وقلت : اطلعي حبيبتي والله يبرد قلبتس ي بعد عيني وتقهرين الي خبري خبرتس والخاين تبعك شكله قلبه معاتس وقلقان عليتس وهي تقلدها تتمايل بجسمها اخخخ ليتس زودتي بس شوي وسويتي عمرتس اغمى عليتس وكاد نشوف قلقه أكثر اخخخخ ونشوفه طاير بتس
وساحب على العصلااااا الي أخذها

الشموخ ضربتها على كتفها بقهر: حتى انتِ بعد ماهو مصدقتني ومفتكره أني أمثل حرام عليك والله للحين تعبانه بس ماسكه عمري بالقوه

اصايل هزت رأسها بضحكه: ايه ايه صدقتك ياللااا اطلعي بسرعه لا يوقف قلبه مسكين

الشموخ ابتسمت بسخريه وأنا اتذكر الجوال أكيد تذكره وبيأخذه مني قبل اروح فيه البيت : لا تتحمسين ي اصايل ترى بس عنده شيء بيقوله لي وراجعه لك الليلة ناشبين لك

اصل بضحكه : قصدتس ناشبين للجوهرة

الشموخ وهي تتنتهد : ي قلة الحيله

اصايل حطت يدها على خدها بحسره : آخ من رجاجيلنا بس عساهم الي ماني قايله ذلونا عند العجيز

الشموخ زفرت بضيق ..وطلعت بسرعه لبرا القاعة شفت السيارات زحمه قدام البوابه ..تلفت يمين ويسار شفت سيارة عناد قريبه من غرفة العروس
رن الجوال بيدي قفلت بوجهه ..وقربت منه
وهو على طول تقدم لي وهو يمشي بخطوات واسعه وشكله معصب ..حده مدري ..وش فيه بعد
والمشلح صافطه بيده ...على طول قلت وأنا اناوله الجوال : خذ أكيد داق علي عشانه بس طنش الجوال ومسك يدي وقال وهو يتلفت على السيارات الي رايحه جايه: امشي ساكته

قلت وأنا مصدومه وعيني من سيارته المظلله كتم وماينشاف شيء فيها : عناد من جدك عروستك معك وشلون بس قاطعني بحده وقال : وأنتِ
بعد زوجتي جيت بتكلم قال بحده وهو صاك على سنونه : لا تفضحينا خليني أوصلك البيت
وعلى طول فتح باب السيارة الي وراء وساعدني
أركب ..ورمى المشلح ..جنبي للحين وأنا مصدومه من تصرفه ..بس طالعت عبيرر الي طالعتني وصرخت معترضه : وش جايبك معانا وأول ماركب عناد قالت بقهر : عناد ماهو من جدك وش جابها ذي معناااااا يعني مايكفي الي صار منها جاي تبي تكمل أنت الناقص

عناد طالعها وقال :مثلك مثلها

عبير صاحت على طول : ليه كذا الحين ليه نكدت علي بأول لليله وجت بتنزل وهي تقول بروح مع ماما وخلي هذي تنفعك

الشموخ كنت اسمعها تصيح ومعترضه ..وعناد
مطنشها ..بس يوم جت بتنزل مسك يدها
وقال بصوت حاد : عبيررر خلاها تنكتم معاد سمعت لها صوت ..وهو حرك السياره ..بس كلها ثواني ورجعت فتحت فمها ..حسيت بفرحه بقلبي ..غمرته ...طالعت عناد بالمرايا يوم جت عيني بعينه ...صديت اطالع الشارع
أبد ماتوقعت يفكر فيني ..توقعت على الأقل يوصي أمه علي عشان توصلني ..تخيلت بعد لو يسحب
عليها ومايروح الفندق ..بس لا مستحيل ي كبر أمالك ي الشموخ .... حسيت بدموعي مغرقه
نقابي ..حاولت بقدر المستطاع اكتم صياحي
بس حسيت راسي صدع زود من شهقات عبيررر العاليه المتواصله ..ودي اصرخ عليها عشان تسكت
بس قلبي انحرق يوم عناد حط يده على يدها وقال بصوت حنون :حقك علي ي عبيرر نكدت عليك بهالليله بس ماعندها أحد يوديها البيت وبعدين اعتبريه أجر لنا بأول ليله نستفتح به

حسيته نزلني سابع قاع يوم قال ( أجر )
قربت نفسي شوي وأنا معصبه حدي وقلت
:ماشاءالله عليك دايم سباق لفعل الخير

عناد ابتسم ببرود وطالع عبير وقال : عبير
تكفين صايحك قطع قلبي والله

عبيرر بقهر وهي تصيح: عناد لا تحاول كان في أكثر من طريقة عشان هذي تروح على الأقل كان كلمت خالة جوجو ماراح تقصرر بتوديها بس أنت تبي تقهرني يكفي الي صار بالقاعة للحين ميته منه

عناد افف طفش من كثر ماتزيد وتعيد نفس الكلام قال :ماحب حريمي يطلعن مع السواق وقال وهو يلطف الجووو حتى أنتِ لو تزوجت عليك الثالثه
بخطفك من قدام باب القاعه بس سكتتتت يوم رجعت تصيح بصوت عالي ...وهي تقول :يعني ناوي تتزوج على الثالثه

الشموخ كنت مقهوره وهم يتكلمون عني .. بس يوم سمعت ...كلام عناد الأخير وصياحها ...وصدمتها بدون حس ضحكت بس كتمت ضحكتي يوم شفت نظرة عناد لي بالمرايه احسه ماسك ضحكته وفي نفس الوقت معصب ...
صد عني بعيونه وقال : بيبي اسف

لا لا لا حسيت بعمري بستفرع هنا...( بيبي )
وبعد قدامي ياللي ماتستحي ...سندت
رأسي على الدريشه وأنا مصدعه من صوت عبيررر
طول الطريق وهي.. معصبه وتهاوش ..بس طقت روحي والله فيني اعطيها
الي يحبه قلبها بس ...مابي عناد يفشلني قدامها عارفته خبيث ولسانه طويل ... أول ماوقف قدام العمارة تصدقون لازم اسوي حركه تبرد قلبي
في هالعبيررر ..طالعت عناد وهو يأشر لي انزل
هزيت رأسي برفض ..وقلت : ماهو متعوده افتحه لنفسي انت السبب دلعتني يالله تحمل وطالعته وأنا اترجاه بعيوني مايكسفني قدامها رفع حاجب ..قفلت عيوني وأنا انتظر قصف الجبهه الي بيجيني منه ..بس الحمدلله
نزل وفتح الباب نزلت وأنا اتسند عليه همس لي وقال:حركات الدلع هذي كلها مكشوفه تمام
رفعت يدي وقلت :تصبح على خيرررر ليلة سعيده
وسكتت وأنا اشوف عبير تضرب بالزجاجه عشان يرجع يركب ابتسمت بتشفي وقلت : الله يعينها البنت انهبلت على الأخر ويعينك بعد بتحلس تصيح على رأسك خربت هالليله على عمرك
ي معرسنا وشهوله

عناد ابتسم بخبث :ماعليك لا تشغلي بالك فينا وطالعها وقال زعلتها وهي ماتستاهل بس ماعليه مالها غير طيبة الخاطر

الشموخ استاهل ماهو قلت لكم لسانه طويل وقح اعطيته ظهري وأنا مقهوره بس انصدمت يوم شفته جاي وراي ..طالعته وقلت : لا لا اليوم أنت ناوي تجلط البنت

عناد أشر لها تمشي: قدامي بس خليني اوصلك واطمن عليك انك دخلتي وارجع لها

الشموخ ابتسمت ومشيت قدامه ... وأنا مبسوطه
بس هزيت رأسي بقهر وشلون صارت اي حركه بسيطة يسويها لك عناد تبسطك كذا لهالدرجه ميته فيه ومقهوره عليه ... على طول فتح الباب
ودخلت ودخل وراي احسه عنده شيء بيقوله بس متردد قلت بسخريه :بيبي تنتظرك ياللا ياللا

انقهرت يوم هز رأسه وقال : الجوال معاك
وانا جوالي مفتوح وقت ماتبين شيء دقي علي تمام
الشموخ تذكرت الجوال بسرعه فتحت الشنطه وطلعته وقلت بغصه :خذه مابيه وباذن الله
ماينقصني شيء

عناد قال بحده : تبين الزبده فعلاً مايصير يكون معاك بس ي قلة الحيله

حسيت بقهر من رده طالعت عيونه وقلت : وليه قلة الحيله الزبده لا تصلحلي ولا اصلحلك
والزله الي حصلت مني ماتغتفر أبد اختصرها على عمرك وكمل حياتك دوني ابركلك بس وش نقول مع عنادك اقصد انتقامك

عناد ميل فمه وقال بوقاحه : فعلاً زلتك نزلت قدرك عندي وانتقامي مابعد شفتيه شافها بترد رفع يده وقال وهو يقاطعها يلاااماهو وقت هالكلام ووراي عروس تنتظرني واعطاني ظهره وقال قفلي الباب زين ولاتفتحي لأحد وطلع قفلت الباب وطحت جنب الباب اصيح بقهر وغبنه
طلعت قهري كله ..ضربت الارض بيدي
وأنا مقهوره حدي... احس قلبي شاب ناررر
ي ناس الي احسه به من وجع شيء فوق الخيال
وشلون اشوفه يروح لها .. قدام عيوني . ..... استغفرت الله وقويت عمري شوي وقفت واتجهت لغرفتي طالعت شكلي بالمرايا كان شكلي فضيع
رميت كل شيء قدامي على التسريحة من عطور من مكياج وأنا اصرخ من القهر الي فيني ابتعدت وأنا اشوف الزجاج قدامي بكل مكان ومكياجي منثر بالأرض .....